شمس : الو
ميثاق : ليش مابتردي
شمس : لو مهتم كنت اعرفت لحالك
ميثاق : وبعدين وبعدين
شمس : الحاضر احسن من الدين
وفرطت ضحك
ميثاق : شمس شو بصير معك
شمس : عم لطف جو
ميثاق : صاير شي معك
شمس : شو بدو يصير
ميثاق : اكلة رعبة حدا ضاربك ع راسك
شمس : ليش
ميثاق : انتي مو طبيعية والله هلا انتي شمس ولا شو
شمس: اكيد بسبب تقلب المناخ اتاثرت
وفرطت ضحك وهو عرف انها مقهورة كتير
ميثاق : طيب افتحي هالبطيخ مشان الله لا تجننيني
شمس : يلا رح افتحو طول بالك
سكر وطلع لبرى يتنفس هوى نظيف جلطتو على أيدها وشوي بعتتلو سمايل مجاكرة
ميثاق : شو هاد
شمس : قلتلك بلطف جو
ميثاق : كيفك انتي
شمس : منيحة نمت كل الليل
وبعتتلو سمايل فرطان ضحك
ميثاق : نوم الهنا ريتو
شمس : هههه لك عادي قول مقبرة مابزعل
ميثاق : حبيبتي انتي اشتقتلك
شمس : تشتقلك مكه
ميثاق : بدي احكي معك وتكوني لحالك
شمس : هلا في ضيوف كتير
وصورتلو الموجودين
ميثاق بقلبو : ولافيوز الحمد الله
ميثاق : ايمتى ما راحو فورا اتصلي
بعتتلو صورة قمر وما اهتم الا لايدين شمس الي مبينين بالصورة
ميثاق : لا تنسي اتصلي
شمس : اي ماشي
قعد بجنبو علي
علي : شو ميثاق مانك على بعضك
ميثاق : مابعرف
علي : مولدنة شمس
ميثاق : ماني مستوعب شو عم تعمل فيني
علي : لكن تعال شوف الي عندي
ميثاق: .....
~~
طبعا حماتي مالها سيرة الا اني نمت طول الليل وما اصحيت ع البنت بس ستي قررت تنام عندي وقبل النوم غسلت ورطبت وجهي وارجعت لفرشتي
ام محمد : نامي لا تشيلي هم قمر حماتك اول ما جابت مروان تنام ما تحس انكشها بالعصاي هلا صارت مراة وتحكي عليكي
شمس : هههه وكيف فطمتو ل ميثاق
ام محمد : كانت قليلة عقل ويومها تخانقت مع ابو مروان كان عمر ميثاق شهرين تركتو عندي وراح حردانة لبيت اهلها وابوها خلاها عندو والصبي ما يسكت الله يجبر عليها ام يوسف رضعتو لولاها بموت
شمس : وكيف رجعت حماتي
ام محمد : بعد ما حردت بشهر فطمنا ميثاق يا ويلها من الله ظلمتو وصارت مناعتو قليلة
شمس : وعمتي ام يوسف
ام محمد : بوقتها سافرت لعند جوزها
شمس : وبعدين
ام محمد : عمك حلف يمين طلاق عليها لهيك رجعت
شمس : هيك لكن
بقلبي عاملة فيها المراة الراكزة وهو بحبها رضاكي يا امي هههههه يضرب منو لامو
شمس : طيب ليش بينتكس
ام محمد : كمان من قلة عقلها كان الولد دافي والجو برى بارد وطلعت فيه ومن وقتها صابو التهاب قصبات ومن السعلة الي تصيبو جسمو كلو ينهد
شمس : يا حرام يا ميثاق والله ما بيستاهل بس هو بحب امو كتير
ام محمد : اي الام القاسية ولادها حنونين
شمس : بس حماتي منيحة
ام محمد : منيحة وحردت وتركت الصبي يبكي وفطمتو وهو صغير وين صارت
شمس : ....
بعدها نامت ستي وبعتلو
شمس : انا لحالي
ودغري اتصل
ميثاق : يسعد مساكي
شمس : مسالنور
ميثاق : دخيل هالصوت
شمس : تسلم
ميثاق : زعلانة مني
شمس : شو رايك بلا ما نحكي بهالموضوع
ميثاق : اي بكون احسن مين عندك
شمس : ستي
ميثاق: كتر خيرها بدك تصحي ع البنت اليوم
شمس : انا حابة افطمها شو رايك
ميثاق : له ليش
شمس : مشان بكرى تطلع حنونة عليي
ميثاق : وما بهمك صحتها
شمس : اللهم نفسي
ميثاق : له هيك صار الحكي
شمس : بتسدء ما حابيتها للبنت كتير
ميثاق : شو هالحكي
شمس : والله يعني بلا مستاهلة هالتعب والوجع
كنت عم جاكر فيه مجاكرة
ميثاق : بكرى يس تحكيلك ماما بتنسي التعب والوجع
شمس : انو انسى طلعو عيوني من مطرحهن صار بدي اهرب من الوجع بس ما اقدرت
ميثاق : بكرى بتنسي
شمس : الله يسمع منك
ميثاق : رح تصحي عليها صح
شمس : ما بوعدك
ميثاق : شمس كرمالي اهتمي فيها
شمس : ماني مستعدة اتعب كرمال حدا
ميثاق : طيب مابدك تحكيلي ليش اتغيرتي
شمس : كنت افكر بيني وبين حالي يعني اجوبتي اخدها من عقلي وصرت مشان انسى اتواصل معك ع رقمك القديم وابعتلك شو بصير معي وكيف زحلقت بالمطبخ وضليت يومين نايمة على ظهري لحتى ما يتأذى الجنين وعطول عهد تجاكرني لانك محاربني بس انا قهرتها وفرجيتها محادثة قديمة بيني وبينك لهيك حلت عني وهون صار الحكي انو انا بلا فهم قال ما بصير احكيلك لا تيجي مع انو والله هني اترجوني احكيلك هيك ومو بس هيك حكو لكل الحارة وللجيران انو انت محاربني واجت خالتي مخصوص مشان تسألني صحيح ميثاق بدو يطلقك قال سمعانة من الجيران انو انت ناطرني اولد وبدك تطلق دغري وانت تكملها معي تتصل وتحكي نهال وبس وبعد ما تسكر الشاطر الي بدو يضحك عليي بس انا ما افرجيهن اني مقهورة وامثل اني عم حاكيك كل الوقت بس نهال حكتلهن اني كزابة وشي يسدءني وشي يسدء نهال وصرت ملطشة الرايح والجاي على مبدأ ماحدا سائل عليي بس ما خبرت اهلي وقلتلهن اشاعات هو صحيح مارح يغيرو شي بس كمان ما حلوة يلوموني ع يلي حكيتو صحيح بدك تطلقني

ميثاق : لا
شمس : لكن من وين جابو الحكي
ميثاق : مابعرف اول مرة بسمع هالحكي بس ما افهمت كيف تمثلي انك عم تحاكيني
شمس : من الملل كتير بنفسي احكي معك لهيك ابعتلك واطمن عليك واحكيلك شو اتغدينا ووين رحنا وشو يصير معي
ميثاق : وهالشي كنتي مقتنعة فيه
شمس : يخطرلي انو رح تشوفهن بس كتير نطرتك تبعت وحاولت اخد الرقم من نهال ما رضيت قال رقمي عندك وايمتى مابترضى عليي بتبعتلي صحيح ما اشتقتلي
ميثاق : مين حكى اني ما اشتقت
شمس : شو انك قوي كيف اقدرت تطنش كل هالفترة
ميثاق : مين حكالك اني ما اشتقت
شمس : مبينه المشتاق بيحكي بس ما خبرتني ايمتى كنت ناوي تبعتلي
ميثاق : مابعرف.... ليش نهال ما خبرتني بلي صاير معك
شمس : ابصر مع اني انبسطت قلت هلا بخاف على الي ببطني وبيتصل صحيح اتوجعت بس اتاملت كمان بس بعدها مابقى تأملت بشي ايمتى جاي
ميثاق : ليش بتسألي
شمس : سؤال عادي
ميثاق : مابعرف
شمس : كيف شغلك منيح
ميثاق : منيح
شمس : لساتك بتحبني ولا بطلت
ميثاق : ليش فيني ما احبك
شمس : انا متوقعة كلشي
ميثاق : لا طمني بالك مافي منو هالحكي بس منيح خبرتيني شو صاير معك وهلا انتي منيحة
شمس : اي غير شكل
ميثاق : والسبب
شمس : حاسة اني اخلقت من جديد
ميثاق : كلو من شوفة قمر
شمس: لا لاني اسمعت صوتك
~~~
كانت اعصابو عم ترجف وعم يحاول يستوعب شمس لاي مرحلة من اليأس وصلت
ميثاق : لا تقوليها
شمس : صوتك بالنسبة الي حياة تانية ما اجى هالشي من عبث كنت اتزكر اديشك حنون وشو دللتني يعني صحيح هلا بس اعصب بغلط عليك بس والله لاني بحبك وما اتوقعت انو تقسى انت عليي بس بكل ليلة تمر ومو مبين اخر ظهور الك اتزكر انك كنت تتواصل معي وعند اي موقف احكي بحالي لو هون ميثاق ماحدا استرجى يقرب صوبي
ميثاق : ليش شو يصير
شمس : كتير كتير شغلات شي ما بينعد بس يلا عدت ع خير
ميثاق : يحرق اخت الخير شمس ماني مستوعب شو صاير معك كل هالفترة
شمس : بتعرف اخر شي خطرلي اتصل ب علي واخليه يتواسطلي عندك بس لانو مافي تواصل بيني وبينو ما اقدرت احكي معو
ميثاق : لهدرجة
شمس : ههههه وكل ما اسمع حدا مسافر اتمنى اكون بدالو لاجي لعندك واشوفك
ميثاق : بجي وبصير خير بالكل
شمس : ....
