بصوت ملا وسام الدين خادم الحسين ع

الاداء ياسر الزيادي

الاداء ياسر الزيادي

الاداء ياسر الزيادي

📜 القصيدة: عباس اعتنيتك
🎤 أداء: مسلم الوائلي
🖋 كلمات: محمد الموسوي
~~~~~~~~~~~~~~~~~~~~
عباس اعتنيتك .. وتعثر اجيتك
هاي بطيحتك يا خويه تدري
أول مره احط ايدي اعله ظهري
وتعثر اجيتك ... وتعثر اجيتك
~~~~~~~~~~~~~~~~~~~~
تعنيتك وطريت الميادين ووليدي علي فارگني توه
ظلت فاهيه عليك الصواوين ومدري فراگك بزينب شسوه
من اتخوصرت صاحولي يحسين هلمره الفراگ فراگ خوه
هلمره انجفه العباس مو ماي ومو اخوك اليگلهم راح فدوه

غير جدامي يهدن .. اوصله ويردن
حگي تخوصرت ومدنگ الراس
غير الطايح اعله الگاع عباس
وتعثر اجيتك .. وتعثر اجيتك
~~~~~~~~~~~~~~~~~~~~
من بعيد شو ما عندك جفوف طاحن لو عيوني الوهدنني
ما أعرف شصاير انه لا شوف كون اوصلك ويعمن هذني
إنه حسين ما اموتن بلسيوف بس فراگ عباس الكتلني
أمشي وذكرياتك ترسن البال ومدري ليا كتر عنك خذني

گبالي وما عرفتك .. انه امشي وعبرتك
حگي مدوهن وما اندل منين
اول مره هيجي يصير بحسين
وتعثر اجيتك .. وتعثر اجيتك
~~~~~~~~~~~~~~~~~~~~
اگعد يل أعز من ولد الحسين فدوه الطيحتك يرحون ولدي
هيه البلوه مو بس موت وفراگ ولا بلوه خيول تدوس جبدي
بس سبعين الف شامت يعباس كلهم شافوا دموعي اعله خدي
كون گبالهم نتشابگ وموت مو عباس اليخليني وحدي

أول مره عباس .. بيه تشمتت ناس
تدري عيوني مو هين بجيهن
هاك جفوف أديه وگوم بيهن
وتعثر اجيتك .. وتعثر اجيتك
~~~~~~~~~~~~~~~~~~~~
جلمة خويه ما تنگال بجفاك وداعة خوتك تحرم عليه
كضيت الظهر من طاح عباس وصارت عاده لليفگد اخيه
حيره تفارگ اليندلك شبيك وانت بلا حجي وتعرف شبيه
أول مره هاي يغثني عباس من مديتهه وما كض اديه

وسفه ياعضيدي .. ما كضيت ايدي
الف وتسعمية جرح يا ناس
كلهن طلعن من فراگ عباس
وتعثر اجيتك .. وتعثر اجيتك
~~~~~~~~~~~~~~~~~~~~
الله وياك لكن الله وياي وين الله واموت وتگعد انته
من گد عازتي الحضنك يعباس حته السهم كضيته وشبگته
أوصل للخيم والوجهك اشتاگ واركض ونهطر والگاك سكته
كسرة شيخ يم المالهه شيوخ هيجي حسين بفراگك كسرته

أول مره الحسين .. تفزعله النساوين
حسين الما مخلي بخاطرك يوم
يحط ايده اعله زينب ياله يگوم
وتعثر اجيتك .. وتعثر اجيتك
°°°°°°°°°°°°°°°°°°°°°°°°°°°°°°°°°°°°°

الاداء ملا مسلم الوائلي

الشاعر ✍🏻 حسين العبودي
القصيده 📜 صدك يازينب تريدين بس ماي

صدك يازينب تريدين بس ماي
لجيب العلگمي للخيمه وياي
واكض الشط وابديه
وحدر رجليج اخليه

♦️♦️♦️♦️♦️♦️

گولي يازينب وطلبي عيوني ترخصلج واديه

الماي شنهو الماي اجيبه
وشنهي اجيوش آل اميه
ولمشي الاخر الدنيه
ودونج اتهون المنيه
وعيوني اقدمهن الج
عباس وانه الكافلج
اختي وعزيزه امدلليج
ونبضي يا بنت الزجيه
وحگ من سوى سبع فوگ سبعه
درب المشرعه العينج لكطعه
واسوي اللي اسويه
وكض الشط وابديه
صدك يازينب تريدين بس ماي

♦️♦️♦️♦️♦️♦️

زلم لو الاف توكف وبعد الاف وتليها
والله امحيها يزينب
كون عن بكرة ابيها
ولشش كون اعله الوطيه
بصير يازينب رميها
وبدمها اسبحها الزلم
وبسيفي اطشرها والم
من حيدر ابروحي عزم
ارواحهم بيدي فنيها
على خشوم الزلم لسحگ يزينب
وفوک ارگابهم سيف اني العب
وخيرهم ابجيه
وكض الشط وابديه
صدك يازينب تريدين بس ماي

♦️♦️♦️♦️♦️♦️

كولي يازينب وطلبي
طلب من كفال ضعنج
انه عند عيناج يختي
وايد ما عاش اليهظمج
كون اخلي الماي يركض
كون حدر اتراب رجلج
الماي شنهي والنهر
كاتب عليه هذا خطر
عباس عالشاطي حظر
يا أمير الماي بأمرج
لرجهه وگلب جيوش آل اميه
وسوي گبورهه بالقاظريه
وافرضي الي تفرضيه
وكض الشط وابديه
صدك يازينب تريدين بس ماي

♦️♦️♦️♦️♦️♦️

سهله يازينب الماي وعندي نجم السمه الاگرب
غير هذا خاف عندج يالعقيله جوز مطلب
ايهون الج كلشي يزينب
وماكو عندي وياج يصعب
گولي يشمعه فاطمه
يادمعه عيون السمه
يالبجلاله مهندمه
وصرت بالامثال مضرب
ما طول اني حي وبروحي الانفاس
لخلي الدنيه يمج تحني الراس
اليقهرج والله امحيه
وكض الشط وابديه
صدك يا زينب تريدين بس ماي

♦️♦️♦️♦️♦️♦️

عدل ما طول اني زينب ابد مشوفين ذله
وكلمن اعليج ايتجسر راسه عن جسمه اعزله
دمعت اعيونج يزينب عندي لا مصير سهله
عشت الطفوله بحظرتج شوفت حسين بشوفتج
مضحي برگبتي الخوتج

يالاعز من روحي واغله
اعذرين لون يم الشريعه
لگيت الرايه وچفوفي گطيعه
اخيج هذا اعذريه
واكض الشط وابديه
صدك يازينب تريدين بس ماي

♦️♦️♦️♦️♦️♦️♦️♦️♦️

الكاتبه
🌸#ايمان - الكربلائيه🌸
#نسالكم الدعاء- #أمانه غير مبري الذمه حذف اسم الكاتبه

الاداء ملا عدي الربيعي