قصائد العليله ع

أنه يمهم والدمع بعيوني
شلون لوباجر هلي ايعوفوني.      عمه زينب.  
عمه زينب


بدمعي اجيتچ يالعقيله.   الغوث ياأم الخدر
اوداخله اعله الله اوعليج    الروحتي اتسهلي الامر
عمه شوفي اشصار بيّه       اوكلبي شيب ونفطر
او كمت أجر  بجدامي گوه     اوجني مو باول عمر
انتي يمي او دم تسيل  أجفوني
شلون لو باجر هلي ايعوفوني
                           عمه زينب.      عمه زينب


باجر أتسير الغوالي.    او وحدي أضلّ متحيره
اوكلبي مايهده يعمه.    اوبيش أصبره اعله الجره
لو رحلتو تعمه  عيني .         وبيتي يصبح مكبره
وانه من هسه اوغلاتچ.      روحي نار اموجره
شوفي حالي وخلهم ايرحموني
  شلون لو باجر هلي ايعوفوني
    عمه زينب.      عمه زينب

عمه من هسه أنيني.         اونوحي ذابح مهجتي
وشتعل كلبي بحنيني   اوصرختي  اتهزت دنيتي
بعد ماضل عندي غيرچ.  .   ياغياثي او رجوتي
وين اروحن واني اهلي.        كـــــــبرو هـــم علتي
ذبل غصني اوبعد ماهجروني
شلون لو باجر هلي ايعوفوني
     عمه زينب.      عمه زينب


سرجو اكبالي المحامل.     وبين بروحي الزعل
اورحت ياعمه الكفيلج        واعتذرني او ماكفل 
عمه شنهو  وليش،أنه         ترحل احبابي بعجل
ودمي دمكم يالغريبه         وانه بتكم ليش،اضل
انكسر گلبي وشيب اويه جفوني
   شلون لو باجر هلي ايعوفوني
      عمه زينب.      عمه زينب



وين اروح بهذا همي.    واشتكي حملي الثكيل
اوكلبي فرفح من عذابه.     اوصاح يازينب دخيل
عمه تدرين الليالي            وكحه يـــرادلها حيل
       والسهر طبعه الأذيه.       وابد مايرحم عليل
الحمل هدني وگوه اشيل امتوني
    شلون لو باجر هلي ايعوفوني
عمه زينب.      عمه زينب

اصياح ياعمه اصيح   وبسمج اندب واستجير
انعميت اوتاه فكري  وحگ ضلع امنه الكسير
همي غطه الدنيه كلهه.   اوزاد عالكون الجبير
اوعمه والعباس عمي     دربي ماشوفه امن أسير

ابناري اشب اوكلـكم تشوفوني
شلون لو باجر هلي ايعوفوني
عمه زينب.      عمه زينب


خادم الزهراء ع ابو احمد الطائي

الشاعر ابو احمد الطائي بصوت حسين عدنان الكوبعي

بالأفراح بالأفراح _ شع نور معصومه وبدأ
بالأفراح بالأفراح _ شع نور معصومه وبدأ
اجرك على المعصومه ان شاء الله ؟؟
بالأفراح بالأفراح _ شع نور معصومه وبدأ
شع بسماء العلياء وبان  _ نور الكرامه وأنتشر 2
من عطر موسى العنوان _ كاظم الغيض اعله البشر
معصومه آية ايمان _ توجت بالمجد الدهر
بالأصلاح بالأصلاح _ فكرة هدايه امورده

👏👏👏👏👏👏👏👏

من عطر موسى العنوان _ كاظم الغيض اعله البشر
معصومة آيه ايمان _ توجت بالمجد الدهر
يثرب توج الها شمع _ نور الكرامه الكاظمي
من منبع العفه فرع _ زهرة محمد تنتمي
يثرب توج الها شمع _ نور الكرامه الكاظمي
من منبع العفه فرع _ زهرة محمد تنتمي
كوثر عذب صافي النبع _ شلال يروي كل ضمي
للأرواح للأرواح _ يرويها كوثر رافده 2

