حنين : هي مو قاصدة
ميثاق : ...
نتر ايدو منها وطلع والي اكدلو انو ناويين ع الانفصال اخواتها ما لحقوه ابدا رجع للبيت معصب خبط ع الباب برجلو والصدمة ماصرلو ربع ساعة رايح
ميثاق : اللعبتو عليي لعبة انتو رح تتحملو نتائجها
ام مروان : شوفي شو صار
ميثاق : وحق الله لو ما ضل بنات بالعالم غيرها ما بنجمع معها على مخدة وحدة
مروان : شوفي يا عاقل
ميثاق : انا وتغريد بح ولا قوة بالارض بتخليني اتجوزها عم تسمعني سيد احمد
ابو مروان : انت قضيت عمرك معصب
ميثاق : مو تكون بنت اخوك تكون بنت الأمراء انا بدي افسخ الخطبة
ام محمد : برضايي عليك تهدأ روق فهمنا شو صار
ميثاق : ماصار شي بس بكرى رح يصير
شغل الموتور وطلع من البيت والدنيا ليل لهيك امو جن جنونها يحاولو يتصلو فيه ما يرد ليلتها ما رجع الا لطلوع الضو وانقلبت كل الموازين بلحظة
~~~~
ميثاق : تاني يوم لقيت الحكي اتغير
شمس : كيف يعني اتغير
ميثاق : خالها ل تغريد محامي وحكالهن ازا انتو بدكن تتطلق الدهب بيترجع للزوج
شمس : اي واكيد اصرو ع الانفصال
ميثاق : لا بطلو بتعرفي شو يعني ترجعلي اسوارتين وسلسال واونصة وخاتم وحلقات ومحبس
شمس : مشان الدهب
ميثاق : وكمان المتقدم والمتأخر صار اجتماع كبير لرجال العيلة الكل بدو تتهدى النفوس بس كنت مجروح بكرامتي وما اقدرت حتى اتزكر الموقف كيف رمت الهدية كيف صرخت بوجهي وكيف امها استقبلتني وحتى طلعتي من بيتهن شبع مقلع
شمس : وهي حنين منيحة
ميثاق : كانو مخططين لكل التمثيلية
شمس: واقتنعت
ميثاق : جابو وسايط أتدخلو ولاد عمتي كونهن رفقاتي بس انا عنيد لدرجة
شمس : وشو عملت
ميثاق : مشان كم غرام دهب ارتبط بوحدة مو طايقة مني شي قلتلهن بتنازللها عن كلشي
شمس : وتنازلت
ميثاق : ووافقو ع الانفصال
شمس : عنجد يعني ماكانو رايدينك
ميثاق : والصدمة تحكي ل عهد نحن شو بيناتنا لولا ستي ما وصلنا لهون
شمس: ما افهمت
ميثاق : لانو ستي مابدها اخدها غريبة وهي الي طلعت بحكاية الخطبة حتى تغريد انجبرت ويمكن البعد الي صار هو اكدلها انو مستحيل نكون لبعض
شمس : بس الدهبات من حقك
ميثاق : انا فكرت فيها ازا طمعتهن بالدهب مبروك عليهن كلشي بينفدا بالمصاري سهل
الي بتعرفي حقو ادبح*يه
شمس : واتطلقتو
ميثاق : اي رحت جبت شيخ ورحنا لبيت عمي سالني وسألها وطلقتها شفهي واخدت كامل حقوقها
شمس : واكيد تحاربتو
ميثاق : لا تاني يوم سهرو اهلي عندهن وامورهن بقيت طبيعية
شمس : وانت
ميثاق :بعد ما طلقتها ضليت شهرين بالبلد والتقي فيها عند موقف الباص هي ورفقاتها طبعا رفقاتها كانو بصفي اول ما عرفوا انو تركنا صارو يتقربو مني ويسلمو عليي كيفك ووينك
شمس بغيرة : وانت ترد
ميثاق : هههه اي شو عليه برد عليهن
شمس : وكانت اجازتك طويلة
ميثاق : دخيلو الي بيغار قلتلك شهرين
شمس : سافرت دغري
ميثاق: بس قبل السفر خالتي لكبيرة عزمتني ع غدا هي عندا بنات خرج جواز بيومها طبخت كرمالي واصرت اتغدا واشرب شاي
شمس : اي وشو يعني
ميثاق : يومها ارجعت للبيت مريض ضليت اسبوع بلا اكل احس بمعدتي في شي غريب احاول استفرغ ما اقدر بس اسبوع بدون اكل اهلكت طاقتي نفذت حكيت لامي بدي اتغدا لو معلبات بالفعل عملتلي غدا مافي اكلت لقمة وحدة وفجأة معاد اقدرت اطلعت لبرى استفرغت شي غريب وارتحت راحة يا لطيف يا شمس كانو حجر كان بمعدتي
شمس : ميثاق قصدك
ميثاق : اي يمكن كانت قاصدة تخليني اتعلق بوحدة من بناتها بس الحمد لله الله ما اذاني
شمس : طمنتني لانو السحر ما منيح
ميثاق : حتى الحسد ما منيح
شمس: وع شو الناس بتحسد
ميثاق : الناس بتحسدك حتى ضحكتك مو لانهن فاقدين هالشي لا لانو جواتهن قلوب متحجرة ومريضة
شمس : طيب شو حكايتك مع اخوك
ميثاق : شكلها فاقسة معك النومة تعي لقلك
شمس : هههه بس انا نعسانة
ميثاق : ممنوع تنامي خلينا نسهر مشان ننام للظهر
شمس : بتعرف لسى مو متعودة ع النومة هون
ميثاق : لكن بدك ع صدري
شمس : اسمها ايدك
ميثاق : بس فعليا ما بتكوني نايمة على أيدي
شمس : طيب ومنيح تتجوز نور اخوها لتغريد
ميثاق : هو محترم وشغيل بس مابعرف أجواء الحموات
شمس : ما حبيتها لمرت عمك
ميثاق : ليش شفتيها
شمس : اي حكو هي ام مراد شفتها كمان بخطبة بثينة رفيقتي بس ما فكرت انها نفسها ام تغريد
ميثاق : تغريد بتشبهها
~~~
وفجاة اعرفت مين تغريد
شمس : اها الي كانت لابسة تنورة جينز وقميص ابيض
ميثاق : ايوا هي
شمس : ميثاق لا تزعل مني بس بنات العيلة بيلبسو ديق
ميثاق : بس انا دوبني امون ع عهد ازا قصدك لازم امنعهن
شمس : طيب كيف بيرضوها
ميثاق : احكيلك شغلة
شمس : اي
ميثاق : انا نيقة عن الخليقة حتى اخواتي باردين بتعرفي ازا بقعد شهرين بالبلد بيجلطوني والا كيف بسافر وبطول لانو ما عاجبيني كلهن

شمس : كأنك بتشبه عمر كان يمنعنا من كلشي حتى المكياج بس يشوف انو زودنا لعيار يك*سر الدنيا وخالتي تضل تقنعو انو حفلة صبايا ويضل حامل بقلبو علينا بتعرف ما اجى لعنا لهلا
ميثاق : امبلا اجى يوم الصباحية
شمس : عنجد
ميثاق : اي اجى باركلي هو وخالد وقلتلو فوت لعند شمس بس الظاهر هو خجول كتير حكالي في نسوان لغير مرة
شمس : ميثاق بتحب اهلي
ميثاق : يا روحي بحب كلشي بيخصك حتى الوردة الجورية والنعنعة المزروعة بجنب الباب
شمس : شفتهن
ميثاق : وبجننو متلك شمس بحس الله بعتلي اياكي من السما
شمس : قول انك كنت يأسان
ميثاق :: انتي قلبتي حياتى تسعين درجة
شمس : وانا حاسة حياتي متغيرة.
ميثاق : حبيتك من اول نظرة وانتي
شمس : كتير معجبة فيك
ميثاق : شمس الحب مو اعجاب كل شي لحال
شمس :...
ميثاق : طيب متل مابدك بس بدي افهمك شغلة

الجزء السابع
شمس الغرام ♪
{بقلمي مايا الحجازي}
ميثاق : انا انضج منك يعني انا هلا قاطع كل مراحل الطيش وبفهم شو بدي من هي الحياة يعني اتزوجتك مو لمجرد انك عجبتي امي او انك صغيرة اتزوجتك لانو خلص قلت هي شريكة حياتي ورح تكون ام اولادي
شمس : ولي وصلنا للاولاد خليني انام
ميثاق : هههه نامي دخيل نومتك
شمس : اكيد نومي هادي
ميثاق : جدا يا روحي كانك فراشة
شمس : ميثاق كانك عم تتمسخر
ميثاق : يا عيون ميثاق انتي
غمضت لانو حسيت حالي عم افوت بحالة عشق من كمية الدلال وحاولت انام كنت عم اتنفس هوى ممزوج بريحتو الممزوجة بعطرو شي خاص فيه كل ما يكون قريب مني عم اتنفس هالهوى بس هالمرة بكمية كبيرة والا افكر بخطبتو الاولى وما عجبني الوضع هو الي من وقت خلق الي وبس ميثاق لشمس ونقطة انتهى
وفكرت بخطبة نور من اخو تغريد ياريت ما يصير نصيب مابدي شي يربط اهلي ببيت عمو هدول
~~~
الصبح مجتمعات تحت الليمونة عهد وتغريد عم يشربو القهوة
تغريد : عهد اقتنع ميثاق
عهد : لا
تغريد : بربك حابة اتحداه
عهد : انا كمان جاي عبالي البيتزا من تحت ايدو
تغريد : يعني بيعملها ع الاصول
عهد : بتشهي
تغريد : يعني ايمتى ساوا بيتزا
عهد : من زمان بوقتها خالتي ام رضوة احرجتو احراج بس شو اكلة لك تغريد ولا يمكن انساها
تغريد : والحل
عهد : رح اوصي محمود ع عدة البيتزا وغصب عنو رح يشارك بالتحدي
تغريد : اي اي موافقة
~~~~
كانو عم يفطرو برومنسية وعم يلقم شمس مربى فريز وقشطة برنة موبايلو ودغري رد
شمس : مين
ميثاق : اهلين مرت عمي
ام خالد : كيفك وكيف شمس
ميثاق : الحمد الله
ام خالد :اليوم بدو يجي العريس يشوف نور شو رايك انت
ميثاق : على بركة الله نور موافقة
ام خالد : مبدئيا اي بس حابة تشوف العريس
ميثاق : حقها
مع غمزة طيرت عقل شمس واستنكرت
ام خالد : كان بدي تكون موجود بس لسى ما عزمناكن
ميثاق ؛ الايام جاية
ام خالد : سلملي ع شمس اي
ميثاق : بيوصل مرت عمي
سكر ودغري نطقت
شمس : خالتي
ميثاق : اليوم بدو يشوفها
شمس : يارب ما تزبط
ميثاق : يسطفلو نحن ما دخلنا
شمس : خايفة ع نور
ميثاق : لا ما تخافي بعدين ازا في نصيب رح يتجوزو شو رايك بفتلة بالمدينة
شمس: موافقة
شالت هي الفطور وهو طلع يتمشى برى ويشرب سيكارة بالهواء الطلق
~~~
كنت شايفيتو من شباك المطبخ عم يتمشى برى حاطت ايدو بجيبتو والتانية عم يشرب سيكارة الاخ جاي عبالو يدخن وكنت عم انسحر بحركاتو لو لابس بيجامة رمادية بس طالع جنتل او يمكن بنية جسمو الها دور بالكاريزما جليت ورتبت المطبخ واسمعت صوت تسكير الباب
شمس : تشرب قهوة
ميثاق : الي بدك اياه
شمس: منشرب كوكتيل لكن
ميثاق : تكرم عينك
لبس دغري وجهز حالو وانا طالعت مانطو تركواز لتحت ركبتي بشبر لانو الافندي بيعترض ع اللبس لفوق الركبة وبس شافني طالعت سكربينة استنكر
ميثاق : ممنوع اللبسي حفاية او بوط
شمس : والله حلو
ميثاق : حلو ما اختلفنا بس ممنوع تلبسي هيك شي
شمس : الله يستر ميثاق قول بدك تدفني بالعباي وخلصنا
ميثاق: شو عرفك هالمرة بس اسافر رح ابعتلك ع زوقي عباءات مسلمات لانو هاد مو لبس الي شرع فيه الاسلام
اللبست الحفاية بسرعة واخدت الشنتة واطلعنا قبل تزيد الاوامر اطلعنا بالسيارة واستغربت رايحين لبيت حماي
شمس : مو من هون الطريق
ميثاق : بدي نروح من الخط العام اسرع
وقفنا عند بيت حماي نزل لحالو وانقهرت وقت شفت تغريد ببيت اهلو بس هو مطنشها هي وعهد وشوي رجع لحالو
شمس : شو ناطر
ميثاق : بدي ناخد وعد معنا
شمس : ....
