ابتسم للفكرة وفاتو للمطعم ودغري كل واحد لشغلو .
♥♥♥•••♥♥♥
بسيارة التوزيع الي سايقها طارق بجنبو مراة حلوة وبيضا وبعيون ملونة اي مو حدا بعيد عشيقتو الي بترافقوا للمحافظات مشان لا يوفقوه الحواجز
دلع : اي رح نطول
طارق : عندك شي اليوم
دلع : لا ماعندي بس مابدي أتأخر
طارق : المغرب منكون بالشام ولايهمك بعدين اخدك جولة ع المحافظات
دلع : من خوفي عليك بس
طارق : دخيلو الي بيخاف عليي
دلع : صحيح طارق ليش ما بتجاوبني بتحبها لمرتك
طارق : هلا شو بجيبها عبالك خلينا بلي نحن فيه
حط ايدو على ايدها وغمزها
كان طارق متناسي انو عندو اخوات بنات وما بطيق حدا يقرب صوبهن ابدا .
°°°°°°°°```````
وببيت ابو طارق كانوا عم يتزاورو بعض
وشهد ملاحظة وبتعرف حكالها طارق كلشي بليل
ابو طارق : وين لولاد
ام طارق : منيح اتزكرت الك ولاد
ابو طارق : راحو لشغلهن
ام طارق : اي تيسرو ليش انت لشو فاضي غير للموبايل
طنشها وطلع من البيت
شهد : خير مرت عمي
ام طارق : شوفة عينك عم ينتر فيني ع الطالعة والنازلة
شهد : مرت عمي بلكي انتي مقصرة عليه
ام طارق : لرجال ما بعبي عينهن الا لتراب
شهد : اشمعنا طارق ما بيعمل متل عمي
ام طارق : احلفي عن حالك
شهد : مستحيل طارق ولايمكن يخوني
ام طارق : الله يسمع منك
شهد : شو بتحبي نجهز للغدا
ام طارق : مابعرف انا مو بنفسي شي اعملي الي بدك اياه
تركتها شهد وهي فتحت خط مع اختها الي بالكويت
♥♥♥•••♥♥♥
بالمطعم كان تقي لابس مريول مشان الجلي ومية الجلي وريان مو اقل منو فات لابس مريول خاص بالجراسين
ريان : لك غنيلي شي مقطع خليني اكسر الملل
تقي : حل عني ولوو شايف حالتي حالة
ريان : اي شايفك حالتك بالويل وعم تنفخ
تقي : شغلي السيكارة لقلك
ريان : تكرم عينك
بجية مدير الجراسين
منور : هلا وقت سيكارتك تقي افندي
تقي : مليت يا زلمة لا صحن ولا تنين
منور : بدو يجي للمطعم وفد فنانين بدي تهتمولي بكل التفاصيل الجلي لازم يكون نظيف وانت ريان طالعلي طقم صحون وكاسات كريستال
تقي : ومنعرفهن للفنانين
منور : نخبة من النجوم
ابتسموا ريان وتقي لانو رح يشوفوا الفنانين عن قرب وع الواقع
تقي :المهم تكون معهن سلافة معمار
ريان : مش طالب انا بدي كاريس بشار
تقي : ياااا اديشها حلوة وبتجنن واتخيلني اتصور معها
ريان : والله لاتعمشق فيها
تقي : من المرة اتجوزها
ريان : ازا بتقبل ليش لا بس هي اكبر مني
تقي : هههه تخليني اتجوز شي فنانة وتدخلني لمجال الفن
ريان : وعادي تكون أكبر منك
تقي : اي ما مهم العمر المهم يكون قلبها شباب وتحبني عنجد
ريان :هههه عليك حكيات بجننوا اشتغل اشتغل مشان تجلي لصحون والكاسات بقلمي مايا الحجازي
تف السيكارة من تمو وانقهر من الجلي
بجية كم جرسون وفايتين يشوفوا شغلهن
بفترة العصر استراحوا واكلو وهني واقفين وعلى حكي ومزح مو مسدءين يجو الفنانين ويتفرجوا عليهن.
•••♥♥♥•••
كنا نتغدا انا ومنى ورشا من طبخ شهد يكسر ايديها
رشا : والله الرز بدو ملح
منى : بقرة ما بتعرف تطبخ
بريق : فوق مو مكلفة حالها وطابخة
منى : ههه بريق بتكون سبتها بينها وبين حالها
بريق : ما طيب الاكل رح اطلب وجبة شورما
تركو الاكل متلي
منى : هههه وانا متلك
رشا: وانا كمان
بريق : لكن قبل يرجع طارق اليوم بدنا ننزل بضاعة جديدة
منى : اتصلي بالمطعم لشوف
بريق : وهو هيك
طلبنا وجبات شورما وكولا ونطرنا الديلفري يجيبهن وقضينا لنهار مع لزبونات وزوقهن الغريب العجيب والي جاية مع خطيبها والي جاية مع جوزها والي جاية معها عر ولاد وناتعة بطن .
