ابدنيتك مشغول بيش ....
.شنهو  شتفكر اتعيش.......

      جوه هالكاع انت يوم
       ....الدنيا لتظن ماتدوم
*******
حاسبت نفسك  اريدك  يلله  بلش بالجواب
باجر  الدنيا   تغرك   بيت وموال  وصحاب
كون واحد بينه يسأل نفسه عن يوم الحساب
وين جاهك وين صيتك ينتهي  وسط تراب
     بدنيتك  عايش  غريب....
    بكلشي تقصيرك عجيب..

  يالعشت عمرك هموم....
.............الدنيه لتظن ماتدوم
********
استفزاني زماني لو كلت  باجر اتوب
مغلس وايدي عالخدي حققت عمري ذنوب
ضاعت اسنيني حسافه تايه بظل الدروب
هذا تقصيري وذنوبي دنيا مشتني بكروب

   صرت  متكبر  غشيم.
...بدنياعايش بس نعيم

لونمت كافي تلوم
..........الدنيا لتظن ماتدوم
*******
كلي هم راجعت نفسك كبل لا تغفه  وتنام
اليوم وشسويت  انه شنهو وشماكل  حرام
هاي  دنيا  ولاتغرك  و اقره  عالدنيا  السلام
ماتدوم  الدنيا صدك  ماكو  واحد   بيهه  دام
 
اشما  تعليت  وطغيت .......
كلي شنهو اشحصليت...

والاثر  تبقى الهدوم
.........الدنيا  لتظن ماتدوم
*******
لايغرك طمع  دنيا  الموت فكر  بي   وراك
القصر  باجر ما ينفعك لون عزرائيل   اجاك
باجر  اشتاخذ  ابموتك  بس چفن ابيض معاك
وين  دينك  هسه  تحجي لو  أجه منكر كفاك

كبره  مابي حتى باب .......
 ينترس حلكك اتراب

هناكه تتمنه عله يوم
 ......... الدنيا لتظن ماتدوم
********
استغلهه الدنيه هايه   اهل  بيتك  علموك
من جذب والغيبه ابعد علي منهج درسوك
علموك احفظ صلاتك واحترم  امك   وابوك
الكطع بين  الاخوه   لا تشيل انت  عله اخوك

وستغلهه الدنيه زين .
........ ...وخدم  بحب الحسين

كون كلبك هم رحوم
 ...........الدنيا لتظن ماتدوم

********
يوسف الفتلاوي

الاداء ملا ستار الصالحي

يحسين تارسني عشك وانه ادري عايش بيه
كل يوم   تلكاني  صدك   مفطوم انه بلطميه
*******
سولفلي بحكام  النبض
والشوفتك  كلبي نهض
............امعيشني بحلامي اسنين
اهل   الجنون  بوجنتك
بصفنتهه مذبح شافتك
................وحتارت وياك امنين
عيسى خجل يم شامتك
شاف   الحياة   بنظرتك
...........محبوبي عاشك يحسين

انت  العشك والقل هوه
منك شفت يبدي الضوه
...........معروفه بدموعي العين

مجنون خلاني العشك والدمعه تدري اشبيه
كل يوم تلكاني صدك مفطوم انه  بلطميه
*********
حاچيني بدروب العشك
كلبي انخلق لجلك يدك....
...........بيك انعرف شوكي اجنون 
ضايع چنت بين الجهل
اعتقني من درب الزلل
..............حبيتك انت  المضمون
بعشكك اصيرن مستهل
صاحو  اعد ملا  بعجل.......
...............بحبك  اهيمن  يدرون
چان الزمن مابي طعم
بهواك  كلشي منسجم
...............يتغير اهوايه  الكون

وياي تمشي ويه النفس مرات احس باالريه
كل يوم  تلكاني  صدك مفطوم انه  بلطميه
*********
كلشي بحياتي ابخدمتك
متعلگه روحي بحضرتك.
..............بالكلب حبك موجود
سيرلي ساعه ويه الهوه
مشتاك   اشمك  يا دوه
.............والعالم اليوم اشهود

كلشي  بجمالك مختلف
بس انت يحسين العرف
..............دلاني  شوك المعبود
بالركعه تسبيح العشك
وياك   ابد   ما  نفترك
...........شوكي بحضرتك معگود

هيمني شوك محبتك  وانه اعرف القدسيه
كل يوم تلكاني صدك مفطوم انه  بلطميه
*********
انت الضحى وانت شمس
نور الله    ابد ما ينحبس
...............مجنون ابحبك  عابس
موسى عله شوفك مستقر
ينجه  بحياته   من البحر
................ثبت حياته بهاجس

كوثر   شجونك  منهمر
يحسين شاغل كل فكر
...........بالخدمه  ماخذ  واهس
والعالم بعشكك  غفه
ربك وفالك   واكتفه
............وبقربك  احنه  نافس

