تتمة ١
وبنص الدك محمد عصب وعلي صوتوا بس عامر رواق يمكن اكتر الورق القوي معو ومحمد افتعل المشكلة وعامر عصب لهيك رمى الورق
عامر: اكلت هوى بما فيه الكفايه
محمد: عم تغش عينك عينك
عامر: لا تاكل هوى محمد
محمد: انا ولا انت الك ساعه بتغش ع مين بتضحك لطشت ل عزمي
عامر: ما لطشت لحدا بشو احلفلك وهي ورقي ها شوف
محمد :كزاب وغشاش يلا ستي مشينا
عزمي: بدنا نشرب قهوة
محمد: لا قهوة ولاشاي يلاا بديع
ماما: لك مابصير
طبعا لبس الجاكيت وستي كمان جهزت حالها وبديع سبقهن لبرى
وعزمي وعامر طلعو كمان وهيك خلي الجو ل عمتي
عمتي: بتعرفو انو محمد سألني عن بلسم
ماما: وشو سألك
عمتي: والله خجلانة احكيلكن
ماما: لا احكي
عمتي: سالني صحيح بلسم رايحة للدكتورة
ماما: اوف اوف من وين جاب الحكي
عمتي: شبعرفني وسألني صحيح بلسم رحمها طفولي وانو ما بتجيب
اخجلت من كلامها وازا عنجد هاد كلام محمد الله ياخدو
ماما: ياعيب عليه عنجد الولد ولد لو عمر بلد
عمتي: انا قلتلو مافي منو هالكلام
وصحيح بلسم طولت لحتى؟؟
ماما: كمان هيك سألك
عمتي: اي
ماما: لعمى مين عم يحكي على بنتي هالحكي مو عيب
عمتي: يمكن هو عم يطالع اشاعات لحتى ما حدا يقرب صوب بنتك بس امانة لا اسمعتو مني ولا حكيتلكن
ماما: ولايهمك
سعدية: بس هو شو بعرفو بامور النسوان
بلسم: شغلتو الكباريهات
عمتي: كبريه شو
بلسم: هو حرام الفضايح بس شفت بموبايلو حفلات اللهم عافينا
عمتي: يييي فلتوا اولاد اخي
يلا ماما سعدية اجى ابوكي تصبحو ع خير
امي ودعتها وهي بقمة العصبية وفاتت ل غرفتها ترتاح اجى عزمي كنت عم ارتب الغرفة وشفت جزدان وموبايل وكومة مفاتيح
حطيتهن على جنب
وكملت ترتيب بدقة الباب ورحت لشوف لانو عزمي بالحمام
بلسم: مين
محمد: انا
فتحتلو مو طايقة شوفتوا
بلسم: شوفي
محمد: انسيت موبايلي
بلسم: شوي بس
سكرت الباب بوشو
عزمي: مين
بلسم: ابن عمك السرسري
اعطيتو الاغراض وراح ليشوفو
بقلمي:مايا الحجازي
#يتبع
قصة #عشق_الأصيل 2
القسم الثاني
بقلمي:مايا الحجازي
كان مقهور من كلمة سرسري من نظرات كلها حقد من معاملة ما بتليق فيه
عزمي: بلا تفوت
محمد:لا بدي ارجع انسيت مفتاح بيت ستي وهلا بتنام
عزمي:ولمين هالكومة
محمد:مو لهون بشوفك بكرى
عزمي: اي بكرى بالكرم نحن
محمد: تصبح على خير
كمل لبيت ستو وهو عم يدخن
محمد: الله رجعني لاسمع هالحكي
شو شفتي مني ليش عم تغلط بحقي
اي انا ضربت اخوكي بس مو تعاديني لليوم الكل معي عادي حتى صاحب العلاقة لمين طالعة هيك نفسية
دق الباب مرة ومرتين وبعد ما يأس للشباك ضرب عليه كتير اتصل ب بديع بعتلو كتير وعالفاضي
محمد: يعني بدي انام برى
انتبه ل ضو من اسطوح بيت عمو ابو عزمي
اشرلو فيه عزمي لهيك محمد اشرلو بضو موبايلو لحتى ما يفكرو حدا غريب
عزمي: محمد
محمد: اي ما لحقت
عزمي: تعال انا بستناك
محمد: عندك شغل بكرى
عزمي: خلصني رح اجهز القهوة
محمد: اجيتك
كان متردد لانو سمع من بلسم كلام ما بيسوى كان الباب شوي مفتوح
محمد: وينك
عزمي: فوت
فات وضل واقف عند الباب
عزمي: فوت وسكر مو شالحين لا تخاف
سكر الباب منيح
وفات بهدوء ل غرفة لضيوف
كانت بلسم عم تفرشلو حط اغراضو وشلح الجاكيت الغرفة دافيه لدرجة
محمد: والله الجو دافي
عزمي:انت متعود ع البرد
محمد:مو منيح الدفا كتير بمرض منو
عزمي: بلسم خلصتي اعملي القهوة
بلسم: حاضر اخي
طلعت وسكرت الباب ودغري فتحو محمد
محمد: ما بينطاق الدفا
عزمي: الجو عادي والله اي ما فتحولك؟؟
محمد: مابعرف اخرتنا طرش
عزمي: جهز السماعة لكن
محمد: مجهزها
عزمي: يلا اكسبت شوفتك
محمد: بس انا ما بدي انام هون
عزمي: وين لكن عند امين وبيت عمك موجودين
فاتت بلسم ضيفتهن وطلعت وسكرت كمان
........
اسمعتو شتم ما ازفر كلامو
عزمي:متابعلك فيلم اكشن على كيفك
محمد:فرجيني لشوف
رحت ل غرفتي افكر بكلام محمد الوقح كيف بيتجرأ ويسال عني هيك اسئلة
اخ لو مو ماضيه كلو سرقات وتقليع من بيت اهلو خير ما كانو يعملو فيه
اتزكرت وقت علقو مهران على الشجرة وجلدو كمان بالمقلوب وهو يصرخ ويترجى الكل يفكوه بس كان مهران ما يرحموا بنوب بوقتها سرق موبايل عمي واتجرص بالعيلة
......
بغرفة ام عزمي مقهورة من كلام وصفية
وكانت عم تشكي لجوزها بمكالمة
ابو عزمي:من وين جبتي الحكي
ام عزمي: من اختك والحكي من ابن اخوك
ابو عزمي: يحكي وتحكي لتشبع نحن منعرف ليش البنت راحت للدكتورة
ام عزمي: حلوة بحقها يعني ابن اخوك مارايد لبنتي الخير وعم يطالع حكي عليها لحتى ما حدا يقرب صوبها
ابو عزمي: خلص لا تهزي بدنك بعدين بلسم شخصيتها قوية والف شب بيتمناها ما تخافي
ام عزمي: وكانو اجى ينام عنا
ابو عزمي: انا انعست بدك شي

ام عزمي: سلامتك بس تيجي بدك تربيه
ابو عزمي: وكلي الله
سكرت معو ومقهورة من محمد كتير
..........
صحي محمد على صوت حكي
ام عزمي: ونايم عنا
بلسم: ملاقي ناس جدبان
ام عزمي: وليش رجع دخلك
بلسم: ابصر ملاقي خدمة ست نجوم
ام عزمي: ايه مو طايقيتو من مبارح
بلسم: ولا انا
ام عزمي: انا لخليه يحرم يفوت هالبيت
انقهر كتير
بقلبو: ياريتني متت ولا اقبلت بالعزيمة من اصلها
اتجلس ودقات قلبو كبيرة استوعب شو سمع من شوي
عزمي: شو ع اساس بتصحى بكير
طنشو محمد ولبس الجاكيت بسرعة
محمد: خدلي طريق بدي امشي
عزمي: شبك ولووو بدنا نفطر
محمد: لا دخيلك بكفي
عزمي: عنا مي كمان
محمد: خدلي طريق
عزمي: لك شايف شي بمنامك
طنشو طلع مو شايف بعيونو ورجع لبيت ستو ودغري فات لانو الباب مفتوح وستو وبديع برى
وعزمي لحقو ليفهم منو
كان عم يغسل ويحاول يستجمع قواه
سامع حكي عزمي
عزمي: وينو
نوارة: بالحمام اكيد
طلع وهو عم يمسح وشو
عزمي: شو صار محمد
محمد :ما صار شي
عزمي: لكن كيف بتطلع هيك من البيت
محمد: خلص ولاشي
عزمي: ليكون هديك مسمعيتك حكي بس والله ما كانت
محمد: خلص مافي شي مو عندك تقطيف زيتون روح
عزمي: الحقني لشوف
محمد: انت روح ما عليك مني
عزمي: بنطرك بدي افهم شو الموضوع
طنشو محمد وطلع لبرى واتكتف يتأمل الجو وبديع كمان
بقلبو: نيالك لا بتسمع ولا بتهز بدنك
اشرلو بديع شبك
فهمو محمد انو قرفان من كل الناس وبديع اكدلو وضحكلو محمد
نوارة: ستي صاير شي معك
محمد: اي والله يا ستي
نوارة: فضفضلي
محمد: يعني اجيت مو شايف بعيوني غيرها اجيت ومتأمل تكون موافقة بس ما كنت بعرف انو نفسيتها زايدة عن اللزوم
نوارة :يا محمد المحبة مو بالزور
محمد:طيب انا رايدها
نوارة: وهي مابدها انت بترضى تعيش معها وهي ما بتحبك
محمد: لا ما بقبل بس كمان مستحيل ارضى تتجوز غيري الي او مستحيل
نوارة: توقفها يعني
محمد: والله لاعلنها حرب اتخيلي اشوفها منزفة لغيري
نوارة: شو بدك تعمل
محمد: الي ما انعمل
نوارة: اتركها بحالها شوف سعدية حلوة وصغيرة وفهمانة
محمد:غير بلسم مو شايف ولا بدي اشوف نوارة:من جيلك هي
محمد: ولو اكبر مني ما بأثر
نوارة:تسطفل ستي
محمد:حاكيها انتي
نوارة:انت اتقرب من امها بس الام تريد البنت بترضى
محمد:وعمي
نوارة:الشور شور مرت عمك ولا تفكر غير تتقرب منها هي
بقلبو: هي مافي منها بس ابصر شو صاير او سامعة حكي عني يمكن بلسم خبرتها عن الكبريه اكيد شو عملت فيهن توافق بوعدها ما اروح لمكان بس توافق يا الله منها
جهزت ستو فطور عقلو مو معو بنوب ب كرم بيت عمو اشر ل بديع وطلعو تمشاية وحمد الله انو فل قبل توصل عمتو وصفية ومعها بنتها اتمايز سعديه اي كانت بتجنن كتير بس هو مابدو الا هديك ورفض بلسم الو دور بمحبة محمد وبزيادة كمان وصل للكرم وطبعا العيلتين مجتمعين كانو رحلة عم يشربو شاي فرصة بلسم عم تشتغل ومو منتبهيتلو اتأملها لو مو بتياب جديدة بس كانت ملتفتة وعم تمزح وتضحك مع سيدرا غرقانات بالضحك صحيح وقف مع عزمي وعامر بس سامع حكي البنات
سيدرا:بلا كيف قلدتيها
بلسم:هههه شفتي شفتي
سيدرا:مابنسى يا بلسم هداك اليوم وشفتي كيف اتحمست للاغنية
بلسم:هههه لك المشكلة انتي خليتيني انتبهلا
سيدرا:امانة اليوم بس نروح بدك تفوتي تقلديلي رقصتها
ليغرقن بالضحك بصوت عالي بقلمي مايا الحجازي
بصوت واحد عزمي وعامر:هيييي وجع منك الها
محمد:خلصتو
عزمي:ليش نحن بلشنا هدول ماسكات سيرة اخت رفيقتهن
ام عزمي:خليهن يضحكن
ام عامر:ههه يبعتلهن الهنا انشالله
بقلبو:لك شو هالضحكة
عامر:خلصنا بقى
اتماسكن بالزور
ورجعن ضحكن وهربن من المكان غصب عنو عزمي ابتسم وعامر اتنفس ب غضب مخفي ابتسامتو
عزمي:والله فضيحتنا على ايدهن
......
بالزور اتماسكنا
مسحت دموع الضحك من وين نكشتلي سيدرا رقصة مادلين اتزكر كيف كانت متحمسة واخفي الضحكة
سيدرا:بلا بلسم كيف عملت هديك الحركة
بلسم: بالبيت خلص
سيدرا:الله يعطيني نص حماسها
بلسم:بتعرفي بس شيماء ما انتبهت للرقصة
سيدرا:اي شفتها تتأمل العرسان
بلسم:بس كانت شقفة موو
سيدرا:اي والله
بلسم:بتعرفي حلو لجواز عن حب
سيدرا:الله يطعمنا
بلسم:نتجوز عن حب
سيدرا: لكن
بلسم:انا كمان حابة أجرب الحب
سيدرا: ليكو الي حابك
بلسم: بس انا ما بكنلو مشاعر يعني مو لازم قلبي يدق وقت اشوفو
سيدرا: اي
بلسم: انا وقت المح محمد مافي جواتي شي بيتحرك عادي يعني
سيدرا: ما بتشفقي عليه
بلسم: الصراحة لا
سيدرا:امرك غريب
بلسم: سيدرا انتي مو حابة
سيدرا:في حدا بينحب
بلسم: مثلاً
سيدرا: الصراحة مافي
بقلبها سيدرا: الا عزمي وانا عم اكابر على حالي لانو وضع محمد بالعيلة مو منيح الكل بيعرف حتى صاحبية العلاقة وهو الكل ملاحظ عليه

