- النص المستخرج من الصورة: 📝
۷:۳۳م
K/S
شمس : استنى لجيب الموبايل
اول رسالة بعتها قلب ع المحادثة
ميثاق : بس ليكون مو الك لحالك الموبايل
شمس : الي ولنور بس اغلب الوقت معي
ميثاق : بتسدعي بفكر معك موبايل
شمس : بالزور عمر لوافق ويوميا بيعمل عليه رقابة
ميثاق : ما حلو الشك ع فكرة
شمس ؛ ليش ما بتفتح موبايل عهد
ميثاق : ايه شو بتحكي ولا يمكن اعمل هيك
شمس : عنجد
وكبر بعيني كثير
شمس : لهدرجة مأمن فيها
ميثاق : ما بيخطرلي صراحة ليش لاشك فيها ما
اهلي
شمس : عادي تحب
ميثاق : بالاول احكيلي اخوكي عشقان
شمس : اي
هي ببيت
ميثاق : هيك احكيلي من الاول انا ما كنت عشقان لهيك ما
بيخطر لي انو كل الدنيا بتحب وبتنحب
شمس : يمكن بس عنجد صدمتني
ميثاق لا اخوكي شكاك مو
اکتر
وهيك ارتحت كثير يعني رح اكون مرتاحة من شغلة الشك
والغيرة عند ميثاق
كان عمر مقهور كثير
رؤی: شو القصة ولووو
222
عمر : ولا عبالو الاخ وبيجي بدون سيارة وموتور لحتى يتاخر
نور : عمر زودتها
عمر : والله ازا بيدرى جدي انو بيتاخر الافندي عنا ليفسخ
الخطبة
رؤى : عمر الساعة عشرة الناس هلا بلشت سهرتها

- النص المستخرج من الصورة: 📝
۷:۳۳م
K/8
1
عمر : انا ما جاييني ركود
نور : روح نام
عمر : لا رايح لعند احمد لنشوف اخرتها مع هالدبقة
طلع عمر وشغل الموتور واستغرب انو ميثاق طلع ومجهز
حالو للرجعة
ميثاق : وصلني بطريقك
عمر : بكير
ميثاق : لا ستي شوي تعبانة واطلعت بوقتك
لهيك ارتاح عمر كثير مو شوي
طلع الموتور من ساحة البيت وركب وراه ميثاق وطلعو من
كل الحارة
~22
جهزت حالي للنوم بس لسى مقهورة
نور : ليش زعلانة
.
مو
متلنا
شمس : شي بيقهر تخيلي ما بيشك باختو
نور هاد قضی عمرو بالغربة ما اسمعتي عهد حكت اطول
اجازة اجاها كانت اسبوعين وكل خمس سنين لينزل للبلد
ومغترب من ١٨ سنة شو بيعرف عن البلد والبلاوي الي فيها
شمس : بس كبر بعيني كتير تخيلي ما بفتش موبايل عهد
نور : ههه بيني وبينك عهد ما بتنطس معو حق
شمس : هههه الله يلعنك شو قوية والله حلوة عهد
نور : خطيبك مكوش ع جمال كل العيلة
شمس : عنجد نور
نور : والله مبارح رؤى فرجتني مروان اي مبين عليه شخصية
بس مشيب اما خطيبك شبوبية وطول وعرض كتاف وانيق
كل الوقت
شمس : حتى محمود متلو
نور : لاااا فرق كبير بينهن او لانو بيسافر ومبين عليه العز ما
بعرف
شمس : المهم ما بيشك وبيغار وكلو بينهضم
نور : شو بدو يحكي معك اخد رقمك

- النص المستخرج من الصورة: 📝
۷:۳۳م
شمس : ما بعرف
BE
نور : بربك روقي ما حلوة وانتي معصبة
شمس : انا مخربطة كتير لانو كمان قرب العرس ما اتوقعت
بهالسرعة
نور : خلص افردیها
222
طبعا ما كانت ستو تعبانة ابدا بس عاملين مشاوي وما حبو
تروح عليه بس هو ما عاجبو انو ضحكو عليه لهيك اخد
مفتاح الشقة وراح ينام بغرفتو لجديدة ويريح حالو منهن
وامو انقهرت لانو راح للبيت بالموتور والدنيا ليل والوقت
متأخر وقت وصل شاف مروان ومرتو جايين من السهرة
ومشان لا يسلم دغري ضب الموتور بالقبو وطلع للغرفة يرتاح
وشعور بالراحة غير شكل
~~~
نسرین : غريب ميثاق مابدو يحضر حفلة المشاوي
مروان : يكون اتعشى ورجع
نسرین : مبين معكر
مروان : يمكن
نسرین : ليش انت ما تتقرب منو
مروان : المهم تصالحنا والباقي براحتو يعمل شو مابدو
نسرین : بس فال مو منيح ينام بالغرفة بدون مرتو
مروان : شوفو السخافات
نسرين : سدءني ما منيح
مروان : يسطفلو

القسم الرابع
شمس الغرام ♪
الصبح صحي على صوت دقات الباب وحكي
رضا : بلكي نايم
ريم : الساعة ١٢ ما بظن يكون نايم
رضا : صايرة تفهمي دقي الباب كمان
اتجلس ودغري راح يفتح ولتنين خجلو منو
رضا : صباح الخير عمي
ميثاق : صباح النور عمي شوفي
ريم : بابا بيحكيلك تعال افطر معنا
ميثاق : مصدقين حالكن انتو وابوكن
رضا : يعني شو نحكيلو
ميثاق : احكيلو بقلك عمي حل عنو
ريم : يعني نروح
ميثاق : اختفو مو بس روحو
وض*رب باب البيت ضر*ب وراحو يتراكضو
ميثاق : ع شو ناوي لك مروان انا بدي اربيك واربي عيلتك معك تضرب من بين المتعلمين ومرتو انسة عليم الله جاية من بين البقر نفسيات وسخة
وقبل يتزكر شو عملو فيه لبس ع الماشي وشال الفرشة الي نام عليها وطلع من البيت ودغري لبيت اهلو مطنش وجود عيلة اخوه ع البرندة
~~~
نسرين بقهر: شو هالنفسية هاد لعمى ما بينسى
واتزكرت كيف مروان حط رجلو على رقبتو لميثاق وفجأة هزت راسها لتنسى كيف فات ميثاق وخرط*ش الرو*سية بدو يق*وص جوزها
نسرين : ياريتنا ما شكينا فيه
حطت لفطور ومروان مقهور لانو ميثاق ما بيتحاكى ولليوم كل قرايبنو بصف ميثاق ضدو

~~~
كنت اجهز حالي للروحة لبيت حماي مبسوطة وخايفة من عمر كمان وناطرة الافندي يجي معقول نسيني
~~~~
نزل دغري فات غسل ليشارك اهلو بالفطور
محمود : نحن قلنا افطر عند مروان حبيب قلبوو
عهد : وحد الله عم تكفر انت
ام مروان : خلص انتي وياه
ابو مروان : شبك ميثاق
ميثاق : شبني ليكني مشالله عني
محمود : هو ما شايف الض*رب الي بين حواجبو
ميثاق : شو بدكن تعملو ع الغدا
عهد : اطلب واتمنى
ميثاق : انا بسأل مو بدي اطلب
ام مروان : والله مابعرف انت عبالك نطبخ شي
ميثاق : لا بدي اوصي ع اكل جاهز
عهد : مدللنا والله
ميثاق : بعرف طبخك ما بينداق
محمود فرط ضحك بس عهد ما عجبها
عهد : لنشوف لمعدلة الي رح تتجوزها
ام مروان : ليش ما بتعرفي
عهد : شو
ام مروان : خالتها حكتلي حتى جلي ما بتعرف تجلي
ميثاق : عنجد
محمود : يلا بتتعلم فينا
ام مروان : وحكتلي اعلمها
محمود : ميثاق بيعلمها الطبخ
ابو مروان : وبالجلي والتعزيل شاطر كمان
عهد : يمكن كان بنت وقلب
ميثاق : اي وانتي يمكن كنتي زلمة وقلبتي
محمود : منعرف انك انعم منها بس مو لهدرجة
ام مروان : خلص بقى بدكن تتخانقو
عهد : يعني شايفيني بش*عة فشرتو
ميثاق : هلا بقوملك
ابو مروان : خلص ميثاق
ميثاق : انت مكبر راسها شو يعني فشرتو عم تتطاول ع الكل
محمود : ههههه لسى ما شاف شي
ميثاق : والله بعيد تأسيسك ها
ما عجبها ابدا وراحت حردانة
ميثاق : منيح مو وحيدة كنتي ربيتينا عنجد
عهد : ربي مرتك بكرى ويكتر خيرك
كان بدو يقوم بس امو مسكتو
ميثاق : كبري راس يا عهد انا بفرجيكي
ابو مروان : خلص وروح جيب خطيبتك
محمود : بلكي يحل عننا
طبعا ما عجبو وراح للمطبخ وخافت منو عهد
ميثاق : هالمرة صارت مرة تانية لاخفي حسك
عهد :...
وفات يجهز حالو ليروح يجيب ست الحسن والجمال ومعكر لابعد الحدود
~~~
استغربت وقت اجى بقي بالسيارة وزمر اطلعت انا وعمر وخالتي فتح الشباك ليسلم عليهن
ميثاق : مسالخير
خالتي : مسالنور اتفضل
ميثاق : غير مرة
طبعا عمر على عيونو الروحة كنت اللبس الحفاية وكان عمر واقف عند شباك ميثاق وقبل افتح الباب هو فتحلي ولساه عم يناقش ب عمر
ميثاق : اي ساعة مثلا
عمر : انا بجي اخدها
ميثاق : ترى مو لحالي بالبيت
عمر : مو مشان هيك مشان لا تغلب حالك
ميثاق : بردلك خبر بتيجي تأخدها انت منيح هيك
عمر : دير بالك عليها
ميثاق : بعيوني خلص
كنت مقهورة كتير بس ما اظهرت
كان معو علبة علكة كتمت ضحكتي وقت ضيف عمر واخد منو
عمر : يسلمو
ميثاق : اهلا وسهلا بخاطرك
عمر : الله معكن
سكر الشباك ودغري غمزني وطلعنا من الحارة والا يضيفني علكة
شمس : ههههه يسلمو بس ليش عطول معك علكة
ميثاق : مشان لا ادخن
شمس : عنجد
ميثاق : اي لكن من كيفي
شمس: انت مبطل الدخان
ميثاق : مو تبطيل تخفيف لانو معي حساسية بصدري
شمس : سلامتك
ميثاق : الله يسلمك دغري للبيت ولا نفتل
شمس : الي بدك اياه
ميثاق : منفتل لكن
شغل اغاني مجوز
عيونا شاميات وربيانة بغداد
ميثاق : جاهزة بكرى
شمس : شوفي بكرى
ميثاق : مو ناوية ترتبي جهازك بالبيت
شمس : اه اي مابعرف
ميثاق : انتي بتعرفي انو اخدك افرجيكي شقتنا
وخفت كتير منو
شمس : ليش
ميثاق : شو ليش مابدك تشوفيها
شمس : بكرى بشوفها
ميثاق : اليوم احسن
شمس : لا ماحلوة نروح لحالنا
ميثاق : ترى مو بس عمر شكاك العيلة كلا شكاكة.
