قصيدة في رثاء فاطمه الزهراء عليها السلام

بچفوفه حامي الحمه
شايل نعش فاطمه
زهرة حياته بياذنب كسروا غصنها
..............

الليله قالع باب خيبر يبچي وينوح
شايل بتابوت روحه وگلبه مجروح
للگبر ما چان يهوه بفاطمه يروح
ما محسّب بيده يدفن سلوة الروح

يمشي ويهل عبرته
كسروا ضلع زهرته
من سطرة الظالم بقه احمر جفنها
.................

شايل بمتنه نعشها ومحني ظهره
فارس الفرسان يبچي وبان كسره
ماتت الزهره الزچية ومات صبره
يعثر بجدمه الأمير وضاگ صدره

ينفع بعد يا صبر
للزهره يحفر گبر
ماتت شهيده فاطمه ويشهد وطنها
.................
بالنعش زهرة حياته يشم عطرها
ظل يودع فاطمه ويحفر گبرها
بيده نزّلهه لگبرها وشد كسرها
بيده هال اترابها وضيّع اثرها

صوت الصبر يعتلي
الله يعينك علي
تدفن وديعة احمد بهمهه وحزنها
..................

گلهه يا أم الحسن يصعب علية
بيدي انزلج للگبر بثنين ادية
استراحي امن المصايب والأذية
وصلي للهادي النبي عني التحية

اشكيله منّ امّته
شسوت بعد غيبته
حيدر دفنها وماشبع توديع منها
.................

للنبي وجّه كلامه وروحه حنّت
يارسول الله الامانه ليك ردّت
اسألهه يمك فاطمه المظلومه حلّت
ياهو اذّاها وهضمها وليش سلّت
رجعتلك بيا وضع
اسألهه عنّ الظلع
سطره بوجهها والاثر لسّه بوجنها
..................

رد علي بلا فاطمه للدار وحده
بزينب يفكّر ويمسح دمع خده
شلون لو عن فاطمه امها تنشده
تلگّته بالباب تبچي وذاب چبده

شبگت ابوها وبچت
وين امي شو ما اجت
واساها ابوها المرتضى لصدره حضنها

سيد زيد الفحام
_________________________

الرحمة تودَع الرحمة ويقره المحسن الختمة
ثالث فرع للعصمة
على الباب....على الباب
.........................................................
من جرح الجرح واول جرح ابـــدي
المحسن قبل عمره وينحسب جنــــدي
ابتدى سوح الحرب وانه جنت وحدي
ابابــــــــي النار وكفت وَكفت امجدي
وحك السبعه والسبعه نهر واتصدق بنبعه
لحد ما ينكسر ضلعه
على الباب....على الباب
.......................................................
جريمه يا علي والفاعل اتعرفــه
نفسه الوالدي بوصيًته ايوصفــه
عصرني وآنه حرمه ياعلي كلفه
حرت الزم حجابي الخاطر العفه
السقيفه واللي وقعها أمر عالباب يدفعها
يحيدر تلكه مطلعها
على الباب....على الباب
......................................................
سمع زينب تكلـــــــــــــي خايفه يمه
رفسني وسطر خدي وكلشي ما همه
ماهمني الذبحني مـــــــــن حجه كلمه
المحسن وكــــــــــــع مني سابح بدمه
عمره ما بده عمره واسمعه الفاتحه يقره
أثر جويه بقت ذكره
على الباب....على الباب
.......................................................
صحت فضه تجي وتسندني مابيه
جمر الباب ضـــــل طابع برجليه
بعباتي النار وانه النار بيديــــــــه
وينك يا علي والزهره موليــــــــه
وصيتي لو وصل صوتي يحيدر واقترب موتي
وحدك شيل تابوتي
على الباب....على الباب
.......................................................
يحيدر كبري من اتحفره الي وسعه
اخاف يضيك صدري ويلجم ضلعـه
وبعد وسط الكبر اشعل الي شمعـــه
المحسن لو بجه يلكي اللذي يسمعه
وضيع كبري باوصافه غيرك ما بشر شافه
المحسن ثار الي عافه
على الباب....على الباب
.......................................................
خادم خدمة الحسين
الشاعر
محمد الموالي

مـا تخـلص و لا يسكن لطمنا
احنا اهل العزه و الميته امنا

ويلاه يا فاطمة *** ويلاه يا فاطمة
...............................
صـبـحـنـا و حزنا مغبش غباش
و لـمـيـنـا الـمـبـاسم لـم الفراش
بـيـدنـا الـزمـان بـيـاد الـقـمـاش
وعـشـنـا الـحـيـاة الگوه تنعاش

