ناحت الدنيه برحيله والله صارت نايحه
يله خل نلبس سواد ويله ننصب فاتحه
يله نصبوه العزاء.        مات سيد الانبياء
،،،،،،،،،،.   ،،،،،،،،،،،،،.   ،،،،،،،،،،،،،،،.  ،،،،،،،،،،،،،
المات سيد الكون كله وياعضم هذا المصاب
الدنيه لبست لون اسود عل نزل لجله الكتاب
والد الزهره الحنينه الدنيه حقها ولا تغاب
ناح حته الطير لجله والحجر ون بعتاب
يله نصبوه العزاء.     مات سيد الانبياء
،،،،،،،،،،،،،،.    ،،،،،،،،،،،،.    ،،،،،،،،،،،،،،.   ،،،،،،،،،،،،
كلشي لجله انكلب شكله وصار معتم بالسواد
راحم الامه بحنانه وماكو منه ولايعاد
جان جفه جن مضيف ايشبع الطالبله زاد
مشبع الناس بحنانه الماكو منه بكل فواد
يله نصبوه العزاء.     مات سيد الانبياء
،،،،،،،،،،،،.     ،،،،،،،،،،،،،.    ،،،،،،،،،،،،،،.   ،،،،،،،،،،،،،
يله لطموها الصدور وفيضو العين بدمع
وخلي جفك فوك صدرك بلطم هم منطبع
نكلب لون الكمر اسود عل نبي ضل منفجع
بموتت الهادي الحبيب انطفه بلكون الشمع
يله نصبوه العزاء.   مات سيد الانبياء
،،،،،،،،،،،،،،.    ،،،،،،،،،،،،،،،.     ،،،،،،،،،،،،،،،

حزنت السبعه على شخصه ونصبت المأتم بكاء
بغيبت الهادي الحبيب اليوم قد حان العزاء
يافجيعه ويامصيبه كتابه طلعت بلسماء
النبي المختار مات ومطرت المدمع دماء
يله نصبوه العزاء.    مات سيد الانبياء
،،،،،،،،،،،،،،،،.   ،،،،،،،،،،،،،،،،،،.    ،،،،،،،،،،،،،،،،،،
الله حبه وراده يمه وصار من الله قريب
اليدعي الله بأسم طاها لجل طاها الله يجيب
حكه كل الكون يبجي والحزن والله عجيب
الكون كله بلامحمد تايه ويصبح غريب
يله نصبوه العزاء.    مات سيد الانبياء



لخادم محمد واله محمد
الشاعر محمد رسول الماجدي

ناحت الدنيه برحيله والله صارت نايحه
يله خل نلبس سواد ويله ننصب فاتحه
يله نصبوه العزاء مات سيد الانبياء


✒ محمد رسول الماجدي
🎤 قيصر ابو منتظر الإمارة

باچـر بـيوم القيامـه كلشي يشهد
شـلـون أذوك الـعـصـابــه يامحمد

        )()()()()()()()()()(

بـاچـر بـيـوم قـيامـه مـحـكـمه
وتنكشف كـل الوجـوه الضالمه
والحقيقه تنعلن بأرض والسمه
وتـسمع الناس لشهادة فـاطمه

ماكو مهرب والدسايس كلها تنعد
شـلـون أذوك الـعـصـابــه يامحمد

        )()()()()()()()()()(

يـعـتـرف باچـر عـليهم كـل زقـاق
بي حچوا بي خططوا أهل النفاق
عادي عدهـم حتى لو دمك يـراق
الـمـهـم كــرس الـحـكـم بالأتـفـاق

ينكشف بالحشر كلمن گلبه أسـود
شـلـون أذوك الـعـصـابــه يامحمد

)()()()()()()()()()(

ياحبيب الباري ياسيد الرسل
بالحشر بس حكم ربك ينقبل
كلمـن مأذيـك بالسانـه وفـعل
يوگف أگبال الخلايـق ينسأل

باچر يشـوف العذاب وبيه يشتد
شـلـون أذوك الـعـصـابــه يامحمد

)()()()()()()()()()(

تـعترف باچـر چـفـوف الـرافگوك
إلـي أذوك اشـكـثـر والــعـذبـــوك
الغايـه شنهو تنعرف مـن سمموك
ومارضوا تكتب وصيه وخالفوك

