💔لطميه للسيد الشهيد حسن نصر الله رحمه الله💔

انا لله وانا اليه راجعون


الهوسه تلوك الك... ياسيد القاده
يادرب الشهاده الكم.... صدك عاده

➖➖➖➖➖➖
ياسيد عليك الكون مرجون
من عدوانكم لاماترجفون
يسباع الحرب يلما تخافون
(حمايه//وانتم للحد)
➖➖➖➖➖➖➖
الهوسه تلوكلك سيد يمغوار
ماهبت العده لاكوم الاشرار
ساحات الحرب تشهد وتذكار
(يسولف بيه//الحد وفعاله)
➖➖➖➖➖➖
يسباع الحرب يازلم الحدود
حسافه اليوم شخصك منه مفكود
شخصك مايرد لا لينه ويعود
(مضيعينه //والمثلك وسفه)
➖➖➖➖➖➖➖
من عدوانكم لاما تهابون
ولدروب المنايا انتم تسيرون
يصير ازماط واعله الحد تثنون
(الكم عاده//يادرب الموت)
➖➖➖➖➖➖
زلم معدله وشالاها البين
والفكدك يسيد دمعت العين
الهوسه تلوك للي يحمي الدين
(نرفع رايه//واليوم الكم)

(بزلام الزينه//كام الموت يلكط)

(ثنو بيه//اسباع وعالحد)


✍️ الشاعره والمله ام حسين العامري..

ملا عمار الديباجي الحسيني

فزاعيه للشهيد السعيد حسن نصر الله 😭
========


الشهاده تلوگ الك ..

ياحسن نصر الله

يسيد ماهو يومك ابد  لاوالله

========

الشهاده رادتك وتلوگ للساده

القتل الكم  ي أل المصطفى عاده

مكتوبه علينه نفقد القاده

علساده // اسمك موهين

😭😭😭😭

الشهاده تلوگ الك وانته كفو الها

الشيعه نادبه تدري الهظم سلها

وينك يبو صالح انته التحلها

ومتانينك // الثار الثار

😭😭😭😭

من أسمه تره اسرائيل  مرهوبه

بنص ابيوتهم صال ولعب طوبه

ياوسفه السبع فاتحته منصوبه

ومنصوبه// بگلوب الشيعه

😭😭😭😭

ياشيخ الزلم يمخوف اسرائيل

چنت اعلى العدو ياحسن عزرائيل

دموع العين لجلك من دمايه تسيل

ويه الساده// فلينه العشره

😭😭😭😭

للخانوك عار ايضل يلاحگهم

ماعدهم وفه انطو  ابقايدهم

ربي صب زلازل على الخاينهم

الخوانه // ياربي اتزيح

😭😭😭😭

ياسيد حسن يلفجع امصابه

الك نيران وسط الگلب لهابه

محزونه هله وربعه ومحرابه

ومحرابه // والتربه اتون


=======
الحجيه ام علي البصره بخدمة خدام الحسين عليه السلام

ملا عمار الديباجي الحسيني

نعي للسيد الشهيد حسن نصرالله والأمام المهدي


#ابوذيه_نعي_للمهدي  ….

ضاكت الدنيه وكثــر مــرها
يغايب دخيلك بالله مــرهـا
بضيج احبابك وحارت بمرها
{ اظهر سيدي وحل القضيه }

•───✧◐◐✧───•

كل يوم كلبك لايحه صواب
ويعينك الله بفكد الأحباب
وهذا الظلم موروث بالباب

•───✧◐◐✧───•

من يوم الضلع لليوم مقهور
يمهدي وكلبك دوم مكسور
ويعينك الله على المنحور

•───✧◐◐✧───•

عجل يمهدي وأخذ بالثار
ماظل صبر وينك يمغوار
فزعو علينه جيوش كفار

•───✧◐◐✧───•

#نعي_للسيد_حسن_نصرالله

بعدنه بعازتك ياحيد مغوار
تبچي عليك كلها ازغار وكبار
يلدومك تقاتل ضد الأشرار

•───✧◐◐✧───•

الله وياك مثواك الشهاده
عليكم الموت انكتب عاده
مثل جدك الضل بلا وساده

•───✧◐◐✧───•

تموتون كلكم موته وحده
والظالم حــدوده تعــده
بس الله والمهدي يــرده

•───✧◐◐✧───•


بقلم المله والشاعره ام علي الأماره..

ملا عمار الديباجي الحسيني

قصيده گعديه لقرابين المذهب والسيد الشهيد حسن نصر الله طيب الله ثراه وقدس الله نفسه الزكيه




قائــد يتبــع قائد .. منســاوم بالــديـن
هذا النهج الخالد .. من مدرسة حسين
جنـود انضحي قاده
تلوگ ألنـا الشــهاده
منســاوم بالــديـن

*

فگدك اهوايه هضمنه وخلّه بـينا النــار تسعـر
وناح من هاي المصيبه كل غيّور وصوته كبّر
والمسيحي ينوح لجلك والمخالف گلبه منسر

سيد حسن كٓسرت ظهر
جــرح بدليــل المنتظــر
وي جرح محزوز النحـر
ليــا جــــرح دلالــه يسعـــر
يا جرح ابدلاله ينزف بعده ادموم
للرضو اوصـاله للصـار بهـل اليوم
يـدين الله وعمــاده
تلوگ ألنـا الشــهاده
منســاوم بالــديـن

*

مو جديد الموت عدنا الموت لجل الدين عاده
والله كرمنــه أعلـى خلقـه بالولايه وبالشهاده
لمذهب الهادي اوصيه ارواح ننطي وننطي قاده

