شوط كربلائي للزهراء
صلوات الله عليها
.
.
.




يــوادم خدمـة الزهره .. مــا مــليتها ولامـــل
بشــيلة فاطـمه حالف .. يم شـباچ ابو فاضل

***

بـدايات الحچي تــوفــيق .. وهنـئياً للي يتوفق
اليتصادق عليــه من فوگ .. حلمه بهاي يتحقق
التتــطــرق اله الزهـــره .. الكون الاسمه يتطرق
التذكره فاطمه الزهره
قــطعا يـــرتفع قــدره
واسمه يصبح اشكبره
الاســمه يقتــرن بيـــهـا .. هــذا يعتـــبر واصل

***

خدمتــها طعم بيـــها .. طعــم وامن الشهد احــله
التعب بيه لذه للزهره .. ومو ياهو اليجي يحصله
درب مايقبـــل العوجه .. اســـاسه كـــلمة العــدله
الجدمه ابهالدرب يسعه
جــوازه فاطـــمه توقعه
ومــحد يگـــدر ايـوگعه
والتچـــايته ام احـــسين .. هــذا يابخـــت شايل

***

اليخدمها بصدق واخلاص .. ماتـوگع اله رايه
اليبـــچي دومـــه للزهره .. ماتنرد اله احجايه
اذا شال ايده مـو ديوان .. لا توگف اله اولايه
طـبيعه الرضه فاطم
يحسبونه البشر عالم
هنياله الصــبح خادم
التسجل فاطمه اسمه .. اعظم مرتبه حاصل

***

اليفرغ اعيونه من يسمع .. طــاري الباب والعصره
ويــلطم صدره ويكــسر .. صف اضلوع من صدره
اشياخذ من رسول الله .. علـى السواه شنـو اجره
الهــذا الفكــر يتـــبنه
رسول الله رضه عنه
وبيـــده صكــه للجنه
الجنه البيها ابو السجاد .. انيــاله البابــها داخل

***

صــح خـــدام ابو اليمـــه .. واحدنه يسمــونه
والمــاخــادم الــــزهــــره .. خادم مايحسبونه
اليخدم فاطم اهل البيت .. يقدرونه ويحبونه
اليحب ام الحسن واضح
اتعرفه امن الحچي مالح
ذاك امبـــــيــن النــــاجح
اليترضـــه على ذولاك .. حظه معثـــر ونازل

***

عقيدة خـادم الزهره .. يـــتولــه التـــولاها
عقيدة خــادم الزهره .. يعادي الذي عاداها
التولي والتــبري كون .. كلــمه ولامينساها
الدفع باب الطهر بـــيده
صيح بصــوت مـــاريده
وكلامك كل وكت عيده
بقضية فاطمه ام احسين .. بالك واحـــذر اتجامل
***
حيدر تركي الكربلائي
 
 
 

▪︎▪︎▪︎

(سكته فاطم)
...................
سكتـــه فاطــم بـس تديــر بعينـهـا
صوب زينب والحسن وحسينـهـا
...................................
أبـــد مابيـــهـا بعــد يمكـن أمــــل
كربــت هاليــوم ساعــات الاجـــل
وصل ضعن الموت يم فاطـم نـزل
راح ينهــي بهالمصيبــه أسنينـها
,,,,,,,,,,,,,,,,,,,,,,,,,,,,,,,
سكته بس بعيونها صـار الحجـي
تلتـفـت لولادهـــا بحســره وبجـي
اتريـد زينب أشــارت يمهــا تجـي
كسر كلب الزهره صوت أونينـهـا
,,,,,,,,,,,,,,,,,,,,,,,,,,,,,,
تنظر اعله حسيـن وتهــل الدمع
ينحـب مدنـــك تشوفـــه ومنفجـع
ايموت والله حسين لوميته سمع
بيهــا متعـلــق تراه احسيــنـــهـا
,,,,,,,,,,,,,,,,,,,,,,,,,,,,,
حيـل ماذيـهـا ظلعـهــا المنهـشــم
وصار من اوداعهـا عـدهـا علـم
حيلها اعله اعيالهـا ظــل منهـدم
بيهــم أتـهــم فاطمـــه امخليـنـهـا
,,,,,,,,,,,,,,,,,,,,,,,,,,,,,,
هــاي نظــرات الاخيــره الفاطمـه
عينها اعله اولادها وحامي الحمه
ساعــة التوديـــع ساعـــه مؤلمه
صعبـــه هاللحظــات اللـه ايعيـنـها
,,,,,,,,,,,,,,,,,,,,,,,,,,,,,,
مو سهــل توديع فاطــم مو سهـل
فاجعــه من اتــروح بالعيلــه تحـل
صعــب تدري أفـراكهـا وماينحــل
أيأثــر اعله الحـره وعله أبنيـنـها
,,,,,,,,,,,,,,,,,,,,,,,,,,,,,,,



