اداء عصام المحمداوي
كلمات ام زين العابدين اللامي

وصية الامام الحسن العسكري للامام المهدي........
.............وزن الفجري................
.
.
الك مني وصيه
           گبل یوم المنیه
مواریثك والاسرار
         اخذهن هالمسيه
......يموعود.......يموعود
.
.
امنه الزهره يوليدي
         وأنه عاشر ضواهه
يبني وانته يوسفها
         ويرف بيدك لواهه
عصرها الطاغي بالباب
     وسطر خدها ورماهه
يبني هاذي شيلتها
         عليها انظر دماها
.
اخذها وشم عطرها
        تخبرك عن سترها
منها اخذ الاخبار
        عن ضلع الزچیه
...یموعود.........یموعود
.
.
.
عصة موسى هاي
       وهذا يبني ذو لفقارك
عمامة جدك الهادي
           شكثر بيها انتبارك
الك بالطف چبد ظامي
              ينادي بنتصارك
جدم كافر واثر حافر
      سحگ یالمهدي دارك
.
مواريثك بالضلوع.
        جروح وعبره ودموع
سكينه خدها مصفوع
              وي زينب سبيه
.......یموعود.....یموعود
.
.
.
شلتها بگلبي بنفاسي
                 مواريث النبوه
هاي الجربه الها
         چم طفل گلبه تلوه
أشم من عدها يابويه
             اثر عطر الأخوه
واذكر بيها عباس
         شكثر چیده تچوّه
.
بارز و حمل الجود
          واسگي منه الجنود
شجاعه ارویهم وزود
         وارهب جیش امیه
......یموعود......یموعود
.
.
.
الك سيف والك رايه
           على جروف الشريعه
الك هم يبني انصار
            والك يوليدي شيعه
تنادي يال ثار الظامي
                والامرك مطيعه
اعلن ثوره لحسين
         ونزف منحر رضيعه
.
اطلب ثار الجروح
       تدري بنحره مذبوح
تلگه دمه مسفوح
        على تراب الوطيه
.....یموعود......یموعود
.
.
.
ترك عمك الك درعه
       وبعد هم ريشة الطاس
البسهن ينشمي يبني
             من تبرز ينوماس
خل الدنيا كلها
      اتنادي رد للدنيا عباس
وخل عدونك ابكل ساعه
        بالچف تلمس الراس
.
ترك بالطف الچفوف
         الهن حظر اسیوف
راح بعینك اتشوف
           شجاعه حيدريه
.....یموعود....یموعود
.
.
.
عمرك خمسه يوليدي
           وعشت اعظم رزيه
عشت غربة وفاتي
         يبني وانفاس المنيه
لچن ما جربت
      يابويه هظم الغاضريه
مثل عمرك تعيش
     اهمومه ودموعه رقيه
.
يمك اشهگ انفاس.
          ابوها يمها بس راس
بحوافر صدره ينداس
            على الغبره ورميه
......یموعود.......یموعود
.
.
.
مو بس بالحوافر يبني
                صدر انه ايتوذر
من هدم البقيع
          ومن علاماته تحظر
راح اتشاهد ابعينك
                مراقدنه اتفجر
هجوم الناصبيه
    وطفنه هم يبني ايتكرر
.
الك يوليدي شبان
         مثل خاتم سليمان
بيهم تطوي الاحزان
             بأمر رب البريه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر حسن الموالي الفاطمي

