مولد الامام الرضا ع

حبي وغرامي   حبي وغرامي
للامــام الرضا   حبي وغرامي
@@@

اهواي حلوه سوالف العشاگ والشوگ
والكلام البيـه ترافه ابشخصك ايلوگ
انته اغله الناس كلهه واغله معشـوگ
ولي يجحد فضل حبــك گلبه ملثوگ

معطِّر سلامي   معطِّر سلامي
للامــام الرضا   معطِّر سلامي
@@@

بيــك مجنــون العقل وهـواي نهواك
سيــــــــــدي والله فلا نســوه بلياك
امن الزغر وسط الگلب احنه لگيناك
وعلى كل جبهت محب غالي كتبناك

حبي وهيامي   حبي وهيامي
للامـام الرصا    حبي وهيامي
@@@@

بيك ملهم يا حبيــبي وبيك مفتون
ابحبك ايسموني كل الناس مجنون
الما يحبك والله يا مــــولاي ملعون
الك خطيت التحـــيه ابماي العيون

يحله كلامـي    يحله كلامي
للامام الرضا    يحله كلامي
@@@@

امن اول صياري وغلاك بروحي مغروس
وگلبــي يا مـــولاي يمك ســاكن ابطوس
ابسورك وخيمت نجــــاتك اني محروس
بيـك كل الشيـعه عاشـــت رافعه الروس

كل شيعي ضامي   كل شيعي ضامي
للامـــــــام الرضا    كل شيعي ضامي
@@@@

ثامـن انوار الولايــه وافتــــخر بيـــه
بايع الدنيه اعله موده وهوه شـــاريه
گلبت كل الاســــــامي البيــهه اناديـه
روحي وگلبي وحياتي وعمري اسميه

تحله الاسامي   تحله الاسامي
للامـــام الرضا   تحله الاسامي
@@@@

ابشـوگ اجيت الحظرتك مـولاي زاير
وگلبي فوگ الحظره مثل الطير طاير
عن بعــد لمـن شفــت نـور المنــــــاير
كلشي بيــه اتغير وچن توني صـــاير

بدئي وختامي   بدئي وختامي
للامام الرضا   بدئي وختامي
@@@@

         الخادم
✍ كامل السعيدي

الاداء ملا كامل السعيدي

راضي گلبي بالرضا
ابغيره والله مارضا
حبيته ـــ وآنـــه بالمهد
واليته ـــ وابقه عالعهد
              ـ°°°°°°°°🌷🌷°°°°°°°°ـ

ســـــألو العــذال بيمن گلبــــــك انته مخـــتلي
گلت محبوبي ابن موسى علي وهم يشبه علي
احلى قصـت حب عشـتها حب طفــولي وأزلي
وصـــار امامي وبايعيته وصار كل ناسي وهلي
ابروحي باني منزِله
گلبـي ملكه بس اله
وحروفه ــ احلى من الشهد
واليـــته ــ وابقـــه عالعــهد
                ـ°°°°°°°°🌷🌷°°°°°°°°ـ

بطوس ســاكن گلبـي يَمه وحيـل هـايم بالعـشگ
وابــــــد ما اتخـــــله عــــنه ولا افـــكر نفتـــــرگ
انطاني هيبه وشرّف إسمِي ناتج الخدمه الصدگ
وثوب صيـــتي مــــنه اخـــــذته وللابد ما ينلثگ
خيره تارس النظر
غيره ما احب بشر
وبخيره ــ كل محب شهد
واليـــته ــ وابقــه عالعهد
               ـ°°°°°°°°🌷🌷°°°°°°°°ـ

بأجمـل وابهى المعاني صــــــوره رب الكمال
احتارت الناس ابجماله التارس الدنيه جمال
مــــن علي وطه نبينه ماخــذ اهوايه خصال
معرفه وحكمه وشجاعه وللعلم صـــاير مثال
الوارث صورة النبي
عالي عنده منصبي
والحبه ــ الدنيـته زهد
واليـته ــ وابقه عالعهد
           ـ°°°°°°°°🌷🌷°°°°°°°°ـ

التختنگ ريته ويزوره ايشم ضريحه وينتعش
گبته كعبة غرامي وصـــارت الكل شيعي عش
ابمولده الليله انجمــــعنه اورد عالوادم نطـش
اتشـــارك ويانه حفلنه نزلت امـــــــلاك العرش
ليلة مشـــهد الفرح
بيها صدري انشرح
مولانه ــ الثامــن انولد
واليته ـــ وابقه عالعهد
      ـ°°°°°°°°🌷🌷°°°°°°°°ـ