~~~~
اتنفست براحة واخيرا بدو يجي
~~~~
ليلتها ما نام بقي عم يتقلب ويتزكر اخر تواصل بينو وبين شمس وقت بعتتلو اغنية واترجتو ما يزعل وهو ركب راسو وزعل
ميثاق : شو عاملين فيها بغيابي وكيف اقدرت اجافيها وانا بعرف بدوني بتضيع انا بفرجيكن كلكن
~
وبلش يجهز حالو للسفر وماهامو بدو يسلم السكن ازا ما ابوه اجى وهالمرة بدون علم اي حدا مارح يستوعبوا الا وهو بالبلد اتصل بمكتب الحجوزات وشاف تذكرة مناسبة وما جاب لاي حدا شي
~
بعد شهر من ولادتي ولساها حماتي بتحكي اني ما بصحى بليل بس ستي حكتلي خليها تبربر لا تردي عليها لهيك اطمنت زرت اهلي وحماتي وصتني بقمر كتير ع اساس رح ياكلوها اخواتي وهنيك احتفلو فيني وفيها وعمر لاعبها وخالد ناوي يشتريلها شبس وماري بتحكيلي انها ما بتشبهني ابدا وبعد يوم طويل اجى مروان يوصلني لانو حماتي خايفة ع بنت ابنها
~~~~
بالمطار كان بكامل اناقتو بنطلون اسود وقميص زيتي وحامل بايدو شنته وسط وبعد ما خلص إجراءات المطار واقلعت الطيارة وصل الشام وكانت ناطريتو تكسي على معرفة احمد رفيقو والساعة ١٢ بعد نص ليل طلعو من المطار
نادر : الحمد لله على سلامتك
ميثاق : الله يسلمك
نادر : شو هالحجز بعد نص ليل
ميثاق : شايف شو نعمل بس الجو بارد كتير
نادر : اي لانو خريف
ميثاق : من هلا خلينا نتشارط على الاجرة
نادر : ايه شو بتحكي من طرف احمد ما باخد ابدا
ميثاق : لكن نزلني هون
نادر : مستحيل شو بتحكي انت بس اتصل فيني احمد خلص انسى
ميثاق : ترى ما بحب البلاش لانو مابدي حدا يدرى اتصلت ب احمد
نادر : خلص شو بدك انت بعدين مبين انك ابن عالم وناس والعز مبين عليك
ميثاق : تسلم يا طيب بس هات رقمك
نادر : ههه تكرم جاهز لاي طلب
وبعد ساعات وصلو بسلام هدوء الليل وصوت بس تنبيح لكلاب ضل واقف لحتى طلع الشوفير من الحارة اخد الحديدة وفتح البوابة الساعة تنتين بعد نص ليل وطالع مفتاح المضافة من جيبتو وفتح لهيك نقزت عهد سكر بهدوء
عهد : ميثاق
ميثاق : كملي نومتك
عهد : الحمد لله ع سلامتك
ما رد عليها وفات للبيت من الباب الجواني وبهدوء فتح الغرفة على شمس وقلبو يخفق لنومتها وجنبها البنت سكر الباب واول ما شاف قمر ابتسم وباسها على خدها بوسة وحدة ومسح على شعر شمس الغرقانة بالنوم وبعد تاني لمسة فتحت عيونها وكانها اتفاجئت لهيك التحشت بحضنو وغمرها بكل قوتو
~~~
كنت مصدومة لا لا مو مستوعبة

شمس : ميثاق
ميثاق : قلب ميثاق انتي
شمس : انت اجيت
ميثاق : شو شايفة انتي
شمس : يا الله منك ليش ما خبرتني
ميثاق : اتعودي ع هيك
شمس : لا لا ماعم سدء
ودغري باسني
ميثاق : وهيك سدءتي
شمس : طيب ليش ما خبرتني
ميثاق : شو بدك تعملي يعني هيك احسن
شمس : جوعان
ميثاق : اي ميت جوع
ودغري بعدت لاقوم
ميثاق : مابدي اكل بدي اياكي الك
شمس : اوف منك ميثاق
ميثاق : بغسل طالعيلي بيجامة
كنت بحالة من عدم التسديء لا لا مو معقول اجى بنص الليل اتاملتو وهو طالع من الغرفة ودغري شغلت الضو لاطالعلو بيجامة والحقتو للحمام دقيت الباب وفتت واول ما شافني رجع غمرني
ميثاق : لك ليش متغيرة هيك
شمس : اشتقتلك كتير
~
كانت لدرجة نحيفة ما تركها هيك وتحت عيونها اكدلو انها مو نايمة متل العالم من وقت قاطعها وهجرها
فاتو للغرفة

- النص المستخرج من الصورة: 📝
K/s ..
فاتو للغرفة وقفل الباب بدل تيابو وقعدو على الفرشة يتفرجو
على قمر ودغري باسها بوسة
شمس : لك حساسة متلك
ميثاق : ما اطيبها مو مبينة بالصور طيبة هيك لك شو
هالایدین لصغار
وباس ايدين البنت
شمس ؛ انت جاي تاكلها
ميثاق :لا اكلك الك
بدي
شمس : حلوة قمر
ميثاق : بتجنن لو مو نايمة كنت عضيتها
شمس : ههههه
ودغري اخد شمس بحضنو
ميثاق : ليش ضعفانة هيك ومبين عليكي التعب
شمس : عادي
ميثاق : عادي عندك عندي مو عادي
.
اتمددو على الفرشة واتخبت فيه
ميثاق : احكيلي يلا شو صار بغيابي
إلى اللقاء

القسم التاسع وعشرون
شنس الغرام ♪
بقلمي مايا الحجازي
كنت أتأملو ومو مسدءة بس الي عم ياكدلي انو بجنبي لمسات ايدو الي عم يمسحلي على شعري بكل حنية
ميثاق : انا مقهور شمس
شمس : ليش
ميثاق : ليش هيك ضعفانة ما تركتك هيك المفروض تكوني انصح هيك حمل وولادة
شمس : دخيلك المهم ما طلعلي كرش
ميثاق : وهاد كيف بدو يطلع اضلاعك شمس عم المسها بمجاعة كنتي
شمس : يمكن صغرت معدتي لا تحط ببالك
ميثاق : يعني الدعم الي دعمتك اياه راح
شمس : يمكن من الحمل
ميثاق : شو اتمنيت اشوفك وانتي حامل واهتم فيكي بنفسي
شمس : حصل خير
ميثاق : انو خير هاد
شمس : معقول مو مخبر حدا
ميثاق : لو يعرفو ع شو ناويلهن ليقولو يارب ما يطلع الضو
شمس : شو بدك تعمل
ميثاق : بكرى بتتفرجي
شمس : اي ساعة كانت طيارتك
ميثاق : صار تأخير كتير كنت حاسب اوصل الساعة عشرة بس ما زبطت
شمس : طيب كيف فتت للبيت مين فتحلك
ميثاق : معي مفتاح المضافة من وقت كنت عزابي
شمس : بس لو مخبرني
ميثاق : هههه لا هيك احلى
شمس: يعني حلوة نومتنا هون
ميثاق : اي حلوة اصلا هي اطيب نومة بكل عمري نيال هالغرفة اي بس ليش ماحدا ببنام عندك
شمس : عهد بتنزعج من صوت قمر بالليل وما بتسترجي تنام لحالها اخدت وعد وهجو من صوت بنتك
ميثاق : دخيل امها لبنتي قلبي مو متحمل حبك وحب بنتي
شمس : بدك تروق علينا ابو الشباب
ميثاق : يسلمولي هالحكيات الحلوين اي شمس شو صار معك
شمس : شو رأيك بلا ما اتزكر
ميثاق : لا شمس بدي اعرف شو صاير معك ومستحيل حدا يضعف بدون سبب
شمس : الاكل ما دخلو كانو يطبخو وكلشي بس انا من وقت قاطعتني صرت احس انو ما لازم اتغدا واتعشى
ميثاق : هلا هيك
شمس : نفسيتي ما اتقبلت الاكل صارو يحكو نفسية حوامل وهيك بصير
ميثاق : عنجد ما كنتي تتغذي
شمس : ما اتقبلت شي يعني لو ينحط الاكل بمعدتي ما اتقبلو
ميثاق : كل هاد بسببي
شمس : اندمت كتير
ميثاق : خلص خلص لا تزكريني بشي شمس مابدك تحكيلي شي صاير معك
شمس : متل شو
ميثاق : انتي شو صار معك
شمس : ماعم افهم عليك
ميثاق : طيب متل مابدك
وبس بكيت قمر دغري اتجلست واخدتها
ميثاق : يا حبيبي وهي عطول رح تقطع انسجامنا
شمس : هههه لسى ما شفت شي
حتى اوقات بكون مابدها ترضع
ميثاق : شغليلها الشاشة يمكن مالة وبدها تحضر شي فيلم هندي متل امها
شمس : هههه
كان عم يبوس برجليها
شمس : هههه من المرة جن الرجال
ميثاق : حجمهن بقلبي والله
شمس : يلا نام عيب عليك
ميثاق : هههه والله لو بتشربيني منوم مستحيل انام وبتطول وهي ترضع
شمس : يعني عشر دقايق اكتر حسب
ميثاق : ياحبيبي هاد الي ما حسبت حسابو
شمس : قلتلك نام
ميثاق : لا خلينا متونسين ببعض
شمس : عيب تبوس رجليها بعدين ممنوع تدللها
ميثاق : لكن مابتعرفي اني بموت ع البنات
شمس : نعم انو بنات
ميثاق : ههه كل البنات
شمس : ترى شوف هلا بخلص عليك
ميثاق : خلصي البنت وتعي فرجيني شطارتك
شمس : استنى لكن
ميثاق : ما وراي شي بستنى
~
كان يزعجها وهو عم يبوس برجليها
شمس : ميثاق بربك اتركها هلا بتصحى وهات بقى تنام الفجر
ميثاق : بربك خليها تصحصح بدي اللاعبها
شمس : ميثاق كأنك بتحبها اكتر مني
ميثاق : هههه البنت ضرة امها
شمس : يلا شطور نام
ميثاق : ههه يسعد دينك عم تسكتيني
شمس : مو لازم تنام ع حساب مسافر وهيك
ميثاق : شو مسافر مكسر حجار إجراءات ع الماشي
شمس : بس كأنك مو جايب غراض غريب
ميثاق : مأفلس
شمس : يا حبيبي لا اتوفقنا
ميثاق : هههه بدك اياني ولا بدك هدايا
شمس : لتنين مابينفع
ميثاق : شمس حطي هالبنت اكيد نامت
شمس : حرام لساها ما خلصت
ميثاق : شيليها عم قلك وخليها تنام بمكانها
شمس : الاب الظالم
ميثاق : لا قصدك الحبيب المشتاق بس كانو المعشوقة ما مشتاقة قدي
حطتها للبنت ورجعتلو
ميثاق : اسمعتي اخر جملة
شمس : لا
ميثاق : معقول ما اشتقتي
شمس : صايبني برود
ميثاق : وين لجديد بلا
شمس : لا ابرد ابرد من اول
ميثاق : دواكي عندي بتعرفيني بعرف اداوي
كانت عم تمسح على دقنو ومبتسمة
ميثاق : شو بصير معك
شمس : بتعرف مو مسدءة انك ارجعت
ميثاق : هلا دور الاثبات
شمس : نام نام
ميثاق : شو هي نام نام
شمس : مستحيل الي ببالك يصير اصلا ما ارضيت ولساتني زعلانة لكن انا تهجرني وما تسأل عني
ميثاق : معك حق بس لو كنتي مكاني كنتي عملتي اكتر من هيك
شمس : هاااا شووووو صار عليك
ميثاق : لك كنت حاجز ومشتري كلشي ومخلص اموري ومتحمس وما اتوقعت تتصلي تحكيلي لا تيجي قلعتيني انتي
شمس : بس عمي هدد
ميثاق : لا تجيبي سيرتو ابدا وبفرجها الله بالكل من بابا لعند عهد
شمس : وليييي عصب لانام اريحلي
ميثاق : ههههه يا ويلي جناني على ايدها انتي شاملك العفو

شمس : يا ويلي لكن واسطتي واسطة
ميثاق : اتقل واسطة الك
شمس : ليكون قمر واسطتي هالفرتوكة
ميثاق : قلبي بدك اتقل من هالواسطة
شمس : وازا بحكيلك قلبي زعلان منك
ميثاق : يا ويلي بموت والله اطيب قلب بالعالم وزعلان مني
شمس : يلا لكن صالحني
ميثاق : بامر عيونك انا
طبعا للفجر ضحك ومزح إذن الفجر وصلو ونامو.