بصوت خادمكم الرادود ابو هاشم الربيعي

واسوني ... واسوني ... بمصاب ابوي العسكري
...............................................
چن لسان الحال يحچي للي طال اغيابه
للي محرابه جروحه وماترك مــحرابه
والده الليله رحيله ويحچي ويه احبابــه
بلله واسوني يشيعه بالحسن ومصابـــه
        عينوني .... عينوني .... بــل بي كسروا خاطري
        واسوني ... واسوني .... بمصاب ابوي العسكري
...........................................
يالعليكم حبنه واجب يامـــــن اتحبوني
والحزن عاده عليه وانتم اتـــــعرفوني
هايعشاگ المجالس بالحسن واســــوني
أنصب الليله العزيه وانتم اتبچونــــــي
         حظروني .... حظروني .. لازم يســـــــجل دفتري
         واسونــي .... واسونــي .. بمصاب ابوي العسكري
........................................
مانفارگ هالمجالس كل وكت نرعاهه
بالگبر نتعنه عنده كلمن اتعناهـــــــــه
فاطمه السامره جايه وانه جاي وياهـه
والمصيبه الزينبيه بالصحن نقراهــــه
         تلگوني .... تلگوني .... لـــــحسين ناصب منبري
         واسوني .. واسوني .... بمصاب ابوي العسكري
..........................................


طولت رحلة غيابي وصـابر اعـله اسنيني
جرح اهلنه بگلبي نار وهـــــالجرح ياذيني
كل مصيبه البينه صـارت هوناهه حسيني
يوم ابو السجاد مثله مايمر ابعينـــــــــــــي
        تدروني .... تدروني .... كربلـــــه جرحت ناظري
       واسوني .... واسوني .... بمصاب ابوي العسكري
.........................................

ا يشيعتنه وگلبكم بالــــحزن محنه امتحن
رغم ماصعبه صبرتو عالمواجع والمحن
ادعو يارب البريه عجــــل الشبل الحسن
والصبح جاي وقريبا ينتهـــــي ليل الفتن
        تانوني .... تانوني .... جـــــاي ابلوائي الحيدري
        واسوني .. واسوني .... بمصاب ابوي العسكري
........................................... 


         كلمات سيد علي الموسوي

الاداء جواد الغرباوي

للحسن العسكري (ع)
~.~.~.~.~.~.~.~.
جارن
إلك حـسـرات وسـط الـروح جــارن ..،( جـرّن الحسرات )
يـمـكَـيـــود بحـبـل الاحـزان جــارن .. ( مجرور جرّاً )
عـلـيـك مـصايـب بـكـل يـوم جــارن ..( جوراً وظلماً )
ورِحِـتْ يالعـسـكـري بْـسَـمْ المـــنـيّـه
* * *
صابن
إلـك يالـعـسـكـري الـدمـعـــات صابن ...( صـبّـن)
والآهــات بـصدرنه اعـلـيـــك صابن ..(صوبين )
مـصيـبــــاتـك لـكَـلب الحُـجّـة صابن ..( صوّبنّه )
والله يـسـاعـده بـهـــــــاي الـمـســــيّه
* * *
لخادم العسكري (ع) حـسـام الناصري

اداء عصام المحمداوي

للعسكري اليوم أنصب عزيه 
للعسكري اليوم دمـعه جريه 

أكتب شعر ملجوم.     
للعسكري المسموم 

وأنصب عزيه.     وأنصب عزيه
___
خط ياقلم من الشعر أكتب شعر.على الفطره
وأكصـد على اديار الدمع   ونزل على سـامره  
وذكر مصاب العسكري وذكر جروحه وصبره 
وأسي الامام المنتظر وأسي الـنبــي والزهـره
 
شفت الشعر مهموم.    
للعسكري المسموم

   وأنصب عزيه.    وأنصب عزيه 
___
وضل القلم ينزف حبر. ودمـوعه ضلت تجري 
المن وصل سر من رئى  ينعيلي  كام ويحدي 
ناشته جاليش الدمـع  شـنهو السبـت ماادري  
يكتبلي وسم العدو بكلب الحسن ضل يسري 

من الحزن مالوم        
للعسكري المسموم 

  وأنصب عزيه.   وأنصب عزيه 
___
ضليت اراقـب بالقلم يكـتبلي قـصه وعـبره 
كال لحسن وكت الموت يذكر حسين ونحره
للضامي يذكرى ياترى  ويذكر حروره صدره 
لـمن نعه الـناعي ألــه وناده يجـــدي بحصره