شمس : مو هيك بس عنجد مو حلوة

ميثاق : شمس صحصحي شوي وفكري فيها منيح مارح اكلك والله....... بعدين البيت كلو لاخي
شمس : يعني بالبيت هني
ميثاق : اي
شمس : مارح نطول
ميثاق : لا ع الماشي
سايرت والخوف متملكني وصلنا لبيت اخوه كان كتير حلو اصلا عطول كنت اتفرج عليه على اد مو فخم وبمرتفع جاي
شمس : بتسدء اول مرة بعرف انو هالبيت لاخوك
ميثاق : حلو
شمس : موقعو احلى منو
ميثاق : اي معك حق
كنت شبه عم جر حالي جر وراه
والاحسن يكون في باب تاني للبيت يعني اطلالتين يعني شقتين اطلعنا لدرج قصير ودغري فتح الباب
اترددت كتير بس هو سبقني لهيك فتت معو واول ما اتسكر الباب علينا متت من رعبتي لهيك نطقت
شمس : ليش سكرت
وقربت حاولت افتحو
ميثاق : شمس بلا ولدنة خايفة يعني بعد بكرى الحنة
شمس : ويكون خلي الباب مفتوح
ميثاق : الله ربي
سحبني من ايدي ومشيت وراه
كان ممر صغير وبابين متقابلات وبيناتهن مسافة اضوية بكل مكان اخدني بالاول للمطبخ وكان بيجنن سحبت ايدي منو واتاملت كل المكان
ميثاق : عجبك
شمس : اللون العسلي بيجنن
فتحت البراد وما فكرت انو معبى من كل الانواع الخضرا والفواكه والمعلبات
شمس : انت بتنام هون
ميثاق : اي
الحقتو لغرفة النوم وانسحرت بكل تفاصيلها شغل الاضوية ضليت واقفة عند الباب
ميثاق : عجبتك
شمس : اي بتجنن
ميثاق : ليش خايفة بربك فوتي
حكاني لانو صار بنص الغرفة
.شمس : ليكني شفتها
ما عجبو لهيك اخدني من ايدي والخوف زاد
ميثاق : ترى جكارة فيكي هلا ببوسك
ومابعرف شو صرلي حسيت بخنقة
ميثاق : ما اجى من قلبي مبارح انام ع التخت بدونك
كانت في فرشة بالغرفة
ميثاق : يومياً رح انام ع الفرشة ليوم العرس
شمس : يلا خلينا نطلع
ميثاق : انتي حدا حاكيلك اني ما بسوى او عاطل
شمس : لا ابدا بس والله ما حلوة جيتنا للبيت لحالنا
ميثاق : طيب شو صار خربت الدنيا ليكنا لحالنا وجكارة فيكي بدي اساوي قهوة بعرفك ما بتعرفي تساوي القهوة
تركني بالغرفة وراح للمطبخ قلبي عم يضرب ضرب جواتي مشلولة كليا طبعا البيرو مليان بارفان ومزهريات ورد صغيرة ندهلي من المطبخ
ميثاق : شمس
طفيت الاضوية وسكرت الباب ورحت لعندو لنشربها بالمطبخ
ميثاق : عجبك البيت
بقلبي : وغراض البيت حلوين
شمس : اي حلو ليش في باب مقفول
ميثاق: هاد بيفصل بين شقتي وشقة مروان
شمس : بس هو لاخوك
ميثاق : اي مؤقتاً لاكمل بيتي
شمس : ليكون الي بجنب بيت اخوك
ميثاق : اي هون رح نسكن طيبة قهوتي
شمس : اي
ميثاق : بس قهوتي طيبة
شمس : ما عم افهم عليك
حط ايدو على كتفي وقربني منو
ميثاق : في شغلات اطيب
وقع الفنجان من ايدي وسحبت حالي منو
شمس : اسفة
ميثاق : لا ولايهمك
كنت بدي انظف مكان الفنجان وما خلاني
ميثاق : ازا رح نتأخر كمان رح يوقف قلبك من الخوف يلا تعالي
وما سدءت ايمتى فتح الباب واستقبلنا هوى بارد
ميثاق : ارتحتي
ما اهتميت ابدا لكلامو وسبقتو للسيارة وما سدءت ايمتى اوصلنا لبيت حمايي ولانو في اكتر من شب برى فوت السيارة لجوى البوابة وما خلاني انزل الا لحتى نزل هو وسكر البوابة
~~~
استقبلتهن عهد ووعد وام مروان سلمت شمس بخجل
عهد : طولتو والله
ميثاق : تعي روحي معي احسنلك
ام مروان : اهلا وسهلا بكنتي نور البيت
ميثاق : اتفضلو
فاتو كلهن وهمس ل شمس: لا تقولي انو رحنا للبيت اتطلعت فيه بغرابة
فتح المضافة وفاتو كلهن سلمت على ابو مروان بخجل
شمس: كيفك عمي
ابو مروان : اهلا وسهلا يا بنتي
اتوزعو الاماكن بس عهد لساها واقفة تتمايز ميثاق وشمس كيف لابقين لبعض
بقلبها : والله صايرة بتجنن ما كانت هيك ولا هي مزودة الاهتمام بحالا
وبعدها ابوه طلع مشوار ومحمود أساساً راح مع رفقاتو وعهد ووعد استلمو المطبخ ولضيافة وام مروان وام محمد برى عند الليمونة قاعدات ومبسوطات انو ميثاق رح يتجوز بعد كم يوم.
~~~
حسيت الجو بارد كتير بالمضافة او انا مو مدفية حالي واصلا الجو متغير وفيه لسعة برودة
كنا ساكتين وقطع خلوتنا صوت شب برى ودغري ميثاق طلع ليشوف مين ولساتني عم بسأل حالي معقول صرت من هالعيلة اسمعت صوت سلام حار وطليت من الشباك لاشوفو حاضن شب بيكبرو بكم سنه
ميثاق : شو هالمفاجئة الحلوة
عبد : قول انك ملتهي بالخطيبة
ميثاق : ايمتى اجيت
عبد : هي وصلتي
ميثاق : ليش ما اتصلت كنت اجيتك
عبد : وصلن ي فواز لهون
عبد : كيفك يامو طمنيني عنك
ام محمد : الحمد لله ع سلامتك ليش ما خبرتني انك جاي
عبد : لحتى امنت اجار الطريق
ام محمد : صاير شي معك
عبد : اخ يا امي والله انسرقت حتى موبايلي
ميثاق : بتحكي جد كيف
عبد : ما انت بتعرف الشغل بالمحطة كيف تركتهن خمس دقايق وارجعت ما لقيت شي

ميثاق : والله مو خبرية
عبد : فوت لعند خطيبتك انا بدي اقعد مع امي ومرت اخي
بس شفت ميثاق فات دغري ارجعت لمكاني شوي واجى
ميثاق : طولت عليكي
شمس : ... مين اجى
ميثاق : عمي عبد
شمس : بسافر
ميثاق : لا بيشتغل بالشام
شمس : جاي يحضر العرس
ميثاق : اكيد بدو يكون هيك
بعدها اتغدينا واطلعت انا وميثاق نتمشى ع الاسطوح ومنو بشوف اطلالة بيتهن والا نمسك ايدينا بعض متل العشاق كنت كتير خجلانة واحساس غريب عم يتملكني كل ما اطلعت فيه او دققت بملامحو
طبعا الحارة مليانة واغلبهن بيقربوه او في صلة قرابة .

~~~
تاني يوم كان جهاز شمس مرتب بغرفة النوم وهو حس بالفرق كلشي بيخصها كان مختلف واليوم كل شباب البلد بمضافة بيت اهلو جايين يعمللو حفلة ويفرحو فيه والا ما يروح يسهر عند شمس هو حابب يودع ايام الخطبة انسحب بدون ما حدا يحس عليه اخد من محمود الموتور وزمر برى واستقبلو عمر طبعا هي الايام الاخيرة لشمس ولازم تودع اهلها استقبلتو بالمضافة كانت لابسة جينز وبلوزة سودة بتجنن عليها وضل يتأمل شوي من شعرها مبين
ميثاق: قولي شو جابو هاد
شمس : لا ما بحكي هيك
ميثاق : اشتقتلك لهيك اجيت
قدملها وردة حمرا بتجنن
وشاف كيف بزيادة خجلت
ميثاق : مامعي وقت بس جيت اشوفك
شمس : اتفضل
قعد وكتير مرتاح من شوفتها
ويتأمل كل تفاصيلها
ميثاق : جاهزة لبكرى
شمس : اي بس مابعرف اي ساعة اجهز
ميثاق : الظهر كوني جاهزة
شمس : اي ما عندك حفلة
ميثاق : امبلا تركت كل رفقاتي واجيت
شمس : ههه ليش هيك
ميثاق : حسيت حالي مشتقلك الك
شمس : رح اجهز القهوة
ميثاق : خوفي تكون جاهزة
~~~
يا ويلي شو قوي والله احرجني بيعرف انو ما بساوي القهوة ابدا
كانت نور عم تغليها
نور : شو جابو مو عيب عليه
شمس : بدك اقلعو
نور : مابصير بكرى حفلة الحنة عندك وعندو ماعندو رفقاتو
شمس : امبلا تاركهن بالمضافة وجاي
نور : هههه والله خطيبك نهفة بكرى بس تتجوزو مبين رح يعتزل العالم
شمس : معقول
نور : من حظك شقة صغيرة بتعرفي كل قرايبينا مقهورين انو رح تسكني لحالك
شمس : بس هو بيت سلفي
نور : بس شقتكن منفصلة عدا عن المطبخ الي بتحلم فيه كل عروس وغرفة النوم الي بتجنن
جهزتلي القهوة ورحت لعندو كان عم يتسلى ع موبايلو وبس شافني ابتسم والا يشغل اغاني هالزلمة مو طبيعي
ضيفتو وقعدت بجنبو
واخجلت من هالاغنية لانو كتير انا بسمعها
تعالي لشكيلك همي و لصدري ضمك ضمة
يا شمس مضواي الكون خدودك تفاح الجنة
لاغني حروف باسمك
واكتبلك منها حكاية
ياريت تكون الغيمات مخدة عليها تنامي
غمزات خدودك تحكي ..عا تمك محلا الضحكة
بعيونك سحر الدمعات ما بحب عيونك تبكي
انت زهرة ربيعي انت نجمة مضواية
انت خمرات العنبات جوا خوابي مخباية

بقي طول الوقت يتطلع فيني ولاول مرة بكسر عيني وما بسترجي اتطلع فيه بشكل مباشر
شمس : بلكي استفقدولك
ميثاق ؛ ما خبرت حدا بفكروني بحكي مكالمة
شمس : بالمناسبة ماعم نحكي ابدا
ميثاق : الايام جاية هلا بقول بحالي احسن ما اتصل بروح بشوفها شخصي
شمس : بس كأنو انتو مستعجلين فكرت الخطبة سنة او اكتر
ميثاق : خير البر عاجله هيك بقولو دايمة ع القهوة
شمس : طيبين
ميثاق : انتي اطيب .