♪•••••••••♪
الجزء الأول
اثناء دخول نخبة النجوم كان تقي وريان عم يلقوا نظرة وانبهرو انو عنجد فنانين الي بضيافة المطعم
ريان : لك تقي مو هي صفاء سلطان
تقي : امبلا وهاد الممثل لك أنسيت اسمو
ريان : سلوم حداد
تقي : ايوا هو الزير سالم
ريان : شوف كيف مطاوع محترم
تقي : لك هسس لا يسمعك حدا ويفسد عليك اسمو صاحب المطعم
ريان : شوف اديش فستانها قصير
دفشو تقي وفرط من الضحك وانتبهوا باقي الموظفين بالمطعم على شقاوتهن وكيف بس روسهن طالعة من الباب
منير : فوتوا لشغلكن
تقي : خلينا نمتع نظرنا
منير : عيب عليكن يلا جهز للخدمة بسرعة
ريان : بربك شو كليوم بصحلنا نشوف النجوم
منير : يكبر عقلك وعقلو هي مو اول زيارة للنجوم لمطعمنا
تقي : وانا أسأل حالي التلاجة معباية مشروبات أجنبية
منير : خلصوني ع شغلكن
فاتو يكركوا ضحك
ريان : هلا بيفصلو وبيمثلو شي مقطع من باب الحارة
تقي : ههههه تخيل
❤️❤️❤️❤️❤️❤️
وبغرفة مدير المطعم كان شبه معصب
مطاوع : شو صار بالمطرب خلصوني
منير : مغلق موبايلو
مطاوع : وانتو بتعرفوا سهرة النجوم بدها صوت غنائي وفني

منير: اتصل بالفنان ثائر
مطاوع: الفنان ثائر مو دكة احتياط يا منير لو من قبل اسبوع دعيناه مارح يرفض بس بنفس اللحظة روح دبرها منير بسرعة
طلع يركض لعند اخوه منور
منور : شبك ملهوف هيك
منير : المطرب الي اتعاقدنا معو مغلق موبايلو
منور : والعمل
منير : مابعرف اجيت لتلاقيلي حل بترجاك المدير معصب وهلا رح يضوجوا متعودين يكون فنان يغني اثناء تواجدهن
منور : خلص اعتبر الامور محلولة
تركو وراح للمطبخ كان تقي وريان عم يدخنوا وواقفين ويشربوا عصير
منور : تقي الحقني بسرعة
تقي : شوفي
منور : مامعنا وقت بسرعة
ريان : فصلتوه
منور : الحقوني لتين بعدين اسالو
مشيوا وراه بدون ما يعرفوا شو الموضوع بغرفة تبديل الملابس
كانت الفرقة الموسيقية عم تعزف انغام ليتسلو
تقي : شوفي سيد منور والله رعبتني
منور : المطرب ما اجى اليوم وانت صوتك فني بامتياز اللبسلي هالطقم والحقني
تقي : بدك اغني
منور : لا تخاف مارح يتسجل شي انا فهمان عليك منيح
تقي : ....
اتطلع ب ريان كان مبتسملو بس تقي بحيرة من امرو
منور : لا تتصفن اللبس خلصني
ريان : يلا ولووو بتتسلى بعرفك متمكن
تقي : بس انا ولا مرة غنيت بحفلات
ريان : هلا رح يبلشوا يضجرو يلا
لبس البدلة الي بدون كرافة مشط شعرو وكان بقمة الاناقة اتنحنح وطلع وعيونو على ريان وهداك شجعوا بابتسامة مسك المكيرفون
الفرقة عم تعزف الحان لسلطان الطرب
وتحديداً اغنية الدهب
ووبلش بالموال
صرلي زمان ببكي يا هجران الحبيب...و دمعتي بخدي لهجرنن
سمعت صوتن بقلبي..لهجرن الدهب و مطعم بلولو الدهب يا يا يوباي
الدهب يا حبيبي بضلو دهب..مهما قالو عنه قالو و الدهر نقلب
و العتب يا قلبي عقد المحبه..و مع الي مبيستاهل شو نفع العتب
الدهب يا حبيبي بضلو دهب
عرفوني عدروب الليل وعم بيجن جنوني
عمبدق بواب الليل يسرق نوم عيوني
.حرام شو مساكين هني وحدن المجانين
انا حمدلله دقو على الخشب..والعتب يا قلبي عقد المحبه
مع الي مبيستاهل شو نفع العتب.. الدهب يا حبيبي بضلو دهب
الي الحب بيندهلو منو شو بريدو..يلي الدنيا بتضحكلو الله عمر يزيدو
و تبقى سنينو جداد..و يكيدو الحساد..لازم ما تحكي الناس غير الي نكتب
..والعتب يا قلبي عقد المحبه مع الي مبيستاهل شو نفع العتب..