مـنها ولليوم ما شفنا النوم
امنا الزهراء ضلموها الگوم

امنا و الضلم امنا ضلمنا
احنا اهل العزه و الميته امنا
🪞🪞🪞🪞🪞🪞
لـزمـنا گـلـوبـنـا مـن لزمـت الباب
روح امـنـا گـطن و الجاي حطاب
لا بـيـنـا الـنـهـد و نـوگف المصاب
و لا بينا النصيح الحگ يبو تراب

لا بـيـنا نـطـيـح لا بـينا نصيح
هزتنا الناس شعفه بنص ريح

ما نبرد و لا يركد هضمنا
احنا اهل العزه و الميته امنا
🪞🪞🪞🪞🪞🪞
شـفـنـاها و عـلـيهـا الـبـاب مطبوگ
باب اجـذوع فوگ اليسگي العثوگ
بـانـت فـوگ اديـهـا اثـار الـحــروگ
و صـارت تـلـچـم بالـهـوه المشهوگ

ومن چعب الشيف تتشاگف حيف
ثگيله النبضات چن ركضه بطيف

رحنه نضمها لأچن ما تضمنا
احنا اهل العزه و الميته امنا
🪞🪞🪞🪞🪞🪞
مـا هـانت بـعـدنا بـنـفـس الرسوم
مـلـچـوم و يـنـاشـغ فـوگ ملچوم
حـگـنـا تــرهــمـلـنـا سـود الـهـدوم
شـفـنـا گـبـالـنـا امنا تطيح و تگوم

شفناها تنوح و السڪته جروح
ورده و عالـگـاع تـنـزف و تفوح

بعمـر ثمنطعش منها انحرمنا
احنا اهل العزه و الميته امنا
🪞🪞🪞🪞🪞🪞
امـنـا الـجوـه ضـلـهـا تـنـام الـطيور
خاطرها و ضلعها و ضلها مڪسور
هـيه الـدمـعـه الاولي النوح عاشور
لو نـبـچـيـهـا دم نـحـس بالـقـصـور

لو نبچي عيون و نهدل المتون
هم مـطـلوبين بحزن المـديون

شسوينا و شنو ذنبنا جرمنا
احنا اهل العزه و الميته امنا
..................................

#الشاعر_محمد_البشير

الاداء ملا علاء الغريباوي

قصيدة علي ع ينعى الزهراء ع


اليحفر كبر اعز ناسه.. شنهي يشعر احساسه
والدافن حبيبه...يشعر بالمصيبه
............................

واليدفن حبيبه  اعيونه سجابه
والله يعين گلبه اليدفن احبابه
يحفر گبره بيده وينفض اترابه
يضل مكسور ضهره ويفجع امصابه

ومنيته غريبه... يشعر بالمصيبه
يرد مكسور گلبه الهظم جاسه  

................................

رجع بس بالدمع ويده على ضهره
الله يساعده اعله امصيبة الزهره
علي بكل الخلگ ماكو مثل صبره
حفر گبر الزجيه وهم حفر كبره

والغايب طبيبه... يشعر بالمصيبه
  علي من ساعته شيب تره راسه
...............................

علي للبيت يرجع واجب ومجبور
روحه اويه الزجيه اعله الاگبور ادور
ذاك اليوم عنده جن شهر عاشور
رد مكسور گلبه والدمع منثور

حسراته مريبه... يشعر بالمصيبه
رد محني الضهر يراعي الفراسه
           
..............................

علي حاضر الشده ليش دمعه ايسيل
والله امصيبتة امصيبه تهد الحيل
هم شايف محب يدفن حبيبه بليل
الزمن وياك ابو الحملات گام ايعيل

نگباته عحيبه... يشعر بالمصيبه
علي كوه يعالم يسحب انفاسه
...............................

وصلهه الامانه ورد. علي لبيته
اباب الدار زينب لكه متانيته
يم امج يبويه گلبي خليته
علي بدفن الزجيه شابت اللحيته

صبري امنين اجيبه... يشعر بالمصيبه
فاركت العمر يحلف بنوماسه

..................................

