سلمى: اي شو رايحين حرب شبك
مجد: شو بدي قلك يعني وبيضحك
بتوقف سيارة ايمن جنبهن وبكون خالد معه بيفتح الشباك مراحب
سلمى: يافتاح ياعليم يارزاق ياكريم شو شايفينا بالمنام انتو
ايمن: لا والله جايين ناخد مجد بدنا نروح مشوار لأن نحن شاطرين وخلصنا امتحانات مو متلكن وبيضحك
سلمى: انننن الهضامة عالية عندك
خالد: بيبتسم الله يوفقكن يارب كيف العزم
فاطمة: بترد عليه بابتسامة تمام من الناجحين أن شاء الله
خالد: بيبتسم أن شاء الله
سلمى: بتطلع فيهن وبتزفر بضيق تعي ندخل يلا باي
مجد: موفقين
سلمى: ميرسي يلا تشاو وبيركدو لجوا
مجد: شو هالكرم من الصبح بدكن نروح مشوار
ايمن: بيضحك الله وكيلك كنت نايم بلاقيه فوق راسي عم يصحيني كرمال يجيبني ويجي بحجة انو لنطلع مشوار
مجد: بيضحك خالد هيك افكار بتطلع منك ما توقعت
خالد: بيبتسم بخفة قلت إذا بجي لحالي رح يبين انو مقصودة مو
مجد: بيضحك يعني هيك ما بينت انو جاية خص نص كرمال الأميرة اكيد مو محبة باخوك يعني
خالد: بيضحك طلاع طلاع معزومين ببيت ايمن على فطور اكابرلي
ايمن: بيضحك وعازم حاله كمان أنا شو شغال معكن شوفير وطباخ وملقى للعشاق لك اخخ الله باليني برفيقين جدبان عم يركدو ورا السراب
مجد: بيفتح باب السيارة من جنب خالد يلا ياروميو زمانك طلاع ورا مابعرف اطلع الا قدام
خالد: بينزل اي بتمون وبيضحك وبيطلع ورا وبيطلع مجد قدام وبيمشي ايمن بالسيارة
بمر ايام الامتحانات وبكون باقي اخر امتحان والمادة يلي بتكرها سلمى التاريخ وبتكون مرضانة وعم تسعل واعدة جنب الصوبيا وحاطة حرام عليها وطاقية ومو طايقة حالها
بيندق الباب وبيدخل مجد لعندهن
مجد: مسا الخير
هناء: اهلين ابني مسا النور اعود تفضل
ابو ملهم: اهلين ابني مجد كيفك
مجد: الحمدلله بالف خير داعي بسلامتك شو سلمى رنت علي خالتي هناء قال اجي اللحقك شوفي
ابو ملهم : استلم ابني استلم رايح اطلع لعند ابوك على القهوة نلعب دق طاولة لبين ما تخلصو مو ناقصني وجع راس وبيمشي
مجد: بيضحك وبيعد بالأرض شوفي
سلمى: بتسعل لك مابحب التاريخ وهي آخر مادة ومرضانة ومو طايقة حالي
مجد: بيعد وبيمسك لكتاب اي سهلة التاريخ شو باقيلك منه
سلمى: نص لكتاب
مجد: بيتطلع فيها ايوا نص لكتاب سهلة سهلة أن شاء الله
هناء: بتطلع وماسكة بايدها صحن فواكي خدو ابني قشرو وكلو وانتي كلي كرمانتينا بتتحسني من الرشح
سلمى: مابحب ريحتها بتعلق بايدي قشريلي ياها
هناء: مارح اقدر بايدي شغل العالم بعدين بيطلع ريحته
مجد: بيضحك هاتي هاتي أنا بقشرها بقشرلها ياها وبيعطيها خدي كليها
سلمى: بس انت مابتحب الكرمنتينا كيف قشرتها
مجد: بيبتسم ماعليكي مني كليها انتي بالعافية أن شاء الله
سلمى: الله يعافيك يلا خود شرحلي وانا باكل
مجد: بيضحك ماشي هاتي لشوف
بيمضي اليوم على خير وبتروح سلمى على امتحانها وبتقدم منيح وبتطلع هي وفاطمة بكون واقف مجد وخالد برا المدرسة عم يستنو
بتركد سلمى فرحانة وعم تصرخ
سلمى: خلصتتتت وخلصناااا هو هو وخلصناااا
فاطمة: عن تضحك عليها وماشية وراها لتلحقها
مجد: بيلتفت وقت يسمع صوتها وبيضحك
سلمى: مجدد خلصت خلصت وبتركد لعنده وهي وعم تركد بتفكش رجلها وبتوقع على ايديها وبتصرخ اخخخ
مجد: سلمى وبيركد لعندها باللهفة شبك شو صار وبينزل لعندها وبقومها وبيلتمو البنات من صرخة سلمى ليشوفو
سلمى: بينزلو دموعها من وجعها رجلي رجلي نكسررتت
مجد: لا ماتخافي يمكن نفكشت شوي بيمسك رجلها وبحركها بخفة مافيها شي بس رضة قوية ايديكي فيهن شي نجرحو
خالد: بكون كاتم ضحكته الله يحميكي ياسلمى من الفرحة وقعتي متل الممسحة وبيضحك
فاطمة: بتطلع في وبتزوره ليوقف ضحك سلامتك ياروحي قومي تعي هاتي ايدك وكاتمة ضحكتها على شكل سلمى
سلمى: عم تمسح دموعها مالي قدرانة امشي جسمي تكسر اخخ وأيدي وركبي عم ينزلو دم عم تضحك انت تضحك بلا سنان
مجد: استندي علي تعي بيمسك ايدها قدرانة تمشي
سلمى: مالي قدرانة كتير موجوعة
مجد: معناها مافي حل بنزل ايديها لعند رجليها وبيحملها هوباا
سلمى: يي مجد شو عم تعمل نزلني
ببلشو البنات يزقفو لمجد ويصفرو
مجد: بيتطلع فيهن وبيبتسم شكرا للجماهير يلا امشو تفضلو وبيمشي هو وحاملها والكل عيونهن عليهن وكل بنت تمنت تكون مكان سلمى😂
سلمى: لك نفضحنا نزلني
مجد: نشهرنا قصدك وبيضحك
خالد: والله البنات متمنين يكونو مطرحك ياسلمى
سلمى: اننن على شو بالله
فاطمة: بتطلع فيهن على مجد والله
خالد: هووو حبيتك احلى شريك هاتي كفك
فاطمة: بتطلع فيه وبتبتسم
مجد: بيتطلع بخالد
خالد: بادرك شو حكى وبيخرس
سلمى: بتكون ماسكة برقبة مجد وجواتها فرحانة انو ماعم تمشي وانو الكل غار منها

بوصلو على الحارة
خالد: فرجينا مين بيسبق وبيضحك وبيركد هو وفاطمة
مجد: بيضحك الله لايوفقكن وبيركد هو وحامل سلمى
سلمى: عم تضحك ركود بسرعة بسرعة
بوصلو على البناية وبتستقبلهن ناهد وهناء
ناهد: شو هالشوفة يلي شايفتها عيوني
هناء: كانو مجد حامل سلمى!
بوصلو لعندهن
مجد: مراحب بعدو فتحو الباب معنا مصابة
هناء: بتطلع على رجلين سلمى كيف مشقوق البنطلون وعم ينزل منهن دم وايديها مجروحة شو صاير معكن تعو دخلو دخلو
بيدخلو على البيت وبنزل مجد سلمى على الكنباية
مجد: بيرفع ضهره اخخ نشليت
سلمى: بتضربه على رجله غليظ مالي سمينة لتنشل
مجد: بيضحك وبيعد على الكنباية بتعب جيبولي كاسة مي نشف قلبي
هناء: بتركد بتجيب مي لمجد وبتعطيه ويعلي ياابني راح صوتك من شيلة هالدبة
سلمى: عفكرة أنا يلي واقعة مو هو شوفيلي رجلي كلهن دم وموجوعة
ناهد: ويعلي ياسلمى كيف وقعتي
خالد: بيعد استنو احكيلكن أنا كانت الأميرة سلمى عم تركد ومبسوطةةة وعم تنده باعلى صوتها خلصتتتت وإذ بتتفشكل وبتوقع متل الممسحة بالأرض وماضل حدا واقف ماضحك عليها ومنهن أنا وبيضحك
فاطمة: ماعاد تقدر تمسك ضحكتها وبتفرط ضحك
والكل بيضحكو معهن
سلمى: لك يا ناس يا مذوقين حدا يجبلي شي كريم ادهنه
هناء: يلا يلا حجيب
مجد: نحن خلينا نطلع بالاذن امشي خالد يلا تعال
خالد: أنا اليوم عازم حالي لعند خالتي ام امجد على الغدا
ناهد: اي مو تكرم عيونك مية اهلا وسهلا وانتي طمطم خليكي تغدي عنا
فاطمة: ياريت والله بس مابقدر بدي ارجع على البيت طمن امي وارتاح من الامتحانات
مجد: معناها تعالي المسا انتي وامك منلتم ومنحتفل بانتهاء الامتحانات
سلمى: اي اي وعملولي اكلات بس تبولة بدي
مجد: روح قلبك كرشك انتي
فاطمة: تمام معناها بشوفكن المسا وبتمشي
هناء: معناها رح اعمل الاكلات ونحتفل هون
ناهد: لا اختي الاحتفال علي هلق بطلع بجهز أنا وهي الشباب بساعدوني
خالد: ياحبيبي أجيت لااعزم حالي لقيت الشغل منتظرني
مجد: بيضحك نحن ما منوفر حدا يلا تفضل على العزيمة ورح رن للتالت يجي كرمال تكمل مع امي
ناهد: الله يحمل معي معناها وبتضحك وبيطلعو كلهن لفوق
بالمطبخ عند ناهد مجتمعين ايمن وخالد ومجد وملبستهن كياس على رأسهن وكفوف بايديهن
ناهد: رح وزع عليكن المهام قدامكن في بندورة وخس وبصل اختارو بين بعضكن وافرموهن
مجد: بيركد وبيمسك الخس وخالد بيمسك البندورة
وأيمن: بوقف مافي غير البصل لك تضربو عطوني أنا شي منكن وخدو البصل
مجد: اسفين والله يلي بيسبق بياكل فستق
خالد: قال يلي سبق شم الحبق تعيش وتاكل غيرها وبيضحكو وبيعدو وببلشو يشتغلو
ايمن: عم يفرم ويشرو دموعه لك نعميتت
ناهد: بتكون اعدة وعم تضحك عليهن
خالد: نعميتي اختي قومي غسلي وبيضحك عليه وببلشو يحرقون عيونه هو كمان اخخ عيوني وانا ماعاد شفتت
مجد: بيضحك قومو غسلو انتو لتنين قومو
بخلصو التبولة بطلوع الروح وبيعملو كيك وبحطو تسالي واكلات خفيفة وبزبطو الاعدة
بيلتمو كلهن عند ناهد واعدين كلهن بالأرض حولين بعض والصوبيا شغالة وحاطين عليها ابريق الشاي وجواتها كستنة عم يشوها ومجد ماسك العود وعم يدندن بصوته وكلهن عم ردو وراه
مجد: على بابي واقف قمرين واحد بالسما والتاني اغلى من العين بيفهم بالوما ياقمرنا بالليالي نحن العاشقين طالع بالعالالي خلينا سهرانين
خالد: الله عليككك
ايمن: بكون اعدين وحاطط أيده على كتف خالد وعم يتمايلو على الصوت
خالد وأيمن بقولو بصوت واحد مع مجد
مجد: وانا نجمة بين قمرين وانا بسمة بين هلالين بيضحك وباشر على هناء وناهد والناس عندها قمر وانا عندي قمريين يلااا
ناهد: بتبتسم وبتبوس ابنها
خالد: بعدولي تحمست بوقف بالنص وببلش يتمايل بايديه
فاطمة: بتطلع فيه وبتبتسم
سلمى: بتنكشها وبتهمسلها لا تنبرعي مبين عليكي
فاطمة: بتطلع فيه وضريب اي
سلمى: بتضحك عطيها ابو الجوود
مجد: بيضحك كفو انتو تحمست مع خالد وبوقف معه وببلش يهز معه
سلمى: أنا بغنيلكن
هناء: انتي لاتغني خلي فاطمة تغني غني طمطم صوتك حلو يلا
فاطمة: بتبتسم يلا منغني سوا وبتبلش تغني واه ياحلو يامسليني يلي بنار الهجر كويني املا المدام ياجميل وسقيني ياعيني من كتر شوقي عليك مابنام
خالد: بينصدم من جمال صوتها وبيتحمس وببلش يتمايل بزيادة
سلمى: بتبوسها يقبرني هالصوت
فاطمة: بتضحك وبتطلع بخالد وبتبتسم حبيت جميل ياريتني ظله ياعيني حازل جمال والحسن دا كله اه ياحلو يامسليني
ايمن: بوقف وببلش يرقص معهن شو انا ناقص وبيضحكو كلهن
جمعتهم بسيطة بس مليانة تفاصيل ودفى
بينتهي يومهن على ضحكة وفرحة ولمة حلوة
وبيمرقو الايام وبكون موعد نتيجة سلمى وهي ومجد وفاطمة وكالعادة خالد فردة الخف معهن ليساند رفيقه واقفين بالمدرسة

سلمى: مجد انت شفلي مارح شوف أنا ركبي عم تقصف
فاطمة: وانا كمان شفلي امانة
مجد: خليكن لشوف بيمشي وبوقف ليشوف النتيجة بدور على اسمائهن وبشوف نتيجتهن وبيلتفت لعند سلمى
سلمى: بتطلع فيه بتوتر وعم ترجف كلها
مجد: بيبتسم وبيركد لعندها بفرحة لك نجحتيي سمسمةةة وبيحملها بفرحة وبيغمرها بقوة وبدور فيها
سلمى: بتضحك بقوة ومالها مصدقة وبتتمسك فيه مجدد نزلنيي
مجد: بكون عم يضحك وفرحان لنجاحها بنزلها وبيمسك وجها بحب نجحتي ياروحي نجحتي
سلمى: بتمسح دموعها وبترجع بتغمره بقوة الحمدلله
مجد: بيبتسم وبشد على غمرتها وبيتنهد براحة
شوارعنا مليانة مطر ، وحضنك والعطر 🫀🫂
#يتبع
#نبض_القصص
#شو_بيشبهك_تشرين
#كاتبة_بانامل_صغيرة
رايكن لهون ياعسولات 🫂🖤

#الجزء_٦
بقلم#سدرة_عزالدين
فاطمة: بتكون عم ترجف وتبكي وانا وانا شو وبتركد بتشوف نتيجتها وبيركد وراها خالد
خالد: شو نجحتي
فاطمة: بتلتفت عليه وهي عم تضحك لك نجحت نجحت
خالد: بيضحك بفرحة وبقرب بدو يحضنها من فرحته وبيرفع ايديه وبوقف وبنفس الوقت فاطمة بتكون بدها تحضنه وبتوقف وبتطلع فيه بأبتسامة
خالد: بيتراجع بخطوة وبنزل أيده على كتفها بخفة الف مبروك يافلة بيهمس جواته قلبي
فاطمة: بتبتسم وبتمسح دموعها الله يبارك فيك يارب
مجد: بيبعد عن سلمى يلي بحضنه وبيتطلع عليهن لك نجحتي طمطم
فاطمة: بتضحك اي اي وبتركد على سلمى وبتحضنها بقوة لك نجحنا نجحنا وبتنط هي وياها بقوة
سلمى: لك اي اي حاسة حالي رح طير من فرحتي وبتضحك
فاطمة: بتبتسم وبتوقف هي وسلمى امشي نخبرهن امشي وبيركدو لبرا
مجد: بيضحك لك ركود وراهن
خالد: امشي امشي طار مخهن مع النجاح وبيركدو لبرا كلهن
بكون ايمن بالسيارة عم ينتظرهن بتعرفو الشوفير 😂
ايمن: بطلع رأسه من الشباك شو طمنوني زغرط ولا دائماً دموع
سلمى: بتضحك لك طرقها للزغروطةةة
ايمن: بيضحك وبزغرط وللللليششششش وببلش يزمر بالسيارة
خالد: بيضحك عليه فضحنا والله طلعو يلا خلونا نروح نطمن امهاتكن
سلمى: يلا يلا بتركد وبتركب بالسيارة وبيطلعو كلهن وبيمشي ايمن بالسيارة وبوصلو على الحارة ومشغل غنية النجاح ومعليها على الاخير وعم يزمر بالسيارة
بتطلع هناء وناهد وابهاتهن على الأصوات
سلمى: بتكون طالعة من فتحة السقف وعم ترقص بفرحة وخالد ومجد من الشبابيك وعم يصفرو تقولو راجعين من الحج 😂 ومافي حدا نجح متلهن ومبلشين هز وتصفير وأيمن حاطط أيده على الزمور ومبلش ويزغرط
ناهد: بتطلع فيهن وبتضحك من الفرحة واضح شو النتيجة بتبلش تزغرطلهن وللللليششششش
هناء: بتطلع ببنتها بفرحة وبتضحك
سلمى: زغرطي ياأم ملهم بنتك نجحتت واخيراا
هناء: ولللللللييييييشششش
بوقفو السيارة وبينزلو
سلمى: بتنزل من السيارة وبتركد على امها وبتحضنها بقوة
هناء: الف مبروك ياعيوني الف مبروك يلي الله ما ضيعلك تعب
بيجو أهل فاطمة على صوت الزمامير والاغاني
فاطمة: بتركد على امها وبتحضنها بقوة
مجد: بكون عم يراقب سلمى كيف مبسوطة وعم تضحك بفرحة وحاسس عم يشوف بنته قدامه بفرحتها وضحكتها حاسس بالمسؤولية تجاه حبه الها وكانو أنجز بنجاحها عيونه بتدمع من فرحته فيها وبيمسحهن فورا
خالد: بيبتسم وبيتطلع بمجد وبحط أيده على كتفه دخيل الحنون
مجد: بيبتسم وبضمه بخفة

بيدخلو كلهن على بيت هناء وبيجتمعو بفرحة وكلهن فرحانين لفاطمة وسلمى
سلمى: حاسة اني لازم حقق كلشي كان ناقصني بعد هالنجاح يعني وقت خلصت امتحانات ماحسيت اني مبسوطة لان كان في النتيجة منغصة علي بس هلق بدي أركد ونط وطير وارقص وبتضحك بدي اعمل كتير شغلات
ايمن: بيضحك عليها متل شو سمسمة
سلمى: مابعرف بتصدق نسيت احلامي وخططي بهاللحظة
ابو ملهم: بابا هلق فكري بالجامعة وشو حابة تدخلي أو شو رح يطلعلك بالأحرى
سلمى: بدي ادخل فنون جميلة وبتبتسم
ابو ملهم: فنون جميلة! وبيطلعلك
سلمى: هلق مجموعي بجيبها يمكن ويمكن لازم ادفع مصاري لااقدر ادخل كمان
ابو ملهم: بيتطلع ببنته وبيبتسم بخفة أن شاء الله بابا ومابحب يحرجها قدامهن ويكسرلها أحلامها لان هو مو قدرته يلي عم تفكر فيه سلمى
خالد: وانتي فاطمة شو حابة تسجلي !
فاطمة: أنا بتبتسم حابة سجل محامة
خالد: بيبتسم اوف محامية المستقبل يعني
فاطمة: كرمال ناضل مع المرأة ووقف ضد الرجال
خالد: بيضحك وبيمسح على دقنه بخفة كل هالقد بتكرهينا آنسة فاطمة
فاطمة: ما بكرهكن أنا بس بكره يلي بيظلم وبتطلع بطرف عينها على ابوها وبتكفي حديثها وبكون مفكر حاله رب العالمين عطاه حقوق اكتر مننا أو هو لانه رجال بيقدر يعمل شي تحت مسمى أنا ذكر وبحقلي أما الأنثى لا قال في كتير ذكور بس الرجال قليلُ
خالد: بيتطلع فيها وبيبتسم بأعجاب بقلبه( مو من عبث عم يكبر اعجابي فيكي يوم بعد يوم) كلامك صحيح الانثى والرجل نفس بعض يلي بيفرق انو رب العالمين كرمكن ورسول الله صلى الله عليه وسلم وصى فيكن استوصوا بالنساء خيرا ورفقاً بالقوارير ونحن علينا وعلى كل رجل هو قد كلمة رجل انو يصونكن ويحبكن ويحميكن من رمشة العين
فاطمة: بتطلع فيه وبتبتسم وعيونها بتبرق من جمال كلامه يلي دخل لعقلها بخفة وسرى جوا قلبها وترك بصمته الخاصة
ايمن: بيتطلع بخالد وبيهمسله اي ماعرفتك علي الحلال شعر راسي وقف من الاشعار يلي حكيتهن درر درر
خالد: بينكشه خراس وبيبتسم
بيمشو أهل فاطمة و ايمن برنوله أهله بطلع وبيمشي ومجد وخالد وبيطلعو على بيت مجد واعدين بكونو بغرفته
بكون متسطح خالد على تخت مجد ومجد اعد على كرسي المكتب وعم يتامل بموبايله صورته هو وسلمى

خالد: بكون شارد وعم ينده لمجد مجد
مجد: شو
خالد: يامجد
مجد: لك اي شو احكي
خالد: يامجد
مجد: بصرخ عليه بعصبية وضريب شبك
خالد: بيصحى على حاله اي اي بدي اسالك
مجد: تفضل
خالد: بيتجلس لاحظت على فاطمة أنها وقت حكت على لرجال يلي بيظلمو تطلعت على ابوها ابوها منيح كيف بعاملها يعني
مجد: هو منيح ومو منيح اوقات كان من زمان يضرب امها على أسباب تافهة يعني بالمختصر بيجي دق حيونة وبيرفع أيده فورا من عصبيته وفاطمة كمان كانت مرات تاكل مع امها القتلة فاطمة البنت لكبيرة من إخواتها وعندها اخين صغار وابوهن يعني شخصيته مركبة بيشتغل وما بيتشغل حظه قليل وبس الله يرزقه مابقصر بس لما يعصب أيده والضرب ماعنده لغة الحوار هي بنوب أنا ما زيادة بتعاطى معه بس فاطمة بتعز علي متل اختي يعني وبنت واعية واوعى من عمرها اوقات بتشتغل مع امي وبتساعدها بالصيف كانت وعم تصمد كانت كرمال جامعتها لان ابوها حكالها ياها من البداية بدك تكملي دراسة بدك تشتغلي وتصرفي على دروسك وهي من الشاطرين كتير بس حظ الدنيا جاية عليها
خالد: بكون عم يسمع كلام مجد وقلبه بيوجعه عليها بس ابوها ما مبين عليه هيك شي بعدين هي ماكنت شوفها عندكن أنا أو مع سلمى
مجد: فاطمة ماكانت تطلع من بيتهن اصلا من وقت ماصارت بكلوريا وابوها رفع أيده عن مصروف دراستها وهي بتشتغل وبتدرس وصارت تطلع وتفوت وأبوها ماعاد اله كلمة عليها زيادة لان هي شرطت عليه انو ماعاد يتحكم فيها طول ماهي يلي عم تصرف على حالها وأبوها قلتلك شخصية مركبة بس لما يجيه العرق الحيوان بصير الإنسان يلي بده قتل بس انت ليه كل هالاسئلة بيبتسم عم تستفسر عن شريكة الحياة
خالد: بيضحك والله شو الحب حلال لناس وناس اخي ولا انت مسموح
مجد: لا حبيبي مسموح الله يهنيك
خالد: لك مجد انت شو ناطر
مجد: شو شو ناطر
خالد: لك ياابني رح تختير ولسا مخبي حبك بقلبك ليه
مجد: بيبتسم كنت ناطر بالبداية لتكبر سلمى شوي وبعدين اجت البكالوريا قلت لتخلص سلمى كرمال ما تلتهى وبعدين اجت قصة هالشب يلي طلعتلي واعجاب سلمى فيه كسر جواتي اول خطوة وهلق مابعرف
خالد: مجد اصحى حبيبي انت هي كلها حجج عم تخترعها لنفسك اعترف انت واحد جبان
مجد: بلا كلام الدج هلق بقلعك
خالد: لك ودخيلك قلعني تقول رح رد عليك هي الحقيقة مجد انت عم تهرب من الاعتراف ومأمن انو سلمى قدامك ياحبيبي البنت كبرت وبكرا الف واحد بتلاقيه عليها وساعتها خليك مستني الخطوات لتجي وتعترف
مجد: انا خايف تكون سلمى بتشوفني اخ الها لان مستحيل ما تكون حاسة اني بحبها مو معقول
خالد: وانت ليه خايف احكيلها وبعدين اذا طلع هالحكي مزبوط بتشغل مخك وبتأثبتلها انك مو اخوها

مجد: بيتنهد لك اذا بدي احكي ياخالد مابدو يكون معي لحتى اقدر حققلها أحلامها لك سلمى بنت عندها احلام كتيرة وبتحلم بيلي معه مصاري ويعيشها احسن من العيشة يلي عايشتها مو بمجد يلي مامعه شي
خالد: مع احترامي لااحلامها بس هاد كله حكي فاضي مجد واسمه علاك يلي شو بدها سلمى اكتر من واحد بموت على الأرض يلي بتمشي عليها انت مجنون بحبك فيها لك حنون عليها اكتر من أهلها يازلمة لكن في إنسان بحب التاني بيقطع المصروف عن حاله وبيشتغل وبيتعب وبصمد مصروف جامعتها بدل ما كان يدخل هندسة يلي هي حلم حياته اه مجد انت حبك الها مو طبيعي ورح يجي يوم وتتعب صدقني قوي قلبك شوي وقسيه مو لهالدرجة يازلمة
مجد: خالد خلص خلص لاتحكي شي انا هيك مرتاح تركني شو بدك فيني
خالد: بس هاد غلط لو هي عم تبادرك نفس والاهتمام وبتعرف فيه صدقني ماكنت زعلت بس انا شايفك انت عم تدوب وتتعذب وهي ولاعلى بالها سلمى أنانية يامجد
مجد: صدقني أنت غلطان سلمى مو هيك بالعكس بس تعرف اني بحبها رح تشوف اهتمامها فيني لك ماشفتها وقت ضربتني السيارة شو صار فيها كانت عم ترجف من خوفها علي ومابتشوفها عطول معي وبتخاف على زعلي بعدين انا حاسس بهالفترة أنها بلشت تحبني نظراتها كلماتها كلشي تغير
خالد: وانت بتشوف هاد حب أنا عم شوفه أنانية سلمى أنانية بكلشي بتملكه ماعم شوف لمعة بعيونها متل ماعم شوف بعيونك تجاها هاد وهم مجد وعم تعيش فيه انت لاتصدق بعمرك بنت ما بتحس باهتمام هالشب فيها بالعكس البنات اذكياء ومالي مصدق انو سلمى ما بتعرف بحبك الها الكل شايف الحب كيف عم يقطر من عيونك تجاها
مجد: بيتشوش عقله من كلام خالد خلص خالد بس لاتكمل
خالد: بوقف مارح كفي بس حبيت وعيك على يلي عم شوفه ووقت تحتاجني أنا موجود وهلق أنا رايح بدك شي
مجد: لا سلامتك
خالد: بيطلع وبيترك مجد بأفكاره
مجد: بيتنهد وبيصفن بكلام خالد وبقوم وبيرمي حاله على التخت بتعب وبغمض عيونه
بعد مرور أيام
بتكون سلمى اعدة مع امها وعم تقنعها لتسجل بالجامعة

هناء: يابنتي من وين بدنا نجيب مصاريف الفنون الجميلة نحن بدها مصاري ودفع كتير غير الادوات يلي رح تنطلب منك وغير كتير شغلات ما منعرف شو بصير بعدين
سلمى: لك ياامي هي حلمي ابسط شي ماعم اقدر حققه شو بدي ادخل إذا مادخلت فنون جميلة اه
هناء: اي شي او لا تدخلي شي
سلمى: كيف ماادخل ماحدا احسن مني ليدخلو وانا لا
هناء: كنتي اشتغلي متل فاطمة وجمعي مصروفك مو بس تجي وتتكبري على كلشي بعملك ياه ست سلمى
سلمى: يالله يالله ياامي والحل هلق
هناء: مافي حل
سلمى: بتتجمع دموعها بعيونها ورح تموت من خنقتها
بيندق الباب
وبيركد ملهم بيفتح الباب وبصرخ ماما اجت خالتي ناهد ومجدد
هناء: خليهن يتفضلو
بيدخلو مجد وهناء وبكون مجد حامل بايده صندوق كبير وبقلبه دفاتر رسم كبيرة والوان من كل الانواع وريش وكل المستلزمات الخاصة بالفنون
سلمى: بتوقف بصدمة وبتطلع بمجد
مجد: اجينا نبارك لاحلى طالبة جامعية فيكي يا دنيا
سلمى: بينزلو دموعها ياااي مجد شو كل هاد
مجد: بيبتسم وبنزل الصندوق وبحطه على الطاولة هي شي بسيط لنجاحك
سلمى: بتبتسم بجننو كتير حلوين
مجد: هلق ليه عم تبكي
سلمى: ولاشي بس تأثرت وبتضحك
هناء: ليه معذب حالك ابني هالغراض غالية كتير
مجد: مافي شي بيغلى على سمسمة
سلمى: بتضحك يخليلي ياكن يارب بس شو الفائدة إذا مارح سجل بالجامعة
ناهد: ومين قال هالحكي
هناء: أنا ولك يااختي حالتنا وبتعرفيها من وين بدي جيب تكاليف الجامعة أنا
مجد: بيبتسم بس التكاليف مأمنة
هناء: بتطلع فيه كيف مأمنة
مجد: سلمى فتحي الظرف يلي بقلب الصندوق
سلمى: بتركد وبتمسك الظرف يلي بالصندوق وبتفتح بكون فيه مصاري بتطلع بمجد شو هاد مجد
مجد: بيبتسم هي هدية رفيق دربك يلي مشي معك مشوارك بالدراسة ووصلك للنجاح هي هديتي الك لتقدري تحققي يلي ماقدرت حققه تدخلي جامعتك وحلمك كرمال شوف نجاحي فيكي وافرح لفرحتك
سلمى: بيزدادو دموعها بس هيك كتير كتير
مجد: بيبتسم مافي شي بيغلى عليكي
هناء: بس مارح نقدر نقبلهن يامجد
مجد: رح تقبليهن خالتي لانك من يوم يومك بتعتبريني ابنك واعتبري هالهدية من ابنك مو من حدا غريب وانا حكيت مع عمي ابو ملهم واقنعته ومابقي غير نسجل الست سلمى بالجامعة بكرا
هناء: بتخجل منهن مابعرف شو بدي قول الله يخليلنا ياكن يارب ولا ننحرم من هالعيلة
ناهد: بتضمها اخوات نحن لك هناء اخوات وسلمى بنتي يلي ماخلفتها شبكي