الدهب اهههه يا حبيبي بضلو دهب
🌹🌹🌹🌹🌹
تفاعل الفنانين زاد من توترو عدا انو كم نجمة صوروه واتصورو معو وهو يغني وهالشي خلاه يتصبب عرق وقربهن سببلو احراج لانو من مجتمع محافظ وكملت السهرة اغاني وفقش وضحك وماسدء ايمتى فضي المطعم ترك من ايدو وفات لغرفة تبديل الملابس كان ريان مبسوط فيه كتير
ريان : ابدعت والله
تقي : انو ابدعت يا زلمة قسمابالله شي بيخجل
ريان : خهههه اي شفتها كيف كانت قريبة منك
تقي : شو لازمة التصوير والله رح انفضح الليلة
ريان : هههه تخيل يعرضوك ع التلفزيون ابوك ما عندو تواصل اجتماعي ليشوفك
تقي : انت الي ما عندك ريان انا بورطة
ريان : وقت الجد بتحكيلو احرجوني
تقي : ييييي يا فضيحتك يا تقي لك سألتني عن اسمي اخجلت احكيلا تقي
ريان : هههههه معك حق لازم اسمك نجم
ريان غرقان بضحكو وتقي واقع بورطة وما عرفان شو يعمل
بدل تيابو وقرب منو مطاوع بفخر
مطاوع : شو هالصوت يا تقي
تقي : يعني منيح هيك
مطاوع : شو رأيك تشتغل عندي بالمطعم والك راتب خاص
تقي : دخيلك يا معلم مالي بقصص الغنا والطرب
مطاوع : لكن شو الي قدمتوا من شوي
تقي : كل القصة بحب استمع وبس
مطاوع : صوتك تحفة اسم الله عليك ومتأكد رح يطلبوك بالسهرة الجاي بالاسم
اتطلع بريان ونزل راسو
مطاوع : هي اجرتك بدل الي غنيتو
تقي : بدك تحاسبني
مطاوع : هي حصة المطرب الي حتى ما برر اسباب غيابو
اتفاجئ انهن ميتين دولار
بالزور لاخدهن وطلعو من المطعم الهوى صيفي بيرد الروح
ريان : نقشت معك
تقي : شو عم تحكي يا زلمة اصلا حاسسهن مال حرام
ريان : مكبر الموضوع انت طيب اكيد داعي دعوة لحتى صار اليوم وغنيت
تقي : ولا ببالي والله عنجد ريان غنيت حلو
ريان : كنت فخور فيك لك يا زلمة انسيت مين بتكون صرت قول بحالي رح اتباهى فيك لانك تقي رفيقي
تقي : استرني الله يسترك
ريان : ههههه حاجتك جنان ولاه كانك عامل شي حرام
❤️🌹❤️🌹❤️❤️❤️🌹
كنت مرابطة على الشباك لحد ما مرو ريان ومعاه تقي الظاهر راجعين متأخرين من المطعم
منى : مين ناطرة
بريق : بشم هوى
منى : والهوى مر لهيك فتي
بريق : لوين بدك توصلي انتي
منى : اي للمكان الي عم تفكري فيه
بريق : انا معجبة ب تقي
منى : بدون ما تحكي واضح هالشي
بريق : غلط مو
منى : لا ابدا الحب مو غلط الغلط انو يجرنا الحب لتوب مو توبنا ومكان مو مكانة
بريق : بس بتعرفي انا مابتوقع تقي يعجب فيني

منى : امبلا رح يعجب بس رح يخاف لانو طارق بيكون رفيقو
بريق : لكن مافي داعي اتعمق بالمشاعر
منى : بس اليوم المحل ما هدي
بريق : اي اتعبنا شو ناوية تشتري بالمصاري الي طلعولك
منى : حابة اجيب قطعة دهب
بريق : وانا متلك منروح سوى
منى : وهو هيك
اتمددت ب تعب كان يوم متعب عنجد .
