محمد:المهم ارتاح
سلام:كم يوم
محمد:اسبوعين
ام مهران: شو رأيكن نعمل اجازة بالمنتجع
حنان:كمان فكرة
محمد:انتي ديري بالك على حالك
حنان:لو حامل بس حركتي خفيفة
مهران:انشالله بنت
سلام:وشو يعني بنت
مهران:مو ناقصنا اصلا لو بيصرحو بقتل البنات لارجع العادة القديمة
ابو مهران:اي بلا حكي فاضي
ام مهران:وناوي تروح معنا
محمد:الصراحة انا بدي استغل الاجازة واخطب فيها
ام مهران:اشوفلك عروس
حنان:شو عم تغشمي حالك
ام مهران:لا اكيد شالها من راسو
سلام:صحيح
محمد:لا ما شلتها
ام مهران:وبدك مني اروح لبيت اهلها
ابو مهران:عم بمزح
محمد:مو انتو بدكن تجوزوني
ابو مهران:بس مو بلسم
محمد:شو بتفرق
ابو مهران:فكر بوحدة تانية لو بنت ابوعامر فيها ومافيها
محمد:يعني في تار بيناتكن
ام مهران:بكرههن من زمان وبالاخير شو ابني يحب ويعشق بنتها وكمان تصير كنتي
محمد:بس اطلبوها وانا بتكفل بالجوازة
ابو مهران:ليش كنت ناطر مننا مساعدة
محمد:لا والله
ام مهران:انا ما بقبل
ابو مهران:ازا ما وافقتي ما رح يصير شي
محمد:شو يعني اترجاكن ابوس رجليكن
ابومهران:مو انت منسق معهن روح اطلبها حمل وامشي
محمد:بس هي مو من عاداتنا والاصول
ام مهران:الاصول تسمع كلمة امك وما تكسرها
محمد:انتي وكلامك على راسي بس انا حاببها وما بتخيل اتجوز حيلا بنت
حنان:ع شو دخلك ازا ع الجمال اي هي حلوة بس بلا فهم
سلام:نحن حابين نفرح فيه وهو حاببها يعني ليش معترضين
ام مهران:انا اعتراضي على بنت مين
ابو مهران: وأنا من سنين ما فتت للتلة بدك افوتها مشان الافندي
محمد:انا ابنك
مهران:هاااا بصير ابوك وقت الي بدك وقت الي بدك بتعلي صوتك عليه وبتسبو كمان
محمد:انت خليك على جنب ولا تدخل
ابو مهران:اخوك لكبير
محمد:يعني والحل
ابو مهران:مو مستعجلين الاجازة الجاي
انقبض قلبو هو حس بغلطو بس كمان ما ندم
محمد:كمان شهرين والله كتير
حنان:مقنعيتك
محمد:لك يا عمي لا تدخلو انتو انا بحاكي بابا وماما
ام مهران:صرت امو
محمد:ليش ما كنتي امي
ام مهران:والله من وقت سلبتك بنت الي ما بتتسمى بطلت امك
محمد:انا مستعد لاي شي بس وافقو
غمزو مهران وابتسم ب مكر
ابو مهران:اقنع امك والي بدها اياه بصير
اطلع بامو برجاء بس ابدا ما عجبها كل الموضوع
ام مهران:انا عندي مشوار بفكر بالموضوع طلعت ل غرفتها بس محمد ما استنى لحقها والكل شايفو كيف خاضع مو متل قبل وكانو بدو يقدم تنازلات كتيرة بالغرفة كانت عم تتزين
محمد:وافقي
ام مهران:انت بتعرف ما بطيق امها
محمد:شو بدنا بامها انا الي فيها وبس
ام مهران:وبدك اشوفك بيناتهن وتصير من العيلة عادي وتاكل من اكلها وتكون بضيافتها وجوز بنتها كمان
محمد:وانتي كمان رح تصير كنتك
ام مهران:انا هالجماعة ما بتصورهن مو من هلا من زمان وبدك تذلني وتفوتني لبيتهن
محمد:وافقي وعادي لا تفوتي بس مشان بابا
ام مهران:غير كلمتي مارح تمشي
محمد:يعني اترجاكي اكتر
ام مهران:شيلها من راسك وانا بدي اجوزك احسن منها
محمد:هي بالاحسن انا ما بشوف غيرها بعيوني
ام مهرام:انسى واتركني واطلع لبرى
محمد:...
رجع ل غرفتو يأسان مع انو كان بدو يتواصل مع عزمي كان يتامل الرقم واتشجع واتصل
عزمي:كيف خطرت عبالك
محمد: اسمعت انك زعلان
عزمي:لا الله لا يجيب زعل
محمد:طمني عنك
عزمي:بخير ما بدك تزورنا
محمد:بخلص كم شغلة
عزمي:باجازة مو
محمد:اي اليوم اول يوم
عزمي:طيب حاول تيجي الجو حلو وعم نعمل سيرانات
محمد:انشالله
نزل ل تحت يتمشى بدو يحاول يقنع امو باي طريقة لحقو مهران ولاول مرة بحط ايدو على كتفو
مهران:طمن بالك امورك محلولة
محمد:قلعتني من الغرفه
مهران:انت بتعرف انو كلمتي عندها ما بتصير تنتين
محمد: والمقابل
مهران:هههه اديشك زكي يا ولد
محمد: ما بحب اللف والدوران
مهران:انت شو عندك
محمد:شو مابدك خود
مهران:لهدرجة
محمد:بدي انهي الموضوع باسرع وقت
مهران: سيارتك حلوة
محمد:خدها ع حسابك
مهران:لا بس بدي تحول ملكيتها من اسمك لاسمي وعادي استعملها
محمد:المفتاح معك اعمل شو بدك ولوراق بالسيارة
مهران:خلص اعتبر انو بكرى نازلين للتلة
محمد:الله وايدك يا زلمة
مهران:خلص عندي
.......
طبعا مهران اجتمع بأمو
مهران:بدك توافقي
ام مهران:ما بحبهن كيف بدي اجوز ابني لبنتها
مهران:ولا صارت كنتك رح تستغني حتى عن خدمات روز
ام مهران:...
مهران:اي ورح تصير مديرة للخدم هون
ام مهران:هيك برأيك انت
مهران:وأصيل بدوامو شهرين كاملات وهالاسبوعين منشيلها على كفوف الراحة ومندللها واتخيلي انتي بنت ام عزمي تمسحلك كندرتك وترتبلك غرفتك وتنظف الحمام
ابتسمت ب اعجاب للفكرة
ام مهران:وخوفي ما يصير
مهران:رح يصير وقدام اصيل رح نظهرلها الحب والود
ام مهران:بس هي ساحريتو
مهران:ليش لانها بعيدة عنو وبعد عشرة اسبوع او اسبوعين رح تصير روتينية ويصير بحاجتها بس للشغلات الي بتهمو
ام مهران:يعني اوافق
مهران:هو بدو اياها ونحن رح نتقدملها وساعتها ماحدا اخو حدا
ام مهران:خلص وافقت بس بالاول رح ابين اني رفضت
مهران:خلص مندبرها ولايهمك يا ست الكل

.......
ب غرفتو ناطر رد من مهران اندق الباب وانتبهلو
محمد:اتفضل
كانت روز
روز:العشى جاهز
محمد:...
نفخ ب ملل
بقلبو:فكرت مهران انا لا بدي عشى ولا سم حتى
نزل ب ملل ل تحت لساتو حاطت ايديه بجياب الجاكيت واتامل السفرة وهو واقف
ابو مهران:مشانك هالعشى
محمد:ما الي نفس
مهران:الاخبار حلوة هلا بتفتح نفسك
اكدلو بغمزة
قعد وحط بصحنو شوية اكل
محمد:شو الاخبار
مهران:ماما شو اتفقنا
ام مهران:ايمتى يعني
مهران:بكرى
ام مهران:ومعك انت تكاليف الخطبة
محمد:بدبرها لا تخافي
ام مهران:ورح تسكنو هون
محمد:اقل شي رح نخطب سنة وبعدها بقرر بكون زبطت شوي من وضعي
ابو مهران:وافقتي
ام مهران:كرمال مهران وبس
مهران:يعني بكرى عنا فرح
سلام:يعني رح نروح كلنا
حنان:انا بكره التلة والي فيها
مهران:ونيفين بتكرها بس لازم نكون كلنا
ام مهران:لكن ما معنا وقت جهزو حالكن
مهران:عطول جاهزين
ابو مهران:بس لا تخبر حدا انا بدي اعملها مفاجئة لامي
طبعا ما عجبها الحكي لأم مهران وهي مبعديتو عن كل اهلو
هلا ارتاح بس ما انفتحت نفسو ع الاكل بالعكس حس بالمسؤولية ولو انو صحبة مع مجد كان طلب منو مبلغ وبيرجعلو اياه بس هلا مافي غير مهران يطلب منو
ليلة ما كانت عادية فرحان لدرجة ومو مستوعب شو عم يصير وكيف فيه يطلبها وبموافقة اهلو واخيرا رح تصير ملكو
.........
مابقى حدا جاب سيرة الخطبة كنا نتمشى انا وسيدرا قدام البيت على الشارع وقت وصلن سيارتين لبيت ستي سيارة محمد بعرفها وهي سيارة تانية معقول الي عم نشوفو
سيدرا:معقول
بلسم:كانو عمي جاي
وهلا اتاكدنا وقت نزلو تلت صبايا وعمي ومرت عمي ومهران ومحمد
اتوترت وخفت يكون سبب لزيارة رسمية
سيدرا:ليش انخطف لونك
بلسم:متوقعة لزيارة
سيدرا:لا بس يمكن مشانك
بلسم:والله خايفة كتير
سيدرا:هههه لكن سهرتنا عندكن بلكي انخطبتي الليلة
بلسم:لا تتمسخري والله مو متحملة
سيدرا:انا رايحة اخبر اهلي باي
بلسم:لك ليش تركتيني لحالي
فتت للبيت وماارح اخبر حدا ع اساس ما شفت ولا حتى اسمعت

........

كان اللقاء مليان شوق لهيك بكيت نوارة بحسرة وشوق على ابنها الي صرلو سنين مقاطعهن وام مهران تمثل الحب ولا كأنها هي ورا كل الكره غمرت حماتها وباست أيدها وجوى سعدية متفائلة واهتمت كتير بالكل وهي وسلام صحبة وهي استلمت الشغل تقديم وتضييف ولعيون عليها لانها حلوة كتير
وصفية:زمان عنك يا اخي والله قلت نسينا
ابو مهران:بالمدينة مافي مجال تتزكري حدا حتى اوقات بتنسي حالك مين
نوارة: وانا انسيتني
ابو مهران: انتي ست الكل وتاج راسي بس والله ظروف
نوارة:ظروف شو وهي محمد بيزورنا وسلام
ام مهران:هو حدا متعلق متلو
حنان:بس متطورة الضيعة في ابنية جديدة
وصفية:شو عمتي مبسوطة مع جوزك صحيح وينو
مهران:ما منجيب معنا رجال غريبة
وصفية:يعني ما اتحررتو
مهران:شو بدو يحررنا
وصفية:انشالله خير زيارتكم
ابومهران: اشتقتلكن
وصفية:وناوي تزور اخواتي ولا
ام مهران :المفروض هني يسلمو عليك ويجو لهون
ابو مهران:اخي ابو عزمي لكبير وانا بروح لعندو براسي
نوارة:الله يحميلي اياكم ويحننكن على بعض
ابو مهران: واخبار بدرية
وصفية:اوعك اخي لا تجيب سيرتها احسن ما تيجي.
كان محمد على كتر مو مبسوط قلبو يدق وكيف مافيه يكون مبسوط وهو شاف بلسم واتاملها
مهران:شو ناطر بابا تستنو لبكرى يعني
ابو مهران:لا بعد المغرب انشالله
وصفية:شوفي
مهران:عقبال عند شبابك جايين نخطب ل أصيل
انصدمت ومبين عليها
وصفية: والله يعني واخيرا
ابو مهران:مدامو رايدها منتقدملها
نوارة:الله يتمم على خير متل بلسم مافي رتابة واناقة وأدب

كان مزبط حالو وشايل هم لزيارة كتير
بقلبو:يا الله اديش كنت مستبعد هاليوم ويمكن فكرت كل معجزات العالم ما رح تحقق احلامي واتأمل عيلتو واتنفس براحة
محمد: وهيك رح يتحقق مرادي وبكون ما وقفت نصيبها وما احلاها تتجوز غيري بس ناطر اشوف ردة الفعل
بعد المغرب الكل جاهزين وحتى ستو وعمتو وسعدية ليروحو لبيت ابو عزمي تمشاية وعلى دفعات صوت ضجة وحكي وضحك وهلا صارو عند المدخل فتح عزمي باب المضافة وكانت امو وابوه وحتى بيت عمو ابو عامر طالعين يستقبلو وكان اللقاء مليان عتب سلمو على بعض ابو مهران وأبو عزمي ويمكن الدم اتحرك
ابو عزمي: اهلا وسهلا
ابو مهران:كيفك اخي طمني عنك ليش هيك متغير
ابو عزمي: مشاغل ومتاعب كتيرة اتفضلو اهلا وسهلا
فاتو بعد ما سلمو على الكل واتوزعو كان مد عربي وترتيب محمد اجى بالنص جنب مهران وناطر تطل عليه ملكة قلبو وصار متل مابدو جاها وحسب الأصول
.......
كنت واقفة بالمطبخ ومعي سيدرا بلا ارادي ايديي يرجفو وبردانة كتير
سيدرا:ليش متوترة
بلسم: شفتي العيلة كلها جاية

