قصيده بمناسبة ولادة السيده زينب عليها السلام

هالليله فَرحة فاطم هله بيها
انولدت عقيلة هاشم هله بيها
يا محله فرحتنه بمولد عقيلتنه
هله بيها هله بيها
★★★★★★★★★★★★★★★★؛

يوم خمسه من جمادى الگلب مسرور
نشعل شموع الفرح ونحط البخور
تبتهج جن وإنس وترش العطور
مثل فرحة ظلمة لمّن يحضر النور

حيدر اجه للزهره يهنيها
بأُم العفاف الحره يهنيها
احنه سعادتنه بمولد عقيلتنه
هله بيها هله بيها
★★★★★★★★★★★★★★★★؛

السمه اليوم ابّيت حيدر نزل بدره
انولدت الفرحه بگلب فاطمه الزهره
الشعر لو بيه إسم زينب يحله ذكره
السهره في هاي الولاده احله سهره

كل الخلق فرحانه بولادتها
متنوّره دنيانه بولادتها
زادت محبتنه بمولد عقيلتنه
هله بيها هله بيها
★★★★★★★★★★★★★★★★؛

هاي ثالث فرحه طبت للزچيه
من بعد نور الحسن وحسين اخيه
للنبي زف الخبر حامي الحميه
اطانه هذا اليوم ربنه اجمل هديه

والمصطفى نادها بأسم زينب
رب السمه سماها بأسم زينب
والفرحه جمعتنه بمولد عقيلتنه
هله بيها هله بيها
★★★★★★★★★★★★★★★★؛

هيه زِينة امها هيه زِينة الأب
بيوم مولدها خِجل غمّض الكوكب
والشمس خِجلت ومن عدها اتحجب
لأن ضوّه الكون كله نور زينب

اهل السمه تتباها فرح عدهم
بمولد حفيدة طه فرح عدهم
يحضرون حفلتنه بمولد عقيلتنه
هله بيها هله بيها
★★★★★★★★★★★★★★★★؛

يشعر برهبه الذي يلفظ اسمها
مثل جدها ومثل ابوها ومثل امها
عالمه ومن ربها ماخذته علمها
وعقل راجح ذلت إيزيد بفهمها

التاريخ يشهد ليها بنت حيدر
حگنه نتفاخر بيها بنت حيدر
برحمتها حاطتنه بمولد عقيلتنه
هله بيها هله بيها
★★★★★★★★★★★★★★★★؛

جعفر عطيه البزوني

الاداء سيد حمادي الحسيني

ابوذيات مولود السيدة زينب عليها السلام


───✤◐►💜◄◐✤───💜


هل مولد اريد انثر وارد بي

وسم زينب اضل الهج وارد بي

ودربها دوم اضل رايح وارد بي

جدمي لو تعب امشي عله اديه


صلوات


───✤◐►💜◄◐✤───💜


ابيات الشعر انظمها واصفها

وبعين البصيره امعن واصفها

اهدي للشبه امها واصفها


حروف الشعر اطشهن و يهليه

صلوات


───✤◐►💜◄◐✤───💜


اليله بمولدج انشد وآقره

الحفل مسدد الباري وآقره

عظيمة شان يازينب ووآقره

بيج الليله مبتهجه الزجيه

صلوات

❥••••🌺••••••••••••🌺•••••✿*°🕊

الشاعره ام رائد زوين

عباس   ابمولد زينب الحره الابيه
ـ          جايــــبك يبوفاضل هديه
بالطور التريـده
جايبلك قصيده
             ـ🌹🌹🌹🌹🌹ـ

جايبلك قوافي امسـگمه اسگام ـ
من عندي هديه
اتلوگ ابنت ابوها ولبـوة الشـام ـ
ذيچ الهاشميه
ابمولدها السرور بداخلي يعيش
هاي اجمل مسيه
منك اذن اطلب اقـــــره البيات ـ
ياتاج الخويه

عباس ـ جاي وللحفل جـايب هدايه
عباس ـ وبيدك جايب الزينب عبايه
يانور العقيـــده
جايبلك قصيده
              ـ🌹🌹🌹🌹🌹ـ

يا اجمل ثنائي واوفه خوان ـ
مايحصل مثلكم
نخـــتار ونرتب أجمل الحان ـ
نقراها ابحفلكم
يتوافد جمعنه امنــين ماچان ـ
ياعباس الكم
مولوده العقيله وكلشي فرحان ـ
مسروره خدمكم

