((العشگ مرات))


العشگ مرات لمن تهوى انسان
من دمعك تحني هواي حيطان
اذا مَسكّ غرام الماشـــرب ماي
تتمنى تموت وانــــــته عطشان

غديت من الهوى أتراب
مطـرود وعــلى البـــاب
وأتاني چفـوف الحسين
حنين ويـــــرضا بالـتاب

ماگلك اريد أدموع
ومصيبة زينب بخلگي
مشيني مثل متريد
وأحب أوصلك بعشگي

واويلاه ... حسينآ
"""""""""""""""""""""""""""""""""""''''''''''

أريد أوصل بعشگي كــون مشغول
عقلي وكل حواسي أصيح الخيول
وأفز مــــن نومتي فَزتّ مجـــانين
مذهول وأخلص النـــــوم مذهـول

أخلص النوم مخــنوگ
الطيف براسي محروگ
حبل وزغيــره والسوط
وهذا وعثرةّ النـــــــوگ

الهزله تفــزز الميتين
الخدر مايرهم بعثره
ارسم صورةّ للمچتوف
بهزله وبالك إيفـسره

واويلاه ... حسينا
"""""""""""""""""""""""""""""""""""''''''''''

أَدبّ بالك و مو تمشـــي وتروح
ولتزيد الذبح بالتـــوه مذبــــوح
سبيه وكافي وعــوف التفاصيل
وشعندك دمع ضل للصبح نوح

نوح وبالعشگ ذوب
طبر .. شگگ الثوب
الدمعتك سلم الليل
حتى أتصير محبوب

سولف وي نحر بهداي
فَرآشه وعلى الورده
هذا حسين ياهل الناس
تشمه فاطمه بخده

واويلاه ... حسينا

"""""""""""""""""""""""""""""""""""''''''''''

تشمه الزهره بس تصـيح ياخيل
بصدره الهيل ليش مطَشر الهيل
المثلك ينسلب والخنصر يــروح
حرام أعله النهار الماصـــبح ليل

حرام أعله الهوى يصير
حرام الطيـــر ويطــــير
وخد حســـين بــــتراب
بكل الكـــــون تقـــصير

والمثلث يشچ الروح
اثنعش طگه يطگونه
المهر يتوسل ويبچي
يگلـــــهم لا تذبحونه

واويلاه ... حسينا

"""""""""""""""""""""""""""""""""""''''''''''

المهر هام أعله وجه وسرجه مگلوب
يـــــازينب يصيــــــح حسين منـهوب
خذو ثــــــوبه العليّ يــــاويلي عريان
مــــــــاعندچ (أميه) گــــلبه مشبوب

يــــــزينب طاح مالوم
عليچ إيطيح ويگــــوم
من كل صفحه يرمون
بّحر الگـــــــاع ملچوم

يابـــــس دَمهَ بعروگه
عطشان وغده يرافس
من گد العطش ويلاه
دمه اعله النحر يابس

واويلاه ... حسينا


عبد زينب
محمد الابراهيمي

لحن(العشگ مرات)
بصوت
ملا علي حسين الدراجي

اداء الرادود ستار الصالحي

حچايه طلعت من عليل الساده
النه الاستشهاد اصبح عاده

……………………………………………………………


النه الاستشهاد اصـبح مكرمه
فقـط للشـيعه و بنينج فاطمه
لو سيوف ولو چبدنه اتسمّمه
لـو مـناحر عالجـسور امعدّمه

احنه نتنفس عزم
گاعنه اتخضر زلم

غدن حـيدر يفتـخر بولاده
النه الاستشهاد اصبح عاده

……………………………………………………………


احنه من انموت نرجع من جديد
عاشـت الاحـرار و اتموت العبيد
احنـه ذوله اوين مـروان و يزيد
وينها الگادتنه بـحبال و حـديد

