القسم الأول~
شمس الغرام♪
{بقلمي مايا الحجازي}
-: حاجتك تطلعي فيها البنت لاحظت
-: كتير حلوة بنت مين هي
-: هلا بسألك بس ليش
ـ: بدي افرح بأخوكي وهالمرة غص*ب عنو رح احطو تحت الامر الواقع
-: انتي كتير مشكلجية وبتعرفيه عقلو صعب
-: قلتلك غص*ب عنو هلا بس نرجع اتصلي فيه لمحيلو انو بدي افرح فيه اعرفيلي لمين هالبنت
-: لروح اسألك عليها بس كاني شايفها
-: ان شاء الله تكون من عنا من هون
-: يلا رايحة
••••••
-: والله ما حلوة الحفلة
-: ولا حتى العروس
-: لك مو هي رفيقتك ع اساس
-: ع اساس واصلا لو ما رح تتفسر اني غي*رانة منها كنت ما حضرت من الاساس
-: يوه شو صرلك
- مابعرف خالتي حلوة الحفلة
-: هههه ولا حتى العريس شفتو كرشو
-: ههههه اي وكانو مو عاجبها
-: اي امبلا حكو اخواتها البنات اقنعوها فيه
-: هههه بس كتير اسمراني
-: كتير على نفسيتها المحم*ضة
-: اكر*ه مخلوق ع الوجود
-: هههه خلص ولو خلينا نجهز ابريق شاي ونحش على كل الموجودين
-: يلا
~
بعد مرور اسبوع على حفل خطوبة بثينة
كانت الدنيا صيفية وسهرانين برى خالتي واخواتي البنات ونسوان عمامي شفنا مراة اربعينة ومعها ختيارة وجايين لعنا واستغربنا لانهن غريبات عننا سلموا على كل الموجودين ولساتنا بحالة سؤال شو جايين يعملو عنا
ام مروان : السلام عليكم
الموجودين : وعليكم السلام
قعدنا كلنا والكل شبه فهم انهن خطابين لوحدة مننا يا الي يا لاختي نور وخالتي حسيتها انبسطت كتير
خالتي : يا مية اهلا وسهلا
ام محمد : اهلين فيكي كيفكن طمنونا عنكن وكيف الشباب
خالتي : مناح الحمد الله انتو طمنونا عنكم
دفشت نور
شمس : مين هدول
نور : والله مابعرف بس الهيئة من عنا
شمس : اول مرة بشوفهن
نور : يا ترى شو سبب لزيارة
شمس : خطابين الك
نور : بلا جنا*ن يمكن زيارة عادية الظاهر بيعرفونا
رؤى : عيب تتهامسن
شمس : رؤى مين هدول
رؤى : انا بعرف ام مروان واكيد هي حماتها والله العليم جايين خطابين لوحدة منكن قومو جهزو لضيافة
قلعتنا تقليع
بس ما توقعت الي لانو نور اكبر مني
بلشنا بتجهيز القهوة ولضيافة
~~~
وبرى كانو مفاتحين اهل شمس بالموضوع
ام مروان : نحن جايين نطلب ايد بنتكن شمس لابني ميثاق
ام خالد : شمس لصغيرة
ام محمد : اي لصغيرة
ام خالد : والله مابعرف شو احكيلكن
ام مروان : نحن شفناها بحفل ابن سلفي مراد وعجبتنا
ام محمد : وازا بدكن اسالوا عننا وعن ميثاق
ام مروان : هو مسافر وفي حال رديتو خبر ووافقتو دغري رح يحجز وينزل للبلد
ام محمد : بلشنا نعمرلو بيت بالبلد واقل من سنه بكون جاهز بس تنوجد المصاري كلو بيكون سهل
ام خالد : الشور شور ابوها وانتو بتعرفو اختي الله يرحمها توفت وانا ربيت البنات بس الكلمة الاولى والاخيرة لابوها
ام مروان : تشاورو وردولنا خبر
بجية البنات ضيفن القهوة ولعيون على شمس الي كانت لابسة لبس عادي بلوزة طويلة وبنطلون جينز ومع هيك كتير حلوة وملفتة
وباقي السهرة انقضت على مديح بميثاق واخلاقو وشغلو وشو معو مصاري وهالمديح من قبل ستو ام ابوه
~~~~
وقدام الفرن والعرق عم يتصبب من انحاء جسمو لدرجة بلوزتو مبلولة وعم يصّير الفطاير والمعجنات داخل المطعم المشهور بإحدى الدول الخلي*جية
علي : ميثاق موبايلك ما هدي
ميثاق : اوف ناقصني بس موبايلي
علي : يلا هات عنك روح شوف مبين اهلك عم يتصلو فيك
ميثاق : مابحب حدا يكمل عني روح سكر الموبايل
علي : بلكي حدا من اهلك صايرلو شي
ميثاق : من شوي شفت اخبار البلد ع الفيس بوك ما قرات نعوة لشي حدا
علي : ما اكزبك عم تتبارد والله لو ستك بصيبها شي ليجن جنو*نك
ميثاق : خلص بقى عم تعطلني ازا احترقت الوجبه لافرجيك الويل
تركو علي وراح للقسم المختص فيه بعد ما سكر موبايل ميثاق
~~~~
بعد ما سكرنا باب البيت اتنفست خالتي براحة
شمس : شو القصة خالتي
خالتي : عاريس الك
شمس : الي
نور : مين قدك وليه
شمس : ليش الي نور اكبر مني
خالتي : والله مابعرف بس الظاهر شايفينك بحفلة بثينة ومعجبين فيكي الك
شمس : ورح توافقو
خالتي : رح اتصل بابوكي واخبرو ومنشوف شو رح يقرر
نور : انتي شمس بدك
شمس : مابعرف
نور : شو مابتعرفي حابة تتزوجي او لا
شمس : بس انا ما بعرفو
خالتي : اسمو ميثاق ومسافر وعم يعمر بيت بالبلد وحالتهن فوق الريح
نور : وبلكي ما*حلو
شمس : اي امبلا
خالتي : مابعرف حتى انا مابعرف شكلو ولا حتى سامعة فيه
شمس : بس انا لازم اشوفو
نور : يعني في قبول
شمس : مابعرف
نور : واخيرا رح نخلص منك

فتنا لنام بغرفتنا ترركنا خالتي عم تحكي مع بابا وتخبرو
~~~~
وبالسيارة لحالو كان مريح وحاسس ظهرو متجمد من وقفة نص لنهار قدام الفرن طالع موبايلو من جيبتو وفتحو وشغل سيكارة واتصل بأهلو وبعد انتظار ردت اختو
عهد : واخيرا يا ابو نفسية محم*ضة
ميثاق : الله يل*عنك من بين الاخوات
عهد : ههههه لك وينك انا قلت صار في ذمة الله
ميثاق : لك عم تفاولي عليي هاتي ماما لشوف
عهد : خدي هاد حبيب قلبك
ام مروان : الو كيفك ابني
ميثاق : يا عمري انتي زمان عن صوتك رضاكي يا امي
ام مروان : الله يرضى عليك يارب احزر شو محضرتلك مفاجأة
ببرود : شو
ام مروان : اليوم طلبتلك عروس
ميثاق : هههههه ان شاء الله اخدتي حماتك معك وبلشت تشرحلهن معو وعندو ومعبى مصاري ترى ازا انخ*طفت خطيتي برقبتها
ام مروان : هلا غشيم عن ستك مدحت فيك لتقول حاج
ميثاق بضحكة : واكيد خبرتهن بلش يعمر بيت بالبلد
ام مروان : شو عرفك
ميثاق : اخ منها بس مين العروس
ام مروان : بنت ابو عمر
ميثاق : مين هدول من عنا
ام مروان : اي جيران بيت خالتك تخيل اول مرة بعرف انو عندهن بنات بيجننو
ميثاق : يعني كم وحدة خطبتيلي
ام مروان : عم تتمسخر مو
ميثاق : مو مو ماما مو وقت لجواز عندي إقامة
ام مروان : ليك ميثاق لساتني مسايرك مسايرة اول ما يحكو موافقين دغري بتحجز وبتنزل
ميثاق : شه يوافقو بلا ما يشوفوني
ام مروان : تقبر قلبي ازا شافتك العروس لتجن فيك
ميثاق : لا دخيلك شو تجن شو عمر العروس
ام مروان : فايتة بال١٧
ميثاق : ايمتى يعني عيد ميلادها
ام مروان : عم تتمسخر
ميثاق : شو ١٧ امي انا قلتلك بدي اياها ٢٥- ٢٦ ما بيخالف بس ١٧ انا بدي اربيها يعني
ام مروان : يوه ليش صغيرة يعني
ميثاق : امي صرت بعمر ٣٣ ومو لازمني بنت صغيرة لهيك الغي المش*روع
ام مروان : يمين عظيم ازا ما بتحجز وبتنزل لا
ميثاق : خلص خلص روقي لا تع*صبي مو قلتي ليوافقو الجماعة خلص ليوافقو منحكي
ام مروان : اي ماشي يعني بتيجي
ميثاق : ههههه اي اي دغري ع اول ص*ار..و*خ قصدي طي*ارة
ام مروان : الله يفرحني فيك يارب ناطرة رد الجواب ع احر من الجمر
ميثاق : يعني ما طلبو يشوفوني
ام مروان : والله مابعرف ع كلا عنا الك صور كتير
ميثاق : هاتي عهد لشوف
عهد : اي ميثاق
ميثاق : ليكي ازا طلبو صورة بتحاكيني اي بتصور تازة وببعتلك
عهد : ههههه اي اخي غيرو
ميثاق : شو اسم العروس
عهد : شمس
ميثاق : هي الي بتاخد سن الحمار وبتعطينا سن الغزال
عهد : هههه حاجتك مسخرة
ميثاق : عنجد عمرها ١٧
عهد : وبتجنن كمان
ميثاق : الله يسترنا يلا انا راجع للسكن منرجع نحكي
عهد : اوكي سلام
ميثاق: الله معي
تنفس براحة وشغل ورجع للسكن دغري
~~~~
تاني يوم وقبل يبلش دوامو بالمطعم اتصل ب حسام رفيقو الي بالبلد وما سدء ايمتى انفتح الخط
ميثاق : كيفك حسام
حسام : مية وردة عاش مين سمع صوتك
ميثاق : ليك قاصد الله وقاصدك
حسام : ابشر لعيونك
ميثاق : امي شايفيتلي عروس من عنا من البلد بنت ابو عمر اعرفتهم
حسام : بسألك عن الجماعة
ميثاق : لا يا حبيبي مابدي تسال عن حدا بس الي بدي اياه منك تشو*ه سمعتي قدام اهلها
حسام : هههه شو بتحكي يا زلمة سمعتكن طيبة انتو
ميثاق : افهمني حسام بتحكي قدام قرايبها الشباب الشب سك*رجي مصاحب نسوان بخيل وبش*ع سمين واسمر وناتع كرش وسنانو فرق كل سن بديرة
ليفوت حسام بموجة ضحك هستيرية
ميثاق : خلصت ضحك
حسام : ههه ميثاق لشو هيك بدك احكي عنك
ميثاق : مابدي اتجوز وامي ما عم ترد عليي ازا حكيت قدام الجماعة هيك رح تنقذني من رجعتي للبلد
حسام : لك بلكي عجبتك العروس
ميثاق : لاقتنع اتزوج بعدها بخليك تجمل صورتي شو افهمت حسام
حسام : مين الجماعة من بيت مين
ميثاق : بفهملك من اهلي وببعتلك كل التفاصيل شو افهمت
حسام : طويل حليوة مؤدب بيصلي ما بيقطع فرض وصاحب مسؤولية وشخص*ية
ميثاق : بربك حسام انا قاصدك بخدمة مو بمصيبة
حسام : هههه ابعتلي التفاصيل لابعتلك الرد ع السريع
ميثاق : ماشي واحكيلهن بيتعشى كتير وكرشو كبير
حسام : هههههه واصلع
ميثاق : واصلع ولا يهمك وكمان بيفصل لتياب تفصيل
فصل حسام وهو غرقان بضحكتو عكس ميثاق الي ناطر تتفركش لجوازة على نار
~~~
كنت راجعة انا ونور من الجامع لانو عم ناخد دروس تحفيظ قرآن
نور : شو شمس كأنو بابا طول ليرد خبر
شمس : عم يسأل عن الشب
نور : بس اهلو مدحوه
شمس : اهلو انتي قلتيها ...نور بلكي بش*ع والو كر*ش متل مراد
نور : هههه لك منيح المهم معبي مصاري
شمس : بلا شو والله خايفة لانو ابن عمو مراد بش*ع كتير

نور : هههه خطيب بثينة هاد رفيقتك
