كل عام والجميع بخير وعافية وينعاد عليكم بالخير يارب 🤍

https://www.tg-me.com/addlist/DlFqIY2cDN85ODRi

قصة جديدة: #عشق_الأصيل

قراءة ممتعة🌸
@Stories_3

وأخيراً رح تنزل قصة #عشق_الأصيل
#بقلم_مايا_حجازي
#كاملة_جوا_الصور
مقدمة قصة عشق الأصيل
_حب الأصيل لبنت عمو رغم البعد والمسافات
_بلسم ودوا لكل جروحو لماضي عاشو وكأنو مقطوع من شجرة
_زياراتو للتلة ليشوف معذبة القلب ويتقرب منها
_رفضها رفض اهلها واهلو كل هالشي ما منعو يعشقها ويموت فيها
_بطلتنا عنيدة وصاحبة موقف
_معقول تكون حابة وكيف رح يتقدملها الي معجبة فيه ومين بيدخل
_ماضيه ومعاناة عاشها مجبور
_فجأة بيتغير كلشي وبتبلش المواجهات
_ليلة العمر بتتحول لكابوس
_مين رح يصحى منو بالاول
_كيف رح يتعايش مع الوضع ومافيه يشوفها الا عشيقتو
_زيارات سفر وعود وحقد وانتقام
_ياترى شو نهاية الزواج
_مين بيحفر لبطلنا وبيحاول؟؟
معقول مافينا نعرف قيمة الأشخاص الا بعد فوات الآوان
اجواء قصتنا رح نعيشها ب ضيعة صغيرة
مع أبطالنا(محمد الأصيل_بلسم_عزمي_سيدرا_شيماء_أمين_أيوب_عامر)
وشخصيات كتيرة رح تتعرفوا عليها بالقصة
تفاعلكم بهمني
واي كلمة بتحفزني

قصة #عشق_الأصيل 1
القسم الأول
بقلمي:#مايا_الحجازي
_القصة حصرية بجميع حساباتي
_ولا اسمح بأخذها حالياً
ب ضيعة التلة ضيعة بتتميز بموقع عالي ومليان شجر زيتون وشجر سرو وصنوبر أهالي الضيعة بيعتمدو على المواسم
صبايا الضيعة أغلبهن ما كملن دراسة لهيك اتلفتن للتطريز ونسيج الصوف
شباب الضيعة أغلبهم متطوعين بالأمن العسكري ولو بالواسطة المهم النفوذ والسلطة
على راس التلة كان واقف أصيل وحدو صاحبو أمين
طبطبلو على السيارة
أمين:مبروكة
محمد:الله يبارك فيك
أمين:كيف ساويتها وأنزلت فيها
محمد:شو ما حدا اشترى سيارة غيري
أمين:حالياً اي
محمد:بكرى بتشوف كل شباب الضيعة رح يشترو
أمين:الا انا
محمد: اتطوع بالفرع ترى ضياء بيك سألني أزا في حواليك شباب وهيك متلي
أمين: كيف يعني متلك
محمد: يعني ترمي حالك ع الموت قدامو
أمين: دخيلك يا روح ما من بعدك روح
محمد:مافي أخبار
أمين:طولت لحتى سألتني
محمد:قلت من حالو رح يخبرني
أمين:أخبار مافي أنت طمني اخبارو
ضربوا ع صدرو أمين
محمد:ع حالو
أمين:يعني ما شفتها
محمد:من وين يا حسرة دغري اجيت لعندك
أمين: تشوفها
محمد:ياريت
حكى هالكلمة وقلبو دق بقوة صرلو سنة مو شايفها
أمين:حكتلي شيماء انهن عند جورية
محمد:وساكت خلصني
ركبو السيارة محمد بقي ساكت
وطبعا أمين يتسلا على موبايلو
ومحمد يتزكر اخر لقاء بينو وبينها
بيوم العيد تحديداً كان متحمس ليشوفها كانت متغيرة كتير وبكامل أناقتها ومع سيدرا وهو فات ليسلم على الكل ويعايد عليهن وبقي ناطر لحتى طلعت وطلع وراها متجاهل نظرات الكل
محمد:بلسم
بوقتها اللتفتت وهو أستسلم ليحكي حكي قلبو يومياً بخبرو عليه
محمد:أشتقتلك
بلسم:عفواً
محمد:أنني بتعرفي مشاعري تجاهك
بلسم:لا انا ما بعرف ولو اعرفت ما بغير شي انا لليوم ما بنسى كيف ضربت اخي
محمد:بس انا وعزمي تصالحنا
بلسم:بعد ما رمى حالو ع الموت ليخلصك من هداك الهامل
محمد: نحن اولاد اليوم
بلسم:انت انا بنت مبارح ويكون بعلمك لا انا ولا اهلي منحبك
محمد:يعني مافي مجال
بلسم:لشو دخلك
محمد:اتقدملك
بلسم:لا تعزب حالك وتتخسر مارح نوافق
محمد:الي بهمني رأيك
بلسم:ولو أهلي وافقوا انا رافضة رفض تام
محمد:....
صحي على صوت أمين ومو بس صوتوا شوفة بلسم
أمين:ليكها
استوعب ودقات قلبوا كبيرة كيف ما بدو يدق هالوش مرسوم بخيالو وببالو ليل مع نهار نادراً ما بتغيب عن بالو ووقت يتزكرها بيحس انو حدا ضربوا على قلبوا
مركز ب مشيتها بهدوءها وهلا صارت وراهن ليغمض ب حب وعشق وهيام
...//......//...
أتنرفزت من شوفتوا انا حسيت انو شيماء متعمدة تغير طريق الرجعة
شيماء:هاد محمد
بلسم:كتير متفاجئة وبالدليل أمين معو
شيماء:بسو احلفلك
بلسم:لا تحلفي كزابة
شيماء:شو بدنا بالحكي صاير شخصية
بلسم:الله يخليه لاهلو
شيماء:ابن العم هاد
بلسم:دخيلك يكون مين ما يكون حدا ضرب اخي وتقاوى عليه شو بدي اترجى منو
شيماء:شو بدك بالحكي مضى على لحكاية سنين وتصالحوا كمان
بلسم:ولو صالحوا عزمي انا بكرهوا لدرجة وهو بيعرف انو اخي وحيد وغالي على العيلة كلها وضربوا مو بس هو
شيماء:طيب طيب متل مابدك
بلسم:بكرهوا وبكره كل حدا بيتقاوى ع اخي بالاخص أمين ما بعرف ع شو حابيتوا
شيماء:ايوا وصل البل لدقنا
بلسم:فوتي نكمل حكي
شيماء:دوبني اوصل الدنيا على وشك غروب
بلسم:اي ساعة بكرى استناكي
(كنا واقفات على مدخل حارة بيت اهلي )
شيماء:يمكن ما تخليني ماما
بكرى بردلك خبر
بلسم:ماشي
اتودعنا وفتت تمشاية برى مرت عمي سلمت عليها وعزمت عليي وهلا صوت زمور سيارة ضليت مطنشة واتأمل شجر الزيتون وهلا بيت عمي ابو مهران محمد صفط السيارة بالمدخل لهيك درت وشي للصوب التاني
بقلبي:البيت مهجور وعاملي فيها الكن بين روح للقصر الي ساكنينوا بالمدينة أشرح واوسع يعني بيليق بشوفة حالك وحال اهلك
واخيراً بيتنا فتحت الباب وفتت ريحة الدفا بوحدة
ماما:ارجعتي بلسم
بلسم:اي ماما
ماما:عزمي برى
بلسم:لا ما شفت حدا
ماما:وين بدو يكون
بلسم:ليش كان هون
ماما:اجى من شغلو حتى ما اتحمم طلع وحكالي ما بطول
بلسم:مابعرف انا اجيت ما شفتو
بس محمد هون
ماما:أصيل هون
طلعت من المطبخ وهي عم تمسح ايديها من المي
بلسم:وليش مصدومة
ماما:شافك
بلسم:يمكن
ماما:انتي وين شفتيه
بلسم:ونحن راجعات من عند جورية وهلا أجى لبيت اهلو
ماما:اها لهيك طلع عزمي مستعجل
بلسم:ليروح يعزمو لهون
ماما:رح يروح لعند ستك
بلسم:اريح
...... ......
بالسيارة
عزمي:مو عيب اترجاك
محمد:انا جاي اشوف ستي
عزمي:وشفتها
محمد:بتعرف امين والا يعزب حالو
عزمي:صاحب واجب
محمد:تعال اسهر ستي بتنام بكير وبتعرف بمل
عزمي: خلص ولايهمك بس انا غاصص ها
محمد:اتهنى والله اتغديت