ويـن ذاك اللـي عـلن
حَرِگ باب ام الحسن

ابنص جهنم صفت ذيج القاده
النه الاستشهاد اصبح عاده

…………,,,………………………………………


مثـل سنبل يوسف الضمه و ذخر
و المـخازن هـي  عـين الـمـنتـظر
ما فسدنه اشما عصف بينه الخطر
مـنّه غيره و اجـت تكـتال البـشر

الذبنه بالبـير بأمـس
وباعنه بدرهم بخس

يسجد المهدينه عل لسجاده
النه الاستشهاد اصبح عاده

……………………………………………………………


انـت شـوچ و انا  بـسـتان الـورد
انت خلـفت عـار و انا ابن المـجد
ابن حمزه وانت ابن وحشي العبد
انا امـي الزهـره  و انت امـك هـند

انا ابن خيـر العمـل
وانت ابن ام الجمل

هـذا بس لو بعد ازيد زياده
النه الاستشهاد اصبح  عاده

……………………………………………………………


احنـه لجل الـدين ضحينه ابطفل
وحرم فوگ النوگ مچتوفه ابحبل
فـرع النه التضـحيه واحـنه الاصل
صـحنه هـيهـات وابـد لا مــا نـذل

كيد كيدك والعدد
ذكر ما تمحيه ابد

عدنه شيعه و عالفخر معتاده
النه الاستشهاد اصبح عاده

…………………………………………………………..


اسيوفهم ما تهوه بس الجعفري
ابروسنه و گامت تبيع و تشتري
مـنه شـبان انترس وادي الغري
كـله و مـتانـين يـبن العسـكـري

انت بس الانت الامل
عجل يالمهدي العجل

للـيعيـل  و  چـفـك الـردّاده
النه الاستشهاد اصبح عاده

……………………………………………………………
✍️ ( سيد خضر الزاملي )

وداعاً حسن نصرالله --------- وداعاً

وداعاْ في امان الله ---------- وداعاً

     تركت ابكـــــل گلب حسره
      تشيعك فــــــاطمه الزهره

         وداعاً ---------- وداعاً

            ------------------
1
وداعاً يابو هادي والگلب  مجروح
لوبيد الـروافض تهدي ليك الـروح
امر الله وجب  مانعصي امــر الله
بس گـلـوبنــه تتـمـنـه لا مـتـروح

      اليحبك منكـسر ضهره
      تشيعك فاطمه الزهره

      وداعاً----------- وداعاً

          -------------------
2

تتمنه الشهاده وتلتقي وي حسين
من كثر انتظارك راح شوف العين
يبن حسين وسفه تروح لا متعود
دلـيـنه الــدرب حتـى ندورك وين

       كسرنه ياهو الـيجبره
      تشيعك فاطمه الزهره

       وداعاً-----------وداعاً

        --------------------
3

الك صورة عشگ بگلوب هاي الناس
چـفـك والحصدته مـــا الـــه مقياس
غيره انته وشجاعه  وفارس وخيال
تعنيت الـخـطـر چـن جــدك العباس


        الگلب بس گلي شيصبره
        تشـيـعك فـاطـمه الزهره

        وداعاً-----------وداعاً

          -------------------
4

رحلت او ودعت بس مانضن اتغيب
كـلمـاتك بـقـت بيهـا الـعـليل يطيب
گـلت النـصر النـه وماخلفـت اوعود
يالـكـــلّك جـبــل مـاهــزك الترهيب

    
        الينطرك سـيدي عذره
        تشيعك فاطمه الزهره

        وداعاً-----------وداعاً

-----------------

الشاعر رحيم الوائلـي

بصوت خادمكم الرادود ابو هاشم الربيعي

مولاي امير المؤمنين (ص) يوصل لمكان دفن مولاتي الزهراء (ص) يوگف بجانب النعش يحچي بدموعة ويگلها….

