الليالي الفاطمية
مقدمة عزاء او نزلة

كأني بالباب يعتذر من مولاتي الزهراء عليها السلام فيقول



انه باب الحزن وبكلبي جم حسرة
عليج المصطفى عذريني يالزهرة
##############################
ييمه اعتذر مو قصدي وعيونج
ياوردة علي المايكدر بدونج
انه كلبي احترك من ذبلوا لونج
لجن امري صفه بيدين هالزمرة
عليج المصطفى عذريني يالزهرة
###############################
آنه نادم ندم بس انتي تدرينه
اجذوعي حطب بيدج تحركينه
نارج جن برد شمس وتمر طينه
وماينشف ابد جرحي ولا يبرة
عليج المصطفى عذريني يالزهرة
###############################
لو لاج العلي ما خالق الجنة
مو قصدي وعلي ظلعج إلجمنه 
ياوسفة البعض سطروج عالوجنة
ودفعوني وظلع منج انه مكسرة
عليج المصطفى عذريني يالزهرة
###############################
ثلث مية وكسر يمه وانه واحد
ردت اشكف لجن يدفعني بالزايد
واثر من دفعتج دم الطفل شاهد
وبسماري انكسر من صارت العصرة
عليج المصطفى عذريني يالزهرة
###############################
الجان المصطفى يستأذن ويدخل
وملائكة السمه تتصاعد وتنزل
وسف صحبة نبي حركوه للمنزل
وعسى إبيته الحرك كلمن دره وسره
عليج المصطفى عذريني يالزهرة
###############################
امقصر واعتذر منج يمولاتي
ومثل دمع الشمع تتجاره دمعاتي
وشقدملج عذر قبلي اعتذاراتي
وحك دمعج عشت جن نار مستعرة
عليج المصطفى عذريني يالزهرة

حسين مجيد العميدي

~~~~
يا علي علي علي يا علي علي علي
~~~~
سلمان المصيبه ينقل عن حبيبه .. أذاه الجذع
كل حايط يلجمه العصروا مرته يمه .. وگادوه الفزع
القالع هذاك الباب الذي بطيف الزلم ما يندفع
شفته انكسر ما جنه علي شمسوي بي كسر الضلع
~~~~
الما بجت بس اعله ابوها من ضلعها شگد بجت
ثمنطعش جانت عمرها الزهره بس تمرمرت
منهد كسرت ضلعها لحد دفنها تلوعت
المده هاي العذبتها وبيها فاطم شيبت

من تحاجي الصميده عنه اضل بعيده .. وحيدر ينتظر
من اتگرب عليهه غطته بأديهه .. خدها المنسطر
يتگربلها وتبعد علي وتظمه خدها المنصفع
شفته انكسر ما جنه علي شمسوي بي كسر الضلع
~~~~
اليبجي بالمحراب سكته غسل الزهره بدمع
رد عله الحايط يسنده من ايده مرت عالضلع
اسندني يا سلمان گلي وصوته ما ظل ينسمع
يستند حيدر عليه ياهو اگله ويقتنع

البجفوفه العوالم هدت حيله فاطم .. ولتمن علي
من مر بضلعها ضل عايش وضعها .. وصار البيها بي
كض گلبه حيدر بثنين اديه وضل ينوجع من تنوجع
شفته انكسر ما جنه علي شمسوي بي كسر الضلع
~~~~
صاح ابو الحمله الضناها والسوالف شيبن
شبعوا من أمكم يگلهم ذيج الأيام انگظن
من الجفن شالت اديها وشبگت حسين وحسن
الجبد والنحره دامي ويه ضلعج يلتقن

ودموع السبيه مسحتها الزجيه .. وشافتهن جمر
بجف تمسح دمعها وجف لزمت ضلعها .. أذاها الكسر
يبنيتي زينب منا بدن كل المحن حظري الدمع
شفته انكسر ما جنه علي شمسوي بي كسر الضلع
~~~~
تحضر الوالي الدفنها وضاگت الدنيه علي
نعشي يابو الحمله غيرك كون محد يمشي بي
انتهت رحلة عمرها والحزن ما ينتهي
حيدر أول تالي صاير من يگوم يحط اديه

بالممشه ايتعثر ماجن هذا حيدر .. جدمه يخط ألم
الخطوه اليمشي ليها شايل روحه بيها .. كل حيله انهدم
شايل نعشها ودمعه يصب طول الدرب ون ما گطع
شفته انكسر ما جنه علي شمسوي بي كسر الضلع
°°°°°°°°°°°°°°°°°°°°°°°°°°°°°°°°°°°°

📜 القصيدة: حديث سلمان
🎤 أداء: مسلم الوائلي وحيدر الفريجي
🖋 كلمات: ابو معصومة الفريجي

