#الجزء_٢
بقلم#سدرة_عزالدين
مجد: بيتطلع فيها بصدمة وبيتطلع بالصندوق بطرف عينه وبيمشي بسرعة لعندها ليوقف بوشها كرمال ماتلاحظ الصندوق بيحكي بتوتر انتي انتي من ايمتى هون وشو جابك
سلمى: بتطلع فيه بغرابة وبتضحك بخفة بتبعد عن باب الغرفة وبتتركه مفتوح وبتدخل بكم خطوة شبك كأنك شفت عفريت قدامك ليه متلبك
مجد: مافي شي ليه بدي اتلبك بس ارتعبت لما شفتك مأمن عليكي ببيتكن شو طلعك لعنا
سلمى: أمم أي ماما بعتتلكن صحن مفركة بطاطا قال انت بتحبها فجبتلك ياها ودقيت على الباب كتير بس أنت شكلك ماسمعت وين كنت شارد
مجد: بيفرك جبينه وبيرفع شعره بخفة ماكنت شارد بس كنت عم ريح راسي شوي من تعب اليوم وشكلي ماسمعت دقتك بيبتسم كرمال يداري ارتباكه
سلمى: بتبتسم طيب أنا نازلة معناها بدك شي
مجد: سسلامتك الله معك
سلمى: بتلتفت وبدها تمشي وبترجع بتلتفت عليه مجد
مجد: بيتطلع فيها بسرعة اي
سلمى: بتقرب منه وبتحط ايدها على جبينه بخفة وبلمسة حنونة بتمرر اصابعها على خده وعلى لحيته الخفيفة وبتصفن شوي
مجد: بحس من لمستها قلبه عم ينبض بسرعة وانفاسه بتتسارع وبيتطلع فيها وعم يراقب حركاتها الطفولية والبريئة عم يراقب تفاصيلها بحب وغرام شعراتها الشقر الكيرلي المنفوشين وخدودها الوردين والنمش لمزينهن بخفة وعلى فرق الطول يلي بينهن واناقتها الشتوية يلي بتشهي القلب 😂
سلمى: أمم اوف بتطلع فيه وبتتوسع نظراتها حرارتك مرتفعة مجد
مجد: بيصحى من شروده أه شو قلتي
سلمى: بتنزل ايدها من على وجه عم قول حرارتك مرتفعة فيك شي مرضان حاسس بشي
مجد: لا لا مافيني شي بيضحك بخفة ليكني متل لحصان بس دفيان شوي متقل باللبس
سلمى: بتطلع بالبسه بتشوفه خفيف هيك ومتقل مجد غريب أنت والله بتضحك مهم أنا رايحة وانت انتبه على حالك هيك بتمرض بهاللبس وبتلتفت وبتمشي
مجد: سلمى
سلمى: بتطلع فيه وبتحرك بعيونها بفضول لتسمعه ليش ندهلها
مجد: بيبتسم وانتي انتبهي على حالك
سلمى: بتبتسم اوك يلا سلام ابو المجود
مجد: بيتأملها هي وعم تمشي من قدامه وبيهمس بخفة سلام بيلتفت على المكتب فورا بياخد الصندوق وبحطه بخزانته وبخبيه وبيقفل عليه وبيطلع لعند اهله
بيعد مجد مع امه وابوه على الطاولة لصغيرة المخصصة للاكل
ابو أمجد: مجد كيف شغلك ودراستك
مجد: بيرفع نظره وبيتطلع بأبوه بيبتسمله الحمدلله ابي ماشي الحال
ابو أمجد: ايه الله يرزقك ويوفقك نازل على البقالية اليوم؟
مجد: أي أكيد نازل رح خلص اكل وانزل بدك شي
ابو أمجد: لا بدي سلامتك بس عم بتطمن عليك
مجد: بيتطلع بأمه امي ناقصك شي للبيت لجبلك ياه معي من الشغل
ناهد: لا ياروحي مو ناقصني شي اليوم وبكرا بخلي ابوك ينزل على سوق الخضرة بجبلي النواقص أنت بكفيك شغلك كمان بدي لبكك بالبيت
مجد: بوقف دايمة شو هالحكي لك امي مافي داعي بابا ينزل ويتعب حاله بكرا قوليلي شو بدك وبجيبهن أنا وراجع
ناهد: الله يرضى عليك ويحميلي ياك
مجد: يلا أنا بدي اخد جاكيتي وانزل بدكن شي
ناهد: سلامة قلبك
بيدخل مجد على غرفته بجيب جاكيته وبيلبسه وبينزل
بيصدف هناء واقفة عم تطلع كيس لزبالة
مجد: مسا الخير خالتي
هناء: مسا الورد ياروحي كيفك
مجد: الحمدلله بالف خير انتي كيف صحتك
هناء: عم بدعي بسلامتك
مجد: يسلم ايديكي على لمفركة سيد من عملها والله
هناء: بتضحك ألف صحة وهنا
مجد: هاتي هالكيس من ايدك أنا نازل بكبه
هناء: لا والله مابدي غلبك
مجد: شو هالحكي لك خالتي أنا ابنك هاتيه
هناء: واعز والله بس هيك بدك تضل تاخده
مجد: بيبتسم أي لانكن عيلتي مو حدا غريب بيمسك الكيس يلا دعيلي وبينزل
هناء:الله ييسر امرك يارب يامجد ياابن ناهد وبتسكر الباب
سلمى: بتقرب من امها هي وعم تاكل بسكوتة لمين عم تدعي امي
هناء: عم بدعي لمجد
سلمى: أي نياله السيد مجد بينال دعاوي اكتر من ولادك
هناء: لان احسن من ولادي عرفتي ليه
سلمى: هيك صار احسن مننا
هناء: أي احسن وليه من وين هالبسكوتة
سلمى: أه هي كانت عندي من زمان بتبتسم ابتسامة باردة وبتركد على غرفتها
عند مجد بوصل على البقالية
مجد: السلام عليكم كيفك معلم
صاحب البقالية( ابو محمد): اهلين مجد منيح اجيت استلم بدي روح على البيت لان
مجد: تمام معلم الله معك وانا بس سكر بجبلك المفاتيح على البيت
ابو محمد: تمام الله يوفقك وبيمشي
مجد: بيشلح جاكيته وبحطه على الكرسي وببلش شغله برتب لرفوف وبيمسح الأرض وبشوف طلبات الزباين
بيدخل لعنده خالد وايمن
خالد: كيفك ابو شريك
مجد: بيرفع راسه من المكتب هلا شو منورين عنا
ايمن: أي قلنا أنت ما بتفضى تجي نعد بشي مكان نحن منجي لعندك
مجد: ياعيني على الافكار يازين مااخترتو شو بتحبو تشربو
خالد: بيضحك وبيتطلع بأيمن

وبيحكو سوا شاي
مجد: بيضحك قال يعني في شي تاني شربكن ياه
ايمن: بتحب توجبنا بالحكي بس
مجد: من فوق قيمتك كاسة الشاي استاذ ايمن ولا متعود ببيت اهلك على الكابتشينو
ايمن: والله هيك شي بس معك بقلب قرباطي وبشرب شاي
خالد: قال يعني هو مو قرباطي
مجد: بيضحك أول مرة بتقول شي صح استنو رح فوت أعمل شاي وارجع
(ايمن من بيت حالتهن المادية فوق الريح ومعهن ويعتبر من الاغنياء بس اهله متواضعين ومابعينهن المال والسلطة وخالد حالته يعني افضل بشوي من مجد بسبب ابوه يلي بيشتغل برا البلد وبيبعتلهن بس هالشي ماخلا بينهن وبين مجد فروق بالعكس هنن رفقة من هنن وبالمدرسة )
عند سلمى
بتكون بغرفتها اعدة على مكتبها وشاردة بشباك غرفتها ولكتاب قدامها مفتوح عم يدرس لحاله وعم تراقب الرايح والجاي
بتنط رفيقتها فاطمة من على الشباك
فاطمة: بس سوس كيفك
سلمى: هلا طمطم شو طلعك بهالوقت لبرا
فاطمة: نازلة جيب كيس سكر امي عم تعمل كيك ونقصنا تعي نزلي معي نروح لعند مجد على البقالية نشتري
سلمى: انتظري اسأل امي ومننزل
بتركد سلمى على الصالون
سلمى:امي امي
هناء: بتكون عم تخيط ومالها فاضية شو بدك
سلمى: بدي انزل مع فاطمة تجيب سكر من البقالية
هناء: اي تروح انتي ليش لتروحي
سلمى: امي كرمال الله شوي وبرجع مابطول امانة امانة
هناء:بتطلع فيها بطرف عينها روحي بس لاتطولو يلا
سلمى: يي يخليلي ياكي يااحلى ام بتبوسها وبتركد بتلبس وبتحط طاقيتها يلي خيطتها الها ولمجد وبتلبس بوطها وبتنزل هي وفاطمة بيتمشو على البقالية
عند مجد
بكونو عم يضحكو صوت ضحكهن لبرا بيدخل زبون
لزبون: مرحبا
مجد: بوقف اهلا وسهلا تفضل شو بتريد
لزبون: بدي كيلو جبنة
مجد: يلا تكرم رح ادخل جبلك بقوم مجد وبروح على البراد من جوا ليجيب الجبنة
بتدخل فاطمة على البقالية قبل سلمى بتكون سلمى عم تحكي مع وحدة بالحارة برا
فاطمة: مسا الخير
خالد وايمن: بيتطلعو على مصدر الصوت بأستغراب من النعومة والهدوء بشوفو قدامهن صبية ناعمة بعيون عسلية كبار ورموشها طوال وكثيفين وبشرتها بيضة متل الطفل لصغير وخدودها لونهن احمر ومدورين وشعراتها السود الملسين نازلين على كتافها متل الشلال ولابسة طاقية صوف بيضة وجاكيت ابيض
فاطمة: بتطلع فيهن إذا بتريد بدي مجد
أيمن: بوقف وبيبتسم بخفة مابيمشي الحال نحن نخدم بدل السيد مجد
فاطمة: بترفع نظرها عليه وبترفع حاجبها بعدم رضا عفواً
خالد: بيتطلع بأيمن وبينكشه لا تواخذينا اختي ماقصده شي بس إذا بدك منساعدك قوليلي شو طلبك
فاطمة: بتطلع بخالد بنظرة حادة وبتطلع بتفاصيله بكون شب حنطي طويل القامة جسمه رياضي متناسق ودقنه سودة خفيفة ومحددة برتابة بدي مجد ياريت تندهله
مجد: بيطلع هو وحامل بايده كيس الجبنة بيبتسم اهلين طمطم كيفك
فاطمة: بتبتسم بس تشوف مجد اهلين مجد الحمدلله
مجد: انتظريني لحظة تفضل اخي
لزبون: بحاسبه وبيمشي يسلم ايديك
مجد: معوضين بيلتفت وبيتطلع بفاطمة والله نورت ياطمطم شو جاية لحالك مالك بالعادة
فاطمة: لا سلمى معي بس واقفة عم تطق حنك مع الجارة
سلمى: بتنط لعندهن مراحب شو جايبين سيرتي
مجد: بيبتسم بس يشوفها أي عم نحكي على كلامك مع الناس يلي مابيخلص
سلمى: اننن بتطلع بالشباب كيفكن شباب كيفك ايمن كيفك خالد
ايمن: الحمدلله انتي كيفك سمسم
سلمى: بتضحك منيحة أنا
مجد: بيتطلع بأيمن بطرف عينه وبيزوره
خالد: بيتطلع بفاطمة وبيحكي شكلها الانسة مو طايقتنا من أول دخولها
سلمى: بتطلع بفاطمة فاطمة انتي مو طايقتيهن
خالد: واسمك فاطمة كمان
فاطمة: بتطلع فيه بعصبية ليكون مو عاجبك
خالد: لا استغفر الله ليه ما يعجبني شبك انتي هجوم فورا ماحكينا شي
فاطمة: بتطنشه وبتطلع بمجد مجد عطيني كيلو سكر
مجد: يلا تكرمي
سلمى: بتهمسلها ويعليكي شبك الشباب ولاد عالم وناس عيب تحاكيهن هيك
فاطمة: أي ولاد عالم وناس على حالهن بس لما يتجاوزو حدهن بدهن هيك ردود
مجد: تفضلي ست فاطمة
فاطمة: بتاخد من ايده وبتعطيه حقه شكرا مجد سلم على خالتي ناهد يلا سلمى
سلمى: روحي انتي أنا رح ابقى شوي وبرجع مع مجد
فاطمة: سلمى بكرا عنا امتحان روحي ادرسي
سلمى: بتزورها انتي شو بدك روحي يلا وجيبلي من الكيك بكرا
فاطمة: اوف منك تصتفلي باي وبتمشي
مجد: بيعد وبياخد كاسة الشاي وماتروحي تدرسي خانم هي بكلوريا بدها هز كتاف
سلمى: بتحرك بكتافها وبتعد على الكرسي وهي عم هزهن
خالد: بيضحك حلوة ام السوس
مجد: هاهاها مهضومين أنتو لتنين فاتحين باب رزق ولا كافيه لحضراتكن
أيمن: ام البخل تبعك تقول عم يضيفنا شي محرز يعني كلها كاسة شاي رح يزلنا فيها
مجد: قوم خود فردتك التانية وعلى بيتكن نفقنا حاجة يلا