الشاعرة ام ابراهيم الحلفي

الاداء ملا عدي الربيعي

فتحت عزاء

احفر گبرهـا ودمعي يحفر خدي
راحت ضواي وضلمه صارت عندي
ــــــــــــــــــ
احفر بگبر الوديعه وجني احفر بيدي گبري
ارفض النسمه اشمها تجرح النسمات صدري
مو سنه وسنتين مني فاطمه كل سنه بعمري
واكف الكون على جرحي ودمي وي دمعاتي يجري


كل المصايب بيه صارت ضدي
راحت ضواي وضلمه صارت عندي
ــــــــــــــــــ
باقي بس عطرج بديه ياشمل روحي وحياتي
وحشه هالليل وضلامه وحشتج جنها مماتي
عودت شوفي على رسمج شايل بطبعج صفاتي
سولفت وي روحي عنج يا اعز كل ذكرياتي


يانضر عيني باقي بعدج وحدي
راحت ضواي وضلمه صارت عندي
ــــــــــــــــــ
البشر يدفن حبيبه تنكسر روحه وي دفنه
تصبح الدنيا كئيبا جنها لوحة وبيها صفنه
قلب واحد نبضه وحده بالعشك هذا انعرفنه
شكد بسيطين اجتمعنه بس صعوبه من افترگنه


مويمي هسه يلي جنتي بسدي
راحت ضواي وضلمه صارت عندي
ــــــــــــــــــ
شلون اوسدنج بديه صعبه يالزهره عليه
هالفراق شلون يذبح مابقى كل حيلي بيه
راح اضل ابجي على كبرج بلكي تلفيني المنيه
كون الحكج هسه لكن امر من رب البريه


وياج اموت امنيتي اني وبدي
راحت ضواي وضلمه صارت عندي
ــــــــــــــــــ
سبحتج اخذها بيدي واشتم التسبيحه بيها
هاي المصلايه يمي فاطم تصلي عليها
مثل دمع الشمعه دمعي عيني محترگة بجيها
هايه روحي المغربيه تنقبض واشعر اذيها


اكثر يذكرني بحياتج ولدي
راحت ضواي وضلمه صارت عندي
ــــــــــــــــــ
لو يردج بيه دمعي ما وكف دمعي دقيقه 
يالي جنتي ابروحي روحي اكثر انتي من الحقيقه
انتي وي دكات قلبي بالعلاقه شكد وثيقه
يالعيوني انتي وضواها شوفي بيج اندل طريقه


يانظر عيني وراحتي انتي وسعدي
راحت ضواي وضلمه صارت عندي
ــــــــــــــــــ
ماغمض جفني ابوداعج يا طمأنينة سلامي
انتي محراب القداسه يا صلاتي ويا صيامي
انتي نور الله وشعاعه بت رسول الله هيامي
الدنيا من بعدج ضواها اسود وصاير ضلامي


انتي الاميره واني عندج جندي
راحت ضواي وضلمه صارت عندي
ــــــــــــــــــ
روحتج خلتلي عله تعثر الروح بحزنها
من اونن اه يزهره تطلع الروح من اونها
ما تلم دمعي المدينه لو بجيت اطفح سفنها
هالزمن اذه الزجيه ويلي من لوعة زمنها

طالق ثلاثه الدنيا عبرت حدي
راحت ضواي وضلمه صارت عندي
ــــــــــــــــــ
الشاعر زين العابدين الشمري

لاستشهاد سيدة نساء العالمين
فاطمة الزهراء عليها السلام

مَهْلًا ياعذاب البين   عَطَّل ساعة اقدارك
خطار الزچيه اليوم   ارحم گلب خطارك
★★★★★
امان الناس مظلومه   محن مرت عليها اشگد
ياهظم الظلع مصيوب   نار الظلع ماتبرد
مهشوم الجنين ايطيح   وسياط الغدر تنمد
تشد يابين علزهره     حرب وتحشم انصارك
★★★★★
اشافت من  عمر ها الفات بس غير الحزن والهم
الحگها ينحفظ لازم      على كل حال يتقدم
لامن حق ولاأنصاف       ورثها الغيرها اتقسم
يدهر المارحمت شلون    باچر شنهي اعذارك
★★★★★
ينور الخالقه المعبود     قبل الكون واسراره
حبها درع للمخلوق.      يوم المفزع  وناره
وسيله بيوم يتلفت  غريب و روحه محتاره
وانته والبشر يابين        توج ابدارها نارك
★★★★★
رحمه من إلآه الكون   على المخلوق ارسلها
بأسمها تنطفي النيران   تمنع محب  يدخلها
تدعي رحمة الخالق.   على الوادم يعجلها
عَجَّل موتها الظْلَّام    يبين شمكثر اشرارك
★★★★★
جمره  بگلب ابوصالح  ابد ماتنطفي الجمره
على المحد  رحم بيها گظت باقي العمر حسره
تصب ماتنشف دموعه  ينوح ويبجي علزهره
يجرح البين ماتشفه  بگلب مهدينه اثارك

الشاعر حسن لعيبي الحريشاوي