غيره ماعدهم ولاعـدهم حميه
دفعو الباب ابحقدهم عالزچيه
بــابـهـه اثـجـيلـة وزن
ونطـبگ طـبگت جفن … عالزچيه

¢¢¢¢¢¢¢¢

مــن بـعد عـين الـنـبي بــين حقـدهم
اليدعون اصحاب اله نـقضو عـهدهم
غيره ماضلت ولا ضل شـــرف عدهم
عالزجـــيه العـــالمه شــــنو حــــربهم

دفــعوا الباب ولاخجلت اديهم
خبر عدهم مايهد حيدر عليهم
بـــالـوصـيه مـمـتحـن
ونطبگ طبگـت جفـن… عالزيچه

¢¢¢¢¢¢¢¢

مــن احترك باب الزجيه ام الحجاب
وحــيدر ايـعاتب فقاره ضمك اگـراب
والله لورخصه تجيني اضـرب ارگاب
حلـم عـالزهـره الخـوارج تدفع الباب

بس شسوي بالوصيه مجتف اجتاف
وانذبح هم لمن اسمع حيدر ايخاف

واسـمـع الزهره تون
ونطبگ طبگت جفن…. عالزجيه

¢¢¢¢¢¢¢¢

يــسمع الـزهره تـــون وتـهل دمعهه
من عصرهه الضالم وصوب ضلعهه
وصاحت الــفضه ألحگيني وسمعهه
صــعبه عالكـرار مثل المـــر جرعهه

لــكـن امــرالله وعلي لازم يـطيعـه
يصبر اعله الصار لمصاب الوديعهه
والله مايهده ويـچن
ونطبگ طبگت چفن…… عالزجيه

¢¢¢¢¢¢¢¢

مـــا يـلاگـينـه علي گـل الـرفـيجه
مـوصـه سـيفـه ما يراوينه بريجـه
اليوم يـم بـابـه اسـويـهـا حـريجه
گله موبنت النبي وبضعه خـديجه

من اعتنه ليهه اليگول،اول صحابي
اني فــاطم گــالــت وباب الله بابي
النـــذل جـــاوب وأن
وانطبگ طبگت جفن….. عالزجيه

¢¢¢¢¢¢¢¢

بــايــعين الــغيره والــخانوا نــبيهم
سطـروا الزهره عسى انشلت اديهم
وگـع محسن منه وغـتاضت عـليهم
ومـاشكـت للمرتضى خافن يجـيهم

ماشكت كسرت ضلعها وحرگت الدار
خــاف يـفني الــدنيا كلها علي الكرار
تحمـلت جـور الزمن
ونطبگ طبگت جفن… . عالزجيه

¢¢¢¢¢¢¢¢


تم بعون الله تعالي
بقلم ام زين العابدين اللامي

في مثل هذه الايام مولاتي العليلة
تنتضر رجوع ضعن حبيبها الحُسين الى المدينة


من كالوا ضعنكم بالدرب جاي
كعدت اعللدرب احسب بالضعون
باب البيت عفته بضهري مفتوح
وحضرت المكان البي تكعدون

اسولف ويه كلبي وانه اتنطر
بيا لهفه يصدلي من يجي الاكبر
وكبران الطفل يرجعلي اتصور

رحت امسح خشبة كاروكه..وعطرته وحطيت اوساده
هنه اشجم يوم شجم ساعه..وعامر يرجع بيت الساده
_
وشكو حاجة تحبها اختي رقية
اباب الدار بيدي حضرتها
طفله بعمري تتعب من سفرها
وراحتها بنزلها يم اختها

خذتني ام البنين ولزمت ايدية
وكالتلي الضعن هسه على جيه
ومن الفرحه ما عانني رجليه

واتذكر خيّاله اخواني..حاطو عماتي وهودجهن
ويا هسه ترد الخيّاله..الجانت تمشي النوك بسدهن
_
بله خيّاله رد ضعن الغياره
والاوجوه المشن مو هنه هنه
وحته النوك مو نوك الهواشم
ما جانن هزايل نوك اهلنه

وين حسين ابوي الطوله خيمتنه
وين الراية ذيج الفوك عمتنه
بيا هزله التجي الكه رقيتنه....؟؟

لا رايتنه ولا حاملها..ولا طفلتنه الجوه الرايه
وين حسين ووين الاكبر..مو كال ارجع وانطه حجايه
__
حلم ريته حلم مو ضعن الاحباب
ابد هاي العبي لا مو عبينه
راحن بس سواد ايخجل الليل
حمر يا وسفه ردّن للمدينة

