سامره يا جنة عَدن   
چم طاهر اترابچ حضن
للشيعه تبقين الوطن
سامراء سامراء


سامره گاعچ أعتقد من السماء محسوده
چي بيها شمسين انوجد مو بس شمس موجوده
من كل شمس نور اليشع محد يحد احدوده
حر تنطي معروفه الشمس وبشمسچ انتي ابروده

للهادي وابنه العسكري
مرقد حويتي اتصوري
بيهم يحگ تتفاخري
سامراء سامراء



برضچ علي الهادي اندفن بترابچ انتي اتواره
وابكتره گبر العسكري ربچ ضريحه اختاره
بيچ انولد راعي الأمر برضچ زهت انواره
سرداب امامي المنتظر هم تحتوين وداره

مرقد حكيمه الطاهره
بترابچ ونرجس تره
چنچ ثريا اعله الثره
سامراء سامراء



سامره گبتچ من ذهب شو گمت اشكن بيها
يمكنها من نور الشمس جبريل الچ بانيها
سامره والگبتچ هدم يا ويله من تاليها
مشتاگه اله النار ابعجل يوم الحشر يصليها

يخسه اليفكر گبتچ
ربچ رفعلچ رايتچ
ملهوفه اجتچ شيعتچ
سامراء سامراء



سامره ياسر من رأى سر شفنه وي احروفچ
من الله ينسر الذي ابحاجاته مره ايطوفچ
اضيوف الله كلمن ليچ اجو يلما تخيب اضيوفچ
ألهم والچ رب العرش بالرحمه عينه اتشوفچ

وابجاهچ الخالق جعل
مگضيه حاجات السئل
من عنده مقبول العمل
سامراء سامراء



سامره چم ظالم حكم بيچ وفنيتي اقصرره
والبلدهاليز انسجن حي والبرايا اتزوره
اي والشهيد ابكربله وابغربته وعاشوره
يمحبت آل المصطفى وسط الگلب محفوره

وامنيتي يوم الخاتمه
تشفعلي باچر فاطمه
مثلچ افوز ابمرحمه
سامراء سامراء

سيد علي عبدالزهره الناجي

الاداء ملا ابو رقيه

#أستشهاد_الإمام_الحسن_العسكري ع

ميمر /

للعسكري بسامراء.   خل نوصل اندگ بابه
.........

هذا الحسن من نسل طه ودمه
حجه وامام ختاره الله بعلمه
تتشرف املاك السماء اتخدمه
نگصد نزوره ونحي مأتم يمه

لاشك اباب الزوار.    واگف يحيّي احبابه
.........

هـذا الامـام المايرد خطّاره
يتلگّه من باب الصحن زوّاره
يفرح بجيّة شيعته وانصاره
يشعر براحه كلمن يطب داره

يكتب اسامي الزوار.   هوه الحسن بكتابه
...........

ندخل ضريح العسكري ونتهنّه
جنة عدن لا احله منّ الجنّه
يم الحسن نگضي العمر نتمنّه
ما خاب كلمن زاره يطلب منّه

يازاير اطلب ونخاه.    لا مايرد طَلّابه
.............

يگضي الحوائج مايرد اي انسان
مفتوح بابه بكل وكت للحيران
تشهد بفضله وبي تلوذ الجيران
للجانبين اصبح امان وايمان

معروف يشفي الامراض.   ماي الحسن وترابه
.............

ابن الامام الهادي جده المختار
نفس المعارف عنده نفس الاسرار
يالحايـر بهـمّـك بعــد لا تحتــار
دگ بابه وطلب من سليل الاطهار

همك يكشفه وينزاح.  من تسجد عله عتابه
.............

