لسان حال مولاتي فاطمة ترثي المُحسن عليهما السلام
-------------- ------------- ------------------------
آخ مـحــســـن يـمّــة
اشگد وگعتك هضمة
مالحگت تنظر الي يالمارحم طولك باب
يالمارحم طولك باب
"""""""""""""""''"""""""""""""""""""""""""""""""""""
ما لــحگـت الوليـك يا مـحسـن يبـعد امّـك
لـهـسـة گمـاطـك متـانيك يالمتـگمط بدمّك
حلمك يمّة لية تصيح بس هالطشرو حلمك
كسروا ضلعي يوليدي من عدها ابتده همّك

يوليدي مالابس هدم واتكّشخ بطولك موت
موتك ندى وادري الندى مايرهم اعليه تابوت

موتك الهَد حيلي
وفضة الاتـچـيـلي
جرحك هَدم بيّة العمر ياثاني فگد الاحباب

يالمارحم طولك باب
"""""""""""""""''"""""""""""""""""""""""""""""""""""
حرگوا بابي بالنيران وانشافت ثناية الـدار
نـار بـگـلـبي يولـيـدي تـحـرگ نارهـم بالنـار
حامي الجار ابو الكلفة ما يفزع لبيته الجار
باب الطـايـح اعـليـنـا ومأذي امك البسمار

حيدر علي اشگد مِنتظِر بابا تگله بصوتك
چا لو دره بهذا الخبر بيمن يلاگيـه موتـك

لو دره بــهـلحـالـة
يموت حيله گباله

لمّن دره بموتك ذبل وتبده ماي اعله تراب

يالمارحم طولك باب
"""""""""""""""''"""""""""""""""""""""""""""""""""""
روحي مودع الله وياك آه يا ازغر جروحي
صوتي الماتسمعه الناس من عندك بده نوحي
روحي انت وصبر روحي المن باقية روحي
من قلّ الهوة العندي هاي لفگدتك توحي

من رفّت اعيوني وبدت عيني تسولف بدموع
گَلي الگلب ي أم الولد من العصره ابنچ موجوع

اشگد شدهني بالي
مـات ابـني الغـالـي

لمّــن متت حيلي ذبل وحساسي والينبض غاب

يالمارحم طولك باب
"""""""""""""""''"""""""""""""""""""""""""""""""""""
هوَّ اليفگد احبابه حـيله بلا وعـي يهـجـره
واليفگد ضوة احلامه بيمن تحچي وتصبره
ابن المرتضى حيدر حيله اتخلّصه العصرة
ضلعي وكسره ماهم بي كسرة طيحّتك كسرة

كَسر الكـسـر راح انكـسـر بعد المـصـايـب والباب
جرحك بدايات الجرح مصابك فتح باب مصاب

مصاب طفّ حسيني
هـذا تـارس عـيـــنـي

امصاب الحسين بكربله ماينوجد مثله امصاب
يالمارحم طولك باب
"""""""""""""""''"""""""""""""""""""""""""""""""""""
چا شحچي لحسن وحسين لو سئلوني عالمحسن
لو گلــلهــم افـگـدناك كلها تنـتحب وتوّن
لو سئلتني زينب وين ذاك الكلبي ليه ايحن
زينب يمة اخيّچ راح وجروحي السمة انفتحن

واليوجع اكثر بالگلب يا يمة زينب حيرة
اليوم محسن فارگج باجر تفگدي الغيرة

بكربله الله يعينچ
تفارگين حسـينچ
باجر عشيرة تفارگج ويلچملچ الهوة الهاب

يالمارحم طولك باب
—————————————————
كرار رحمن

الاداء محمد الحسيني

مولاتي السيده زينب (ص) و أول ايام فراق امها مولاتي الزهراء (ص) تگعد مولاتي زينب تبچي وتذكر ايامها الچانت وي امها الزهراء(ص) وتگول….


يا يمه وينچ…
ياوحشة اغيابچ
فز جرحي يم بابچ
كل ما اشوفنة
ياخذني لمصابچ

يخنگ رحيلچ…
عمر الورد عمرچ
مو ينكسر ضلعچ
كسرة غصن ويلي
كلش صعب وضعچ


صرت اليتيمه
وراحت بعد لا ماترد…ذيچ الليالي
صرت اليتيمه
يا موتتچ اصعب جرح…تعبتلي حالي
صرت اليتيمه
معقوله ما شوفچ بعد…يسأل دلالي


