فزاعية / ابا الفضل العباس عليه السلام 2024

يا عباس وينك يا ضوه العين
وين الجود خويه والعلَم وين
٠٠٠٠٠٠٠٠٠٠٠٠٠٠٠٠٠٠٠٠٠٠
عوف الماي عوف المشرعه وعود
                    يا عباس وينك يا ضوه العين
گلبي عليك خويه هواي ممرود
                  يا عباس وينك يا ضوه العين
بس لا طايح ومگطوع الازنود
                   يا عباس وينك يا ضوه العين
يبجي عليك ظل بخيمته حسين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب آنه يا عباس ناديت
                  يا عباس وينك يا ضوه العين
اوصل لشريعه شكد تمنّيت
                 يا عباس وينك يا ضوه العين
گلبي عليك مثل النار ما جيت
                يا عباس وينك يا ضوه العين
منين انجيب كافل مثلك منين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا حسين ظهره عليك مكسور
                 يا عباس وينك يا ضوه العين
ظل بلا عضيد وگلبه مجمور
                  يا عباس وينك يا ضوه العين
اذا مكطوع جفك خويه معذور
                 يا عباس وينك يا ضوه العين
لا ناصر ينصره ولا اله امعين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠
منهو اليحمي بعدك هاي الاخيام
                    يا عباس وينك يا ضوه العين
تبجي عليك هاي اطفال ويتام
                    يا عباس وينك يا ضوه العين
وتدري بآل أمية هواي ظلّام
                   يا عباس وينك يا ضوه العين
خويه شلون من يحمي الصواوين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حاطتنه آل اميه سيوف ورماح
                     يا عباس وينك يا ضوه العين
بين الشامت ومابين ذبّاح
                    يا عباس وينك يا ضوه العين
تسمع بالخيم لطفالك صياح
                    يا عباس وينك يا ضوه العين
كالوا طايح ومكطوع چفين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠
من يحمي الخيم لو شبّو النار
                       يا عباس وينك يا ضوه العين
لو ذبحو اخوك حسين نحتار
                       يا عباس وينك يا ضوه العين
تقبل شمل اخوك يصير طشّار
                       يا عباس وينك يا ضوه العين
وتقبل اختك اطب لدّواوين
يا عباس وينك يا ضوه العين

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

الاداء ملا ستار الصالحي

قصيدت الامام العباس
عليه السلام

اشگد تانيتك   مالاگيتك
اباب الخيم    حيلي انهدم
ارجعلي ماريد الماي

يماخذ حيلي  ويه الجود   ارجع لاتحيرني
اذا ماشفتك اگبالي ابضيمي من يصبرني
مكسورت گلب ضليت ولا واحد يجبرني
اذا حرگو الخيمه ابنار يخويه من يعبرني

گوم اگبالي        وارحم حالي
گلبي الچم     حيلي انهدم
ارجعلي ماريد الماي

شنهو الماي ياخويه  اذماشوفن اعيونك
الدنيه ابلا امان اتصير امن الله عله اجفونك
اطفال اتصيح ياعباس بحسره بچو يردونك
يهلال الخيم  والطف بين لليحبونك

بس لاطايح       وصوتك رايح
لاحك سهم   وحيلي انهدم
ارجعلي ماريد الماي

كلشي ينتهي بلطف اذا مايرجع الكافل
وكلشي ابكربله مهدوم وبچفنه العلم مايل
حميته وغيرته حلوه واحد مثله ماشايل
اذا طاح وبعد ماگام ياهو يرجع العايل

ياخويه ارجع      صاح المدمع
ابچفك علم    حيلي انهدم
ارجعلي ماريد الماي

صاحو كافلچ طايح وسهم ماخذ نضر عينه
اذا بعده عدل ماعاد ليش اتعطل أوينه
يزينب ايسي لتانين اخيچ خلصت اسنينه
طايح والچفوف هناك وسفه ومحد يعينه

راح الهيبه    اصل الطيبه
ابطف ماسلم  حيلي انهدم
ارجعلي ماريد الماي

روحت كافلب ياناس يعني العده وصلونه
وعله الخيم نار ادور صياح وشتم سمعونه
اتموت اطفال من النار ومانرتاح خلونه
وحبال السبي خشنات تره العدوان يسبونه

صياط ولچمه    هاي الندمه
گلبي انگسم   حيلي انهدم

سلام البهادلي

الشاعر سلام البهادلي
بصوت ستار الصالحي

ابوذيه نعي للعباس ع

يطك مـايـه الكفلني ابـراس ٠٠ مايه
نـــزل للــعــلـگـمـي ومـاظـاگ ٠ مايه
بـطـه اعلينه يـخويـه حـسيـن ٠مايه

شـكل عــبـدالله وسـكـيـنــه ورقـيــه

#الشكرلله خادم الزهراء ع ملا علي
#نسالكم_الدعاء90✍
                 

*شجاعة العباس عليه السلام*

كَرهُم  فَرهُم  بالطَف جَرهُم  خيّاله او خيل
هَزبَر  يِفتَر  و الله اليِستَر   راواهُم ويل

