خامس جمــاد أول سطع منـه نور
زينـب ملت دنيانــه فرحه وسرور
🍀🍀🍀🍀🍀🍀🍀🍀🍀🍀🍀🍀
سيـد الرسل مـن سمع هــذا الخبـر
صوب الزچيــه گصـد گلبــه انغمـر
فَرحــه وسعاده وشاف نــور الگمر
نــور الوليده اتلالــه بيـن الحضـور
🌺🌺🌺🌺🌺🌺🌺🌺🌺🌺🌺🌺
ضم زينب لصدره ويشمها الرسـول
بيهـا ابتهــج دلالــه هنـّــى البتــول
لن اعله خده يجري دمعـه الهطول
اتذكــر مصايبها و عـذاب الدهــور
☘☘☘☘☘☘☘☘☘☘☘☘
تِحمـِل معانـي الرفعـــه بنت الهداة
ضامرها صافـي مثل مــاء الحيــاة
فاقـت صفــات البيهــا كل الصفات
خِــدر العقيلـة مَثَــل كــل الخـدور
🌹🌹🌹🌹🌹🌹🌹🌹🌹🌹🌹🌹
بــدار النبــي ام المكـــارم ربـــــت
وابظل ابوهــا زينـــب ترعــرعــت
مــن أنوار امهــا فاطمـــه تنــورت
نالت شرف مــن هالثلاثـــة بــدور
🌷🌷🌷🌷🌷🌷🌷🌷🌷🌷🌷🌷
فِتحت نظرها بوسط أطهر مكـان
يحوي قيم .أخلاق .حب .وحنان
جبريــل ينــزل الهــم ابكــل اوان
بالـدار زينـــب لمــن الهــــا يــزور
💐💐💐💐💐💐💐💐💐💐💐💐
بـــاب الحوائـــج شافعـه للانـــام
يعجــز يوصفهــــا جميـل الكـلام
بيــوم الولاده الهـــا نبعث ســلام
وانقــدم لقدوتنـــا اجمـــل زهـور
❤️❤️❤️❤️❤️❤️❤️❤️❤️❤️❤️❤️
الشاعر عمار الراشدي

الرادود ابو هاشم الربيعي

   يوم الفرح ريت ايدوم
      ميلاد زينــب هاليــوم
🍀🍀🍀🍀🍀🍀🍀🍀🍀🍀🍀🍀
بالبسملـــه فرحتنــه خل نبديها
هالليلــه بحروف الغـزل نحييها
مركــب هوانـه أبحَــر ابشاطيها
يكبــر حنيني من يمـر طاريهـــا
     يوم الفرح ريت ايدوم
     ميــلاد زينــب هاليـوم
🌺🌺🌺🌺🌺🌺🌺🌺🌺🌺🌺🌺
نــور العقيلـــه عالعوالـــم أزهـر
گلبــي ابقوارب اشتياقي ابحـر
نغمـة جـراحي تختفي وتتستر
نغمـة فرحتي بالحفــل تتصدر

    يوم الفرح ريت ايدوم
    ميــلاد زينــب هاليـوم
☘☘☘☘☘☘☘☘☘☘☘☘
اتغــرد عصافيـــر الامــل فرحانه
والأرجــوان اتفتحـــت اغصانـــه
شــع بالعرش نــور وزهت دنيانه
نور العقيلــه الطاهــره الريحانـه
   
    يوم الفرح ريت ايدوم
    ميــلاد زينـب هاليــوم
❤️❤️❤️❤️❤️❤️❤️❤️❤️❤️❤️❤️
بالفرحه يشرق كل وجـه واتبسم
ليلــة مسـره وتنجلي غيوم الهـم
بخامس جماد اول بدر زينب تـم
رب العـرش صلــه عليهــا وسلـم

    يوم الفرح ريت ايدوم
    ميــلاد زينــب هاليـوم
🌹🌹🌹🌹🌹🌹🌹🌹🌹🌹🌹🌹
شمعــة بنــي عمـر العلــى نـــواره
تحمــل محاسـن حيدره واسـراره
ما يوفـي حگها الشاعــر بأشعـاره
حروف القوافي بالوصف محتاره

    يوم الفرح ريت ايدوم
    ميــلاد زينــب هاليـوم
💐💐💐💐💐💐💐💐💐💐💐💐
اوتــار گلبــي تعزفلهــا انشـــوده
مولاتي لاشك بالحفـل موجـوده
اليــوم الحوائــج لاتظن مردوده
بالنخوه بت حيدر علي مشهوده

    يوم الفرح ريت ايدوم
    ميــلاد زينـب هاليــوم
🌸🌸🌸🌸🌸🌸🌸🌸🌸🌸🌸🌸
الشاعر عمار الراشدي

بصوت خادمكم الرادود ابو هاشم الربيعي

ابو ذيات لميلاد السيده زينب ع




الف مبروك كلناها. وردنه
نبارك. لعلي. الجفه. وردنه
بنبع الزينبي. خضر وردنه
وغضنه الناصبي وابن الدعيه
صلو❤️🌸ااااااات



الليله بارك. لفاطم وحيها
بزينب ضوت الديره وحيها
بحروف الاسم. رتل. وحيها
وهنه حيدره. اوسيد. البريه

صلو❤️🌸ااااااات




بعطر الزينبي. نسم. شملها
الفرح. لحبابها الليله شملها
تعيد. بي. اويلتم. شملها
تطش كلوب. الها. واهليه


صلو❤️🌸ااااااات




بقلم العلويه ام رائد

مولد السيده زينب ع

زينب  مولد الحجاب
زينب   آية الكـــتاب
     ياهلا   ابقدوة النساء
©©©©©©©

مولوده العفيفه ـ الشريفه ـ البهيه
يامحلى رسمها ـ واسمها ـ الوفيه
معروفه ابعلمهه ـ على امهه ـ الزجيه