الغايـه ويـاهـا الأدلـه باچـر أشگد
شـلـون أذوك الـعـصـابــه يامحمد

)()()()()()()()()()(

الجرح أحـساس فــاطمـة الـبتـول
والسلب حـقها وترس حلگه يگول
أنتي مالچ ورثه من ورث الرسول
أكبال ربـك وگـفـتـه باچـر تـطـول

وبالحكم گلب الزچيـه بلكي يبرد
شـلـون أذوك الـعـصـابــه يامحمد

)()()()()()()()()()(

والأجــه الــدار الـزچـيـه والـغـلط
والعصرهـا أبابـها ومـحسـن سقط
باچـر چفوفـه إلي تشهد بالـوسط
بدمها بنتك عالحروف تحط نقط

يشهد الباب وضلعها ودمعـة الخد
شـلـون أذوك الـعـصـابــه يامحمد

        )()()()()()()()()()(

للشاعر الحسيني علي القريشي

نزله ... في رثاء الامام الرضا عليه السلام


يويلي عالرضا گلبي انكسر
غريب وچبده بالسم انفطر



عالرضا المسموم ابچي خلهم يلوموني
والله ماوافي امـامـي لو تروح عيـوني
ابقه احچي بثاره ابقه فنهـم يسكتوني
والله ما اتـبـرّه منّـه خلهـم يسمـعــوني
حياته خلصت بضيم وقهر
غريب وچبده بالسم انفطر



ثامن اهـل البيـت هـذا كلهم يعرفونه
للنبـي الهـادي مُحـمّـد ابنـه وينسبونه
تالي عن اهله بحقدهم عمداً يبعدونه
بـديـرة الغـربه يويلي سمهـم يسمّونه
امـام ومارحـم حاله الدهر
غريب وچبده بالسم انفطر




لا تلـومـوني بنحيبـي ودمعتـي الاجـريـها
هذا ابن موسى بن جعفر چبدته مگطعيها
عيني لو ما هل دمعها بيـدي عينـي عميها
دمعـة الزهـره الزچيـــة دمعتـي تواسيــها
صبور عله المصايب والقدر
غريب وچبده بالسم انفطـر



من بُعد ابعث سلامي للإمـام الثامن
لليحبّـه ولليـزوره بالقيـامه الضـامن
حُبه ياناس بدليلي وبالمشاعر ساكن
بالرضا كلمـن تمسّك بالمـواقـف آمِـن
اليضدّه والنّكر فضله خسر
غريب وچبده بالسم انفطر



واللـه هنيـاله التعنّـه للـغـريــب وزاره
من يموت يحضره هوه يبشّره ببشاره
بيـده للجنّة يرفعـه والله يصبـح جاره
ادعي من الله يسجل اسمي من زوّاره
بچيت ودمعتي شبه المطر
غريب وچبده بالسم انفطـر



عالرضا المسموم ابچي مانسيت مصابه
اوصـل اتمنّــه وزوره ونـحنـي يـم بـابـه
اشكر الله الوفّـقـانـي وسجـد عله عتابه
والله عـطـر الجنـة اشتـم منّ شـم تـرابه
أمامي ويجلي عني كل خطر
غريب وچبده بالسـم انـفـطـر

خادم الامام الرضا عليه السلام
سيد زيد الفحام
_____

الاداء ملا مهدي الزينبي

نعي للأمام علي بن موسى الرضا عليه السلام

اويلي عله الرضا المسموم چبده
مات بديرة الاحـــــــــــزان وحده
غريب ولااهـل وخـــــــــوان عنده
سَمّه الظــــالـم وماهـــــــاب جـده
المـأمـــون اللعيـن بنـــار حقده


بس ابنه الجـــواد ينـــوح يمه
شافه امن السموم انباد جسمه
طاح عله الرضا يودعه ويشمّه
ما خلّاه يعيش وياه خصمه


احنه عله العهد شيعه وموالين
ننبچي عله الرضا وماتنشف العين
مآتم ننصب ونكتب دواوين
عله المسموم مات وما لگه امعين
ما ننسه الرضا شما مرّت سنين

مأتم للرضا المسموم ينصاب
چبده تفطر وبسموم ينصاب
كون دموم مو من ماي. ينصاب
الدمع؛ لجل الرضا ليوم المنيه

