مجد: سارة هي بتكون خالتي هناء ومتل امي
هناء: بتبتسم اهلين بنتي نورتينا وبتبوسها
سارة: تسلمولي الله يحميكن ما مبين عليكن عندك ولاد شباب صبايا واحلى من الصبايا
ناهد وهناء: بيضحكو مع بعضهن
هناء: هاد من ذوقك ياروحي
سلمى: بتطلع بأمها بغيظ وبتقرب منهن امي امشي يلا كرمال الكوافيرة جاية خالتي ناهد يلا خلونا نمشي
سارة: بتطلع فيها وبتكتم ضحكتها
ناهد: بتطلع بسلمى وبتحس كيف وجها مابيتفسر ومتدايقة يلا بنتي يلا بالاذن ياروحي لاتواخذينا بس شفتي معجوقين
سارة: ولايهمك خالة روحي على اشغالك الايام جاية ومنتعرف على بعض
سلمى: بتطلع فيها بغيظ وبتحكي جواتها هي وعم تبعد عيونها عنها تتعرفي على عزرائيل بجاه الحبيب بتطلع بناهد يلا خالتيي
ناهد: بتكتم ضحكتها يلا بنتي يلا تعي امشي
سلمى: بتمشي وبتقرب من مجد وبتخبط بايده قصداً وبتمشي
مجد: بيبعد بخطوات لورا من ضربتها وبيتطلع فيها بأستغراب وبيضحك بخفة
سارة: بتبتسم أنا رح روح مجد وبرجع بالليل على الخطبة
مجد: خليني وصلك !
سارة: مافي داعي رح حاكي الشوفير بيجي بياخدني
مجد: متل مابدك بشوفك المسا
سارة: فيك تجي تاخدني ومنروح سوا
مجد: اي تمام مافي مشكلة
سارة: معناها بشوفك بالليل سلام
مجد: سلام
ايمن: بقرب منه شو حجي وبيغمزه
مجد: شو حجي شبك
ايمن: كيف تعرفت على هالصاروخ هاد
مجد: نضب ايمن البنت متل اختي مارح خليك تحكي عليها بهالطريقة السوقية والمتخلفة تبعك
ايمن: بيضحك اي هدي هدي مافي داعي لكل هالكلام بس يعني في ناس ماحبو سارة مبين
مجد: بيحكي ببرود شفتهن بس مابهمني
ايمن: بيضحك اي واضح مابهمك لك سلمى غيرانة عليك وبتقلي مابهمك
مجد: بحط أيديه بجيابه اي مابهمني لان لما كنت عم بحترق أنا من غيرتي ماشفتها عملت شي وهلق رايح على بيتي أنا جهز حالي
ايمن: لك تضرب اي جبتك لتروح بدنا نروح مع خالد نجهزه
خالد: بقرب منهن يلا خلونا نمشي لركز اموري
مجد: بيتطلع فيه وبيضحك والله وصرت عريس ياابو الخل
خالد: بيضحك حبيبي عقبالك
مجد: بيضحك خلونا نمشي تفضلو يلا
بيطلعو كلهن على الحلاق وبجهزو خالد وبيطلعو على بيت خالد ليلبس بدلته بكون مختار بدلة باللون البيج الفاتح وقميص أبيض سكري تحتها وأيمن بيلبس بنطلون جينز وفوق قميص ابيض وجاكيت بدلة اسود ومجد بيلبس بدلة سودة سبور وبجهزو حالهن الشباب
أما الصبايا بتلبس فاطمة فستان باللون الدهبي الفاتح ونازل على طولها وواسع شوي بس بدون نفشة ومزين باللؤلؤ الدهبي من على كتافه واكمامه وخلت شعرها ليس على طوله وزينته بعرق الماس دهبي وسلمى لبست فستان اسود على طولها ومفتوح من ضهره سبعة وعلى الصدر منتور بالالماس الخفيف ونزلت شعرها الكيرلي على ضهرها وحطت شكلة الماس من على جنب رأسها
بيجتمعو الجميع ببيت فاطمة وبانتظار يجي خالد وأهله والشباب
عند الشباب
خالد: شو جاهزين
مجد: اي بس رح اسبقكن روح جيب سارة من بيتها
ايمن: بروح معك وبيغمزه
مجد: بيضحك خليك مع خالد أنا بجي وراكن
خالد: بس مجد بدك تدخل معي مابدي تتأخر روح وبس تطلع من بيت سارة خبرني منطلع ومنلتقي هنيك
مجد: تمام يلا مارح طول
بيطلع مجد بسيارته وبيمشي على بيت سارة
بتوصل سيارته قبال بيتها أو بالأحرى الفيلة تبعهن
بتطلع سارة من بيتها لابسة افرول فضي جاكيت جلد فوقه طويل وعاملة شعرها سشوار وشاكلته بعرق الماس وبتقرب من مجد وبتبتسم
مجد: بيتطلع فيها وبيبتسم تفضلي
سارة: يلا بتقرب من السيارة وبتفتح الباب وبتعد وبتمشي السيارة
سارة: بتطلع بمجد اوو شو هالشياكة هي
مجد: بيبتسم تسلمي وانتي ماشاء الله عليكي شيك وأنيقة
سارة: بتبتسم هاد من ذوقك
بتطلع سيارة ايمن وخالد هو وأهله وبوصلو كلهن على الحارة ورا سيارة مجد وببلشو زمامير بالسيارات والاغاني طالعة من السيارات
بيطلعو أهل فاطمة والقرايبين ليستقبلوهن والكل
بينزل خالد من السيارة هو وأهله وفرحان الاخ🥺
بتعلى صوت الزراغيط
بتوقف سيارة مجد وبينزل منها وبتنزل من جنبه سارة وبيمشو هنن لتنين وفي عيون عم تراقبهن ورح تطق وتفرقع 😂
بوقف ايمن ومجد جنب بعضهن وسارة معهن وببلشو يحكو ويعيدو بصوت عالي
مجد وأيمن: صلو على محمد محكول العين والعالية وهيي
بتقرب ناهد وهناء وام خالد وببلشو يزغرطو
ناهد: اوهااا ببيتنا رمانة اوهااا حلفنا مانقطفها اوهاا لنكتب كتاب فاطمة وخالد بالسلامة وللللليششششش
بقرب خالد هو وحامل باقة الورد الجوري وبقرب من فاطمة
فاطمة: بتطلع فيه وبتبتسم وعيونها مدمعة وعم ترجف
خالد: بمدلها الباقة وبيهمسلها هي احلى باقة ورد لااحلى فلة بحياتي
فاطمة: بتضحك وبتهمسله يخليلي ياك
خالد: ويخليلي ياكي
بيدخلو كلهن لجوا وبكون الشيخ بانتظارهن

بيعدو كلهن
وببلش الشيخ بكتب لكتاب وبيسألهن وبيسأل مين الوكيل وبحط خالد أيده بايده ابو خالد وبيحكي ابو خالد العبارات المعروفة بكتب لكتاب مارح قلكن بتعرفوها😂😂
وصار دور خالد يرد عليه برد بالاقوال المعروفة وبيتطلع بفاطمة وعيونه بتدمع وبيحكي أنا قبلت بها ورضيت بها واخترتها من بعد الله ملجأ دائماً وملاذ ثابتاً وحضناً يحتويني بعد المكدة والتعب وركنا آمنا انزوي إليه من صخب الحياة ومن الشغب انيسة للروح ورفيقة للقلب وحبيبة للفؤاد
فاطمة: بتكون عم تطلع فيه وعم ترتجف ودموعها عم تنهمر على خدودها وسلمى واقفة جنبها وماسكة بايدها لتدعمها وعم تبتسم
خالد: بكمل كلامه وبينزلو دموعه وهي قدام الكل والله بيشهد علي اني من هاللحظة ولاخر عمري مكانتك يافاطمة بقلبي وكرامتك من كرامتي وتاج على راسي ولضل حبك لآخر عمري
الشيخ: بيبتسم وبربت على كتف خالد مبارك عليكم بالرفاه والبنين باذن الله وبوقف
بتعلى صوت الزراغيط
ابو فاطمة: بيتطلع فيه لخالد وبسلم عليه وبيهمسله أنا ماعطيت فاطمة يلي بتستاهله من هالدنيا ياابني بس انا هلق تطمنت انك رح تعوضها عن كلشي بحياتها
خالد: بيبتسم فاطمة جوا عيوني وبقلبي صدقني ورح عوضها عن كلشي
ابو فاطمة: بيبتسم الف مبروك يارب
خالد: الله يبارك فيك بيضحك وبيمسح دموعه وبيتطلع بالجميع بظن هلق فيني احضن مرتي مو هيك
ايمن: فرجيهن اخي فرجيهن فوت فوتك وبيضحك
خالد: بيضحك وبيركد على فاطمة وبيغمرها بقوة
فاطمة: بتضحك وبتغمره بقوة وبتخبي وجها بقلبه وعم ترتجف
خالد: بيهمسلها بحبك يافلة قلبي بحبك ياأم نظرة دباحة
فاطمة: بتضحك وبتطلع فيه وانا بموت فيك ياعوضي عن الدنيا كلها
بقربو الكل منهن وبباركولهن وبتشتغل الاغاني بصوتها العالي
ايمن: اللهه ولعتتت وببلش يهز بيمسك ايد مجد وببلش يرقصه
مجد: بيضحك لك فضحتنا شو صرلك
ايمن: خطبة اخي مالي جاية لااعد وبيضحك
خالد: بيمسك ايد فاطمة وببلشو يرقصو على غنية تم النصيب ويتمايلو
فاطمة: بتكون عم تتمايل على خالد بدلع وعم تضحك
خالد: بكون عم يتمايل معها بايديه ويغنيلنا بحب تم النصيب ودام الفرح عنا ليالي واحلى عروس بهالدني صارت حلالي ريتو يسلم هالقد صرتي مرتي عنجد أنا مش عم صدق حاليي
سارة: بتكون واقفة وعم تزقف وعم تبتسم على شوفتهن
سلمى: بتطلع فيها بطرف عينها وبتطلع بمجد بنظرات شوق هي وعم تتأمله بلبسه بتبتسم
مجد: بوقف وبيتطلع بسلمى وبقلبه الشوق مليان بيهمس جواته يقبرني جمالك شو حلوة طالعة بتجنني ياروحي انتي
ناهد بتقرب وبتبلش ترقص مع ايمن ويضحكو بتطلع بسارة وبتمسك أيدها يلا روحي تعي شاركينا
سارة: بتضحك بخجل ياخالتي
ناهد: مافي خجل يلا
ناهد: بتقرب من مجد وبتسحبه تعال يلا
مجد: بيضحك وبقرب من أمه وببلش يرقص معها
سارة: بتكون عم تقلد ناهد بالرقص وبتضحك بايديها
سلمى: بتوقف بغيظ وعم تهز برجلها بقهر هي وعم تشوفهن سوا عم يرقصو
ايمن: بقرب من سلمى يلا سمسم على الرقص
سلمى: مابدي ايمن حل عني
ايمن: لك شو هي حل عني تعي لشوف يلا بيسحبها وبقربها للنص قصداً وبوقفو جنب سارة ومجد
فاطمة: بتطلع فيهن وبتقرب من سارة وبتسحبها لعندها لترقصها هي لتبعدها عن الساحة😂
مجد: بكون عم يرقص مع خالد وجانين على الاخر
بيرجع لورا وبيخبط ضهره بسلمى
سلمى: بتطلع فيه بعيون مليانة شوق وحب
مجد: بيتطلع بعيونها بهيام وشوقه فاضحه من عيونه
بوقف خالد بالنص ليقطع أفكارهن بصوته
خالد: وهلق ياجماعة بدي لبس حبيبة قلبي خاتم العمر
فاطمة: بتضحك وبتوقف عم تطلع فيه
خالد: بيمسك أيدها وبينزل على ركبته وبيفتح العلبة وبمدلها ياها وعم يضحك حكيتي بدك خاتم ابو حجرة كبيرة
فاطمة: بتطلع بالخاتم وبتضحك بخجل وبتحط أيدها على وجها
خالد: وماقدرت مانفذ كلامك وبيضحك
ببلشو يزقفولهن بفرحة
فاطمة: بتمسك ايد خالد وبتوقف وبتضحك انا مابدي شي من هالدنيا غيرك صدقني
خالد: وانا بدي ياكي انتي بكل حياتي وبيمسك الخاتم وبلبسها ياه وببوس أيدها بحنية بحبك
فاطمة: بتطلع فيه وبتبتسم بموت فيك وبتغمره
وببلشو الكل يزقفولهن ويزرغطو وبكفو رقصهن الكل بفرحة
بتقرب ناهد وبتمسك ايد مجد وايد سلمى وبتبلش ترقصهن بايديها وبتقرب هناء بتمسك ايد ناهد
هناء: قربو ومسكو ايديكن لنعمل دويرة على خالد وفاطمة يلا ايمن يلا تعال خالتي
ايمن: اجيتك بيتطلع بسارة تعي آنسة سارة
سارة: بتبتسم وبتقرب منهن وبتمسك بايد ايمن وايد ناهد وبقربو من خالد وفاطمة
مجد: بيرفع أيده وبيتطلع بسلمى وبمدلها أيده لتمسك فيها
سلمى: بتكون مترددة ترفع أيدها بتطلع عليه وعيونها مدمعة وكاتمة دموعها جواتهن بترفع أيدها وبتمسك بايده برجفة وبتشد عليها بقوة