عباس ـ جيتك والسرور ايگود بيه
عباس ـ شــــايلك فرح بثنين اديه
ياضخر الصميده
جايبلك قصــيده
           ـ🌹🌹🌹🌹🌹ـ

ياعبـــــــاس زينب ورده وتريد ـ
من عندك تشمها
يتكون اسمها امن اربع آيات ـ
الله اختار اسمها
يمك ياگمر نجمه اختك اتصير ـ
تكشخ ونته يمها
واجب نكتبلها ابيات حلوات ـ
تلمع وي رسمها

عباس ـ جايبلك حچي اينگط ترافه
عباس ـ نتمنه ابحفلها انتــه العرافه
موزونه وجديده
جايبلك قصـيده

          ـ🌹🌹🌹🌹🌹ـ

مجــــــــــتمعه البلابل بالبساتين ـ
والكل ينشد الها
بخدود الورد قطرت ندى اتعيش ـ
وين ايصح مثلها
اترف حتى من جنــح الفراشات ـ
منفرده ابشكلها
زينب بســمله بقرأن الاحســـاس ـ
حيدر يشهدلها

عباس ـ زينب شمس وتضوي ابسمانه
عباس ـ العنده هيــچ اخت سيد زمانه
يالروحك سعيده
جايبلك قصــيده
         ـ🌹🌹🌹🌹🌹ـ

✍الخادم
كامل السعيدي

الاداء ملا كامل السعيدي

[ قصيدة رئيسية للزهراء ع ]

محكمه ورب العرش قاضيها

الإدعاء   العام    زينب   بيها

محسن   ونار  ولطم
المهدي الينفذ الحكم

وابو   فاضل  من يوقع  بيها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مانسينه            بت  نبينه          يانواصب
من عصرها ؟   من كسرها ؟    منهو غاصب؟
عدنا واحد     قاضي  شاهد     عالمصايب
جمعه جمعه    يتاني ضلعه     گلبه  ذايب

كل صبح جمعه ينادي الوادم
بياذنب مظلومه ماتت  فاطم؟

منهو يرضى بهالوضع
امي    مكسورة  ضلع

ومحكمتها انا من  يجريها
وابو فاضل من يوقع بيها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

القضيه          ضد  اميه       قيدوها
عالصلافه       والخلافه      الإدعوها
والوصيه      ‌   للزچيه        الأنكروها   
تالي رجعو    عنها منعو     ورث ابوها

بيا شرع بنت النبي تمنعوها
من ورثها  وتالي  أتروعوها

حصلت بس الدمع
من ورثها  والضلع

والمصايب شاهد انا عليها
وابو فاضل من  يوقع بيها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

رايد اسأل          انا ألاول        من شفتها
بيا شريعه؟         بياذريعه ؟     وأضربتها
والنتيجه            بت خديجه      سگطتها
محسن انته        من عصرته     مرحمتها

تعصر انت وتستمع انفاسها
كون حاضر انا  لو   عباسها

چان منك يانذل    
اﻻ نقتص بالعدل

أبابها   محكمتك  نسويها
وابو فاضل من يوقع بيها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

هالقضيه       يالزچيه        ‌‌    ما أسدها
أنا راجع        والمواجع         هذا حدها
الا اعذب       انا وأصلب      من وجدها
يالعذابچ       يمه بابچ          والگصدها

اي وحق هو النبي وحسينه
الحرگ بابچ  إلا احرگ  عينه

وأقلع    ضلوعه قلع
 وما  اسد ثار الضلع

ومحكمه هم ربچ  يسويها
وابو فاضل من يوقع بيها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

يا إلهي      وانت جاهي         وانت اعلم
بالبلايا         والخفايا            وانت أرحم
تدري حالي     وبسؤالي           بيه   تعلم
إلا ثاري         يطفي ناري     ثاري الاعظم

الغاضريه و البقيع   يتاني
والسبي ابچي جمر خلاني

ربي   صدرلي    الامر
خلي احز راس الشمر

ربي بأمرك ثوره خنسويها
وابو فاضل من يوقع  بيها

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ربي قرب        لا تصعب         في ظهوري
ذو فقاري         بأنتظاري        ولحضوري
ربي تعلم        گلبي مأتم         وبشعوري
عندي رايه    وعندي غايه    وعندي دوري