سيد زيد الفحام

قصيده بحق الامام الرضا ع
-------------------------

بگلب مالوم ننادي بگلب مالوم
هذا صوت الـرافـضـه
الليله مسموم الرضا
بگلب مالوم ننادي بگلب مالوم

يبو محمد هاك اسمع نادتك كل شيعتك
لجلك الارواح فدوه الذوبتها محبتك
صرخه مابين الضماير عشت بيها بغربتك
چنت بين اشرار تدري تدري سمو چبدتك
على المسموم يويلي على المسموم
والرحل شيعــوضـه
الليله مسموم الرضا
بگلب مالوم ننادي بگلب مالوم

عالبعد وتصيح كلها الشيعه بدموع وألم
قسم ماننساك احنه وعد من عدنه قسم
نعم للموت احنه نبقه وياك ونردد نعم
حتى مانبقه نحير وبعدك انحس بعدم
بدمع وهموم نصيح بدمع وهموم
ينادي كل سهم المضه
الليله مسموم الــرضا
بگلب مالوم ننادي بگلب مالوم

وبصبرنه انداوي جرحك يبو محمد والصبر
ينفع بـيوم الشدايد لو تداركـنـه الامر
ياهو مثلك وبجهاده ضحه للدين العمر
شلون والمثلك يولي تالي بالسم ينغدر
كلنه هاليوم نعــزي كلنه هاليوم
اليخدم هنانه حـضـه
الليله مسموم الرضا
بگلب مالوم ننادي بگلب مالوم

نذكر بدمعـت مصابك وبگلبنه چـم جــرح
لأن عشت ابين ناس وياها مافــاد النصح
ماتدور جـنـه چانت چانت اتدور ربح
مايطول ليل ناسك يطلع اعليهـم صبح
وانته للدوم تنور انته للدوم
تالي بالغــربه گضــه
الليله مسموم الرضا
بگلب مالوم ننادي بگلب مالوم

يل وداعك نار تسعــر بالضماير لاهبه
وهاي الگلوب التنادي بكل محبتك ذايبه
احنه خدام ابو محمد انريد احنه انطالبه
من نخدمه نرجه منه انول حسن العاقبه
ينزل ادموم دمعنه ينزل ادموم
سلم الامـــر القـضـه
الليله مسموم الرضا
بگلب مالوم ننادي بگلب مالوم

اهدي ثواب هذه القصيده لتعجيل فرج مولاي صاحب الزمان عج

الشاعر السيد رياض الرسل الجابري.

بگلب مالوم ننادي، بگلب مالوم

كلمات الشاعر/سيد رياض الرسل الجابري

بصوت. ( مسلم المطيري)

#قصائد_شهادة_الامام_الرضا_عليه_السلام_الرواية_الاولى

هاي الزِّچِيَّه الطَّاهِرَه عافَتْ لِحِدْهَا
نِصْبَتْ عَزِيَّه للـرِضَا اوزارَتْ وَلَدهَا

وِبْكَسْرَتْ ضِلِعْهَا ... تِدْعِي إِعْلَهَ الْفَجَعْهَا
اوزارَتْ وَلَدهَا
ــــــ
چَنْ الزِّچِيَّه فــــاطِمَهَ حُضْرَتْ خُرَاسَانْ
شَافَتْ وَلَدْهَا الْمُرْتَضَى بِسْمُومَه حَيْرَانْ
بِالسَّمْ يِلُوجْ ابْمُهْجِتَه حــايــر بَلا أَعْوانْ
صــــاحَتْ وِسَافَه اعْلِيكْ يازِينَة الشْبَّانْ

وِبـْصـَبَّتْ دَمِعْهَا ... تِدْعِي إِعْلَهَ الْفَجَعْهَا
اوزارَتْ وَلَدهَا
ــــــ
حِــــضْــرَتْ الزَّهْرَهَ وِالدَّمَعْ بِالْخَدِّ غَزَّرْ
تِبْچِي على امْصابْ الرِّضا اوچَبْدَه الْتِفَطَّرْ
وِيلاه على ابْنِي ابْغُرْبِتَه گَلْبِي تِـــعَــوَّرْ
تِخْمُشْ صَــدُرْهَا اويِضْطُرُبْ ضِلعْ الْتِكَسَّرْ