وصـل يـوم أوداعـهـا ومامنـه أبـد
راح ترحـــل فاطمـــه عنهـم بعـــد
كام أبو الحسنيـــن وبصفـها كعــد
بنـوح ودعــهــا ولــزم جفيــنــهــا
,,,,,,,,,,,,,,,,,,,,,,,,,,,,,,,,
خادم أهل البيت(ع)
الشاعر: حيدر كامل العبودي

بصوت. مسلم المطيري

الحن الثاني. مسلم المطيري

يالتنشد عليه و تسأل امنين
أنه خادم فقير ألام الحسين
ـــــــــــــــــــــــــــــــ
خادم المولاتي
التفزع بشداتي
اتحزمت للخدمه
لفاطمه بدمعاتي

ابچي دم خِلوني
شلي باللامووني
وام حسن تستاهل
مني ماي اعيوني 

يا محله التنافس     _   بين أهل المجالس
                وبين الي يواسون
للمجلس مشينه      _    اوللخدمه نوينه
             وبدمعات العيون 

نواسيها الزچيه الليله ناوين
انه خادم فقير ألام الحسين
ـــــــــــــــــــــــــــــــ
ناذر آنه اسنيني
لفاطمه تدريني
من عسه لا نشفت
دمعتي لبعيني

گلبي وجت ناره
ودمعتي تتجاره
هدن  اعله الزهره
الباب وي بسماره

كل عمري فديته  _    للزهره هديته
              فدوه ايامه تروح
والدنيا متسوه     _  بغير الزهره مره 
             وگلبي شابع جروح

اليواليهه الزچيه  ربح دارين
انه خادم فقير ألام الحسين
ـــــــــــــــــــــــــــــــ
تحزمت للخدمه
كلي حيل وهمه
اليخدم المظلومه
تشمله والله الرحمه

الخدمه رفعت راسي
بين اهلي وناسي
فاطمه بنص ريتي
ونفس ويَّ انفاسي 

هاي اعظم تجاره    _مابيهه خساره
             وبيها شفت الاحسان
واليحيي المأتم   _البت سيد الهواشم
              واللهِ هذا ربحان

ودور عالمجالس وين ما وين
انه خادم فقير ألام الحسين
ـــــــــــــــــــــــــــــــ
بالمجالس روحي
بيها نبرة نوحي
لمن الطم صدري
تشفه كل جروحي

تحله بيها الدمعه
عالزچيه البضعه
دمعتي تتفايض
الناعي لمن ينعه

واحضر بالعزيه ٠٠ والطم عالزچيه
        وتدمع مني العين
ينهد بيها حيلي ٠٠ مايهده غليلي
              ولطمي لم الحسين

بالدمعه اكحل طارف العين
انه خادم فقير ألام الحسين
ـــــــــــــــــــــــــــــــ
مستحي امن ذنوبي
سودتلي ثوبي
كل عمل ماعندي
وافرح  بمكتوبي

گلبي  يم الزهره
اروحيتي منتظره
تحضر تنجيني
هناك يوم الحسره

تنطيني كتابي  _ وبالمحشر جوابي
         خادم ورفع الراس
والراحت سبيه _خادم للزچيه
        اني الآخر انفاس
تحضرنه الزچيه  كلنه راجين
انه خادم فقير الام الحسين
ـــــــــــــــــــــــــــــــ
حيدر بشار الدراجي

جلست فضه مع زينب ع في ليله من ليالي عزاء الزهراء ع فأقامت فضه مجلس العزاء بقراءة مقتل الزهراء ع التي كانت شاهد عيان فيه..  فكان دخوليت العزاء….