مجد: بحس بقوة لمستها وبيتجاهل نظراتها وعم يكابر على حاله وببلشو يدورو وعم يتمايلو بأيديهن وخالد وفاطمة عم يرقصو بالنص
ايمن: هيك مابيمشي معي أنا تحمست بتطلع غنية دبكة وبقرب للنص مع خالد وبيمسك أيدها بعدي بعدي طمطم مو دورك هلق يلا ابو الخل على الدبكةة
خالد: بيضحك وبيمسك أيده وببلش يدبك هو وياه ويهزو مع بعضهن
ايمن: مقوص مجد تعال لهون يلاااع
مجد: بيبعد أيده عن ايد سلمى وعم يضحك وبقرب من ايمن وبيمسك أيده وببلش يدبك معهن وبقربو الشباب وبيمسكو دبكة وببلشو يدبكو كلهن سوا
ايمن: بوقف بالنص وبينزل على رجليه وببلش يهز بكتافه وتتتتت تييي رشرششش
مجد: بيضحك وبيمسك بايده وبقومه وببلش يهز بخصره
ايمن: هز يا وز ولك ليه ماعم تهز ولا مواهبك يلي كنت تفرجيني ياها اختفت
مجد: لك عيب استحي في بنات
ايمن: لك مرحبا بنات خلينا مبسوطين يلا فرجيني المواهببب
خالد: عطونا زغروطة لعيون مرتي وبيضحك
بتعلى صوت الزراغيط
(كان بدهن فتون معهن بهالدبكة😂)
بوقفو كلهن عن الرقص بتعب وكل واحد بياخدله قطعة كيك وكاسة عصير يبل قلبه فيها بتعرفو تعبو يعني
بكونو واقفين سارة ومجد وأيمن
سارة: ماشاء الله عليك ماخيت رقصة مارقصتها
ايمن: بيضحك هواياتي متعددة
سارة: بس بتعرف حلو الشب الفرفوش يلي بيرقص هيك بدون قيود أنا مابحب يلي بوقفو بس بصفقو ومابيتحركو
ايمن: بيضحك بيغمزها بخفة أنا مابهدي صدقيني وبيضحك
مجد: بينكشه بايده
ايمن: اخخخ بيتطلع فيه
سارة: شبك في شي
ايمن: بيحكي بوجع مكبوت لا مافي شي نشكلت رجلي
مجد: بيكتم ضحكته
سارة: بتطلع على سلمى بطرف عينها بتشوفها كيف عم تطلع فيهن
مجد: أنا رح شوف خالد وبرجع وبيمشي لعند خالد
ايمن: الله معك حجي
سارة: بتطلع بأيمن وبتبتسم استاذ ايمن
ايمن: بيضحك وبكون حيتشردق شو قلتي
سارة: استاذ ايمن
ايمن: حكيلي ايمن بس ماضروري استاذ
سارة: بتبتسم تمام متل مابدك بس بدي اسالك سؤال
ايمن: تفضلي
سارة: الصبية يلي اسمها سلمى
ايمن: اي شبها
سارة: ليه عم تطلع فيني هيك دايقتها بشي انا ولاهي هيك مع الكل
ايمن: بيشرب شفة عصير وبيتطلع فيها بدك الصراحة ولا بنت عمها
سارة : بتضحك الصراحة اكيد
ايمن: سلمى بتكون حبيبة مجد
سارة: بتطلع فيه بصدمة حبيبته!
ايمن: اي ليه استغربتي
سارة: استغربت لان ولامرة حكالي عنها ولا حتى شفته عم يحاكينا على الموبايل حتى لما شافها كان بارد تجاها
ايمن: اي ماهون مركب الفرس منفصلين يعني فيني تقولي حبيبته القديمة أو السابقة بس يعني صارت مشاكل بينهن وبعدو عم بعضهن بس هنن لسا بحبو بعض وكتير
سارة: بتطلع بمجد وبتطلع بسلمى وبتبتسم حرام يبعدو عن بعضهن هيك كتير لابقين لبعض حتى فيهن شبه من بعضهن
ايمن: بيبتسم اي صح بس هيك النصيب والقدر يعني صارت كتير بينهن مشاكل وبعدتهن عن بعض لهيك نظرات سلمى الك نظرات غيرة وبيضحك هي قلتلك بصراحة
سارة: بتضحك غيرة! مني انا
ايمن: اينعم منك انتي ليه مستغربة
سارة: انو أنا ماعملت شي لتغار مني
ايمن: تخيلي بالمنطق حبيبك او الإنسان يلي بتحبيه واقف مع بنت متلك حلوة وأنيقة وفيها كل المواصفات يلي بيحلم فيها اي شب شو بدو يصير فيكي
سارة: بتخجل من كلامه وبتبتسم مو لهالدرجة أنا هيك
ايمن: والله انا يلي شايفه عم بحكيه وبيضحك
سارة: بتطلع فيه وبتبتسم شكرا على كلامك معناها عيونك الحلوة
ايمن: بيتطلع فيها وبيبتسم تسلمي بس هي القصة يا ام السوس
سارة: بتضحك ام السوس!
ايمن: بيبتسم بدك ماتواخذيني أنا مابعرف انده اسم حدا من غير دلع
سارة: بتضحك ماشي مقبولة منك
ايمن: بيبتسم وبكفي اكل
بتخلص الحفلة بخير وسلامة والكل فرحان واسم الله عليهن
بتطلع سارة ومجد وناهد وهناء وسلمى وأيمن وخالد ضل عند بيت حماه😂و بدهن يمشو
ناهد: مجد خليك ابني نام هون اليوم والله اشتقت لوجودك جنبي وبكرا عطلة مافي شغل الله يرضى عليك
مجد: بس بدي وصل سارة امي على بيتها
سارة: مافي داعي مجد أنا برن للشوفير وبخليه يجي
مجد: لا أنا اخدت وانا لازم رجعك مابصير
سلمى: بتكون ماشية وعم تسمع كلامهم بتحط أيدها على وجها بغيظ
ناهد: بتوصلها وبترجع برضايا عليك
مجد: خلص امي متل مابدك برجع يلا سارة خلينا نمشي
ناهد: رح انتظرك ها
مجد: بيبتسم حاضر ناهد خانم
ايمن: خدوني معكن وأنا بدي روح
ناهد: خليك عندي اليوم بتنام مع مجد
ايمن: عزيمة مكركة خالتي
ناهد: بتضحك مكركة وثابتة
ايمن: معناها خلص مجد روح وبتلاقيني منظرك بالقهوة منطلع سوا
ناهد: لك طلاع بتسهر مع عمك ابو امجد لبين مايجي يلا
مجد: بيضحك الله باليني بدبيقة وين مابروح بشوفه يلا راجع وبيركب بالسيارة هو وسارة وعيون سلمى عليهن ورح تموت من قهرها وبتمشي السيارة من قبالها وبيطلعو ناهد وأيمن لفوق وامها بتوقف

هناء: يلا سلمى امشي
سلمى: امي روحي بدي اطلع لعند خالتي ناهد شوي
هناء: بس
سلمى: امي بترجاكي روحي
هناء: طيب لاتطولي
سلمى: ماشي
بقلم#سدرة_عزالدين
بتوقف سيارة مجد قبال الفيلة
مجد: بيتطلع بسارة وبيبتسم تفضلي
سارة: بتبتسم شكرا مجد
مجد: ولو العفو واجبنا هاد
سارة: فيني احكي كلمتين قبل ماانزل
مجد: بيبتسم اكيد تفضلي
سارة: انت لسا بتحب سلمى
مجد: بيتطلع فيها بصدمة انتي شو عرفك بموضوع سلمى
سارة: بتبتسم جاوبني بدون ماتسأل
مجد: وجوابي شو رح يفيدك
سارة: رح يفيدني اني انصحك من اختك لااخوها أو من صديقة لصديقها
مجد: بيبتسم بخفة وبيتنهد وبيحكي اي لسا بحبها
سارة: بتبتسم واضح جوابك بدون ما تقوله بس كان بدي اسمعه منك
مجد: بيبتسم كل هالقد مفضوح حبي
سارة: يعني شوي وعفكرة هي كمان بتحبك ومفضوحة متلك
مجد: بيضحك هي ماحسيت بيوم أنها حبتني متل ماحبيتها
سارة: ليك مجد مارح اقدر احكم إذا هي بتحبك متلك أو اكتر أو اقل بس يلي بعرفه ويلي شفته انو هي بتحبك وحتى كانت غيرانة عليك ويلي بغار بحب يامجد هي نقهرت مني لهيك ماحبتني فكرتني جاية اخدك منها شفت بعيونها الغيرة عليك ونظراتها الك يلي كلها شوق حرام يلي عم يصير بينكن حرام يامجد
مجد: يلي صار بايدها مو من ايدي
سارة: بس بأيدك انت ترجع كلشي احسن من قبل
مجد: بيتنهد أن شاء الله
سارة: أنا رح امشي هلق بس كلامنا لسا ماخلص وشكرا على هالليلة الحلوة يارفيقي وبتضحك
مجد: عفوا يارفيقتي وبيضحك معها
سارة: بتنزل من السيارة وبتمشي على بيتها
مجد: بيتنهد وبيمشي بالسيارة ليرجع على الحارة
بتوقف سيارة مجد بالحارة جنب بنايته
بينزل منها بشوف سلمى اعدة على الدرج وايديها على كتافها عم تدفيهن بيمشي لعندها وبوقف قبالها
سلمى: بترفع رأسها وبتطلع فيه بعيون عم تغزل بالشوق
مجد: بيتطلع عليها كيف بردانة بيشلح جاكيته بدون مايحكي وبقرب منها وبحطه على كتافها وبيعد جنبها على الدرج
سلمى : بتطلع فيه وبتبتسم ابتسامة خفيفة وبتتجمع بعيونها لدموع وبتحكي كيفك مجد
مجد: برد بدون مايتطلع فيها أنا منيح وانتي
سلمى: بتنهمر دمعاتها أنا مالي منيحة مجد
مجد: بيتطلع فيها بظن هالشي من ايدك مو هيك وبيتطلع فيها
سلمى: بتهز برأسها بالايجابية بعرف مافي داعي تذكرني انو من ايدي كلشي بتطلع فيه بقهر ووجع بس انت كمان عم تزيدها علي وعم تخلي الوضع اسوء يامجد
مجد: عنجد بيحكي بعصبية مكبوتة سلمى ليه بكل هالقصص بتلفي وبتلفي وبترجعي تلوميني بكلشي ساويتيه ليه
سلمى: بتحكي بقهر وبصوت خافت ومخنوق من دموعها أنا ماعم لومك أنا عم خبرك بيلي عم يصير أنا تعبت من برودك تجاهي ليه كل هالقد ماكفرت لما قلتلك بيوم اني مابحبك يامجد ماكفرت الاغلاط بتنغفر وانت مابتغفر ليهه
مجد: بيتطلع فيها بتعرفي ليه مارح اغفر لان انا إنسان مالي ملاك من يلي عم تحكي عنهن لاني أنا الإنسان يلي دعستي على قلبه ورميتيه وهو كان بيوم بموت على الأرض يلي بتمشي عليها
سلمى: بتطلع فيه بقهر وبتحكي من قهرها يلي بحب مابيقسى هيك الإنسان يلي عم تقول كان يحبني هيك ماشفت من محتبه شي هلق كلها اختفت
مجد: بتستفزه بكلامها لانك أنانية ومابتفكري غير بحالك سلمى أنانية وين كان عقلك وقلبك لما كنت ارجع بعز البرد مشي لاني مامعي أجرة باص يوصلني ومصروفي يلي يطلع اقطعه عن تمي سلمى عم تمي واعطيكي ياه وين كان احساسك وقت كنت اشتغل واتبهدل من واحد حشرة كرمال هلق تدخلي جامعتك يلي هي حلمك وينن كنتيي وقت كنت حبك وينن
سلمى: بيزداد بكاها بس انا
مجد: انتي كنتي بتعرفي بحبي الك وساكتة ساكتة سلمى بس انا مابلومك لاني انا يلي رخصت بكرامتي كرمالك وكرمال حبك يلي ماشفته ولا حسيت فيه بيوم
سلمى: ماعاد تقدر تجاوبه بشي وبتبلش تبكي وتشهق
مجد: بيسمع صوت بكاها بشد على قبضة أيده وبوقف وبيحكي انسيني انسيني بيمسكها من كتافها بعصبية وبيحكي بقهر وعم يهزها من كتافها أو أعطينيي سبب واحد سبب واحد يخليني اغفرلك كل هاد احكيي
سلمى: بتبقى ساكتة وعم تشهق وتبكي بس
مجد: بيحكي بعصبية مكبوتة وعم يرجف والغصة بقلبه ودموعه رح تنهمر على خدوده لك عطينيي احكيي شي احكيي
سلمى: بتصرخ عليه خلص خلصص تركني تركني مابدي شي مابدي شيي
مجد: بينترهاا بقوة من قهره منها وبيمشي وبيطلع على بيته
سلمى: بتدفن وجها بين أيديها وبتبكي بقهر وجاكيته على كتافها وبين ايديها ماسكته وعم تنهمر دموعها عليه
بيطلع مجد على بيته وبحاول مايحسسهن بشي
وبيسهرو مع بعضهن وبيمشي على غرفته هو وايمن وبنام ايمن وهو بضل صاحي بوقف على الشباك وبيفتحه وعم يراقب السما ولنجوم
عند سلمى بتكون واقفة على شباكها وحاطة جاكيت مجد على كتافها وساندة رأسها على الشباك

مجد: بيسند رأسه على الشباك وبيهمس بحنية ودموعه بعيونه ناطر بعتم الليل وناطر حبيبك ناطر على بابك ناطر نرحل سوا بهاليل نسافر على الغيم نسافر بالحلم نسافر
سلمى: بتسمع صوته وبيرجف قلبها وبينهمرو دموعها بشوق
مجد: بكفي بصوته الحنون والغصبة بقلبه ودموعه على لحيته أنا الشط يلي ضايع أنا البحر الغريب لاقيني ياحياتي بهالطريق واقف أنا عطراف الغابة حامل رحيلي وشنتة غيابي وشوك الغدر علق على تيابي وجهك دليلي يهون عذابي شفتك أنا حلم بمنامي كنتي قدامي وخلفك ضبابي لاتكوني هالدنيا واحلامها توعدنا وياما تطلع كذابة
كوني العشق الي والع كوني الحب الصديق لاقيني ياحياتي بهالطريق حبيبك ناطرر على بابك ناطر
سلمى: بتشهق وبتهمس جواتها بحبك والله بحبك
#يتبع
#نبض_القصص
#شو_بيشبهك_تشرين
#كاتبة_بانامل_صغيرة

