حسبت وقت وامخلّص العمر
اليترك أثر بالدنيا يفتخر
الزين مو بس بحياته..ينذكر حتى ابمماته
واوضح مثال السيد الصدر

الدنيا لابد يجي يوم وعنهه ماشين
احنه بيهه اضيوف واضح هالامر زين
لكن الرايد اعماله اتكحل العين
خل يقويهه صحبته ويه الحسين
ليش الصدر ياناس نال المكارم
صح مچتهد بس چان للزهره خادم
ابدرب الشهاده اختار مقتله
گد ما تعيش اباله كربله
الكربلاء عاشت ابذاته..ينذكر حتى ابمماته
وأوضح مثال السيد الصدر

چانت اباله العقيده وكربله اتدور
ولذلك حتى يومه چنه عاشور
مثل مسلم هو عاش وطاحت اقصور
وگبره سبحان الله شامخ بين الگبور
هالفرحه للأموات وكت الزياره
واصبح رزق للناس گبره ومزاره
بالخدمه مخلص چان هالولي
بالوجه الابيض راح يم علي
الضحه بالدم الصلاته..ينذكر حتى ابمماته
وأوضح مثال السيد الصدر

چانت ايام الضلم جدا شديده
وچان ابو مؤمل صدگ صاحب عقيده
ابزوده كل جمعه يسوي اللي يريده
صدگ مُرسَل واهتدت ناس اعله إيده
والنيته لله اتكون يعني الله وياه
ينمو إذن ياناس ماكان لله
البالخدمه گلبه دومه محترگ
هذا يحب حسين من صدگ
العنده الحسين اشغلاته..ينذكر حتى ابمماته
وأوضح مثال السيد الصدر

ابخدمة العتره الشريفه گظَّه عمره
چان هَمَّه الدِّين والمذهب ينصره
اشكثر چان ايسولف ابفاطمه الزهره
ولذلك قَدَّس المعبود سِرَّه
حب المجالس چان يمشي ابوريده
بالخطبه شوفه اشلون يقره القصيده
رغم المآسي والوكت صعب
لكن خطبته تدخل الگلب
صوته بالكوفه اشحلاته..ينذكر حتى ابمماته
وأوضح مثال السيد الصدر

آخ من يوم المصاب ويوم وعده
كل محب عنده الأمل ماي او تبده
گالو انصاب الولي ودمه اعله خده
مثل جده حسين هم عينه اعله ولده
وابصفه مچتولين اولاده الاثنين
بالحسره والآهات هم يشبه حسين
لكن أگله سيدي ابألم
لمن طحت ماحرگو الخيم
جدك انسلبن بناته..ينذكر حتى ابمماته
وأوضح مثال السيد الصدر

سيد علي الموسوي

الاداء ملا امير الفتلاوي

الى السيد الشهيد السعيد محمد محمد صادق الصدر (قدس)

صار چم عام اليمر اعله الرحيل
ادگول ماميت يسيدنه الجليل
نحيي ذكراك....مانسيناك

سر من اسرار السماء انشوف سرك
ياهو الانسأله عليك ايحير بامرك
ننحب اعله اعمارنه موش اعله عمرك
انت لو ميت صدگ چاما نذكرك

إي وحگ صاحب رساله الجاعلك
كل عراقي ياصدر ممنون الك
كلنه نهواك....مانسيناك

يالإجيت النه ابزمن أيامه صعبه
بالعراق إحنه ولكن چنه غربه
الكربله اليمشي مشي إيده اعله گلبه
الفاتحه يقره اعله روحه الشال تربه

كل ثلاثاء واربعاء تصبح تراب
ثاري عدمو بالسجن أغله الشباب
ياوكت ذاك....مانسيناك

يالطلعت النه ابزمن بي مات الاحساس
والعراق ابإيد زمرة بني العباس
ابزودك الجمعه قمتهه ورغم الارجاس
ياصدر وابفضلك اشگد اهتدت ناس

وابوكت بي چان ممنوع الكلام
گمنه نحچي بالحلال وبالحرام
وبقضاياك....مانسيناك

أرسلك لهل الارض رب الجلاله
تصرخ ابكل جمعه وتبلغ رساله
ياأبو چلمة (حبيبي) وياجماله
ماشفت واحد چفن ميت حلاله

عالمنابر ياصدر من تعتلي
هيبتك هيبة رسول الله وعلي
ترعب اعداك....مانسيناك

آخ من يوم الرحيل اشسوه بينه
والحبيب ابساع شو راح امن ادينه
اشگد بچينه ياأملنه اشگد بچينه
ماشبعنه من ابو روح الحنينه

من عگب عيناك حسينه ابضياع
راح من عدنه أبونه ابلا وداع
صرنه ننعاك...مانسيناك

ياصدر بمصيبتك حزنت سمائك
تنحب النجلينك وتبچي الدمائك
واحنه يابو مصطفى جينه العزائك
حيل محتاجين مولانه الدعائك