مجد: بيبتسم وبرن موبايله برد بكون صاحب البقالية عم يقله يجي بسرعة لانه بده يطلع من المحل بسكر وبيستأذن منهن وبيمشي بتلحقه سلمى لبرا
سلمى: مجد
مجد: بيلتفت عليها أي
سلمى: بتبتسم وبتركد وبتغمره بقوة شكرا كتيرر على كلشي
مجد: بيبتسم وبيسرح بخياله شوي
#فلاش_باك
مجد اعد مع ابو سلمى بالمكتبة
ابو ملهم: كيف بدك ياني اقبل مصاريف بنتي يا مجد بأي صفة بدك تدفعلها
مجد: بيتطلع فيه وبيتجرأ وبقوي قلبه بصفتي اني بحبها وبدي اتزوجها واطلبها منك رسمي
ابو ملهم: بصدمة شو
مجد: شبك تفاجات عمي
ابو ملهم: بيصحى من صدمته وبيبتسم وعيونه بتدمع انت بدك سلمى!
مجد: اي لكون مالي قد المقام عمي
ابو ملهم: شو هالحكي هاد بالعكس تماما أنا مارح لاقي احسن منك لتصون بنتي لك انت ابني يامجد بيضحك أنا كنت ادعي الله يبعت لسلمى شب متلك يصونها ويخاف الله فيها بس هلق ربي استجاب بيحضنه صحيح ماعندي ولاد شباب متلك بس عطول كنت مالي خايف لاني ساند ضهري فيكن ياغاليين انتو
مجد: بيبتسم وبشد عليه الله يخليلي ياك يارب
ابو ملهم: وسلمى بتعرف!
مجد: ماحدا بيعرف بهالشي ابدا عمي وانا بدي لاقي الوقت المناسب يلي افتح فيه هالموضوع بس للأمن حالي شوي ووقف على رجلي لااقدر افتح بيت وانت إذا بتمهلني وقت بكون ممنونك
ابو ملهم: انت ابني يامجد وسلمى بنتي وباذن الله هي الك وانا بعرف معدنك واصلك وبعرف انو بعمرك مافكرت بسلمى بالغلط لهيك أنا مأمن على سلمى معك
#باك
مجد: بيبتسم وبشد عليها ماعملت شي هاد واجبي تجاهك سمسمة
سلمى: بتبتسم وبتبعد عنه الله ييسرلك يلا روح لحق شغلك
مجد: بيبتسم يلا سلام وبيركد على البقالية
(بمر الوقت وبسجلو البنات بالجامعة وبصيرو بنات جامعية بامتياز 😂 ومجد رجع يشتغل ليقدر يحسن من وضعه ليقدر يعترف لسلمى بحبه على القليلة يكون معه حق خاتم ليتقدملها فيه وخالد وفاطمة ماعاد شافو بعضهن متل قبل بسبب انشغال فاطمة بالجامعة واشتغلت بمحل ألبسة لان المصاريف بلشت تتقل عليها وأيمن ياايمن لساته صايع وعم يدور على حب حياته من بيت الوجوه 😂 وايام عم تجر ايام والزمن عم يمشي وطبعا كلشي عم يتغير ومنهن الناس )
واقفة سلمى بالجامعة مع كم صبية وعم يحكو ويضحكو
بتقرب منها صبية وبتسحبها من أيدها لسلمى
سلمى: بتطلع فيها اهلين شيرين وين غاطة كنتي
شيرين: بتكون لابسة لبس قصير ومكياجها ملفت ومبين عليها العز وحاملة موبايل اخر موديل والله يابيبي كنت مسافرة مع رفيقي سياحة بس اشتقتلك يا حلوة

سلمى: وانا اشتقتلك انتي اول وحدة تعرفت عليها بالجامعة وفجأة اختفيتي لهيك تركتي فراغ والله
شيرين: بتبتسم اي دخيلو يلي اشتقلي تعالي اعزمك على فنجانين قهوة ومنحكي وبفرجيكي وين رحت يي شو نبسطت تعي وبتسحب سلمى وبتمشي على الكافيه
بيعدو هي وسلمى وبتبلش تفرجيها الصور
سلمى: اوو شو حلوة هالاماكن والله نيالك ورفيقك حلو ها وبتضحك رفيقك رفيقك ولا شي تاني
شيرين: بتضحك يعني هو بويفرند وهالرحلة كلها منه ماخلى مكان فيني واشترالي هدايا يي يي ما بينعدو
سلمى: بتبتسم بالهنا يارب
شيرين: بتغمزها بخفة وانتي مافي بويفرند سوسو
سلمى: بتضحك قلتيلي بويفرند لا طبعا مافي
شيرين: بتطلع فيها وبتبتسم بخبث حتضلي جدبة سوسو لك هون في كل شب بطيرو العقل ما تصيديلك واحد
سلمى: حلوة هي صيد لا دخيلك مابدي
شيرين: لك يادبة بخلوكي تقبري الفقر وخدي على طلعات وفوتات وهدايا وشو مابدك بس بدك تعرفي كيف تختاري
سلمى: كمان هالشغلة فيها اختيارات!
شيرين: طبعا فيها بعدين انتي غيريلي بشكلك شوي حاج متل الهبلة لبسك وشعرك وطريقتك لك حطيلك شوية ميكاب على القليلة شبك أنا حساعدك تعي عرفك على شب بطير العقل
سلمى: بتوقف لا شيرين مابدي أنا اصلا تأخرت وبدي روح سلام بشوفك وبتمشي
شيرين: بتطلع بسلمى بخبث ايه شو عليه ياسلمى رح تضلي نضيفة يعني كتير متل ما وقعو يلي قبلك بيجي اليوم يلي وقعك فيه ياحرام شو جدبة بس مافي شي بيصعب على شوشو وبتضحك وبتقوم
بتطلع سلمى من الجامعة وبترجع على بيتها وكلام شيرين عم يدور بمخها وشوي بتبعد هالافكار وشوي بتفكر فيهن بتكون بغرفتها اعدة بتوقف وبتطلع على حالها بالمرايا وبتحكي
سلمى: والله معها حق ليه ماعم بهتم متل هالبنات أنا صرت جامعة ماعاد طالبة صغيرة وخايفة من آنستي لازم غير حالي واطلع شوي من جدبتي بركي بيجي فارس الاحلام وبتضحك
عند خالد بكون عم يتمشى ويدور هو وأمه على لبس لاالها خالد امي تعي نشوف هالمحل
ام خالد: روح جبلي مي انت وانا سابقتك عليه
خالد: يلا تكرمي
بتدخل ام خالد على المحل
ام خالد: السلام عليكم
بتوقف فاطمة بابتسامة
فاطمة: وعليكم السلام اهلين مدام شو بتحبي ساعدك
ام خالد: بتطلع فيها بتبتسم والله يلي بشوف هالوجه الحلو ببطل يعرف شو بده
فاطمة: بتبتسم شكرا مدام هاد من ذوقك عيونك الحلوة
ام خالد: تسلميلي شو مذوقة ولهيك بدي تفرجيني عل الشي الحلو والذوق متلك
فاطمة: تكرم عيونك بس شو طلبك بالتحديد
خالد: بيفتح الباب وبيدخل امي جبتلك مي بيتطلع بفاطمة بصدمة وبوقف
فاطمة: بتطلع فيه بس تسمع صوته وقلبها ببلش ينبض بقوة حست بالشوق اله ولصوته يلي من زمان ما سمعته بتبتسم بخفة وبتبرق عيونها
خالد: بتنرسم ابتسامته على وجه وبيرفع حاجبه بإعجاب هاد انتي يامحاسن الصدف والله وينك ماعم تبيني
فاطمة: أنا ولا انت ماعاد بينت شو أجيت لحالك ولا الهوى رماك
ام خالد: بتطلع فيهن انتو بتعرفو بعضكن!؟
فاطمة: بتطلع بصدمة بخالد لا تقلي هي امك!
خالد: بيضحك انتي قلتيها أنا ماحكيت
فاطمة: اهلين خالة لاتواخذيني والله مابعرف انك والدته تشرفت بمعرفتك
ام خالد: بتبتسم الي الشرف يابنتي من وين بتعرفي خالد انتي
خالد: امي هي فاطمة رفيقة سلمى بالحارة تعرفنا من خلالها يعني
ام خالد: بتبتسم هي هي فاطمة يلي حكيتلي عنها
فاطمة: بتطلع فيه بنظرات استفهام
خالد: بيتطلع بأمه وبينكشها اميي
ام خالد: بتضحك وبتداري الوضع انو حكالي عنكن كلكن
فاطمة: بتبتسم امم شرفتونا على الحالتين شو بتحبو ساعدكن
خالد: عم تشتغلي هون!
فاطمة: اي والله بتعرف المعيشة صعبة ولازم الواحد يعتمد على حاله شوي
خالد: صحيح الله يقويكي يارب كيف جامعتك
فاطمة: ممتازة
ام خالد: شو عم تدرسي ليه بنتي
فاطمة: محامية
ام خالد: ماشاء الله كاملة مكملة مثقفة وحلوة وشاطرة لك وين عيون الشباب عنك انتي الله يبعتلك نصيبك ياروحي
فاطمة: بتطلع بطرف عينها على خالد عميان ياخالتي ماعم يقدرو النعمة يلي قدامهن يمكن خايفين مني لاني ضد المجتمع الذكوري الفاشل وبتضحك
خالد: بيتطلع عليها وبيضحك بخفة بركي عم يستنوكي انتي تحاكيهن
فاطمة: بتطلع فيه بنظرة مشاكسة عم يحلمو كتير معناها
خالد: بيمسح على شعره بتلبك وبيضحك
ام خالد:مابدنا نعطلك يابنتي فرجيني طلبي وخلينا نمشي
فاطمة: تكرمي خالتي تفضلي المكان مكانك
بيتفتلو بالمحل وبتشتري طلبها ام خالد
ام خالد: بتطلع بفاطمة وبتبتسملها النا زيارة تانية باذن الله وبتطلع لبرا المحل
فاطمة: بتنوريني خالتي ايمتى مااجيتي
خالد: وانا معها ولا لا
فاطمة: بتضحك لا متل مو شايف مكتوب محل نسائي بس ما رح نقدر نستضيفك كتير الا اذا بدك تشتري لحبيبتك خطيبتك يعني ومن هذا القبيل

خالد: وانا يلي بشتري منيح خبرتيني كرمال اشتريلها شي لحبيبتي وبيضحك وبيطلع
فاطمة: بتختفي ابتسامتها وبتنزعج من كلامه حبيبتك قلتلي ايه شو عليه بصير خير
تاني يوم بجامعة سلمى واقفة وعم تحكي سلمى مع شيرين
سلمى: يعني كيف بدي غير حالي
شيرين: يعني انتي بدك ضبط مصنع من جديد لبسك شعرك كلو رح اخدك على السوق واشتريلك شي على ذوقي امشي نروح
سلمى: بس انا مامعي مصاري
شيرين: بتضحك على حسابي ياجدبة امشي
سلمى: بس والجامعة وبعدين مارح اقبل منك شي
شيرين: لك عيب عليكي نحن اخوات تعي معي يلا بتسحبها وبتمشي هي وياها على السوق وبتلبس سلمى على ذوقها تنورة قصيرة جلد وبلوزة مشلحة حمرة وجزمة سودة تحتها وبروحو على لكوافيرة وبتغير بمويدل شعراتها وبتسبلهن وبترفعهن ديل فرس وبتحطلها مكياج متل مكياجها وبتعمل اضافرها يعني تغير كامل
سلمى: بتوقف قبال لمرايا وعم تشوف حالها كيف تغيرت هي أنا
شيرين: بتضحك اي انتي كيف شفتي حالك
سلمى: لك تبدلت ٣٨٠ درجة ولا تقولي هي سلمى وين شعراتي المنفوشين والنمش اختفى ورموشي طولو ولبسي كلو تغير
شيرين: لتعرفي شوشو شو بتعمل فيكي
سلمى: بتضحك بس كيف بدي ارجع هلق على البيت
شيرين: عادي وين المشكلة بترجعي ولاكانو في شي
سلمى: بس اهلي مارح يرضو بهالشكل
شيرين: حبيبتي انتي كبرتي ماحدا الو عليكي كلمة بتقوليلهن أنا حرة وبس
سلمى: بتبتسم أن شاء الله
شيرين: وهلق تعي لوصلك يلا
بيطلعو بسيارة شيرين وبكون تأخر الوقت
سلمى: بتطلع بتلفونها بكون في مكالمات من أهلها ومن مجد وفاطمة بتسكر الموبايل وبتطلع بالسيارة
شيرين: بتشغل الاغاني على اقوة صوت وبتمشي بسرعة بالسيارة وبتبلش تفتل فيها بالشوارع وبتلف بسلمى وبتطلع رفيقها معها هو ورفيقه يلي بيعجب بسلمى وبياكلها بعيونه من شكلها ولبسها وبيشترو اكل وبياكلو بالطريق وعم يضحكو ومبسوطين
بالحارة
هناء: بتكون واقفة ببيتها وعم تفرك بايديها الساعة صارت ٧ وماشرفت لك وينها وموبايلها ماعم ترد عليه ليكون صايرلها شي
ناهد: وحدي الله اختي اكيد نشغلت بالجامعة وموبايلها صامت بتعرفي مشاريع الجامعة مابتخلص بجوز تأخرت لهيك
بتكون فاطمة واقفة معهن
فاطمة: خالتي طولي بالك أن شاء الله هلق بتجي اكيد أنا رح اطلع لعند الشباب برا بركي بتكون اجت وبتمشي