#الجزء_١٤
بقلم#سدرة_عزالدين
بعد مرور أسبوعين
الساعة ٨الصبح
واقفة سلمى هي وهناء وناهد بقلب البناية وعم يوزعو المهام
هناء: أنا باقيلي من تعزيلة مبارح الصالون بس رح اعمله أنا وحيساعدني ملهم
ناهد: أنا باقيلي الغرف والصالون
سلمى: يعني أنا شو اعمل الكن اسبوع عم تطلعوني وتنزلوني اليوم الدور مع مين كون
هناء: اليوم الدور مع خالتك ناهد بتطلعي بتساعديها كرمال تخلص
سلمى: يلا خالتي خلينا نطلع معناها إذا في شغل كتير
ناهد: كانت راما بدها تجي تساعدني بس بدها تجيب ولادها معها وانا مابحب لولاد تشتغل وتعجق الدنيا
سلمى: لك خالتي شو بدك هلق براما خليها ببيتها امشي أنا موجودة لديكم لاخوف عليكم وبتضحك
ناهد: اي الله يرضى عليكي ياسلمى اخخ بس لو بيكمل النصيب
سلمى: بتختفي ضحكتها وبتغير الحديث خلينا نطلع خالتي يلا
ناهد: يلا بنتي امشي هناء أنا بساعد سلمى وبنزل بشوف اذا بدك شي
هناء: ماشي اختي يعطيكي العافية
بتطلع ناهد وسلمى وببلشو شغل وتعزيل وتنظيف وسلمى عم تعزل وتشغل حالها بالشغل وعم تفش قهرها فيه يعني الغرض عم يطلع من تحت ايديها فرجة😂
ناهد: بتكون واقفة بغرفتها عم تشتغل سلمى روحي على غرفة مجد بلشي فيها كرمال اجي ساعدك يلا هون حنخلص لان
سلمى: حاضر خالتي بتمسك سطل المي والنشافة وغراض التنظيف وبتدخل على غرفته بتفتح الباب وبتدخل وبتسكر الباب وراها وبتمشي بالغرفة وعم تشم ريحته بالغرفة بتبتسم بشوق وبتقرب من التخت تبعه وبتقرب من مخدته وبتلمسها وبتبتسم وبتهمس بقلبها ياظالم أسبوعين مابتطل علينا ولا بشوفك ليه كل هالقسوة يامجد ليه والله اشتقتلك كتير اااه ياسلمى شو عملتي بحالك وفيه بتطلع على صورته يلي معلقها بالغرفة فوق المكتب بتقرب منها وبتطلع فيها وبتتأملها أنا كيف ضوعتك مني يامجد كيف خسرتك هيك اييه خليني بلش نظفلك الغرفة بركي بنتقم من عذابك الي شوي بتبتسم وبتحكي وعم تخاطب صورته بتعرف انك جحش وقت تقلب علي وين الحنية يلي عودتني عليها وين روحك وحبك يامجد وين بتفتح الدرج لتبلش تنظيف بتلاقي صورها هي ومجد بقلب الدرج بتمسكهن بايديها وبتتأملهن هي وعم تقلب فيهن وتشوفهن بتبتسم بحزن وغصة انت لسا بتحبني يامجد لسا بتحبني بتبتسم بفرحة وبترجع الصور على الدرج وبتبلش شغل وتنظيف هي وناهد هيك للساعة ١٠ المسا بتفرط سلمى من التعب
ناهد: سمسمة باقي ارض الصالون مسحيها وانا رح انزل شوف امك وبطلعلك بركي منتعشى سوا
سلمى: بتكون فاصل مخها من تعبها اي خالتي رح امسح الصالون روحي انتي
ناهد: يلا مابطول وبتنزل
بتمسك سلمى النشافة وبتحط لقماشة عليها وبترش معطر للأرض وبتبلش تمسحه كله هيك لتفرط من تعبها بتحط الممسحة من أيدها وبتقرب من الكنباية هي وعم تحاكي حالها
سلمى: يلا هلق لتنشف بعملها مرة تانية للنهاية بس رح اتسطح شوي ضهري وجعني بتتسطح على الكنباية
بتوقف سيارة مجد المسا جنب بيت أهله بالحارة وبينزل منها وشايل غراض بايده وأكياس وبيطلع على البيت بحط لكياس بالأرض وبيفتح بالمفتاح وبشيل لغراض وبيدخل بلاقي البيت شاعل وريحة النظافة عم تفوح منه
وكلشي مرتب وأمه مو موجودة بيلتفت على الصالون بلاقي سلمى نايمة على الكنباية بتعب
مجد: بنزل لكياس من أيده وبقرب منها ببطء وبينزل على رجليه ليوصل لمستواها بشوفها رابطة على شعراتها شال صغير باللون الاحمر على رأسها من فوق وشعراتها الكيرلي مفرودين على خدودها ونايمة على أيدها وواضح عليها التعب وانو مشتغلة بالبيت من شكل تيابها ووجها التعبان بيبتسم بخفة وبقرب أيده من خدها وبمرر أصابعه على شعراتها وبيرفعهن بخفة من على وجها بحط أيده على خده وبيتأملها بهدوء وبقلبه شوق كبير الها ولتفاصيلها يلي بتشبه الاطفال بشوفها كيف نايمة وضامة رجليها برعشة من بردها بوقف وبدو يصحيها بس ماله سخيان فيها واضح عليها انها غرقانة بالنوم بقرب منها بهدوء وبقرب أيده من تحت رأسها وخصرها وبيحملها بين أيديه بحنية
سلمى: بتحس عليه انو حملها بس مالها وعيانة من تعبها مفكرة بالحلم بتقرب رأسها من قلبه وبتسنده عليه لاارادياً
مجد: بيتطلع فيها وبيبتسم وبيمشي على غرفته وبدفش الباب برجله بخفة وبقرب من تخته وبنزلها عليه بهدوء وبيرفع الغطا وبغطيها فيه بحنية وبيتأملها كيف نايمة بيتنهد وبيلتفت على الغرفة بشوفها كيف مرتبة ونظيفة بيهمس جواته وبيتطلع على سلمى هي ونايمة صايرة ست بيت ومنظفتيلي الغرفة شكلو البعد اثر فيكي وعلمك بيطفي الضو وبيطلع من غرفته بشوف أمه بتفتح الباب وبتدخل
ناهد: بتطلع عليه بابتسامة مجد ياروحي أيمتى أجيت
مجد: بقرب من أمه وببوس أيدها اشتقتلك ياست الكل
ناهد: وانا ياروحي اشتقتلك وين سلمى بتطلع حوليها

مجد: أجيت لقيتها نايمة على الكنباية شكلها مبين انو تعبانة ماسخيت فيها انو صحيها فحملتها ودخلتها على غرفتي ونايمة على تختي
ناهد: بتبتسم بخفة وبتطلع بمجد ماسخيت فيها!؟
مجد: اي ماسخيت حرام يعني ليه عم تطلعي فيني هالنظرات بعرفها
ناهد: لاايمتى بدكن تضلو هيك ايمتى بدي افرح فيكن واتطمن اه لاايمتى
مجد: اوف اوف كل هاد بدك يصير أنا شي يوم خبرتكن اني بدي اتزوج سلمى شي! لا ليه بنيتو هالاحلام هي مابعرف
ناهد: مجد يامجد انت ابني وانا بعرفك انت بتحبها لسلمى وطلبتها من ابوها وبعدين صارت هالقصص يلي بعدتكن عن بعض والله يصلحها هي السبب بس رب العالمين بيغفر مين نحن لحتى مانغفر
مجد: بيتكتف امي انا صح كنت حبها لسلمى كنت هلق مافي شي بقلبي تجاها غير أنها متل اختي وبس ويلي عملته معي وسكوتها لحد الان ولافكرت تبرر شي او تطيب خاطري وكرامتي يلي كسرتهن بكلمة هاد مابدل أنها بتحبني وبدها ياني وانا اني رخص بكرامتي مرة تانية تؤ مارح تصير
ناهد: بتحكي بعصبية اييه روح من وجهي سديت نفسي بهالكلام بقلك ثور بتقلي حلبه شو هالخلفة هي
مجد: بيضحك بخفة أنا جبت عشا معي قلت مناكل أنا وياكي وبابا النا زمان ماتعشينا
ناهد: كله لحالك ياتيس أنا مارح اكل من غير سلمى ويعلي نامت بدون ماتحط لقمة بتمها من الصبح عم تشتغل معي
مجد: مااكلت شي!؟
ناهد: لا مافضينا لناكل
مجد: بشيل لكياس وبدخلهن على المطبخ وعم يحكي طيب امي تركيلها اكل جايب شاورما خبيلها سندويشة هي بتحبها اي وبتحب معها البيبسي مابتحب نوع تاني جايب وحدة الي ببسي خليها الها أنا مابدي وبكرا بس تصحى بتاكل لان هلق نايمة ومرتاحة
ناهد: بتضحك على مجد وقلتلي مابتحبها مو والله صدقتك ها وبتاخد باقي لكياس وبتدخل على المطبخ هي وعم تضحك
مجد: بوقف وبيتطلع بأمه اميي
ناهد: بتكتم ضحكتها ماحكيت شي انت يلي حكيت
مجد: وينه ابي
ناهد: شبعرفني ابوك صاير بغط بهالنهار بالقهوة شي مع عمك ابو ملهم بهالمكتبة عم يتسلى هلق بيجي
مجد: معناها خليني روح أنا على البيت
ناهد: لا والله مارح خليك تطلع اليوم من ايمتى ماشفتك
مجد : بس امي سلمى نايمة بغرفتي وخلص ماخرج ضل
ناهد: اي شو سلمى غريبة ياما نايمة عندي هي وصغيرة بنت خالتك هي
مجد: مااختلفنا امي بس هلق غير زمان
ناهد: ليك ها بستعير الشحاطة من هناء وبنزلها عليك حاجتك دلال اخدت وجه اليوم بتنام هون وخلص هي الكنباية بتوسعك هلق منتعشى مع بعض ومنسهر وبعدين بتنام مافي روحة لمكان
مجد: مصرة يعني
ناهد: مجدد بالشحاطة ها
مجد: بيزفر بضيق خلص متل مابدك رح اعد
ناهد: ايوا هيك تفهم رح خبر هناء انو سلمى نايمة كرمال ماتسأل عليها وبرجع حط العشا يلا
مجد: اي بتامري
تاني يوم على طلوع الشمس الساعة ٧ الصبح بتصحى سلمى هي وعم تتقلب بتفتح عيونها بدون وعي ومالها مستوعبة هي وين وشو كانت عم تعمل
سلمى: بتحط أيدها على عيونها وبتفركهن بتعب وبتطلع على الغرفة حوليها وبتشوف صورة مجد قبالها بتنئز وبتستوعب هي وين وبتتجلس بسرعة أنا شو جابني لهون بتذكر اني تسطحت على الكنباية بتحط أيدها على رأسها وبتتذكر انو حدا حملها وأنها شافت طيف مجد بس رؤويتها مغبشة ومو واضحة بتبتسم مجد حملني اي اي متذكرة مجد كان هون بتنزل من التخت وبتفتح باب الغرفة هي وماشية بهدوء وبتطلع على الصالون بكون عتمة لانه مسكرين البرادي بتطلع حوليها بتشوف مجد نايم على الكنباية وغرقان بالنوم بتبتسم أنها ماكانت عم تحلم هو موجود بتقرب منه وبتنزل على ركبها قباله وبتطلع فيه بعيون مشتاقة
سلمى: بتطلع على تفاصيله كيف نايم وشعره مبعثر بطريقة عشوائية على جبينه ورموشه لطوال مزينة وجه ومرسومين رسم ونايم على أيده وأيده التانية راميها على الكنباية ونصها برا الكنباية ومافي شي ساندها بتقرب أيدها من أيده وبتلمس أطراف أصابعها بأطراف أصابعه بتحس بالقشعريرة سرت بعروقها بتحس بالأمان بهاللحظة الها زمان ماحست فيه بتتنهد بشوق وبتوقف وبتقرب منه بحب وبتطبع بوسه على جبينه بحنية
مجد: بيصحى وبحس بقربها منه بس مابيتحرك كرمال ما يشوفها ويضعف أو بالأحرى مابده يضيع اللحظة وقربها منه
سلمى: بتبعد عنه وبتسحب الغطا وبتغطيه منيح وبتلتفت وبتمشي وبتنزل على بيتها
مجد: بيسمع صوت تسكير الباب بفتح عيونه وبيتجلس بيبتسم وبحط أيده على جبينه وما بيقدر ما يفرح من قربها بحس بدفا بقلبه كانو لامست قلبه بهالبوسة الخفيفة وداوته من كل جروحه يلي بايديها عملتهن وكأنها الداء والدواء بنفس اللحظة بيتنهد اووف ياسلمى اووف شو عم تعملي فيني بس عقلي رافض فكرة قلبي رافض وماعم بقدر غير أرضخ لعقلي بقوم على غرفته وببدل تيابه وبينزل من البيت وبكون بده يطلع برا البناية بصادف ابو ملهم طالع من بيته