شوي واجت وع شوي بدها تطير من الفرحة ركبت بالمقعد الخلفي والا تبوسو ع خدو
وعد : والله اني بحبك
ميثاق : والنا روحة للشام انا وانتي وشمس
وعد : ياي ومحمود وعهد
ميثاق : هههه لا بس انتي
بجية حماتي وحسيتها غيرانة بس عم تبتسم وقفت عند الشباك
شمس : كيفك مرت عمي
ام مروان : الله يسعدك يارب بدكن تتأخرو
ميثاق : لا
ام مروان : خود عهد معكن
ميثاق : عندها ضيفة كأنو
ام مروان : طيب ماشي انتبه ع الطريق
ميثاق : حاضر
ام مروان : الله يسرلك
ودغري اطلعنا من الحارة والا يمر من جنب بيت اهلي وقلبي صار يرفرف لك صرت متل الغريبة امرق من جنب بيت اهلي وهلا استلم الشارع العام وانطلقنا للمدينة حواجز وسير وبالاخير وصلنا للزحمة صفط بالباركنج واتمشينا تمشاية بين البسطات والمحلات ووعد ماشية ورانا طبعا شو ما تستحلي يخليها تشتريه كنت خجلانة اشتري بس هو يلاحظ شو يعجبني ودغري يشتريه وبعدها فتنا لمحل بوظة طلب كوكتيل وكان طاير عقلي بالمشوار وبالاخص حنيتو ع وعد وحبو الها

~~~~
وعهد تبكي بصوت عالي
عهد : منافق ابنك
ابو مروان : كان عندك تغريد
عهد : ياخدنا معهن ما مناكل شمس خانم
ام محمد : مو واردة ياخدكن بالاخص انو كانت خطيبتو تغريد
عهد : المخلوقة ما شايلة حدا من ارضو بس هو بدو يعمل حركات فتنة
ام مروان : خلص موجه عليكي الله ازا بيجي يسمع صوتك لتصير مذابح
عهد : انتي شايفة انو منافق وساكته لانك منافقة متلو
ابو مروان : خلص بكرى غصب عنو لياخدك
عهد : لا تجنني ليش انت بتمون عليه
ابو مروان : غصب عنو خلص حبيبتي لا تبكي
عهد : كرهني الاخوات ابنك احجزلو خليه يسافر
فرطو ضحك ستو وامو ع قلة عقلها
عهد بقهر : بدها تنزل معنا بتقطيف الزيتون والا القو مني ازا بتلقو
ام مروان : لنبلش تقطيف منحكي بالموضوع
عهد : ليش ما اخدني معو
ام محمد : خلص وليه قولي الله يسرلو
عهد : اكيد الله رح يسرلو لانو مشكلجي ودجيج حكي
وراحت للمطبخ تجلي وتبكي وبالمضافة فارطين ضحك عليها
عهد : والله قهرني تضرب تغريد هي وزيارتها حرمتني الروحة معهن وفوق منها سلم بلا نفس وهلا وعد رح تحكيلي شو اشترى لمرتو متأكدة هي مابدها اروح معهن بس انا بفرجيها ما رح يقضي السنة هون ورح يسافر ورح افرجيكي يا شمس
~~~
جاب معو حلويات حصة الو ولشمس وخلاها بالسيارة ولبيت اهلو وخلا وعد تنزلهن معها وطبعا معها كومة العاب وعد واغراض فاتو للمضافة هو وشمس وسلمو ع الكل وريحة المضافة من بارفانو عبت الدنيا
ميثاق : صبيلي قهوة شمس
شمس : حاضر
ضيفتو قهوة مرة وضل يتأملها وهي تضيفو ولعيون عليهن
وبعدلها لتقعد بجنبو
ام محمد : الله يهنيكن يارب
ميثاق : تسلميلي يا ستي
ابو مروان : ليش ما اخدت عهد معك
ميثاق : بدها ساعة ما بتلبس وبتتمكيج وكمان كان عندها تغريد ولا انا غلطان
ام مروان : تاني مرة خبرها انو في مشوار
ميثاق : والله مو ببالي ابدا بس صرت بجنب البيت وقلت لاخد وعد ولا مرة طلعت معي مشوار
ام محمد : فرجينا شو اشترالك
بلشت تطالع ميدالية وشنته وبوط ودفاتر ملونة واقلام والوان
ام محمد : يا عيني الله يحميلك اخوكي يارب
وعد :اصلا كل رفقاتي جنو بجاكيتي الفرو وحكولي ياريت عنا اخ بيسافر متل اخوكي
ميثاق : كم وعد عندي
وعد : وحدة
ام محمد : وشو جبت لشمس
وعد : شمس ما بتطلب شي مو متلي
ام مروان : يلا الله يهنيكن يارب
بجية عهد وما عاجبها وميثاق كتم ضحكتو ع اسلوبها
عهد : ماما شو مشان الغدا
ام مروان : محمود رح يجيب حوايج البيتزا
ميثاق : هههه ان شاء الله من تحت ايدين عهد
عهد : لا من تحت ايدين شمس ادرينا انها معدلة وبتتطبخ كل الطبخ
التفت ل شمس
ميثاق : رح اساعدك شو رايك
ابتسمتلو وانبسط كتير
عهد : اشمعنا صرت بدك تساعدها
ميثاق : بتسلى بس بدي تفضو المطبخ او ازا عندكن مشوار روحو وبترجعو بوقت الغدا
ام مروان : اي بدنا نزور خالتك مطيعة
عهد : وتغريد عاملة بيتزا اليوم
ميثاق بتحدي : لكن رح يصير غدا مشترك ببيت ستي
ام محمد :اهلا وسهلا فيكن
بجية محمود ومعو كومة اغراض
ميثاق : هات اشوف شو جبت
شاف واتاكد انو ما ناقص شي للاكلة وعهد بعتت لتغريد تجهز للتحدي وانبسطت كتير
~~~
فتت للمطبخ انا وياه
شمس : ميثاق انا ما بعرف اعمل بيتزا
ميثاق : مارح حدا يعملها غيرك هلا بتشوفي سهلة كتير رح نبلش بالعجين
شمس : وتيابك
ميثاق : مارح اخرب الدنيا لا تخافي اول خطوة بدنا واعة كبيرة للعجين
ورح نجهز بيض وزيت وحليب وفانيلا وخميرة ومي دافيه وسكر وملح
بلشنا بالتحضير طبعا هو ما لمس شي انا رفعت عن زنودي وخلاني اضيف كل المكونات وعجنت العجينة واستغربت راح سكر باب المطبخ
شمس : ليش
ميثاق : ما برضى حدا يشوف زنودك
شمس : ههه لا تضحكني
اخد رشة طحين ورماها عليي
شمس : ميثاق
ميثاق : ههه طالعة بتضحكي والله
شمس : والله تعال لقلك
اخدت رشة وكبيتها عليه
ميثاق : ههههه كملي مابدنا نلعب لعب
كملت عجين واهلكت
شمس : ميثاق ايديي عضلو
ميثاق : الا بالعجين مافي تهاون يلا كملي
شمس : انت هيك بتعجن
ميثاق : هههه ولاشي هاد الي تعمليه ما بعبي عيني
شمس : هلا بتشوف
بلشت اشد ع العجينة لحتى صار قوامها غير شكل
ميثاق : هلا منغطيها ومندفيها متل ما بدفيكي بحضني
شمس بخجل : ميثاق
ميثاق : هههه يلا اشتغلي بسرعة
غطيتها وحطيت عليها مصلى لحتى تتخمر
شمس : وهلا شو
اخدني للحمام
شمس : لك شوفي هون
ميثاق : بدي اغسلك لطحين
شمس : هههه
بعد ما خلصنا العجين بلشنا ببرش البندورة والخضرا لتجهيز الصلصلة هو ما دقر شي بس يحكيلي شو اعمل وبعدها الرف اتعبى فليفلة مقطعة وفطر وزيتون وجبنة وصلصلة واجى وقت تشغيل الفرن والتجهيز كنت متحمسة لاول وجبة رح تتجهز كانت من اعدادي وتعليماتو وبعد ساعتين من التحضير كانو وجبات البيتزا جاهزة وحسيت اني عاملة انجاز لانو منظرهن كان مغري اتصل ب محمود وحطوهن بالسيارة اشترو الكولا وانطلقنا لبيت ستو والصدمة تكون تغريد مجهزة كلشي وناطرة ابو التحدي يوصل هنيك لمة عائلية وطبعاً

عم يتذووقو من الوجبتين والكل عم يبتسم
وميثاق متحمس
ميثاق : شو ؟؟
تغريد : رح تخسر
ميثاق : مابدنا تحيز ستي بعرفك صريحة
ام محمد : والله شغلك لا يعلى عليه
وصدمني بردت فعلو فرط من الضحك وطبعا اهلو سفقولو وتغريد انطمزت
محمود : قدي منت قدي صغير على التحدي
تغريد : يعني مو طيبة البيتزا الي عملتها
ام رضوة : العجينة الي عاملها ميثاق كتير طيبة وطرية
تغريد : ليش استاز ميثاق شو حاطت للعجين
ميثاق : سر المهنة ما بينعطى لحدا
عهد : عنجد في سر
ميثاق : لكن لو تدوقو صفيحة اللحمة بيطير عقلكن
ابو مروان : انا الي بعرف اصلا ما بقاوم لصفيحة الي بتعملها
ميثاق : ع فكرة هاد كلو من تجهيز شمس بس انا اشرفت عليها اشراف
وحسيت رح يصير في تفجير بالمكان وقفت تغريد وعهد سوى
عهد : بس هي ما بتعرف تعملا انت علمتها
ميثاق : بس مو مين ما كان بزبط الشغل من اول تعليم واصلا صدمتني انا بالعادة بس اجهز اي اكلة مستحيل استطعم فيها بس هي منحتني فرصة اتغدا غدا طيب
ام محمد : ريتو الف صحة وهنا ويسلم ايديها كنتنا الحلوة
بجية ام يوسف ودغري نفخ كل نفسو
ميثاق : قل اعوذ برب الفلق
ودغري اجت لعندو بالذات
ميثاق : اوعك ها متوضي
وغصب عنو باستو
ام يوسف: لانك بتقرف بس
والا تقعد جنبو
ام يوسف : بيتزا يا سلام هاتو لشوف
طبعا جوزها اجى وابنها الي هو رفيق ميثاق كان شخصية وسلم ع الكل وقعد
ياسر : شو حماتنا بتحبنا
ميثاق : مو بلا بالاخص ستك بتحب عمتي كتير
ام يوسف : بعيد الشر عني
ابو يوسف : ازا من شغل ميثاق روعة الاكل
تغريد : اوووف يالطيف التحيز
ابو يوسف : لكن ما بتعرفي المطعم الي فيه ميثاق معلم عليه زحمة
ميثاق : مابيعرفو عمي هدول مبارح خلقو
وصوت الضحك عبى المكان وشفت مرت عمي يمكن عم تقرا المعوذات خايفة ع ابنها من العين
ام يوسف : نحن جايين مشان عماد وينو
تغريد : راح يحلق لتشوفو العروس
ام يوسف : اسمها نور
ميثاق : عندك مانع
ام يوسف : ليك ميثاق اقعد عاقل ها
ميثاق : ما بتلقى مزح الحجة
ام يوسف : تحج أمك بالاول
ميثاق : صحلك تحجي
ابو يوسف : صحيح ليش مسكر موبايلك
ميثاق : ماني مسكرو
ابو يوسف : فاضل مبارح حكى معي عم يبعتلك مافي رد
ميثاق : هو انا غيرت رقمي الا بسببو احكيلو احترق
ابو يوسف : بس عرف انك اتجوزت سكت
ميثاق : يكتر خيرو مع انو حكيتلو اليوم عرسي بس ما كان يستوعب
ابو يوسف: ايمتى ناوي تسافر
ميثاق : مو مبين ابدا
وبعدها طلعو هو وابن عمتو لبرى يتمشو ودغري حسيت بالوحدة بعيد عنو
~~~
كانت ام يوسف تتمايز شمس واناقتها وانو اختها انطلبت كمان لابن اخوها انغاظت كتير وعم تسأل حالها من وين لوين هالمعرفة
ولأنها متعودة تنقر لجوزها قدام اهلها بلشت تعليقات
ام يوسف : لولاك ابو يوسف كان ميثاق عطال بطال
ام مروان : شو دخل ابني بحب الشغل ولو ما عندو رغبة يتعلم كان ما اتعلم
ابو يوسف : انتي ماعم تستوعبي انو عندي ميثاق بغلاوة اولادي
ام يوسف : يوه ان شاء الله ما بيصرف علينا او فاتح بيوتنا
نهال : ماما
ام يوسف : بدي احكي زودها ابوكي
ابو مروان : اي ام يوسف معها حق لولا ابو يوسف كان ما اشتغل
ابو يوسف : ومستعد اخلي فاضل يسلمو إدارة المطعم
محمود : بيقبل ميثاق
ابو يوسف : هو مجتهد كتير
ام يوسف : اي بس اسمعت اخي احمد عم يقول الك فضل ع ابنو
ابو يوسف بقهر : وابنو الو فضل عليي منيح
فجأة وقفو عند الباب ميثاق وياسر
ياسر : تخانقتو
ام يوسف : تعال اسمع ابوك عم يقول ميثاق الو فضل عليه
طبعا ميثاق مبتسم نصف ابتسامة لانها مشكلجية
ياسر : عنجد بابا
ابو يوسف : اي هي نازلة تهت فيه انتي بتعرفي لولا ميثاق اتسفرت من عشر سنين من هديك لبلاد
ام يوسف : احليين يعني مفضل علينا ابن أخي
محمود : ليش عمي شو كان صاير
ابو يوسف : مع انو حلفني بالله اخوك ما احكي بس عمتك بتستفز اخر عصب عندي قلتلك ميثاق بحبو والمحبة من الله وبغلاوة اولادي بهديك الايام وقت اتصل فيني الكفيل بدو مصاري مشان اقامتي اولادك سكروها من كل النواحي وبالصدفة التقيت ب ميثاق وبس عرفني مدايق ما تركني وبس عرف انو الشغلة بتنفدى بالمصاري طالع جزدانو وحط بايدي كلشي معو مصاري وحكالي فك ديقتك وانسى انو شفتني وازا ما طالبتك بشي لا تعطيني اياهن
طبعا تحت صدمة الكل حتى اهلو ما بيعرفوا وام يوسف اختفى حسها ع الاخير
ام محمد : عنجد
ابو يوسف : اي وبالزور لرضي أحولو اياهن وعلى قولة ماني بعازتهن هلا لك اولادي الي هني اولادي وبعرف انو جيابهم ورصيدهم مطفطف ما فكو ديقتي والي حق عليهم وبالصرماية يصرفو عليي وبيجي ميثاق ليعطيني مبلغ خيالي وبيحكيلي انساه ماني بعازتو

ام محمد : الله يطول بعمرك يا ميثاق انا عشمي فيك الخير ع طول
ام يوسف : كنت قول هيك من اول
ابو يوسف : انتي الي ما عم تفهمي ونازلة تحمليه جميلة لو ما هو معلم واحسن معلم كان ما احتفظ فيه فاضل عندو بالمطعم ومستعد يستغني عن كل معلمين المطعم الا عنو شو مفكرة انتي القبول نعمة من الله
ياسر : عطول هيي بتضل تنكش بالمشاكل وياريت بتوب
ميثاق : حصل خير وياريتك ما وضحتلا شي خليها ع راحتها
ام يوسف : وانا عارفة انك مفضل عليه
ميثاق : استغفر الله فضلي ع حالي وبس بعدين مو عطول الواحد بيكون عندو عم متل عمي ابو يوسف بيستاهل كل الخير
واشر ل شمس يلا
اعتذر منهن وطلعو لبرى بيت ستو
~~~~
شمس :ميثاق لشو هيك عمتك بتضل تعمل هزات بدن
ميثاق : هي بتحب المشاكل وانا بحب لمجاكرة
شمس : بس ع شوي بتقوم حرب بينو وبينها
ميثاق : هههه لكن ما شفتي شي لسى
ارجعنا لبيتنا كنت شايلة هم نور وانو هلا رايحين ليشوفوها واصلا مابعرف شكلو للعريس ياريتني موجودة بيناتهن واتفرج ع اجواء الخطبة لساها الدنيا قبل لغروب جهزت ابريق شاي ومكسرات واطلعنا للاسطوح نغير جو ونتسلى والا يشغل اغاني لنوال الكويتية
شمس : ميثاق بتحبها لهالمطربة
ميثاق : يا ويلي ع هالسؤال شو بحبها ما بتكفي
شمس : ما حلوين اغانيها
ميثاق : شووو بتحكي جد.. اسمعي اسمعي هالاغنية شو حلوة«« في هاجسي وحلمي ووهمي لقيتك حتى الاماني في الامل لك تطيب ابد ما اظن اني في لحظة نسيتك وان كان ذا ظني الله حسيبي »»
كنت منسجمة باللحن بالأغنية والكلمات وحتى بصوتها حسيتو مزوء زيادة عن اللزوم
شمس : شبها اليسا والله حلوة
ميثاق : شو جاب لجاب صوت نوال من اقوى الاصوات بالوطن العربي حتى بتغني لايف وبيكون صوتها بدون محسنات غير شكل وزوءها بالاغاني دماااار
بقلبي : اي والله لاول مرة بعرف انو عندها اغاني هيك حلوة
شمس : بس ليكون حضران الها حفلات
ميثاق : قصتي معها قصة
شمس: ميثاق انت شايفها ع الواقع
ميثاق : هههه وكانت راقية جداً جداً معي
شمس : بتحكي جد بس اكيد بعدها صرت نحب اغانيها
ميثاق : لا من قبل التقي فيها عطول بسيارتي كل اغانيها
شمس : وكيف التقيت فيها
ميثاق : قبل اشتغل بالمطعم كنت اشتغل بسوق تجاري اللبسة واتصادفت فيها بالمحل سلمت عليها وكانت قمة بالتواضع بس خسارة بوقتها ما اتصورت معها
بقلبي : منيح ما اتصورت معها
شمس : ومين كمان شفت
ميثاق : ههه زينب العسكري بتعرفيها
شمس : لا بتمزح
ميثاق : والله واغلب الفنانين كانو يترددو للسوق الي كنت اشتغل فيه
شمس : وشباب
ميثاق : شو دخلك انتي
شمس : في ممثل حليوة كتير
ميثاق : يا امه الله بتجاكر
فرطت من الضحك عليه
شمس : رح احاول اسدء انك ملتقي بنوال الكويتية بس تاني مرة لا تحكي قدام حدا مشانك انا بصيبوك عين
ميثاق : هههه قصدك مشان لا ابين اني كزاب اصلا الحق عليي لازم ما قلتلك
شمس : بسدءك بس في حالة وحدة يكون معك شهود
ميثاق : ههههه ايديكي باردين
شمس : هي لاني عزابية
ودغري مسكلي ايدي وحطهن بجيبة الجاكيت
شمس : عيب عليك
ميثاق : مو عيب تبردي وانا جنبك
شمس : هو الجو كلو بارد
ميثاق : ونحن نايمين كمان
شمس : اي
ميثاق : اليوم رح اتخذ اجراءات جديدة
شمس : ميثاق شو عم تحكي
ميثاق : ههه ترى انتي نيتك عاطلة انا قاصد نطالع حرام تقيل بس انتي ذمتك واسعة
شمس : بس انت ما كنت قاصد هيك
ميثاق : هههه لك شوفيلك ع هالشوفة
كانت عهد وتغريد وحنين ونهال جايات تمشاية
ميثاق : اخ ع حجر اضربهن فيه
شمس : شو بدك فيهن
ميثاق : لك والله بدي انزل افتح روسهن بالكعب
شمس : بلاااا شوووو بتغار عليهن
ميثاق : مو بس غيرة سمعتنا بالبلد
شمس : يسطفلو امانة لا تبين انك غيران عليهن
ميثاق :....
حسيتو ما اهتم لكلامي وغيرنا كل الاتجاه مشان لا بقى نشوفهن

شمس : لازم تغريد تكون مع اخوها
ميثاق : معها توحد ليش ما بتعرفي
شمس : ههههه بلا جد
ميثاق ؛ لكن شو بتسمي جاية تتمختر وشاحطة شلة حسبالله معها بتعرفي شويعني تنتين عزابيات خاربات العيلة كلا
شمس : ههههه مشالله اديش بتحب عهد
ميثاق : لو يشرعو القتل من الصبح بتكون مسلمة اللوحات ومودعة المونديال
شمس : بس حرام هي اختك
ميثاق : صدقيني يا بالغلط جاية يا الله اعلم مين من اهلي عامل شغلة مو منيحا والله عاقبو
فرطني ضحك يا امي شو قوي
شمس: بس وصلني شعور انك بتحبها اول ما اجيت تشوفني
ميثاق : الصراحة اول يومين بجي من السفر بكون ضيف محترم بس بعدها بصير مقيم ما بينطاق
شمس : هههه ميثاق ما حكيتلي شي حلو متلي ميثاق : ما رح احكيلك رح افرجيكي
ونزلني ركض لتحت
~~~
كانن عم يتاملن العرسان وغيرانات حتى المتجوزات

نهال : ليش نزلو
حنين : بظن انو اتصال او ابصر لانو نزلو ركض
تغريد : انتو ليش جايين تراقبو ولا نتمشى
عهد : لا نتمشى شو رايكن نشوف بيت ميثاق
نهال : لا يوه بخاف من لبيوت الي مو مسكونة
تغريد : معها حق
عهد : معقول نزل يوصلنا
حنين : الي نزل وصل الظاهر صار برد ونزلو يا ترى شمس مارح تروح لبيت اهلها
تغريد : مستحيل مو من عاداتنا تزور العروس اهلها قبل ما يعزمو
عهد : وبس يعزمو لازم نروح كلنا ونفقع عيون الكل
تغريد : وهو هيك
نهال : بتعرفو انو رح نعزم العرسان نحن كمان
عهد : يا عيني ما بقصر علوشي
نهال : عهد وليه ممنوع تتغزلي فيه
عهد : ياريتو محرز
وفرطو ضحك بس كان عنجد شخصية جوزها وبتغار عليه غيرة جنونية
~~~

وببيت ابو عمر كان عمر قاعد مع اهل العريس كانت موجودة بس ام مراد وعماد وام خالد ورؤى وفاتت نور خجلانة تضيف القهوة وبعد الاخد والعطا
ام مراد: شو يا ام خالد نحن مستنين ردكن
ام خالد : اليوم منشاور ابو عمر وان شاء الله منردلكن خبر
عماد : اكيد شاورتو ميثاق
ام خالد : اقل منها نسيبنا لجديد
ام مراد بغيرة : اي مافي منو ميثاق ...كيفو هو وشمس
ام خالد : والله انتو ادرى
ام مراد : اليوم شمس عملت بيتزا والكل عجبهن شغلها
رؤى بصدمة : شمس
ام مراد: اكيد ميثاق ساعدها بس هي مجهزة كلشي
عمر : خلص امنا اكلة بيتزا قريباً
عماد : ميثاق اشطر حدا بيعمل بيتزا
عمر : لكن ليش اعطيناه حكو شيف شاطر
ام مراد : ههه شاطر بكلشي مو بس بالطبخ
بقلبها : بالمجاكرة والكيد اكتر شي
طبعا نور عجبها كتير عماد وكل شوي تسرق نظرة عليه وخلص بدها تصير خطيبتو
~~~
الساعة عشرة وصوت دقات ع الباب ودغري راح يشوف مين ورجعلي
شمس : مين
ميثاق : تقال الدم رفقاتي
شمس : ليش مزعوج
ميثاق : قلتلهن بلا موعد لا حدا يجي ومروان متشاهم وفاتح مضافتو
شمس : اي شو فيها
ميثاق : اوووف مافيها شي جهزي الشاي لشوف
انبسطت لانو شفتو معكر مزاجو
لبس جاكيت البيجامة وطلع وانا فتحت نتفة من الشباك لاشوفو رايح للمضافة جهزت الشاي واستنيت لحتى اجى اخدو
شمس : طولي بالك
ميثاق : عكروني والله
شمس : ليش مابدك يزوروك
ميثاق : مو لهون شبو بيت اهلي
شمس : ... بدك اجهز قهوة كمان
ميثاق : انا بعطيكي خبر
شمس : كم واحد
ميثاق : تقريبا عشرة
شمس : هههه
طبش الباب وراه وارجعت للغرفة لاتسلى ع موبايلو وكتير انبسطت انو فتح بسهولة وبلشت بالاستديو ع صور مشكلة ومقاطع فيديو بتفرط من الضحك انسيت الوقت ونقزت اول ما فتح باب الغرفة عليي
ميثاق : يا حبيبي مننسرق وشمس ع الموبايل جهزي القهوة
شمس: طيب الشاي يعني
ميثاق : متلك طيب
شمس : روح وارجع
ميثاق : لا بدي اساعدك بترتيب الحلو لو انك معدلة كنتي جهزتي من حالك
بالمطبخ قضاها يدوقني من كل الانواع رتب هو الحلويات وانا جهزت القهوة والا يدوقها وعجبتو اخدهن وطلع وعند الباب كان يناقش بحدا واستغربت بنت مروان جاية تسهر عندي
ريم : كيفك مرت عمي
شمس : اهلا وسهلا
قعدنا بغرفة النوم
ريم : كتير حلوة غرفتك
شمس : اول مرة بتشوفيها
ريم : شفناها وهي تتركب يومها عمي ميثاق كان معصب كتير
شمس : انتي بتحبيه لعمك ميثاق
ريم : اي بس هو بكرهنا
شمس : لا ما بيكرهكن
ريم : امبلا هلا وقت اجيت ما عجبو
قهرني كتير ميثاق
شمس : هو هيك طبعو
ريم : هو وبابا تخانقو حكو انو بابا ضربو زمان
شمس : ليش ضربو
ريم : بابا ظلمو واتهمو انو سارق صيغة ماما
وانصدمت صدمة عمري
شمس: عنجد بتحكي
ريم : اي بس بابا ندم لانو عمي ميثاق ما دخلو
شمس : وكيف ضربو
ريم : حكو اهانو بس نحن مامنعرف كيف ضربو بابا عطول بيحكي قدام ماما ياريتنا ما اتسرعنا وهو حابب يرجع العلاقات بس عمي ميثاق ما بيقبل وع اساس نسافر بس بابا متأمل يعزم عمي ميثاق ويقبل بالعزيمة
شمس : والله مالي خبر انو شغلة خناقة
ريم : ياريت تقنعيه يصالح بابا
شمس: الا ما يجي يوم وترجع المي لمجاريها
ريم : بس بابا ناوي يعزمو وخايف يحرجو
شمس : شو رأيك انتي تقنعيه
ريم : بس انا ما بسترجي احكي معو وبخاف منو
شمس : طيب الا ما تنحل بس انتي لا تفكري انو عمك ميثاق بيكرهك
ريم : ياريت ما يكون بيكرهني بيوم عرسو كتير جاكرت بنات صفي لانو عمي حلو وشخصية وغارو مني
شمس : هههه يعني معجبة بعمك
ريم : اي كتير وانتي اطلعتي بتجنني حكولي نيالك عندك مرت عم صغيرة وحلوة
شمس : هههه اي صف انتي
ريم : تاني
شمس : وشطورة
ريم : اي كتير شاطرة بدك تنامي انتي
شمس : لا سهرانين
ريم : بدي ارجع انا
شمس : خليكي منتسلى بعدين ما ضيفتك شي
حطيتلا صحن حلو
ريم : يسلمو
كانت حلوة كتير يا ويلي منو كيف بيكسر خاطر البنت وبتفكرو ما بحبها

بعدها اصرت انو ترجع وقبل افتح اسمعت صوت شباب وضحك ومزح الظاهر انو خلصت السهرة اتفرجت عليهن من شباك المطبخ وخليت ريم تستنى لحتى اجى ميثاق وهلا صدقت كلامها وقت حاكاها
ميثاق : خلصتي زيارتك
ريم : اي
ميثاق : خليكي عنا
ريم : لا ماما حكتلي ما اتاخر
ميثاق : انتي وماما
ريم : بدك توصلني ولا اروح لحالي
ميثاق : روحي لحالك لا تخافي مافي كلب برى
شمس : ميثاق
ميثاق : شبكي انتي كمان خايفة من الكلب
شمس : تعي انا بوصلك
ميثاق : يا ع الثقة تعي معنا اوصل ريم لحتى الكلب ما ياكلها
كتير ازعلت منو البنت حساسة كتير مسكتلا ايدها
شمس : هو بيمزح معك
وزورتو وابتسم بغرور دقينا الباب وفتح ابن مروان
رضا : منيح اجيتي ست ريم
ميثاق : وليش معصب

- النص المستخرج من الصورة: 📝
Sofina
سيلينا
.
الآن
K/8
10
تمييز كمقروءة
کنم
اتطلعت ب ميثاق وما عجبو
شمس : الوقت اتاخر بس بكرى انا وعمك ميثاق جايين نسهر
عندكن
رضا اهلا وسهلا بتشرفو
ميثاق : اقفل الباب مزبوط ليييجي ابوك
ريم : خليكن عنا هلا رضا بخوفني
ميثاق : لا ما بسترجي ع كلا انا هون بتمشى يا ويلك تخوفها
یا رضا يلا سكر بسرعة
رضا : تصبحو ع خير
سكر وقفل ونحن واقفين
شمس : خيبت ظني
سحبني من ايدي لنتمشى ع البرندة
ميثاق : شو شكتلك ريم مني
شمس : صدمتني البنت بتحبك كتير بس انت ما منيح معها
ميثاق : عيلة اخي كلهن مناح انا لا
شمس : میثاق بکری رح نسهر عندهن
ميثاق : هههه بعرس مروان
شمس : يا الله كيف عم يرد ويمزح ومعصب كلو مع بعض
:میثاق اجی جوز الست
يا ويلي شو قوي بقي واقف عند المدخل لحتى صفط السيارة
وشفت كيف انبسطو بشوفتنا سلمت على نسرين
میثاق : شو راجعين بكير جلالة الملك وجلالة الملكة
مروان : روحو الشباب
میثاق : اي ما طولت قلت بفوت ببوس ايد حماتو
مروان : هههه ليش معصب

- النص المستخرج من الصورة: 📝
۹:۳۷ م
4G
B/s
10
نسرین : ليش هو بيروق
ميثاق : يلا فوتو مشان لا ياكلكن الكلب
ضحك ضحكة باردة وكملنا للبيت بس عنجد اليوم صدمني

الجزء الثامن
شمس الغرام ♪
{بقلمي مايا الحجازي}
كانو مبسوطين من جيرة ميثاق الهن سكرو الباب واتفاجئوا ب رضا وريم واقفين ومتكتفين
ريم : ع اساس ساعة ما بتتأخري
نسرين : شو بدك تتحكمي فيني
ريم : رحت اسهرت عند مرت عمي ميثاق
نسرين : والله
مروان : يلا ع النوم انتي وياه
رضا : بكرى عمي ميثاق ومرتو جايين يسهرو عنا
مروان : شو هالحكي
رضا : مرت عمي وعدتنا
مروان : هي لانها مابتعرف عمك منيح يلا ع النوم
نسرين : ساويتو شاي للضيوف
مروان : ليش العني*د بيقبل يمالح حدا
نسرين : بس ضحك اخر شي لا تحكيلي
مروان : هههه كان عم يتمسخر علينا
نسرين : بس بادرة خير منو
مروان : الله يسمع منك
والا تحقق مع بنتها قبل النوم
نسرين : شو ضيفتك مرت عمك
ريم : حلويات شو حلوة غرفتها يا ماما بتجنن
نسرين : والله وانبسطي عندها
ريم : اي كتير طيوبة مو متل عمي
نسرين: وعمك منيح وقلبو طيب
ريم : بس خوفني
نسرين : بيمزح معك عنجد بدهن يسهرو عنا
ريم : والله
نسرين : لبشارة الك ولرضا يلا تصبحي على خير
ريم : وانتي من اهلو
~~~
كان نص نايم ونومو خفيف كتير ونقز
شمس : بدنا نسهر عندهم بكرى
ميثاق : شمس نقزتيني
شمس : ما لحقت تغفى
ميثاق : نامي يلا
شمس : بحكيلك بدنا نسهر عندهم
ميثاق : ماشي
وطبعا حكى وهو مو عرفان شو القصة وطول الليل يتلقى دف*شات من شمس وكل شوي يحس على حركاتها
ميثاق : ابدا كانو بجنبي ولد صغير
ربط*ها بايديه لحتى ما تتحرك بس النومة بجنبها غير شكل
ليصحى الصبح ع اجواء غير شكل ريحة شامبو على عطر على قهوة وحس على شمس قعدت جنبو وسحبت الموبايل فتح عيونو ليشوفها ويتأمل جمالها كانت لابسة بيجامة مخمل شتوية اتجلس وباسها بوسة ع خدها
ميثاق : شو هالصباح الحلو صحيح دفعتيني الي فوقي والي تحتي بس والله صباح بيسوى كل صباحات عمري
شمس : ايمتى اصحيت انت
ميثاق : صليت الفجر وارجعت نمت
شمس : انا بنت حر*ام لحتى ما تصحيني اصلي
ميثاق : الله اعلم
شمس بدلال : ميثاق
ميثاق : هههه حبيبتي صحيتك اتجلستي فركتي عيونك ورميتي حالك من جديد هي اول مرة اتحممت توضيت وارجعت صحيتك مابعرف شو خبصتي حكيتي شي مو مفهوم وارجعتي كملتي نوم صليت واخر محاولة اصحيكي ما رديتي لهيك حطيت راسي ونمت
شمس : خطيتي برقبتك
ميثاق : ههههه انتي د*بة نوم
شمس : انا د*بة
ميثاق : بس د*بة حلوة
شمس : ...
ميثاق : هههه لا تزعلي خلص بكرى بش*حطك شح*ط ع الحمام
شمس : زعلانة منك كتير
ميثاق : حقك عليي بس انتي نومك جح*اشي
زمت شفافها بدلال
شمس : يعني هيك طلع معك
ميثاق : والله د*بحت*يني نمت نص نومة
شمس : اليوم لحتى ما ادفشك بنام ع الارض
ميثاق : منيح عنا فرشة مشان تاخدي راحتك
شمس : يعني مابدك انام جنبك
ميثاق : ههه انتي اتبر*عتي تنامي تحت
شمس : بس ما فكرت توافق
ميثاق : بمزح معك ما بييجي نوم بعيد عنك
شمس : ميثاق
ميثاق : عيونو
شمس : مابدنا نزور اهلي
رجع اتمدد واخد نفس وغمض
شمس : شو يعني هي الحركة
ميثاق : يعني مابعرف
شمس : اشتقتلهن كتير
ميثاق : والله مابعرف يعني كيف نزورهن ماصارلنا كتير متزوجين وعلى حد علمي لازم يعزمو اهلك وبعدها بتزوريهن براحتك
شمس : اهلي مشغولين بخطبة نور
ميثاق : لكن مافي زيارة
حس على ايدها عم تمسح على دقنو
بقلبو : ايوا عم تستعطفني
شمس : خلينا نزورهن
ميثاق: هلا كتير مستوح*شة بدونهن
شمس : اشتقتلهن
ميثاق : خلص بعدين منحكي
طبعتلو بوسة ع خدو
شمس : كرمالي يا ميثاق
ميثاق : انتي عم تلعبي بمشاعري ها
شمس : بترجاك ابوس ايدك
ميثاق : لا هاتي انا ابوس ايدك بس شيلي الفكرة من راسك
شمس : كتير ك*سرت خاطري اليوم
ميثاق : ههههه طيب لا ينك*سر خاطرك
شمس بفرح : يعني وافقت
ميثاق : لا بس يمكن يعزمو اليوم
لهيك تركتو وطلعت من الغرفة
ميثاق : لك ليش بس فنجان قهوة
شمس من المطبخ : ما بحبها لانو
ميثاق : مو طيبين
شمس : لا تشرب
ميثاق : يا امه الله عم بترد جواب كمان
راحلها للمطبخ
ميثاق : هيك علموكي اهلك تقولي لجوزك لا تشرب
شمس : ماحدا علمني شي
ميثاق : بس عيب عليكي انا جوزك قولي بزبطها تاني مرة
شمس : بزبطها تاني مرة
ميثاق : ما بينفع بعد شو
شمس : بدك تفطر
ميثاق : مابدي منك شي بس تحترميني بفطر
ودغري اتمسكت فيه
شمس : والله ما قصدت
ميثاق : ازا من اولها لا تشرب لقدام بتحكيلي عمرك ما اشربت
شمس : لا يوه مستحيل احكيلك هيك ميثاق بترجاك لا تزعل انا اسفة
ميثاق : طيب ساوي فطور بعدين منتفاهم
~~~
كنت مقهورة من كل الي صار ياريتني ما طلبت اروح لعند اهلي
اتزكرت كلام رؤى انو لازم ما ارد جواب عليه بس انا ما حكيت الا كلمة لا تشرب لو حكيت شي تاني شو بيعمل

جهزت فطور وكنت حاسة بقهر في شي مدايقني بس ما عم اعرف شو هو
بلشنا بالفطور بدون ولا كلمة كنت ناطرة اتصال اهلي على نار
بقلبي : يارب يعزمو والله ما حلوة الحياة بدونهن
ولانو زعلان ما لقمني شي واستوعبت انو ما لازم اتطاول عليه تاني مرة
دغري شبع غسل ودغري اجى وشغل سيكارة وطلع لبرى
نفخت كل نفسي ورحت للمطبخ ضبيت الاكل وراقبتو وهو يتمشى خلصت واللبست واطلعت لعندو اتشمس
شمس : مابدنا نروح لبيت حماي
ميثاق : ما جاي عبالي اشوف حدا
شمس : خدني فتلة بالسيارة
ميثاق : مخلص بينزين
شمس : طيب ع الموتور فتلة
ميثاق : لا ما حابب افرجيكي لكل البلد
شمس : ازعلت مني
ميثاق : ع شو دخلك بدي ازعل
شمس : انت اتغيرت
ميثاق : بسال حالي ازا دللتها كمان شوي شو ممكن تعمل
شمس : صدقني ما قصدت
كنت متوترة كتير وخايفة بنفس الوقت لهيك بلشت افرك بايدي
ميثاق ؛ بيني وبينك عادي بس بتعرفي ازا حدا سمعك تحكيني بهديك اللهجة
شمس : صدقني مابقى اعيدها فكرتا كلمة عادية
ميثاق : هي الكلمة عادية بس اللهجة مو عادية
شمس : يلا بقى سامحني
حط ايدو ع كتفي وقربني منو
ميثاق : مو قصة اسامحك او لا بس ما بدي تنعاد هاللهجة ابدا
شمس : حاضر
ميثاق : يلا قومي نفتل بالسيارة
شمس : هيك
ميثاق : لا دفي حالك ناطرك
فتت ركض لجوى لانو على شوي كنت رح ابكي ازا ما رضي اللبست ع الماشي ودفيت حالي متل مابدو وارجعت لعندو كان مشغل السيارة وناطرني
ميثاق : سكرتي
شمس : وهاد المفتاح
ودغري اطلعنا من طريق لسهول شغلت اغاني وهو علا للصوت
شمس : فيها بينزين
ميثاق : ان شاء الله توصلنا للكازيه
شمس : افتح الشباك
ميثاق : برد عليكي في هوى
شمس : لا حلو الجو بيجنن
ميثاق : انتي الحلوة
ارتحت كتير وضليت كل شوي اسرق نظرة عليه وهو مركز بالطريق
بقلبي : مستحيل لسى اغلط عليه
غلطة وندمانة عليها
~~~
وببيت ابو عمر ازا في شمس نسيانين كانو عم يجهزو البيت للمناسبة الجديدة وحددو موعد ليجيبو دهب وماحدا دريان بشمس ابدا وعلى قولة مرتاحة وميثاق مافي منو
~~~~
بعد ساعة من التفتيل أتوجهو لبيت ابو مروان ركن السيارة بجنب البيت فتح البوابة ليفوتو طبعا عمرانة بالمضافة عمو وابوه وخالو وولاد عمو واخواتو
ميثاق : بسرعة لجوى
خلاها تفوت للصالون وهو فات للمضافة يسلم ودغري اعتذر وفات للبيت وشاف لمة نسوان مرت عمو ام مراد وتغريد وستو وام رضوة
ميثاق : السلام عليكم
ام مراد : وعليكم السلام وين لساتنا ناطرينك
ميثاق : ناطريني
ام محمد : بكرى بدهن يروحو يجيبو دهب مشان تروح معهن
ميثاق : شو علاقتي
ام مراد : عماد مابدو حدا غريب يكون الشوفير ماهي بنت حماك
ميثاق : يستأجر سيارة
ام مراد : شو مفكر معو مصاري ادك
ام محمد : وحدي الله ام مراد صلي ع النبي
ميثاق : روحو مع ياسر انا بكرى بدي امشي معاملة عقد الزوااج بالمحكمة
تركهن وفات لغرفة امو الي كانت عم تلبس
سكر ما عاجبو
ميثاق :بيحلمو فينا بيت سلفك
ام مروان : لا تزيدها ع قلبيي
ميثاق : قسما بالله اقر*فت كلشي اسمو عم وولاد عم
ام مروان : لكن مابتعرف ابوك ع شو ناوي
ميثاق بصدمة : لا تقولي ع حسابو
ام مروان : هلا حكى الحلو وتكاليف الخطبة عليه حتى لبس العروس
ميثاق : شو فاتحها جم*عية خيرية
ام مروان : ع اساس انت انظم
ميثاق : لو لعمي عبد عادي لهالعيلة لا
ام مروان : شو اعمل يعني شو طالع بايدي هو من جهة وانت من جهة
ميثاق : اي بدي اسالك
ام مروان : اسأل
ميثاق : عادي تروح شمس لبيت اهلا
ام مروان : لا يوه ازا ما انعزمت ممنوع بدك تحكي الناس علينا
ميثاق : بس هني عندهن خطبة
لم مروان : ازا ما عزمو بتروح معنا نحن اهل العريس
ميثاق : ماما اختها العروس مابصير
ام مروان : اسمعني ازا مشت كلمتها عليك مارح تزبط حياتك
ميثاق : وبلكي ما عزمو لبعد الخطبة
ام مروان : اسمعني ميثاق هي عادات اهل البلد كلا العروس مابتزور اهلها الا بردة رجل انت وشمس بدكن تك*سرو العادات والتقاليد مابدهم يعزمو بتروح شمس معنا لبيت اهلها متل الغريبات
ميثاق : بس انا مابريد هالشي بدها تفرح لاختها
ام مروان : الا ما يعزمو هاليومين لا تستبق الاحداث
طبعا ما عجبو ابدا هو شايف انو شمس مصرة تزور اهلها

طلع ومن قهرو ما اتطلع بحدا بس كل لعيون عليه ودغري فات للمطبخ ليشوف شمس عم تجهز القهوة
وعهد عم ترتب الحلو
عهد : نص الالف خمسمية
ميثاق : عم تلطفي جو
عهد : ههه شبك ولووو معصب
ميثاق : شمس خلصي والحقيني
عهد : ازا مشوار انا بروح كمان
ميثاق : بغرفة اهلي بستناكي
ضل يستناها لحتى اجت وكتير مترددة
ميثاق : شبكي فوتي
سكرت بهدوء وراحت لجنبو قعدت

ميثاق : بدك تروحي لبيت اهلك
شمس : مابعرف
ميثاق : شمس قولي خلصيني
شمس : لا.. هني مو فاضيين
ميثاق : بس مشان هيك
شمس : اي لو بدهن اياني عزموني
ميثاق : اكيد
شمس : اي خلص
بقلبو : شو غيرها؟؟
~~~
اتزكرت كلام ستو الي سمعتني اياه
ام مراد: ييي كيف يعني لسى ماعزمو
ام محمد : شايفة ع كلا لو بدهن تحضر بنتهن كانو عزمو
ميثاق : نرجع للبيت
شمس : مرت عمي بدها افرم البصل
ميثاق : لشو البصل
شمس : بدهن يعملو كبة
ميثاق : قومي بلا كبة بلا بطيخ عمر ماحدا اكل الحقيني لشوف
شمس : ماحلوة ما افرم البصل
ميثاق : عازمك ع غدا جاهز شو بدك
شمس : بس هلا مرت عمي
ميثاق : الحقيني قلت
اطلعنا من الغرفة ولعيون كلا علينا مسكلي ايدي وحطها مع ايدو بجيبة الجاكيت
ميثاق : بدك شي منا ماما نحن راجعين للبيت
ام مروان بتردد : لا سلامتك يعني بدك تاخد شمس معك
ميثاق : اي
ام رضوة : لكن فرحان بحالو بدو يلف مرتو بحضنو
متت من خجلي
ام محمد : هههه انبسطو ستي
ميثاق : لا توصي حريص يلا بخاطركن
طلعنا من البيت وكنت بقمة الاحراج من اهلو من الي حكوه قدام الكل
شمس : ميثاق لشو هيك حكيت
ميثاق : هههه خلصتي من لدموع ادعيلي
شمس : هلا بقولو هربت
ميثاق : ويقولو متل رج*لي الحكي كلو
شمس : خالتك بتحكي دج
ميثاق : هههه حبيبتي نحن كلنا عيلة بتحب التلميح
شمس : وانت
ميثاق : هههه لكن لسى ما بتعرفيني
شمس : وكيف بتحكو قدام تغريد وعهد
ميثاق : امبلا قطاط مغمضة لانو بيعرفن يمكن اكتر مني ومنك
شمس: بربك شو هالحكي
ميثاق : نحن عيلة بيحكو بالمشرمحي قدام الكل
شمس : بس ما بصير
ميثاق : بصير ما بصير هيك متعودين
شمس : مابدي تكون متلهن
ميثاق : ههههه نهفة انتي
انطمزت من كلشي صار ارجعنا للبيت ووصلنا غدا للبيت مع محمود يعني مو بس ريحني من فرم البصل من تجهيز الغدا بالبيت واجى الليل وبلشت اتوددلو
شمس : ميثاق انا وعدت ولاد اخوك نسهر عندهم
ميثاق : اخي ومرتو حوامين ما بيقعدو بالبيت
شمس : بكونو ناطرين
ميثاق : لا يعني لا
شمس : طيب ليش
ميثاق : انا هيك عقلي
شمس : وصلني وروح
ميثاق : شو مروحك كرامة الي لازم ما تروحي
شمس : بترجاك خلينا نروح
ميثاق : لا تحاولي
بدقة الباب وراح يفتح انبسطت بس اسمعت صوت ريم
ريم : طولتو
ميثاق : ع شو
ريم : ناطرينكن تسهرو عنا
شمس : يلا جايين اسبقينا
كان ما عاجبو
ميثاق : كيف بتحكيلا جايين يلا روحي لحالك
شمس : بدك تروح كرمالي يا ميثاق
ميثاق : الله ربي
شمس: ههه حلو وانت معصب يلا
ميثاق : بس اتوقعي مني كلشي
شمس : عم تدلل يلا
ميثاق :...
اللبست ع الماشي وهو لبس بلوزة كم واطلعنا سوى كنت متمسكة بدراعو ومبسوطة انو وافق ومارح نك*سر خاطر لولاد كانو بالصالون والدفا والنظافة غير شكل الصالون فيه طقم كنبايات بيجنن
مروان : اهلا وسهلا نورت
نسرين : اتفضلو
ميثاق : لا ناطرينك تعزمي
طبعا كان قاعد ومخلص ويتمايز المكان بفوقيه
ميثاق : ما حلو اللون هاد بعدين ليش ملطخ الحيطان هيك عاجق الدنيا عجق
مروان : بالعكس اللون الذهبي بيجنن
ميثاق : زوقك بلدي بكلشي سبحان الله
كانت صدمتي اقل بشوي لانو متعودة ع نفسيتو مع عيلة اخوه واجت ريم وقعدت جنبو وابتسمتلو
ميثاق : شاطرة بالمدرسة
ريم : اي
ميثاق : مين الآنسة الي بتعطيكي
ريم: الاستاز يزن بيعرفك عطول بيحكيلي سلميلي ع عمك كان رفيقي
ميثاق : جيبي دفتر الاملاء لاشوف
ريم : هلا بتشوف كل علاماتي عشرات
شمس : كل عشرة رح يعطيكي عمك عشرة آلاف
اتطلع فيني وضحك
ميثاق : عم تتكارمي ع حسابي
مروان : خلص خمسة بكفي
جابت الدفتر بضحك ميثاق وهو يفتش ع العلامات
ميثاق : خطك احلى من خطي
ريم : فرجيني خطك
كتبلا اسما
ميثاق : شو رايك
ريم : ههه هاد خطي هيك كان بالصف الاول
فرط من الضحك وغمرها
ميثاق : هاد الي طلع معك
شفت الكل مبسوط فيه هالعنيد ضحكتو مع هالعيلة انجاز
ميثاق : يلا لاعدلك كم عشرة اخدا
طالع المصاري من الجزدان وبلشو يعدو هو وياها
نسرين : والله مابدنا الا سلامتك
ميثاق : منيح هدول مية الف
رضا : وانا عمي
مروان : عيب ولاه
ميثاق : جيب دفترك لشوف
مروان: لا ترد عليهن
نسرين : لا تعودهن ع هيك
ميثاق : وكل عشرة بتيجي لعندي دغري بس ترجعي من المدرسة وبتاخديها مني كاش
ودغري حضنتو وباستو ع خدو
بجية رضا ومعو الدفتر
ميثاق : انت طالع لعمك خطك خرابيش
بلش يعدو بس مو بشطارة ريم
ميثاق : شد حيلك مو مناح علاماتك
رضا : خلص ولايهمك ورح تعطيني متل ريم
ميثاق : كل عشرة بعشرين المهم تغير علاماتك
طار من فرحتو رضا
ميثاق : يلا حجة شربينا القهوة مستعجلين
نسرين: قبل القهوة الجمعة معزومين عنا
ميثاق : مابحب هالشغلات

مروان : لا تخجلنا يا زلمة ماجلين سفرتنا كرمالك
ميثاق : لشو تعزب حالك خلص مافي داعي
مروان : مافي عزاب ولا شي
ميثاق : ان شاء الله
ودغري راحت جهزت القهوة نسرين والحقتها اساعدها
~~~
مروان : ميثاق انا اغلطت بحقك اخي كتير
ميثاق : صفحة وطويناها
مروان : بس ما بسامح حالي ازا لسى بتضل مجافينا
ميثاق : خلص ان شاء الله بيتغير كلشي بس اتاكدت انو ما علاقتي بسرقة صيغة مرتك
مروان : والله ساعة غضب شفتك طالع من البيت والشيطان شاطر
ميثاق بقهر : كنت بالبيت لانو كانت ع العتم شغلتها خفت تنسرقو وما كنت بعرف انو مسروق شي من عندكم
مروان : صدقني استوعبت بس بعد ما اغلطت بحقك
ميثاق : خلص خلص ما بقول غير الله يسامحك وانت سامحني
مروان : ردة فعلك كانت طبيعية بوقتها انا ظلمتك والله
ميثاق : الظفر ما بيطلع من اللحم ومنضل اخوة انا اصلا جبرت حالي اجافيك
ليتزكر ميثاق تحريض عمو عبد
عبد : كان لازم ما ضربك انت مانك صغير
وكمان مروان عم يتزكر تحريض عمو
عبد : مين في غيرو رح يسرقك يعني
ولتنين صحيو اول ما اجت شمس ونسرين
بقلبو ميثاق : انا اخدت ع حالي وعد ما ادوق شي عندو
بالزور لمد ايدو واخد فنجان وحطتلو شمس صحن الحلويات وقلبو رقص بس أتأمل جمالها ضيفت مروان واجت لجنبو
نسرين : والله نورتو
ميثاق : انتي بدمك التملق
مروان : هههه عنجد نورتو
ميثاق : خلص افهمنا
مروان : بعد ما اعزمك لازم تعزمني
ميثاق : خلص يا عمي واصلة عزيمتك
نسرين : هههه بيمزح
ميثاق : ليش الاستاتزة بيمزحو
مروان : هههه متطورين
طولو بالسهرة للساعة طنعش على مزح ومناقرة ع البارد وميثاق مبسوط كتير لانو اتصالحو مو بس حكي قول وفعل بعدها اعتذرو وطلعو ليودعوهن واتمشوا برى مروان وميثاق ونسرين وشمس
ميثاق : بتعرفلي معلم بلاط شاطر
مروان : بدك تبلش تجهز البيت
ميثاق : اي
مروان : انت اعتمد وما عليك رح اشتغلك البيت كأنو الي
ميثاق : أن شاء الله
مروان : بس تعرف امي لتنبسط
ميثاق : لاتحكيلا خليها مفاجأة
مروان : وهو هيك

~~~
نسرين : بكرى بس تسكنو بالبيت رح نزبط قعدة نعمل صبحية كليوم هون
شمس : كتير حلو المكان
نسرين : ولا تشيلي هم اولادك بكرة رضا وريم رح يبلشو فيهن
شمس : هههه بكير ع لولاد
نسرين : لا دغري جيبي مشان يكبرو معكن بعدين ميثاق م صغير
شمس : بس مو مبين عليه
نسرين : بس بيكون ناطف قلبو ع شقفة ولد
شمس : بكرى رح يجيبو دهب
نسرين : صحيح مبروك لاختك
شمس : الله يبارك فيكي بس ما عزموني
نسرين : شو بدك فيهن اتمسكي بميثاق الرجال بيسوى الأهل وحتى لولاد
شمس : بس يعني بيجوز احضر لاختي متل الغريبات
نسرين : مابعرف والله
ميثاق : يلا تصبحو ع خير
مروان : وانتو من اهلو
ارجعنا للبيت كنت عم افكر بكلام نسرين ورواق ميثاق وفرحة مروان ولولاد واخيرا وافق الافندي بس هو قلبو طيب واكيد من برات قلبو حاربهن
سكرنا ودغري ع النوم من بعد يوم طويل
~~~
تاني يوم بيت ابو مراد مكركبين والسبب انو بدهن يشترو دهب ام محمد وام رضوة اخواتها لام مراد وجوز بنتها حنين وطبعا عمهن عبد ومرتو وولاو لصغار وابو مروان وعهد والمضافة مليانة رجال ونسوان من العيلة كان عماد جاهز لابس جينز وقميص ابيض هو اسمراني بس احلى من مراد بكتير وبعكس مراد نحيف وبيرفع شعرو طبعا وصلت بثينة مع خطيبها مراد وبعدها اجت عمتو ام يوسف ونهال وياسر جاهز بالسيارة لينطلقو لبيت العروس وهنيك كانت ام خالد ونور جاهزات طبعا اشترو محبس وحلقات وساعة حسب قدرتهن المالية ورجعو لبيت اهل العريس لانو محضرين وليمة غدا
~~~
كنت متي*سة ع الاخير ما حابة اروح لبيت عمو هدول
ميثاق : شمس لساتك ما اللبستي
شمس : مو ضروري نروح
ميثاق : بيت عمي وابن عمي واختك كيف مو ضروري
شمس : هيك ما بدي
ميثاق : لك كلشي ع حساب بابا بدك ما نحضر خلصيني يلا
شمس : بلاها يا ميثاق
ميثاق : احترت والله حيرني مبارح كنتي جانة على ما تشوفيهن يلا معك خمس دقايق انا رايح استنى بالسيارة
كان قلبي مقبوض والافندي متزبط كانو هو العريس لابس بلوزة كم سودة وبنطلون جينز وطلع لبرى اضطريت اللبس اخترت مانطو جينز غامق مع بنطلون اسود وشالة عسلية اللبست البوط واطلعت لاشوفو واقف مع مروان ونسرين وكتير متزبطين والا تسلم عليي وتبوسني
نسرين : اي هيك ها
ميثاق : بصير ما تروح
مروان : لا ما بصير هيك عنا العادات
ما عجبني هني طلعو بسيارة ونحن بسيارة والاخ روق ع الاخير
شغل اغاني وانطلقنا كنت متوترة مابعرف يمكن لانو كان ميثاق خاطب او لانو رح اشوف نور يا الله رح نصير قرايب هههه لك مجنونة بشو بتفكري انتي والاحسن يكون مليان عالم انزلنا وضليت واقفة لاجى لجنبي وامشينا وبلشت اتخيلو فايت لبيت عمو ليشوف تغريد بايام خطبتهن كنت غيرانة عليه كتير غيرة مو طبيعية التقينا اول شي ب حنين الي دغري ضربتو على كتفو وجن جنوني

حنين : والله والله بدك زغرودة سيد ميثاق
وبالفعل زغردت لهيك الكل انتبه
ميثاق : متل لسان الح*ية سبحان الله
مروان : نحن اخر الواصلين
طبعا المضافة مليانة رجال ونسوان وامشيت ورا ميثاق وبس شفت خالتي كتير انبسط سلمت عليها وغمرت نور واتمركزت بجنب ميثاق مابعرف ليش لمحني لمحة سريعة ورجع ابتسم وخص نور بالسلام
ميثاق : مبروك عمتي نور
ابتسمت بخجل
خالتي : الله يبارك فيك شو طولتو
ميثاق : بعدين بحكيلك
لهيك انقهرت كتير
~~~
كانت تغريد وعهد وبثينة وإقفات عند الباب
عهد : ما احلى طلة العرسان
بثينة : عنجد كيف زهيانين لتنين
تغريد : بس نور احلى
عهد : لا يوه شمس الاحلى
بثينة : لا انا احلى من التنتين
عهد : يييي لا لا شمس احلى منك ومن نور واصلا ميثاق احلى من عماد ومراد
وفرطت ضحك
تغريد : تعي لقلك بدنا نتفق ع دك مرتب نزيد الوضع
عهد: تعي لشوف
~~~
وبعدها ميثاق انتبه انو عمتو اكلتهن بعيونها الو ولمرتو
ميثاق : بسم الله ما شاء الله
ام يوسف : ع شو خايف ليكون مفكر حالك شي شغلة
ميثاق : هههه انتي الي خليتيني انتبه خلص عيب عليكي اطلعي ب ياسر شوفي ما احلاه
ام يوسف : احلى منك ...اي اخي مابدك تسفرو ل ميثاق
ابو مروان : مبارح تجوز
ام يوسف : بس لتحجز جاية اتشمت فيك
ميثاق : ستي لمين طالعة بنتك بتغار هيك
ام يوسف: فشرت ولاه
ام محمد : لا بتغار بالاخص من العرسان
ام يوسف : هي لو اخد وحدة بجمالي شو بيعمل
ميثاق : مابقول غير كان الله في عونه
الكل عم يضحك ع الحرب الباردة بس ام يوسف مكشرة وعاطية وضعية القر*فانة بس هي غيرانة ميتة غيرة
ام يوسف : حالف يمين ما تفرجينا غرفتك
ميثاق : تعي زوريني بس خبريني مشان افل يومها
الضحك عم يزيد وهي ولا عبالها
ام يوسف : بعرفك كريم بس شكلو رح تتعلم الب*خل شكلك صرت صهر الرضا
ميثاق : لكن تا تعرفي يا جماعة انا من هلا بصف نسايبي يعني لو صار مشا*كل بين عيلتنا وعليتهن انا مع بيت حمايي
ام محمد : هههه حق والله
ام يوسف : سامع ابنك
ابو مروان : الولد وما يملك لزوجته
ام يوسف : لشو شادة ع حالي ما انا شايف الولد لمين طالع
ميثاق : جوزوها يا عمي مشان الله بس تحل عننا
عماد : هههه عمي ابو يوسف بتتنازل عنها
هز راسو يمين شمال
مراد : ههههه عمتي وردة صعب يلاقي متلها
ام يوسف : تسلملي عينو الي بيفهم مو متل بعض ناس
ميثاق : سامع ياسر
ياسر : مشان الله تعيفني انت وعمتك
ميثاق : حدا حاطت بوشار ع النار
عماد : وانت السادء مين فتح صم*ام الامان
وانفج*رو من الضحك
ام يوسف : ايوا ناقصني انت وياه بس
ميثاق : بس عنجد طلعت ريحة حر*يقة
ووقفت زعلانة وطلعت لبرى
ام مروان : ميثاق هيك زعلت عمتك
ميثاق : ههه هلا براضيها
لحقها دغري ومن كل عقلها زعلانة
ميثاق : بربك ازعلتي هلا بقولو ما اصغر عقلها
ام يوسف : بعد هيك الحق عليي
ميثاق : ههه شو عرفك انو الحق عليكي
ام يوسف : انا بفرجيك
ميثاق : مستحيل اتركك زعلانة بعدين مو قد المزح لا تمزحي
ام يوسف : ج*قر من يوم يومك
ميثاق : برأيك مجهود شخصي
ام يوسف : اكيد
ميثاق : خلص يلا صالحتك
عماد : نشغلك اغاني لترضي
ام يوسف : والله بكون احسن لازم من اول شغلتو احسن ما اسمعت هزة بدن من هاللوح
ميثاق : ياسر امك عم تحكي عليك
قهرها كتير
شغل مراد اغنية دبكة
~~~
استغربت وقت اخدني من ايدي لندبك سوى
وعيون ام يوسف مراقبيتنا كانو مافي غير نحن
شمس : مابحب الدبكة
ميثاق : معي بدك تحبيها يلا
طبعا مو لحالي كل النسوان شاركو بس انا خجلانة كتير وبس شافتنا عهد اجت هي وتغريد لجنبي وام يوسف وام مراد يرقصن وكل ما اتطلع بخالتي ونور يبتسمن وما سدءت ايمتى خلصنا ودغري اعتذرت خالتي ونور
كنت عم اتزكر بيوم جبنا الدهب بس اليوم الاجواء مختلفة اطلعنا لبرى معهن انا وميثاق
عماد : بكير مرت عمي
خالتي : عنا شغل كتير بالمناسبة بكرى عازمينكن
ميثاق : واخيرا
اتطلعت فيه صدمني بكلامو
عماد : وانا مرت عمي
خالتي : اكيد بتشرفونا
ميثاق : يلا فوت اتضبضب انا بوصلهن
عماد : لك شو دخلك انت
ميثاق : اجت امك اتخبى بسرعة
ام مراد : والله بكير يا ام خالد
ام خالد : والله لا يمل بس بتعرفي انتي اجت المناسبات كلا ورا بعض
عماد : خليني اوصلكن
ميثاق: فوت احسنلك بعدين ما صارت خطيبتك لبعد كتب لكتاب صح مرت عمي
ام خالد : ههه اي صح
ميثاق : فوت لاتبرد بسرعة يلا بخاطركن
انبسطت كتير لانو رح نوصلهن نحن
بالسيارة هدوء وغير شكل
ميثاق : شو مرت عمي طمنيني كلشي تمام
ام خالد : الجماعة حالهن من حالنا والشب مافي منو
شمس : انت معترض

ميثاق : بمون عليه انا اكبر منو
نور : مبين عليك صهري مسيطر حتى ع ام يوسف
ام خالد : ههه اي كيف مراقبيتكن
ميثاق : مكي*ودة
شمس : بس خجلتها قدام الكل
ميثاق : ما قد لمجاكرة لا تجاكر
وصلنا دغري
ام خالد : يلا انزلو بدنا نشرب قهوة
اتطلع فيني ميثاق
ميثاق : شو
شمس : متل مابدك
ام خالد : عم يتشاورو يلا انزلو
انزلنا وعنجد ك*سرنا عادات اهل البلد استقبلنا عمر غمرني وباركلي وكمان خالد سلم عليي وهلا اجت ماري تركض وغمرتني
ماري : اشتقنالك والله
ميثاق : خلص انسوها هي من حصتي
عمر : اقعد احسنلك ناويلك
ميثاق : ههه
قعدنا بساحة البيت على الكراسي وارتحت نفسياً لانو صرت ببيت اهلي كنت اتفرج ع كلشي وما عم اشبع منهن وعمر وميثاق نازلين مسخرة بس كل واحد ماسك ع التاني مستمسك
عمر : صهري وين العلكه
ميثاق: ههه تعال لقلك
مسكو من ايدو وصار عمر يسحب حالو منو

القسم التاسع
شمس الغرام ♪
{بقلمي مايا الحجازي}
ام خالد : هههه يعليكن ع شو بتتناقرو
ميثاق : مو هو بدو بدي اعطيه
عمر : صحيح شو كنت تعمل عند مدرسة البنات
ميثاق : يكتر خيرك
عمر : هههه شمس ضبي جوزك شفتو يفتل عند مدرسة البنات
ميثاق : وانا شفتك بالعلامة كانت تاشرلك من الاسطوح
ولمناقرة ما خلصت ابدا
ام خالد : كيف شفتلي شمس
ميثاق : انتي قلتيها شمس
نور : كيف رضاك عليها
شمس : لنشوفك بكرى
ميثاق : انت اسألو شمس كيف رضاها عليي
عمر : مشالله ونعم الرجال
ميثاق : بكرى منشوفك بالمناسبة رح اجيبلك معي عشب بس تخطب
عمر : هههه مناكل سوى
ميثاق : هههه انا ماني نباتي ابدا
عمر : اي مبين عليك بس انت مجرب اكيد العشب بفيد
ميثاق : مرت عمي شو يعني شالة سودة بالمنام
عمر : لا اله الا الله
ام خالد : انت شايف هيك بمنامك
ميثاق : هههه شفتها اشرت ل عمر وهيك كانت لابسة
عمر : ياعمي خدوه من وجهي مشان الله
ميثاق : بعدين غامزة نص شباب البلد من حظك
عمر : شمس مخبريتك
شمس : لا والله
ميثاق : سألت حكو مو مخليه حدا من شر*ها
عمر : خلصنا ولو فضحتنا
ميثاق : نحن مشانك ازا اخدتها منفوسة يمكن تم*وت ليلة العرس
طبعا نور وخالتي فارطات ضحك على حكياتو
ميثاق : وبتلاقي يوم العرس طريق الزفة كلو شباب عم يودعو الحب واقفين ويغنو اعذريني يوم زفافك
شمس : ميثاق رح نتأخر
ميثاق : هههه مع انو حلوة مجاكرة عمر
عمر : الله لا يعلق حدا معك.
ميثاق : اي مرت عمي اعزمو اهلها مو حلوة ما تحضر
ام خالد : هههه نعزمهن عمر
عمر : هو خلا ستر مغطى ع حدا
ميثاق : منمزح معك يا زلم بس حلوة التأشيرة
كان عمر رح يتف*جر منو واخواتي عم يضحكو ومكيفين لانو ماحدا بيقدر لعمر بالبيت
ميثاق : يلا شمس نمشي خلي عمر يبكي ع راحتو
عمر : لا بقى تعيدوها
ميثاق : جاي عبيت اهلك لانو
عمر : بيت مين لكن
ميثاق : بيت اهل حبيبتي
شمس : زورونا
عمر : ليسافر جوزك منتشرف
ميثاق : ع قلبك باقي
عمر : شمس لا تنسي موضوع الفتلة
شمس : حسابو بالبيت
ميثاق : دخيل الله جاهز
عمر : جوزوه ليعقل
ميثاق : بكرى منشوفك ع كلا رح ازرعلك عشب كتير تازة اطيب
بالسيارة دغري زورتو
ميثاق : شبكي
شمس : زودتها مع عمر
ميثاق : الي بدو يعمل حالو جمال بدو يعلي باب بيتو الي مو قدي لا يجاكرني
شمس : هلا لتعلق بالبيت عمر رح يزفهن كلهن لانو ضحكتهن عليه
ميثاق : نحن ازا اسمعنا اسعاف منتصرف
يا ويلي شو قوي وزود السرعة شي جنوني
شمس : ميثاق بربك خفف
ميثاق : شو رأيك بفتلة
شمس : اي بس خفف
ميثاق : من عيوني بعدين شو هالحلاوة والشقاوة لك اليوم اتطلع فيكي واقول سبحان الخالق
شمس : عم تبالغ
ميثاق : والله كانك انزلتي عليي من السما ولا بحياتي اتخيلت انو هيك تكون مرتي
شمس : من هيك غرت عليي وخليتني ادبك والمضافة كلا رجال
ميثاق : ازا بجنبي مطمن عليكي
شمس : يا امي ما اقواك ميثاق لازم اجاكرك وتخسر
ميثاق : ههه والله ردودي غير مدروسة هيك ع السبحانيه
شمس: انا كل الوقت عم انصدم منك
ميثاق : ههههه ما شفتي شي لسى هيك ماني رايق للمجاكرة
شمس : الله يسترني منك
وبعد ما اتفتلنا رحنا لبيت حمايي وهنيك كانت عمرانة
~~~~
تاني يوم العزيمة كنت طايرة من الفرحة ومن عاداتنا انو بيت حمايي يعزمو مين ما بدهن كنت مهتمة بحالي كتير يومها مو مسدءة يمضى الوقت لتصير الدنيا غروب وننطلق لبيت اهلي
المسا كنت جاهزة اللبست قفطان اخضر زيتي بيجنن وسكربينة دهبية ما اعترض ابدا وهو لبس وجهز حالو واطلعنا من البيت ودغري للسيارة وانطلقنا لبيت حماي ما خلاني انزل ابدا شوي والكل صارو بالسيارات وانطلقنا لبيت اهلي استقبلونا عمامي وطبعا لرجال بجهة والنسوان بجهة وفتنا للصالون كل النسوان ولرجال للمضافة طبعاً المباركات كتيرة
وانبسطت بشوفة رؤى كتير
ودغري حطو العشى ومن كل انواع الاكل وبعد العشى جهزو شاي وحطو فواكه وساوو قهوة وانا ونور بجنب بعض
شمس : مبسوطة بخطبتك
نور : اي
شمس : يعني حابيتو ل عماد
نور : مو حب بس عجبني كتير
شمس : الله يعينك ع بثينة
نور : والله حبابة كتير
شمس : لكن ما بتعرفيها
نور : عماد اشترالي موبايل
طبعا غرت كتير
شمس : نيالك انا ميثاق ولا عبالو
نور : كنت قلتلك خدي موبايلنا القديم بس ماري حكت ل خالتي بدها اياه وبتعرفي ما اقدرت اعترض
شمس : لا شو بدي فيه ميثاق عندي وما بفارقني وعطول موبايلو مرمي ع جنب بس انا شايلة هم يسافر وما اتواصل معو
نور : لا اكيد بيشتريلك شمس مبسوطة انتي وميثاق
شمس : كتير مدللني وهو ماحدا بيقدرلو
نور : ههه شو أضحكت على ام يوسف
شمس : مشكلجي كتير من هالناحية
نور : ومعك هيك

شمس : بتسدءي مابعرف بحس انو بعاملني شكل تاني مو متل ما بعامل اهلو
نور : اي مسيطرة يعني
شمس : لاااا اصلا بسبب كلمة زعل وحرد
نور : هههه مبين عقلو كبير
شمس : اي لانو عقلو كبير زعل نور منيحة تغريد
نور : مابعرف حاطة راسها براس عهد بس اسمعت من حنين انو صحبتهن مبلشة من وقت خطبك ميثاق جاية عهد تعزم تغريد مابعرف ليش حسيت عهد غيرانة منك
شمس : هي وميثاق شحم ونار هو عصبي وهي مدللة كتير
نور : مدام القمر معك عدي لنجوم باصبعتك
شمس : وهو هيك
نور : رح نصير قرايب بزيادة
شمس: انا سدءت اخلصت منك
نور : ههه كزابة بتضيعي بدوني
شمس : هههه شو عرفك
نور : بعرف
~~~~
طبعا الاغلبية روحو واخر شي ضل ميثاق وعمر وخالد وبعتو ورا شمس واجت تشاركهن القعدة ابتسملها ب حب وشوق وعمر اتنحنح
اشرلا تقعد جنبو وفاتت ام خالد ومعها علبة صغيرة فيها خاتم دهب
ام خالد : هي هدية ردة الرجل
شمس : يسلمو خالتي
ميثاق : وهي امنا شي نبيعو
عمر : انت بتهر مصاري
ميثاق : سامعة مرت عمي
ام خالد : هههه اسم الله عليك بس كلا بالبلد بتحكي عنك انو زنكيل
ميثاق : لانو بشوفو بعين وحدة شو معي بس ما بشوفو شو اتعبت
عمر : مو اي حدا بنزل سيارة المهم الله يسترك من عين الناس وهلا بزيادة لانو اول مرة بتكون اجازتك طويلة
ميثاق : هيك لكن
نور : اي ما قلتلنا كيف شمس معك
ميثاق: من ورا سؤالك في ان بالموضوع
نور : هههه انت شوف شمس بتعرف
كانت عم تزورها وكتير انبسط ميثاق وبالاخص انو صار منهن وفيهن
ميثاق : ولا عبالها نرجع عندكن فرشة
عمر : منستقبل بس شمس
ميثاق : شمس ما بتنام بدوني
ام خالد : الله يهنيكن يارب والله مطمنين ع شمس خيرات الله
ميثاق : ازا بدكن انسوها كمان
شمس : بلا شو
ميثاق : بتحبكن كتير
عمر : طبيعي نحن اهلها
ميثاق : بس الي بيلاقي احسن من اهلو ببيعهن
صح شمس
شمس : كمان بحب اهلي
ميثاق : خلص لكن ضلي هون
وقف ودغري وقفت
ميثاق : هههه وين
شمس : بدك تروح
ميثاق : نامي هون مو هدول اهلك
عمر : خليكي هو الخسران
طبعا شايفها كلها براءة وطفولية بنظراتها
ميثاق : ما بستغني عنها
عمر : وين والله بكير
ميثاق : حاجتنا كمان انتو تعبانين
ام خالد : بتزورونا
ميثاق : وانتو كمان زورونا
طلعو كلهن يودعوهن
ميثاق : تصبحو على خير
الكل : وانتو من اهلو
~~~~
الصبح اصحيت ع صوت دقات الساعة سبعة غريب كان ميثاق بسابع نومة معقول ما سامع ورجع الباب اندق اقوى لهيك اتجلس ودغري اخد بلوزتو وطلع لبرى وهو عم يلبس واستغربت كتير
~~~
كان عمو عبد وخجل لانو صحى ميثاق من النوم
عبد : ييييي نايم
ميثاق : اهلين عمي
عبد : بعرفك بتصحى بكير والله ما قصدت ازعجك
ميثاق : عادي حصل خير شوفي حدا صايرلو شي
عبد : لا لا طمن بالك بس مبارح ما صحلي احكي معك
ميثاق : شوفي عمي
حكاه وعم يفرك عيونو
عبد : مبارح اجى اخو هاشم ولازم اطلع للشام اليوم وبتعرف انت الحالة داقرة والله لانو بعرفك ما بتحبني اتدين من حدا
ميثاق : لشو تدين بس ثواني
فات وهو يتأفف لانو نزعلو النومة دغري فتح لخزانة وسحب رزمة مصاري وطلع ليعطيه حتى بدون ما يعدهن
ميثاق : تفضل عمي
عبد : الله يرزقك يارب انا اول ما يتأمن معي المبلغ برجعلك اياه
ميثاق : لا عمي مو بيناتنا بس لا تطول بالشام مشان خطبة عماد
عبد : بخلص اموري وبرجع لا تأخذني لانو صحيتك بكير
ميثاق : ولا يهمك
بجية مروان ودغري شكل فرار عبد قبل يوصل مروان صبح عليه
مروان : صباح النور...مو هاد عمي عبد
ميثاق : ينزع صباحو الهي
مروان : ترى بكون مو مزنوق بدو يشتري لمرتو شي جديد
ميثاق : ازا هيك ان شاء الله بضيعو
مروان : ههه يعني مو كتار
ميثاق : لا وين بكير
مروان : للبير ليك بس فقد الامل مني حول عليك
ميثاق : يعني فيني احكيلو لا
مروان : اكيد لا بس ما تدرى ماما
ميثاق : الله يسترك اوعك تحكي
مروان : ههه اديش بتدفعلي
ميثاق : المهم ما اعلق معها
مروان : ههه فوت نام
ميثاق : بعد ما نزعها دلول امو
مروان : يلا بخاطرك
ميثاق : الله معك
فات ليرجع يكمل نوم ما توقع شمس عم ترتب الغرفة
ميثاق : شو بتعملي
شمس : يعني بدك تنام
ميثاق : ماعندي مدرسة اليوم
شمس : مين
ميثاق : ولا حدا سكري كلشي بدي ارجع انام
شمس : فكرتك صحصحت
بدون ما يرد رجع ليكمل نوم وعنجد نام بس شمس ما نامت ضليت عم تتسلى ع موبايلو
~~~~
وببيت ام مروان كانت عهد ما عاجبها وما راضية تجلي
ام مروان : لشو هيك المطبخ
عهد : كلشي عليي بهالبيت
ام مروان : بدك وعد تشتغل
عهد : شو بدي بوعد كنتك شمس

ام مروان : شمس ما بتفطر هون لتشتغل
عهد : وما رح تفطر هون وجوزها بيعطي دروس بالمجاكرة
ام مروان : لساتها عروس
عهد : حبيبتي مدامها زوجة ميثاق رح تضل عروس بعدين رحتي جبتيها صغيرة الافندي مو سخيان فيها ما شفتي بيوم الكبه اخدها ورجعو للبيت مشان لا يشغلها
ام مروان : شو اعمل يعني انت قوليلي
عهد : مابعرف حليها من عندك شوفي المطبخ شوفي الغسيل شوفي الشطف هاد كلو عليي والله معاد فيني ارحموني يعني لا برحمك ولا بخلي رحمة الله تنزل عليك
ام مروان : طيب طيب خلص هلا بشوف شو اعمل اتركي وروحي اغسلي والجلي ع شمس اليوم
وبس سمعو صوت السيارة فاتت لتبلش غسيل عهد والا تبتسملو امو على طلتو عليها
ميثاق : صباحك ورد وفل
ام مروان : تقبر قلبي ع هالصبح
ودغري رفعت عن زنودها
ميثاق : شو بدك تعملي
ام مروان : عهد عم تغسل وبدي اجلي شوف الجلي مكوم
وقبل ينطق دغري حكت شمس
شمس : لا يوه شو تجلي
ام مروان : تيابك نظيفة حبيبتي
شمس : لا عادي
ودغري فاتت للمطبخ وميثاق اتامل كلشي ع الرفوف الظاهر الجلي مكوم من مبارح وطل على عهد وهي عم تغسل وابتسمت ابتسامة صفرا
عهد : اهلين اخي
ما عجبو هز راسو بتحلف وراح للمضافة تارك شمس بين كوام الجلي الي مو عارفة من وين تبلش فيه
وبالمضافة بس محمود ووعد
ميثاق : شو قصة الجلي
وعد : من شوي صحيت عهد ومارح تلحق تشتغل معها
محمود : قومي نشطف هلا بتقوملنا عهد
بقلبو ميثاق : لكن هاد فصل ناقص من عهد شو عليه انا بفرجيكي دواكي عندي
بجية ستو وقف وسلم عليها وانبسطت بشوفتو
ام محمد : وين مرتك حبيبي
ميثاق : بتجلي
ام محمد بصوت عالي : ام مروان......ام مروان
ودغري اجت
ام مروان : خير مرت عمي
ام محمد : انا بعرفك بتحبي الحق شو دخل شمس بجلي العيلة لو تسكن هون سلميها كلشي بس مو تجيبيها للشغل
ام مروان : والله هي اتطوعت هي جوزها كان موجود
ميثاق : الجلي ما بموت بس الغيرة اسمعت انو بتموت
ام محمد : بنتك بتصحى الظهر وهي المخلوقة مو مجبورة بالجلي
ام مروان : شمس اتركي من ايدك
ميثاق : اتركيها شو بدك فيها بس تاني مرة ازا عهد مخططة لهاشي على الاقل يكون جلي اليوم مو اليوم ومبارح وحتى اكلة الحلو الي عامليتها
ام محمد : بس تخلص شمس خدها وارجع ولابقة تزور اهلك
ام مروان : والله عم تكبريها مرت عمي
ام محمد : هاد الحق انا من مبارح الصبح شفت المطبخ ما اندقر فيه كاسة
بجية عهد
عهد : كنت مريضة مبارح
ام محمد : متل القردة مافيكي شي ورحتي للعزبمة ومشالله عنك مو عيب عليكي هاد الفصل الناقص تعمليه بمرت اخوكي وعلى قولة ميثاق لو جلي الفطور اليوم ما منحكي بس الجلي من مبارح مكوم
ميثاق : اتركيها ستي تعمل شو مابدها بس حسابها عندي
ام مروان : اطلعي انشري يلا
طلعت وخايفة كتير من تهديدو وام محمد وام مروان طلعو لبرى وهو كمل لعند شمس وقف جنبها وغمزها وابتسمتلو
ميثاق : مطولة
شمس : الاكل معلق بالصحون
ميثاق : بس تخلصي جهزي القهوة
شمس: حاضر
ميثاق : بستناكي بغرفة اهلي
شمس : ماشي
حط ايديه بجيابو ورح للغرفة ينطرها
~~~~
ما سدءت خلصت رتبت كلشي انجلى وحطيت الركوة ع النار ونشفت ايديي من المي لانو حسيت انهن نشفو كتير
رحت لشوف ميثاق فتحت مترددة وارتحت بس شفتو متمدد على التخت
ميثاق : فوتي وسكري
قعدت بجنبو
شمس: شوفي
ميثاق : اشتقتلك شوفي يعني
شمس : حاطة القهوة ع النار
ميثاق : شبهن ايديكي
شمس : المي فيها برودة بس عادي
ميثاق : انا كيف بدي اسافر وامن عليكي هون
شمس : ليش بدك تسافر
ميثاق : يعني اد ما طولت بدي اسافر بالاخير
شمس : والله عادي اصلا ما اتعبت
ميثاق : مابزعل الشغل ما بموت حدا بس لفصول الناقصة ما بحبها
شمس : طيب خلينا نطلع القهوة ع النار
ميثاق: اسبقيني لشوف
اطلعت جهزت القهوة شفتو طالع لبرى ودغري الحقتو كانو ملتمين كلهن
ميثاق : تعي ضيفيني اول
مع انو قاعد بيناتهن بس ما اقدرت اطنش الطلب
ميثاق : لمين هاد
شمس : ل ستي
ميثاق : وهاد
شمس : لمرت عمي
ميثاق : وهاد
شمس : الك
ميثاق : وهاد
شمس : لعهد
ميثاق : وهاد
شمس : لمحمود
ميثاق : وانتي وين فنجانك
شمس : ما بحبها
ميثاق : بدي اعلمك عليها واصلا عهد مريضة من مبارح القهوة بتضرها
اخدلي فنجان والو فنجان والصدمة ستو كتير انبسطت بس عهد صارت متل البندورة وع شوي رح تتف*جر
ضيفت ستي ومرت عمي ومحمود وارجعت لجنبو
والا يعطيني اياه بايدو
ميثاق : تفضلي يا روحي
كتير خجلت منو
ام محمد: الله يحميلك اياها
ميثاق :امين
ما اقدرت اتطلع بحدا من الاحراج
ميثاق : شو عهد كيف صرتي طمنيني اخدك ع الدكتور
عهد بقهر : ليش مين حكى اني مريضة
ميثاق : مو هي حكت من شوي

ام محمد : الغيرة مرض ليش مالك خبر
ميثاق : هههه ومنك نتعلم يا ستي يلا ازا ماتت منتعشى صفيحة
محمود : ههههه يا عهد تأجيلها شوي بس ليخلص عرس عماد ومراد
عهد بعصبية : امي حاكي ولادك
ميثاق : يا ويلك ازا لسى بتعلي صوتك ع امي
محمود: هههه مبارح بتعرف بتحكيلا سكري تمك
ام مروان : بلا كزب محمود
محمود : والله بالحرف الواحد وعد تعي اشهدي
ميثاق : بلكي اسكر ص*مام قلبها اليوم
عهد : اهوو علينا
ولي شكلها بدها تعلق ما خلتو مرت عمي ودغري وقفت بوجهو
ام مروان : برضاي عليك اقعد
ميثاق : انا معي ممنوع تحكي بلهجة عصبية
عهد : تحكم بمرتك
ام محمد : اقصري الشر عيب عليكي
ميثاق : هلا لاقصر لسانها
بجية عمي ومبين هو الي مدللها لهيك صارت تبكي صدمتني صدمة عمري
ابو مروان : شوفي
ام محمد : بنتك عم تطاول ع اخوها لكبير
ابو مروان : ليش عم تبكي عهد
ميثاق : معها اوسكار تمثيل ازا لسى بسمعها تطاول ع حدا اكبر منها لاقبرك اياها بالناقص منها
فاتت لجوى كان الوضع متوتر كتير وصوتها طلع من جوى
عهد : صاير زلمة يروح يتمرجل ع مرتو
وطبشت باب الغرفة
ابو مروان : انت حاطت نقرك من نقرها
ميثاق : اي عناد فيها وهلا بتشوفو
ام مروان : يا ميثاق برضاي عليك خلص اقصر الشر
ميثاق : بس والله لتندم ع اخر كلمتين
محمود : هههه بردت قلبي اليوم
ام محمد : هات كفك
وفرطو ضحك هو وستو بس ميثاق كان معصب عنجد
~~~
كانت عم تشهق وتبكي ل تغريد
تغريد : خلص وليه حاجتك لو مطرحك جكارة فيه وبمرتو بعمل فنجان قهوة لحالي ومنيتو ع حالو هو وياها
عهد : مو مشان هيك ببكي
تغريد : لكن
عهد : راشد من يومين ما حكى معي ومقهورة كتير
تغريد : من شوي نزل من الاسطوح
عهد : ببعتلو ما بيستلم
تغريد : تعي لعندي ومنو بتشوفيه
عهد : لا انتو مو فاضيين
تغريد : لك يسطفلو هني بيجهزو انا بغرفتي يعني ميثاق معصب
عهد : يض*رب بشكلو
تغريد : ههه ما يسمعك بكرى بكون غدانا صفيحة
عهد : هههه انق*لعي وليه توتة ايمتى بدنا نقهر شمس
تغريد : هو سهران عندكن اليوم
عهد : ليش حدا بيحزر شوفي ببالو بس شكلو قاعد متل غيمة شباط عنا
تغريد : ههههه لا تحكي هيك بس اتخيلو معصب بفرط ضحك
عهد : تعي واليوم منجاكرها
تغريد : المشكلة هاد اخوكي معلم بالمجاكرة خوفي ما يطلعلنا معو
عهد : لا لا منزبط الوضع شو بدك انتي
تغريد : المهم انك روقتي
عهد : هههه اي كتير بتعرفي بدي اطلع اجاكر فيه وبمرتو
تغريد : الله وايدك
~~~
اتصال هاتفي لام محمد كانت بس عم تشهق وتنصدم واخر شي سكرت
ابو مروان : شوفي امي اخي عبد صايرلو شي
ام محمد : الله سترو في مسل*حين معترضين طريقهن وشلحوهن كلشي مصاري معهن
انصعق ميثاق ما توقع انو الدعوة دغري تستجاب
ابو مروان : لشو يطلع للشام هو التاني
ام محمد : مرتو بدها تشتري لبسة جديدة ع عرس الشباب
ودغري ترك المكان وطلع لبرى فرط ضحك ع يلي صاير واتصل بمروان لاول مرة بيتصل فيه
ميثاق : مروان وينك انت
مروان : بطريقي لبيت اهلي
ميثاق: لك لو تعرف شو صاير مع عمي عبد
حكالو وهداك فرط ضحك
مروان : دعوتك دغري استجابت
ميثاق:والله دعيت بدون قصد
مروان : ههههه واستجابت دغري يلا بيستاهل عمك
ميثاق : تعال شوف ستي صفرنت من الخوف
ومحمود مصدوم كيف شمتان اخوه بعمو
سكر مع مروان وحاول يخفي ضحكتو
محمود : هيك بتحبك وشمتان بعمك
ميثاق : مو شماتة بس مصدوم
محمود : انت مو مصدوم انت فرطان ضحك والله ازا بتشوفك ستي لتصير من قائمة المغضوب عليهم
ميثاق : ههه روح روح راقبلي الجو خليني اضحك على كيفي
كان يضحك غصب عنو مو مسدء الي صاير مع عمو
ميثاق : مروان نسخة من ماما بيعرف عمي لشو بدو المصاري
والصدمة يرجع عبد واكل بوكس ع عينو وميثاق مو عارف يزعل ولا يضحك عليه بقي طول اليوم كاتم ضحكتو ومروان يهددو بدو يخبر ستو عليه.
~~~~
المسا اتحولت سهرة شباب العيلة لبيت حمايي مع انو كنا بدنا نرجع للبيت بس وقت اجو ما اقدرنا نرجع طبعا تغريد جاية لعند عهد وصوت الشباب لبرى بالمضافة وهني اتخبن بغرفة مرت عمي وانا ووعد عند الشاشة منتفرج على فيلم هندي شوي واجى محمود
محمود : خلي عهد تجهز الشاي
شمس : انا بجهزو
محمود : ماشي
كانت حماتي ترتب البراد وتطالع منو اكل للكب
ام مروان : حليه للشاي
شمس : حاضر مرت عمي
ام مروان : وجهزي بوشار كمان
شمس : حاضر
والا يجي ميثاق وانبسطت وقت ابتسملي
ميثاق : وين عيوش
ام مروان : ميثاق الله يسترك استرني معها
ميثاق : هي قد عيوش عيون زرق وبياض
فرطت ضحك مرت عمي
ميثاق : عنجد وينها
ام مروان : هي وتغريد بغرفتي شو بدك منها