ياليلي جرحي سمه .. وبكلبي اية ضمه
مابيه اشم الهوى . لو فاركت فاطمه

____

من دون فاطم دنيتي ما تنراد
مثل الملح لو مايمر فوك الزاد
الناس كلها جروح بس هيه ضماد
من عافيتها تطي للفقره مراد


لو منها ينزل دمع.. من عندي يوكع ضلع
ومنين اجيبن دوه .. لوفاركت فاطمه

_

طبع اليحب لو فارك بروحه انسان
ماعنده غير المكبره والدفان
من فاطمه شفت البعد واضح جان
ام بيتي ايه تبدت من القران

لطفالي جانت وطن .. خيمتنه يم الحسن
بعيوني يطفه الضوى .. لو فاركت فاطمه




ماتدري ياليل البجي شكد ونيت
من فاركتها استاحش ادخل للبيت
مثل الغريب الماله واحد ضليت
من عيوني طايح مو دمع دم صبيت


ولموتي راح استعد.. بيدي دفنت الورد
كلشي بزماني انجوى .لو فاركت فاطمه

_


التارس صفنتي وخله بيه الكسره
ياليل ياهو العنده مثل الزهره
ترفه وحنينه وغالي وام عتره
ياليل جرحي من دَفِنها شكبره


والمغرب يطب جرح .. بعيوني مات الصبح
كون بكبرها سوى ... لو فاركت فاطمه



شحجي وشسولف والألم ما ينكال
وبجفوفي نعش الغاليه توه انشال
امشي وعلى متوني حمل مال جبال
محني الضهر بفراكها صرت اهلال


خد الزجيه انسطر. ...بس ضهري احس انكسر
تضل عايشه القل هوه ... لو فاركت فاطمه

_


انه ابو تراب وبيتي طبت بي نار
امبجيني ومعذبني ذاك البسمار
الصبرني عنهم جي وصيت المختار
جا روسهم صارت محد للفقار


لو ما وصيت النبي .. جا لبستهم عبي
بلهم دليلي ارتوى ... لو فاركت فاطمه


_

#للشاعر علي مخيلف

ما اخاف امن الكبر
انه خام وفتخر
دوم بالمجلس اسر
قلب الزهراء
***
لو دنت مني المنيه.  وغمضت عيوني
وداروي الماي اعله جسمي.   وربعي شالوني
وحضر الدفان كبري. واهلي دفنوني
تحضر الزهره الزجيه.   الكبري صدكوني

تكلي بالخادم هله
بيك ريحة كربله
ويجلي يا ناس العسر
قلب الزهراء
***
انه منكر لو سألني.   وكف عاليمنه
فاطمه تكله اتركه.    هذا خادمنه
جان يحضر للمجالس.  ودمعته تهمنه
احنه يا منكر نكفله.    والسجل يمنه

انته تدري للمحب
الله يغفر كل ذنب
الخادم ايحبه اشكثر
قلب الزهراء
****
ما تمس النار جسمي.   وفاطمه بكتري
فاطمه متأكد انه.   تحضر الكبري
انه ما بين المجالس.  خلصت عمري
ودري لطمت صدري باجر.   بالكبر ذخري

تلزم ايدي ام الحسن
وسمي ينذاع بعلن
وراح باجر ينجبر
قلب الزهراء
**-
جان محبوب بحياتي.   بحيرتي اشكيله
بابي انت وامي.   جنت اناديله
هالحبيب حسين اسمه.   وصرخ دخيله
جنت كل عاشور اخدمه.    وكعد ابجيله

حسين لو شفته اطمئن
وبالكبر انسه الحزن
يفرح بلطم الصدر
قلب الزهراء
**
بالحشر حاير يعالم.    ما تخليني
الزهره باجر تلتقطني.   وهيه تحميني
منبر بيوم القيامه   اهناك تنطيني
ومثل سيد جاسم انه.    ناعي تدريني

باجر تلم الخدم
وحمزه اليشيل العلم
وينسر اشكد بالشعر
قلب الزهراء
**
تمت
تحسين الخفاجي

الاداء ملا ستار الصالحي

الشاعر خضر الزاملي

بصوت ستار الصالحي

الاداء ملا احمد

شوط كربلائي


قصة فاطمه ولباب اريد الليله احجيهه
اشلون اتلگت البسمار وسولف كل ماعنيهه
-------------------------------------------------
متروسه ابأمان الدار ولن باب الكدر يندگ
وراحت فاطمه للباب وسمع صوت لن تشهگ
وعاين امي خلف الباب ومزاود عليهه الطگ

لن دفعه وزلم طبت
سعت لاجنه ماگدرت
وزنه اثجيل ونطبگت
عليهه اولاگت البسمار ولباب انتجه اعليهه
-------------------------------------------------------
اسمع واحد اينادي حرگوهه اعله اهلهه الدار
وإن فاطم اضربوهه وحرگو گلبه حامي الجار
دفعوو باب إلمنيه ابضلع امي انثنه البسمار

وسمع شوغت الزهره
رن بذني الضلع كسره
كلفه جانت العصره
تريد اتصيح ماتگدر ثگل الباب ماذيهه
-------------------------------------------------------
بين الباب ولحايط سعت لاجنه ماگدرت
من اجذوع جان الباب اهواي الوادم الدفعت
حرمه اواگابلوهه ازلام من كثر العصر وگعت

رضوهه لحد ماصار
دمهه ولدمع مدرار
وهيه اتصيح شنهو الصار
ياذنب الجنيته اتصيح اولاواحد يهم ليهه
-------------------------------------------------------
اعاين ليهه حدر الباب تشهگ بالنفس گوه
ما واحد رحمهه اهناك مامش منهم امروه
اليرجف من اسم حيدر عليهه كام يتكوه