صدمني بجاوبو ودغري وقف
شمس : بكير
ميثاق: بكفي بعدين ريحي حالك بكرى رح يكون طويل
الظاهر بردان الافندي لبس الجاكيت وطلع واطلعت وراه أودعو
ميثاق : فوتي يلا
شمس : حارتنا امان لا تخاف
ميثاق: ما حلوة يلا فوتي
خلاني افوت وسكرت ولقيت كل العيلة بالصالون واقفين مو عاجبهن
خالتي : شو عاملة لهالزلمة
عمر : على شوي بجيب تيابو وبنام هون
نور : ههه بعد بكرى بتختفي شمس من البيت
وغصيت كتير هالبيت مليان ذكريات تركتهن وفتت للغرفة واليوم رؤى نايمة عنا كانت بسابع نومة هي ولولاد بس انا قعدت بمكاني وبلشت ابكي
نور : شمس زعلانة
شمس : مو زعل...بس بس ماحسيت اني اشبعت منكن
نور : خلص ولو لو بعرف هالكلمة رح تأثر فيكي ما حكيتها
شمس : اتركيني نور بترجاكي
وفرطت من البكي حسيت انو رح اشتاق لكل ايام لعزوبية ولاول مرة هيك ببكي صحيت رؤى واستغربت
رؤى : شبكي شموس ليش عم تبكي
شمس : مابدي افارقكن
رؤى : يوه ليكو بيتكن لحشة حجر ومبين جوزك فري ما بيتحكم بحدا
شمس : مابعرف صعبان عليي الفراق
نور : ههههه عمر مو مسدء يخلص منك
شمس : ياريت يتاجل العرس
رؤى : لا يوه صرنا جاهزين بكرى لنعملك حفلة حنة ليحكو فيها كل اهل البلد حتى الفستان الي اخترتيه ماحدا لبس متلو يلا امسحي دموعك بعدين في شي بدي احكيلك اياه وضروري تسمعيني صحيح ماما توفت بس لازم احكيلك شو لازم تعملي وتتصرفي

كنت مستعمة لكلامها
رؤى : الرجال ما بينحكالو لا....ولا فيكي تطاولي عليه هلا اوقات بتحكي لعمر اخرس او ما دخلك او انقلع لجوزك ممنوع اوعك في رجال ضد عقلهن طويلة للسان واسلبيه بكلامك المعسول حبيبي وقلبي وروحي
شمس : هيك بدي احكيلو
رؤى : اي اوعك تقولي عيب او بخجل هدول لرجال بحبو المراة الي بتدلل وبتضل تمدح فيهن ع الفايتة والطالعة
نور : يعني ازا جابلك بسكوتة بوسي ايدو
رؤى : انتي لا تدخلي اسمعيني شموس الرجال مابحب المراة الصامتة او الي بتشوف وبتطنش والكلمة الحلوة بتسلب عقلو
شمس : انا اصلا بطلت اتجوز
رؤى : هههه بلا جنان بكرى بعد اول اسبوع لتقولي وينك عني يا ميثاق
شمس : مستحيل احكي هيك
رؤى : لك والله لتحكي هيك هلا يمكن انتي تضلي تحني لاهلك بس الزلمة مستحيل يحن لايام لعزوبية
شمس : بس كانو مستعجلين بثينة لساها مخطوبة
رؤى : عم يدورو ل اخوه على عروس مشان هيك اجلو العرس بعدين بثينة رح تتفجر ما حكيتلك بالمحل شفتها جاية تشوف شالات جداد وبس عرفت انو جاي اخدلك شالة انقهرت ومن غيرتها مبروك ما حكت
بدي تقهري العدا حتى بعد ما تتزوجي
نور : رؤى كيف جاييكي حكي مو كنتي نايمة
رؤى : انقلعي وليه خليني احكي لشموس
طبعا فاتو من ادن وطلعو من التانية ناقص امدح فيه هي مفكريتني تقليدية وعلى عصر ستي لسى
حاولت انام ليلتها بس خطرتلي كلمتو مارح انام ع التخت الا وانتي معي
والله ازعر ومكتر الله يسترني منو
~~~
تاني يوم الظهر كلشي كان عم يتجهز الطبخ للعشى ببيت العريس بالاخص انو وفد شباب جاي من السفر ومنزلين افخم سيارات لزفاف رفيقهن الساحة عم تنمد سجاد والبيت كلو مكركب كان ميثاق بتياب البيت لابس بيجامة وطلع القى نظرة على الساحة ورجع فات ليرد على علي
ميثاق : وينك انت
علي : المسا منكون عندك
ميثاق : بدي السيارة شو بدي فيك
علي : اي احمد بطريقو لعندك
ميثاق: لا يتاخر اتصل فيه
علي : تكه لشوف وين صار
طبعا البيت مليان نسوان وشباب من قرايبو والافندي كل همو ياخد شمس لعند لكوافيرة فات القى اخر نظرة على حالو وتياب حفلة الحنة جاهزين ومكويين وهو بس بدو تخلص هالاجراءات الي ما الها داعي
~~~
ومضافة بيت اهلي كانت فاضية مرتب فيها كراسي ومصمود الاسكي بالصدر كنت لابسة بنطلون اسود وقميص اسود ولافة الشالة منيح وولاد عمي عم يزبطو السماعات على طراف المضافة وعمر عم يجرب الصوت وعم يتمازحو ويتمسخرو وشغلو اغنية دبكة ونور صارت تصورهن ونسوان عمامي عم يرتبن لضيافة مع خالتي ورؤى عم تطبخ للعشى وما سدءت ايمتى حكو ميثاق برى طلعو كلهم يسلمو عليه ونور جاهزة لتروح معي والا عمر يوصيه فينا مع انو معو عهد بس نزلت لانصمد بجنبو وبعدها اطلعنا من الحارة
والا يتطلع فيني ويغمزني واخجلت لانو التنتين مراقبات الوضع
ميثاق : طولت عليكي
شمس : لا بس حكو دوبنا نلحق
ميثاق : معنا وقت
شمس : لمين هالسيارة
ميثاق : استأجرتها
كانت بيضا عالية بتجنن
شمس : كتير حلوة
بقلبي : هلا كل العالم لتنقهر
شغل اغاني وعلا للصوت وقلبي عم يدق بسرعة ولييي اليوم الحنة
~~~~
كان بقمة العصبية كل رفقاتوو محاوطينو مشان لا تكبر المشكلة
علي : هدي يا زلمة هو اجى ينزع الحفلة
ميثاق : مو نحن الي مننسب بحارتنا
احمد : قلنالك جاي ينزع عليك حدا باعتو انت بتعرفو
عبد : خلص ميثاق العالم بلشت تيجي
ميثاق : خلص ها ليكني ما عملت شي
سحب من علي الروسية
علي : ميثاق
ميثاق : بدي اضبها خلص
والنسوان من الخوف متجمعات بالاخص امو الي خايفة يبتلي بشي حدا فات بدون ما يرد على حدا لحقت امو لجوى
ام مروان : لشو هيك عملت
ميثاق : وين بطيخة
ام مروان : راحت تجيب تغريد
ميثاق : بدها جاها تغريد يعني
ام مروان : مشان الله تروق فضحتنا عماتك عم يسمعن
ميثاق : واصلة معي لهون وهي شمس عم تتصل
ام مروان : هلا عمتك بتروح معك مشان تجيبوها لا تتاخر اي بلشت الحفلة
بقي ببلوزة رمادية وجينز ودغري اخد مفتاح السيارة وراحت معو عمتو لصغيرة
واول تهديد كان بالسيارة
ميثاق : مو تزغردي مشان ما اترك كلشي وابلش فيكي
ام يوسف : فوق ما انا فرحانة فيك
ميثاق : زغردي لجوزك مو الي
ام يوسف : الله يكون بعونها بس معقول بيعرفو اطباعك واعطوك
ميثاق : احسن منك ومن ولادك
ام يوسف : ههههه تقبر قلبي لمين طالع عصبي هيك
ميثاق : ليش شو ورثتونا الا المرض والصفات السيئة
ضربتو على كتفو مبسوطة من دج الحكي الي سمعها اياه وصلو لعند لكوفيرة
ميثاق : لبسيها منيح ازا بتبين منها شعرة يا ويلك
ام يوسف : ولايهمك
اخدت العباءة الرجالية وفاتت لتلبسها اياها وهو واقف عند السيارة ومعصب كتير

~~~
استغربت انا ونور لانو مو عهد الي اجت معو لبستني العباءة وما خلتلي منفس لو صغير اطلعنا من عند لكوافيرة كان واقف بجنب السيارة فتحلي الباب وساعدني لاطلعت معو كنت حاسة في شي غريب شغل وامشينا وطول الطريق ساكتين واعرفت انو وصلنا لانو بلش يزمر الافندي شكلو مستعجل كتير وما كنت بعرف انو ولاد عمي مجهزين ليقوصو فرحانين فيني
نزلتني عمتو وخالتي ورؤى ساعدوني لحتى فتت للبيت كنت متوترة كتير بدي اعرف شبو ميثاق ليش ما نزل متل باقي العرسان عليت صوت الزغاريد وشغلن اغنية الحلم الابيض لنجوى كرم ورؤى انصدمت فيني
رؤى : طالعة بتجنني يا روحي
والا يخلوني ارقص بس بالي عند عريس الهنا ما سدءت ايمتى انصمدت وبدي اعرف ليش ما نزل او هو الي فوتني خوفي ما يجي للحنة كمان
~~~
كانت الساحة مليانة رجال وشباب من اهل البلد جايين يشاركو بالحفل والنسوان على جنب بعيد شوي عن الساحة وميثاق ورفقاتو وولاد عمو بوسط الساحة والحفلة منظمة والكل مبسوط وفرحان طبعاً النسوان جاهزات ليروحن يحنن العروس
كانت حفلة العريس ع وشك تنتهي لهيك بعتو وراه وانطلقو لبيت العروس طبعا لساه ما شاف شمس ومروق ع الاخير صوت زمامير كتير لهيك طلعت ام خالد ورؤى يستقلبو اهل العريس
~~~
طبعا الافندي كتير تاخر واغلب النسوان روحو فكرو ما رح يجو اهل العريس وبقينا نحن وبنات عمي وبنات خوالي يعني بس القرايب اوقفت استقبل وقت شفتو قلبي صار يضرب جواتي كان لابس جينز وقميص سماوي والنسوان على اخر طراز وعم يغنن وهلا صار جنبي والا ترقص عهد والصبايا واستغربت في وجوه جديدة صبايا ما بعرفهن اتطلعنا ببعض وابتسملي بس انا اتحلفتلو لو مبتسمة قرب ليهمسلي
ميثاق : حالفة يمين تطيري عقلي
شمس : ليش تأخرت
ميثاق : مابصير كان في كبارية بالحفل وهلا ما بقي الا الشباب وناطريني كمان
شمس : كمان
ميثاق : بدك انام عندك
شمس : يعني جاي رفع عتب
ميثاق : هههه لو بعرف هيك طالعة شلل كنت زمان اجيت
شمس : ما بسدء
ميثاق : ليش معصبة
شمس : مابعرف انت ما شفت كيف اجيت تاخدني
ميثاق : بعدين بحكيلك
شمس : حكو صايرة خناقة عندكن
ميثاق : هههه مطول بكرى
شمس : مطول
ميثاق : المهم لا تسهري نامي دغري سهرتك بكرى طويلة
ما اهتميت بس خوفني كتير ونزلنا نرقص ما خلت اغنية رؤى الا وشغلتها وصورت كل الرقصات واجى وقت يحنيني والصدمة بيقرف
ام يوسف : يلا عمتي حنيها مدي ايدك شمس
ميثاق : اعوذ بالله شو بتحكي انتي
اتطلعت فيه مستغربة
نهال : مابصير لازم تحنيها لكن ليش اجيت
ام مروان : بيقرف من الحنة
ام يوسف : هاتي انا بحنيها
ميثاق : لا شو تحنوها يمين عظيم ما بتتحنى خلص هيك منيح
رؤى : والله ما بصير الا تتحنى وانت بدك تحنيها
ميثاق : ولا يمكن بتقلب نفسي من ريحتها
ام يوسف : انتي وخلفتك يا ام مروان
ميثاق : خلص هيك منيح
نهال : ترى شمس زعلت منك
اتطلع فيني وعنجد كنت زعلانة هاد جاي يعمل مشاكل مو يحني
ميثاق : لا تزعلي بس والله بقرف منها ما بطيقها
ام يوسف : قلتلك انا بحنيها
مدتلي ايدي وبلشت تحنيها
ميثاق : دغري امسحيها اوعك تعلم ع ايدك
عهد : خلصنا ميثاق خليها تكمل معها مو منيح تكون الحنة مو حمرا
ميثاق : امسحيها شمس غسلي دغري
ام يوسف : هاتي لقلك
عليت صوت الضحكات لانو كتبتلي حرف M تحت رقبتي بشوي
ام يوسف : مشان لا تسترجي تبوسها ع رقبتها
ومابقى اتحملت كنت رح اتفجر من الاحراج
ميثاق : هي مين مسلطها عليي
ام مروان : هههه حظها قوي عمتك بلكي شمس تاخد من حظها شوي
ميثاق : يعني بدي اصير خروف متل جوز عمتي
طبعا صوت الضحك موصل لاخر الدنيا
نهال : لا تحكي ع بابا ها
ميثاق : هي بابا ماما بالحفلة
ام يوسف : عيب عليك ولاه
اخد منديل من رؤى ومسح الي رسمتها تحت رقبتي
ام يوسف : ابنك مو مصلي ع النبي
ميثاق : صرلي دهر عزابي لحتى تتحكمي فيني شمس غسلي ايديكي بسرعة
عهد : غنولها يلا
~~~
صارو يغنو اغاني الحنة بس ميثاق مابدو اياها تبكي لهيك قربها منو وصار يهمسلا
ميثاق : ليش هيك زعلانة مني يعني
شمس : انت كتير مشكلجي
ميثاق : مو بأيدي من زمان بكره ريحتها
شمس : مابعرف مصدومة فيك فكرت رح تحنيني
ميثاق : والله حاولت ما اقدرت خلص ليكك اتحنيتي شو رأيك تغسليها
شمس : ما بتعلم دغري بغسلها هلا
ميثاق : دخيلو الي بيسمع الكلمة بربك لا تزعلي مو حليانة وانتي حردانة
شمس : رح اشتاق لاهلي
ميثاق : بكرى بنسيكي السلالة كلا
دفشتو ولعيون كلها عليهن ويمكن لو مو خطبة تقليدية يحكو عشق وغرام
ميثاق : بدي اروح وانا مطمن
كان علي عم يتصل فيه