مجد: بوقف عمي ابو ملهم صباح الخير
ابو ملهم: الله يصبحك بأنوار النبي
مجد: يسعد صباحك كيفك كيف صحتك
ابو ملهم: بالف خير وانت كيف صحتك وشغلك
مجد: الحمدلله الله عم يرزقني
ابو ملهم: الله يرزقك من اوسع بوابه
مجد: بدك شي عمي بتوصيني بشي
ابو ملهم: مجد
مجد: اي عمي
ابو ملهم: بدي حاكيك بموضوع حتى لو مو وقته
مجد: اكيد عمي تفضل
بتقرب سلمى من باب بيتها وقت تسمع صوت مجد مع ابوها وبتوقف لتسمع من جوا حديثهن
ابو ملهم: انت سبق واجيت لعندي وطلبت سلمى مني رسمي صح ولا لا
مجد: بيتطلع فيه بارتباك صح عمي
ابو ملهم: وعلى أساسها قبلت اني خليك تدفع مصاريف جامعتها صح
مجد: صحيح
ابو ملهم: وبعد فترة انت غيرت رايك وبطلت بدك سلمى
مجد: لا عمي مو هيك القصة
ابو ملهم: لكن شو القصة يامجد انا لما عطيت كلمة كانت كلمتي كلمة رجال وعطيتك بنتي مو اي حدا يامجد وانت ما كنت قد كلامك
مجد: عمي ابو ملهم القصة فهمانها غلط أنا كنت قد كلمتي بس بنتك وبيسكت
سلمى: بتتوسع حدقة عيونها بخوف وصدمة وخايفة مجد يحكي لاابوها
ابو ملهم: شبها سلمى؟ أنا مارضيت أتدخل لهلق وقلت هناء بتحلها وقالتلي انو انت بطلت بدك تخطبها وهالحكي مو حكي رجال يامجد ولا حكي ابنا يلي ربيناه ويلي هو انت
مجد: ياعمي سلمى مابتحبني مابدها ياني وانا ماعاد بدي ياها مو كره فيها بس انا بعمري ماباخد وحدة قلبها مو الي
ابو ملهم: شو هالحكي يامجد من وين جبت هالكلام سلمى هيك حكتلك
سلمى: بتبلش ترتجف والخوف عم يسري بعروقها بكل كلمة عم يقولها
مجد: عمي أنا حكيت مع سلمى واتفقنا على هالشي خلينا اخوات رفقات ولاد عم اي شي بس انو نكون تحت سقف واحد مو زابطة وعمي سلمى هيك رغبتها بتشوفني اخوها
ابو ملهم: هالحكي يامجد مالي مصدقه اصرارك وقت أجيت لعندي وطلبتها وعيونك ماكانت بتقول هالكلام كان بقول سلمى رايدتك وانت لو مالك متأكد ماكنت حاكيتني بهالموضوع بس شكله انا لازم شوف بنتي وافهم منها بطريقتي بكاها واكتئابها بهالساعات والايام مو سببه مجهول سببه عندك وعندها وانتو عم تكذبو علي واولهن انت بس انا بعرف اتصرف معها ومعك
مجد: بيحكي لاارادياً ليبعد عن سلمى الشكوك انا حبيت بنت تاني
سلمى: بتتجمد من الكلام يلي رن بقلبها وبكل كيانها وبيتجمعو لدموع بعيونها
ابو ملهم: بيحكي بصدمة شو !
مجد: اي عمي أنا حبيت وحدة تانية وخنت سلمى بمشاعرها وهي نجرحت مني انا ولهيك ماحكت شي لاالكن أنا ما بستاهلها واحد خاين مامعه حق كلمته شو بدها فيني
ابو ملهم: بيتطلع فيه ولسا بتحبها لهلق !
مجد: بهز براسه ببرود اي لسا ورح اطلبها عن قريب أنا شفت فيها البنت المناسبة مو متل سلمى هي و
ابو ملهم: اخس عليك وعلى تربايتك هيك ربيناك يامجد هيك لك حتى لو مو سلمى بنتي مو هيك بيتعامل ابن لأصول المتربي بتخون يامجد بتخون
مجد: بيسكت ومابيحكي شي
ابو ملهم: اخس على الرجال يلي حملته مسؤولية بنتي أنا ماعاد اعرفك يامجد ماعاد اعرفك
مجد: قلتلك أنا انسان مامعه حق كلامه وبيبتسم بغصة وبيلتفت بالاذن عمي ولاتواخذني على كلشي عملته مع سلمى سلمى مالها ذنب بشي وبيتركه وبيمشي
سلمى: بتحط أيدها على قلبها بقهر وعم تتنفس بصعوبة بتحس بروحها عم تطلع ودموعها عم تنهمر على خدودها بقهر ووجع بتمشي على غرفتها هي ومو شايفة دربها وعم ترتجف وتمسح دموعها بايديها بتدخل على غرفتها وبتسكر الباب بضهرها وبتنزل على ركبها وبتحط أيدها على تمها لتكتم شهقاتها وبكاها وعم تكرر جواتها كذاب انت كذاب يامجد كذابب بتصرخ هي وكاتمة صوتها وبتحس بأحبالها الصوتية عم تتلاشى من وجعها
عند مجد بوصل على الشركة وهو متدايق بوقف بسيارته وبغمض عيونه بتعب بفتح عيونه وبقرب من تابلو السيارة وبيفتحه بكون فيه علبة بيمسكها وبيفتحها بكون فيها خاتم زواج وخاتم تاني رجالي فضة سادة بيبتسم وبيمسكه بايديه وبيهمس جواته وهي الخاتم يلي بتحلمي فيه ياسلمى جبته وانتي بعيدة ومالي قدران اعطيكي ياه بس مستحيل حدا تاني يلبسه غيرك انتي وبس صاحبته والآخر هالعمر بيلمس رقبته بخفة وبتخطرله فكرة بيسحب السنسال يلي برقبته بكون فضة وبحط الخواتم جواته وبيلبسهن برقبته وبخبيهن جوا بلوزته بيتنهد وبسكر العلبة انتي مو جنبي بس الخاتم رح يبقى بجنب قلبي لااخر عمري وبينزل من سيارته وبيدخل على الشركة بوصل على مكتبه وبيفتحه وبيدخل بينفتح الباب وراه وبتدخل سارة
سارة: مراحب كيفك اليوم
مجد: اهلين سارة تمام منيح
سارة: بتطلع فيه وبتعد على الكرسي بس مالي شايفة انك منيح
مجد: بقرب من مكتبه وبيعد وراه مافي شي متدايق شوي
سارة: امم صار بدها فنجان قهوة معناها لنعرف شبك
مجد: إذا بدك تعملي قهوة منفكر بالموضوع وبيبتسم بخفة

سارة: اي معناها رح اطلبها وبتضحك بتطلب القهوة وبتعد صحيح قبل القهوة بابا عامل اجتماع اليوم وخبرني خبرك ورح يحضروه رجال الأعمال كلهن وبدو منك تحضر كلامك واوراقك لتبهرهن وبتضحك
مجد: اوف كلو اليوم علي
سارة: حياة الشاطر صعبة مو
مجد: كتير بدرس تجارة وعم بشتغل مساعد رجل اعمال وبدي داري اهلي وبدي اضحك مع رفقاتي وبدي اتحمل اسمع كلام واتوجع بصمت ويلوموني ويكرهوني وكل هاد
ومجد لازم يكون صامد بدون حركة ويقول امركن مطاع هي غير التعب الجسدي والنفسي والخ
سارة: اوف اوف كل هاد صاير معك
مجد: اووف إذا مو اكتر من هيك هي بجهة بس ماكفيتلك من جهتي العاطفية يلي بالأرض
سارة: شكلك رح تحكي قبل القهوة وشبها جهتك العاطفية
مجد: صفر انسان قلبه بمكان وعقله بمكان تاني لازم اشتاق وماروح لازم حن ومااحكي أتوجع ودوس على قلبي وكلو بالاخير بيطلع الحق علي فيه وكلشي صار معي أنا المذنب وانا يلي بنلام وكل هاد ذنبي اني حبيت بصدق بس هي ذنبي واكبر جرم بحق نفسي اني حبيت ياريت ماخلقت ولا عشت ولا حبيت والله ياريت
سارة: بتطلع فيه بزعل بعيد الشر عنك مافي داعي لهالكلام شبك انت مالك هيك مجد انت بتسوعب الكل وعندك حل لكلشي بدك تتعب وتتراجع
مجد: لاني تعبت سارة تعبت اني كون أنا المضحي بالحكاية وانا لكبير والواعي ويلي بيتحمل الكل وبحط الذنب على حاله كرمالهن كرمال ما ينوجعو متل مانوجعت لك حتى وهي كاسرة قلبي وحارقته من جوا مابقدر اسخى فيها سارة مابقدر ارميها بوردة تأذيها بقول أنا بتحمل بس هي لا بقول أنا بقدر وهي لا بس الحقيقة انا مابقدر أنا عم اتحمل فوق طاقتي ورح انفجر رح اختنق سارة حاسس حالي بدي اترك كلشي وامشي بدي هج لمكان مافيه حدا غيري حتى ماعاد اتحمل هم حدا غير نفسي عبالي عيش لنفسي لاارضي حالي لك أنا حتى حالي مو رضيان عليه ماعم بعمل شي نفسي فيه كلو كرمال يلي حولي ما يزعلو بس انا ازعل أو اختنق اخر همهن
سارة: بتقرب منه وبتمسك أيده بقوة انت بتقدر مجد انت بتقدر ورب العالمين عم يمتحن صبرك ولازم تقول الحمدلله وتوقف من جديد انت بأيدك حل كلشي حوليك بس بدك تكون اقوى من هيك
مجد: بيتنهد اووف على مجد وعيشته بيضحك ماعاد في حيل اني اقوى اكتر من هيك ماضل عندي القدرة اني اتحمل كل هالبشر عبالي سافر لمكان ماارجع منه
سارة: بتبتسم مابتقدر تترك وتمشي قلبك وعقلك هون
مجد: بيبتسم عبالي اقتل قلبي ووقف عقلي وامشي
سارة: بتضحك وبتبعد أيدها عن ايده إذا بتقدر لا تقصر
مجد: اخخ اخخ خليني شوف شغلي احسن ماصفي يلا عقل ولا قلب ولا شغل وبيضحك
سارة: بتضحك وانا هيك برأيي يلا قوم
ببلش شغل مجد وعم يخلص الوراق يلي طالبها محمد وبيطلع هو وسارة على غرفة الاجتماعات وببلشو يرتبو الاجتماع وببلشو يجو رجال الأعمال كلهن ومنهن أبوه لسامي وأبو ايمن زهير وأيمن معه وطبعا مابصير بدون زين جمال الدين وهادي عبد الرحمن😂🫣
بيوصلو كلهن وبيتسقبلهن مجد وسارة ومحمد
بقرب سامي وابوه من مجد
سامي: بيتطلع بمجد بغيظ
مجد: بيتطلع فيه وبيرفع حاجبه ومابمد أيده تفضلو
سارة: بتطلع فيهن وبتبتسم تفضلو نورتو
سامي: بيتطلع بسارة وبيبتسم وبقرب أيده من أيدها ليسلم عليها
مجد: بقرب أيده وبيبعد ايد سارة فورا وبيمسك بايد سامي وبشد عليها
سارة: بتطلع بمجد بأستغراب
مجد: بقرب من سامي وبيهمس عادتك هي بطلها احسن ما اكسرلك ايدك
سامي: بيتطلع بمجد بغيظ تروك ايدي
مجد: بينتر أيده وبيدفشه بخفة تفضل دخول تفضل
سامي: بيتركهن وبيدخل
بيدخلو ايمن وابوه
زهير: بيبتسم مرحبا
مجد: بيبتسم وبصافحه اهلا استاذ زهير تفضل
زهير: بيبتسم كيفك يامجد
مجد: الحمدلله بالف خير
زهير: الله يقويك يارب وبيدخل
بقرب ايمن
ايمن: بيبتسم وبمد أيده بأكابرية مرحبا
مجد: بيضحك وبيمسك ايد ايمن وبقربه منه شو هالاكابرية يلي نزلت عليك
ايمن: وزن وزن نحن بمكان عمل مو رفقة ايوا
مجد: تضرب مااغلظك بيبتسمله أهلا استاذ ايمن تفضل
ايمن: احم شكرا الك بقرب من سارة وبمد أيده مرحبا آنسة سارة
سارة: بتبتسم وبتصافحه اهلين استاذ ايمن نورت
ايمن: منور المكان بوجودك وبيبتسم وبيدخل
سارة: بتضحك
بيدخل الكاريزما كلها زين جمال الدين 🥹
زين: بقرب من مجد
مجد: بيبتسم وبصافحه نورت استاذ زين
زين: بيبتسم منور بوجود صحابها كيفك يامجد
مجد: الحمدلله تمام
زين: بيغمزه بخفة حديثنا لسا اله كمالة شكله
مجد: بيضحك بخفة اكيد بشرفني هالشي
زين: قريبا رح نلتقي ونحكي بيتطلع بهادي الأستاذ هادي عبد الرحمن بكون شريكي بالشغل لجديد وعم زوجتي
مجد: بصافح هادي تشرفنا استاذ هادي
هادي: بيبتسم الي الشرف
زين: الاستاذ مجد ايده اليمين للاستاذ محمد واشطر انسان شفته بحياتي