ابمجلسك نرفع إدينه للسمه
ايعجل الباري البقية فاطمه
واحنه جيناك....مانسيناك

سيد علي الموسوي

الاداء ملا امير الفتلاوي

قصيدة نزله
للسيد الشهيد محمد محمد صادق الصدر

يالصدر لمن لبست اجفانك
انت اول واحد بميدانك

بشيبتك وبعصتك ثائر كمت
دولة الطغيان مولاي ارعبت
روحك اعلى جفوفك ومن قدمت
خافتك وتحيرت عدوانك

شفنا طغيان بجنونه ومنهجه
قتل الولدان مامنه رجى
بساعة الرهبه وظلمهم اججه
يالصدر جيت بفرج عنوانك

بمنبرك شفنا الكرامه والشرف
الصدر هيبه وكلمتها بيها انعرف 
بغيرته اعلى الناس واحسانه اتصف
كلها عرفت طيبتك واحسانك

خاطبيت المجتمع بألوانه
وكل حرف حطيتله عنوانه
النور أشرق من سنى الحنانه
بثورتك عرفو جلالة شأنك

بغيرتك شفناها صولات الحسين
شفنا بالكوفه نداء الثائرين
وشفنا أهل المعرفه وأهل اليقين
وشفنا نورك والقيم واقداسك
**


محمد دعبل النوري

ابدنيتك مشغول بيش ....
.شنهو  شتفكر اتعيش.......

      جوه هالكاع انت يوم
       ....الدنيا لتظن ماتدوم
*******
حاسبت نفسك  اريدك  يلله  بلش بالجواب
باجر  الدنيا   تغرك   بيت وموال  وصحاب
كون واحد بينه يسأل نفسه عن يوم الحساب
وين جاهك وين صيتك ينتهي  وسط تراب
     بدنيتك  عايش  غريب....
    بكلشي تقصيرك عجيب..

  يالعشت عمرك هموم....
.............الدنيه لتظن ماتدوم
********
استفزاني زماني لو كلت  باجر اتوب
مغلس وايدي عالخدي حققت عمري ذنوب
ضاعت اسنيني حسافه تايه بظل الدروب
هذا تقصيري وذنوبي دنيا مشتني بكروب

   صرت  متكبر  غشيم.
...بدنياعايش بس نعيم

لونمت كافي تلوم
..........الدنيا لتظن ماتدوم
*******
كلي هم راجعت نفسك كبل لا تغفه  وتنام
اليوم وشسويت  انه شنهو وشماكل  حرام
هاي  دنيا  ولاتغرك  و اقره  عالدنيا  السلام
ماتدوم  الدنيا صدك  ماكو  واحد   بيهه  دام
 
اشما  تعليت  وطغيت .......
كلي شنهو اشحصليت...

والاثر  تبقى الهدوم
.........الدنيا  لتظن ماتدوم
*******
لايغرك طمع  دنيا  الموت فكر  بي   وراك
القصر  باجر ما ينفعك لون عزرائيل   اجاك
باجر  اشتاخذ  ابموتك  بس چفن ابيض معاك
وين  دينك  هسه  تحجي لو  أجه منكر كفاك

كبره  مابي حتى باب .......
 ينترس حلكك اتراب

هناكه تتمنه عله يوم
 ......... الدنيا لتظن ماتدوم
********
استغلهه الدنيه هايه   اهل  بيتك  علموك
من جذب والغيبه ابعد علي منهج درسوك
علموك احفظ صلاتك واحترم  امك   وابوك
الكطع بين  الاخوه   لا تشيل انت  عله اخوك

وستغلهه الدنيه زين .
........ ...وخدم  بحب الحسين

كون كلبك هم رحوم
 ...........الدنيا لتظن ماتدوم

********
يوسف الفتلاوي

الاداء ملا ستار الصالحي

يحسين تارسني عشك وانه ادري عايش بيه
كل يوم   تلكاني  صدك   مفطوم انه بلطميه
*******
سولفلي بحكام  النبض
والشوفتك  كلبي نهض
............امعيشني بحلامي اسنين
اهل   الجنون  بوجنتك
بصفنتهه مذبح شافتك
................وحتارت وياك امنين
عيسى خجل يم شامتك
شاف   الحياة   بنظرتك
...........محبوبي عاشك يحسين

انت  العشك والقل هوه
منك شفت يبدي الضوه
...........معروفه بدموعي العين

مجنون خلاني العشك والدمعه تدري اشبيه
كل يوم تلكاني صدك مفطوم انه  بلطميه
*********
حاچيني بدروب العشك
كلبي انخلق لجلك يدك....
...........بيك انعرف شوكي اجنون 
ضايع چنت بين الجهل
اعتقني من درب الزلل
..............حبيتك انت  المضمون
بعشكك اصيرن مستهل
صاحو  اعد ملا  بعجل.......
...............بحبك  اهيمن  يدرون
چان الزمن مابي طعم
بهواك  كلشي منسجم
...............يتغير اهوايه  الكون