سيدرا:والله وعملها محمد
بلسم:انا سيدرا ماني مستوعبة معقول
سيدرا:معقول ونص رح تصيري عروس يمكن بكرى
بلسم:لا لا في شي مو طبيعي كيف هيك صار ونحن ليش موافقين
سيدرا:معقول ترفضي
بلسم: مابدي اتجوز بنوب
سيدرا:هو الموقف صعب بس بتنحسدي عليه لك عمي ابو مهران من سنين ما فات الضيعة يفوتها كرمالك اي وين صارت هي
اجت ماما حسيتها مبسوطة لدرجة
ماما:جهزي القهوة
بلسم:كمان قهوة
ماما: اي لا تتاخري وهي سيدرا معك
بلسم: شو الموضوع
سيدرا:مو مستوعبة انها عروس
ماما:عقبالك يارب ناطريتكن يلا
ساعدتني سيدرا كنت رافضة بقلبي وعقلي وحسيت انو مجبورة او محمد حطنا تحت الأمر الواقع ورح ارفض واقنع اهلي
عند الباب اتدافشنا وبالاول انا فتت ما اقدرت ارفع عيوني المضافة مليانة وانا باخر مراحل التوتر
.........
ارتاحت نفسيتو بس فاتت وهلا عم تقدم القهوة ومو مسدء توصل لعندو يتأملها ناسي العالم كلو ومركز بس معها وبس صارت عندو الا يلفت نظرها مد ايدو واتردد لياخد الفنجان بس هي دغري اطلعت فيه وخلص استسلم الزلمة اخد الفنجان وكملت وقعدت جنب امها وسيدرا كمان
ابو مهران: مدام عاروستنا اجت نحن جايين نطلب ايد بنتنا بلسم لابني محمد الأصيل
ابو عزمي:بتشرفنا انت وطلبك
ابو عامر:ومدام موافقين خلونا نقرا الفاتحة على نية التوفيق
كانت بلسم تتأمل الكل ومبين انها مصدومة
بس هو لساتو تحت تأثير سحرها على عطرها وطلتها وحضورها الي غطى على الكل
........
عزمي مرتاح نفسياً وندمان انو عصب على محمد بهداك اليوم وليكو عمللها قيمة وهو مفتخر انو سبب زيارة بيت عمو بلسم كان يترجم نظرات عمتو حسد وغيرة وحتى يمكن ام عامر حس انها شبه غيرانة لانو الي صار لبلسم ما صار كل شوي يبتسم ل عامر الي عم يتأمل سلام كل ما صحلو وخجلان منها ومن نظراتها
الحديث يجر حديث ذكريات على عتاب خليط اتاريهن قلوبهن مليانة اتفقوا وطلعو لبرى لتلات
عزمي:كيف الوضع عندك
محمد:عقبالك
عامر:شو تصالحتو
محمد:بلحظة طيش
عزمي:جحشنا قصدك
محمد:بس كان يوم بشع وكلو بهادل
عامر:هههه يلا الله يتمم على خير
محمد:عقبالك شد.حيلك
عامر:الله كريم
عزمي:وين رح تنامو
محمد:عند ستي
عزمي:بس عمتي مبسوطة
محمد: انووو مبسوطة الله يسترنا
عامر:وحتى سعدية متدايقة
عزمي:هههه ع اساس خليفة المسلمين راح عليها
محمد:مو معبي عينك
عزمي:لا 😂
محمد:بسيطة فيك
عامر:بس ما اتفقو على شي
عزمي:ليجيب شيخ
محمد:اجازتي اسبوعين بخلص امور الخطبة
عامر:الله يرحم مبارح كنت تيجي هيك عزابي
عزمي:صارلو عنا حصة.
محمد:بس انا حسيت بلسم مو على بعضها
عزمي:بتتعود يمكن ما اتوقعت
عامر: وناوي تعمل خطبة
محمد:كتاب شيخ
عزمي:وبلكي عنا شروط نحن
محمد:بتتنفذ ولوو
عامر:ايه بعد منسمع
.....
فتنا للغرفة نحن البنات حاولت اتناسى شو صار بس لساتني خايفة
سلام: مبروك
سيدرا:بس ما خبرتو
حنان:هيك بابا بدو
بيلسان:يعني هيك خطبة
سلام:لا لسى رح نعمل حفلة مشان بلسم تعزم رفقاتها
حنان:احكيلك كلمة
سعدية:خلص ما بقى تتحاكى صارت عروس
سلام:لا يمكن خجلانة
حنان: انا شايفة انها مصدومة او رافضة
سعدية:لانو مو طريقة يحجزها فيها
سلام:كيف ما افهمت
سعدية:انطلبت لشب من التلة ومحمد وقف كل الموضوع
حنان:ما حكى هيك
سلام:وكنتو رح توافقو
سيدرا:اي ما فكرت دغري انتهت بارضها
بيلسان:نيالك
ضحكن كلهن عليها
حنان:بدك تتجوزي
بيلسان:لا بس انو العاريس محمد
سلام: معجبة فيه
بيلسان:اي شخصية وحلو
حنان:ههه هلا بتغار بلسم هاد صار خطيبها
سلام:اي مبين الغيرة
حنان:احكيلك كلمة
سلام:خليها ساكتة بكرى لا علقت معنا نحن بنات عمها ونيفين سلفتها لتحكي غصب عنها
سعدية:ليش ما اجت معنا
حنان: مابدها تفارق مهران
سلام: بلسم احكيلك كلمة
بلسم:شو احكي
حنان:اي سمعينا صوتك بتتزكري وقت كنت تضربي سلام
سلام:هلا انا رح اضربك
اخدت نفس وبدي يخلص الاجتماع مليت كتير
ع الساعا ١٢ بلشو يجهزو حالهن اوقفت عند الباب اشوف كيف عم يتودعو بابا يعزم عليهن ينامو عنا وحتى عمي ابو عامر بس هني راحو وعم الهدوء اطلعت فيهن
بابا:مبروك يا بنتي
بلسم:...
ماما:وهي رجعت المي لمجاريها
عزمي:احكي ليش ساكتة
بلسم:انتو وافقتو
بابا:وكيف فيني ارفض
ماما: يومين ورح تصير خطبة رسمية
بابا:يلا ع النوم
جريت حالي جر ما نمت ضليت متجلسة اتزكر زيارتو الاجازة الماضية وزيارتو اليوم كان مرتب حالو كتير خلص صار خطيبك متل مابدو وانا وقراري متل بعضو بس بالنهاية انا الي رح اعيش معو مو اهلي ويمكن اعاني لانو زواج اقارب والكل اتأذى منو
.....
كان بسابع نومة وحنان تضحك عليه
حنان:كيف نايم
سلام:شبو
حنان:لك نومة الارض ما بتريح
سلام:متعود هاد مكانو تحت الشباك

حنان: اي انا ما ارتحت لك كنباية مافي كلو مد عربي شو هاد
سلام:هيك احلى واريح
حنان:بس بلسم صايرة شقفة
سلام:من شي قليل مفتون فيها
حنان:اي لاحظت
سلام:رح تطلع بتجنن وبكرى بتشوفي
حنان: وأصيل حلو وشخصية
سلام:اي معك حق مابدك تنامي
حنان:اخرتي انام ع الأرض
سلام:ولو بديع هون كانت كملت معنا
حنان:زمان ما شفتو بس يمكن عزمي قاشش حلاوة الشباب كلها
.سلام:وعامر حلو وشخصية
حنان:احلى من كمال
سلام:بكتير اصلا عقلي مو زابط على عقلو انا بحب الشب البسيط مو العملي والتقليدي
حمان:ليكون حابيتو ل عامر
سلام:لا يوه شو هالحكي اصلا ما بيجوز
حنان:فكرت نامي يلا حاجتنا لعي
سلام:...
تعليق

بقلبها: اديشو عفوي وعندو كريزما خاصة فيه مو متل عزمي ولا أصيل هدول مبينين كلو عندهم جد
منيح ما بزعجني كمال خليني بلي انا فيه
.......
تاني يوم كان حافل والا عمي ابو عامر يعزم الكل بمناسبة رجعة عمي ابو مهران اتفقو عمامي وبابا يطلعو جولة على الارض وانا لساتني بعالم تاني بدي احاول اتقبل الموضوع الكل ملاحظ انو مابدي اتصلت فيني سيدرا
سيدرا:كيفوو الحلو
بلسم:تمام وانتي
سيدرا:غير شكل صبحنا نشتغل ونرتب
بلسم:ليش شوفي
سيدرا: بابا عزم اهلو وبدك تيجي تساعديني
بلسم: ومين رح يطبخ
سيدرا: اكيد امك
بلسم:عطول شغلتها تطبخ بالعزايم
سيدرا:بلسم صارحيني ليش مانك على بعضك
بلسم:مابعرف يعني بحس انو مو وعيانة او مو مستوعبة هيك بس
سيدرا:ع اساس يتجهزو كلهن ع الظهر انتي جهزي حالك مشان نطلع نتمشى مع الصبايا
بلسم: ماشي
لساتني بالبيجامة فاتت ماما مبين مشغولة
بلسم:وين
ماما:مرت عمك اتصلت فيني بدها اساعدها بالطبخ
بلسم:بلا مستاهلة
ماما:ام عامر مافي منها وانتي رتبي حالك مو كلو كرمالك
بلسم:بس لسى بكير
ماما: اي افردي خلقتك عيب
ما عجبني كل كلامها وفتحت شوي من الشباك وشفتها رايحة ومعها عزمي وهي ضليت لحالي بالبيت
بلشت بالترتيب وهيك رح اخلص من شغل البيت على بكير
.....
وقت شافت عزمي حست بكمية فرح مو طبيعية بالاخص انو متخيليتو عريس المستقبل وبتتعامل مع مرت عمها على انها حماتها المستقبلية
سيدرا:اهلين مرت عمي
عزمي: مبكرة غريب
سيدرا:عنا عزيمة
عزمي:وين اخوكي لكديش
سيدرا:يا الله منك عامر تعال بيحكي عليك
فاتت ام عزمي وعامر طلع ركض وبدو يخانق فيه
عامر: مين لكديش
عزمي:ههه مو انت بعدين وين رايح
عامر:عندي مهمة اليوم
عزمي:اجيت اساعدك
عامر:العرس للناس والعجق علينا
عزمي:يلا بفرحك منعزم عنا
عامر:اااخ بس
عزمي:مطولة عندك انتي
انتبهت انها شاردة فيه
سيدرا:لا فايتة اساعدهن
عامر:يلا مشينا
ودعتو بنظرات اعجاب وراحو
وهي مهمتها ترتب حالها لانو امها وام عزمي عم يجهزن للوليمة
ام عامر:بس شفتيلي ام مهران
ام عزمي:شفت
ام عامر:اديشها لابسة دهب
ام عزمي:عليم الله ما بينعدو
ام عامر:شايفة ولا كنتهاوشفتي اديشها حلوة واكابر
ام عزمي:وراكزة مبين مثقفة
ام عامر؛وحتى ابو مهران متغير
ام عزمي: العز مبين عليهن
ام عامر:ومهران مشالله ابنو بطولو
ام عزمي:الله يحميلو اياه
ام عامر:بس بدك الصراحة رح ترتاح بلسم كتييير
ام عزمي:بس انا مابدي بنتي تبعد عني
ام عامر:خليها تروح تشوف الدنيا وتصير متل باقي هالبنات
ام عزمي: منيح فترة الخطبة طويلة
ام عامر:الله يتمم على خير
ام عزمي:عقبال عند سيدرا
ام عامر:الله يسمع منك
سيدرا:ليكون قاعدة على قلبك
ام عامر:هههه لا يا روحي بقلبي انتي
سيدرا:وين بنتك
ام عامر:راحت لعند ستها
سيدرا:هههه زعلانة لانو محمد خطب وحاسدة بلسم
ام عزمي:ههههه يعليها شو قوية
سيدرا؛انا اتفقت مع الصبايا بدي اطلع اتمشى
ام عزمي:بس نعتازكن مناديلكن
سيدرا:الله لا يعيزك النا
ام عزمي:هههه يبعتلك الهنا

..........
كانت سلام وحنان جاهزات ولساتو نايم اصيل
سلام:هاد مطول
حنان:كان صاحي الفجر حسيت على صوت موبايلو
سلام:مجدد نومة يعني
حنان: لهيك خلينا نطلع متحمسة للمشوار
سلام:وانا كمان
ببالها عامر وشقاوتو
طلعن وكان رسلان ابن مهران وبيلسان عم يلاعبو القطة
سلام:انتي هون
بيلسان:اي وين رايحات
سلام:لعند اختك
بيلسان:اي روحن بالاول على بلسم لانو بنص عقل
حنان:ههههه وهو هيك
بيلسان:انا رايحة اخبر سيدرا
سلام؛ناطرينها ها
بدقات قوية يضربن على باب بيت عمهن لتطل عليهن بلسم ولساها ببجامة البيت
حنان:شمستك عالية
سلام:ليش ما جهزتي حالك
بلسم:فوتن
شاورن بعض ولحقنها لجوى
حنان:شو هلا خلصتي شغل
بلسم:اي وانتن
حنان: نحن هربنا وخلينا الشغل ل نيفين
بلسم:كيف شفتي الضيعة
حنان:بدك الصراحة انكسر الروتين وانا اسأل حالي ليش بيترددو للتلة اتاريها أجواء وسهرات وغير شكل
بلسم:بجهز حالي وراجعتلكن
......
اخترت بدون نفس تياب لانو الي بيشوف لبسهن ما بيرضى بهيك تياب بجية سيدرا وبيلسان عملت القهوة ورحت لعندهن
سيدرا:بدنا نشربها برى
بلسم:متل ما بدكن
قعدنا كنت مسايرة مو اكتر
سلام:لعمى ولا كأنو الها حصة عنا
سيدرا:ههه انو حصة قولي قطعة
حنان:اي اسألينا عن أصيل
بلسم:غشيمة عنو
سلام:لا بس شو عامل وينو
بلسم: يا نايم يا صاحي
حنان:لا نايم وكان يهودس فيكي
فرطن ضحك
سيدرا:حبيبتي بلسم
حنان: ابصر شو كان يحلم
سلام:هههه وهي بهيك خلقة ولا يمكن يحلم فيها
بلسم:ليش شبني
حنان:افرديها والله مبين انك مو على بعضك
بلسم:ورح تضلو هون
حنان:لا راجعين اكيد بس منخليلك اصيل اشبعي منو
اتدايقت شعور بيخنقني بس اتزكرو

