حي الله اب عباس هز فرسانها

كلمات الشاعر
ابو ماجد الشغانبي

بصوت. (؛ مسلم المطيري)

كلمات ابو ماجد الشغانبي اداء ملا علي التميمي

____
عيت الجيمان واشتد حالها
وابو فاضل بلحرب خيالها

مدرع ومصلت السيف وماتهمه اعلومها
فارس يضوي الهنادس لو تغيب انجومها

احساب تحسبله الفوارس وهي ببطون إمها
شيخ لو راد يتگهوه يصعد عله خشومها

أشوس وله بالملاعب مالها
وابو فاضل بالحرب خيالها

عيت الجمان وشتد حالها
وأبو فاضل بالحرب خيالها

فارس بگل هرجه لكن فعله ينطگ عنه هان
يدعس الشارب ويمشي وعالگناطر له مچان

له جهامه أتشيب الكل صوته أمض أمن السنان
يگطر امن السيف دم ومن جربته ايسيل أمان

فارس فيه الوصايف كلها
وأبو فاضل بالحرب خيالها

عيت الجيمان واشتد حالها
وأبو فاضل بالحرب خيالها

مارگد مارگد مارگد واحد واغمض حين طب ميدانها
يفري برگاب الصناديد ويگطع اعيونها

والهزيمه باي طريگه باي ثمن يشرونها
أسگط أعلام الگبايل والمراجل هانها

مالها إبن البنين وجالها
وأبو فاضل بالحرب خيالها

عيت الجيمان واشتد حالها
وأبو فاضل بالحرب خيالها

ياسليل العزيبن أگلط وأجل أنسابها
يارجيح العگل يامن بالحرب نشابها

يامعزب الضيف ياملگه الهلا من بابها
إنت من عربان عالحد ماترخي إرچابها

ياوريث إمن العرب گتالها
وأبو فاضل بالحرب خيالها

عيت الجيمان واشتد حالها
وأبو فاضل بالحرب خيالها
▪️▪️▪️▪️


كلمات: احمد الهلباوي


#اللهم_عجل_لوليك_الفرج_والنصر_والعافية
مكتوبة

الاداء ملا ستار الصالحي

نعي الى أبي الفضل العباس عليه السلام




محني الظهر من رد منه الحسين
يتجاره الدمع ويكفكف العين
راح الجان امان وجان جفين
تحامي اعله الظعن وتزيل الهموم
*---------------------*-----------------------*
طب لخيمته والعمد شاله
وصاح بصوت ياراعي الكفاله
هوى العباس والعادي اعتناله
وصابه بالعمد والهام مدموم
*---------------------*--------------------*
قلت حيلتي وانكسر ظهري
وبعدك من عسى لا طال عمري
ياكثر الشماته بحامي خدري
يخويه بطيحتك دلالي مكظوم
*---------------------*----------------------*
يبو فاضل يخويه شلون بعداك (بعدك)
بلاحيله صرت محتار بعداك(باعدائك)
لون تدري علينا شلون بعداك(ابتعادك )
اظل مابين خدر الحرم و الكوم
*----------------------*---------------------*
صد لزينب ويجرن دموعه
وبنص القلب يحمل اللوعه
كاللها اخيك طفه اشموعه
على عينه يخويه جامده ادموم
*--------------------*----------------------*


محمد دعبل النوري

يوم العباس
(فزّاعيه)

الـيـوم يـوم الـعـبـاس بـدر الـعـشـيـره ٢
الـيـوم يـوم الـخِـدام والـعنـده غِـيـره

                    *---------------*---------------*

الـيـوم مـرمـي الـعـبـاس بـيـن أل أميه
أيسيل دمـه وچـفـيـن طـاحـن سـويـه
الـطـاح حـيـد الميدان يـسـوه الـعَـزيـه

راح الكفلهه وأم عون حيرتهـه حـيـره

                    *---------------*---------------*

انــريــد فـزّت خِـدام فـزّعـت نـشـامـه
والقصّر الراعي الـجـود يـشبـع نـدامـه
دمعه واللطم للعباس محله الـخِـدامـه

هـنـالـه كلمن بـالـنـوح حدد مـصـيـره

                    *---------------*---------------*

ايـنـوح خالي الميدان طـايـح عَـمـيـده
هاي الـمـصـيبـه والـحـيـل ألمن نـريـده
الـيـوم مكسور حسين كـسـره العضيده

الـلـه يـعـيـن المظلوم مـاعـنـده غَـيـره

                    *---------------*---------------*

المـا لطـم مـا مـعـذور شنهي اعـتـذآره
وكـون تلطـم عالراس كـلـهـه الـغَـيـاره
انـريــد گـلـب الـخِـدام مـثـل الـشـراره

الـمـا يواسي الحوراء ميّت ضـمـيـره

                     *---------------*---------------*

هـاي المجالـس لـلـمـوت عـدكـم أمـانـه
ندري الـزچـيـه بعبرات تـحـضـر عَـزانـه
ننطـي الـعـهـد مـا ننساه حـامـل لـوآنـه

محفوظه من جيل الجيل هاي المسيره

                    *---------------*---------------*

✍خادم العباس (ع)
الشاعر رعد الجريخي

وَاوِيلِي عَلَى الْعَبَّاسْ...
-----------------------
زِينَبْ نَادَتِ بْهَمْهَه............وَاوِيلِي عَلَى الْعَبَّاسْ
سِكْنَه تِنْتِظِرْ عَمْهَه...........وَاوِيلِي عَلَى الْعَبَّاسْ
وِينَه حَارِسِ خْيَمْهَه.........وَاوِيلِي عَلَى الْعَبَّاسْ
گَامَتْ تِلْطُمِ عْلَه الرَّاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
تِدْرِي يُوفِي بِوْعُودَه.......وَاوِيلِي عَلَى الْعَبَّاسْ
مِنْتَظْرَه الْخِيَمْ جُودَه.....وَاوِيلِي عَلَى الْعَبَّاسْ
بَسْ لَا طَاحَتِ زْنُودَه......وَاوِيلِي عَلَى الْعَبَّاسْ
شِيمَتْهَه الْغَدُرْ هَالنَّاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
سَاعَه لَنْ رِجَعْ وَحْدَه....وَاوِيلِي عَلَى الْعَبَّاسْ
حْسِينِ وْدَمْعِتَه بْخَدَّه...وَاوِيلِي عَلَى الْعَبَّاسْ
طِلْعَتْ زِينَبِ تْنِشْدَه......وَاوِيلِي عَلَى الْعَبَّاسْ
چَا وِينَه أَبُو النُّومَاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
گَلْهَه يَخْتِي مَا يِرْجَعْ.......وَاوِيلِي عَلَى الْعَبَّاسْ
عِفْتَه عَالثَّرَى مْگَطَّعْ........وَاوِيلِي عَلَى الْعَبَّاسْ
جِسْمَه دَامِي وِمْوَزَّعْ.......وَاوِيلِي عَلَى الْعَبَّاسْ
وِبْكِتْره الدِّرِعْ وِالطَّاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
يَخْتِي عَالنَّهَرْ شِفْتَه.......وَاوِيلِي عَلَى الْعَبَّاسْ
نِمْتِ بْطُولَه وِحْضَنْتَه.....وَاوِيلِي عَلَى الْعَبَّاسْ
گُوَّه يْتَمْتِمِ سْمَعْتَه..........وَاوِيلِي عَلَى الْعَبَّاسْ
يِلْهَجْ بِاسْمِچِ بْإِحْسَاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
رَاحِ الْكَافِلِ وْضِعْنَه........وَاوِيلِي عَلَى الْعَبَّاسْ
سَاعَه وْتِلْهَبِ خْيَمْنَه......وَاوِيلِي عَلَى الْعَبَّاسْ
لُو چَانِ الْگُمَرْ يَمْنَه.........وَاوِيلِي عَلَى الْعَبَّاسْ
مَا چَانِ الْخِدِرْ يِنْدَاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
شِبْچَتْ زِينَبْ الْعَشْرَه.......وَاوِيلِي عَلَى الْعَبَّاسْ
مِنْهَه فَاضَتِ الْعَبْرَه...........وَاوِيلِي عَلَى الْعَبَّاسْ
صَاحَتْ يُمَّه يَا زَهْرَه.........وَاوِيلِي عَلَى الْعَبَّاسْ
بْصَدْرِي ضَاگَتِ الْأَنْفَاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
گَالَتْ يَمَّه وَدِّينِي........وَاوِيلِي عَلَى الْعَبَّاسْ
نَارِ فْرَاگَه تِچْوِينِي......وَاوِيلِي عَلَى الْعَبَّاسْ
گَلْهَه يَخْتِي عِذْرِينِي...وَاوِيلِي عَلَى الْعَبَّاسْ
لَا تِتْشَمَّتِ الْأَرْجَاسْ....وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------

#الشاعر _حسن_خنافر_العاملي

بصوت. مسلم المطيري

واويلي على العباس

كلمات الشاعر
حسن خنافر العاملي

ابوذيه نعي للعباس لسان حال الامام الحسين ع

وحـگ الـي ابـعتـبتـه الـنـار ٠ وجرت
الـمصايـب من سدت وياي ٠ وجرت
دخلـت الـخـيمـة الـعـبـاس ٠ وجرت

عــمدهــه اوطاحت الـخـيمـه عـلـيه
•    •   •     •  •  •
امـيه امن الـسقـيفـه ادهـه ٠ عمدهه
تــدري اسـوه  بــل كـــافـل ٠ عمدهه
زيـنـب شــافــتــه مـشـيـب ٠ عمدهه

لان شـاف ابــعـمـد مـفظـوخ اخـيــه

الجناسات 1 عمي ادهه 3عميدهه
#الشكرلله خادم الزهراء ع ملا علي


الله يحفظكم اللهم صل على محمد وال محمد

بصوت ملا ظاهر الخيكاني