اسئل بلكت تكلولي متحلمه
ساعات ويرد حسينج وزلمه
بدورة وجهه تخنك طفلته النسمه

مو يدري امحضرلته اثيابه..وبيدي امعطرتله امصلايه
يا فرحة الما تمت بوية..واول فرحة تصير قرايه

مصطفى اللامي

من كالوا ضعنكم بالدرب جاي
كعدت اعللدرب احسب بالضعون
باب البيت عفته بضهري مفتوح
وحضرت المكان البي تكعدون

اسولف ويه كلبي وانه اتنطر
بيا لهفه يصدلي من يجي الاكبر
وكبران الطفل يرجعلي اتصور

رحت امسح خشبة كاروكه..وعطرته وحطيت اوساده
هنه اشجم يوم شجم ساعه..وعامر يرجع بيت الساده
_

يهل باب وراك الطاهره ما حسبتهه

يهل باب ليش ام الحسن حيل اعصرتهه
............

حطلك ضمير ومستحه باچر يسئلك عالجره
اقصد محمدلوسئل تعصرهه ليش الطاهره
شنهو العذر لو حاججك عن الضلع والكسره

( يهل باب حرام عليك من حيدر خذتههب
( يهل باب ليش ام الحسن حيل اعصرتهه
................
باچر تجي وبيا وجه ياهوالي يشفعلك بعد
اتخيل المشهد صعب المحسن وضدك شهد
ذاك الذي من طيحته راكع على الارض وسجد

( يهل باب ماهزك شعورك مرمرتهه
( يهل باب ليش ام الحسن حيل اعصرتهه
...............

عودانته حضرلك عذروعود العذر خلينقبل
موبس عصر عندك ذنب لاتنسى رايح ينشمل
ليش اقبلت واستقبلت نار وعليهه تشتعل

( يهل باب وراك الزهره لاذت ماشفتهه
( يهل باب ليش ام الحسن حيل اعصرتهه
..........

من تحضر ابيوم الحشر وذنبك على گصتك ثبت
بسمارك اتجيبه وتجي لبنص ضلع فاطم نبت
سويتو شي يامعضمه شركه بذنب مابي بخت

(يهل باب شعجب بت القداسه مرحمتهه
(يهل باب ليش ام الحسن حيل اعصرتهه.

الشاعر
ابومحمد الغانمي
بصوت خادمكم علي داود سلمان المياحي

الشاعر الحسيني ظاهر حبيب الهليجي

من بعـــدك يالهادي اخباري
كسروا ظلعي وحركوا داري
يوصف وضعي --- هلت دمعي
---
اسولفك عذابي من رحت عني
هظم والنوح مـا يقبــل يفاركني
برسومك محرابـــــــك يذكرني
اظل انحب عليك بلوعتي ونـي
فكدك يل والـــد ما يرحم
يخلص ليلي وانه تهظم
اصبح طبعي --- هلت دمعي
---
بحلم يالماشي عني كون اشوفنك
وبلهفت حنيني حيــــــــل احظننك
ومن صدرك يبويه ريــت اشمنك
وروح وياك كون ومــــــا اعوفنك
وشرحلك حالي واهاتي
وعتابي يصيـر بدمعاتي
اصرخ ونعي --- هلت دمعي
---

يا شمعة حياتي الضـــــوة اسنيني
رحت والدينه ظلمه صارت بعيني
وينه الموت بعدك كــــــون يلفيني
ما ريدن حياتي ويــــــــاك خليني
ريت الليله اتحين اجالي
وتوسد كبــــرك يالغالي
للباري ادعي --- هلت دمعي
---
خذو حكي غصـــب والدمعــه بعيوني
اصحـــاب السقيفـــه الويــــــل راوني
بغيابـــك يبويـــــه الكــــوم هظمــوني
وره الباب الصحابه بغيض عصروني
شافت عيني وليدي المحسن
غسلتــه بدمعاتــــــي الصبن
كسرت ظلعي --- هلت دمعي
---
حرموني البجي يلهادي لمصابك
اصحاب الظلاله نكـــــروا كتابك
عدوانك يبويه عجبـــــه اصحابك
اشاهد خالي بعدك وسفـه محرابك
هليله وداعك يا روحي
زيد من فركاك جروحي
لكبرك اسعي --- هلت دمعي