احنا اعتنينه عله العهد خدامه
انزور الامـام ونخـدم بأيّـامه
نستذكر جروح الحسن وحلامه
مسموم مات بغربته وآلامه

ننصب مآتم ونصيح.    آ يالحسن ومصابه


كلمات: #سيد_زيد_الفحام

#اللهم_عجل_لوليك_الفرج

للشاعر السيد خضر الزاملي

بصوت خادمكم ستار الصالحي

قصيده للأمام الحسن العسكري عليه السلام
لسان حال ولده الامام (المنتضر) عجل الله فرجه
🔸▪🔸▪🔸▪🔸

الأمـام الـمـنـتـضـر. لوالده محني الضهر
يردد وگلبه انكـسر. والـدي  والـدي

🔸▪🔸▪🔸▪🔸▪🔸▪🔸
1
بـويـه يااخــر عـطــر مــن الامــامـه
شلون اودعك والظلم شاهر حسامه
بعيني اشـوفن ليلـك وتهـت بظلامه
والـدي اليخـرج درر مـنـطـق كـلامه

وسفه وبسم الحقد.  بويه جبدك ينمرد
وبمـكـانك من يسد.  والـدي  والـدي

🔸▪🔸▪🔸▪🔸▪🔸▪🔸
2
يالعـفـتـني بدنـيـا بـيهـا بس الجـروح
عندي من حرگ المخيم خنگه بالروح
ولسبي عمتي العـقـيله گـلـبي مـذبوح
الألـهـا متحضـر انـوح بگـد عـمـر نـوح

مــن روايـات الـسـبـي.   وقتل ابن بنت النبي
اعليها اون واني صبي.   والـدي  والـدي

🔸▪🔸▪🔸▪🔸▪🔸▪🔸
3
بويه من اقـره الروايه اعلـه العقـيلـه
مــاانـام ولـلـصـبـح دمـعــي اسـيـلــه
وشـوغه ضلت بالگلب قصـة العـليلـه
الألهـا قصـه ويالضعـن كـلش طـويلـه

ضلـت ابـدار الـحـزن.  عالأهل تبجي وتون
تصرخ بدمعـه وتحن. والـدي  والـدي

🔸▪🔸▪🔸▪🔸▪🔸▪🔸
4
ياصدى ضـل بذني يهـتف كل مسيه
ثـار ينـتـضـرك يمـهـدي مـن الـزجـيه
مـن الطـفـولـه شـيبـتنـي الـغـاضـريه
من اقـره قصة عمـتي الطـفلـه رقـيه

من اثر سوط وضرب.  طفله ماتت بالغرب
والدمع يمـطر سحب.   والـدي   والـدي

🔸▪🔸▪🔸▪🔸▪🔸▪🔸
5
وتبقى قصه اعله الشريعه تشيب الراس
قصـه عن غيره وشجـاعـة عـمـي عباس
الداهـم وبيده جـربـته وعـالخـطـر داس
وضحـه بجـفـوفه لخـواته لأخـر انفـاس

خله رايه اعله النهر.  اتاني جيت المنتضر
ياخـذ بـثـار الـگـمـر.  والـدي   والـدي

🔸▪🔸▪🔸▪🔸▪🔸▪🔸
6
ابـقـى بـالـغـيـبـه الطـويلـه بالـنـوايـب
عـالـمـشـت لـلشـام بـيـتوهـا بخـرايـب
والـغـريـبـه بـديـره مــابـيـهـــا گـرايـب
ومـن يزيد وزمـرتـه شـافـت عـجـايـب

مختصر كل قصتي.  راح اضل ابدمعتي
لـلـعــقـيـلـه عـمـتي.  والـدي   والـدي

🔸▪🔸▪🔸▪🔸▪🔸▪🔸

          تمت بعون الله تعالى
      
      عقيل حسين الگـرعاوي

نعي



لاستشهاد الامام الحسن العسكري ع



يجلس الامام المهدي ع عند ابيه ويتحدثون فيما بينهم بينما الحسن ع ينازع نزعات الموت




بچنك مسرع اعله اوداعنه اتـنـه
يبويــه بلايــه وجهـك مــاتــهنـــه
واوســــدها تـــــــره وياك المحنه
تــــروح ويطش من بعدك شملــنه



چف يرفـــعهـا والاخـــره يـــردها
يلـــوب وســــمه لفاده مـــردهــــا
اضـــن شوفة ابويــه هذا حدهـــا
وبــيبان الملاگـــه وياي ســـدهـــا



يالمهدي يبني
بطل ونتك يالمهدي يبني

عيونك هذني
وراهن بچـــي عيونك هذني


اشبع ونين
على الراحن سبايا اشبع ونين

جدك حسين
صباح ومسه أندب جدك حسين


سمعنه اشكال يمحمد وشفنه
بس مثل الطفوف ولا سمعنه
خذت من عدنه بالعاشر اهلنه
منهدها وصار انياحه بـــنزلنه