بلسم:جاي عبالي افوت بحالة حب
سيدرا: جربي مع محمد تسايرو ناغشيه
بلسم: لا مابدي
سيدرا: براحتك
بلسم:لك نسيتيني ليش كنت اضحك
رجعنا فرطنا ضحك
........
اطلعوا لتلات عليهن
محمد: ما رح تخلصو من سنة
عزمي: وانا هيك بقول
عامر: بفترة الغدا منجتمع بتيجي ها
محمد: انشالله
بديع بقي يساعد بيت عمو ومحمد اجى اخدو امين وراحو
.....
برجعتهن للبيت فاتو بيت ابو عامر دغري شغلت الصوبيا سيدرا بدلو تيابهن وغسلو وقعدو عامر وجه الكلام ل سيدرا كان عم يمسح شعروا من المي
عامر: ساويلي شاي
ام عامر:يمكن السهرة هون
عامر:منجدد
راحت سيدرا ولحقها عامر فتح البراد
واتحجج انو بدو ياكل
سيدرا: حلك تجوع
عامر:يعني.... سيدرا اسألك سؤال؟؟
سيدرا: اي
عامر: بس الحكي بيناتنا ها
سيدرا: هيك صارت الشغلة
عامر: بلسم مو مفكرة ب محمد
سيدرا: ولا واحد بالمية
عامر:وبدون سبب
سيدرا: امبلا انتو بتعرفو
عامر:يعني مافي مجال تغير رأيها
سيدرا: محمد حكى معك
عامر: بتعرفي استحى يحكي لعزمي بحب اختك هو بدو يفهم منك انتي
سيدرا: شو يفهم
عامر: بلسم حابة
طبعاً سيدرا واعيه وبتعرف انو في مصايب بتيجي من الحب
سيدرا: والله ما بتحكيلي شي
عامر: وازا خبيتي عني
سيدرا: والله ما بخبي عنك بلسم ولا ببالها حتى الحب
عامر:شو احكيلو طيب
سيدرا: ناطر يعني
عامر:هو سامعها تحكي عنو سرسري بصير هالحكي
سيدرا: هي مشكلتها دفشة وكتير كمان
عامر: بقرة هيك قولي
سيدرا: انت شايل هم محمد
عامر: حالتو حالة ما شفتيه
سيدرا: بدك الصراحة هو مزودها يطنش ويشوف اهتمام بلسم
عامر: جيبي الشاي لقلك
........
بالبيت لساتها ماما اخدا على خاطرها مشان حكي محمد
عزمي: يلا بيستنونا
ماما:روح انت واختك
عزمي: لا ما حلوة
ماما: خففلي اهتمام ب محمد
عزمي: ع الزمة شو حاكية ل محمد
ماما: لو تعرف شو حاكي عن اختك
عزمي: هو حاكي عن بلسم
بلسم: ماما خلص
عزمي: شو حاكي بلكي اطلع بروحو
ماما: ما بدنا مشاكل معو بالتحديد
عزمي: شو حاكي فهميني
ماما:ليروح بحكيلك
بلسم:امي شو تحكيلو
ماما:لازم يعرف لحتى ما يضل اخوكي يتعامل معو عادي
عزمي: بدكن تسهرن ولا شو
ماما: مع اني مو طايقيتو
عزمي: مشيها يلا
.......
جهزو حالهن وطلعو لانو عزمي متفق مع محمد واجى مع بديع وستو وماشيين على مشية ستو والكل ناطر بالاخص بلسم الي خايفة من بيت عمها التقو ع الشارع سلمو على بعض وكملو العتمة بكل مكان وعلى ضو موبايل بلسم ماشيين
نوارة:مع انو تعبانة اليوم
ام عزمي: سلامتك مرت عمي
نوارة: الله يسلمك
عند بيت عمو قرب عزمي من بلسم
عزمي: استعجلي بلسم مشان الجني
بلسم: اوووف منك
نوارة: شايف يا محمد لازم تزبطو البيت
محمد: الله كريم
نوارة:الله كريم بس اهلك ما بدهن يزبطو
محمد: ما انتي شفتي الوضع هنيك
نوارة: ولو كان الي بيطلع من اصلو
محمد: بس مافي مقارنة
بلسم: وين احلى
محمد: هون
عزمي: فكرت هنيك
محمد:مافي مقارنة هنيك اضوية نظام وشو بدي اعدلك لاعدلك
بلسم: اي قول هنيك ليش ما بدك تحكي
محمد: مسايركن
بلسم: تسلملي التلة وحجارها انا عندي ساعة هون بتسوى كل مدن العالم
وصلو طبعا الا يعمل عزمي جو اكشن بمساعدة محمد لتنين بنفس التوقيت واحد ضرب ع الباب والتاني ع الشباك
فرحت فيهن ستهن بس فتح عامر هجمو عليه الكل وقف ويضحكن وهداك شحطوه لبرى
واخدوه على جنب فرطان ضحك عامر
عزمي: ثبت ثبت
عامر:والله بردان اتركوني
محمد: شو فكيتو
عزمي: اخد احتياطو لك شو لابس
عامر:😂😂بنطلونين
محمد: الله لا يوفقك
.... ...
فتنا لجوى نكمل ضحكتنا يا حرام علق معهن عامر
سيدرا: بس اجى محمد كترت السهرات
بلسم: هي الشغلة لمنيحة الي صارت
قعدنا وفاتو لتلات كانو كاينين ب حرب
عزمي: علق ع الدفا يلا
محمد: نااار والله
عامر: نحن معنا برد بايت
محمد :سخنوه
الكل اخدو اماكنهن
محمد: حدا خبر عمتي يا جماعة
مسك عزمي موبايلو
عزمي: ولايهزك انا رح اتصل فيها
محمد: لك لاااا بس بسأل
بلسم: ليش خايف منها
محمد: عفواً خايف أنا شكلي شكل واحد بخاف
بلسم: وقت تكون خابصلك شي خبصة قدامها بتخاف
محمد: متل شو
بلسم: مابعرف انت ادرى
محمد: انا رح اعتبر ما اسمعتك
بلسم:اريح
ما كنت احكي معو بلهجة عادية مليانة قهر وكره وهو طنشني
ستي: اتصلو فيها
عامر: اي اتصلو
بلسم:شو محمد يتصلو
محمد: اتصلو دخيلك لشوف شو ماسكة عليي انتي وعمتك
بلسم:اه قصدك الكبريه
محمد: ليكون بتفكريني بستحي
بلسم: لا لا واضح انك
ماما: خلص بلسم لفيها بقى
بلسم: أنا ما حكيت وهو الي حكى ما بيستحي صح
محمد:تركتوا الك
بلسم: شو هو
محمد: الخجل الي مكتسح ملامحك
سيدرا: خلص ولوو
عزمي: سكريه بلسم
بلسم:بلااا لا تكبر بالحكي
عامر: الله حيووو قومي بلسم هيك هيك صايرة

بلسم: انت عامر خليك ع جنب
عامر: وين يعني
محمد: ايوا بمكانك ع جنب
ام عامر: هدو عم تتخانقو ما بطلتو هالعادة
عزمي: بالاخص محمد وبلسم بتحسوهن متل ديوك المزبلة
ليغرقوا بالضحكات
بلسم:وانت شووو
عزمي: انا كسار راسك
ماما: هييي خلص بقى والله لاتصل بابوكن
بلسم: انا الي رح اتصل فيه
ام عامر: يلا بدنا شاي من تحت ايديكي بلسم
طلعت زعلانه ومقهورة وسيدرا فايتة بموجه ضحك ضربتها ودفشتها
سيدرا: لو تشوفي منظرك وانتي تقاتلي بابن العم
بلسم: يارب ينقلع ويخلصنا من خلقتو اجى وجاب المشاكل
سيدرا: والسهرات لا تنسي
بقلبي: انا بفرجيه
جهزت الشاي وارجعنا للغرفة كانو عم يدخنو صبيت الكاسات ورحت ضيفتهن عندو خليتو ياخد الكاسة وابتسمتلو بقلمي مايا الحجازي ودفشت الصينية بالغلط ليوقع شوي من الشاي عليه ودغري بعد لبلوزة عن جسمو
بلسم: يييي اسفة ما انتبهت
ستي:صرلك شي ستي
محمد: لا لا شوي مو كتير
ماما: بلسم انتبهي تاني مرة
بلسم: انحرقت محمد
محمد: شوي بس عادي
بقلبي: بتستاهل
كملت ضيافة وارجعت كملتلو الكاسة وابتسمتلو والزلمة اتغير نزل راسو واستحى قعدت مقابيلو جنب سيدرا وحطيت مخدة تحت ايدي وصفنت فيه دفشتني سيدرا بس ما اهتميت
سيدرا بهمس: ليش حرقتيه
همستلا: بيستاهل
سيدرا: حرام والله الشاي نااار
بلسم:شوي ربع الكاسة بس
سيدرا: لا تتلأمني عليه
بلسم: شفتيه ما اوقحو
كنت مبتسميتلو محمد عم يتأكد من نظراتي ودغري فتح موبايلو
سيدرا: بلسم ع شو ناوية
بلسم: بدي ابهدلو
سيدرا: الله لا يوفقك
عزمي: عمتي مارح تيجي
ستي: خير
عزمي:مصعب اليوم اجى
ستي:دخيل قلبك على هالاخبار
عامر: ستي ادعيلي اسافر
ستي: خليك هون انا وقت اشوفكن بفتخر فيكن
بلسم: مووو بلا ماشالله احفادك بلطجية يا ستي
ام عامر: شو قصدك
بلسم: راعيين المشاكل
ام عزمي: وحفيداتها
عزمي: شرنات
ام عزمي: هههه
بلسم: ولا يقولو عني بلطجية
عامر: عزمي شو اسم هديك الأغنية
عزمي:اهلا اهلا يا بقرة
عامر: اي اي
بلسم: فشرت يا نص دكة
عامر: بس بتعبر عن بلسم مووو
عزمي: لكن سيدرا شوو.
عامر:المعزة
اخدت سيدرا من أيدها واطلعنا لبرى الغرفة
سيدرا: كلو منك يا مشكلجية
بلسم: مايكون اسمي بلسم ازا ما بخرب جوهن بالاخص اخوكي
سيدرا: لك انا بفرجيه وبسيطة ب عزمي ليش ليدخلني بالموضوع ازا اختو شرنة
بلسم: بس محمد انا بدي ابهدلو
سيدرا: شو بدك فيه
بلسم: عامل معي فصل
سيدرا: الله لا يعلق حدا معك
قعدنا ب غرفتها اتسلينا كتير لحالنا وبيلسان بس اجت سكتنا
بيلسان: والله برد
بلسم: روحي للدفا
سيدرا: اي اريحلك
بيلسان:بلسم ليش حرقتي محمد
بلسم: بالغلط
بيلسان: بس يا حرام معلمة بجسمو
سيدرا: وشو عرفك
بيلسان:عزمي شافها يا حرام كيف ملتهب مكان الحرق
بلسم: شاي مو زيت هاد
بيلسان:ولو كان احترق واتوجع
بلسم: انتي ليش جاية
بيلسان: بدهن قهوة
سيدرا: يلا هلأ منعملا
تركتنا وراحت كانت خايفة على محمد
بلسم: متأثرة كانو
سيدرا: من وقت احترقت هديك السنة
بلسم: ياحرام اي بس مزوديتها مهتمة ب محمد
سيدرا: ههه نهفة بيسو
......
اجن وحاملات القهوة والحلو وهو مركز بموبايلو دفشو عامر
عزمي: اهلا اهلا يا بنات
سيدرا: عزمي لابقى تدحشني بقصصكن
عزمي: هههه لا تخافي بعرس نسرين اضربي وشك بالشيطان الرجيم وبتتجوزي
عامر: وبلسم انتي كمان اعطي وشك وجه أساس واشرطي عيونك ورح ترجعي مشنكلة عريس
بلسم: الله يطمنك يا عامر كنت خايفة ما اتجوز بكل عمري بقلمي مايا الحجازي
عامر: بس معرضة بنت عمي صايرة قالب واحد
بلسم: الهي تبتلي ب برميل مبروم يا عامر يا ابن امك
ام عامر:هههه خلص ولووو
بلسم: لكن انا معرضة
عامر: انا بخاف بس تعصبي دير بالك عزمي ما بتلقى دفشة من ام سلطان
فرطو ضحك وضحكة محمد استفزتني
بلسم:ضريب انشالله يا عامر
عزمي: اي اضحكي شبكي معصبه
ستي: من غيرتوو بلسم حلوة من صغرها
عامر: اي من زمان مدبدبه
بلسم: يارب
وقفت ورحتلو بس احتمى ب عزمي
بلسم: بعد لقلك بدي اضربو
كنت حاملة عصايه عطول بتضل بجنب الصوبيا
ام عامر:بدك تضربي ابني
بلسم: سكتيه مو طايقيتو والله
ماما: خلص عامر مضولنا هالسهرة ع خير
بلسم: انو خير هاد بوجود هالبلطجي
ارجعت لمكاني كان يجاكرني
بلسم: شايفة مرت عمي كيف عم يجاكرني
عامر: انا لا ما جاكرتها
محمد: زووق بقى هلا بستلمك انا
بلسم: اي امانة
عامر: بدك تصير محامي ام سلطان
بلسم: لك لا بقى تقول أم بطيخة
عامر: بس كانت بتشبهك هههه
محمد: انت بتشبه بياع الفجل براس الحارة
(انتقملي بالتشبيه انفجرو ضحك بس عامر عصب)
عامر:انت شو دخلك
محمد:بشوفك ادايقت
عامر: اي لانو ما دخلك
محمد:بس الخالق الناطق منك
عزمي: لك يخرب بيتك التشبيه قاتل بالاخص طاقية عامر الي رماها