اداد ملا عدي الربيعي

(ياعلي)


وصـاني الـنبـي وگـال     أصــبـر لـو نذل عـال
         
               عـالأذيـه           عـالـرزيـه
                      أصـبـر أصـبـر

*------------------------*---------------------*

صـابــر وحـافظ وصـيتـي مـن مـحـمـد
سـمـعو انـذال الـصـحـابـه وعـبرو الـحد
مـارفـعت السيـف لـحـظـه ربـي يـشـهـد
والله لـو سـلـيت سـيـفـي الـدنـيه تـرتـد

أحَچـي وگـلبـي مجـروح     فـاطـم لازم اتـروح

*--------------------------*---------------------*

بـعـيـني صـديت وأشـاهـد بـابـي تـدفـع
يـجـرح بـگلبـي حـچـيهـم وانـي أسـمـع
يـاعـلـي صــاحــوا عـلـيـه اطـلـع اطـلـع
بــايــع الأول خــلـيـفــه حــتـى نــرجـع

أحَـمـل دفـعت الباب     وكشـف زيـف الاصـحـاب

*---------------------------*----------------------*

وصلو اصـحـاب السقيفـه وگـلبـي شيّـب
بـنـار الاحـقــاد وفــعـلـهـم داري تـلــهــب
بـضعت الـهـادي نـسـوهـه هـاي الاعـجـب
والحسن وحسين يـمـهـه وبـنـتـي زيـنـب

وانه بصبري مچتوف     الوصيه مقيده الچفوف

*--------------------------*---------------------*

صـعبـه وگبـالي الـمنافـق هيچي يـجسَر
شـايــل الـنــار ويـصـيّـح ويـنـه حـيــدر
وآنـه مـاچنـي الصميـده ومـوت الاحـمر
الـخـاطـر الـديـن ومـحـمـد اصـبـر أكـثر

عـيـني اتشـاهد النـار    وداري اتـحيـط الاشـرار

*-------------------------*---------------------*

الــوصــل داري وأجــاهـه بــيّــه يــدري
الـهـادي ما اخـلف كـلامـه وثـابت أمـري
صابـر وعـندي وصيـه ومـحـني ظـهـري
تـشـبـه بـنـار الــوديــعـة نــاري تـســري

حزني بصدري مرهون     اشكي السيد الكون

*-------------------------*---------------------*

سـاكـت وگـام الـمـنافـق يـمـي يهـتف
الچـان يسـمـع بالصميده وكـله يرجـف
عـن نـوايـاه الخـبـيـثـه فـعلـه يكـشـف
واني مـحكـوم بـوصـيـه وروحي تنزف

اخلـف وعـدي ميـصير       ونطي الفرصه للـغير

*------------------------*----------------------*

✍خـادم الزهراء (ع)
الشاعر رعد الجريخي

الاداء ملا عدنان الموسوي

الحگ ألي يحيدر ..ضلعي أظن تكسر
ومحسن اظن ابعصرتي انعصر
………… ........................
يوم الهجوم الزهره صاحت حيدر
ضلعي اظن يابو الحميه اتكسر
عالحايط اتوچه اگومن مگدر
والنار بثيابي شفت تتوجر

نار الخصم چوتني.. والسطره اظن عمتني
ماشوفن امشي والجدم عثر
ومحسن اظن ابعصرتي انعصر
………… ........................
بالباب ياحيدر اجه ودفعني
حاولت اوخره ياعلي وعصرني
بسمار نابت بالصدر جرحني
يدفعه عليه والالم ذبحني

وگوه ردت اوخره.. ومن چفه اجتني سطره
بكل قوه خدي بچفه انسطر
ومحسن اظن ابعصرتي انعصر
………… ........................
طحت وصحت يافضه سنديني
الثاني رفسني وطيحه جنيني
وأَمر على عبده ولطملي عيني
ومچتف انته گبالي ما تجيني

شمالك درت نظرتك.. يابوالحسن عذرتك
ادريبه گلبك ياعلي انفطر
ومحسن اظن ابعصرتي انعصر
………… ........................

طحت وگع باب الجذوع عليه
عليه انطبگ ردت ارفعه مابيه
صحت وسمع الحگ يحيدر ليه
يضربي واني عله الثره مرميه

الثاني مارحمني .. بسوطه شكثر ضربني
وبمتني سوطه خله الي اثر
ومحسن اظن ابعصرتي انعصر
………… ........................