وياي تمشي ويه النفس مرات احس باالريه
كل يوم  تلكاني  صدك مفطوم انه  بلطميه
*********
كلشي بحياتي ابخدمتك
متعلگه روحي بحضرتك.
..............بالكلب حبك موجود
سيرلي ساعه ويه الهوه
مشتاك   اشمك  يا دوه
.............والعالم اليوم اشهود

كلشي  بجمالك مختلف
بس انت يحسين العرف
..............دلاني  شوك المعبود
بالركعه تسبيح العشك
وياك   ابد   ما  نفترك
...........شوكي بحضرتك معگود

هيمني شوك محبتك  وانه اعرف القدسيه
كل يوم تلكاني صدك مفطوم انه  بلطميه
*********
انت الضحى وانت شمس
نور الله    ابد ما ينحبس
...............مجنون ابحبك  عابس
موسى عله شوفك مستقر
ينجه  بحياته   من البحر
................ثبت حياته بهاجس

كوثر   شجونك  منهمر
يحسين شاغل كل فكر
...........بالخدمه  ماخذ  واهس
والعالم بعشكك  غفه
ربك وفالك   واكتفه
............وبقربك  احنه  نافس

بحلامي طيفك منكتب مصدر هوه الحريه
كل يوم تلكاني صدك مفطوم انه بلطميه
*********
اقضي العشك فايت فرض
من   زغري  ويدك  النبض
...............كل دكه عايش بيه 

بس انت روحي من المهد
ناغوني   بطفوف  اعتقد
...............صار  البشر  حريه
انت حياتي ومسندي
دلاني   بيكم   والدي
.............حبكم شرف قدسيه

بعرش الله صارت هيبتك
تحفهه الملايك  حضرتك
................هايم صرت ليليه

حبيتك ابكل ماردت  شوك المحب  گمريه
كل يوم تلكاني صدك مفطوم انه بلطميه
*********
تمت بعون الله
خادمكم .......يوسف الفتلاوي

الاداء ملا ستار الصالحي

#مسلم_ابن_عقيل ع..

ارد اشكي حالي-وكل الجــرالي-لحسين اميري
الگوم الدعوني-وحدي اتركوني-وتايه مصيري
حـــولي الكفر مجموعه
والبايعت بس طــــوعه
          *
نـدائي الصوب ابوالسجاد اوجهنه
اوعن قصت مسيري اليوم اخبرنه
ابعد بالضعن يحســـين لاتــــــدنه
الگـــــــوم ابلارحم يردون مقتلنه

رد للمـــدينه... لا تعتنيـنه... يابوالحميه
الكوفه اغدروني-مابايعوني-ودارو عليه
اعلام الحرب مرفوعه
والبايعت بــس طوعه
          *
النــــاس البايعت يحسين عافتنه
وبأبخس ثمـن العـــــــدانه باعتنه
تغـير كل حجيهه ابسـرعه نكرتنه
الكــــوفه ابلا خجل نكرو ولايتنه

ماوكفو النه-نكرو فضلنه- وحبنه وفانه
باعو عهدهم-بين حقدهم-اهل الخـيانه
حبهــم غريب ابنوعه
والبايعت بس طوعه
          *
ارد اوصيـــك اوگف ياالهوه العالي
لبو السجـــاد اخـــذ وياك مرسالي
گله ابچفه يمســـح دمعت اطفالي
ولايخبرهم الصـــار وجره ابحالي

وصه ابحميده -الضلت وحيده- من بعد ابوهه
انه ادري بيهه - منتظره اجيهه - لاتخبـــروهه
عشت ابحزن وبلوعه
والبايعت بـس طوعه
        
وبعد لحسين اودي اويالنسيم اخبار
عــن هاني ابن عروه وميثــم التمار
وگفو عاصـــــفه ضـــد دولة الفجار
وبــد ماسالمو گالـــو نمـــوت احرار

الموت انه عاده - ونهوه الشهاده - نادوه سويه
هاني ابشهــامه - وجـــــه كلامه - ضد آل اميه
لجلك تسيـل ادموعه
والبايعت بس طوعه
       
حرب ضـد الرســـــول وآله علنوهه
وسيـــــوف الحـقد يحسين سلوهه
دمــاء اتواعـدو بالطـــف يسفكوهه
ضمــــايرهم على ابن ازياد باعوهه

غير مسيرك - خانو سفيرك - علنو حربهم
لا تعتنيــهم - اتغير حچيهم- عافو كتبهم
الذمه اصبحت مبيوعه
والبايعت بس طـــوعه
      ***
           الخادم
      كامل السعيدي

الاداء ملا ستار الصالحي