#ثگيل_

فاطمه شلون... جبتچ عل گبر
زهرة الكون... ضلعچ منكسر
ياهو مثل تعبي
بيدي ادفنت گلبي
فاطمه شلون... جبتچ عل گبر

___________

شنهي عمري من مشيتي
موش انة الحدبت حتة خيالي

انباگ حيلي شهگه شهگه
بگلبي شوغات وجرح هيچ الليالي

ولله حيره الزهره ورده
وصارت ابين الترب روحي ودلالي


علغالي ما يحلة الدفن
وشلون اذا ام الحسن
منها ضلع حيف انكسر
مسطوره باوعت الجفن


ما وچدت دربي
بيدي ادفنت گلبي

فاطمه شلون جبتچ عل گبر...

1_______

محني ضهري كلة بعدچ
گوه اجر انفاسي يازهرت حياتي

حرز بيتي ومني راحت
بين احضان الترب ليش امنياتي

كلشي يوحي لحزني بية
كمت اتمنى لون يحضر مماتي


بلهندس ادفنت الضوه
بليل اختنگ حتى الهوه
يترادم بروحي الحچي
ياريت موتتنه سوووه


عيني بدمع تربي
بيدي ادفنت گلبي

فاطمه شلون جبتچ عل گبر....

2_______

سنيني بعدچ دمعه صارن
بلمدامع چلبت تطفيلي ناري

عايش الدنيه اعله مودچ
وحشه صار بروحتچ يبچيلي داري

يبست بروحي الأماني
وكل خضار الدنيه ما يكفي انتضاري


ما ينسطر خد الورد
وشلون اذا من چف حقد
ياگلبي ماتت فاطمه
وراحت بعد لا ماترد


اتناثر حزن حبي
بيدي ادفنت گلبي

فاطمه شلون جبتچ عل گبر....

3______

الليل خنگة يچوي گلبي
چودر بروحي التعب بعدچ يفاطم

انه حيدر سيفي يشهد
محني ما بيه بعد حمل الصوارم

الخطوه تاخذ حيل مني
ليش راحت فاطمه ليهسه نادم


بعيوني ما باقي دمع
عل باب اشعلچ شمع
البسمار لو يعرف حچي
عاتبته چي طگ الضلع


كلش عتگ صبري
بيدي ادفنت گلبي

فاطمه شلون جبتچ عل گبر...


4______

شما اطب للبيت ابچي
ياهو يتلگاني فاطم مني راحت

يركض حسين اويگلي
امنه ما ترجع بعد بلماضي صارت

تعود اعلل فرگه بويه
فاطمه بنص الگلب بس بويه ماتت


بحساسي بس ضيم الهجر
فراگ المحب يكسر كسر
حرز السمه بنص الترب
تاخذني شوغات السهر


عيني دمع صبي
بيدي ادفنت گلبي

فاطمه شلون جبتچ عل گبر...


5______

✍️محسن الباوي

اللهم عجل لوليك الفرج
_________

الاداء محسن الباوي

((زلزليتي))


زلزليتي اعروشها الدنيا منچ خايفه
الزهره أم العافيه
زهره .. زهره
"""""""""""""""""""""""""""""""""""''''''''''

فاطمه اعله چفوف اديها
داير بكبره الزمان
التايه الماعنده ديره
بروحها يلگه مكان
رغم بيها جروح كلفه
لكن تنگط حنان
اليلگه مثلج یالزجیه
اعلیمن یدور جنان

المایعرفچ وآهم نبعةّ الله الصافيه
الزهره أم العافيه
زهره .. زهره
"""""""""""""""""""""""""""""""""""''''''''''

شما ارسمچ بالدفاتر
وبالقلم من اختلي
ارسم الظل العباتچ
الگه یمچ ظل علي
توگف أقلام الحقيقه
فكري صاير مو ألي
الماعرف رسمچ خطيه
حزن بي ماينجلي

رسمچ بنص عيني وروحچ شگد دافیه
الزهره أم العافيه
زهره .. زهره

"""""""""""""""""""""""""""""""""""''''''''''

تذبل شفافي واذكرچ
چني بالماي ارتشف
ما نعرفچ بالمعاني
وما نعرفچ بالوصف
ياملاذ الروحه خافت
فاطمه رب العرف
بدمعتي ادري نجاتي
لاچن ابچیلچ اسف