ايمن: بيشرب آخر شفة من كاسته قوم فردتي تفضل
خالد: بيضحك وبوقف تفضل يلا صحيح سلمى ابقي سلمي على رفيقتك العصبية وخبيلي من الكيك يلي رح تجبلك ياه
سلمى: بتضحك أي بيوصل ابو الخل
خالد: بحب فهمك يلي بينزل فجأة عليكي
سلمى: بتختفي ابتسامتها مجدد شوف كيف عم يحاكيني
مجد: بس خالد يلا روح بلا بياختك
خالد: رايح رايح سلام بشوفك بكرا يلا ايمن
ايمن: يلا سلام وبيطلعو
سلمى: بتطلع بمجد وبتبتسم شو مابدك تسكر وترتاح شوي
مجد: بيتطلع فيها وبيبتسم مبلا رح سكر يلا قومي ضبي هالغراض جوا لدخل الاغراض من برا
بتقوم سلمى وبتساعده وبزبطو كلشي وبسكرو المحل سوا وبيطلعو وبيتمشو بهدوء بالشارع والقمر عم ينور الشارع والنسمات عم تشتد برودة بكل خطوة عم يخطوها وببلش المطر ينزل عليهن بخفة
سلمى: بتفرك ايديها بكتافها ييي شو برد لك وقت نزلت كان شوب كيف تحول الطقس فجأة
مجد: بيبتسم وبيشلح جاكيته وبحطه على كتافها لا تبردي اتدفي منيح ليه مو لابسة جاكيتك
سلمى: بتوقف وبتطلع بعيونه وبتبتسم بس هلق أنت بتبرد
مجد: بيتطلع فيها ماتخافي مارح ابرد بزبطلها الطاقية على راسها وبيمسح على خدودها بخفة ليبعد شعرها عن عيونها
سلمى: بتبتسم غريب هالجو من شوي كان شوب كيف صارت تنزل المطر
مجد: بيبتسم وبيتنهد ليه مابتعرفي انو تشرين غدار
سلمى: بتطلع فيه غدار؟!
مجد: أي غدار على غفلة بشتي مو سمعانة الغنية شو بيشبهك تشرين
سلمى: بتضحك يااه هيك معنى الغنية انو تشرين غدار هي أول مرة بركز بكلماتها انو بسمعها بس ماخطرلي انو عم يحكي عن تشرين الشهر
مجد: بيضحك الله على الجدبة بتعرفي آني أنا شهري المفضل هو تشرين
سلمى: بتبتسم بتحب تشرين
مجد: أي المفضل عندي بتحسي فيه مزيج مو مفهوم لغة مخفية مختلف عن كل الاشهر جامع الشتا والخريف والصيف والربيع بتشوفي فيه شمس الصيف الحادة وفيه مطر الشتا واعتدال الخريف ونسمات الربيع الباردة عبارة عن لحظات حلوة وغريبة ومختلفة بس مشكلته انو غدار ما بتتوقعي عليه لحظة معينة انو رح تدوم معه بيتحول من طقس لطقس بظرف ثواني وعلى قولة اهل اول مافي انقى من قمر تشرين ولا اعتم من غيم كانون واصعب شي فيه انو متغير وما بينحذر عليه لانه بيبتسم غدار
سلمى: بتضحك وبتغنيله اصعب كلمة بفكر فيها هي الكلمة يلي قلتيها كيف قدرتي ما تخبيها بعيونك الحلوين
مجد: بيضحك وبكفي معها كيف قدرتي تقسي علي وتقوليلي ماعاد فيني آخر كلمة بقلك هي شو بيشبهك تشرين
سلمى ومجد مع بعض: غدااارر شو بيشبهك انتي من دون انذار على غفلة بشتي بضيع حب سنين بضيع حب سنين شو بيشبهك تشرين
سلمى: بتضحك مع انو صوتي مو حلو ومع هيك أنت الوحيد يلي بتسمعلي
مجد: بيضحك مجبور لأنك بتشبهي تشرين
سلمى: بتبتسم وبتطلع فيه يعني أنا غدارة
مجد: بيضحك لا مو هيك
سلمى: لكن شو
مجد: بصوتك متل تشرين شوي بكون حلو وشوي قاسي لهيك شو بيشبهك تشرين اصلا انتي متله حادة ورقيقة ونسمة وبيضحك
سلمى: تمسخر تمسخر وبتركد وراه وبتضربه بجاكيته ليوصلو على بنايتهن بيدخلو
سلمى: تعال كمل السهرة عنا
مجد: دخيلك مابدي رايح نام بدون هز التعب مليون
سلمى: بتضحك الله يقويك شو بكرا جهزلك السندويشة للبيع
مجد: بيضحك خليها مكدوس مابحب الزعتر
سلمى: رح اعملها مفركة بطاطا ادسم
مجد: بيضحك تعي لقلك اعدي هون بيعد على الدرج
سلمى: بتعد جنبه أي حكيلي
مجد: ليه خليتني اتأخر اليوم لنطلع شو كان ببالك انسة سلمى
سلمى: بتطلع فيه وبتتلبك وبتبلش تلمس وجها ونمشها بخفة ما كان في شي هيك بس حبيت اتأخر شوي مابدي الحق الطابور تبع المدرسة
مجد: بيرفع حاجبه بأستغراب وشك اها قلتيلي وانا المفروض صدق ست سلمى
سلمى: انو أي ليش شوفي لحتى ماتصدق
مجد: مافي شي بس ما دخلت لعقلي يعني قديمة الكذبة هاتي غيرها
سلمى: بتضربه على ايده بخفة تضرب شو شايفني كذابة
مجد: اخخ ايدي شبك بيتطلع فيها سلمى لما بتكذب ببين عليكي عيونك بتصغر وبتصيري تلمسي وجهك كتير وخصوصي النمشات
سلمى: بتنصدم وبتطلع فيه وانت شو عرفك شو بعمل
مجد: بيضحك الي عمر أنا وياكي رفقة سلمى وعايشين نعتبر سوا فطبيعي اعرف كلشي عنك مو هيك فشو الكذبة يلا احكي
سلمى: بتطلع فيه بعصبية لانه كشفها وبتوقف مافي شي مجد شو هالحكي هاد بعدين شو عم تلمح بحكيك عم تشك فيني يعني حاج وهم واختراعات ويلا قوم طلاع نام يلا
مجد: بيتدايق من تصرفها هيك صار الحكي
سلمى: أي هيك صار يلا تصبح على خير وبتوقف وبتدق الباب بيتهن
مجد: أي طيب بس تذكري بس بدك تحكي يلي عم تكذبي فيه أنا موجود وبيتركها وبيطلع على البيت
سلمى: بتطلع فيه وبتزفر بضيق
مجد: بوصل على بيته وبيدخل على غرفته وبيرمي حاله على تخته من تعبه وضيقه وبغمض عيونه ليروح نايم من تعبه

بتشرق الشمس لتعلن يوم جديد
بيصحى مجد بيتطلع على حاله كيف نايم بتيابه بيتطلع بالساعة بتكون ٨الا بينتفض من تخته وبيركد بغسل وجه وبطلع ببدل تيابه وبيركد عم يلبس بوطه على الباب كرمال مايتأخر عليهن وكتبه ماسكهن بسنانه بلاقي امه حاطتله مصاري على الطاولة وورقة فيها مكتوب غراض بياخدهن وبينزل ركد
بينفتح الباب وبيطلعو سلمى وملهم
مجد: بينزل بسرعة لعندهن وبيتفشكل عند آخر درجة وبيجي ليوقع وبيسند حاله على آخر لحظة
هناء: الله الله يحميك ياابني شبك نازل بسرعة
مجد: عم يلهث وبياخد نفسه غصب متأخر صحيت هلق مالي حاسس كنت اخخ
سلمى: بتكتم ضحكتها أي هدي ماتأخرنا مابدها كل هالسرعة بعدين نحن مالنا صغار منروح لحالنا
مجد: بيتطلع فيها وبيبتسم ابتسامة باردة ناقصك من عند الصبح فلسفة خانم امشي قدامي امشي
هناء: بتضحك الله يحميكن يارب مجد ابني
مجد: أي خالتي
هناء:حسبت حسابك بالسندويش خود حصتك من سلمى
مجد: بيبتسم يسلم ايدكي
هناء: الله يسلمك يلا الله ييسرلكن
بيمشو كلهن وبشوفو فاطمة بالطريق بتمشي معهن وبوصلو على المدرسة
سلمى: بتكون عم تتلفت حوليها
مجد: بيتطلع فيها وبيتطلع مطرح ماعم تطلع مابشوف حدا سلمى
سلمى: بتنئز أي
مجد: يلا دخلو على المدرسة
سلمى: أي يلا رح ندخل بس صح خود سندويشتك
مجد: وينها
سلمى: ورا بالشنتة بتفتل ضهرها فتاح السحاب وخدها
مجد: تمام بيفتح سحاب الشنتة وبطلع السندويشة وبحط مصاري بدالها وبسكرها
سلمى: خلصت
مجد: أي اخدتها صح بقرب منها وبيهمس يلي بالشنتة هدول هدية بينا ماتحسسي حدا عليهن يلا دخلو لجوا
فاطمة: يلا سلمى باي مجد
مجد: باي الله يوفقكن
سلمى: بتطلع بمجد وبتبتسم وعيونها بتبرق بفرحة وبتمشي على المدرسة
مجد: بيبتسم وبيفتح السندويشة وبياكلها وبيركب بالباص وبيمشي على جامعته
بوصل على الجامعة وبيدخل
بيستقبلوه خالد وايمن
ايمن: كيفو ابو المجود
مجد: كنت منيح بس هلق من شوفة خلقتكن صرت امنح
خالد: بيضحك بحبنا كتير
ايمن: فوق ماتتصور
بتقرب صبية منهن وبتوقف قبالهن وبتبتسم
الصبية: مرحبا
بردو الكل: مرحبا
الصبية: انت مجد ؟!
ايمن وخالد: بيتطلعو على الصبية كيف لابسة قصير وصاروخ بيضحكو وبيتطلعو ببعض ايوا مجد وبيتطلعو بمجد
مجد: بيتطلع فيهن وبيزورهن أنا مجد تفضلي شو فيني ساعدك
الصبية:بتبتسم أنا ناني
مجد: بيتطلع فيها عفوا ناني!؟
الصبية: يعني نادين
مجد: اها أي تفضلي ست ناني بقصد نادين كيف بقدر ساعدك
نادين: انو أنا هيك سمعت أنك اشطر واحد بالجامعة
مجد: بيبتسملها شكرا هاد من ذوقك بس مو لهالدرجة
نادين: بمياعة لا لهالدرجة ونص يعني مو بس شاطر بتغمزه بخفة وحليوة كمان
خالد: ايوا رحلو والله مشهور رفيقنا
ايمن: راحت علينا والله ياشريك
مجد: بيتطلع فيهن وبيزورهن
نادين: مهم مجد فيك تساعدني
مجد: كيف فيني ساعدك انسة
نادين: في كم محاضرة مالي فهمانتهن فيك تشرحلي ياهن
مجد: بيبتسملها أي تكرمي بس فيكي تأجليها لبكرا اليوم مالي فاضي
نادين:بتبتسم بفرحة متل مابدك ايمتى بتكون فاضي أنا جاهزة ياحلو بتحط ايدها على كتفه وبتغمزه تشاو وبتمشي
مجد: بيتطلع عليها بقرف شو هالناس هي ياربي
ايمن: بقرب من خالد وبحط ايده على كتفه تشاو ياحلو وبيغمزه وبيضحك هو وخالد
مجد: بيتطلع فيهن كأني شامم ريحة مسخرة
ايمن: بيضحك لااعوذ بالله هي مسخرة عنجد
مجد: أنا بفرجيكن وبقرب بدو يضربهن بيركدو خالد وايمن هنن وعم يضحكو وبيلحقهن مجد
عند سلمى بالمدرسة
بتقرب منها شهد وبتطلع بسلمى بتكون سلمى عم تكتب بدفترها
شهد: بتقرب منها وبتحطلها كيس على مقعدهت
سلمى: بتطلع فيها شو هاد
شهد: بتضحك هدول تيتب بسيطة قلت بتلبسيهن بدل من هالتياب لعتيقة ومبينة مطرزة قديمة فقلت يابنت احسن ماكب تيابي القديمة بجبلك ياهن
سلمى: بتوقف شو تفضلتي
شهد: شبك ماحكيت شي بس حبيت اخدم
سلمى: بتمسك الكيس وبتزته على وجها خديه ونقلعي من هون بسرعة احسن مالبسك ياهن براسك يلاا
شهد: أي شبك يوه وبالناقص وبتمشي
فاطمة: بتقرب من سلمى شبك شو صار
سلمى: بتسكر دفترها وبتحطه بالشنتة بضيق وبتاخد شنتايتها وبتطلع برا الصف
فاطمة: سلمى سلمى انتظري شوي وبتركد وراها
سلمى: بتوقف شو بدك فاطمة
فاطمة: شبك شو صار
سلمى: ولاشي عم تعايرني بالبسي هالحقيرة
فاطمة: لبسك! ليه شبه لبسك الناس كلها بتتمنى تلبسه
سلمى: حاجتك فاطمة أنا امي يلي بتعملي لبسي مافيه لاماركة ولا اسم ولاشي
فاطمة: وانتي زعلانة ياهبلة ماهو هاد احسن من الماركات يلي عنده مين يفصله قطعة مالها بديل بينزعج
سلمى: أي أنا بنزعج ومو عاجبني هالشي هيك بفرح لما شوف وحدة عم تقلي هالحكي
فاطمة: وانتي معتبرة شهد انسانة عادية لك هي وحدة مجنونة ومالها من توبنا لنجاريها

سلمى: بس أنا مابكون سلمى إذا مابكسرلها راسها
فاطمة: لاحول ولاقوة الا بالله انتي مجنونة والله ومالك مقدرة النعم يلي بين ايديكي متل كتير نعم مو شايفتيها
سلمى: بتمسكها من ايدها شو قصدك بهالحكي
فاطمة: مابقصد شي بس انتي ركزي شوي بتعرفي قصدي
سلمى: بتطلع فيها مابدي ركز ياقلبي بحب ضل غبية أنا
فاطمة: أي خليكي تصتفلي الحق علي
سلمى: على سيرة الحق في مين بسلم عليكي
فاطمة: بتطلع بأستغراب مين
سلمى: بتبتسم بخفة خالد
فاطمة: بتطلع فيها مين خالد
سلمى: يي شبك سمك مخك خالد خالد رفيق مجد
فاطمة: أي الله يسلمك ويسلمه وليه عم تقوليلي هالحكي يعني
سلمى: بتضحك هيك يعني حسيت انو عجبك لهيك حكيت
فاطمة: عجبني وانا مستحيل شو هالعلاك لمصدي
سلمى: ايه بجوز عم تقولي علاك عنه بس بالنسبة الي حسيته بصير
فاطمة: سلمى فيكي تسدي تمك مو
سلمى: أي أنا يلي فيني بس بالله انظري بالموضوع شي طويل عريض مساحة محيط جمال كاريزما بتغمزه حليوة ها
فاطمة: بتزفر بضيق سلمممى خرسي
سلمى: بتضحك لك ليه قدامك الشب شوفيه مرة تانية قال الجايات اكتر من الرايحات كنتي شغلي نظرك شوي وفتحي قلبك بتزبط
فاطمة: كنتي افتحي نظرك وقلبك انتي يافالحة بعدين أنا بدي خلص البكلوريا حاليا مالي فاضية لااحلامك الوردية خليكي عم تطيري وتعلي شي يوم بدك توقعي طب وتنقرف رقبتك
سلمى: لا وحياتك مابنزل الا واقفة بكرا بتشوفي لما حقق احلامي واتزوج متل رجل الأعمال الغني زين جمال الدين بتعرفي
فاطمة: بتضحك عليها لك حمارة شي انتي من وين بدك تجيبي متله لهاد
سلمى: والله مو بعيدة اني جيبه هو بذاته
فاطمة: لك حيوانة الزلمة متزوج ومو أي حدا تزوج الوجه الاعلاني جوري يلي الكل بحبها ومو بس الكل اهم شي هو يلي اخدها عن حب سنين شوفي الفرق بينك وبينها شوفي احلمي على قدك روحي
سلمى: انتي شو دخلك فيني يوه أنا بدي متله وبكرا بتشوفي رح حب واحد يطلعني لفوق الغيم
فاطمة: سمعي مني على قولة ستي بعمرك لاتاخدي يلي انتي بتحبيه خدي يلي بحبك لان حيصونك طول عمره
سلمى: وبركي كان فقير قال فقر ونقر على قولة ستك وبتضحك
فاطمة: الغنى غنى النفس مو الجيبة ياحوبة وبتمشي
سلمى: أنا حوبة ماشي يافاطمة أنا بفرجيكي وبتركد وراها
بالبناية
اعدة هناء وناهد على البلكونة وعم يشربو قهوة ويخيطو وصوت فيروز طالع بهدوء
هناء: والله يااختي مين كان يقول انو نبقى مع بعض كل هالعمر
ناهد: بتضحك ومو بس هيك وولادنا يصيرو رفقة
هناء:أي ومتل الاخوة صحيح الله ماطعمني ولد كبير بس مجد عندي وأمجد بغلاوة ولادي والله
ناهد: بتبتسم وسلمى متل بنتي صح ماعندي بنات بس سلمى عبت هالمطرح بس ماحبيت منك كلمة
هناء: بتوقف شغل وبتطلع فيها شو هي
ناهد: كلمة اخوات هلق أي سلمى وأمجد اخوات بس سلمى ومجد
هناء: شو قصدك ناهد
ناهد: بتبتسم والله أنا حابة اطلب سلمى لمجد بس تكبر شوي كمان
هناء: بتضحك شو هالحكي هاد سلمى ومجد لك هدول ديك وجاجة ربيانين سوا وبيعتبرو حالهن اخوات
ناهد: واذا ربيانين سوا يعني ما بتزبط يكونو مع بعض
هناء: مو هيك بس بركي مجد بباله حدا تاني بجوز هو مابشوفها غير اخته لصغيرة
ناهد: بتضحك والله هلق عم بحكي حكي أنا بس بكرا بتشوفي يلي عم قوله رح يصير
هناء: بتضحك الله عليكي ياناهد
ناهد: بتضحك اشتغلي اشتغلي
عند مجد بخلص جامعة هو والشباب وبيطلعو بسيارة ايمن
ايمن: شو لوين وصلك على المطعم
مجد: لا اليوم مالي رايح رح رن واعتذر مالي قدران
ايمن: أي متل مابدك معناها على البيت
مجد: لا على مدرسة سلمى بدي جيبها هي وملهم ورجعهن معي
ايمن: أي متل مابدك يلا بشغل السيارة وبيمشي
خالد: انت بدك تضل هيك مجد
مجد: كيف هيك
خالد : يعني تحبها لسلمى من بعيد لبعيد
مجد: بينزعج وبيتطلع فيه وانت شو يلي مدايقك
خالد: ولاشي بس شو بقولو العصفور يلي ما بتسكر عليه بالقفص بطير لعند غيرك وياابني إذا البنت مابتعرف بركي مشاعرها اخدتها لغيرك
مجد: بينزعج أنت مادخلك خالد افندي بيجي اليوم وبحكيلها
خالد: متل مابدك بس لاتنزعج مني أنا عم بحكي لمصلحتك يعني بعدين صار في معجبين الك وبيضحك
ايمن: أي ناني ندوش وبيضحك
مجد: تضرب أنت وياه أي
بتوقف السيارة عند المدرسة
خالد: بيتطلع من الشباك ايوا والله شكله العصفور طار
مجد: بيتطلع على قباله بشوف سلمى واقفة هي وفاطمة وشب وعم يحكو برا المدرسة
ايمن: ايوا طار وحلق والله
مجد: بيفتح باب السيارة بانزعاج وقوة وبينزل منها وبيمشي بعصبية لعندهن وهو شادد على ايده بوقف قبالهن وبيلفظ اسمها من بين شفافه بصعوبة سلمى شو عم تعملي
سلمى: بتلتفت وبتطلع فيه بصدمة ممجد
#يتبع
#نبض_القصص
#شو_بيشبهك_تشرين
#كاتبة_بأنامل_صغيرة
رأيكن بالاحداث 🫂🖤فرجوني تفاعلكن

الجزء_٣
بقلم#سدرة_عزالدين
مجد: بيتطلع فيها بعصبية سلمى شو عم تعملي
سلمى: ماعاد تقدر تحكي شي وبتنخسر من رعبتها
مجد: بحط أيده على كتف الشب وبيرفع حاجبه بعصبية مين الاخ
بيلتفت عليه الشب وبيتطلع فيه
الشب: انت يلي مين وشو بدك من حبيبتي
مجد: بيتطلع فيه بصدمة وبحس رماه بخنجر بنص قلبه بهاللحظة وكلمة حبيبتي عم تنعاد بذهنه متل السم
سلمى: بتطلع فيه بصدمة وبقلبها الله لا يوفقك شو حبيبتك
فاطمة: بتنصدم من رد الشب وبتمسك بأيد سلمى بقوة من رغبتها
مجد: بيصحى من صدمته على الصدمة يلي قباله وبيبتسم ابتسامة خفيفة حقك تتعرف علي لازم بيفرك جبينه بايده بخفة وبكل ما الله عطاه قوة بيرفع قبضة أيده وبنزلها على وجه الشب ببوكس يعميه ويوقعه على الأرض
بوقف الشب بألم وبعصبية وبردله البوكس لمجد
سلمى: بتصرخ من خوفها مجدد
بالسيارة عند ايمن وخالد
ايمن: اووو بفك حزام الامان نزيل شريك ولعت بسرعة
خالد: اوف ركود بسرعة
بينزلو من السيارة وبيركدو لعند مجد
خالد: بيركد فورا وبصوت عالي بصرخ ولااااك وبنط على الشب وبيضربه بوكس ليدافع عن مجد
وبيركد ايمن وبأجر معهن
وبتعلق بينهن هنن والشب وبيلتمو الناس لتبعدهن عن بعض وبيطلعو بأقل خسائر
بكون مجد واقف وعم يلهث من تعبه وعصبيته وخالد ماسك مجد كرمال يبعده عن الشب
خالد: حاجته اخي مو مستاهل توسخ ايدك فيه اكتر
ايمن: نقلع يلا يلا تعيش وتحكيها لولادك بس كرمال تاني مرة ماتقرب علينا
الشب: بسيطة أنا بفرجيكن بسيطة
ايمن: اي روح تضرب بهالموديل بيتطلع بمجد صرلك شي اخي
مجد: بيتطلع بسلمى يلي واقفة بعيد مع فاطمة ودموعها عم تنزل بصمت لا مافيني شي الله يسلم ايديكن
ايمن: ولو عيب عليك شغلتنا هي
مجد: بيمشي لعند سلمى بغضب مكبوت وبيلحقوه الشباب
مجد: تفضلي قدامي على البيت
سلمى: بتطلع فيه بعيون مليانة دموع مجد أنا
مجد: بعلي صوته قلت امشي على البيت سلمى يلا
سلمى: بتهز برأسها بخوف وبتمشي قدامه
مجد: بصوت عالي ونظرات عتب وانتي فاطمة يلا قدامي
فاطمة: لاتطلع فيني هيك مجد
مجد: بيتنهد امشي فاطمة يلا
فاطمة : تمام رح امشي وبتركد وبتمسك ايد سلمى وبيمشو
ايمن: شريك خليني وصلكن بسيارة
مجد: مافي داعي رح جيب ملهم بطريقي ونرجع صرنا قراب على الحارة
خالد: بقرب من مجد وبحط أيده على كتفه أنا رح امرق عليك بالليل كرمال نحكي تمام
مجد: بهز براسه تمام وبيمشي
ايمن: يلا تعال لوصلك على بيتك
خالد: بيضحك امشي يلا
بيمشو كلهن وكل واحد منهن ساكت ومو قدران يحكي شي
مجد: بكون ماشي وراهن وسرحان بالكلمة يلي سمعها وعم يسمع صوت كسرة قلبه وروحه يلي نحرقت من ورا الكلمة يلي سمعها بوصلو على مدرسة ملهم وبياخدوه وبكملو على الحارة
بوصلو فاطمة على بيتها وبوقفو على باب بنايتهن
مجد: بوقف ببرود دخلو يلا
ملهم: شبك اليوم وجهك ما بيتفسر بيضحك صحيح مين معلم عليك ياباطل
مجد: بيحكي بجدية ملهم دخول على بيتك مالي رايق
ملهم: بتختفي ابتسامته تمام وبيركد على البيت وبدق الباب
سلمى: بتدخل وبتطلع فيه ودموعها حابستها بتحكي برجفة ممجد
مجد: بيتركها وبيمشي بدون مايتطلع فيها وبيطلع على بيته
سلمى: بتركد على بيتها وبتدخل هي وعم تبكي وبتركد على غرفتها
هناء: اهلين بحبايب وبتسكت بس تشوف سلمى عم تبكي وبتركد وراها سلمى امي سلمى
سلمى: بترمي غراضها بالأرض وبتعد على تختها عم تشهق وتبكي
هناء: بنتي سلمى شبك ياروحي
سلمى: بتشهق مافي شي ماما ولاشي
هناء: كيف مافي شي وهدول لدموع من شو
سلمى: امي قلتلك مافي شي بس في بنت حكت على لبسي بس هي القصة
هناء: بتطلع فيها بأستغراب لبسك! شبه لبسك ليه
سلمى: بتحاول تسمح دموعها قال أنا لابسة لبس عتيق ورمتلي تياب من عندها وسمعتني حكي بهز البدن
هناء: اي وبدها كل هالبكى حبيبتي يلي مابتزينه عروقه ما بزينوه خروقه وكل واحد بعيش على قده وانتي لبسك مافي احلى منه ولافي متله بالدنيا تنين لاني بكل خيط وقطبة ياروحي بدعيلك الله يسعدك ويهنيكي بحياتك ويوفقك وبكل قماشة بخيطها بخيطلك ياها من هون من جوا قلبي وروحي بحط فيها قطعة مني لتطلع بتليق بجمالك ياعمري
سلمى: بتبتسم وبتحضن امها يخليلي ياكي ياعيوني
هناء: بتبتسم ويخليلي ياكي ياقلبي يلا مسحي دموعك وقومي غسلي عاملتلك ملوخية مو بتحبيها انتي
سلمى: بتبتسم اي بحبها
هناء: معناها يلا قومي رح حضر الاكل أنا وبتقوم
سلمى: بتتنهد بضيق وبتهمس لحالها انا شو بدي اعمل هلق بركي مجد حكى لماما طيب شو ساوي ياربي اوف يامجد اوف
عند مجد بيدخل على البيت ووجه ما بيتفسر من كسرته بهاللحظة وعيونه مو شايف فيهن دربه بيدخل بدون مايحكي حرف وفورا على غرفته
ناهد: ابني مجد أجيت بتوقف لما تشوفه كيف وجه مزعوج ووقت يدخل على غرفته بتعرف انو في شي بتدخل وراه امي مجد

مجد: بيتطلع عليها بتعب أي امي
ناهد: فيك شي ياروحي شبك
مجد: مافيني شي امي بس تركيني لحالي إذا بتريدي
ناهد: بس ياامي
مجد: كرمالي تركيني شوي
ناهد: متل مابدك ياروحي رح اتركك وبتطلع وبتسكر الباب
مجد: بيزفر بضيق وبغمض عيونه بقسى ومو قدران يتقبل يلي سمعه وعم يتنفس بصعوبة من تفكيره يلي رح يقتله بيهمس لحاله هو وشادد على أسنانه بعصبية وضغط ليه ليه لييه بشد على قبضة أيده وعم يردد ليه سلمى ليه هو ليهه بفتح عيونه بضيق وبيضرب على مكتبه بقوة بأيديه وبصرخ ليييه
ناهد: بتكون واقفة برا وبتسمع صرخة ابنها بس مو قدرانة تدخل تسأله لان بتعرف مابيحكي شي
مجد: بحس بنغزة بقلبه عم تدبحه وكأنو روحه عم تتقطع لأجزاء وعيونه بيحمرو من حبسته لدموعه يلي مو قادر يعطيهن المجال ليعبرو عم وجعه بهاللحظة وخذلانه وبنفس الوقت عم يلوم حاله بوقف وبيرمي حاله على تخته وبيمسك مخدته بقوة وبيدفن رأسه فيها وبصرخ جواتها باعلى صوته ليفضى كل هالوجع يلي جواته وكل كلمة مو قدرانة يبوح فيها قدام الكل عم يحكيها بشكل مو مفهوم ليقدر يريح حاله بجزء بسيط
بمر الوقت وبيغفى مجد من تعبه ومابحس على شي غير باب غرفته عم يندق والدنيا عتمة
مجد: بفتح عيونه بصعوبة وبيتطلع بالباب بيحكي بصوت خافت تفضل
بيفتح الباب خالد
خالد: شو ابو المجود نايم
مجد: هاد انت بيتجلس وبيتطلع فيه بعين مغمضة وعين مفتحة فوت فوت
خالد: بيشعل الضو وبيدخل
مجد: لك طفي ياجحش نعميت
خالد: بيضحك كرمال تصحصح شو عامل أجواء اكتئابية ونايم
مجد: بجلس حاله وبيتطلع فيه أجواء اكتئابية قلتلي هه ليه يلي متلي بحقلهن يكتئبو ويزعلو لك خالد
خالد: له له رح تزعلني منك ليه شبك شو ناقصك حتى ماتزعل متل باقي البشر يعني
مجد: يلي ناقصني لكون متل باقي البشر انو يجو البشر ويحسو فيني
خالد: بيبتسم وحياتك انك احسن من احسن انسان تعرفت عليه ياأخي بعمرك لا تنتظر من حدا يحس فيك الاحساس هالايام موجود عند الحيوانات بعيد عنك ومو موجود عند البشر
مجد: بيتطلع فيه بطرف عينه وهلق انت حاسس فيني خالد
خالد: اكيد اخي حاسس فيك وبوجعك
مجد: بيضحك بخفة يعني نضميت لأي فصيلة
خالد: لفصيلة ال وبأدرك الكلام وبيتطلع بمجد وبيضربه على كتفه ياحيوان تضرب انت ويلي عم يعطيك نصايح
مجد: بيضحك وبيحضنه بتعب اخخ احلى اخ والله
خالد: بيضحك احلى ابو الجود
مجد: رح قوم غسل وجهي وننزل لتحت نعد احسن من هون
خالد: اي قوم قوم بيتسطح بتخته شو عاملين اكل مجد
مجد: بيبتسم مابعرف والله هلق بشفلك
خالد: بصرخ خالتي ام امجدد
ناهد: بتدخل على الغرفة بابتسامة اي ابني
خالد: بالله عليكي شو طابخة
مجد: بيضحك اقسم بالله قرباطي وبيطلع
ناهد: عاملة بامية ليه
خالد: امم مابحبها مو مشكلة عندك مكدوس
ناهد: بتضحك أنا يلي عندي
خالد: اي الله يكرمك سندويشتين بمعيتك ولا قلك خليهن تلاتة هلق بشاركوني الاوباش لان اي واذا ما بدي غليك حطيلي ياهن على الصوبيا
ناهد: اي من عيوني تكرم عيونك اي شو كم خالد عندي
خالد: بيبتسم واحد والحمدلله الله يسلم ايديكي سلف
ناهد: بتبتسم الله يسلمك وبتطلع
بيطلع خالد ومجد من البيت وبيمشو ليعدو بشي مكان وبيجي ايمن لعندهن وبيعدو بالقهوة
ايمن: خالد شو هالكيس يلي بأيدك
خالد: بيضحك وبطلع السندويشات من الكيس هدول سندويشات مكدوس من ايدين خالتي ام امجد ومنت عليها سخنتلي ياهن على الصوبيا شي فاخر بس طلبونا كاسة شاي
ايمن: اي والله اطيب سندويشة من ايدين خالتي هات لشوف حصتي هات
مجد: بيبتسم وبيطلبلهن شاي
خالد: خود كول مجد حاج مكتئب
مجد: بيمسك السندويشة هات من ايدك هات
ببلشو يأكلو ويشربو شاي
عند سلمى بتكون واقفة على شباكها وبتشوف مجد وخالد لما نزلو وعم تحوص بدها تنزل تشوف مجد بتحاكي فاطمة لتتحجج وتجي تاخدها بأي شي
بتوصل فاطمة لعندها بعد مية بوسة ايد من سلمى وبتنزلها بعد مية بوسة ايد لهناء وبينزلو وبيمشو على القهوة
مجد: بكون عم ياكل وعم يضحكه ايمن على نكته البايخة
ايمن: انتظر كملك وعم يضحك قال كان في واحد مجنون قام بيتطلع على سلمى وفاطمة وبكمل حكيو صارو تلت مجانين شوفو مين جاية لعنا
مجد: بيلتفت عليهن وبشوف سلمى بنزل السندويشة من أيده وبحطها على الطاولة بانزعاج
سلمى: بتقرب منهن بخجل مسا الخير
ايمن: مسا النور اهلين سلمى
خالد:مسا النور وبيتطلع بمجد
سلمى: بتطلع بمجد بارتباك مجد فينا نحكي شوي لحالنا
مجد: بيتطلع فيها بانزعاج وقسى شو بدك تحكي سلمى مافي شي ينحكى
سلمى: بترجاك بس شوي مجد كرمال العشرة يلي بينا كرمال صداقتنا بترجاك
مجد: بيتطلع عليها وبحن قلبه عليها مابيقدر يزعلها بوقف تمام امشي
سلمى: بتبتسم بخفة وبتلحقه