سيدرا:هو بدو يشبع منها
حنان:اعطوه غرفة عندكن
سلام:ههههه خلصتو قهوة خلينا نتمشى
حنان:يلا لكن
استنتي سيدرا لحتى ضبيت الاغراض واخدت المفتاح
سيدرا:بلسم مو حلوة افرديها بقى
بلسم:شو بدكن فيني اتركوني بحالي
اتمشينا سوى كنت بعالم تاني وعند بيت ستي كان برى محمد ومهران بس ما اقبلت اطلع طنشت وبدي يخلص هاليوم .
.......
بالكرم كانو عم يتأملو الزرع والخير الي عندهن
ابو مهران:اسمعت انو بدك تبيع ارض
ابو عزمي:بدي ارهنها
ابومهران؛لمين
ابو عزمي: ابو عامر وهيك بضمن ما تروح عليي
ابو مهران: والمبلغ الي بدك اياه كبير
ابو عزمي:بدي اجوز ابني
ابو مهران:حق والله خلص انت اطلب المبلغ الي بدك اياه وما عليك
ابو عزمي:لا اخي
ابو مهران:خلص بس مابدي حدا يعرف لا نسوانا ولا حتى اولادنا
ابو عزمي:بس بدي تعمل اوراق نظامية
ابومهران:خلص عندي انت شو بدك
.........
الغدا جاهز والحضور اكتمل وبعد الغدا انا وسيدرا رتبنا وجلينا كان بدي يخلص اليوم وارتاح بالبيت لساتنا واقفات بالمطبخ
سيدرا:يلا نطلع
بلسم:ليش وين رايحين
سيدرا:سلام حابة نتمشى
بلسم:فايقة ورايقة
سيدرا:يلا قبل يطلبن منا شي
بلسم:معك حق خلينا نهرب
برى كانو واقفين الشباب ومعهم سلام وحنان وعم يتناقرو اتحايدت محمد ما اقدرت اطلع فيه
حنان:يعني شو مفكرنا
عزمي: شاطرات والله
سلام:بس ما حكيت هيك
عزمي:ليش انزعجتن
سلام:لاننا منشتغل مو متل ما بتقول
عزمي:هههع اي واضح جدا
عامر:اصلا حرام الشغل للنسوان
عزمي:خلص والله ما بتحلف سيدرا بتجهزيلو مريول جلي من بكرى الدور عليه
عامر:لا بقصد انو مرتي المستقبلية
عزمي: سامع محمد
كان ملتهي بموبايلو
محمد: خليه يجلي اصلا الحياة تعاون
سلام:اي عنا اصيل بيدبر امورو لحالو متعود
عزمي:خلص انتن شوفي شغل وكلنو فيه
عامر:صحيح بدكن تتمشن
سلام:ياريت
محمد:هههه وين بالتحديد
سيدرا:احزر
محمد:يلا نمشي
سلام:خوفتوني في شي
عزمي:لا تمشاية بس
سلام:على طريق التلة
حنان:اي اي زمان ما شفتو
عامر:يلا ورانا لشوف
سلام:وبلكي حابين يمشو الخاطبين لحال
عزمي:لااا حبيبتي في رقابة هون
محمد:ليش مين حكالك وافقت
عامر:بس بدك كلمة انت
سلام:هلا ونحن صغار كنا نلعب بين الشجر بليل ولا انا غلطانة
حنان:امبلا وعطول نحن نهرب للبيت وهني يخوفونا
عامر:ومرة مهران عصب مننا وتحلفلنا وارجعنا للبيت كان ناطرنا ومعو عصاية
عزمي:اي وانفدت بمحمد لانو بوقتها امي دافعتلي
عامر:واكلها يا حرام
محمد:يعني انتو بتتمسخرو ولا شو
سلام:بزكرك بماضيك
محمد:ع اساس ما عندهن ماضي
عزمي:هههه شو ماضينا
محمد:شو بدي اتزكر منك وقت كنت تلم سكاير من الارض
فرطت ضحك لانو عزمي انبسط من هالزكرى
عامر: انا لا تقول ماعندي هيك حركات
محمد:لا انت اختصاص تسميع على حكي النسوان
وانفجرنا ضحك لانو عامر خجل عنجد
عامر: هههه لك بسيطة
محمد:يعني لحتى ما تضلو تعيروني بعدين لو الكن اخوة اكبر منكن كنتو حسيتو فيني
عامر:بس انا ما بتزكر من طفولتك الا مهران وكيف يلاحقك من مكان ل مكان
محمد:يا سيدي اتزكر لتشبع هلا كلشي اتغير
سلام:ورح نفرح فيه
حنان:وانتو شدو حيلكن
عامر: أنا بحس انو فاتني القطار
محمد:لك انت اصغر مننا لكن نحن دعسنا القطار
عزمي: انت خلص صرت عريس بس الحسرة علينا
محمد:لا تقول الا صرت عريس
حنان: وانتو حابين
عزمي:ياحسرتي انتي شايفيتنا منعرف نحب
سلام: ماشالله كل هاد ما بتعرفو
عزمي:نحن هاد جونا ومافي طلعة ولا فوتة
........
سيدرا بقلبها:لعمى يعني ولا حتى طاسسني ولا مو حلوة انا اخ منك انا دايبة فيك وقلبي عم يرفرف كل ما شفتك الحظ بس ل بلسم قاتل مشانها وغير الي براسو ما صار
حنان:شوفلك حبيبة دور هون هون
عزمي:مو خرج والله
محمد:اعطوه منديل لانو رح يبكي كمان شوي
عزمي:بيكون عندك لانو مبارح نشفت دمعتك
عم يضحكو ولا عبالهن عامر يفكر كيف ممكن سلام تفسخ خطبتها وسلام غرقانة بتفاصيل عامر وعم تخجل وقت يتمسخرو عليه وسيدرا مهمومة لانو عزمي مو مفكر فيها وعزمي بحكاية رهن الارض وكيف مسكرة بوشهن كل الدنيا محمد ب نفسية بلسم الي مو قبلانة تطلع فيه وبلسم بعالم تاني مجبورة وبتساير وحنان مرتاحة نفسياً وعاجبها الجو والناس لانو الكل متغير
........
ودعنا بيت عمي ابو عامر وكملنا للبيت عزمي ومحمد برى وأنا دغري ل غرفتي طلت ماما عليي
ماما:بدك تنامي
بلسم:هيك شي
ماما:يمكن بكرى يحددو مووعد مشان الخطبة
بلسم: وشو المطلوب مني
ماما: افردي وشك وبس مو طالبين غير هيك
ابتسمتلها بدون نفس وكانت مقهورة مني
.......

عزمي:شو الموضوع
محمد:بلسم رافضة
عزمي: وشو بأثر
محمد: انا ما فكرت انو
عزمي:شو بدك انت بترضى بعدين
محمد:لا ياا انا بدي نخطب ونتعرف على بعض

عزمي:بعد الخطبة رح ترضى وهاد العناد ما بجيب نتيجة
محمد:انا اغلطت مو
عزمي:لا بس ما حطيتلنا قيمة
محمد:انا اتهورت لانو بكره ايوب وبعرفو اديشو وسخ وحقير
عزمي:خلص انتهت بارضها ولا تخاف هي لو بتشوفها نكدية وقت تفردها مافي احلى منها
محمد: بس انا شايفها ما بتتحاكى
عزمي:بدك تحكي من هلا قلتلك لبعد الخطبة
محمد: لنشوف اخرتها معها
عزمي: نام عنا ونسني
محمد:لا مو حلوة
عزمي: وين بتنام بلا
محمد:مع ستي وسلام وحنان
عزمي:شايف بدك تفوت
محمد:لك والله عيب
عزمي: البيت فاضي فوت
محمد:وهيك بدي انام
عزمي:جاي معك
راحو تمشاية
عزمي بقلبو:كيف ملو الحارة بيت عمي وصار في ونس صوت ضحك سلام وحنان وكمان مهران بالمطبخ فات وقف عزمي عند الباب ومحمد فات يبدل تيابو ورايح ينام ببيت عمو
سلام:شو وين الهمة
محمد:انعزمت على نومة
حنان:اي يا عيني ماحدا متلك برى لحليوة
محمد:يحلى وبرك ما اقل ادبك
حنان:والله بجنن يخرب بيتو
محمد: مهران
حنان:هههه سكتت
مهران:شوفي
محمد:شو اخي انت ما اتعشيت
مهران:لا مو كتير شو بدك

محمد:اسمع اختك شو بتقول
مهران:شو قلتي وليه
حنان:بحكيلو جوزي احلى رجال بالعالم
مهران:اي جوزها بدها تتغزل فيه
انصدم محمد وتحلفلها بس هي جاكرتو وبياناتهم مشاكل كتير
مهران: وانت وين رايح
محمد:اوف مية مرة بتسألو
سلام: راح لينام بديار المحبوبة
مهران: وأرسل لها اشواقك
عزمي:لحقت تتحمم
محمد:اجيتك
طلع لعندو
محمد:ع شو مستعجل
عزمي:بدنا نأركل
محمد:خبرت عامر
عزمي:اي تعبان وبدو ينام
محمد:وانت
عزمي:بعد ال٢ دوبني انعس
محمد:يا بختها
عزمي:خهه وانت كمان
محمد:لا انا بنام بكير بس اليوم سحبتها للظهر نومة والا زمان انعست
عزمي:بدون صوت هلا بتنزعج عمتي وصفية
محمد: خلص ولوو لا تتمسخر عليها
عزمي:انسيت صارلك حصة عنا
محمد:شقفة قصدك
عزمي:فوت بلا حقارتك بكون جهزت الاركيلة
محمد:لا تطول بمل لحالي
كان يتزكر كيف صار ونزل اجازة وكيف رح يحددو موعد الخطبة وشوي فتحت بلسم الباب اتأملها بأعجاب كانت جايبة القهوة ووراها عزمي معو الاركيلة وشو بنفسو تسهر معهن بس دغري طلعت وهو بدو تفسير ل رفضها
.........
تعليق

قصة #عشق_الأصيل 5
القسم الخامس
بقلمي:مايا الحجازي
شمستهن عاليه رتبت البيت وشطفت وجهزت فطور وقهوة لماما وبابا وقعدت معهن
ماما:شو ما صحي اخوكي
بابا: وكانو محمد هون
بلسم:اي يمكن ابنك عزمو
ماما:بيتسلو
بابا: شو يا بلسم ليش مو مبسوطة
بلسم:كانو بسرعة صار كلشي
ماما:بس الخطبة طويلة
بلسم:وكيف شفتو بيت عمي
بابا:انا الصراحة مصدوم فيهن ابو مهران متغير مية درجة ما كان حنون هيك
ماما:وحتى ام مهران وحنان ايمتى كانت تتحاكى
بلسم:وانا مصدومة على اد ما صايرين لطيفين اي ما كانو هيك يرحم ايام قبل يسافرو
ماما:المهم لقلوب تتصافى روحي صحيهن حاجتهن نوم
قلعتني تقليع رحت وضربت الباب وفتحت عليهم كانو بسابع نومة وفاتحين شباك كمان
بلسم:عزمي خلصنا بابا بدو اياك
حس دغري
عزمي:ليش شوفي
بلسم: ماحدا بدو اياك بس حاجتكن نوم
اخجلت اطلع ب محمد ورحت لاجهز القهوة كانو عم يغسلو وانا رحت لارتب الغرفة مو ناقصني شغل رتبت وكنست وكملت القهوة واطلعت لبرى لحتى شرفو
ماما: لاي ساعة سهرانين
عزمي:للوحدة
بابا:بعد الفطور جهز حالك بدنا نطلع مشوار
محمد:بس عزمي
بابا؛وانت كمان
عزمي:لا تخاف مناخدك معنا وانشالله يكون شغل
محمد:جايبني اشتغل مو
كانت امي تاشرلي انو ابتسم لهيك سحبت حالي وفتت لجوى بعد القهوة راح محمد رغم انو عزموه على لفطور بس اصر يروح وبعد الظهر اتجهزو بابا وعزمي وراحو وما كنت بعرف انو رح يرجع معصب عزمي وأنا رح اموت لاعرف السبب ومحمد حاول يهديه بس ما رد عليه عزمي ومن فضولي ناديت لمحمد
بلسم: وين
محمد:بس يروق خبريني
رحت لعندو وقفت معو
بلسم: شبو
محمد: شبعرفني
بلسم:مو كنت معو
محمد: اي بس ما معي تصريح احكي
بلسم: انا اختو
محمد: الموضوع حساس
بلسم:والله ما بخبر حدا
محمد:احلفي
بلسم:والله
محمد:ههه اي ما رح احكيلك
بلسم:امانة احكيلي اخي هاد
محمد:روحي اساليه
بلسم:ما بيحكيلي امانة والله بنقهر ازا ما بعرف
محمد: شغلة عادية
بلسم:مدامها عادية خبرني
محمد:وشو بدك تعطيني ازا خبرتك
بلسم: والله مفلسة
محمد:ما بقبل اخبرك ببلاش
بلسم: اطلب شو مابدك
محمد:شو مابدي
بلسم:مو طلب تعجيزي
محمد: انتي شو بيطلع من نفسك
بلسم:هههه لا تجنني احكيلي
محمد: بدي مقابل
بلسم:خلص الك عندي هدية بس خبرني
محمد:
بلسم:احكيلي
محمد: عرض عليه يتجوز
بلسم:وبدها كل هالعصبية
محمد:هو رافض العروس
بلسم: ومين العروس
محمد:احزري
بلسم:اعجزت
محمد:حاولي
بلسم:شبعرفني
محمد:سيدرا
بلسم:عنجد
محمد:ههه والله انتي افرحتي اكتر منو
بلسم:وليش مابدو
محمد: مابعرف اسأليه
بلسم:وعنجد يعني
محمد:اي شو بيناتنا مزح
بلسم:لكن لروح شوفو
محمد:اقنعيه مني ما اقتنع
فتت دغري لافهم منو كان حردان وزروني
عزمي:لسى ما صار خطيبك
بلسم:ليش معصب
عزمي:ع اساس ما حكالك
بلسم:والله سيدرا حلوة ومافي منها
عزمي:خلص يا عمي بدون ما تمدحوها غير الي بدو اياه بابا ما بصير ارتاحوا
وكانو بدو ينام غطى حتى وشو.