🌹❤️🌹❤️🌹❤️🌹❤️🌹❤️
ببيت طارق كانت شهد عم تأركل وهو بكل اريحية عم يحكي مع دلع لانو مسميها«تقي» واخد راحتوا بالحكي والضحك والمزح وحتى مش خايف
لانها كمان مداومة ع الموبايل صوت حجر على الشباك دغري طفى الموبايل وطل منو هاد اسلوب تقي
طارق : لك شو جابك بهيك وقت
تقي : عاوزك بكلمتين
دغري نزل لعندو سلم عليه وقعدو
طارق : خليني اخبرها تجهز للمتة
تقي : ابدا ما جاي اشرب شي بس اضجرت ومليت من جو البيت
طارق : معك حق الجو كلو ملل
تقي : محتار احكيلك ولا لا
طارق : احكي لشوف
سرد عليه الي صار وانبسط كتير
طارق : اوف ميتين مرة وحدة
تقي : اي ويمكن لو اني مشهور اخد اكتر
طارق : وقلتلي عجبتهن للفنانين
تقي : لهاللحظة مو مسدء كيف اتفاعلوا معي انا مابعرف شو عملت ندمان كتير
طارق : صوتك دهب انت وسدءني الخطوة الاولى صعبة بس بعدها بتسلك
تقي : وحد الله لك ليش ما عم تستوعبوا ابي مؤذن وخطيب بجامع وانا اصير مطرب شبكن
طارق : اديش بدو يزعل منك سنين انت كمان لازم تأمن مستقبلك
تقي : بالحرام
طارق : اسمعني تقي مدامك حاطت ببالك خوفك من اهلك مارح تقتنع
تقي : بس يا زلمة
طارق : والله لو عندي ربع جمال صوتك ما بستنى دقيقة وخليني انشهر ويصير معي مصاري
تقي : من الناحية المادية انا كتير حالتي زفت والي عم استلموا بالمطعم دوبو يكفيني تياب ودخان وكل شهر لازم احط بمصروف البيت اقل شي مليون
طارق : معك حق كلو غالي حتى اصحاب المحلات عم يستغلو لتياب
تقي : هلا شو مشان انا ندمان ريان ما عم يحكيلي الا متلك
طارق : روح جرب وقدم بشي برنامج واترك التعتير وجلي لصحون مكانك مو هون تقي
شرد تقي لبعيد وخايف كتير من تشجيع رفقاتو
لفكرة كل مجتمعوا بيرفضها
بعدها اعتذر منو ورجع للبيت ماشي ع الرصيف الهوى عم ينعش فؤادو بس اتخذ قرار نهائي
تقي : بالنهاية ابي رح يغضب عليي مو على رفقاتي ورح نصير حكاية على ابوه شيخ وهو مطرب اوعك تقي هي كلها وساوس شيطان لا تخليه يستحوذ على تفكيرك
فات للبيت ومرتاح بالو كتير
اتمدد على التخت حاسس هاليوم عن يومين
تقي : معقول الصبح التقيت ب اخوات طارق
معناها لساتنا بنفس اليوم
❤️❤️🌹🌹🌹❤️🌹❤️❤️
اصحينا على صوت خناق ع غير العادة ما اطلعت من الغرفة بس منى طلعت دغري
ابو طارق : عندي مشوار الك عندي
ام طارق : الساعة عشرة الصبح لوين رايح
ابو طارق : لك شو دخلك انتي شو دخلك
فوتي كملي نومتك
ام طارق : على جثتي يا ابو طارق يا انا يا هي الي عم تراسلها مبارح قرات محادثتك معها رايح لتشوفها
ابو طارق : منيح اجت منك مو مني اي رايح اشوفها ورح اكتب كتابي عليها الاسبوع الجاي منيح
انصدمت للحظات حسيت حالي بحلم استوعبت وقت شفت منى فايتة للغرفة ومتلي مصدومة
منى : اسمعتي بريق
بريق : مستحيل ولايمكن اسدء
منى : لك بابا طلع وماما عم تبكي
اطلعنا من الغرفة كانت حاطة أيدها على عيونها ومستسلمة للدموع
بريق : ماما شو صار
ام طارق : ابوكن جهلان
منى : يعني شو الي حكاه
ام طارق : مواعدها وهي حاكية لاهلها
بريق : انتي شو عرفك ماما
ام طارق : اسمعت تسجيلاتها وقرأت المحادثة
منى : من وين لوين بيعرفها
ام طارق : الله يسطفل فيها ومعها ولدين
منى : يا حبيبي هاد الي كان ناقص خليني اتصل ب طارق بيلاقي حل
ام طارق : والله ما بقعدلو بالبيت ولا لحظة
بريق : طولي بالك ماما اكيد حكي بحكي ورح يرجع بابا ويراجع نفسو
كان البيت مكركب وحاسة انو الي عم يصير متل نهاية الكون ما فتحنا المحل كنت خايفة يكون بابا قول وفعل ومقهورة لا لا غيرانة ما بقبل حدا يشاركنا على بابا
سالو دموعي وفتت للغرفة مقهورة وتعبانة.