~.
والصبح طلعت ام مروان من غرفتها واجت عينها على بوط جديد عند باب المضافة وابو مروان طلع وراها وشاف كمان نفس الشوفة وبطلعة عهد من المضافة وعلى عيونها النوم
عهد : الحمد لله على سلامة ابنكن
ام مروان : مين ابنا
عهد : الزير سالم اجى
ابو مروان : ميثاق هون
عهد : اي
ام مروان : قولي غير هالحكي
عهد : والله اجى يمكن الساعة تنتين وصل
ولتنين اطلعوا على باب الغرفة الي بتنام فيها شمس
ام مروان : ليش مو مخبرني
عهد : المهم امو شمس الباقي ما بهم
ابو مروان : ....
كانو ناطرين بس ينفتح باب الغرفة وسمعو صوت حكي وضحك الظاهر عم يلاعب البنت وصوتهن لبرى
شمس : هيك ارتحت
ميثاق : اي كتير يا روحي بابا شو هالحلو اعرفتيني
شمس : من صوتك اكيد عرفتك
ميثاق : لك شو هاد يا ويلي بدي اعضها بس مو سخيان فيها
طبعا صوت البوس لبرى
شمس : ع اساس بحبك
ميثاق : بحبها قليل قولي بعشقها
شمس : ميثاق حرام عليك صارو خدودها حمر
ميثاق : جبتلك فستان غير شكل تعي تعي افرجيكي شو جبتلك
شمس : ههههه عم تقلك ياي شو حلو
ميثاق: لبسيها جديد بسرعة
شمس : انت مو ناوي تقوم
ميثاق : لا لبسي حبييتي لاشوف بعرف مقاسها
شمس : هههه .
كانو عم يتطلعو ببعض
عهد بقلبها : لعمى مروق مبارح فات للبيت يا قاتل يا مقتول حتى مارد عليي
ام مروان : الله يستر من هالجية
ابو مروان : منيح مروق وان شاء الله يضل مروق هيك
عزلت المضافة عهد وجهزت ام مروان القهوة المرة ووعد عم تتسلى على موبايلها ومو مسدءين ينفتح باب الغرفة ناطرينو بالمضافة لحد ما اجى وحامل بنتو وشمس معو
ميثاق : صباح الخير
ودغري وقفو يسلمو عليه وكان ناشف كتير معهن
ابومروان : الحمد لله على سلامتك
ميثاق : الله يسلمك
ام مروان: ليش مو مخبرنا
وهلا أتطلع فيها وبقي جامد
ميثاق : ليش عبالك تخربي عليي
ام مروان : له ليش لاخرب عليك
ميثاق : على كلا انكشفت الصحف كلا
ابو مروان : كانك جاي مستشر
ميثاق : والله جاي ولاحط حد لكل حدا دعس على طرفي
ام مروان : يوه شوصاير
ميثاق : قولي شو مو صاير
من وين بدك ابلش اه
واعطى لشمس البنت وصوت موتور برى الظاهر اجى محمود وبقي واقف عند الباب مصدوم لجية اخوه الي صوتو طالع ومعصب
ميثاق : جوزتيني غصب عني ساويتي حالك خايفة عليي قبل تخافي عليي خايفة من الله انا بعرف مين انتو انا بعرف شو ناطرني بعد الزواج وكنت ناوي افركش اتصلك ب حسام يحكيلك شو حاولت اعمل لحتى ما تتم هالشغلة بس ارادة رب العالمين كانت اقوى انا وقت شفت شمس خلاااص قلت هي الي رح تصير شريكة عمري وهالشي الي عم يصير كنت شايفو عندي نظرة مستقبلية مستحيل تتوقعيها او تتصوريها انا زلمة عمري وتعبي وفكري وروحي فدا شمس عم تفهمو
ابو مروان : الله يخليلك اياها
ميثاق : شو الفائدة الدعاوي شي والتصرفات من عالم تاني ليش وقت بدكن الاهل يعطو بتصيرو تقولو متل بنتنا والله يشهد علينا وبس تشوفو ابنكن حاببها بتبلشو مكايد انا ماني ابن يومين وازا سكتت من فترة حطيت مخافة الله بين عيوني قلت امك يا زلمة تكسر خاطرها مشان مراة نزلت وهي حامل ومتأكد كانت حاملة شي تقيل وقلت قضاء وقدر انتو مو شايفين تصرفاتكن بس انا كنت مراقب ومشتهي شمس تغلط عليكن او تتصرف شي ما يعجبني لا انتو نازلين غلط غلط وبدكن اسكت وكرمال شو
ام مروان : ولشو عم تحكي هيك
ميثاق : لا تقوليلي فات ومات انتو حاولتو تخربو بيتي واحد تاني طلقها ما سأل عنها وكرمال شو فهموني مشان هالمصروف يحرق اختو ماحدا عايش احسن مننا هلا بدي اروح اسأل كل البلد عم تتشبرق هون هنيك انا اصلا بعرف بكل حوالة عم تبعتها ولمين وساكت وساكت وبقول بكرى بيصحى بكرى بيفيق بس مافي غيبوبة هي الي صايبيتك
ابو مروان : ....
ميثاق ؛ احكي ...قول لا ....كزبني هل تعلم انو ولاد اخوك ناويين عليي
ابو مروان : هاد اسمو تخبيص
ميثاق : لكن مابتعرف انو مراد بعت مين يعمل معي مشكلة بيوم الحنة متزكر لك لليوم ما بنسى كلمتو لهال....
ام مروان : مين خبرك
ميثاق : ان شاء الله بتفكرو ازا ميثاق عريس يعني غفلان ونايم على إدانو بإشارة وحدة بعتت مين يراقبو وقررتو وحكالي مراد بعتني اخرب الحفل وكان ناوي يقوص ع المعازيم بس خاف ع اخر لحظة انت متصور الاذى الي عم تردو بالمعروف عم تبعت من تعبي من شقى عمري لناس ناوية تقتلني

ابو مروان : هالحكي مو صحيح
ميثاق : لا بقى تحكيلي مو صحيح اصحى فيق حاجتك نايم
بجية مروان ووقف عند الباب وبعيونو سال محمود شوفي وهداك جاوبو اسمع
ميثاق : هلا بدك تجيبلي دليل على اني كزاب او عم اظلم ولاد ال...
ام مروان : طيب طيب روق
ميثاق : والله والي اسمو الله ازا لسى بسمع او بدرى انك عم تصرف عليهن لنلتقى بالمقبرة انا وياك ونكون عم نتلقى المواساة على روحهن النجسة
ميثاق : مو يعني مسافر تلعنو سلافي هات ابعت سافر لا تيجي انا زلمة شوري من راسي ممنوع لسى حدا يفرض عليي اوامرو وكمان شغلة شمس ما علاقتها ابدا ممنوع تدخلولي اياها بقراراتكن بتتصل فيني وانا بشوف المناسب ومن اليوم لاحدا يحاول يخرب بيني وبينها الصحف انكشفت كلها
ابو مروان : خلص ما بقى أتدخل ان شاء الله بترهن حالك
ميثاق : ايوا هاد الي بدي اياه استقلالية تامة وازا بتشوفني ع باب الجامع لا تتحسن عليي
ابو مروان : وغيرو
ميثاق : هلا جد الجد
وكلهن خافو من هالنبرة والكلمة
~~~
خفت كتير ما فكرتو يتجرأ على اهلو والاحسن عمي خايف منو
ابو مروان : شو كمان
ميثاق : اخوك عبد مهدور دمو
وهون بلشت ارجف وخفت خوف مو طبيعي
وحماتي اتطلعت فيني
ابو مروان : خير كمان شو مساوي عبد
ميثاق : اتجرأ على مرتي
ام مروان : بس انا بهدلتو
محمود : بعد شو بهدلتيه انا شفتو بعيني كيف فات للمطبخ وهي لحالها لك ليش ما خليتني اقتلو بوقتها ليش
ابو مروان : شو عم اسمع
ميثاق : شرفي خط احمر اللعبتو فيني لعب
ابو مروان : شو عامل
محمود : اسأل مرتك
ام مروان : والله بهدلتو
محمود : من هيك بطل يجي علينا
مروان : لك شو صاير والله جدبتوني اليوم
ميثاق : نحن كل الناس علمت علينا وابوك السبب انا قلتلكن عبد مهدور دمو ولو مات بعد عشر سنين دمو برقبتي
محمود : وديتو عليي
ام مروان : موجه عليك الله لا تزيد على النار انت
محمود : لك شوووو من نحن الي بيتقرب على نسوانا ومنسكت
ميثاق : قسما بالله لاتشفى فيه قبل اقتلو
ابومروان : وانا ليش مالي خبر
ام مروان : خلص مشان الله خلص فضحتونا
ميثاق : طبطبي على الغلط ليصير اغلط منو
ام مروان : انتي ليش لتخبريه
محمود : هي ما علاقتها
ميثاق : من وقت حكتلي بيلاطفها وكنت حاسس في من ورا هالشي ان انا واحد من الناس ما بلاطف مراة الي وبدي اياها ما بمسك ايد مراة والا نفسي فيها ومن وقت حكتلي اتصلت بمحمود وقلتلو بدي تتأكد من كلام شمس وهو خبرني وكيف شايفو بالمطبخ
ابو مروان : شو عامل
ميثاق : لك انت ما بهمك انت عندك عادي كلشي لك جبت اجلنا انت
ام مروان : برضاي عليك
ميثاق : والله لاخلص عليه
ودغري طلع من المضافة ولحقو محمود وبس شفت معو الروسية بلشت اضرب علىى وجهي ووقف بوجهو مروان
مروان : لك يا عاقل وقتلتو ماحدا بقول لمسها بقولو فعل فيها
ميثاق : انت لا تدخل
مروان : خلص بقى ضبها ضبها لا تجنني
محمود: لو صايرة معك
مروان ؛ سرقني واكلت هوى وسكتت
ميثاق : ليش بقى وبدك اياني ما اقتلو
وصارت حماتي تولول وقت اندق الباب
ام مروان : موجه عليك الله تفوت مشان الله مو ناقصنا بلاوي
ميثاق : لك بعد مروان اتركني
مروان : خلااااص
ابو مروان : ضبها انا بدي اربيه
ميثاق : ماني مترجي منك شي
ابو مروان : اهدا والله مابصير الا الي بيرضيك
محمود : يلا منستنى الاروع
ام مروان : لك انت اسكوت
اخدتها منو حماتي ومروان مشاه قدامو وفوتو للمضافة
ابو مروان : شو بدك انا جاهز
ميثاق : غير بموتو ما بقبل
ابو مروان : هلا روق انت معصب
ميثاق : ..