     الخادم
كامل السعيدي

الاداء ملا كامل السعيدي

#مولد_الامام_الرضا ع

يالرضــا حبيـتك
گلبي صاير بيتك
وحدك اختاريتك ... ياحبيبي
©©

سـيدي الحب مو عــدد نوعيه
وحبــك امفصــل لگيـته اعليه
بيـك اكشــخ كشخت الخاچيه
وابقـه اقــــــرالك شـــعر ليليه
حبـك امسليـني
عاقل امخليــني
انته سر تكويني .. ياحبيبي

©©

جنــت تايه والگلـب دلانــي بيك
ينبض بأسمك فقط ويحن عليك
يا حبيـبي عمــري كله ابين اديك
بعت كل الدنيــه والله ومشتريك
ويـن مثـــــــلك الگه
بريتي عايش شهگه
اهواي احن عالملگه … ياحبيبي
©©

ســاكن ابطوس الگلب يم بابك
وكل فجــر يتبرك امــن اعتابك
انتــه رفعت راس كل احبـــابك
يمته اعفــر جبهتي امـن اترابك
اتهزني الك اشواقي
ضامي ونته الساقي
يالعشــــت بعمــاقي .. ياحبيبي
©©

مـولدك بهجه وســـــعاده وفرحه
يرسـم البسـمه اعله وردة صبحه
ابمحفلك يشفه المريض ويصحه
اوبيــه كل مجـــروح يلتم جرحه
ابطوس سارح بالي
يم حبيـــبي الغالي
غيرك اشيـــــحلالي .. ياحبيبي
©©©

      الخادم
كامل السعيدي

الاداء ملا كامل السعيدي

ابوذيات.  مولد الامام الرضا ع


من ابعيد نور الله يضامن
ضريحه وللبشر رحمه يضامن
اجيك وبالكلب لهفه يضامن
لحضرتك والتمس نورك بديه

الك اجمع حروف الحب وخطّيت
ومشيت بشوگي للمحفل وخطّيت
هموم الدنيا اعديها وخطّيت
بسبب ميلاد ابن سيد البرية


الگلب بجناح الك راجع وعايد
ولا يخلف بعد لجلك وعايد
اهني فاطمة وحيدر وعايد
كلمن حاضر ايهني الزجية

الاداء ستار الصالحي

مولد الامام الرضا ع

ياضامن خدمتي وثامن الساده
روحي ابمولدك عالفرحه معتاده
فجرك بزق بلحانه بلحانه
بيك البشــر ولهانه ولهانه
***

ياامير الشوگ انته وكلبي مالك كلشي بيه
مهدك يوصــوفنه منهل والنحل ملتم عليه
نبيع كل الدنيه والله وشرف حبك نشتريه
بيك ينزاح الضـلال ومحفلك واجب اجيه

طــــير السـعد غرد بسمك وناده
يا منبر الدين اوســـــوره ووتاده
انته المجد عنوانه
بيــك البشر ولهانه
°°°°°°°°°°°°°°°°°°°°°

ابمولدك كملت فرحتي ورجع بگلبي الأمل
ونشـــرح گلب الموالي وبالاناشـــيد ابتهل
الليله غمرتنه السعاده اليله كل بيت احتفل
ومايهمنه الي يضــــــدنه الزعل والما زعل

المهم نرضيك انته يالرضا بهايه
عالفطره نخـــدمك مولجل غايه
كل شيعتك فرحانه
بيك البشــــر ولهانه
°°°°°°°°°°°°°°°°°°°°°

انتمي لكوكب خدمتـك وفخر بهل أنتماء
ذابت الروح بغرامـــــك والله يانبع النقاء
بيك فرحــانه الزچيه وعلي اوكل الانبياء
ونشعر بهذا حفلنه احضــــرو كل الاولياء
نقســـــــم عالمحافل هاي ونعــــاهد
وراثه اتضل شرط من واحد الواحد
عايش تضل بدمانه
بيك البشـــــر ولهانه
°°°°°°°°°°°°°°°°°°°°°°°°°