الاداء ملا مسلم الوائلي
ملا حيدر الفريجي

كُسِرت اضلاعها فماتت

شفتهه اتلوع بين الحايط وباب
من عصروهه طاحت فوك التراب

بيهه اشخلت العصره
هدمت كلشي بالزهره
شفتهه اتلوع بين الحايط وباب
---------------------------------
انه ام المصيبه يالتسمعوني
انه اول جرح ضلع امي بعيوني
انه الامهه صاحت لاتضربوني

ابساعات الهجوم الصار كلشي صار وياهه
تخيل من تشوف امك باب اجذوع رضاهه
ياحيف اعله امي اشلون قنفذ سولف وياهه

وياسالوفه دارت بين الاثنين
اتگله انه الزچيه وطگهه عالعين

من چفه اجت صطره
هدمت كلشي بالزهره
شفتهه اتلوع بين الحايط وباب
---------------------------------
انه شفت المصاب اليعمي كل نضره
انه شفت الخلك متحاوطه الزهره
انه الكتلو اخوهه بدفعه وبعصره

جمع كله اعله ذيج الباب وشنهو اگبالهم حرمه
اشتصد اجذوع باب الدار تصد ياصوط يالطمه
اشتسند ولجفوف اهواي على امي الناس متحزمه

انشغلت امي ولموقف انضره
ثاري طاح محسنها وتدوره

نار اجروحهه الكبره
هدمت كلشي بالزهره
شفتهه اتلوع بين الحايط وباب
-------------------------------
دار الهيبه شو متروسه بالغربه
ولصار اعله امي ينحچي صعبه
تريد اتگوم توگع من اثر ضربه

من هجمت عليهه الناس بصوته ابليس من ناده
مباحه الدار حرگوهه ومحوو منبع الساده
ابوهم بالوصيه انگاد يصيح وصار يتماده

ابووهم بالوصيه صاح ملزوم
دار اهل الرساله انحرگه هاليوم

اختنگت امي بالعبره
هدمت كلشي بالزهره
شفتهه اتلوع بين الحايط وباب
------------------------------
مواقفه جثيره اتهزهز السبعه
وشنهو احساس روحه الهشمو ضلعه
وبچعب الرمح فوگ الكسر دفعه

هيجي اتعاملت هالناس هيچي رفسو النعمه
لوَوَن انسان عادي چان هم خلولهم رحمه
ياناس الوديعه هاي ام المصطفى وحلمه

ماحفضوا قرابتهه اووضعهه
مو سَهوَن گصد يكسر ضلعهه

العين امن الصطر حمره
هدمت كلشي بالزهره
شفتهه اتلوع بين الحايط وباب
-------------------------
نار وناس ولدار اصبحت فوضه
ولزهره كسيره اوعالضلع رضه
وتنادي يلاهي بالجره ترضه

تلم كل حيلهه وتوگع اعليهه الباب ماخله
وعلت فاطمه ياناس مثلهه ماشفت عله
توضه بالدمه البسمار اوصله بالضلع صله

اعليهه ماسكن فد يوم دمعي
الحد ماماتت اتنادي يضلعي

الحد ماماتت الحسره
هدمت كلشي بالزهره
شفتهه اتلوع بين الحايط وباب
------------------------
علي سليم الحسناوي

