Stories 📖

بقلبي:نومة جدي يضرب بشكلو عاملي فيها زلمة شقفة طرطور لمعلمو مابعرف كرهانتو اكتر من اول لميت تيابو من الارض هي يعني بدهن غسيل واكيد ستي تيابها بدهن غسيل كنست الغرفة وحطيت لتياب بالحمام واخدت لفطور للغرفة ورحت لاندهلهن كان قاعد جنب ستي ويتسايرو
بلسم: لفطور جاهز
ستي:يلا
.......
طبعا مابدو يفطر بس قعد قريب من الصوبيا
نوارة:وين ليش قعدت عندك
محمد:مو جوعان
نوارة:كيف مو جوعان
محمد:اكلت بالمنام
نوارة:يلا تعال مشان بلسم
محمد:...
بقلبو:هو مشانها مارح ادقر الاكل شو هالخلقة هي وليش ضاربة بوز صباحي اصلا مين طلب منها انا بعزل وبنظف وبجلي كمان
نوارة:يلا حبيبي لا تضل بدون اكل
محمد: رح اريحك
اخد باكيت الدخان وطلع لبرى يتمشى كلام بيلسان ما عم يروح من بالو
محمد: بتخلص الاجازة وبنقلع بلكي يتغير شي مع ام راس يابس انت بدك هيك قاتلت بدك اياها وبست الايادي كمان وليكها ما بتتحاكى لا لا بدها علاج فيها شي مو طبيعي
.......
لسى نظراتو ما راحت من بالي كنت عم اجلي ورتبت المطبخ وغسلت واطلعت انشر على الاسطوح لمحتو عم يتمشى وغريب ما معو موبايلو لازم اصالحو مو حلوة يضل زعلان سالو دموعي وقت اتزكرت ليش زعلان وغص قلبي من جناني ومن كلام بيلسان خراب بيتي على ايدها وهو بنص عقل كملت معي انزلت دغري مارح يرضى يشرب القهوة لهيك رح اجلها لحتى يرضى التقيت فيه ابتسمتلو وامشيت حدو وحطيت ايدي على ايدو اطلع فيني نظرة غريبة
محمد: شو بصير معك
بلسم:زعلان مني
محمد: قلتلك مبارح
بلسم:ما بيتاكل الاكل الي بحضرو
محمد:...
بلسم:ومبارح ما اشربت قهوة
محمد:...
بلسم:خلص بقى انا بدي اصالحك
محمد:مو مهم
بلسم:بدك تضل زعلان مني
محمد:منك؟؟؟من الموقف الي انا حطيت حالي فيه
بلسم:هيك بتفكر انت
محمد:لكن انا فرضت حالي فرض
بلسم:الله يقطع لساني
محمد:انا مكتفي من الناس كلها بس شكلك بدك تاخدي مكان الكل
بلسم:والله مو هيك ... . حكي انت ما بتحكي عليي
محمد:بتعرفي انا لحد هلا بس اتزكر كيف تركتيني لحالي شي نص ساعة وانا أنطر وانطر وبعدها تفوت امك تعتذر انتي متخيلة الموقف
اختنقت من كلامو من الي عم يحكيه
بلسم: انت مابتعرف عمتي شو عملت وشو حكت
محمد:انا خايف اعيش بندم
بلسم: انا بدي نتصالح وبس لا تتزكر شي
محمد: متدايقة لانو جاية تشتغلي
يلسم:لا عادي متعودة ازا ما اشتغلت هون بشتغل ببيت اهلي
محمد:بس مو مبيين هيك معي
بلسم:مابدك نشرب قهوة
محمد:ساوي منشرب
بلسم:لا تضل هون تعال
تركت ايدو بس فتنا سوى للبيت سكر الباب وانا رحت لاعمل القهوة مخنوقة كتير وازا هيك بدي اضل اصالحو مارح توفي معي جهزتها ورحت لاشاركهن القعدة ضيفت ستي وضيفتو وقعدت جنبو
ستي:الله يهنيكن يارب
محمد:مبسوطة فينا
ستي:كتير اصلا مابدي احسن من هيك انت وبلسم وسيدرا وعزمي وان شالله عامر يتجوز سعدية
بقلبي:طبعا بدها جواري يخدمنها
بلسم:ايمتى الخطبة عند مصعب
ستي:ع اساس الجمعة بس اجلوها مشان عزمي يعني لبعد خطبة عزمي بيخطب
بلسم:وحلووة عروستو
ستي:ماشاء الله بتجنن .
بلسم: يلا من حظها بدها تصير عمتي حماتها..
ستي:اي وصفية مافي منها
بصوت واحد محمد بلسم:اي امبلا
وفرطنا ضحك
...........
قصة #عشق_الأصيل 6
القسم السادس
بقلمي: #مايا_الحجازي
تاني يوم كان نهاري فل اصحيت من بكير لارتب المضافة
كنستها ومسحت كلشي محتاج مسح عطرتها ببخور عزلت كل الغرف والكل لسى نايمين شطفت من بكير برى وزبطت قعدة وبوشي للمطبخ جهزت كاسات وفناجين مشان لا انعجق صحيت ماما والبيت متل الفلة وبابا عم يوصي على أغراض العزيمة واخيرا صحي العريس معصب وما بيتحاكى
ماما:شمستك عالية
عزمي:شوفي
بابا:مو قلت بدك تستأجر سيارة هاليومين
عزمي:مناخد تكسي لشو هالبعزقة
بابا:انت شو رايح عليك
عزمي:حاكي ابن اخوك هو اشطر مني
ماما:بس لا يتأخر دوبنا نخلص على بكير
بقلبي:ع شو مستعجلين
وماحدا رضي اعمل فطور من الفرحة ما الهن نفس بالاكل اكدو على بيت عمي انو بعد الظهر يكونو جاهزين وأنا مسدءة ومو مسدءة تصير سيدرا كنتنا زوجة اخي الوحيد واكيد رح تتهنى ماما بتحبها كتير من زمان بس انا مو الكنة الوحيدة لبيت عمي بعد الظهر جاب محمد سيارة من مكتب تاجير سيارات قريب من ضيعتنا كان لونها ابيض ومبينة متل العروس مو مسدءة يرجعو واشوف تلبيسة سيدرا ليروحو يطبشوها وتطلع اغلى من تلبيستي وتركولي بيلسان مو طايقة اسمع بأسمها مو اشوفها ومحمد وعامر عم يتمشو من بيت ستي وبكملو لبيت عمي ابو عامر وانا وستي وبيلسان ناطرين يرجعو وقلبي يدق رح نفرح ب عزمي واخيرا بس لحد الآن ما منعرف بابا شو باع لحتى دبر حالو وانا أضحكت على محمد وقلتلو الك هدية ازا بتحكيلي شبو عزمي ما بنسى كان معصب ورافض معقول يلا الله يرمي الوفق بيناتهن

2.6K views°• ᒪᗩᗰOOᔕᕼ °•🌸, 15:24