دوري اصلب الاول گبال المله
واصلب الثاني ويزيد وحرمله

ثار      للصابه   السهم   
وصرخت اخته بالخيم

كربلا  بعيوني  ما ناسيها
وابو فاضل من يوقع بيها

☆۰☆۰☆۰☆۰☆۰☆۰☆۰☆۰☆۰☆۰☆۰☆

{خادم خدام الزهراء}
{جهاد البصيراوي}

الليالي الفاطمية

يا  محمد تدري حرگوا بابك
هواي ظلموا فاطمة بغيابك
""""""
ناس چانت   تدّعي اتقوم  بصلاتك
وناس چانت بالغصب تدفع زكاتك
وناس چانت بالچذب تمسح عباتك
ذوله نكروا  فاطمة ابلحظة  مماتك
وسفه نكروا بضعتك واكتابك
"""""""
يا محمد حيف من وصيت الاصحاب
الزهرة مني وهلله هلله باغلى لاحباب
من رحت اصحابك انگلبوا عالاعقاب
وره الباب الطاهرة وحرگوهه للباب
دفعوا الباب اعله اغله احبابك
""""""""
فاطمة الـعطرك چنت تشتمه بيهه
الما يخاف امن الله مد ايده عليهه
وبالحطب والنار وسفه امحاوطيهه
النار حرگت ثوبهه وچوّت اديهه
والجره للزهرة زاد امصابك
""""""""
باليتيم   ايوصي    ربنه    لا    تنهره
وانت   بنتك   والله  للخاطر  تكسره
عينهه من البچي والضرب حمره
عالوجه سطروهه والله شلون سطره
الزهرة نادت وانت جوه اترابك
"""""""""
عالعصابة المجرمة يا طه فاشهد
خلاف عينك فاطمة ضربوهه عالخد
الله ما يرضه ولا يرضاهه احد
دم بقه ينزف ضلع بضعة محمد
هيچي جازوا بضعتك اصحابك
"""""""""
عگبك   الزهرة   فلا  طوّل  عمرهه
الما إله امروة وره الحايط عصرهه
باب بيتك طاحت اعليهه اشكبرهه
الباب بسماره  دخل  كله بصدرهه
لو چنت موجود شنهو اجوابك
""""""""
يا محمد فاطمة اتغير وضعهه
گوه گوه لو مشت تلزم ضلعهه
تمشي محنية الظهر من گد وجعهه
ما تجيهه لفاطمة وتمسح دمعهه
والـظلمهه وسفه داس اعتابك

انيس الخفاجي الكربلائي

الاداء ملا ابو رقيه

نعي
السيده زينب ع اتسولف للعباس ع
قصة حادثت الباب



گعد عباس يمي وسولفتله
ويبن والدي المهيوب گتله
امصاب الضلع گبلك حملته
وشفت الطهر دمعتهه سگته
*--------------*-------------*

دنگ ونهضم راعي المحنه
ودمعات الگمر بالخد چونه
اسولفله ويجر عباس ونه
وگالالي الدفعه احچيلي عنه
*----------------*-------------*

گلتله بحالت الزهره وخبرهه
اجه الملعون وبخدهه سطرهه
وبين الباب والحايط عصرهه
والضلوع  من  امي  كسرهه
*--------------*--------------*

صاح الگمر وبصيحه شديده
تمنيت النذل  وكتي  يعيده
والطك  الزچيه  اگطع  أيده
وخل الگوم  يا زينب تفيده
*-----------------*------------*
✍ خادم الزهراء ع
الشاعر رعد الجريخي

استشهاد السيدة فاطمة الزهراء عليها السلام

نعي


نسمة هوى من البيت راحت
ناحت عليها الدار ناحت
دمعة عزيز وكوه طاحت
يامن يرد دمعات العيون

بلا ام يصير البيت ظلمه
والماله ام عيونه تعمه
زينب بصوت تنادي يمه
رحتي وتركتيني للظنون

فجه جبيره ومن يسدها
الام من اتفارك ولدها
بالبيت منهو يضل بعدها
على اولادها الوادم يحنون

شافت هظم روح الزجيه
من الصحابه الراشديه
لا راشده ولا من حميه
للزهره ماجانو يودون

نور الجنان وسر الاسرار
بنت النبي الاحمد المختار
وليه ولوها وحاطو الدار
على بابها غفله يهجمون

محمد دعبل النوري

نسمة هوى من البيت راحت
ناحت عليها الدار ناحت

محمد النوري