📜قصيدة : بلوعتها وحزنها
✒للشاعر : جابر الكاظمي
🔖 المناسبة : شهادة الامام الرضا ع

بلوعتها و حزنها حضرت يم ابنها
حزينه فاطمه اليوم
غدت يم الرضا اتحوم
حضرت يم ابنها
🍁🍁🍁🍁🍁
مثلما حضرت و شافت
ابنها الحسن حين انسم
و مثلما شاهدت بالطف
وريد احسين ينزف دم
تعنت  للرضه الزهره
و حضرت بالنحب و الهم
تشوفه اينازع بروحه
و تكطع جبده و اتخذم
و بجمرة كسرها طلعت من كبرها
بدمع يتسافح ادموم
غدت يم الرضه اتحوم
🍁🍁🍁🍁🍁
تكله يبني هاي آنه
الوديعه فاطمه أمك
إجيتك من أرض طيبه
لرض طوس احضرت يمك
إجبت و شفتك اكبالي
تلوج بنايبة سمك
يبني و من شفت هالحال
تذكرت الحسن عمك
وتفطر جبدها من ذكرت ولدها
بقلب يتناثر  اهموم
غدت يم الرضه اتحوم
🍁🍁🍁🍁🍁
جفنها  اعله الرضه اتناثر
جمر جن مو جفن بركان
تكله يا غريب الدار
بدار الغرب موتك حان
مو أول غريب إنته
كبلك جدك العطشان
و لَوَه بكربله و أصبح
غريب الأهل و الأوطان
لوعات و مصايب آهات و نوايب
ذبـيح و هذا مسموم
غدت يم الرضا تحوم
🍁🍁🍁🍁🍁
تـنوح اعله الرضه و تبجي
تحن بنت النبي المختار
غدت مثل الحمامه اتحوم
اعله جثة عاشر الأطهار
انعادت كل مصايبها
و ذكرت دفع باب الدار
مثل سم الرضه و ناره
غدت تدوي بقلبها النار
كل جمرة بعلامه شتفيد الملامه
عكب ما تركت اللوم
غدت يم الرضه اتحوم
🍁🍁🍁🍁🍁
تقله يالرضه بفقدك
جمر بحشاي وجرته
يبني و كلكم اولادي
و كل اللي قضه احضرته
لبوك الكاظم اتعنيت
و بذاك السجن زرته
و يوم اللي لفاه الموت
أحس بمهجتي ادفنته
بهالحاله الحزينه جيت من المدينه
بحزن عالمهجه مرسوم
غدت يم الرضه اتحوم
🍁🍁🍁🍁🍁
ضحايه و كلكم اولادي
فرق ما عندي يا الأولاد
أحن اعله الحسن مره
و أحن مره اعله ابو السجاد
و عالصادق و عالباقر
و أنوح الزينة العباد
و مره أبجي على الخلوه
مرهون بسجن بغداد
يا آخر بنيني هاك اسمع ونيني
المدامع جنهن انجوم
غدت يم الرضه اتحوم
🍁🍁🍁🍁🍁
◇◈◇⇩..تابعونا..⇩◇◈◇

لحن نزله 👈 للإمام الضامن

#الشاعر_الميرزا_محمد_الساعدي

لحن ثگيل 👈للإمام الضامن

#الشاعر_الميرزا_محمد_الساعدي

استشهاد الرضا ع

هذا موتك يالرضا يمك حظر
بس اشوف الكربله درت النظر
من تذكرت الضلع انحصر بعيونك دمع
****
شنهو مر بخاطرك / ونته موت امجاورك
بينك وبين المنيه دمعه وحده
هذا چبدك بالطشت / ونته للطف تلتفت
انسيت جرحك والحزن فوگك تبده
تريد تنحب يالرضا / عله ضلوع مكسره
وعله الثلموها ابسهم مرتين چبده

بجرحك اوتقره الزياره امن البعد
ياسلام الله اعله نحره والچبد
تقره بس ما تنسمع انحصر بعيونك دمع
****
يا غريب بلا وطن / رموش عينك حدبن
دمعة الغربه ثجيله وبيها حرگه
شاغلك چنه الضعن / الزينبيات انسبن
هايه ينرادلها يالمسموم شهگه
حرمه ما بين الغرب / وسفه عمتك تنضرب
متون زينب من ضربهم لسه زرگه