وعليهه دارت الوادم
بين الضارب وشاتم
مامش بيهم الغانم
يعين الزهره من الباب وتشم نسمه يخليهه
-------------------------------------------------------
ابياذنب اليصير اواياي اسمع امي مختنگه
جاوبهه ابصفع ع الخد اسكتي بيتج انحرگه
عصرهه ابن الدعي بالباب الهوه مالحگت اتشهگه

اشوف الناس ملتمه
اعله ام حسين متحزمه
ماجنهه مره وحرمه
المالحگ ابدفع الباب ابصوطه ضل يطگ بيهه
---------------------------------------------------
تلوذ ابياكتر حارت همه ابكل كتر بالدار
مره ابجف تشاگف صوط وجف الثاني يخمد نار
ياوسفه والف ياحيف تنطگ حرمة الكرار

اعاين ليهه مالومه
تغص بالعبره مهضومه
تريد الشايعه اعلومه
لاكن بالوصيه انگاد مايگدر يحاميهه
-------------------------------------------------------
علي سليم الحسناوي

ياباب النوايب…… يلمكثر المصايب
منك ينفتح باب… .الكسر ظلوع الحباب
………… ..
مــــــــــــــــنك هل بدت اول مصيبه
يمطشر الشــــــــــــمل هاي العجيبه
فاركت الــــــــــحبيب انته وحبيبه
بت المصــــــــطفئ وتصبح غريبه
منك تبدي الهموم… .يومك وبالف يوم
مانعرف بلسباب…. الكسر ظلوع الحباب
………… .
انته اول جرح واول ســــهم صار
بلظلوعي وشفت وعتبــــــتك نار
ياول جريمه بقــــــــــــتل الزغار
منك وسبب حــــــيدر صدك حار
حيرته الصبر وين… منزل دموع الحسين
وماينفع والعتاب… ..مكسر ظلوع الحباب
…………… ..
مسموم الحــــــسن من زغره اسمي
التجاسر علــــــــــــــيك ومارحم بي
اجيبه عله الظــــــلع هيج ارد اخلي
واشم عطره ويشــمني وراح اجافي
وبجي وگلبي ملجوم… وشوفه وحيله مهدوم
وگلبي عليهم الشاب… الكسر ظلوع الحباب
………
من الهل باب معــــــــروفه الرويايه
حرك وسياط بــــــــــس ستر العبايه
گلبي مــــــــــــشيب اليوم السيبايه
الزينب من تظل ماعــــــــــدهه رايه
وحيده وماكو خوان…
خيمه تصير دخان
وهذ العظم مصباب….. الكسر ظلوع الحباب
………… .
هاي اعظم مصيــــــبه تراويد العين
عشر خيول تمــشي دوس الحسين
يدور ماكو ناصــــــــــــر يفزع منين
بس عباس يمــــــــــه وماكو جفين
جفوفه مكطعه هناك…. يفزع بيش وياك
جرحي والگلب ذاب… الكسر ظلوع الحباب
…… .
الشاعر ابو سلام الجابري

الاداء ملا عدي الربيعي

واويلاه .. عالزهره وبزرهه
واويلاه .. عالزهره وبزرهه

===============

علويه ما كالوا ابد عصروهه بس عصرة موت
ومن شدة الرفسه الضلع طك وطلع منه الصوت
مثل الخشب من ينكسر هيج الصدى اتخيل اه
كالوله للجاني ام حسن كلهم وإن خل اتموت


اليوم الضلع نكسره
خلف الجذع نعصره
ميهمنه حتلو مره .. عصروها

بين الرفَس والضُرَب
جاويهه ذاك الحطب
دم ودمع سوه صب .. كسروها

____

واويلاه .. عالزهره وبزرهه
واويلاه .. عالزهره وبزرهه

===============

بالمحسن البسمار اجه وبراسه نابت ويلاه
خر منذبح فوك الارض متخضب ابطوله ادماه
وهيه المصيبه انسحك من الهجموا اعله ام حسين
وبكل حقد ويلي العده مرتين داسوا فوكاه


تنظر بزرهه نزف
بالرفسه صدره انخسف
صاحت ييمه وسف .. يايمه

حيل الزجيه برد
صاحت ييمه الولد
حضرته حضني مهد .. يايمه

____

واويلاه .. عالزهره وبزرهه
واويلاه .. عالزهره وبزرهه

===============

مو بس كسر مو بس ذبح مو بس رفس اسمع هاي
ردوا على ام زينب تره وبالسوط ضربوهه هواي
وصاحت يبويه الحك الي الحك تره هواي الصار
باكوا حلالك بالعلن وباجر يبوكون الماي


باجر جبير الخطر
باجر ضمه ودم نحر
عالغالي يغله النهر .. عالغالي

مو بس ضلع ينكسر
باجر عشيره وخدر
مشتت شملهه الضهر .. عالغالي

____

واويلاه .. عالزهره وبزرهه
واويلاه .. عالزهره وبزرهه

===============

الكل خيره من جف النبي وسفه عليه جفه يطول
بجدام محسن منسحك وحسين باجر بخيول
وزينب عله النوك الهزل باجر غريبه احا
للشام لو طب الضعن يستقبلونه بطبول

زينب تحب الستر
عدهه اغله من البزر
مالايك الهه اليسر .. ياويلي

من الضرب والحبل
جم طفله ميته وطفل
وجماله فوك الهزل .. ياويلي

____

واويلاه .. عالزهره وبزرهه
واويلاه .. عالزهره وبزرهه

===============

كلمات
الخادم حسن الكريماوي ✍️🏻.