............
بأجتماع العيلة ببيت الام نوارة كانو لرجال كلهن بغرفة لضيوف وحتى بدون ما يشاور عزمي
ابو عزمي:اسمنها صارت واخي ابو مهران هون انا بشرفني اطلب ايد بنتك سيدرا لابني عزمي
اتفاجئ ابو عامر بس مبين عليه انو مبسوط
محمد انصدم اخر كلام من عزمي كان رفض ورفض تام
ابو مهران: ورح تصير الفرحة فرحتين
ابو عزمي: شو قلت اخي
ابو عامر:والله بشرفني نسبكن بس بتعرف الاحسن اسألها
ابتسم عامر وبقلبو:وهي رح يتجوزو رفقاتك وانت ضلك متل الاهبل
محمد بقلبو:تعال اسمع يا عزمي ما بيكفي اختو مغصوبة عليي كمان هو
مهران:يعني شو بدها احسن من عزمي
ابو عامر:وين عزمي صحيح
ابو عزمي:صحي بكير بكون نايم
عامر:ابو سهرة بنيم الحارة وما بنام
محمد:تعال انت ابو سكرة الحقني
طلعو سوى
عامر:شو هي ابو سكرة وحدلي الله
محمد:مشان القوافي عنجد سهران عزمي
عامر:اي شرب ينبوع قهوة بصغرو
محمد:هههه سكران وحياة الله
عامر:اي شو اجواءك ما جبتو دهب ما حددتو شي
محمد:كانو هلا بدهن يتفقو نحن ما النا علاقة
عامر:وين اخدني انا بخاف منك
محمد:ههههه الله ياخدك شو بدي اكلك بس بدي اروح اشوف عزمي وبخاف لحالي
غرق بضحكتو عامر
عامر:من شو خايف
محمد:من القطة
عامر:اتصل فيه
محمد:اي خليه يلاقينا
اتصل فيه عامر ودغري رد عليه
عامر:نحن برى تعال
عزمي:ماشي
طلع وقالب خلقتو
عزمي:يا فتاح
محمد:وضريب على هالشكل
عامر:لك انت هون وعم يطلبلولك
عزمي:عنجد
عامر: اي قال بدك تصير صهرنا
عزمي:انا ازا مبسوط بس مشانك والله
محمد:وانا شو وضعي ابن حمايي
عزمي:انت لا اعتراض على حكم الله
محمد: شبك مرتفع هرمون النكد عندك
عزمي:تعبان والله
عامر:تسهرو
محمد:عندك
عامر:اي مابحب اجواء لكبار

محمد: موافق بس رايح اللبس شي تقيل اتاريه برد
عامر:دفي حالك عريسنا
محمد:شد حيلك وصير عريس
عامر:...
تركهن ورجع
عامر:شبك ولوو
عزمي:والله تعب
عامر:بس انت ما خبرت
عزمي:مو حلوة مو
عامر:مابعرف طيب جهز حالك انا سابقكن للبيت
عزمي: ماشي
رجعلو محمد كان عزمي ناطرو
محمد:وينو
عزمي:سبقنا
محمد:مبين عليك ها
عزمي:طلبها طلبها
محمد:اي وناطرين رد سيدرا
عزمي:لا خالصة الامور
محمد:عنجد رافض
عزمي:ما بحس انو ممكن انسجم معها بحسها مولدنة
محمد:اه يا راكز انت شو بدك احسن منها وع الاقل مالها فوتة وطلعة وماضي لانو الي رح تجيبها ما رح تكون صفحتها بيضة
عزمي: لهيك بدك بلسم
محمد:هاد سبب من الأسباب
عزمي: والباقي سكرلي تمك عليه
محمد:هههه طولي بالك يا وحش
عزمي:ومطولة خطبتك بدي اخلص منك
محمد:تركتهن يتفقوا
عزمي:كلو منيح
فتحتلهن مرت عمو وفاتو دغري للغرفة الي مجهزة للسهرة اركيلتين وشوي اجت سيدرا حاملة الشاي وقلعها عامر تقليع هي وبيلسان ولتلات استلمو موبايلاتهن عامر وعزمي كل واحد اركيلة ومحمد على دخانو
..........
برجعة بابا وكان مبسوط لدرجة
ماما:شو صار معك
بابا:مارح يرفضو بالعكس انبسط كتير
ماما:واخيرا رح نفرح فيه
بلسم:مين
ماما:رح تصير كنتنا سيدرا
بلسم:ووافق عزمي
بابا:وما احلاه يرفض شو بدو احسن منها جمال وادب واخلاق
ماما:دخيل عينها
بلسم:وايمتى الخطبة
بابا:بعد خطبتك بكون دبرت المصاري
بس ما اعرفت عزمي وافق اكيد وافق والا ما طلبها
ماما:اي شو صار ما حكيتلي
بابا:بكرى رح يجيبو الدهب وبعد بكرى الخطبة
ماما:بس نحن بدنا حفلة
بابا:ع العرس اكيد الي افهمتو اخي بدو يرجع عندو شغل ضروري
ماما: الله يتمم على خير يارب
بقلبي:طبعا بدكن تخلصو مني وانا رح اعلق معو
..........
الصبح بلشت التجهيزات ببيت ستهن ام مهران جاهزة على اخر طراز ومحمد لساتو نايم
وبرى عم يشربو القهوة
نوارة:شو نويتو تلبسوها
ابو مهران:متل سلفتها
حنان:ما كان هيك الحكي
ام مهران:انتي ما دخلك
ابو مهران:متل ما لبسنا نيفين منلبس بلسم
سلام:وبدكن تعملو حفلة اليوم
نوارة:اي مو اقل منها
مهران:انا اصلا مبسوط مشان هيك
نيفين:وين أصيل
سلام:اجى بعد التنتين ويمكن الفجر لحتى نام
مهران:صحوه شو نايم لبعد الظهر
سلام: هلا اصحينا
نوارة:وبدك تعزم اخواتك
ابومهران:هيك الاصول ببعت مهران
مهران:بس على عمتي بدرية مابروح
نوارة:ليش يا ستي والله ابوك ظلمها
ابو مهران:ليش انتو بتحبو الاعوج في وحدة قبل ينشف تراب ابوها بتيجي تطلب حصتها
نوارة:بس انت كنت بدك تحرمهن
ابو مهران: وانتو بتعرفو الي بدو اياه ابو عزمي بصير
نوارة:خلص سكرنا ع الموضوع
مهران:منعزم عمتي وصفية هديك حد الله بينا وبينها
سلام:هههه حتى مهران الي بخافو منو الكل خايف منها
مهران:دعاويها بتهز البدن...انا رايحلو هاد شمستو عالية وانا بدي احتفل فيه
طبعا الاجواء عتمة شغل الضو وشافو بسابع نومة ودغري حط رجلو على كتفو وهز فيه كم مرة
كان عم يصحصح محمد وبس شاف مهران تأفف
محمد:شوبدك
مهران:العريس من الفرحة ما بنام
محمد:ما نمت والله
مهران:يلا خلصنا مشان تنقلع تجيب الدهب
محمد:في شي تاني
مهران:اي اصحى خلصنا زاعجيتني نومتك
محمد:ها ليكني اصحيت
مهران:مابدك تشوف القطة
محمد:..
مهران:الله يعينك مبين رح تخرمشك
محمد:وشو قصدك بهي
مهران:مابعرف شو بتعمل القطة الرافضة
وطلع يضحك ترك محمد يفكر بكلمتو
.......
كانت سيدرا معي عم تختارلي فستان خرج هيك مشوار
سيدرا:هاد بجنن
بلسم: حلو يعني
سيدرا:بجنن
بلسم:ليش ضروري اروح
سيدرا: اقطعي اصبعتك واعطيهن اياها
بلسم:..
سيدرا:لنشوف شو رح يلبسوكي وبكرة عنا فرح ورقص وأجواء غير شكل
بلسم: والي بعدو عندك
سيدرا:...
بلسم:لك ليش اخجلتي وليه
سيدرا:مابعرف
بلسم:نايم روحي اتحركشيه
راحت تتفجر من الخجل وانا فرطت ضحك عليها بجية ماما
ماما:يلا اللبسي مو حلوة يبعتو ورانا ولسى ما اجهزنا
بلسم:كنتك خجلانة
ماما:عقبالك يا عروس
بلسم:ضل عامر جوزوه ل سعدية
ماما: ناوية تجلط ام عامر
سيدرا:ههه شايفة
تركتني اللبست واتمكيجت ولفيت الشالة واطلعت كانن عم يتسايرن ومرت عمي معهن
بلسم: مبروك ل سيدرا
ام عامر:يبارك بعمرك وانتي انشالله بتتهني
بلسم:يلا بقى دوري ل عامر على عروس
ام عامر:انشالله الله كريم
سيدرا:صوت اغاني
ماما:بكون من بيت ستك
بلسم:ليش رح يعملو حفلة
ام عامر:مية بالمية
وشوي اجى عزمي تمشاية هو وعامر
عزمي:مطولات يلا الاجتماع هنيك
دق قلبي بقوة واتلبكت
ماما:يلا اجينا
سكرت الباب ماما واطلعنا تمشاية بس الكل على اخر طراز والتجمع برى والا نسلم على الكل كنت مسايرة مو اكتر والكل موجودين الا محمد وشوي طل كان لابس قميص ابيض وجينز

محمد:شو خير في عرس
عزمي:هههه لا بكرى العرس
محمد:سلام تعالي شوي.
الكل عيونهن عليه وانا بدي اعرف شو بدو منها اتاملت العيلة كلها كلو مبسوط وفرحان وجمعة عمامي مع بابا وستي عيونها يضحكن لهالمة الحلوة ونسوان اعمامي معرضات الابتسامات والصبايا على اخر طراز وناطرين يشرف الافندي بالاول طلعت سلام وشوي اجى لابس جاكييت اسود
محمد:يلا اتفضلو
عزمي: كلنا
محمد:اهلا وسهلا
سيدرا:بدك بولمن
حنان: بعدين صاحب الصاغة ليروح فيها
سلام:مابيعرف انو على كم غرام دهب
والكلل ضحك
مهران: على مهلك انت خسارة للوطن العربي
محمد:ريحلي حالك
بس انا وماما وهو وامو طبعا امي دفشتني بدها اتحكم بملامحي انا كلشي فيني رافص واكتر شي هو التقليدية الي بالموضوع ولاننا عيلة وحدة مارح يصير شي مميز كل ما اتزكر كيف صار الموضوع يوقع قلبي من الخوف وصلنا وما اقبلت بحيلا دهب اخترت كلو تقيل وما تعجبني اي قطعة جننت ماما وبالاخير اعتمدت على طقم دهب برسمة لقلوب كلو حتى المحبس كان شي مرتب وبجنن خلي الكل يغار مني تركنا محمد بيحاسب وارجعنا للبيت مسايرات ماما ومرت عمي وانا اكتر وحدة بتعرف انو مو طايقات بعض بس مشان الافندي يرضى وهنيك لسى تجمع العيلة صفط السيارة وانزلنا كانو مشغلين اغاني من سيارة مهران وهو انضم للشباب ونحن فتنا لجوى وصارت فرجة التلبيسة والكل انصدم اديشها حلوة ومرتبة وبلشن بتجهيز الولائم وانا اخدت دور العروس بالاخص وقت اجت عمتي وصفية وارتفع ضغطها من كل الي عم يصير .
.......
بعد الغدا اتصل فيه امين وطلع يرد عليه برى
امين: يا بياع العشرة بسيطة
محمد:ههه كيفك ولاه
امين:انا ممتاز بس حضرتك مكيف ولا عبالك تحاكينا
محمد:لك مشغول والله
امين:مبرووك التلة كلها بأخبارك ليك كل الشباب جايين يقومو بالواجب
محمد:واجب شو
امين:بدهم يحتفلو فيك وبالاخص انس
محمد:اي ب
امين:لا تبسبس الكل جاهز ومو مشاورينك
محمد:اهلا وسهلا بتشرفوني
سكر معوو وسالو عزمي
عزمي:شوفي
محمد: الشباب جايين
عامر:ومو عاجبك
محمد:هلا بتشوف هدول ما بيمضوها على خير
عزمي:شوفيها فرحانين فيك
محمد:بتعلق براسي ازا بصير شي
عامر:شو بدو يصير كلها بتحتفل
محمد:انا بعرف شو يعني شباب التلة الاحسن ما يضلن النسوان هون
عزمي:هلا انا بخبرهن هي بسيطة
فات عزمي خبر الصبايا بس يروحن لبيت اهلو بدون اعتراض راحن وبعدها وصلو شباب التلة جايين يعملو حفلة لصاحبهن .
.......
على اسطوح بيت اهلي كنا نتفرج وكان التجمع كبير واكتر وحدة مستغربة نيفين
نيفين:لشو هيك
سيدرا:هيك العادات عنا
نيفين: بس لسى ما خطب
سيدرا:هو لانو بكررى الخطبة ومارح يصحلهن يحتفلو فيه الا اليوم
حنان: زمان عن هالاجواء كنت عطول اسمع من رفقاتي عن هيك حفلات
سلام:اي بربي احلى شي بصير هون
كنت متكتفة ومبينة ساحة بيت ستي علينا واجواء الفرح بتجنن وهلا كملت معي وقت وصل ايوب مع كم شب
بقلبي:ياريتها كملت معنا وكيف جاي وهو طلبني بس يمكن مشان لا يحط على حالو وحدة وهو صاحبو ل محمد ومو بس هو اخوه كمان والظاهر جاي يقوص ويمكن محمد اتدخل دغري
......
محمد: مافي داعي والله
ايوب:شو قليلة هالفرحة
محمد:على راسي والله بس بتعرف رح يصير بلبلة وتوصل للمعلم
مهران:قوص لا ترد عليه
جهزها ايوب
محمد:بتعلق براسي انت شو رايح عليك
عزمي:ع شو خايف كلها بتقوص
محمد:يا جماعة انا وضعي خاص وما بحب هالأجواء بحب الهدوء بيكفي اللمة وخلص مابدنا مشاكل
عامر:لك خليها تكمل
محمد:في ناس حوالينا مو لحالنا بالحارة
انس:اييي متعودين اعطيها لقلك
طبعا هالشي ازعج محمد عنجد وهو اكتر حدا بيعرف العقوبة رح تنزل على راسو لحالو
وايوب ادى الواجب وبزيادة ومقهور قهر ما بعدو قهر لانو بلسم من هداك اليوم ما بتروح من بالو بالاخص انو محمد حجزها ووقف كل هالجوازة لانها بس بنت عمو وهو احق منو فيها ولو بيعرف انو في رفض من جانب بلسم ليعمل المستحيل بس هلا ما بقى ينفع الكل جاي يشاركو بفرحتو وضيافة وقهوة مرة والنسوان لكبار عم يتفرجن وستو مبسوطة لانو عم تفرح بولاد اولادها وكل شوي تزغرد وصفية ع اساس فرحانة فيهن كتير
........