ابوذيات للسيده الزهراء ع|||●●●●
~~~~

عليه اهمومي بالدلال.......چاوين
اعاين والكبر بالروح.........چاوين
حنيت وظهري من الاه.....چاوين

وهيل اترابهه  اشلون بأديه


يريت العمر بعدج صار.........بيداي
وانه اكليبي الجرح ياناس...بيداي
عجيبه الكبر هلت اتراب......بيداي

دفنت الزهره وي روحي سويه
_

عجيبه الدهر چنه ايريد........بعداج
حنيت الظهر مثل السيف......بعداج
چثيره اهمومي لو سولف.....بعداج

علي ولا چن علي ذيج المسيه
_

ﻋﻠﻰ ﮔﺒﺮﺝ بچيت اﺷﻜﺜﺮ ...... ﻳﻤﺂﻩ
ﺁﻧﺘﺮﺱ ﺣﺴﺮﺁﺕ ﻛﻠﺒﻲ ﻭﺁﺁﻩ .... ﻳﻤﺂﻩ
ﻟﻮﻥ  ﺑﻴﻪ  ﺩﺭﻳﺘﻲ اشصاﺭ ...... ﻳﻤﺂﻩ

ﺣﺰﻥ ﻳﻌﻘﻮﺏ ﻋﻜﺒﺞ ﺻﺂﺭ ﺑﻴﻪ

تمت بعون الله تعالى
خادمكم●●●●●يوسف الالفتلاوي

الرادود ابو هاشم الربيعي

قصيدة بحق الزهراء عليها السلام


من بعد الغوالي بس الهم صفالي
ياباب الحزن ادميــــت العيــــون
خذت احباب كَلبي وما يردون
------------------------------------------------
يم كَلب الحنــــــين هواي حنيت
يا زهرة وعــــطرها تارس البيت
تكَظي ايام عمري وياچ ظنيت
اتنفس حزن وهمــــــــــــوم ظليت
انه ام المصايب فاركَت الحبايب
ما ابطل ونيني ودمع الجفــــون
خذت احباب كَلبي وما يردون
------------------------------------------------
متعودة اعلى طولچ ساكن العين
ظل خالي المچان البي تكَعديــــن
كل رمشت جفن نزلن دمعتــــــــــين
وحشة البيت ردي يــــــم الحــسين
البيت اظلم علينة ماهية الحنينة
دلالي بغــــــيابچ دوم محــــــــزون
خذت احباب كَلبي وما يردون
------------------------------------------------
وسط البال رسمچ عايش احلام
بعد اشلون اشوفچ عيني متنام
صوبني بدليلي هجــــــــرچ اسهام
يالبلبـــــــــيت رحمه خلافــــچ ايتام
ايتيم الماهي امة الدنيا عليه ظلمة
شيــــعوض حنانچ واصبر شلون
خذت احباب كَلبي وما يردون
------------------------------------------------
اذا صار العــــصر ويصــــير الغروب
يكسر بالخــــــــــواطر يكــــسر كَلوب
وي صواب ظلعچ كَلبي مصيوب
وياكَلـبي ندى من حركَتة ايذوب
عني بساع شلتي مخنوكَة بعبرتي
الدمعة اعلى خدي وشاحبة اللون
خذت احباب كَلبــــــــي وما يردون
------------------------------------------------
ملاني الصــبر من فركَه الاحباب
كل لحـظة ومصابچ يرسم الباب
اعاتب بالدهر شيــــــــــفيد العتاب
وطولچ يالحنينة حــــــدر التراب
ما انساه رسمچ بالبسمار دمچ
بكَليبي الحزن والنوح مسجون
خذت احباب كَلبي وما يردون
------------------------------------------------
وي فتــــــحت الباب اتفز الجروح
اسمع صوت آخ يصــيح مبحوح
صواب امي العزيزة يمرد الروح
حدر الباب اخيي ايلوج مذبوح
حزنچ ما نسيتة وسط الروح بيتة
يالبعدچ حياتي عــبرة وشجون
خذت احباب كَلبي وما يردون


أسالكم الدعاء رائد الاسدي

بين الزهراء والمهدي صلوات الله عليهما


منتظره تاخذ ثاري لسه بجرح بسماري

يالمهدي يبني يالمهدي يبني
****
ضلعي الايام لا ماجبرته

ينزف ومستعره ظلت جمرته

يوم يوم ايمر واعيش بمحنته

لسه مامگطوعه ايد الكسرته

لمن اجوني الداري لسه بجرح بسماري

يالمهدي يبني يالمهدي يبني

*
كل علامه اتبشر اظهورك تهل

عيني تتلگاهه بدموع التهل

عود صبري بنتظارك منشتل

يومك التعجيله ادعي وابتهل

ليلي ابتهل وانهاري لسه بجرح بسماري

يالمهدي يبني يالمهدي يبني

*
من ترف للثار يبني رايتك

بلسم اجروحي دواهن طلعتك

صوتي من گبري تسمعه ابجيتك

صارلي يبني شكثر منتظرتك

واحجيلك اني اخباري لسه بجرح بسماري

يالمهدي يبني يالمهدي يبني

*
من تجي الگبري اشتكيلك عالجره

هذا اگلك ضلعي هوه الكسّره

ذاك بيده الباب يبني وجّره

هذا ابو چلمة (وإن) حقده اظهره

وانته بحقدهم داري بجرح بسماري

يالمهدي يبني يالمهدي يبني

*
يبني معروف العله بيتي هجم

هوه ذاك المابدين الله التزم

اول الظلام للعتره ظلم

بمره دفعوا بابي والضلعي هشم

خالف كتاب الباري لسه بجرح بسماري

يالمهدي يبني يالمهدي يبني

****
انتظر يبني القصاص امنالعده

حگّي المغصوب يرجع رايده

ذاك وكت البيه جرحي اتضمده

گبري المخفي بديك اتشيّده

وتتعنه الي زوّاري لسه بجرح بسماري

يالمهدي يبني يالمهدي يبني
****
سيد محمد الميالي