فضه تـقـره بالمصيبه .. لـزينب وتبچـي الغريبه
بالبـاب والحـايط شـفت عـصرها
وبيده النذل فوگ الوجن سطرها .. وتبچي الغريبه
………………………………

فضه تحچي بالجـره .. وجـمره بيـها موجـره
لزينب وعالخد تصب بحرگـه الدموع
تگـلها بعيوني شفت .. فاطمه وبذني اسمعت
من عـصرها ابـابـهـا طـگـات الظـلـوع

التمـو عله امـچ زلـم بالـثلث مـيه
هـذا يعـصر هـذا يسطـر بالزچـيه
وانـي محـتاره يزيـنـب وشـبـديه

امـچ الـتمـو علـيها .. كـلهم يضربون بـيها
وتـصـرخ يزيـنـب من ألـم كسرها
وبيده النذل فوگ الوجن سطرها ..
………………………………
كلشي يازينب شفت .. وريت ساعـتها متت
اركـضـت عـنـهـا اوخـرهـم لـچــني
زلـم والطاحـت مــره .. وياهـو عـنـها وخـره
حيل يدفعـني وعلى عيني يطگـني

زيـنـب ارد احـمـيـهـا لكن يمنـعـوني
ومن هذيچ اسياطهم راحت امتوني
وگـمـت افـزع الوادم ومـايسمـعوني

الوادم اتشوفه يطگـها  ..وام حسن محـد لحگـها
ومحـد فزع لامـچ واجـه وحضرها
وبـيده النذل فوگ الوجن سطرها ..
………………………………

من الدفع ذاك انشلع .. الباب فوگـاها وگـع
جـذوع وثـگيل وطبگ امـچ على الگـاع
مشتعل نـار وجـمر .. وفوگ فاطم يستـعر
من الدخان اختنگت وشم الهوى وضاع

احمر البسمار حامي وطـب بالظلـوع
وفاطمه ظلت تـون من عـنده وتلوع
تبچي والسوط بمتنها تحسه مطبوع

دمها يجري من متنـها .. ودمها يجري من جفنـها
ومن الحلگ تجري الدمه وصدرها
وبـيده النذل فوگ الوجـن سطرها ..
………………………………

اجو چـتاله العلي .. وفضه صاحت لحگي الي
بدال حيدر طاح محسن مـني مذبـوح
برمحه طگـاني النذل .. ومات الحگيني الطفل
ويه محسن گمت احسها طلعت الروح

ورحت اركض ليها بس گوه اوصلتها
وبالدمـه غرگـانــه يازيـنـب شـفـتـها
وگـوه شلت امـچ بحـظني وسندتـها

وخايفه الچم ظلعـها .. وامسح بأيدي دمعـها
تـتـعـثـر امــچ وانـعـمــه نـظــرها
وبيده النذل فوگ الوجن سطرها ..
………………………………

التهـظم وتـكسر ظـهر .. مات حيدر بالقـهر
الضيغم الضرغام وسفـه مچـتفـينه
مدخن بوجهه الزعل .. وعمداً اگبال الفحل
الثاني راد ايطگـها ثاني اگبال عينه

وصاح حيدر تدري مچتوف بوصيه
انچـانك زلمـه صدگ بـس فـل اديـه
وارد اشـوف اشلـون تگـرب للزچـيه

استرجلت من اعرفـتني .. الوصيه امـچـتفـتـني
ولولـه الوصـيه مـا تـمـس ظـفـرها
وبيـده النذل فـوگ الوجن سطرها ..


الشاعر عقيل الحسناوي..

ابوذيات بحق الزهراء عليها السلام

جرعـت من الليالي هـمـوم بسمار
وعليه الـدهــــر بالحسرات بسمار
انه الزهره انصبت بالصدر بسمار
عصروني وطحت فوگ الوطيه

بــواچـيــك يهـل تـسمــــــع عليها
الليله الـزهـره خـل نـوحـك عليها
طـاحــت عــالارض تنـطــر عليها
وتنادي الحگ يحماي الحميه

اطـلـب يا نبي الـرحـمـــــه ومرمر
تـريــد اعـلـه الضلع انعــه ومرمر
حتى المن صخـر گـلـبـــــه ومرمر
يذوب من القهر لجل الزچيه

الشاعر السيد رياض الجابري.