محمد:كان مستعيرها منو
عامر: تضرب منك الو
محمد:ليش ادايقت بلاا
عامر: بعدين بحكيلك محظورة
عزمي:ولا الي كمان
عامر:انت بسيطة فيك يا عزمي لازم انت سيف بظهري
محمد:لا هو عزمي سيف ببيتو
سيدرا:عزمي موبايلك
انتبهلو عزمي ودغري طلع من الغرفة ليحكي
........
سيدرا بقلبها: معقول بنت يا الله ولا طاسسني الافندي
كان فاتح خط
عزمي:اهلين مرت خالي
صفاء:شو وين انتو
عزمي:ببيت عمي
صفاء:ستك تعبانة شوي وهون خالتك مها ازا ما عندكن شي جيب امك
عزمي:طيب هلا بشوف بس شبها ستي
صفاء:من الصبح مو على بعضها
عزمي:ماشي مسافة الطريق
رجع للغرفة
ام عزمي:ابوك مو
عزمي:لا مرت خالي
ام عزمي: امي فيها شي
عزمي:لا بس خالتي مها هنيك وزمان مو شايفيتك
ام عزمي:بس هيك
عزمي:تروحي
ام عزمي:اي بروح
محمد:كيف رايحين
عزمي:بدبرها
محمد:الجو بارد خود السيارة
رمى عليه المفتاح وصادو عزمي
عزمي:والله مافي داعي
محمد:لا في
كانت جاهزة امو
عزمي:بلسم خليكي هون
بلسم:متل مابدك
ام عزمي:مارح نطول
ام عامر:ولو طولتو بتنام عند سيدرا
سيدرا:طولو لكن
طلعو وودعهن عامر ومحمد وبقيو برى لحتى طلع عزمي وامو من الحارة
عامر:معقول في شي
محمد:اي لانو متلبك عزمي
عامر:اي ستو معمرة
محمد:الله يستر ما تصبح مسلميتها
عامر:هههه
محمد: انت بتعرف اني متحلفلك
عامر:خير شو عاملك
محمد:اوعك تزعج بلسم انا ساكت بس لانو عزمي موجود وامها والا كنت فرجيتك قيمتك
عامر:بلا شفت كيف مشكلجية
محمد:والله ازا بينعاد فصل اليوم يا ويلك من الأغنية لعند كلمة ام سلطان
ليغرق عامر بضحكتو فات ومحمد يدفش فيه
.......
استوحشت بدون عزمي وماما وخفت يطولو وعنجد انام ببيت عمي صحيح بحبهن بس ما برتاح الا بغرفتي
فاتو محمد وعامر مبين كان يتمشكلو
ستي:مو حاجتنا سهر
محمد:متل مابدك
عامر:ريحي حالك ستي في دك شدة ورح نجابه البناات
بلسم: مابدي اللعب انا
عامر:في شرط
بلسم:متل!؟
عامر: شو ما بدك
بلسم: شو رأيك سيدرا
سيدرا:موافقة تعالي لقلك
همستلي:ازا فزنا رح نخليهن يرقصو رقص شرقي
بلسم:هههه اي موافقة
حكينا بصوت واحد(موافقين)
محمد:وشو الشرط
بلسم:ازا نحن فزنا رح ترقصو
محمد:احسن
عامر:اي اي موافق وازا نحن فزنا
سيدرا:اكيد مارح نرقصلكن
عامر:لا رح تروحن لبيت عمي ابو مهران
بلسم:شووو
عامر:هاد شرطنا
محمد:او بتشربن عشر كاسات مي
سيدرا:اي شروطكن تعجيزيه
محمد:لكن نحن نرقص
بلسم:خلص خلص موافقات
محمد:مافي تراجع
سيدرا:يلا فتوها لشوف
اخدنا مراكزنا وبلشت اللعبة
محمد عم يفت الورق ومركز ب نظرو على عامر واطلع فينا بأستهزاء
بلسم:بس الدك الي في غش مو محسوب
محمد:لا مافي غش طمني بالك
بلسم:لكن ليش هيك مطلع ب عامر
محمد:كمان ممنوع
عامر:يلا مين بدو يضمن
سيدرا:انا
محمد:مو اقل من عشرة ها
سيدرا:اي اي يلا الطرنيب سباتي
محمد:حسيت
بلشنا باللعب بس الهبلة رمت ورق الطرنيب بالبداية واتاريه محمد معو ورق قوي وبعدها اخسرنا نحن بضحكات الانتصار انا خفت من روحة بيت عمي ابو مهران
ام عامر:مين خسر
محمد:اكيد مو نحن
بلسم:انا شاكة بالورق انت معين الورقات القوية شو هالحظ عطول بيطلعلك كل الورق قوي
محمد:حظ انتي قلتيها وبعدين ما اربحنا هيك
عامر:لكن ترقصنا يلااا
بلسم:طيب خلينا نلعب دك تاني وهو بيحسم الشرط
محمد:شو عامر
عامر:وازا استديتن
بلسم:خلص منتعادل أما ازا اخسرنا بتروح علينا
محمد:يلا يلا خدي فتي موافق بس مشان لا تقولي انو غشينا
خربطت الورق كتير ومو بس خربطتو ارجعت فتيت الورق على أربع جولات وشايفة محمد مبتسم
بلسم:بدك تغش موو
محمد:هههه خربطيه احسن
عامر:خلصنا يلا
بلسم:هلا الورق القوي بيطلع مع محمد
محمد:انا بعمللهن جذب
بلسم:تسترجي...تعالي سيدرا بدي اعطيكي الخطة
همستلا:ليكي ازا الورق الي معك مو كتير لا تضمني
سيدرا:خلص ماشي بس نظرات محمد لعامر فيها حكي كتير ما شفتيهن كيف مركزين على بعض ابتسامتهن بتخوف بقلمي مايا الحجازي
بلسم:لهيك لازم نفوز ونثبتلهن أننا لعيبات
محمد:شو هالخطة لحرب مو للعبة
بلسم:يلا بسم الله بلشنا
ورجع أتطلع ب عامر نظرات والي بيخوف اكتر هو بدو يضمن
محمد:11
بلسم:يخرب بيتك شو 11
محمد:بلشنا
وعلى اخد اخد ما خلى ولا ورقة وعامر يقش من صوب تاني واخسرنا
سيدرا:طيب نكمل الجولة
محمد:الشرط عم يتقل يا بنات
سيدرا:خود عامر فت الورق انت
عامر:ياويلي ازا أربعة صفر يلا هاتي بلسم
بلسم: محمد كيف الورق كلو معك
محمد:منيح خربطتيهن انتي
ام عامر:هههه راحت عليكن يا بنات
الدك التاني عامر الي استلم الطرنيب والاخير كان من حظنا بس بعد شوو
محمد:جاهزات
بلسم:بس نحن اربحنا
محمد:تلات واحد النتيجة لصالحنا وع فكرة أنا اتساهلت معكن
بلسم:يا لطيف حنون مو بايدك

عامر:شو من وين نبدا
بلسم:بالمي اكيد
عامر:هههه يلا ع المطبخ لشوف
بلسم:الله لا يوفقك يا سيدرا
بالمطبخ طالعو عشرين كاسة مي وعبوهن
عامر:كل كاسة في استراحة عشر ثواني
سيدرا:حنون مو بايدك اخي
اطلعنا ببعض مذلولات
وهني بفخر واتكتفو
بلسم:عشرة كتير والله
محمد:يلا بلشن
اول كاسة عادية والتانية كمان التالتة كانت صعبة والرابعة غصبت حالي عليها والسادسة معاد فيني صارت نفسي تلعي
بلسم:بكفي
محمد:يلا باقي أربعة شدي حيلك
بلسم:مابعرف مو قدرانة اتعبى بطني مي
محمد:خلص يلا بكفي
عامر:لااااا كفن لشوف
سيدرا:عامر بكفي
عامر:لساتك ع الكاس الرابع انتي وبلسم اشطر منك رح تروحي لحالك
بلسم:بكفي امانة خلص انتو اشطر وأذكى مننا
عامر:لا يعني لا وازا ما بيتكملن رح تروحن لبيت عمي
غمضت ب يأس
مافي الا محمد اتواسط عندو
بلسم:محمد احكيلك كلمة معو انت بتمون عليه
محمد:خلي سيدرا تشرب كاستين وموافق
بلسم:يلا سيدرا يلا
سيدرا:مو قدرانة والله رح اتفجر
عامر:مافي يلاا
سيدرا: بكرى بشربهن
محمد:لا كمليهن
سيدرا:يا محمد انت حباب عامر لئيم
عامر:جكارة فيكي مافي
بلسم:لاااا حنون عامر مو ل

كمالة ١
محمد:لا مافي داعي فوتن ابصر ع شو ناويلكن
عامر:هههه لا ولووو انا معهن
سيدرا:انت ما الك امان
محمد: امبلا
عامر:تعالن نوصلهن بتصير ذكرى
بلسم:اي ولا كل الذكريات
ام عامر:ازا رحتو خدو المفتاح
عامر:شو يا بنات
سيدرا:اي يلا امشي بلسم
بلسم:والله أنا خايفة
من اول الشارع
محمد:انا حذرتكن ها
عامر:هاد راعي مشاكل بحب يخبصها يلا تعالن
سيدرا شنكلت بأيدو وانا بأيدها وقدامنا ستي وبديع ومحمد وقف ينطرنا اخجلت لانو رح يمشي جنبي
محمد:انا بتفرج عليكن وانتن راجعات ركض ورا عامر
بلسم:صحيح
عامر:مو لهدرجة اصلا يمكن يكون اجى عزمي
سيدرا:اي اي
بلسم:بس زيارتهن غريبة
محمد: اي بتكون ستك عم تودع
بلسم:بعيد الشر عنها
محمد:هههه شو مطولة ياريت نوصل لنص عمرها
بلسم:لا يااا حاسدها
عامر:بلسم عمرها طويل
سيدرا:اي بتطلع لستها
بلسم:لكن سيدرا بتموت ع بكير متل ستها
سيدرا:بعيد الشر عن قلبي
محمد: بتجيب بدالك لساتها صبية مرت عمي
سيدرا:اي انا ما الي بديل
عامر:امبلا نسخة مافي منها إلا بالصومال
محمد:ههههه
بلسم:اي شو انت ع اساس من أوروبا
محمد:هههه عامر من الامازون
بلسم:جد وشو أشكالهم
محمد:بقصد حيوان تمساح مثلا
بلسم:هههه كتير عليه
عامر:اي بلسم مو من بعيد هون جيرانا مربيين متلها
بلسم:ليش ما حكيت عن محمد هو الي حكى عنك
عامر:بتعرفو النيص
بلسم:ههههه لا تقولها
محمد:هههه عامر ع شو ناوي للبنات
عامر:ههههه طير لقلك
ستي فاتت للبيت هي وبديع عامر رجع للبيت ركض ومحمد كمان فجأة أختفى وانا وسيدرا ورا عامر بس ما اقدرت شلحت من رجلي وكملت ركض
وصوت الضحك عبى الحارة أوقفت عند بيت اهلي وقعدت على الصوفاية الي برى اتنفس والخوف متملكني من حكايا عزمي وعامر كانو عطول ياخدونا نتمشى ويبلشو يحكوا عن لبيوت المهجورة وبلشت ابكي اي مابدي اروح لبيت عمي وامرق من جنب بيت عمي ابو مهران لانو عطول بسمع فيها أصوات غريبة
..........
وصلو عامر وسيدرا
عامر:شو صار معك بلسم
سيدرا:بلسم مو معي اختفى ركضها من زمان
عامر:شه بتمزحي
سيدرا:والله
عامر:وانتي ليش عم تبكي
سيدرا:بسيطة فيكن
فاتت لجوى تمسح دموعها وعامر خاف على بلسم واتصل ب محمد
محمد:ههه وصلتو
عامر:بس بلسم ما اجت
محمد:عنجد
عامر:وانا اصلا مو مسترجي اقرب صوب بيتكم
محمد:عنجد بتحكي ولا بتمزح بتمزح موو
عامر:لا والله جد واجت سيدرا تبكي وحكت انو بلسم اختفت قبل بيتكم
محمد:الله لا يوفقك
.........
سكر الخط اخد مفتاح البيت وطلع صار عند بيت عمو ابو عزمي وسمع صوت شهقات ودغري فات وجه الضو عليها
محمد:بلسم شو عم تعملي هون
بلسم:اتصل ب عزمي
محمد:ليش عم تبكي
بلسم:ما عم ابكي بس اتصل فيهن موبايلي بقي ببيت عمي
محمد:تعالي اوصلك
بلسم:ازا ع الطريق بستنى
محمد: لحظة
اتصل ب عزمي ودغري رد
محمد:شو وينك
عزمي:شي نص ساعة بس
محمد:اي ماشي
حكالها
محمد:تعالي اوصلك
بلسم:يعني مطولين
محمد:اي
.....
امشيت وراه امسح دموعي اي مابدي يشوفني عامر عم ابكي
بلسم:لا تقول اني كنت ابكي اي
محمد:ههه ليش بقى
بلسم:جكارة بهالحقير
محمد:اي شو بدك تحكيلو
بلسم:انو مو خايفة
محمد:عنجد بتخافي
بلسم:لكن ما حضرت حكايا عزمي وعامر
محمد:متل شو
بلسم:مرة برمضان سهرونا مشان السحور على الأسطوح وبتعرف صارت الساعة تلات وبلشنا نسمع أصوات غريبة صارو يحكولنا انو ال معك خبرهن عاملين عرس وعم يدقو طبول بوقتها أنزلنا مو شايفين بعيونا ولليوم بسمع هداك الصوت
محمد:عرس وبرمضان والله انكن جدبات
بلسم:والله اسمعنا صوت ضجة قوية ودق طبول
محمد:ههه بكون العرس محرز
بلسم:انت مو خايف
محمد:مو لهدرجة ومستعد افوت للبيت بهيك وقت
بلسم:والله بخوف شوف كيف منظرو
محمد:انا ما بدي اطمنك بس والله مافي شي البيت اي مهجور بس مو مسكون
بلسم:لا تجيب سيرتهن
محمد:هههه ليكنا وصلنا اتماسكي
بلسم:المشكلة مبين عليي مطولين اهلي
محمد:نص ساعة
بلسم:انا رح انطر هون
محمد:ما بينطاق عامر
بلسم:ماعم اتصورو
قعدت على حجر قبال بيت عمي ومحمد على حجر بيني وبينو مسافة
بلسم:روح نام
محمد:ما حلوة اتركك بهالوقت فوتي
بلسم:لا ما فشر لك متخيل ولا حتى خايف مشاني
محمد: بلعكس اتصل مرعوب ولا انا شو عرفني وينك انتي
بلسم:الله لا يكتر خيرو
محمد: هههه اسألك سؤال
بلسم:اي منتسلى بس ما تصعبو
محمد:ليش مابدك توافقي
بلسم:....
محمد:مشان لا أنطر عالفاضي
بلسم:اتجوز
محمد:خلينا نخطب
بلسم:انا مابدي بالوقت الحالي
محمد:منجرب ما زبطت الأمور خلص منترك
بلسم:وعلى عيون الناس
محمد:شو بدك انتي
بلسم: انا هلأ مو مفكرة بالارتباط وبس اسألك سؤال
محمد:قبل السؤال.... مشان مشكلة عزمي
بلسم:هي سبب من عدة أسباب
محمد:طيب احكيلي كم سبب مدامهن كتار