عزمي:بس انت بتحب هالاكلة
محمد:قلتلك اتنهى
عزمي:بشوفك بالسهرة
محمد:انا بوصلك
عزمي:لا تضحكني
محمد:خلص مافي تعترض
وصلوا للبيت طبعاً محمد بعالم تاني اسمو بلسم مفتحة وصايرة متل الوردة نزل عزمي وعاتبوا لانو رفض عزيمة العشى وهلا راح لبيت ستو بقلمي مايا الحجازي
ما كان بعيد بجنب بيت اهلها
دق الباب وفتحتلو وانبسطت فيه
نوارة:يا اهلين وانا عم اسأل حالي ليش منورة التلة
محمد:بوجودك يا ست الكل
وسلم على بديع ابن عمو كان من جيلو تقريباً بس فاقد حاسة السمع
شلح الجاكيت وعلقوا وقعد جنب الصوبيا
.........
بعد ما ادفيت اجت ماما وحاملة صحن اكل
ماما:روحي لبيت ستك مدام في ضو
بلسم:هلا لدفيت
ماما:خلصيني بخلص اخوكي حمام وبتكوني اجيتي
نفخت ب ملل واخدتوا منها ازا ستي بالحمام رح اموت وانا ادق الباب وما رح يسمعوا بديع وصلت وضربت دغري بقوة ع الباب بقلمي مايا الحجازي ومتأكدة مارح يسمعوا
وقت انفتح الباب انصدمت محمد
وبالزور لنطقت
بلسم:اتفضل
اعطيتوا الصحن واخجلت من نظراتو
وصرت اتفقد حالي
محمد:ليش معزبة حالك
بلسم:لا عزاب ولا شي
محمد:فوتي
بلسم:لساتنا بلا عشى
محمد:.....
استفزتني نظراتو كتير واقرفت منو كمان درت وشي وارجعت للبيت بمشي سريع بس الافندي لساتوا برى وكملت للبيت
بعد العشى جليت وما كنت متوقعة السهرة ببيت ستي وبأتفاق الكل
عزمي:يلا خلصتي
بلسم:ليش بقى
عزمي:الكل جاهز بدنا نسهر عند ستي
بلسم:انا بروح لعند سيدرا
عزمي:سيدرا بحالها برى
بلسم:....
ما اعترضت مستحيل ابقى بالبيت لحالي وصوت حكي برى اللبست الجاكيت ع الماشي وسلمت على الكل شنكلت بايد سيدرا ومشينا
بلسم:ليش ما اجيتي اليوم
سيدرا:بكرى نازلين للكرم
بلسم:نحن بعد بكرى
سيدرا:ليش مو بكرى
بلسم:عزمي خلص الورشة وبدو يرتاح
سيدرا:محمد هون
(حكت ووجهتلي الكلام كأنو من باقي عيلتي)
بلسم:شغلي اغنية بدي ارقص
سيدرا:يعليكي شو قوية لا تتزاوريه حبابة انا بخاف منك وقت تزوريه
بلسم:ما بينطاق شوفي كيف واقف برى متل الزعران
سيدرا:بدو يستقبلك
بلسم:اي بلا كترة حكي
الشباب ضلو واقفين برى ونحن فتنا لجوى سلمت على ستي واتمركزنا حد الباب لانو رح نعمل شاي وقهوة
............
طبعاً فاتو بعد الصبايا وهو قعد مستقصد مقابل بلسم كان مد عربي وزبطو مخدات
ام عزمي:اديش زيارتك
محمد:كم يوم
ام عزمي:احسب حسابك بكرى غداك عنا
محمد:لا مافي داعي
ام عزمي:مو بكيفك
ام عامر:نحن عازمينك على تقطيف الزيتون
محمد:اي شو عليه
ام عزمي المهم بكرى معزوم وانتي مرت عمي
نوارة:انشالله
عزمي بهمس:مو فرحانين فيك
محمد:لكن
عزمي:بتساعدنا بعد بكرى
محمد:لا انا اجازتي بكرى بتنتهي
ضحكوا سوى
عامر:عم يتهرب
محمد:انا اجيت اشم هوى
عزمي:شميت
عامر:ما لحق
بقلبو:نيالك يا سيدرا ياريتني مكانك وملتحش حد هالنفسية ياربي دخيلك شو عم يتهامسن وبتعرف تبتسم اي انا ما رح انام الليل قلبي مو معي اليوم واصلاً دقاتوا عم تخوفني هيك كبرانة وصايرة عروس وغير الي ولايمكن تكوني وبدي اللتحش بجنبك واقربك مني براحتي
اخد نفس لمحها لمحة سريعة طالعة مع سيدرا للمطبخ
........
بالمطبخ
سيدرا:لك مبين عشقانك عشق
دفشتها لانو بيلسان واقفة معنا وعم تبحلق فينا
سيدرا:لك ما بتفهم
بيلسان: امبلا بفهم وبعرف عن مين بتحكوا
بلسم:عجبك
سيدرا:يعني لمين بدها تحكي
بيلسان:سيارتو برى بتجنن ياريتو بحبني الي
فرطت ضحك سيدرا
بلسم:بدل ما تبهدليها عم تضحكيلها
سيدرا:خليها تتعلم من صغر اخرتها بدها تحب وتعشق ولا غرتي ع المعجب فيكي والغرقان
بلسم:لا ما غرت بس عيب تحكي
بيلسان:انا بحبو لمحمد وياريت يحبني
سيدرا:عيب وليه انقلعي من وشي
بلسم:ها بشوفك ادايقتي
سيدرا:لانو رح ينتفها عامر ورح يبهدلني الي مو ناقصني
...........
برجعة الصبايا ضيفت سيدرا الشاي وبلسم حطت بزر للكل كان خجلان يتطلع فيها بحضور عزمي بس عم يلمحها لمح
قعدن بنفس المكان وهلا اجت بيلسان لجنبوا
عامر:شو بدك
بيلسان :صحيح معك روسية
(وجهت الكلام لمحمد)
محمد:اي معي
بيلسان:ومو خايف
محمد ليش لخاف
بيلسان لانو خطيرة وعامر عندو وحدة كمان
ام عامر:اخرسي وليه
بيلسان :انت جاي تخطب
دق قلبوا بقوة لانو بلسم عم تطلع فيه
محمد:لا ابداً
بيلسان:انت حابب
عامر:سدي بوزك احسنلك
عزمي:بلكي البنت حابة
انفجروا ضحك بس عامر معصب كتير
عامر:انت لا تدخل
عزمي: تتجوزي محمد مبين عاجبك
بيلسان:بيرضى
لتعلى الضحكات
سيدرا:ومين متلك ياعمي بيلسان اتقدمتلك
محمد:لوقتها بكون ختيرت
بيلسان:اديش عمرك
محمد:شو بدك بعمري
بيلسان:يعني اديش بيني وبينك
محمد:انتي اديش عمرك
بيلسان:صف تالت لازمني رابع
محمد:عشرين الا شوي بيناتنا
بيلسان:اها لهيك حابب بلسم لانها بتناسبك اكتر مني

عزمي:عيب وليه
بيلسان:ليش عيب سيدرا حكت انك عشقان بلسم
خجل من هالموقف وبحضور الكل
محمد:نحن كنا بالروسية افرجيكي اياها
بيلسان:هون معك
محمد:بالسيارة بس شوفي هي صورتها
اعطاها الموبايل لتشوف صورو وهو حاملها
بيلسان:نيالها
محمد:ههه لمين طالعة زعرة هيك
عامر:والله لتنضربي
محمد:تسترجي هي بحمايتي
ممنوع حدا يقرب صوبها
بيلسان:مين احلى انا ولا بلسم
عزمي:مبينة انتي
محمد:وعم تسأليني انتي اكيد
بلسم:بيلسان بكفي تحقيق
بيلسان:انتي ما دخلك مدايق مني انت
محمد:لا ابدا
بيلسان:يعني ايمتى بدك تخطب
ام عزمي :شو بدك فيه
بيلسان:بطمن عليه
محمد:بخطب لا تخافي
بيلسان: وأنا واتفاقنا
محمد:بتنزلي ع ضرة
عامر:انت بتاخد وبتعطي معها من كل عقلك
بيلسان:بوافق بس بتدللني اكتر
محمد:خلص بجيبلها كيس شبس واحد والك تنين
بيلسان:موافقة ياحرام يا بلسم
سيدرا:خلصنا وليه
عزمي:مو انتي معلميتها ع هيك
سيدرا:انا لا والله
عامر:اكيد مو ستي
سيدرا:خلصنا بيلسان سديه
محمد:اوعك تغلطي عليها
كات تجاكر سيدرا ومحتمية فيه
سيدرا:شو عليه يا بسه بالبيت انا بدي اربيكي
ام عامر:صغيرة لا تصغرو عقلكن انتو كمان
عامر:وكل حكيها حب وغرام
محمد:بشرع الله البنت ما حكت غلط
عزمي: جهز حالك العروس جاهزة
عامر: انت بس بدك كلمة جهز حالك انت
عزمي: لانوي اتجوز بس بيلسان ناوية
عامر:لفلفها انت مسكت السيرة
سيدرا: احسن شي بديع صافن بموبايلو
عزمي: عقبالك هههه
ام عامر: بعيد الشر عنها بجوزك اياها
عزمي: ازا طرشة باخدها بسب وبشتم وهي بتتبسملي
سيدرا: لا مابدي الله يخليلي حواسي
ستي: ليش ما اجت معك سلام
محمد: ما خلاها خطيبها
عزمي: عقبالك ما تخليك تروح لمكان
عامر: هو مفعل خدمة طرطور لا تخاف خروف من هلا
محمد: فشرت واحد متلك طرطور
بدقة الباب وراح عامر يفتح
...........
بفوتت عمتي وبنتها سعدية وضحكتهن شبر قعدت معنا سعدية وعمتي سلمت ع الكل وسلام خاص لمحمد مع غمرات وبوسات كتيرة
عمتي:ومنيح اتزكرت الك قرايب بكفي اهلك باعونا
محمد:عطول عالبال
عمتي:بكرى معزوم عنا
ماما:سبقناكي عليه
عمتي: يوه انا عمتو واحق فيه
عزمي: خلص معزومة معو
عمتي: لا ما بقبل
محمد: خلص زيارة تانية
وواضح انها شايفيتو ومو مسدءة وبلشت تهمسلو.
........
بقلبو: الله يسترنا منك
وصفية: وكيف اهلك
محمد: مناح
وصفية: وبدك تروح للعزيمة
محمد: ما بعرف
وصفية :عم تطبقك لبنتها يعني
محمد :هههه
وصفية: اي هي حلوة بس دفشة ما بتعرف تجامل بعدين مبارح حتى كبرت اخدوها للدكتورة حكتلهن رحمها طفولي مارح تجيب اولاد
محمد: لشو هالحكي عمتي ما بصير
وصفية :انت ابن اخي وبخاف على مصلحتك يعني اتخيل صف تاسع صارت وما
محمد: عمتي خلص ما بصير شو عم تحكي انتي
شلح الجاكيت ورماه على جنب خجلان لانو عمتو ما بتستحي الكل عم يحكوا ويتناقشوا حتى بلسم غرقانة بضحكتها بقلمي مايا الحجازي
وصفية: شو عم احكي من جيبتي
محمد :انا شو علاقتي بهيك شغلات عيب وحرام
وصفية: ما ضل شي يتخبى انا مشانك
تاخدها على جمالها وتعزبك
بزمانها امها شيبت عمك ومرتين نوى يتجوز عليها ونحن منعناه
محمد: انتووو
وصفية: اي مو مسدء... المهم ازا بلسم ببالك شيلها بعدين شوف سيدرا شوف بنتي
محمد: لاعتمد انا اجيت اشم هوى بس انوي اكل هوى بخبرك
وصفية:هههه دخيل حكياتك اي
بس ليك لا تخبر حدا عن الي حكيناه
محمد: شو عم تحكي
وصفية :بتعرف مرت عمك همها تجوزها مو ناقص اعلق معها
محمد: ....
بقلبو :حكي عدوين بقبل فيها شو ما كانت
اخ على لمسة من ايدها انا ميت عليها ولو شو ما اسمعت مابدي الا بلسم تكون مرتي لو تعرف عمتي انو متمني اكون سيدرا لامسك ايدها يا الله ع شو بيتهامسن وبيتضحكن كمان بقلمي مايا الحجازي
وصفية: وشغلك منيح
محمد: ماشي الحال
وصفية: والسيارة الك
محمد: لا مو الي استعرتها من رفيقي
وصفية: متجوز رفيقك
محمد: اي
وصفية: دايقتك مو
محمد: لا ابدا
وصفية: ايمتى بدك تتغدا عنا
محمد: لزيارة التانية
وصفية: بس ما تكون السنة الجاية
محمد: لا كل فترة بنزل بغير جو
وصفية: دغري لعندي ها
محمد: ولا يهمك
بقلبو: بلكي الاجازة الجاي اخطب
وتصير خطيبتي دخيل عيونها دخيل كلشي فيها
.........
كنا ماسكات سعدية وعلى مزح
سعدية: شو قصدكن
سيدرا: الدراسة وقلتها
سعدية: من غيرتكن لانو ما كملتن
بلسم: انا كان بدي اقدم الامتحان وعزمي رفض لانو مو بالتلة
سعدية: وليش عم تتضحوكن
بلسم: هي تاني سنه الك تاسع
سعدية: ورح اصير صيدلانية
بلسم: نحن منكره يعني بس انتي جدول الضرب مو حافظيتو
سعدية: صعب لانو
فرطنا ضحك بالزور لمتاسكنا
بس لعيون كلها علينا
عزمي: ورصاص منك الها
ستي: اضحكن لا تردن عليه
عزمي: بلسم جرديه ع الأخر