         عبد العليلـه
✍حيدر ابو كيان الفاطمي

قصيده بحق الامام الحسن العسكري (ع)

لجل المسموم                       يالمهدي اليوم
للوالد نجري الدمعه
وانحس اتنوح السبعه
يالمهدي اليوم                 يالمهدي اليوم



على اجروح المصيبه انوح يالمهدي ابدمع حاير
ابوك العسكري سموه وانته ابدمعك اتناظر
تعرف زين شنهو الصار وشايل جرحك وصابر
فرق بينك وبينه اهواي ذاك الحاكم الجاير
والوالد راح                 بس الحق صاح
عالــوالــــد حقك تنعه
وانحس اتنوح السبعه
يالمهدي اليوم           يالمهدي اليوم



رحل هالليله بالدمعات الحسن والمهدي ينظرله
زغير وعمره خمس اسنين وتنظر صحبته واهله
ياهو ايصلي عالمسموم الوادم كلها منذهله
واتقدم صفوف الناس المهدي وعالابو صله
يجري الدمعات                  والوالد مات
بي ضاگت هاي الوسعه
وانحس اتنوح السبعه
يالمهدي اليوم             يالمهدي اليوم



الحزن والنوح والدمعه وجروح الهضم حسره
من مات الحسن مسموم الليله ظلمه سامره
الليله المهدي بدموعه ينحب عالابو بعبره
حايــر بس يدير العين محــد يمه ويصبــره
بهاي الايام                    وين الخدام
هالليله الكل منفجعه
وانحس اتنوح السبعه
يالمهدي اليوم              يالمهدي اليوم



المهدي بدمعته بهل يوم يدفن والده وينحب
ينحب والشماته ايشوف تنظر اله ويتعذب
يشعر بالألم والنوح وگلبه من الحزن يلهب
الموقف مو سهل يشعر خطر والموقف الاصعب
خاف ايعرفوه                     من ايشوفوه
والحاكم يـدري ايتبعه
وانحس اتنوح السبعه
يالمهدي اليوم            يالمهدي اليوم


خل نختم عزانه اليوم وندعي الآخر العتره
كون الباري للمهدي الليله ايعجل الامره
نقسم يا آله الكون عليك بداعت الزهره
تعجل امــر غايبنه وهاي الوادم اتنظره
بداعت عباس                 وتشوفه الناس
واعليك انمشي البضعه
وانحس اتنوح السبعه
يالمهدي اليوم                 يالمهدي اليوم






لاتنسون والدي وابني عباس من الرحمه والغفران
خادمكم رياض الرسل الجابري

الاداء ملا مسلم المطيري

بصوت. مسلم المطيري
نعي لسان حال الزهراء والحسن العسكري ع

إجيتك يالحسن وايدي على ضلعي
عله امصابك أون يبني ويهل دمعي
يم بابك أريد ابهل مسه أنعي
أنحب يوليدي اويه احبابك..مكسوره وكاسرني امصابك

يايمه لونك تنظر اعليه
لا تسألني يبني ليش محنيه
مصايبكم يولدي أثرن بيه
كل يوم انصب مأتم ليكم..وجروحي اتبچيني اعليكم

ماجافيت نوحي ولا أمل منه
كل ليله لواحد أمشي واتعنه
عد راسه أونن ونه من ونه
واعليكم موش اعله اضلوعي..أتحسر واتهل ادموعي

الكل واحد ييمه أگعد اقراله
عله الداسته الخيل وهضمو اعياله
ثلث تيام ضل وحالته حاله
عالشاطي امگطعين اعضيده..وعطشان ومذبوح اوليده

يايمه العزائك جيت منكسره
اويه احبابك أنوح وبالصحن أقره
على زينبكم ابچي وبالگلب حسره
واسمع هالوادم من تنحب..ماننسه امصابچ يازينب

عاشرت الحزن والحزن هملاي
يدمعاتي على الاولاد هملاي
آنه الوالده وكل يوم هملاي
وعليهم كل وكت أنصب عزيه

سيد علي الموسوي