بلسم:بس بخاف تزعل
محمد: بس مو تجريح انا بأثر فيني الحكي
بلسم:اول شي لانك بتشتغل مع الأمن
محمد:وغيرو
بلسم:لانو صار بين امي وامك مشاكل وتحاربن وانت ضربت عزمي وعندك شغلات مو منيحة
محمد:شغلي ما بتركو ولو تركتوا رح اروح فيها ومشان امي وامك عادي بتصير بين كل السلفات ومشان عزمي انا وهو اتصالحنا
بلسم:بس في سبب مهم
محمد:الي هو
بلسم:انا ما بكنلك مشاعر وبالنسبة الي مهم هالشي كتير
محمد:يعني ما استنى
بلسم:لا الله يبعتلك بنت حلال
محمد: تسلمي طيب فوتي
بلسم:ليكو عامر اجى
تركتو وفتت بعد ما زورت عامر وكنت ناطرة اهلي على نار
......
عامر:الحب وعمايلو
اخد نفس عميق وطالع دخانو والبرد عم ينخر بعظامو
محمد:اي شو عامل
عامر:بستنى عزمي
محمد:كنت بتعرف أننا برى
عامر:وتركتن ع راحتكن بس لو اتقربت منها كنت منعتك
محمد:لا ياااا حمش كتير ع فكرة بخاف عليها اكتر ما بخاف على حالي
عامر:بس الشيطان بيحب هالجمعات
محمد:اي لا تخاف بوجودك بختفي مالو وجود
عامر:قبل يجي عزمي طمني حكيت صارحتها
محمد:ليش بدها مصارحة يمكن كم واحد بالضيعة مابيعرف انو بدي بلسم
عامر:وشو ردت عليك
محمد:ما بتحبني وبس وهي مابدها تعيش مع حدا ما بتحبو
عامر:وانت
محمد:انا رح اعتبر هالشي مهم بس اول ما تنطلب بلسم رح يتغير كلشي
عامر:رح تنطرها
محمد:يمكن بس مارح تكون لغيري
عامر:شغلتكن شغلة
.........
برجعة أهلي ارجعنا تمشاية كنت عم اسأل عن تيتة بس كمان بالي عند محمد ليش بدو بكل فرصة يتقدملي ليش ما بيطلبني بشكل رسمي شو بتهمو موافقتي بدي اعرف يمكن اهلو رافضين بس يا ترى بابا بوافق يطلبني محمد بدون جاها بقلمي مايا الحجازي
كنت هلكانة ميتة نعس وتعب نمت بدون ما احس من شغل الزيتون
تاني يوم بالكرم كنا عم نفطر ومن كلمة لكلمة نطقت ماما بقلمي مايا الحجازي
عزمي:بس محمد مافي منو
ماما:احلف عن حالك
عزمي:طيب فهميني
ماما:كان يسأل عمتك اسئلة ما بتنسأل عن بلسم
عزمي:متل شو
ماما:اووف يعني بتغشم حالك
عزمي:وشو عرفك
ماما:ادريت ومشي الحال انا ما بحب حدا يجيب سيرة اختك وهو ناوي يطالع عنها حكي لحتى ما حدا يتقدملها
عزمي:يعني عنجد ولا تأليف
ماما:لو مو صاير الحكي بحكيه انا
عزمي:اوووف مابدنا نخلص من هالسيرة والله صرت اخجل مبين للعالم اني بلا شرف وسامح ل محمد يحب ويعشق مع انو على عيوني هالشغلة ولو ام راس ترضى خلص يخطبو وتتسكر ع السيرة
بلسم:اي لاااا مابدي
عزمي:بتسكتي عمتي بتجلطيها
بلسم:وبعدها أنا بنجلط
عزمي:ليش
بلسم:انا مابدي إياه وبس انت بترضى تنجبر على وحدة مابدك اياها أنا وقت اتخيل انو ممكن اوافق هون حدا بيخنقني من وقت وصل الضيعة شعور غريب اتملكني مدايقة من وجودو رغم انو مو مدايقني بتصيبني حالة هلع بس اتزكرو
ماما:خلص طوينا هالسيرة وانت خففلي حكي مع محمد
.....
عزمي ما حب يسافر محمد بدون ما يبهدلو ع الناعم
كان محمد عم يجهز حالو للسفر وعزمي هلا مخلص شغل اتحمم وزبط حالو وراح لبيت ستو كانت تودعو وتوصيه وبديع مبتسملو ودعو محمد وانبسط لانو اجى عزمي
عزمي:شو نويت
محمد:اي بكفي شفتكن بخير
عزمي:عاوزك بكلمتين
محمد:اي شو عليه بخاطرك ستي
راحوا وقفو على جنب ضيفو محمد سيكارة واخدها عزمي غصب عنو
محمد:شوفي شغلت بالي
عزمي:انا صحيح بتعجبني شخصيتك بس اوقات بس تدخل بامور النسوان بتنزل من عيني
محمد:وانو أمور منهن
عزمي:يعني حكي اولاد أو قلك حكي نسوان
محمد:لحد هلأ ما افهمت يا احكي الدغري يا خليني امشي
عزمي:ليك شغلة لجواز قسمة ونصيب بس انك تطالع حكي عن اختي هي بقى كبيرة بحقي وحقك كمان
محمد:اي روق روق احسن ما اخلص عليك
عزمي:كيف بدك اروق
محمد:ماشالله عمتي لزقت الحكي بظهري
عزمي:بلشت تتهرب
محمد:ليك عزمي انا حدا بحب الدغري اوقات اي بلف وبدور وبكون مضطر بس عن هالشغلة بحكي بصراحة بيوم اجيت لهون واسهرتو واجت عمتي وضلت جنبي بس لتفهمني انو بلسم ما بتلزمني بنوب وانو في احلى منها واحسن بس انا حكيتلها عيب الحكي ومابصير بس ازا انت وغيرك مدوار ما دخلني
عزمي:وانت ما حكيت بحكيها
محمد:انا صبري بلش ينفذ وازا انت خايف على بلسم كونها اختك أنا بقتل اي حدا بدو يفكر يجيب سيرتها وانا سايرت عمتك مسايرة مشان لا تعمللها شي ناقص بس ازا بتضل تحكي لا تلوم الا حالها ليك مدام انفتحت السيرة وانفتحت انا رايدها بشرع الله ورسولو يعني ازا وافقت بجيب شيخ ومنكتب لكتاب
عزمي:بس هي مو مفكرة
محمد:وانا بستنى بدك شي
عزمي: بدي اعرف ليش مصر تتجوز بلسم وانت عارف رفضها
محمد:مابعرف بس انا اول ما فكرت اتجوز ما خطر عبالي غيرها يلا بخاطرك
ترك عزمي واقف ومو عارف يوصف الشعور جواتو هو رفض ولا قبول اخد نفس ورجع للبيت يرتاح ومستوحش لمحمد من هاللحظة ترك وراه فراغ لو اقامتو كانت مؤقتة

.........
طول الطريق يفكر بقصتو مع بلسم راجع ومكتسحيتو الخيبة راجع بيأس رغم انو اجى وكان متأمل
بقلبو: صحيح كم يوم بس شوفتك انعشتني سنة وأنا أحاول اتناساكي سنة وأنا اواسي حالي مطنش الشوق مطنش مشاعري مابعرف وقت شفتك بلسم حركتي كل مشاعري التفاصيل الي جمعتنا رح احنلها ولو اجتمعت فيكي عن قريب والله انك بلسم عنجد اي دخيل كلشي فيكي
وصل تعبان ومنطفي ع الأخر فتح بمفتاحو السهرة عمرانة ركضت سلام عليه وغمرتو
سلام:شو غدار ما بتخبرنا
محمد: مفاجأة
ابو مهران:كيفها ستك
محمد:الاحسن تزورها امك مو امي بس منيحة كناينها وولاد اولادها جنبها
بتسمحولي يا جماعة
حنان:ناطرينك ها صرلي شهرين ما شفتك
محمد:ماشي
طلع ل غرفتو متجاهل نظرات مهران وأبوه
استقبال بارد لدرجة بدل تيابو ونزل لتحت شغل سيكارة وضيفتو روز الخادمة الأجنبية قهوة متل ما بحبها
ابو مهران:شو اخبار كرمنا
محمد:شو اخبارو
ابو مهران:حكى صافي مو زيادة المحصول
محمد:اي بدو يهف نصو
ابو مهران:يعني الشجر شايل
محمد:اي المحصول هالسنة كتير منيح
ام مهران:اكيد صافي عم يلعب علينا لعب
محمد:هلأ اعرفتو
مهران:وليش ما رحت لعندهن
محمد: أنا ما بيتأمنلي
مهران:من هالناحية اي بس لازم فرضت أوامرك على صافي ولمرابعين
محمد:مو ناقصني هالشغلة
ابو مهران:ناقصك احسن ما تروح تشوف الي مو معبريتك
مهران:ورجع مغبر من غبرة الحب
ابو مهران:بس أعطوه حب وعشق ومظلوم
محمد:يعني انتو عازميني ع هزة بدن انا تعبان وقلت مشانكن بسهر
مهران:مشان لا انسى وتغيرو الموضوع ما صحلك شي سرقة ههههه
ابو مهران: ليكون سرقت امي
محمد:سماعتها مثلا
سلام:لا ترد عليهن
محمد:لا بدي اسايرهن
ام مهران: يعني هنيك بتوب عن السرقة
محمد:ليش شو سرقت منك
ام مهران:اسوارتي اختفت واختفت
محمد:بشو احلفلك ما شفتها ولا شافتني بهالزمان اي سرقت موبايل بابا بس ضربتوني وتوبت