الصبح التحضيرات للحفلة طبعاً تجمع كل بنات العيلة عنا كنت عازمة كل رفقات المدرسة وماجدة وجورية وماما مشغولة من المطبخ للغرفة وعزمي عم يزبط البافلة مشان الاغاني ما اخترت فستان نافش كان عادي باللون الاحمر حفر وما رفعت شعري عملتلي تسريحة هادية التجهيزات على أكمل وجه اجت شيماء وافرحت بشوفتها كتير والا تباركلي انصمدت بالصالون وهي بجنبي وبنات عمي استلمن مهمة احياء الحفل من رقص ودبكة
شيماء:يخزي العين عنك
بلسم:زابطة يعني
شيماء:ليجن جنونو العريس
بلسم: بس ماني مرتاحة مو متعودة اللبس حفر

شيماء:ههه ما هو بدو يصير جوزك
بلسم:حاسة انو في شي مو زابط
شيماء: اي عقلك مو زابط أما انتي مشالله ولا غلطة
بلسم:متوترة
شيماء:ولوو ابن عمك وخوش بوش انتو مع بعض
بلسم:مابعرف
شيماء:شو ايوب جاي مبارح على حفلة الشباب
بلسم: مابعرف كنت هون بالبيت
شيماء:معقول ما اتفرجتي
بلسم:...
شيماء:بس ترى هو زعلان واخد ع خاطرو
بلسم:شو الو داعي هالحكي ليروح حدا يسمعك ويسدء انو في بيناتنا شي
شيماء: لك انا الي بعرفك بس هو ما اقتنع مني انو ابن عمك بدو اياكي وافقتي عن قناعة
بلسم:شو بأثر
شيماء:انا ما بظن انو مقنعه
بلسم:مع كل هالحضور وبدك ما اقتنع
شيماء:الله يتمم على خير ليكي بتضلي هون ممنوع تسكني بالمدينة
بلسم:هههه اي ولايهمك
شيماء:بدك تبطلي شغل عند جورية
بلسم:لا بدي اكمل
شيماء:قومي ارقصي اقهري العدا
بلسم:لك
شيماء:مو بكيفك هي الاغنية حلوة وبدك ترقصي مع عريسك على شي رومنسي اليوم
توترت بزيادة وعمتي وصفية ما خلت شقفة مني ما اتمايزتها ومو بس هي وسعدية كمان واجت عمتي بدرية كنت مخلصة رقص والا تبوسني
بدرية: مبروك يا بنت الغالي
بلسم: الله يبارك فيكي عمتي
بدرية:مع انو ما بيستاهلك هالازعر وازعلت والله كيف ابوكي بوافق بس يلا كلو خير مابقدر احضر حفلتك مابدي اشوف كل عيلتهن
امي عزمت عليها تضل بس هي رفضت ومرت عمي ام مهران من وقت شافتها وقلبت خلقتها ومابعرف الاجواء ببيت ستي كيف
.........
كانو واقفين عند باب الغرفة الي عم يلبس فيها وكل شوي
عزمي:وبعدين عيب عليك نص زلم الضيعة اجو
عامر: نص ساعة وبيوصل الشيخ
محمد:والله ما رح اخطف عم اجرب لتياب
عزمي:اي فرجينا مو تلبس احمر تخزينا
عامر:او زهري فاتح
محمد:اي بايخة خليكن متل لكلاب ع الباب
عزمي:ع فكرة اجاك مهران
دق الباب بقوة
مهران:انت كل حياتك معايرة افتح لنشوف شو بدك تلبس فتحلهن وصارو يصفرولو
عامر:واخيرا انا ما تخيلتلك عريس وهون بالضيعة
مهران:مبروك عليكن عزمي اخي خاروف نظامي
عزمي:هههه الله يبارك فيك
عامر:خهههه ماااع
محمد:بكفي انتو زلم
مهران:ومنكسر راسك اصلا مو مسدء انك صرت رجال
محمد:ههههه بس لو مو محظورة
عزمي:يلا ولوو المضافة مليانة
عامر: بعدين صاحبك اجى
محمد: بس امين
عزمي:وباقي الوفد ع الطريق
بقلبو:كرهان ايوب ومو طايق خلقتو ليش مبارح حسيتو مقهور واجى ضرب هالمخزن ليفرجيني انو فرحان بس هووعكس هيك
تركهم مهران وفاتو لتلات وقفو جنب بعض العريس بالنص وقدامهن لمرايا
محمد:بلاا حلو
عامر:رح يعجبن فيك كل رفقات العروس
عزمي:وجودي رح يغطي ع الكل
عامر:اي انت عنتر زمانك
محمد:في كتير حضور
عامر:هههه انا شايف وفود صبايا ونسوان عم تفوت ما بينعدو
محمد:يا مصيبتنا ما بيتأجل تلبيس الدهب لبعد ما يروحو
عزمي:لا اصلا كل جيتهن ينتقدن العريس والعروس وشو لبسو دهب وكيف الحفلة
محمد:لبكتوني
عامر:نيالك علواه افوت واتفرج على صبايا الضيعة الحلوات
محمد:اسمع عمرانة
كان اغنية دبكة
عزمي:خلصنا هلا بتفوت وبتنسى
بقلبو: ياترى بلسم مبسوطة متلي ولا ...خلص خلص لا تفكر الا بالخطبة وهلا رح تحط ايدك بايد عمك لتتملك حبيبة قلبك
تعطر لاخر مرة ولحق الشباب طلعتو كانت بوصول وفد من رفقاتو والا يسلمو عليه وفاتو كلهن للمضافة كان متوتر كمان هاد اليوم المنتظر كان شبه مستحيل وهلا مستغرب ب الود والمحبة حتى م امو وهو مو متوقع شو القصة وكل همو يخطب
بجية الشيخ وبعد كم حديث عن الزواج والود والمحبة حط ايدو بايد عمو وردد كلام ورا الشيخ وبعدها انهالت عليه المباركات
.........

كلمة اجى العريس بتخوف ولو كليوم بشوف محمد قلبي رجف وصار بدي اللبس شي فوق الفستان وعادي يخرب اللوك
بلسم:عنجد اجى
سيدرا:اي ليش ارتعبتي
بلسم:سيدرا جيبي شي بدي احط على اكتافي
سيدرا:بلا هبلك خلص انكتب لكتاب
بلسم:لك انا حتى عزمي ما بشوفني بهيك حالة امانة
سيدرا: ليكهن وصلو
بلسم:لككك ...
وما كان بس العريس ومعو بابا وعزمي وعمي ابو مهران وعمي ابو عامر ليباركولي وكل واحد فيهم لبسني قطعة دهب ومحمد بجنبي وما كنت بعرف وين بدي اتخبى من الكل مو بس من العريس وانا بقمة الاحراج ومو مسدءة يطلعو قلبي يدق بقوة ايديي ما عم اتحكم برجفتهن شايفة بابا مبسوط وامي مو عاطيه فرحتها لحدا وبعد ما باركولي طلعو لبسني محمد المحبس شعور غريب وقت مسك ايدي بضحكات سلام وحنان وهو ما رضي يلبسني باقي الدهب لهيك مرت عمي لبستني إياهن وهيك بكون احسن وقربت منو سلام وغمرتو وهي عم تباركلو ويمكن تشاورو بشي وطلع لبرى يمكن اختنق ومو متعود على هالاجواء غمرتني شيماء
شيماء: وأخيراً انشالله الف مبروك اديشكن لابقين لبعض
بلسم:عقبال عندك يارب
شيماء:الله يسمع منك
اجواء الحفل لساتها ولعانة اتعبت كتير ومو مسدءة يخلص اليوم وارتاح ب غرفتي

بعد ساعة مابقي الا نحن ووشيماء
.....
طلعت سلام لبرى هي وسيدرا
سيدرا:بيسو روحي أندهي لمحمد من المضافة
بيلسان:مو لبسها الدهب
سلام:بس ما رضي يرقص معها قدام النسوان يلا بسرعة
بيلسان:ماشي
راحت ركض كانو عم يتصورو لتلات
بيلسان: محمد
محمد: اهلين بسة
بيلسان:يلا بلسم بتستناك بدها ترقص معك
خجل لاول مرة بحياتو
عامر:ههههه يلا مابدها كل هالخجل
عزمي:بلا جد
بيلسان:اي مجهزات الاغنية خلصنا
عزمي:ادامي لشوف
تركو عامر يضحك عليه وعند الباب سيدرا خجلت من شوفة حبيبها وسلام مبسوطة لاخوها
محمد: انتي باعتة وراي
سلام:اي يلا ما رقصتو بدها تصير زكرى
عزمي:فوت خلينا نتعلم الدور علينا لانو
وزاد خجل سيدرا عزمي بقي واقف عند الباب وسلام شغلت اغنية ل شيرين وفضل شاكر كل عام وانت حبيبي طبعاً الساحة فاضية بعد ما شحطن بلسم شحط قربتهن سلام من بعض مسك ايديها وبلشو يرقصو على نغمات الاغنية يتأملها ومستحيل ينسى هيك تفاصيل عم تجمعو فيها وملامحها اليوم قريبة كتير
بقلبو: ما شاء الله شو هالجمال شو هالشعر الحلو واااخ بس شو بدو يصبرني للعرس معقول في هيك ايدين ناعمين
كان قلبو يرقص جواتو مو بس هو عم يرقص وهلا حركات بلسم عم تحرك جواتو كل المشاعر شاطرة بالرقص مو بس مسايرة
لساتو عزمي عند الباب واقف ومقهور اي مو متعود حدا يقرب من بلسم هيك ولو خطيبها وكل ما يقربها محمد منو يلف وشو للجنب التاني
عزمي:شو هالعادات لازم يحرمو الخطبة شو باقي للعرس ليكها مكشوفة عليه بلكي ما تم النصيب قسما بالله شي بيقهر لف ليشوف بلسم منسجمة وعم ترقص وتبتسم لرفقاتها وسيدرا عم تصور وقلبو يرفرف من هالمنظر وشاف أمو مبسوطة من بنتها وابن سلفتها
وباخر الاغنية كل الصبايا بصوت واحد
احملها
كانت بلسم بدها تبعد بس وين بدها تروح منو مسك خصرها بأيديه التنتين ولف فيها تسفيق وتصفير وصرخات البنات وعزمي مو عاجبو وبس شاف أنو حضنو بعض طلع لبرى يسب ويشتم كل هالشغلة عامر عم يتمشى وشاف عزمي رح يتفجر
عامر:شو كيف الوضع
عزمي:بهوي
عامر: شبك
عزمي:شو قلة الأدب هي عنجد نسوان مصيفة
عامر:اي اسمعت شو صار؟؟
عزمي:قال احملها والافندي شغلتو
عامر:هههههه وليش التسفيق
عزمي:قلة عقل بس لاعمللهن عرس ما صار انا بفرجيهن ما بيكفي
عامر:هههه شو في ولاه
عزمي:خلص خلص
عامر:هي الخطبة شوو غشيم عن عاداتنا
عزمي:لازم يحرمو شغلة الكشف خلص بحجاب وفستان مستر شو قلة الأدب والله ما ضل شي للعرس
عامر:اعصابك ولووو هو كل ممنوع مرغوب خليهن ينبسطو
عزمي:من ناح البسط محمد بعالم تاني
.......
طبعا ما خلنو يطلع كل شوي رقصة وانا مسايرة بس جكارة بالعدا انا بدمي بيمشي مجاكرة إكتر من اي شي تاني وبعد المغرب حطو العشى طبعا انا ومحمد لحالنا تعبانة وكل ما اشوف مخدة بدي ارمي راسي عليها بس مجبورة وكل شوي تفوت تتفقدنا ماما او سيدرا لحتى ناكل
محمد:ما باركتيلي
بلسم:ليش
محمد:ابن عمك
بلسم:مبروك
محمد:مبروك عليكي قلبي❤️
بلسم:...
محمد:انا اليوم اخلقت
بلسم:عم تبالغ
محمد:لا والله الي جواتي ما بينوصف
بلسم:يعني صار الي بدك اياه
محمد:اكيد
بلسم:حددو موعد خطبة سيدرا
محمد: شو بدنا فيهم خلينا بحالنا
بلسم:...
محمد:انتي هيك بتسحري
بلسم:..
محمد:ما فكرتك بهالجمال
بلسم:مبينة بشعة
محمد: انا خايف عليكي من عيون كل الي شافوكي
بلسم:...
بقلبي:وانا خجلانة منك كتير
محمد:لو شاوروني قبل ما بخليكي تنكشفي على حدا
بلسم: بكيفك لانو
محمد:من هاللحظة بكيفي
بلسم:انا حتى انت مابدي تشوفني هيك
محمد:ولا انا اصلا لساتني مصدوم
بلسم: خلص رح ابدل تيابي
محمد:ما رح يأثر
بلسم:طيب الاكل
محمد:كتير طيب بس مو امك الي طابخة
بلسم:شو عرفك
محمد:اكل مرت عمي الو نكهة خاصة
بلسم:هيك لكن ما بتفوتك فايتة
انفتح الباب متل المداهمة وكان عزمي ومنيح عم نتعشى ونتساير
عزمي:شو مطولين
محمد:ليش
عزمي:يعني حابين نسهر معكن
محمد:اي تعال مين ماسكك
عزمي:...
اشرلي بمعنى تعالي ودغري الحقتو فتت ل غرفتي وكنت متأكدة انو موعاجبو وامي لحقتني وبكل عصبية
عزمي:يعني لشو كل هاد
ماما:شوفي
عزمي:والله ما بيجوز تنكشف عليه
ماما:شو بدك تغير الدنيا هيك بصير بكل خطبة
عزمي:والله بس شفتها هيك اخجلت اخجلت من حالي ومن الناس
ماما:نحن احسن من غيرنا بكتير
عزمي:والله شي بيغضب رب العالمين يعني انتو ضامنين يضلو مع بعض انتو عارفين شو ممكن يصير
ماما:هلا كل الي عملو وانت شاكك
عزمي:واثق فيه هي ام راس يابس بلكي اجتها الجنية وبطلت
بلسم:شو بدك يعني
عزمي:اتستري احسن ما احرق البيت بلي فيه
بقلبي: بكرة منشوفك بخطبتك يا مؤدب
ماما:بدلي تيابك
بفوتت عمتي وصفية
عمتي:شوفي
دغري طلع عزمي
ماما:لا ولاشي يلا ماما بدلي تيابك