•❤️🌹❤️🌹❤️🌹❤️•
استغرب وقت شاف المحل مسكر اتطلع وراه
ريان : ع شو بتطلع
تقي : محل بنات ابو طارق مسكر
ريان : اي لاحظت بالعادة ١١ بالكتير بيفتحوا
تقي : انا شفت طارق طالع بكير
ريان : ابصر شو عندهن هلا شو مشروعك الجديد
تقي بملل : ولاشي جلي صحون وكاسات كتير عليي
ريان : اي براحتك تسطفل
تقي : وياريت تسكرولي ع الموضوع حتى طارق نخر راسي انا عقلي براسي بعرف خلاصي
ريان : متل مابدك
فاتو للمطعم وبلشوا شغل تقي ورا المجلى وريان يلبي طلبات الزباين
🌹❤️🌹❤️🌹❤️🌹❤️🌹
وقت فاتت ماما لعنا انتبهت
ام طارق : ليش ما رحتوا للمحل
بريق : كيف بدنا نروح والنفسية زفت
ام طارق : هاد باب رزق لازم ما يتسكر

منى : يعني بابا بدو يتجوز
قعدت معنا وانقهرت عليها قهر ما بعدو قهر
ام طارق : وقعتوا بشباكها بنت الحرام
بريق : يا ماما لازم نعمل شي ونوقف هالحكاية ونحطلها حد
ام طارق : مابعرف والله ما عم استوعب بعد عشرة سنين وصرت تيتة هيك يعمل فيني يلا قوم اللبسو وافتحوا المحل الزعل مارح يجيب نتيجة والليلة رج احسم الامور يا انا يا هي
بريق : شوووو يعني ازا اختارها
ام طارق : لا تستبقوا الاحداث الله يهديه ويرجع لصوابو يلا قومي للمحل حبيبتي
طاوعتها كان لازمني اطلع من جو البيت بس منى رفضت تداوم اتصلت ب رشا مشان تداوم معي
اللبست وجهزت حالي ورحت للمحل يعني الساعة ٢ وهلا عز الشغل لقيت زبونتين ناطرات
بريق : طولت
الزبونة : كنت بدي اتصل فيكي
بريق : اتفضلو اهلا وسهلا
فتحت المحل وفتنا
بريق : اكيد جايبن تشوفو تشكيلة القمصان
الزبونة : اي لفتوني على صفحة الفيس بوك
بريق : نو

- النص المستخرج من الصورة: 📝
٢:٤٤ ص
Kell
بريق : نورتو المحل
وهيك بلش يومي زبونات من اولها
طفى السيارة واتطلع ب دلع وغمزها
دلع : ليش وقفت طارق
طارق : عندي هون شقة
دلع : مفكرني صغيرة صح
طارق : بالعكس لاني بعرفك صبية وحلوة
دلع : بس انا وانت ما اتفقنا ع هيك
طارق : قلتلك رح نتجوز
دلع : لا طارق كلشي لحال ارافقك الطريق شي وانو نقضي
وقت بالشقة شي
طارق : هالكلمة حركت مشاعري
دلع : شغل طارق وامشي مارح يصير الي ببالك
مسکلا ایدها
طارق : ولو يا دلع عم بتخافي مني انا قلتلك انو معي امان
بقلمي مايا الحجازي
دلع : شغل وامشي النا حديث تاني
شغل بقهر كان جاي عبالو يسفقها كف.
ترك أيدها
بس اتمالك اعصا ابو
بقلبو : شو عليه رح اجربك اكثر من مرة هالمرة نفذتي الا ما
توقعي مرة تانية وغير يلي ببالي ما بصير
كان مبين عليها منرفزة ومقهورة منو
راجع بكير لحالو عم يتزكر عرض مطاوع عليه
مطاوع : ع السهرة رح تاخد ۲۰۰ دولار فکر منیح
تقي : بس انا مو هاوي اغاني ولا طموحي اصير مطرب
مطاوع : مبارح جنو فيك النجوم ولووو بدك تفكر كمان
تقي : انا حكيتلك عذري
مطاوع رح تحلق بعد اول شهر غناء رح تيجيك عروض
خيالية

- النص المستخرج من الصورة: 📝
٢:٤٤ ص
تقي انت مكانك مو ورا المجلى ولا بهاد المريول
اتطلع بحالو وقارن كيف كان مرتب ببدلة رسمية
تقي : المطلوب مني
مطاوع : ارجع للبيت وفكر بكلامي معك اسبوع تفكير وشو
بدك انا جاهز
شاف حجر صغير قدامو ورماه قدامو واستقر باب محل «
بريق للابسة الجاهزة
ابتسم لانو فتحوا المحل مشي لصار عند واجهة المحل وشاف
بريق عم تأشر للموظفة وتعلق الفستان اتأمل لبسها المحتشم
اناقتها بشكل عام وزادت ابتسامتوا وكمل للبيت.