شمس : بك*رهها وب*كره رفقتها امانة يا نور لازم اشوفو قبل اهلي يوافقو
نور : اليوم لازم يتصل بابا ونعرف شو عرف عن الشب
شمس : لعلو خير يارب
كملنا للبيت كانت خالتي عم تشطف الظاهر جمعة سلايفها عنا اليوم
جهزنا ابريق الشاي والتمينا كلنا برى على لبرودة والجو الحلو
~~~
وببيت ام مروان كان عندها اخواتها البنات وبسيرة زواج ميثاق
ام مروان : طولو الجماعة
عهد : عم يتدللو
ام احمد : بلكي سألو عنو
ام مروان : اي ويحكو ما وافقو ازا مابدهن بس انا حبيتها لهالبنت
عهد : اي بتنحب هي بس مابعرف بلكي حدا ش*وه سمعتو قدام اهلها
ام احمد : ما بظن ميثاق الكل بيعرفو
عهد : لا مو الكل اخر زيارة كانت من سنتين وبالزور لبقي اسبوعين وما سدء ايمتى اجى ياسر اخدو للمطار
ام مروان : بدي اجوزو غصب عنو ومارح يمشي كلمتو عليي
عهد : هههه بس حلوة هالشمس
~~~
وصلنا كتير حكي عن العريس بس بابا سأل عن اهلو او بالأحرى بيعرف الجماعة كنت ساكتة وعم اتفرج متلي متل نور كأني ما الي علاقة وهلا استعمنا لكلام خالتي مع بابا
خالتي : شو عليه والله الجماعة من خيرة اهل البلد شمس طالبة تشوفو شخصي
اتطلعت انا ونور ببعض وابتسمنا
خالتي : يعني نحكيلهن اهلا وسهلا....متل مابدك...خود شمس
اخجلت كتير بس رديت عليه
شمس : اهلين بابا
ابو عمر : اهلين فيكي حبيبتي شو مشان الخطبة موافقة انتي
شمس : الي بدك اياه انت سألت عنهن
ابو عمر : ابو مروان معروف بالبلد وولادو اكيد متلو شرو*اه بالخير انا بدي اعرف انتي موافقة
شمس : الي بتشوفو
ابو عمر : انا عندي اياكن بالدنيا وراحتكن وسعادتكن اهم شي
شمس : طيب خليني اشوفو بلكي ما ارتحتلو واكيد ازا عجبني بوافق
ابو عمر: اكيد حقك هاد
اخدت مني خالتي الموبايل
خالتي : اتصل بالجماعة يعني ....طيب متل مابدك تصبح على خير
وقلبي زادت دقاتو كنت خايفة او مابعرف شو حاسة لانو مو مفكرة بالزواج ابدا و قصة حبي السرية الي مادري فيها الي حبيتو لساتها معلمة بقلبي
يا ترى انا قد الزواج لساتني تحت ١٨ معقول اتوفق بزواجي ولا لا او يمكن ما انسى محمد ابدا طول عمري
~~~~
باتصال هاتفي كانت عهد حطة ادنها بجنب ادن امها ومبتسمة
ام خالد : بتشرفونا بزيارة
ام مروان : اكيد منتشرف بس هلا ابني مسافر وايمتى ما اجى رح نزوركن مشان يشوفو بعض
ام خالد : حقهن يشوفو بعض
ام مروان : الله يجعل التمام على خير
فصلت الخط ومبسوطة كتير
ام مروان : اتصليلي بميثاق بسرعة
اتصلت فيه ولاول مرة بيرد دغري
ام مروان : ميثاق كيفك حبيبي
ميثاق : اهلين يا عمري رضاكي يا امي
ام مروان : الله يرضى عليك يارب هلا اتصلو فيني الجماعة
طبعاً مأمن مارح يوافقو
ميثاق : اي شو خبروكن خبريني ما بزعل
ام مروان : بيتشرفوا فينا بس طالبين يشوفوك شخصي
ميثاق : شو يعني شخصي
ام مروان : يعني نزورهن
ميثاق : بتمزحي يعني مابدهن صورة
ام مروان : والله هيك حكو شخصي يعني يشوفوك شخصي
عهد : يعني بشحمك لحمك
ميثاق : وشو المطلوب مني
عهد : ترجع بس وتجيب كل تيابك لانو بدنا نفرح فيك
ميثاق : امي شو القصة ما افهمت
ام مروان : بتيجي ومجهز حالك للزواج مارح يرفضو الجماعة مبروك حبيبي
ميثاق : وانا مو من حقي تعجبني
ام مروان : رح تعجبك لا تخاف
ميثاق : اي
ام مروان : شو اي ايمتى رح تحجز
ميثاق : احكي مع بابا انا ما دخلني هو بيعرف طبيعة شغلي هون
ام مروان : اوه طمنتني ازا هيك
سكرت معو وفتحت خط مع ابوه
ام مروان : كيفك ابو مروان
ابو مروان : الحمد الله شو صار
ام مروان : ابنك بدو يتحجج وما لقى الا انت
ابو مروان : خلص نحن بأول الشهر منكون بالبلد
والفرحة غمرت قلبها
~~~
ماحددو يوم للزيارة ليرجع العريس هيك حكو طبعا موجة اعراس للاقارب والجيران والرفقات وكنا نشارك الكل وكان خوفي يزيد كل ما اشوف عريس ما حلو واسمع البنات كيف يتمسخرو ع العريس وشكلوا ويصير حكاية واضحوكه كمان ونادراً ما يكون العريس حلو ليلتها شغلت البفلة وحطيت ع اغنية الاماكن حابة اتخيل شكلو للعريس ومن الوصف انو عملاق ودب واسمر وسنانو فرق كل سن بديرة هيك حسام حكى لاخي عمر وعلى شوي بدي ابكي اتخيلت يصير اضحوكة للبنات بالحارة واصلا مارح اوافق ع جثتي اتجوز شب ما حلو اتزكر وصف ستو انو رح يعمر بيت مستقل بالبلد ورح يكون بيت فخم وبيجنن وانو العريس واهلو معهن مصاري وسيارات ومن هالحكي بس انا كل همي بس شكلو والباقي بيتعوض
~~~~
بالسوق كل ما يمسك علي قميص ياخدو ميثاق ويتمايزو وما اختار تياب حيلا كلو ماركات وزوقو بالتياب بيجنن طلعو من السوق ومعهن كومة تياب جديدة جاهزة ليصيرو بالشنتة شغل السيارة ميثاق عازم علي على العشى

علي : اي طمني أقنعت الحجي
ميثاق : هلا بقنعوا
علي : رح تتجوز
ميثاق : رح احط فيها مية عيب
علي : بس حسب خبرتي مشتري تياب للعرس
ميثاق : لا يا زلمة هلا موجه اعراس بالبلد مشان أشخص ولا بدك ميثاق يكون حيلا
علي : خوفي تتجوز
ميثاق : مارح اتجوز طمنلي بالك
علي : لك والله بدي افرح فيك حاجتك عزابي
ميثاق : شو رأيك بعشى من تحت ايديي
علي : بدك الصراحة العرض مغري كنت خايف تعزمي ع وجبة سريعة
ميثاق : لعيونك احلى عشى يخدم شواربك ليك بابا بالسكن مو تخبرو ما ناوي ع الزواج اوعك علي
علي : لا لا شو بدي فيك تسطفل انت التهي بالمطبخ وانا بلتهي ع موبايلي وابوك مارح احكي معو
ميثاق : يا عيني عليك
وصلو للسكن سلم علي على ابو مروان وميثاق رمى لتياب ع شنته السفر الجديدة وفات اخد دوش وبوجهو للمطبخ ليبلش بطبخ العشى
وعلي اتسلى بموبايلو وابو مروان كان متابع ع الشاشة مسلسل
~~~~
بالمطبخ كان مجهز منسف رز وعليه قطع لحمة بس بالو بالسفر واهم شي ما يرجع مع ابوه للبلد وهني يتعشو كان علي مستمتع جدآ بمذاق الاكل لانو خبرة ميثاق لدرجة كبيرة وابوه زود بالاكل ع غير العادة بس هو لانو بيطبخ ما اكل كتير.
ميثاق : حجزت
ابو مروان : هلا بحجز
ميثاق : اسبقني انت بلحقك بعد اسبوع
ابو مروان : شو الو داعي التأجيل
ميثاق : مارح اهرب لا تخافوا...بس كمان مو مجهز حالي كتير
ابو مروان : لا تحكيلي بدك تجيب هدايا
ميثاق : اقل منها يعني صرلي سنتين مو نازل للبلد بدك ارجع فاضي
ابو مروان : طيب انا بحجزلك
ميثاق : ما مشكلة
بقلبو : المهم ما نرجع سوى هالاسبوع بخلص اموري
اطمن كتير مو شوي
~~~~
كل البلد دريت انو وصل ابو مروان عمي المستقبلي وحكو انو ميثاق وراه دغري حاجز واصرت خالتي تشتريلي تياب جديدة ماحدا شافني فيهن مشان وقت يزورونا رحت انا ونور وخالتي كانت صاحبة المحل منزلة تشكيلة جديدة فساتين وقمصان وجينزات
خالتي : شو رأيك شمس تاخديلك هاد
شمس : لا خالتي بدي اللبس بنطلون وقميص لحتى يعرف اني بلبس ع راحتي
خالتي : ما حلوة الفستان احلى ويكون مستر
شمس : مابدي
نور : اتركيها ع راحتها مشان بس تضيف القهوة ما تتفركش
وفرطت ضحك
شمس : لكككك مين حكالك بعرف اساوي القهوة
خالتي : ههه نور بتجهزها يلا اختاري ع زوقك الله يرحمها امك ع هالخلفة
ما رديت اتفتلت كتير بالمحل واخر شي اخترت قميص بلون الكرز بيجنن وبنطلون اسود وطبقت شالة مناسبة للقميص اشتريت مكياج وارجعنا للبست ونحن نتشاور
شمس : يعني قربت زيارتهم
نور : اصلا طولو
شمس : اوووف والله متوترة
خالتي : بكرى رح تصير ذكريات هالايام
شمس : بدك تخلصي مننا صح يا مرت ابي
خالتي : ههه وبدي اهديكي هدية ع زوقي بس اخلص منك
نور : انا معترضة
خالتي : انتي ما بستغني عنك شايلة كتف عني
نور : لا بالله توفقنا
ارجعنا للبيت وحسيت حالي عم اودع بيت اهلي عنجد هالايام بتشبه ايام الرحيل
~~~~
بالمطار معو شناتي السفر والسبب الهدايا لكتيرة غمرو علي بوداع
علي : تروح وترجع بالسلامة
ميثاق : الله يسلمك...ما ناوي تنزل مشان نصيع سوى
علي : في حال وافقت تتزوج دغري بحجز
ميثاق : ههه استنى لكن
جر الشناتي وفات للمطار ساعات السفر مو بس طويلة خدرتو هي السفرة المية بحياتو والسبب انو اغترب عن اهلو وبلدو بعمر ال ١٥ سنة واليوم هو محظوظ لانو طلع من البلد بضل الازمات الي عم تتعرضلها البلد وهلا صار ب مطار دمشق الدولي خلص اجراءات المطار وكانت سيارة تكسي ناطرتو سلم عليه ياسر بحرارة
ياسر: الحمد لله على سلامتك ابن عمتي
ميثاق : الله يسلمك يارب
ياسر : طولان يا زلمة ع حد علمي وقف النمو عندك
ميثاق : ههه انت القصران
ياسر : لمه الاهل عندكن كرمالك
اخد نفس طويل هو مو متوقع الاستقبال ابدا
حط الشناتي بالسيارة وبطريقهن للبيت ساعة ونص كانت التكسي مصفوطة قدام البيت
ميثاق : احاسبك
ياسر : مو بيناتنا يا زلمة
ميثاق : ولا لووو حقك يا زلمة بس ماعندي فكرة اديش الاجرة من المطار لهون
طبعا الكل واقفين برى نسوان وولاد واخواتو لينزل الافندي
ياسر : مليون
ميثاق : فوت لكن منحاسب جوى
واول ما نزل عليت صوت الزغاريد خجل كتير وعهد الا ترش عليه ورد ورز دغري قرب من امو وغمرها مصدوم من كمية الناس الي رح يسلم عليها سلم ع اخواتو ع الماشي مشان لا يبوس حدا وخالتو دبقتو الا بدها تبوسو
ميثاق : اجليها خالتي
خلتو ينزل ع مستواها وباستو
ام احمد : مخبيهن لخطيبتك يعني
ميثاق ؛...
ما استرجى يمسحهن بالقميص
ميثاق : لشو هالتجمع والله مافي داعي فوت ياسر
فاتو كلهن للمضافة بس هو فات دغري للحمام يغسل كانت عهد واقفة تتفرج عليه

ميثاق : شوفي
عهد : لعمى كانك مبارح سافرت
ميثاق : موو متغير
عهد : لك ما اعرفتك مو متل الصور بقصد سلامك بارد
ميثاق : انتو بتحبو لدراما
عهد : ع كلا في مفاجأة الساعة سته المسا
ميثاق وهو عم يمسح وجهو بمناديل
ميثاق : شوفي عهد الساعة سته
عهد : اخدنا موعد من الجماعة
ميثاق بصدمة : اليوم
عهد : ماما اصرت من المطار لبيت العروس بس بابا حكى لا خليه يرتاح شوي
ميثاق : قسمابالله متل النّور
عهد : ههههه ء، مو
ميثاق : والله لاعمللها فلم لامك
عهد : روح حاسب ياسر قبل ينجلط
ميثاق : ...
ماعجبو ابدا كل هالشي
~~~

كنت متوترة كتير وخايفة بنفس الوقت عم تجهزني نور لاستقبال العريس وليييي مو متخيلة شكلو ابدا وخايفة يكون بشع عنجد متل الوصف وكلو كوم ويكون الو كرش كوم تاني ما بنسى ضحكات النسوان ع شكل مراد خطيب بثينة
نور : خايفة شمس
شمس : كتير
نور : لك انا متحمسة بدي اشوفو
شمس : لك قلبي عم يرجف يا نور بلكي ما عجبني رح احكي لاهلي ما عجبني
نور : طيب بلكي عجبك
شمس : مو متخيلة يعجبني ومابعرف ليش قلبي قابضني من كل هالخطبة
نور : بلا جنان اصلا رح ينقهرو كلهن حكو معبي مصاري الافندي
شمس : ...
وكملت لبس وتجهيز
~~~~
بغرفة امو خبط باب لخزانة خبط
ام مروان : شبك
ميثاق : ليش اليوم فهميني
ام مروان : مو لازم تشوفو بعض
ميثاق : بس مو اليوم راسي رح يتف*جر من ضغط الطيارة على الاقل خبريني ما انتي بتعرفي كيف بتعب بالسفر
ام مروان : والله من فرحتي فيك بعدين من شهر حكينا بالبنت عيب
ميثاق : شو رح يحكو الناس ما صدق خطب
ام مروان : ما يحكو شو بدنا بالناس البنت بتطير العقل
ميثاق : متل الّنور بدها تاخدني دغري لبيتهن
ام مروان : يلا روح اتحمم واللبس بتكون جهزت عهد
ميثاق : الله ربي
طلعت وفرطت من الضحك ع عصبيتو
عهد : شو
ام مروان : اللبسي بيكون اتحمم وجهز حالو
وشكلو فرار بس سمعو صوت فتح باب الغرفة كان حامل المنشفة وحاكي لقرود السود ولا يحاكوه
~~~~
اول ما طلع مشخص من الغرفة ط*ار عقلها فيه امو
ميثاق : وين مفتاح السيارة
ابو مروان : محمود جيب مفتاح السيارة
طبعا عهد وام مروان سبقنو لبرى وابتسم لاختو لصغيرة
ميثاق : مابدك تروحي معنا
وعد : لا اخي ماما حكت عيب
ميثاق : والله بتعرف بالعيب
ابو مروان : ههههه يلا توكل على الله
لبس النظارات وطلع ولعيون كلها مراقبيتو طلعو لتلات بالسيارة و محمود فتح بوابة البيت
ميثاق : بعيد البيت
ام مروان : لا بعد بيت ابو عابدين
ميثاق :...
شغل اغاني وطلعو من الحارة وعلى كركرة وضحك عهد وام مروان
~~~~
قلبي وقع بس شفت السيارة متوجهة لناح بيتنا
نور : شمس وصلو
شمس : وليييي
نور : يلا وليه
رؤى : تعي شمس استقبلي معنا
شمس : لا اختي بجيب القهوة
رؤى : لا بدك تستقبلي معنا احسن
الحقتها والتوتر باخر مراحلو طبعا خالتي واقفة عند الباب وانا ورؤى جنب بعض فاتت بالاول ام مروان وبعدها عهد وبعدها صار عتم لانو غطى الباب بطولو اطلعت فيه غصب عني كان مبتسم مجاملة وحاطت النظارات بقميصو البيج شلح بوطو برى وفتنا كلنا للمضافة وقلبي لسى عم ينبض بتوتر وخوف قعدنا كلنا بالمضافة راقبتو وهو عم يتمايز كل ارجاء المكان
ام مروان : كيفكن طمنونا عنكن
خالتي : الحمد الله انتو كيفكن
ام مروان : الحمد لله
خالتي : الحمد الله ع سلامتو
ام مروان : الله يسلمك يارب كيفها شمس
شمس : الحمد الله خالتي
عهد : شو هي خالتك رح تصير مرت عمك
وفجاة اتطلعو ببعض لتلات
~~~
ودغري اتطلع ب شمس كانت مختلفة تماماً ما اتخيلها ابدا تكون هيك صغيرة وحلوة وشمس كانت تطلع فيه وما خجلت منو ابدا
بقلبو : ماحدا وصفها حكو حلوة بس ما حكو بتطير العقل.... والظاهر انها جريئة شو هالنظرة يا شمس معقول ما اعجبت فيني ولا نظرات اعجاب او يمكن مو مصدقة هيك شكلي حسب ما افهمت حسام وصللهن الوصف بس الجماعة مصرين يخلصو من شمس يمكنها مشك*لجية
وكتم ضحكتو اتحولت لابتسامة
حكو بكلشي الا بالخطبة او الموافقة كلو حكي عادي طلعت شمس من المضافة وثواني رجعت وحاملة القهوة لهيك أتأكد مو من تحضيرها اخد الفنجان واتمايزها منيح عن قريب لهيك ابتسم
وكانو معيرين ع الساعة اعتذرو دغري
ام مروان : يلا نحن بتسمحولنا
ام خالد : والله بكير
ام مروان : بتعرفو انتو اليوم اجى وتعبان من السفر
ام خالد : الحمد لله على سلامتو مرة تانية
ميثاق : الله يسلمك يارب
ام مروان : يلا بخاطرك يا شمس
شمس : الله معكن
لبس بوطو ودغري طلع بالسيارة وطلع من الحارة

ام مروان : شو ميثاق
ميثاق : شو ماما انتي قوليلي
عهد : حلوة
ميثاق : اي ماشي حالها
عهد : يا ابو نفسية محمضة
ام مروان : شو نرد خبر للجماعة
ميثاق : امي هني المفروض يردو الخبر مو نحن ناطرين موافقتهن
ام مروان : بس ما حكينا هيك
ميثاق : اسمعيني ممنوع تتصلي هني بيتصلو يا بيحكو في نصيب يا اما لا
عهد : اي اي ماما سايريه
ميثاق : لكن متل اله*مج جبتوني من السفر لبيت الجماعة والله لو بحياتي مو شايف النسوان ما بتعملو فيني هيك
فرطو ضحك عليه بس هو ما عاجبو حط علكة بتمو ليتسلى
~~~
كنت مبتسمة غص*ب عني
خالتي : شو عجبك
نور : يخرب بيتو على هالطول
رؤى : بينا قدامو اقزام
خالتي : شو يا شمس بدي اتصل بالجماعة
شمس : مابعرف حكو بخيل
خالتي : وحكو اص*لع وقصير واسمر وطلع عكس هيك
رؤى : الظاهر الو معجبات وعم يخربن
خالتي : ما بتوقع الزلمة كل حياتو بالغربة
نور : يلا شمس وافقي خليني نفرح ونرقص
شمس: بكرى منرد خبر
رؤى: يعني بدك اياها
شمس: اي
وبلشت اتلقى الغمرات والمباركات

القسم الثاني
شمس الغرام ♪
{بقلمي مايا الحجازي}
كان عنجد منطفي هلا الدنيا بلشت تعتم ولانو البيت مو كبير كتير رح ينام بالمضافة لبس بيجامة وراح اتمدد على فرشة ارضية ولسى ما اتهنى ابدا فتح الباب محمود ودخل لعندو
محمود : بدك تنام
ميثاق : منطفي من تعبي
محمود : لكن بلا ما ازعجك
ميثاق : عندك سهرة
محمود : لا عادي منروح نسهر عند حمودة
ميثاق : ماشي
غمض عيونو وكتير هلكان
وبرى ام مروان وعهد وام احمد وستو ام ابوه واختها الي اصغر منها بشوي أهل ميثاق اجتماعيين كتير قاعدات بجنب الليمونة على كراسي وكتير فرحانة ام مروان
ام احمد : شو اختي عجبتو لعروس
ام مروان : منقول ان شاء الله
ستو ام محمد: بتعجبو بس لانو تعبان يعليي عليه ما ارتاح
ام مروان : المهم شافها وشافتو
ام رضوة اخت ستو : يلا لكن رح نفرح بميثاق من هون لاخر الشهر
ام محمد : الله يسمع منك شو مشان مروان يا ام مروان بدو يضل محارب اخوه
ام مروان : لا لا رح اصالحهن خلص
ام رضوة : اي مو حلوة ما يحضر فرح اخوه
ام محمد : والله لازم اجى سلم ع اخوه
عهد : كان بدو يجي بس عطلانة سيارتو
ام محمد : هي مو حجة على كلا الله يفرحك بصلحتهن مو بس بعرس ميثاق
ام احمد : شو اختي البيت صغير وين بدك تجوزي ميثاق
ام مروان : ببيت مروان على كلا بلشنا نعمرلو بيت يعني سنة سنة ونص بالكتير بيكون بيتو جاهز
ام رضوة : الله يقدركن يارب وجاهزين لكلشي
ام مروان : ان شاء الله جاهزين
مرتاحة كتير ام مروان بالاخص وقت تتأكد انو ميثاق اجى وشاف العروس ورح يوافقو اكيد
~~~
كأنو جثة هامدة غاطط بنوم عميق رجع محمود من سهرتو واتفاجئ انو ميثاق لساه نايم حاول يفتح الايفون وعالفاضي لهيك جاب حرام وارتمى ع فرشة تانية وغمض عيونو
محمود : يلا هلا الدور عندي بس ليتجوز ميثاق افندي يا ترى رح يصالح مروان والله ما بظن واتزكر شو صار بين الاخوة وبوقتها ميثاق سحب سلاح ع اخوه والله ستر من جريمة قتل
~~~
الصبح كنت نشيطة وبنفس الوقت متفائلة لانو طلع ميثاق حليوة فوق الوصف بس ليش وصلني شعور انو شايف حالو شوفة وازا سيارة بتجنن وهو شخصية بس يا حرام ما اتحمل اجى وراسا ليشوفني اكيد عم يفكر فيني كل الوقت
~~~
وعند ميثاق فاتت ام مروان وشافت لتنين نايمين وتأففت منهن والا تبتسم لشوفة ميثاق مسترخي
ام مروان : يلا يا ولاد حاجتكن نوم
غطى كل حالو محمود تحت لحرام بس ميثاق فتح عيونو بتعب والا يبتسم لامو
ميثاق : رضاكي يا امي
ام مروان : تقبر قلبي صحيح معلقة هالكلمة ع راس لسانك وعم تكولك عليي بس الله يرضى عليك
اتجلس ب تعب وبقي مبتسم
ميثاق : جوعان كتير
ام مروان : جاهز لفطور
وما استرجت تجيب سيرة مروان ابدا خافت من ردة فعلو لهيك راحت للمطبخ تركتو يصحصح
ام مروان : عهد كيف فيني افتح معو موضوع الصلحة
عهد : مابعرف
ام مروان : خايفة منو كتير
عهد : قلك احسن شي مروان يجي ويجيب عيلتو ويسلمو عليه وكأنو شيء لم يكن
ام مروان : لك لهلا صوت خرطشة لسلاح بادني يا عهد شوفيني اعمل
عهد : شو حكى بابا
ام مروان : يسطفلو
عهد : والله مابعرف مو حلوة ما يتصالحو على الاقل قدام الناس
بس فات سكرو ع السيرة
ميثاق : اين الطعام اني لا اراه
عهد : اي بالغرفة وين محمود
حط ايدو يجيبتو وطالعها
ميثاق : مو بجيبتي
ام مروان : هههه دخيل قلبك يلا ع الاكل
ميثاق : وين ستي
عهد : هون حبيبتك لا تخاف
راحو يفطرو سوى والاهتمام فيه كبير وما استرجت تفتح معو الموضوع ابدا
وبعد الظهر كل شباب العيلة اجو يسلمو وعماموا وخوالوا ورفقاتو واتعبت المضافة رجال وبعدها انصفطت سيارة برى
محمود : ميثاق حدا اجى عليك
طلع ليستقبل والصدمة يكون مروان ومرتو وولادو وصار نفسو صعب وانهز كل بدنو وامو وعهد وستو طلعو كمان لبرى تفادياً لاي ردة فعل عكسية من ميثاق نزل راسو بهدوء ليتزكر ع شو تخانقو
مروان : الحمد الله ع سلامتك
اتطلع فيه بتردد وتأمل عيونو منيح
ام محمد : الله يصفط بيناتكن
مد ايدو مروان وبتردد كبير مد ايدو ميثاق رافض يغمرو
ميثاق : الله يسلمك
عهد : سلم علينا كلنا هيك
مدت ايدها نسرين لتسلم عليه ودغري حطها ع صدرو وخجلت كتير
نسرين : الحمد لله ع سلامتك سلفي
ميثاق : الله يسلمك
وسلم ببرود على ولاد اخوه
ام مروان : اتفضلو ليش كلكن برى
فات ميثاق للبيت ولغرفة امو كان ناطر تفوت عليه ومجرد فتحت الباب رماها نظرات لا تفسر
ميثاق : مين حكالك بدي اسلم عليه انتي مو؟؟؟ خليتيه يجي
ام مروان : بشو احلفلك ما دخلني هو جاي يفتح صفحة جديدة معك
ميثاق بعصبية : مين ....مين خبرو انو بدي اصالح حدا لك ليش لتحطوني بهيك مواقف لازم اضل انا بلا كرامة والله لو ما المضافة كلا رجال لاعمل العمايل فيه وبمرتو ال....