ياحيدر ومحسن وگع بالعصره
وي صدري بالعصره ترضرض صدره
مات وبعد ماساعه كمل عمره
اشذنبه ابني ومهده اصبح گبره

ميت وگع جنيني .. وماشالته اديني
واشبيدي ياحيدر على القدر
ومحسن اظن ابعصرتي انعصر
………… ........................
طاح عله راسه محسن بوگعته
ميت جنينك ياعلي نظرته
حرموني منه وليدي ماحضنته
مكسوره تدري ضلوعي ماشبگته

منين احترت الزمه.. شلون الطفل المه
من الرفس جسمه غده وذر
ومحسن اظن ابعصرتي انعصر

الشاعر عقيل الحسناوي..

كيف ارضى من رجال * كسروا باب العرين
شاهدي المسمار فيهم * ودمائي والجنين
شاهدي المسمار فيهم * ودمائي والجنين
******** *

يا اَبي قدْ ظلموني حينَ واراك الترابْ
حَرْقُ بيتي هددوني كسْرُ ضلعي خلْفَ بابْ
سالَ دمعي من عيوني مثل جرح في سحابْ
من حقوقي سلبوني جادلوني بالخطابْ


في بكائي حاربوني منعوا حتى الانين

كيف ارضى من رجال * كسروا باب العرين

شاهدي المسمار فيهم * ودمائي والجنين

شاهدي المسمار فيهم * ودمائي والجنين
*********
بلَّغَ الامر وتمَّمْ ورضى الدين البشيرْ
بعدَ انْ صلى وسلمْ قامَ في وقتِ الهجيرْ
ويحَ شعريْ يَتَكَلَّمْ مادِحا فضل الاميرْ
كيف تُنْسى لست اعْلَمْ بيعة عند الغديرْ

بعد طه صرت اهضم وامير المؤمنين
كيف ارضى من رجال * كسروا باب العرين
شاهدي المسمار فيهم * ودمائي والجنين
شاهدي المسمار فيهم * ودمائي والجنين
*********
يا ابي جئت بشكوى حبرها تلك الدموع
كيف هذا الفصل يطوى من يشافي لي الضلوع
غرَّهم ذاك واغوى واطاعوا في خضوع
حسرة ابدي ونجوى ظنَّهم ما من رجوع


بحديث ليس يروى سرقوا حق البنين
كيف ارضى من رجال * كسروا باب العرين
شاهدي المسمار فيهم * ودمائي والجنين
شاهدي المسمار فيهم * ودمائي والجنين
*********
سوط هذا فوق متني ليت يا طه تراه
ضربة قد المتني اشتكيها للاله
حمْرة صارت بعيني شلَّ ياربي يداه
بعلي عيرتني هل ترى تلك الشفاه

عصبة قد عذَّبَتْني ضَرَبوا حتى الجبين
كيف ارضى من رجال * كسروا باب العرين
شاهدي المسمار فيهم * ودمائي والجنين
شاهدي المسمار فيهم * ودمائي والجنين
*********
لست ادري ما جنينا كي نرى تلك الفصول
شيخهم جار علينا يا ابي ماذا اقول
قد روى قول الينا قال قد قال الرسول
لا نورَّث ما أتينا لا علي لا البتول


انهم حين ابينا قطعوا الحبل المتين
كيف ارضى من رجال * كسروا باب العرين
شاهدي المسمار فيهم * ودمائي والجنين
شاهدي المسمار فيهم * ودمائي والجنين
*********
ارتجي عدلا بحكمي ان يكن شيخا صدوق
ام ترى رام ظلمي ولما هذا العقوق
اين خمس المال قومي من الى النار يتوق
اسألوني وابن عمي نحن ادرى بالحقوق


من ضلوعي سال دمي اشتروا الدنيا بدين
كيف ارضى من رجال * كسروا باب العرين
شاهدي المسمار فيهم * ودمائي والجنين
شاهدي المسمار فيهم * ودمائي والجنين
*********
ايُّهم عنْدَكِ اصعب خيروني والحسين
صوَّروا لي سبيَّ زينب وعَلى الارضِ اليدين
امْ لِضِلْعي سوف اغضب امْ لِضربي فوق عين
قلت قولا منه اعجب ليس في الامرين بين


حينها قولي سيكتب أي حزن يعترين
كيف ارضى من رجال * كسروا باب العرين
شاهدي المسمار فيهم * ودمائي والجنين
شاهدي المسمار فيهم * ودمائي والجنين
*********

الشاعر محمد