شمس : بس كانك جاي رفع عتب
ميثاق : ولا يهمك بكرى رح تملي مني وهلا كل الشباب ناطريني ديري بالك ع حالك اوعك تبكي ها بزعل منك
شمس : ان شاء الله
ودعها وما شبع من شوفتها وودعو كل الموجودين ورجع للحفلة
~~~~

القسم الخامس
شمس الغرام ♪
{بقلمي مايا الحجازي}
غسلت ايديي وبدلت الفستان ساعدتني نور وفكتلي الموديل وحاولت انام بس ما اقدرت كنت عم اتزكر كل تفاصيل الحفلة واخيرا نمت من تعبي وما كنت بعرف انو هيك قلبي رح ينقبض اول ما اصحيت اليوم العرس وحاسة حالي عم اودع كل ذكرياتي وكانو رح انحرم من هالمكان عنجد اتحممت واللبست واقل من نص ساعة اجى ميثاق ومعو امو لياخدوني ع لكوافيرة والي افهمتو مكركبين بسبب الطبخ والدبايح الي شغالة ببيت العريس ساعات تجهيز كنت مسايرة مو اكتر رجع اخدني من عند لكوافيرة هو وعهد وبس وصلنا عليت صوت الزغاريد والا يفوتني عكس مبارح صمدني والا نتصور كم صورة وبعدها راحو وبلشت الحفلة وجابو اهل العريس غدا وبعد العصر اسمعنا صوت زمامير كتيرة والظاهر اجى وقت الزفة من العادات عنا بيفوتو مع العريس ابوه وعمامي واخواتي وخوالي ليودعوني وهلا لبسني العباءة الي كان لابسها لحتى اتغطى بشكل كامل برى البيت زحمة سيارات ومواتير كتيرة وما اقدرت ابكي ابدا
اطلعت بالسيارة وجنبي ميثاق لهيك ارتحت شوي واخوه محمود الي كان شوفير والموكب كان شي فخامة والا يفتلو كل البلد وكل شوي يشد على ايدي وبس وصلنا أعطى التعليمات لمحمود يفوت السيارة لجوى وقبل انزل اشتغل صوت ض*ر*ب لرص*اص شي بيخوف وبيقطع القلب وكمان من عاداتنا اكتب بالحنة بجنب الباب كتبت « بسم الله» انصمدت بصالون بيت حمايي وبجنبي ميثاق ومن عاداتنا التجلاية والي هي شلحوني اسوارة دهب شبكتها بايديي وحطيتهن على جبيني بالعكس وميثاق كان واقف قبالي مسكني من زنودي والنسوان عم يغنو الاهازيج التراثية

يا ريتك مباركة يا ريتك مباركة على العريس لحالو
وتبشري بالصبي وتبشري بالصبي ويلعب مع جيالو
يا ريتك مباركة ع العم والعمة وتبشري بالصبي وتكثري اللمة
ياريتك مباركة علينا علينا
وتبشري بالصبي وتبشري بالصبي وتكثري عيالو
ياريتك مباركة عالسلف والسلفة
وتبشري بالصبي وتزيني الخلفة
اول وما نبدي نصلي على النبي
فاطمة الزهراء جلوها لعلي
حوطكي بالله جندتكي بالسيف خلي العزب لامو يا مرحبا بالضيف
ضيفأ يعللنا طول الشتا والصيف
حوطكي بالله درجت عالمصلى حسادي لا تحسد ترى المطعم الله
فكو معاصمها وصلو على النبي

ويمكن ماسدء ايمتى خلص وراح للمضافة شغلت عهد اغنية دبكة ليشاركو فيها كل النسوان من قرايبي وقرايبو وهلا حسيت ببرودة ايديي خارج التغطية خوف عم يزيد كل ما زاد الوقت ساعة
في كتير نسوان باركت ليتركو اهل العريس يرتاحو ما بقي الاالقريبين كتير من عمات وخالات ونسوان عمام
مصمودة بالصالون اسمعت صوتو معصب برى الله يسترنا من اخرتها معو وطلعت امو وستو لبرى ركض ما استوعبت الا والباب اتسكر بعص*بية منو
ميثاق : لشو هيك الباب مفتوح
والا تبتسملي عهد
عهد : لا تستغربي هو شوي عصبي
شمس : صار شي
عهد : لانو مبينين على برى
ما اطمنت ابدا
نهال : تعي ارتاحي بالغرفة
كنت خايفة يتركوني اهلي عم اتفرج ع اخواتي وبعدها ودعوني وبقيت معي بس خالتي ورؤى حطو العشى بس انا نفسي مسكرة وبعد العشى باركتلي رؤى وخالتي وراحو وبقيت لحالي مع بيت حمايي حماتي مشغولة كل الوقت وحتى سلفتي وستو قاعدة معي بنفس الغرفة وكل شوي تبتسملي وصارت الساعة تسعة الجو كتير بارد واسمعت صوتو برى
ميثاق : ليش وين محمود....
ام مروان : راح يوصل ولاد اخوك
ميثاق : اتصلي فيه
نهال : ابن خالي صرعتنا اليوم
ميثاق : اتصلي بجوزك خليه ياخدك من وجهنا كانت ستو مبسوطة فيه وقت فات لعنا نزلت راسي
ام محمد : روحو رفقاتك
ميثاق : واخيرا اخلصت منهن
ام محمد : شو ناطر يلا خود عروستك
ميثاق : عروستي مبين خارج التغطية
ام يوسف : هات اباركلك يلا
ميثاق : قلتلك بقرف من البوس
ام يوسف : شفتي ابن ابنك جقر في واحد بقول لعمتو بقرف
ام محمد : هههه بيقرف اتركيه ع راحتو
ام يوسف : يمين عظيم الا ابوسك ولا مخبيهن للعروس
ام رضوة : بعدين من العادات عنا انام عندكن هالليلة
ميثاق : كملت معي
كانو عم يضحكو ويمزحو قعد بجنبي وابتسملي
ميثاق : ليش متجمدة هيك
ام مروان : يلا قوم اجى محمود
والاضرب يتمدد ويحط راسو بحضني
ميثاق : يااااه ما احلى الراحة
ام مروان : جاي عبالو يجاكر
ام محمد : مستغربة فيك ليش ما كنت هيك مع تغريد
وكانت الصدمة الكبرى
ميثاق : القلب وما يهوى
ام يوسف : ايه كلو قسمة ونصيب
ام مروان : يا ميثاق الجو عم يبرد خود عروستك ويلا من غير مطرود
ميثاق : مو تصرعوني الصبح
ام مروان : شو هالحكي ع التمانية بتكون مزروع هون
ميثاق : هفففف نيال الي ما شافكن
كان عم يزمر برى لهيك اوقفت والا يلبسني هو ويغطيني منيح واطلعنا على صوت زغاريد راحت معنا حماتي وعهد ليوصلونا للبيت كنت مترددة خايفة وشعوري مخربط ع الاخير

وصلنا فوتو العشى للمطبخ وانا فتت انطرو بغرفة النوم
~~~
بالسيارة محمود وعهد كان ميثاق واقف عن الباب وامو عم توصيه
محمود : امي دقة قديمة
عهد ؛ بس والله ميثاق رجعي بزيادة شفت كيف عصب
محمود : اي معو حق صار الصالون فرجة للرايح والجاي
عهد : ما الحق عليكن بس امانة مين الي كان عند الباب
محمود : عمي عبد بس بربك لا تحكي بس ميثاق ما زودها معو بتعرفي
عهد : اي بعرف بس عمي مفكر حالو الكل بالكل
محمود : اجت امي اسكتي
طلعو من الحارة كلا
محمود : شو وصيتيه
ام ميثاق : بعرفو رح يسكر موبايلو
محمود : هههه بتصير الصباحية ببيت حبيبو مروان
ام ميثاق : مابدي حدا يفوت شقتهن
عهد : شوفو امي ع شو خايفة
ام ميثاق : اي ماني مرتاحة ومو مسدءة اني جوزتو
عهد : ماما تغريد فرحتلو
ام ميثاق : الغيرة كانت عم تشع من عيونها هي وامها
محمود : لا مو غيرة بس حسرة انو كيف تركها
عهد : لاحظتي ماما كيف انصدمت شمس بس حكتلو ستي ليش ما كنت مع تغريد هيك
ام ميثاق : معقول مابتعرف انو كان خاطب ما كل اهل البلد بيعرفو
محمود : ايه هلا بتعلق بيناتهن اتاجلت الصباحية حتى اشعار اخر
ضحك هو وعهد بس ام مروان شايلة هم حاسة مارح تزبط امور ابنها ابدا
~~~
واخيرا حسيت بالدفا لانو شغل دفاية كهربا هدوء تام عكس الضجيج الي صرلي يومين عم اسمعو لساتو بقميص البدلة بس فاتحو
ميثاق : ليش لساتك بمكانك بدلي الفستان....لساتك بردانة
شمس : لا ادفيت
ميثاق : طمنتيني
شمس : بس بدي افك موديل شعري
ميثاق : ليكون بدي اساعدك
كنت حاسة برهبة مو طبيعية
شمس : الي بدك اياه
ميثاق : بجرب
بلش يساعدني بشيل الدبابيس
ميثاق : وجعتك
شمس : لا
حسيت بشي غريب قربو مني ما كان عادي ودقات قلبي كبيرة بس ما بعرف انو طبيعي الي عم يصير معي ما سدءت ايمتى خلص وفاجئني ببوسة رقيقة وناعمة كتير
ميثاق : اللحظة المنتظرة بدلي الفستان بكون جهزت العشا
شمس : مو جوعانة
ميثاق : حكتلي ماما ما دقرتي الاكل ولازمك غذا
شمس : بعد عني شوي
ميثاق : طيب خدي راحتك
شمس : مابدي اتعشى
ميثاق : متل مابدك
طلع لبرى وسكر الباب لاتزكر كلام رؤى وقت رتبتلي لتياب حكتلي اللبسي هي التفريعة البيضا وانا هلا عاجزة اعمل شي والله ما بعرف شو بدي اعمل وكتير مكشوفة هالقطعة رح اللبس هي البيجامة شو بدي ب رؤى بدي شي ارتاح فيه نزلت السحاب واللبست بيجامة بيضا وعليها ورد جوري موف اتعطرت ورتبت شعري فات بوقت كنت عم امسح المكياج وما بقي ولا نقطة عليي
ميثاق : مابدك تصلي
شمس : امبلا
ميثاق : ناطرك
رحت للحمام غسلت واتوضيت اللبست توب الصلاة ووقفت ووراه لنصلي ركعتين بنية التوفيق او بما يعرف سنة الزواج
~~~~
كانت نور عم تبكي وتمسح دموعها ورؤى مو اقل منها
رؤى : خلص وليه دبحتيني
نور : اشتقتلا البيت مو حلو بدونها
رؤى تبكي : مقهورة لانو ما اقدرت افهمها شو لازم تعمل
نور : وانا كمان حاسسها صغيرة
رؤى : والله اخجلت احكيلا بس كانو هي بتعرف
نور : مابعرف والله ياريت ماما كانت عايشة
رؤى : لا تزوديها على قلبي مشان الله صحيح خالتي ما قصرت معنا بس انا اتجوزت وكنت غشيمة كتير واتعزبت وهو ابن خالي كيف شمس وميثاق غريب مو من عيلتنا والله خايفة عليها
نور : وانا كمان خايفة عليها ما تكون قد الزواج فرق العمر فضيع رؤى هو ناضج وهي طفولية
رؤى : شو بكون صاير فيها هلا
نور : الله يهنيها ويسعدها ياريت بابا حضر عرسها
رؤى : مسدءة حالك هو مابدو يحضر ولا عرس وحدة فينا
نور : البيت بشع بدونها بلا روح هيك حاسة
رؤى : معك حق مو مسدءة بكرى نروح ونشوفها واطمن عليها
نور : خلينا انام
رؤى : ما بظن يجيني نوم
وكل وحدة فيهن مشاعرها بالخوف على شمس لا توصف
~~~
الساعة تنتين بعد نص ليل ما كانت ليلة سهلة ع الطرفين بس كل واحد فيهن حسب وضعو شمس خايفة وخجلانة وهو عم يحاول قد ما فيه يحتوي خجلها ويكون حنون عليها نايمة ع ايدو بس متل الكزب لتنين مو جاييهن نوم الشاشة شغالة ومغمضين سوى بعدها نطق
ميثاق : ما نمتي
شمس : ما جاييني نوم يمكن لانو اتغيرت نومتي
ميثاق : طيب ليش عم تمثلي النوم حاكيني
شمس: مافي شي نحكيه
مسحلا ع شعرها بحنان
ميثاق : امبلا في بتحبيني شمس
شمس : صدقني مابعرف شو صايرلي
ميثاق: انا حبيتك من اول نظرة
شمس : وانا اعجبت فيك بس شو هو الحب الي عم تحكي عنو
ميثاق : الحب هو اخاف عليكي كاني خايف على روحي مزعوجة من الي صار
شمس ببراءة : ما بعرف لشو هيك صار
ميثاق : بكرى رح تقولي منيح صار هيك
شمس : دايقتني كتير
ميثاق : وانا بعرف انك غشيمة هيك

شمس : ما حكولي هيك
ميثاق : شو حكولك لكن
شمس : انو البوسة بتكون ع الخد
ميثاق : هههه يلا صارت وصارت رح القمك اياها تلقيم
شمس : لشو
ميثاق : ل ...لل خلص خلص المهم هلا ارتحتي
شمس : بس مدايقة مو جاييني نوم
ميثاق : منسهر ما ورانا شي
شمس : بس ولا مرة اسهرت لهيك وقت
ميثاق : لا من اليوم السهر ضروري
شمس : بس كأنو مرت عمي حكتلك لا تتاخرو
ميثاق : اي مو غشيمة عن عاداتنا هلا بربك شو هالاطلالة اليوم ضليت حاطت ايدي ع قلبي لحد ما فتنا للبيت
شمس : وع شو خفت
ميثاق : خفت حدا يلمحك لمحة لو صغيرة
شمس : بس انا لابسة بلوزة تحت الفستان
ميثاق : دانتيل وبتقوليلي بلوزة بتعرفي انك اليوم سحرتيني ولا مرة اتخيلت شريكة حياتي بهالجمال

~~~
بقلبي : ولا حتى انا فكرت ارتبط بشخص متلك واعي وفهمان وحنون يا لطيف شو هالحنية
شديت ايدي عليه اكتر
ميثاق : هههه يلا نامي حاجتكك
شمس : لا بقى تحكي طيب
ميثاق : مع انو السهرة معك ما بتتعوض
شمس : ...