درب الولايه الصامده
بالـدم طريقــه نعبـده
هاي المسيره الخالده
المــوت بيها أصبــح ولاده
المات من أجل أهدافه.. وما ساوم اشرار
العــالم كلـــه يخــافه .. خط درب الاحرار
الحسين أصبح مراده
تلــوگ ألنــا الشــهاده
منســــاوم بالــــديـن

*

ثــار من خيبر يطلبه ومــرحب يرجعله ثــاره
يوم حيدر طرله هامه وناصفه بحد ذو الفقاره
ظنه مثــل العرب احنه نطبع ونصبح أسُاره

هــاك استمــع يـا عـاذلي
بعـــده عــزمنـــه الأولـي
هل العزم من حيدر علي
وشيعته بدربه وقراره
من حيدر مهيوبه .. مـــا ذلت هيهات
والمــات لمحبوبه .. عايش لا ما مات
نظل احنه السياده
تلوگ ألنـا الشــهاده
منســاوم بالــديـن

*

ابد مو عجبه الاشوفه من الاعراب اهل الدعيه
بفرحه من طاح ألنا فارس ذول تربات ال اميه
هيه نفس الفرحه وسفه من دخل ضعن السبيه

نفس السده ونفس الجره
لــكــن عقيلـــة حيـــدره
گلبــت الشــــام الاخــــره
وعلّــــت ْ الــرايـــه الابيــــه
ما ذلت بت حيدر .. خطــت منهــج ثار
بركـــان ويتفجــر .. صعنت جيل احرار
درب بــارينـــه راده
تلوگ ألنـا الشــهاده
منســاوم بالــديـن

**

الشاعر
موسى البديري

عراقية عراقية
هاي الفزعه شيعية
كلشي يهون يا لبنان
ابشري الشده مگضية

--------------------------------

علي ويسند علي
المواقف كلهه الي
اثور وانتفض
اذا الفزعه لهلي

انه الكاسر گفه العايل
كلام الذله ما گايل
انه اليعدل حچي المايل
عراقي ورافضي

آنه التاريخ والثايه
اجتكم يا هلي الرايه
فزعتي لاهل الولايه
عراقي ورافضي

بيهه انفاس ثورية
هاي الفزعه شيعية
كلشي يهون يا لبنان
ابشري الشده مگضيه

------------------------------------------


يلبنان السمى
نتشارك بالدمى
اذا جاسچ عطش
يأذيچ الضمى

نمد الماي وجروفه
وتجيچ بحيلهه الكوفه
الفرات بمايه وچفوفه
هلا ومية هلا

عوائلكم تطب داري
واعزب انه وي جاري
اهل ما گلت خطاري
هلا ومية هلا

يأهلآ بالحسينية
هاي الفزعه شيعية
كلشي يهون يا لبنان
ابشري الشده مگضيه

-------------------------------------------

اجيناچ بزلم
تموت وما تهم
تعزب بالنحور
والشروگي الاسم


احط نيشان بالملگه
معلم چفي علتفگه
الشرد من عندي ما الحگه
تعود ينهزم

ما يبقى اليمس گاعي
انه الراعبهم ذراعي
التخاذل ما اله داعي
تعود ينهزم

هذاك الگال شعليه
هاي الفزعه شيعية
كلشي يهون يا لبنان
ابشري الشده مگضية

--------------------------------------------

مواقف للعرب
عجب كل العجب
يوالون اليهود
يجمعون الحطب

قديمة السالفه العدهم
الخيانه التمشي وي دمهم
قطعآ ياهو والدهم
نقارن بالفعل

گبل هم بَخنّ گالوهه
وتالي سوايه سووهه
هايه اليوم عادوهه
نقارن بالفعل

شحچي ونارهم بيه
هاي الفزعه شيعية
كلشي يهون يا لبنان
ابشري الشده مگضية

-------------------------------------------


انتوحد ننتصر
نتفرق ننكسر
بعد كف الكلام
ذبحناه الشمر


چفي بچفك وخلنه
عرفنه الناس التضدنه
(اليذم بينه ) ( اليساعدنه )
وضح كلشي بعد

اليوالي المرتضى وآله
التعرفه بدينه وافعاله
انصره واحفظ اعياله
وضح كلشي بعد

البقيه الروس محنية
هاي الفزعه شيعية
كلشي يهون يا لبنان
ابشري الشده مگضيه


كلمات الشاعر / رعد الفريجي
25/ ايلول / 2024

قصيدة لأستشهاد السيد حسن نصرالله قدسه الله سره الشريف

{ شلون تموت }

شلون تموت يمخوف اليعيلون
صار سنين مــن ثوبك يرجفون

•───✧◐◐✧───•

شلون تروح واحنه نفكر بعيد
صولاتك ترد ياشهم صنديد
مثل صولات جدك بيهم تعيد
{ الموت لجالك / ماردناه }

•───✧◐◐✧───•

ماردناك تمشي نريدك سنين
ياهيبة الشيعه وناصر الدين
تمنيناك تاخذ ثار الحسين
{ من يظهر باچر / مولانه }

•───✧◐◐✧───•

خبر موتك فجعنه وهز الأكوان
الشيعه مكدره والكون حزنان
وحزب الله يون عليك حيران
{ المات اعله الحق / يردونه }

•───✧◐◐✧───•

حكهم لو بچو لجلك يقائدهم
سنين وياك عاشو وانت سيدهم
صنعت ارجال نشميه ونعم منهم
{ مانوم ليله / اعله العيله }

•───✧◐◐✧───•

مايرضون عالعيله ينامون
ثارك تاخذه ازلام اليثورون
والعدوان ردهم يخافون
{ الثار مربع / يردونه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة