#ተጨማሪ

ከጤና ባለሙያዎች የብቃት ምዘና ፈተና (Licensure Exam) ጋር የተያያዙ በርካታ ጥያቄዎች ለቲክቫህ መድረሳቸውን ተከትሎ ተጨማሪ ማብራሪያ ጤና ሚኒስቴርን ጠይቀናል፡፡

የጤና ባለሙያዎች የብቃት ምዘና ፈተና በዚህ ወር በድጋሜ የሚሰጥ ሲሆን፤ የብቃት ምዘና ፈተናውን ለመውሰድ የምዝገባ ጥሪ ዛሬ ወይም ነገ እንደሚደረግ ይጠበቃል፡፡

ሀገረ አቀፍ የመውጫ ፈተና #ያለፉ እና ዲግሪ #ያላቸው ሁሉም የጤና ባለሙያዎች (በድጋሜ ተፈታኝ የጤና ባለሙያዎችን ጨምሮ) ለብቃት ምዘና ፈተናው መመዝገብ ይችላሉ ተብሏል፡፡

ጤና ሚኒስቴር የሚጠቀመው የብቃት ምዘና ፈተና እርማት አሰራር በዓለም አቀፍ ደረጃ አገራት የሚጠቀሙበት መሆኑን ለቲክቫህ ዩኒቨርሲቲ የገለፁት በሚኒስቴሩ የጤናና ጤና-ነክ ተቋማትና ባለሙያዎች ቁጥጥር መሪ ስራ አስፈጻሚ አቶ እንዳልካቸው ፀዳል፤ (Average Result) አማካይ ውጤት የሚባል ነገር አለመኖሩን አስረድተዋል፡፡

ጤና ሚኒስቴር የባለሙያዎችን የሙያ ብቃት ለመለካት የሚያስችልና በኅብረተሰቡ ላይ ምንም አይነት ጉዳት የማያደርሱ ባለሙያዎችን ለመለየት የሚያስችል 'ዝቅተኛ' የማለፊያ ነጥብ እንደሚቀመጥ ነው ኃላፊው ያብራሩት፡፡

የጤና ሚኒስቴር ከ2011 ዓ.ም ጀምሮ የሚሰጠው የብቃት ምዘና ፈተና፣ አካታች የሆኑ 200 ጥያቄዎች ያሉት መሆኑንም ኃላፊው ጠቁመዋል፡፡

የብቃት ምዘና ፈተናው ለመውሰድ የጤና ባለሙያዎች ምዝገባ ነበጥቂት ቀናት ውስጥ እንደሚጀመር ይጠበቃል፡፡

@tikvahuniversity

ቅናሽ ተገኝቶማ አንምረውም ፤ ዕለታዊውን M-PESA ኢንተርኔት ፓኬጃችንን ገዝተን እስከ 50% ቅናሹን ማጣጣም ነው እንጂ!

የ M-PESA ሳፋሪኮም መተግበሪያን በዚህ ሊንክ እናውርድ፦ https://play.google.com/store/apps/details?id=et.safaricom.mpesa.lifestyle

የቴሌግራም ቻናላችንን እዚህ እንቀላቀል 👉 https://www.tg-me.com/Safaricom_Ethiopia_PLC

ስለ አገልግሎታችን ማንኛውንም ጥያቄ ወይም መረጃ በቴሌግራም ቻናላችን https://www.tg-me.com/Safaricom_Ethiopia_PLC 24/7 ማግኘት ይቻላል!

#MPESASafaricom #FurtherAheadTogether

የሁለተኛ ደረጃ ትምህርት ቤት አመራሮች ልዩ የክረምት አቅም ግንባታ ስልጠናቸውን አጠናቀዋል፡፡

የትምህርት ቤት አመራሮቹ ከሐምሌ 23/2016 ዓ.ም ጀምሮ በሀገር አቀፍ ደረጃ ስልጠናቸውን ሲከታተሉ ቆይተው፣ ለአስር ቀናት (60 ሰዓታት) የተሰጣቸውን አቅም ማጎልበቻ ስልጠና አጠናቀዋል፡፡

ዩኒቨርሲቲዎቹ ከትናንት ጀምሮ በትምህርት ሚኒስቴር የተዘጋጀን የመለማመጃ ፈተና እየሰጡ መሆናቸው ታውቋል፡፡

የትምህርት ቤት አመራሮቹ በዛሬው ዕለት ዋናውን የምዘና ፈተና እንደሚወስዱ ይጠበቃል፡፡ የሚወስዱትን ምዘና ተከትሎ የምስክር ወረቀት ይሰጣቸዋል ተብሏል፡፡

በምዘና ፈተናው አጥጋቢ ውጤት ያላመጡ መምህራን እና የትምህርት ቤት አመራሮች በቀጣይ የምዘና ሒደት ውስጥ የሚያልፉበት ዕድል እንደሚመቻች ትምህርት ሚኒስቴር ገልጿል፡፡

ከሐምሌ 23/2016 ዓ.ም ጀምሮ በስልጠና ላይ የሚገኙ መምህራንም ለ20 ቀናት (120 ሰዓታት) የሚሰጣቸውን ስልጠና ሲያጠናቅቁ ተመሳሳይ ፈተና ይወስዳሉ።

ምስል፦ ወልድያ ዩኒቨርሲቲ

@tikvahuniversity

በአክሱም ዩኒቨርሲቲ በ2011 ዓ.ም በመንግሥት ስፖንሰርነት በክረምት ትምህርት መርሐግብር የ PGDT ትምህርታችሁን ስትከታተሉ የነበራችሁ ተማሪዎች የ2016 ዓ.ም የክረምት ትምህርት ምዝገባ ነሐሴ 10 እና 11 / 2016 ዓ.ም መሆኑን ዩኒቨርሲቲው አሳውቋል፡፡

የምዝገባ ቦታ፦ በዩኒቨርሲቲው ዋና ግቢ ሬጅስትራር
ለተጨማሪ መረጃ 👉 0927432569 / 0938197896

@tikvahuniversity

ዩኒቨርሲቲዎች ለሁለተኛ ደረጃ የትምህርት ቤት አመራሮች ሲሰጡት የቆዩትን ልዩ የክረምት አቅም ግንባታ ስልጠና አጠናቀዋል፡፡

የትምህርት ቤት አመራሮቹ ከሐምሌ 23/2016 ዓ.ም ጀምሮ ለአስር ቀናት (60 ሰዓታት) የአቅም ማጎልበቻ ስልጠና ተሰጥቷቸዋል፡፡

ዩኒቨርሲቲዎቹ ስልጠናውን በአግባቡ መከታተላቸውን የሚመዝን ፈተና ለትምህርት ቤት አመራሮቹ በዛሬው ዕለት መስጠት ጀምረዋል፡፡

ሠልጣኞቹ ከ70% የበየነ-መረብ ፈተና እንዲሁም ከ30% በአሠልጣኝ መምህራን የተዘጋጀ ምዘና ወስደው በድምሩ 70% እና ከዚያ በላይ የሚያመጡ ሠልጣኞች የምስክር ወረቀት ይሰጣቸዋል ተብሏል።

በምዘና ፈተናው አጥጋቢ ውጤት ያላመጡ መምህራን እና የትምህርት ቤት አመራሮች በቀጣይ የምዘና ሒደት ውስጥ የሚያልፉበት ዕድል እንደሚመቻች ትምህርት ሚኒስቴር ገልጿል፡፡

ምስል፦ ጅማ ዩኒቨርሲቲ

@tikvahuniversity