غمضت ع اساس نمت وهو مابقى اتحرك لحتى ما يزعجني بس كنت مرتاحة والهم انزاح شوي شوي والا اتزكر رؤى ونور وهلا افهمت ع شو كانت عم تلمحلي رؤى وانا ما افهمت عليها والاضرب ميثاق الي فهمني وفوق منها انصدم لاني غشيمة بس يلا بيستاهل مين جبرو ع الزواج مني
~~~
مع شروق الشمس لتنين عم يتمشو ع الاسطوح صوت زقزقة العصافير الهوى بارد ولتنين لابسين ومدفيين حالهم وماسكين ايدين بعض
شمس : رح تتفاجئ مرت عمي لاننا اصحينا بكير
ميثاق : ما نمنا شمس
شمس : شفتك نايم
ميثاق : غفوة صغيرة
شمس : شو لازمة الصباحية
ميثاق : يعني كرمال الاهل يطمنو ع اولادهن وكمان المحبين يباركو للاهل وللعرسان
شمس : ميثاق مبارح ستك حكت شي ما افهمتو
ميثاق : شوو حكت
شمس :بالاول مين تغريد
ميثاق : اه....بنت عمي قصدك
شمس : كنت تحبها
ميثاق : عم تمزحي مو
شمس : ما كانت حبيبتك
ميثاق : شمس انا ما حبيت بحياتي وحكايتي مع تغريد بحكيلك اياها بس اكيد مو اليوم لانو التفاصيل بتزعجني اتاكدي انتي الحب الاول والحقيقي كمان هلا الجو حلو ولا لانو معك صار حلو
شمس : الظاهر انو حلو لانو حتى انا عاجبني بتعرف ميثاق انا ونور عطول كنا نصحى بهيك وقت نسمع تكبيرات العيد
ميثاق : هههه يا ويلي اللطافة كنتي تنامي
شمس : اي كنت انام بكير مشان اصحى بكير واكون معلقة فستان العيد فوق راسي
ميثاق : يا ويلي لكن انتي طالعيتلي هيك كنت اعمل بس ما كنت انام مشان اروح لصلاة العيد مع بابا واخواتي
شمس : يا الله شو كانت حلوة هديك الايام
ميثاق : اي كانت بتجنن العيد الشهر الجاي رح يكون اول عيد النا سوى ورح يكون احلى عيد
شمس : ورح تعطيني عيدية
ميثاق : انا كلي الك
شمس : الي ما اختلفتا بدي شي مادي
ميثاق ؛: تكرمي ومعنوي كمان
شمس : شو يعني معنوي
ميثاق : يعني احسسك فيه متل اول بوسة صدمتك
شمس : صار برد
ميثاق : ههه مو برد هريبة هي
سحبتو من ايدو طبعا مسايرها وحاسس حالو انخلق من جديد نزلو وفاتو للغرفة الدفا غير شكل بالغرفة ودغري اتمددو على التخت واتاملو عيون بعض مسح على خدها بنعومة
ميثاق : شمس مرتاحة متلي
شمس : بحس انو هالايام كتير حلوة لو شوي غريبة عليي
ميثاق : ع فكرة وغريبة عليي في جواتي شعور انخلق اليوم شو رايك نساوي قهوة سوى
شمس : قول بدي اعلمك
ميثاق : اي مشان بكرى تجيبها لعندي لهون
شمس : يلا لكن
اتجلسو سوى وكانت من احلى ايام حياتهن
`
~~~
كلو كوم وجمال المطبخ كوم تاني كلشي فيه متل ما كنت بحلم ولسى احلى هو الي عم يحضرها وانا جهزت الصينية جواتي شي ما بينوصف
ازا ميثاق بيضل هيك ولا يمكن نتخانق بس مبارح خوفني وقت عص*ب وكمان اجى ولا كأنو صاير شي كل تصرفاتو بتاكدلي انو قلبو طيب وسرعان ما بيرضى معقول مين بيقول رح اتجوز هاد الشخص الغريب وهلا عم اشاركو حياتو طبعاً لو اتعلمت بحس مارح تكون طيبة
بعد القهوة لبس تيابو طالعت تيابي وسليت حالي بترتيب البيرو لحد ما طلع لالبس على راحتي اخترت فستان عرايسي لونو زهري بيجنن اتمكيجت ع الخفيف ولفيت الشالة وطالعت حفاية عالية لانو مابدي ابين قصيرة بجنب ميثاق وقت فات للغرفة اتأملتو منيح والا يبتسملي
ميثاق : خلصتي
شمس : اي
ميثاق : شو اي هيك بدك تطلعي من البيت
شمس : ما حلو
قرب مني واتمايزني
ميثاق : بيجنن بس مو خرج حدا يشوفك فيه ابدا
شمس : بدك اللبس اسود بصباحيتي
ميثاق : انا بحل بالموضوع
فتح لخزانة واتفرج على كل العباءات واختار وحدة الها سحاب
ميثاق : هي بتوفي بالغرض
فتحها وخلاني اللبسها وهو سكرها
ميثاق : شايفة ما احلى الستر

شمس : بس لبس الالوان الفاتحة مو حرام
ميثاق : اي حبيبتي بس تكون واسعة فضفاضة اي بخليكي تلفي فيها البلد بس مفصلة جسمك تفصيل وهالشي اكيد ما بناسبنا انا وياكي صح
شمس : يعني انت رجعي
ميثاق : انا عند شغلة الشرف تي*س نظامي
شمس : لك ما تحكي هيك بربك بس انا شفت مبارح تنورة عهد وقميصها مفصلها تفصيل
ميثاق : بتعرفي انو استحكموني لبستو قبل الزفة بثواني بس شو اعمل سايرت وهلا الحفلة بس اروح
شمس : خلص خلص بربك هيك منيح
قرصني من خدي
ميثاق : بتجنني
اخد موبايلو واطلعنا من الغرفة والا يقفلها واطلعنا من البيت سكر منيح ومسكلي ايدي وانزلنا من الدرج نتمشى لييجي محمود التقينا ب اخوه لكبير تأفف بصوت عالي
ميثاق : اصبحنا واصبح الملك لله
سلم عليه وباركلو ونسرين غمرتني وباركتلي ودغري رجعني لجنبو ميثاق
مروان : الف مبروك اخي
ميثاق : تسلم
مروان : رايحين لبيت اهلي
ميثاق : شوي وجاي محمود
مروان : منروح سوى
ميثاق : تكه بيوصل مافي داعي روحو
ما كنت افهم عقليتو راحو سوى وشوي وصل محمود بالسيارة الي استاجرها ميثاق مشان العرس طلع بجنب محمود وانا وراه قعدت
محمود : صباحية مباركة
ميثاق : الله يبارك فيك
محمود : حبيبك مبكر
ميثاق : شايفلك
محمود : هههههه
كانت ضحكتو فضيعة
~~~
ملامح ميثاق كانت افضع رفع حواجبو مستنكر ما سدء ايمتى وصل لبيت اهلو هنيك استقبال حافل بوسات غمرات احضان عماتو خالاتو وجوى المضافة مليانة من رجال العيلة هو للمضافة كمل وشمس فاتت للصالون لتتلقى باقي المباركات وساعة وصلو رفقاتو والزحمة بالبيت مو طبيعية
~~~~
الظهر وصلو اهلي كنت خجلانة كتير وقت حكو انو اجو كانت رؤى ونور وخالتي ومرت عمي وكلهن حاملين اكل وفواكه وعصير سلمو على الكل وارتحنا بالغرفة الي بيستقبلو فيها لضيوف وشوي طل علينا ميثاق وابتسملهن
ميثاق : اهلا وسهلا نور البيت والله
خالتي : تسلم مبروك الك ولشمس.
ميثاق : الله يبارك فيكي عقبال عند الشباب وعندك عمتي نور
نور : ههه تسلم
ميثاق : عريسك عليي ها
عهد : شو بدك يا هيك الاصهرة يا بلا
ام محمد : فوت حبيبي
ميثاق : شوي وراجع بس حكو اجو بيت اهل مرتي قلت بسلم ع الماشي كيفك عمتي رؤى
رؤى : هههه اصغر منك انا
ميثاق : خليني عايش الجو
خالتي : هههه كيف شمس معك
ميثاق : وردة
وهلا زاد خجلي
ام محمد : الله يهنيكن يارب
ميثاق : ما بطول راجع
رجع للمضافة ولعيون كلا عليي
بعدها حطو الاكل ما كان جاي عبالي شي يمكن ساعة وقررو يمشو والا يودعوني وضليت عند باب البيت واقفة وميثاق خلا محمود يوصلهن
وما اعرفت لوين اروح فتت للمطبخ كانو صبايا عيلتهن متجمعين فيه عبالي اعرف مين تغريد حابة اشوفها احلى مني يا ترى بس كلهن ماشي حالهن بالاخص هي الي عيونها ملونة
عهد : بكير ع فوتك للمطبخ
شمس : بلكي بدكن مساعدة
عهد : لا ارتاحي
حسيتها قلعتني تقليع لهيك رحت لعند ستو قعدت لو بتزودها بالحكي
ام محمد : الله يهنيكن يارب
شمس : تسلمي
ام محمد : ترى اخدتي اغلى واحد على قلبي
شمس : ليش هو
ام محمد : لانو حنون ولا مرة زعلني مو متل هداك الج*حش الكبير بس ما بعرف ازا ميثاق اتغير او انتي غيرتيه
ام يوسف : استني اسبوع بكون ابن ابنك متبري من الكل
ام محمد : لا شمس بنت حلال
ام يوسف : ايه سبحان الله كيف بيوزع لحظوظ
وبس فات ميثاق سكتو
ميثاق : محراك الشر عنا
ام يوسف : ترى انا ساكتة كرامة
ميثاق : كرامة لنفسك بتعرفيني بنسفك نسف بالردود
ام محمد : هههه كيفها شمس معك
ميثاق : قلتلكن وردة
ام يوسف : يعني منيحة امورك عمتي
ميثاق : انتي مين سأل مرتك ههه قصدي جوزك
ام يوسف : تقبر عداك شو رديد جواب
قعد جنبي وقربني منو وما عجبتني هالحركة
ميثاق بهمس : مليتي
شمس : كتير
ميثاق : بس يجي محمود راجعين للبيت
ام يوسف : شو مو مسدء تهرب فيها
ميثاق : الصراحة مو قصة مسدء او لا بدي اخلص من شوفتك
ام يوسف : مابزعل منك بعرفك قلبك طيب ابو يوسف عطول بيمدحلي فيك اصلا لولاه لساك عم تدور ع شغل
ميثاق : والله ابو يوسف وردة اصلا هو علمني سر المصلحة بس بتعرفي ولا مرة حملني جميلة
ام محمد : ايوا انتو فتحتو جبهة
ميثاق : بنتك بتحب المشاكل
ام يوسف : بلا بدي احكمك شمس هالنكار ضل سنتين بلا شغل جوزي دبرلو شغل
ميثاق : مرتك مرتك لا تخربطي
ام مروان : ليكون في خناقة
ام محمد : اي شو غشيمة عن الصد والرد
ام يوسف : انتي مبسوطة لابن ابنك
ام محمد : هههه دخيل قلبو كيف جريء
ام يوسف : جقر قصدك
ميثاق : وكح كمان
ضحكتو صدمتني وقف وخلاني اوقف معو واطلعنا سوى تركها تبربر ومعصبة
شمس : ميثاق عادي هيك

ميثاق : هههه هيك عم نتغزل ببعض
شمس : بس عمتك مشكلجية
ميثاق : وانا طالع من خرجها لهيك بتكرهني
طلينا بالمطبخ انا وياه
ميثاق : نظفن الجلي مو زنخة يكون
عهد : جاي تعلمنا
ميثاق : بعرف شغلكن من قفى الايد
نهال : جاي تعلم علينا قدام مرتك
ميثاق : تك وردتي هي
وحسيت لوجوه رح تتفجر من الغيظ
ميثاق : كملو شغلكن المطبخ بأمانتكن
فتح المضافة وفتنا سوى ما كان فيه الا عمي وابتسملي ورحت لسلم عليه انزلت ع ايدو بدي ابوسها بس هو سحبها وباس راسي
ابو مروان : الله يرضى عليكي يا بنتي

شاركناه القعدة بالمضافة وبلشت لضيافة تروح وتيجي وعمرانة ببيت حماي لحد ما اجى محمود اللبست العباءة واطلعت انا وميثاق وضل يزمر لطلعت عهد تركض
عهد : شوفي
ميثاق : بس تجهزو العشى اتصلو فيني
عهد بقهر : مشان هيك
ميثاق : اي لا تنسي ياويلك تنسي
وطلع من كل الحارة كنت حاسة انو في شرار عم يولع بالبيت الافندي ولا عبالو شغل اغاني نوال الكويتية واطلعنا من كل البلد
شمس : لوين
ميثاق : فتلة بالقرى المجاورة
واستمتعت بكل المشوار صحيح ساكتين بس قلبي عم يحكيلي انو ميثاق عم يسلبني سلب
~~~
رجعو بعد المغرب مابقي الا اهلو وعمتو ام يوسف وستو والسفرة طويلة عريضة من كافة انواع الاكل
ام يوسف : وين كنتو
ميثاق : بالبيت
ام يوسف : ما اشبعتو من بعض
ميثاق : لا والله
ام مروان : يلا اتفضلو
ابو مروان : اهلا وسهلا اختي
كانت تتزاورو لميثاق واتاملتو وهو يهتم بمرتو
بقلبها : حرام لو اخد بنتي دلال وعز وجاه معقول كلو يروح لهالزمكة وفوق منها مدللها وع اساس خجلانة ما لازم اطول هون بموت بقهري والله هاد الولد من يوم يومو بحب لمجاكرة ويمكن عم يدلل مرتو جكارة فيني .