طلعت وتركتها عندي اخدت بلوزة نص كم سودة وبلوزة صوف خمرية
عمتي:شو مبسوطة
بلسم:يعني هاد يوم كل بنت بتستناه
عمتي:بس مو اكتر من محمد بكرى ليعيشك على كفوف الراحة
بلسم: الله يسمع منك
عمتي:بدك تبدلي الفستان
بلسم: اي والله
عمتي:اعطيني لفكلك السحاب
بلسم:لا بعرف اشلحو
عمتي: يوه خجلانة مني انا بدي اساعدك
طاوعتها
بلسم:اي هيك منيح
عمتي:ليش خجلانةة مني انتي متل بنتي
بلسم:ماني متعودة
عمتي:هههه ضحكتيني لكن كيف بدك تتجوزي وبدك تنكشفي عليه
داق خلقي منها ومن كلامها ومن كلشي عم تلمحلو
بلسم:عمتي اتركيني لو سمحتي
عمتي:شو كفرت هي سنة الكون
سمعتني حكي انصدمت فيه طلعت وهرو دموعي خجل وخوف دق الباب ومابعرف شو اعمل بس اكيد ساح المكياج واكتر شي كرهانتو هو محمد ومن كلشي عمتي حكتلي عنو
سيدرا:يلا وليه افتحي
بلسم:يلا
بدلت الفستان اللبست بنطلون جينز ولبلوزة وفتحتلها ودرت وشي وقت شافتني انصدمت
سيدرا:عم تبكي
ولتكمل معي فاتت سلام
سلام: ليش عم تبكي
سيدرا:عمتي مو
بلسم:...
تعليق

سلام:شو صاير بلا
بلسم:مابعرف بس هي ما بتستحي بنوب
سيدرا:مو حلوة افرديها يلا اصلا كل غايتها تنزع عليكي هالفرحة
بلسم:انا تعبانة كتير
سلام:امسحي المكياج لانو خرب
بلسم:..
رحت للحمام دغري مسحت المكياج وغسلت بصابونة وارجعت للغرفة
ماما:بشوفك هون خطيبك لحالو
بلسم: مابدي شوف حدا
ماما:ما كان فيكي شي
بلسم:مو طايقيتو
ماما: لك شو عم تخبصي يلا
بلسم:هلا بروح وبقلعو مابعرف شو بيطلع معي
ماما:شو صار فهميني
بلسم:قرفانة منو بس هيك
ماما:وطي صوتك لا يسمعك
بلسم:ويسمع انا بدي اياه يسمع اني قرفانة
منو
ماما:يبلاكي بحمى اي اخرسي
سكرت الباب ب عصبية وطلعت وأنا انهرت من جديد
.......
كان حاسس انو في شي اجت مرت عمو
ام عزمي:بلسم تعبانة شوي
محمد:شو صار بلا
ام عزمي:والله مابعرف بس كانت عمتها بالغرفة وابصر شو مسمعيتها حكي
محمد:طيب بس تروق خليها تحكي معي
ام عزمي:خليك عنا والله ما بصير
محمد:على كلا انا تعبان كتير
كان البيت شبه فاضي الكل رجعو لبيوتهن واهلو بلشو يرتبو اغراضهم للرجعة واستغربو جيتو
سلام:شو راقت بلسم
محمد:شو صار مو لافهم
حنان: ابصر بس كانت تبدل تيابها وعمتي فاتت لعندها
نيفين:ما ارتحتلا لعمتك بنوب
سلام:ما شفتها
محمد:لا
حنان:مابدك ترجع معنا
محمد:لا راجع
ام مهىان:لا يوه خلص اجازتك هون
محمد:وشو الفرق
ابو مهران:كنت تيجي وانت عزابي هلا خطبت وبدك ترجع خليك وانا ببعت مين يجيبك
محمد:...
تركهن وراح للغرفة بدل تيابو ولبس بيجامة رافض كل مكالمات عزمي وبدو سبب مقنع لزعل بلسم ولعصبية عزمي.

........
بعد ال١٢ تعبانة نعسانة وكمان ما بدي انام فاتت لعندي ماما وقعدت جنبي .
غمضت بس شفتها ومسحتلي دموعي
ماما:شو حكتلك
بلسم:كلشي قلة ادب
ماما:يعني شو اعملا فيني افهم
بلسم:لا بس انا مو طايقة حالي
ماما:هي غايتها تكرهك الخطبة
بلسم:وازا الي حكتو بدو يصير مابدي اتزوج
ماما: انا مابدي اعصب عليكي ولا ازعلك شو ما حكت ما بهمني الزواج مو لمصلحة فردية الطرفين بكونو عم يدورو على شريك مناسب يكملو معو حياتهن بمصاعبها ب مشاكلها وكمان ب سعادتها مو بس نمنا واكلنا واشربنا
بلسم: انا مو متخيلة اشاركو الحياة
ماما: هلا نحن النا بالواقع للزواج بفرجها الله ايام الخطبة كتير حلوة لا تنزعي على حالك مشان حكي فاضي عمتك الي بتحكي من ايام الخطبة استلمت جوزها خصصلها راتب شهري نستو اهلو
بلسم:مبين عليه اجدب
ماما: لهيك لا تبيني لحدا مشاعرك والي عملتيه غلط لازم كملتي السهرة معو انتي خجلتيه حتى قدام اهلو لازم هلا لحتى روح من عندك
بلسم:...
ماما:بكرى راجعين ولازم تروحي تودعيهن ومابدي يتكرر الموقف يعني مسكلك ايدك وحسيتي انو متدايقة فيكي تسحبيها منو بهدوء لا تعامليه بهمجية
بلسم:وبلكي اتمادى
ماما:لا ما بظن وانت عيشي اللحظة. وهلا نامي والصباح رباح لا تفكري بشي
تركتني اسرح بخيالي بس كلامها ريحني كتير وقت غمضت حسيت كلشي فيني مكسر حتى عيوني عم يحرقوني
....... ....
فاتحين السيارتين وعم يحطو الشناتي ويتفقدو اغراضهم وسلام شبه رافضة الرجعة وبنفس الوقت مو قدرانة تحكي
بجية بيت ابو عزمي وبيت ابو عامر شوفة عامر ردتلها روحها اجتمعوا بساحة البيت والهوى عم يزيد ولغيوم محملة مطر
ابو عزمي:مع انو بكير
ابو مهران: عندي اجتماع ضروري
ابو عامر:بسلامة انشالله
ام مهران:بتزورونا
ام عزمي:انشالله
مهران:ابنكن أصيل هااا مو تفكروا النا
عزمي: تبري ولا عطية
مهران:شو فرقت
عزمي:ازا تبري منتبناه
عامر:واعرضوه للبيع
سلام:المشكلة نايم
عامر:يعليي عليه
حنان:زورنا عزمي
عامر:بس عزمي
حنلن: خلينا نفتخر انو عنا عيون ملونة
نيفين:هههه وينو يسمعك
عزمي:منتشرف والله
وهلا حان وقت الرحيل بلشو وداعات احضان وعم يوصو بعض ركبو بالسيارات وطلعو من التلة
بيلسان:ليش ما اخدو محمد
ابو عزمي:باعوه
نوارة:هو قبل يخطب بحب التلة كيف بعد ما خطب.
ابوعزمي: الجو بارد
نوارة:فوتو ليش واقفين
ابو عامر:اجينا نودع ابو مهران
نوارة: اي فوتو بدنا نشرب قهوة
.......
فتنا لغرفة لضيوف ومن كتر مافي خصوصية محمد بسابع نومة على فرشة أرضية حسيت بخجل لانو خطيبي وعامر وعزمي راحولو
بقلبي: اوف من ستي ليش خلتنا نفوت ما بصير
سيدرا:هههه يلا عريسنا صحصح
اتجلس غصب عنو كان منظرو بضحك وهو نص مغمض
عزمي:متل ما ودعت تلاقي
محمد:ليش سافرو
عامر:من شوي طلعو
محمد:طيب ليش ما خبروني
ستي:بدك ترجع معهن
محمد:هيك ع اساس لاتصل فيهن
ماما:خليك شو بدنا نعزمك عزيمة
طلع من الغرفة والاهم موبايلو بايدو ليروح يضيع منو
وانجبرت ارتب مكانو طويت لحرام واخدت لمخدة ورحت حطيتهن ب غرفة ستي لروح اتحركشو كان بالمطبخ انتبهلي بس ما اهتملي كان عم يعمل سندويشة

بلسم: اعطيني عنك
محمد:خلصت
صب كاسة شاي قربت لصرت بجنبو وهو عم ياكل ويشرب شاي
بلسم:زعلان مني
محمد:ما بتتواخذي
بلسم: يعني زعلان
محمد:انا اتقلعت تقلييع من بيتكن
بلسم:لا والله
محمد:فسريلي يلا
بلسم:عمتي هزت بدني
محمد:ع فكرة شايفة هالحيط
بلسم:شبو
محمد: شفتيه
بلسم:اي
محمد: ازا بتضلي حاطة راسك براس عمتك ولايمكن نستمر ونتقدم خطوة متل هالحيط علاقتنا رح تصير
بلسم: شايف الباب
محمد:...
اطلع فيني مصدوم
محمد:شبو
بلسم:هههه لا بس حاولت اطالع حكمة منو ما طلع معي
محمد:عنجد بحكي بلسم
بلسم:مشان الحيط
محمد:اي رح نضل بمكانا لحتى نهد الحيط
بلسم:لا منعمر باب لا تخاف
فرطت ضحك وهو لساتو معصب
محمد:وعم تتمسخري انا ما نمت من قهري
بلسم:لا انت شكلك متعود على السهر وبدك تلزقها فيني
محمد:انا بدي سبب مقنع
بلسم:لشو
محمد:شو الي منعك تسهري معي
بلسم:هزت بدني الله يلعنها
محمد:وانا شو علاقتي.
بلسم:والله كنت ناوية اكمل السهرة معك بس هي
محمد:شو عملت
بلسم:لا بس بتعرف حكيها
محمد:من اولها
بلسم:اعملك فطور
محمد:يكتر خيرك يسلمو
بلسم: احسب حسابك بالقهوة
محمد:انت وكرمك
بلسم:هيك اشبعت
محمد:مافي نفس للاكل
بلسم:هههه وع شو عازمنا اليوم
محمد: ماحدا عزم
بلسم:مبارح عنا الي قبلو عند ستي والي قبلو عند بيت عمي واليوم عليك
محمد: المفروض انتي تعزمي
بلسم:ومابدك احليكن
محمد:ازا بتعرفي تعمليلك شي اكله حلو لا تقصري
بلسم:لا تضل هيك اللبس شي
محمد: ليش شبهن تيابي
بلسم:مو حلوة تضل ببجامة
محمد:وشو دخلك
بلسم: بعدين سيدرا بتعييرني
محمد:لاااا انتصرنا
تركني وراح عملت القهوة بس هو شاطر كتير كان مبدل تيابو لابس بلوزة نص كم وجينز وبرى هوى ورعد ومطر ضيفت الكل وانا قاصدة اجاكر سيدرا قعدت جنب محمد حتى عزمي انتبهلي
وقلت بدي اعيش الدور مكسور خاطري عليه لانو متقلع من بيتنا 😂😂😂
همستلو
بلسم:معصب
محمد:شو شايفة انتي
بلسم: امبلا معصب
محمد:اخد على خاطري
بلسم:مني
محمد:لا من اهلي كيف رموني هيك
بلسم:بلااا شو قصدك
محمد: حتى وداع ما ودعوني بتسدءي ودعو روز قبل نطلع من هنيك
بلسم:مين روز
محمد:الي بتشتغل ببيت اهلي
بلسم:وحلوة
محمد:بلسم فتحي مخك وين راح
بلسم: اسمها حلو وهي حلوة
محمد:ههههه لاااا انتي مو معقولة
....
عزمي يطلع بس سامع صوت تمتمة بدون صوت ظاهر والكل مشغولين بالحكي ولمسايرة والافندي والانسة بعالم تاني وبدو يروح يخرب عليهن بس رح تتفسر على غير محمل
بقلبو:ليش انا مو طايق يقربو من بعض
اطلع بكل الحضور مبين الشي طبيعي
بقلبو: معقول أنا غيران منهن ولا شو عم يصير معي اخ انا مو على بعضي وازا بضلو هيك اسبوع كمان رح احرق الدنيا روق عزمي بكفي مبارح وشو صار اتامل بلسم كيف بجنب محمد مو مبينة مغطيها لانها هي ساندة حالها على الحيط وحاطة ايديها على ركبها ومحمد اكيد غرقان بتفاصيلها
نكشو عامر.
عامر: انت معصب عزمي
عزمي:لا شوف ما احلاني
عامر:لا رح تفرقع لانو محمد وبلسم سوى
عزمي:شو بيحكو
عامر:مو مهم بس انت ركزلي على محمد اكيد مبسوط
عزمي:انت بدك تجلطني
عامر:هههه وبلسم ما فكرتها فري هيك
عزمي:اتفرفر روحها ونخلص منها
ضحك بصوت عالي عامر
وسيدرا متل الصنم مو عرفانة شو تعمل
.........
كان مو مسدء انو هي جنبو بصفتها خطيبتو
بقلبو:حاجتك يا اجدب مكبر الموضوع هي انسانة عادية وبتساير ليش كانت عنيدة من قبل وليكها جنبي وعم تمزح وتضحك
بلسم: ومطولة اجازتك
محمد: شغلة اسبوع
بلسم:اترك الشغل شو بدك فيه
محمد:وانا هيك رأيي عندك اقتراح تاني
بلسم:عم تتمسخر مو
محمد: شغلة وحدة اكلي واشربي عليها بس اطلع من الشغل بكون مسلمها
بلسم:لمين
محمد: هههه اكيد مو للورقة ل روحي
بلسم:بلا جد مافي استقالة
محمد:في بس دغري ع التصفيات
بلسم:وانت ليش بتحب النفش يعني ليقولو محمد بالامن
محمد:لو سمحتي امن عسكري
بلسم:مظاهر مو
محمد:ميو
بلسم:لا تتمسخر
محمد:اوف كورس
بلسم:يا الله منك
محمد:شو خطرلك جاية لجنبي
بلسم:بتعرف عليك
محمد: وعجبتك
بلسم:ك الشكل لا
محمد:اديشك مغرورة
بلسم:اد مافي براسك شيب
محمد:ههههه يا الله متواضعة كتير يا بنت
بلسم:صلي على النبي بعدين بتجيب اجلي
محمد:...
تأمل كل ملامحها بعدت نظرها عنو بس هو ما خجل من نظراتو انسحر بكلشي اتامل ايديها غمض معلن الخسارة ومعترف انو مهزوم قدامها
اخد الموبايل وسند ظهرو على الحيط يتسلى ويحاول يتجاهل موجة العشق الي اكتسحتو
.......
كنت مراقبة بطرف عيني شو متابع على الفيس بوك كلو شبكات اخبارية شوي وصوت المطر صار قوي لهيك فتحنا الشبابيك نتفرج ولا كانو مشغلين صوبيا
بيلسان:رح انام عندك ستي
عزمي:طايفة تلج لانو
عامر:هيك شارع لو انك متل باقي لولاد الشوارع طين