فاطمة: بتمشي لعندهن بكون اعدين لتلاتة على الرصيف وساكتين مسا الخير
الكل: مسا النور
فاطمة: شو مجد ماردت عليك
مجد: بكون وجه ما بيتفسر ومدايق لا ماردت
فاطمة: طيب والحل
مجد: من هون لنص ساعة ماوصلت رايح دور عليها
فاطمة: وين بدك تدور عليها هلق
مجد: بوقف وين ماكان أن شاء الله بقرود السود
خالد: طول بالك اخي هلق بتجي أن شاء الله
ايمن: بس انو الجامعات كلها سكرت ماضل في جامعة بهالوقت
خالد: ييزوره اكيد نشغلت مع رفيقة من رفقاتها شبكن تفائلو بالخير تجدوه مو هيك طمطم
فاطمة: بتطلع فيه وبتبتسم وقت تسمع دلعها امم هيك
خالد: أنا رح جيب قهوة ورح جبلكن بتحبي تجي معي فاطمة
فاطمة: بتبتسم اي مافي مشكلة
بيمشي هو وياها بهدوء وساكتين
خالد: بيتطلع فيها فاطمة
فاطمة: بتطلع فيه امم
خالد: انتي امرأة قوية جدا
فاطمة: بتضحك بخفة وشو مناسبة هالكلام
خالد: بيبتسم مناسبته انو عنجد انتي هيك مو مجاملة ماشفت متل وعيك وركازتك وفهمك وكفاحك وتحملك مسؤولية نفسك واثباتك لنفسك انك بتقدري رغم كلشي
فاطمة: كيف يعني رغم كلشي؟!
خالد: أنا بعرف بقصتك من مجد
فاطمة: بتضحك اها قصتي مع كرهي للرجال وابي
خالد: يعني هيك شي
فاطمة: بتتنهد اوقات لظروف هي يلي بتقويك بس بدك تعرف كيف تتعامل معها في ظروف بتنزلك لسابع ارض وفي ظروف بتخليك تطلع لسابع سما بس بتقرب أيدها بخفة من جبينه وبتحط اصبعتها على رأسه وبتطلع بعيونه لازم تشغل هاد صح
خالد: بيبتسم وبيتطلع فيها بحب صحيح فينا نروح نجيب القهوة
فاطمة: بتنزل أيدها وبتضحك اكيد يلا تفضل
بيمشو هنن لتنين وبجيبو القهوة وبيرجعو عم يحكو
مجد: بوقف بعصبية وتوتر أنا ماعاد اقدر اصبر اكتر من هيك أنا رايح جيبها
ايمن: لك مجد وين بدك تروح ليه بتعرف وينها بالاصل
مجد: مو مهم مهم جيبها ولاقيها بركي صاير معها شي انت بتعرف مين هي يلي لهلق مارجعت وبتعرف شو بالنسبة إلي ايمن لهيك بعد من طريقي مابكفي كلمته
بتوصل السيارة بصوتها الصاخب يلي خلى الحارة ترج رج بتوقف السيارة وبينزل شب وبتفتح الباب لسلمى وبتنزل هي ولابسة الجزمة الكعب وعم تضحك
ايمن: بيحكي بصدمة لك هي مو سلمى!
خالد:بيتطلع عليها بصدمة وبتوقع كاسة القهوة من أيده من المنظر يلي عم يشوفه
مجد: بينصدم وبصيبه الزهول بيتطلع عليها ومو مصدق عيونه انو هي نفسها البنت البريئة يلي بحبها
سلمى: بتوقف لما تشوف مجد قبالها وبتطلع فيه بصمت
"الآن اقف حائر بين قلب يريد وعقل لايصدق"🫀🥀
#يتبع
#نبض_القصص
#شو_بيشبهك_تشرين
#كاتبة_بانامل_صغيرة

#الجزء_٧
بقلم#سدرة_عزالدين
مجد: بيتطلع فيها بهاللحظة وبحس بالاشمئزاز بنظرته الها لان هي مو نفسها سلمى يلي بقلبه مافي شي بدل على أنها هي بينقهر من نظراته يلي تبدلت لأول مرة بحياته الها عطول بيتطلع فيها بفخر هالمرة حاسس بالخجل قدام نفسه
فاطمة: بتطلع فيها بصدمة وبتهمس لخالد هلق هي سلمى !
خالد: بيتطلع فيها بصدمة وبنظرات مو مفهومة ومالها جواب
سلمى: بترفع حاجبها وبتقرب منها بخطوات ثابتة وبتوقف قبال مجد ليه هيك عم تطلعو فيني في شي
مجد: بيمسك أعصابه بالزور ووجه بيتحول للخنقة وبعبق بالاحمر بيمسكها بقوة من طرف أيدها من عند كتفها وبيلفظ كلمته بقهر امشي معي
سلمى: بتطلع فيه لوين ! وبعدين ليه هيك ماسك ايدي وجعتني مجد
مجد: بيتطلع فيها بعيون قاسية وبيلفظ حروفه بشدة قلتلك امشي معي وبيسحبها وبيمشي هو وياها وهي عم تمشي معه وبتسكت
ايمن: ياجماعة شو رح يصير
فاطمة: بتطلع فيهن أنا رح روح خبر أهلها أنها اجت ورايحة على بيتي لان يلي كنا عم ننتظرها رجعت وحدة تانية وبتضحك باستخفاف وبتمشي
ايمن: ونحن شو نعمل
خالد: رح ننتظر مجد ليرجع امشي نعد بالقهوة امشي
ايمن: يلا
عند مجد بوصل على جنينة فاضية جنب بيتهن
سلمى: بتكون عم تدفشه بايدها التانية لك تركلي ايدي وجعتني مجد تركنيي
مجد: بينترها بقوة لقباله وبصرخ عليها وهي تركتك
سلمى: بتمسك أيدها بوجع وبتطلع فيه ليه هيك عم تصرخ علي شو عاملتلك أنا
مجد: شو عاملة قوليلي شو مو عاملة لك تطلعي على حالك هي انتي ولا وحدة بنت ليل جاية من الشوارع ونازلة من سيارة مع شباب هي تربايتك ياخانم هي احلامكك هيك بتحققيها يامحترمة يابنت العالم والناس
سلمى: بتطلع فيه بعصبية احترم حالك مجد وحسوب كلامك منيح
مجد: بصرخ عليها اكتر لا مابدي احسب كلماتي لانك انتي طلعتي من توبك ومخك طار مافي بنت محترمة المكان يلي عايشة فيه واهلها بتجي باخر الليل بهالشكل
سلمى: بتقرب منه بعيون مليانة شرار وعصبية وانت مين لتحاسبني وتحاكيني هالكلام إذا اهلي ماحكو معي هيك انت مين لتحكي معي هيك
أنا بطلع بفوت بتأخر انت مادخلك لا تكون فكرت حالك انك مسؤول عني انت شو مفكر حالك عفوا منك بصفتك شو عم تحاسبني يعني
مجد: بتقهره بكلماتها بيمسكها من ايديها بقوة وبصرخ بوجها بصفتي انيي بحبكك بحبكك سلمى عم تفهمي شو صفتي لاني من وقت ماوعيت عليكي وانا بحبك ومخبي حبك جواتي كل هالسنين كرمال يجي الوقت يلي كون قادر قلك فيها أنا بحبكك وحققلك احلامك عرفتي شو صفتيي هلقق

سلمى: بتبتسم باستخفاف ومفكر عم تعترفلي هلق بهالشي!؟ بتضحك وبتبعد ايديه عنها هه
مجد: بيتطلع فيها بسكون وماله فهمان شو عم تحكي بيحكي برجفة شو شو قصدك
سلمى: بتضحك اديه انت على نياتك مجد أنا بعرف انك بتحبني
مجد: بيتطلع فيها بعدم استوعب شو شوقلتي
سلمى: كنت حاسة انك بتحبني لوقت ما سمعتك بغرفتك هداك اليوم وانت عم تعترف بهالشي لنفسك وقت دخلت عليك الغرفة وتلبكت يومها عملت حالي ماسمعتك بتطلع فيه ببرود بس انا بعرف من زمان ومو بس هيك أنا منعت قلبي انو يحبك مجد أو يتأثر باهتمامك
مجد: بيتطلع فيها وبهاللحظة ماعاد ستوعب كلماتها دنيته سودت بوجه بحس بنغزة قوية بقلبه عم تدبحه وهو واقف جامد قبالها جسد بلا روح بيحكي كلماته وعم يحاول يكذب اذانه انت عم تمزحي مو هيك .!؟
سلمى: بتطلع فيه بقوة لا ماعم بمزح أنا شو بدي حب بواحد مو قدران يعترف بحبه من عجزه تخيل كمية الجبن يلي انت فيها مجد انك مو قدران تلفظ هالكلمة يلي من اربع حروف بس لانك انسان فاضي مامعه حتى حق كلمته يلي هي ببلاش ليه لااسمح لقلبي يحب انسان ماعنده هدف واحد ولاشي انسان مابحب يطلع لفوق بحب يضل متل ماهو تخلى عن حلمه يلي كان ممكن يطلعه شي ويصير بس هو قرر يتخلى عنه بسبب فشله انت ولاشي مجد وانا مابحب واحد مو موجود بالدنيا غير بكلماته بس الدنيا بدها يلي يكون قوي مو الجبان الضعيف
مجد: بكون عم يسمع كلماتها وماعاد شاف بعيونه بحس بتوازنه اختل وبينزل رأسه بتعب وبغمض عيونه بقوة وجسده بيرجف كله وماعاد بشوف غير كل تضحياته الها بكل ثانية من يومه مر شريط حياته وحلمه وتعبه وسهره وبهادل الكل اله بشغله كرمال يصمد مصاريف جامعتها وحرمانه لنفسه وتعبه كرمالها بفتح عيونه بغل وقسوة وبيرفع رأسه عليها وبيتطلع فيها بقوة وقهر وعم يكابر على دموعه بيرفع أيده بوجها وبيحكي هو وحروفه عم ترجف خلصتي كلامك
سلمى: حبيت وعيك على الحقيقة يلي ماعم تشوفها
مجد: بيحكي بعصبية وبصرخ عليها من جواته صار وقت تسمعيني يا كبيرة يا واعية أنا صحيت على الحقيقة بس بتعرفي حقيقة شو حقيقتك حقيقة البنت يلي حبيتها وفكرتها بتستاهل هالحب حقيقة احلامك وكذبة حبي الك بس بتعرفي شو بخونوه دموعه وبينزلو على وجه بقهر انا مالي ندمان اني حبيتك أو عفوا حبيت البنت يلي رسمتها بمخيلتي لان انتي مو هي نفسها البنت البسيطة يلي كانت جواتي وساكنة بروحي

سلمى: بتطلع فيه وبيهتز كيانها من كلماته بتكابر على حالها انت اصلا ماحبيتني عم تخدع حالك بالوهم قلبك مريض فيني بس و
مجد: بقاطعها بصوته العالي وبصرخ بوجها خرسيي
قلبي انقى واحن من انو تجي وحدة متلك توسخه بكلماتها واوعك اوعك تشككي بحبي ولو للحظة وحدة أووعك لان حبي بعمره ماكان كذبة بعمره ولاحيكون ومتل ماحبيتك وضحيت بحلمي وعمري كرمالك بيمسكها من أيدها بقوة وبيتطلع بعيونها
بالوقت بتنزل المطر عليهن بقوة لتبلل أجسادهن وتتغلغل بقلوبهن
مجد: بكفي كلامه وعيونه بعيونها رح ابني حلمي وكمل عمري وانا مو شايفك رح خلي كرهي الك بهاللحظة هو سبب نجاحي ولا تفكري حياتك مارح تتأثر بيبتسم وبيمسح دموعه بخفة أنا عاصفة لما بمشي بترك اثر ما بينمحى بينترها بقوة وبيلتفت وبيمشي
سلمى: بتطلع فيه بصدمة وبتاخد نفسها بصعوبة وببلش يجسدها يرتجف
مجد: بيمشي بخطوات مهزوزة ودموعه بتنفجر باللحظة لتختلط بالمطر يلي مبلل وجه وبوقف وبيتطلع وراه وبوجه نظره عليها بقهر وكسرة خاطر وبيصرخ من جوا قلبه ليهتز من صوته كل جسده شو بيشبهكك تشريين
وبيلتفت وبيمشي
سلمى: بتبلش ترجف من جملته وبتنزل على الأرض بقوة وبتحس جسدها نشل بهاللحظة
بيمشي مجد وهو عم يمسح دموعه وعم يرجعو يتجددو من قهره وكسرته بوصل على البيت
خالد: بيركد لعنده مجد مجد
مجد: ما برد وبدو يمشي
خالد: بيمسكه بقوة لك وين رايح شوفي
مجد: بصرخ عليه هو وعم يبكي ويتنهد تركني كرمال الله خالد وروح تركني وبيطلع على بيته
خالد: بيلتفت على ايمن وبكونو تغسلو من المطر امشي ايمن امشي منرجع لعنده بكرا يلا
ايمن: بس لازم نبقى معه امشي منطلع على البيت مو بكيفه
خالد: طيب امشي وبيطلعو وراه
بوصل مجد على البيت وبيفتح الباب وبيدخل عم يركد على غرفته
ناهد: بتوقف امي مجد ومابتلحقه بكون قفل الباب على حاله
بيدفشو الباب خالد وأيمن هنن وداخلين وراه
خالد: خالتي شو صار
ناهد: مابعرف مابعرف مالحقته دخل بسرعة وقفل الباب انتو فهموني شو صار
ايمن: نحن متلك شفناه هيك وركدنا وراه
بيطلع صوت التكسير من غرفته بيرتعبو كلهن من الصوت
مجد: بكون واقف بنص الغرفة وعم يكسر كلشي بيطلع قباله بقهر وعم ويصرخ بقهر وحاسس بروحه عم توجعه و بقلبه محروق
خالد: بيركد هو ايمن وبدقو الباب بقوة يامجد فتاح الباب يامجدد
ايمن: مجدد اخي فتاح واهدى
مجد: بيفتح خزانته بقوة وبطلع منها الصندوق وبزته بالأرض ليكرسه وبيطلعو منه لغراض وبيتناثرو وبصرخ حقيرةةةة

بتكون سلمى داخلة وبدها تفتح باب البيت بتسمع صرخة مجد وبتوقف
هناء: بتفتح باب البيت على صوت مجد والتكسير بتشوف بنتها بوجها انتي وينك كنتي وبتطلع بشكلها شو هاد
سلمى: بعدين بحكيلك امي وبتدخل على البيت وبوجها على غرفتها
بوقف ابوها وبصرخ عليها
ابو ملهم: سلمى وقفي وتعي لهون
سلمى: بترجع لعند ابوها نعم بابا
ابو ملهم: وين كنتي
سلمى: كنت عند رفيقتي
ابو ملهم: مين رفيقتك
سلمى: مابتعرفها تعرفت عليها من الجامعة
ابو ملهم: وشو هاللبس وهالمنظر يلي جاية فيه وين لبسك القديم
سلمى: ليكه بشنتايتي ندلق علي القهوة بالجامعة ورفيقتي اشترتلي هدول لاالبسهن شو كفرنا والله ماكفرنا
ابو ملهم: بيرفع أيده وبيضربها كف بقوة قليلة ادب
سلمى: بتحط أيدها على وجها بوجع وصدمة
هناء: لا يا ابو ملهم
ابو ملهم: انتي صار بدك ترباية من جديد كرمال تعرفي تحكي مع ابوكي يامحترمة بس مو الحق عليكي الحق علينا يلي عطيناكي اكتر ما بتستاهلي نقبري روحي على غرفتك روحيي
سلمى: بتطلع بابوها بابتسامة ممزوجة بالدموع كتر خيرك وبتمشي على غرفتها
عند مجد بكونو لسا عم يدقو الباب عليه وهو جانن وعم يصرخ
مجد: بكرهكك بكرهكك بحس بحيله نهد بيتنهد بوجع وعم يمنع دموعه انها تنزل بيوقع بالأرض وبيعد بتعب وبينزلو دموعه بقهر وبيشهق أنا بحبكك ليه هيك عملتي لييه بيدفن وجه بين أيديه وبتصدى صوت شهقاته وبكاه لمسامعهن وبحس بروحه فرطت من الوجع
خالد: بوقف دق على الباب وقت يوصله صوت بكاه بس وقف لاعاد تدق
ايمن: بيتطلع بخالد وبيهمس عم يبكي
ناهد: بتسمع صوت بكاه وبيوجعها قلبها وبينزلو دموعها على صوت بكاه ريته الوجع لروحي ياعيوني وأبوه واقف وعم يسمعهن خلص تركوه يرتاح لحاله
خالد: وانا هيك برأيي خلينا نعد بالصالون تعي خالتي يلا
بعد مرور وقت
بنص الليل
مجد: بفتح عيونه ومو شايف غير العتمة حوليه وعيونه مغبشة من دموعه ومابيعرف الوقت اديه لانه من بكاه غفي متل الطفل وماعاد حس بيسند حاله على العتمة وبوقف وعم يمشي ليشعل الضو بتغرز برجله شي بس ما بحس فيه بوصل للضو وبيشعله وبيعد على تخته بتعب بيتطلع على رجله بشوف الدم عم ينزل منها ومجروحة جرح كبير وبشوف قزازة برجله من زجاجة البارفان تبع سلمى يلي نكسرت بس ماحس فيها لما دخلت برجله ولا توجع لان الوجع يلي بقلبه وروحه طغى عليه بشيلها ببرود وبوقف والدم عم ينزل من رجله ومو هامه

مجد: بينحني بخفة وبيمسك الصندوق وبشيل لغراض يلي رماها وبرجعهن لقلبه وبيمسك لقزاز وبلمهن بايده وبرجعهن للصندوق وبحطه بخزانته وبيفتح باب غرفته وبيطلع على الصالون بيتطلع بعيونه بلفتة بسيطة بشوف ايمن وخالد اعدين جنب بعض على الكنباية و نايمين وحاضنين بعضهن
مجد: بيبتسم بخفة رغم حزنه الطاغي وبقرب منهن وبيهمس بصوت مبحوح من صريخه ماضل صوت عنده شباب ايمن خالد
خالد: بينئز وبيتطلع بمجد وبيبعد فورا عن ايمن وبوقف
ايمن : بينزل رأسه بقوة وبيرتعب وبفتح عيونه وين أنا بيتطلع فيهن وبوقف مجد كيف صرت
مجد: منيح أنا
ايمن: ليه هيك صوتك
مجد: لا تهتم
خالد: بحط أيده على كتفه انت منيح اخي
مجد: بيتنهد شو شايف انت
خالد: خلينا ندخل على الغرفة نحكي تعال يلا
مجد: بهز براسه وبيمشي بصمت وبيلحقوه
خالد: بيتطلع على الغرفة كيف مقلوبة وعلى الارض في دم وعم ينزل من رجل مجد وهو وعم يمشي
خالد: مجد رجلك عم تنزف مو حاسس
مجد: بيعد على تخته بعدم مباله لا تشغل بالك عادي
ايمن: شو عادي يازلمة شوف لقزاز بالأرض ورجلك وين الزيق الطبي
مجد: خلص قلتلكن لا تهتمو مافيها شي اصلا مالي حاسس فيها بيضحك باستخفاف هي ولاشي قدام يلي بقلبي صدقوني
خالد: شو صار معك مجد شو القصة
مجد: بيتطلع ببرود ولاشي طلع كلشي ولاشي سنين عمري وحبي وانا طلعنا بالنسبة الها ولاشي
خالد: كيف يعني سلمى هيك حكت!؟
مجد: هي مو بس حكت هي هدمت سنين عمري كلها باللحظة سلمى بتعرف اني بحبها من زمان
ايمن وخالد: شو !
ايمن: بتعرف سلمى بحبك الها كيف ومن ايمتى
مجد: بتعرف من زمان وهي تقصدت تضل عاملة حالها ما بتعرف لأنها منعت قلبها من حبي قال أنا إنسان فاضي ماعنده هدف بحياته تخليت عن حلمي لاني مابحب صير
خالد: بيتطلع فيه مجد انت متاكد انو هالحكي حكته سلمى!
مجد: بيتنهد ايه حكته طلع كلامك مزبوط أنانية كتير كلماتها نهشت بروحي لدرجة عم حسها نطفت وندفنت قتلت كلشي حلو جواتي كنت بكنلها ياه حتى آذاني مو قبلانة تتقبل يلي سمعته بيتطلع فيهن بكسرة خاطر حواسي رافضة تقبل يلي صار بيضرب على قلبه بقهر وعم يحكي بحروف مخنوقة قلبي قلبي رافض يكرهها
خالد: بحط أيده على كتفه ما بتستاهل ياأخي مابتستاهل حبك وتضحيتك
ايمن: لا والله ما بتستاهل لك شو صرلها هي طلعت من توبها بثواني بعمري ماكنت بصدق انو هاالحكي يطلع منها لسلمى
مجد: بيتطلع فيه هي مو سلمى يلي حبيتها سلمى يلي حبيتها هون وبأشر على قلبه بس مو موجودة بالواقع ويلي رح تشوفوها من بعد هاليوم هي ولاشي
خالد: كنت قلتلك إنساها بس بعرف مستحيل هالكلمة تطفي النار يلي جواتك لان لو النسيان بيجي بكلمة كنا بألف خير وماكنت شفت حدا مقهور بهالدنيا
مجد: بغص بدموعه ياريت فيني انساها بكلمة ياريت
خالد : بيزعل عليه وبيحضنه بقوة اوعك تبكي اوعك ماحدا بيستاهل تكسر كبريائك كرماله اوعك
مجد: طفتلي روحي ياخيي طفتلي روحي وبينهمرو دموعه
ايمن: بيتطلع بخالد بحزن وبقرب منهن وبيحضنهن بقوة وبينزلو دموعه مع مجد
خالد: بيتمالك دموعه وبقوي حاله شو صرلكن شبكن اهدو لرجال ما بتبكي
ايمن: بيحكي ليضحكهن نحن نسوان وبيضحك وعم يمسح دموعه
مجد وخالد: بيضحكو بخفة
خالد: بيمسك وجه مجد وبيمسحله دموعه بايديه انت مالك فاضي انت احسن واحد بالدنيا انت رح تقدر ورح تأثبت للكل انك موجود ورح تمشي بدون ماتشوفهن مفهوم
مجد: بهز براسه وبيحضنه بقوة يخليلي ياكن يارب
خالد: بشد عليه بقوة وبربت على ضهره ويخليلنا ياك ابو الجود
ايمن: بعدولي طيب وانا
خالد: بيضحك تعا تعا وبيحضنو بعض بقوة
" مو ضروري بقصصنا يكون الصداقة دائماً للبنات اوقات صداقة الشباب بتكون اقوى واحلى بكتير بتكون علاقة مختلفة مزيج من المشاكسة والمصارعات القوية والحب الدافي وبحياتنا الرجال الصح بحب من قلبه وإذا حب من قلبه صعب شي يكسره بس اذا بتنكسر كرامته وكبريائه .. بيرمي كلشي وراه وما بيتطلع بيتحول للهب بيحرق الاخضر واليابس .."
( بعد مرور أيام )
" مجد بيبعد عن الحارة بهالايام وبينام عند خالد كرمال ما يشوف سلمى وسلمى غابت عن جامعتها بهالايام لبين ما صلحت الأمور مع اهلها بكذباتها وطبعا ماعاد فكرت بمجد بسبب الشب يلي عم تحاكيه وتعرفت عليه عن طريق شيرين "
بتنزل سلمى من سيارة الشب هي وعم تضحك وبدها تدخل على حارتها
سلمى: يلا سلام
فاطمة: بتشوفها بتمشي لعندها وبتمسكها من أيدها
سلمى: بتلتفت عليها وبتطلع فيها وبتتكتف وبتضحك والله واهلين برفيقتي منيح تذكرتيني والله
فاطمة: بتطلع فيها لا تتغدي فيني سلمى قبل ماحكي شي
سلمى: شو بدك تحكي فاطمة احكي لان الكل بصير محلل نفسي فجأة وبصير أنا الغلط إذا جاية تدافعي عن مجد لاتعذبي حالك لاني مابدي اسمع

فاطمة: هوب هوب اهدي على حالك شوي بهالكلمات مفكرة رح تسكتيني يعني اولا أنا مالي جاية دافع عن حدا لان مجد اصلا ماحكالي شو صار بينكن بس خالد حكالي وبتعرفي ماستغربت ابدا لان يلي شفتها نازلة من السيارة هداك اليوم بيطلع منها هيك حكي اكيد
سلمى: بتضحك بمسخرة عجيب امركن انتو عفوا منكن انتو بتزعلو لما تشوفو الإنسان عم يتطور عم يتحسن بتحبو تضلو متل ماانتو ليه !
فاطمة: بتضحك مفكرة هيك تطورتي يعني وصرتي بنت أكابر وحلوة والله انك مسخرة عنجد وأحلامك سخيفة وتافهة
سلمى: مابسمحلك فاطمة ها
فاطمة: بتصرخ عليها لا بدك تسمحيلي ياست سلمى لك انتي وين رايحة بحالك اه قوليلي وين عرفانة طريق جهنم يلي ماشية فيه مارح يفيدك بشي غير خسارة الحكي يلي قلتيه لمجد والتصرف يلي تصرفتي هاد تصرف حقير وكتير كمان بتعرفي بحبه الك وشو عملتي كسرتيه ليه ليه هيك عملتي شو قدملك مجد غير انو حبك وضحى كرمالك بكتير شغلات هي جزاته هي
سلمى: حاج تقوليلي ضحى كرمالي شو عمل يعني
فاطمة: مجد تخلى عن حلمه كرمالك مارضي يدخل هندسة بالمصاريف يلي مصمدهن كرمال يدخلك جامعتك يلي هلق فيها انتي وبتعرفي شو حكا مع أمه لتقول لامك وأبوكي مايحاكوكي شي خلاهن يتركوكي على راحتك ومايحرموكي من حلمك مجد حتى وهو مكسور منك قرر يخلي اهلك جنبك ومايزعلو منك حط الحق عليه وحكالهن انو هو يلي زعلك مو انتي انتي ما بتستاهلي حبه ما بتستاهلي
سلمى: بتكون متكتفة امم خلصتي يارفيقتي يلي المفروض توقف معي مو معه انتي رفيقتي الي فاطمة مو لمجد بدل ما تدافعي عني عم تلوميني
فاطمة: أنا بوقف مع الحق ولو مين ماكان يكون وإذا ضليتي هيك رح تخسرينا كلنا ياسلمى مو بس مجد وساعتها حتشوفي انو حياتك رح تقلب لجحيم بدونه
سلمى: الله معك فاطمة من هلق انتي لا رفيقتي ولا بعرفك يلا خلي مجد ينفعك
فاطمة: بتطلع فيها وبتضحك باستخفاف منها اصلا مين قلك اني بشرفني تكوني رفيقتي من بعد اليوم رح روح وليكي بس ترجعي سلمى تبع زمان ابقي لا ترجعي ندمانة لان ساعتها حتكوني خسرتي كلشي وبتمشي
سلمى: بتطلع فيها بقهر وبتلتفت وبتمشي على بيتها
بتشوفها ناهد بتكون نازلة ولابسة بدها تطلع
ناهد: سلمى كيفك
سلمى: بتطلع بناهد وبتبتسم بخفة اهلين خالتي
ناهد: اهلين بنتي شو اخبارك كيف جامعتك
سلمى: الحمدلله خالتي منيحة
ناهد: الله يوفقك بحياتك يارب وبتمشي
سلمى: خالتي
ناهد: بتلتفت نعم
سلمى: انتي فيكي شي
ناهد: شو بدو يكون فيني
سلمى: بتبتسم ولاشي انتبهي على حالك
ناهد: وانتي كمان وبتمشي بتتنهد وبتهمس جواتها والله لو مالك غالية على قلبي متل ولادي ولو ماانا مربيتك مابحاكيكي حرف بس كلشي رح يتصلح ورح تعرفي وقتها ياسلمى كلشي وبتمشي
ببيت خالد
اعد مجد وخالد عم يتطلعو ببعضهن
مجد: شو مليت مني
خالد: الله يسامحك شو هالحكي إذا ماشالتك الأرض منشيلك بعيونا ابو الجود
مجد: بيبتسم بخفة
بيدخل ايمن من البرندا وعم يلوح بأيديه
خالد: ايمتى بدك تبطل هالسم الهاري
ايمن: بيضحك وبيعد بتقصد الدخان
خالد: في سم هاري غيره يعني عجيب امرك هم وماعندك ومال وموجود وحياتك مأمنة وبتطلع وبتفوت على كيفك ليه الدخان
ايمن: بيضحك بخفة اكل هوا شريك أديه الي رفيق معكن انا
خالد: كتير مالي عاددهن
ايمن: بعمري حكيتلكن شي عن حياتي!
خالد: لا
ايمن: ها ها أنا مابحكي الكن بس بحكي للسيجارة وبفش همي فيها
خالد: وشو همك حجي
ايمن: بيضحك لك لا تفكر المال بجيب راحة بال بالعكس تماما بيحكي بغصة وعم يخفيها بضحكته انا برجع لبيتي بس للنوم بعيد عنك مافي أهل لتعد معهن ليه بحبكن ومتعلق فيكن أنا غير انكن رفقاتي ومتل اخواتي بس وقت بجي على بيتك أو بيته بحس بجو العيلة يلي فاقده أنا امي وابي ما بيعدو بالبيت مافي لمة عيلة بحياتي امي دائما بجمعاتها المخملية وابي دائما بسهراته وسفره وخيانته لامي باليوم الف مرة
مجد وخالد: بيتطلعو بأيمن بصدمة
ايمن: اي اي لا تستغربو أنا صحيح ولدت وبتمي معلقة دهب بس مع هالمعلقة في غصة كبيرة ما بتروح المال مو كلشي يامجد مو كلشي لان ما بتقدر تشتري فيه اصغر تفصيل بحياتنا ويلي هي الراحة والطمأنينة ممكن تشتري تياب ومجوهرات وفيلة وسيارة بس انو تشتريلك صحة وراحة بال بيضحك هه بدك تدفع كتير ومارح تقدر توصل لهالشعور بحياتك لهيك أنا مختار حياتي حياتي معكن انتو عيلتي يلي محروم من حنانها امهاتكن امهاتي وعيلتكن عيلتي عرفت ليه بدخن يا خوخة وبيضحك
خالد: ولاه تعا لهون لشوف
ايمن: شو وبقرب منه
خالد: بيحضنه بقوة انت اخونا يادب
ايمن: بيضحك أنبتلك ضميرك مو هيك
خالد: كتير وبيضحك وبيحضنه
ايمن: بيتطلع بمجد تعال معنا شبك مستحي وبيحضن مجد بغلاظة

مجد: بيضربه بخفة وضريب خنقتني وبيضحك وبشد عليهن
برن موبايل خالد باسم فلة قلبي
مجد وأيمن بيبعدو عنه وبيتطلعو بالموبايل
ايمن: اووو مين فلة ولاك
مجد: الله يسمعنا الاخبار الطيبة
خالد: بيضحك وبيبعد عنهن خرسو انتو تنين وبرد على موبايله الو
فاطمة: بتحكي بتوتر وخجل مرحبا
خالد: هلا طمطم كيفك
فاطمة: بتبتسم وقت تسمع صوته الحمدلله انت كيفك
خالد: أنا الحمدلله منيح كتير
فاطمة: دائماً أن شاء الله تضل بخير
خالد: تسلميلي فيكي شي فاطمة
فاطمة: بتستغرب كيف عرفت؟
خالد: بيبتسم حافظ صوتك لان لو مافيكي شي مابتكوني هيك شبك شو صاير
فاطمة: تجادلت أنا وسلمى وقالتلي انو ماعاد بدها رفقتي
خالد: ايوا لعما هي جنت على الخالص
فاطمة: هيك شي بس بتعرفني ما سكتلها بهدلتها بهدلة بتليق بحضرة جنابها ومو بس هيك
خالد: شو في كمان
فاطمة: نزلت من سيارة شب من برا الحارة وكملت مشي على بيتها خالد سلمى مالها عرفانة شو عم تعمل مو هي سلمى يلي بعرفها والله مصدومة فيها وخايفة عليها بنفس الوقت خايفة يلي معها يجروها لطريق مامنه رجعة وسلمى وعيها صفر عم تتصرف شو مشاعرها بتقلها مو شو عقلها بقول لو عمو ابو ملهم بيعرف ولا خالتو هناء والله ليقتلوها
خالد: والحل هلق
فاطمة: خبر مجد مابعرف أنا بركي هو بيتصرف
خالد: بس مجد ماعاد اله قدرة يتحمل جنانها اكتر
مجد: بوقف وبيتطلع فيه شوفي خالد
خالد: مافي شي
مجد: احكي شوفي شو صاير
خالد: فاطمة برجع بحاكيكي وبخبرك شو بصير تمام
فاطمة: تمام ليك بشوفكن بالحارة اليوم المسا تمام
خالد: تمام يلا سلام انتبهي على حالك
فاطمة: بتبتسم وانت كمان وبتسكر
خالد: مجد
مجد: بيتكتف شوفي احكي
خالد: مجد سلمى عم تخبص كتير واليوم نهت علاقتها مع فاطمة وماعاد بدها تحكي معها وغير هيك
مجد: شوفي كمان
خالد: شافتها فاطمة نازلة من سيارة شب برا الحارة ودخلت على الحارة مشي سلمى عم تخبص وفاطمة خايفة عليها توصل لطريق مامنه رجعة
مجد: بغمض عيونه بتعب وبيزفر بضيق اووف اوفف سلمى اووف
ايمن: شو الحل
مجد: رح ارجع على بيتي اليوم بس انا ماعاد قرب منها بشي انا تعبت من كلشي بس رح فكر كيف بدي اتصرف معها
خالد: انت مالك مجبور تضل تداري على كذباتها فيك تخبر أهلها وهنن يتصرفو ولا تنسى انت طالبها من ابوها رسمي وأبوها موافق
ايمن: فيك تخطبها رسمي وبعدها تعذبها وتنتقم منها
مجد: بيتطلع فيهن عن شو عم تحكو انتو اي انتقام واي عذاب أنا يا بكون كل دنيتها يامابكون بدنيتها من الأصل مو مجد يلي بينتقم بهالطريقة بعدين من مين بدي انتقم منها ولا من حبها يلي بقلبي خبروني قلتلكن هي مو نفسها البنت يلي حبيتها هي وحدة تانية يلي بحبها ماتت خلص ومالي بهالندالة لخلي أهلها يعرفو ويسودو عيشتها ابوها بروح فيها لو عرف وامها مارح تتحمل وكرامة الهن رح فكر بحل يرضينا كلنا
المسا بيرجع مجد وخالد وايمن على الحارة وبيعدو بالقهوة عم ينتظرو فاطمة تجي
بتوصل فاطمة لعندهن
فاطمة: مسا الخير
الكل: مسا النور
فاطمة: كيفك مجد
مجد: منقول منيح
فاطمة: بتعد على الكرسي شو رح تعمل مجد
مجد: بيحكي ببرود اعصاب ولاشي أنا بدي كفي حياتي اكيد مارح ضل واقف انتظرها بمكان فاضي أنا حبيت واعطيت اكتر من قدرتي ماعلي العتب بشي وكرمال كفي جميلي للأخير وهالشي مو كرمالها كرمال حبي يلي كان بيوم تجاها رح تضل عيوني عليها كرمال ماتوقع بشي تندم طول حياتها عليه مع انو بيسكت شوي يلي متلها بيستحق يندم طول حياته بس كرمال عشرتنا والله بس
فاطمة: بتبتسم وانت هيك بكون ماقصرت بشي صدقني يامجد رح يجي اليوم يلي تندم فيه وتعض أصابعها ندم لان خسرتك انت انسان ما بتعوض مجد صدقني
مجد: بيبتسم بصير خير بصير خير وانتي طمطم كتر خيرك وانتبهي على حالك واوعك تحطيها واطية لمين من كان حتى لو لاالي بذات نفسي والله يبعتلك يلي بيستاهلك وبوقف وبربت على كتف خالد قول امين
خالد: بيبتسم امين
مجد: طالع على البيت بدي ارتاح وبدي اطلع بكرا دور على شغل سلام انتبهو على حالكن
خالد: بيغمز ايمن بخفة انو يقوم
ايمن: اي وانا رايح على بيتي بدكن شي
خالد: سلامتك بشوفك بكرا
ايمن: أن شاء الله بيغمزه سلام روميو وبيضحك وبيمشي
خالد: بيضحك وبيتطلع بفاطمة
فاطمة: بتطلع حوليها بخجل أنا صار لازم امشي
خالد: منمشي سوا
بيتمشو بالحارة والدنيا عتمة وفيه نسمات باردة عم تتغلغل فيهن والقمر عم يضوي الشوارع المبللة بالمطر
خالد: بيمسك أيدها بخفة فاطمة وبوقف
فاطمة: بتوقف وبتطلع فيه همم
خالد: ليكي انا مابعرف لا لف ولا دور ولا بحب مط وشط بالسيرة
فاطمة: بتضحك على طريقته اي
خالد: بيتطلع بعيونها بحب وبيبتسم انا بحبك
فاطمة: بتطلع فيه بخجل وبتضحك كيف

خالد: بحبك يعني بحبك شو كيف مافيها كيف فيها تقوليلي وانا كمان بحبك بس بسيطة
فاطمة: بتضحك بزيادة كمان الجواب من عندك طيب بركي أنا ما
خالد:بحط اصبعته على شفافها ليسكتها وبيتطلع بعيونها بحب لا تلفظيها بترجاكي وبنزل أيده وبيتطلع فيها بانتظار جوابها
فاطمة: بتبتسم وبتطلع بعيونه بحب خالد
خالد: بيبتسم عيونه
فاطمة: وانا بحبك
خالد: بيضحك ومن فرحته بقرب منها وبيغمرها بقوة لك يسعد الله وبيحملها وبدور فيها
فاطمة: بتضحك وبتمسك برقبته بقوة خالدد
عند مجد
بيدخل على غرفته وبوقف قبال مكتبه بيفتح الدرج بلاقي كرت بيمسكه وبيقرأ عليه رجل الاعمال محمد عبد الرحمن بيبتسم وبشد على الكرت
#يتبع
#نبض_القصص
#شو_بيشبهك_تشرين
#كاتبة_بانامل_صغيرة

#الجزء_٨
بقلم#سدرة_عزالدين
فاطمة: بتضرب خالد بخفة لك نزلني خالد الناس رح تشوفنا
خالد: بيضحك وبنزلها وايديه على خصرها بيتطلع بعيونها بحب انا هلق اسعد انسان بكل الدنيا
فاطمة: بتبتسم انت مو اسعد أنت خالد وبتضحك
خالد: بيبتسم بخفة كترتي اعدات مع ايمن شكلك
فاطمة: همم هيك شي وهلق فيك تبعد عني لاحدا يمرق
خالد: بيتطلع حوليه مالي شايف حدا الحارة مهجورة شكلها
فاطمة: بتطلع فيه اي ومع هيك بعد عني
خالد: بيلمس خدها بحنية بأصبعه انو ليه ابعد عنك
فاطمة: بتطلع فيه وبردة فعل لاارادية بترفع أيدها وبتضربه كف بكل قوتها قليل ادب
خالد: بينصدم من الكف وبيبعد عنها من قوة الضربة بحط أيده على خده اخخ بيتطلع فيها لك فاطمة ليه عملتي هيك
فاطمة: بتصحى على حالها وبتطلع فيه بصدمة وكاتمة ضحكتها أنا أنا ماكنت قاصدة وبتضحك
خالد: لك خلعتيلي فكي بحرك تمه بوجع انتي ما بينمزح معك ابدا
فاطمة: بتضحك أنا بعتذر والله
خالد: لا تعتذري اصلا بتعرفي شو انا بعتذر اني حبيت هيك إنسانة شريرة السلام عليكم استري ماشفتي مني باي وبيمشي
فاطمة: بتركد وراه لك خالد وقف خالد عم بمزح معك كنت مو بقصدي بتمسكه من أيده لك وقف شو صرلك
خالد : شو شو صرلي هيك الواحد بعامل يلي بحبه ماعملتلك شي لتضربيني
فاطمة: تماديت شوي يعني وايدي فلت عيارها لااراديا هالحركة يعني
خالد: اي خلص ماشي تركني روح شو بدك فيني
فاطمة: بتعصب منه ايي شبك مو رجال أنت كله كف من بنت شو يعني حاج متل ولاد لصغار
خالد: بيرفع حاجبه بعدم رضا هلق هيك صار طيب انا ولد صغير إذا ما راضيتيني مارح تشوفي وشي مرة
فاطمة: بتقرب منه بخفة وبسرعة وبتطبع بوسة حنونة على خده بحب
خالد: بوقف حكي وبيجمد بمطرحه
فاطمة: بتطلع فيه بخجل وبتبتسم هي راضيتك
خالد: بيضحك بعدم استوعاب هلق انتي نفسها يلي ضربتني
فاطمة: بتضحك اها
خالد: بيتطلع فيها بحب إذا ورا كل كف في هيك بوسة لك ضلك ضربيني لآخر عمري
فاطمة: بتضحك ويعليك انت لا تتعدى حدودك ما بضربك مفهوم
خالد: لك انا يلي بدي اتعدها كرمال شوف هيك شغلات وبيضحك
فاطمة: بترفع أيدها بيجيك كف تاني ها
خالد: إذا في بوسة تانية بيغمزها مافي مانع
فاطمة: هيهيي علينا الحق علي عفكرة اخدت وجه فورا
خالد: بيضحك خلص خلص رح اسكت تفضلي على بيتك روحي يلا
فاطمة: بتبتسم رايحة سلام يا خوخة وبتضحك وبتركد
خالد: بيبتسم سلام
بيمرق اليوم وبيخلص وبتشرق شمس لنهار لتعلن بداية يوم جديد
بتطلع سلمى من غرفتها وبتعد بالصالون وماسكة بأيدها دفترها وعم ترسم
هناء: بتطلع من غرفتها ماسكة علبة الخيطان وبتعد على كرسيها وبتطلع بطرف عينها على بنتها شو مبسوطة بالجامعة
سلمى: بتطلع بأمها اي امي مبسوطة عم حقق حلمي يعني اكيد مبسوطة
هناء: امم حلمك قلتيلي سلمى بدي احكي معك بموضوع
سلمى: احكي امي
هناء: انتي ومجد متخانقين صحيح!
سلمى: بتحط دفترها من أيدها اي متخانقين وخناقة بلا رجعة يعني هو بطريق وانا بطريق مابدي ياه بحياتي لا رفيق ولا اخ ولاشي
هناء: ماشاء الله وانتي هيك قررتي هالقرار لحالك
سلمى: بتضحك لكن بدي اخد أذنه يعني ولله مافهمت يعني
هناء: انتي بتعرفي انو مجد طالب ايدك من ابوكي !
سلمى: بتطلع بأمها بصدمة شوو
هناء : مجد طالب ايدك من ابوكي وابوكي وافق وعلى هالاساس رضي انو يدفعلك قسط جامعتك بس بما انو انتي عم تقولي لا وصار بينكن مشاكل ومابدك ياه بحياتك يعني مافي داعي يضل عم يدفعلك رح يسحب المصاري ويلي بدو يدخل على الجامعة يروح يدخلها بتعبه مو بتعب غيره ياسلمى
سلمى: بتطلع فيها بصدمة مجد هو هيك حكى
هناء: والله مجد حكى ولا ماحكى الزلمة حقه يسحب مصاريه هو أولى فيهن منك يروح يتزوج فيهن احسن ما انتي تاخديهن ولا فوق هيك مابدك ياه بحياتك هه حلوة والله انا اصلا كل تصرفاتك مو عاجبتني وعلى هوا يلي وصلني انو مجد هو يلي مزعلك بس انا متأكدة مية بالمية انو هو عم يدافع عنك ويحطها فيه لان مجد بعمره مازعلك بس انتي
سلمى: بتترك امها عم تحكي وبتطلع معصبة برا البيت
هناء: لك سلمى وين رايحة يا قليلة الادب تاركتيني عم بحكي وطالعة سلمىى
سلمى: بتطلع لعند ناهد بتدق الباب بقوة
ناهد: بتطلع على صوت الباب خير اللهم جعله خير مين عم يدق هيك
مجد: خليكي امي أنا بفتح بيمشي لعند الباب وبيفتحه بيتطلع بأستغراب خير ست سلمى
سلمى: بتطلع فيه بعصبية وبترفع ايدها بكل قوة وبتضربه كف أنت واحد حقير
مجد: بيرجع من ضربتها لورا خطوة وبيتطلع فيها بصدمة وبشد على قبضة ايده بعصبية مكبوتة ووجه بصير احمر أنت شو عملتي
سلمى: بتصرخ عليه أنت احقر واحد بشوفه بحياتي ليه بدك تسحب مصاريف جامعتي لان ماقبلت حبك ليه بدك تدمرليي حلميي

بتطلع ناهد على صوت صريخها وبتوقف ورا ابنها
مجد: بيضحك بصدمة وماعم يستوعب شو عم تقول هه
شوفو مين عم يحكي بالحقارة انتي
سلمى: بترفع ايدها مرة تانية من غيظها وبدها تضربه
مجد: بيمسك ايدها بقوة وبصرخ بوجها لهون وبسس عم تفهمي أنا ما رح اسمحلك تقللي مني ولو للحظة حاجتك اصحي على حالك انتي وحدة فاضية انانية شوفي حالك بمرايتك وشوفي وجهك الحقيقي شيلي وجه البراءة يلي عم تخفي حقارتك وراه انتي طلعتي من توبك يا انسةة
هناء: بتطلع ورا بنتها على الصوت ياسلمى
ناهد: بتقرب لتبعد مجد عنها مجد
مجد: بكون ماسك ايدها بقوة بصرخ عليهن كرمال الله ماحدا يتدخل خليني أحكي يلي بقلبي
هناء: بتطلع بناهد وبتأشر انها تتركه
سلمى: بتكون واقفة ساكتة وعم تطلع بمجد بقهر
مجد: بيتطلع فيها بقهر وكسرة خاطر مو مجد يلي بيسحب شي حطه أنا مارح اسحب مصاريف جامعتك لمجرد اني بيحكي بالغصب زعلتك وتصرفت معك تصرف حقير وكتير ( هو قاصد يرمي الحكي عليه كرمال امها بس هو قاصدها بالحكي ) أنا مابتراجع عن شي حطيته أنا حطيت لبنت خالتي يلي هي متل اختي المفروض وهاد الشي يلي صار بينتر ايدها منه وبيتطلع بهناء خالتي اعذريني على تصرفي مع بنتك بس أنا متغير باخر هالايام بيتطلع بسلمى ولسا الخير لقدام لان ماعاد حتشوفو مجد القديم وبيتركهن وبيدخل على البيت
سلمى: بتبعد عن أمها وبتركد على بيتها
ناهد: لاتواخذيني اختي بس مجد
هناء: بتطلع بناهد مجد مادخله ياناهد أنا بعرف انو الحق على بنتي بس مجد كرمالي عم يحط الحق عليه مجد أنا مربيته وهو بعمره ما بزعلها لهالكلبة بس انا بفرجيها
ناهد: بغلاوتي عندك مابتحاكيها شي بكرا بتكبر وبتفهم انو كلشي لمصلحتها
هناء: لك هي بدها مية كف لتفهم ماعرفت ربيها لا والله
ناهد: صغيرة ياهناء بكرا بتكبر وبتوعى تركيها
هناء: الله يغضب
ناهد: لا ياهناء شو هالحكي اوعك تلفظيها لهالكلمة ارضي عليها وادعيلها بالهداية
هناء: بتزفر بضيق حسبيا الله ونعم الوكيل
بتنزل هناء على بيتها ومابتحكي مع سلمى حرف
عند مجد بيدخل على غرفته وبيعد بقهر وحاسس بالخنقة والغصة بقلبه بحط أيده على خده بقهر
مجد: هيك ياسلمى بالاخير بنضرب على كل شي عملته معك انا الحق علي يلي خليت حبك يعميني ويخليني ضحي بكلشي كرمالك حبك يلي دمرني طلعتي أنانية وما بتستاهلي شي
عند سلمى
اعدة بغرفتها ومتدايقة من كلشي حوليها
سلمى: بتطلع على شباكها وبتقرب من الشباك وبتفتحه وبتطلع بضيق وبينزلو دموعها بقهر بتغمض عيونها
لتحس بريحة عطره نسمت عليها بتفتح عيونها
بكون مجد لابس ونازل من البناية
سلمى: بتمسح دموعها بسرعة وبتطلع فيه وهي متخبية ورا البرداية
مجد: بيتطلع على شباكها وبشوفه مفتوح وخيالها وشعراتها من ورا بردايتها عم يتطايرو بيبعد وجه عنها وبيمشي
سلمى: بتطلع رأسها وبتطلع عليه كيف عم يمشي حتى يختفي من قدام عيونها وبتحس قلبها عم يوجعها بس ماعم تعرف سبب هالشي بتسكر الشباك وبتدخل
عند مجد بيركب بتكسي وبروح على عنوان الشركة يلي على الكرت
بوصل مجد وبينزل قبال الشركة وبيدخل بوقف عند الموظفة
مجد: مرحبا
الموظفة: ياهلا
مجد: أنا بدي شوف الاستاذ محمد عبد الرحمن هو موجود ؟
الموظفة: اي موجود مين حضرتك ؟
مجد: أنا اسمي مجد هو ممكن بيعرفني ممكن تخليني شوفه
الموظفة: بس اسفة يااستاذ مابقدر خليك تشوفه بدون موعد مسبق مع الاستاذ محمد
مجد: فيكي تخبريه اني حابب شوفه بعلامة الزلمة يلي ضربه بسيارته
الموظفة: طيب تفضل انتظر هون حشوفه
مجد: شكرا الك بوقف مجد وعم يتأمل بالشركة لكبيرة وكمية الموظفين وشكلها الفخم
بتدخل الموظفة لعند محمد
الموظفة: استاذ محمد في شب برا بدو يقابلك
محمد: مين هالشب اخد موعد!؟
الموظفة: لا استاذ بس قال بعلامة الشب يلي ضربته بسيارتك
محمد: بيصفن شوي اه تمام خليه يدخل
الموظفة: تمام
بتطلع لعند مجد
الموظفة: استاذ مجد فيك تدخل الاستاذ محمد بانتظارك
مجد: بيبتسم بفرحة شكرا الك
الموظفة: العفو
بيمشي مجد وبكل خطوة عم يمشيها قلبه عم ينبض اكتر بدق الباب
محمد: تفضل
مجد: بيفتح الباب وبيدخل بيبتسم مسا الخير
محمد: بوقف وبقرب منه اهلا اهلا بمجد مو هيك ولا انا غلطان
مجد: بيبتسم لا مالك غلطان مجد
محمد: بصافحه كيف كيف صحتك
مجد: منشكر الله بدعي بسلامتك
محمد: تسلم تفضل تفضل اعود وبيعد ورا مكتبه وبيكبس الزر للموظفة بعتولي تنين قهوة
مجد: بيتطلع بالمكتب وبيتامله ماشاءالله الله يرزقك يارب الشركة حلو كتير
محمد: بيبتسم هاد من ذوقك يامجد
مجد: بيبتسم هلق اكيد عم تقول لحالك شو جابه لعندي
محمد: بيضحك في هيك شي ببالي بس نورتني على الحالتين
مجد: تسلم يارب أنا مارح اخفي عليك الكرت تبع حضرتك طلع معي بالصدفة وتذكرتك وحابب اطلب منك طلب وطبعا ما تقول اني لازم تقبله انو كرد للجميل لا هو عرض وطلب يعني

محمد: بيبتسم مارح قول تفضل يامجد
مجد: أنا جاية قدم على شغل عند حضرتك
محمد: شغل!؟
مجد: اي شغل بتقدر تشغلني عندك
محمد: شو مع شهادة يامجد
مجد: أنا بدرس تجارة وباقيلي آخر سنة وبتخرج
محمد: حلو الله يوفقك يارب
مجد: تسلم
محمد:وليه بدك تشتغل عندي يامجد
مجد: أنا يااستاذ محمد اشتغلت كتير شغلات لان حالتي المادية وحالة اهلي مو زيادة ولعدت اسباب ماقدرت ادخل حلمي يلي هو الهندسة مع انو طلعلي هندسة ومجموعة كان عالي كتير
محمد: بيبتسم واضح عليك انك شاطر يامجد وشهم ولو واحد تاني ماكنت رضيت امشي بهداك اليوم إلا مع تعويض مادي ويمكن كنت طلبت الشرطة بسبب يلي صار معك
مجد: استغفر الله يااستاذ محمد أنا الحق علي بوقتها كنت متقلع من الشغل لاني مارحت وسودت الدنيا بوجهي وانت طلعت قدامي بيضحك كلو نصيب يعني
محمد: بيبتسم صحيح نصيب طيب يامجد انت شاطر بالحسابات
مجد: اي اكيد شاطر وفيك تجربني إذا بدك
محمد: لا مارح جربك أنا حسلمك حسابات الشركة بهالاسبوع ورح شوفك حتأثبتلي جدارتك بهالشغلة ولا حتفشل مع انو يلي بعيونه هيك إصرار مستحيل يفشل ولارح يعرف الفشل انت رجال ما بيفشل بحياته واسمك بدل على صفاتك يامجد
مجد : بيبتسم الله يجبر بخاطرك يااستاذ
محمد: بيبتسم ايمتى بتحب تداوم وشو الراتب يلي بتحبه
مجد: من هلق اذا بدك بداوم وبخصوص المرتب أنا مارح اطلب شي يلي بتشوفه بيستحق على شغلي حطه وانا راضي وخليني اول أسبوع تجربة ومابدي مصاري
محمد: بيبتسم بإعجاب حلو النشاط رح خليك تبلش اليوم حتتعرف على الشغل والشركة وبكرا الشغل الجد و إذا بخسر قرش واحد من وراك مابتلوم الا حالك وبيضحك
مجد: أن شاء الله الرزق رح يزيد وكلو باذن الله صدقني
محمد: بيبتسم أن شاء الله
مجد: بوقف وبصافحه شكرا كتير الك
محمد: بيبتسم العفو صدقني لو ماحبيتك وعتبرتك متل ابني مارح اقبل شغلك لان لسا ما تخرجت بس مع هيك أنا واثق فيك يامجد
مجد: وانا رح كون قد الثقة باذن الله
محمد: باذن الله هلق خلينا نشرب قهوتنا وانت بعدها على الشغل
(بيشربو قهوتهن وبخلي الموظفة تدل مجد على مكتب المحاسبة ويعلموه على كل شغلة وحساب بالشركة وببلش شغله مجد بالشركة وبيحفظ كلشي وبينتهي يومه وبيرجع على بيته وهو راجع مشي بكون بتطلع سلمى من البيت وبتمشي على البقالية وهي ماشية وهو ماشي بيلتقو ببعضهن بتوقف سلمى وبتطلع بمجد
مجد: بيتطلع فيها بنظرة حادة وبكفي مشي بدون ما يعطيها اهمية
سلمى: بتطلع فيه كيف مشي وبتمشي بانزعاج
تاني يوم بجامعة
بتمشي سلمى وبتمسك بايد شب
سلمى: فيك تفهمني وين كنت مبارح سامي افندي
بيلتفت عليها
سامي: شو وين كنت هلق هيك الواحد بيستقبل يلي بحبه
سلمى: هيك بدو يكون استقبالي الك بس تكون مبارح طول لنهار تاركني ولا حتى مسج بعتت
سامي: كنت مع بابا بالشركة ليه
سلمى: بدك تفهمني انك صرت تشتغل هلق سامي افندي
سامي: سلمى شو عم تحققي معي شبك أنا سامي
سلمى: بعرف انك سامي بس كتير متدايقة منك
سامي: بحط أيده على كتفها خلص حبيبتي بعتذر منك سمسمة
سلمى: بتطلع فيه وبيرجف قلبها من كلمته
#فلاش_باك
مجد: بيبتسم وبيركد لعندها بفرحة لك نجحتيي سمسمةةة وبيحملها بفرحة وبيغمرها بقوة
#باك
سلمى: بتصحى من شرودها وبتبعد عن سامي سامي لاتقلي سمسمة
سامي: ليه تدايقتي
سلمى: هيك مابحب هالاسم أنا اسمي سلمى وبس
سامي: متل مابدك سلمى سلمى
بتقرب منهن شيرين
شيرين: هاي ياحلوين
سامي: هلا شوشو كيفك
شيرين: منيحة انتو كيفكن
سامي: مو كتير مناح وبأشر على سلمى
شيرين: مين مزعلك سوسو
سلمى: يلي واقف جنبك
شيرين: اوف سامي ليه مزعلها لسوسو
سامي: مبارح مافضيت حاكيها لهيك زعلت
سلمى: لان الاستاذ مجد مو فاضي بتحكي بدون ماتنتبه
شيرين وسامي : بيتطلعو فيها بصدمة
شيرين: مين مجد سوسو
سلمى: بتطلع فيهن باستغراب شو مين مجد أنا قلت مجد ليه!
سامي: هلق حكيتي مجد مين مجد سلمى
سلمى: بتتلبك اه مجد مجد بكون بكون ابن خالتي لصغير
سامي: ايوا وشو جاب اسمه على لسانك
سلمى: مبارح كانو زايرين عنا لهيك من كتر ماحكيت معه ضل اسمه على لساني
شيرين: بتطلع فيها بخبث امم بتصير سامي بتصير
سلمى: أنا طالعة على المحاضرة بشوفكن وبتركد
شيرين: مجد بكون ابن جيرانهن مو ابن خالتها هاد يلي كذا مرا شفناه عم يوصلها لهون ببداية الجامعة شب سنة تالتة جامعة تجارة
سامي: ايوا وعم تقول ابن خالتي بنت اللذينا مصاحبة كمان وعاملة علي شريفة مكة بس ايه أنا بفرجيها
شيرين: بتضحك شو بدك تعمل
سامي: بيبتسم يعني فركة إذن صغيرة لتعرف تلعب على سامي
شيرين: بتضحك فهمت عليك كالعادة
سامي: ياعيني عليكي كالعادة بس لنرميلها الطعم للشريفة الحلوة