جامع الكل المعـــالي اوارث الحق والوغار
شامخ ابعلو الرواسي اواضــح وچنك نهار
وجنتك شمس الحقيقه يالجمالك آيه صار
انته نبراس الموالي وبيـك يحلى الافتخار

نور ادروبنه ومحبــــــــوبنه الغالي
عشنه اوياك نجمه وبالسمه اتلالي
حبك صدگ علانه
بيك البشـر ولهانه
°°°°°°°°°°°°°°°°°°°°°°

گلبت تاريخ مجدك بي لگيت اجمل صفات
ملتقى الكل الفضــــائل بيك كل المعجزات
زاهد الدنيا ابكــــــبرها وكاره الهاي الحياة
كلشي زائل بس محبتك ثابته البعد الممات

ياخـــيمة سترنه الامه احبابك
نجيب اذنوبنه ونذبها يم بابك
امدللنه ماتنسانه
بيك البشر ولهانه
°°°°°°°°°°°°°°°°°°°°
✍الخادم
كامل السعيدي

#ولادة_سلطان_طوس

(في خدمة الرّواديد والمنشدين)

هلَّ الرِّضا بِجَلالهِ
قد لاحَ نورُ جمالهِ
بِقُدومهِ القُدسي

قمرُ السَّما بِكفوفِهِ
صلّى صلاةَ خُسوفِهِ
بولادةِ الشّمسِ
___
1/
دَوحَةٌ مِنْ نَسلِ طه
أَينعتْ لِلدّينِ سادة ْ

أَشرقَ السُّلطانُ ليلاً
تاليًا آيَ العِبادة ْ

ساجِدًا للهِ حمدًا
ذاخِرًا مُنذُ الولادة ْ

كاظِمٌ أَهداهُ حرزًا
سورةَ الشَّمسِ قِلادة ْ

فَرحَ الوجودُ مُعبِّرا
نثرَ الورودَ مكبِّرا
في مولدِ الأُنسِ
___

2/
جِئتَ لِلْقلبِ طَبيبًا
يا مُعينَ الضّعفاءِ

تُنزلُ الأَمْنَ بِروحي
أَنتَ يا غَيثَ السّماءِ

عِندَ بابِ الجودِ أَرسو
فيكَ أُنسي وَشِفائي

مَسَّني الشّوقُ فَخُذني
مَشهدُ العشقِ دوائي

سُبحانَ من سَنَّ الهوى
عَبقُ الجنانِ بك احتوى
كالسَّهمِ في القوسِ

___
3/

كلُّ مَكروبٍ بِطوسٍ
يُذهِبُ الرَّحمنُ كَربه ْ

وَبفيضٍ من عطاءٍ
يُسقِطُ الغَفّارُ ذَنبه ْ

كَغزالٍ يا ابنَ موسى
شاكيًا في العمرِ غُربه ْ

إضمنِ الآتي بِثقْلٍ 
يا رؤوفًا واسْقِ قَلبه ْ

بجوارحي أهفو إليك ْ
والعطفُ مِنْ طبعٍ لديك ْ
فَهَربتُ مِنْ نفسي

نغم جمّول/زهراء دهيني

ولادة الشمس

بصوت الرادود ابراهيم عيد

سلطــــان العتـــره بميـلاده
فرحانــــه الشيعـه ابأعياده

عاشــر معصـــوم الوافانــه
هالليلـــه نَـــــوّر دنيــانــــه
بميـــلاده الشيعــه فرحانـه
كـــل منشــد ردد انشــــاده

اشعـــار المولـــد منظومــه
كل صوره ابحبك مرسومه
ميلادك مـــن يگرب يومــه
حزنــــي تتكســـر اصفــاده

هـــاي الافراح اجمل بشره
والخــــادم يتعظــــم اجره
لمـــن يحيـــي هاي الذكره
يضمـــن حاجاتــه وازياده

مولايــــه يالساكــن مشهد
مهمـــا عنــه ابعيد المرقـد
هالليلــــه ابحبـــك نتعبــد
ونُحـسَـــب للبـــاري عُبّاده

ميـــلادك اجمــــل ايامــي
ذكـــرك بلســـم كـل آلامي
حبك مـاي الگلبي الظامي
والغيرك گلبــــي مــا راده

انخـــاك ابگلبـــي والساني
خل يبحر مركب هجراني
وابگبـــرك زايــــر تلگانــي
واشهگ انسامه او اوراده

عمار الراشدي

‏مقطع صوتي من عمار الراشدي