ام مروان : يا ميثاق براضايي عليك خلص انسى مو بينت الحقيقة
ميثاق : لك انا بعرف حالي شو مو ناطر تبين الحقيقة
ام مروان : طيب كرمالي
ميثاق : اتركيني بحالي مشان الله
وقف عند الشباك يتنفس ومقهور لابعد الحدود
ام مروان : روق حبيبي والله صحتك بالدنيا
بدقات الباب وفات مروان والنار شعلت بقلبو من جديد وكأنو هلا ضربو مروان واتهمو هديك التهمة .
~~~
جمعة لنسوان عمامي ونحن بالمضافة
مرت عمي : ما رديتو خبر للجماعة
خالتي امبلا اليوم المسا رح نرد خبر
مرت عمي : حكو انو شخصية لك شمس اطلعتي بلا حظ
نور : اي احلى من مراد ابن عمو
مرت عمي : يييي شو جاب لجاب ميثاق اكتر واحد شخصية بالعيلة
رؤى : انا بعرف مروان كمان حليوة
خالتي : بس شمس احلى منو
مرت عمي : لا يوه لتنين بيجننو
نور : رح اخاف عليكن من الحسد
خالتي : لا تخافي رح احوطهن من عيون الحساد
مرت عمي : لكن رح يجيبو دهب بعد ما توافقو
خالتي : ع الاكيد هيك
مرت عمي : لنشوف شو رح يلبسو دهب متل اهل البلد ولا غير
نور : الوفق اهم من الدهب والمهر كمان
المسا خالتي اتصلت ب ام مروان كنت ناطرة بجنب خالتي لاسمع شو رح يحكو
خالتي : اي وافقت شمس شو مشان ميثاق
ام مروان : ولو معقول يرفض
خالتي : لكن هلا الكلمة للرجال
ام مروان : وحسب الاصول جاها رجال من عيلتنا رح يطلبوها بشكل رسمي من جدها
خالتي : على بركة الله
نور : مبروك شموس
شمس : الله يبارك فيكي
~~~~
كان الاجتماع لكل العيلة والكل سامع موافقة اهل شمس وميثاق شارد بعيد ولا كانو العريس
ام محمد : ريتو الف مبروك
ام رضوة : مستحيل يرفضو متل ميثاق مافي بالبلد
ام مروان : ابو مروان اعزم رجال العيلة مشان تقرأو الفاتحة
ام مروان : وهو هيك على بركة الله محمود بتوصل لعند كل عمامك وخوالك ورفقات ميثاق واعزمهن لبكرى
محمود :ان شاء الله
ودغري طلع محمود وميثاق مهزوز بدنو وعهد عم تحاول تتحركش فيه وهو ولا عبالو الا صلحتو مع اخوه الي مو عالبال ولا الخاطر
~
وتاني يوم بيتهن مكركب ريحة القهوة المُرة معبية البيت وعهد مشغلة اغاني الفرح وبالصوت العالي المضافة مفتوحة على مصرعيها وميثاق بالصالون قاعد هو وستو حبيبتو
ام محمد : يا عمري هي زوقي ها
ميثاق : قصدك شمس
ام محمد : اي شمس
ميثاق : عنجد ما حكو انها زوقك
ام محمد : يوه اسالا امك ..ام مروان
طلت عليهن من المطبخ
ام مروان : اي مرت عمي
ام محمد : مو انا قلتلك عن شمس
ام مروان بتردد : اه اي اي انتي
ميثاق : دخيل زوقك يا ستي اصلا انا بحبك خلقة كيف هلا
ام مروان : تشرب قهوة حبيبي
ميثاق : هاتي بدوقهن
عهد : ميثاق شوي وبتتعبى المضافة رجال قوم جهز حالك
ميثاق : اكويلي القميص الاسود
عهد : هادر
ميثاق : نهدر جنازتك ان شاء الله
عهد : ههههه بدي افرح بحالي
ميثاق : ترى صايرة قليلة ادب انتي
ام محمد : اي عجبتك شمس
ميثاق : هلا كتير عجبتني لانها زوقك
ام محمد : دخيل قلبك اي
شرب فنجان القهوة ودغري راح ليتحمم ويجهز حالو
~~~~
وسرعان ما اللتمو رجال عشيرتو ولانو امو من نفس عيلة ابوه كانت لمة غير شكل فات للمضافة سلم على الكل بالدور
ابو مروان : اتفضلو يا جماعة
طبعاً السيارات كتير وانطلقوا لبيت جد العروس ليطلبوها بشكل رسمي والا يفرحولو رفقاتو زمامير كتير يعني كل البلد سامعة انو في جاها بطريقها لبيت العروس وهنيك بمضافة جد شمس كان من وجهاء اهل البلد رجال كبير مقدر ورجال عشيرتهن كلهن موجودين بالمضافة عمامها وخوالها والجيران واخواتها عمر وخالد كل واحد من ام طبعاً وهنيك ميثاق مو عارف حدا بس الكل شايف انو هو العريس مشخص ولابس اسود باسود وبعد ما سلمو بالدور صارت المضافة مليانة رجال من العشيرتين وحسب عادات اهل البلد وقف احد رجال عشيرة ميثاق وعمها لشمس المتوكل بجوزاتها ليبتدي بالطلب بآيات قرآنية
ابو هشام: وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ .صدق الله العظيم
الصلاة والسلام على اشرف المرسلين سيدنا محمد صلى الله عليه وسلم يا ابو عصام نحن
بيشرفنا نطلب ايد كريمتكن لابنا ميثاق على سنه الله ورسولو وبما انو قلتلونا اتفضلو واظهرتو القبول نحن جاهزين لكل طلباتكم
ابو عصام : رسولنا الكريم قال : إذا جاءكم من ترضون دينه وخلقه فزوجوه ونحن من بلد وحدة واكيد منرضى بأخلاق ودين ابنكم ميثاق ومتلنا متل اهل البلد المهر المتعارف فيه بين الناس

والدهب هدية هيك السادية
اتطلع ابو هشام ب ميثاق الي هزلو راسو بالقبول
ابو هشام: اذا على بركة الله
وقرأو الفاتحة
كان ميثاق مساير مسايرة لساتو بحالة غريبة فتح ايديه وقرأ سورة الفاتحة
بِسۡمِ ٱللَّهِ ٱلرَّحۡمَٰنِ ٱلرَّحِيمِ (1)
ٱلۡحَمۡدُ لِلَّهِ رَبِّ ٱلۡعَٰلَمِينَ (2)
ٱلرَّحۡمَٰنِ ٱلرَّحِيمِ (3) مَٰلِكِ يَوۡمِ ٱلدِّينِ (4)
إِيَّاكَ نَعۡبُدُ وَإِيَّاكَ نَسۡتَعِينُ (5) ٱهۡدِنَا
ٱلصِّرَٰطَ ٱلۡمُسۡتَقِيمَ (6) صِرَٰطَ ٱلَّذِينَ أَنۡعَمۡتَ
عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ
وَلَا ٱلضَّآلِّينَ (7)
مسح على وجهو ولساتو على نفس الوضع
ضيفو ولاد عمها لرجال قهوة مرة وبعدها حددو موعد لعقد القران
ابو هشام : ان شاء الله يوم الاربعاء رح يتم عقد القران
ابو عصام : على بركة الله
~~~
اجى عمر وخالد من بيت جدي ومبسوطين كتير
خالتي : شو قرأو الفاتحة
عمر : اي خالتي
خالتي : وايمتى العقد
عمر : يوم الاربعا
فات عمر لجوى وبقي خالد اخي الي بالصف السابع
خالتي : شو ماما كيف كانت الأجواء ببيت جدك
خالد : ما شاء الله رجال كتير والعريس شخصية
انبسطت بس اخفيت ابتسامتي
نور : شو كان لابس
خالد : اواعي شو بدو يلبس
نور : قصدي شو لون تيابو
خالد : اسود باسود حتى اجى بنظارات سود بتقولي خفاش
فرطنا ضحك عليه
خالتي : يعني جدك مبسوط
خالد : اي كتير وسألني مابدو يجي ابوك
خالتي : شو خبرتو
خالد : ما بعرف وهو بدو يتصل ب بابا
خالتي : كتير منيح مبروك شمس
شمس : الله يبارك فيكي خالتي
فتنا للغرفة انا ونور اي كنت متوترة كتير
نور : شو شمس مبسوطة
شمس : والله ما عم اعرف احدد شعوري نور مبين شايف حالو
نور : هي بقى ما بفهم فيها بس الي بعرفو مافي عريس بيشوف حالو على عروستو
شمس : لنشوف ياريت بيت جدي قريب علينا كنا اتفرجنا
نور : اي والله راحت علينا بس شفتي السيارات
شمس : شفت ومو مصدقة اصلا
نور : صارتلك جاها غير شكل
شمس : ....