ماما: شو بس هي ضحكت
عزمي:صوتها عالي بنرفزني
ستي: اضحكن ما حدا غريب
تحلفلي ب عيونو بس طنشتو
عمتي: هو مشانك عمتي
بلسم: وشايفيتني فلتانة ولا بضحك بالشارع
عمتي: ام عزمي شو حكيتلك
بلسم: المهم بنتك لقميها الكلمة انا تركت لجواز لغيري
عامر: اي عمتي بلسم بالسنة بتضحك مرة وبتكون قاعدة مع سعدية
عمتي: عاملات بنتي مسخرة
سعدية: لا غيرانات لانو انا بدي اكمل دراسة
عمتي: اي اضحكن لتشبعن
عزمي: وناوية تعملي مشروع وبزنز
عمتي: صيدلانية رح تصير
عامر: الفاتحة على روحنا شباب
........
رجعن ضحكن بصوت عالي
الضحكة بقلبو فايتة مو بس بأدنو
عزمي: يلا نحن حاجتنا
نوارة: بدنا نشرب قهوة بالاول
عزمي: حركي ام صوت عالي
راحت بلسم لحالها ولحقتها بيلسان
ومعها موبايل محمد طبعا ما استفقدو الا بعد ما طلعت البنت طلع وراهن ما سكر الباب تركو شوي مفتوح
فات للمطبخ كان بايد بلسم
محمد: وين موبايلي
بيلسان: فرجيت ل بلسم الحفلة
محمد:هاتيه
بلسم: هاد كبريه مو
اعطتو الموبايل
بيلسان: شفتي اديش في رقاصات
بلسم: اي وحلوو تصويرك كتير
حطو بجيتو وفات للحمام متجاهل نظراتها
الي فيها نوع من التكبر رجعت بلسم واخد عنها عزمي ليضيف وهو شارد لبعيد ابداً مو خجلان انها شافتو بالكبريه
عم يسأل حالو ليش بتحاكيه ب نفسية
بشوفة حال
بقلبو: يعني مبين مهتم فيها
هاد اطيب فنجان قهوه بدوقوا بحياتي
اجى لجنبو عزمي
عزمي: شبك
محمد: بتعرف سفر
عزمي: ساعتين
محمد :انا ما نمت مبارح
عزمي: فرحة يعني
محمد: لا كنت مناووب
عزمي: يعني بتداوم بالفرع
محمد: لا انا مرافق ل ضياء بيك حالياً
عزمي: وبتليق فيك
محمد: بكرى بس اترفع بترأس على عشرين عنصر وانا بريح حالي
عزمي: ومنيحة
محمد: اي بس طالع هالبطاقة بتفوت لعند سيادتو
عزمي: اوووف واصل
محمد: واي محل بتفوتو الك احترام خاص واستقبال كمان
عزمي: وللكل هيك المعاملة
محمد: لا حسب انت مرافق لمين وضياء بيك شغلتو فووق
عزمي: وكم يوم اجازتك
محمد:شغلة كم يوم ما بيتجاوزو الاسبوع
زورني
عزمي: لبيت اهلك
محمد: لا
عزمي: منخلص الموسم وبخبرك
محمد: ومين رح يساعدكن
(حكى هيك لانو خايف ع بلسم)
عزمي: نحن لحالنا
بقلبو: هيك لكن
محمد: جيبو عمال
عزمي: مارح تربح معنا
محمد: والكرم كبير
عزمي: بلكي تتعدل امورنا هالسنة
محمد: .....
.......
متفاجئة رغم انها ما شافت
سيدرا: رقاصات
بلسم: الله لا يفرجيكي كلووو مكشوف
سيدرا: ابن العم فلتة ع الاخر
بلسم: كتير مو شوي
سيدرا: انا فكرت لحقك يحكي معك
بلسم: لا كان خايف ع موبايلو ابصر شو فيه
سيدرا: ملاحظة عمتي عم تنغم لمحمد
بلسم: اي سعدية حلوة كتير
سيدرا: اي وانا بقول هيك بس ابو الشباب غرقان فيكي انتي
بلسم: شو عرفك اجى وحكالك
سيدرا: ما حكى بس عيونو عم يبرقو
برق وقت تحكي ووقت تضحكي
بلسم: اخ بس بينطاق
سيدرا: بينطاق
بلسم: بس ازعر كتير
سيدرا: هو الازعر بيعرف يتعامل مع النسوان لكن تاخديه خجول
بلسم: يعني في عنا بالعيلة حدا خجول
سيدرا: لا والله
بلسم: عندو حركات مو منيحة
سيدرا: بتربيه ما بينخاف عليكي
بلسم: انا بدي مين يربيني
(ضربنا كفوف بعض)
عزمي: حاجتكن لعي انتي وياها
ام عامر: اختك بتمون عليها بنتي شو علاقتها
ماما: ما بتعرفي بلكي النصيب جمعهن
عزمي: انا اخد سيدرا
سيدرا: لحتى ارضى فيك بالاول
يعني ازا عيونك ملونة بتشوف حالك متل اختك
بلسم: يخرب بيتك دحشتيني بالنص وانا منخرسة
بيلسان: بس حلوة هالشغلة محمد بيتجوز بلسم وعزمي لسيدرا وعامر ل سعدية
بضحكات الكل
عزمي: يلا نحن بدنا نمشي
استنفرنا كلنا واللبسنا الجواكيت
..........
برى مشين بالاول نسوان عمامو وبيلسان وبعدها الشباب واخر شي سيدرا وبلسم وعم يودعن سعدية لانو اجى ياخدهن جوز عمتهن بقلمي مايا الحجازي
وماشيات هلا ع الهدا وراهن
عامر: اشارطكن
عزمي: شارط
عامر: الجوز الي ورانا بخافن من خيالهن
محمد: والمعنى
عامر: خلينا نخوفهن
محمد: بلا لعب
عزمي: انا حبيت كتير وياما بلسم عاملة فيني فصول ناقصة
محمد: لا ما حزرتو انا رح ابقى معهن
عزمي: مزحة صغيرة شوف كيف ماشيات وعم يضحكن
محمد: لا يعني لا
عامر: انت اطلع من لحكاية البنات اخواتنا
محمد: ايه رح اخبرهن
عزمي: مزحة محمد مشان الله
محمد: انا هون اعملو شو مابدكن
عزمي غمزو ل عامر
عزمي: بدك تفوتي بلسم
بلسم: لا بكمل مع سيدرا
عامر: اي اتنشطي بنت عمي سمنانة على شغل لخياطة
بلسم: احسن ما اكون نص دكة
عامر: هههه اوعك عزمي تخانق معها بتموتك ها
عزمي: اي لا تحكي قبل اتنفس بحسب حساب
صارت بلسم تقلدهن ليغرقو بالضحك حتى سيدرا
وهلا صارو عند بيت ابو مهران ولانو مهجور البنات صارن قدام الشباب
عزمي: اجاكن الكلب
محمد: كلب مين مافي شي

عامر: خود دور الكلب عزمي بيلبقلك
عزمي: ههه بلا ليش سبقتنا
سيدرا: مشان الجني ياخدك
بلسم: بلاا ياخد اخوكي
عامر: ياخد سيدرا شو علاقتي انا
محمد: لهدرجة بيتنا بيخوف
بلسم: اي عطول بسمع جوى صوت
محمد: بتكون قطة او كلب متل اخوكي
بلسم: اي لاااا اخي مو كلب
محمد: حمار لكن؟؟
بلسم: بلااا شو لا تحكي عليه
ام عامر: فوتو بلا
محمد: بعرس عمي
ام عامر: اي ما تحلمو فيها
محمد: طيب وانتي خلصانة من سيدرا
لانو عامر باقي ورح يتكاثر
فاتت وسكرت الباب
واجتمعوا الخمسة ع شكل دائرة
عزمي: متزكرات زمان وقت كنا نلعب شرطة حرامية
سيدرا: اي
عامر وكان السهل مليان ارواح شريرة
سيدرا: ناويين تخوفونا
قبل تكمل كانو راكضين الشباب وبلسم تلقائيا لحقت عزمي والضحك شغال لقطعو بيت عمهن ابو مهران بس عامر وسيدرا فاتو للبيت
محمد: خلصنا عزمي وقف...لا تخافي يا جدبة انا معك
بلسم: بسيطة فيكن مزحكن تقيل متلكن
وقفو لتلات عند بيت بلسم ياخدوا نفس وكانهن مرعوبين
محمد: تعالو وصلوني
عزمي: خلي الكلب ياخدك
محمد :مافي غيرك كلب
عزمي: حول علينا
محمد :غير مرة تصبحو ع خير
وهو لمح بلسم لمحة سريعة
عزمي: اوصلك
محمد: اي امشي لشوف
فاتت بلسم وامنو انها سكرت الباب
بقلبو: ماحدا حاسس فيني وكلو مطنشني
عزمي: فيك شي محمد
محمد: متل شو
عزمي: مابعرف بس انت مو على بعضك ومتغير كمان
محمد: مابعرف
عزمي: في شي حدا زاعجك
محمد: لا ماحدا بس تعبان والله
بقلبو عزمي: كزاب وكل هالحالة بسبب بلسم يعني اروح اضربها واحكيلا بدك تاخديه غصب عنك اصلا بتكرهوا كره مو طبيعي وهو حمار معلق حالو فيها ع شو مابعرف
عزمي: سلامتك
محمد: حول
عزمي: بكفي لهون
ودعو ورجع للبيت عزمي وبقي محمد واقف وناطر لحتى وصل للبيت عزمي اشرلو بمعنى فوت
دق الباب بقوة وفتحلو ستو
نوارة: لحقتني قبل اشيل السماعة
محمد: ههه بديع نام
نوارة: وشبع نوم
بدل تيابو واتمدد على فرشة ارضية
واتغطى فتح موبايلو يتسلى
ليشوف رسائل
سلام: اصيل وينك رد وصلت
ومحادثات كتيرة طنشها وفتح على لعبة ارقام وضل يلعب لحتى غمض عيونو وبقي الموبايل على صدرو وراح فيها
.........
تاني يوم عزمي جاب كل مستلزمات العزيمة
ونحن بلشنا بالشغل اتزكرت كلام عزمي بعد ما وصلنا للبيت
عزمي: ليكون بتستني حدا هو رايدك والكل بيعرف وكمان بيعرفو ليش محمد بيجي للتلة اعطيه فرصة اخطبوا سنة سنتين ما عجبك خلص كلشي بدار اصحابو
اصحيت من شرودي على صوت ماما
ماما: بمين شادرة
بلسم: لا ما شردت
ماما: لا تروحي لعند جورية اليوم بدك تساعديني
بلسم: ضروري هالعزيمة بكرى بتتفسر انو راكضة وراه مشاني
ماما: مشان ابوكي مو مشان حدا
بلسم: اي معك حق وهو مشان عمو ضرب ابنك هديك الايام
ماما: ايام ومضت
بلسم: بس هو معدنو هيك غدار وسرسري
كمان والله اعلم ليش هديان انا ما بتزكر منو الا لخناقات والمشاكل كان لامم كل صايعين التلة
ماما: بس هلا متغير مية درجة
بلسم: اي دنب الكلب حطوه بالقالب اربعين سنة ضل اعوج
ماما: ازا بدك تضلي قالبة خلقتك بوشو لا تفوتي
بلسم: دخيلك كل شوفتوا مابدي اياها
ساعدتها بكلشي ورتبت المضافة والمسا اجت ستي والمسا وصلو الشباب غسلو وبلشو بالاكل وانا اتغديت لحالي ب المطبخ بقلمي مايا الحجازي
والسهرة عمرانة ضحك وحكي ومزح كمان
والي زاد الصرعة عمتي واجت معها سعدية عسى ولعل محمد يعجب فيها لانها فلقة من القمر
جهزت لضيافة واجت سعدية لعندي
سعدية: تعالي اقعدي معنا ماحدا غريب
بلسم: شو حلاوة مبارح اسهرنا
سعدية: وليش عزمتو محمد
بلسم: تطبيق
سعدية:اكتر من هالتطبيق
بلسم: اي ناويين ندبحوا
سعدية: بس مبين رايح فيها كلشي فيه ببين انو بحبك
بلسم: ناوية ما اخليه ينام خليه يقلق من الحب
سعدية: بادريه
بلسم: لا خليه ناطر مني إشارة
سعدية:بس مو منيحة الثقة ها
بلسم: طيب طبقيه انتي حلوة وبتناسبيه
سعدية: هو قبلان يعني
بلسم: بيقبل وخدي رقمو كمان
سعدية: بلااا شو تعالي اسهري
بلسم: لا مابدي اتهنو
سعدية:براحتك
اخدت لضيافة وانا رحت لغرفتي المهم ما اقابل عمتي
اتصلت ب شيماء
بلسم: كيفك
شيماء: مشتقلك
بلسم: شو عاملة
شيماء: حاكيت الحب
بلسم: هههه تتهني
شيماء: شو عازمين ابو الشباب
بلسم: اقل منها يعني
بدقة الباب سكتت فاتت ماما
ماما: عمتك صرعتني تعالي خلصيني
بلسم: شوي بس
ماما: ولا شوي يلا
بلسم: برجعلك شيماء
شيماء: ههه اتبهدلتي موو
بلسم: عقبالك
الحقت ماما اتاريهن عم يلعبو شدة الشباب
وماما وعمتي غرقانات بالحكي وستي عم تسبح وتستغفر قعدت جنب سعديه وابتسمتلها
بلسم: برد بغرفتي نيالكن مكيفين هون
سعديه هههه بس محمد مشوب هون
كان متل العين المقلوعة لابس نص كم والباقي لابس شتوي وكيف شادد حيلو باللعبة ومتربع وعم يدخن ويضيف الكل