بيلسان:اي امبلا بس برد كتير
ستي:لا تروحو بدنا نتغدا سوى هلا البنات بيطبخن
عامر:المشكلة التنتين محنيات
ماما:مو بكيفهن
سيدرا: منجلي ومنطبخ
عزمي: مافي داعي نعزبك ستي
ستي:لا عزاب ولاشي الخير خيركم والشغل عليكن
كلنا اضحكنا بصوت واحد
ماما:وشو حابة يطبخن
ابو عامر:رح اوصي على فروج ني خليهن يطبخن
انطمزت انا وسيدرا رح نعلق بالزنخة كمان
طلعو الشباب لبرى ونحن عزلنا الغرفة واستملنا المطبخ شغلت اغنية حماسية لتقتل الملل وتخفف برد المي لانو اتجمدنا بس حسيت انو رح تصير ذكرى هالايام
نظفنا الجاج انا وسيدرا وانا طبخت رحت اتفقدت الشباب وما لقيتهن كنت حابة اشغل اركيلة
سألت ماما
بلسم:وين الربع
ماما:راحو مع عامر على الموتور
بلسم:لتلات😂
ماما: شايفة والدنيا مطر
بس انا فرحتي مو عاطيتها لحدا غمزت بيلسان واجتني
بلسم:الك ولا للديب
بيلسان:شو بدك
بلسم:بس تعرفي عمي او بابا جايين صوب المطبخ خبريني
بيلسان:ليش
بلسم: بدنا نأركل
بيلسان:وانا
بلسم:بس نخلص منندهلك بتكمليها معنا
بيلسان:وستي
بلسم:النسوان عادي
بيلسان:..
اتفقت معها ودغري رحت جهزت قعدة بالمطبخ وكاسة شاي وسيدرا جهزت الاركيلة حطيت بيناتنا مخدتين وبلشنا على سحب وع الدور
سيدرا:ياريتها ضلت سلام
بلسم: حسيت ما الها خاطر بالسفر
سيدرا:وكان بدها بس كلمة لتضل
بلسم: وانا هيك حسيت لو انها معنا كنا انبسطا كتير
سيدرا:اي والله اعطيني رايك بالنفس
بلسم:معلمة والله لازم نشغلك بقهوة
سيدرا:هههه ولي على عيونك شايفيتني جرسونا
بلسم: عيب يعني بتعرفي انا امنية حياتي اشتغل واسس حالي
سيدرا:اوف
بلسم:اي ونفسي اطلع من التلة وعادي اشتغل جرسونة بمعطم بكافيه واتعرف على ناس جديدة واعيش مغامرة متل هدول الي ما الهن حدا
سيدرا:انتي عاقلة بنت عمي ولا هبلة
بلسم:عاقلة وحابة يكون الي مصروفي الخاص اطالعو من تعبي لا اعتاز اخي ولا جدي
سيدرا:هلا انتي مخطوبة وانسي
بلسم:وهيك اتعرف على شب كيوت طول وعرض كتاف وعضلات وأشقر وعيون خضر ويكون اسمراني وصاحب شركة واتوظف عندو وتبلش قصة حبي
سيدرا: هاتي حرقتي النفس بلا جنانك
بلسم:انتي ليش هيك بتنزعي لحظات الحب ويعزمني على ديسكو
فرطت ضحك قهرتها
سيدرا:ديسكو مجنونة انتي
بلسم: اي من الاساس ما بكون محجبة وهنيك بالديسكو شب ازعر يحط عينو عليي ويقوم حبيبي ويضربو وتعلق
سيدرا:😂😂ياربي حدا يجي يشيلها من خلقتي
بلسم:لك خليني احلم ويقوم يجرح ايدو وانا اضمدلو اياها انتبهي سيدرا بهالاثناء بيلتقو عيوني بعيونو وو
سيدرا:كملي ليش استحيتي
بلسم بهمس:يبوسني
سيدرا:هلا بس يجي الخطيب بوسيه شبعيه بوس
بلسم:بلااااا هلا الي راسميتو ببالي متل هاد الي عندي
سيدرا:بلسم استحي بقى
بلسم:وتكون اطيب بوسة بالعالم
سيدرا:الله ياخدك من وين جايبة انحرافك
بلسم:من المسلسل التركي ولي على عيونو كيف غافلها وباسها
سيدرا:وينو يسمع شو مشتهية
بلسم:محمد
سيدرا:لا عزمي خليه يجلدك
بلسم:ما دخلو وما الو يتحكم بخيالي
سيدرا:بربك انتي اوعى تصيري صاحبة مسؤولية لانو رح تفسدي جيل والعياذو بالله
بلسم:حبيبتي الجيل فاسد بتعليمي وبدونو وبعدين كل حدا فينا عندو قناعة انتي اقتنعتي مني مثلا احرضك تروحي تبوسي عزمي
خجلت واتلونت
بلسم:بحكي عنجد هلا بس يجي عزمي روحي اغمريه وبوسيه
سيدرا:عيب وحرام استغفر الله العظيم
بلسم:هاي بقى قناعتك وانا مافيني اقنع الناس اعرفتي
سيدرا:بس بدك اخلاقية
بلسم:هاتي حرقتي اخت النفس
سيدرا:مو معبي عينك يعني
بلسم:لا وبشمئز منو من حديثو وسيرتو وكلشي فيه
سيدرا:عنجد
بلسم:والله حدا فرض حالو فرض علينا وانا كل ما اتزكر كيف وقف جوازتي مابعرف شو بصيرلي
سيدرا:من شوي كنتي بجنبو
بلسم:هههه كنت عم جاكر فيكي
سيدرا:انتي بدمك لمجاكرة بعدين افرحت لانك بجنبو
بلسم: اصارحك
سيدرا:اي بقي الي عندك
بلسم:انا قلبي مقبوض من لجواز كلو
سيدرا:...
بلسم:وبحس انو مارح اتوفق
سيدرا: اي مدامك راسمة ببالك مواصفات اي عكس هيك تماما
بلسم:يعني بشع محمد
سيدرا:بلعكس شخصية وحلو وجذاب
بلسم:انا بتزكر اني بكرهو من وقت كان بصفي متزكرة وقت رسب
سيدرا:هههه صار رفيقك كنت كل ما اروح شي مشوار تكونو قاعدين تنقشو الوظايف من بعض
بلسم:اي وكان يخليني اكتبلو وكان الأستاز يبهدلني لاني بكتبلو
سيدرا:ههههه والله ايام كانت حلوة متزكرة شو يعملو بفترة العصر نحن بدنا نحضر الحديقة السرية وهني الكابتن ماجد وتعلق
بلسم:بس كان عطول مهران يبهدلهم ويضربهم والله احلى ايام حياتنا هون عشناها ببيت ستي
سيدرا:وكانو عطول يعيروكي ماري ام شعر منكوش
بلسم:ههههه من غيرتك والله
سيدرا:لك هني مو انا
بلسم:لا انتي عم تزكريني ومبسوطة فكرك اتعيب بشعراتي

سيدرا:هههه دبحتيني والله
بدقة الباب ورحت لشوف شو بدها بيلسان وانصدمت كان عزمي دفشتو بدي اقفل بس هو بدفشة طيرني واتاريه معو عامر وفتح عيونو بصدمة ووراهن محمد يطلع مو عاجبو وسيدرا تركت الاركيلة وضلينا مصدومات
عزمي:لعمى ما اقل ادبكن
عامر:لك شو هااااد ما اختنقتن
عزمي:انت خايف عليهن ويموتن مين الي شغلتها.
سيدرا بلسم :مو نحن
محمد:عنجد شي فاخر والله بالقهاوي ما بتكون الدخنة هيك افتحو الشباك افتحو
عزمي:انا عنجد اوقح من هيك ما شفت
عامر:واربع فحمات شغل تحشيش
محمد:ليش من وين الكن لمعسل
بلسم:مو نحن
عزمي:بتكزب عينك عينك والله لانده لبابا يجي يشوف بنتو
مسكتو من ايدو
بلسم:خلص امانة والله ما بعيدها
عامر:انتي بالبيت رح اربيكي
كان محمد معصب اي مبين مزعوج وما خطرلي بنوب اكون السبب مبين عليه فري خفينا كل الاركيلة ورتبنا المطبخ وبلشنا بتجهيز الرز ولملوخية المي باردة واتجمدنا نوصنا على الاكل وضلينا بالمطبخ
سيدرا:زعلو مو
بلسم:انا ما خفت من عزمي بس محمد كان ما بيتحاكى
سيدرا:اي والله وانا استغربت مع انو مبين عكس هيك
بلسم:انا عم ارجف من بردي
سيدرا:تعالي نروح
بلسم:وبلكي حكو
سيدرا:معقول يحكو
بلسم:الله لا يوفق اختك
سيدرا:يمكن نسيت عقلها مو معها
شجعنا بعض واتعازمنا مين بدها تفتح الباب فتحتو وفتنا سوى وما اقدرت اطلع بالشباب وقعدنا جنب الصوبيا
ستي:الله يعطيكن الف عافية
عزمي:اي والله ويكسر أيديهن وراسهن
ام عامر:فوق ما عم يطبخن
عامر:اي الصراحة الله يعطيهن الف وخمسمية عافية
ماما:عم تتمسخرو اصلا لو بتدورو كل التلة متل ركازة وشطارة بلسم وسيدرا مافي
محمد عزمي عامر بصوت واحد:اي امبلا
بابا:على شو بتلمحو
محمد:ع الركازة
عامر:والشطارة
خفت والله ليحكو واتبهدل
عزمي:وال
ستي: اخرسو لتلات على بنات ابني لا تحكو
كتمنا الضحكة لانو لو اضحكناها كانو حكو واعلقنا معهن
ام عامر: يعني جاهز الاكل
بلسم:تكة وبجهز
بابا:ومين الطباخة
بلسم:سوى طبخنا
ستي:الله يحميلي اياكن وايمتى نويت يا ابو عزمي نفرح ب عزمي
بابا:بعد بكرى رح نجيب الدهب والي بعدو انشالله حفل الخطوبة
ستي:لازم ضل ابوك هون
محمد: ما شاورني
عامر:لو شاورك بتخليه
محمد:لا ما رح يسمعو مني بس كنت خليت البنات هون يسطفلو لكبار
ستي:وما احلاهن مو حاضرات انا بتصل فيه ما بيكفي قطعنا سنين
ابو عامر:كان يأسس حالو
ستي: الله يسامحو اديش بعد عننا
ماما:يلا يا بنات شو صار بالاكل
رحنا شيكنا ع الاكل وجهزنا صحون وبيلسان الي جهزت مكان السفرة صبينا للرجال لحال والنا نحن النسوان لحال لساتني متوترة من شغلة الاركيلة رغم انو نص بنات التلة بيأركلن بس نظراتهن حسستني انو عاملين شي ما بيجوز ومنيح ما فتنو اشبعت اول وحدة ورحت أنطر بالمطبخ لحتى اجلي بأول بأول
.......
اتصال من وصفية على امها
نوارة:اي حبيبتي هي اخواتك ونسوانهن وولادهن هون....اي شوفي عندك.....اي منيجي شو ورانا مبروك يارب اي ماشي ولايهمك لا منيجي كم مصعب عنا ...؟اي لا تشيلي هم
سكرت نوارة ولعيون عليها
ابو عزمي:شوفي امي
نوارة:اليوم بدهم يتقدمو لبنت العطار
ابوعامر:وهلا لخبرو نص ساعة وبدو يأذن المغرب
نوراة:يعني بكونو انشغلو هي عزمتكن انتو ونسوانكن
ابو عزمي: اي منروح
عزمي:ونحن
ابو عامر:لا بتضلو هون بالحارة كيف بدهن يضلن البنات يعني
عامر:ع اساس شوفة مصعب شوفة
عزمي:منكزب ع العالم شبك ولوو
نوارة:ليوم الخطبة اكيد
دغري شبعت سيدرا وراحت تخبر بلسم الي واقفة عند الشباك ومبتسمة وزخات المطر خفيفة ولطيفة
سيدرا:بمين بتفكري وليه
بلسم:هههه لا ولاشي شبعو
سيدرا:ورح يروحو
بلسم: لوين
سيدرا:مصعب شايف عروس واليوم بدهن يتقدمو وبتعرفي انتي واجبات اخوال العريس
بلسم:ونحن
سيدرا:نحن لا رح نضل هون
بلسم:لحالنا
سيدرا:لا رح يضلو ثلاثي المرح
بلسم:مع انو مو طايقة شوفتهن
سيدرا:هههه اي قليلة الرعبة يمكن انقطع نسلنا
بلسم:هههه خسارة والله
بيلسان:يلا تعالن شيلن الاكل
بلسم:يلا سيدرا بدون الخدامات مافيهن
.....
رحنا اخدنا الاكل وكانو عم يجهزو حالهن للروحة
بقلبي: ايمتى بدي اوصل لهالمرحلة حدا يخدمني واعمل مشاوير وزيارات وابهدل واااخ بس نحن لو كبرنا منضل محكومات
خلصنا جلي وحطينا ابريق الشاي على الصوبيا واجت سيارة لحتى ياخدوهن ونحن برى الجو هوى وبرد وبدها تعتم العين وصايا كتيرة
ماما:بتضلو هون
عزمي:ولايهمك
بابا:بتتسلو
عامر:لا توصي حريص
بيلسان: خليني اروح معكن
ام عامر:لا حبيبتي برد ولزيارة بس للكبار
ستي:يلا رح نتاخر
راحو ونحن لسى برى عم نتأمل الجو
عزمي:فوتن
سيدرا:خلينا شوي
عامر:فوتن بلا قلة عقلكن
كان محمد بالغرفة ومشغول بالكتابة هيك مبين معي ونحن اتمركزنا حد بعض وشغلنا الشاشة على مسلسل تركي وهني التهو على موبايلاتهن