بحلامي طيفك منكتب مصدر هوه الحريه
كل يوم تلكاني صدك مفطوم انه بلطميه
*********
اقضي العشك فايت فرض
من   زغري  ويدك  النبض
...............كل دكه عايش بيه 

بس انت روحي من المهد
ناغوني   بطفوف  اعتقد
...............صار  البشر  حريه
انت حياتي ومسندي
دلاني   بيكم   والدي
.............حبكم شرف قدسيه

بعرش الله صارت هيبتك
تحفهه الملايك  حضرتك
................هايم صرت ليليه

حبيتك ابكل ماردت  شوك المحب  گمريه
كل يوم تلكاني صدك مفطوم انه بلطميه
*********
تمت بعون الله
خادمكم .......يوسف الفتلاوي

الاداء ملا ستار الصالحي

#مسلم_ابن_عقيل ع..

ارد اشكي حالي-وكل الجــرالي-لحسين اميري
الگوم الدعوني-وحدي اتركوني-وتايه مصيري
حـــولي الكفر مجموعه
والبايعت بس طــــوعه
          *
نـدائي الصوب ابوالسجاد اوجهنه
اوعن قصت مسيري اليوم اخبرنه
ابعد بالضعن يحســـين لاتــــــدنه
الگـــــــوم ابلارحم يردون مقتلنه

رد للمـــدينه... لا تعتنيـنه... يابوالحميه
الكوفه اغدروني-مابايعوني-ودارو عليه
اعلام الحرب مرفوعه
والبايعت بــس طوعه
          *
النــــاس البايعت يحسين عافتنه
وبأبخس ثمـن العـــــــدانه باعتنه
تغـير كل حجيهه ابسـرعه نكرتنه
الكــــوفه ابلا خجل نكرو ولايتنه

ماوكفو النه-نكرو فضلنه- وحبنه وفانه
باعو عهدهم-بين حقدهم-اهل الخـيانه
حبهــم غريب ابنوعه
والبايعت بس طوعه
          *
ارد اوصيـــك اوگف ياالهوه العالي
لبو السجـــاد اخـــذ وياك مرسالي
گله ابچفه يمســـح دمعت اطفالي
ولايخبرهم الصـــار وجره ابحالي

وصه ابحميده -الضلت وحيده- من بعد ابوهه
انه ادري بيهه - منتظره اجيهه - لاتخبـــروهه
عشت ابحزن وبلوعه
والبايعت بـس طوعه
        
وبعد لحسين اودي اويالنسيم اخبار
عــن هاني ابن عروه وميثــم التمار
وگفو عاصـــــفه ضـــد دولة الفجار
وبــد ماسالمو گالـــو نمـــوت احرار

الموت انه عاده - ونهوه الشهاده - نادوه سويه
هاني ابشهــامه - وجـــــه كلامه - ضد آل اميه
لجلك تسيـل ادموعه
والبايعت بس طوعه
       
حرب ضـد الرســـــول وآله علنوهه
وسيـــــوف الحـقد يحسين سلوهه
دمــاء اتواعـدو بالطـــف يسفكوهه
ضمــــايرهم على ابن ازياد باعوهه

غير مسيرك - خانو سفيرك - علنو حربهم
لا تعتنيــهم - اتغير حچيهم- عافو كتبهم
الذمه اصبحت مبيوعه
والبايعت بس طـــوعه
      ***
           الخادم
      كامل السعيدي

الاداء ملا ستار الصالحي

مولد الامام الرضا ع

حبي وغرامي   حبي وغرامي
للامــام الرضا   حبي وغرامي
@@@

اهواي حلوه سوالف العشاگ والشوگ
والكلام البيـه ترافه ابشخصك ايلوگ
انته اغله الناس كلهه واغله معشـوگ
ولي يجحد فضل حبــك گلبه ملثوگ

معطِّر سلامي   معطِّر سلامي
للامــام الرضا   معطِّر سلامي
@@@

بيــك مجنــون العقل وهـواي نهواك
سيــــــــــدي والله فلا نســوه بلياك
امن الزغر وسط الگلب احنه لگيناك
وعلى كل جبهت محب غالي كتبناك

حبي وهيامي   حبي وهيامي
للامـام الرصا    حبي وهيامي
@@@@

بيك ملهم يا حبيــبي وبيك مفتون
ابحبك ايسموني كل الناس مجنون
الما يحبك والله يا مــــولاي ملعون
الك خطيت التحـــيه ابماي العيون

يحله كلامـي    يحله كلامي
للامام الرضا    يحله كلامي
@@@@

امن اول صياري وغلاك بروحي مغروس
وگلبــي يا مـــولاي يمك ســاكن ابطوس
ابسورك وخيمت نجــــاتك اني محروس
بيـك كل الشيـعه عاشـــت رافعه الروس