بلسم: وفي شرط
سعدية: اي لهيك مستعمد محمد
بلسم: اتحمست
عامر: بلسم ضيفينا مي
بلسم :شو متغدي
عامر: مجدرة
بلسم: حرزانة يعني
عامر: هههه اي
ضيفتو واشرلي على ورق محمد لانو كان مكشوف عليي الورق
اشرتلو بمعنى كل ورقو قوي
عامر: ديناري مووو
وفجأة محمد ضربوا صدرو واطلع فيني
محمد: غششتيه
بلسم: والله ما حكيت
محمد: اشرتي
ضرب الورق بالارض
عزمي: لاااا ما حكت والله
محمد: لكن ليش ليحكي الطرنيب*#*#*
عزمي: بيسأل
محمد: ع اساس غشيم ولا بيسمع بلسم
بلسم: اي معو نص الورق ديناري
محمد: هااا شرف انت وياه
عزمي: بلسم خربتي الدك
بلسم: كان معو شيخ الكبة كمان
قهرتو كتير
لم الورق عزمي ولانو عامر ضحك محمد عصب ويمكن استفزتو لهيك هجم عليه وثبتو بالارض بس محمد شغلتو المشاكل والخناق وعامر استسلم
عزمي: خلصنا محمد بعد عنو
عامر :جننتو 😂
فكهن عزمي ورتبو حالهن
محمد: تعال بديع بدلني
اشرلو لفهم عليه وهلا محمد صار مقابلنا
كان منظرهن بيفرط ضحك شي مروق وشي معصب وشي مو فهمان شي

تتمة ١
وبنص الدك محمد عصب وعلي صوتوا بس عامر رواق يمكن اكتر الورق القوي معو ومحمد افتعل المشكلة وعامر عصب لهيك رمى الورق
عامر: اكلت هوى بما فيه الكفايه
محمد: عم تغش عينك عينك
عامر: لا تاكل هوى محمد
محمد: انا ولا انت الك ساعه بتغش ع مين بتضحك لطشت ل عزمي
عامر: ما لطشت لحدا بشو احلفلك وهي ورقي ها شوف
محمد :كزاب وغشاش يلا ستي مشينا
عزمي: بدنا نشرب قهوة
محمد: لا قهوة ولاشاي يلاا بديع
ماما: لك مابصير
طبعا لبس الجاكيت وستي كمان جهزت حالها وبديع سبقهن لبرى
وعزمي وعامر طلعو كمان وهيك خلي الجو ل عمتي
عمتي: بتعرفو انو محمد سألني عن بلسم
ماما: وشو سألك
عمتي: والله خجلانة احكيلكن
ماما: لا احكي
عمتي: سالني صحيح بلسم رايحة للدكتورة
ماما: اوف اوف من وين جاب الحكي
عمتي: شبعرفني وسألني صحيح بلسم رحمها طفولي وانو ما بتجيب
اخجلت من كلامها وازا عنجد هاد كلام محمد الله ياخدو
ماما: ياعيب عليه عنجد الولد ولد لو عمر بلد
عمتي: انا قلتلو مافي منو هالكلام
وصحيح بلسم طولت لحتى؟؟
ماما: كمان هيك سألك
عمتي: اي
ماما: لعمى مين عم يحكي على بنتي هالحكي مو عيب
عمتي: يمكن هو عم يطالع اشاعات لحتى ما حدا يقرب صوب بنتك بس امانة لا اسمعتو مني ولا حكيتلكن
ماما: ولايهمك
سعدية: بس هو شو بعرفو بامور النسوان
بلسم: شغلتو الكباريهات
عمتي: كبريه شو
بلسم: هو حرام الفضايح بس شفت بموبايلو حفلات اللهم عافينا
عمتي: يييي فلتوا اولاد اخي
يلا ماما سعدية اجى ابوكي تصبحو ع خير
امي ودعتها وهي بقمة العصبية وفاتت ل غرفتها ترتاح اجى عزمي كنت عم ارتب الغرفة وشفت جزدان وموبايل وكومة مفاتيح
حطيتهن على جنب
وكملت ترتيب بدقة الباب ورحت لشوف لانو عزمي بالحمام
بلسم: مين
محمد: انا
فتحتلو مو طايقة شوفتوا
بلسم: شوفي
محمد: انسيت موبايلي
بلسم: شوي بس
سكرت الباب بوشو
عزمي: مين
بلسم: ابن عمك السرسري
اعطيتو الاغراض وراح ليشوفو
بقلمي:مايا الحجازي
#يتبع
قصة #عشق_الأصيل 2
القسم الثاني
بقلمي:مايا الحجازي
كان مقهور من كلمة سرسري من نظرات كلها حقد من معاملة ما بتليق فيه
عزمي: بلا تفوت
محمد:لا بدي ارجع انسيت مفتاح بيت ستي وهلا بتنام
عزمي:ولمين هالكومة
محمد:مو لهون بشوفك بكرى
عزمي: اي بكرى بالكرم نحن
محمد: تصبح على خير
كمل لبيت ستو وهو عم يدخن
محمد: الله رجعني لاسمع هالحكي
شو شفتي مني ليش عم تغلط بحقي
اي انا ضربت اخوكي بس مو تعاديني لليوم الكل معي عادي حتى صاحب العلاقة لمين طالعة هيك نفسية
دق الباب مرة ومرتين وبعد ما يأس للشباك ضرب عليه كتير اتصل ب بديع بعتلو كتير وعالفاضي
محمد: يعني بدي انام برى
انتبه ل ضو من اسطوح بيت عمو ابو عزمي
اشرلو فيه عزمي لهيك محمد اشرلو بضو موبايلو لحتى ما يفكرو حدا غريب
عزمي: محمد
محمد: اي ما لحقت
عزمي: تعال انا بستناك
محمد: عندك شغل بكرى
عزمي: خلصني رح اجهز القهوة
محمد: اجيتك
كان متردد لانو سمع من بلسم كلام ما بيسوى كان الباب شوي مفتوح
محمد: وينك
عزمي: فوت
فات وضل واقف عند الباب
عزمي: فوت وسكر مو شالحين لا تخاف
سكر الباب منيح
وفات بهدوء ل غرفة لضيوف
كانت بلسم عم تفرشلو حط اغراضو وشلح الجاكيت الغرفة دافيه لدرجة
محمد: والله الجو دافي
عزمي:انت متعود ع البرد
محمد:مو منيح الدفا كتير بمرض منو
عزمي: بلسم خلصتي اعملي القهوة
بلسم: حاضر اخي
طلعت وسكرت الباب ودغري فتحو محمد
محمد: ما بينطاق الدفا
عزمي: الجو عادي والله اي ما فتحولك؟؟
محمد: مابعرف اخرتنا طرش
عزمي: جهز السماعة لكن
محمد: مجهزها
عزمي: يلا اكسبت شوفتك
محمد: بس انا ما بدي انام هون
عزمي: وين لكن عند امين وبيت عمك موجودين
فاتت بلسم ضيفتهن وطلعت وسكرت كمان
........
اسمعتو شتم ما ازفر كلامو
عزمي:متابعلك فيلم اكشن على كيفك
محمد:فرجيني لشوف
رحت ل غرفتي افكر بكلام محمد الوقح كيف بيتجرأ ويسال عني هيك اسئلة
اخ لو مو ماضيه كلو سرقات وتقليع من بيت اهلو خير ما كانو يعملو فيه
اتزكرت وقت علقو مهران على الشجرة وجلدو كمان بالمقلوب وهو يصرخ ويترجى الكل يفكوه بس كان مهران ما يرحموا بنوب بوقتها سرق موبايل عمي واتجرص بالعيلة
......
بغرفة ام عزمي مقهورة من كلام وصفية
وكانت عم تشكي لجوزها بمكالمة
ابو عزمي:من وين جبتي الحكي
ام عزمي: من اختك والحكي من ابن اخوك
ابو عزمي: يحكي وتحكي لتشبع نحن منعرف ليش البنت راحت للدكتورة
ام عزمي: حلوة بحقها يعني ابن اخوك مارايد لبنتي الخير وعم يطالع حكي عليها لحتى ما حدا يقرب صوبها
ابو عزمي: خلص لا تهزي بدنك بعدين بلسم شخصيتها قوية والف شب بيتمناها ما تخافي
ام عزمي: وكانو اجى ينام عنا
ابو عزمي: انا انعست بدك شي