👏👏👏👏👏👏👏👏👏

منبر بقم الفاطمه _ اهل الفكر بيه تزدحم 3
القلب صاح القلب صاح _ تهوى الغديره الأفئده
بالأفراح بالأفراح _ شع نور معصومه وبدأ 2
منبر بقم لفاطمه _ اهل الفكر بيه تزدحم 2
ربك حباها بمكرمه _ مركز غدت لأهل العلم
لهدي النفوس اتقدمه _ برهان للعالم يتم
القلب صاح القلب صاح _ تهوى الغديره الأفئده 2
لهدي النفوس اتقدمه _ برهان للعالم يتم
القلب صاح القلب صاح _ تهوى لغديره الأفئده
بالأفراح بالأفراح _ شع نور معصومه وبدأ
بالأفراح بالأفراح _ شع نور معصومه وبدأ 4


للرادود🎤 السيد حيدر الصالحي
للشاعر / مرتضى شكر

الرادود الحسینی ابوجلیل دردوشی:
هلا بميلاد معصومه
الگمر سهران ونجومه
گلبنا انزالت اهمومه. هلا بميلاد معصومه

*

آلف مبروك ميلادچ ( يمعصومه ) 2
الگمر فرحان هالليله ( مع نجومه )2
نجوم الليل سهرانه. گمرنا امساهر اويانه
گلبنه انزالت اهمومه
هلا بميلاد معصومه

****
مشت لهموم من جانا (فرح ميلاد )2
حضرنا بشوق ونبارك ( لها الأعياد)2
كريمة من نسب طه. فاطم موسى سماها
وصبح إيران  متنور (يشع قومه)2
قلبنا انزالت اهمومه. هلا بميلاد معصومه

**!
مدينة قم مزدهره(وزهت إيران)2
صفت حوزات علمية (وعلت بآلشان)2
ضلت شامخه وتزهر  يزاير عاين اتبهر
مناير فوق وتنوش السماء نجومه
قلبنا انزالت اهمومه. هلا. بميلاد معصومه

**
مناير فوق مرتفعه (وياگبتها )2
دوه الماطاب ياصاحب (زيارتها)2
يطيب الما عليه طبه
إذا مابيده دغش قلبه
شفاعه ينول من عدها وتجي اعلومه
گلبنه انزالت اهمومه. هلا بميلاد معصومه

****

نهني قم والحوزة (ويازواره )2
نزف افراح وتهاني (والبشارة)2
بشارة انقدم احنا إلهم  وصارت فاطمة انگلهم
ويلالي بنور مرقدها يضل دومه
گلبنا انزلت اهمومه. هلا بميلاد. معصومه

*

يزاير لوگصدت إلها ( وتروح القم )2
طفت مادور مرقدها (وعليها تحوم)2
گلها الشيعة فرحانه. وطول الليل سهرانا
ذكر ميعاد ميلادچ(حيت يومه)2
گلبنا انزالت اهمومه. هلا بميلاد معصومه

***

حيينا ايام ميلادچ  (فرح وسرور)2
نطش ازهار بالمحفل (تفوح اعطور)2
نفض شوباش وملبس. والشاعر إذا هوس
يدچ الگاع والنايم (هجر نومه)2
گلبنا انزالت اهمومه. هلا بميلاد. معصومه

****

✍🏻 الشاعر الرادود الحسيني ابو جليل الدردوشي

عون ابن مولاتي زينب يفخر بخاله العباس


هــلا يزماط والدتي
يبن الغـــالي يالغالي
هـــلا ياشيخ طايفتي
يهنيالي وصرت خالي

يتاج اعله الزلم محـلا معانيه
المامگضيه يمك هيه مگضيه
يهديب الخيام وطيب العشره
يــاشــارب علي وگماط بدويه

الفضل كله بنضرتك
شَــبَهّ جدي شمـرتك
يخــالي ويـا محـبتك .. ياخالي الگمر

ابد ماكـو بجمــالك
ورد خَضـر خــيالك
الدلال إيحب دلالك .. ياخالي الگمر

أنه خالي الگمر ...