مروان : لازم تعرف ازا بدنا نخلص عليه مالازم حدا يكون دريان بشي ولازم نضل معو عادي وامورو بقطعة وحدة بتكون خالصة
ابو مروان : انت بترضى هالشي بس كرمال ستك
ميثاق : بلا لا تكحلها من عندك ستي ما علاقتها
ابو مروان : ما هو ابنها
ميثاق : هي ما بترضى الفاينة
مروان : اي نحن معك بس هو ابنها
ميثاق : وانا ماني ديوث لارضى بلي صار
ابو مروان : اطلب واتمنى بس شيل فكرة القتل من راسك
ميثاق بضحكة باردة : هههه والله لاخلص عليه مسايركن مسايرة
محمود: هاد الصح يروح يقرب من كناين بيت حماه
مروان : هلا بدك تهدي انت جاي مستقتل
ميثاق : والله لو ما اقامتي الي بتسوى راسو خلصت عليه واتواصلت مع علاوي حكالي ب ليبيا والا كنا رح نتعشى صفيحة كلنا
ابو مروان : هالولد مو النا
ميثاق : يلا حط العيب ب امي كمان على كلا بتروح بتقول لعبد دمك مهدور وازا بشوفني على بعد عشرة كيلو يغير طريقو هي ازا خايف ع روحو اما ازا بايعها يتجرأ ويحط عينو بعيني
ابو مروان : الي بدك اياه بصير
محمود : ولنموت ممنوع يفوت هالبيت
ميثاق : ولو متنا ما بيتأمنلو يفوت بيوتنا هيك بتفهمو بالالم نشرح مو تروح تطبطب

ابو مروان : لا لا بدي اربيه انا بفرجيه
ميثاق : الله يسمع منك
ودغري عمي راح
مروان : هههه لك انت التاني هيك بتخلينا نستقبلك
ميثاق : بلا سلامتي بلا بطيخ
محمود : اخ بس لو ما اندق الباب
مروان : اي مين كان
عهد : كأنو عيوش
مروان : رايح للمكتب شو بصير خبروني
محمود : لا تخاف هون عندك اكتر من وكالة انباء
ميثاق : بس ازا بدرى او بسمع انو الي صار حدا دري فيه مارح يصير خير
مروان : شو بتحكي انت ولايمكن نحكي
ميثاق : وقاصد غيرك
وعهد دغري انسحبت خايفة
وخلال ربع ساعة كان البيت مافيه حدا الا انا وميثاق وهو بعد ما هجج العيلة صعقني وقت ابتسملي
ميثاق : شو رايك بكاسة شاي نروق اعصابنا
شمس : هههه حاضر
اخد مني البنت وطلع لبرى
~~
وبرى كان يلاعب قمر لو انها صغيرة بس تبتسم
ميثاق : يا قلبي انا الحلوة بدي اياكي تصيري صيدلانية
جابت شمس الشاي والا يغمزها
شمس : مو طبيعي هججت العيلة ومروق
ميثاق : خافو مو
شمس : لككك انت بتخوف والله قصفو رجليي كانك متعود ع سحب سلاح
ميثاق : والله لو ما وقفو بوجهي هلا كنت ارتكبت فيه جريمة بس يلا الايام جاية وعد ما اخليه بحالو
شمس : ليش ما لمحتلي انك بتعرف
ميثاق : من يومها قلبي متل النار مخنوق كيف بيقرب منك شمس
شمس : كنت ورا المجلى والله ما انتبهت الا وهو
ميثاق : خلص خلص لا تكملي وعنجد بهدلتو ماما
شمس : وصار يحلف انو جاي يولع فحم وتعال شوف محمود شو ساوا سبو وحماتي تهديه لانو اوشك يضربو ويومها متل هيك فرطش العيلة كلا واجى ليحكيلي هي كبيرة مو بس بحقك بحق رجال العيلة كلها
ميثاق: كفو والله
شمس : بس انت ابو الغيرة ماحدا متلك
ميثاق : يلا عدت ع خير لنشوف الي مسوي حالو معصب شو بيطلع معو
شمس : ...
بدقة البوابة وراح هو يشوف مين كانت ستي وغمرتو ومبسوطة لرجعتو
ام محمد : اخ منك بس والله من الصبح اقول البلد منورة دخيل هالريحة الله ما يحرمني منك
ميثاق : دخيل قلبك منورة فيكي والله
ام محمد : قمورة وام قمورة الحمد الله ع سلامة حبيب قلبكن
شمس : الله يسلمك
ام محمد : والله شوفتك بالدنيا عندي
ميثاق : الله يطول بعمرك يارب
ام محمد : شو انبسطت بعيلتك
ميثاق : والله يا ستي انبسطت بس شمس ما خ
شمس : ميثاق
ام محمد : وطاوعتها انت
ميثاق : شو اعمل والله ما اقدرتلها
شمس : لككك هسسس
ام محمد : ههه اليوم نامو ببيتكن يمكن مو مرتاحة هون
شمس : اي هيك
ميثاق : ههه غير هون ما بدي
ام محمد : هات قمر وفوتو لجوى
ميثاق : هههه شوفي شوفي كيف خجلانة
ومن قهري عضيتو
ميثاق : ااااخ
ام محمد : دبحتيه وليه بعدي عن ابن ابني
ودغري قربني منو
ميثاق : بتمون ام قمر
ام محمد : لا بدنا تجيبو احمد بقى
ميثاق : هههه بكير لترتاح شمس
شمس : وبلكي اجت بنت
ام محمد : بعون الله صبي
ميثاق : شو كيف رضاكي ع الاوباش
ام محمد : ههه دخيل هالحكيات والله نص على نص
ميثاق : بدي اشكيلك من ابنك عبد
ام محمد : شو عامل
ميثاق : انا بعرفك بتحبي الحق وطالبها منك
ام محمد : ابشر والي بدك اياه بصير
ميثاق ؛ محاول يقرب من شمس وانا مسافر
ام محمد : باطل ازا صحيح
ميثاق : وانا والله لموت ما بنسى
ام محمد : انا الي بدي اربيه
ودغري وقفت ومع انو حاول ميثاق فيها راحت ومو شايفها طريقها
~~~~
واول ما فتح لامو الباب صفعتو كف ما اتوقعو
ام محمد : تفوه عليك يا قليل الاصل و الشرف
عبد : شوفي
ام محمد : انا قلبي حس انو عامل فصل ببيت اخوك ام مروان ما ممكن تتذمر من حدا هيك بس قلت لا مستحيل ابني يعمل شي انت كيف بتتجرأ على مرت ابن اخوك
عبد : كزب
ام محمد : انت الكزاب من هيك اجى احمد وما فتحتلو الباب انت بتعرف شو عامل بدك ادعي عليك
عبد : بشو احلفلك أنها متل بنتي
ام محمد : لا تحلف لانك واحد كزاب بس يا ويلك ادرى اواسمع او المحك ناح بيت ابو مروان ومروان
ودغري لفت ظهرها ومقهورة منو قهر وبالأخص انو ميثاق ما بيستاهل الي صاير ابدا
~
وبعدها فتنا للغرفة وكنت ماحابة نضل هون بس هو براسو في موال والله اعلم يا عمري كيف خوف العيلة كلها وكلمتو كلمة وهلا عم يلاعب قمر ومبين لطيف كتير
شمس : بدها تنام البنت
ميثاق : نيميها بلكي اقنعك
اخدتها لرضعها
شمس : زعلانة منك
ميثاق : ليش
شمس : ما فرجيتني شو جبتلي
ميثاق : جبتلك حالي ما بكفي
شمس : اشمعنا جبت لقمر فستان
ميثاق : هههه جبتلك شو فستان شفتو على المليكانة شقفة رح تطلعي فيه
شمس : ليش انت بتعرف الفستان من التفريعة
وفرط ضحك
ميثاق: هي شغلتي بعدين لو انو بشتغل بمطعم بس معلم بلبس النسوان
شمس : وشو نوعو هالفستان لا تقلي قصير
ميثاق : رح يعجبك خلص والو حمالات رقيقة
شمس : ياعمري وانت واثق اللبسو

ميثاق : بهديه لصاحبتي
شمس : ايوااااااا ترى انا مستنيه تجيب سيرتها
ودغري مثل دور البريء وصار يبوس برجل قمر
ميثاق : ما اطيبها خدي بوسي
شمس : لك ميثاق ليش عم تتهرب
ميثاق : ههههه مبسوطة لاني اجيت
شمس : اكتر شي مبسوطة ماحدا مسترجي يحاكيك
ميثاق : شو الفائدة هني خايفين مني وانا هون بترجاكي رجاء
شمس : قلتلك هون لا
ميثاق : رح سايرك مسايرة
شمس : ليش ناوي تنام هون
ميثاق : غاية في نفسي
شمس : متل مابدك اصلا انا مبسوطة هون
ميثاق : ههههه بحبك جدبنتك
شمس : عم تترجى جدبة انت متخيل
ميثاق : لا شايفلك مو بس متخيل
شمس : بعدين كيف بتحكي لستي هيك
ميثاق : هههه عادي ولا كيف صارت ام
شمس : يخزي العين عنك عيب تبين انك منحرف
ميثاق : لا تضحكيني امانه يعني معقول ما بتحكي لحدا او مثلا مزح بينك وبين نسرين ونهال
شمس : لا ماصار هيك شي مابصير كمان وعيب
ميثاق : يلا يلا نيمي البنت ناطرك ها
اتمدد وشغل موبايلو وبدي اعرف بشو بفكر الافندي
وكنت متحمسة اغمرو واتدلل عليه
نيمت قمر وغطيتها والتحشت بحضنو
ميثاق : هلا بقلبي شو اساوي فيكي انتي قولي
شمس : اهجرني
ميثاق : غلطة وندمان عليها بس بتعرفي فكرت انو تستقبليني غير هيك
شمس : اصلا ماعم اشبع منك وصايرة اخاف من موضوع السفر
ميثاق : لكن لو تفتحي قلبي وتشوفي كيف مليان غصات والمسؤولية عم تكبر
شمس : يلا الي خلقنا بدبرنا مو هيك انت بتحكيلي
ميثاق : اي هيك بس لازم نتعلم من بس نضل ملطشة للرايح والجاي
شمس : اكيد
ميثاق : بدي تكوني معي كتاب مفتوح ومافي شي مخبى ابدا عني انا صحيح عجبتيني وقت خبرتيني بلي صار بس كمان ما حبيت انو خبيتي عليي مرة تانية .
شمس : بس انقضت ع خير
ميثاق : بالنسبة الك بالنسبة الي ما رح تنقضي ع خير
شمس : وكرمال ستي
ميثاق : مو مشكلة طيب معقول ما اشتقتيلي
شمس : ليكني معك
ميثاق : ايمتى بدك تسلبيلي عقلي اه
شمس : ليش هلا شو
ميثاق : هلا محتلة قلبي بس انك تسلبي عقلي اكيد بطريقة ما
شمس : اي مو هون
ميثاق : وحتى مو هنيك والله بعرف شو عندي
شمس : لا لا انا متغيرة
ميثاق : متحمس اشوف التغيير
وكأنهم رجعو لانو صار في حكي ودغري اتجلست
ميثاق : وين
شمس : بلكي فاتو
ورجعني دغري لجنبو وما اقدرت ارتاح لانو عطول بس يرجعو من حيلا مكان بفوتو الغرفة لانها للكل وبالفعل انفتح الباب لهيك اتجلست بس ميثاق ضل مريح حالو
ام مروان : انتو هون والله فكرت ببيتكن
ميثاق : في شي
ام مروان : لا ابدا اتهنو
طلعت وسكرت الباب
ميثاق : شو عبالك تغديني اليوم ترى ما أفطرت
شمس : امبلا بس نص صفط البيض
ميثاق : هههه هاد سحور يا مراة
شمس : كانت سته الساعة
ميثاق : قولي لحالك بدل ما تدعميني
شمس : ههههه
همستلو : مشان شو ادعمك
ميثاق : مشان كلشي ابو ولادك انا
شمس : هههه انا بقول تجيب جاهز ومنو بتريحني
ميثاق : انتي شو عبالك
شمس : اي شي المهم جاهز
ميثاق : حاضر اتدللي انتي
وسدءتو من كل عقلي ومابعرف انو ناوي يشغل امو طلع من الغرفة واسمعتو يحكيلا
ميثاق : شو بدكن تطبخو
ام مروان : انت شوبدك
ميثاق : محاشي
ام مروان : تكرم عيونك
ميثاق : ...