يا قصيدة روحي هوه اسمچ قافیه
الزهره أم العافيه
زهره .. زهره
"""""""""""""""""""""""""""""""""""''''''''''

تنزف أفكاري اعله حبچ
وانفجع بالصوره
وجنتچ جنةّ محمد
حمره اضن مسطوره
ضلعچ الورده وغصنهه
الورده شو مكسوره
أشم عطاب اعله بابچ
وین صار أبخوره

الحمامه شبيها والبلابل غافيه
الزهره أم العافيه
زهره .. زهره

"""""""""""""""""""""""""""""""""""''''''''''

اسمع ابيتچ بواچي
هاي ياهي النايحه
صوت أطفال وهضيمه
والملائك صايحه
اسمع مناشغ زغيره
تگول امي رايحه
فاطمه العاشر تقدم
هذا طف شو طايحه

زادت بنيرانها تركض وشو حافيه
الزهره أم العافيه
زهره .. زهره

عبد زينب
محمدالابراهيمي

ذكرنه ارباج يايمه وبجينه
ثاري الوالده خيمه علينه
ـــــــــــــــــــــ
گعدنه والگلب يلهج بطرواج
واذكرنه الليالي الجانت وياج
بعد بنفوسنه يالذة ارباج
مثل ارباج ردنه ومالگينه
ـــــــــــــــــــــ
التمينه فرد گعده وگعدنه
واذكرنه الحياة اوياج يمنه
ذيج ايامنه الوياج عشنه
هسة اليوم شخصج فاگدينه
ـــــــــــــــــــــ
بعد شيعودهة امي الدللتني
وربتني بحنان وعلمتني
مهضومه ام حسن ومئلمتني
مكسورة صدر ماتت حزينه
ـــــــــــــــــــــ
شفنه الضيم م‌ـــِْن بعدج ييمه
شملنه اطشر وياهو اليلمه
بعدج ياحنينه الدار ضلمه
وابنج ضل حزين وبجت عينه
ـــــــــــــــــــــ
نجي للدار والونه عله ونه
وين امي العزيزه مشت عنه
نشم بريحتج ريحة الجنه
ترد ارواحنه يمه علينه
ـــــــــــــــــــــ
شيرد ايامنه ونگعد سويه
واسولف ضيم گلبي المر عليه
هم ترجع بعد امي عليه
تمنينة وبعد ماصح بدينه
ـــــــــــــــــــــ
ذكرنه ارباج يايمه وبجينه
ثاري الوالده خيمه علينه
ـــــــــــــــــــــ
گعدنه والگلب يلهج بطرواج
واذكرنه الليالي الجانت وياج
بعد بنفوسنه يالذة ارباج
مثل ارباج ردنه ومالگينه
ـــــــــــــــــــــ
التمينه فرد گعده وگعدنه
واذكرنه الحياة اوياج يمنه
ذيج ايامنه الوياج عشنه
هسة اليوم شخصج فاگدينه
ـــــــــــــــــــــ
بعد شيعودهة امي الدللتني
وربتني بحنان وعلمتني
مهضومه ام حسن ومئلمتني
مكسورة صدر ماتت حزينه
ـــــــــــــــــــــ
شفنه الضيم م‌ـــِْن بعدج ييمه
شملنه اطشر وياهو اليلمه
بعدج ياحنينه الدار ضلمه
وابنج ضل حزين وبجت عينه
ـــــــــــــــــــــ
نجي للدار والونه عله ونه
وين امي العزيزه مشت عنه
نشم بريحتج ريحة الجنه
ترد ارواحنه يمه علينه
ـــــــــــــــــــــ
شيرد ايامنه ونگعد سويه
واسولف ضيم گلبي المر عليه
هم ترجع بعد امي عليه
تمنينة وبعد ماصح بدينه
ـــــــــــــــــــــ
الشاعرة فاطمه عبد الرزاق

الاداء محمد الحسيني