#AssosaUniversity

አሶሳ ዩኒቨርሲቲ ከ 1,500 በላይ ተማሪዎችን አስመረቀ።

ዩኒቨርሲቲው በመደበኛ፣ በኤክስቴንሽን እና በክረምት መርሐግብሮች ትምህርታቸውን ተከታትለው ያጠናቀቁ 1,538 ተማሪዎችን አስመርቋል፡፡

ከተመራቂዎቹ መካከል 140 ተማሪዎች በሁለተኛ ዲግሪ ፕሮግራም ትምህርታቸውን የተከታተሉ ሲሆን፤ ቀሪዎቹ በመጀመሪያ ዲግሪ ፕሮግራም የተመረቁ ናቸው፡፡

@tikvahuniversity

#DireDawaUniversity

ድሬዳዋ ዩኒቨርሲቲ በ 42 የትምህርት መስኮች በቅድመ እና በድኅረ ምረቃ ፕሮግራም ያስተማራቸውን ተማሪዎች አስመረቀ።

ተማሪዎቹ በመደበኛ፣ በኤክስቴንሽን እና በእረፍት ቀናት መርሐግብሮች ትምህርታቸውን ተከታትለው ያጠናቀቁና አገር አቀፍ የመውጫ ፈተና ወስደው የማለፊያ ውጤት ያስመዘገቡ መሆናቸው ተገልጿል፡፡

@tikvahuniversity

#BahirDarUniversity

ባሕር ዳር ዩኒቨርሲቲ የ2016 ዓ.ም አገር አቀፍ የመውጫ ፈተና ለመጀመሪያ ግዜ ከወሰዱ የቅድመ ምረቃ መደበኛ ፕሮግራም ዕጩ ተመራቂ ተማሪዎች መካከል 93.3 በመቶ ተማሪዎች የማለፊያ ውጤት ማስመዝገባቸውን ገልጿል።

@tikvahuniversity

#DebreTaborUniversity

ደብረ ታቦር ዩኒቨርሲቲ በተለያዩ የትምህርት ዘርፎች ያስተማራቸውን 544 ተማሪዎች አስመርቋል።

የዩኒቨርሲቲው 11ኛ ዙር ተመራቂዎች፣ በቅድመ እና በድኅረ ምረቃ ፕሮግራም ትምህርታቸውን ተከታትለው ያጠናቀቁ ናቸው።

ተመራቂዎቹ በሀገር አቀፍ ደረጃ የተሰጠውን የከፍተኛ ትምህርት የመውጫ ፈተና ከ92 በመቶ በላይ በማምጣት ለምረቃ መብቃታቸውን የዩኒቨርሲቲው ፕሬዝዳንት አነጋግረኝ ጋሻው (ዶ/ር) ተናግረዋል።

@tikvahuniversity

የግል የመውጫ ፈተና ተፈታኞች ውጤት መቼ ይፋ ይሆናል?

የመንግሥት ዩኒቨርሲቲዎች የ2016 ዓ.ም ዕጩ ተመራቂዎች የመውጫ ፈተና ውጤት ሰኔ 21/2016 ዓ.ም ይፋ መደረጉ ይታወቃል።

የመውጫ ፈተናውን የወሰዱ የግል ከፍተኛ ትምህርት ተቋማት ተማሪዎች ውጤት እስካሁን ይፋ አልተደረገም። ይህንንም ተከትሎ የግል ተፈታኞች በርካታ ጥያቄዎችን ለቲክቫህ አድርሰዋል።

በጉዳዩ ዙሪያ በትምህርት ሚኒስቴር የግል ከፍተኛ ትምህርት ተቋማት አገልገሎት ዴስክን ጠይቀናል።

"ከግል ተፈታኞች ውጤት ጋር በተያያዘ ያልተጠናቀቁ ነገሮች በመኖራቸው ውጤቱ ይፋ አለመደረጉን" የዴስኩ ኃላፊ እዮብ አየነው (ዶ/ር) ለቲክቫህ ተናግረዋል።