ورجعلي دغري
شمس : شو استفدت انا بلا
ميثاق : ههههه اللبسي لقلك
شمس : ليش
ميثاق : خلص شو بدك اللبسي
مابعرف ليش كنت خجلانة جهزت حالي وحكى حماتي وهو يلبس البوط
ميثاق : ديرو بالكن على قمر بس تبكي اتصلو
ام مروان : لوين الهمة
ميثاق : هون ما منطول
وليييي على نظرات عهد وحماتي اخد مفتاح الموتور وانبسطت لانو بدي اروح معو
والا يمسكلي ايدي واطلعنا من البيت
شمس: انت مو معقول
ميثاق : لا انتي المعقولة
شمس : وبلكي حكو عليي
ميثاق : ع الحالتين ما بحبوكي يحكو عليكي وانتي قاهريتهن ولا قاهرينك
وزاد اعجابي فيه لا شو اعجاب هاد فارس احلامي الي ما تمنيتو وما اتوقعتو
~~~
وببيتهن كانو منسجمين ببعض بس شمس ما مرتاحة وكل شوي
شمس : والبنت
ميثاق : انو بنت هي بربك ركزي معي
شمس : ميثاق حرام بلكي بكيت
ميثاق : لك هي بنت ابوها رح تضل نايمة بتعرفني مشتقلك
شمس: هههه لك اليوم ليصير شي من الي عملتو
ميثاق: حمل مثلا
ضربتو لانو عم يتبارد
شمس : يا امييي ما اقواك لك تحلفولي ماشفت انت
ميثاق : يسترجي حدا يقرب صوبك معك تصريح انتي
شمس : لك عم يحفرو كوسا ويلفو يبرق
ميثاق : اتدللي انتي شو بدك بعدين ياما طابخة وهني مرتكيين وعلى طيب وما طيب وملح وزفر.
شمس : ميثاق انت بتكيد بلد بحالها
ميثاق : ولو تصيري متل مابدي هلا بتلاقي الكل حامل
شمس:ههه من مين يحبلو
ميثاق : هههه مو هيك بقصد حاملين بقلبهن
شمس: حكياتك بجننو لك انا بلشت انعس يلا قوم
ميثاق : نامي ياروحي مبين انك تعبانة

شمس : والبنت
ميثاق : بلعن ابوها هلا
شمس لكككك هسسس ممنوع تسبها
ميثاق : طيب نامي وازا اتصلو بروح بجيبها بس انتي ريحي حالك
وسحبتها نومة عنجد وهو ما نام كان عم يتأمل ملامحها البريئة التعب الي مكتسح حوالي عيونها وجسمها الهزيل الضعيف
ميثاق : لموت ما بسامح حالي وعامل فيها الحنون وظلمت ارق واطيب مخلوق اعرفتو ياترى ليش شمس كانت جريئة واليوم بكتشف انها غير هيك والنظرة الاولى يمكن كانت نظرة طفولية ماكانت بتعرف شو يعني زواج بس الي بعرفو انو الله جمعني فيها لانها محتاجة الي وبس
~~~
اصحيت المغرب وخفت كتير لانو قمر مو معي
ميثاق : ليش خايفة
شمس : البنت ميثاق
ميثاق : يلا خلينا نمشي
نمت يمكن اربع ساعات وهلا مصحصحة واقنعوني ارجع كنت رح موت ومابدي اروح معو
شمس : جيب قمر خلينا هون
ميثاق : ليش
شمس : ميثاق ماحلوة نرجع
ميثاق : ليش
شمس : يعني شو رح يحكو
ميثاق : بطيخ يكسر بعضو اخر همي شو بيحكو
شمس : انت ماعم تفهمني
ميثاق : شمس كبريلي عقلك تخيلي متزوجين ببيت اهلي
شمس : بيكون عادي
ميثاق : لا انتي معقدة كتير يا جدبة وحدة تانية

- النص المستخرج من الصورة: 📝
ميثاق : لا انتي معقدة كتير يا جدبة وحدة تانية بتروح تجاكر
بيت حماها
شمس : لك ع شو
ميثاق كانت بحضن ابنهن
شمس
: يا الله منك بترجاك طاوعني روح جيب البنت
ميثاق : بلا جنان يلا بدنا نمشي
واصر ع الرجعة اللبست قلابية لونها توتي وشالة بيج
واللبست شال شتوي لانو في برد واطلعنا بالموتور والا
يقتلني بالسهل وطول الطريق على سرعة خفيفة كتير اتاريني
عشقانة هو يحكي وانا مندمجة بشعراتو وملامحو بالاخص
دقنو وضحكتو وكيف مخبيلي ايدي بجيبة الجاكيت وسايق
بايد وحدة

القسم الثلاثون
شمس الغرام ♪
بقلمي مايا الحجازي
وكانت عهد مقهورة قهر لانوو حفرت الكوسا مع امها وام مروان الي حشتهن ولفت اليبرق ونهال ساعدتهن وجلت لحالها وعزلت البيت وصحيت قمر وام محمد الي اهتمت فيها وهلا شرفو وسلم على نهال بدون نفس ع غير العادة الاكل جاهز بس للصب
وفات وماسك ايد شمس وقعد بجنب ستو واخد قمر منها
ميثاق : يلا وين الاكل جوعانين
وبعدها التمو كلهن وشمس كأنها بدها تهرب كان ياكل ويطعميها ويلقمها وخلاها تزود والكل مراقب اهتمامو فيها وما خلاها تجلي ولا دقرت شي وطلب من نهال الشاي وخلا شمس جنبو كل الوقت وبعدها اجت ام يوسف والا يوقف ويسلم عليهن وعمرانة ببيت ابو مروان
~
كان خوفي يزيد لانو مابدي انام ببيت حماي وما كنت افهم عليه وعلى مزح وضحك هو وام يوسف
ام يوسف : شو حلاها بنتك ما حلوة
ميثاق : هههه شفنا انتاجك
نهال : شو قصدك
ميثاق : هههه عيونك يا ويلي بخوفو
ام يوسف : احلى من شمس
ميثاق : مسدءة حالك لك اسمها شمس اقعدي عاقلة احسنلك
ام يوسف : شوف بلا ابو يوسف قمر
ابو يوسف اسم الله عليها
ميثاق : وانتي من جيلها كان عندك بلاك دهب باسمك
ام يوسف : يوه والله وصاير الها
ميثاق : هههه طيب عمك لبسك حلق دهب
ام يوسف : لا والله يبلاه بالساحق
ميثاق : روحي لكن بس بصيرلك الي صار ل قمر تعي قولي ماحلوة
اخدها من عمتو وبلش يبوس فيها واكتشفت الكل غيران من قمر وبعدها اخدت البنت ورحت انيمها لانها صارت تبكي وكأنو خلصت السهرة لانو عم يسكرو البوابة وشوي اجى لعندي وارتحت كتير نمنا بكير ليلتها ولساتني مو مرتاحة لفصول ميثاق كلا
~~~~
والصبح استنت عهد كتير وعلى شوي بدها تتفجر صحيت امها ودغري اتخنصرت
عهد: امنه خانم مبسوطة صرتي خدامة شمس
ام مروان : اتركيني بحالي
عهد : وليش لينامو عنا اه يعني احتلو البيت
ام مروان : هلا ابوكي متحلفلو
وانبسطت كل فكرها يبهدلو او شي جهزت لفطور والقهر انو ميثاق يلقم شمس اكتر ما ياكل هو وبقلبها عم تدعي اشكال الوان رغم انها شايفة انو شمس ما بتحب حدا يخدمها وبعد الفطور ميثاق اخد شمس وفاتو للغرفة وعلى شوي بدها تنجلط وطلع ميثاق لابس ومشخص لهيك اطمنت نوعا ما .....كان لابس بنطلون اسود وبلوزة بيج كم ولبستو شمس جاكيتو وماحدا بيعرف لوين رايح
ابو مروان : شو مشان السكن
ميثاق : دافع لشهرين
وغري طبطب على جياب البنطلون
ميثاق : شمس جيبي الجزدان
شغل سيكارة على الواقف
ابو مروان : مابدك تبطلو
نفخ نفسو بتحدي
ميثاق: وبالناقص هي موتة وحدة
جابتلو شمس الجزدان وفتحو وطالع المصاري كلها قدام ابوه وعدلو كم قطعة
ميثاق : هي المصروف
ابو مروان : الله يرزقك
ام مروان ؛ ازا ما معك
ابو مروان معو كيف مامعو
ودغري اعطى لشمس الجزدان
ام مروان : اشرب قهوة قبل تروح
ميثاق : لا مستعجل
وغمز شمس وطلعت تودعو برى
~
كنت ارتبلو جاكيتو وهو عم يسحب اخر سحبة من السيكارة
شمس : بدك تطول
ميثاق : يعني هيك وهيك
شمس : لوين رايح
ميثاق : بس ارجع بتعرفي متل ما وصيتك ع الغرفة فورا واي كلمة هيك او هيك دغري بتهدديها
شمس : كيف
ميثاق : بتحكيلا سكري تمك وازا ما سكرتيه ميثاق بسكرو
شمس: يا اميييي هيك اقول
ميثاق : ترى بفوت اخلص عليها
شمس : خلص خلص روح ابو المشاكل
بعتلي بوسة ع الهوى وطلع شفت في سيارة ناطرتو وطلع مع شب غريب يا ميسر الأمور يسرها للمشكلجي وفتت اضب الجزدان متل مابدو ميثاق بين تيابي لانو تيابو العين عليهن مفتحة
~~.
عهد : يلا روحي قوليها تجي تجلي
ام مروان : بلكي بلشانة بقمر
عهد : لا اسمعتو يعطيها النشرة
ام مروان : اهووو علينا
عهد : ما دخلني ما بجلي
ام مروان : روحي لعند تغريد
عهد : لا يعني لا
ام مروان : استريني معو والله متحلفلك يا عهد
عهد : بكرهو لابنك هاد بكرهو
ام مروان : يلا الله يرضى عليكي اجلي
عهد : الله لا يرضى على حدا ألهي برجعلك محمل
ام مروان : اخرسي بقى
جلت غصب عنها وكسرت كتير من الجلي جكارة بامها
بالمضافة
ام مروان : وين الي حكيت معو
ابو مروان : المهم اعطاني مصاري الباقي ما بهمني
ام مروان : ومشان سكنتو هون
ابو مروان : يسطفلو قلتلك
وببالو المبلغ الخيالي الي بحوزة ميثاق وكيف شمس المسؤولة عن الجزدان
~~
العصر استغربت وقت اسمعت صوت سيارة مبين بجنب البيت ومحمود فتح البوابة وطلع وانا الحقتو واتفاجئت بميثاق نازل من سيارة بيضا رياضية
محمود : ايوا هاد الحكي المزبوط انا احكي جاي بلا سيارة
ميثاق : من زمان هون
محمود: هيك لكن ليش ما اجيت فيها
ميثاق : مشان نبث الخبر انها استعارة مو الي
محمود : كفو تنطح كفو
بصوت عالي : يعني لصاحبك السيارة
ميثاق : اي يكتر خيرو اعطاني اياها لشهر

طلعت عهد ووعد يتفرجو
وعد : بدك تاخدني فتلة
ميثاق : ع كلا بدنا نجيب غدا جاهز
محمود : طيبة ابو احمد طيبة
شمس : وانا
ميثاق : وانتي فوتي اللبسي
شمس : اللبسي عهد
عهد : ...
