جربه سوه المشرعه وشالاها
وعالحرس لمن زعــل بداها
------------------------------
1= هاكـــثر طــــول خلك وياهم ** بالبدايه أخلو النــهر ناداهم
رفضوا وعالمسطره مشاهم ** حدر جدمينه أرض سواهم
--------------------------------------------------------
أجو ممشه بس زحف رداها
عالحرس لمن زعـــــل بداها
****
2= بطرف عينه من خزرهم طاحو ** دخيل زينب يابو فاضل صاحو
فص ملح وبماي كلـــهم راحو ** كلهم الخاطرها ساعه رتــاحو
-------------------------------------------------------------
فرصه رادو والكفيل أطاها
عالحرس لمن زعــل بداها
*******
3= نعــقــد وياك أتــــفاق بكيفك ** تريد نترس جـربتك رد سيفك
بكل الأحوال أنته ماخذ حيفك ** أمهلنه ساعـه وأرجع التكليفك
----------------------------------------------------------
زلم تترجه الذبح خلاها
عالحرس لمن زعل بداها

4= مغزل وفرها الشريعه بصبعه ** كلشي ساكت بس قراره نسمعه
مايسامح ضالـــم أخته بطبعه ** نشمي والباعوا أخوه مو ربعه
--------------------------------------------------------------
رايته بعلـــو النجم علاها
عالحرس لمن زعل بداها
*******
5= من ندس مهره بو فاضل يكوه ** كلها صاحت شوف سيفه شسوه
دكهم وجــــــنه يدكله بكهوه ** طفت كلها وبس جــــــينه ضوه
----------------------------------------------------------------
ماشرب بس جربته رواها
عالحرس لمن زعــل بداها
*****
6= شربك الروس وأمرهم يمه ** حار راسه وفار سيفه ودمه
صاح مابيكم يـــوادم زلمه ** ما أعطله بساع ياخذ سهمه
---------------------------------------------------------
نسر بجناحه الحرب غطاها
عالحرس لمن زعــل بداها
*********
الخادم عبد الجليل المالكي

«استشهادالعبّاس عليه السلام»
«بحرالطويل»
#شوط كرلائي

من طاح الگمرعبّاس عالشاطي اوجره دمّـه
زينب لطمت الخــدين تحشم أم البنين امّــه

****
زينب من رحت عنها اختك بالخطـــرحست
وين ام البنين اتصيح راية كافلـــــي وگعت
واتشوف الجره اعليها اوبيــها كربله اشسوت
عبّاس الأجيت اويـــاه
اچفوفه عالثره والواه خليها تجـــي اوتنخاه
نندب آنــــــــه وياها اخت اووالده باسمــه

*
آنه اوياها بالدمعـات والصوب النهرنگصد
حال الكافل انشوفــه لجروح الأخو انضمّد
بلچن صاحب الغيره من ايشوفنــــــه يگعد
من الحــــــــــرنفييلـه
نگعد يمه نحچيلـــــه بعده حالـــــةالعيلـه
ابوالغيره احشمنـــه واذبن معصبي يمــــه

***
اگله ترضــه ياعبّاس لخيالي يشوفونــــــــه
متن اختك يبوالغيره ابسوط العده ايضربونه
اجيت آنــــه اخبرنك الخدرراحو ينهبونــــه
جبت الوالده ويـــاي
ياعبّاس يـــارجواي مااريدن يخويـه الماي
اريداوجودك اگبالي يبوفاضل يبو الهمه

***
يراعي الجودوالغيره يمك گـــــــاعده زينب
وسط الگلب ياعبّاس نـــــارامصيبتك تلهب
يخويه ريت خدزينب گبــل خــدك اليتـــرب
ريت السهم بعيونــي
اوگبلك ريت ذبحوني ولابالأخوايفجعونـي
الأخوعدالأخت اغله من الهوه التشتمـــــه

***
اعليه صعبه ياعبّاس وحدي للحرم ارجـــع
رقيه اعليك تنشدنـي الفگدك تسچب المدمع
شگلها عمچ العفتــه يعمـــه عالثره امگطع
وامطفي السهم عينه
نحره دامي واجبينـه راحت منه چفينـــه
مايرجع بعد هيهات أيســي منـــــه ياعمه

***
هاذا اخروداع اوياك اوداع الموت اودعنك
خويه ابنحرك الدامي ياعبّــــــــــاس اشمنك
راح امشي أنه للشام عالشاطــــــي اعوفنك
ياخويــــه بعيد الشام
وياي الحرم وايتــــام بديارالغرب تنضــــام
زينب آنه اطب ديوان من بعد الخدرزحمـــه

*
الشاعرفالح العامري

بصوت المبدع ملا محسن الصافي

نزلة
شوط كربلائي للعباس س
.
.
.