هادي: اوف عشنا و شفنا زين جمال الدين عم يعترف انو في حدا اشطر منه وبيضحك
زين: بيضحك الشاطر مابخبي حاله
مجد: بيضحك هاد شرف الي انو الاستاذ زين يقول عني هيك
زين: بربت على كتفه بتستاهل اكتر من هيك يامجد ولو مابدي ضارب على استاذ محمد كنت سرقتك منه وبيضحك
محمد: بقرب منهن مجد ما بروح من عندي ولا بيتركني وبيضحك
مجد: بيبتسم اكيد مابترك الاستاذ محمد ابدا ولا ببدله زين: عامله سحر شكلك وبيضحك
محمد: ومارح قلك شو الوصفة وبيضحك
زين: بيبتسم حقك وبربت على كتفه
محمد: خلينا نبدأ الاجتماع تفضلو
مجد: يلا تفضلو
بيعدو كلهن حول الطاولة وببلشو باالاجتماع
وكل واحد عم يحكي ويقترح شي معين
مجد: أنا برأيي انو نخلي الاستيراد من شركة الاستاذ زين والاستاذ هادي للخامات لأنهن الهن علاقاتهن برا البلد أما التوزيع المحلي نخليه لشركة زهير بيك وفينا ندخل شركة رؤوف بيك للتوزيع و
سامي: بيحكي باستفزاز وانت مين وكلك لتوزيع المهام على الشركات مالك ملاحظ انك اخد اكتر من حجمك بهالشركة وانت مجرد شغيل هون
مجد: بيتطلع فيه بعصبية وبشد على أيده انت مين وجهلك كلام حتى عم تدخل بكلامي
سامي: أنا شريك والي كلمة مو متلك ياحيوان
محمد: بيضرب أيده على الطاولة بعصبية وبوقف هاد اسمه قلة ادب واحترام يامحترم
بوقفو كلهن وبيتطلعو بسامي بعدم رضا
رؤوف: طول بالك استاذ محمد سامي ما بيقصد شي وبيتطلع بابنه
سامي: أنا ما حكيت شي بخصك استاذ محمد أنا مارح كفي الاجتماع ومجد هون لا أنا لامجد
سارة: بتطلع فيه وبمجد كيف كبرت القصة
مجد: مين قلك أنا يلي بدي كفي اجتماع فيه انت واحد بلا ادب ولااحترام وبوقف مجد
زين: إذا مجد رح يطلع من الاجتماع كلنا رح نطلع قلة الاحترام طلعت من حضرتك يااستاذ سامي مو من مجد فإذا مابدك تكفي باالاجتماع تفضل بلا مطرود
سامي: بوقف بعصبية وبقرب من زين وانت مين لتقلعني بدل هالحشرة
زين:بيتطلع عليه بعصبية وبيمسكه من قميصه انت يلي مين ياولد حتى تحكي بهالطريقة معي
بقرب منه مجد وهادي
مجد: استاذ زين اتركه مامحرزة القصة
هادي: زين اهدا وتركه ولد تركه
رؤوف: استاذ زين بترجاك تركه ابني غلط ومابيعرف بالأصول تركه
زين: بيتطلع بالموجودين وبشد سامي وبيحكي هو ومعصب لولا مابدهن يقولو زين جمال الدين ضرب ولد كنت قبرتك بارضك
سامي: بيتطلع فيه بعيون مرتعشة
زين: بيتركه وبينتره بالنسبة إلي خلص الاجتماع ويلي حكاه مجد رح يتنفذ وبيمسك جاكيته وبيطلع متل الصقر دخيل قلبه😂
محمد: باشر لمجد ليلحق زين
بيطلع مجد ورا زين
بوقف زين على صوت مجد برا الشركة
مجد: استاذ زين
زين: بيلتفت على مجد
مجد: بتشكرك على وقفتك معي ماكان في داعي تخلق عداوة بينكن كرمالي
زين: هالولد قليل ادب وبلا فهم ومابشرفني كمل اجتماع فيه ولاد صغار لسا بدهن ترباية
مجد: هو من جهة قليل ادب قليل ادب وكتير بس اوقات بالدنيا بدنا نتحمل هيك مساطر
زين: بيبتسم شكله مابحبك زيادة أو غيران
مجد: بيبتسم في هيك شي في بينا قصة ووصلت للشرطة
زين: امم الايام جاية وبسمعها وهلق انتبه على حالك
مجد : تسلم وانت كمان
بمشي زين وبيلحقه هادي وبيطلعو
بتكون سارة طالعة عم تدور على مجد وبيلحقها سامي
سامي: انسة سارة
سارة: بتلتفت عليه وبترفع حاجبها خير
سامي: بوقف شبك هيك عم تحاكيني أنا ماتفكري اني حابب كنت قلل احترامك انتي وابوكي بالعكس أنا بس هاد يلي اسمه مجد مابحبه ولا بطيقه لانه انسان مغرور وشايف حاله و وقح
سارة: مجد ماله هيك بالعكس مجد انسان محترم وشاطر ومجتهد ومافي متله ومتل تواضعه وهو يلي حامل هالشركة ومشغلها واذا عندك غير هالكلام خليه الك وبتلافت بدها تمشي
سامي: بيمسكها من ايدها وبشدها لعنده
سارة: بتطلع فيه بعصبية وبتنتر أيدها من أيده اوعك تلمسني مرة تانية عم تفهم
سامي: أنا بس بدي نكون قراب بس مابدي هالمشاكل بينا
سارة: شوفو هالواثق من حاله عيني أنا مابحب كون قريبة من حدا وخصوصي يلي متل اشكالك امشي بطريقك دادا ولاتخليني ابتلى فيك وكمل يلي عمله مجد
سامي: اوف ليه هيك شرسة انتي بيضحك بس بتعرفي بحب البنات يلي متلك
سارة: لعما اديه وقح نقلع برا الشركة يلا
سامي: بقرب منها وبيبتسم وإذا ماطلعت
ايمن: بقرب منهن شكلك مخك سميك كتير ومابتسمع اطرش يعني قالتلك الآنسة نقلع لبرا يعني بتنقلع ولا لازم تتمسح فيك الاراضي قبل ماتنقبر لان انت متعود على هيك شي مو هيك وبيغمزه بخفة
سامي: شو انت التاني جاية تعمل عنترية متل رفيقك ولا كل ماشفتو صبية بتنفشو حالكن انو انتو الجنتل المدافعين
ايمن: بقرب منه بعصبية وبيبعد سارة من بيناتهن بايده التانية وبيتطلع فيه شوف لقلك لا بتمشي من هون لا رح خلي الحجة يلي تركتها بالبيت تدعيلك بالرحمة والمغفرة ماشي ياشاطر

سارة: بتكون عم تطلع فيهن وكاتمة ضحكتها على كلام ايمن
سامي: اي هدي هدي مافي داعي رايح
ايمن: دربك اخضر يلا
بيمشي سامي وبيتركهن
سارة: بتضحك وبتطلع بأيمن
ايمن: بيلتفت عليها ليه عم تضحكي
سارة: حتى وانت معصب بتضحك حسك الفكاهي مابتقدر بدونه
ايمن: بيبتسم صعب يابنت الناس صعبة
سارة: بنت الناس!؟
ايمن: بيضحك اي بنت الناس ليه انتي مو بنت الناس والعالم
سارة: بتضحك بهي معك حق
ايمن: ابعدي عن هالشكيلات لان بوسخو المكان يلي بوقفو فيه
سارة:معك حق أنا أول مرة بشوفه
ايمن: وان شاء الله الأخيرة مابدك هالشوفة بتزلع النفس كيف أمه مستحملة هضامته وزناخته مابعرف وحتفة تاخده
سارة: بتطلع فيه وعلى ألفاظه وبتضحك من قلبها وضحكتها بترن رن
ايمن: بيتطلع فيها وبضحكتها وبيضحك معها على صوت ضحكتها ليه كل مابحكي كلمة بتضحكي موزع على جبيني نكت
سارة: لا لا هههههه بس انت موسوعتك وقاموسك بضحك هههههه

#الجزء_١٥
بقلم#سدرة_عزالدين
المسا اعدين مجد وأيمن وخالد ببيت مجد ايمن رأسه بقلب البراد وخالد اعد عم يفتش بالخزاين تبع المطبخ ليلاقي شي ينقرشه ومجد اعد بالصالون
ايمن: بطلع رأسه من البراد لقيت شي تأكله
خالد: لقيت برطمان مكدوس وانت
ايمن: لقيت خبز وبندورة بيضحك شكلنا رجعنا للأيام المكدوس
خالد: بيضحك هيك شكله ليك تعال عميل شاي وانا رح لف السندويشات
ايمن: حلو الكلام يلا
بلفو السندويشات وبيعملو شاي وبيطلعو لعند مجد
مجد: بيضحك شو مكدوس
ايمن: يامأنشح هاد يلي لقيناه عندك اخخ ايام وقت كنت روح لعند خالتي ناهد لاقي اشكال الوان لك تقوم تعملي البيض يلي بحبه ولعندي يجي ايي يازمن
خالد: اي والله ايه على هديك الايام
مجد: بيضحك اي خلصتو ندب هاتو لناكل
ايمن: لك صحيح مجد وين لفلاشة تبع الشغل يلي اتفقتو عليه بابا خبرني جبله ياها منك
مجد: هو وعم ياكل بيحكي بقلب المحفظة تبعي
ايمن: رح قوم جيبه وين حاطه
مجد: بجيبة جاكيتي
ايمن: بوقف وبيدخل على غرفته بجيبه وبيطلع لعنده هاد
مجد: في غيره يافالح
ايمن: بيضحك لا بيفتحه وبيتطلع بمجد اوو
مجد: شبك بيبلع اللقمة وبيتطلع فيه
ايمن: بقرب منهن وبيعد انت متاكد مجد انو ماعاد تحبها لسلمى
مجد: بنزل السندويشة من أيده شو لزومه هالسؤال
ايمن: بيضحك يعني لزومه صورتها يلي بمحفظتك وبدورها عليهن وبيبتسم
مجد: بيمسك المحفظة من أيده بسرعة وبسكرها وليه لتفتش بغراضي انت
ايمن: شبك مو انت خبرتني انو قوم جيبها
مجد: بيتنهد اوفف
خالد: بيتطلع فيه وبيبتسم لسا بتحبها مو هيك
مجد: بيتطلع فيه وبيبتسم بخفة أنا مابعرف يمكن بحبها ويمكن بيفتح المحفظة وبطلع الصورة منها وبيمسكها بايده ويمكن بعشقها بتعرف شو هو اسوء شعور انك بتعرف انو مارح تقدر تكون مع هالشخص بس لحد الان ماعم تقدر تمنع حالك انو توقع بحبه وتغرق
ايمن: بيبتسم هاد اسمه الحب الاعمى أو ماقتل مابعرف يعني
مجد: بيتطلع فيه تضرب اي وبحط الصورة مكانها وبطلع لفلاشة وبزتها خود هي الضرابة
ايمن: كتر خيرها يلي كشفتك على حقيقتك قال يعني نحن مامنعرف انك بتحبها لسلمى ولهلق
مجد: الحب يلي عم تحكي عليه بقلبي لسا بس بعقلي مافي شي غير البعد يلي بينا وكل ماله عم يزيد
ايمن: بأيدك هالشي
مجد: بتعرف انك سديت نفسي
ايمن: بيضحك رح اكل سندويشتك معناها
خالد: لا ولو ماحزرت أنا رح اكلها
مجد: لك تضرب منك اله هاتو من ايدكن رح اكلها غيرت رأي
ايمن: بيتطلع فيهن وبيضحك وبضحكهن معه
بالليل نايم مجد بتخته وماسك موبايله بايده بيفتح على صورة سلمى وبيتأملها بحب وعم يكبر الصورة ويصغرها ويغرق بتفاصيلها اكتر واكتر بيدخل على محادثته معها على الواتس اب وبشوف آخر مرة كان حاكي معها بشوف تسجيل لصوتها بيفتحه بتكون عم تغني فيه وعم تضحك
مجد: بيسمع صوتها وبيبتسم بغمض عيونه وبضم الموبايل لقلبه بتعب ليغفى هو وعم يسمع صوت ضحكتها
بتشرق شمس لنهار لتعلن بداية يوم جديد بس يوم بعيد وهالمرة مر اكتر من شهر على لقاء سلمى ومجد يلي كان بدون مايحسو على بعضهن فيه البعد بينهن عم يكبر ويطول بطل يوم ولايومين صار شهر وشهرين واجا الصيف وراح الصيف و رجعت الجامعات ورجعو الكل لمشاغل حياتهن يلي مابتخلص خالد وفاطمة اتفقو يعملو عرسهن على بداية الشتا ولما يخلصو جامعة هالسنة وعم يكفو جامعاتهن وشغلهن ليأسسو بيت المستقبل ومجد رجع يكفي آخر سنة باقيتله من جامعته وبالشغل يلي بالشركة يلي مابيخلص علاقته بنفسه كل مالها عم تسوء وعم يتعب اكتر بطل الشب المتفائل صارت حياته الشغل والدراسة بس والحب بقلبه مخبة متل مو مخبي ذكرياته ويمكن هالشي الغلط فيه أنه كتوم حتى بمشاعره وسلمى من بعد ماسمعت مجد هو وعم يقول إنه بحب وحدة تانية ضلت بصراع بين الصدق والكذب بس قررت تكفي حلمها بس بتحفيز وجود مجد ببالها وبقلبها وكل يوم بتنطر على شباكها ليمر طيفه شي ليلة وتحس بوجوده جنبها وعم تنطر اليوم يلي يرجع ويغنيلها ويرجع كلشي متل قبل أما ايمن لساته متل ماهو عم يكفي جامعته بس صار قريب من ابوه اكتر وعم يشتغل معه وسارة بطلت تروح على الشركة كتير بسبب دراستها الجامعية لأنها بتدرس إدارة أعمال كرمال توقف مع ابوها بس لسا بتطل كل فترة لتعد مع مجد ويحكو وطبعا لا مانع للمصادفات يلي ايمن عم يخلقها كرمال يجتمع فيها وهيك ماشية ايامنا "
المسا والدنيا معتمة والشوارع منورة بالانوار الخافتة عم تمشي سلمى هي وتايهة ومخنوقة كتير بتطلع على الرصيف وبتعد عليه وبتطلع على السما وبتشرد
بتقرب منها فاطمة وبتطلع فيها كيف نحفانة ووجها شاحب مو متل قبل وعيونها مطفية والسواد تحت عيونها بيشهد عن كمية الصراعات يلي عايشتها ولابسة جاكيت مجد وحاطة طاقيته على رأسها ونسمات الليل عم تبرد وتغلغل بشعراتها بتقرب منها وبتعد جنبها