فاطمة: بتطلع بخالد وأيمن وبتوقف
ايمن: بوقف تفضلي آنسة فاطمة اعدي لا تضلك واقفة
فاطمة: بتطلع فيه ببرود لا شكرا مافي داعي
خالد: بياخد كاسة الشاي تبعه بكون لسا ماشرب منها وبيمشي خطوتين لعندها طيب تفضلي هي على القليلة واعتبريها اعتذار عن تصرفنا بالمرة الماضية
فاطمة: بترفع نظرها وبتطلع بخالد
فاطمة: بتطلع بخالد ببرود وبتصفن فيه
خالد: بيبتسم وبيبرزو أسنانه بخفة بعرف أننا قليلين ذوق واول لقاء بينا مو بهالتشريف بس عنجد نحن منعتذر إذا تدايقتي مننا بس شو بدي اعمل رفيقي قليل فهم ولسانه بيسبق عقله
فاطمة: بتضحك بخفة ومابتقدر تمسك ضحكتها
خالد: بيضحك وقت يشوفها عم تضحك يلا صافيها لبن
فاطمة: بتبتسم تمام رح اخد الكاسة هالمرة لانك محترم ومابدي خجلك
خالد: الله يعزك يارب
ايمن: بيحكي من بعيد أنا قليل ادب يعني مو محترم
فاطمة: بتبتسم يعني بالبداية هيك شفتك بس وقت شفت موقفكن مع مجد اليوم بدون ماتعرفو السيرة هجمتو مع رفيقكن يعني غيرت نظرتي الكن
ايمن: بيضحك وبوقف جنب خالد الله يعزك يا آنسة فاطمة يعني خلص حليب ياقشطة وبيغمزها بخفة
فاطمة: بتطلع فيه رجعنا
ايمن: بيضحك لا لا خلص اهلين فيكي احلى ابو شريك
فاطمة: بتبتسم اهلين فيك وشكرا على الشاي استاذ خالد
خالد: بيتطلع فيها وبيبتسملها ولو مافي شي من واجبك بس صحيح شو صار بالكيك
فاطمة: بتطلع فيه وبتضحك من قلبها مو معقولين انتو والله
عند مجد وسلمى
بوقف مجد وبيعد على الرصيف
سلمى: بتوقف وبتعد جنبه وبتطلع فيه بخجل وارتباك مجد
مجد: قولي شو بدك تبرري سلمى
سلمى: أنا بتحكي برجفة صوت ودموعها بتتجمع بعيونها أنا مجد وبتشهق
مجد: بيلتفت عليها وقت يسمع شهقتها وبيتطلع بعيونها بوجع وغصة ليه عم تبكي هلق
سلمى: بتطلع فيه وبينزلو دموعها أنا غلطت أنا ماكان قصدي يصير يلي صار
مجد: بيرتجف قلبه على بكاها بس يلي سمعته شو ياسلمى
سلمى: أنا مالي فهمانة يلي صار هالشب يلي حكالك اني حبيبته هي أول مرة بوقف معه والله هو كان يراقبني وقت روح على المدرسة واجي وطلب كتير اني يحاكيني وهي أول مرة بوقف معي وقت شفتنا صدقني أنا مالي حبيبته ولاشي بس كان في بينا اعجاب بس
مجد: بيتطلع فيها وبكلماتها يلي عم تدبحله قلبه وهي مو حاسة كنتي معجبة فيه!؟ بيلفظ جملته بصعوبة
سلمى: مابعرف مابعرف أنا أول مرة بحس هيك انو في شب عم يتقرب مني وبدو يحاكيني حسيت حالي اني مهمة متل كل البنات يلي بصفي يلي بيحكو بهالقصص أنا بتمسك ايد مجد بخفة بعمري ماغلطت مجد انت بتعرفني أنا وياك ربيانين سوا بترجاك لا تخبر حدا على يلي صار وانا ماعاد عيدها صدقني
مجد: بيتطلع على أيدها يلي ماسكة أيده بقوة وعم تتوسل اله بيتنهد بغصة وبيحكي أنا ماكنت ناوي احكي لحدا شي سلمى انتي عرضي وشرفي سلمى لهيك ماقبلت عليكي هالوقفة هيك شي مو لاالنا ولا تربايتنا إذا في بنات بمدرستك بيقبلو بهالشي هدول حرين هنن هيك تربايتهن بس انتي مو هيك تربيتي عم يحكي ويكابر على حاله بالغصب بعدين بيتطلع فيها بكسرة خاطر لاحقة تحبي وتنحبي الدنيا لقدامك لسا ورح يجي اليوم يلي رح تعرفي مين بحبك وتحبيه وتحققو احلامكن سوا
سلمى: بتشهق وبتطلع فيه يعني رح يجي يلي رح يطلعني فوق الغيم ويحققلي كلشي بتمناه
مجد: بيبتسم بخفة رح يجي ورح تحققو احلامكن سوا
سلمى: بدي هو يحققلي احلامي مابدي نحققهن سوا
مجد: بيصفن بكلمتها كيف يعني
سلمى: يعني يكون هيك متل ممثلين التلفزيون والمشاهير يلي منشوفهن يقدر يعيشني متل ماانا بحلم
مجد: بس انتي قلتي هدول احلام ومو كل الاحلام بتتحقق
سلمى: بس أنا بدي حققهن
مجد: بيبتسم ورح يجي يوم ويتحقق كلشي بدك ياه بس حسب النصيب والقدر
سلمى: والله أنا بدي واحد نواجه قدرنا مع بعض ونتغلب عليه مو القدر يلي يغلبني
مجد: اممم قلتيلي ايه الله يبعتلك
سلمى: بتبتسم مجد
مجد: بيتطلع فيها نعم
سلمى: سامحتني
مجد: ليه بهمك زعلي كتير
سلمى: اكتر ماتتصور لك دب بتضربه بخفة أنت رفيقي يلي مابستغنى عنه وهلق بيت اسراري بتعرف شو
مجد: بكون عم يراقب كلماتها يلي عم تدبحه ببسمة شو
سلمى: أنا يلي رح زوجك واخترلك شريكة حياتك لان بركي بعدتني عنك أنا مابقدر بدون غلاظتك ووجودك بحياتي
مجد: بيحكي ببرود وبركي يلي رح تتزوجيه بعدك عني شو بتعملي
سلمى: بتضحك لا وحياتك رح تكون ضمن احلامي أنت بتشد على ايده لك أنت رفيق دربي
مجد: بيبتسم وعم يتطلع بعيونها بحب وجواته ألف جرح وجرح من كلشي عم بصير حوليه من عجزه وقلة حيلته
سلمى: سامحتني ابو المجود
مجد: بيبتسم وبهز براسه سامحتك
سلمى: بتضحك وبتغمره بقوة الله مايحرمني من ابو المجود
مجد: بينصدم من غمرتها لااله وبيتجمد بمكانه لدرجة بحس قلبه رح يطلع من صدره وكل ذرة بكيانه تخدرت

سلمى: اوف ايه قلبك عم يدق كتير بتطلع فيه بعيون عم تبرق وحمرة من بكاها
مجد: بيصحى من صدمته ولاشي يمكن بردت خلينا نرجع لعند الشباب يلا قومي وبوقف وبمدلها ايده
سلمى: بتبتسم وبتمسك بايده يلا
مجد: بيمشي هو وسلمى وبيحكي انتبهي على دروسك الامتحانات على لبواب لاتسمحي لمشاعرك تاخدك لمكان ما اله رجعة الطلعة مو متل النزلة يا سلمى
سلمى: بتطلع فيه اي دخيلو يلي بيعطي نصايح تعا عزمني على حلوان الصلحة
مجد: والله مفلس لاتواخذيني مامعي ليرة اليوم مااشتغلت شي
سلمى: يي علينا خلص تعال بشرب كاسة الشاي تبعك وبتضحك وبيمشو لعند الشباب
خالد: شو تصالحتو
سلمى: مابقلك المتل بين النور مافي تكلفة
ايمن: اي والله صح معك حق ونحن تصالحنا ها
فاطمة: بتضحك يلا سلمى خلينا نرجع على البيت
مجد: بيحكي معهن وعم يحاول يلطف الجو بس من جواته عكس البرود يلي عم يفرجيه للعالم تصالحتو يعني آنسة فاطمة
خالد: اي عزمناها على كاسة شاي
سلمى: مو متلك يامفلس ما عزمني لا حلوان الصلحة ولا شي
مجد: شربي كاستي سلمى ووخلصيني بكرا بعزمك
سلمى: ايه اخدناها كلمة وين كاسة الشاي
ايمن: يطعمك الحج والناس راجعة شربها خالد
خالد: بيتطلع فيهن وبيبتسم
سلمى: سمنة وعسلل الاهييي
خالد: فهمت عليكي وبيضحك
مجد: فاطمة بدي حاكيكي شوي ممكن
فاطمة: اكيد تفضل
بيمشو شوي لبعيد وبوقفو وبيلحقهن خالد وبوقف معهن
خالد: فيني وقف
مجد: بيبتسم وقف شريك وقف محرم جايبك معي
فاطمة: بتكتم ضحكتها اي قول مجد
مجد: كنتي بتعرفي أنها عم تشوف هالكلب وما تدخلتي فاطمة
فاطمة: أنا مادخلني بتعرفني مالي بهيك قصص مجد
مجد: بيحكي بجدية وبعلي صوته شوي انتي مالك بهيك قصص بس بتخلي رفيقتك على راحتها بدون ماتوعيها والله مابفهمكن انتو ياهالبنات كيف بتفكرو اه
فاطمة: مجد لا تعطيني مواعظ وتصرخ علي وكأني أنا المذنبة أنا يلي بيدعس على طرفي بيندم وبتعرف هالشي بدك تحاسب حدا حاسب يلي كانت واقفة مو انا
خالد: بيتطلع فيها بأعجاب من جرائتها وكلامها المحسوب ومابدل على صغر سنها ابدا بيحكي بعفوية اوو حبيت شابو الك صراحة
فاطمة: بتطلع فيه بنظرة حادة
خالد: بيبتسم وبأدرك شو عمل عم بعطي رأيي بس
مجد: بيتطلع فيه وبيزوره فاطمة أنا ماعم بعطيكي مواعظ ولاشي بس لازم توعيها سلمى طايشة مو متلك ما بتتصرف بعقلها عطول ورا عواطفها
فاطمة: حكيت كتير معها مابترد كنت احكي معها انت
مجد: بيضحك بخفة أنا بيتنهد بضيق اخخخ انا
بيطلع صوت ايمن عم ينده لخالد
خالد: بيتركهن وبيمشي لعند ايمن
فاطمة: بتحط أيدها بجايبها وبتبتسم وبتهمسله بصوت خافت عفكرة مجد انت مقروء كتير مبين من عيونك حبك لسلمى وبعد هالموقف يلي عملته اليوم تأكدت مية بالمية انك مو بس بتحبها انت بتعشقها لسلمى
مجد: بيتطلع عليها بصدمة شو عم تحكي فاطمة مافي شي من هاد
فاطمة: مستحيل احساسي مابخيب بشي انت من زمان بتحبها لسلمى وماعم تقدر تخبرها انت خايف ترفضك موهيك
مجد: بيتنهد مو القصة قصة خوف القصة اكبر من هيك
فاطمة: لكن شو القصة ليه ماتصارحها
مجد: لاني مابدي اخسرها
فاطمة: تخسرها! كيف يعني
مجد: فاطمة سلمى بتعتبرني رفيقها بس هي إذا مو اخوها مو شايفتني بعيون قلبها شايفتني كمجد بعقلها يلي متربية معه ومتل اخوها بس
فاطمة: أنا حاولت لمحلها بس مافهمت اصلا
مجد: اوعك فاطمة تخبريها بشي اوعك أنا لما بدي خبرها بهالشي بعرف الوقت المناسب أنا هلق كل همي أنها تدرس وتنجح بالبكلوريا تمام وعديني ماتخبريها شي
فاطمة: بتبتسم تمام بوعدك وعفكرة رفيقتي غبية وعمية كتير
مجد: بيبتسم ياستي الله بفرجها
فاطمة: بتبتسم أنا صار لازم امشي بدك شي
مجد: لا سلامتك الله معك
بتمشي فاطمة وبيرجع مجد لعندهن وبياخد سلمى وبيرجعو على البناية والشباب بروحو على بيوتهن
تاني يوم بتشرق شمس لنهار لتعلن بداية يوم جديد من ايام تشرين الساعة ٧الصبح
بيصحو على صوت المطر على الشبابيك وريحة الشوارع يلي عم تفوح من قوة المطر والكل على الشبابيك والدخان عم يطلع من لبيوت من الصوبيات والولاد عم يركدو تمت المطر بجواكيتهن ليقدرو يوصلو على مدارسهن بتكون هناء صاحية لابسة الشال على كتافها ومأعدة ملهم جنب الصوبيا ومحضرة قهوتها وحاطة الدولة على الصوبيا من فوق كرمال تضل سخنة وريحة القهوة معبية البيت والبناية وصوت فيروز بأيام البرد بأيام الشتا عم تتنغم فيه
هناء: يلا ياسلمى تعي اتدفي شوي قبل ماتمشو
سلمى: بتطلع من غرفتها عم ترجف وبتركد على الصوبيا وبتعد جنبها اخ على البرد والمطر ماعم توقف يالطيف
هناء: بتفتح شناتيهن وبتحطلهن السندويشات فيهن لك ملهم وين كيس السندويشة ماقلتلك لا تكبه
ملهم: لك امي طار مني وماجبته حطي غيره

هناء: من وين بدي جبلك كياس أنا ياويلك اليوم ترجع بدونه رح حطلك واحد جديد
بيندق الباب بكون مجد وناهد
هناء: بتمشي وبتفتح الباب
ناهد: صباح الخير
هناء: ياصباح الورد تفضلو دخلو الدنيا برد دخلو
مجد: اندهيلي لاالهن خالتي مابدي نتأخر
هناء: يلا ابني يلا ياسلمى ملهم تعو مجد عم يستناكن
بيطلعو ملهم وسلمى وبيلبسو أحذيتهن وبيطلعو هنن ومجد وبياخدو بطريقهن فاطمة وبيمشو تحت المطر
سلمى: مجد
مجد: نعم
سلمى: إذا مابدك تتأخر روح على جامعتك ونحن منكفي لحالنا
مجد: بيحكي بنبرة حادة وبسرعة لا رح وصلكن
سلمى: بتفهم قصده تمام متل مابدك
فاطمة: اصلا كلها لااخر هالاسبوع ورح نعطل كرمال الامتحانات
سلمى: اي واخيرا رح نخلص
برن موبايل مجد باسم خالد
بوقف وبرد. وكلهن بوقفو معه
مجد: الو اهلين شريك
خالد: وينكن يازلمة
مجد: شو وينكن مافهمت؟
خالد: أنا واقف جنب المدرسة تبع البنات عم استناكن
مجد: وليه واقف عم تنتظرنا
خالد: حراسة اخي اضمن اضمن يلا لا تطولو البنات هون مليانة وانا عيني بلشت تزوغ وعم بتستغفر ربي كرمال مااتطلع متل الدبان على لهريسة يخربيتهن
مجد: بيضحك لا محترم يلا جايين وبسكر
سلمى: بتمد رأسها على الموبايل مين كان عم يحاكيك
مجد: بيتطلع فيها دخلي بقلب شاشة الموبايل انتي مو احسن
سلمى: بتضحك وبتمسك موبايل مجد من أيده لك شو هالصورة يلي مو مفهومة نفسي اعرف شو محببك فيها
مجد: شو دخلك بالصورة يلي حاطتها هاتي الموبايل من ايدك
سلمى: تفرجي فاطمة بالله مفهوم شي من الصورة غير مربعات
فاطمة: بتضحك لا والله
مجد: بيسحب موبايله من أيده هاتي من ايدك مادخلك انتي بوصلو على المدرسة وبشوفهن خالد وبيمشي لعندهن
خالد: بكون لابس ومتشيك ومرتب حاله على الاخير بيبتسم صباح الخير للجميع
بردو عليه كلهن: صباح النور
سلمى: انت شو عم تعمل هون
خالد: جاية شوف رفيقي انا حر انتي شو دخلك ياحمصة الكيل
سلمى: بتطلع فيه بنظرة مشاكسة رفيقك قلتلي ولا حدا تاني وبتغمزه
خالد: بيزورها سلمى سديه
فاطمة: بتتلبك هي وواقفة أنا بدي روح يلا سلمى
سلمى: يلا تشاو خوخة باي مجود وبيمشو
خالد: خوخة بعينك ياسم الفيران
سلمى: بتضحك وبتركد لجوا
مجد: ليه أجيت صحيح
خالد: بقرب منه وبحط أيده على كتفه صراحة لسببين السبب الأول قلت بركي هالكلب رجع وجايب ناس لياخدو بتارهن منك قلت كون موجود كرمال احميك يعني
مجد: بيتكتف والسبب التاني
خالد: بيبتسم منتصبح بوجه حسن وفهمك كفاية
مجد: هالايام فهمي ماعم يكفيني صراحة
خالد: بيضحك تضرب ما اغلظك امشي امشي يلا
بروحو مجد وخالد على الجامعة
وبخلصو وهنن طالعين برن موبايل مجد باسم المطعم يلي بيشتغل فيه
مجد: بيفتح موبايله اوو هاد المطعم مبارح نسيت اعتذر
عن الشغل برد الو
المسؤول: مرحبا مجد
مجد: اهلا
المسؤول: بدي ياك تجي هلق على المطعم لا تتأخر وبسكر بوجه
مجد: بيمسك الموبايل وبيزفر بضيق شكلنا رح نتبهدل
خالد: ليه
مجد: متل ما سمعت قلي تعال بسرعة ولازم جيب سلمى وملهم
خالد: خلص مجد روح على شغلك انا بروح على المدرسة وبجيبهن
مجد: مابدي غلبك بس كمان مابدي يرجعو لحالهن شفت شو صار مبارح
خالد: خلص مجد شو هالحكي اخواتي هدول رح جيبهن أنا وأيمن خليه يوصلك كرمال ما تتأخر
مجد: تمام يلا امشو
بيطلعو كل واحد لمكانه وبينزل مجد عند المطعم وبيمشي ايمن
عند خالد بوصل على المدرسة وبوقف برا عم ينتظرهن ينصرفو بشوفهن طالعين بيركد لعندهن
خالد: سلمى سلمى
سلمى: بتلتفت وراها هي وفاطمة شو مخربط بالعنوان خالد افندي
خالد: اننن امشي رح وصلكن أنا مجد رنوله بشغله ماقدر يجي
فاطمة: ومين قلك ياسيد أننا ولاد صغار وبحاجة مين يوصلنا
خالد: مابدو مين يقلي لو عندي اخوات بنات متلكن لازم وصلهن وانتو هيك
فاطمة: بتسكت ومابتقدر ترد وبتمشي
سلمى: رجااال والرجال قليلوو بتضحك وبتمشي
خالد: بيضحك وبيمشي وراهن
عند مجد
بكون واقف بمكتب المسؤول ومنزل رأسها
المسؤول : انت واحد مستهتر ماعندك احترام لشغلك وانا ما بشرفني شغل عندي ناس ما بتحترم مواعيد شغلها ولا بتعرف تقدم اعتذار
مجد: بيرفع نظره عليه وبقهر بس ياسيد أنا صار عندي مشكلة لهيك مااجيت
المسؤول: عذرك مرفوض يلا لبرا من اليوم مالك شغل هون وراتب مافي نقلع
مجد: بغمض عيونه بتعب وكسرة متل مابدك رح انقلع وبيطلع من المطعم بغل وعصبية ومقهور من الذل يلي عايش فيه
برن موبايله باسم امه بيتنهد وبرد
ناهد: الو ابني
مجد: اي امي
ناهد: الله يرضى عليك جبلي انت وراجع من شغلك دوا لرقبتي وضهري عم يوجعوني
مجد: بغص ماشي امي من عيوني
ناهد: الله يرضى عليك يامجد دنيا وآخرة وبتسكر
مجد: بوقف بالشارع وبنزل رأسه بقهر بحط أيده بجيابه مابشوف معه ولا ليرة بيزفر بضيق وكسرة خاطر وبغمض عيونه بتعب وبيمسح وجه بايده وعم يمشي بالشارع تايه مو عرفان شي وافكاره رح تقتله من كلام سلمى عم أحلامها لكلام المسؤول يلي جرح كرامته لحالته يلي هو فيها لطلب امه الغالية على قلبه بوقف بنص الشارع وعيونه مليانة دموع مكبوتة

ووجه مكبوت باللون الاحمر بيرفع رأسه لفوق وبيتنهد
ما بيسمع غير صوت زمور السيارة عم يصدى بأذانه بقوة وجاية عليه ما بلحق يبعد بتكون ضاربته
#يتبع
#نبض_القصص
#شو_بيشبهك_تشرين
#كاتبة_بأنامل_صغيرة
رايكن لهون ياعسولات🫂🖤

#الجزء_٤
بقلم#سدرة_عزالدين
بالحارة بوصل خالد وسلمى وملهم وفاطمة على البناية هنن وعم يحكو ويضحكو
فاطمة: بتكون عم تطلع على خالد بطرف عينها وعم تتأمل ضحكته بتبعد أفكارها عن عقلها أنا بدي روح باي سلمى
سلمى: بتبتسم باي طمطم
خالد: بيتطلع عليها هي وماشية قدامه وبيبتسم ابتسامة خفيفة
سلمى: بتطلع بخالد ايي رحلوو خوخةة
خالد: بيتطلع فيها وضريب شبك
سلمى: بتغمزه شو ياه خوخة صايرة عيونك زايغة
خالد: اننن بقلد حركتها وكلامها بمسخرة شو ياه خوخة يقطع زناختك اي
سلمى: بتضحك تضرب مااغلظك ايه
بتنزل ناهد لتقطع ضحكهن بصوت بكاها ورجفتها وصريخها باسم هناء
ناهد: ياهناءء الحقيني ياهنااء
ووراها ابو امجد
ابو امجد: وحدي الله ياناهد طولي بالك
خالد: بيلتفت لوراه هو وسلمى بخوف خالتي شبك وبيركد لعندها وبتركد سلمى معه
بتفتح الباب هناء بخوف من صوت ناهد
هناء: ششوفي اختي شبك وبتقرب منها باللهفة وخوف وبتمسك أيدها شبك
ناهد: الحقيني راح الصبي راح
هناء: اي صبي مين شو صاير
خالد: بيمسك ايد ناهد من الطرف التاني شو صاير خالتي شوفي عمي شو صاير
ابو امجد: بياخد نفسه بصعوبة وبوقف مجد مجد
خالد: بيتطلع فيه بخوف شبه مجد
ابو امجد: اتصلو من المستشفى هلق قال عامل حادث ضربته سيارة
الكل بدهشة وخوف: شوو
سلمى: بينغزها قلبها بقوة وبتطلع فيهن برجفة شو عم تحكو انتو وينن وبأي مستشفى
ابو امجد: هلق رنو المستشفى الحكومي هو موجود رجلي ماعم يحملوني والله
ناهد: خلينا نروح نلحق ابني بدي شوف مجد ياربي لاتضرني فيه يارب
هناء: اهدي اختي وصلي على النبي ان شاء الله مجد مافيه شي ياروحي
خالد: عمي امشي خلينا نروح على المستشفى بسرعة يلا
ناهد: بدي روح معكن
خالد: ياامي خليكي هون ونحن منطمنك عنه صدقيني
ناهد: مستحيل بدي روح
هناء: وانا جاية معك يلا ثواني خالد ابني جيب تكسي ونحن وراك
خالد: تمام تمام وبيركد لبرا
بتقرب سلمى من ناهد وبتمسك أيدها لتهديها
وبتدخل هناء بتلبس وبتطلع
هناء: سلمى ضلك مع اخوكي لبين مانرجع يلا اختي تعي بتمسك أيدها وبيمشو
سلمى: بتكون حابسة دموعها بالغصب بتصرخ عليهن طمنوني عنه وبتدخل على البيت
ملهم: اختي مجد رح يموت شي
سلمى: بينزلو دموعها من كلام ملهم وبغصها قلبها بزيادة لا شو هالحكي مافيه شي مجد اكيد هو منيح بتمسك موبايلها برجفة وتوتر وما بيخطرلها حدا غير ايمن تحاكيه ليجي ياخدها لعندهن وبترن على رقمه
برد ايمن
ايمن: الو اهلا بسمسم كيف رنيتي علينا هيك
سلمى: بتشهق وبتحكي بصوت خافت وكله رجفة وخنقة ايمنن
ايمن: شبك سلمى عم تبكي شو صاير
سلمى: بتحكي برجفة وتوتر ممجد ياامين مجد
ايمن: شبه مجد شو صاير سلمى
سلمى: مجد عمل حادث
ايمن: شوو كيف وايمتى من شوي وصلته للمطعم وكان مافي شي
سلمى: مابعرف مابعرف هلق رنو من المستشفى وخبرو أهله راحو كلهن وانا بقيت بالبيت
ايمن: طيب باي مستشفى هو بتعرفي
سلمى: بتشهق قال بالحكومية
ايمن: طيب انا رايح لعنده وبطمنك اي لاتبكي سلمى مافيها شي مجد اكيد
سلمى: لا ايمن أمانة تعال خدني معك بدي اتطمن عليه مارح اقدر ضل اعدة هيك
ايمن: تمام ماشي شوي وبكون عندك جهزي حالك يلا سلام وبسكر وفورا بيركد وبيركب سيارته وبيمشي
بالمستشفى عند مجد
بيوصلو كلهن وبينزلو عم يركدو ومو شايفين بعيونهن
بوصلو على الاستقبال وبسئلو عن مجد وبدلوهن على الغرفة يلي موجود فيها
بيركدو كلهن وبيدخلو
مجد: بكون متسطح على التخت ومغمض عيونه بتعب ورأسه ملزق من على طرف وايده ملفوفة ومعلقينها بمشد برقبته
ناهد: بتدخل واول ما تشوفه ياعيون امك ياروحي وبتركد لعنده وبتنزل على ركبها وبتلمس وجه بين أيديها يانور عيني ياسندي ياريت الوجع لقلبي يانور بيتي والله متت من خوفي لا تروح وتتركني ياعيوني
مجد: بفتح عيونه وبيبتسم بس يسمع صوت امه ماتخافي اعد على قلبك ام امجد
ناهد: بتضحك بس تسمع صوته وتشوف ضحكته وبتحضن وجه بين كفوف ايديها أن شاء الله ماانحرم من هالبسمة ياعيون امك انت وبتبوسه
مجد: بيبتسم دموعك غالية ام المجد ماتخافي علي قط بسبع رواح
ابو امجد: بقرب منه وبيبتسم برجفة وعم يكابر على دمعته الحمدلله على سلامتك يارجالي وببوس رأسه بحب
مجد: الله يخليلي ياكن يارب
هناء: بتبتسم شفتي انو مجد مافيه شي لك هاد ابني ما بيتركنا ماتخافي الحمدلله على سلامتك ياروح خالتك
مجد: بيبتسم الله يسلمك خالتي ماتشوفي شر
خالد: بيتطلع فيه بطرف عينه بغل وبقرب منه خوفتنا عليك يادب
مجد: بيبتسم وبحاول يزبط اعدته وبساعدوه أهله وبيتجلس وبيضحك وبيتطلع بخالد تعال قرب ولاه
خالد: بيضحك وبيمسح دمعته من طرف عينه وبيحضنه بقوة ياجحش خوفتني عليك