كسرّ ضلعچ__كسر كلبي
تعب روحچ__اثر تعبي


ويلاه يُمه ويلاه…
١_____

انة الهضمني…
من (الهوه) تشمة
تجرحها كل نسمة
يعني النفس گوة
شگد تبقه متئلمة

لزيدلي حزني…
لبسمار يا طگتة
بدم الضلع شفتة💔
موتني يا يمُه
مو هينه سالفتة


ومحسن رحيلة
ما لحگ يشم الهوه…ويفتح عيونة
ومحسن رحيلة
هم زيد بروحچ كسر…ضل دمة لونة
ومحسن رحيلة
ما يهده جرحه وروحتچ…يمه الحنونه


متت سكته__وذبل حيلي
على دموعي__خلص ليلي


ويلاه يُمه ويلاه…

٢__

امشي لمچانچ…
وتردلي چم ذكره
اهنا صلت الزهره
اهنا حضنت احسيني
بگلبي تشب جمره

اذكر حنانچ…
يلزهره يا يمُه
يلروحتچ لچمه
عشت بجرح موتچ
بدموعي متحزمه

(👇اهنا مولاتي زينب(ص) تباوع لخوها الحسين(ص) وتگله..)

يحسين خويه
راحت بعد امنة الگبل…چانت تلمنة
يحسين خويه
من هسه نيشان الجرح…كاسر ضهرنة
يحسين خويه
مهضومه راحت فاطمه…ومنها انحرمنة


حزن فگدچ__حزن دايم
فلا يهده__لفگد فاطم

ويلاه يُمه ويلاه…
٣__

انفاسچ جروح…
متعوبة من ضلعچ
لا مو سهل وضعچ
تصديلي محتاره
ينزل جرح دمعچ

انضرلچ جروح…
تگليلي يا زينب
جايچ حزن اصعب
يرحون كل اهلچ
وحيل الگلب يتعب


يمُه يزينب
كل ما اشوفن دمعتچ…ارسم مصيبه
يمُه يزينب
انة امچ وگلبي بقه…بجمرت لهيبه
يمُه يزينب
مو زينب اسمچ بلغرب…يصبح غريبه


على جروحي__جرح گلبچ
بلا اخوانچ__فقط وحدچ

ويلاه يُمه ويلاه…
٤___

بابچ رساله…
للعاشر! وضيمه
بنارچ تشب خيمه
نار الجذع تكبر
تودينة بل هيمه

ضلعچ دلاله…
لجروحي وداني
من ابقه بس اني
محتاره ودموعي
بلغربه نيشاني


هاي البدايه
من نارچ لنار الخيم…ما تطفه ناري
هاي البدايه
حبل الدمع ما ينگطع…يكسر قراري
هاي البدايه
مكتوبه من زغري يضل…بية انتضاري


كبر جرحي__بصغر عمري
جرح موتچ__حنة ضهري

ويلاه يُمه ويلاه
٥_____

✍️محسن الباوي

اللهم عجل لوليك الفرج
_____

الاداء محمد الحسيني

📜 القصيدة: باب وبسمار
🎤 أداء: مسلم الوائلي
🖋 كلمات: محمود الموسوي
~~~~~~~~~~~~~~~~~~~~
يا زهراء أول طف صار
يا زهراء باب وبسمار
هظموا زينب دفعوا بابج .. يا زهراء
~~~~~~~~~~~~~~~~~~~~
يمه زينب دفعوا امج ونكسر ضلع
محسن وخدري وعباتي اتحملن جذع
حاوطوني ولا كتر مني سلم
ردت فزعة علم شفت حرگ الخيم
عالباب شفت الخدر اجذوع سحگت صدر
شتموني وعلي ضلعي طگ بالعصر

زلم يدفعون اعله الباب ما گالوا علويه
وداروا گلي العباس ست أزلام عليه
واحد طگني اعله العين واحد شتم بيه
محترگه ومحد صاح كافيكم مجويه

هظموا زينب دفعوا بابج .. يا زهراء
~~~~~~~~~~~~~~~~~~~~
يمه وين عيوني اضمهن ونطفه الجفن
وانه لعيونج يزينب من أنام أحن
أرد اشوفج يا بعد ذني الطفن
تره عيوني انعمن هظيمه أم الحسن
صيوان بابي احترگ محسن ابني انسحگ
بابي تالي العمر جذعه بيه انطبگ

أفا ما جنت محسبه الهاي تنطگ بت الساده
الخانوا حيدر بالباب جا ما غزر زاده
باجر هم تنطگين يبنيتي اعله العاده
باجر ما عندج عون يم عون النشاده

هظموا زينب دفعوا بابج .. يا زهراء
~~~~~~~~~~~~~~~~~~~~
يمه باجر لو تسلب بالخيم خدر
حافي تركض كل سبيه والدرب جمر
ها يزينب والدرب كله زلم
صدگ مدري بحلم ركض حرمه وشتم
تمشين باجر سبي اترافگين اجنبي
والحرگ بالخيم بالج اعله العبي