طبعا الكل عم يتعشو الا هي لهيك ام محمد دفشتها وصارت تاكل بس عيونها على ايد ميثاق الي عم يلقم فيها مرتو
~~~~
بعد صلاة العشاء رجعنا للبيت الجو فيه برودة ما سدءت ايمتى افوت للبيت
ميثاق : تاني مرة خدي الشال معك
شمس : ما فكرت يصير برد الجو
ميثاق : عم يتغير الجو كلو
سكرنا بالباب ودغري للغرفة شغلت الدفاية وشلحت عن راسي وكنت محتارة شو بدي اللبس ويمكن ميثاق قرأ افكاري
ميثاق : بالمناسبة اللبسي الي بيريحك الك لاحقين ع كتير شغلات
شمس : شو قصدك
ميثاق : بعرف بشو بتفكري معك حق مو فجأة الواحد فيه ياخد راحتو لو متجوزين هيك الواحد بكون ع الفطرة السليمة الخجل راس مال البنت تكه وراجعلك
ارتحت كتير اللبست بيجامة مريحة وهو رجع شغل الشاشة على فيلم اكشن وكانت سهرة روتينية عم نتسلى بالمكسرات والعصير وهو مشغل ايديه بالمراسلة وشكلوا عم يمقلب حدا من رقم جديد
ميثاق : بكرى بدي اشتريلك موبايل
شمس : انا ما طلبت
ميثاق : بتكوني متعودة ع الموبايل
شمس : بدك الصراحة مافي ملل ابدا
ميثاق : لكن هاد كوكب اكشن سامعة فيه
شمس : هههه بس كوكب زمرده احلى
ميثاق : دخيل الله
شمس : ميثاق انت بتجاكر بكل العيلة
ميثاق : هاد اسلوبي مع الكل مو من هلا من زمان .
شمس : كانت تغريد اليوم
ميثاق : اي
شمس : ما اعرفتها مين شو شكلا
ميثاق : الصراحة ما بتنوصف
شمس : لهدرجة حلوة
ميثاق : مو قصة حلوة انا مابعرف أوصفها
شمس: سمرا
ميثاق : لا ابدا بيضا ومعباية الا ما تتعرفي عليها
شمس : بس لليوم مابعرف شو طبيعة علاقتكن
ميثاق : كانت خطيبتي
شمس : وعادي هيك
ميثاق : واقل من عادي
وسكت مابقى كمل اتسلى بموبايلو وفضولي مليون لاعرف شو قصة خطبتو الاولى وكيف انتهت
اتأملتو
بقلبي : كيف تركتو معقول مو منيح بس لليوم مافي منو بكفي بجاكر بالرايح والجاي ههههه وجوابو ع راس لسانو اليوم عمتو انقهرت منو خيرات الله ونوع من انواع الدلال حبيت اضيفو واخجلت اكتر وقت باس ايدي
ميثاق : اتسلي حبيبتي
شمس : مو طيبة يعني
ميثاق : ايدك الطيبة بدك تسهري
شمس : مابعرف
ميثاق : لانو ميت من نعسي
نزل لتحت لحرام منيح واخد وضعية النوم وفجأة غفي ما سدءت ابدا الا لحتى تقل نفسو
ضبيت السهرية وطفيت الشاشة والدفاية واندحشت تحت لحرام مو جاييني نوم بس مليت لانو ميثاق بسابع نومة يا ربي دخيلك كيف غفي بثواني غمضت لاستوعب وين انا
~ ~~~
الليلة التانية بتمر ع نور بوحشة كانت عم تتزكر كيف شمس مبسوطة ببيت حماها وكيف ميثاق مهتم فيها وباهلها وانو لابق لشمس الدلال
نور : والله انخط*فت مننا خ*طف ما صرلها زمان محكي فيها اليوم صارت زوجة ميثاق ومهتم فيها اهتمام فضيع نظرات نسوان عيلتو بتحكي انهن غيرانات منها الله يسترك يا شمس منهم
~~~
صحي بنص الليل على اثر دفشة من شمس اتجلس وشرب مي وغطى شمس منيح الظاهر كانت بصراع قبل النوم لهيك مو متغطية مسح على شعرها وابتسم

ميثاق : ما احلى هالنومة بس نقزتيني لك شمس عم تدفشي كمان معناها نومها تقيل قرب اكتر ليبوسها
ميثاق : اوه غير شكل هههه لا لا مابدي ازعجها حرام شكلها مطولة بالسهرة
بس ما نام ضل يتأملها وكأنو عديم ووقع بسلة تين
ميثاق : كيف كنت رح اروح ع حالي هالجمال كلو يا ترى شمس انا اول حب بحياتك.....حب معقول حبت بأيام المدرسة لو حب طفولي مارح اقبل شمس اوعك ازا استجوبتك تحكيلي كنت احب بموتك ترى انا وبس من سكان قلبك ❤️ والله حبيتك من اول نظرة ترى نظراتك كانو متل لسهام ضربو بقلبي ضرب بس انا كابرت ع حالي كتير
ورجعت دفشتو لهيك فرط من الضحك
ميثاق : شو نومة هالاطفال هي والله ازا بتجيب ولد ليروح فيها من اول يوم
غمض براحة وامان
~~~~
الصبح حبيت اجهز الفطور تركت ميثاق نايم بس معقول ما شبع نوم مبارح نام بكير
بلشت املي لصحون من كلشي موجود بالبراد جهزت ابريق الشاي وحاولت اعمل ضجة لي

- النص المستخرج من الصورة: 📝
٩:٣٤ م
01
K/8
الشاي وحاولت اعمل ضجة ليصحى بس بالاخير ما اتحملت
كنت ميتة من جوعي لهيك رحت اصحيه ومن اول هزة
دغري فتح عيونو صدمني
ميثاق : شوفي
شمس : صباح الخير
اتململ وزبط نومتو
ميثاق : صباح النور خليني اكمل نوم
شمس : جهزت فطور
ميثاق : والله جوعان بس كمان تعبان
شمس : يلا خلينا نفطر
ميثاق : اسبقيني لكن
كنت متحمسة للفطور غسل واجى وبلشنا بالاكل والا تتصل
فيه امو رد عليها حكالا عم نفطر ولا تحسبو حسابنا بالغدا
كنت اخدا راحتي مو متل وقت نكون ببيت حمايي كنت
احس لعيون كلا علينا وميثاق عم يلقمني ليا كدلي انو مو
مدللني بس قدام الناس
بقلبي : اكيد حدا داعيلي والا لشو بعتلي ميثاق لا عالبال ولا
عالخاطر هالجوازة احسن من الدراسة حتى
بعد الفطور جليت ع الماشي وارجعت لعندو كان عم يدخن
حسيتو عم يتنفس ويتعمق كمان
شمس : شو اجت عبالك
میثاق : كتير مو شوي
شمس : والله ما منيحة
ميثاق : والله بعرف بس اجت عبالي
شغلت الشاشة وحطيت اغاني لنغير مود الافلام وبلش يتقرب
مني لهيك بلش يختفي حسي .
2222
وعند تغريد كانت بزيارة ستها
تغريد :
بدي
اشكيلك
من
ميثاق
ام محمد : شبوع سلامتو
تغريد : عجبك بصباحيتو حكى بما معناه انو نحن مكانة

- النص المستخرج من الصورة: 📝
المطبخ
إم محمد : من زمان بيسمعكن حكي ومو بس الكن لعمتو
تغريد : بعرفو بيدج الحكي دج ما بيجامل بس ع الاقل قدام
هالغريبة الي اتجوزها شو رح تحكي جواري عندو
ام محمد : شو بدك احكي معو
تغريد : اي فهميه علينا ممنوع يغلط
ام محمد رح يزيد لعيار بموت بالمجاكرة
تغريد : ستي
اصر نترك
انا ما اغلطت وحكيت معو بساعة عصبية وهو
ام محمد : وحاولت ومابقى يطلع بايدي اکثر شفتي كيف اصر
وتنازل عن كلشي بس لتنفسخ الخطبة وليكو اتجوز مشالله
عنو ومرتو بتجنن
تغريد : والله كل فكري بقي عزابي من ندمو
ام محمد : حاجتك يلا قومي اعملي كيكة بعرفك شاطرة
بالكيك كتير
بقلبها : ايه انا بعرف انو ماحدا بيقدرلك بالطبخ والحلويات
ورح اراهنك ورح اخسرك يا ميثاق
وبدي اخلي مرتك تفرقع من الغيرة هي اذا ما خليتها تموت
غيرة عليك اكيد بتعرف اني كنت خطيبتو ورح اضل شوكة
بحلقها
.