الجزء الثاني
صوت سيارة طارق اطلعت استقبلوا
طارق : شو لحالك اليوم
بريق : اي والله فوت
طارق : لنشوف شو صار
امشيت قدامو وقعدنا عند مكتبي
طارق : كيف شفتي الحركة اليوم
بريق : غير شكل مع انو فتحت الساعة ٢
طارق : ما مهم ايمتى المهم الغلة
سحب الدفتر وابتسم
طارق : برافو ومتل ما قلتلك دوبلي الاسعار
بريق : ولايهمك طارق صارت شغلة اليوم
طارق : بالمحل
بريق : لا اخي مو بالمحل بابا
طارق : يسطفلو بريق نحن ما دخلنا
توترت وخفت من اجوبتو طارق مجرد من الحنية
بريق : طارق بترجاك ماما مو صغيرة بالعمر ليتجوز عليها
طارق : اختي اسمعيني ازا بيجيكي عريس متجوز وعندو عر ولاد رح اجوزك الو الزواج مو حرام ليش عم تحرمن شي رب العالمين حللو
بريق : اوف منك انت بوادي وانا بوادي يا طارق وقف زواج بابا
طارق : مارح اوقف بوجهو خليه يجدد شبابو
بريق : بس ماما منهارة يا طارق
طارق : انتي ومنى مزوداتها خلص يسطفلو وقت يكونو متفقين بيكون ما علاقتكن عم تفهمي
بريق : راجع للبيت
طارق : حاجتي اخدرت ورا الدركسيون
بريق : يعطيك العافية يارب
اشرت ل رشا انتهى الدوام نزل سيارة التوزيع للقبو تحت المحل وسكر الغلق وامشينا
بريق : جيب شهد وتعالو اسهرو
طارق : بنامو لولاد ومنيجي
بريق : انت حكيت لشهد شي
طارق : مرتي اكيد بدي احكيلا
فات لبيتو وانا اطلعت لبيتنا بالطابق التاني فتحت بمفتاحي الأجواء ع حالها بدلت تيابي
ورحت لاتعشى بالمطبخ
ومقهورة لابعد الحدود
❤️🌹❤️🌹❤️🌹❤️🌹
اتعشى اخر لقمة وغمزها ل شهد
طنشتوا
طارق : نيمي لولاد شهد
شهد : طولو بالنومة اليوم وناموا العصر
طارق : ليش ناموا العصر اوف منك
يلا حليها انا سابقك للغرفة
تأففت
شهد : اوووف طارق منك أجلها
طارق : مارح ااجل شي طالعي لولاد لفوق والحقيني
طبعا هاد الي مارح يصير نطر كتير بالغرفة والي فهموا شهد ما بدها منو شي كان لابس بيجامة ونزل يتمشى تحت
طارق : والله لاطقها جوازة عليكي الواحد حقو وبدو يترجاها للست شهد تعطيني الي بدي اياه منها وفوق منها هلا بتحكيلي مرت عمي والبنات سهروني عندهم لقى حالو عند بيت تقي دق الباب واتراجع للورى فتحلو تقي
تقي : اهلا والله
طارق : حول ع التمشاية لقلك
دغري سكر الباب وشاركوا المشي
تقي : شو طولت بالشغل
طارق : اي والله تعب ب تعب يا زلمة عدا مشاكلي مع عساكر الحواجز
تقي : ادفع وامشي
طارق : بدفع ما بهمني بس نفس الحاجز روحة رجعة جننوني يا زلمة
تقي : بتكون اتبدلت النوبة
طارق : اي
رمى حجر على شباك ريان ودغري فتح الشباك
ريان : هااا شو بدكن
طارق : انزل خلص ابونا
ريان : شاي قهوة نفكاسيه
تقي : هههه نكفاسيه
فرطوا ضحك شوي ونزل معو ابريق متة وقعدو بجنب البيت يشربوا متة وحديث يجر حديث بس تقي مكيف كيفية عم يشرب دخان بكثرة كانو عم يمون للشتوية
ريان : تقي خلصت باكيت
تقي : شايف ضيفني منك
ريان : كتير هيك يا زلمة
طارق : دخان مو ويسكي
تقي : قولتو هاتلك وحدة عم تحاكرني ع شقفة سيكارة
ريان : تسطفل
اول ما اتطلع ب طارق الي إضاءة موبايلو فرجت تقي انو بيشبه بريق بس انو اخشن منها
ابتسم وكتم ضحكتوا وكملو نهفات وحكي.
🌹❤️🌹❤️🌹❤️🌹❤️
شكلو طارق مابدو يجي صرعونا لولاد لهيك فتت لارتاح بيكفيني تعب المحل وعجقة الزباين بعتتلو رسالة
بريق : وينك طارق
شوي ورد برسالة
طارق : مع الشباب هون في شي
بريق : ع اساس تيجي تسهر
طارق : شهد عندكن
بريق : اي ولولاد
طارق : منيح كتير
بريق : انا بدي انام بدك شي
طارق : تصبحي على خير
اتزكرت انو مع تقي وافرحت كتير
ياترى شو بيحكوا بحب سهراتهن اكيد رح يغني تقي راحت عليي سهرتهن حرام لو سهرو تحت بيتنا كنت افرحت واتونست
حطيت راسي وحاولت انام بس صوت تقي ما عم يطلع من راسي سر العزاب قال ❤️ دخيل الله صوتو عالم تاني شو هالرجال هاد
❤️🌹❤️🌹❤️🌹
وقفوا لتلات بنفس التوقيت
ريان : خليكن والله بكير
تقي : لا انت احكينا وانت عم تسكر الباب
طارق : هههه مو بلا قال خليكن
ريان : طبعا السيد تقي اليوم رجع بكير العترة ع غيرو لا صوت ولا صورة
تقي : معي مهلة اسبوع
طارق بفضول : مهلة شو
تقي : مطاوع عرض عليي اغني بالمطعم بوقت السهرات ويعطيني ع الحفل ٢٠٠ من هداك
طارق : وعم تفكر من كل عقلك
تقي: يا جماعة الموضوع مو بسهولة
ريان : احكي ابوك
تقي : خلص بربكن لا تزيدوها عليي هالاسبوع برتاح من الجلي وبعدها بحكيلو بابا رافض وخلص
ريان : براحتك العرض مغري ياريتو الي حولو شباب
تقي : بعرسك
كملو لحالهن
طارق : ما ضروري تشاور ابوك بس يعرف يعمل الي بدو اياه
تقي : بس الخطوة شوي متهورة
طارق : انت ادرى بمصلحتك
تقي : بعرف بس انا محتاج اسبوع راحة

طارق : بس بياض ايديك ناصع من سائل الجلي
تقي : هههه حول علينا
طارق : بعرسك بلكي تكون المراة ناطريتني
تقي : استحي ع دمك راعي شعور العزابية
طارق : ههههه حرام يا تقي عايش بدون مراة
تقي : ههه بلا تفوت
طارق : غير مرة تصبح على خير
تقي : وانت من اهلو
فات وسكر الباب وكمل طارق لحالو وكالعادة شهد عم تأركل وتتسلى ع موبايلها ولولاد نامو حكاها ب ملل وأيديه بجيابو
طارق : شو كيف كانت السهرة
شهد: منيحة
طارق : وانتي شو الوضع عندك
شهد : هلا شغلت النفس
طارق : وصلت الرسالة
فات للغرفة مقهور
طارق : الله لا يسامحك يا شهد منك لله على هالفصول الي بتعمليها فيني .
🌹❤️🌹❤️🌹❤️🌹🌹
الصبح بدأ يوم ابطالنا طارق على سيارة توزيع البضاعة وبريق بالمحل وتقي فترة نقاها وتفكير
بالمطعم بعد ساعات الظهر
منير : شو تقي مابدو يداوم
ريان : لمعلم مطاوع حكالو ارتاح
منور : يعني وافق يغني
منير: العرض مغري
ريان : ههه اغني انا
منير : صوتك نشاز هو صوتو بيجنن
منور : اقنعوا سدءني رح يسلك طريق النجومية
منير : وشو بدو احلى من انو تكون انطلاقتوا من المحل عنا
ريان : اهلو متشددين
منور : يسطفل بتروح عليه
ريان بقلبو : لو العرض الي ما بفوتوا اصلا تقي رح يندم في حال ما وافق
🌹❤️🌹❤️🌹❤️
بعد لفطور كانت تبارك عم تجهز حالها والبنات عم يلاعبهن تقي
ام تقي : خليكي عنا
تبارك : اليوم عازمين بيت حمايي وعندي درس تحفيظ قرآن بالجامع
ابو تقي : ربي يوفقك ويجعلو بميزان حسناتك
تقي : رح تلحقي
تبارك : اي ساعة الدرس يعني بلحق باذن الله
ابو تقي : بارك الله فيكي
باست ايد ابوها وايد وامها وراح تقي يوصلها تمشاية كانت لابسة شالة بيضا وجلباب اسود لحتى ما يفصل معالم جسمها
تقي : يعني انت انسة بالجامع
تبارك : بعطي دورس لصبايا صغار
تقي : وبناتك اختي
تبارك : باخدهن معي الصلاة بالمسجد من اعظم الشغلات الي بتصير معي بيومي
تقي : اي معك حق
بقلبو : ازا بدي احكي رح تعطيني محاضرة اختصر ع حالك لك تقي
وصلها عزمتوا وما رضي يفوت وما لقى حالو الا قدام محل بريق الي مشغولة وعم تحسب وعندها موزع شبه اتضايق لانها بتاخد وبتعطي مع شب من جيلو تقريباً وفات للمحل يراقب شو الموضوع