مجد: بيضحك اخخ كسرتلي عضامي والله جربت ارتاح من خلقتك بس القدر رجعني لعندكن
خالد: كرمال تتصبح وتتمسى فيني
مجد: لو مرتي مو هيك وبيضحك
والكل بيضحكو عليهن
بيدخل الدكتور لعندهن
الدكتور: بيحكي بأبتسامة ها الحمدلله صحصحت وصرت منيح استاذ مجد
مجد: بيبتسم على شوفة الأهل دكتور
ناهد: طمني دكتور ابني مافيه شي
الدكتور: لا الحمدلله بس ضربة خفيفة بالجبين وصار في ضربة قوية بالأيد سببت رضة قوية بالأيد والرجل وان شاء الله بيتحسن على الدوا ولكريمات وبخصوص السيارة يلي ضربته صاحبها موجود بالغرفة عندي بتحبو نطلب الشرطة
مجد: لا لا دكتور مافي داعي الزلمة مادخله أنا يلي ماكنت شايف الطريق منيح وبعدين الله يجزيه الخير اسعفني فورا وجابني لهون بابا احكي معه واشكره بالنيابة عني
ابو امجد: خلص أنا بحاكيه شكرا الك دكتور
الدكتور: بس حالياً خلينا نترك السيد مجد يرتاح لان حاطينله بالسيروم مسكن عالي ولازم يرتاح
خالد: معناها يلا ياجماعة خلينا نستنى برا يلا خالتي تعي ارتاحي
ناهد: ايمتى بدنا نخرجه
الدكتور: اليوم رح يضل تحت المراقبة بسبب ضربة الرأس يلي صارت اضمن واحسن ولأن عملناله أشعة
مجد: خلص امي روحي ارتاحي وجهزيلي أكلة طيبة اي يلا لا تضلك هون مافي داعي
ناهد: بس ياروحي
مجد : بترجعي المسا امي يلا روحي خالد وصلهن بمعيتك
خالد: بتأمر استاذ مجد يلا امهاتي العزيزات تفضلو
هناء: بتبتسم يلا ناهد تعالي بترتاحي ومنرجع يلا تعي
ناهد: امري لاالله رح اطبخلك واجي اي
مجد: بيبتسم بانتظارك بيتسطح وبيطلعو كلهن وبغمض عيونه بتعب
بيطلعو وبيدخلو سلمى وأيمن عم يركدو وسلمى عم تمسح دموعها بايديها وماعم يوقفو
ايمن: بشوف خالد وبقرب منهن خالد كيف مجد شو صاير معه
سلمى: وينه مجد خالتي شو صار معه فيه شي
خالد: طولو بالكن مافيه شي ليكه متل القرد جوا اسم الله عليه شوية كسورات بس
سلمى: بتضرب خالد بايدها الملافظ سعد رح شوفه وبتركد
ايمن: وانا رايح شوفه
خالد: تعال تعال قبل ما تشوفه تعا وصل خالاتك على الحارة ورجاع
ايمن: بس رح شوفه وبوصلهن وبيمشي
خالد: بيبتسملهن وبيلحق ايمن بسرعة وبيمسك أيده لك شو صرلك تركهن لحالهن روح وصلهن قلتلك
ايمن: بتوصل لعقله الفكرة ااه صح صح يلا تفضلو ياجماعة لوصلكن تفضلو بيتطلع بخالد مجد منيح
خالد: اي اي ماتخاف منيح كتير
ايمن: الحمدلله يلا برجعلكن وبيمشي
هناء: بتوقف بس سلمى بدها تبقى هون
خالد: شوي وبوصلها على البيت امي
هناء: بتبتسم الله يرضى عليك ويخليك لشبابك لاتطولو
خالد: حاضر
بيمشو كلهن وبوقف خالد عم يصفر برا
بتوصل سلمى على الغرفة هي وعم تركد وبتفتح الباب فورا وبتدخل هي وعم تلفظ اسمه بخوف ولهفة مجدد
مجد: بفتح عيونه بس يسمع صوتها وبيبتسم وقت يشوفها قدامه وبيتجلس بصعوبة
سلمى: بتطلع فيه وبينهمرو دموعها وبتلفظ اسمه بحنية وخوف مجد بتشهق وبتركد عليه وبتغمره بقوة وبتشد عليه بخوف
مجد: بيتجمد بمطرحه وبحس روحه رجعتله بس مو قدران يتحرك من قوة غمرتها بحط أيده على ضهرها بحنية وبشد عليها وبيضحك من فرحته حاسس من قوة غمرتها بنبض قلبها وانفاسها المتسارعة وشهقاتها المتتالية بحس بأهمية وجوده بحياتها بهاللحظة
سلمى: بتبعد عنده وبتطلع بعيونه خوفتني عليك انت منيح
مجد: بيبتسم وبيلمس خدودها بحنية وبيمسحلها دموعها بخفة وبهز براسه أنا كتير منيح صدقيني بنزل أيده بوجع وبألم اخخ
سلمى: باللبكة موجوع كتير ايدك شو صار معك
مجد: بيضحك مافيني شي صدقيني اعد على قلوبكن كلكن بعدين اذا رحت مين بدو يشتري منك السندويشات
سلمى: بتضحك بخفة وبتضربه بايدها بخفة غليظ
مجد: اخخ ايدي شبك
سلمى: اسفة اسفة ماكنت بقصد
مجد: بيتطلع بعيونها الحمرة والمنفوخة هلق انتي عنجد خفتي علي! ولا كل هاد كرمال السندويشات يلي مارح اقدر خلصك منهن إذا متت
سلمى: لك وضريب تضرب يادب اكيد خفت عليك وكتير كمان بس مو لابقلك شكله
مجد: بيضحك شايف بعيونك الخوف
سلمى: وانا شايفة بعيونك
مجد: شو شايفة
سلمى: شايفة حالي ليه هيك منكوشة ويعليك كيف خليتني اطلع منظري بيخزي وقف شوي خليني أتطلع بشكلي بتطلع بعيونه بتركيز وعم تشوف شكلها بعيونه العسلية
مجد: بيبتسم بخفة وبيتطلع بعيونها وبشكلها بثبات وما بيرضى يرمش كرمال ما يخرب عليها نظرتها لنفسها
سلمى: بترتب شعرها وبتبتسم والله شكلي حلو بعيونك ها
مجد: بيرمش بخفة من تعبه وبتنرسم بسمة على طرف شفافه شفتي حالك بعيوني كيف طالعة
سلمى: طالعة احلى من لمرايا رح صير استخدمهن بدل لمرايا افضل وبتضحك مجد اوعك تتركنا نحن ما منقدر بدونك
مجد: كلكن مابتقدرو بدوني ولا حدا معين؟
سلمى: لا اكيد كلنا
مجد: ايه الله لا يحرمكن مني

سلمى: بتتنهد امين يارب
مجد: براقب حركاتها بخفة وعم يتألم ويكابر على وجعه كرمال مايخوفها بغمض عيونه من وجع أيده ورأسه
سلمى: بتطلع فيه وبتحس انو موجوع بتوقف مجد تسطح وارتاح هيك ما بصير
مجد: أنا مرتاح هيك
سلمى: حاج تكابر على وجعك يلا تسطح استنى لزبطلك لمخدة بتقرب منه وبتمسك امخدة من ورا رأسه وعم تنزلها لتريحه
مجد: بيتطلع فيها وبأهتمامها وبحس قلبه مو واسعه من الفرحة
سلمى: بتمسك كتافه بخفة وبتساعده ليتسطح وبتطلع بعيونه بخفة وبتبتسم هيك احسن
مجد: بهز براسه احسن
سلمى: أنا رح امشي هلق بدك شي
مجد: بيمسك أيدها بخفة سلمى
سلمى: بتطلع بايده وبتوجه نظرها لعيونه همم
مجد: بيتنهد بخفة بدي قلك شي
سلمى: بتحرك برأسها وعيونها بمعنى الاستفهام شو
مجد: أنا
بينفتح الباب وبيدخل اخو مجد أمجد
سلمى: بتترك ايد مجد وبتلتفت لورا بخجل
مجد: بيتطلع لورا سلمى
امجد: اخي الحمدلله على سلامتك وبقرب من مجد وبيحضنه خوفتني عليك ابو الجود
مجد: بيبتسم يخليلي ياك يارب
امجد: بيتطلع على سلمى كيفك سلمى
سلمى: بتبتسم الحمدلله بالف خير أنا رح روح بدكن شي
مجد: بيبتسم سلامتك خلي حدا يوصلك
سلمى: تمام وبتطلع
امجد: كيف هيك صار مجد
مجد: بيتنهد والله من ضيق الدنيا ماانتبهت على السيارات ياخيي
امجد: لك اخي اذا محتاج شي ما تجي لعندي وتخبرني من ايمتى اخي يحتاج شي ومابلبيه أنا اه
مجد: مو هيك ياأخي بس انت كمان الله يعينك عندك عيلتك وولادك ونجي نحن عليك هيك مابصير
امجد: بصير اخي بصير انتو اهلي وانا كل شهر بجي وبعطي امي لزومات البيت يعني البيت مو ناقص من شي الحمدلله ليه عم تشتغل شغلتين انت
مجد: كنت اخي كنت اشتغل شغلتين هلق ماضل غير البقالية
امجد: ليه تركت المطعم!
مجد: بيضحك بخفة لا بس قلعني صاحب المطعم ومارضي حتى يعطيني راتبي مع انو بيطلعلي عنده معاش كامل لاني ما تغيبت ولايوم بس ابن حلال مصفى ماعطاني شي وانا مارضيت اعمل مشكلة وكنت مالي خلق تركت وطلعت وصار يلي صار
امجد: لان على كيفه إذا ما بجلك حقك منه من عيونه ما بكون امجد هلق انت بس المهم صحتك وعافيتك قوم بالسلامة وبتشوف اخوك شو رح يعمل بهالنس
مجد: بيبتسم الله يخليلي ياك
امجد: اخي انا عيوني فداكن من هلق ماعاد في شغلتين بتشتغل شغلة وحدة بس وانا رح اتكفل بالباقي الحمدلله الله عم يفرجها علي ويعطيني وانا مارح قصر معكن باذن الله
مجد: بيبتسم الله يخليلنا ياك يارب
امجد: بيحضنه وببوس جبينه ويخليلي ياك
بندق الباب وبيدخل ايمن
ايمن: بيبتسم ابو المجود وبيركد وبيغمره لك خوفتني عليك يازلمة الحمدلله على سلامتك
مجد: بيضحك الله يسلمك
ايمن: اي ليكك متل الحصان مافيك شي والله فكرتها شغلة كبيرة
مجد: اي الحمدلله طرقني عين
امجد: بيضحك عليهن الله عليك ياايمن
ايمن: امجد الغالي لاتواخذني التهيت بهالدب كيفك
امجد: الحمدلله بدعي بسلامتك
ايمن: الله يسلمك يارب
مجد: وين خالد وسلمى ايمن
ايمن: والله وصلت العيلة على البيت رجعت لقيت خالد وسلمى عم ينتظروني اخد خالد السيارة مني وراح يوصل سلمى ويرجع ايه شغالين شوفيرية كرمال عيونك استاذ مجد
مجد: بيضحك الله يقويكن يارب
بيندق الباب وبيدخل زلمة مبين عليه العز
مجد: بيتطلع فيه وبيبتسم
الرجال: الحمدلله على سلامتك ولاتواخذني كمان مرة أنا دفعت مصاريف علاجك كاملة لاقدر عبرلك عن اعتذاري
مجد: مابدي شي الله يسامحك بعدين الغلط غلطي صدقني
الرجال: ولو كان أنا كمان كنت عم بحكي على التلفون وشردت و بطلع من جيبته كرت وبمدله ياه هي كرتي بس تحتاج شي بس رن علي وانا بالخدمة والحمدلله على سلامتك كمان مرة بالاذن وبيمشي
مجد: بيتطلع بالكرت بكون مكتوب عليه رجل الأعمال محمد عبد الرحمن
بيمرق اليوم وتاني يوم الصبح بخرجو مجد من المستشفى بكون عم يعرج من رجله بخفة وأيده ملفوفة ومعلقة بمشد برقبته وسانده خالد من جهة وأمجد من جهة تانية وأيمن بالسيارة الشوفير بتعرفو😂 وأمه وابوه معه بيمشو على الحارة وبوصلو على البناية
بكونو واقفين كلهن بانتظار مجد هناء وأبو ملهم وملهم وفاطمة وعيلتها وسلمى
بتوصل السيارة وبينزلو كلهن من السيارة
هناء: بتبتسم وبتمسك صحن الرز وبترش على مجد أوها ببيتنا رمانة أوها حامضة ولفانة اوها حلفنا مانقطفها أوها ليطلع مجد بالسلامة وللللليششششش
مجد: بيضحك الله يسلمك ياخالتي
ابو ملهم: ببوس مجد الحمدلله على سلامتك ابني
وبقرب ابو فاطمة وأمه بهنو مجد بسلامته
ملهم: بيحضن مجد من خصره الحمدلله على سلامتك ياشريكيي
مجد: بيبتسم الله يسلمك احلى شريك
فاطمة: بتطلع بمجد وبتبتسم الحمدلله على سلامتك مجد ماتشوف شر
مجد: الله يسلمك ياطمطم

سلمى: بتبتسم الحمدلله انك رجعتلنا سالم ماتشوف شر يارب
مجد: بيتطلع فيها وبتبرق عيونه بحب الله يسلمك يارب
خالد: اي بدنا نضل واقفين هيك لسا الحمدلله على السلامة اي نشف قلبنا على القليلة كاسة عصير حلوان الطلعة
هناء: لك مو على عيني تفضلو كلكن لعندي تفضلو
ناهد: اختي منطلع على بيتنا
هناء: لا والله شو بيتنا وشو بيتكن واحد اختي تفضلو ياجماعة تفضلو
بيدخلو كلهن على بيت هناء وبيعدو كلهن وبينعجقو وببلش صواتهن تصدا بالبيت كل واحد عم يحكي مع التاني من جهة
خالد: بكون اعد ولابس جاكيت جلد اسود وبنطلون وبلوزة سود ورافع شعره بطريقة مميزة وملفتة وعم يحكي مع امجد ويضحك من قلبه
فاطمة: بتطلع بطرف عينها عليه وبتراقب تفاصيله بدقة بنظراتها الحادة وبتسرح بدون ما تنتبه وهي عم تراقبه وبتبلش تبتبسم على ضحكته بخفة
ايمن: بيتطلع على فاطمة وبيكتم بسمته بينكش خالد وبقرب منه
خالد: بيتطلع فيه وبيهمسله هش يابغل خاصرتي وجعتني ليه عم تنكشني
ايمن: في ناس عيونهن عليك ها
خالد: مين ولاه
ايمن: ام الزورة الدباحة
خالد: بيبتسم وبركز أعدته وبيتطلع على فاطمة وبيبتسم
فاطمة: بتلاحظ عليه انو تطلع فيها بتبعد عيونها عنه بارتباك وبتقوم هي وسلمى لجوا
ايمن: شفت كيف تلبكت شكله وقع ولا الهوا رماه
خالد: اصحى على حالك مافي شي من هاد مو شايفها كيف بتتزورنا
ايمن : لك بدك فت خبز كتير عملك حركة لفتة خليها توقع بالشبكة
خالد: اي شو هي سمكة لتوقع
ايمن: لك اخخخ خلص تركها على اخوك رح اكشفلك ياها معجبة فيك للعظم هالبنت وبكرا بتشوف
مجد: بيتطلع فيهن وبقرب منهن بخفة شو عم تحكو انتو لتنين
ايمن: عم نحكي عليك كهكهكهكه
مجد: حدا قلك قبلي انك زنخ شي
ايمن: كتار وبيضحك
مجد: بيضحك تضرب مااغلظك شو عم تحكي ولاك
ايمن: عم نحكي على السمكة بقلك بعدين
مجد: ايه الله يعقلك يارب
بخلصو اعدتهن وبيرجعو كلهن على بيوتهن وبيطلع مجد على بيته هو وأهله وبكون متسطح بغرفته وصافن مع حاله وعم يتذكر لحظاته مع سلمى وكيف غمرته وشاف الخوف بعيونها بيبتسم
بيندق باب غرفته
مجد: بيصحى من شروده تفضل
سلمى: بتفتح الباب وبتطلع فيه وبتبتسم مراحب ابو الجود
مجد: بيبتسم اهلاً أهلاً تعي دخلي
سلمى: بتترك الباب مفتوح وبتدخل هي وحاملة بايدها زبدية كيفك ابو الشباب
مجد: الحمدلله منيح
سلمى: عم يوجعك شي
مجد: لا ماتخافي مافي شي عم يوجعني
سلمى: اي الحمدلله
مجد: شو هي يلي بأيدك
سلمى: هي شوربة الدجاج كرمال تقوي جسمك عملتها بايدي ها
مجد: بيضحك انتي عملتيها مابصدق
سلمى: اي لا تصدق هلق بس تدوق بتعرف يلا تفضل
مجد: هاتي لشوف حطي الزبدية على الطاولة لشوف كيف بدي اشربها
سلمى: بدك ساعدك رح امسكلك الزبدية
مجد: تمام
سلمى: بتعد على الكرسي وبتمسك الزبدية وبتقربها منه
مجد: بيمسك المعلقة وببلش يشرب بخفة امم والله طيبة
سلمى: بتضحك قلتلك هه
مجد: بيبتسم وببلش يشرب منها باللذة وفرحان انو هي يلي عملتها
سلمى: صحة وهنا
مجد: على قلبك حاجة ماعاد اقدر
سلمى: كملها
مجد: حاجتي شبعت شو وين امي
سلمى: عندهن زبونة هي وماما تحت عم يحكو مابعرف وعمو برا هو وأمجد ومرته فتحتلي الباب راما وقالتلي دخلي
راما: بتطل عليهن ها سمعت اسمي
مجد: فوتي اختي فوتي
راما: لاتواخذيني سلمى بس كنت عم طعمي لولاد بتعرفيهن بجننوني لطعميهن
سلمى:بتبتسم لا ولايهمك
راما: بتبتسم وبتطلع على مجد شو اكلت اخي
مجد: بيبتسم اي الحمدلله ساعدتني سلمى واكلت
راما: بتطلع بسلمى بمكر وبتضحك اي بالعافية يارب وكيف طبخ سلمى عجبك
مجد: بيتطلع بسلمى وبيهمس بقلبه هي كلها عاجبتني اي اي اكيد طيب يسلم ايديها
سلمى: بتبتسم بفخر الله يسلمك بتوقف رح اخد الزبدية على المطبخ وبتمشي
راما: بتبتسم وبتطلع بمجد وبتغمزه شو
مجد: بيتطلع براما شو
راما: شكلها بتحبك وبتخاف عليك كتير
مجد: بيتطلع براما وبيبتسم باستخفاف اي بتحبني لاني متل أخوها ورفيقها وربيانين سوا
راما: لا ولو شو هالحكي عنجد يلي بحب التاني متل أخوها هيك بعامله
مجد: والله انتي مالك عرفانة يامرت اخي شي سكري على الموضوع بعدين منحكي
راما: بتبتسم متل مابدك ابن حماي وبتضحك
بتنزل سلمى لعند أهلها وبتخلص ليلتهن على خير
"بعد مرور أسبوعين"
( بتعطل سلمى من مدرستها وبتبلش تدرس للامتحانات ومجد بيتحسن عن قبل بس لسا اعد بلا شغل وعم يستريح وبهالاسبوع ماشاف سلمى ابدا مشغولة كل وقتها وحابستها هناء بغرفتها لتدرس لأنها مضوعة كل السنة ومادرست منيح والشباب الطيبة عم يجو يزورو مجد ومابيتكنسو من بيت مجد )
مجد: بيطلع من غرفته وبكون لابس جاكيته وطاقيته وأيده لسا ملفوفة ومجبرة وحاططها بالمشد