غمضت عيوني حاولت اتخيل منظر الجاها واستقبال جدي عمامي وخوالي للجاها ما اقدرت اتخيل المشهد ابدا
~~~~
كان عم يودع حسام وهشام
هشام: مبروك ميثاق
ميثاق : الله يبارك فيك
حسام : هههه مع انو وصفتك متل ما قلتلي بس كأنو بيعرفوك
ميثاق : يلا شو بدو الواحد يحكي ماما بتفصل وانا بلبس
هشام: اهلها ناس طيبين بدك احسن من هيك نسب
ميثاق ببرود : لا ابدا بس كمان صارتلها جاها ما صارت
حسام : بهي معك حق يلا حاجتك الاسبوع الجاي خطبتك
ميثاق : عقبالك
حسام : بكير
هشام : عقبالي
ميثاق : حاجتك وحدة نحن مشانك
حسام : ههه ملعوبة هي
هشام : يلا فوت اتضبضب كافيك سهر تصبح على خير
ميثاق : وانتو من اهلو
بقي واقف برى لحتى اتعدو البيت فات وسكر البوابة ودغري للمضافة كانت عهد عم ترتبها وتكنسها ومحمود مجهز حالو للنوم واجت امو مفرفحة
ام مروان : شو ميثاق مبسوط
ميثاق : انتي بليتيني
محمود : هههه شفتك كيف استوعبت بالمضافة
ميثاق : والله انصدمت شو هاد كل اهل البلد حضرت
محمود : مشان تعرف انك اعلقت علقة مرتبة
عهد : ايمتى رح تجيبو دهب
ميثاق : بالمناسبة قال هدية شو يعني
ام مروان : يعني انت وكرمك
ميثاق : ايوا هيك لكن
عهد : اديش حاسب حسبتك
ميثاق : والله مابعرف حكى متل الناس
ام مروان : يوه يمين عظيم ما بتتلبس متل باقي البنات اقل شي اسوارتين دهب
ميثاق : يلا لكن تصبحو ع خير
صوت الضحكات عليت بس هو عنجد بلش يحس بالورطة شوي شوي
~~~
انطفى الضو واتسكر باب المضافة وكل واحد ملتزم مكانو
محمود : لساتك زعلان من مروان
ميثاق : شو بهم
محمود : انا بقول عفى الله عما مضى
ميثاق : هو بحالو ويتركني بحالي بس بتعرف ما بعمري اندمت ع شي الا اني ما قوصتو يومها
محمود : مشان الله ميثاق خلص انسى
ميثاق : خلص انسيت
محمود بسرو : لو يعرف ماما وين ناويو تسكنو
وكتم ضحكتو
~~~

الصبح على لفطور انا واخواتي
عمر : شو خالتي ما اتصلو الجماعة
خالتي : لا
عمر : احسبي حسابك شمس الك مني سلسال وفيه اسمك
شمس: ليش لتعزب حالك
عمر : والله مقصرين
شمس : اخي دراستك اهم
عمر : لا انتو عندي بالدنيا
خالتي : وخالد رح يلبسها كمان خاتم
شمس : دخيلو اخي وابن خالتي
خالد : يعني رح تتجوزي
عمر : والله ماحدا بيعرف شو ببالهن شفت خالد كيف شاورو عمو
خالد : وقت حكى عمي انو الدهب هدية
عمر : ههههه اي عجبتني حركاتهن
خالد : بس كأنو ماعرف اننا اخوات العروس
عمر : انت التاني ١٣ شب مارح يعرفنا
خالد : بس والله يا شموسه جدي انبسط بس شاف هالسيارات عم تصفط عند المضافة

خالتي : مو اقل منها شموس هي
نور : ترى بتخلو الواحد يحس بنفاقكن
عمر : لا تخافي الدور عندك
خالتي : والله قلبي بيغص بضيع بدونهن
شمس : خالتي كمان ماري بنتك نحن بنات اختك الله يرحمها
خالتي : والله عندي اياكن بغلاوة خالد وماري
عمر : منعرف والله الحمد لله ما ضعنا بعد موت امي
كملنا لفطور ونحن ساكتين وكل واحد عم يفكر بشي
~~~
فتح عيونو على صوت اغاني مجوز وكأنو اليوم العرس اتحرك بمكانو وشاف محمود عم يرتب مكان نومتو
ميثاق : محمود الصرعة هي عنا
محمود : عهد ووعد عايشات الدور
ميثاق : الله ربي ع هالعيلة
طلع من المضافة ودغري للمطبخ وطفى البفلة لهيك انتبهت عهد
عهد : ليش طفيت
ميثاق: الناس بتصبح توحد الله
عهد : يوه ماما احكيلك كلمة
ام مروان : خليهن مبسوطين تعال عاوزك بكلمتين
ميثاق : جاييكي
غسل ولحق امو ليشوف شو بدها كانت بغرفتها
ام مروان : بدي اتصل ب الجماعة
ميثاق : ليش
ام مروان : شو ليش بدنا نروح نشتري الدهب
ميثاق : مو بكير
ام مروان : لا حبيبي مو بكير دوبنا نشتري الدهب ونعزم ونشتري الحلو ونحجز للعروس عند لكوافيرة
ميثاق : ضروري
ام مروان : يوه كيف مو ضروري وبدي قبل تسافر اجوزك
ميثاق : احسنين
ام مروان : كلشي جاهز حبيبي
ميثاق : انني لا اراه شو الي جاهز بدي سنه ما بخلص
ام مروان : حبيبي مو ضروري تجهز البيت منجوزك بعدين بتسكن
ميثاق : وين بدي اسكن هالسنة
ام مروان : بس لا تعصب
ميثاق : يا حبيبي عند مروان بدك اسكن
ام مروان : بيتو جديد ما انت بتعرف بسافرو كل ست شهور بيلحقو يقعدو معك اسبوع انا بقنع مروان يتركلك البيت
ميثاق : ح
ام مروان : يا ميثاق بترجاك
ميثاق : بدك تسكنيني ببيت العدو
ام مروان : اخوك هاد
ميثاق : اخي قبل يتجوز بس اتجوز ما بيقربني صار
ام مروان : يا ميثاق طاوعني لا تكسر خاطري انا كتير تعبانة وبدي افرح فيك
ميثاق : السنة الجاي
ام مروان : لا والف لا بدي افرح فيك
ميثاق : الله ربي بدها تسكني ببيت العدو
ان مروان : ولو يا ميثاق والله مروان ندمان
ميثاق : خلص خلص خلينا بالشطر الاول من السيرة
ام مروان : رح اتصل فيهن مشان نجيب دهب جاهز انت
ميثاق : جاهز ايمتى بدك
ام مروان : اليوم
ميثاق : متل مابدك جعنا
ام مروان: يلا لكن دوبنا نجهز حالنا
ميثاق بمسخرة: اعزمي البلد كلا ها
طبعا ما ردت عليه
~~~
كانت خالتي فاتحة خط مع ام مروان
خالتي : ايمتى يعني ..طيب نحن منكون جاهزين الساعة ٢ ماشي ام مروان الله معك
نور باهتمام : اليوم
خالتي : اي استغربت كتير
شمس : ..
حسيت بلش الجد و عم استوعب اول بأول
انو ما حققت مرادي وما بحت بمشاعري لمحمد الي مابعرف باي بلااد هو حالياً
لك مجنونة شمس هو اصلا مو دريان بوجودك إطلاقاً شو يعني اليوم بدنا نجيب دهب يعني رح انخطب يا ترى معقول خلص حياتي تتغير واكون سعيدة لابعد الحدود ياريت انا محتاجة شي يغير من حياتي مليت من حياتي المعتادة
كنت مو مصدقة انو عنجد اليوم رح نجيب الدهب
~~~~
وسرعان ما اتعبى البيت قرايبين من فئة النساء
خالاتو عماتو وستو واخت ستو كمان وكانت موصلة معو العصبية لاخر المراحل فاتت لعندو عهد وجاهزة لتروح معهن للصايغ
ميثاق : مين عنا
عهد : كل لمحبين
ميثاق : ياربي دخيلك لشو هيك
عهد : هيك العادة عنا
ميثاق : اما شو عادات بتخزي والله
عهد : يلا ولووو خلصنا شو بدك تلبس
ميثاق : حيلا شي
عهد : اي اللبس هي لبلوزة الكحلية وهاد الجينز
ميثاق : حيلا ما بتفرق اي ساعة دخلك
عهد : ع ٢ لازم نكون عند الجماعة واخيرا
ميثاق : اهوو علينا يلا اطلعي بدي اللبس
~~
بالمطبخ خالتو مطيعة الي رح تشرف على وليمة الغدا
ام ميثاق : اعرفتي وين حوايج الطبخ
مطيعة : اي اختي
ام مروان : وين ميثاق
عهد : عم يجهز حالو
وعد : خليني اروح معكن
مطيعة : لا يوه عيب ما بصير
عهد : بس تتجهز عند لكوافيرة بتروحي معها
وقت طل عليهن بلشت تزغرد خالتو هالشي زاد خنقتو وما فكر حالو لهدرجة طالع شخصية وبلشت ام مروان تقرأ المعوذات بسرها
ام مروان : اسم الله عليك الله يحميك يارب ولي لتشوفو عيوش والله ليمرض من عيونها
ميثاق : يلا
مطيعة : بالاول هات بوسة
دغري هرب لبرى
مطيعة : لك تعال طيب فوت سلم ع النسوان
ميثاق : ع اساس شغلة منيحة انتو النسوان
ام مروان : ما بصير مشان ستك
ميثاق : ازا مشان ستي بفوت
طل عليهن من الباب الكل انتبهلو ابتسامة صفرا بينت ع ملامحوا لانو المضافة مليانة
ميثاق : نورتو والله
ام محمد : الله يتمم ع خير يارب
ميثاق : الله يسلمك ستي يلا بخاطركن

ودغري طلع بالسيارة وشغلها اجت امو وعهد وانطلقو لبيت العروس متحمس للنظرة التانية كان بدو يشوف شمس جريئة عنجد
~~~~
وقت اسمعنا صوت الزمور اتكركبت كنت لابسة حفاية جديدة وبنطلون اسود وقميص خمري كتير حلو ومناسب ودغري اطلعنا معهن بالسيارة قعدت ورا ام مروان واتمايزت شو لابس وقهرني لانو حاطت نظارات على عيونو
شمس : مسالخير
ردو كلهن وقلبي وقع وقت اتطلع فيني وشلح النظارات كان حاطت علكة بتمو ومابعرف اوصف شو صاير معي هو خجل منو ولا من حركاتو وام مروان مزهزهة وعهد عم تغمزلو
ميثاق : يلا نمشي
ام مروان : ههه اتوكل على الله حبيبي
ودغري حركنا من الحارة
بالبلد ما كان في صاغة لهيك رايحين للمدينة القريبة من بلدنا وبنص الطريق حط وصلة بموبايلو ودغري اشتغلت اغنية لنوال الكويتية
تهددني تحب ثاني تنسى الحب وتنساني
نسيت انك في كم مره عجزت انك تحداني
انا اتحداك انا اتحداك اذا عزمت في فرقاك
اذا شفت المفارق جد تتوب تقول لي انساك
ابيك تجرب الهجران ابيك تروح للنسيان
اعرفك لو مشيت ورحت تجيني محترق ولهان
حبيبي لو قدرت تروح تفضل وابتعد مسموح
مسامح ما يجيك اللوم مصيرك لي تجي مجروح
يا عمري لو زعلت اهدى وخل الصمت لك مبدا
انا مابيك بالتجريح اذا طال العتب تبدا
ولو اخطيت صدقني غرامك تاج في راسي

بس الظاهر مولع فيها لانو أغانيها درجو ورا بعض وعند الحاجز الي بيفصل بين المدينة والبلد صفط على جنب لان اشرلو العسكري بس اتطلع لمحة واشرلو يكمل
وهلا بلش يفتل على مسفط
ميثاق : ماما انزلو بصفط وبرجع شوفي الدورية
دغري انزلنا لانو صرنا قدام الصاغة وهو راح يصفط لانو زحمة مو بالعقل
عهد : اما ابنك قانوني ومكتر
ام مروان : اي احسن ما يتخالف
والا اتمايزو وهو جاي مشي وما اخجلت اني عم اتطلع فيه وهو بادلني نفس النظرات مع ابتسامة طفيفة على ملامحو فتنا للصاغة كانت باردة كتير سكر الباب ووقفنا كلنا عند الصايغ
ميثاق : شو ماما
ام مروان : اطلب انت
ميثاق : بدي تشكيلة محابس جديدة
دغري طالعلو تشكيلة كبيرة
ام مروان : قربي شمس اختاري انتي
وهلا اوقفت جنبو انسيت انو بدي اختار محبس انشغلت بفرق الطول بيني وبينو
ميثاق : ما حلوين
انتبهت وبلعت ريقي
شمس : اي...اي حلوين
ميثاق : شو رايك بهاد
الصايغ : دارج هالايام
للجكارة نطقت
شمس : بس كل عرايس هالايام لبسو متلو
~~~
بقلبو والله بتتشرط كمان بيكفي عم تطلع فيني وما هامها نظراتي الها
ميثاق : بدنا شي مختلف ما انلبس
الصايغ : تكرموا
اخد نفس طويل وحط ايديه بجيايو واتطلع ب عهد وغمزها
وعجبتو تناحة شمس جابلهن تشكيلة جديدة هو يتأمل ملامحها وهي مبتسمة للتشكيلة
شمس : هاد حلو كتير
طالعو الصايغ واخدتو وجربتو
ام مروان : كتير حلو
ميثاق : يعني اعتمدتي ع هاد
شمس: اي حلو خالتي
ام خالد : اي حلو
ميثاق : بدي شبكة دهب كمان تكون مو ملبوس متلها
الصايغ: تكرم عينك
وهون امو كتير انبسطت
جابلو اكتر من تشكيلة وعرضهن قدامو
ميثاق : عجبك شي
شمس : ....