شيرين: ابقا خبرني وانا جاهزة تشاو
سامي: تشاو
عند فاطمة بتكون طالعة من جامعتها وعم تمشي بيجي من وراها خالد وبيمسكها من أيدها
فاطمة: بتلتفت برعبة وبدها تضرب يلي مسكها بوكس
خالد: بحركة سريعة بنزل رأسه فورا ليتفادى ضربتها
خالد: هوب هوب اهدي
فاطمة: بتطلع فيه بصدمة هاد انت
خالد: بيتطلع فيها برعب أنا تسرعت اني حبيتك صدقيني لك شو حابب ملاكم مو هيك اهدي على حالك ياروحي مالنا بالكونفو نحن
فاطمة: بتضحك انت مافيك تجي من قدامي ليه حركات المنحرفين
خالد: شو منحرفين محسستيني اني عملتلك شي مسكت ايدك بس عفكرة
فاطمة: ابقى لبيس خوذة الوقاية وبتغمزه
خالد: بيبتسم ايه منلبسها يعني مو بس لسانك ونظراتك حادة وكمان ايدك
فاطمة: بتبتسم احذر مني وخود بنصائح الوقاية لسلامة الإنسان حبي
خالد: بيبتسم شو قلتي
فاطمة: قلت خود بنصائح
خالد: لا اخر كلمة مو هي
فاطمة: بتضحك حبي
خالد: اخخ قلبي لك فديت هالتمم وبيقرصها من خدودها
فاطمة: لك اخخ خدودي وجعتني
خالد: بحط ايديه قدامه متل الحركة القتالية كرمال يحمي حاله اوعك تضربي ها جهزت حالي
فاطمة: هلق كل هالقد شايفني شريرة ومقاتلة ومافيني انوثة زعلت منك عنجد وبتمشي وبتتركه
خالد: بيركد وراها لك طمطمي وقفي وقفي عم بمزح معك
فاطمة: بتوقف شو بدك
خالد: عم بمزح معك لك انتي كل الأنوثة وكل الرقة وكل العسل
فاطمة: بتخبي ضحكتها أممم صدقتك
خالد: شفتها لمخباية شفتها
فاطمة: بتبتسم خلص سامحتك
خالد: تعي اعزمك على احلى سندويشة فلافل حلوان الصلحة
فاطمة: بتضحك لاكريم عندي شغل مرة تانية
خالد: هلق شو شغل مناكل وبعدين بوديكي على الشغل يلا تعي بيمسك أيدها وبشدها
فاطمة: لك استنى خالد وبتضحك ياربي منك
عند مجد بالشركة بكون عم يشتغل بمكتب المحاسبة وماعم يهدي وعم يشوف الورق ويزبط لحسابات
بكون محمد مراقبه من برا وعم يبتسم بقرب وبيدخل لعنده
محمد: مرحبا
مجد: بوقف من ورا مكتبه اهلين استاذ
محمد: اعود مجد اعود
مجد: مابصير استاذ كرمال واجبك
محمد: بيبتسم وبقرب منه وبحطله ظرف قدامه هاد الظرف الك
مجد: شو هاد!؟
محمد: فتحه وشوف
مجد: بيفتح الظرف بشوف فيه مصاري ليه هدول استاذ محمد أنا قلتلك مابدي لتشوف شغلي
محمد: وانا ماعطيتك كرمال شوف شغلك بالاول هدول كرمال تروح تجيب بدل رسمية لان هون بالشركة لبسنا لازم يكون موحد متل مو شايف الك عندي ببدلة رسمية وانت شكلك مهم للشركة وهالشي علينا يااستاذ مجد وبحطله كرت محطوط بشريطة طويلة مكتوب عليها اسمه وصورة مجد وهي بتحطها برقبتك
مجد: بيبتسم تمام متل مابدك وشكرا الك
محمد: بيبتسم الشكر لله نحن شغلنا كله استراد وتصدير وبدي ياك عطول باحسن صورة تمام
مجد: تمام
محمد: هلق كفي شغلك يعطيك العافية وبيمشي
بعد مرور شهر
( بهالشهر ماتغير كتير شغلات غير مجد يلي اثبت جدارته بالشغل وعم يرتاح فيه شوي ورا شوي سلمى لسا مع سامي وشيرين يلي عم يخططو لشي مو معروف لهلق وخالد وطمطم لساتهن متل ماهنن وأيمن ماشفناه طول هالفترة لانه مسافر مع أبوه بمؤتمر ولازم يكون لان ابن رجل اعمال ونحن عم نشوف يلي تغير بحياتهن ونقلبت من حياة تجمعهن لحياة تبعدهن عن بعض)
بيصحى مجد الصبح بكير وبيلبس بدلة سودة وبرتب شعره بخفة وبيتطلع بالمرايا بشوف حاله كيف متغير تحت عيونه اسود من السهر والقلق يلي عم يصيبه وتعبه من الشغل يلي عم يوصل ليله ونهاره ليأثبت نفسه
مجد: والله وتغيرت يامجد بيتطلع بعيونه لمعة عيونك بلشت تختفي بيفتح خزانته وبطلع الصندوق من جواتها وبيفتحه وبطلع منه لحشة سلمى وبقربها منه وبيستنشق ريحتها بشوق وبغمض عيونه لتتغلغل جواته بنزلها من أيده وبفتح عيونه وبيتنهد بتعب اه اه منك ياسلامة روحي ولا ياجرحي العميق احترت شو سميكي أو اندهلك لو باللغة قلبي فإنتي سلامة لروحي ولو باللغة عقلي انتي جرحي العميق بحط اللحشة بالصندوق وبسكر عليه وبرجعه لمكانه وبيطلع
ناهد: بتطلع من المطبخ حاملة صينية القهوة شو ياروحي رايح
مجد: اي امي هلق بتأخر
ناهد: بتبتسم وبتطلع فيه اللهم صلي على محمد الله يحميك ياروحي
مجد: ببوس أيدها يخليلي ياكي
ناهد: بتحط أيدها على وجه بحنية من برا عم تحسسني انك بخير بس من جوا مو هيك الخراب يلي جواتك واضح من لمعة عيونك يلي ختفت ياحبيب روحي عم تطفي روحك بالشغل لتنسى بس يلي عم يصير انك عم تغرق بالذكريات اكتر واكتر
مجد: بيتنهد وبيبتسم بخفة الحياة بدها القاسي ياامي مابدها الحنون
ناهد: بعمرك مارح تصير قاسي الحنية يلي جواتك بتتوزع على كل البشر
مجد: بيضحك ادعيلي ادعيلي
ناهد: الله يريح قلبك وبالك يانور عيوني
مجد: امين يارب يلا سلام بينزل مجد من بيته وبيطلع من الحارة بدو ياخد تكسي بشوف سيارة واقفة برا الحارة بوقف للحظة وبيتطلع بالسيارة

بتركد سلمى من بعيد وبتقرب من السيارة
بينزل منها سامي وبقرب لعند سلمى وبيحضنها
مجد: بكون عم يراقبهن من بعيد بحس بضيق بقلبه بشد على قبضة أيده بقوة وعم يتماسك
بتطلع سلمى مع سامي بالسيارة وبتمشي السيارة
مجد: بيمشي وبوقف تكسي وبيركب فيها وبيطلع وجواته الغصة بوصل على الشركة وبيدخل بتستقبله الموظفة
الموظفة: استاذ مجد الاستاذ محمد بدو ياك هلق وبسرعة
مجد: في شي ليه
الموظفة: مابعرف بس يلي بعرفه انو عم يسأل عليك من اول مادخل
مجد: تمام رح شوفه بقرب من المكتب وبدق الباب
محمد: ادخل
مجد: بيدخل بهدوء صباح الخير استاذ محمد
محمد: بعبوس دخول يامجد
مجد: بيدخل وبوقف قالولي عم تسأل عني في شي
محمد: اي عم بسأل عن يلي مغير خطة الحسابات تبع الشركة كلها شو عملت انت
مجد: بيتطلع فيه وبيتوتر أنا أنا قلت انو هيك احسن للشركة منربح اكتر ومنوفر بالشغلات يلي مالها لأزمة وااقترحت عليك بالملفات انو نقلل عمال شوي ونكتر من الشغل لان في ناس اعدة بلا شغل بس عم ياخدو رواتب وانا حسنت من البرامج الموجودة بشو غلطت استاذ
محمد: بوقف وبيتطلع فيه انت بتعرف بهالعملة يلي ساويتها انك ربحتني بهالشهر ٥٠ بالمية من أرباح يلي كانت تطلع بسنة طلعو بشهر بيبتسم برافو يامجد برافو
مجد: بيتنهد براحة وبيضحك
محمد: بتسمحلي احضنك مجد
مجد: بيبتسم اكيد وبيحضنه بقوة
محمد: بيضحك وبربت على ضهره وبيمسكه من كتافه أنا من وقت ماشفتك شفت بعيونك الاصرار والمجد ماغلطو اهلك باسمك يامجد لا والله ماغلطو
مجد: بيبتسم تسلم يااستاذ هاد كله بفضلك لو ماعطيتني الفرصة وصدقتني ماكنت قدرت اثبت نفسي
محمد: بس انت يلي عطيتني الفرصة لشركتي يامجد وجودك فيها صار اكبر فرصة وإنجاز ومن هلق انت ايدي اليمين بالشركة وبعدم وجودي انت هون بدالي ورح تصير احسن من احسن رجل اعمال يامجد
مجد: بيلمعو عيونه بالدموع وبحس بالفرحة بتشكرك كتير
محمد: أنا يلي بشكرك يامجد وبالمناسبة بمدله ورقة هي شيك فيه الراتب يلي بيستحقه مجهودك
مجد: بيمسك الشيك وبيقرأ الرقم بصدمة انت متأكد استاذ محمد؟
محمد: بيبتسم اكيد
مجد: بس هاد كتير أنا ماعلمت شي
محمد: مو كتير على ابني يامجد انت متل ابني هلق انا الله مابعتلي صبيان بس انت صرت ابني
مجد: بيبتسم وبيحضنه بقوة
محمد: بيضحك وبيتطلع فيه ومن الشركة رح خصصلك سيارة الك معك عطول بدك شوفير أو انت بتسوقها
مجد: هيك كتير عنجد
محمد: بدك تضل تقول هيك كتير يلي بدو يكون بشركة محمد عبد الرحمن بدو يكون هيك
مجد: بيبتسم
محمد:بتعرف تسوق
مجد: اي بعرف
محمد: معك شهادة سواقة
مجد: لا ماطلعت
محمد: معناها بتروح بتعمل شهادة وبعدين بتستلم السيارة تمام
مجد: تمام
محمد: وهلق على شغلك يلا
مجد: بيبتسم طيارة وبيطلع
محمد: بيتنهد بابتسامة وبيعد على مكتبه براحة
مجد: بيدخل على مكتبه وبيعد وبيمسك بأيده الشيك وعم يتأمله بكون مكتوب بقيمة ١٠٠٠ د.ولار
برن موبايل مجد باسم خالد
مجد: برد الو
خالد: لك الله يلعنها لصحبتنا اي وينك مختفي يادب
مجد: مابتعرف اني مبلش شغل يعني
خالد: مضروب بعرف بس مو معقول الشغل ما يخلينا نشوف يازلمة
مجد: بيضحك بتعرف شو خالد
خالد: شو
مجد: أنا ترفعت بشغلي وصرت ايده اليمين للاستاذ محمد ومو بس هيك بتعرف اديه عطاني شيك
خالد: بمسخرة اديه يعني كم ليرة
مجد: شيك بي١٠٠٠ د.ولار
خالد: بيسعل بقوة شوو
مجد: بيضحك ورح يعطيني سيارة من الشركة كرمالي
خالد: بيبتسم بفرحة اي الف مبروك ياشريك
مجد: الله يبارك فيك خالد بدي منك خدمة
خالد: أمور شريك
مجد: بدي تراقبلي سلمى هالايام
خالد: راقبها!
مجد: اي تراقبها
خالد: متل مابدك مافي مانع حصير متل خيالها غيره
مجد: سلامتك
خالد: يعني اليوم الحلوان محرز
مجد: بيضحك على كيفك احلى سندويشة شاورما وبيضحك
خالد: لا العز مواتيك بيضحك الحمدلله يلي الله فرجها علينا من الفلافل
مجد: يلا وخبر ايمن لنعد تمام
خالد: ماشي شريك سلام
بسكر موبايله وبكفي شغله
المسا مجتمعين الكل بالقهوة
ايمن: بعد زمان انت وياه على هالجمعة
خالد: ماشاء الله صايرين رفقاتي مدراء اعمال واحد مسافر وواحد عم بيشتغل باقي غيري لساتني بنفس شغلي
مجد: شو اخبار شغلك صحيح
خالد: لساتني على الانترنت ماسك التسويق لاابي بي عم نفكر نفتح محل هون
مجد: الله يقويكن يارب
خالد: امين
ايمن: شو سمعت في عزيمة شاورما
خالد: اي وعلى حساب المليونير مجد افندي وبيضحك
مجد: تضرب انت وياه اي طلبتهن هلق بيجو لعندكن
خالد: طلبت وحدة زيادة
مجد: طلبت لكل واحد تنين
خالد: حسبت حساب طمطم
مجد: بيضحك اوف ليه جاية الحب لعنا
خالد: بيبتسم وهي ذكرنا حبيبة قلبي اجت

بتقرب فاطمة منهن
فاطمة: سلام ياشباب
خالد: بوقف اهلين بروحي
فاطمة: بتزوره بخجل
خالد: بيبعدلها الكرسي تعي اعدي
ايمن: شو موجبب
مجد: كتيررر
ايمن: ايمتى الخطبة حجي
فاطمة: هه قال يعني جاب هيك سيرة الاستاذ
خالد: بيتطلع فيها شو قلبتي علي حجة
فاطمة: والله ماقلبت بس الحق يعني انا بلشو يجوني خطابة ها
خالد: مين ابن
مجد: خالدد سكوت لا تكمل
خالد: تمام سكتت بس انو يسترجي حدا يفكر بس تفكير
مجد: بيتطلع بأيمن وبيحكو سوا حمشش وبيضحكو
بتطلع سلمى من بيتها وبتوقف بتشوفهن كيف اعدين وعم يضحكو
سلمى: بتغص وبتوقف عم تراقبهن
ايمن: بيتطلع وبشوفها بيحكي يا شباب سلمى عم تراقبنا من بعيد
بيتطلعو كلهن عليها إلا مجد
مجد: بيعمل حاله ماسمع ومابيعطي اي اهتمام صحيح ياشباب انا قررت شغلة
الكل: شو هي
مجد: أنا رح اترك الحارة
#يتبع
#نبض_القصص
#شو_بيشبهك_تشرين

رايكن لهون نبضي 🫂🖤