ميثاق : ليش هيك قالبة خلقتك الناشفة
عهد : .
تركتو وفاتت
محمود : شبك ميثاق عليها
ميثاق : استنى ليجي سبع البراري
محمود: مين
ميثاق : محضرلكن قنبلة الموسم والله لاكسر البيت على راسها وراس كل عشقانة
فتت ركض ولييييييي اناالي فسدت عنها يا علقتك يا شمس
~~~.
وحركاتو بالسيارة لشمس غير شكل لانها قاعدة هي وقمر بالمقعد الخلفي وكل شوي يعلي للصوت
محمود : استر يارب
ميثاق : ما ناوي تخطب
محمود: مو لتفضى غرفة
ميثاق : جهز غرفة ع الاسطوح
محمود : جهز قال مفكرني متلك ازا بعطس بطالع دينار
ميثاق : لو تشوف كيف هالدينار بيطلع
محمود: يا زلمة المهم انك فخامة جخ ولبس وسيارة سبورت شو بدي كيف حالتك هنيك
ميثاق : ع قولة شمس يا امييييي ازا اخي حاسدني
شمس : بس انت مدلل اكتر منو
محمود : لك ياعمي يعاملوني متلو وادلل نفسي بنفسي هلا انا سؤالي لشمس بربك شو داعية بزمانك لحتى طلع ميثاق من قسمتك ونصيبك
شمس : بتسدء ما دعيت والله وحتى وقت حكو بيت ومصاري ما همني
ميثاق : دخيلو القنوع مو متل بعض ناس بتسلم عليي وعينها ع جيبتي
محمود : هههه وعد وليه عيب عليكي
وعد : قصدك عني
ميثاق : انتي وردة دخيل قلبك صحيح ما جبتلك شي بس الك عليي نروح للشام ولعيونك احلى تياب
وعد : لانو كنت اخدا ع خاطري منك
ميثاق : لا لا من بكرى طالعين ولا تزعل مني اختي لصغيرة
محمود : ترى انا صغير
ميثاق : بس انا ماقصدت بالعقل
محمود : هيك لكن والله لاعض بنتك اليوم
ميثاق: يا ويلك مني
نزل يوصي على غدا جاهز والا يتوحم محمود على حلويات
محمود : ترى شمس وضعك ما عم يعجبني
شمس : لك ليش
محمود : شو بين المطعم ومحل الحلو قوليلو بدي كنافة حبيبي قلبي عالفاضي بضل اعلم فيكي
شمس : ههههه بخجل اتغزل فيه قدامك
محمود : بغمض عيوني
شمس : لا يوه شو تسمعني بعدين ميثاق حيلا بتعرفو متهور
محمود : بنزل خمس دقايق .
وبس اجى ميثاق نزل محمود
ميثاق وين حجي
محمود : بدي اقضي حاجة
ميثاق : لك هلا بقولو هاد مجنون مو ناقصنا
محمود : مو برى مو برى
كان مذهول من تصرف محمود
شمس : حبيبي
ميثاق: عيونو
شمس : ماجبت حلو
ميثاق : اعتبريني حلو
شمس : لا بقلاوة
ميثاق : اعتبريني شو مابدك
وعد : محمود بدو حلو
ميثاق : ايوااااا هلا بشوف
شمس : لك سدءني انا الي بدي
شغل السيارة وخلا محمود يركض ورانا
أما شو عند بنتي عم واب اخر رواق غير شكل
انقطع نفس محمود بس بالاخير وقف ميثاق واشترى حلويات وصار الي ببال محمود
وبرجعتنا اخدنا ستي من بيتها ورحنا للبيت طبعاً حوطتو من عيون الحساد وبعد الحلو والقهوة ضبينا الشناتي وبطريقنا للبيت نحن وقمر
~~~
تاني يوم طلعو للشام ومعهن محمود ورغم انو اصر ميثاق على عهد ما وافقت تروح معهن وهنيك المغامرات غير شكل قمر كل الوقت اما مع ميثاق او مع محمود ووعد وشمس ماشيات ويتفرجن على كل الواجهات اشترو كتير غراض حتى لعهد واتصورو بالجامع الاموي واتفتلو بالسوق واتغدو مشاوي وجابو معهن غدا جاهز ل يلي بالبيت وكانت مغامرة بتجنن مناقرة محمود وميثاق وطلبات محمود من شمس و شمس عليها تطلب من ميثاق حتى ولاد مروان طلعلهن حصة من الاكلات الطيبة يومها اتحولت السهرة لمضافة مروان وعلى مزح وضحك والاجواء غير شكل
~~
وكانو الحياة اهدتني ميثاق هدية رغم انو عندو شوية سلبيات بس الايجابيات كانت غالبة كنت اتدايق من لهجتو مع اهلو وبنفس الوقت ما يخليني أتدخل على مبدأ ما بحبوكي لو شو ما عملتي وكان الخوف من انو يسافر يزيد ولدت نور وجابت بنوتة وبابا قرر يخطب ل عمر اجى من السفر وهالمرة ما اترجيت لا مصاري ولا هدايا عندي ميثاق بيغنيني عن كل الدنيا وهالمرة عاكسو التوقعات جايب لقمر اكتر من قطعة والي جابلي عباية بتجنن وكتير افرحت فيهن وبعد الخطبة قرأو الفاتحة واجى علي من السفر ليحضر هالفرحة المنتظرة وبلشت التحضيرات ليوم الخطبة واخيرا رح اصير اخت العريس.
~~~~
اول ما شفتها بيوم جابو الدهب كتير انقهرت لانها كتير حلوة وملفتة وصرت خايفة يشوفها ميثاق لو انها رح تصير خطيبة اخي بلكي عينو زاغت عليها والله هو نسونجي مستحيل حدا بيعرف يدلل النسوان ويكون معقد او ما عندو خبرة بالموضوع وكمان اناقتو الزايدة عن حدها ويمكن عمر ما كان يمزح انو ميثاق بيفتل قدام مدرسة البنات وليييي طار الرجال من بين ايديي واول ما حكو اجى ميثاق اطلعت ركض لانو العروس وامها عنا واتعمشقت فيه عند الباب
ميثاق : وين عمي
شمس : فكرتك مشتاق الي

ميثاق : اكيد مشتاق بس مو هون
شمس : شو بدك من بابا
ميثاق : هو اتصل فيني شو كأنو مابدي افوت
شمس : اي بس العروس وامها عنا
وصوت بابا من جوى
بابا : فوت ميثاق
بلعت ريقي بصعوبة امشيت وراه وانا اتامل لبسو وغصيت وقت فات للغرفة وسلم ع الجميع
بابا : فوت عاوزك بموضوع
ودغري اعتذرت ام العروس وطلعت معهن خالتي وخالد تركت ميثاق مع بابا والحقت فيهن
ام وائل : هاد نسيبكن
خالتي : اي جوزها لشمس
وبلشت اسن اسناني عبالي اعضهن واطلع بروحها لشو تسأل عن جوزي
هبة : والي جابنا مين
خالتي : هاد جوز نور
ام وائل : اسم الله عليهن بدهن خرزقا زرقا واتخنصرت انا ونور سوى وبسيارة علي راح عمر وماري يوصلوهن
واتفاجئت خالتي
خالتي : يوه شبكن
نور : كانهن جقرين كتير
شمس : ليش ما طلبو هوياتهن من المرة
نور : لا حبيبتي شكلهن خبرة ويمكن عرفو كم طول ووزن اصهرتو لخطيبها
خالتي : ههههه غيرانات
شمس : لا فرحانات كتير
وارجعت لعند بابا وميثاق ودغري اتحلفتلو وابتسم مو فهمان عليي
وكانو نور اتحلفت ل علي لهيك ساوى حالو يلاعب قمر
بقلبي : انا بفرجيك يا ميثاق بس لنرجع لاولع بكل تيابك وحتى البوط ويمكن اكسر كلشي عندو بارفان ماحدا بيسافر غير هو
بابا : انت شو رايك
ميثاق : الاحسن تتمهلو يعني السنة عندو تخرج وبعد التخرج بتفرحو فيه
علي : ومنو منحضر مناسبة ودسمة كمان
بابا : وكمان ببالي اجهزلو الغرفة
وكل شوي يتطلع فيني ميثاق وابتسملو من برات نفسي
وبعد ما رجع عمر طلعو لتلات لبرى وانا ونور مهمتنا نلحقهن
علي : رح تصير ساحة غير شكل للحفل
عمر : والله انا ما خرج هيك حفلات
ميثاق : مو بكيفك هلا بتصل ب حسام وبتفق معو مشان يجي يساعدنا
علي : هههه ومنو بيدعم الشباب
ميثاق : لا هداك هشام
علي : انت ورفقاتك
ميثاق : ههه شو عمر كيف الوضع عندك
عمر : تمام
ميثاق : متل ما قلتلك زمان
عمر : اقعد عاقل هلا بفسد لشمس عنك
شمس : عن شو
ونقزو كلهن
علي : منيح الواحد يغلط
نور : اغلط ياريت تغلط
شمس : افسد لشوف
عمر : هههه لا لا سلامتك
شمس : صحيح سلامتي ميثاق
ميثاق : والله تبلي شو الواحد يحرم يروح شي مشوار
شمس : اها يعني كنت تفتل قدام مدرسة البنات
ميثاق : ماصار بشو احلفلك
شمس : لا بدون حلفان حسابك بالبيت
وفرطو ضحك حتى هو
علي : اجى الي يهددك
عمر :لجوى يلا انتي وياها
فتنا ركض خفنا من عمر كتير
~~~~
ميثاق : وحش وبتعجبني
عمر : هدول بدهن رص
علي : لا مزودها انت وميثاق
ميثاق: لا لازم يخافو
علي : عقلك مطابق عقلو
ميثاق : لا الاحلى الواحد يعرض شو عندو
عمر : بوجودي مستحيل بتنفسو
ميثاق : انا هيك اطمنت يعني حتى ابني رح يطلع حمش لخالو
علي : ههه دخيل الله الناس بتطور انتو رجعيين
وبالبيت من اول ما اتطلعت فيه فرط ضحك
ميثاق : شبكي
شمس : شبني انت قول
ميثاق : والله ما فتلت قدام حدا شبكي
شمس : والمفروض اسدء
ميثاق : ليش بتغاري عليي
شمس : لك اتركك تطلع بهي وهديك واسفقلك
... حلوة خطيبة عمر
ميثاق : وشو عرفني وما احلاني اتمايز فيها
شمس : بس هي اتمايزتك
ميثاق : ههه والله
ودغري وقف عند لمرايا وهجمت عليه غمرها ومبسوط لغيرتها وجنانها وبلشت تضربو وتدعس على رجليه
ميثاق : اقنعوني انها ام
شمس : لا يا ع اساس انت الاب الراكز
ميثاق : مولدنة
شمس : نسونجي
ميثاق : لك ميتة عليي شبكي
شمس : ميثاق بطالع عيونك ازا بتطلع بغيري
ميثاق : هههه لا لا الا عيوني كيف بدي امتع نظري
شمس : لكككك
ميثاق : بشوفتك بشوفتك
شمس : احلف انو ما شفت هبة
ميثاق : مين هبة
شمس : اخت سارة مين هبة يعني
ميثاق : لك مين سارة
شمس : ميثاق لا تجنني فوق ما اقبلت فيك يا ختيار عم تخوني
ميثاق : هههه انا ختيار ترى مو منيحة كسرت الخاطر
شمس : اي ختيار ونص
ميثاق : شو رايك ازا بتقدم لصبية اصغر منك بيعطو
شمس : لا ما بيعطو اصلا مين الي بدها تطلع فيك
وقاطعهن اتصال
ميثاق : اي ماما....