تره باجر غربه ونسوان ويصيحون عليهه
تركض يم العطشان والنار برجليهه
باجر نسوان حسين سوگ يباوع بيهه
وخيامج محترگات يا زلمه يطفيهه

هظموا زينب دفعوا بابج .. يا زهراء
~~~~~~~~~~~~~~~~~~~~
گمت احط ايدي وعباتي واستر الجرح
حمره عيني وجرح وجهي والدمع ملح
يمه زينب خاف اگلج عالجره
الهظيمه مخدره وزلم طگوا مره
لو شاف حيدر يهد وما محشمه الولد
زهره انه مو للجذع مكسور ضلع الورد

طفه عيني الطگني اعله الباب والغربه الشافوني
باجر بحوافر خيل يا يمه يهظموني
راس حسينج ينشال بجفوف الطگوني
ويدفعونج بالشام يبنيتي الدفعوني

هظموا زينب دفعوا بابج .. يا زهراء
°°°°°°°°°°°°°°°°°°°°°°°°°°°°°°°°°°°°

الاداء ملا مسلم الوائلي

نعي  استشهاد الزهراء عليها السلام


حكها المدامع تجري من دم
على الغالين لمن يكبر الهم
ماتت وبيها الألم ملتم
من الباب جرح الضلع مالوم

مالوم الضلع من دفعة الباب
والدفعوه يسموهم الاصحاب
ماطاب جرح الزهره ماطاب
هجمو عليها وخانو الكوم

بعد النبي اصحابه ارتدو
ولبيته ركضوله وتعدو
جم مره اجو بالنار هدو
وكفو اباب النبي المظلوم

وصى النبي باهل القرابه
واكد على الزهره بغيابه
ماقصرو هجمو اصحابه
كشفو الدار بحقد مضموم

كشفو الدار ومارعوها
وصابو الزهره وروعوها
انكلبو عليها بعد ابوها
على دارها غربان وتحوم


محمد دعبل النوري



     

حكها المدامع تجري من دم

محمد النوري

القصيدة
أمير المؤمنين علي بن ابي طالب وفقد السيدة فاطمة الزهراء عليهما السلام



عني رحتي     وانتي بعمر الورد
عني رحتي.   وشبقى عندي بعد
اه يازهراء      اه يازهراء

ياحبيب المايرد صوته لحبيبه
شلون من يشتاكله منهو يجيبه
علي حن لفاطمه واشتد نحيبه
منه راحت زهرته باعظم مصيبه

من تركتيه. بيته خالي من الضوى
من تركتيه. ضل سقيم بلا دوى
اه يازهراء    اه يازهراء
*--------------*----------------*--------------*
حلت الفركه وصفت داره خليه
بعد فركه المصطفى تروح الزجيه
فاركاها ومشت مهظومه برزيه
مابقاله بس حزن حد المنيه

فاركاهم.  وهمه جانو سلوته
فاركاهم.   وهوه زادت بلوته
اه يازهراء.  اه يازهراء
*---------------*-------------*--------------*
يعاين لبيته صفه من الزهره خالي
يشوف اولاده ويهل دمعه يلالي
الحسن وحسين يمه بدمع هالي
وزينب تنادي بعد امي شبقالي

يهدم الحيل    دمع ولدج فاطمه
يهدم الحيل.   بجى املاك السمه
اه يازهراء.     اه يازهراء
*--------------*--------------*----------------*

يامصيبة حيدر بهاي الرزيه
فاطمه الزهراء تاخذها المنيه
الوديعه تروح من عنده ضحيه
يعاين بعينه وتقيد بالوصيه

بيها صابوه   بالغدر أهل الردى
بيها صابوه   الحقد منهم بدى
اه يازهراء    اه يازهراء
*--------------*-------------*--------------*
بيده يدفن زهرته والدمع همال
تندفن كل ذكرياته وكل الامال
انهدم حيله الشجاع الشال الاهوال
من دفنها روحه حيف اعله الترب مال

حيله هدموه   يوم صابو فاطمه
حيله هدموه   من نزف منها الدما
اه يازهراء.      اه يازهراء
*---------------*--------------*----------------*

محمد دعبل النوري

عني رحتي وانتي بعمر الورد

محمد النوري

شيعتهه....روحي بنفاس الوصيه
شيعتهه.......اشلون شالتهه  اديه
شيعتهه.......للگبر وحدي الزجيه
يازهراء............يازهراء
*******
بين  ابوجهي   التعب  ياخذني  بالفرگه
ضاعت سنيني العشتهه وطاحت الورگه
راح ...اشيعج  للگبر  بس  انتظر   ملگه