ام مروان : ازا ما عجبك شي منشوف بمكان تاني
الصايغ : ولو اغلى من هي التشكيلة كمان
طالع طقم دهب موديل جنزير
ميثاق : شو عجبك
شمس بخوف :مابعرف
ام مروان : حلو اعتمدنا عليه
وهون دغري انسحبت شمس لجنب خالتها
ميثاق : وين مابدك تختاري ساعة
ام خالد : اختارها ع زوقك
ميثاق : اطلب ولا اعرفت الطلب
الصايغ : هههه تكرم عينك
اختار هو ساعة وهلا اصر على أم خالد تختار قطعة دهب وام مروان شدت ع ايدو وخالة شمس محرجة كتير بس اختارت ام مروان وهلا دور عهد والصايغ كتير انبسط زباين ولا كل الزباين واختار لامو خاتم
عهد : لا تنسى المحبس الك
ميثاق : هههه افلست يا بنت الحلال
الصايغ : مارح يأثر ولو
اختارتلو عهد محبس وسبقوه لبرى ليحاسب
ميثاق : بدي فواتير مختومة
الصايغ : ولو الف طلب متل هالطلب
ميثاق : باي عملة بتحب تقبض
الصايغ : الي بدك ياه
حسبهن وكتبلو فيهن فواتير وطلع ودغري أعطاهن لامو واشر ل عهد بمعنى اسحبيلي شمس لورا شوي وكتير انبسطت عهد سحبتها من ايدها التفتت لتشوفو عم يتأملها
ميثاق : ليش مستعجلة
شمس : انا
ميثاق : ع فكرة صفطتها بعيد
بقيو ماشين ع نفس المستوى
شمس : مو مستعجلة
ميثاق : والله مستعجلة انا شايفك بعيوني
~~~
لاول مرة بحكي مع حدا غريب وماشية بجنبو كمان وعهد سبقتنا واصلا خالتي وامو سابقين الكل
شمس : يمكن
وبعدها دغري للسيارة وشغل وحرك من كل المكان ولبيتهن كنت مو قادرة افسر الي جواتي معقول فرحانة ياااا والله كل البلد ليحكو بالتلبيسة وطول الطريق اغاني نوال الكويتية

وهي اول مرة بشوف هالحارة بالبلد وقف السيارة واستغربت على قد مو حلو بيتهن لو قديم ومليان ورد وزرع وشجر والاستقبال كان حافل وكلو عم يبارك ويهني وميثاق دغري سكر البوابة وفتنا لجوى للمضافة بس هو وعهد فاتو لجوى البيت كنت غريبة بيناتهن في صبايا وفي نسوان كبار بالعمر وبالحقيقة انا ما بعرف حدا من عيلتو
~~~~
بعدها اتجهزت مناسف الاكل وبلشت لضيافة عصير وفواكه وقهوة واخر شي فات ميثاق مبدل تيابو ورأسا لجنب شمس
ام رضوة : مبروك تشوف ع وجهها الخير
ميثاق : الله يسلمك خالتي
ام محمد : مبروك ستي ما فرجيتونا التلبيسة
جابتها عهد واستغل الفرصة انو التهو بالتلبيسة
بصوت خافت: بس ما قلتي عجبتك
شمس : مابعرف
ميثاق : والله قهرتيني يا اي يا لا
شمس : عنجد مابعرف او قلك اي حلوة
ميثاق : مبروكة
شمس : الله يبارك فيك
ام خالد : شو رأيك توصلنا حاجتنا
ميثاق : والله بكير
ام خالد : لا شو بكير الدنيا صارت غروب حاجتنا

- النص المستخرج من الصورة: 📝
ميثاق : متل مابدكن
طبعاً الكل عزم عليهن بس خلص صار وقت يرجعو طلعت
معهن ام مروان ودعتهن وعهد ووعد راحو مع ميثاق
ليوصلهن وطول الطريق يتفرج ع شمس من مرايا السيارة
222
نزلنا عند البيت عزمت عليه خالتي بس جوابو كان دبلوماسي
ميثاق : الايام جاية
ودغري حركو واستقبلتنا رؤى ونور اتارینا متأخرين وبلشت
خالتي توصفلهن كرمو الطائي للافندي
~~~~~

القسم الثالث
شمس الغرام ♪
{بقلمي مايا الحجازي}
بيومها السهرة طولت لهيك نام بغرفة امو وابوه غص*ب عنو ارتكى على ايدو ليحس كل شوي ونقز بس انفتح الباب كانت عهد وفايتة شوي شوي
ميثاق : راحو
عهد : كمل نومتك
ميثاق : وين ماما وبابا
عهد : نامو بالغرفة التانية يلا كمل نومتك
طلعت بهدوء ورجع غط بنوم عميق ليصحى على فتح الباب بهدوء كانت امو ودغري ابتسم لشوفتها
ام مروان : ليش اصحيت
ميثاق : نقزتيني
إم مروان : على هالعادة ما بتبطلها
ميثاق : بكير لسى
ام مروان : اي بكير كمل نوم
وقت اتزكر الخطبة وكل الأجواء استرخى اكتر ليتزكر نظرات شمس الو وكيف ما يهمها وهو يتطلع عليها لو وحدة تانية كانت خجلت
ميثاق : مبين عليها جريئة لو صغيرة
وكأنو عنجد رح اتجوز والله تخطيط امي بيشبه المؤا*مرة وكأنو عجبني موضوع الخطبة التقليدية اخ منك ميثاق الحب بيلبقلك أصلا
~~~
الظهر صحي متك*سر والا يعمل استراحة من النوم كان صوت عهد وام مروان يتشاورن
عهد : اي احكيلو ما معكن وقت
ام مروان : لشوف ازا صحي
فاتت لعندو وابتسمتلو
ام مروان : منيح اصحيت بدي احكي معك
ميثاق : شوفي
ام مروان : ما معنا وقت دوبنا نوصي ع الحلو ونحجز للعروس
ميثاق : لشو دخلك
ام مروان : يوه مو لازم تلبس متلها متل كل الصبايا
ميثاق : اصلا افلست من ورا تلبيستها
ام مروان : لا يوه شو علاقة الدهب لازم تلبس عند كوافيرة
ميثاق : ماما عم تبالغو باجراءات الخطبة
ام مروان : بدي نفرح وننبسط
ميثاق : مابعرف بهيك امور ساوي الي بدك اياه
ام مروان : لكن جهز حالك مشان اتصل فيهن ونروح نحجز عند كوافيرة
وعليت صوت الاغاني قلب قلب وين وين عهد طربانة عند الظهر
ميثاق : فضحتنا بنتك
ام مروان : خليها مبسوطة
ميثاق : لنشوف اخرة البسط
بعدها طلع من الغرفة ليشوف وعد عم ترقص بالمطبخ وعهد عم تصفقلا والا يمسك أيدها وويخليها تلف مرة ومرتين وامو انبسطت بولادها كتير
~~~
اجى اخوه بدل منو مع اخواتو البنات وحكو انو اجاه ضيوف من برى البلد راحت معي نور واخترت فستان دهبي وبس ارجعنا اشتريت سكربينة عالية كان كلشي عم يمشي حسب العادات بالبلد واليوم يوم حفل الخطوبة اجو ولاد عمي يساعدو عمر ليزبطو مكان الحفلة اضوية واسكي ملكي وحاوطو ساحة البيت كراسي كنت جاهزة انا ونور لروحة لكوافيرة ووقت اجى ميثاق اتوترت كتير نزلت عهد وسلمت علينا واطلعنا معهن ومابعرف لشو هالحركة يلف علينا ليسلم
ميثاق : كيفكن
شمس نور : الحمد لله
ودغري شغل واطلعنا من الحارة ساعات التجهيز طويلة وعدا عن مشوار الطريق الساعة تنتين كنت جاهزة اجت عهد معو كونو ما انكتب لكتاب لسى ما بصير يشوفني لبستني الكاب وعباءة رجالية ساعدتني نور لحتى اطلعت بالسيارة ومابعرف دقات قلبي كبيرة وصلنا واستقبلتنا خالتي وعمر وخالد ورؤى والظاهر لضيوف كلهن موجودين على صوت الزغاريد ودغري ميثاق وعهد طلعو من كل الحارة استقبلوني بغنية ادلع يا كايدهم التسفيق والزغاريد وخالتي الا تغمرني وتبوسني
خالتي : يا عمري والله ما اعرفتك طالعة بتجنني
رؤى : يلا شموس ارقصي
نور : اي اي قبل تنصمدي
بلشت اتمايل مابعرف كيف قادرة ارقص وانا اصلا مو مستوعبة أنو اليوم الخطبة وبلشت الحفل اغاني ودبكة ورقص ليتم عقد القران وبفترة العصر اسمعنا صوت زمامير كتيرة الظاهر اجو اهل العريس بالاول فاتو النسوان عهد ووعد وحماتي بالمقدمة وكتير نسوان من عيلتهن وبلشو يرقصو ضليت واقفة وكل شوي اتطلع باخواتي البنات لحد ما حكو اجى العريس وكتير هلا اتوترت ودقات قلبي زادت عن معدلها الطبيعي فات مع عمر وعمي ابو عصام وعليت صوت الزغاريد كرمالو كان لابس قميص رمادي وبنطلون اسود واتلبكت وقت صار بجنبي باركلي عمي وباركلي عمر وبعدها اجى دور تلبيس الدهب ولعيون كلها مفتحة على علبة الصيغة بس انا عيوني عليه هو على حركاتو ومزحو مع عهد مديت ايدي ومسكها ولبسني الخاتم
` ~~~
كان كتير متوتر اكتر من شمس حتى وجود هالكمية لكبيرة من النسوان وصلتو لهالحالة وما قدر حتى يتأمل شمس على راحتو وساعدتو عهد ولبست شمس الحلقات وبعدها شغلت رؤى اغنية سمعني نبضك لهيك انفلج
رؤى : يلا مشان ترقصو
ميثاق : عم تمزحي
عهد : لا تستغربي اول مرة بيحضر خطبة
رؤى : يلا كتير حلوة
ميثاق : ع هي الاغنية انتي متأكدة
رؤى : عهد اتحركي يلا
وعهد الي خلتو ينزل ورؤى ساعدت شمس كان واضح انو خجلان كتير
ميثاق : شو هالاغاني مابعرف ارقص ع هيك شي
رؤى : بتتعلم ما وراك شي
ميثاق : انتي معها
عهد : اي يلا خلصت الاغنية شوف الكل ناطر رقصتكن
مسكلا ايديها لهيك ما عجبها عهد دفش*ت شمس لزقتها فيه صارت ايدها على صدرو وايدو على خصرها وبلشو يتمايلو ولتنين من الاحراج خارج التغطية بس رؤى عم توثق اللحظات ولتنين سارحين بعيون بعض

سمعني نبضك دفيني بنار حضنك ابيك الليلة وحدك الي تكون قرب عليا حس النار الي فيا
طبعاً سارحين بعيون بعض كانو نظراتها بمثابة شرار لقلبو متل الكهربا عم تسري بعروقو نظرتها ما كانت عادية واتأمل كل تفاصيل وجهها الغمزة والنعومة الجمال باختصار.