بچبدتك ما فكرت لا غربتك
بس شغل بالك سبيها عمتك
امصابها ما ينجرع انحصر بعيونك دمع
****
هذا مو موتك اضِن / العرّگ اجبينك حزن
كل مصايب كربله بگلبك جرحهن
دمعك الينزل حمر / يرسم بعينك نحر
گطره گطره اتطيح عالخد وتلمهن
شما كثر بيك الالم / اگبالك اتصير الخيم
تشوف چم طفله وطفل يسحگ جمرهن

تبچي وگبالك شفت منهو العثر
تركض وتوگع رقيه اعله الحجر
ظل جدمها بي طبع انحصر بعيونك دمع
****
يالعميت امن البچي / إبلهاتك غص حچي
يبن موسى اتريد تذكر يافجيعه
صبت اجبينك نهر / چنك اذكرت الگمر
ويلي عالعباس وچفوفه گطيعه
عينه صكاها السهم / وطاح من عنده العلم
وتالي وي جوده تبده اعله الشريعه

سكنه يم خيمتها ضلت تنتضر
ما اجه العباس بس جاها الشمر
وسفه سكنه تندفع انحصر بعيونك دمع
****
بعد تنضر ياجرح / راس جدك عالرمح
وللرمل مكشوف ظل حسين نحره
رحمة الحافر شمر / والجرح ما يستقر
العشره فزعن ونمرد عالغبره صدره
كل مكان بكربله / بيها طاحت وصله اله
وبالعبايه اتعنت اتلمهن الزهره

يالرضا جدك تسلب ونسحگ
والترف صدره على ضهره انطبگ
ونگطع منه صبع انحصر بيعونك دمع
****

الشاعر اياد الديراوي

الاداءملا مسلم المطيري

لمولاي الرضا ع


في مشهد اليوم عبدك باله
=============================
يطوس الليله بفخر نبچيله يعدل الميله إمامي الثامن
يطالب حاجه نفس محتاجه وحگ أفواجه اليطبله آمن
بحر بعيونه ولي يدرونه نبي ايسمونه حبيبي الضامن
ملاك احچايه ثباته آيه بيمينه الرايه بدليله امئآمن

من جودك الدين واضح حاله
=============================
نِده بعافيتي بُعد شخصيتي جعلته ابّيتي بنه سلطانه
اليگصده زاير صبح مو حاير غريب امناطر يجي لمچانه
رساله وحده أخذ منعنده محمد جده لطم ويانه
علينه حاضر يربنه الناظر بعزائه امئازر أله يلگانه

أسمك للاحساس يظل يبراله
=============================
رضا بتسليمه وقضائه ايديمه حضرته غيمه على عشاگه
تگلب ايامه تشيل الثامه تفيض اقلامه شمس مشراگه
ألف ماداير والف ماصاير يكتبه بحافر وحي يتلاگه
حفيد البضعه اله چم دمعه تحن الوسعه حنين الناگه

هاي القصائد أله تحلاله
=============================
يسر تكويني فديت اسنيني ألك ياديني وصلاتي وصومي
يَذكرك راحه النفس مرتاحه عطر فواحه يظل بهدومي
علي بأوصافه رضا بألطافه ملاك الشافه يطيب ارسومي
شمايل حيدر وحگ المنحر مُلكهم كسّر عليهم يومي

جبار الگلوب فخر سواله
=============================
العشگ تكبيره يسيد الغيره خدمتك ديره وعلي يحميهه
ملكّم دائم وحگ القائم ولا يهم لائم نظل نحچيهه
عشگتك غايه منار ورايه المقامك بايه النفس شاريهه
عزائك حضره فراقك جمره الك والزهره أظل قاريهه

للآخره الحيد مدد نقراله
=============================

الشاعر الميرزا محمد الساعدي

في مشهد اليوم عبدك باله

#الشاعر_الميرزا_محمد_الساعدي

هجوم الباب #شوط كربلائي


يوم الهجموا إعله الباب
والملعون إجه ابغاره
بس ما وصل يم الباب
گام الرجس شب ناره
@@