بِـالنُّوحْ اوجَزَعْها ... تِدْعِي إِعْلَهَ الْفَجَعْهَا
اوزارَتْ وَلَدهَا
ــــــ
مِنْ أَرُضْ طِيبَه الْطُوسْ راحَتْ بِنْتِ لَطْهارْ
تِشْكِي الأَمُـــرْ لله الْعَلِي الواحِدْ الْقَهّارْ
رَبِّي انْتِقِمْ لي امن الْكُفُرْ يـــاحَقْ يَجَبَّارْ
اولادي مـــا واحد سِلَمْ مِنْ فِعْلِ لَشْرارْ

مِـــتْأَزِّمْ وَضِعْهَا ... تِدْعِي إِعْلَهَ الْفَجَعْهَا
اوزارَتْ وَلَدهَا
ــــــ
نُصْبَتْ عَزِيَّه فـــــاطِمَه والْمَدْمَعْ اِيسِيلْ
اتْساعِدْهْــا امْلاكْ السِّمَا وِالنَّاعِي جِبْرِيلْ
مَسْمُومْ ماتْ ابْنِي الرِّضَا وِيلْ اوأَلِفْ وِيلْ
يـــــــا آَلْ حيدر والنَّبِي وين الرِجَاجِيلْ

بالْعَصْرَهَ اوِجَعْهَا ... تِدْعِي إِعْلَهَ الْفَجَعْهَا
اوزارَتْ وَلَدهَا
ــــــ


كلمات خادم الإمام الرضا عليه السلام :
السيد موسى السلمان الأحسائي

لطميه بحق الامام الرضا (عليه السلام )

ثامن انوار الكون هليله غايب
الدين بحزن مطعون ينزف مصايب
والعلم لجله ينوح
وكلب العرش مجروح
%%%%%%%%%%%%%%
هليله السموات السبع تنعه
انطفه نور النبوه وبعد شيرجعه
حضر جبريل يمه يذرف الدمعه
نظر جبدة ولينه ويلي متكطعه
موبس لطم مولاي حك نهشم ضلوع
وحك تجري دم عليك ماتوفي الدموع
يبدي بونين اللوح
وكلب العرش مجروح
%%%%%%%%%%%%%
انسد باب الفرح والتمت الاحزان
وسوره عليك مهدله القران
ومن حكه الصخر من نظر وضعك لان
حضرت فاطمه بت سيد الاديان
تنظر جبد ممرود من سم الانذال
يبني بمصاب البيك تصدع اجبال
الليله العلم مطروح
وكلب العرش مجروح
%%%%%%%%%%%%%%
انعصر كلب الترافه والأمل مهظوم
انملخ متن الوفه وظل تجري عينه دموم
اختنك صدر الرساله بحالة المعصوم
وطبر راسه الشرع لمن نظر مسموم
من عظم سم الكوم ماباقي كل حال
احبابه دم يبجون وتواسي العيال
دمع الهجر مسفوح
وكلب العرش مجروح
%%%%%%%%%%%%%%
ياروح القداسه ومحكم التنزيل
شيعوك الاهل والتحب بالياويل
عله تابوتك امدافع كل يريد ايشيل
لجن جدك يويلي هشمته الخيل
جدك ثلث تيام بس دمه جاري
ظل عاري لاتغسيل ابحر الصحاري
من الكفه مذبوح
وكلب العرش مجروح
%%%%%%%%%%%%%%
مصيبة جدك المسلوب ماتنقاس
شاب الصبر منهه ودامي الاحساس
اليقدم كلشي مايملك امنجل الناس
خدر زينب عظيم وظهره العباس
بمصيبة النسوان مايبقى كل حيل
واطفاله ينسحكون بحوافر الخيل
يبقى الجرح مفتوح
وكلب العرش مجروح
%%%%%%%%%%%%%%
وسيلتنه وأملنه الغايب الحاضر
عله شوغات الجمر من طلعته اناطر
كل لحظه بصدرنه انحسهه جن حافر
مابينه بعد ننتظر ونكابر
اتحولنه بس جروح طول غيابك
مشبوحه منه العين بس عله بابك
عجل يبعد الروح
وكلب العرش مطروح
%%%%%%%%%%%%%%
خادم أهل البيت عليهم السلام
عبد المعين الشمري

ثامن انوار الكون هالليلة غايب
الدين بحزن مطعون ينزف مصايب


كلمات الموفق / عبد المعين الشمري
بصوت خادمكم الاقل / شهاب الموسوي