ام مروان : خالك عثمان جاي يسلم عليك
ميثاق : بربك حدا بيجي بهيك وقت
ام مروان : مابصير جايين كلهن يلا تعال وجيب شمس ها
ميثاق : ماشي
شمس: شو بدها
ميثاق : عنا خالي وجاي يسلم عليي
شمس : اي روح
ميثاق : لا شو اروح بدنا نروح
شمس : طيب ماشي
ولانها جاهزة بس جهزت قمر وطلعو وما خلاها تفوت للمضافة لانو فيها شباب من عيلة خالو
~
اطلعت كالعادة من الشباك ع الموجودين وانصعقت في صبايا تنتين طوال أطول مني شفتهن طالعين من المضافة والصدمة ميثاق أتطلع فيهن ودغري فتت لجوى
جنى : كيفك شمس
شمس : اهلين
كانت مهتمة فيني لاني سلفة المستقبل
بس التانية ما اعرفتها
جنى : هي سارة بنت عمي
شمس : اهلين تشرفنا
وتركتهن وفتت للمطبخ بدي استناولو ببوكس يجيب اجلو

كنت اتمشى بالمطبخ وصوت ضحك مع عهد ومبسوطات ورحت لاتسمع
سارة : هي السيارة ل ميثاق
وعد : لا استأجرها
عهد : لا الو بس بيحكي استأجرها
سارة : خبرنا محمود انو شاطر بالرسم
عهد : اي فنان ليش
سارة : بالمعهد طلبو كاركتير لمقابلة صحفية بلكي ميثاق يساعدني
عهد : وعد روحي اندهيلو
وصار قلبي متل النار ونطرت بالمطبخ كان عم يحكي وهو طالع من المضافة
ميثاق : شوفي
وعد : بدهن اياك البنات
وهون فيوزاتي طارو اتكتفت وبس شافني فات للمطبخ
ميثاق : شو بتعملي عندك
ما رديت ضليت متكتفة واضرب برجلي
ميثاق : شبكي
شمس : ...
ميثاق : هههه لك شوفي
شمس : والله والي اسمو الله ازا بتفوت للغرفة الي فيها البنات ثانية ما بقعد معك
ميثاق : شو القصة
شمس بعصبية : شوفي بينك وبين عامود التوتر
ميثاق : ما افهمت مين قصدك
شمس : لگك كيف بتسمح لحالك تطلع فيها وهي طالعة اه
ميثاق : ايمتى صار
شمس تبكي : هلا بدك تطلقني هلا
ميثاق : لك بلا جنان ماصار شي
شمس بصوت عالي : انا شفتك
ميثاق : هسسس وطي صوتك في رجال بالمضافة
شمس : يلعن ابوهن كلهن
ميثاق : لااااا انتي ولا فيوز
شمس : قصدك انا مجنونة انا بفرجيك
وتركتو يلحقني اطلعت لبرى
ومسكني عند البوابة
ميثاق : يا عاقلة وين
شمس : ما عاد بدي اياك عم تفهم
ميثاق : ياااا جنت وبدها تجنني معها لك شوفي شوصرلك
شمس بدموع غزيرة : شفتك شفتك تطلع فيها والله
ميثاق : خلص خلص روقي
شمس : طلقني ازا بدك تشوف غيري
ميثاق : لك بلا هبل مافي منو
واجت حماتي ومسحت دموعي واتخبيت فيه
ام مروان : شوفي
ميثاق : ..لا لا مافي شي
ام مروان : شبها شمس ليش عم تبكي
ميثاق : خلص مافي شي
راحت حيرانة
ميثاق : عجبك هيك
شمس : يا انا يا هي
ميثاق : انتي اكيد رغم انو مابعرف شبكي ولا شو بدك
شمس : بدي ارجع للبيت هلا هلا
ميثاق : البنت نايمة
شمس : قلتلك بدي ارجع
ميثاق : بس هني جايين يسلمو عليي
شمس : ...
فتحت الموبايل وعلى رقم عمر
ميثاق : لك ليش عم تتصلي فيه
شمس : كيفك عمر
عمر : اهلين شمس
.شمس : انت وين
ودغري اخد مني الموبايل
ميثاق : حبت تطمن عليك...لا مافيها شي اي يلا سلم
شمس : بدي اروح لبيت اهلي
ميثاق : جيبي البنت خلينا نمشي
شمس : اي بدك ترجعني وترجعلها
ميثاق : يا عفو الله
فات للمضافة اعتذر منهن وجاب البنت وطول الطريق ما سكتت كنت ابكي من جوات قلبي مجرد شفتو يطلع بوحدة غيري هيك صار فيني
نيمت قمر اللبست بيجامة دافية واتمددت بتعب
ميثاق : شوصار ليش هيك جنيتي
شمس : قبل ترف عينك ع غيري بتطلقني تاني مرة
ميثاق : الله يكملك بعقلك يارب
شمس : ماني مجنونة
ميثاق : لا هاد جنان الي عملتيه عيب
شمس : العيب تتمايز الحيوانة وهي طالعة من المضافة عجبك بنطلونها ولا بلوزتها ولا مشيتها ولا جسمها
ميثاق : مصيفة انتي
شمس : شفتك بعيني تطلع عليها وهي طالعة
ميثاق : شو بدك تحرمي عليي
شمس : انا هلا اعرفت ليش عبد اتحرش فيني
وما أستوعبت الا موبايلو صار باخر الغرفة
ميثاق: شو قصدك
شمس : كما تدين تدان
ميثاق: الله ربي الحق مو عليكي على لحمار الي عم يجادل فيكي
ولو زعل فشر اراضيه بدي اربيه لخليه يشوفها ويهرب منها وطول الليل ابكي واشهق وفاجئني وقت قرب مني وغمرني
ميثاق : خلص كرمالي خلص
شمس : بكرى كلهن ليشمتو فيني
ميثاق : لك ليش شو عملت
شمس : رح يقولو مو معبية عينو لانها صارت بشعة وتحت عيونها اسود
ميثاق : احلى مراة بالعالم كلو مستحيل اشوف بعيوني غيرك
شمس : بس عجبتك لانها طويلة
ميثاق : والله الي ببالك مو صح
شمس : لا لا صح قلبي ميثاق عم يوجعني
ميثاق : سلامه قلبك
شمس : بدك تخلي الكل يشمت فيني
ميثاق : ما عاش الي بدو يخلي حدا يشمت فيكي فشرو كلهن
شمس : انا ما الي غيرك ازا تركتني بموت والله
ميثاق : بعيد الشر عنك بس انا دخلت حياتك من جديد
شمس : ومين حكالك انو كنت عايشة عندهن كنت مهمشة مالي رأي ولا وجود مجرد نفر مالو قيمة
ميثاق : لانك زعلانة بتحكي هيك
شمس : لا لا انا ما عشت الا معك قبل كنت بلا قيمة بلا وجود
ميثاق : خلص لا تفكري بشي والله لخليكي اميرة ع الكل بس لا يخطرلك انو ممكن ابدلك بنسوان الارض كلا
شمس : حتى وانا هيك
ميثاق : يا ويلي هيك ومطيرة عقلي الشغلة شغلة هرمونات مو اكتر
شمس : مقهورة ميثاق
ميثاق : ليش عملتي هيك فيني افهم
شمس : انت كنت رايح تشوف شو بدهم منك
ميثاق : ليش انا بعرف شو القصة حكتلي وعد تعال اطلعت وصار الي صار
شمس : ازا ازعلت يلا روح شوف شو بدها منك
ميثاق : ولا بهمني حدا المهم انتي شمس من عقلك كنتي رح تتركي قمر وتفلي
شمس : اي من كلو
ميثاق : كبري عقلك صرتي ام
شمس : ولو بصير تيتة هيك رح اعمل ازا حاولت تتقرب من حيلا مراة

ميثاق : شو الشغلة احتكار
شمس : يعني ناوي
ميثاق: ههههه لا والله انا هيك ومو خلصان
شمس : ان شاء الله ازا نظرتك الها مو عادية تعيش نفس الشعور الي عيشتني اياه
ميثاق : حاجتك وليه
شمس : يعني ماكانت نظرة عادية
ميثاق : نامي انتي تعبانة
شمس : ان شاء الله تعيش نفس الشعور
ميثاق : خلص بقى هلا بنزع مساكي
~~~~
بقلبو : لككك شو بتخبص هي...وعلى شو بتدعي اوف منك شمس قصدها تشوف غيري ياربي دخيلك هي بدها تربي ولادي بكرى
ليلتها ما نام دعوتها خوفتو وحس انو ظلمها بس هو ببالو يشوف سارة وكيف مبين عليها معجبة فيه وعجبتو هالشغلة بس من بعد ما دعت خاف كتير وليلتها شمس ما صحيت على صوت بكي قمر هو الي صحي واخدها وحاول كتير بشمس واخر شي اتجلست وهي مغمضة
ميثاق : شمس صحصحي
شمس :...
كانت شبه نايمة وهي عم ترضع البنت
ميثاق : كنت بوحدة صرت بتنتين والاحسن تنيمها بيناتهن
ميثاق : شمس نيميها بمكانها
طبعا صارت بسابع نومة لهيك حمل البنت وحطها بسريرها ورجع اتأمل نومة شمس
بقلبو :لايمتى رح تضل مولدنة هيك
والصبح الا يسمعها حكي كان عم يلاعب قمر وقت صحيت
ميثاق : منيح اصحيتي كيف بتنيمي البنت بيناتنا
شمس : ايمتى
ميثاق : انا بحس عليها بس يمكن تخنقيها انتي نومك حيلا
شمس : ليش نامت بيناتنا
ميثاق : ما حسيتي ع صوتها وهي تبكي
شمس : كنت تعبانة ليش صحيت
ميثاق : اي واعطيتك اياها وبس خلصتي رميتيها جنبنا
شمس : ادفالها
ميثاق : ....