"""""""""""""""""""""""""""""""""""''''''''''

ثلثيـــني عليك انته
وانته المالك اثلاثي
انته الشــــادهّ الدنيا
وجبرائيل ألك راثي

يخال الروح من اتمـيل ترچيها
يموت الخيــل والقــاده تبچيها
واجب لـسمك ادنــگ سوالفنه
بسمك غصت الدنيا ومحاچيها

احتارو حتى بسمك
شمغـــذيتك أمــــك
الهوى هـــذا يشمك .. ياخالي الگمر

عذوبه بنص عذوبه
ترافــه وبــيها حوبه
المكارم كلها صوبه .. ياخالي الگمر

أنه خالي الگمر ...

"""""""""""""""""""""""""""""""""""''''''''''

بحبك والنهر جاري
مايك هذا مــو مايه
انته العَمد للخــيمه
اسمــك صـار تچايه

اذا سموك بسم امـــي افتخر آنه
وأطير من الفخر والروح فرحانه
كفيل ام عون وآنــه اتفاخر بهايه
يالمخلي الفوارس خــالي حيرانه

يمك ماكـو فارس
الاخضر صار يابس
يخلاس الأشــاوس .. ياخالي الگمر

يــــــذراع النبوه
خوه وفوگ خوه
شگد شايل مروه .. ياخالي الگمر

أنه خالي الگمر ...

"""""""""""""""""""""""""""""""""""''''''''''

مــــــالك للفضــل كــله
وتمشي القافله بعطفك
يمضوي الليالي انتــــــه
يممشه الهـــودج بچفك

حتى الطير بيك مّــأمن بعــشه
ياعين الحسين وحاجبه ورمشه
ياگلب العقـيله الينبـض بحـبك
حبك عالهوادچ تمشــي واطشه

يالطلعه البهيه
نور الغــاضريه
ياعشگـ الرقيه .. ياخالي الگمر

عـايش بينـــه لجــه
بحبك ونّــتَــرَجــــه
الليل انخلصه حجه .. ياخالي الگمر

أنه خالي الگمر ...

عبد زينب
محمد الابراهيمي

لحن (أنه خالي الگمر)
بصوت
سيد منعم الحسيني

حسبت وقت وامخلّص العمر
اليترك أثر بالدنيا يفتخر
الزين مو بس بحياته..ينذكر حتى ابمماته
واوضح مثال السيد الصدر

الدنيا لابد يجي يوم وعنهه ماشين
احنه بيهه اضيوف واضح هالامر زين
لكن الرايد اعماله اتكحل العين
خل يقويهه صحبته ويه الحسين
ليش الصدر ياناس نال المكارم
صح مچتهد بس چان للزهره خادم
ابدرب الشهاده اختار مقتله
گد ما تعيش اباله كربله
الكربلاء عاشت ابذاته..ينذكر حتى ابمماته
وأوضح مثال السيد الصدر

چانت اباله العقيده وكربله اتدور
ولذلك حتى يومه چنه عاشور
مثل مسلم هو عاش وطاحت اقصور
وگبره سبحان الله شامخ بين الگبور
هالفرحه للأموات وكت الزياره
واصبح رزق للناس گبره ومزاره
بالخدمه مخلص چان هالولي
بالوجه الابيض راح يم علي
الضحه بالدم الصلاته..ينذكر حتى ابمماته
وأوضح مثال السيد الصدر

چانت ايام الضلم جدا شديده
وچان ابو مؤمل صدگ صاحب عقيده
ابزوده كل جمعه يسوي اللي يريده
صدگ مُرسَل واهتدت ناس اعله إيده
والنيته لله اتكون يعني الله وياه
ينمو إذن ياناس ماكان لله
البالخدمه گلبه دومه محترگ
هذا يحب حسين من صدگ
العنده الحسين اشغلاته..ينذكر حتى ابمماته
وأوضح مثال السيد الصدر

ابخدمة العتره الشريفه گظَّه عمره
چان هَمَّه الدِّين والمذهب ينصره
اشكثر چان ايسولف ابفاطمه الزهره
ولذلك قَدَّس المعبود سِرَّه
حب المجالس چان يمشي ابوريده
بالخطبه شوفه اشلون يقره القصيده
رغم المآسي والوكت صعب
لكن خطبته تدخل الگلب
صوته بالكوفه اشحلاته..ينذكر حتى ابمماته
وأوضح مثال السيد الصدر