فاطمة: بتمسك أيدها بخفة وبتشد عليها ليه اعدة هون سمسمة
سلمى: بتطلع فيها وبعيونها متجمعة دموعها بتحكي بصوت خافت عم بنتظره يمر
فاطمة: بتطلع فيها بأستغراب مين !؟
سلمى: بتهمس بصوتها والغصة مرافقة كلماتها وعم تمنع دموعها أنها تنهزم وتنهمر اشتقتله قلت يمكن إذا أجيت على المكان يلي منعد فيه كنا بلاقيه بس مالقيته
فاطمة: بتزعل عليها بس الدنيا بلشت تبرد خلينا نقوم مجد مارح يجي سلمى هلق ببيته خلينا نقوم يلا
سلمى: تركيني فاطمة تركيني بينزلو دموعها وبتطلع فيها أنا ليه هيك عملت بحالي ليه على شو قلبي شاف حاله عليه كان كلشي حلو بحياتي كلشي رغم الشكوى يلي كنت ضل اشكيها ومو عاجبني شي بس انا حياتي كانت مثالية ام حنونة واب مكافح وبحبوني عيلة دافية رفقتنا ولمتنا كنا مبسوطين كتير بتشهق حتى الشب يلي بحبني خسرته بايدي بكلامي الحقير خسرته كرمال ولاشي كرمال احلام سطحية تافهة احلام خسرت نفسي والشب يلي بحبني كرمالها وماتحققت أنا كنت صغيرة وتافهة كتير وحقيرة على شو على شو كبر قلبي وتكبر على مين على مجد على مجد يلي كان يموت كرمالي كان يضحي بسعادته كرمال سعادتي يضحي بتعبه كرمال فرحتي وانانيتي وانا بالاخير بكافئه بكرهي وحقدي وانانيتي والله انا ما بستاهله لا والله بيزداد بكاها وبتحط ايديها على وجها وبتبكي بقهر
فاطمة: بتقرب منها وبتضمها لقلبها بس ياروحي لاتبكي لاتبكي اهدي
سلمى: أنا عم موت يااختي عم مووت اشتقتله وقلبي عم يحترق من جوا بس خجلانة قابله خجلانة احكي شي من بعد يلي عملته كرهانة حالي كرهانة حياتي بدونه هو كان كلشي كلشي وانا خسرته وخسرت كلشي
فاطمة: رح يرجع كلشي احسن صدقيني بس لازم تقوي وتواجهي الهروب يلي عم تعملوه انتو لتنين مابفيد بشي غير البعد اكتر واكتر حاربو وواجهو حالكن حتى لو انتو غلط لو لمرة وحدة ورح تشوفي كيف رح ترجعو لبعض مجد نجرح منك بس انتي كمان ماعطيتيه كلمة تجبر وتطيب جرحه السكوت ماله حل يااختي ابدا ماله حل
سلمى: بس هو ضل ساكت سنين وماحكالي عن حبه الي ضل ساكت
فاطمة: بس انتي كنتي بتعرفي وماحسستيه بحبك اله انتي كنتي بتحبيه وقت كان يحبك !؟
سلمى: ماكنت بعرف شو يعني حب كان وجوده بجنبي دائما يفرحني ماكنت اتخيل يومي بدونه هو جنبي كان يمكن ماكنت بعرف انو تعلقي فيه هو حب كنت اقنع حالي دائما انو هو جنبي لانه اخي وبحبه حب الاخ بس بس لما خسرته حسيت بمعنى الحب انك تخسر حبيب وصديق واخ وكلشي بدنيتك مجد كان كلشي بس أنا ماكنت بعرف ولاحاسة بأهمية وجوده بحياتي
فاطمة: بتبتسم وهلق
سلمى: هلق مشتاقة لوجوده مشتاقتله كتير بتطلع فيها أنا بحبه فاطمة وكتير أنا بعشقه
فاطمة: ادعي انو الله يجمعكن من جديد وأن شاء الله رح يرجع لو انتي مخلوقة من ضلعه مارح تكوني الا اله صدقيني
سلمى: بتتنهد يارب
تاني يوم بفيلة زين جمال الدين واقفين كلهن بنص الفيلة
مجد ومحمد وسارة ومرته وأيمن وابوه وامه وأغلب رجال الأعمال وعائلاتهن
بطل زين هو وزوجته جوري ليستقبلوهن بسلمو على الكل وبقربو من طاولات الموجودين
زين: اهلا وسهلا فيكن كلكن نورتوني وبتشكركن انكن قبلتو بعزيمتي المتواضعة لااحتفل بذكرة تأسيس شركتي يلي بديت فيها من الصفر لوصلت لهالمرحلة يلي شايفني فيها
ببلشو الكل يزقفوله
مجد: بيتطلع بأيمن هلق انت هيك بتضلك تحضر حفلات اكابرية
ايمن: بيبتسم يلي بدو يشتغل مع رجال الأعمال هيك بدو يكون وبيضحك بس خلينا ساكتين النا حارة تلمنا بعفشنا يلي منعمله نحن
مجد: بيضحك قولتك قال يلي بيطلع من داره بقل مقداره
ايمن: خراس بس خلينا أكابر
بتبلش الحفلة والناس عم تلف بين الطاولات ويلي عم يحكي ويلي عم يشرب عصير حفلات اكابرلية مادخلنا فيها
بقرب زين هو وجوري من مجد و الموجودين
زين: نورتوني ياجماعة
الكل: منور بوجودك
زين: بحب عرفكن بيبتسم وبحط أيده على ضهر جوري وبقربها منه مدامتي وزوجتي جوري ماجد السالم
جوري: بتبتسم نورتونا ياجماعة وبتسلم عليهن كلهن
زين: بيتطلع بمجد جوري هاد الاستاذ مجد يلي حكيتلك عنه
جوري: بتبتسم وبتصافحه اهلا استاذ مجد تشرفت بمعرفتك
مجد: بيبتسم الي الشرف مدام جوري
زين: بيغمز مجد هي الحب يلي خبرتك عنه وبيضحك
مجد: بيبتسم الله يخليكن لبعض ما شاء الله قصتكن كانت على اللسان كل العالم
جوري: بتضحك خبرته عني زين
زين: بيبتسم خبرته انو يسامحك وينسى كرمال يكفي بحياته
جوري: بتبتسم وبتطلع بمجد شكله في صبية شاغلة الفكر والقلب
مجد: بيبتسم بخفة وبيتنهد
جوري: لا تقلي انو زين نصحك
زين: في هيك شي وبيضحك
جوري: معناها ياحرام شو رح يصير فيها للمخلوقة
زين : هلق هيك بيضحك الله يسامحك
جوري: لانك حبيبي انت بالحب متل بالشغل العصبية ما بتفارقك اكيد خربتله حياته للزلمة وبتضحك

زين: بينكشها وبيهمسلها حبيبتي لا تنشري الغسيل فورا بعرفك بتحكي كتير بس مو لهالدرجة وبيبتسم
مجد: بيكتم ضحكته
جوري: بتبتسم خليني شوف لضيوف معناها صحيح ليه ماجبتها معك للصبية
مجد: للاسف ظروف ماتم النصيب بينا بس هي بتحبك كتير ولو بتعرف وين أنا كانت ركدت ركد وكانت قدوتها تتزوج برجل متل الاستاذ زين وبيضحك ماعجبتها أنا
جوري: بتبتسم إذا قدوتها زين وصلت معناها يومين زمان رح تكون متله وبتضحك بالاذن وبتمشي
زين: إذا كان بيوم امنيتها رجل متلي انت حتكون واقعها يامجد وحتكون بعيونها احسن من اي رجل بكل الدنيا
مجد: بيبتسم بغصة ياريت كانت هيك
زين: انت بعدك بتحبها
مجد: مارح اعرف جاوب علي هيك سؤال
زين: وانا رح قلك انو بعيونك ساكنة ومارح تطلع لا منك ولا من قلبك لهيك البعد مابفيد صدقني غير عم يضيع من عمركن وحياتكن
مجد: بيبتسم أن شاء الله
زين: أنا بدي شوف الضيوف بشوفك وبيمشي
بتقرب سارة من مجد
سارة:بتبتسم شكله الاستاذ زين حابك كتير
مجد: بيبتسم المحبة من الله والله حسد ولا حسد
سارة: لا مو حسد الله يهنيك ويحبب خلقه فيك اكتر واكتر
مجد: بيبتسم وبيتطلع على ايمن بكون عم يحكي مع صبية وعم يضحك وانتي الله يحبب فيكي خلقه مع اني شايفة خلقه حابينك كتير بس نسونجين وبيضحك
سارة: بتطلع على ايمن وبتحس بالانزعاج بس تشوفه عم يحكي مع وحدة وبتطلع بمجد شو قصدك
مجد: مابعرف انتي قوليلي شو قصدي
سارة: حاجتك سيناريوهات اي مافي شي من يلي ببالك
مجد: ماحكيت شي انا بس نصيحة يعني من اخ لااخته رفيقي قرباطي ونسونجي وبيضحك مابدك ياه
سارة: بتضحك منيح ماحدا بيسألك على حدا بتقطع بنصيبه فورا
مجد: أنا عم بحكي يلي عم شوفه ايمن شب مافي احن منه ولا اهضم منه هو روح بيتنا وشلتنا هو الكفو والسند والجنتل والمسخرة والسواق يعني ايمن لرجل المهمات الصعبة زبدية صيني
سارة: بتبتسم هيك عدلتها يعني
مجد: عم بحكي الصدق بس فيه شغلة دجيج حكي بس وقت توصل القصة لمشاعره غبي ما بيعرف يحب
سارة: بتبتسم وانا شوبدي بكل هالحكي
مجد: بدك يعني استفسار عن الصبي قبل ما توقعي مع اني شايفك واقعة وخالصة من نظرتك الغيرانة عليه
سارة: بتتلبك بس مجد شو هالحكي مافي شي من هاد
مجد: حبينا ننصح
ايمن بيتطلع فيهن وبيستأذن من البنت وبقرب منهن
ايمن: برتب بدلته مرحبا وبيبتسم
مجد: اهلين ليمونة وكاتم ضحكته
ايمن: بيتطلع فيه وزن وزن
مجد: وزنت بيهمسله استلقى وعدك ايه المؤمن أنا حروح شوف الاستاذ محمد وبيمشي وبيتركهن
ايمن: بوقف مكان مجد وبيتطلع بسارة كيفك آنسة سارة
سارة: بتطلع فيه ببرود الحمدلله
ايمن: بيبتسم فيكي شي!؟
سارة: لا شو بدو يكون فيني
بتطلع غنية رومانسية والكل ببلشو يسحبو زوجاتهن للنص ويتمايلو عليها ومنهن زين وجوري يلي افتتحو الرقصة
ايمن: احم برتب بدلته وبيتطلع بسارة وبمد أيده الها مع بابتسامة جذابة بتسمحيلي بهالرقصة ياصاحبة اجمل ضحكة
سارة: بتطلع فيه بطرف عينها وبتبتسم وبتمسك بايده وبتوقف وبيمشو للنص وبوقفو
بوقف ايمن وبيتطلع بسارة وبيبتسم وبحط أيده على خصرها باللمسة هادية وأيده التانية بايدها
سارة: بتبتسم وعيونها بعيونه متعلقة بتحط أيدها على كتفه وبتبلش تتمايل معه بخفة وانسجام
ايمن: بيتطلع فيها وبقربها منه بخفة وببلش يتمايل معها
مجد: بيتطلع فيهن وبيبتسم بقلبه رحلو شريك والله مالك قليل ياايمن ياما تحت السواهي دواهي
سارة: بتطلع بعيونه وبتضحك
ايمن: ليه عم تضحكي
سارة: بتبتسم مابعرف ليه كل ما بتطلع بعيونك بضحك
ايمن: هاد شي منيح اني سر سعادتك وبدورها بحركة سريعة وبقربها منه وعيونها بعيونه
سارة: ببلش قلبها ينبض بسرعة وبتطلع فيه وكيف عم تتمايل معه بخفة وحركات مدروسة وكأنه معلم بالرقص
ايمن: شايفك سكتي
سارة: بتشتت نظراتها عنه بارتباك شو بدك ياني قول
ايمن: مابعرف شو عم يدور بعقلك احكي
سارة: بتطلع فيه وبتحكي لاارادياً مين هالبنت يلي واقف معها كنت عاجبتك!
ايمن: مابيقدر يكتم ضحكته بيضحك بخفة وبيتطلع فيها
سارة: بتحس على حالها شو حكت وبتتلبك وبتخجل بزيادة
ايمن: ماكنت بعرف اني مراقب من جهتك آنسة سارة
سارة: بتطلع فيه وبتداري خجلها مجرد سؤال فضولي مو اكتر
ايمن: بيبتسم واضح واضح وانا رح ادعملك فضولك يعني مجرد بنت بعرفها عن طريق الاهل بس ولو عاجبتني متل ماقلتي ماكنت تركتها واخترت اجمل وارق صبية بهالكون لاارقص معها
سارة: بتبتسم وبتطلع بعيونه بحب
وبتخلص الغنية
سارة: بتبعد عن ايمن وبترجع لطاولتها وبتتركه واقف
ايمن: بيبتسم وبقرب من طاولة مجد وبوقف
مجد:بيضحك رحلوو شو هاد ماعرفتك
ايمن: بلشنا مسخرتك
مجد: بيضحك يبعتلي حمى كنت مفكرك اجدب طلعت مخاوي بليس بهيك قصص

ايمن: بيضحك مابتعرف مين مصاحب انت
مجد: يلي مابيعرفك بيجهلك تقبرني
ايمن: لا بعيد الشر تعلم مني بركي بينفعك
بيندهلهن محمد لمجد وأيمن ليقربو من طاولتهن
بقربو لعندهن
محمد: اتفقنا مع الاستاذ زين أننا نبعت مندوب عننا برا البلد كرمال يمشي الأمور هنيك شو رأيك يامجد
مجد: اقتراح حلو وهيك منخفف من المصاريف وبكون محل ثقة اكتر
ايمن: ومين رح يطلع استاذ محمد
محمد: مابعرف بدنا نختار موظف حابب يسافر ويكون مجتهد ويقدر يعمل يلي بدنا ياه بدون مايغلبنا يعني هو حيكون اختياري هالشي
مجد: أنا
محمد: بيتطلع فيه شو انت يامجد
مجد: أنا رح سافر
ايمن: بيتطلع فيه بصدمة
محمد: انت متاكد يامجد بس الشركة هون بحاجتك كمان
مجد: رح كون هنيك وهون استاذ محمد
ايمن: مجد كيف بدك تسافر واهلك و
مجد: بيتطلع فيه وبيزوره كرمال ما يكفي منحكي بعدين ايمن
ايمن: بيسكت وبهز براسه
محمد: معناها خليني فكر بالموضوع ومنحكي بالشركة ومنخبرك استاذ زين بالقرار
زين: تمام مافي مشكلة
بتخلص الحفلة وبيرجعو كلهن بوصل مجد على بيته وببدل تيابه وبوقف على الشباك بيفتح موبايله بتكون الساعة ١٢ بالضبط وبيقلب التقويم وبينكتب ١ تشرين
مجد: بيتطلع على السما وبيفتح الشباك بيمرق طيف سلمى قدامه بيرتعش قلبه وبيمسك موبايله ومفتاح سيارته وبينزل من بيته بحط طاقية الجاكيت على رأسه وبيركب بالسيارة وبيمشي فيها على الحارة بوقف سيارته بعيد عن البيت وبينزل الدنيا عتمة والناس نايمة ببيوتها بيمشي وبوقف قبال البناية بيتطلع على شباكها بشوفه مسكر بس الضو شاعل بغرفتها
مجد: بيهمس جواته واحد تشرين الشهر المفضل اشتقتلك كتير مر وقت كبير على آخر مرة شفتك فيها تعبت بدونك وعم بتعب اكتر يمكن عم عاقب نفسي وعاقبك بس ماعم بقدر ارجع بعرف اني غبي ورح اخسرك متل ماخسرتيني بس ماعم بقدر واجهك ماعم بقدر يمكن روح وماشوفك بس تأكدي اني بحبك وحضل حبك بيبتسم وبحط أيده بجيابه بلاقي فيه مصاري بقرب من شباكها بخفة وبحطهن وبحط عليه حجرة كرمال مايطيرو وبيلتفت وبيمشي
سلمى: بتدخل على غرفتها وبتشوف خياله من ورا البرداية بيرجف قلبها وبتقرب من الشباك ببطء هي عم ترتجف ماعاد تشوف خياله بتفتح البرداية بسرعة مابتشوفه بكون راح بتفتح الشباك فورا ودموعها بتتجمع بعيونها وقلبها عم ينبض بسرعة بتدور بعيونها عليه ما بتلاقيه بتركد بتفتح غرفتها وبتطلع برا البيت فورا بتوقف بالشارع بتلتفت حوليها مابتشوفه بتقرب من الشباك بتشوف المصاري بينزلو دموعها وبتمسكهن بايديها بتحس بريحته بالمكان بتغمض عيونها بغصة وشوق وبتتذكر كيف كان يعطيها المصاري بدل السندويشة بتشهق وبتفتح عيونها عم تدور عليه بكل زاوية بس ما بتشوفه بتقرب من البناية وبتعد على الدرج بخذلان وفاقدة الامل أنها تشوفه بتحط أيدها على رأسها وعم تمسح دموعها بكفوفها بتمسك موبايلها من جيبة جاكيتها وبتفتحه بتكون حاطة صورته وصورتها خلفية موبايلها بتبتسم بكسرة خاطر وبتطلع على الوقت بتشوف مكتوب ١تشرين بيرتعش جسدها وبتغمض عيونها
#فلاش_باك
مجد: بيمشي بخطوات مهزوزة ودموعه بتنفجر باللحظة لتختلط بالمطر يلي مبلل وجه وبوقف وبيتطلع وراه وبوجه نظره عليها بقهر وكسرة خاطر وبيصرخ من جوا قلبه ليهتز من صوته كل جسده شو بيشبهكك تشريين
وبيلتفت وبيمشي
سلمى: بتبلش ترجف من جملته وبتنزل على الأرض بقوة وبتحس جسدها نشل بهاللحظة
#باك
سلمى: بتفتح عيونها وبينتفضد جسدها بكل قوة وكأنه سمعت صوته وصرخته تجددت جواتها وهزت كل كيانها
#يتبع
#نبض_القصص
#شو_بيشبهك_تشرين
#كاتبة_بانامل_صغيرة