الجزء السادس
شمس الغرام ♪
{بقلمي مايا الحجازي}
كل اليوم ما طلو عليهن وكل شوي حدا يسأل وين العرسان والجواب ما اجو اليوم
عند الليمونة متجمعين كلهن
مروان : سيارتو بقبو البيت
ام محمد : بكون نايم لا تزعجوه
مروان : مستحيل نزعجو عم نطلع بدون ما نصدر اي صوت
عهد : طيب وهني ما ببينو
نسرين : امبلا مبارح عند طلوع الضو كانو ع الاسطوح يتمشو
محمود : بلا مين بقول ميثاق يتجوز باقل من شهرين
ام مروان : وهلا الدور عليك بدي اامن عليك
ابو مروان : بالاول بيتخرج ميثاق مبين بيسافر ومأمن مستقبلو بس محمود لساه عم ياخد مصروفو مننا
محمود : اي اصلا مو ببالي انا اخر واحد بدو يتزوج
وعد : لكن مطول
عهد : انتي الي مطولة
ام محمد : اي شو كنتي تتهامسي مع تغريد
عهد : ولاشي
ام محمد : ليكون اخدا ع خاطرها
ام مروان بحزم : مو هي الي تركت
ام محمد : لا ابنك الي مابدو
ام مروان : ابني ما بيكزب حلفلي هي مابدها
ام محمد : ابنك معقد وشو عليه كملت دراسة حقها البنت سلا*ح"ها علمها
محمود : تح*ارب فيه لكن
ابو مروان : لشو عم تحكو خلص تغريد بتضل بنت اخي وميثاق ابني والنصيب ما جمعهن والله بيبعتلا احسن من ميثاق
ام محمد : ولايمكن يكون احسن من ميثاق
محمود : لو كملت مع ستي وجوزت حبيبين قلبها لبعض
عهد : كان ستي هلا نايمة عندهن بالبيت
فرطو من الضحك
ام مروان : لنحسب حسابو بالعشى احساسي بيحكيلي رح يجي سهرة لهون
عهد : نحن الي لفينا طنجرة اليبرق وحفرنا الكوسا
محمود : اختي لاحقة بكرى بس تستلم الكنة المطبخ انتي رح تستقيلي
بجية عمهن عبد ومرتو الي ما كانت زوجة عادية كتلة غير طبيعية
عبد : مسالورد
ونزل ع ايد امو باسها وسلم ع اخوه وولاد اخوه كلهن
عبد : شو وين عريسنا
مروان : بالبيت
عبد : ايه هاد عايش الدور بدي اروح ازعجو
ام مروان : بكون طلع لعند صاحبو
عبد : ازا هيك طمنتيني يلا عهد جهزيلي الاركيلة
عهد : حاضر عمي
وشاركوهن بالقعدة
~~~
واجواء العرسان غير شكل كانو عم يجهزو حالهن للروحة لبيت اهلو
شمس : بس لسى ما اذن المغرب
ميثاق : منصلي هنيك
شمس : ايمتى بدي ازور اهلي
ميثاق : على حد علمي ليعزموا
شمس : وبلكي اتاخرو
ميثاق : مابعرف هلا اشتقتيلهن
شمس : كتير مو شوي
ميثاق : يلا خلينا نمشي
طلعو سوى من البيت والا يفتلها شوي بالبلد ووصلو بالوقت المناسب كانو عم يسكبو الاكل وعمرانة ببيت اهلو هو فات للمضافة وهي فاتت للصالون
~~~~
حسيت عهد ما عجبها جيتنا
شمس : مسالخير
عهد : مسالنور شو معيرين ع الساعة
شمس : انو ساعة
ام مروان : اجيتو بوقت العشى قلبي كان حاسس
شمس : بس نحن اتغدينا
عهد : عنجد شو اتغديتو اكيد مو طبخك
شمس : اتصل فيه صاحبو وهو الي جاب الغدا
عهد : يميي وشو جاب
شمس : مندي
عهد : يا عيني ما غصيتولنا
بس فات ميثاق انتبهتلو
ميثاق :طبخك عهد
عهد : اي
ميثاق : هههه منيح متغدي ما حلوة الواحد ينام جوعان
عهد : لنشوف بكرى لمعدلة مرتك
ميثاق ؛ ههههه
ام مروان : خود دوق حبيبي
ميثاق : اعوذ بالله ليش بينداق طبخها
عهد : يا الله شو بتحب لمجاكرة
ميثاق : الله يكون بعونكن يارب
عهد : بعد بعد عن طريقي
راحت لتودي الاكل للمضافة
ام مروان : عاوزك بكلمتين الحقني
ميثاق : ايوا بلشنا روحي اتعشي وبعد العشى بتحكيلي
سحبني من ايدي للغرفة
شمس: مابدك تتعشى
ميثاق : مافي مكان للعشى اجيت اسليكي
شمس : مابدك افوت المضافة
ميثاق : بعد ما يتعشو بلكي يكون راح عمي
شمس : يعني مابدك اقعد معو
ميثاق : لا مابدي
شمس : مو متجوز
ميثاق : امبلا بس انا هيك عقلي
شمس : متل مابدك
ميثاق : ع كلا ازا اتاخرو منرجع للبيت منريح حالنا
بقلبي : احسن شي
بعد العشى اخدتو امو على جنب بس كان صوتها مبين عليي
ام مروان : ليش عم تسمع اختك حكي قدام مرتك
ميثاق : غلط امزح معها
ام مروان : اي غلط انت هيك عم تقوي راسها ع اختك ليش عم تعيب ع اكل عهد
ميثاق : ما بينداق شو نكزب ع بعض وازا حابيتني اتغدا او اتعشى بتطبخي انتي غيرك لا
ام مروان : وشو كان يهمسلك عمك اكيد بدو شي او طلب شي
ميثاق : حكي شباب بدك احكيلك اياه
ام مروان: اكيد
ميثاق : ع شو ناوية انتي كم مرة قلتلك مني الو اسطفل
ام مروان : انا بعرف بكلشي كنت عم تبعتلو اياه وحتى هي الجاكيت الي عليه منك
ميثاق : انا مو رايق لتحقيقك اتركيني بحالي
ام مروان : واكيد مشيت عليك شغلة سرقة الموبايل وهلا بتروح تشتريلو موبايل وبيعطيه لمرتو انا اخرة الزمان تعب ابني لعمو ومرت عمو
ميثاق : مابدي اشتري لحدا شي شمس بحالها بدون موبايل
ام مروان : اي مرتك ابدا منو
ميثاق : خلصتي
ام مروان : بسيطة فيك

والاحسن يطلع لبرى دغري مو عاجبو بس كلام امو منطقي للغاية ورحت للمطبخ اساعد عهد بالجلي
عهد : لا يوه اتركي من ايدك ما اتعشيتي معنا
شمس : لا عادي
عهد : طيب متل مابدك لكن بجهز الشاي والاركيلة
وانبسطت حماتي لاني واقفة ع المجلى بدل بنتها ولمجاكرة بين محمود وعهد ما بتخلص وكلو كوم وانو ما اشاركهن القعدة كوم تاني بعد ما خلصت جلي ورتبتو طليت من باب البيت لاشوف ميثاق وعمو عم يتمشو برى وعهد ومحمود رتبو مكان السهرة طاولة وكراسي وشغلو الاركيلة كانت عهد بدها تاركل بس ميثاق بهدلها لهيك ما كملت وبالمضافة عمي وستو وحماتي ومرت عمو ومروان ومرتو لهيك فتت شاركتهن القعدة كنت مستوحشة كتير بدونو وخوفي عنجد اضل استوحش بعيدة عنو
~~~
كان ضامم الجاكيت من البرد
بعد العشا التمو كل قرايبنو عماتو وخالاتو جايين سهرة لبيت اهل العريس وهو مافيه الا يساير هالعادات والتقاليد وكانت تغريد من بين الموجودين بالمضافة طبعاً متلها متل اي صبية موجودة بس يمكن بلشت تلفت نظر من جديد ومن بين كل هالجموع نطقت
تغريد : انا حابة اتحدى ميثاق
لهيك انتبه بعد ما كان عم يتسلى بموبايلو
ميثاق : بشو بدك تتحدي
عبد : اكيد باكلة حلو
ميثاق : من زمان ما عملت حلويات
تغريد : طبخ ما بتفرق شو رايك ببيتزا
ميثاق : ولا يمكن انا سدءت اخلصت من الشغل
محمود : يا ميثاق وافق وبمطبخنا مشان نتغدا والله من خمس سنين و ما بتروح طعمة البيتزا من تحت سناني
ميثاق : لاتصل بجود بجهزلك بكرى بيتزا
عبد : لا خليه تحدي بينك وبين تغريد
ميثاق : تحدي عهد ترى طباخة
وسكت وكتم ضحكتو
عهد : اي اتحديني ورح انزل الوصفة ع طريقة الشيف عمر
تغريد : بس انا التحدي مابقبل الا مع ميثاق لانو عاملي فيها شيف ناجح
ميثاق : مابحب التحدي
محمود : والله لتخسرها
ميثاق : خلص لا تصرعوني ما جاي اتحدى حدا اصلا مرتاح من العجين والفرن حلو عني
ابو مروان : الا توافق ومنو منعزم قرايبك
ميثاق بصدمة : ع بيتزا
تغريد : عشرة عليي وعشرة عليك
دغري وقف وضب موبايلو بجيبتو
ميثاق : تصبحون على ما تتمنون
تغريد : بس انت هربت
ميثاق : انت المنتصرة وازا بابا حابب يعزم بشتري ع حسابي بس مو اجهز بيتزا لعشيرتك
عبد : ههه انا بقنعو غصب عنو
طلعو لبرى وعمو كان من النوع الي بمسح جوخ كتير حط ايدو ع كتفو
عبد : رح توافق كرمالي
ميثاق : والله مو قصة تعاجز المطبخ صغير وانا بدي مساحة كبيرة ولشو هالغلبة ازا الشغلة بتنفدى بالمصاري
عبد : بدك تخجل تغريد يعني
ميثاق : تغريد وغير تغريد انا ما وافقت ولا تحاولو مارح ادقر العجين ولا حتى مستعد اوقف قدام الفرن
عبد : قول بدك تهرب اشتقت لمرتك
ميثاق : يمكن اي ويمكن لا
فات للبيت لعند شمس كانت مع وعد عم يتفرجو على فيلم هندي ودغري قعد بجنبها
ميثاق : انا قلت شموس بسابع نومة
شمس : ليش بدك تنام هون
وعد : اي اخي نامو هون
ميثاق : بالصالون يعني
وعد : بالمضافة
ميثاق: ازا ماتت عهد ان شاء الله منام هون
وعد : هههه ما تسمعك عم تفاول عليها لسى ما فرحت بحالها
ميثاق : بلا ما يبتلي صاحب النصيب صوت عالي جقارة ونص زلمة
بجية عهد
ميثاق : سبحان الله جبنا سيرة ال
وعد : هههه
عهد : عم تحكي عليي
ميثاق : ان شاء الله بعدمك ازا حكيت عنك
طبعا شمس ووعد كاتمات الضحكة لهيك انغاظت منو
عهد : تغريد زعلت
ميثاق : لاع....