ام عزمي: سلامتك بس تيجي بدك تربيه
ابو عزمي: وكلي الله
سكرت معو ومقهورة من محمد كتير
..........
صحي محمد على صوت حكي
ام عزمي: ونايم عنا
بلسم: ملاقي ناس جدبان
ام عزمي: وليش رجع دخلك
بلسم: ابصر ملاقي خدمة ست نجوم
ام عزمي: ايه مو طايقيتو من مبارح
بلسم: ولا انا
ام عزمي: انا لخليه يحرم يفوت هالبيت
انقهر كتير
بقلبو: ياريتني متت ولا اقبلت بالعزيمة من اصلها
اتجلس ودقات قلبو كبيرة استوعب شو سمع من شوي
عزمي: شو ع اساس بتصحى بكير
طنشو محمد ولبس الجاكيت بسرعة
محمد: خدلي طريق بدي امشي
عزمي: شبك ولووو بدنا نفطر
محمد: لا دخيلك بكفي
عزمي: عنا مي كمان
محمد: خدلي طريق
عزمي: لك شايف شي بمنامك
طنشو طلع مو شايف بعيونو ورجع لبيت ستو ودغري فات لانو الباب مفتوح وستو وبديع برى
وعزمي لحقو ليفهم منو
كان عم يغسل ويحاول يستجمع قواه
سامع حكي عزمي
عزمي: وينو
نوارة: بالحمام اكيد
طلع وهو عم يمسح وشو
عزمي: شو صار محمد
محمد :ما صار شي
عزمي: لكن كيف بتطلع هيك من البيت
محمد: خلص ولاشي
عزمي: ليكون هديك مسمعيتك حكي بس والله ما كانت
محمد: خلص مافي شي مو عندك تقطيف زيتون روح
عزمي: الحقني لشوف
محمد: انت روح ما عليك مني
عزمي: بنطرك بدي افهم شو الموضوع
طنشو محمد وطلع لبرى واتكتف يتأمل الجو وبديع كمان
بقلبو: نيالك لا بتسمع ولا بتهز بدنك
اشرلو بديع شبك
فهمو محمد انو قرفان من كل الناس وبديع اكدلو وضحكلو محمد
نوارة: ستي صاير شي معك
محمد: اي والله يا ستي
نوارة: فضفضلي
محمد: يعني اجيت مو شايف بعيوني غيرها اجيت ومتأمل تكون موافقة بس ما كنت بعرف انو نفسيتها زايدة عن اللزوم
نوارة :يا محمد المحبة مو بالزور
محمد:طيب انا رايدها
نوارة: وهي مابدها انت بترضى تعيش معها وهي ما بتحبك
محمد: لا ما بقبل بس كمان مستحيل ارضى تتجوز غيري الي او مستحيل
نوارة: توقفها يعني
محمد: والله لاعلنها حرب اتخيلي اشوفها منزفة لغيري
نوارة: شو بدك تعمل
محمد: الي ما انعمل
نوارة: اتركها بحالها شوف سعدية حلوة وصغيرة وفهمانة
محمد:غير بلسم مو شايف ولا بدي اشوف نوارة:من جيلك هي
محمد: ولو اكبر مني ما بأثر
نوارة:تسطفل ستي
محمد:حاكيها انتي
نوارة:انت اتقرب من امها بس الام تريد البنت بترضى
محمد:وعمي
نوارة:الشور شور مرت عمك ولا تفكر غير تتقرب منها هي
بقلبو: هي مافي منها بس ابصر شو صاير او سامعة حكي عني يمكن بلسم خبرتها عن الكبريه اكيد شو عملت فيهن توافق بوعدها ما اروح لمكان بس توافق يا الله منها
جهزت ستو فطور عقلو مو معو بنوب ب كرم بيت عمو اشر ل بديع وطلعو تمشاية وحمد الله انو فل قبل توصل عمتو وصفية ومعها بنتها اتمايز سعديه اي كانت بتجنن كتير بس هو مابدو الا هديك ورفض بلسم الو دور بمحبة محمد وبزيادة كمان وصل للكرم وطبعا العيلتين مجتمعين كانو رحلة عم يشربو شاي فرصة بلسم عم تشتغل ومو منتبهيتلو اتأملها لو مو بتياب جديدة بس كانت ملتفتة وعم تمزح وتضحك مع سيدرا غرقانات بالضحك صحيح وقف مع عزمي وعامر بس سامع حكي البنات
سيدرا:بلا كيف قلدتيها
بلسم:هههه شفتي شفتي
سيدرا:مابنسى يا بلسم هداك اليوم وشفتي كيف اتحمست للاغنية
بلسم:هههه لك المشكلة انتي خليتيني انتبهلا
سيدرا:امانة اليوم بس نروح بدك تفوتي تقلديلي رقصتها
ليغرقن بالضحك بصوت عالي بقلمي مايا الحجازي
بصوت واحد عزمي وعامر:هيييي وجع منك الها
محمد:خلصتو
عزمي:ليش نحن بلشنا هدول ماسكات سيرة اخت رفيقتهن
ام عزمي:خليهن يضحكن
ام عامر:ههه يبعتلهن الهنا انشالله
بقلبو:لك شو هالضحكة
عامر:خلصنا بقى
اتماسكن بالزور
ورجعن ضحكن وهربن من المكان غصب عنو عزمي ابتسم وعامر اتنفس ب غضب مخفي ابتسامتو
عزمي:والله فضيحتنا على ايدهن
......
بالزور اتماسكنا
مسحت دموع الضحك من وين نكشتلي سيدرا رقصة مادلين اتزكر كيف كانت متحمسة واخفي الضحكة
سيدرا:بلا بلسم كيف عملت هديك الحركة
بلسم: بالبيت خلص
سيدرا:الله يعطيني نص حماسها
بلسم:بتعرفي بس شيماء ما انتبهت للرقصة
سيدرا:اي شفتها تتأمل العرسان
بلسم:بس كانت شقفة موو
سيدرا:اي والله
بلسم:بتعرفي حلو لجواز عن حب
سيدرا:الله يطعمنا
بلسم:نتجوز عن حب
سيدرا: لكن
بلسم:انا كمان حابة أجرب الحب
سيدرا: ليكو الي حابك
بلسم: بس انا ما بكنلو مشاعر يعني مو لازم قلبي يدق وقت اشوفو
سيدرا: اي
بلسم: انا وقت المح محمد مافي جواتي شي بيتحرك عادي يعني
سيدرا: ما بتشفقي عليه
بلسم: الصراحة لا
سيدرا:امرك غريب
بلسم: سيدرا انتي مو حابة
سيدرا:في حدا بينحب
بلسم: مثلاً
سيدرا: الصراحة مافي
بقلبها سيدرا: الا عزمي وانا عم اكابر على حالي لانو وضع محمد بالعيلة مو منيح الكل بيعرف حتى صاحبية العلاقة وهو الكل ملاحظ عليه

بلسم:جاي عبالي افوت بحالة حب
سيدرا: جربي مع محمد تسايرو ناغشيه
بلسم: لا مابدي
سيدرا: براحتك
بلسم:لك نسيتيني ليش كنت اضحك
رجعنا فرطنا ضحك
........
اطلعوا لتلات عليهن
محمد: ما رح تخلصو من سنة
عزمي: وانا هيك بقول
عامر: بفترة الغدا منجتمع بتيجي ها
محمد: انشالله
بديع بقي يساعد بيت عمو ومحمد اجى اخدو امين وراحو
.....
برجعتهن للبيت فاتو بيت ابو عامر دغري شغلت الصوبيا سيدرا بدلو تيابهن وغسلو وقعدو عامر وجه الكلام ل سيدرا كان عم يمسح شعروا من المي
عامر: ساويلي شاي
ام عامر:يمكن السهرة هون
عامر:منجدد
راحت سيدرا ولحقها عامر فتح البراد
واتحجج انو بدو ياكل
سيدرا: حلك تجوع
عامر:يعني.... سيدرا اسألك سؤال؟؟
سيدرا: اي
عامر: بس الحكي بيناتنا ها
سيدرا: هيك صارت الشغلة
عامر: بلسم مو مفكرة ب محمد
سيدرا: ولا واحد بالمية
عامر:وبدون سبب
سيدرا: امبلا انتو بتعرفو
عامر:يعني مافي مجال تغير رأيها
سيدرا: محمد حكى معك
عامر: بتعرفي استحى يحكي لعزمي بحب اختك هو بدو يفهم منك انتي
سيدرا: شو يفهم
عامر: بلسم حابة
طبعاً سيدرا واعيه وبتعرف انو في مصايب بتيجي من الحب
سيدرا: والله ما بتحكيلي شي
عامر: وازا خبيتي عني
سيدرا: والله ما بخبي عنك بلسم ولا ببالها حتى الحب
عامر:شو احكيلو طيب
سيدرا: ناطر يعني
عامر:هو سامعها تحكي عنو سرسري بصير هالحكي
سيدرا: هي مشكلتها دفشة وكتير كمان
عامر: بقرة هيك قولي
سيدرا: انت شايل هم محمد
عامر: حالتو حالة ما شفتيه
سيدرا: بدك الصراحة هو مزودها يطنش ويشوف اهتمام بلسم
عامر: جيبي الشاي لقلك
........
بالبيت لساتها ماما اخدا على خاطرها مشان حكي محمد
عزمي: يلا بيستنونا
ماما:روح انت واختك
عزمي: لا ما حلوة
ماما: خففلي اهتمام ب محمد
عزمي: ع الزمة شو حاكية ل محمد
ماما: لو تعرف شو حاكي عن اختك
عزمي: هو حاكي عن بلسم
بلسم: ماما خلص
عزمي: شو حاكي بلكي اطلع بروحو
ماما: ما بدنا مشاكل معو بالتحديد
عزمي: شو حاكي فهميني
ماما:ليروح بحكيلك
بلسم:امي شو تحكيلو
ماما:لازم يعرف لحتى ما يضل اخوكي يتعامل معو عادي
عزمي: بدكن تسهرن ولا شو
ماما: مع اني مو طايقيتو
عزمي: مشيها يلا
.......
جهزو حالهن وطلعو لانو عزمي متفق مع محمد واجى مع بديع وستو وماشيين على مشية ستو والكل ناطر بالاخص بلسم الي خايفة من بيت عمها التقو ع الشارع سلمو على بعض وكملو العتمة بكل مكان وعلى ضو موبايل بلسم ماشيين
نوارة:مع انو تعبانة اليوم
ام عزمي: سلامتك مرت عمي
نوارة: الله يسلمك
عند بيت عمو قرب عزمي من بلسم
عزمي: استعجلي بلسم مشان الجني
بلسم: اوووف منك
نوارة: شايف يا محمد لازم تزبطو البيت
محمد: الله كريم
نوارة:الله كريم بس اهلك ما بدهن يزبطو
محمد: ما انتي شفتي الوضع هنيك
نوارة: ولو كان الي بيطلع من اصلو
محمد: بس مافي مقارنة
بلسم: وين احلى
محمد: هون
عزمي: فكرت هنيك
محمد:مافي مقارنة هنيك اضوية نظام وشو بدي اعدلك لاعدلك
بلسم: اي قول هنيك ليش ما بدك تحكي
محمد: مسايركن
بلسم: تسلملي التلة وحجارها انا عندي ساعة هون بتسوى كل مدن العالم
وصلو طبعا الا يعمل عزمي جو اكشن بمساعدة محمد لتنين بنفس التوقيت واحد ضرب ع الباب والتاني ع الشباك
فرحت فيهن ستهن بس فتح عامر هجمو عليه الكل وقف ويضحكن وهداك شحطوه لبرى
واخدوه على جنب فرطان ضحك عامر
عزمي: ثبت ثبت
عامر:والله بردان اتركوني
محمد: شو فكيتو
عزمي: اخد احتياطو لك شو لابس
عامر:😂😂بنطلونين
محمد: الله لا يوفقك
.... ...
فتنا لجوى نكمل ضحكتنا يا حرام علق معهن عامر
سيدرا: بس اجى محمد كترت السهرات
بلسم: هي الشغلة لمنيحة الي صارت
قعدنا وفاتو لتلات كانو كاينين ب حرب
عزمي: علق ع الدفا يلا
محمد: نااار والله
عامر: نحن معنا برد بايت
محمد :سخنوه
الكل اخدو اماكنهن
محمد: حدا خبر عمتي يا جماعة
مسك عزمي موبايلو
عزمي: ولايهزك انا رح اتصل فيها
محمد: لك لاااا بس بسأل
بلسم: ليش خايف منها
محمد: عفواً خايف أنا شكلي شكل واحد بخاف
بلسم: وقت تكون خابصلك شي خبصة قدامها بتخاف
محمد: متل شو
بلسم: مابعرف انت ادرى
محمد: انا رح اعتبر ما اسمعتك
بلسم:اريح
ما كنت احكي معو بلهجة عادية مليانة قهر وكره وهو طنشني
ستي: اتصلو فيها
عامر: اي اتصلو
بلسم:شو محمد يتصلو
محمد: اتصلو دخيلك لشوف شو ماسكة عليي انتي وعمتك
بلسم:اه قصدك الكبريه
محمد: ليكون بتفكريني بستحي
بلسم: لا لا واضح انك
ماما: خلص بلسم لفيها بقى
بلسم: أنا ما حكيت وهو الي حكى ما بيستحي صح
محمد:تركتوا الك
بلسم: شو هو
محمد: الخجل الي مكتسح ملامحك
سيدرا: خلص ولوو
عزمي: سكريه بلسم
بلسم:بلااا لا تكبر بالحكي
عامر: الله حيووو قومي بلسم هيك هيك صايرة

