የባሕር ዳር ዩኒቨርሲቲ ሕግ ትምህርት ቤት ተማሪዎች በኑረምበርግ ዓለም አቀፍ የምስለ ችሎት ውድድር እየተሳተፉ ነው።

በታዋቂው ውድድር በመጀመሪያው ዙር 600 ዩኒቨርሲቲዎች የተሳተፉ ሲሆን፤ ከፍተኛ ውጤት ያስመዘገቡ 40 ዩኒቨርሲቲዎች በጀርመን ኑረምበርግ ከተማ ለሚካሄደው የመጨረሻው ዙር ውድድር አልፈዋል።

የባሕር ዳር ዩኒቨርሲቲ ሕግ ትምህርት ቤት አፍሪካን በመወከል በውድድሩ ላይ ከሚሳተፉት አራት ዩኒቨርሲቲዎች መካከል አንዱ ሲሆን፤ኢትዮጵያን በመከል በውድድሩ ላይ የሚሳተፈው ብቸኛ ቡድን ነው።

መካሻው ጫኔ፣ እሱባለው ሞላ እና ትዕግስት ደርብ በውድድሩ ላይ ባሕር ዳር ዩኒቨርሲቲን በመወከል የሚወዳደሩ ሲሆን፤ የቡድኑ አሰልጣኝ እንድሪያስ ጌታቸው እና የቡድኑ አስተባባሪ ተገኘ ዘርጋው በመሆን በውድድሩ በመሳተፍ ላይ ይገኛሉ።

ታሪካዊቷ ኑረምበርግ ከተማ ሁለተኛው የዓለም ጦርነት ማብቃትን ተከትሎ የናዚ የጦር ወንጀለኞች የተዳኙበት ከተማ ናት።

@tikvahuniversity

የዋቸሞ ዩኒቨርሲቲ ተጠባባቂ ፕሬዝዳንት ሆነው የተመደቡት ዳዊት ሀዬሶ (ዶ/ር) ከዩኒቨርሲቲው የማኔጅመንት ካውንስል እና ሌሎች ሠራተኞች ጋር ትወውቅ አድርገዋል።

በዩኒቨርሲቲው የተጀመሩ ጠንካራ ሥራዎችን በማስቀጠል፣ ተቋሙን ተወዳዳሪ ለማድረግ እንደሚሰሩ ተጠባባቂ ፕሬዝዳንቱ ገልፀዋል።

ተቋማዊ አስራሮችን በመገንባት የአካዳሚክ አካባቢ የልህቀት አቅጣጫዎችን ለማጠናከር ይሰራል ብለዋል።

@tikvahuniversity

የሁለተኛ ደረጃ መምህራን እና የትምህርት ቤት አመራሮች የክረምት ልዩ የአቅም ግንባታ ስልጠና የሚሰጡ የአሰልጣኞች ስልጠና (ToT) ዛሬ ተጠናቋል።

የአሰልጣኞች ስልጠና ከሐምሌ 17/2016 ዓ.ም ጀምሮ ለሦስት ተከታታይ ቀናት በተለያዩ የመንግሥት ዩኒቨርሲቲዎች ተሰጥቷል።

የአሰልጣኞች ስልጠናው በትምህርት አመራርነት፣ በእንግሊዝኛ፣ ሒሳብ፣ ፊዚክስ፣ ኬሚስትሪ እና ባዮሎጂ የትምህርት መስኮች በማስተማር ስነ-ዘዴ ላይ ትኩረት በማድረግ መሰጠቱ ታውቋል።

የመምህራን እና የትምህርት ቤት አመራሮች ልዩ የክረምት ስልጠና የፊታችን ሰኞ ይጀምራል።

ስልጠናው ለትምህርት ቤት አመራሮች ለአስር ቀናት፤ ለመምህራን ለ20 ቀናት ይሰጣል።

ምስል፦ ወሎ ዩኒቨርሲቲ

@tikvahuniversity

የክረምት ልዩ የመምህራን እና የትምህርት ቤት አመራሮች ስልጠና የፊታችን ሰኞ ይጀምራል።

የአቅም ግንባታ ሰልጣኞቹ ሰኞ ሐምሌ 22/2016 ዓ.ም እስከ ቀኑ 6፡00 ብቻ ወደተመደቡበት ዩኒቨርሲቲ መግባት ይጠበቅባቸዋል።

ስልጠናውን የሚሰጡ የተመረጡ ከፍተኛ ትምህርት ተቋማት ለሰልጣኞቹ ጥሪ እያደረጉ ነው።

ሰልጣኞች ወደየተመደባችሁበት ተቋም ስትሔዱ አንሶላ፣ ብርድ ልብስ እና የትራስ ልብስ መያዝ ይኖርባችኋል።

የባሕር ዳር ዩኒቨርሲቲ ሰልጣኞች የምዝገባ ቦታ፦ ፔዳ ግቢ

(ወልድያ፣ ባሕር ዳር እና ወላይታ ሶዶ ዩኒቨርሲቲ ያደረጉት ጥሪ ከላይ ተያይዟል፡፡)

@tikvahuniversity

በ2015 ዓ.ም ተቋርጦ የነበረው የመንግሥት ከፍተኛ ትምህርት ተቋማት የክረምት ትምህርት መርሐግብር በዚህ ዓመት መቀጠሉ ይታወቃል።

ባለፉት ዓመታት በኮቪድ-19 ወረርሽኝ እንዲሁም በፀጥታ ችግር ምክንያት ጫና ውስጥ የቆየው የክረምት ትምህርት ዘንድሮ መሰጠት ጀምሯል።

የ2016 ዓ.ም የክረምት መርሐግብር ትምህርት ከሐምሌ ወር ሁለተኛ ሳምንት ጀምሮ እየተሰጠ ይገኛል።

ምስል፦ አሶሳ ዩኒቨርሲቲ

አሶሳ ዩኒቨርሲቲ በዚህ ሳምንት ከ1 ሺህ በላይ የመጀመሪያ እና የሁለተኛ ዲግሪ የክረምት መርሐግብር ተማሪዎችን ተቀብሎ በማስተማር ላይ ይገኛል።

@tikvahuniversity

#ጥቆማ

የእንግሊዘኛ ቋንቋ ምዘና ፈተና (IELTS Test) በሀዋሳ ዩኒቨርሲቲ ይውሰዱ፡፡

ብሪቲሽ ካውንስል ከሀዋሳ ዩኒቨርሲቲ ጋር በመተባበር የ IELTS ፈተና ነሐሴ 18/2016 ዓ.ም በሀዋሳ ዩኒቨርሲቲ ይሰጣል፡፡

ፈተናውን ለመውሰድ የአመልካቾች ምዝገባ በመከናወን ላይ ይገኛል።

ሁለት አይነት የ IELTS ፈተናዎች (IELTS Academic and IELTS General Training) ይሰጣሉ፡፡

የብሪቲሽ ካውንስል ድረ-ገፅ ላይ በመግባት ኦንላይን መመዝገብ ይችላሉ 👇
https://ethiopia.britishcouncil.org/exam/ielts/dates-fees-locations

ለፈተናው ዝግጅት የሚያስፈልግዎትን ስልጠና እና ምክር ከሀዋሳ ዩኒቨርሲቲ ማግኘት ይችላሉ።

ለበለጠ መረጃ፦ 0925629589

@tikvahuniversity