الاداء احمد البغدادي

#قصائد_محرم_١٤٤٥هـ_٢٠٢٣م
قصيدة رقم ٧١
عگيلي للأنصار ع

انصار الطف ماننساهم
انصار الطف ماننساهم
*١*
بصوت الحك صحنه ونادينه
وشاهد رب الكون علينه
مصاب الطف لا ما ناسينه
لمن صاحو صحنه وياهم
*٢*
انصار حسين ال بالحومه
كل واحد معروفه علومه
من المعبود محدد يومه
الباري الهل موقف خلاهم
*٣*
كل واحد ناذر دم نحره
لجل حسين يريد ينصره
يضحي بنفسه وروحه الحره
رخصو دون حسين دماهم
*٤*
هاي الانصار المعروفه
غايتهم ضلت مكشوفه
للحك صارو همه سيوفه
وجف القابض نحر اعداهم
*٤*
حي الله انصار الحريه
يحملون الروح الثوريه
صارو رمز الانسانيه
بتاريخ الحك شاهدناهم
*٥*
هنا عابس خلد عنوانه
هناك الحر بين ايمانه
وشيخ الانصار ابميدانه
وجون الضحه ابدمه وياهم 


الشاعر ابو محمد التميمي

الاداء ملا جواد الغرباوي

محرم ١٤٤٤هـــ
#اهوازي

من طاحو سوة السبعين والهد ياهو اليرده
حسين ملاكة لاكة الخيل والعسكر وصل حده
           ×××××××××××××××××××××
حسين بعازة السبعين زلم الحرب طالبهه
الخيل التهد حيل اتريد واتريد اليكابلهه
حكهه الزلم هسه اتغير راح الجان راعبهه
و ين يروح ابو سكينه وكلهه اتجمعت ضده
           ×××××××××××××××××××××
باب الخيمة ضل حسين يربي وبس تصد عينه
كلهم عالترب ميتين جا ياهو اليجي ايعينه
هسه حسين ضل وحده حسافة وصفك جفينة
يعينه الله اليضل اوحيد ولا والي اليضل عنده
           ×××××××××××××××××××××
وين أهل الكرم والطيب الما سدو مضايفهم
حسين ملاگة لاكه الخيل هسه حسين رايدهم
الما عنده زلم وانصار وكت الحرب عازتهم
بس بشوفة ضل حسين ياخذ بيه و ايردة
           ×××××××××××××××××××××
زادت على حسين اهموم ضاكت ياهو اليحلهه
زلم والخيل عالصيوان تركضلي بمشاعلهه
ياهو ايوصل المرسال لأزلام الوغى ايكلهه
حسافة حسين هسه احتار لا والي ويضل وحدة
          ×××××××××××××××××××××
احتار حسين وين ايروح ساعة يروح  لخيامة
وساعة يرد يحشمهم وما يوجد الجدامه
يعينه الله اليصوبة البين مثل حسين بالهامة
وكاس الحيل وياكم برملت كربلة اتبدة
          ×××××××××××××××××××××
الخادم أحمد داود

الشاعر احمد داوود

بصوت ستار الصالحي

قصائد الليلة السابعه مع الالحان 👇
(لمولاي العباس صلوات الله عليه)
ياصاحب الزمان
#اللهم_عجل_لوليك_الفرج

محرم١٤٤٢

رفت راية العباس .. يم خيمة الوفايه
¢¢¢¢¢¢¢

رفت رايته ورف شاربه اوياهه
ورگاب الزلم بالســــيف گصاهه
خيـــبر والاحزاب وبدر عاداهه
شب الغاظريه ابنار... دگ وسط الحرب ثايه
رفت راية العباس... يم خيـــــــمة الوفايه
¢¢¢¢¢¢¢¢¢

مـــن شد ابرسنهه وغار عالعسكر
خله بكل گلب خوفه وجمر يسعر
حين الفرع العبـــــاس المشـــــكر
خلالهه الزلم والخيل ــ موته اعله المسنايه
رفت رايــــة العباس ــ يم خيــــمة الوفايه