وهلا نطقت بيلسان
بيلسان'اسمعتو اخر خبر
كلنا انتبهنا
عزمي:نورينا
بيلسان:هي بلسم كانت عم تحكي ل سيدرا انو بدها تروح للديسكو
انصدمت وحتى سيدرا اتلبكت
سيدرا:بتجدبيها
بيلسان:امبلا وحكت انها حابة شب اشقر وعيونو خضر
مابقى سيطرت على توتري وحسيت انو جسمي خدران
بلسم:من وين جبتي الحكي
سيدرا:بتكزبي عينك عينك
لتلات يطلعو فينا وانا محرجة
بيلسان:ما بكزب والله انشالله بموت ازا بكزب وحكتلها يكون
سكرتلها تمها سيدرا
عزمي:صحيح بلسم
بلسم:لا اابدا ما حكيت مابعرف من وين جايبة الحكي
عامر:هو في ديسكو هون
بيلسان: وحكت بدها تهرب من هون وتسكن بالمدينة
صفعتها كف سيدرا وصارت تبكي
بلسم:لك ليش ضربتيها
سيدرا:لانها قليلة ادب وما بتستحي من وين جابت الحكي
عزمي:لو مو سامعة ما بتحكي بس انا ما اعرفت مين الاشقر الي حابيتو
بلسم: ..
اختنقت اتمنيت لو متت وما انحطيت بهيك موقف لانو محمد مبين معصب
سيدرا: هو في حدا اشقر هون
محمد: مابتعرفي يمكن من عالم الاساطير كمان يكون
عامر:لا مو معقول بلسم ما بطلع منها هالحكي
بيلسان:😭😭 امبلا وحكت انو مابدها محمد وانو
عامر:خلص وليه حاجتك انتي صايرة وقحة
محمد:خليها تكمل انتو ليش خايفين كملي بيلسان
بيلسان:لكن انا تضربني مشان بلسم والله لاحكي لبابا ولعمي والله
بلسم:الله يسامحك بس
بيلسان:وقال مقبوض قلبها من الزواج وانو محمد فرض حالو فرض عليها
اطلعت من الغرفة دغري تركت سيدرا تبهدلها هي وعامر ودغري لحقني عزمي ومسكني
عزمي:انتي حاكية هالحكي لك بلسم
بلسم:لا ما حكيت
عزمي:احلفي لشوف
بلسم:ليش احلف انتو حاطين عقلكن بعقل بنت صغيرة
عزمي:لانو الي حكتو مو حكي ولاد صغار شو هي فرض حالو انتي ما بتستحي
بلسم: مابعرف من وين بتجيب الحكي سدءني
عزمي:والله متحلفلك انا بفرجيكي هون مارح تنضربي بس بالبيت انا بدبرك
دفشني دفش كنت بقمة القهر فتت للحمام وبلشت ابكي بس ما ارتحت حسيت حالي وحدة صغيرة وانا كيف امنت احكي وبيلسان كانت تتسمع علينا ولييي لو حكيت هديك لكلمة بصوت عالي ليش هيك عملت والله حكي كلو ومنيح لو بابا وماما هون لاتبهدل بهدلة لكلاب
بدقات ع الباب
سيدرا:بلسم
بلسم: شوي وجاية
......
بالغرفة عامر يتحلف ل بيلسان وعزمي معصب ومحمد ماحدا بيعرف بشو عم يفكر
عزمي:بيلسان انا زعلان منك
بيلسان:ليش
عزمي:خلص زعلان وبس
عامر:هي بتحكي من عندها
محمد:عادي ازا مشاني لا تهتمو
عزمي:شو هي مشانك يعني منيح الي خبصتو
بيلسان:اصلا هي بتحب ايوب
انصعق محمد وحتى عزمي
عزمي:خلص وليه نحن اعطيناكي وش كتير
بيلسان:كنت كليوم اشوفو يجي للحارة وتكون بلسم تنشر غسيل وكان يمر بالساعة تلت مرات
عامر:خلص سكري تمك
رجعت سيدرا لحالها
بيلسان:وينها حبيبة ايوب
سيدرا: لك انتي شو بتخبصي
بيلسان:مو بتحبو كمان
سيدرا:عامر بدنا نرجع يلا
عامر:حسابك بالبيت انا بفرجيكي
روحو وطول الطريق يدفشوها ويبهدلوها وهي عند موقفها
......
لساتني ب غرفة ستي مو مسدءة ايمتى يرجعو اهلي بعد ما راحت سيدرا استوحشت عم ارجف من بردي اسمعت باب الغرفة انفتح وشوي اجى عزمي
بلسم:بدنا نروح
عزمي:لا تعالي الجو برد كتير
بلسم:..
عزمي:حسابك عسير والله
بلسم:...
جريت حالي جر ما اقدرت اطلع فيهن لاول مرة كل ما اتزكر الي صار قلبي ينقبض ودموعي جاهزة معقول انا اغطلت لازم ما حكيت
كان محمد لابس طاقية جاكيت البيجامة على راسو وغرقان بموبايلو بس الواضح انو زعلان مشان الي حكتو بيلسان ياريتني متت ولا حكيت
بلسم:طولو
عزمي:من شوي حكيت معهن نص ساعة بس
بلسم:...
بقلبي قربت البهدلة لكن رح أنكر لاخر نفس وشكلو عنيد وبس بدو كلمة يزعل ما ابشعك وبكرهك كمان
عزمي:ساوي قهوة
دغري طاوعتو بس بدي يرضى وينسى المطبخ بارد كتير ومو مسدءة اغليها وارجع عم افكر كيف فيني ابرر لمحمد الكلام جهزتها وارجعت للغرفة الدفا راحة نفسية نيالهن ضيفت عزمي وهو اخد لمحمد فنجان صار بدي يطلع فيني بس لاعرف شو عم يصير معو بفكر بكلام بيلسان اكيد

.....
بقلبو:ما بتنشرب قهوتك لكن انا فرضت حالي فرض شو الي حكتو بيلسان معقول بلسم حابة شب اشقر مافي الا امين
ابتسم نصف ابتسامة
محمد:وبدها تهرب لعمى شو هالحكي من زمان بتفهم ولا الفهم حال عليها جديد وديسكو قال قسما بالله بدها دبح
محمد:بس شو عليه انا ما رح انسى ولا كلمة وازا عنجد في شي بينك وبين ايوب بتكوني حكمتي على حالك يا بلسم ليش انا ما فكرت انو ممكن ايوب شايفها ومتقدملها معجب فيها وياترى كم مرة شافو بعض وكيف يكون اللقاء
ااااخ كلمة حبيبة ايوب قطعت قلبي
بعد عزمي عنو الطاقية
عزمي:اشرب قهوة
محمد:معدتي متوترة من الاكل
عزمي:ليش شو اكلت يا حسرتي عليك ما دقرت الا كم لقمة رز

محمد:ما بحب الزفر
عزمي:انو زفر الاكل كان بجنن
محمد:لا في بالاكل زفر وما بيواتيني
عزمي:طيب القهوة بتهدي المعدة اشربها
محمد:كانو طولو
عزمي:انا رح اشرب القهوة ورايح
محمد:لو ضلت بيلسان شوي
عزمي: الله لا يسلطها على حد
اتزكر أنها حكتلو من وقت وصل عن طموح بلسم وشو مخبصة لهيك ما الو نفس لا بالاكل ولا بالشرب مابدو عزمي يروح للبيت لو اجو اهلو متأكد في بدن ل بلسم
رجع الفنجان متل ما هو وهي كبيرة بحق بلسم رماها نظرات لا تفسر وهي دغري بعدت نظرها عنو
بوصلة العيلة دغري لبست شالها الشتوي وطلعو لتلات يستقبلوهن
نوارة:ليش مروحين عامر وسيدرا
عزمي:بيلسان نعست
ابو عزمي:يلا مشينا
محمد:عزمي بدو يضل عندي
شاف بلسم اتنفست براحة
ام عزمي:يلا بتتسلو بس اوعى تطلعو لمكان
اطلع عزمي ب بلسم
عزمي:انا
محمد:مو بكيفك انا مستوحش كتير
عزمي:تعال نام
ابو عزمي: وتتركو امي لحالها
ام عزمي:يلا بلسم تصبحو على خير يا جماعة
عزمي: بتسمحلي اجيب بجامة

محمد:هيك منيح اصلا ما بتدفى الا بالجينز
فوتو غصب عنو وسكر الباب وقفلو كمان
عزمي:ليش ما خليتني اروح
محمد:شو بدك تعدل
عزمي:..
اخدو كل واحد من غرفة ستهن حرام وراحو للغرفة بعد ما خلو الصوبيا متل النار
اتمددو بنفس التوقيت
عزمي:لك ليش ما طفيت الضو
محمد:انت اقرب
عزمي:لا انت اقرب شوف بيناتنا نص متر
محمد:انا بنام ما بهمني
عزمي:انت قعدت اخر شي
محمد:لا حبيبي انا قبلك قعدت ومارح اقوم
عزمي:اديش بيني وبينك
محمد: حبيبي ما دخل العمر انت اقرب
عزمي:لا انت
محمد:قوم خلينا نشوف اديش المسافة
وقفو وصارو يخطو بنفس الخطوة لوصلو لكبسة الضو
عزمي:...
محمد:شفت انت اقرب
اطلعو ببعض وضحكو
عزمي:يلا المهم خليتك تقوم
طفوه ورجعو لتحت لحرام
محمد:ليك انا بدي انام اوعك تزعجني
عزمي:لك خليك منجدد شاي
محمد:مالي نفس
عزمي:لا تحط ببالك
محمد:لا رح احط بالخرج انت لا تشيل هم التهي بخطبتك
عزمي: يجعلها خطبة متل الي بضحك على حالو
محمد:هههه

تحت لحرام فتح محادثة خطيبتو العاقلة
محمد:نمتي؟
بلسم:اهلين
محمد:بشوفك ارتحتي لانو ضل عزمي
بلسم:لا ابدا
محمد:انا بعرف انو متحلفلك بس يلا بضل احسن منك
بلسم:انت زعلان مني
محمد:ما بتتواخذي الصراحة
بلسم:هيك صار الحكي
محمد:اي
بلسم:انت باعتلي تبهدلني
محمد:لا قلت محسوبة خطيبتي ولحد هلا ما بعتنا لبعض وكمان تركتيني لحالي مبارح انا كل ما اتزكر فصولك بغص قلبي
سكرت بيانات الهاتف وغمض عيونو مقهور ومو عاجبو كل الوضع
..........
ببيت ابو عامر كانت بيلسان عم تشهق وهي نايمة وامها خايفة عليها
ام عامر:شو صاير معها مخوفينها
عامر:لا والله
سيدرا: بتكون بدها تمرض
عامر:اي اي اكيد هيك لانو روحنا والدنيا برد
ام عامر:صحيح ليش مروحين ما افهمت
عامر:...
اطلع بسيدرا
سيدرا: ملينا
ام عامر:ع الزمة شوفي
عامر:بيلسان خبصت بين محمد وبلسم
ام عامر:كيف
عامر:حكت قدامو حكي على لسان بلسم على انو هو فرض حالو وقال بلسم بتحب ايوب
شهقت ام عامر وانزعجت
سيدرا: ومحمد ما بيتحاكى وتركت بلسم تبكي وعزمي متحلفلها
ام عامر:هالبنت مو معقولة
سيدرا:والله يستر وتعلق براسنا
ام عامر:وهي حكت
سيدرا:حكت بيني وبينها ما حكت للكل
ام عامر:خلص يسطفلو بحلوها بين بعض روحو نامو انا بسهر عند بيلسان
عامر:بدك تبهدليها الصبح
ام عامر: خلص روح انا بتفاهم معها بكرى وبخليها تحكي لمحمدد انو مزح
اطمنت سيدرا نوعا ما وع النوم راحو
.....
اصحيت على صوت دقات الباب اتجلست ب تعب ودغري رحت اشوف
بلسم:مين
عزمي: انا
فتحتلو وضليت ورا الباب وزورني بدل صباح الخير
عزمي: منقبرة كمان
بلسم:...
عزمي:وحدة مخبصة تخبيصك ضميرها ما بنام هيك لازم
بلسم:..
عزمي:لا تفكري انو تهاونت هيك كلشي بحسابو
غص قلبي من التهديد حاولت اتجاهل ورحت للغرفة ضليت افكر واتزكر كيف هداك سكر معي وكنت بدي ابررلو بس ما بيستاهل دموعي شقو الطريق انا بدي اضل عايشة مع هالناس المريضة ما بنسى موقفي مبارح وكيف انقلبت السهرة وانا الي اتخيلت نمزح ونضحك شو بدي احكي الله يسامحك يا بيلسان والله ياخدني وارتاح منهن كلهن هي الخطبة والزواج البطيخ التقليدي
شوي وفاتت ماما هلا صاحية من نومها
ماما:صباح الخير
بلسم:صباح النور
ماما:ستك بدها تعزلي البيت
وبزيادة انقهرت
بلسم:لحتى نفطر
ماما:بتفطري هنيك يعني مين بدو يعملو اكيد مو هي
بلسم:ماشي
بقلبي: يطلبو من سيدرا شو كلو عليي والله انا مليت الله يخلصني من هالعيلة على اهون سبب
جهزت حالي ورحت طبعا ستي ملاقية خدامة بجنبها ساكنة مو طايقة اشوفو مو افطر معو الجو بارد حرام ينشغل لحدا مابدي هالاجر الي بدو يجي من هالناس
دقيت الباب وفتحتلي ستي
بلسم:صباح الخير ستي
ستي:صباح الفل والياسمين
بلسم: شوي باعتة وراي
ستي:اي شوفي الطين برى البيت قايمة قيامتو
بلسم:من وين ابدا
ستي:من جوى بكون اتحممت
بلسم:ماشي
بلشت بالمطبخ كان شبه مرتب كنست الصالون رتبت غرفة ستي واطلعت لبرى كان الطين بكل مكان مع انو زفت شارعنا بس يمكن من مشوارهن لبيت عمتي
كنت هلكانة وعرقانة من شغل جوى وبلشت بشطف بمي بارد وتنظيف الطين لمعلق بالأرض ما خلصت الا وظهري متكسر نشفت وفتت لجوى كانت ستي مخلصة وعم تمشط شعرها
بلسم:خلصت ستي
ستي: يعطيكي الف عافية كانو شفت محمد رايح للحمام فوتي عزلي الغرفة
بلسم:حاضر
فتحت وقبل اكمل ارجعت سكرتو لانو الافندي جوى وعم يلبس ارجعت لعند ستي
بلسم: طلع بالغرفة وعم يبدل تيابو
ستي:والله لكن انا مخربطة
بلسم:رايحة اجهز فطور بكون خلص
مقهورة وبدي ابكي من هالشغلة وبكرى الله لا يتمم على خير بس اتجوز رح اضل خدامة ورح اتصبح بشوفة عماتي وعمامي يعني ليش مو سيدرا بدي افهم
حطيت اكل ع الماشي وهلا صوتو عم يحكي مع ستي ناطرة يصير ابريق الشاي رحت عزلت الغرفة