#الجزء١٦
بقلم#سدرة_عزالدين
مجد: بوصل على بيته وبينزل وبيدخل بتعب وبيرمي حاله على تخته وبغمض عيونه ليرمي تعبه كله ويهرب للنوم
عند سلمى اعدة بغرفتها على مكتبها وبايدها رسمة مجد وعم تتأملها ودموعها بعيونها بتهمس جواتها كل هالقد ماعاد تحن صدقو يلي قالو بعيد عن العين بعيد عن القلب لدرجة أنك توقف جنبي بس وانت بعيد بينهمرو دموعها أنا صدقتك وقت خبرتني انك عاصفة وقت تمشي بتترك اثر ما بينمحى بتمسح دمعتها بتعب
وبتضم الرسمة لقلبها وبتغمض عيونها
بعد كم يوم
بقدم مجد امتحانه بالجامعة وبيطلع هو وخالد وايمن
ايمن: شو كيف الامتحان كان معكن
خالد: يعني شو هالسؤال ياحجي نفس الشي كنا عم نمتحن بعدين شو صرلك صحيح تنكشني تنكشني يعني لو بعرف الجواب مابقلك
ايمن: وضريب اي شبعرفني حتى لو غلط بدي اكتب مهم انجح
خالد: كنت دروس يافالح
ايمن: شوف هالمسطرة لك كيف بلحق يدرس ويعرف يجاوب وبيشتغل مابعرف
مجد: بحط أيده بجيابه هي ميزة مابتكون عن الكل الذكاء وهبة من رب العالمين
ايمن: اي دخيلك يافالح نكتشك اربع مرات انو كنت تفهم وتعطيني الجواب
مجد: لا فهمان عليك بس بتعرفني ما بغشش حدا ليه بتجرب حظك
ايمن: لك ياندل رفيقك أنا رفيقك يعني لحم كتافك من خيري مو حدا غريب
مجد: أنا امي ما بتعرف عليها بالامتحان فيعني ماتحاول
خالد: بيضحك ماتغير بتضلك النيرد الكلب يلي بيعد بأول مقعد وما بغشش حدا
مجد: بيضحك مابعرف اشكرك انو مدح أو مسبة
ايمن: خبرته لخالد شو بدك تعمل بس تخلص الامتحانات النصفية
خالد: شو بده يعمل
ايمن: الاخ المصون بدو يسافر
خالد: شو عم تمزح مجد
مجد: لا ماعم بمزح بدي اطلع استلم الشغل برا
خالد: واهلك ونحن لك وسلمى
مجد: بيزفر بخنقة لسا سلمى سلمى خلص ماضل شي اسمه أنا وسلمى الله يبعتلها نصيبها وانا بدي اطلع اشتغل
واهلي عندهن اخي وانتو الكن الله
خالد: بالله شو ياالفهم يلي عم بشرشر وشو هي ماضل شي اسمه أنا وسلمى عفكرة انت زودتها كتير يعني خلص غلطت لازم تسامح وهي بتحبك وانت متل الجحش بتعرف ومطنش
مجد: شكرا لذوقك بس انا حر
خالد: لا مالك حر انت كر حاجتك دلال البنت تدمرت نفسياً وماتت من حبها الك وانت اعد متل المقوص
ايمن: قال يعني هو ما بموت عليها بس جحشنة
وتكبير راس قال شو كرامتي اننن تضرب انت وكرامتك اي
مجد: بيتطلع فيهن خلصتو بهادل
خالد: اي خلصنا لليوم
مجد: طيب انا رايح على الشركة كرمال حدد يوم السفر بعد الامتحان الاخير مباشرة وبيمشي
خالد: بيتطلع فيه هاد مجحش رسمي
ايمن: واكتر من هيك تجحيش مارح تشوف بدك شي
خالد: لوين
ايمن: على الشركة لعند ابي لوين يعني
خالد: صاير شغيل شو القصة
ايمن: بيضحك بدي اتزوج تقبرني
خالد: اووو لا تقولها
ايمن: لكن شو بس انت
خالد: اللهي يفرحني فيك ياايمن تلاتة حاملينك والمطرب شيخ
ايمن: بيضربه بايده تضرب ايه بعيد الشر عني تف من تمك
خالد: بيضحك تفتفتفتفت منيح هيك
ايمن: بيضحك رايح يلا سلام
خالد: سلام بيتمشى لروح شوف فلة قلبي شو صار بامتحانها وبيمشي بوصل على كلية الحقوق وبوقف برا بشوف الناس عم تطلع
بتطلع فاطمة هي ورفقاتها بتشوف خالد بتتركهن وبتركد لعنده هي وعم تضحك وبتنط وبتضمه بقوة اشتقتلك اشتقتلك
خالد: بيضحك و بيحملها بايده وبدور فيها وبضمها لقلبه وانا اشتقتلك ياروح روحي بنزلها وبيتطلع بعيونها بشوق وحنية
فاطمة: بتبتسم ياغليظ كتير اشتقتلك هيك ما بتطل علي الك اسبوع
خالد: تركتك تدرسي ياروحي وانا كنت عم بدرس ومشغول بالمحل يلي عم نفتتحه
فاطمة: بتحاوط رقبته بايديها بخفة لاعاد تبعد هيك عني بتعرفني بستفقدلك
خالد: بيبتسم ماعاد ابعد عنك ابدا اصلا كلهن شهرين وشوي وبتصيري الي وملكي وتتصبحي فيني وتتمسي فيني هيك لتملي
فاطمة: واضربك لااشبع وبتضحك
خالد: بيضحك وبيغمزها بخفة إذا في صلحة مرتبة بعدها مافي مانع
فاطمة: بتبتسم من يوم يومك قليل ادب وبتضربه بايديها بخفة
خالد: مرتي وانا حر فيها ولا شو بنت عمي وبضخم صوته
فاطمة: بتضحك متل مابدك ابن عمي
خالد: بيضحك وبضمها لقلبه تعي عازمك على شي كافيه تعي يلا
فاطمة: بتضحك مافي مانع يلا
وبيمشي هو وياها
بمر الوقت وبتصير الدنيا ليل والغيوم عم تتجمع والسما
بتبلش تصدا بصوت الرعد الخفيف
سلمى: بتسمع صوت الرعد وبينتفضد جسدها من تختها وبتقرب من الشباك وبتفتحه بتطلع بالسما وبتستنشق ريحة المطر الخفيفة بيرتجف قلبها وبتطلع بالطريق
عند مجد بوقف على بلكون بيته وبيتطلع بالسما كيف عم تبرق وبيتطلع بالشوارع يلي بلشت تتبلل بخفة من المطر بسكر الجاكيت على جسده من البرودة وبيلتفت بدو يطلع من بيته بوقف وبيتراجع وبوقف بالبلكونة عم يراقب الشوارع

عند سلمى
بتطلع بالشوارع وبتبلش تتبلل بالمطر وعم يقوة شوي شوي
سلمى: بتفتح درجها بابتسامة وبدها تطلع الطواقي الها ولمجد بتمسكن بايديها وبتوقف
سلمى: بتسمع صوت الرعد القوي وصوت المطر يلي بلش ينزل بغزارة وعم يطرق على الشباك بقوة بتهمس جواتها اول مطر بدونك بتهز برأسها بالنفي لا لا اكيد رح يجي هو واعدني انو يجي بكل مرة بتنزل فيها المطر من بعد غياب بتوقف على الشباك وعم تلتفت يمين وشمال لتلمح طيفه اكيد اكيد رح يجي يمكن عم ينتظرني انزل بتركد وبتفتح باب غرفتها وبتطلع من البيت بدون ماحدا ينتبهلها وبتوقف بنص الشارع وبتبلش المطر تبلل جسدها وتيابها والطواقي بايديها وعم تلتفت يمين وشمال عم تدور عليه بانتظاره يجي
عند مجد بينزل من بيته وبوقف تحت المطر وعم يتبلل بصمت بيتطلع حوليه كيف الحارة مهجورة مافيها الروح يلي كانت بحياته بغمض عيونه وبيرجع للبداية
#فلاش_باك
هي: بتضحك بخفة وانا كنت عم بنتظرك بعرفك ما بتتاخر على موعدنا كل سنة بتغمزه بخفة نازلة انتظرني وبتسكر الشباك وبتطلع
بينفتح باب بيتها وبتنزل هي ولابسة جاكيتها وعلى رأسها طاقية صوف ملونة وبأيدها طاقية تانية مطابقة تماماً من يلي على رأسها بتركد لعنده وبتوقف قباله وبتضحك وبترفع ايديها ورجليها بخفة لتوصل لطوله وبتلبسه ياها
هي:بتبتسم كرمال تدفى
هو: بيضحك شو هي شغل امك آنسة سلمى
سلمى: بتطلع فيه بطرف عينها وبتنكشه بايدها بقوة لا وحياتك هالمرة هي شغلي ومن ايدي استاذ مجد
مجد: بيبتسم اي يسلم ايديكي
سلمى: بتبتسم الله يسلمك
وببلشو يتمشو تحت المطر
مجد: بيضحك وبغنيلها بمسخرة سلمى ياسلامة رحنا وجينا بالسلامة وبيمسك طاقيتها من على رأسها وبيركد
سلمى: بتطلع فيه بنظرة غضب وبتصرخ مجددد أنا بفرجيكك وبتركد وراه وبتقوة المطر اكتر وهنن متل الاطفال عم يركدو ورا بعض
#باك
مجد: بيفتح عيونه ودموعه بتنهمر على لحيته بقهر وشوق بيهمس جواته اول مرة من سنين ما بنفذ الوعد يلي وعدتك ياه سامحيني
عند سلمى
واقفة لسا وعم ترتجف ودموعها عم ينهمرو على خدودها بقهر بتنزل على ركبها بوجع والمطر عم تتغلغل جواتها وعم تهمس جواتها رح يجي رح يجي اكيد مارح يكسر وعده الي مارح يكسره بتطلع بالطواقي يلي بايديها وبيزداد بكاها وبتشهق بقوة وبتحس بضلوعها رح تنكسر من قوة نبض قلبها ورجفتها من البرد
بتبلش تخف المطر عليها
بتطلع هناء وبتدخل على غرفة سلمى ما بتلاقيها بتبلش تدور عليها بالبيت ومابتشوفها بترن على ناهد وبتسال عليها وبتخبرها انو ماشافتها بينزلو ليدورو عليها
بيطلع خالد من بيت فاطمة وبيمشي ليرجع على بيته بوقف وقت يشوف سلمى اعدة بالأرض وبهالحالة بيركد لعندها وبينزل لمستواها
خالد: سلمى سلمى بيمسك أيدها وبيتطلع فيها
سلمى: بترفع رأسها وبتطلع فيه بعيون مغبشة من البكى والمطر هو رح يجي مو أنا بعرف
خالد: ليه اعدة هون ليه هيك حالتك سلمى قومي معي تعي
سلمى: بتوقف معه هي وروحها مطفية وعم ترتجف من البرد
خالد: بيشلح جاكيته وبحطه عليها سلمى شبك شو صار
سلمى: بتطلع بخالد وبتشهق وبينهمرو دموعها كنت مفكرته رح يجي كنت عم بستناه بس هالمرة طلع قاسي كتير
خالد: بيوجعو قلبه عليها تعي خليني دخلك على البيت ومنحكي بس تبدلي تيابك وتدفي اي يلا تعي
سلمى: مابدي شي خالد مابدي كل هالمطر يلي نزلت ما طفت النار يلي جواتي في نار جواتي شاعلة وماعم تنطفى ماعم تنطفى
خالد: بربت على كتفها اختي حاسس فيكي والله والك علي اني صلح كلشي صار بس خلينا ندخل شوفي حالتك كيف يلا سمسمة يلا
سلمى: بتهز برأسها وبتمشي معه
بيطلع ابو ملهم وأبو امجد ليدورو على سلمى بشوفوها جاية مع خالد
بيدخلو على البناية
ابو ملهم: بنتي وين كنتي شو صاير معك
سلمى: بتطلع فيه بصمت ومابترد
خالد: خليها تدخل عمي وبحكيلكن أنا لازم تبدل تيابها وتدفى كرمال ماتمرض
بتطلع هناء وبتشوفها بهالحالة
هناء: ياروحي انتي شبك شو صاير معك تعي ياروحي تعي وبتدخلها وبتدخل وراها ناهد
ابو ملهم: شو صاير ياخالد وين لقيت سلمى
خالد: ماتخافي عمي سلمى لقيتها واقعة بالأرض جنب البيت شكلها كانت عم تستمتع بالمطر كالعادة بس وقعت هي القصة بس
ابو ملهم: اكيد ياابني
خالد: اكيد ياعمي ليه بدي كذب عليك
ابو امجد: الحمدلله يلي نقضت على خير دخول اخي اتطمن عليها دخول
ابو ملهم: يلا بالاذن وشكرا الك ياابني
خالد: بيبتسم واجبي عمي ولو سلمى اختي
ابو ملهم: تسلم يارب
ابو امجد: بيمسك خالد وبيتطلع فيه مجد السبب مو هيك
خالد: بيتلبك لا عمي مجد ببيته ومااجا لهون مو شايف المطر كيف برا انا لقيتها واقعة بالأرض صدقني
ابو امجد: أن شاء الله يكون صح لان ابني ماعاد فيه خجل ونسي أهله وحارته

