የድሬዳዋ አስተዳደር ትምህርት ቢሮ የ2016 ዓ.ም የ8ኛ ክፍል መልቀቂያ ፈተና ውጤት ይፋ አድርጓል።

በአስተዳደሩ የ8ኛ ክፍል ፈተና የማለፊያ ነጥብ ለወንድ ተማሪዎች 50%፣ ለሴት ተማሪዎች 47% እንዲሁም ለአካል ጉዳተኛ ተማሪዎች 45% እንደሆነ ቢሮው አሳውቋል።

በዚህም በአስተዳደሩ በ2016 ዓ.ም ለፈተና ከቀመጡ 9,085 ተማሪዎች መካከል 5,673 ተማሪዎች ወይም 62.43 በመቶዎቹ ማለፋቸውን ቢሮው ገልጿል።

ውጤት ለመመልከት 👇
https://www.geight.diresrms.org/View_Result/get_result

@tikvahuniversity

ሪፍት ቫሊ ዩኒቨርሲቲ በተለያዩ የትምህርት መስኮች ያሰለጠናቸውን ተማሪዎች አስመርቋል።

ዩኒቨርሲቲው በአዲስ አበባ እና በሸገር ከተሞች በሚገኙ 18 ካሞፓሶቹ ያስተማራቸውን 9,000 ተማሪዎች አስመርቋል።

ተመራቂዎቹ በጤና፣ በቢዝነስ፣ በማኅበራዊ ሳይንስና ቴክኖሎጂ መስኮች በቴክኒክና ሙያ፣ በመጀመሪያ እንዲሁም በሁለተኛ ዲግሪ የሰለጠኑ ናቸው።

@tikvahuniversity

የክረምት ልዩ የመምህራን እና የትምህርት ቤት አመራሮች ስልጠና ዛሬ ሐምሌ 22/2016 ዓ.ም ይጀምራል።

እስከ ነሐሴ 16/2016 ዓ.ም በተመረጡ 28 የስልጠና ማዕከላት የሚሰጠውን የአቅም ግንባታ ስልጠና የሚወስዱ ሰልጣኞቹ ወደየተመደቡበት ዩኒቨርሲቲ በመግባት ላይ ይገኛሉ፡፡

60 ሺህ የሚሆኑ ሰልጣኞች የሚከታተሉት ስልጠናው፤ ለትምህርት ቤት አመራሮች ለ10 ቀናት እንዲሁም ለመምህራን ለ20 ቀናት እንደሚሰጥ መርሐግብር ተይዞለታል፡፡

ስልጠናውን የተከታተሉ መምህራን እና የትምህርት ቤት አመራሮች ከ100% ፈተና የሚፈተኑ ሲሆን፤ 75% እና ከዚያ በላይ የሚያመጡ የምስክር ወረቀት በሙያቸው ይሰጣቸዋል።

ምስል፦ ወልቂጤ ዩኒቨርሲቲ

@tikvahuniversity

የትምህርትና ስልጠና ባለሥልጣን ከግል ከፍተኛ ትምህርት እና ቴክኒክና ሙያ ስልጠና ተቋማት ጋር በፈቃድ እና ፈቃድ ዕድሳት አሰጣጥ መመሪያ፣ ስታንዳርዶች እና ዳግም ምዝገባ መምሪያ ላይ ውይይት አካሒዷል፡፡

የግል ከፍተኛ ትምህርት ተቋማት ባለቤቶች/አንድ ተወካይ በውይይቱ ተሳትፈዋል፡፡

@tikvahuniversity

#Exit_Exam

የግል ከፍተኛ የትምህርት ተቋማት ባለፈው ወር የመውጫ ፈተና ካስፈተኗቸው ተማሪዎች መካከል 13 በመቶ ብቻ ማሳለፋቸውን ትምህርት ሚኒስቴር ገለፀ።

የትምህርትና ስልጠና ባለሥልጣን በግል ከፍተኛ ትምህርት ተቋማት ዳግም ምዝገባ ላይ ባዘጋጀው የውይይት መድረክ ላይ የትምህርት ሚኒስትሩ ብርሃኑ ነጋ ተገኝተው ማብራሪያ ሰጥተዋል።

በዚህም የመውጫ ፈተናውን ከወሰዱ የግል ከፍተኛ ትምህርት ተቋማት ተማሪዎች ውስጥ 87 በመቶዎቹ መውደቃቸውን ጠቁመዋል። 22 የግል ከፍተኛ ትምህርት ተቋማት አንድም ተማሪ  አለማሳለፋቸውን ገልፀዋል።

የመንግሥት ዩኒቨርሲቲዎች ደግሞ አጠቃላይ ካስፈተኗቸው ተማሪዎች 58 በመቶ ማሳለፋቸውን  ተናግረዋል፡፡

በሌላ በኩል የትምህርትና ስልጠና ባለሥልጣን የግል ከፍተኛ ትምህርት ተቋማት ዳግም ምዝገባ ሊያደርግ መሆኑ ተሰምቷል።

ዳግም ምዝገባው ያስፈለገው እንደ  ሀገር ወጥነት ያለው የፈቃድ አሰጣጥ ስርዓት ተግባራዊ ለማድረግ እና በመንግሥት እና በግል ተቋማት መካከል ያለውን የፈቃድ አሰጣጥ የአሰራር ስርዓት ልዩነት ለማስቀረት መሆኑን የባለሥልጣኑ ዋና ዳይሬክተር ሽፈራው ሽጉጤ ገልፀዋል። #ETA

@tikvahuniversity