مهران:اي لاااا دنبك اعوج وبتعملها
محمد:متل مابدكن
ام مهران:بدك ترجعلي بدالها
محمد:لا حول ولا قوة إلا بالله
ام مهران:وعيار 21 وعشرين غرام
محمد:....
مهران: بعدين الي بيسرق بيضة بيسرق جمل
محمد: تصبحو على خير
تركهن وطلع ل غرفتو
سلام:يعني مبين انو ما دخلو ادايق من كلامكن
ام مهران:مين لكن ستي في غيرو ايدو طويلة ولسانو طويل
طلعت سلام مزعوجة مشانو
حنان: بكون هداها لهديك السرنوة
ام مهران:شه معقول
حنان:اي امي سدءي بيغريها بالدهب
ام مهران:انا بفرجيه
.......
بغرفتو اتسطح ب تعب ووجع راس وغصة بالقلب
بقلبو:ما دخلني بالاسوارة شو بدي فيها مأمنين انو سرقتها ما بيكفي هنيك بطيخة بتلفق على لساني حكي كمان هون بيتهموني بلسم مو طايقة وجودي وعزمي كمان ما خلصت منو مسك موبايلو ليبلش يلعب بلعبة الارقام الي متعود يغفى وهو يتسلى فيها متجاهل كلشي صار معو
هيك قضى الاجازة بغرفتو اكل شارب نايم مشان لا يعمل مشاكل مو ناقص بنوب هلا صحي مسك موبايلو قبل حتى يغسل وشو بدقة الباب وفاتت سلام اتجلس وابتسملها
سلام:صاحي يا محاربنا
محمد:....
سلام:وهي احلى كاسة نسكافيه
راح غسل ورجع قعد جنبها
سلام:حاكينا وخود الغلة
محمد:فايقة ورايقة
سلام:حدا بيصحى مزعوج
محمد:اي الي بيعيش مع اهلي
سلام:ليكنا مبسوطين بس ابصر شبك انت
محمد:متل؟؟
سلام:حب وحنان وغرام
محمد:وسلام
سلام:هههه اي ابتسم دخيل ربك اي خبرني كيف التلة والصبايا
محمد:منيحة وكلو صاير شايف حالو
سلام:والله في تطور
محمد:اي كتير
سلام:وعند مين ضفت
محمد:عند ستي وغيرت جو مع الشباب
سلام:اي وكيفهن
محمد:كمان مناح
سلام:ومافي اخبار
محمد:لا كلو ملل
سلام:انت ازعلت من شغلة الاسوارة
محمد:من كلشي مو بس من هالشغلة اجازتي كل شهرين وبرجع وكانو مبارح رحت
سلام:شو بدك تعمل فيك تحكيلهن حنو عليي
محمد:لا مابدي يحنو عليي بس كمان مو يتهموني بشي ما سرقتو
سلام:انا قلت لامي دوري منيح بس لا تزعل مني انسرقت بالاجازة الماضية يعني الي سرقها مستقصد تنحط الشغلة بظهرك
محمد:الله يسامحهن شو احكي غير هيك
سلام:شو زاعجك كمان
محمد:انو ما قضيت الاجازة متل كل مرة
سلام:لانو مجد سافر
محمد: يمكن
سلام:طيب اترك الشغل
محمد:اه انتي ما بتعرفي كيف اتطوعت
سلام:لحتى تنال مركز
محمد:من هيك فوتوني للفرع شبه غصب
سلام:لا تقولها
هاجمتو الذكرى والسبب بلسم لأنها مو حابة شغلو
وكانوا هلا مذلول وعم يدفشوه لجوى الفرع حاطين بلوزتو براسو ومو شايف بس سامع المسبات وحاسس بالضربات وبعد إذلال شهرين صار محمد صنم بس بيعرف يضرب تحيات ومهمتو الأساسية حماية الضباط ومرافق الهن بكل مكان ليكون درع حماية للروس الكبيرة
محمد:اي كيفو خطيبك
سلام:منيح
محمد:لا تقوليلي متخانقين
سلام:هو بدو يتحكم بنظام حياتي كمان

محمد:بس هيك مارح تعيشي مبسوطة
سلام:مهم أصيل مبسوطة أو مو مبسوطة
محمد:المهم بابا مبسوط صح
سلام:انت قلتها
محمد:وين الجديد نحن حجر شطرنج بالنسبة الو بس بتعرفي أنا وانتي ما ناسبنا الوضع بس حنان ومهران جايين على كيف بابا
سلام:ايوا وهاد الصح مارح تطلع من الغرفة
محمد:يمكن اي ويمكن لا بس الاحسن اشبع نوم
سلام:لا تحط ببالك شي لانو ازا صرلك شي ما بتروح الا عليك
محمد: دخيلك على هالعيشة
سلام:بس المرة الجاية بتاخدني للتلة معك
محمد:ابشري
سلام:يلا نام اسفين ع الازعاج

.........
المسا جهز حالو وطلع من البيت تمشاية بعد ما طنش كل كلام مهران وما عبرو من الأساس
وصل للبار الي عطول بيترددلو لسى ما لحق يصفن أو يفكر بحدا فاتت جيني بنت ضياء بيك كانت من جيلو
بقلبو: صدفة معقول ولا ؟؟شو هاللبس يا جيني
جيني:هاي أصيل
محمد:اهلا جيني
جيني:لحالك
محمد: شوفة عينك
جيني:ممكن
اشرلا بمعنى اتفضلي بس ما قعدت ع الكرسي قعدت على الطاولة قبالو دغري اجت عينو على الفستان وكيف قصير وكاشف رجليها وصل للكعب العالي وابتسم نصف ابتسامة رفع عيونو ركز على خصرها وهلا حطت رجل ع رجل أتأمل ملامحها منيح وهي مو اقل منو كانت تتأملو نظراتو بالنسبة الها كانت جارحة ابتسمتلو بأعجاب.
جيني:ايمتى أجيت
محمد:من وين
جيني:من الضيعة
محمد:من زمان
جيني:ولهون
محمد:من شوي
جيني:اشتقتلك
محمد:كتير
عضتلو على شفافها بكل جرأة
محمد:وين الشلة
جيني:وحتى لو كنت معهن بالي بيضل عندك انت
جيني وقلب جيني الك
محمد:...
جيني: أصيل ليش عيونك تعبانين شبك
محمد:فيني شي
جيني:اي مو أصيل الي بعرفو
محمد:...
دفشتو على صدرو بكل نعومة ركز بنظرة على ايديها واتمنى يبوس ايديها بس بقي متكتف
جيني:انت مرتاح هون
محمد:لا
جيني:تروح لمكان تاني
محمد:وين يعني
جيني:بيت شقة
محمد:لا هون منيح
جيني:انت بتعرف انو انت فارس احلامي ومطنشني
محمد:بكل تواضع بعرف ولو انا طاوعت كل وحدة شايفيني فارس أحلامها كان على ذمتي كتير نسوان
جيني:انا غير
محمد:شو العروض الي ممكن تقدميها الي
جيني:رح اخليك تترك الشغل ونضل كل الوقت سوى
اخد نفس وابتسم
محمد: ونوع علاقتنا
جيني:نتزوج يا روحي
محمد:بيقبل لمعلم
جيني:بيقبل ما ممكن يرفض طلب ل حبيبة قلبو
محمد:بتقبلي تعيشي معي بدون مشاعر
جيني:بقبل المهم انا مشاعري تجاهك
مسك أيدها وخلاها تنزل وتقعد جنبو ولف عليها يتأملها
محمد:صارحيني بالاول
جيني:بشو
محمد:شو الاحلى الحب قبل الزواج ولا بعدو
جيني:مو مهم التوقيت المهم الحب
امحمد:ازا انتي اتجوزتي حدا ما بتحبيه في احتمال تحبيه بعد الزواج
جيني:ازا كان رومنسي حنون ويلبي كل طلباتي يسمعني بكل وقت يستوعبني رح أحبوا اكيد انا بحبك أصيل
محمد:بس انتي بنت لمعلم
جيني:لولاه ما كنت شفتك أصيل انت بتخدرني بنظراتك
انت كيف بتشوفني
محمد:بنت
جيني:ما بتتاثر فيني متل مو متأثرة فيك
محمد:كيف
جيني:وقت اشوفك بحس اديشك زلمة صلب بحلم فيه من زمان والي بدي اجربو معك هو اخليك تلين معي
محمد:بس انا مو متل مو مفكرة
جيني:يعني مو رجال
محمد:مو هيك
جيني:لكن
محمد:اجربلك
جيني:ياريت
قربها منو وباسها بهدوء
محمد:هيك بس
جيني:انو
محمدمارح اوصل معك لاكتر من هيك
جيني:حسيت يعني
محمد:ماني حجر ع فكرة
جيني:انا بعشق كلشي فيه واكتر شي صلابتك
تتأمل ايديه وملامحو وغرقانة فيه
جيني:حابب انت
محمد:شو عرفك
جيني:لانو مابدك توصل معي لاكتر من البوسة
محمد:لانو حدودي معك لهون وبس
جيني:لاني بنت لمعلم
محمد: لانك بنت
جيني:يا الله شو انك ازعر ازا بتتجوزني بجوزك الي نفسك فيها
محمد:لكن ما بتحبيني
جيني: انا لاني بحبك رح اجوزك حبيبتك
محمد:أنا بدي امشي
جيني:رح اوصلك
محمد:اجيت لحالي
جيني:بترجع معي لكن
محمد:......
طلعو لبرى الجو بارد كتير سكر الجاكيت بس جيني رغم انها لابسة قصير عادي
محمد:مو برد
جيني:وين البرد
محمد:في برد بس لبريتسيج فوق الكل
جيني:هههه دخيلو اي
ركب جنبها شغلتلو أغنية صايعين لتسمعو كم معنى كان كل شوي يبتسم للمعاني بقلمي مايا الحجازي
محمد:رح تتأخري ليش اجيتي من هون
جيني:مشان اكسب شوفتك
محمد:بس طريق بيتي مو من هون
جيني:بستضيفك
محمد:غير مرة
جيني:انا بعرف انك جريء
محمد:وكيف اعرفتي
جيني:من البوسة شكلك مجربها كتير
محمد: ليش لازم اكون مجرب
جيني:بس انا دبت منها
محمد:هههه
جيني:وبدي اجربها مرة تانية
محمد:مع مين
جيني:معك انت
وقفت السيارة
محمد:ما وصلنا
جيني:بدي أجرب انا ابوسك انت لا تعمل شي بس اتفرج
.....
بأخر الموسم باقي علينا كم يوم بس
الصبح صحتني ماما
ماما:بلسم يا بلسم
بلسم:لسى بكير
ماما:بكير شو الساعة تسعة ستك تعبانة وبدها تساعديها انا كنت رح روح بدالك بس بتعرفي بدنا نخلص بقى ملينا واتعبنا

بلسم:وستي شو عندها شغل
ماما:هنيك بتساليها
بلسم:عادي بدي اصحصح شوي
ماما:خدي راحتك بس لا تطولي
نفخت ب ملل غسلت ورتبت حالي ورحت تمشاية بلبس البيت واتفاجئت شيماء ورا واحد من اخواتها اخجلت منو كتير بس دغري نزلت وغمرتني وهداك ما شال عيونو عني بقلمي مايا الحجازي
شيماء:رايحة لمكان
بلسم:جاية لعندي
شيماء:ع اساس ارجع لعندك
بلسم:بكون خلصت شغل بيت ستي
شيماء:بيناتنا الاتصال
بلسم: ناطرتك
كملت طريقي ومابعرف اخوها نظراتو خجلتني بديع برى سلمت عليه وفتت كانت ستي متسطحة على تختها بست ايدها
بلسم:سلامتها ست الكل
ستي:بدي اعزبك معي
بلسم: بعيوني بخدمك شو بدك اشتغل
ستي:في شوية غسيل الي ولبديع وبرى بدو شطف
بلسم:بأمر عيونك اعملك شي
ستي:هلا بتيجي عمتك انتي اشتغلي وهي بتجهز الفطور
بلسم:ماشي
رحت لميت كلشي في تياب بدها غسيل ورميتهن على الغسالة وبلشت حملة التنظيف لانو ستي شغلها مو كتير بلشت ب غرفة لضيوف رتبتها وكنستها ومسحت الفاترينه والشاشة ويا ويلي شوفي مفاتيح حطيتهن بالزبدية الكبيرة وطلعت للصالون كمان شطفتو وارجعت مديتو ولبرى شطفت ونشفت وسقيت لزريعة وبديع لساتو برى صافن ومتكتف يمكن اشتاق لاهلو يلا فترة وبيرجعو وفتت للمطبخ رتبتو ع الماشي خليه من نصيب عمتي وغرفة ستي مرتبة ع الاخر وبالحمام كان في تياب معلقة رحت لعند بديع اشرتلو انهن نظاف اشرلي لبعيد
ما افهمت عليه ركزت على الرسمة الي مرسومة على لبلوزة ايه شايفها هدول تياب محمد ناسي نص اغراضو الافندي فتت للحمام ومشان اخد راحتي سكرتو ورفعت عن زنودي ورفعت تيابي لحتى ما يوصلهن مي وصوت الغسالة عند ستي غير شكل حرب عالمي كنت ناوية اعملو تعسيفة خلصت وطالعت السلة لبرى الحمام وبلشت ب شطف الحمام خليتو يلمع لمع وفجأة انفتح الباب ودغري نزلت تيابي انصدمت اتاريه محمد
محمد:اسف ما بعرف انك جوى
بلسم:انا اصلا خلصت
وهلا شفت سلام فايتة من باب البيت وغصب عني رحت سلمت عليها
سلام:كيفك بلسم
بس مديت ايدي
بلسم:الحمد الله أنتي كيفك
سلام:تمام شو مداومة هون
بلسم: بس من اليوم رح اسلمك الدور
سلام:ههههه وينها ستي
بلسم:بغرفتها
سلام: رايحة اسلم عليها
انا كتيرة غلبة بلشت اتأمل فستانها شو حلو وهي مرتبة امشيت وراها قلدت مشيتها وشافتني ستي وضحكتلي وضليت اتفرج على اللقاء مو عاجبني بنوب
اشرت ل ستي انو مو عاجبني
ستي:ههه سلمتي عليها
سلام:اي سلمت
ستي:خلصتي غسيل
بلسم:اي وطالعة انشر سلام جهزي القهوة
ستي:هههه بتمزح انتي ضيفتنا
طلع محمد من الحمام
بلسم:محمد ستي بتحكيلك جهز القهوة
ستي:هههه بتمزح معك هلا هي بتجهزها
ما عجبني بنوب اخدت السلة واطلعت للاسطوح انشرها وبلشت حكي
بلسم:قال يعني عاشت كم سنة بالمدينة بتيجي لابسة ع الموضة سماوي يا بخت الخطيب اكيد متلها مأنزع وشايف حالو متل ابن حماه ولااا بدي اغسلو للسيد ديك الحبش وتارك تيابو يا بعدي اكيد صار لازمو خزانة اي مبارح راح ما لحق يشتاق ليرجع اما شو عيلة بتهوي وكانو وصلت عمتي رحت اتفرج على الاستقبال وكيف حاضنة سلام وهلا محمد وصوت البوس واصل للحارة التانية ناقص تزغرد عمتي لو مو عيب كنت انا زغردت
انزلت لتحت وسلمت عليها
عمتي:انتي هون
بلسم:نطرتك تساعديني
عمتي: يسلم ايديكي ع هالشغل بشو اساعدك
بلسم:لا عمتي استريحي رح اجهز القهوة واجهز الفطور
سلام:نحن مفطرين
بقلبي:هو هاد الي كان ناقص
فتت للمطبخ عمتي جاية رؤيا بس ما الها ع الشغل وهلا بتيجي سعدية ههههه خليها تفرجيها لمحمد
كنت عم اجهز القهوة المرة لانو ستي يوميا بتجهزها والا تيجي عمتي تعلمني ع اساس انا غشيمة ضليت متكتفة وهي تشرحلي شو اعمل وبعدها راحت جهزت الفطور واجت سلام ساعدتني حطيتو ب غرفة ستي وانا وبديع افطرنا معها وماسدءت ايمتى خلصت
بلسم:انا خلصت ستي بدك شي تاني
ستي:لا حبيبتي بس سهرتكن عندي
بلسم:انا رايحة للكرم
عمتي:ما خلصتو
بلسم:يمكن بعد بكرى نخلص بخاطركن
كنت عم ادور على لفحتي معقول غسلتها لا كانت هون معلقة بالصالون
بلسم:ستي شفتيلي لفحتي الزيتيه
ستي:ما اجيتي فيها
بلسم: امبلا علقتها بجنب الباب
ستي:يعني وين بدها تروح
بلسم:..
اطلعت من البيت معقول ببيتنا يمكن
اناا مخربطة اكيد ومو جاية فيها بس متزكرة وقت ودعت شيماء لفيتها منيح فتت للبيت اخدت الموبايل اتصلت ب شيماء
بلسم:رح تتأخري
شيماء:لا شوي وبكون عندك
جهزت القهوة وصلت وكان اخوها يحكي معها واجت لعندي
بلسم:هههه بوصيكي
شيماء:اي بدو يجي ياخدني
بلسم:كيف اجواءك مع امين
شيماء:غير شكل يوميا حكي وبيجي يسهر عند ايوب
بلسم:هو هاد اخوكي
شيماء:متغير مو
بلسم:انا بعرف انس بس
شيماء:هاد الي اصغر من انس
بلسم:مشالله امك جايبة اولاد ومكترة متلي ومتل عزمي وحيدين