زينب بسمها اهل الشــعر محتاره
هـــذا الاســم رب العرش مختاره
مولدها للهادي وعلي احله ابشاره
ايســـمونها بت فاطمه الجـــماره

زينب   سـورة الاباء
زينب   دافـع الولاء
  ياهـــلا    ابقدوة النساء
*

ياهيبه ابسترها  ــ ابخدرها ــ وأباهه
چن آيه وتوزع ــ تشعشع ــ ضواهه
بارينه ابحلاته ــ ابصفاته ــ اصطفاهه
انصلي ونسلم عالنبي ابهاليله
وحيـدر علي باقة ورد نهديله
ابميلاد زينب محفل انسويله
والما فرح وي النـــبي ياويله

زينب   ثورة الفــداء
زينب   نصرة السماء
  ياهـــلا      ابقدوة النساء
*

حي الله الاميره ـ النذيره ـ الجليله
معروفه ابكرمها ـ ابعزمها ـ العقيله
والناس اعرفتها ـ ابصفتها ـ الاصيله
طــه بأذنـها أذن أذآن الغـــيره
شاد ابعلمها وهيه طفله زغيره
ياگمرة الزهره المضويه الديره
تبقه ابوصفها اهل العقول ابحيره

زينب  كعــبة الوفاء
زينب  خيمة العطاء
ياهـــلا    ابقدوة النساء
****

جيت بهل مسيه ـ وبـــــديه ـ شمـــــعتي
بحساسي وشعوري ـ وسروري ـ وفرحتي
بت حيدر سمعتي ـ ودمعتي ـ وضحكتي
زينب وطنه المحتمين ابسوره
ثورة شجاعه الكربلاء مضخوره
بحجابهه نزلن حديث وسوره
ابمولدها كل شيعة علي مسروره

زينب   فرحة القلوب
زينب   شمعة الدروب
ياهـــلا     ابقدوة النساء
****

✍الخادم
كامل السعيدي

الاداء كامل السعيدي

مولد السيده زينب ع🌹💐🌷

يازينب ... الله اسمـچ اختاره
يازينب ... انتي اجمل ابشاره
ياهله ابميلادچ
ياهله ابميلادچ

🌷🌷🌷🌷
مـن اجمــل انواع الورد مولاتي اسمچ
وتفاحة الجنه انخلق من عدهه رسمچ
أيفوح مــن خــدچ عطر لو طــه شمچ
ابميـلادچ امــلاك العرش محتفله يمچ

يازينب ... يا ريحـة الجـــنه
يازينب ... بشخصچ تشرفنه
ياهله ابميلادچ
ياهله ابميلادچ
🌷🌷🌷🌷

هليله عيـــد وكل محـب اعلن فرحته
ومعلگ الزيــنه وبديه شـــايل شمعته
بالذر ابو فاضل فرح من صارت اخته
وبوجه ابوه المرتضى بانت ضحــتكه

يازينب ... وجهـچ بزق نوره
يازينب ... والشيعه مسروره
ياهله ابميلادچ
ياهله ابميلادچ
🌷🌷🌷🌷

رب العرش للمرتضى امقدمچ هديه
وخالقلچ اوصاف اشكثر من الزجيه
يالعلمه ابعلمــچ شهد ســــيد البريه
منـــچ ألف مــره ونعــــم يالهاشميه

يازينب ... انتي آيه قدســيه
يازينب ... نقــــــراهه ليلــيه
ياهله ابميلادچ
ياهله ابميلادچ
🌷🌷🌷🌷

الحسن وحسين اشكثر فرحه اغمرتهم
وشكثــر صلو عالنبي ابميــــلاد اختهم
فرحو لمـــن بالحـــره امهـــــم بشرتهم
حتى العقيله اتبسمت مــن شاهـــدتهم

يازينب ... يا شمعة اخـوانچ
يازينب ... عالي اشكر شانچ
ياهله ابميلادچ
ياهله ابميلادچ
🌷🌷🌷🌷

العالم بأسره احتفل والفرحه عمت
ميلادچ ابكل الارض انواره ضـوت
حتى المــلائك نزلت الوالينه هنت
وباب حيـــدر محفل ابهليله سوت

يازينب ... فطرس صفگ جنحه
يازينب ... شـــــاركنه بالفـــرحه
ياهله ابميلادچ
ياهله ابميلادچ
🌷🌷🌷🌷

يا مرحبه ابنورچ يبت وحــي الرسـاله
بأبهه المحاسن صـــورچ رب الجـــلاله
نورج خلق نور الكواكب مــن خـــلاله
والگمر منــچ بالســمه ماخــذ جمـــاله

يازينب ... يا فرحة الزهــره
يازينب ... بأسمج شعر نقره
ياهله ابميلادچ
ياهله ابميلادچ
🌷🌷🌷🌷


✍كامل السعيدي

الاداء كامل السعيدي

لولادة السيده زينب ع🌹🌹

الزهـــره اتنطرت يغمرهه ميـــلادچ
وگعـــدت بيدهه اتخيطلچ اثيــابچ

تحچــــي اوياچ چانت قبل لتصيرين
وتحسب ساعه ساعه الحضت انجابچ

محمد والحسن وحسين فرحانين
وبالذر ابو فاضل فصل احجـــابچ

فضه الهلهلت من بزق وجه النور
وزفت احله بشرى اليوم لحبابچ

ونزلت كاشخه املاك الله بالميلاد
وزينه اتعلگت مـن السمه البــابچ

✍كامل السعيدي