لحـد عالــوفه ايـسولــف .. اذا مر طاري اسم عباس
من گد ماوفه اويه احسين .. يم الماي ما طخ راس

_

بيـن المـاي والـشـاطي .. سوالف چانت اچبيره
المـاي ابكثر مامشـتاگ .. اجه ممشه وعبر ديره
تره العباس مو عطشان .. النهر عطشان للغيره
السوالف هاي معروفه
النهــر يتحلم ايشـوفه
ايريــد ايقـَبل اچفوفه
المثل يمـنة ابو فاضل .. ظروري بكل وكت تنباس

____

الشال حسين بـعــيونه .. تلــگاه شــايل ابراسه
اسكينه وزيــنب وجـربه .. ايعـيشن دوم بنفاسه
مثل احساسه ماموجود .. محد شايل احساسه
الدنــيه جـــابته وحالت
تــراهــا زيــنب الگــــالت
الكلافه ابساعده انشالت
والله والنــعم مـــنه .. راعي الفزعه ابو النوماس

__

السوالف عن ابو فاضل .. نحبها چيف مملوحه
اشلون ايصير مامملوح .. گلـي الـعزب ابروحه
اليعله ابجال ابـو اليمه .. ياهــو اليگدر ايلوحه
المنطي احسـين دلاله
بحر تتطلاطم افضاله
الـشدايد تزغـر اگـباله
الشدد من شافته انذلت .. تشهد كربله والناس

__

الـــوفه عـباس الــه قــبلـه .. مانســتغرب ابهـــايه
الرايه كون عــدها الــسان .. چا تحچــيلنه الــرايه
السانه امن العطش خشبه .. النهر بيده وترك مايه
مثــل عبــاس المـعدل
ابهاي الدنيه مايحصل
گبــل احسين مايــقبل
يشرب ماي ابو فاضل .. هالگد مابگلبه احساس

____

الـوفه ام البـنين امـه ..  وعباس الـوفه نفسه
لخو لمن رخص روحه .. الدنيه گامت اتقدسه
المابي من ضوه العباس .. لاينظر على شمسه
الهب ريح اوفي لازم
ياخذ مـن بنـي هاشم
هذا الحچي المافاهم
يبقه ايوهوس ابروحه .. وعمره ايخلصه بالوهواس

__

من شحة زلم صارت .. ولمن ظل وحيد احسين
گــام وگــال  للخــوه .. شنــو قيمتهــن الچفــين
عين الماتشوف احسين ..  شلي بيها هاي العين
تراهي النخوه مو گوه
وهيچــي لازم الخــوه
الخـــوه رايده امــروه
ومايتسمه اخو ابدن .. ابراسه الما اكو نوماس
__
تمت والحمد لله
حيدر تركي الكربلائي

الاداء ملا جواد الغرباوي

الاداء ملا جواد الغرباوي

☆ مقدمة الليلة السابعة من شهر محرم الحرام ☆
☆ قمر بني هاشم ☆

عبَّــاس لَف انگابـــــــــه .. آ يحسين وامصابه
او سَل سيفه مِنْ اگرابه .. آ يحسين وامصابه
•┈┈┈┈•✿❁✿•┈┈┈┈•
حان الوَعد وأم عون اِجت شچَّايـــه
اوگامت تِحشَّم وين راعـــي الرايـــه
ذخر العَشيره المايثنَّي احچايـــــــــه
من يوگف ايغطَّي الطفوف افيايــــه

رَد الچفيـــل اجوابــــــه .. آ يحسين وامصابه
او سَل سيفه مِنْ اگرابه .. آ يحسين وامصابه
•┈┈┈┈•✿❁✿•┈┈┈┈•
گام اِبن ابـــوه الماخِلَف ميعــــــــاده
الماغابَت اعله الناس شَمس أمجـاده
گال اِلها بِشري وأعلَـن اِستعـــــــداده
اتگلَّه العِطش عباس حيل اتمــــــاده

اِنهـض يَسَبــع الغابـــــه .. آ يحسين وامصابه
او سَل سيفه مِنْ اگرابه .. آ يحسين وامصابه
•┈┈┈┈•✿❁✿•┈┈┈┈•
صوت العَطاشا امن ارتِفع بالخيمــــه
طُفحَت عَله اعيون الچِفيل الشيمــه
عالحومه فات اوجيمه طَگها ابجيمه
وبالجِربه حط ماي النهر والغيمــــــه

للعايله الشــــط جابــــه .. آ يحسين وامصابه
او سَل سيفه مِنْ اگرابه .. آ يحسين وامصابه
•┈┈┈┈•✿❁✿•┈┈┈┈•
يوم الحَرايب هذا يومـه اِو وكتــــــه
اوما تآخـــذ العـبَّاس عالحگ سَكتــه
من عِطشت اخته وعالعَذِب حَشمتَّـه
جاب الفُرات الباب خيمـة اِختــــــــه

وفَّــــه العَهـد طلاَّبــــــه .. آ يحسين وامصابه
او سَل سيفه مِنْ اگرابه .. آ يحسين وامصابه
•┈┈┈┈•✿❁✿•┈┈┈┈•
سبع المراجـل والحَريبـــه اتعرفَــــه
وَصفَه علي وابغَيره صَعبه اتوَصفَـه
مايعتِـذر شتريـــد گِلَّــــه اوكلفَـــــه
هذا الگَبل رايِتـــــه امطيَّح چفَّـــــه

عبَّـاس كِلـــها اتهابــــــه .. آ يحسين وامصابه
او سَل سيفه مِنْ اگرابه .. آ يحسين وامصابه
•┈┈┈┈•✿❁✿•┈┈┈┈•

الشاعر علي الخيگاني 🖊️📜

الاداء ملا جواد الغرباوي