شيماء:اسم الله علينا هههه
بلسم:ليش ناوية تجيب كمان
شيماء:لا نفقت
بلسم:طمنتيني وين رحتي اكيد اخدك مشوار
شيماء:لعند جورية بعتلها كم شغلة لتصغرهن
بلسم:ع حساب خياطة
شيماء:هههه لاشتري ماكينة ومنتواجه
بلسم:لانو الشغل الي رح تشتغليه معي بدو ماكينة خياطة
شيماء:لساتك بتحلمي يعني
بلسم:اي واشتريت دفتر للتصاميم ورح اعرضهن ع جورية وازا امنت لقماش رح تربح معي
شيماء:اي وانا بشكلك الفساتين لولو والماس
بلسم:خلص وليه اتحمست
شيماء:بلسومة شو اخبارك انتي والحب
بلسم:هااا حب قلتي
شيماء:يعني كانو اسمعت من ايوب انو جاي
بلسم:ليش بيعرفو بعض
شيماء:هههه شوفو الجدبة لتنين بالامن اكيد بيعرفو بعض وغير عن كل هاد اولاد ضيعة وحدة
بلسم:اي امبلا
شيماء:ليش مو بالكرم
بلسم:ستي تعبانة شوي رتبتلها البيت وانا اصلا مليت من هالشغلة
شيماء:يلا هانت
بعد القهوة قررت تمشي اتصلت ب اخوها والظاهر جاي ياخدها
........

كان برى مجهز حالو ورايح يشوف امين وقت شافو ايوب وقف ونزل سلم عليه
ايوب: أصيل عاش مين شافك
محمد:اهلا والله شو مفوتك للحارة
ايوب:اختي عند رفيقتها وجاي اخدها
محمد:شو وين السهرة
ايوب:حياك الله
محمد:يعني بتستقبلني
ايوب:انت ومين مابدك
محمد:منلتقى المسا
ايوب: بالانتظار
طلع محمد من الحارة متوجه لبيت امين وصل وضرب حجر على الباب ليطل عليه امين ب قميص داخلي
محمد:فوت اتضبضب
امين:حول
محمد:لا ماني مطول رايح لعند عزمي وعامر
امين:شو جية معاتبين
محمد:عاوزك بموضوع خلصني
استناه لحتى طلع
محمد:وشك ولا كازوزة
امين:وبعدين
محمد:ههه ايوب هون
امين: والمعنى
محمد:لا بس السهرة ببيت الحب
امين:اي شو عليه وانت اخبارو
محمد:ع حالو
امين:لك لك بدو ينسيني شو كنت بدك تحكيلي وقلتلي محظورة
محمد: كمان بعدين
امين:لكن ليش جاي
محمد:اشوف خلقتك
امين:اهووو علينا وبعدين
محمد:هلا معقول ما اعرفت
أمين:اي خلص المسا بجيبلك اياه
محمد: ومشان
امين:هو بالزور لرضي يبيع بس قطعة نظيفة ع كيفك لو معي مصاري اشتريتو
محمد:ع كلا المبلغ جاهز بس مابدي حدا يعرف ومتل المواصفات
امين:وع الواقع احلى كمان
محمد:يلا لكن بشوفك اي
امين:لك ما شربناك شي
محمد:غير مرة
ودعو ورجع مشي للكرم هنيك الحضور متكامل ملتمين ع شكل دائرة وعم يشربو شاي
محمد:بشوف بسنة ما بتخلصو
وقفو ليسلمو عليه وهو مرتاح شاف بلسم اول ما وصل
عامر:ما سدءنا انك هون
محمد:اجيت اصفي حسابات
عامر:ولي مع مين
محمد:الكلب صافي ماعم يحلب صافي معنا
عزمي:واخيراً
محمد:شو لمة حبايب وهيك
عامر:لا عم يودعو بعض نحن بكرى منخلص
عزمي:نحن بعد بكرى وحلوان انو خلصنا عازمكن على سهرة على كيف كيفكن
عامر:خلص ياعمي موافقين شو جاي لحالك
محمد:لا اجت سلام معي وتركت عمتي هنيك
عزمي:وانبسطت بشوفتك
محمد:كأنو
لتدخل بلسم
بلسم:انووو انبسطت لو معها روسية كانت خربت الدنيا
محمد:عم تبالغي
بلسم:يييي الي ما سمع صوت البوس حرب
ليفرطو ضحك
محمد:كأنو صاير محتوى للمسخرة
سيدرا:بتحبك فينا نقول غير هيك
محمد:انا ما حدا بحبني الحمد الله وبعرف كل المجاملات والاسلوب هاد من هون بيمرق
فرطو ضحك عليه
عزمي:ابن دولة يا عمي ما منقدرلو
محمد:في شاي
عامر:اي ناطرينك ارجع
محمد:...
كل نظراتو ل بلسم بتحكي وهي نزلت راسها بخجل وراح تمشاية لكرمهن مجرد شافو صافي اتلبك ودغري راح يستقبلو
صافي:اهلا اهلا
محمد:اهلا فيك شو كيف المحصول
حكى هو عم يتأمل الشجر كيف شايل
صافي:ع كيفك
محمد:ايمتى بتخلص
صافي: بعد بكرى ع الاكيد
محمد:هلا وين الزيتون
صافي:هون قريب من المحرس
محمد:بدي اوزن كل المحصول بكرى قبل يطلع للمعصرة
صافي:...
بلع ريقو بصعوبة صافي واتلبك
صافي: بالمعصرة بيتوزن
محمد: الي قلت عليه بصير وبدي اكون حاضر
صافي:ولايهمك
محمد:حاسبت الشباب
صافي:كل يوم بيومو
محمد:كتير منيح بعد بكرى بتسحب كل التمديد انا بدي استلم الكرم من جديد
صافي:شو عليه انتو اصحاب الرزق وانا اخدتو ضمان
محمد:رح نتصافى بعد بكرى انا هون بكرم عمي بس تخلصو بشوفك والي معك حكي تاني
صافي:اي منحكي اكيد
طل بمخزن المحصول
بقلبو:على عماها متل كل سنة بيحكي مو كتير يلا بالمعصرة منتواجه يا صافي
رجع لعندهن كانو مشغولين وهو المقصد كلو عند بلسم وصوت ضحكتها تنعش جواتو كل الاحاسيس
بقلبو:رح اسمع وصية ستي واتقرب من مرت عمي بلكي تمون ع بنتها والسنة الجاي بتكون عندي وع ذمتي .
عزمي:الله لا يهنيه
محمد:مين
عزمي:الي ماخد تفكيرك
محمد:وين عامر
عزمي:ع الشجرة متل القرد
ليسفقهن ب زيتونة اجت براس عزمي
عامر:قناص لا تقول
عزمي:هههه هي من كرمكن ها وحطيتها معنا
عامر:والله لاخد بدالها
عزمي:استرجي
محمد:خلص اقسموها بالنص
عامر: وين السهرة
محمد:عند ايوب
عامر:مرررة وحدة
محمد بأهتمام:كيف يعني
عامر:قالو ما بيتحاكى هالزلمة
محمد:اي هو من ناح ديك اي ونافش ريشو بس مو عليي
عزمي:ها شو كاين مافيا انت
محمد:لا هو بدون سبب داحش مهران اخي وبيحسبلو حساب وانا وقت اشوفهن هيك بقول الله يزيدهن خوف
عامر:ومين غيرو
محمد:كتااار
عزمي:يعني عنجد مهران شغلتو هالشغلة
محمد:اي
عامر:ومافي خوف عليه
محمد:لا ادفع وبتزبط امور امورك وامور حبايبك معك
عزمي:اي اتخيل نعمل متلو
محمد: ناوي تصير ابن حرام
عزمي: كيف يعني
محمد:يعني تقتل بدون ما تحقق وتستلم مصاري مقابل ارواح البشر الي بتصفيهن
عامر:لا ياعمي نحن مو هيك ولا اتربينا هيك
محمد:ايوووا قصدك نحن عيلة اولاد حرام
عزمي:هاد وصفك نحن ماحكينا
محمد:يلا يلا اشتغلوا بس بدكن كلمة
عامر:روح بتكون لعميمة اشتاقتلك
عزمي:ههه وبنت لعميمة
محمد:رايح حتى مابدون ما اتسمم شاي
عزمي:بلسم جيبي براد الشاي لا تطلع بعين الصبي