كل شيعي ضامي   كل شيعي ضامي
للامـــــــام الرضا    كل شيعي ضامي
@@@@

ثامـن انوار الولايــه وافتــــخر بيـــه
بايع الدنيه اعله موده وهوه شـــاريه
گلبت كل الاســــــامي البيــهه اناديـه
روحي وگلبي وحياتي وعمري اسميه

تحله الاسامي   تحله الاسامي
للامـــام الرضا   تحله الاسامي
@@@@

ابشـوگ اجيت الحظرتك مـولاي زاير
وگلبي فوگ الحظره مثل الطير طاير
عن بعــد لمـن شفــت نـور المنــــــاير
كلشي بيــه اتغير وچن توني صـــاير

بدئي وختامي   بدئي وختامي
للامام الرضا   بدئي وختامي
@@@@

         الخادم
✍ كامل السعيدي

الاداء ملا كامل السعيدي

راضي گلبي بالرضا
ابغيره والله مارضا
حبيته ـــ وآنـــه بالمهد
واليته ـــ وابقه عالعهد
              ـ°°°°°°°°🌷🌷°°°°°°°°ـ

ســـــألو العــذال بيمن گلبــــــك انته مخـــتلي
گلت محبوبي ابن موسى علي وهم يشبه علي
احلى قصـت حب عشـتها حب طفــولي وأزلي
وصـــار امامي وبايعيته وصار كل ناسي وهلي
ابروحي باني منزِله
گلبـي ملكه بس اله
وحروفه ــ احلى من الشهد
واليـــته ــ وابقـــه عالعــهد
                ـ°°°°°°°°🌷🌷°°°°°°°°ـ

بطوس ســاكن گلبـي يَمه وحيـل هـايم بالعـشگ
وابــــــد ما اتخـــــله عــــنه ولا افـــكر نفتـــــرگ
انطاني هيبه وشرّف إسمِي ناتج الخدمه الصدگ
وثوب صيـــتي مــــنه اخـــــذته وللابد ما ينلثگ
خيره تارس النظر
غيره ما احب بشر
وبخيره ــ كل محب شهد
واليـــته ــ وابقــه عالعهد
               ـ°°°°°°°°🌷🌷°°°°°°°°ـ

بأجمـل وابهى المعاني صــــــوره رب الكمال
احتارت الناس ابجماله التارس الدنيه جمال
مــــن علي وطه نبينه ماخــذ اهوايه خصال
معرفه وحكمه وشجاعه وللعلم صـــاير مثال
الوارث صورة النبي
عالي عنده منصبي
والحبه ــ الدنيـته زهد
واليـته ــ وابقه عالعهد
           ـ°°°°°°°°🌷🌷°°°°°°°°ـ

التختنگ ريته ويزوره ايشم ضريحه وينتعش
گبته كعبة غرامي وصـــارت الكل شيعي عش
ابمولده الليله انجمــــعنه اورد عالوادم نطـش
اتشـــارك ويانه حفلنه نزلت امـــــــلاك العرش
ليلة مشـــهد الفرح
بيها صدري انشرح
مولانه ــ الثامــن انولد
واليته ـــ وابقه عالعهد
      ـ°°°°°°°°🌷🌷°°°°°°°°ـ

     الخادم
كامل السعيدي

الاداء ملا كامل السعيدي

#مولد_الامام_الرضا ع

يالرضــا حبيـتك
گلبي صاير بيتك
وحدك اختاريتك ... ياحبيبي
©©

سـيدي الحب مو عــدد نوعيه
وحبــك امفصــل لگيـته اعليه
بيـك اكشــخ كشخت الخاچيه
وابقـه اقــــــرالك شـــعر ليليه
حبـك امسليـني
عاقل امخليــني
انته سر تكويني .. ياحبيبي

©©

جنــت تايه والگلـب دلانــي بيك
ينبض بأسمك فقط ويحن عليك
يا حبيـبي عمــري كله ابين اديك
بعت كل الدنيــه والله ومشتريك
ويـن مثـــــــلك الگه
بريتي عايش شهگه
اهواي احن عالملگه … ياحبيبي
©©

ســاكن ابطوس الگلب يم بابك
وكل فجــر يتبرك امــن اعتابك
انتــه رفعت راس كل احبـــابك
يمته اعفــر جبهتي امـن اترابك
اتهزني الك اشواقي
ضامي ونته الساقي
يالعشــــت بعمــاقي .. ياحبيبي
©©

مـولدك بهجه وســـــعاده وفرحه
يرسـم البسـمه اعله وردة صبحه
ابمحفلك يشفه المريض ويصحه
اوبيــه كل مجـــروح يلتم جرحه
ابطوس سارح بالي
يم حبيـــبي الغالي
غيرك اشيـــــحلالي .. ياحبيبي
©©©

      الخادم
كامل السعيدي

الاداء ملا كامل السعيدي