ناهد: لوين ابني
مجد: نازل شوي لتحت بدي اتمشى ضاق خلقي
ناهد: بتبتسم ماشي الله ييسرلك
مجد: بيتطلع بأمه ماعم تشوفي سلمى امي
ناهد: لا والله وقت عم بنزل الصبح عم لاقيها نايمة لان عم تسهر طول الليل عم تدرس الله يوفقها يارب
مجد: بيتنهد امين يارب يلا معناها انا نازل وبينزل وبيمشي فورا على البقالية بيدخل وبيشتري شوكلاه من كل الانواع يلي بتحبها سلمى وشيبسات وعصير وشطي مطي ومصاصات وبسجلهن على حسابه وبيطلع
بيمشي لعند شباكها وبيبتسم وبنقر على الشباك بخفة ماحدا بيفتح بيرجع بنقر الشباك وبيهمس بحنية سلمى ياسلامة رحنا وجينا بالسلامةسلمى: بتكون شاردة ورافعة شعرها كعكة وحاطة القلم بشعرها وعم تغفى وتقوم على لكتاب وماعم تحس بتسمع صوته ونقرات الشباك بتبتسم بفرحة وبتفتح الشباك فورا وبتهمس باسمه مجدد
مجد: بيبتسم وبحطلها كيس الاكلات على مكتبها فورا قدامها سمسمتي
سلمى: بتطلع بالاكلات وبتضحك ياااه مجدد شو كل هاد
مجد: بيبتسم هدول كلهن لااحلى متفوقة فيكي يا دنيا
سلمى: ياروحي انت اروحلك فدوة اي
مجد: بينصدم من كلمتها وبيتطلع فيها بضحكة ورافع حواجبه باستغراب
سلمى: لك صحيح يادب هيك ما بشوفك الي اسبوع ما بتسأل عني
مجد: عم بسأل عنك يادبة بس سمعت خالتي هناء حابستك بالشحاطة مارضيت أتدخل لانك لازم تدرسي
سلمى: لاتذكرني لك محاصرتني من كل الجهات رح فرقع متل البوشار
مجد: بيضحك عليها وطير وفرقع يابوشار وطير وفرقع يابوشار
سلمى: ياا اشتهيت البوشار حاج تغني عنجد اشتهيته
مجد: اشتهيتيه
سلمى: اي كتير والله هيك ويكون ملحاته كتار اووو
مجد: بيضحك طيب انا رح روح بدك شي
سلمى: خليك شوي بلا غلاظة ماصدقت حدا اجي يحاكيني مابكفي ماعم بفهم العربي رح موت منه
مجد: برجع سلمى برجع يلا باي وبيمشي
سلمى: وضريب يامجد اوف منك بتسكر الشباك وبتمسك كيس الاكلات وبتضحك وبتبلش تاكل منهن
مجد: بيطلع على بيتهن وبفوت بوشه على المطبخ
ناهد: ابني شو رجعت وين رايح مجد وبتلحقه
مجد: بطلع طنجرة وبحط فيها زيت وببلش يحط فيها الذرة وبحطله ملح وعم يشتغل بايد وحدة ويعمله
ناهد: لك ابني قلي بدك بوشار بعملك ياه انا هات عنك
مجد: مشي الحال امي انا رح اعمله بسكر الطنجرة وبتبلش تفرقع بيبتسم وبوقف ينتظره
ناهد: شو خطرلك هلق
مجد: مو أنا
ناهد: مين لكن
مجد: بيبتسم سلمى
ناهد: سلمى! وشو شوفك بسلمى
مجد: شفتها من شباك غرفتها ومن سيرة لسيرة قال عبالها بوشار فقلت حرام عم تدرس خليني اعملها
ناهد: بتكتم ضحكتها اي حرام مزبوط
مجد: وعم تقول انو عم تواجه صعوبة بالعربي فقلت انزل ساعدها واشرحلها تنزلي معي
ناهد: بتبتسم اي بنزل ليه لا
مجد: معناها يلا رح حط البوشار البسي لننزل
ناهد: تمام
مجد: بيمسك الطنجرة بعد ماتخلص وبفضيهن بالزبدية وبيجي ليحط الطنجرة بتلزق أيده فيها بزتها بألم وبيكبت وجعه وببلش يحركها بسرعة من حرقته اوفف هلق وقتك يلا مو مهم بيمسك الزبدية وبينزل هو وناهد لعند هناء
بدقو الباب وبيفتحلهن ملهم
ملهم: اهلا خالتي اهلين مجد تفضلو يامامااا اجت خالتيي ومجدد
هناء: بتوقف من ورا ماكينتها تفضلو اختي فوت ابني مجد تفضلو
بيدخلو لجوا وبسلمو عليهن
ملهم: شو جايبلي بوشار مجد
مجد: اننن مو الك هاد هاد لسلمى
هناء: بتضحك الله عليك يا ابني هلق من شوي طلعت عم تجوعر بوشي بدها بوشار وانا ماعندي فقلعتها للغرفة لتكمل دراسة شو وصلكن صوتها
مجد: بداري الموضوع اي وصلني لهيك عملت ونزلنا رح اعطيها ياهن معناها كرمال ما تلتهي بيمشي على غرفة سلمى وبدق الباب بخفة
سلمى: نقلع ملهم
مجد: بيفتح الباب بخفة هاد أنا
سلمى: بتلتفت بصدمة وبتضحك لك هاد انت تعال دخول
مجد: بيفتح الباب وبطلع الزبدية ترااررا
سلمى: ييي مجدد بوشار وبتركد عليه وبتمسك الزبدية وبتبلش تبوسها لك يسلم ايديك يا ماردي السحري يلي بتحققلي كل احلامي
مجد: بيبتسم صحتين وهنا كم سلمى عندي
سلمى: بتبلش تاكل وحدة محلاك يكون في وحدة تانية
مجد: مافي مافي ماتخافي
سلمى: بتمسك أيده بقوة استرجيي اصلا
مجد: بيتألم من الحرق ااخ
سلمى: بتبعد أيدها شبك وجعتك
مجد: احترقت ايدي بالطنجرة أنا وعم بعملك البوشار
سلمى: يي يبعتلي حمى يعلي
مجد: بعيد الشر عادي مافيها شي
سلمى: بتبتسم يلا فداي مو هيك
مجد: اي فداكي كل تعبي وهلق هاتي كتاب العربي والدفاتر وتعي وراي لااشرحلك يلا
سلمى: اي شو هاد شو بدي احسن من هيك استاذ وطباخ ومارد سحري وشو في مواهب تانية مجود
مجد: بيضحك في مواهب كتير بس بدو مين يكتشفها وبيغمزها بخفة
سلمى: بتطلع فيه وبغمزته وبتبتسم بخفة وشو هنن المواهب
مجد: بتعرفي بالوقت المناسب وهلق يلا وراي
سلمى: حاضر استاذي وبتركد بتجيب الكتب والدفاتر وزبدية البوشار اهم شي وبتطلع لبرا

هناء: ايوا اجا مين يأنقذك من بين أيدي ست سلمى رجعي درسي بغرفتك يلا
مجد: خالتي أنا قلتلها تجي لهون بدي درسها عربي
هناء: يعني مارح تلتهو
مجد: لا ولو رح نعد ندرس بس ما تطلعو صوت انتي وامي
هناء: لا رح نعد بزاويتنا ونخلص الشغل يلي علينا وانتو اعدو جنب الصوبيا ودرسو لشوف
مجد: بيضحك تمام خالتي تمام
بيعدو بالأرض وبيفردو الكتب وببلشو
مجد: بيمسك الكتاب وعم يشرحلها ويفصل هو وياها بكل كلمة ويخليها تعرب ويرجع يحفظها الاناشيد والقصائد
سلمى: شوي بتركز مع مجد وشوي بتاكل وشوي بتحكي كلمات هبلة وبتضحك على حالها وعلى مجد وبتضحك هناء وناهد معها بالغصب
#يتبع
#نبض_القصص
#شو_بيشبهك_تشرين
#كاتبة_بأنامل_صغيرة

#الجزء_٥
بقلم#سدرة_عزالدين
مجد: بعصب وبيضرب رأسه بالكتاب بعد ماتجاوب الاعراب غلط وهو اله ساعة عم يحفظها ياهن لك سلمى رح تشليني شو الي ساعة عم حفظك اقتل حالي
سلمى: لك يامجد مادخل بمخي شو بعمل يعني
مجد: بشيل الطاقية يلي على رأسها وبيضربها بخفة فيها بركي هلق بيشتغل مخك
سلمى: بتضحك مارح يشتغل خلص
مجد: بيلتفت خالتي هناء شغلي الشحاطة بركي بتشتغل
هناء: لعيونك وبحركة سريعة بترمي رجلها لفوق وبتمسك الشحاطة بايدها جاهزة للإصابة الهدف
سلمى: لا دخيلك شغلته شغلته وها وبتبلش تسمعله يلي حفظها ياهن
مجد: بيضحك مابتجو غير بالعين الحمرة سمعيلي القصائد
سلمى: وياعروس المجد تيهيي وسحبييي
مجد: بنفخ بضيق ووجه بيحمر من العصبية من وين هالقصيدة سلمى اجت بكل كتابك مو موجودة
سلمى: بالمسلسل بقولها بأيام الدراسة
مجد: لك شو بدي بالمسلسل بدي بيلي محفوظ هووون
سلمى: بتبدل بعيونها ببراءة أنا حفظتها لان فيها اسمك
مجد: بيضحك وبيستسلم لنظرات عيونها وبحاول يهدي حاله خلص ماشي احفظي يلي موجود ياعروسة المجد انتي يلا
سلمى: بتطلع فيه بنظرات مو مفهومة شو قلت
مجد: شو قلت قلت حفظي
سلمى: اها رح احفظ
ناهد: بتبتسم وبتهمس لهناء شفتي يلي أنا شفته وسمعته
هناء: بتطلع بناهد انتي مارح تحلي عن هالولاد عم يحكي عن القصيدة مو عن يلي فهمتيه
ناهد: والله بكرا بتشوفي هه وبتضحك
هناء: بتضحك اي اشتغلي اشتغلي
بخلصو شرح عربي وبيفصل مخها لسلمى
سلمى: بتصرخ خلاااص بس مجد بس نقص عمر من عمري ماعاد اقدر استوعب حرف زيادة
مجد: بوقف بتعب لك أنا يلي مخي نفجر من الغباء يلي بصيبك لعيتي قلبي بوشي على الانتحار أنا
سلمى: ييوه يصحلك تعد وتدرس سلمى بجلالة قدري وقيمتي
مجد: وبالناقص أمانة كتير مبسوط يعني أنا
سلمى: بتضحك يلي بشوف ضحكتك على النكت وغبائي مابقول مو مبسوط
مجد: هاد يلي بجيب الدب لكرمو أنا
سلمى: أنا دب مجد
مجد: لا أنا اي انتي فتحي مخك فتحيه مو باقي شي للامتحانات كم يوم وبيجي اليوم يلي يكرم المرأ فيه أو يهان وبيضحك
سلمى: بس بس وترتني سكوت
مجد: رح اسكت وطالع ريح راسي منك بس ماتخافي مارح اتركك راجعلك بكرا لكفي يلي باقي بدك تنجحي وبشحاطة خالتي
هناء: الله يعطيك العافية فوق تعبك وايدك عم تدرسها
مجد: ولو شو هالحكي هي سلمى غالية علينا هو مو كرمالها يعني كرمال خاطرك خالتي لو عليها مابدرسها حرف وبيضحك
سلمى: بتضربه بايدها بخفة غليظ اننن
ناهد: بتضحك لا تردي خالتي بالصرماية بدو يدرسك على كيفه لان
سلمى: يي خليلي احلى خالة وبتبوسها
ناهد: بتضحك يخليلي ياكي
مجد: يلا تصبحو على خير
سلمى: نزلو شربو قهوة بكرا أو عملها مجد ونزيل
مجد: بيضحك بكرا عازمك عليها برا معناها
سلمى: موافقة أنا
هناء: روحي نامي روحي
سلمى: رايحة امي رايحة يلا على موعدنا بكرا ها
مجد: بيضحك ولو عندي خلص
بيطلعو على بيتهن وبينتهي هاليوم على خير
تاني يوم المسا اعدين مجد وسلمى بالكافيه يلي بالحارة وعم يشربو قهوة برواق وعم يحكو ويضحكو
سلمى: والله كل مابينقص يوم بقول قربتتت
مجد: بيضحك وانتي قدها سمسم ماتخافي رح تخلصي بالسلامة ياسلمى وياسلامة رحنا وجينا بالسلامة
سلمى: بس ياغليظ لا تغنيلي هالغنية كرهتني اسمي من وراها
مجد: بيضحك مابقدر بحب هالغنية
سلمى: اي حب غنية غيرها
مجد: اي تكرمي ست سلمى
سلمى: قوم عزمني على شي سندويشة قوم معلم جهزلنا كاستين شاي راجعين
مجد: بوقف وبيمشو وشو بدك تاكلي
سلمى: بتضحك وبتمشي هي وياه قال يعني في كتير أصناف قدامنا على قد بساطنا من مد رجلينا اديه معك
مجد: بيضحك بحب فهمك يلي بينزل بالمناسبات عليكي يعني حق سندويشتين فلافل أخري
سلمى: بتضحك وبتحط أيدها على كتفه معناها تفضل لناكل فلافل يامفلس وبتضحك
مجد: بيضحك اطيب من الشاورما اصلا
سلمى: اي الشاورما بتفسد الاخلاق امشي امشي
بيشترو سندويشتين فلافل وبيمشو على الكافيه ليعدو وياكلوهن مع الشاي
مجد: تفضلي ست سلمى صحتين
سلمى: على قلبك ايمتى بدك تفك ايدك صحيح
مجد: بركي باخر هالاسبوع
سلمى: يلا أن شاء الله
ببلشو بأول السندويشة بيجو من وراهن ايمن وخالد
خالد: تاكلو وتغصو أن شاء الله
مجد: بيتطلع فيه وضريب بدل ماتقول صحتين وهنا
ايمن: عنجد تاكلو وتغصو شو العز مواتيكن وعم تاكلو فلافل
سلمى: بتضحك اي عز شايفه كلها سندويشة فلافل روح انت وياه جيب من المحل وتعو تزهرمو بسيطة
خالد: رح روح جيب كرمال نتزهر الملافظ سعد يا حلوة
سلمى: لتكون ملافظك سعد وأحمد كهكهكهه
خالد: بيضحكلها ضحكة صفراوية مهضومةةة
ايمن: روح ركود جيب السندويشات لااطلب شاي يلا
خالد: بيمشي على المحل
مجد: لك ايمن انت كل هالعز يلي عايش فيه وجاية تاكل فلافل