محمد:ايه شو عليه منتواجه بليل
عزمي:ههههه
ضيفتو كاسة
بلسم:كنت جبت سلام معك..اه تيابها مو خرج تراب وشغل
محمد:شو عرفك
بلسم:مبينة
عزمي:مو تتخانقن تفضحنا
محمد:سلام حبابة كتير
سيدرا:ايوا بلسم لئيمة
بلسم: بلاا انا مافي مني
عامر:بس رح تتخانقن
بلسم: أنا ما بعمل مشاكل
محمد:اي قصدك نحن عيلة مشكلجية
بلسم: انت حكيتها مو انا
محمد: ايه شكراً
.......
ارجعنا تمشاية كان بالي عند اخوها ل شيماء صحيح رح نسهر عند ستي بس رح اتحركش شيماء لاعرف كلشي عنو بلكي حابب اووه ازا مو مرتبط ويصير بيناتنا حب اي جاي عبالي أجرب شعور الحب والغرام ويكون في تبادل بالمشاعر يهديني اغنية اشوفو انطرو او يتصل فيني اي مافي احلى من هيك بس بينحب يا ترى .
ودعت سيدرا ودغري للبيت مناقرة عزمي وعامر ما بتنتهي بصوت عالي بقلمي مايا الحجازي
عزمي:ابو بريص
عامر:الابرص
عزمي:وسع وسع
عامر:خف خف
بلسم:يا الله شو بتتناقرو
عزمي:هلا مو تعملي مشكلة
بلسم:اصلا مو ببالي وكلو تهم باطلة كنا زمان ونحن صغار هلا هي مخطوبة واكيد عقلت
عزمي:هي عقلت بس انتي بتغاري منها
بلسم:ع شو دخلك
عزمي:انيقة وبتحلمي تعيشي متلها
بلسم:يمكن ما تسدءني مو بنفسي شي لا عيشتها ولا لبسها
عزمي:اي انشالله غيري يسدء
بلسم:وعمرهن لا يسدءو
عزمي:ازا صار شد شعر ما منتدخل لانو بتتحجبن عيب تنكشفن ع الغريب.
بلسم:بابا اخر الشهر جاي والله لاشكيلو منك
عزمي:ههه وابكيلو
اتحلفتلو واتخانقنا على فوتة الحمام وماما عطول من صفو فات بعد ما جاكرني وانا كتير معصبة وحاملة تيابي بس ما رح اهنيه ضليت عند الباب وكل شوي اخبط عليه برجلي
عزمي:حبيبي مهما سافرت
بلسم:نيال الاطرش
عزمي: ومهما غبت يا روحي عني مني
بلسم:ماما تعالي شوفي ابنك الو ساعة بيتحمم
ماما:اي وبعدين معك ومعو .
بلسم:عم يغني سامعة
ماما: يقبرني صوتو حلوو انا بحب هالاغنية
بلسم:علي صوتك عزمي الاطرش
عزمي:ومهما طالت رحلتك مستنياك قلبي معاك يا حبيبي في غربتك
بلسم: راحت عليي نص السهرة
عزمي:عههه جهزي الشبريه ام راس
بلسم:سامعة ابو راس ابنك
ماما:ههه معو حق انا بس اشوف سلام بتزكر كيف كانت تبكي وانتي تكوني نازلة فيها دق وضرب وعض
بلسم:اي زودتوها انا بعرف انو رح تحفظو هالمواقف يا جماعة كنت صغيرة انا اكبرت
ماما:هههه اي بس وقت ضربتيها بالحجر كنتي صف تاسع
بلسم:والله هي بلشت وحكت عني بوقتها
ماما:يلا اعلقتي معنا وخلصتي
طلع الافندي وماما فرحت بشوفتو.
.......
كانو برى ناطرين بلسم تخلص
عزمي:يلا ام راس
بلسم:انت ابو راس
ام عزمي:خلصتي
بلسم:اي بس بدي لفحتي
ام عزمي:بغرفتا
بلسم:لا ضيعتها ببيت ستي
طلعت بلسم مغطية تمها وانفها بالشال سكر عزمي وطلعو للشارع
ام عزمي:رح تتاخرو
بلسم:ليش وين رايحين
عزمي: السهرة عند ايوب
بلسم:مين هاد
عزمي:اخو شيماء رفيق محمد
بلسم:...
بجية عامر واهلو
عامر:لنشوف عمتي زمان عن شوفتها
ام عامر:كهينة وعيونها بيطالعو شرار
ام عزمي:الله يسترنا منها
........
وصلنا فتحتلنا سلام لهيك انبسطت خليها تشتغل احسن مو كل وقتها عندها خدم وحشم كانت لابسة بنطلون جينز وبلوزة سودة لعند ركبتها ومهدية الشالة على راسها امي ومرت عمي وسيدرا مبلشات بوس واحضان وكزب
سلام:كيفك بيسووو كبرانة وحليانة
بيلسان:من بعدك فرجيني خطيبك
لتغرق ب ضحكتها
سلام:حاضر بأمرك
ومن بعيد سلمو عزمي وعامر وخجلانين منها كمان
عزمي:وينو
سلام:بيحكي مكالمة
عامر:جاهز
سلام:فوتو انطروه
قعدنا ب الغرفة لساتها على ترتيبي هالمرة مو جنب الباب بالصدر خلي العتبة ل سلام يا الله شو حلوة بلوزتها ولا هالجينز
كنت غيرانة كتير بس ما اظهرت اي لبسي حلو بس لبسها احلى وجسمها كتير حلو نحيفة وقصيرة ومبينة اصغر من عمرها همست ل بيلسان
بلسم:بيسو خليها تفرجينا خطيبها
بيلسان:يلا بس شوي
ستي:وين اخوكي
سلام:بيحكي مع رفيقو
ستي:اي منيح
عزمي:رح نريحك مننا رايحين نسهر
ستي: المهم لا تلعبو شدة
عامر:اصلا كل سهرتنا مشان الشدة
.......
لساتو بغرفة ستو وفاتح خط مع جيني
محمد:وخلاصتو
جيني:لا تتأخر
محمد:عندي شغل
جيني: بستناك
محمد:انا عندي مشوار
جيني:وين
محمد:لعند ايوب
جيني:وفي بنات
محمد:مافي الا شباب
جيني:ايمتى بترجع
محمد:حسب اللعب
جيني:بترد ع الواتس مو تطنش
محمد:ما بقدر بس ارجع منحكي
جيني:لا يا روحي ما بتحمل
محمد:اولاد عمي ناطريني
جيني:بدي بوسة متل هديك البوسة
محمد:قبل تنامي ولايهمك
جيني:بستناك واشتقتلك
محمد:سكري يلا
جيني:لا ودعني متل العشاق
محمد: جيني شو اتفقنا
جيني: انا ما اتفقت ع شي وبدي نسهر سهرة بدل ما حرمتني حضنك هديك الليلة
محمد:الله معك
اخد نفس طويل وطلع سامع حكي وضحك فتح الغرفة وسلم على الكل ولساتو ع الباب

محمد:يلا مشينا
نظرات عزمي وعامر كانو يحكو شافو لبسو وصغرو عيونهن ودغري وقفو
محمد:تعي سلام شوي
اجت اختو بعد ما طلعو لبرى
اعطاها الموبايل
محمد:خليه معك بس لا تردي ع حدا
سلام:ماشي
طلع لبرى لعند الشباب وهي سكرت وراهن
برى دفشوه سوى راح يوقع على وشو
محمد: لعمى ما اندلكن وين بديع
عامر:بدو ينام
محمد: بيعرف في سهرة
عزمي:ولانو عند ايوب ما عجبو
محمد: اريحلو
عامر:مين رفيقك الي حكيت معو
محمد:مين
عامر:مو كنت تحكي مع حدا
محمد:اه اي
عزمي:حلو الجاكيت
عامر:ولبلوزة كمان
محمد:بس نرجع بشلحهن
عزمي:والبنطلون
محمد:هههه لا هيك كتير
عامر:شو رايكم بسباق
محمد:انا طالع اتمشى
عزمي:نحن اتأملنا نروح بسيارتك
محمد:لا مو حرزانة ليكو البيت
عامر:مفعل خدمة توفيري
محمد:هههه احكو ع كيفكن انا مالل من السيارة وقعدتها كمان
وهنيك السهرة عمرانة كلهم شباب تقريبا من نفس العمر اولاد مدرسة وحدة وبلشو بلعب الشدة
..........
كنا عم نشوف صورة خطيبها كان حلوو وبيجنن كمان اطلعنا ببعض انا وسيدرا وما علقنا
بلسم:مبروك
سيدرا:وشو بيشتغل
سلام:محامي
سيدرا:مبين مرتاح مادياً
ماما:وعن حب
سلام:لا عن طريق بابا
ام عامر:وشو بيشتغل جوزها ل حنان
سلام:شريك مهران
ستي:وكيف ابن مهران اتحسن على العشبة الي بعتلو اياها
سلام:اي دغري خفت السعلة
ستي: وليش ما عندو الا ولد
سلام:هيك نيفين بدها
ماما:وايمتى عرسك
سلام:كمال بيحددو
همست ل سيدرا:يا ترى بحبها
سيدرا:وبتحبي خطيبك
سلام:يعني شو هاسؤال
بلسم:وهو كمان بيحبك
سلام:اكيد
بلسم:وكيف شفتي الضيعة
سلام:كتير حلوة
رحنا لتلات للمطبخ نعمل الشاي وندردش كل شوي موبايلها يضوي وانا عيني عليه حطتو على الرف وراحت لتجيب مناديل بس الظاهر خطيبها مشتاقلها واتصالات كتيرة غريب مو مسجلة رقمو
سيدرا:مين عم يتصل فيها
بلسم: سلام خطيبك
اجت مهتمة
سلام:هاد موبايل اصيل
بلسم:نسيه
سلام:لا يمكن مابدو يرد ع حدا
بلسم:عادي ارد ع الرقم
سلام:ليكون رفيقو
بلسم:منسمع صوتو ومنسكر
سلام: ردي
فتحت الخط والصوت انثوي لدرجة
طولت عليي .... أصيل عم تسمعني
كنا كاتمات الضحكة
وينك انت
سكرت الخط واضحكنا بصوت عالي
سلام:انا ما دخلني منك الو ها
بلسم:مين هي
سلام:والله مابعرف بس اكيد رفيقتو
بلسم:عادي عندو رفقات بنات
سلام:اي شوفيها بتصير
بلسم:وحلوة
سلام:لو مسجل اسمها بعرفها بس مو مبين الرقم لمين
سيدرا:على هالصوت
بلسم:هههه كيف متحمل يسمع صوتها
سيدرا:اي نحن البنات واتأثرنا بصوتها
سلام:وشو قصدكن
سيدرا:انو اكيد بتحبو
سلام:ازا هيك يمكن
بلسم:وانتي بتصاحبي شباب
سلام:لااا شو عم تحكي نحن صحيح اطلعنا من الضيعة بس لساتنا بعاداتنا وتقاليدنا
بلسم:ومحمد مو من العيلة
سلام:هو شب والشب ما بينعاب
سيدرا:هلا اتأكدت انك لساتك محافظة ع تقاليدنا واولها التخلف
بلسم:ليش ما بينعاب والبنت بتنعاب
سلام:والله هاد قانون الجميع هلا ازا انتي صاحبتي بيرضو اهلك ياستي عزمي بيرضى
بلسم:لا شو يرضى
سلام:وازا عزمي تواصل مع بنت فيكن تلوموه او تقولو حرام وعيب وبتجيبلنا العار
بلسم:الصراحة لا
سلام:انا هاد قصدي انتي غير اخوكي ونحن كمان وعنا أصيل دقة قديمة لدرجة وبزيادة عن مهران
بلسم:وعمي
سلام:لا بابا هلا كل همو المنصب والاعمال
بلسم:ومرت عمي
سلام:ماما مو فاضية الا لرفقاتها
سيدرا:وين احلى هون ولا هنيك
سلام:هنيك احلى ما حدا بيسأل ع حدا
بلسم:اي هون بس بدهن كلمة ليحكو فيها
رحنا للغرفة وكل شوي نبتسم انا وسيدرا على رفيقة محمد عليم الله حبيبتو مو رفيقتو وينك انت ,,,😂مو فاضي عندو جولة النصر وعطول معصب باللعب وبياخدها جد مرت عمي وماما من سيرة ل سيرة واجت عمتي ليكمل الجو ضحك ومزح وبديع وجودو وعدمو واحد
عمتي: حليانة ياروح عمتك
سلام:تسلميلي
عمتي:ليش ما اجت حنان
سلام:جوزها وبتعرفي حامل جديد
عمتي:شو اتمنيت احضر خطبتك
سلام ب عفوية:ماصار خطبة بس قعدة عادية ولبسني خاتم
عمتي:يووه كنو بخيل يعني
سلام:لا اهلو بألمانيا وما الو حدا ونحن بتعرفي
عمتي:اي عمتي انتو قطعتو فينا
ستي:خلصنا ما بدنا نفتح دفاتر قديمة
عمتي:اي بدرية بتدعي وبتجيب مين يدعي على ابو مهران وولادو
سلام:...
ماما:اي كيف مصعب
عمتي:منيح كتير
ورح يطولو الشباب؟؟؟ اتصلو فيهن انا جاية مخصوص اشوفهن
بلسم:مو من مقامك نحن
عمتي: امبلا بس قعدة الشباب احلى
ضحكت ماما ومرت عمي
عمتي:ايمتى جاي ابو عزمي
ماما:مكسور عليه اجار ولازم يدفعو
عمتي:وشو رح يعمل
ماما:رح نحولو مصاري من هون
عمتي:بلسم اعملينا قهوة ما حدا بيعملها متلك
بقلبي:كزابة
رحت وعند الباب صوت حكي رحت لشباك غرفة ستي وشفت الثلاثي كيف قاعدين وضامين الجواكيت على حالهن بقلمي مايا الحجازي