شب ناره وأهو يدري
ام الحسن خلف الباب
باب التهبط الأملاك
منه اتقبل الأعتاب
يرفس گام ذاك الباب
لمن عرف ليث الغاب

عنده اوصية المختار
ولازم يصبر شما الصار
متأكد من الكرار

بگراب الوصيه اليوم
تم مچتوف فقاره
@@

بين الباب والحايط
صارت فاطمه البضعه
وگام الرجس~ عمد الباب
صوب الحايط إيدفعه
عجيبه اشصبر الكرار
تصرخ صوتها يسمعه

الحگني يبو الحسنين
يا فارس بدر وأحنين
ي اللي إضربت بالسيفين

ياحيدر تراني الباب
إبصدري نبت بسماره
@@

حن من حنت الزهره
وأملاك السما ناحت
وإهتز العرش لمن
طاح المحسن وطاحت
لكن من هوت للگاع
وينك يا علي صاحت

صبرك عجب الأملاك
ي المحد گدر يدناك
سيفك وين عن يمناك

ما طلگ إگرابه شلون
ما سل غضب جباره
@@

معذور اليگول شلون
حيدر والعداوه اتفوت
كسر الضلع يمك چان
وإنت اسمعت منه الصوت
المحسن طاح والزهره
بين الحيه وبين الموت

والله العاتبك عذره
يمك صوب الزهره
وإنت ابعينك إتنظره

ماتنهض يحامي الجار
إحسب فاطمه جاره
@@

إحسب فاطمه جاره
ي الما ينهضم جارك
ي الذلت ارگاب الشوس
من كرات فقارك
إنت الچان حدك موت
كيف الخصم طب دارك

وإنت بسيفك الفقار
يا سر آية الجبار
وإنت الما چنت تحتار

بين الصبر والزهره
شلون الصبر تختاره
@@

تختار الصبر مولاي
وكلمن عاتبك معذور
بس كله وصبرت شلون
من شفت الضلع مكسور
ريتك چنت حاضر كون
يوم العاشر إبعاشور

شگد إضلوع مكسوره
وچم عين إلك مسطوره
والنيران مسعوره

وشچم متن من السوط
دم إصوابه يتجاره
@@

إلك چم فاطمه إتنادي
إحضر يا علي وينك
شنهو العطلك للطف
وشگد بينها وبينك
إنت الغسلت سلمان
إحضر غسل حسينك

طر گبرك وشگ الگاع
وإفزع للحرم فزاع
لا زينب تروح إضياع

يا حيدر تراه إيزيد
يطلب من بدر ثاره

🏴🏴🏴🏴🏴🏴🏴🏴🏴🏴🏴
#عزیز_الفيصلي

قناة الشاعر الأستاذ أبو باقر #عزیز_الفيصلي

نعي للزهراء (ع)بعده هجوم الا عداء على بيتها 



هجمو يبويه علي للدار
كسرو ضلعي وشبو النار
من بعد موتك اه يمختار

كسرو ضلعي ونار بيه
واندب علي حامي الحميه
جنيني سكط وشلون بيه

جنيني سكط وبعتبت الباب
وانه بالام وصدري أنعاب
خلافك يبويه زاد المصاب


خلافك اروح البيت الااحزان
انوحن عليك ودمعي غدران
غدرني زماني وصار خوان

ابجي الك وابجي لجنيني
ضاعت يبويه اني اسنيني
محسن تره ياماي  عيني


ماي عيني محسن يروح
بسمار بيه وصارت اجروح
مااهيد والله وزايد النوح


بويه اكعد واسمع أعتابي
وصلو تره وحركوها بابي
ضلعي نكسر وانه بشبابي


ضلعي نكسر والعين حمره
بسمار طكني وجنه جمره
بابي نحرك وانه بحيره

:
:
:
:
:
:
:
:
:
:
:
تـــــمـت والحمـــــدللـــه
✍الشــــاعره ام حـــوراء الاسدی

واسالکم الدعاء🌷🌷🌷