مرت ايدي عله الظلع بس وجنتج زرگه

من شفتهه....اتهدم الحيل وخذاني
من شفتهه....ولا علي چنك هذاني
من شفتهه....يصعب الموقف عليه
*******
راجع  وميت  يزهره   منخطف  لوني
روحي دافن  چني  بيدي  لا تلوموني
الليل  بعدج   ما أنامه   تشهد اعيوني
لو  رجعت    الدار   اولادج  ينشدوني

یاحسافه....ضيعت حلمي البنيته
ياحسافه.....والكلب بعدج نسيته
ياحسافه.....معتكف وسط الرزيه
*******
وجهي   بين   حيل  اصفر  اه  يالزهره
احچيلي شنهو الي يلمج ظلت الحسره
اشصار حيدر من رحلتي راحت العشره
الچان خيبر بيده  شايل مختنك صدره

فاجئتني.....من خفت عني ظلعهه
فاجئتني...ليش يجري بس دمعهه
فاجئتني.......تسكت ابهاي  القضيه
*******
مالي  عالفرگه   سوالف   ينهدم  حيلي
الدافن  بروحه  حبيبه  صعبه   يا ليلي
همي بس للبير احچي  وهوه يحچيلي
فاطمه  انفاسي صارت  كلشي  تعنيلي

من عفتهه ....بالچفن اولادي صاحت
من عفتهه ....مهجتي وياهه طاحت
من عفتهه.......اتيقنت ما بيهه جيه
******
من دموعي ما اشوفن  دربي بعيوني
يزجيه  وشوفي  حالي  من  ينادوني
خاف  ارد   للبيت    وعيالي يسألوني
وين عفت الزهره كلبك من يشبگوني

من بچيهه.....حنت وشبگت ولدهه
من بچيهه......بالدمع احفر الحدهه
من بچيهه....... ينجرح نجم الثريه 
*******
كلشي  بيه يعيش  ميت زهره بغيابي
بس جسد  مابيه روحي دافن احبابي
والله زحمه واني عايش  يندفع  بابي
وصحابي استغل طيبي عارف اسبابي

من دفعهه....كلشي بغيابي جفيته
من دفعهه.....والظلع محني لگيته
من دفعهه.....ما رعه سيد البريه
*******
تمت بعون الله وبركاته
خادمكم●●●●يوسف الفتلاوي

الاداء ملا ستار الصالحي

الليالي الفاطمية
شور (براءة )

لعن الله قاتليكي فاطمة
###############################
سر العرش وبيا ذنب إعله الخدود دموعها
تشهك اذا جرت نفس متكسرات اظلوعها
ملجومة من كد الدفع
بسماره واصل للكلب
واعله الوجه بين اثر
وسفه وعجابة تنظرب
محسن وكع طاحت سمه
وتوسد بدمه الترب
ها ها
بنت اشرف نبي ياوسفه هضموها
لعن الله قاتليكي فاطمة
###############################
هجموا على الدار بحقد وحركوا يوادم بابها
إعني عمر هالناصبي وشيخ الكفر إسبابها
عن البخاري انقل خبر
يحجي الجره يكول الربع
الكالوا هجر إعله النبي
جتفوا علي وكسوا ظلع
وما بطلوا من الظلم
غصبوا فدك خد ينصفع
ها ها
الماعدهم شرف ياحيف ضربوها
لعن الله قاتليكي فاطمة
###############################
غيرة علي ونور الشمس وسر هل اتى بيدها
صلى الفلك ليه وسجد ولا ماكدر يوفيها
بعمر الورد ظهر انحنه
يهل الارض وليا سبب
مخنوكه من تشتم هوه
ماظل ظلع سالم عجب
شعتب اذا شيخ الحقد
يبغض علي شينفع عتب
ها ها
من حيدر علي كل ثار يردونه
لعن الله قاتليكي فاطمة
#####--###--#-#---#################
غصبوا فدك منه غصب زمرة كفر ملعونه
وذاك العبد قنفذ سطر وجه السمه إعله عيونه
تلثمية يوادم وسف
إلتموا على بيت النبي
وفاطم وره الباب احتمت
وجلمة وإن من ناصبي
يطلع علي يبايع واذا
مايطلع انكتله العلي
ها ها
وبوصيته علي مجتوفه ايدنه
لعن الله قاتليكي فاطمة
###############################
زهرة علي واثمنطعش ماكملت ملجومة
نفرض شنو جان السبب ماتت صعب مهضومة
لآخر نفس لعنة عمر
وابو بكر تاب ورجع
توبة بكسر ظلع ام حسن
مو توبة لله بس طمع
بيضة صفحتة ام الجمل
والجاهل البيه اقتنع
ها ها
مو طاهر نسب كلمن نكر ظلعج
لعن الله قاتليكي فاطمة
###############################

حسين مجيد العميدي