بلسم: انت عامر خليك ع جنب
عامر: وين يعني
محمد: ايوا بمكانك ع جنب
ام عامر: هدو عم تتخانقو ما بطلتو هالعادة
عزمي: بالاخص محمد وبلسم بتحسوهن متل ديوك المزبلة
ليغرقوا بالضحكات
بلسم:وانت شووو
عزمي: انا كسار راسك
ماما: هييي خلص بقى والله لاتصل بابوكن
بلسم: انا الي رح اتصل فيه
ام عامر: يلا بدنا شاي من تحت ايديكي بلسم
طلعت زعلانه ومقهورة وسيدرا فايتة بموجه ضحك ضربتها ودفشتها
سيدرا: لو تشوفي منظرك وانتي تقاتلي بابن العم
بلسم: يارب ينقلع ويخلصنا من خلقتو اجى وجاب المشاكل
سيدرا: والسهرات لا تنسي
بقلبي: انا بفرجيه
جهزت الشاي وارجعنا للغرفة كانو عم يدخنو صبيت الكاسات ورحت ضيفتهن عندو خليتو ياخد الكاسة وابتسمتلو بقلمي مايا الحجازي ودفشت الصينية بالغلط ليوقع شوي من الشاي عليه ودغري بعد لبلوزة عن جسمو
بلسم: يييي اسفة ما انتبهت
ستي:صرلك شي ستي
محمد: لا لا شوي مو كتير
ماما: بلسم انتبهي تاني مرة
بلسم: انحرقت محمد
محمد: شوي بس عادي
بقلبي: بتستاهل
كملت ضيافة وارجعت كملتلو الكاسة وابتسمتلو والزلمة اتغير نزل راسو واستحى قعدت مقابيلو جنب سيدرا وحطيت مخدة تحت ايدي وصفنت فيه دفشتني سيدرا بس ما اهتميت
سيدرا بهمس: ليش حرقتيه
همستلا: بيستاهل
سيدرا: حرام والله الشاي نااار
بلسم:شوي ربع الكاسة بس
سيدرا: لا تتلأمني عليه
بلسم: شفتيه ما اوقحو
كنت مبتسميتلو محمد عم يتأكد من نظراتي ودغري فتح موبايلو
سيدرا: بلسم ع شو ناوية
بلسم: بدي ابهدلو
سيدرا: الله لا يوفقك
عزمي: عمتي مارح تيجي
ستي: خير
عزمي:مصعب اليوم اجى
ستي:دخيل قلبك على هالاخبار
عامر: ستي ادعيلي اسافر
ستي: خليك هون انا وقت اشوفكن بفتخر فيكن
بلسم: مووو بلا ماشالله احفادك بلطجية يا ستي
ام عامر: شو قصدك
بلسم: راعيين المشاكل
ام عزمي: وحفيداتها
عزمي: شرنات
ام عزمي: هههه
بلسم: ولا يقولو عني بلطجية
عامر: عزمي شو اسم هديك الأغنية
عزمي:اهلا اهلا يا بقرة
عامر: اي اي
بلسم: فشرت يا نص دكة
عامر: بس بتعبر عن بلسم مووو
عزمي: لكن سيدرا شوو.
عامر:المعزة
اخدت سيدرا من أيدها واطلعنا لبرى الغرفة
سيدرا: كلو منك يا مشكلجية
بلسم: مايكون اسمي بلسم ازا ما بخرب جوهن بالاخص اخوكي
سيدرا: لك انا بفرجيه وبسيطة ب عزمي ليش ليدخلني بالموضوع ازا اختو شرنة
بلسم: بس محمد انا بدي ابهدلو
سيدرا: شو بدك فيه
بلسم: عامل معي فصل
سيدرا: الله لا يعلق حدا معك
قعدنا ب غرفتها اتسلينا كتير لحالنا وبيلسان بس اجت سكتنا
بيلسان: والله برد
بلسم: روحي للدفا
سيدرا: اي اريحلك
بيلسان:بلسم ليش حرقتي محمد
بلسم: بالغلط
بيلسان: بس يا حرام معلمة بجسمو
سيدرا: وشو عرفك
بيلسان:عزمي شافها يا حرام كيف ملتهب مكان الحرق
بلسم: شاي مو زيت هاد
بيلسان:ولو كان احترق واتوجع
بلسم: انتي ليش جاية
بيلسان: بدهن قهوة
سيدرا: يلا هلأ منعملا
تركتنا وراحت كانت خايفة على محمد
بلسم: متأثرة كانو
سيدرا: من وقت احترقت هديك السنة
بلسم: ياحرام اي بس مزوديتها مهتمة ب محمد
سيدرا: ههه نهفة بيسو
......
اجن وحاملات القهوة والحلو وهو مركز بموبايلو دفشو عامر
عزمي: اهلا اهلا يا بنات
سيدرا: عزمي لابقى تدحشني بقصصكن
عزمي: هههه لا تخافي بعرس نسرين اضربي وشك بالشيطان الرجيم وبتتجوزي
عامر: وبلسم انتي كمان اعطي وشك وجه أساس واشرطي عيونك ورح ترجعي مشنكلة عريس
بلسم: الله يطمنك يا عامر كنت خايفة ما اتجوز بكل عمري بقلمي مايا الحجازي
عامر: بس معرضة بنت عمي صايرة قالب واحد
بلسم: الهي تبتلي ب برميل مبروم يا عامر يا ابن امك
ام عامر:هههه خلص ولووو
بلسم: لكن انا معرضة
عامر: انا بخاف بس تعصبي دير بالك عزمي ما بتلقى دفشة من ام سلطان
فرطو ضحك وضحكة محمد استفزتني
بلسم:ضريب انشالله يا عامر
عزمي: اي اضحكي شبكي معصبه
ستي: من غيرتوو بلسم حلوة من صغرها
عامر: اي من زمان مدبدبه
بلسم: يارب
وقفت ورحتلو بس احتمى ب عزمي
بلسم: بعد لقلك بدي اضربو
كنت حاملة عصايه عطول بتضل بجنب الصوبيا
ام عامر:بدك تضربي ابني
بلسم: سكتيه مو طايقيتو والله
ماما: خلص عامر مضولنا هالسهرة ع خير
بلسم: انو خير هاد بوجود هالبلطجي
ارجعت لمكاني كان يجاكرني
بلسم: شايفة مرت عمي كيف عم يجاكرني
عامر: انا لا ما جاكرتها
محمد: زووق بقى هلا بستلمك انا
بلسم: اي امانة
عامر: بدك تصير محامي ام سلطان
بلسم: لك لا بقى تقول أم بطيخة
عامر: بس كانت بتشبهك هههه
محمد: انت بتشبه بياع الفجل براس الحارة
(انتقملي بالتشبيه انفجرو ضحك بس عامر عصب)
عامر:انت شو دخلك
محمد:بشوفك ادايقت
عامر: اي لانو ما دخلك
محمد:بس الخالق الناطق منك
عزمي: لك يخرب بيتك التشبيه قاتل بالاخص طاقية عامر الي رماها

محمد:كان مستعيرها منو
عامر: تضرب منك الو
محمد:ليش ادايقت بلاا
عامر: بعدين بحكيلك محظورة
عزمي:ولا الي كمان
عامر:انت بسيطة فيك يا عزمي لازم انت سيف بظهري
محمد:لا هو عزمي سيف ببيتو
سيدرا:عزمي موبايلك
انتبهلو عزمي ودغري طلع من الغرفة ليحكي
........
سيدرا بقلبها: معقول بنت يا الله ولا طاسسني الافندي
كان فاتح خط
عزمي:اهلين مرت خالي
صفاء:شو وين انتو
عزمي:ببيت عمي
صفاء:ستك تعبانة شوي وهون خالتك مها ازا ما عندكن شي جيب امك
عزمي:طيب هلا بشوف بس شبها ستي
صفاء:من الصبح مو على بعضها
عزمي:ماشي مسافة الطريق
رجع للغرفة
ام عزمي:ابوك مو
عزمي:لا مرت خالي
ام عزمي: امي فيها شي
عزمي:لا بس خالتي مها هنيك وزمان مو شايفيتك
ام عزمي:بس هيك
عزمي:تروحي
ام عزمي:اي بروح
محمد:كيف رايحين
عزمي:بدبرها
محمد:الجو بارد خود السيارة
رمى عليه المفتاح وصادو عزمي
عزمي:والله مافي داعي
محمد:لا في
كانت جاهزة امو
عزمي:بلسم خليكي هون
بلسم:متل مابدك
ام عزمي:مارح نطول
ام عامر:ولو طولتو بتنام عند سيدرا
سيدرا:طولو لكن
طلعو وودعهن عامر ومحمد وبقيو برى لحتى طلع عزمي وامو من الحارة
عامر:معقول في شي
محمد:اي لانو متلبك عزمي
عامر:اي ستو معمرة
محمد:الله يستر ما تصبح مسلميتها
عامر:هههه
محمد: انت بتعرف اني متحلفلك
عامر:خير شو عاملك
محمد:اوعك تزعج بلسم انا ساكت بس لانو عزمي موجود وامها والا كنت فرجيتك قيمتك
عامر:بلا شفت كيف مشكلجية
محمد:والله ازا بينعاد فصل اليوم يا ويلك من الأغنية لعند كلمة ام سلطان
ليغرق عامر بضحكتو فات ومحمد يدفش فيه
.......
استوحشت بدون عزمي وماما وخفت يطولو وعنجد انام ببيت عمي صحيح بحبهن بس ما برتاح الا بغرفتي
فاتو محمد وعامر مبين كان يتمشكلو
ستي:مو حاجتنا سهر
محمد:متل مابدك
عامر:ريحي حالك ستي في دك شدة ورح نجابه البناات
بلسم: مابدي اللعب انا
عامر:في شرط
بلسم:متل!؟
عامر: شو ما بدك
بلسم: شو رأيك سيدرا
سيدرا:موافقة تعالي لقلك
همستلي:ازا فزنا رح نخليهن يرقصو رقص شرقي
بلسم:هههه اي موافقة
حكينا بصوت واحد(موافقين)
محمد:وشو الشرط
بلسم:ازا نحن فزنا رح ترقصو
محمد:احسن
عامر:اي اي موافق وازا نحن فزنا
سيدرا:اكيد مارح نرقصلكن
عامر:لا رح تروحن لبيت عمي ابو مهران
بلسم:شووو
عامر:هاد شرطنا
محمد:او بتشربن عشر كاسات مي
سيدرا:اي شروطكن تعجيزيه
محمد:لكن نحن نرقص
بلسم:خلص خلص موافقات
محمد:مافي تراجع
سيدرا:يلا فتوها لشوف
اخدنا مراكزنا وبلشت اللعبة
محمد عم يفت الورق ومركز ب نظرو على عامر واطلع فينا بأستهزاء
بلسم:بس الدك الي في غش مو محسوب
محمد:لا مافي غش طمني بالك
بلسم:لكن ليش هيك مطلع ب عامر
محمد:كمان ممنوع
عامر:يلا مين بدو يضمن
سيدرا:انا
محمد:مو اقل من عشرة ها
سيدرا:اي اي يلا الطرنيب سباتي
محمد:حسيت
بلشنا باللعب بس الهبلة رمت ورق الطرنيب بالبداية واتاريه محمد معو ورق قوي وبعدها اخسرنا نحن بضحكات الانتصار انا خفت من روحة بيت عمي ابو مهران
ام عامر:مين خسر
محمد:اكيد مو نحن
بلسم:انا شاكة بالورق انت معين الورقات القوية شو هالحظ عطول بيطلعلك كل الورق قوي
محمد:حظ انتي قلتيها وبعدين ما اربحنا هيك
عامر:لكن ترقصنا يلااا
بلسم:طيب خلينا نلعب دك تاني وهو بيحسم الشرط
محمد:شو عامر
عامر:وازا استديتن
بلسم:خلص منتعادل أما ازا اخسرنا بتروح علينا
محمد:يلا يلا خدي فتي موافق بس مشان لا تقولي انو غشينا
خربطت الورق كتير ومو بس خربطتو ارجعت فتيت الورق على أربع جولات وشايفة محمد مبتسم
بلسم:بدك تغش موو
محمد:هههه خربطيه احسن
عامر:خلصنا يلا
بلسم:هلا الورق القوي بيطلع مع محمد
محمد:انا بعمللهن جذب
بلسم:تسترجي...تعالي سيدرا بدي اعطيكي الخطة
همستلا:ليكي ازا الورق الي معك مو كتير لا تضمني
سيدرا:خلص ماشي بس نظرات محمد لعامر فيها حكي كتير ما شفتيهن كيف مركزين على بعض ابتسامتهن بتخوف بقلمي مايا الحجازي
بلسم:لهيك لازم نفوز ونثبتلهن أننا لعيبات
محمد:شو هالخطة لحرب مو للعبة
بلسم:يلا بسم الله بلشنا
ورجع أتطلع ب عامر نظرات والي بيخوف اكتر هو بدو يضمن
محمد:11
بلسم:يخرب بيتك شو 11
محمد:بلشنا
وعلى اخد اخد ما خلى ولا ورقة وعامر يقش من صوب تاني واخسرنا
سيدرا:طيب نكمل الجولة
محمد:الشرط عم يتقل يا بنات
سيدرا:خود عامر فت الورق انت
عامر:ياويلي ازا أربعة صفر يلا هاتي بلسم
بلسم: محمد كيف الورق كلو معك
محمد:منيح خربطتيهن انتي
ام عامر:هههه راحت عليكن يا بنات
الدك التاني عامر الي استلم الطرنيب والاخير كان من حظنا بس بعد شوو
محمد:جاهزات
بلسم:بس نحن اربحنا
محمد:تلات واحد النتيجة لصالحنا وع فكرة أنا اتساهلت معكن
بلسم:يا لطيف حنون مو بايدك