من العذب محروم    
للعسكري المسموم 

وأنصب عزيه.  وأنصب عزيه
__
باأخر نفس من ها العمر يذكر سبـيها الحره 
لــمن مشت فوك الهزل وحسين فوك الغبـره 
مكطوع رأسه من الكفه يـمه تطــول النظره 
يبجي وينوح الها تره وعيـونه صارت حمره 


مسبيه بين الكوم.     
للعسكري المسموم

  وأنصب عزيه.    وأنصب عزيه

___
كلمات خادمكم 
الشاعر الحسيني مرتضى مكطوف الموالي.

الاداء مهدي الزينبي

تجليبه لاستقبال استشهاده الحسن العسكري (ع)





نون للعسكري من هسه خلينه
الله يساعد اكليبك يمهدينه

١

أمام الحق يغدروه من بعد ايام
أبن الهادي ننشد ياسبب ينظام
ماراعوا حرمته وهيبة الاسلام
بعد أيام حزنه وباين اعلينه

٢
بربيع اول مصابه ونمشي عالعاده
بيوم الثامن ايصادف استشهاده
نعزي المهدي احنه وسيد الساده
بمصاب العسكري وبدمعه نادينه
٣

لتقصرون رغم الدنيه دواره
تزورون الحسن وبهاي الزياره
سامره حزينه بدمعه تتجاره
لأبو المهدي نكصده وهوه يدرينه
٤

بعد أيام احنه انعلك الرايات
وبثوب السواد انجدد الآهات
لو ناده المنادي الحسن بالسم مات
يتجدد مصابه والحزن بينه

٥

كل عام اليمر تجدد الذكره
نون للعسكري وانوح عالفطره
وانادي بمصابه مهجت الزهره
مسموم ورحل بالدمعه والينه




لاتنسون والدي وابني عباس من الرحمه والمغفره
خادمكم رياض الرسل الجابري

نزله الامام العسكري (ع)




يالعسكري بدمع الحزن نادينه : يمسموم
سامره حزنانه بفگد والينه : يمسموم
نبچي ونون بدمع الحزن
يمسموم
يمسموم

١

هالليله بدموع الحزن ننادي : يمسموم
ابنك چبدته اتوذرت يالهادي : يمسموم
ويگول كل خادم انه اعتقادي : يمسموم
بالمجلس اخذ يالحسن مرادي : يمسموم
ابچي بدمع واكسر ضلع
يمسموم
يمسموم

٢

لجلك بچينه والدموع بحسره : يمسموم
عايش مصابك بالگلوب اشكبره : يمسموم
الليله نحلفك يالحسن بالزهره : يمسموم
للمجلس احنه انريد منك نظره : يمسموم
الهم ينجلي يابن علي
يمسموم
يمسموم

٣

هذا الخبر هالليله من نذيعه : يمسموم
تنحب تنوح اعليك كل الشيعه : يمسموم
ضاگت علينه سيدي الوسيعه : يمسموم
نقسم عليك بأمك الشفيعه : يمسموم
شوف الخدم تبچي بألم
يمسموم
يمسموم
٤

سمّو چبدتك سيدي النواصب : يمسموم
واحنه گلبنه الليله لجلك ذايب : يمسموم
ماتنگـطع تمشيلك المواكب : يمسموم
حضرت الليله بدمك وتطالب : يمسموم
بدم رگبتك و إمحبتك
يمسموم
يمسموم

٥

نكتب عهدنه وبالدمع نادينه : يمسموم
والينه يبقه العسكري والينه : يمسموم
خدام الك تقبلنه يا مهدينه : يمسموم
وسجلينه يالزهره بسجل سجلينه : يمسموم
يم المحن لجل الحسن
يمسموم
يمسموم





لاتنسون والدي ووالدتي وابني عباس من الرحمه والمغفره
خادمكم رياض الرسل الجابري