مسلم المطيري

ابوذيه لمولد سيد الاكوان

الكون ابمولده مبتشر وانسر
وونين اهل الضلاله صار ونسر
ابيوم اويه القوافل مشئ وانسر
ابنعيم وخير اسمه لكل سريه


ثبت ركن العرش والعرش بسمه
وله سر منعرف بالكون بسمه
طاق لكسرئ ما ينوصف بسمه
انهدم من ثبت نوره أعلئ البريه

خادم اهل البيت
ابوفرات الحمداني

مسلم المطيري. .....ابوذيات

للشاعر/ ابو فرات الحمداني

ولادة الرسول (ص)



لمـن نزل جـبـريل يوم اولادته
أعـلـن بعـام الفيـل يوم اولادته
أعلن بهذا العام والكـون أبـتـشر
سيد محمد صار وأصبح عالبشر
بنوره يشع قنديل يوم اولادته

لمن نـزل جـبـريـل شايـل فـرحـتــه
أعـلـن محمـد هــذا يــوم أولادتــــه
خصه الجليل الباري رحمه لأمتـــه
والناس شع بنوره كلها وشـافـتـــه
نـور ويـشـع بــنور يوم اولادته
والشافه ظل مسرور يوم اولادته

لمـن نـزل جـبـريــل راد أيـشـرفــه
هــذا الخـبـر والجاه من المصطفى
يدري الصفات أتجمعـن بي والوفه
وبنوره يدري النور باقي وماطفـه
وأنـعـرف نــور الله يوم اولادته
وبجاهه حامل جـاه يوم اولادته


لمـن نـزل جـبـريـل يـدري أمئـيـده
رب العـرش والكـون هـو أمـسدده
ويدري بمحـمد راح يصبح سـيـده
راد بشرف عـالكـون يعـلن مولـده
أعـلن بهيبه وصاح يوم اولادته
نور العرش بي لاح يوم اولادته


لمن نــزل جـبـريـل أعـلـنـهـا وگـف
الـلـيـلـه مـيـلاد الكـرامه والـشـرف
مثـلـه بجميع الناس محـد منوصف
والكون كله بهل خبر يدري وعرف
والباري نـوره أختار يوم اولادته
موجبهه تزهي أنوار يوم اولادته





ثواب هذه القصيده هو لتعجيل فرج صاحب الزمان (عج)



الشاعر السيد رياض الرسل الجابري.

مسلم المطيري

لمن نزل جبريل .....يوم اولادته

كلمات الشاعر/ سيد رياض الرسل الجابري

إحبال الأمل چف الدهر حلهن
وعليَّ امشتتـــات البين حلهن
يالهادي الشـــدد بيديك حلهن
وأنه بعبــاتك امچلبــات اديه

✍ فراس المحمداوي
♡♡♡
١٠١١-🌹 سيدي يارسول الله

محبتك يا رســول الله نِعمه
نور ولــــو جِفينه النور نِعمه
اذا بينه گلب مخشــون نَعمه
وخلّي كل اخو ايحن الخويّه

✍ فراس المحمداوي

١٠٠٨- 🌹ولادة الإمام الصادق (ع) 🌹

الباري ارتضه الصادق واحتفاله
وخلــــع نعليه موسى واحتفاله
الليله احيي فـــرحته واحتفاله
ويامحلى الولاده الصــــــادقيه

✍ فراس المحمداوي
♡♡♡
١٠٠٩- ولادة الصادقين

انه المايوم عن ذكرك تلاها
وآياتك بصوت الحب تلاها
حِلَت فرحتنه بالمولد تلاها
فرح اجمل ولاده صــادقيه

✍ فراس المحمداوي
♡♡♡

واويلاه واويلاه
^^^^^^^^^^^^^^^^^^^^^^^^^^^
معروف الزغير تصير اعز من روحه والدته
ومن يسولف بلا صوت دمعه يصير سالفته
صعبه ابنك يموت بين اديك وتنتهي قصته
وصعبه البعده ما مولود وينصبون فاتحته

من تحضر لإبنك چفن
تحس قلبك بصفه اندفن
^^^^^^^^^^^^^^^^^^^^^^^^^^^
توجع طكت البسمار للعضمه طري بعده
وخنكه اسوالف الدخان تكسر واهس الورده
كماطه من چفن سووا وكاروكه صبح لحده
ذكرى ما اله بدنياه غير الدمعه البخده

بهداي صارت طيحته
والزهره ميت شالته
^^^^^^^^^^^^^^^^^^^^^^^^^^^
من يبدي الوجع وياك بأول لحظه من عمرك
ومن توك تجي لدنياك تلكاه منحفر قبرك
وتلكه حافر الدخان متربع على صدرك
ومو حضن امك التابوت فاتح حضنه ينتظرك

المحسن رحل بأول عمر
من بطن امه للقبر
^^^^^^^^^^^^^^^^^^^^^^^^^^^
جان فاطمه الزهراء تنطر ساعة الملكه
ابنها وتنتظر ملكاه حتى تشمه وتشبكه
بس شاء اللّٰه هذا الشوك يتحول بجي وحركه
والملكه يصير وداع تبدي مرورة الفركه

تحكم الام العاطفه
مو سهله ساعات الجفه
^^^^^^^^^^^^^^^^^^^^^^^^^^^

القصيدة : اول تذكرة
الرادود : علي الساعدي
الشاعر : سجاد رحيم اللامي

الاداء ملا علي الساعدي

الشوق الى زيارة مولانا السلطان علي ابن موسى الرضا صلوات الله عليه


الشوگ انقره بروحي اهواي ...
خليني اجيلك..يمتى اعتنيلك..يمتى اعتنيلك..

عطشان ازورك بهداي...
خطواتي دمعه...وانه انعه..وانه انعه...

خايف اذبل بنتضاري اسگيني موعد من جديد
الزم ايدي بچف رئفتك غيرك انه ما اريد
يا امان لگلبي انته بيك اسولف وبقه اعيد


ياضامن بروحي العشگ...اضمنلي موعد
انته سفينت كل صدگ...وبسدها نلبد
ما يسوه گلبه شما يدگ...العنك ابعد


شوگ...رايد صبر
شوگ...مثل الجمر
شوگ...ياخذ عمر...مولاي الرضا
________

ماي انته?? وانه المحروگ...
طفي جمرتي...وبرد حسرتي...برد حسرتي...

يمك اسولف كل شوگ...
احچي حناني..ولوعت زماني..لوعت زماني..


گلي يمتى انه اجيلك يمك احچي بكل هيام
بروحي صفنه تريد امانك واقره ايات السلام
يحلى يمك انه دمعي ويحلى يمك كل غرام


يا نسمه يم كل مختنگ...يانسمت الحب
بهذا العشگ ما افترگ...وزياده اطلب
رويني من عطفك عثگ...يانعمت الرب


طال...درب الهجر
طال...وانه انتضر
طال...ليل العمر...مولاي الرضا
________

كل يوم اسولف بس بيك...
اهواي اناطر...يمتى اسافر..يمتى اسافر...

اشتاگ ولله شما اجيك...
مامل وزورك...وشتم بخورك..وشتم بخورك..


الدنيه ضلمه وانته شمسي شلون املن من اجيك
يعني كل ساعه ازورك روحي تصبح بين اديك
ياحلم رافگ محبتي ياحناني وكلشي ليك


الدنيه خلصانه وردت....منك زياره
تموتني صوره لو شفت....بيها المناره
مجنون بل فرگه صرت...سويلي چاره


ريت... يمك اجي
ريت...وحچي بچي
ريت...بيك ارتجي...مولاي الرضا
_______

يا لون ما مثلك لون ...
ماخذ حياتي...يا كل غلاتي...يا كل غلاتي...

اجمل وطن واحلا اعيون...
سلطاني انته..وغيرك تركته...غيرك تركته...


لمشهد انه يمتى اوصل عندي ضلت امنيات
يلي هجرك خله عندي بلا طعم هاي الحيات
انه ميت هسه تدري فركتك هيه الممات


ماريد اشم هذا الهوه...مشتاك اشمك
جرح العشگ ماله دوه...وديني يمك
انذرلك اسنيني ضووه...بعيوني اضمك


راح...صبري بعد
راح...گلبي انمرد
راح...حيلي وركد...مولاي الرضا
_______

خادم الزهراء ص

✍️محسن الباوي
_______