ايمن: بيضحك ياشريك اوقات كتر العسل بوجع المعدة بعدين من شو بتشكي الفلافل نعمة الله هي
مجد: بيبتسم اي دخيلو يلي بيفهم
ايمن: بعجبك ولو بس باقيلي هيك العروس لتكمل معي
مجد: له له بدك عروس احكي طيب منشتغلك خطابة ومنجبلك مو هيك سلمى
سلمى: بتكون عم تاكل اكيد ايمتى مابدكن أنا جاهزة
فاطمة: بتقرب منهن مسا الخير
سلمى: بتطلع فيها اهلين والله منيح تذكرتي رفيقتك ياكلبة
فاطمة: بتضحك لسانك متبري منك انتي عم بدرس كنت مالي فاضية وانتي بتلهيني كتير
سلمى:بالله شو
فاطمة: خلص خرسي وهاتي حضن اشتقتلك وليه
سلمى: تعي تعي وبتبوسها
فاطمة: بتطلع على الشباب كيفكن شباب كيفك استاذ ايمن مجد كيف صارت ايدك وجبينك
ايمن: الحمدلله تمام انتي كيفك انسة فاطمة
فاطمة: الحمدلله بالف خير
مجد: يعني أنا ما بينقلي استاذ مثلا ست فاطمة
فاطمة: بتضحك انت ما بوجبك بعرفك من زمان أما الأستاذ ايمن عيب مابصير
ايمن: بيضحك لا لا توجبيني اندهيلي ايمن مابحب الرسميات
فاطمة: بتضحك بس انو
سلمى: لا بس ولا بسبسة معلش ايمن بس رفيقتي محترمة زيادة على اللزوم
فاطمة: بتنكشها سلمى
بوصل خالد لعندهن
ايمن: اجا خالد اجا خالد هات هات رح موت من جوعي لك ياحجي وين الشااي
خالد: يخربيتك شو فجعان بيتطلع بشوف فاطمة بيسكت بيتطلع فيها وبركز كلامه مسا الخير
فاطمة: بتطلع فيه وبتبتسم بخفة مسا النور
خالد: بيعد على الكرسي كيفك انسة فاطمة
فاطمة: الحمدلله تمام انت كيفك استاذ خالد
خالد: تمام
سلمى: يامحترمين انتو استاذ وانسة اي شو هاد دمعة عيني
ايمن: وقف شعر راسي انا
مجد: أنا اشعرت والله
وبيضحكو عليهن
خالد: شربتو من نفس كاسة الهضامة انتو لتلاتة شي
مجد: نسينا نتركلكن شوي والله وبيضحك
ايمن: هات هالسندويشة بلا كتر حكي هات
خالد: ماتواخذيني ماكنت بعرف انك رح تجي كنت حسبت حسابك
فاطمة: ولايهمك مافي داعي تغلب حالك يسلم ايديك
خالد: معناها إذا هيك بيمسك سندويشته وبيقسمها بايدن بالنص تفضلي شاركيني
مجد: بكون عم يتطلع فيهن وكاتم بسمته وفهمان سبب الذوق يلي نزل على رفيقه فجأة
فاطمة: لا والله مافي داعي صحتين وهنا
خالد: مابقبل والله كليها يلا لا تخجليني
فاطمة: لا والله انت جايبها الك أنا مابدي
سلمى: لك خلص وضريب خديها هلق باخدها انا ما لسا مابدي ومابدي شه
فاطمة: بتعطيها زورة وبتاخد السندويشة من أيده بخجل شكرا الك
خالد:بيبتسم ولو العفو صحتين وهنا
ايمن: معناها صارت وصارت ياكريم عطيها كاسة الشاي تبعك وطلوب وحدة تانية
خالد: مافي داعي تتفزلك من حالي رح اعمل هيك
ايمن: ايي رحلوو الابضااي والرجال والمحترم وبيضحك على خالد
فاطمة: بتبتسم بخجل وبتستحي من خالد وبتبلش تاكل بصمت
سلمى: بتقرب من مجد وبتهمس احم شايف يلي شايفته
مجد: بيتطلع فيها شو شايفة
سلمى: خالد كانو فارد عضلاته شوي قدام فاطمة
مجد: بيعمل حاله غبي شو قصدك
سلمى: لك مو شايف الكرم عم يشرشر منه ماله بالعادة ابو شحادة
مجد: بيبتسم رفيقي من يوم يومه كريم
سلمى: بتنكشه بقوة لا تعصبني فتح مخك شكلو خالد معجب والا لو هيك ما تخلى عن نص سندويشته لان بياكلنا وما بيشبع
مجد: بيتطلع فيها ياعمري انتي شو هالذكاء هاد
فاطمة: شبكن عم تحكو بالهمس
مجد: بطق عقله انو لاحظت انو خالد معجب بفاطمة ومالاحظت حبه الها بعلي صوته لاارادياً ولاشي ولاشي شو بدو يكون في يعني بس انو لهالدرجة الذكاء انو الست سلمى تلاحظ انو خالد
سلمى: بتنصدم من ردة فعله يي يي لك مجد وبتنكشه هسس شو صرلك اصحى
مجد: بيتطلع عليهن كيف مركزين معه ومصدومين احم بيعد على الكرسي وبيبتسم ببرود ههههه كيفكن
خالد: شبني شو لاحظت سلمى علي
مجد: بداري الوضع انو انت قسمت السندويشة لفاطمة وصاير كريم
خالد: وضريب انت وياها اي
سلمى: اي وبتتكتف وبتطلع بمجد بغيظ
مجد: بحك جبينه بخفة ومن جواته رح ينفجر بيحكي مع حاله ( لكن لخالد وفاطمة لاحظت انو معجب فيها أما أنا يلي صرلي عمر بحبها وبهتم فيها مالاحظت اني بحبها مو معجب بس شو بعمل بهالبنت يلي رح تقتلني بس كمان أنا الحق علي لهلق مااعترفتلها بركي هي عم تنتظرني احكي خلص بس تنجح رح خبرها بكلشي )
ايمن: لك مجدد بهزه هييي وين رحت
مجد: بيصحى من شرده اي اي معكن شوفي
ايمن:الي ساعة عم انده عليك
مجد: شردت شوي شو بدك
ايمن: سلامتك بدنا نروح نحن
مجد: اي الله معكن
خالد: بوقف يلا بدكن شي ياصبايا
سلمى: سلامتك ياموجب
فاطمة: بتبتسم بخفة سلامتك
خالد: الله ينجحكن ويوفقكن بالاذن وبيمشي وبيلحقه ايمن
مجد: يلا وانتو على بيوتكن درسو
سلمى: مابدك تقوم تروح
مجد: لا حابب ابقى لحالي شوي
سلمى: اي تصتفل امشي فاطمة امشي
بيمشو كلهن وبيرجعو على بيوتهن وبيبقى مجد لحاله عم يصفن بحالته وحياته بمر الوقت ومابحس على حاله بوقف بدو يمشي بتنزل المطر وبتكبس بقوة

مجد: بيبتسم وبحط الطاقية على رأسه وبتمشى على بيته وبوصل لقريب شباك سلمى وهو عم يدندن بصوته الممزوج بصوت حبات المطر يلي عم تطرق على الشبابيك شو مشتاق لبيت صغير وانتي تحبيني مش اكتر وشبابيك الالفة تضوي وبواب الحيرة تتسكر دقة قلبك ترسم قلبي عمرك عمري ودربك دربي مشتاق لوجهك يحميني يحميني من وجوه الكذبة
سلمى: بتفتح شباكها وبتبتسم وبتحط ايديها على خدودها بخفة شو هالصوت الدافي هاد كفي كفي من البداية
مجد: بيتطلع عليها وبيبتسم بخفة بوقف على شباكها
مجد: بيسند أيده على شباكها وبيتطلع فيها وبغني هو وعم يتأملها بحب وعيونه عم تبرق ورموشه مبللة بالمطر صوتك وجهك عطرك شعرك لمسة ايدك عم تندهلي شايف فيكي ام ولادي شامم ريحة ارضي واهلي عارف خلف البحر الازرق لما الشمس تموت بتخلق عارف انك عمري الجاية لما الماضي ببحرك يغرك بقول بحبك قلبي بيكبر وسع الكون ويرجع أصغر
عمر فوق الرمل الذايب قصر الشوق اللي ما بيتعم
بحلم فيكي وعم بتأمل يكبر مرة الحلم ويكمل
عمر بيتي ع إيديك بيت صغير يصير الأجملل
سلمى: بتطلع بعيونه كيف عم يغزلو وانفاسه من البرد عم تلهت بخفة وعم يغني من جواته وعيونه عم تحكي قبل لسانه بتبتسم بخفة اي ريتنا ماننحرم من هالصوت الدافي ابو المجد
مجد: بيبتسم تسلمي وهلق يامزعجة سكري شباكك ودخلي لاتبردي
سلمى: المفروض انت يلي تدخل عفكرة شوف كيف صرت من المطر
مجد: بيبتسم أنا مرتاح
سلمى: وانا مالي مرتاحة استنى لشوف بتدخل بتفتح خزانتها وبتطلع لحشة صوف لاالها وبتنط على الشباك قرب لشوف تعال
مجد: بقرب رأسه وجسمه لعندها بابتسامة
سلمى: بتحطله اللحشة على رقبته كرمال تدفى وبتبتسم
مجد: بيتطلع بعيونها وبيتنهد سلمى
سلمى: شبك
مجد: ولاشي بس انتي اغلى إنسانة على قلبي
سلمى: بتبتسم وبتمسك أيده بخفة وانت غالي على قلبي كتير مجد
مجد: بيبتسم وبشد على أيدها يلا روحي كفي دراستك باقي اسبوع على الامتحانات
سلمى: مجد انا خايفة
مجد: ماتخافي من شي انا معك ورح تخلصي كل امتحانات وتنجحي وتدخلي على الجامعة
سلمى: بتبتسم جامعة ! من وين ياحسرة
مجد: بيغمزها بخفة ماتخافي مافي شي عند رب العالمين صعب ورح تدخلي والفرع يلي بدك ياه
سلمى: انا بحب الرسم عبالي فوت فنون جميلة
مجد: بيبتسم ورح ادخليها انتي قدها بس بشرط
سلمى: شو هو
مجد: اول مارح ترسمي حدا هو انا وعد وبمد اصبعه لصغير لاالها
سلمى: بتضحك خلص وعد وبتمد اصبع أيدها لصغيرة وبتشبكه بأصبعه وعد انو انت اول حدا رح ارسمه
مجد: بيبتسم يلا هلق روحي على الدراسة
سلمى: تمام رايحة وانت دخول يلا دفي حالك تصبح على خير
مجد: بيمشي وبيهمس بخفة وانتي من اهلي وبيدخل على البناية
سلمى: بتسمعه وبتبتسم بخفة وبتسكر الشباك وبتدخل
مجد: بيطلع على بيته بكونو أهله نايمين بيدخل على غرفته ببدل تيابه وبيفتح خزانته وبطلع الصندوق وبيفتحه وبحط الشال تبع سلمى جواته وبيمسك صندوق صغير وبطلعه بيفتحه بالمفتاح بكون فيه مصاري ومكتوب على الصندوق مصاريف جامعة سلمى بيبتسم وهي مو باقي شي وبحققلك حلمك الجامعة يلي بتحبيها يلي ماقدرت حققه لنفسي بدي حققلك ياه وهي حتكون هدية نجاحك بسكر الصندوق صرلي زمان عم صمدهن باقي شوي ليكملو رح ارجع اشتغل وكفيهن مافي غير هالحل بحط الصندوق بقلب الصندوق لكبير وبيمسك الدفتر وبيكتب فيه اول حلم من احلامك قرب يتحقق وحكون انا محققلك ياه ورح يجي اليوم يلي رح تعرفي فيه اني رح حققلك كل احلامك
#بعد_مرور_اسبوع
واقفين الصبح كلهن تحت البناية
سلمى: ياجماعة رح موت من رعبتي كتير خايفة
ناهد: لا خالتي ماتخافي الخوف بطيرلك معلوماتك انتي اهدي ورح تعرفي تحلي كلشي
هناء: الي ساعة عم قلها ماتخافي بس هي جدبة
فاطمة: بتبتسم بتوتر يلا سلمى خلينا نمشي وحاجتك خوف
مجد: بينزل من فوق بكون فك أيده من لجبيرة وتحسن يلا يابنات جاهزين لوصلكن
سلمى: لا مالنا جاهزين
مجد: شو ناقصك لسا
سلمى: ولاشي بس مابدي روح بطلت
مجد: بيضحك امشي امشي بلا هبل هلق بس تشوفي الاسئلة وسهولتهن بتنسي خوفك النا اسبوع عم نسهر وحفظك مع انو عندي كان امتحانات وماخفت متلك و مبارح ضلينا للفجر عم سمعلك وحافظة كلشي ليه لتخافي يلا
سلمى: بلنشا منية لكن انت خلصت امتحاناتك مو زعلان الجامعة سهلة وخلصت السنة واكيد من الناجحين بس انا اكيد رح انجح
مجد: بيضحك اكيد اكيد يلا امشي لشوف يلا دعولهن
ناهد وهناء: الله ييسرلكن يارب
ببلشو يمشو ويبعدو عن البيت
مجد: شو كيف الاستعداد طمطم
فاطمة: ماشي الحال أن شاء الله من الناجحين
مجد: باذن الله
بوصلو على المدرسة
مجد: يلا تفضلو سمو بالله وان شاء الله كلو خير ويلي كاتبه الله بدو يصير