ما عجبو ابدا هالتصرف
ميثاق : بدك تجننيني انتي ازا بصيرلها شي يا ويلك
ورجعت كملت نوم
ميثاق : شمس اكبري حياة الولدنة بطليها
شمس : بكفي انت واعي وعاقل
ميثاق : بس كلشي زاد عن حدو قلب ضدو
شمس : اريح
ميثاق : ان شاء الله وانا مسافر هيك بترمي البنت
شمس : اهوووو علينا خلصنا من امنه طلعلي ابنها
تركتو وطلعت من الغرفة زعلانة
ميثاق : الله يكون بعونك ع هالام اي
~~~~~
لليوم بكره حماتي لانها بتحكي اني بنام وما بحس طنشتو كتير وجاكرت فيه مجاكرة
شمس : روح اشكي لامك مني هي بس بدها كلمة عليي حكت لكل الجيران عني
ميثاق : عن شو
شمس : قال انا دبة نوم
ميثاق : الحق يقال
شمس : وامك هيك كانت أسأل ستي
ميثاق : ...
شمس : وكانت بزمانها تحرد من كلمة
ميثاق : وشو يعني
شمس: يعني لا تمثل عليي دور الراكزة حكتلي ستي كيف حردت وتركتك وحتى كيف صابك التهاب قصبات
ميثاق : هو ناقص بس انتي تعيريها
شمس : لا مو هيك بس انا قصدي انو لا تحاول تبين انها مثالية وعلى طول بتحكيلي انا وأنا
ميثاق : وانو اطلعنا بلا ترباية انا اخواتي
شمس : مين حكى
ميثاق ؛ انتي
شمس : شو رأيك نتغدا برى
ميثاق : رأيي ترفعي عن زنودك وتساوي فطور احسن ما عم تجاكريني مفكريتني من جيلك
شمس :....
قعدت بجنبو على طرف التخت واعرفت انو زعلان
شمس : لا مو من جيلك انت مجايل بابا
ميثاق : روحي يلا
شمس : بس مارح افطر
ميثاق : لا تفطري
شمس : هلا هيك
ميثاق : شمس اركزي قلتلك
شمس : بتعرف لو كنت مكتشفيتك كنت ما وافقت عليك
ميثاق : وانا هيك بحكي بيني وبين حالي
شمس : وندمان يا بعدي
ميثاق : لا مو ندم بس كمان تكون ام ولادي واعية بما فيه الكفاية يعني لازم تكبري عقلك مشان بنتك
شمس : فاقد الشيء لا يعطيه
ميثاق : شو قصدك بهي
شمس : قمر بنتي وبخاف عليها بس مابعرف بحس انو ما بحبها متل مو لازم
ميثاق : شايفة انك مصيفة
شمس : من هالناح اي طقو فيوزاتي وقت هجرتني ووصلتني لهالحالة
تركتو ورحت لاجهز الفطور عندي قمر بالدنيا حبيبتي وقلبي ورح ادللها وتكون رفيقتي بس مارح اسمح تطلع لعمتها قليلة ترباية وللجكارة اكلت بطريقة مستفزة بس لانو حكالي لا تفطري واتقصدت املي تيابي واطالع صوت وانا اشرب الشاي بدي اياه ما يفطر متل الخلق
ميثاق : قلت مارح تفطر
شمس: صحتي بالدنيا
ميثاق : شمس لازم تفتحي ادانك مشان البنت
شمس : خلص والله اليوم لاصحى
ميثاق : لنشوف
شمس : ....
كنت مقهورة من هالشغلة بس والله وهو مسافر كنت اصحى اول ما تبكي هلا ماعم اعرف شو صاير معي
كنت حابة اثبتلو هالشي بعد الفطور رحنا لبيت اهلي ورفقاتو جهزو الساحة لحتى تصير الحفلة واتغدينا ببيت اهلي انا واخواتي البنات وبعد المغرب اجى محمود وشباب كتار من البلد يخطرلي محمد يجي يحضر حفلة اخي ابتسمت لافكاري لمولدنة شغلو اغاني الدبكة وبلش الحفل واستغربت ميثاق مو مشارك وماسك موبايلو وعم يتسلى فيه وكل ما يصير عندو علي يعزم عليه
مسكت الموبايل وبعتلو: لا تشارك انا بفرجيك وشفتو ابتسم ودغري وقف ورتب حالو ومسك بجنب يحيى وعلي لانو راعي الدبكة ابن عمي وكان دبيك نمرة اولى وبابا فرحتو مو عاطيها لحدا باب~~~~~~
بعد الحفل مابقى الا هني وناطر شمس عند السيارة اجت وحاملة قمر ودعو الموجودين وع البيت

شمس : مع مين حكيت
ميثاق : مع مين
شمس : هات موبايلك
ميثاق : ههه وواثقة اعطيكي اياه
شمس : ...
فاتو للبيت ودغري حطت قمر بسريرها واخدت الموبايل وسحبو منها
ميثاق : شوبدك انتي
شمس : افتحو
ميثاق : ليش
شمس : بدي اعرف مع مين تواصلت
ميثاق : شو هالحكي انا شي مرة فتحت موبايلك
شمس : خدو وهات بدي اشوف مع مين متواصل
ميثاق : مابحب حدا يقرب ع موبايلي
شمس : من ايمتى مو كنت تعطيني الموبايل اتسلى
ميثاق : اي هلا اختلف الوضع وكل واحد مننا عندو خصوصيات
شمس : ياي وشو الخصوصية عندك
ميثاق : انا حر موبايلي وفيه شغلات ما بتسوى الك عندي
شمس : بلا شو وعم تحكيها هيك
ميثاق : كيف احكيها اسباني ولا فرنسي
شمس : هلا بدك تفتح الموبايل وتعطيني اياه
ميثاق : نامي واحلمي فيه
شمس : قلتلك بدي اعرف مع مين متواصل مابهمني ع شو بتتفرج افتحلي الواتس
ميثاق : هههه هو الواتس الي مابدي تشوفيه
شمس : والله امورك غير شكل ميثاق هات الموبايل
ميثاق : لا تنزعي ع حالك وان

- النص المستخرج من الصورة: 📝
B
١٢:٤١ ص
ميثاق : لا تنزعي ع حالك وانسي الموضوع
شمس : كيف بدي انساه اه
ميثاق : وطي صوتك شمس ويلا ع النوم
شمس : ...
فتحت لخزانة واخدت تياب وطلعت من الغرفة ودغري فتح
الموبايل وارشف لكروب الي مليان بلاوي زرقا بدل تيابو
واستناها لاجت وحاملة سندويشة وشغلت الشاشة
میثاق : شو بتتعشي لحالك
شمس : جوعانة كتير
ميثاق : دوقيني
شمس : بلكي بتقرف
ميثاق : منك مستحيل
شاركها ع السندويشة
ميثاق : ما اطيبها
شمس : اعملك وحدة
ميثاق : هي طيبة لانها الك مابدك تنامي
شمس : لا سهرانة
ميثاق : ومشان البنت
شمس : اي اي بصحى نام انت
ميثاق : انام هيك
شمس : لا شو هيك افتح الواتس واتسلى
ميثاق : بتفكريني بحكي نسوان
شمس : لا يوه بتعملها شريف مكة لانك
ميثاق : ما اقل عقلك خدي هاد الموبايل
ودغري اخدتو واول شغلة ساوتها نزلت الشاشة وشافت
المحادثات المؤرشفة ودغري سحبو منها
شمس ليش اخدتو فيني افهم
ميثاق : لانك حشرية زيادة مابحكي مع حدا لا تخافي
شمس : صار عندك بنت لازم تخاف عليها
میثاق ليش شو عامل
شمس : ما يعرف انت ادرى اصلا ما بينام جنبك
ব

- النص المستخرج من الصورة: 📝
١٢:٤١ ص
10 الناس
8/1
واخدت مخدتها ونزلت لتحت تنام وانصدم انها عم تشهق
وتبكي
ميثاق : ع فكرة مافي شي من الي ببالك بس كل القصة
رفقاتي بيبعتو مقاطع مابدي تشوفيها
شمس : .....
ميثاق ؛ عمرك ما تسدءي ناقصني ولاد صغار
شمس : لو ضلیت ساکت احسن
ميثاق : وشو قصدك بهي
شمس : مفتخر يعني الله يستر من اخر الانفتاح الي عم
اتعرف عليه ببيت اهلك اتاري التعقيد احلى ولا عاملي فيها
معصب وخايف ع شرفو الي بخاف ع شرفو بالاول بدو يلزم
حدودو
ميثاق : لك ازا بوصل لعندك
وقبل يكمل اتغطت كلها بالحرام
شمس .....
ميثاق : تضربي ما اقل عقلك
ودغري سجل خروج من لكروب ومسح كلشي محادثات عندو
انقهر كثير من كلامها وحسها اوعى منو بكتير وما هان عليه
تنام تحت لهيك دغري اتجلس ونزل لعندها
ميثاق : قومي نامي ع التخت ادفالك
شمس : لا هون احسن
ميثاق : خلص يلا تعي معي
ودغري سايرتو كان مقهور كتير وشايفها كيف دموعها شلال
ميثاق : والله مافي شي لشو عم تبكي
شمس : ليش قلتلي تضربي
ميثاق : كلمة عادية بس لاني مدللك زيادة عم تتحسسي
شمس : لا انت من مبارح بليل مو طايقني
ميثاق : لا والله مافي منو
شمس اميلا انا طنشت كتير
ميثاق : خلص يلا ما حلوة تبكي بكرى خطبة عمر
شمس : مابدي انام

- النص المستخرج من الصورة: 📝
١٢٤١ ص
ميثاق ليش
شمس : مشان قمر
میثاق: انا بصحيكي يلا نامي
بقلبو : اسمتك ماعم تشبعي نوم
وما خلاها تنام زعلانة راضاها وحطت راسها ونامت وكالعادة
صحي هو ع صوت البنت وشمس ما صحيت والبنت ما
تسكت تبكي بشكل جنوني
میثاق : شمس ... لك شمس
هزها وزبطت نومتها
میثاق : شمس بدنا ننقير بقى شمس....
لك شو هالنومة
حاول يسكت البنت وما لقى حالو الا ضربها على كتفها بقوة
لهيك صحيت
میثاق : سكنيها صوتها عم يضرب على دماغي
شمس : مين
ميثاق : لك شو الي مين لا ترجعي تنامي البنت عم تبكي
اتجلست وحطت ايدها مكان ضربتو واخدت منو البنت
ميثاق : مو تنيميها بيناتنا
شمس : لكن
ميثاق : شمس صحصحي بقى والله جننتيني نوم نوم ما
بتشبعي انتي .... شمس لاحقة ع النوم الصغيرة جوعانة
شمس : اي اي اصحيتها شوف
ميثاق : فتحي عيونك لشوف
فيتامه وابتسميله
: فتحي عيونك لشوف
فتحتهن وابتسمتلو
ميثاق : كيف كنتي تصحي ع البنت
شمس : دغري والله
ميثاق : شو هالحكي ما بسدء
~2222
كانت نسرين سامعة أصواتهن عصبية ميثاق على شمس
صوت بكي البنت واطمنت انو كل المتزوجين عندهن مشاكل
ومافي حياة مثالية