خالد: مابيعرف شو يرد وبيبتسم بعين الله عمي بدك شي
ابو امجد: لا سلامتك الله يحميك
خالد: تسلم بالاذن وبيمشي
بعد مرور عدت ايام
سلمى بتيأس انو مجد يرجعلها وقلبها بيحترق منه وبتتاكد انو مابده ياها من وقت ما خلف وعده وبتقوي حالها وفاطمة بتسندها لتقوم وتطلع على حياتها وبتبلش بامتحاناتها الجامعية وعم تعمل مشروعها كرمال تترفع هالفصل وشغلت حالها بالرسم والأوان والمشاريع وعم تحاول تنسى كلشي وتبدأ من جديد أما مجد
بخلص مجد امتحاناته وبجهز حاله للسفر وبخبر أهله بقراره وأهله بيرفضو بالبداية بس مع إصراره بوافقو وبنبه عليهن انو ماحدا يخبر سلمى انو بده يسافر واليوم يوم السفر 🥹💔 الساعة ٧الصبح
واقف مجد ببيته عم يضب شنتايته وجواز سفره وأمه وابوه وأخوه واقفين معه ليودعوه
بيمسك كوب سلمى وشالها وبحطهن قبل مايسكر الشنتة وبسكر الشنتاية بغصة وبيحملها وبيطلع لعند أمه وابوه
ناهد: بتكون دموعها على خدودها يعني خلص قررت
مجد: بيبتسم وبهز براسه رح اشتقلكن وبقرب منها وبضمها بقوة
ناهد: بتشهق ياروح امك انت لاتطول الغيبة علي ياروحي انت
مجد: بيبتسم وبيمسحلها دموعها مارح طول بأقرب فرصة رح ارجع صدقيني
بقرب بضم أبوه وأخوه بقوة ادعولي
ابو امجد: الله يحميك ويرزقك يارب
امجد: رح نشتقلك ياازعر
مجد: بيضحك وانا كمان
بيندق الباب بكونو ايمن وخالد
بيفتح الباب امجد وبيدخلو فورا
ايمن: لك شفت ناس ندلة بس متلك ماشفت بدك تسافر وما تودعنا وبقرب منه وبيغمره بقوة
مجد: مين خبرك انت وبضمه
ايمن: مين خبرني نسيان اني بشتغل معك يادب
مجد: بشد عليه لازم روح
ايمن: بيتطلع فيه ودمعته بعيونه على مين بدي اتغالظ هلق
مجد: بيضحك رح ارجع وعد
خالد: بقرب منه وبيضربه بايده وبيحضنه رح اشتقلك ياابو الجود
مجد: بيبتسم وبضمه لقلبه وانا والله تارك روحي هون
خالد: بدك تنزل وتحضر عرسي ها
مجد: بيبتسم اكيد ماحدا بزفك غيري
خالد: بيضحك بغصة لاتطول
مجد: بربت على كتفه اكيد بيتطلع بساعته أنا صار لازم امشي
ايمن: أنا بوصلك
مجد: مافي داعي في سيارة بعتتها الشركة رح تجي توصلني انتو نتبهو على حالك بضمهن لقلبه وبيهمسلهن امانتك سلمى إذا شفتوها خبروها اني بيوم حبيتها ومن كل قلبي
ايمن: خلص يازلمة رح تبكيني
مجد: بيبتسم وبشد عليه بما انو اجيتو بطلع ظرف من جيبته هالظرف بتوصلوه لسلمى تمام
ايمن: بيمسكه متل مابدك
مجد: بيتنهد وهلق دعولنا بيمسك الشنتاية وبينزل وبينزلو كلهن وراه وبوصلوه على السيارة وبتمشي السيارة قدامهن
بقلم#سدرة_عزالدين
بيمشو أهل مجد مع اخوه وبيرجعو على بيتهن
ايمن: بيتطلع بالظرف يلي بايده وبيتطلع بخالد
خالد: وين صافن
ايمن: بيتطلع بخالد وبيبتسم الله لا يخليني إذا بخليه يسافر لهالحمار امشي معي بسرعة
خالد: لوين شو بدك تعمل
ايمن : بيركب بسيارته قلتلك طلاع بسرعة يلا بخبرك على الطريق
بيطلع خالد بالسيارة وبيمشي ايمن بسرعة بسيارته على الحارة
بتوصل السيارة على الحارة وبتوقف عند البناية بينزل ايمن من السيارة وبيركد وعم يركد وراه خالد
بدق الباب بقوة على بيت سلمى
بتطلع هناء عم تركد بتفتح
هناء: شوفي ليه هيك عم تدق لك ابني
ايمن: خالتي وين وين سلمى
هناء: سلمى سلمى مو هون راحت على الجامعة اليوم تسليم مشروعها تبع نصف السنة ليه
ايمن: بيضرب برجله اوف على حظي بس مو مشكلة رح الحقها ايمتى طلعت
هناء: يعني مو شي عشر دقائق ليه شوفي
ايمن: مابخليها تكفي كلامها بكون راكد على السيارة ووراه خالد
بتشوفهن فاطمة عم يركدو بتركد وراهن
فاطمة: شوفي ليه عم تركدو
ايمن: طلعي بسرعة طلعي
فاطمة: لوين خالد
خالد: مابعرف حبيبتي بيضحك طلعي وبس
بتطلع معهن بالسيارة وبيمشي ايمن بسرعة على الكلية الفنون
بتوصل سيارة ايمن وبشوف سلمى عم تمشي على الكلية بأسرع وبوقف السيارة بوجها
سلمى: بتشهق برعبة وبتتجمد بمطرحها
ايمن: بينزل من السيارة وبينزلو معه وبيركدو على سلمى كلهن
ايمن: سلمى سلمى وبوقف قبالها
سلمى: برعبة ششوفي
ايمن: مجد مجد
سلمى: شبه مجد
ايمن: مجد اليوم مسافر طيارته بعد شوي سلمى
سلمى: بتطلع فيهن بصدمة شوو
فاطمة: انت شو عم تقول خالد كيف مجد مسافر
خالد:مو وقت الشرح هلق خلي ايمن يكفي كلامه
ايمن: لازم توقفيه سلمى انتي الوحيدة يلي رح توقفيه وماتخليه يسافر
سلمى: مالها مستوعبة شو عم تقول بس انا انا كيف بدي وقفه إذا عم تقول سافر بعدين هو مابدو ياني يلي بدو التاني بخبره انو مسافر ليه لاالحقه
ايمن: بعض على لسانه بعصبية لك يستر تيتة على البكسليتة مو وقت عنادك هلق لازم تروحي ترجعيه ورح تتصالحو هي الفرصة الوحيدة يلي باقية ياسلمى

سلمى: بتطلع فيهن بعيون محتارة بس انا انا اليوم امتحاني لازم ادخل سلم مشروعي كرمال انجح
ايمن: بيتطلع فيها سلمى هي فرصتك الأخيرة بدك تختاري يا بتدخلي هلق على الكلية وبتكفي حلمك لا بتمشي معي هلق وبترجعي حبيبك
سلمى: بتطلع فيه بس
عند مجد بكون بالسيارة ساند رأسه على الشباك وبايده ماسك السنسال والخاتم
ايمن: اختاري سلمى لا احلامك لامجد
سلمى: بتطلع فيه بحيرة
الآن يكلفني الأمر إجابة واحدة قد تغير مسار حياتي للأبد
#يتبع
#نبض_القصص
#شو_بيشبهك_تشرين
#كاتبة_بانامل_صغيرة

#الجزء_١٧
بقلم#سدرة_عزالدين
ايمن: بيتطلع فيها لك مو وقت تسكتي قوليلي بسرعة قرارك الوقت عم يمر ومجد حيروح سلمى رديي
سلمى: بتتجمد الدمعة بعيونها وعم تفكر ومشتتة وعقلها وقلبها بهالثانية كلو عم يحكي شي عم تسمع أصوات جواتها قلبها عم يقلها امشي ورجعي حبيبك وعقلها عم يقلها دخلي وكفي حلمك
فاطمة: بتمسكها من كتفها ردي سلمى يلا احكي شي
خالد: ياسلمى يلا احكي شي رديي مجد رح يروحح
سلمى: بتغمض عيونها بقوة وجسدها عم يرجف بتصرخ عليهن بسس بسس حاجة تحكو وتقولو مجد
فاطمة: بتطلع فيهن اهدو شباب تركوها تفكر يلا حبيبتي فكري منيح يلا ياروحي
سلمى: عم تتنفس بصعوبة بتفتح عيونها وبتحط أيدها على قلبها أنا أنا مارح روح معكن
بيتطلعو فيها بصدمة كلهن
ايمن: شو شو هالحكي هاد سلمى مجد حيروح بس
سلمى: بتطلع فيه بعصبية يروح يروح اله سنة تاركني ويلي بيقدر يبعد يوم بيقدر يبعد كل يوم هو لو لسا بقلبه حب الي ماكان راح بينزلو دموعها ولا فكر حتى يخبرني أو يودعني بكلمة وحدة
ايمن: بس هالشي مالازم يصير مجد بحبك وماتخلى عن حبك ابدا انتي كنتي السبب بكلشي صار سلمى ومع هيك ما حاولتي تصلحي شي لمرة وحدة لمرة وحدة بس كوني قوية وصلحي يلي خربتيه استغلي الفرصة ولا تكوني أنانيةة
سلمى: بتطلع فيه متل ماهو رمى كلشي وراه ومشي وانا هيك رح اعمل
ايمن: بيضرب رجله بالأرض اوف منك اوف روحي سلمى روحي وتأكدي انك مو بس خسرتي مجد قبل سنة انتي خسرتيه للابد بمدلها الظرف وهي آخر شي بقيلك منه خديه بركي بالايام بتحسي شو خسرتي
سلمى: بتطلع بالظرف وبتمسكه هي وعم ترتجف وبتتركهن وبتمشي
ايمن: بيتنهد وبيتطلع فيها بفقدان أمل وبيسند ضهره على السيارة
سلمى: بتطلع بالظرف وبتفتحه هي وماشية بتشوف فيه خاتم رجالي وورقة بقلبه بتوقف ودموعها عم تنهمر على خدودها بتمسك دفترها وشنتايتها تحت أيدها و بتفتح الورقة بايدها التانية وبتبدأ بقرأتها
محتوى الرسالة
(سلمى يا سلامة رحنا وجينا بالسلامة هالغنية شو بتذكرني فيكي يا تشريني اي اي لاتسغربي سميتك تشرين مرة حكيتلك انك بتشبهي تشرين ورديتي علي يعني أنا غدارة بس يومها ضحكت وقلتلك لا بتشبهيه بصوتك بس طلعتي بتشبهيه بكلشي على قد ماهو مو مفهوم وفيه الغاز وغدار بس مجبورة تحبيه بكل تقلباته وحتى بغدره وانا هيك ياسلمى مجبور اني ضل حبك لآخر عمري انتي يلي ماقدرت اطلع منها أو طلعها مني انا بحبك وحضل لآخر عمري بحبك ياتشرينية القلب ) بتوقف عن القراءة وبتنزل الرسالة من أيدها وبتطلع على الجامعة ودموعها على خدودها ماعم توقف
سلمى: بتهمس جواتها اخترت احلامي مرة وخسرتك سنة كاملة هالمرة مارح اقدر اخسرك مرة تانية ولاحتى للحظات
بيطلع حارس الكلية
الحارس: يابنتي مابدك تدخلي حتتسكر البوابة يلا الامتحانات حتبدأ
سلمى: بتطلع فيه وبتزت من أيدها دفترها وبتمسح دموعها بايديها مارح اخسرك مرة تانية مارح اخسرك بتمسك الرسالة بقوة والظرف وبتلتفت على ايمن والبقية
الحارس: يابنتي ردي بدك تدخلي
سلمى: بتضحك وبتصرخ لا لا مارح ادخل بدي الحق حبيبي وبتركد لعند ايمن ايمننن بسرعةة خلينا نلحقه
ايمن: بيرفع رأسه وبيتطلع فيها وبيضحك لك يسعد الله هي سلمى يلي منعرفها يلا بسرعة طلعو
خالد بيتطلع بفاطمة وبيضحكو
فاطمة: يلا بسرعة امشي وبيركدو وبيفتحو السيارة وبيطلعو
بتوصل سلمى لعندهن وفورا بتطلع بالسيارة وبتسكر الباب
بشغل السيارة ايمن وبدور فيها بسرعة وبشفط وفورا بيمشي على الطريق
سلمى: بتضحك وعم تمسح دموعها بكفوفها وعم ترتجف رح نلحقه رح نقدر مو
ايمن: يا عنيدة لو فورا طلعتي ماكنا تأخرنا بس أن شاء الله رح نلحقه رح امشي بأقصى سرعتي وبشد بالسيارة وبيدعس بانزين على الاخر
خالد: لك اوعك نعمل شي حادث بعيد من هون هدي شوي
ايمن: لك اذا ما منوصل بالوقت المناسب لاقتل حالي واقتل سلمى معي
سلمى: بتطلع فيه بس تخوفني رح نوصل اكيد يلا اسرع انت ولا تحكي
ايمن: اخخ منكن اخخ قاضي لولاد شنق حاله بس
فاطمة: بتطلع بسلمى شو يلي غير عقلك
سلمى: اخترت احلامي مرة وخسرته سنة مابدي اخسره أنا بحبه لمجد ومابقدر اتخيل حياتي بدونه ابدا
خالد: هالله هالله على الحب لك نكدتو عيشتنا انتي وياه انطقي هالجوهرة اله وخلصينا
سلمى: بتضحك بخفة يارب نلحق يارب
ايمن: بيتطلع بالساعة وبالطريق هيك مابيمشي الحال مارح نلحق نوصل
سلمى: بتتوتر أمانة لاتقولها عميل شي ايمن بترجاك
ايمن: انننن بقلد صوتها بمسخرة هلق عميل شي ايمن ومن شوي رح بوس ايدك لتمشي تيستي
خالد: بيضربه على كتفه خراس هلق وعميل شي وقف سيارته اي شي
ايمن: من وين بدي جيب رقم الشوفير يافالح اه سارة لك سارة اي اي مسيك الموبايل ورن لسارة بسرعة