شال الگاع هَزَّاها    اشگد اسباع بچّاها
            راواهُم  ویل
         _

تَك درعه او لِزَم مُهره او طَلَع چَفِّیته خضره
یا ساتِر ابو فاضل لُوه الجربه اعله خُصره
یِشمُر نظره عالشاطي او عله  لبِالخيمه نظره
وُ بزِلفه  الفرات ايغُص و بوفاضل يِخِزره

ناده  القاده  اِحنه الساده    يِعرفنه السيف
يِنرَش  بالدَم  كلمن يِجدَم  جاي آخذ حيف

بيهُم ضاع مسراها  اشگد اسباع بَچّاها
        راواهُم  ویل
        _
ریج الطف نِشَف مِن هَد عله الحوما او خِلَسهه
سَد حتّه الهوی اعلیهه او صَعَد نَزَّل شمسهه
اشما چانت زلم بالطف ابوفاضل کَنَسهه
ما  یِرهَم  اَبَد سیفه الرگب گَطَّع نَفِسهه

مِن هَد  فَرهَد  حط الهُم حَد  حَطَّوْ مِن طار
هايه   الغايه  او ناطي احچایه   ابوراس الحار

طَشهَه ابساع لَمّاها  اشگد اسباع بچّاها
        راواهُم  ویل
       ___
فَرهُم سیفه و تصوفَر سَبِعهُم مِنَّه شارِد
ضَل یِزمَخ عله العسکر وُ بن جوشنهه لابِد
هَد او مِن طُوا الرآیه  او صَرَخ طَلعولي مارِد
بأوَّل شَمره رَد مارِد عُرُض من طوله زايِد

واحِد  لابِد  واحِد شارِد  مِن هَد عبّاس
خَصهُم  گَصهُم  خَلَّص نُصهُم  شَد راس ابراس

سَوَّه ابداع بِدماها  اشگد اسباع بچاها
         راواهُم  ویل
       ____
سیفه اعله الرِگَب صَلّا اِبجِثَثهُم سوَّه محراب
ویسَبِّح زلم عالشط زلم ما عِدهُم ارگاب
ماي الشط عِطَش لَمَّن سمع طگ مارِد اصواب
اسم الله ارتَعَش جرفا النهر ضل یزحف اتراب

حالِف  مالِف  عالشط واگِف  ولشَرده امنین
یِغرَگ  بالطَگ  ولشط یِعرَگ  لعیون احسین

صار اوداع مَلفاها  اشگد اسباع بچاها
            راواهُم  ویل
      ___
مَحَّد یِشگُف اصوابا او ضربته اتعادِل الفین
الفین  الزلم مِن هَد علیهم صاروا اثنین
یا فارِس يجي اگباله ابخزرته ایجِسمه نصّین
او هلا والله ببوفاضل یِصَیِّح  گام الحسین

الیِتعَب  یِلعَب  کافل زینَب  شَل حال الگوم
ماعَوْ   ضاعَوْ   بالطف تاهَوْ  ذَبَّوْ لِهدوم

اِثلَثة أرباع  ساواها  اشگد اسباع بچاها
          راواهُم  ویل
      ____
روس او طوس ابوفاضل طُبَگ بالطف طَبُرهه
او گامت تمطر الحوما رِگَب لَمَّن  عُصَرهه
شَد المشرعا ابزنده ابزِلِمهه او ضَل یِجُرهه
او مِن رَد للخیم هیبه ، الزلم بَیَّن گُصُرهه

غیمه  ابهیمه  او رَد للخیمه  یتگاطَر ماي
فُرحَت  رِكضَت  زينب نِدبَت  هلا يا دنياي

و اهوا ابماي لاگاها __ اشگد اسباع بچاها
            راواهُم  ویل
      ****
🖊️__ #نسیم الناصري _ الأهواز

الشاعر نسيم الناصري ..الاهواز

بصوت الرادود ستار الصالحي

كعديه للأمام العباس ع

حي أنه واحميج.    ياهواليصل ليج
بهاي الصواوين.        أمني النساوين
                يختي العقيله
                               :::::::::::
ترخص  اودع العيله ورايته ترف بيمينه
شافته زينب ونادت هله بحماي الضعينه
هله بروح امي  الزجيه ياهله بليث العرينه
كاللها بعيوني الخدر
                    لتهمج جيوش الكفر
من يمج شحدة اليمر
                أي وحق حيدر ولينه
   فنهم يكربون.   لوانه بالكون
لا لا. تهمين       بيه انتي تدرين
                راعي الثكيله
                يختي العقيله
                      ::::::::::::::::::
صاحت اعرف يابوفاضل ونته رايح للنهر
تكلب اليمنه عل يسرة وعسكر يدور المفر
والي مايخطيه جفك جنه داخل في سقر
جنك أبوي بهيبتك.  وبالكنطرة اعرف صولتك
ماتثني وحدة ضربتك  والنعم منك ياكمر
بس ارد اوصيك.       لاتمشي خليك
عندي وصيه.              من امي الزجيه
                 أمري الكفيله