آخ من يوم المصاب ويوم وعده
كل محب عنده الأمل ماي او تبده
گالو انصاب الولي ودمه اعله خده
مثل جده حسين هم عينه اعله ولده
وابصفه مچتولين اولاده الاثنين
بالحسره والآهات هم يشبه حسين
لكن أگله سيدي ابألم
لمن طحت ماحرگو الخيم
جدك انسلبن بناته..ينذكر حتى ابمماته
وأوضح مثال السيد الصدر

سيد علي الموسوي

الاداء ملا امير الفتلاوي

الى السيد الشهيد السعيد محمد محمد صادق الصدر (قدس)

صار چم عام اليمر اعله الرحيل
ادگول ماميت يسيدنه الجليل
نحيي ذكراك....مانسيناك

سر من اسرار السماء انشوف سرك
ياهو الانسأله عليك ايحير بامرك
ننحب اعله اعمارنه موش اعله عمرك
انت لو ميت صدگ چاما نذكرك

إي وحگ صاحب رساله الجاعلك
كل عراقي ياصدر ممنون الك
كلنه نهواك....مانسيناك

يالإجيت النه ابزمن أيامه صعبه
بالعراق إحنه ولكن چنه غربه
الكربله اليمشي مشي إيده اعله گلبه
الفاتحه يقره اعله روحه الشال تربه

كل ثلاثاء واربعاء تصبح تراب
ثاري عدمو بالسجن أغله الشباب
ياوكت ذاك....مانسيناك

يالطلعت النه ابزمن بي مات الاحساس
والعراق ابإيد زمرة بني العباس
ابزودك الجمعه قمتهه ورغم الارجاس
ياصدر وابفضلك اشگد اهتدت ناس

وابوكت بي چان ممنوع الكلام
گمنه نحچي بالحلال وبالحرام
وبقضاياك....مانسيناك

أرسلك لهل الارض رب الجلاله
تصرخ ابكل جمعه وتبلغ رساله
ياأبو چلمة (حبيبي) وياجماله
ماشفت واحد چفن ميت حلاله

عالمنابر ياصدر من تعتلي
هيبتك هيبة رسول الله وعلي
ترعب اعداك....مانسيناك

آخ من يوم الرحيل اشسوه بينه
والحبيب ابساع شو راح امن ادينه
اشگد بچينه ياأملنه اشگد بچينه
ماشبعنه من ابو روح الحنينه

من عگب عيناك حسينه ابضياع
راح من عدنه أبونه ابلا وداع
صرنه ننعاك...مانسيناك

ياصدر بمصيبتك حزنت سمائك
تنحب النجلينك وتبچي الدمائك
واحنه يابو مصطفى جينه العزائك
حيل محتاجين مولانه الدعائك

ابمجلسك نرفع إدينه للسمه
ايعجل الباري البقية فاطمه
واحنه جيناك....مانسيناك

سيد علي الموسوي

الاداء ملا امير الفتلاوي

قصيدة نزله
للسيد الشهيد محمد محمد صادق الصدر

يالصدر لمن لبست اجفانك
انت اول واحد بميدانك

بشيبتك وبعصتك ثائر كمت
دولة الطغيان مولاي ارعبت
روحك اعلى جفوفك ومن قدمت
خافتك وتحيرت عدوانك

شفنا طغيان بجنونه ومنهجه
قتل الولدان مامنه رجى
بساعة الرهبه وظلمهم اججه
يالصدر جيت بفرج عنوانك

بمنبرك شفنا الكرامه والشرف
الصدر هيبه وكلمتها بيها انعرف 
بغيرته اعلى الناس واحسانه اتصف
كلها عرفت طيبتك واحسانك

خاطبيت المجتمع بألوانه
وكل حرف حطيتله عنوانه
النور أشرق من سنى الحنانه
بثورتك عرفو جلالة شأنك

بغيرتك شفناها صولات الحسين
شفنا بالكوفه نداء الثائرين
وشفنا أهل المعرفه وأهل اليقين
وشفنا نورك والقيم واقداسك
**


محمد دعبل النوري