عامر:شو من وين نبدا
بلسم:بالمي اكيد
عامر:هههه يلا ع المطبخ لشوف
بلسم:الله لا يوفقك يا سيدرا
بالمطبخ طالعو عشرين كاسة مي وعبوهن
عامر:كل كاسة في استراحة عشر ثواني
سيدرا:حنون مو بايدك اخي
اطلعنا ببعض مذلولات
وهني بفخر واتكتفو
بلسم:عشرة كتير والله
محمد:يلا بلشن
اول كاسة عادية والتانية كمان التالتة كانت صعبة والرابعة غصبت حالي عليها والسادسة معاد فيني صارت نفسي تلعي
بلسم:بكفي
محمد:يلا باقي أربعة شدي حيلك
بلسم:مابعرف مو قدرانة اتعبى بطني مي
محمد:خلص يلا بكفي
عامر:لااااا كفن لشوف
سيدرا:عامر بكفي
عامر:لساتك ع الكاس الرابع انتي وبلسم اشطر منك رح تروحي لحالك
بلسم:بكفي امانة خلص انتو اشطر وأذكى مننا
عامر:لا يعني لا وازا ما بيتكملن رح تروحن لبيت عمي
غمضت ب يأس
مافي الا محمد اتواسط عندو
بلسم:محمد احكيلك كلمة معو انت بتمون عليه
محمد:خلي سيدرا تشرب كاستين وموافق
بلسم:يلا سيدرا يلا
سيدرا:مو قدرانة والله رح اتفجر
عامر:مافي يلاا
سيدرا: بكرى بشربهن
محمد:لا كمليهن
سيدرا:يا محمد انت حباب عامر لئيم
عامر:جكارة فيكي مافي
بلسم:لاااا حنون عامر مو ل

كمالة ١
محمد:لا مافي داعي فوتن ابصر ع شو ناويلكن
عامر:هههه لا ولووو انا معهن
سيدرا:انت ما الك امان
محمد: امبلا
عامر:تعالن نوصلهن بتصير ذكرى
بلسم:اي ولا كل الذكريات
ام عامر:ازا رحتو خدو المفتاح
عامر:شو يا بنات
سيدرا:اي يلا امشي بلسم
بلسم:والله أنا خايفة
من اول الشارع
محمد:انا حذرتكن ها
عامر:هاد راعي مشاكل بحب يخبصها يلا تعالن
سيدرا شنكلت بأيدو وانا بأيدها وقدامنا ستي وبديع ومحمد وقف ينطرنا اخجلت لانو رح يمشي جنبي
محمد:انا بتفرج عليكن وانتن راجعات ركض ورا عامر
بلسم:صحيح
عامر:مو لهدرجة اصلا يمكن يكون اجى عزمي
سيدرا:اي اي
بلسم:بس زيارتهن غريبة
محمد: اي بتكون ستك عم تودع
بلسم:بعيد الشر عنها
محمد:هههه شو مطولة ياريت نوصل لنص عمرها
بلسم:لا يااا حاسدها
عامر:بلسم عمرها طويل
سيدرا:اي بتطلع لستها
بلسم:لكن سيدرا بتموت ع بكير متل ستها
سيدرا:بعيد الشر عن قلبي
محمد: بتجيب بدالك لساتها صبية مرت عمي
سيدرا:اي انا ما الي بديل
عامر:امبلا نسخة مافي منها إلا بالصومال
محمد:ههههه
بلسم:اي شو انت ع اساس من أوروبا
محمد:هههه عامر من الامازون
بلسم:جد وشو أشكالهم
محمد:بقصد حيوان تمساح مثلا
بلسم:هههه كتير عليه
عامر:اي بلسم مو من بعيد هون جيرانا مربيين متلها
بلسم:ليش ما حكيت عن محمد هو الي حكى عنك
عامر:بتعرفو النيص
بلسم:ههههه لا تقولها
محمد:هههه عامر ع شو ناوي للبنات
عامر:ههههه طير لقلك
ستي فاتت للبيت هي وبديع عامر رجع للبيت ركض ومحمد كمان فجأة أختفى وانا وسيدرا ورا عامر بس ما اقدرت شلحت من رجلي وكملت ركض
وصوت الضحك عبى الحارة أوقفت عند بيت اهلي وقعدت على الصوفاية الي برى اتنفس والخوف متملكني من حكايا عزمي وعامر كانو عطول ياخدونا نتمشى ويبلشو يحكوا عن لبيوت المهجورة وبلشت ابكي اي مابدي اروح لبيت عمي وامرق من جنب بيت عمي ابو مهران لانو عطول بسمع فيها أصوات غريبة
..........
وصلو عامر وسيدرا
عامر:شو صار معك بلسم
سيدرا:بلسم مو معي اختفى ركضها من زمان
عامر:شه بتمزحي
سيدرا:والله
عامر:وانتي ليش عم تبكي
سيدرا:بسيطة فيكن
فاتت لجوى تمسح دموعها وعامر خاف على بلسم واتصل ب محمد
محمد:ههه وصلتو
عامر:بس بلسم ما اجت
محمد:عنجد
عامر:وانا اصلا مو مسترجي اقرب صوب بيتكم
محمد:عنجد بتحكي ولا بتمزح بتمزح موو
عامر:لا والله جد واجت سيدرا تبكي وحكت انو بلسم اختفت قبل بيتكم
محمد:الله لا يوفقك
.........
سكر الخط اخد مفتاح البيت وطلع صار عند بيت عمو ابو عزمي وسمع صوت شهقات ودغري فات وجه الضو عليها
محمد:بلسم شو عم تعملي هون
بلسم:اتصل ب عزمي
محمد:ليش عم تبكي
بلسم:ما عم ابكي بس اتصل فيهن موبايلي بقي ببيت عمي
محمد:تعالي اوصلك
بلسم:ازا ع الطريق بستنى
محمد: لحظة
اتصل ب عزمي ودغري رد
محمد:شو وينك
عزمي:شي نص ساعة بس
محمد:اي ماشي
حكالها
محمد:تعالي اوصلك
بلسم:يعني مطولين
محمد:اي
.....
امشيت وراه امسح دموعي اي مابدي يشوفني عامر عم ابكي
بلسم:لا تقول اني كنت ابكي اي
محمد:ههه ليش بقى
بلسم:جكارة بهالحقير
محمد:اي شو بدك تحكيلو
بلسم:انو مو خايفة
محمد:عنجد بتخافي
بلسم:لكن ما حضرت حكايا عزمي وعامر
محمد:متل شو
بلسم:مرة برمضان سهرونا مشان السحور على الأسطوح وبتعرف صارت الساعة تلات وبلشنا نسمع أصوات غريبة صارو يحكولنا انو ال معك خبرهن عاملين عرس وعم يدقو طبول بوقتها أنزلنا مو شايفين بعيونا ولليوم بسمع هداك الصوت
محمد:عرس وبرمضان والله انكن جدبات
بلسم:والله اسمعنا صوت ضجة قوية ودق طبول
محمد:ههه بكون العرس محرز
بلسم:انت مو خايف
محمد:مو لهدرجة ومستعد افوت للبيت بهيك وقت
بلسم:والله بخوف شوف كيف منظرو
محمد:انا ما بدي اطمنك بس والله مافي شي البيت اي مهجور بس مو مسكون
بلسم:لا تجيب سيرتهن
محمد:هههه ليكنا وصلنا اتماسكي
بلسم:المشكلة مبين عليي مطولين اهلي
محمد:نص ساعة
بلسم:انا رح انطر هون
محمد:ما بينطاق عامر
بلسم:ماعم اتصورو
قعدت على حجر قبال بيت عمي ومحمد على حجر بيني وبينو مسافة
بلسم:روح نام
محمد:ما حلوة اتركك بهالوقت فوتي
بلسم:لا ما فشر لك متخيل ولا حتى خايف مشاني
محمد: بلعكس اتصل مرعوب ولا انا شو عرفني وينك انتي
بلسم:الله لا يكتر خيرو
محمد: هههه اسألك سؤال
بلسم:اي منتسلى بس ما تصعبو
محمد:ليش مابدك توافقي
بلسم:....
محمد:مشان لا أنطر عالفاضي
بلسم:اتجوز
محمد:خلينا نخطب
بلسم:انا مابدي بالوقت الحالي
محمد:منجرب ما زبطت الأمور خلص منترك
بلسم:وعلى عيون الناس
محمد:شو بدك انتي
بلسم: انا هلأ مو مفكرة بالارتباط وبس اسألك سؤال
محمد:قبل السؤال.... مشان مشكلة عزمي
بلسم:هي سبب من عدة أسباب
محمد:طيب احكيلي كم سبب مدامهن كتار