~~~
كان شعور غريب لاول مرة بحس فيه اتأمل كل ملامحو واسأل حالي معقول صار خطيبي معقول انا خطبت وهو عم يتأملني وعم نتمايل على هالاغنية الرومنسية قلبي مو مستوعب ليش هيك حاسة بفرحة مبالغ فيها وقبل تخلص الاغنية طلبت منو عهد يباركلي وكتير خجلت وقت باسني على جبيني وعلي صوت التسفيق الشعب معو جفاف عاطفي انتهت هالرقصة وبلشو كلهن يباركولو وصار لازم يرجع مع اهلو لييجي سهرة لحالو بس انا جكارة ببنات البلد كنت بدي تنكسر القواعد لهيك نطقت
شمس : خليك
ام مروان : لا بيرجع سهرة
شمس : ما باقي الا شوي للمغرب
ميثاق : انتي هيك بدك
هزيت راسي ببراءة
ميثاق : خلص لكن ببقى
وحسيت بالانتصار راحو وتركوه عندي طلع لبرى لعند عمر اخي وانا فتت لجوى كرمال ابدل الفستان بغرفتنا
نور : لك ليش خليتيه
شمس : جكارة ببثينة شفتي عيونها طلعو من مطرحهن
نور : هههه فرق من السما ع الارض بين مراد وميثاق لو اولاد عم
شمس : عنجد نور
نور : لكن ما شفتي من لحظة فات مع عمي وعمر ولعيون عليه ويمكن ما بيعرفوه ابدا قضى عمرو بالغربة
شمس : بلكي ما كملت معي
نور : يوه تفي من تمك
شمس : هلا الدور عندك
نور : هههه كانو غرت ها ويمكن اصيب*ك بالعين
شمس : هههه
بجية رؤى ومبسوطة من هالشغلة
رؤى : شمس هدي شوي كيف بتخليه
نور : عم بتجاكر الخانم
رؤى : شو قوية يلا بدلي الفستان خطيبك مع عمر بالمضافة شو ناوية تلبسي
شمس : هاد القميص
نور : يلا شدي حيلك لروح شوف خالتي شو صار معها بالطبخ
~~~
بالمضافة كان مبسوط كتير انو بقي عندها وهي الي عزمت عليه
بقلبو : يارب تزبط معي واحكي معها براحتي
عمر : لروح استعجلها
طبعا ميثاق بس بدو كلمة كان البيت شبه هدوء بعد ما باركو كل المعازيم وفلو وناطر بحماس لدخلت عليه وانترك الباب مفتوح اتاملها وهي ماشية بهدوء وقعدت بجنبو وما بيفصلهن الا المخدات لانو المضافة مد عربي
ميثاق : طولتي كنت رح امشي
شمس : لا ما طولت
ميثاق : بس ما افهمت هلا هيك عادي ابقى عندكن
شمس : المفروض ترجع بعد المغرب سهرة بس لانو بيتكن بعيد اختصرت عليك
ابتسامة انرسمت ع ملامحو
ميثاق : لاي صف واصلة انتي
شمس : حادي عشر
ميثاق : يعني بتدرسي
شمس : اي نحن ع وشك نفوت سنة جديدة
ميثاق : مافي تكملي ابدا
شمس : عنجد
ميثاق : انا ما بحب الدراسة للبنت بعدين الواحد مغترب عن اهلو لتصرف عليه مراة
شمس : بس العلم سل*اح للمرأة
ميثاق : اي وقت تكون مو مرتبطة
شمس : شو بيمنع يعني
ميثاق : وحلوة الواحد يشوف مرتو بين زملاء الدراسة والشغل
شمس : انت شرقي
ميثاق : متلي متل شباب هالبلد
شمس : بس عنا كتير موظفات بالبلد
ميثاق : اي ونسبة كبيرة منهن مو متجوزات او مطلقات
شمس : بس مو كلهن
ميثاق : مافي تكملي
شمس : من اولها بدك تتحكم فيني
للجكارة حكى
ميثاق : عرسنا الاسبوع الجاي بدك تداومي وانتي عروس
شمس : بتحكي جد
ميثاق : وجد الجد
وزادت ابتسامتو وقت شافها متوترة وخجلت
بدقة الباب وكانت بنت رؤى همست بادن خالتها وطلعت ركض
ميثاق : في اسرار يعني
شمس : بتحكيلي العشا جاهز
ميثاق : لشو معزبين حالكن
شمس : مشان نتوصى فيك من اولها
ميثاق : هههههه هيك لكن
~~~
وببيت اهلو ل ميثاق لمة نسوان وقرايبين
عهد : كان لازم ما بقي
ام مروان : والله صدمتني كيف بتحكيلو خليك
عهد : مو مبين عليها قوية
ام مروان : اي والله صغيرة ع حركات الكيد
عهد : مو كيد ابصر يمكن معجبة فيه او حابيتو كتير
ام مروان : وهيك الاستاز اتعزز كتير وبشوفلك بس بدو كلمة للارتباط
عهد : من ضيم تغريد ما شفتي وقت تركها انفتحت بوجهو طاقات الرزق والسعد
ام مروان : الله بحبنا انو تركها اصلاا لليوم مو مسدءة انو تركها
عهد : يا ترى شو شعور تغريد
ام مروان : قهر اكيد وبالدليل ما حضرت ابدا
عهد : يمكن ويمكن تفرحلو مابتعرفي
ام مروان : كلو كوم وانو بقي عندهن كوم تاني
عهد : هههه خوفي ميثاق يتجوز الشهر الجاي
ام مروان : الله يسمع منك يارب...معقول بحبو بعض قبل اطلبها
عهد : هههه شو بتحكي ماما مو انتي شفتيها وطلبتيها وهو رفض
ام مروان : والله شي بحط العقل بالكف
عهد : هههه نهفة والله
~~~
وبعد العشى صارت سهرة عائلية عماتي وخالاتي ونسوان عمامي وكان مندمج كتير ويحكي ويدردش مع الكل وبعدها اتصلت فيه امو وع الاكيد عندهن ضيوف لانو حكالها خلي حدا يجي ياخدني كتمت ضحكتي عليه خليه يتمشى ولا بدو شوفير شوي واسمعنا صوت السيارة ودغري اعتذر وطلعت معو خالتي وعمر يودعوه وانا اوقفت عند الباب راقبتو كيف طلع مع اخوه واختفو من الحارة

عمر : انا رايح لبيت جدي بدك شي خالتي
خالتي : لا حبيبي سلامتك لا تتأخر
عمر : برجع مع ولاد عمي
فاتت خالتي ومشقرقة كتير
وانا فتت للغرفة ارتاح واستوعب انو صرت بعداد المخطوبات وبس خطر ببالي محمد انقهرت كتير
شمس : لك حاجتك متعلقة بوهم اصلا ما بصير تفكري الا بخطيبك ما حلوة بحقي انخطبت وبفكر بشخص ما بيعرفني يحرق اخت الاعجاب بس كان حليوة وشخصية ومكتر انسي شمس انسي.
~~~~
وببيت أهلو جمعة شباب جايين يباركولو رفقاتو ولاد عمو وولاد خالاتو كلهن سلم عليهن وبلشت السهرة وعلى افلام عليه لانو قطعو سهرتو عند خطيبتو
~~~
تاني يوم بلشو بترتيب وشطف وانا ما خلوني ادقر شي بحجة اني مخطوبة وكنت مو مصدقة انو عنجد الاسبوع الجاي العرس
~~~
وببيت اهلو برى ملتمين ناطرين حضرة جنابو يصحى طلع وأخيراً
ميثاق : صباح الخير
ردو عليه من مبارح حكالهن في خبر بدو يخبرهن فيه
ميثاق : الاسبوع الجاي العرس
طبعا كلهن فرحو بالاخص امو وقفت وراحت غمرتو وباستو
ام مروان : تقبر قلبي ريتك يعني حاسب حسبتك
ميثاق : كلشي جاهز ومشان السكنة اي وافقت بسكن ببيت مروان بس بشرط الباب الي بين الشقة الي بدي اسكن فيها وبين الشقة الي هوساكن فيه بيتسكر
ابو مروان : بيتركبلو باب
ميثاق : وهو هيك ومشان غرفة النوم انتي وستي اختاروها بكون جبت مين يركب باب
محمود : ورح يوافق مروان
ميثاق : ازا مابدو باخدلي شقة بالشام
وامو ما عجبها
ام مروان : لا لا بيوافق نحن بكرى رح نشتري غرفة النوم وهلا بروح لبيت الجماعة ومنعطيهن مصاري مشان ملبوس البدن
محمود : عهد شغلي اغاني
عهد : وانت قلتها
طلع يتمشى بالحارة وصوت الاغاني واصلة لاخر الدنيا
ميثاق : وهاد احسن حل الخطبة الطويلة رح تبلش مشاكل والست شمس شكلها بتحب الدراسة وانا ضد عقلي التخفيق بالطرقات وهاد احسن حل شغل سيكارة وبطريقو لبيت هشام رفيقو
~~~
طبعاً بيت مروان مو عادي اشبه بالفيلا كبير والغرف فيه كبيرة ومقسوم لقسمين فيه مطبخين وصالتين وغرف كتيرة وجاي على مرتفع بيطل على كل البلد شجر زينة برندة كبيرة الهوى فيها بيلعب لعب كانت ام مروان وابو مروان ومروان ونسرين عم يشربو قهوة
ابو مروان : بدنا نجوز ميثاق
مروان : ليش بتحسسوني اني بكرهو غلطة وندمان عليها بس ابنكن عندو حقد مو طبيعي
ام مروان : مو وقت هالحكي الجمعة الجاي عرسو وانت بتعرف بيتنا صغير
نسرين : ومروان خبرني انو في نية يسكنو عنا
ابو مروان : رح ياخد الشقة الشرقية وبدو يركب باب بيفصل بين شقتكن لمخدمة والشقة التانية
ومروان بس بدو رضاه ل ميثاق
مروان : الي بدو اياه يعملو
ابو مروان : اي هاد عشمي فيك انتو ايمتى مسافرين
مروان : بعد عرس ميثاق
ام مروان : ع كلا كل واحد بشقة وكل واحد بيصرف ع حالو الله يرضى عليك يا مروان ويصلح بينك وبين اخوك
مروان : ايمتى بدو يركب الباب
ام مروان : راح لعند هشام بظن مشان هيك نحن بكرى نازلين للشام نختارلو غرفة نوم
مروان : والله هي الاخبار الحلوة الله يتمم ع خير يارب
ابو مروان : امين يارب
بالفعل اشترو غرفة نوم واتركب الباب وامو عبتلو المطبخ اغراض واشترى براد وغسالة وفرن وشاشة كبيرة وهالشي كلو بيوم واحد وكل اهل البلد يتفرجو على تجهيز الشقة بيوم واحد عدا عن تلبيسة العروس وكل هالشي بيثبت انهن من اغنياء البلد .
~~~
تلت ايام غايب فيهن وما اقدرت اتواصل معو حتى هو ما اعطاني رقم موبايلو ولا كيف ناوي يتواصل معي عن طريق الحمام الزاجل مثلا بس حكو ايام الخطبة بتجنن يا ترى ليش غايب طيب كيف فيني اتطمن عليه ههههه والله انشغل بالي عليه شافني عمر صافنة وما عجبو
عمر : شو شمس من اولها صفنات
شمس : اه لا
عمر : امبلا شاردة بشو بتفكري لا تحكيلي ب خطيب الهنا
شمس : ليش مابدك افكر فيه
عمر : ترى مو فاضي مبارح شفتو ببيت اخوه مو لحالو مع شلة شباب ابصر شو عندو بس حكو انو عم يجهز شقة للزواج
شمس : وحماتي اعطتنا مشان نجهز بس ما حكى انو قرب العرس
عمر : مابعرف الله اعلم شوفي بعقل خطيبك المهم ما تشيلي هم متل الق*رد شفتو ورا اخوه ع الموتور
صدمني وما اقدرت ادافع ههههه قال متل الق*رد ما يسمعو ابو علكة قصدي ميثاق اما سمعة
تركتو ورحت للغرفة شغلت البفلة على اغاني رومنسية بتمون ع ضحكة انا بتمون وفتت بالجو وقلبي يغرف كل ما اشوف المقطع الي صورتو رؤى والي ما عجب عمر وعصب مننا ...قال شغلة النسوان بتخ*زي بس كانت رقصة لا عالبال ولا ع الخاطر يا ترى رح نرقص يوم الحنة كمان بدي اجنن كل صبايا البلد اكيد مو فرحانين فيني ابدا بالاخص بثينة ع حساب كانت رفيقتي اول ما انطلبت للزواج قطعتلي كرت

~~~
ببيت مروان وبشقة ميثاق بالتحديد كان عم يتفتل ع راحتو فيها ومتاكد من انو الباب انقفل بشكل نهائي فات للمطبخ وشاف كيف مرتب وعم يلمع لمع وبعدها فات لغرفة النوم كانت بتجنن وفخمة لدرجة ناقص بس جهاز العروس لانو شنتة تيابو صارت بالغرفة طلع من الشقة وقفلها كان حسام ناطرو وركب وراه ع الموتور
حسام : شو كيف الوضع
ميثاق : عال العال
حسام : قررت
ميثاق : اي وهلا بدي اروح لمتعهد الحفلات
حسام : كفو والله وعزمت اصحابك
ميثاق : كمان اليوم بعزمهن اصلا دوبني اخلص اموري
حسام : اي هيك ها...بس شو عدا ما بدا مو كنت مو ناوي
ميثاق : اقنعتني الست الوالدة
حسام : يا مكولك قول عجبتني العروس
ضربو على كتفو بقوة
ميثاق : اخراس ولاه
حسام : ههه شافت سنانك المهم
ميثاق : بالمناسبة عنجد وصلت الحكي
حسام : والله بالحرف بس الجماعة عندهن السيفي تبعك