¢¢¢¢¢¢¢

عطشــان وبرز عبـــاس للحــومه
منه الوادم اختلت صعـــب يومه
هذا ابن الصميده الترهب اعلومه
محد يگدر ايلاگيه ــ محـــتاره الزلم هايه
رفت رايــــة العباس ــ يم خيــــمة الوفايه
¢¢¢¢¢¢¢

صـاح بصوت بيهم زلزل اطفوفه
مــــنه الگوم فرت وصلت الكوفه
وحتى الماي يبس ريجه بچفوفه
لاماجاب بس الماي ــ جاب العلگمي ومايه
رفت رايــــة العباس ــ يم خــــيمة الوفايه

¢¢¢¢¢¢¢¢

احتر حته الهوا من دخـــن الكافل
ابو ريشات طب ليهم غضب نازل
طر اصـــــفوفهم ليث واجه ايقاتل
طبهم چنه ملك الموت ــ وختلت الرمايه
رفت رايـــــة العباس ــ يم خيمة الوفايه
¢¢¢¢¢¢¢


تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔💔

الاداء كامل السعيدي

رفت راية العباس
يم خيمة الوفايه

كلمات الشاعرة/ ام زين العابدين اللامي

نزله بحق بطولة الامام العباس عليه السلام

احتاروالسبعين الف. چنه حيدر من هتف


اشهد ان العباس،ساقي،عطاشاكربلاء،


¢¢¢¢¢¢¢¢


برز للمعركه بسيفه وچنه حملت حيـــدره
ونعــم مــن ابوفاضل هــذا سبـع الگنطره
مــن لفاها الزلم هجت والعقول امحـــيره
ينگط احساس وحميه مثله ماجابت مره

بيهم الطف انخسف
چنه حيدر من هتف

اشهد ان العباس،ساقي،عطاشا كربلاء،


¢¢¢¢¢¢¢

نزل زلـزال بحملته اعليـــهم ويمطــر غضب
الموت الاحمر حل عليهم والاجل منهم گرب
چنه ملك الموت اجاهـم طير ابسيفه الرگب
سيفه لايمكن يجامل شَوف الگـــوم العجب

بروسهم سيفه يكف
چنه حيدر من هتف

اشهد ان العباس،ساقي،عطاشا كربلاء


¢¢¢¢¢¢

مــن طلع مـــن المخيــم رجفت اگلوب الزلم
واحـــد ايسولف الواحــد هــذا عباس الشهم
صاح من يوصل خيامي وسيفي ابد ماينثلم
زلــم تردم زلــم تبقه مـــن يرف بيــدي العلم

زوده ابـد ماينوصف
چنه حيدر من هتف


اشهد ان العباس،ساقي،عطاشا كربلاء،

¢¢¢¢¢¢

من شهر سيفه بيمينه انخرست اشباه الرجال
بكل جداره صــاح بيـــهم وينكم حــان النزال
وحگ خــدر الهاشميه ما أطــخ لو دمــي سال
المـوت يحله اعله العقيـــده ما ابايعكم محال

وبخــدر زينب حلف
چنه حيدر من هتف

اشهد ان العباس،ساقي،عطاشا كربلاء،


¢¢¢¢¢¢

صگر ميهاب المنــايه راسـه بي غيرة علي
گلهه عد عيــنچ يسكنه الماي اجيبه ادللي
طب يطشر بالصفوف وچنه حملات الولي
صــاح ماهـم بالجيوش الجربه لازم تنملي

كل برق لمـن خطف
چنه حيدر من هتف


اشهد ان العباس،ساقي،عطاشا كربلاء،

¢¢¢¢¢¢

وصل شامـخ للشريعه بجوده والرايه ترف
النهر اداله التحيه امن الخجل حاول يجف
انحـــنه وباسه ابيميـنه بلحظة البيها غرف
مــن دره العبـــاس هــذا قبله ابچفه الترف

يدري بيه حيد وكلف
چنه حيـدر من هتف

اشهد ان العباس. ساقي عطاشا كربلاء،

¢¢¢¢¢¢

تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔،💔

الاداء كامل السعيدي