صار يعد كم حيط بالغرفة
ميثاق : اربع حيطان مع السقف والارضية سته تنطح راسها فيهن
وعد : ليش من ايمتى بتزعل تغريد منو
ميثاق : متلي متلك يا وعد هلا ادريت من ابو كاسم
عهد بغيظ : والله لاحكي لبابا عن كلشي انا مو ابو كاسم
ميثاق : ههههه يلا شموس مشينا
عهد : لا تكسر خاطرها بربك
ميثاق : والله اتحدو بعض انتو خوش بوش واكيد افهمتي عليي وانا بيوم التحدي بعزم مرتي منطلع للشام سياحة شو رايك حبيبتي
عهد : خلص بلا التحدي خدني معك عالشام والله مشتهية اشوفها
ميثاق : هههه هو ناقصها بس انتي
وعد : وانا يا ميثاق خدني معكن
اشرلها على عيونو
عهد : منافق
طلعت زعلانة
ميثاق : يلا تصبحي ع خير
وعد : وانت من اهلو
وطلعو من البيت ومن عند باب المضافة ودعهن
ميثاق : تصبحو ع خير
ردو عليه كلهن
كانت شمس بالسيارة ناطريتو شغل وانطلقو لبيتهن
~~~
كنت عم اتاملوا وهو سايق السيارة ومنتبه للشارع
شمس: كليوم السهرة ببيت حماي
ميثاق : هيك ليجوزو مراد بتتحول السهرة لمضافة اهل العريس
شمس : ليش زعلانة تغريد
ميثاق : شغلة ناكته متلها
شمس : ميثاق ما حكيتلي ليش تركتو
ميثاق : هون بدك احكيلك
شمس : بس مو تسحب عليي وما تحكي
ميثاق : بحكيلك اكيد
وصلو للبيت صفط السيارة والتقو بمروان ونسرين واضطرو يسلمو

ميثاق : بتأمن ع ولادك لحالهن بهيك وقت
نسرين : شو بدو يصير عليهن
ميثاق : اهل اخر زمان
مروان : انت موسوس كتير
ميثاق : امبلا لانو ما صار شي لولاد اهاليهن بيروحو يسهرو وبيتركوهن وانت شايف المنطقة موحشة ومقطوعة ووينك وين الجيران انا بخاف لحالي هون
مروان : هههه اول سمعتي ميثاق يخاف
ميثاق : براحتك لا تسدء
نسرين : فوتو خلينا نكسبكن بفنجان قهوة
ميثاق : بالاحلام ان شاء الله
صدمني من ردو
مشينا للبيت
شمس : ميثاق ما بيقولو بالاحلام بالافراح
ميثاق : هههه بلا جد هيك بقولو بالافراح
شمس : يعني بتمزح مع اخوك لكبير
ميثاق: ههه مافي شي اسمو مزح بالحياة وازا بدك المزح كلو جد
شمس : يعني قاصد تحكيلهن بالاحلام
ميثاق : اي
شمس: ميثاق انت واخوك متخانقين
ميثاق : سوء تفاهم بس ما انقضت ع خير وهي النتيجة
كنت محتارة فيه ومو عارفة ليش كتير عنيد
فتنا شغلت الضو والدفاية بدلت تيابي اللبست حفرة وشورت وفردت شعري لحتى اجى وابتسملي
ميثاق : اي هيك ها بلشتي تفرديها
شمس : اقنعتني بكلامك
ميثاق : لسى ازا بتسمعي كلشي بحكيلك اياه بصير متل الخاتم باصبعتك
شمس : ههه اول باول لاحقين
ميثاق : يا عيني عليكي بس عندي الك خبر ما حلو
شمس : شو هو
ميثاق : قلتلك ما حلو رح ينتزع مزاجك
شمس : ميثاق خوفتني
ميثاق : لا لا مافي داعي للخوف
ارتكى بمكانو وكان عم يفكر
ميثاق : بخص اهلك
شمس : شبهن
ميثاق : نور جاييها عريس
شمس : وانت شو عرفك
ميثاق : اتصلت خالتك او مرت عمي شاورتني
شمس : شاورتك بشو
ميثاق : هي العادة عندكن بتشاورو احسن نسيب
فرطت من الضحك عليه دوبني بكلامو لهيك مسحت على دقنو
شمس : وشو حكتلك
ميثاق : حكتلي اعطيناك الي رح تسوحك وتخليك تحاكي حالك
باسلي كفة ايدي
ميثاق : شو رايك
شمس : بلا ليش شاوروك
ميثاق : والله لاني احسن نسيب
شمس : هههه اي شو رديت انت
ميثاق: العريس عماد ابن عمي
شمس : بربك
ميثاق : ليش انصدمتي
شمس : يعني نور رح تصير سلفتها ل بثينة
ميثاق : مين بثينة
شمس : رفيقتي المهم شو جاوبت
ميثاق : قلتلها مافي منو محترم وخلوق متلي يعني
شمس : هيك قلتلها
ميثاق : لا اكيد بس مدحتلها فيه حكتلي شو رايك انت نعطي
شمس : وشو خبرتها
ميثاق : انو البنت بنتكن والشب مافي منو
شمس : عنجد يعني انخطبت نور
ميثاق : اي وجهي خير عليكن
شمس : يا امي ع الثقة
ميثاق : بس للامانة متل حظك مافي
شمس : ماشفت شي لسى
ميثاق : عندك حق ما شفتي شي من الدلال
شمس : انا نعسانة
ميثاق : مو مبين معي هيك
شمس : شو مبين معك
ميثاق : ناطرة مني مبادرة شكلو عاجبك الوضع
شمس : ايه هلا بفرجيك
طفيت الضو واخدت وضعية النوم
همسلي عند ادني
ميثاق : بكرى بس اسافر لتصيري تقولي ياريتني ما نمت هديك الليلة
شمس : هههه براهنك
ميثاق : مارح تقولي
شمس : ولايمكن احكي هيك
ميثاق : رح يجي هاليوم نامي يلا
شمس : اوه ما احلى الدفا
ميثاق : ما بسامحك ترى
شمس: ليش
ميثاق : لانو الي عليكي حق
شمس : بكير ع المطالبة بالحقوق
ميثاق : اقوى منك مافي بعدين يراودني سؤال
شمس: اسأل
ميثاق : متزكرة يوم اجيت اشوفك
شمس : اي
ميثاق : قولي ما بنسى هداك اليوم
شمس : المهم
ميثاق : انتي كيف اتطلعتي فيني لك حتى ما اخجلتي
شمس : حقي اتمعن فيك بلكي ما عجبتني
ميثاق : يعني عجبتك
شمس: بدك الصراحة في ناس حكو عنك كلام ما بيسوى
ميثاق : باطل
لفيت عليه باهتمام
شمس : والله لو تعرف شو حكو
ميثاق : شو حكو
شمس : انو انت نسونجي وما حلو
ميثاق بصدمة: وما حلو اطلعت؟؟؟؟ كيف وصفوني هاتي لشوف
شمس: قال قصير بشع اسمر والو كرش وانو اسنانك كل سن بديرة
وفجاة فات بنوبة ضحك هسترية ضليت مصدومة فيه
شمس : ع شو بتضحك
ميثاق : ع اسناني اتخيلت منظري بالوصف
شمس : والله هيك حكو وانصدمت لانو اطلعت عكس الوصف بكلشي
ميثاق : طيب شو الهن بأسناني
شمس : يمكن لئيم الي وصفك
ميثاق: او وحدة عشقانة وبدها تتفركش الخطبة
شمس : بلكي تغريد
ميثاق : معجباتي كتار مع انو ما بنزل للبلد الا بالمناسبات ومابسدء ايمتى تقلع الطيارة فيني لارجع اسافر
شمس : مابتحب البلد
ميثاق : صرت احبها
باسني على خدي
ميثاق: مو هيك حكولك بتكون البوسة
شمس : انت اصلا ما بينحكالك شي
ميثاق : بس مين حكالك لا تقوليلي نور
شمس: مابدي احكيلك
ميثاق : مصيبة ازا متجوزة الي حكتلك يا هي غشيمة يا عم تضحك عليكي او بالأحرى مو عايشة
شمس : المتجوزة بتعيش ع البوس مثلا
قهرني على كتر ما ضحك
شمس : بدي انام
ميثاق : نامي يلا احسن ما عم تضحكيني
شمس : بدك تهرب مشان لا تحكيلي
ميثاق : والله لاحكيلك ليش فضولية انتي
شمس : احكي يلا
ميثاق : كان يا مكان في قديم الزمان
كان عم يمسح على شعري بنعومة انا بفهم يمكن بدو يستعطفني هههه لك مجنونة كان خاطب مو حابب ع اساس انتي قصرتي بدك تحاكمي هالمسكين

ميثاق : بيوم مزدحم بالتعليم وعلى بهادل من هاد وهاد ولا بيجيني بابا للمحل الي بشتغل فيه ودغري رحت لاشوف شو بدو
~~~
ابو مروان : شو عندك هلا
ميثاق : شوفة عينك إهانات
ابو مروان : بدك اكتر من هيك كلمتي ما بتنكسر
ميثاق : انت جاي تزيدها عليي
ابو مروان : لا اتصلت فيني ستك
ميثاق : ليش
ابو مروان : نحن خطبنالك تغريد ووافقو
ميثاق : شو عم تمزح
ابو مروان : لا مو مزح واشترو الدهب كمان وبدك تسافر بعد بكرى مشان ينكتب لكتاب
ميثاق : بابا هي مو خطبة هي مؤامرة
ابو مروان : بدك امي تغضب عليي كرمالك صارت عاطيه كلمة ومستحيل تتراجع عنها
ميثاق : شو يعني كلامها مقدس
ابو مروان : انا تحملت منك كتير بكرى بتنزل بتخلص امورك وبتسافر
ميثاق : حجزتلي
ابو مروان : هي جيتي من مكتب الجزيرة
ميثاق : ...
~~~
#باك
ميثاق : بوقتها كنت شبه عبد عندو وعند اهلو روح روح تعال تعال واسترجي قول لا كان لازم انفذ بدون اعتراض وللحظات اتزكرت تغريد انا وهي بيناتنا اسبوع وبس حاولت اتخيل شكلها بعد غربة خمس سنين ما اقدرت وشو بدي اعمل اعطى خبر لصاحب المحل انو ميثاق باجازة اسبوع وراجع بيومها ريحني من الشغل وبلاني بلوة جديدة ارجعت للسكن اتخبط بحالي استوعبت انو من خمس سنين اطلعت برى البلد لاتعلم مصلحة واكون حالي وشو يعني ارجع كرمال اكتب كتابي ع بنت عمي وعلى مبدأ اهلك ورايدين مصلحتك تاني يوم انزلت للسوق اشتريت كم قطعة تياب ع الماشي وتاني يوم سافرت انا وبابا من لحظة وصلت وصلني شعور انو حتى ماما مجبورة ومسايرة خوف من حماتها ما بحكيلك بيومها كان عرس نظامي ببيت اهلي لمة اهل وقرايب واحتفال تاني يوم صارت الخطبة وما بخفيكي كانت عائلية فوتوني لعند العروس واصلا ماني فهمان شو يعني خطبة او بالاحرى حب كنت غشيم ومو مجرب احب بحياتي ابدا كان همي اشتغل وابعت لاهلي ليامنو مستقبلي طبعا الكل فرحانين فرحة لا توصف عزمناهن تاني يوم وبتعرفي المضافة كلا قرايب ومشان نكون لحالنا اصرو نطلع مشوار للكرم وبعتو معنا عهد كانت صغيرة يعني مشان الخلوة ما انسجمت معها نهائي وتاني يوم عزمونا يعني نفس الأشخاص بس بمكان تاني وبعد بكم يوم سافرت بهديك الايام ما كانت الاتصالات متاحة يعني حتى اتصل باهلي بالشهر بالشهرين مرة
شمس : واديش غبت بوقتها
ميثاق : سنتين كلشي جمعتو بعتو لاهلي مشان ابلش اعمر بيت مستقل
شمس : معقول ولسى العمرة مو كاملة
ميثاق : صارت معي مشاكل كتيرة واجبرتهن يوقفو العمار
شمس : وايمتى تركتو
ميثاق : خطبتنا كانت سنتين انزلت اجازة ع اساس تغير جو ومنو بدي اجدد الجواز انا كنت مشترط عليها من يوم الخطبة انو اتركي الدراسة طبعا هي ما اعطتني اي جواب شافي بتعرفي انو وصل خطيبها لازم تعزمو او يعزمها ليلتها اصرت ستي اروح اسلم عليها بدل ما هي تيجي تسلم عليي انا سايرت وما كنت بعرف انو تغريد شايلة عليي ومقهورة مني كنت جايبلا هدية حتى انسيت شو هي سلمت ع اولاد عمي وفتت واول حركة ما عجبتني من امها ما وقفت بوجهي وبدون نفس ردت السلام
شمس : وهي
ميثاق : هي ع اساس كانت تلبس وصلني شعور انها رافضة تطلع تسلم عليي وقبل اقعد طلعت من الغرفة
#فلاش_باك
ضلت بعيدة وبالزور لمدت أيدها
تغريد : الحمد الله ع سلامتك
ميثاق : الله يسلمك
حنين: اقعد ابن عمي استريح
قدملها الهدية ولحتى دفشتها حنين لاخدتها
قعد وبقي يسأل حالو شبها
حنين : اهلا وسهلا مع انو كنا جايين نسلم عليك
ميثاق : كيفك تغريد
تغريد : الحمد لله شو بتحب تشرب
ميثاق : دغري تقليعة
حنين : ابدا مو هيك
ميثاق : شو صار
بوقتها انفجرت بالبكي
تغريد : منيح اتزكرت اني بنت عمك وخطيبتك يكتر خيرك والله
ميثاق : شو القصة فيني افهم
رمت الهدية بالارض
تغريد : مابدي منك شي ابدا
حنين : تغريد
ميثاق: لا لا خليها تحكي
كانو اولاد عمو واقفين عند الباب وعم يتفرجو
مراد : عيب عليكي هالحركات
عماد: لا ترد عليها
ميثاق: زعلانة من قلة التواصل يعني
تغريد : لا من كل الخطبة
ميثاق : ما عم افهم عليكي
ام مراد : فهمان ومكتر
طنشها وضل مركز بكلام تغريد
ميثاق : شو بدك فيني افهم
تغريد : مابدي منك شي بدك اوضحلك اكتر من هيك
ميثاق : طيب روقي ومنحكي برواق انتي منفعلة
تغريد : لا ماني منفعلة ويكون بعلمك دراستي ما تركتها
ميثاق : ليش
تغريد : مو انت الي بتجبرني اترك
ميثاق ؛ بس انا قلتلك اتركي
تغريد : وانا مابدي والسنة توظفت
دغري وقف ووقفت حنين بخوف
ميثاق : وهلا شو الي مابدك اياه مني
حنين : وين ميثاق
ميثاق: شو الي مابدك اياه مني
تغريد : كلك ع بعضك مابدي اياك
ميثاق : متل مابدك
طلع مو شايف الطريق حنين طلعت ركض وراه ووقفتو عند الباب مسكتو من زندو