"ቀሪ መጠናቀቅ ያለባቸው ጉዳዮች እንዳለቁ የግል ተፈታኞች የመውጫ ፈተና ውጤት ይፋ ይደረጋል" ብለዋል።

የኢትዮጵያ የግል ከፍተኛ ትምህርት እና የቴክኒክና ሙያ ስልጠና ተቋማት ማኅበር ሥራ አስኪያጅ አቶ ተፈራ ገበየሁ በበኩላቸው፤ "ከግል ተፈታኞች አጠቃላይ መረጃ እና ክፍያ ጋር የተያያዙ ጉዳዮች ሲጠናቀቁ ውጤቱ በቀጣይ ቀናት እንደሚለቀቅ" ለቲክቫህ ተናግረዋል።

ማኅበሩ 178 የግል ከፍተኛ ትምህርት ተቋማትን በአባልነት ይዟል፡፡

ዘንድሮ 124 የግል ከፍተኛ የትምህርት ተቋማት ተማሪዎቻቸውን የመውጫ ፈተና ማስፈተናቸው ይታወቃል።

@tikvahuniversity

#DillaUniversity

ዲላ ዩኒቨርሲቲ በቡና ሳይንስና ኢኮኖሚክስ የሁለተኛ ዲግሪ ተማሪዎችን ለመጀመሪያ ጊዜ ያስመርቃል።

ዩኒቨርሲቲው ነገ ሰኔ 27/2016 ዓ.ም የተማሪዎች የምረቃ ስነ-ስርዓት ያካሒዳል።

ዲላ ዩኒቨርሲቲ ከ 2,800 በላይ ተማሪዎችን የሚያስመርቅ ሲሆን፤ በሁለተኛ ዲግሪ ትምህርታቸውን ተከታትለው ያጠናቀቁ 127 ተማሪዎች ይገሀኙበታል፡፡

@tikvahuniversity

#ETA

የግል ከፍተኛ ትምህርት ተቋማት በ2015 ዓ.ም እና በ2016 ዓ.ም የመውጫ ፈተና ወስደው ያለፉ የመጀመሪያ ዲግሪ ተመራቂዎችን ዝርዝር እንዲልኩ የትምህርትና ስልጠና ባለሥልጣን አሳስቧል።

ተቋማቱ ፈቃድ በተሰጣችሁ የትምህርት መስኮች፣ የትምህርት ደረጃ፣ መርሐግብር እና ካምፓስ ያስመረቋቸውንና ከዚህ በፊት ያልተላኩ የተመረቁ ተማሪዎች መረጃንም እንዲልኩ ተብሏል።

በዚህም መረጃዎቹን እስከ ሰኔ 30/2016 ዓ.ም በሶፍት እና በሀርድ ኮፒ እንድትልኩ ባለሥልጣኑ አሳስቧል።

የተመራቂ ተማሪዎችን ዝርዝር መረጃ መላኪያ ቅፅ ለውጥ ማድረጉን ባለሥልጣኑ ገልጿል።

(አዲሱ መረጃ መላኪያ ቅፅ ከላይ ተያይዟል።)

@tikvahuniversity

#MizanTepiUniversity

ሚዛን-ቴፒ ዩኒቨርሲቲ በተለያዩ የትምህርት መስኮች ያሰለጠናቸውን 279 ተማሪዎች አስመረቀ፡፡

የዩኒቨርሲቲው ቴፒ ካምፓስ በ 16 የትምህርት ክፍሎች በመጀመሪያ እና በሁለተኛ ዲግሪ ያሰለጠናቸውን ተማሪዎች አስመርቋል፡፡ ከተመራቂዎቹ መካከል ሰባቱ የድኅረ ምረቃ ተማሪዎች መሆናቸው ተገልጿል፡፡

የሚዛን ቴፒ ዩኒቨርሲቲ ዋናው ግቢ (ሚዛን ካምፓስ) በተለያዩ ዘርፎች ያሰለጠናቸውን ተማሪዎች ነገ ሰኔ 27/2016 ዓ.ም ያስመርቃል።

@tikvahuniversity