بلسم:بس بخاف تزعل
محمد: بس مو تجريح انا بأثر فيني الحكي
بلسم:اول شي لانك بتشتغل مع الأمن
محمد:وغيرو
بلسم:لانو صار بين امي وامك مشاكل وتحاربن وانت ضربت عزمي وعندك شغلات مو منيحة
محمد:شغلي ما بتركو ولو تركتوا رح اروح فيها ومشان امي وامك عادي بتصير بين كل السلفات ومشان عزمي انا وهو اتصالحنا
بلسم:بس في سبب مهم
محمد:الي هو
بلسم:انا ما بكنلك مشاعر وبالنسبة الي مهم هالشي كتير
محمد:يعني ما استنى
بلسم:لا الله يبعتلك بنت حلال
محمد: تسلمي طيب فوتي
بلسم:ليكو عامر اجى
تركتو وفتت بعد ما زورت عامر وكنت ناطرة اهلي على نار
......
عامر:الحب وعمايلو
اخد نفس عميق وطالع دخانو والبرد عم ينخر بعظامو
محمد:اي شو عامل
عامر:بستنى عزمي
محمد:كنت بتعرف أننا برى
عامر:وتركتن ع راحتكن بس لو اتقربت منها كنت منعتك
محمد:لا ياااا حمش كتير ع فكرة بخاف عليها اكتر ما بخاف على حالي
عامر:بس الشيطان بيحب هالجمعات
محمد:اي لا تخاف بوجودك بختفي مالو وجود
عامر:قبل يجي عزمي طمني حكيت صارحتها
محمد:ليش بدها مصارحة يمكن كم واحد بالضيعة مابيعرف انو بدي بلسم
عامر:وشو ردت عليك
محمد:ما بتحبني وبس وهي مابدها تعيش مع حدا ما بتحبو
عامر:وانت
محمد:انا رح اعتبر هالشي مهم بس اول ما تنطلب بلسم رح يتغير كلشي
عامر:رح تنطرها
محمد:يمكن بس مارح تكون لغيري
عامر:شغلتكن شغلة
.........
برجعة أهلي ارجعنا تمشاية كنت عم اسأل عن تيتة بس كمان بالي عند محمد ليش بدو بكل فرصة يتقدملي ليش ما بيطلبني بشكل رسمي شو بتهمو موافقتي بدي اعرف يمكن اهلو رافضين بس يا ترى بابا بوافق يطلبني محمد بدون جاها بقلمي مايا الحجازي
كنت هلكانة ميتة نعس وتعب نمت بدون ما احس من شغل الزيتون
تاني يوم بالكرم كنا عم نفطر ومن كلمة لكلمة نطقت ماما بقلمي مايا الحجازي
عزمي:بس محمد مافي منو
ماما:احلف عن حالك
عزمي:طيب فهميني
ماما:كان يسأل عمتك اسئلة ما بتنسأل عن بلسم
عزمي:متل شو
ماما:اووف يعني بتغشم حالك
عزمي:وشو عرفك
ماما:ادريت ومشي الحال انا ما بحب حدا يجيب سيرة اختك وهو ناوي يطالع عنها حكي لحتى ما حدا يتقدملها
عزمي:يعني عنجد ولا تأليف
ماما:لو مو صاير الحكي بحكيه انا
عزمي:اوووف مابدنا نخلص من هالسيرة والله صرت اخجل مبين للعالم اني بلا شرف وسامح ل محمد يحب ويعشق مع انو على عيوني هالشغلة ولو ام راس ترضى خلص يخطبو وتتسكر ع السيرة
بلسم:اي لاااا مابدي
عزمي:بتسكتي عمتي بتجلطيها
بلسم:وبعدها أنا بنجلط
عزمي:ليش
بلسم:انا مابدي إياه وبس انت بترضى تنجبر على وحدة مابدك اياها أنا وقت اتخيل انو ممكن اوافق هون حدا بيخنقني من وقت وصل الضيعة شعور غريب اتملكني مدايقة من وجودو رغم انو مو مدايقني بتصيبني حالة هلع بس اتزكرو
ماما:خلص طوينا هالسيرة وانت خففلي حكي مع محمد
.....
عزمي ما حب يسافر محمد بدون ما يبهدلو ع الناعم
كان محمد عم يجهز حالو للسفر وعزمي هلا مخلص شغل اتحمم وزبط حالو وراح لبيت ستو كانت تودعو وتوصيه وبديع مبتسملو ودعو محمد وانبسط لانو اجى عزمي
عزمي:شو نويت
محمد:اي بكفي شفتكن بخير
عزمي:عاوزك بكلمتين
محمد:اي شو عليه بخاطرك ستي
راحوا وقفو على جنب ضيفو محمد سيكارة واخدها عزمي غصب عنو
محمد:شوفي شغلت بالي
عزمي:انا صحيح بتعجبني شخصيتك بس اوقات بس تدخل بامور النسوان بتنزل من عيني
محمد:وانو أمور منهن
عزمي:يعني حكي اولاد أو قلك حكي نسوان
محمد:لحد هلأ ما افهمت يا احكي الدغري يا خليني امشي
عزمي:ليك شغلة لجواز قسمة ونصيب بس انك تطالع حكي عن اختي هي بقى كبيرة بحقي وحقك كمان
محمد:اي روق روق احسن ما اخلص عليك
عزمي:كيف بدك اروق
محمد:ماشالله عمتي لزقت الحكي بظهري
عزمي:بلشت تتهرب
محمد:ليك عزمي انا حدا بحب الدغري اوقات اي بلف وبدور وبكون مضطر بس عن هالشغلة بحكي بصراحة بيوم اجيت لهون واسهرتو واجت عمتي وضلت جنبي بس لتفهمني انو بلسم ما بتلزمني بنوب وانو في احلى منها واحسن بس انا حكيتلها عيب الحكي ومابصير بس ازا انت وغيرك مدوار ما دخلني
عزمي:وانت ما حكيت بحكيها
محمد:انا صبري بلش ينفذ وازا انت خايف على بلسم كونها اختك أنا بقتل اي حدا بدو يفكر يجيب سيرتها وانا سايرت عمتك مسايرة مشان لا تعمللها شي ناقص بس ازا بتضل تحكي لا تلوم الا حالها ليك مدام انفتحت السيرة وانفتحت انا رايدها بشرع الله ورسولو يعني ازا وافقت بجيب شيخ ومنكتب لكتاب
عزمي:بس هي مو مفكرة
محمد:وانا بستنى بدك شي
عزمي: بدي اعرف ليش مصر تتجوز بلسم وانت عارف رفضها
محمد:مابعرف بس انا اول ما فكرت اتجوز ما خطر عبالي غيرها يلا بخاطرك
ترك عزمي واقف ومو عارف يوصف الشعور جواتو هو رفض ولا قبول اخد نفس ورجع للبيت يرتاح ومستوحش لمحمد من هاللحظة ترك وراه فراغ لو اقامتو كانت مؤقتة

.........
طول الطريق يفكر بقصتو مع بلسم راجع ومكتسحيتو الخيبة راجع بيأس رغم انو اجى وكان متأمل
بقلبو: صحيح كم يوم بس شوفتك انعشتني سنة وأنا أحاول اتناساكي سنة وأنا اواسي حالي مطنش الشوق مطنش مشاعري مابعرف وقت شفتك بلسم حركتي كل مشاعري التفاصيل الي جمعتنا رح احنلها ولو اجتمعت فيكي عن قريب والله انك بلسم عنجد اي دخيل كلشي فيكي
وصل تعبان ومنطفي ع الأخر فتح بمفتاحو السهرة عمرانة ركضت سلام عليه وغمرتو
سلام:شو غدار ما بتخبرنا
محمد: مفاجأة
ابو مهران:كيفها ستك
محمد:الاحسن تزورها امك مو امي بس منيحة كناينها وولاد اولادها جنبها
بتسمحولي يا جماعة
حنان:ناطرينك ها صرلي شهرين ما شفتك
محمد:ماشي
طلع ل غرفتو متجاهل نظرات مهران وأبوه
استقبال بارد لدرجة بدل تيابو ونزل لتحت شغل سيكارة وضيفتو روز الخادمة الأجنبية قهوة متل ما بحبها
ابو مهران:شو اخبار كرمنا
محمد:شو اخبارو
ابو مهران:حكى صافي مو زيادة المحصول
محمد:اي بدو يهف نصو
ابو مهران:يعني الشجر شايل
محمد:اي المحصول هالسنة كتير منيح
ام مهران:اكيد صافي عم يلعب علينا لعب
محمد:هلأ اعرفتو
مهران:وليش ما رحت لعندهن
محمد: أنا ما بيتأمنلي
مهران:من هالناحية اي بس لازم فرضت أوامرك على صافي ولمرابعين
محمد:مو ناقصني هالشغلة
ابو مهران:ناقصك احسن ما تروح تشوف الي مو معبريتك
مهران:ورجع مغبر من غبرة الحب
ابو مهران:بس أعطوه حب وعشق ومظلوم
محمد:يعني انتو عازميني ع هزة بدن انا تعبان وقلت مشانكن بسهر
مهران:مشان لا انسى وتغيرو الموضوع ما صحلك شي سرقة ههههه
ابو مهران: ليكون سرقت امي
محمد:سماعتها مثلا
سلام:لا ترد عليهن
محمد:لا بدي اسايرهن
ام مهران: يعني هنيك بتوب عن السرقة
محمد:ليش شو سرقت منك
ام مهران:اسوارتي اختفت واختفت
محمد:بشو احلفلك ما شفتها ولا شافتني بهالزمان اي سرقت موبايل بابا بس ضربتوني وتوبت

مهران:اي لاااا دنبك اعوج وبتعملها
محمد:متل مابدكن
ام مهران:بدك ترجعلي بدالها
محمد:لا حول ولا قوة إلا بالله
ام مهران:وعيار 21 وعشرين غرام
محمد:....
مهران: بعدين الي بيسرق بيضة بيسرق جمل
محمد: تصبحو على خير
تركهن وطلع ل غرفتو
سلام:يعني مبين انو ما دخلو ادايق من كلامكن
ام مهران:مين لكن ستي في غيرو ايدو طويلة ولسانو طويل
طلعت سلام مزعوجة مشانو
حنان: بكون هداها لهديك السرنوة
ام مهران:شه معقول
حنان:اي امي سدءي بيغريها بالدهب
ام مهران:انا بفرجيه
.......
بغرفتو اتسطح ب تعب ووجع راس وغصة بالقلب
بقلبو:ما دخلني بالاسوارة شو بدي فيها مأمنين انو سرقتها ما بيكفي هنيك بطيخة بتلفق على لساني حكي كمان هون بيتهموني بلسم مو طايقة وجودي وعزمي كمان ما خلصت منو مسك موبايلو ليبلش يلعب بلعبة الارقام الي متعود يغفى وهو يتسلى فيها متجاهل كلشي صار معو
هيك قضى الاجازة بغرفتو اكل شارب نايم مشان لا يعمل مشاكل مو ناقص بنوب هلا صحي مسك موبايلو قبل حتى يغسل وشو بدقة الباب وفاتت سلام اتجلس وابتسملها
سلام:صاحي يا محاربنا
محمد:....
سلام:وهي احلى كاسة نسكافيه
راح غسل ورجع قعد جنبها
سلام:حاكينا وخود الغلة
محمد:فايقة ورايقة
سلام:حدا بيصحى مزعوج
محمد:اي الي بيعيش مع اهلي
سلام:ليكنا مبسوطين بس ابصر شبك انت
محمد:متل؟؟
سلام:حب وحنان وغرام
محمد:وسلام
سلام:هههه اي ابتسم دخيل ربك اي خبرني كيف التلة والصبايا
محمد:منيحة وكلو صاير شايف حالو
سلام:والله في تطور
محمد:اي كتير
سلام:وعند مين ضفت
محمد:عند ستي وغيرت جو مع الشباب
سلام:اي وكيفهن
محمد:كمان مناح
سلام:ومافي اخبار
محمد:لا كلو ملل
سلام:انت ازعلت من شغلة الاسوارة
محمد:من كلشي مو بس من هالشغلة اجازتي كل شهرين وبرجع وكانو مبارح رحت
سلام:شو بدك تعمل فيك تحكيلهن حنو عليي
محمد:لا مابدي يحنو عليي بس كمان مو يتهموني بشي ما سرقتو
سلام:انا قلت لامي دوري منيح بس لا تزعل مني انسرقت بالاجازة الماضية يعني الي سرقها مستقصد تنحط الشغلة بظهرك
محمد:الله يسامحهن شو احكي غير هيك
سلام:شو زاعجك كمان
محمد:انو ما قضيت الاجازة متل كل مرة
سلام:لانو مجد سافر
محمد: يمكن
سلام:طيب اترك الشغل
محمد:اه انتي ما بتعرفي كيف اتطوعت
سلام:لحتى تنال مركز
محمد:من هيك فوتوني للفرع شبه غصب
سلام:لا تقولها
هاجمتو الذكرى والسبب بلسم لأنها مو حابة شغلو
وكانوا هلا مذلول وعم يدفشوه لجوى الفرع حاطين بلوزتو براسو ومو شايف بس سامع المسبات وحاسس بالضربات وبعد إذلال شهرين صار محمد صنم بس بيعرف يضرب تحيات ومهمتو الأساسية حماية الضباط ومرافق الهن بكل مكان ليكون درع حماية للروس الكبيرة
محمد:اي كيفو خطيبك
سلام:منيح
محمد:لا تقوليلي متخانقين
سلام:هو بدو يتحكم بنظام حياتي كمان