                 يختي العقيله
                       ::::::::::::::::::
أمي وصتني وصايا ومن ظمنها اوصيه ليك
راح اسولفلج تكلي وأول وصيتها بيك
بوكت يوجعها ضلعها تبجي وتسلم عليك
مخلوق انته وبالسمه  وامي بوجودك عالمه
شكللتلي أمي فاطمه كالت انقبل أديك
هذا هوا واليج.         بالطف يحاميج
من بعد  لحسين.       واليوفي الدين
                 همج أزيله
               يختي العقيله
                       :::::::::::::::::::::
توادعو والعين تجري جنه الوداع الأخير وبقة محتارة العقيله موقف هوايه خطير
هجم عباس وتشوفه روس من جفه تطير
خضب الغبرة بالدمه.   رغم العطش رغم الظمه  صاحو رجع حامي الحمه
ماله بالعسكر نضير
كثرة ويشردون.      شحدهم يكربون
وينضرله لحسين.    لازمها صوبين
                    ماكومثيله
                  يختي العقيله
                        ::::::::::::
ترس من النهر جودة وماشرب راعي اللوا
شال بيدة الماي جفه مانسى حسين ورما
شلون ينسى حسين كالو يجري الحسين بدما
كالو ذكر لمن برد.   وهوا الأجه لجل الوعد
اقسم ولا ناسيه أبد.  أي وحق رب السما
ماناسي هيهات.           لجل الخدر مات
ونطاله جفين.             وياها عينين

                   لله بسبيله
                 يختي العقيله
                          ::::::::::::
بالغدر صوبو يمينه وبالغدر طاح الفحل
أسمع شكال ابوفاضل من نزل بيه الاجل
خل اموت ويبقى جودي أي وحق خير العمل
وحسين اجاله بياوضع  مثل أمه حانيه الضلع  وغرك بوجناته الدمع   أوجها اخو مملي خجل
خليني ارجاك         ماارجع وياك
واعدت العيال.       والرجعه ياحال
                  مهدود حيله
                يختي العقيله
                          ::::::::::
رجع بس شلون رجعه حسين مكسور الضهر
شافته اخته العقيله جاي من صوب النهر
ها يابوالسجاد كلي  وين عباس الكمر

كاللها أمشي الخيمته. طيح عمدها شافته
وحسين أخوها حظنته. يرجع هواي اعتذر
  كلي ارجع شلون.       لاجف وله عيون
  والوعد ماصار.          شنطيهم  اعذار
                  بعدي المعيله
                  يختي العقيله
                     :::::::::::::::::::::::
تمت بعون الله تعالى
خادم خدام العترة ع
علي داود المياحي
تاريخ الكتابه 2024/4/4

گعدية بصوت. مسلم المطيري

حي انه واحميچ

كلمات الشاعر
علي داود المياحي

رايحه العباس اگله ايجيبلي الماي
هذا اخوي المايردني إوذخر دنياي
،،،،،،،،،،،،،،
وين صايود الشريعه إيطرهه ويفوت
إزغار بخيامي عطاشه إوتندب إبصوت
عمه والله العطش مرنه طحنه بالموت
إو صار يا عمه إلمثلنه الموت منعوت

والله ياعمه الاعادي ما كفت من هاي
إو خاف همه إيتمونه إيخوف إلجاي
،،،،،،،،،،،،،،
شايله إهمومي الثگيله إعتيگ وجديد
شافني إو حالن تبسم وإگبل العيد
إو صاح حياها العقيله مني شتريد
إچفوفي اقدمهن هديه إوياهن إوريد

خويه ياخويه إجيتك وانته رجواي
گوم جيب الماي يالله ها يمنواي
،،،،،،،،،،،،،،
طول عمري إوكل حياتي ماشفت شين
لان كلك خويه نخوه إو تارس إلعين
أسد وآنه أختك عرفتك ياسند لحسين
گوم شو روي العطاشه إبهاي إلايدين

انت انت إوماكو غيرك انت سلواي
اقسم إبأم البنين الوگفت إوياوي
،،،،،،،،،،،،،،،،
الله وكبر  من ظلم هايه الجيوش
إلما خطتنا إسهامهه خطره إو تنوش
يالله خويه إتنكه حط روس إبنعوش
صول خل دفانهه إيلم إو يطوش

خويه دمعات الهضم ظلن وراي
إوهل اجيتك آنه زينب لا سواي
،،،،،،،،،،،،،،،
✍حيدر ناصر شداد

بصوت. مسلم المطيري

رايحه العباس، اگله ايجيبلي، الماي

كلمات الشاعر
حيدر، ناصر شداد