ميثاق : دخيل سيفي اهلك اي شد لقلك
وكانت لعبتو السرعة لحسام ومتل البرق نزلو للبلد
~~~~
يومين كنت مجهزة كلشي والجهاز بشناتي سفر
بيومها خالتي واخواتي عم يعملو تعسيفة لكل البيت وانا وخالد عم نتناقر مابدي اجهز الفطور بيتنا كلو مكركب بعدها اسمعنا صوت اغاني من سيارة لهيك فزينا للشباك وشفت سيارة ميثاق ومشغل اغاني ع الاخير وطفى السيارة عند بيتنا
خالد : شمس اجى خطيبك
شمس : وحدا قلك اني عميا لك شو جابو مكركبين نحن اطلاع خالد لعندو بسرعة
خالد : بخجل منو
شمس : ياربي دخيلك لك اطلاع عم يزمر
طلع خالد بركض وانا ضليت اتفرج عليه من الشباك والا يسلم على خالد
ميثاق : وين شمس
خالد : اتفضل
ميثاق : لا عاوزها بكلمتين
وقلبي فز من مطرحو لساتني بتياب البيت بلوزة زهر فاتحة طويلة وبنطلون اسود وشحاطة للبيت
اجى خالد كاتم ضحكتو
خالد : اطلعي عاوزك بكلمتين
شمس : لك شو جابو مو مرتبة حالي
خالد : اطلعي عيب ينطر صار فرجة بالحارة
شمس : الله يوفقو ع هالاستفقادة
ع الماشي هديت الشالة على راسي واطلعت وقلبي عم يرجف الاخ مرتكي ع السيارة واول ما شافني عرضت ابتسامتو وجلس حالو وشلح النظارات والا يمد ايدو ليسلم كنت كتير خجلانة
شمس : اهلين
ميثاق : شكلي اجيت بوقت غير مناسب
طبعا حكاها وهو يتمايز شو لابسة وزاد خجلي منو
شمس : مع انو في اختراع اسمو موبايل
ميثاق : هههه بلا جد ما وصلني هيك اختراع
شمس : اتفضل
ميثاق : غير مرة
بجية عمر من بيت جدي انتبهنالو والا يسلم عليه
عمر : اهلين والله ليش واقفين هون اتفضل
ميثاق : اجيت اعزم شمس
عمر : اليوم
ميثاق : لا مو اليوم لبكرى اليوم هي عزمتني ع سهرة
مع غمزة خلت نفسي ينقطع وعمر حسيتو ما عجبو
عمر : اهلا وسهلا يعني العزيمة لازم شخصي
ميثاق : اي هيك حكولي لازم شخصي
عمر : مدامك اوصلت فوت نشرب قهوة
ميثاق : المسا برجع عندي شغل كتير
ورجع ابتسملي
ميثاق: يلا بخاطركن
عمر شمس : الله معك
ضلينا واقفين لحتى طلع من الحارة
عمر : ترى حركاتو ما عاجبيتني
تركتو وفتت لشوف كيف شافني ميثاق
لا حلوة ماشالله عني
وصوت رؤى وعمر عم يتناقشو
عمر : مافي تروح للعزيمة
رؤى : لك عادي شوفيها
عمر : غمزها قدامي بقلك
رؤى : هههه ياااي عنجد غمزها
عمر : كيف بدي اامن ابعتها بكرى معو
رؤى : ليش رح يتركوهن لحالهن
عمر : لك شو عرفني ما يأخدها للشقة الي ببيت
اخوه
رؤى : شبك يا زلمة الخميس الحنة
عمر : ما طقتو عم تفهمي
رؤى : يييي اخي ما انا اتجوزت
عمر : هاد شكلو ازع*ر ومكتر جاي وعم يعلك متل النسوان
رؤى : ههههه نهفة الزلمة يمكن بدخن بسرقة عن ابوه
عمر : ما هو قد الج*حش
طبعاً ما عجبني وكمان ما اقدرت ادافع لميثاق
رؤى : يلا ولووو مشيها
عمر : ممنوع يسهر عندها والباب مسكر عليهن
خالتي : حاجتك بدك تطفش العريس
عمر : ما طقتو ما طقتو
رجع ترك البيت واطلعت لعندهن
شمس : اعتذر عن العزيمة
رؤى : شو بدك فيه ما انتو مخطوبين وكتاب شيخ عمر غيران عليكي غيرة لانو ميثاق غريب عن عيلتنا
خالتي : لا تردي عليه اصلا لليوم ما زارنا يلا دوبك تجهزي حالك للسهرة
رؤى : ورح اوصيلك على سهرية غير شكل
بقلبي : الله يستر من عمر ومن حركات ميثاق
~~~
وببيت اهلو مبين انو في عريس عم يزبطو الساحة الي بجنب البيت وميثاق عندو الف شغلة بزبطها قبل حفل الزفاف اتصل ب علي وبقي بالسيارة مشان الضجة
ميثاق : كيفك علوشي
علي : زمان عنك ولووو لا تحكيلي حجزت
ميثاق : انت الي بدك تحجز
علي : لا تقولها
ميثاق : الجمعة العرس وبتشرف فيك
علي : لعيونك عزمت الشباب
ميثاق : انت اول واحد اتصلت فيه
علي : لكن مشان نحجز سوى مو كليوم ميثاق رح يتجوز
ميثاق : لكن لاتصل بباقي الشلة

عزم كل رفقاتو والكل جاهزين للسفر لانو الدنيا ع بواب شتوية وببيت اهلو لمة حبايب كل القرايب متل عادات اهل البلد وميثاق بالو بالسهرة عند شمس
ميثاق : ما حلوة اروح وأيدي فاضية لازم اشتريلا هدية بكفي ما حسبت حسابي واشتريتلا موبايل جديد وما رضي الا يشتريها من المدينة واكترر من هدية
~~~
المغرب كنت جاهزة اللبست فستان جينز فاتح بياخد العقل وشالة بيضا طبعا مع مكياج خفيف وعطر روز باريس لاسحرو اصلا اشتقتلو لابو علكة
اتجهزت بغرفة نوم خالتي لانو فيها مرايا طويلة واستغربت وقت فات عمر ما عاجبو
عمر : لشو كل هالتزبيط
رؤى : عمر هدي شوي عليها خطيبها
شمس : انت سامع عنو شي ما منيح يعني
عمر : لا كلها بتمدح فيه بس والله بحسو غريب
رؤى : لاني اتجوزت ابن خالي يعني
عمر : اي و هاد من عيلة تانية
شمس : بس حكيت انو منيح
عمر : اي منيح بس حركاتو جريئة وهيك وانا موجود
رؤى : يلا اسبوع زمان وبتكون عندو وبتصير مرتو
عمر : هي ازا طلع حمش خوفي يكون ما بتفرق معو
رؤى : بدك اياه يغار عليها
عمر : اي لكن شو اسمو زلمة انا شفت لبس اختو عهد ما عجبني
رؤى : ييي عمر شو بدك فيه صدقني الواحد بغار ع مرتو اكتر من اختو
عمر : ع كلا الباب ممنوع يتسكر عليهن
بقلبي : الله يسترنا يمكن اخر زيارة الو لهون بسبب غيرة عمر واصلا قرب العرس يعني مارح نلحق وبكرى رح ازور بيت حمايي متل باقي هالمخطوبات
~~~
كان لابس قميص كحلي وجينز ومترتب ع الاخير وعم يشوف الإطلالة الاخيرة بغرفة امو وفاتت لعندو ام مروان
ام مروان : رح تتأخر
ميثاق : مابعرف ولا تحاولو تتصلو وتحكولي رفقاتي ترى عم يجو للجاكرة...ويكون بعلمك لو بتقولي ابوكي مات مو جاي ولا حتى امك تموت
ام مروان : عم تفاول ع اهلي
ميثاق : مطولين يعني
وفرط من الضحك لهيك ضربتو على كتفو كان بيتفوق ع كل العيلة بالطول وبالحجم
ام مروان : استحي ع دمك اي
ميثاق : رضاكي يا امي
ام مروان : يلا روح خود الرضى من شمس
ميثاق : دخيل غمزتها
كان عم يجاكر بامو مجاكرة
ام مروان : هيك لكن بالغ*صب خطبناك وبشوفك اغرقت
ميثاق : مو حرام عليكي ما قلتي بتجنن صحيح قلتو شمس بس اتخيلتها ليل ههههه
اتدخلت عهد
عهد : اي بس قصيرة عليك
ميثاق : اصلا كلكن قصار عليي
عهد : اي صحيح شو اخد ابر كلس بزمانك
ميثاق : ههههه اي شو عرفك المهم ماحدا يزعجني شايفكن غيرانين
اتعطر وطلع من الغرفة ولحقنو لبرى كان محمود ناطرو بجنب السيارة بدو يروح يوصلو
ام مروان : ليش بدك حدا يوصلك
ميثاق : بابا بدو السيارة مدري لوين رايح المهم لا حدا يتصل ولا يجي يأخدني بدون ما اخبرو
عهد : لو صارت ١٢
ميثاق : وتصير وحدة
اخدن نفس طويل التنتين وزفرنو
هو سايق السيارة وبجنبو محمود
ميثاق : شو بلاقي امي واختي ما عجبهن
محمود : ههههه انت مزود لعيار
ميثاق : عيار شو هي اول سهرة الي عندهن
محمود : والهدية الي اشتريتها
ميثاق : يا حبيبي
محمود : شو بدك فيهن اصلا من وقت الي بقيت بيوم الخطبة رجعن مو شايفات طريقهن
طبعا ميثاق اتزكر رقصتو مع شمس وكيف لزقت فيه واتاملتو وراح فيها ابو الشباب
~~~
اول ما اسمعت زمور السيارة اتعمشقت الشباك بحب اتفرج ع حركاتو كلا نزل من السيارة والظاهر جاي معو اخوه توصيلة
استقبلو عمر استقبال مبين مجاملة بس كان معو شنته هدايا لهيك انبسطت كتير يا ترى شو جايبلي
عمر : اتفضل اهلا وسهلا
فات دغري للمضافة وابتسمتلو بس فات مد ايدو وسلم عليي
شمس : اتفضل اهلا وسهلا
ميثاق : وناطريتني كمان والله هيك كتير
طبعا الباب مفتوح لاسباب قهرية
قعدنا بصدر المضافة وقدملي الهدية
شمس : ليش معزب حالك
ميثاق : مافيها عزاب
طبعا اخجلت افتحها مع انو عندي فضول اشوف شوفيها
ميثاق : طولت عليكي
شمس : فكرتك مارح تيجي
ميثاق : اكتر شي ندمان عليه انو بيت اهلي بعيد عن بيت اهلك
شمس :هههه ليش
ميثاق: كنت نعمت الطريق بس المسافة الي مخليتني اقصر
شمس : هههه
اتأملت شو لابس وريحة عطرو علقت بانفي وكيف رافع عن زنودو وفوق القميص جاكيت نصي اسود
وبس اتطلع فيني ما شلت عيوني ضليت أتأملو لهيك ابتسم
ميثاق : ع شو بتطلعي
شمس : معقول برد الجو
دغري شلح الجاكيت
ميثاق : لانو اتحممت والجو اتغير عندكن ضيوف
شمس : اي خالتي ومرت عمي ورؤى ونحن
ميثاق : بالمناسبة ليش بتناديلها خالتي لازم تحكيلا ماما
شمس : هيك اتعودنا
ميثاق : يعني هي اخت امك
شمس : اي
ميثاق : يعني اتوفت امك من زمان
شمس : كان عمري سنه وبابا اتجوزها كرمالنا
ميثاق : بربك يعني ما بحبها هلا
شمس : لا بحبها بس يعني بعد ما اتزوجها

ميثاق : اي بس امك احلى
صدمني
شمس : انت بتعرفها
ميثاق : هههه لا والله بس انتو البنات كتير حلوين لهيك مبين امك احلى من خالتك
وبدون قصد ضربتو على كتفو واخجلت
ميثاق : هههه صحيح الاستنتاج
شمس : مو عيب تتغزل باخواتي البنات
ميثاق : والله ما اتغزلت بس اختكن لصغيرة ما بتشبهكن انتو ماشالله قالب واحد
ودغري استنكرت
شمس : بلاااا شو كل هاد ما عم تتغزل
ميثاق : بس انتي احلى وحدة فيهن ارتاحي
شمس : ويكونو احلى مني بس ما تحكيلي اخواتك حلوين

ميثاق : والله انتي احلى شي صحيح صغيرة

- النص المستخرج من الصورة: 📝
۷:۳۳م
1 الا
M/
ميثاق : والله انتي احلى شي صحيح صغيرة بس بتشلي
بالمناسبة نظراتك الي مو عادية ودغري هربت لروح جيب
الضيافة
وانصدمت ماري وبنت رؤى عم يتسمعن علينا
شحطتهن للمطبخ معي
شمس : لشو هيك انتي وياها
ماري : اخي عمر هيك بدو
شمس : الله يخلصني منكن ع اهون سبب
ماري : كان بدو خالد يتسمع عليكن بس خالد ما رضي وراح
لعند كريم
شمس : يكتر خيركن بتعرفو ازا لسى بشوف خيال وحدة
فيكن بجنب الباب لاكسر راسها
نور : شبكي
شمس : عجبك
نور : هههه يلا خدي لضيافة هلا دوري اتسمع عليكن
شمس .....
ضربت بوز للسما وما اقدرت اغير المود ابدا ارجعت لعندو
وضيفتو ودغري
حس
ميثاق : صار شي
بقلبي شو احكيلك عن هالعيلة الشكاكة
شمس : لا ابدا
میثاق : ارجعتي حدا تاني
شمس : صدقني مافي شي... عادي افتح الهدية
میثاق : اکید
كانت علبة كبيرة فتحتها وشفت ورد جوري وقنينة عطر
مكتوب عليها شمس وساعة مرصعة بتجنن
شمس : كثير حلوة يسلم ايديك
میثاق : اهلا وسهلا
وبعدها ضليت شايلة هم حدا يكون بجنب الباب يعني ازا
بیدری میثاق شو بدو يحكي علينا
ميثاق : لك صحيح الواحد بدو يتواصل معك كيف