عزمي:بلا جد
محمد:ما بينمزح بهيك امور
عامر:ما عجبني الصراحة
عزمي:فكرتو شي شغلة
محمد:لا شغلتو فارطة بس لا تجيبو سيرة مو حلوة يعرف اني خبرتكن
عامر:بيستحي يعني
محمد:لا بس انو مأمن فينا
عزمي:وانس متلو
محمد:لا انس زلمة اما ايوب مو خرج يكون زلمة
عزمي:وانت شو وضعك
محمد:والله يا ابن عمي انا حامل
ليفرطو ضحك
عامر:عنجد
محمد:حامل بقلبي من كل هالدنيا
عزمي:الله يسهل عليك
محمد:اي ايمتى بدنا نصيع سوى
عزمي:اي لنخلص الموسم
محمد:اي شد حيلك هلاا حلوة السهرات
عامر: انشالله سهرات حيلا
محمد:شو ما بدكن ازا حفلة دينية بدكن باخدكن
عزمي:لا ولووو بعدين منتفق
محمد:انا اتجمدت
عزمي:واخيرا محمد اتجمد
محمد:فوتو خلصوني
الي افهمتو ايوب ما بيسوى وكانو يحكو عليه ما اهتميت لكلامهن دقة وحدة ورحت دغري فتحتلهم فاتو متل الدرك ورا بعض
عزمي:هون الكرارة
بلسم:شو عرفك
عزمي:مبين الجو فيو شرار
عامر:شو عم تعملي صايرة بواب
بلسم:مشان لا تتجمد بعرفك جلدة وعظمة
سكرت وراهن فاتو للغرفة ومبين الاستقبال حامي وبلش عزمي مسخرة بقلمي مايا الحجازي
عمتي: الغالية هون اهلا اهلا
عملت القهوة ع السريع ورحت لاكمل السهرة
عمتي: عزمي حاجتك تنقر
عزمي:والله جد زمان ما شفتك
عمتي:بيتي وبتعرفو
عزمي:بعرس جوزك بزورك
عمتي:لا والله عرس ابوك
بلسم:بابا ما بيتجوز على ماما
عمتي:بسعالو بعروس لاخي مشالله شخصية والف صبية بتتمناه
بلسم:ريحي حالك عمتي
عمتي:والله امك ما ادايقت
ماما:في مين يدافعلي
ستي:ما بيتجوز لا تخافي
عمتي:اي بلكي نجوز ابو مهران
محمد:ههههه
عمتي:ليش أضحكت
محمد:لا اتزكرت شغلة
سلام:عمتي ليش بدك تجوزي اخواتك
عمتي:خلي يكترو اولاد اخي شو كل وحدة جابت نفرين وبطلت
ماما: اديش بدك
عمتي:شوفي ابو مهران مشالله اربعة ولو بدو كمان جاب اربعة
ستي: المهم انو مرتاحين
عمتي:اي عمتي شدو حيلكن بدي اكون عمة العريس
عامر:ليش مو ام العروس
عمتي:ايه الله يسمع منك بس انا حابة افرح فيكن
عزمي:مرة وحدة
عمتي:اي شو عليه وعرايسكن على زوقي
عامر:كلنا
عمتي:اي وبدي اصبح عندكن مشان اطمن عليكن
عزمي:هههه فكرت تنامي عنا
عمتي:مش غلط مو حرزانة ارجع الصبح
محمد:نحن ناويين نتجوز بنفس ليوم
عمتي:لا يوووه بدنا لكل واحد عرس منتغدا ومنرقص ومنفرح وانت محمد هون رح نجوزك
محمد:هون هون
عمتي:لا بتزبط بيت اهلك
محمد:مو قلتو مسكون انا بخاف
عزمي:بتلاقي محمد نايم جنبو شي عشرة
محمد:شبك بيعملولي قهوة وفطور
سلام:لا تجيبو سيرتهن
عزمي:امبلا هلا بيحضرو وهون البيت قريب
عامر:جنب بلسم وغرفة بلسم بجنب بيت عمي
بلسم:كهكه عم ينكت
عزمي:اليوم بجنب ماما بتنام
بلسم:لااا مو لهدرجة
عامر:هههه ناويلك على نية
ماما:ازا صار عليها شي منجوزك اياها
بلسم:بلااا انا ما بقبل فيه
عامر:ازا كنتي مجنونة باخدك
بلسم:وانا صاحية ما بقبل فيك
ام عامر:صحلك شبوبية دخيل عينو
بلسم:الشئسمو بعين امو غزال
عمتي:مو منيح التكبر عمتي
بلسم:لا منيح كتير وبجيب نتائج مو نتيجة
عمتي: والله ابوكي قمة بالتواضع لمين طالعة هيك
بلسم:لعماتي
عمتي:لا نحن مو هيك
عامر:لكن عمتي لمين طالعة بلسم
عمتي: ابصر ما بحط بزمتي
عمتي:لا تزعلي بلسم بس انا بحب سيدرا وسلام اكتر منك
بلسم:امانة حبيني يا عمتي
عزمي:بس بلسم نسخة منك
بلسم: بلااا شو
ستي: كنتي هيك بشبابك شايفة حالك ومو مسدءة
ام عامر:ولساتها
عمتي:بس انا ما حدا بيشبهني
ام عامر:والله بلسم نسخة منك بكلشي
بلسم:....
انقهرت كتير ما بيكفي اكتر الناس بفكروني بنتها
ما بقى رديت على حدا اخدت موبايلي اتسلا عليه
........
كان محمد عم يراسل جيني ومو معهن بنوب
محمد:مين رد عليكي
جيني:مابعرف اتسكر دغري الخط
محمد:يمكن بالغلط
جيني:لحالك
محمد:لا عمرانة
جيني:وفي صبايا
محمد:بنات عمي بس
جيني:وحلوات
محمد:عسلات
جيني:هيك الحكي
محمد:عم اصارحك
جيني: بدي اسمع صوتك
محمد:هلا مافيني ليروحو منحكي
جيني:صورلي بنات عمك
محمد:بتمزحي موو
جيني:بتغاار عليهن
محمد:لكن على مين بدي اغار
جيني: بلاا حلوات
محمد:هههه شو بهمك
جيني: بيخطرن ع بالك
محمد:بس تخلص السهرة منحكي سلاام.
سكر معها وبقي يتسلا سامع ضحكهن ومزحهن
وانتبه للكلام
وصفية:انا عطول بحكي الله يعين المبتلي فيها
عزمي:والله سعدية ع سلامتها
ليفرطو ضحك
وصفية: لا بقصد على اختك
اطلع ب بلسم كيف ماسكة موبايلها ومو معبرة حدا
سيدرا:بس ما بصير تكسري خاطرها
شاف بلسم دفشت سيدرا
بلسم:لا ما انكسر خاطري
سلام: عطول هيك
وصفية:اي نفسية ولي على عيونها
بلسم:طالعتلك
وصفية:تتشبهيلي وقت كنت مين كان
بلسم:لا مابدي اتشبهلك انا ما بحب اكون متلك
ام عزمي:خلص بلسم
بلسم:يعني مطولين انتو
عزمي:هههه منتسلا روحي لحالك

بلسم:....
همست ل سيدرا شي واخدن سلام وطلعن ولعيون عليهن ومحمد مستغرب كيف مو طايقات بعض
وصفية:ام عزمي لا تزعلي مني بس بنتك زودتها
ام عزمي:ليش ما بتحبيها شو عاملة
وصفية: شايفة حالها كتير
ام عامر:بس كسرتي خاطرها
وصفية:مو معقول انا ازا بشوفها تبكي ما بسدء مابعرف لمين طالع قلبها حجر هالبنت
عزمي:هههه ستي مين من عماتي بزمانها اجت فيها رصاصة بالغلط واسعفت حالها
نوارة:ههههه وصفية
ليغرقو بضحكتهن وكتير ادايقت بس ضحكت لحتى ما تبين انو انحرجت ومحمد طلع ليشوف شو صاير مع بلسم وانصدم كانت عم تمسح دموعها
سيدرا: شو بدك فيها
بلسم:بتحكي عليي وبتجيب حكي من عندها ليش انا شو عاملة فيها
سلام:يمكن لانك ناشفة معها
بلسم:ما بطيقها مو من هلا من وقت كنت صغيرة وقت كنت اروح لعندها ابعتلا شي او جيب من عندا شي متزكرة سيدرا شو تعمل فيني
سيدرا:اي كانت تخليها برى وتعطيني خرجية ل بلسم لا
سلام:بلا جد
بلسم:وكانت كل ما تشوفني لابسة تياب جديدة اما تحط فيهن مية عيب او تمزعلي من لبلوزة وتخربها
سيدرا:شو تعملي يعني طنشيها
بلسم:ليش انا هاميتني بس هي بتدخلني بكلشي وعم تتزاورني يمين شمال
فات محمد لعندهن بس بلسم اتظاهرت انها عادية
محمد:شو صاير هون
سيدرا:ما اسمعت عمتي
محمد:من طول عمرها هيك شو اتغير
بلسم:بس انا اكتر وحدة بتسمعني حكي
محمد:احسن ما تدعي عليكي وع اهلك بوشك
بلسم:مابعرف عماتي ليش هيك لئيمات
سلام:هههه نحن طيوبين كتير
محمد:بس اكيد مو من اهل بابا مكتسبة الطيبة
سيدرا: انده ل عزمي وعامر خلينا نتمشى
محمد:برد برى ما بينطلع
بلسم:عزمي عاجبو الوضع ولايمكن نرجع للبيت اليوم
سلام:هههه يلا روقي بقى
بلسم:..
محمد:خليها تلعب شدة ولحالها بتروق
بلسم:اصلا ما بينلعب معكن
محمد:هههه بس ما بكيت من الخوف بلسم
بلسم:مو انت رجال بيكفي
محمد:اي بدكن تضلن هون
سلام:اي الجو بارد بدون صوبيا ما بينفع
بلسم:اي روحن شو بدكن فيني
سيدرا:تعالي بلا جدبة
حسها عم تكابر على حالها بس هو فات ل غرفة ستو يحكي مع جيني سكر الباب بهدوء وفتح الخط
بصوت انثوي بيحرك جواتو كل إحساسيس الرجل
جيني:اشتقتلك
محمد:اديش يعني
جيني:يعني على اد ما بوستك طيبة
محمد:ههههه مين عندك
جيني:كانت سوسن وهلا راحت
محمد:وكيف الأجواء عندك
جيني: بالاول جاوبني ليش طلبت إجازة
محمد:في عندي شغل
جيني:نيال كل حدا شايفك
محمد:ما اتوقعتي
جيني:لا نطرتك كتير وبعدها اعرفت انو انزلت اجازة
تعال مافيني على غيابك
بقلبو،:هربت منك خفت اخبص لانو لو ما رجعلي عقلي واستوعبت بنت مين انتي كنت رحت فيها
اتزكر الموقف الي صحي منو بالسيارة وكيف كمل طريقو مشي بالعتم وعم يتنفس بصعوبة ورجع بعد نص ليل
......
رجع للغرفة والعيون كلها عليه ومبين مبسوط كتير وخجل ضب الموبايل بجيبتو
عمتي:طولت كتير
محمد: اي حكيت مكالمة
عمتي:مع ابوك
محمد:هههه وحدي الله ما بتصل فيني
قعد جنبها لانو مافي مكان الا جنب عمتي
عمتي:ولساك بتتخانق معو
محمد:مو كتير ما بشوفو الا بالمناسبات
ستي:لساتو قاسي عليكن
محمد:والله زمان ما اجتمعت فيه يعني ع الرسمي
عمتي:وامك مو ناوية ترجع لهون
محمد: شوفي هون عمتي
عمتي:ضيعة جوزها مو غلط تزورهن
محمد:هي حرة
عمتي:وانت شوفي هون ليش بتزورنا ازا اهلك ما الهن شغل هون
محمد:هالمرة جاي بشغل
عمتي:يعني فكرت
محمد:..
عمتي: ومشان الموسم
محمد:بكرى ببين معي
ستي:لو من اول ما سلمتوه ل صافي
محمد:منيح ما الي بشغل الأرض والزرع
عزمي:لكن ليش بدك تطالع صافي منو
محمد:انا ابدا منو بدي احط فيه حدا مضمون
بلسم:لا تقول امين
محمد:شبو امين
بلسم:هههه احكولو شباب
عزمي:صار ناصب على كم شب بالضيعة
عامر:وبكل وقاحة بيروح وبيجي ومعترف
محمد:هههه هني جدبان يعني هاد أمين
عزمي:رح تسلمو الكرم
محمد:ولو سلمتو فكركن بيلعب معي
عامر:لساك ما بتعرفو
محمد:لساكن ما بتعرفوني لكن بس اطمنو ما رح اسلمو لامين
ستي:اي طمنتني
عزمي:تعالو نلعب شدة
عامر:بنات وشباب
بلسم:ع اساس بينلعب معكن
عزمي:خلص منلعب أنا وسيدرا مثلا وانتي وعامر
عامر:انا بدور التاني هلا مابدي
عزمي: تعال محمد يلا
محمد:وفي شرط
عزمي:حسب اللعب منقرر ..سلام بتعرفي تلعبي
سلام:بموت على الشدة
عزمي:جهزي حالك للدور التاني
وهلا شكلنا فرريق رباعي بنت وشب لحتى ما نخسر بس الظاهر رح يكون في منافسة وسيدرا بعالم تاني خجلانة لاول مرة بحياتها
عزمي:انتبهي ها
سيدرا: ولا يهمك
محمد:هلا بتبين مين اللعيبة
شلح الجاكيت واخد الورق
بلسم:بس مابدنا شروط تعجيزية
عزمي:لا لا خلص من اول غلب منقرر
وهون ابتسم محمد ب ثقة
وزعلنا الورق وبلشت اللعبة اول مرة ما بشيل هم الخسارة لانو محمد لعيب شدة وحظو قوي مو بس شاطر قش اغلب الورق الشي الي خلى عزمي يعصب

عزمي:لك انتي ع شو ضمنتي خمسة تلات ما امنتي
محمد:ورقي الها
عزمي:لااااا انت ابن حرام كيف ضمنت تنين وصار معك خمسة
محمد:يلا يلا العب بلا مهيصة
عامر:هههه هون بلسم اخدا وضعية المرتاحة
بلسم:مووو
محمد:يلا شدي حيلك قشي الي ضمنتيه
بلسم:وو
محمد:لا تخافي منو لعبة هي
عزمي انقهر ورمى اخر ورقة واتنفس ب غضب
محمد:طول بالك هدي حالك كلها لعبة
عزمي: سيدرا لا بقى تضمني
سيدرا:وانا عارفة انو الافندي غشاش
محمد:والله مشانكن ما ضمنت كان بدي اضمن سبعة
عزمي:ضمنت تنين وقشيت كلشي
بلسم:بس ما غش
محمد:لا حد الله بينا وبين الحرام
عزمي:اي واضح يلا كملو لشوف سيدرا صحصحي ها
عامر:صبلها قهوة
عزمي:نسكافية المهم تصحصح مو حلوة يغلبونا دك تاني بلسم:هي لو عملنا خطة بتروحو فيها
عزمي:صاير منك شادة حيلك فيه كتير
بلسم:هههه اول مرة بلعب ومو خايفة
عامر:انا وقت اللعب مع محمد ما بخاف
محمد:بس اتفقتو عليي هديك المرة
عامر:لا انت وقت تكون مرتاح بتبدع
وهون عزمي صفن ورماه نظرات لا تفسر
تعليق