الموزع : يعني مليون و٧٠٠
بريق : وفيك تعدهن
الموزع : لا خلص معدودين يعني شو اكتب بالفاتورة
بريق : فساتين بيكيه قطن بدي جميع الالوان شوفة عينك راحوا كلهن
الموزع : ولايهمك
بريق : يعطيك العافية
كان عم يضب المصاري بس تقي عينو على بريق وهي لاحظت وجودو بالمحل طلع الموزع وقرب من مكتبها
تقي : كيفك بريق
بريق : اهلين تقي
تقي : كأنك مشغولة
بريق : يعني شوفة عينك عندي ترتيب بضاعة اتفضل شو بتحب اخدمك
تقي : هون بدنا نحكي
بريق باستغراب : عفوا بشو بدنا نحكي
تقي : انا بقول نحكي بمكان غير هون
بريق بتلبك : وين يعني
تقي : هون بالمحل التاني
بريق : بس
تقي : طارق مو هون لا تخافي بعدين ولو نحن جيران
بريق : بس شو الموضوع
تقي : بنطرك بالكافيه
قبل حتى تعترض مشي
❤️🌹❤️🌹❤️🌹
كنت ملبكة كتير غمزتني رشا
رشا: نقول مبروك
بريق ع شو وليه
رشا : اكيد مارح يحكيلك بدو يشاركك التجارة
بريق : والله مابعرف بس كمان ما فيني اشوفوا يسطفل
رشا : لا تفوتي هالفرصة بلكي قصدو شريف بعدين هو من عيلة محافظة وكل الحي بيشهدلهن
بريق : يعني
رشا : وازا بدك بغطي عنك وقت ترجع منى
بريق : طيب شو رح يفكر فيني الاخ اصلا ولا مرة اقبلت اي عرض
رشا : رح تعرفي منو هلا يلا مابدها نطرة
بريق : مستحيل شو بتحكي انتي بعدين هو ما تركلي مجال حتى اناقشوا شو يعني بينطرني بالكافيه يعني واثق كل الثقة انو رح احكي معو
رشا : مابدك يعني
بريق : اكيد مابدي انا مو هيك وازا هو من عيلة محافظة انا بحالي محافظة ومابقبل التقي فيه هيك بدون صلة
بجيبة منى ومعها عصير فرش بارد

🌹❤️🌹❤️🌹❤️
وعند طارق كان ماسك ايد دلع وباسها وبقي يستنشق بعمق
دلع : ما بكفي
طارق : شوفي كم سيارة قدامنا
دلع : شو القصة طارق حاسستك متولع فيني بزيادة
طارق : فوق العادة ما عم تحسي بلي جواتي دلع بعشقك بموت فيكي والله
دلع : اي وانا بموت فيك
طارق : وافقي والله الشقة صارت قريبة من هون
دلع : بلاااا شو ما بتمل انت
طارق : لا تعمليلي شريفة ليكني ماسك ايدك
دلع : الايد شي والي عم تطلبوا شي تاني
طارق : دافنينو سوى
دلع : وازا ارملة مفكرني رخيصة
طارق : والله مارح اعمل شي منرتاح يا البي
دلع : مارح تتحكم بحالك ورح تصير تقول الشيطان غلبني وانا بغنى عن هالشي
طارق : حبوب المانع بشو مقصرة
دلع : خلص بقى والله مارح اوافق
طارق : منكتب كتاب براني
دلع : وبنتي
طارق : هلا تاركيتها نص لنهار بتحكيلي بنتي

دلع : اهلو حكولي بس تتجوزي مناخد البنت
طارق : خلص سكرت تمي ع الاخر
سكتوا وحرك السيارة
بقلبو : لعمى ما اعندها ليكني مخصصلك راتب شهري شو عزة هالنفس هي والله بقص ايدي ازا ما عم تستشرف وبس وانا وياكي يا دلع
بقلبها دلع : لسى ما استويت رح اخليك تحاكي حالك ومارح اوافق بلا ما ازبط وضعي اااخ شو بحبك هلا شوفتك متل شوفة المرحوم الله يرحموا بس من وين بعتلي هالحلو مابعرف.
❤️🌹❤️🌹❤️🌹
بعد انتظار نص ساعة وقف وحاسب عن المي الي طلبها وطلع من الكافيه ولمح بريق عم ترتب ولا عبالها
توجه للبيت وكتير مفهومه هالحركة معناها مابدها تلتقي فيه بامكان عامة حمل موبايلو وسجل رقمها الي مكتوب على واجهة المحل وفات للبيت هلا وقت قيلولة العيلة هدوء لابعد الحدود فات ل غرفتوا وسكر بهدوء ليرتاح وبنفس الوقت حاسس ب ملل وفراغ اتاري الجلي والوقفة ورا المجلى وشوفة ريان والزملاء معبية كل وقت فراغوا .
اخد وضعية النوم وفتح الموبايل وشرد برقمها ورجع سكرو
تقي : بس عجبتني هالحركة كتير مامعها مجال تشوف حدا باماكن عامة
ايه شو عليه يا «بريق» والله فخامة الاسم تكفي جمالا ولووو ...غمض وهو مبتسم وراحت فيه نومة
❤️🌹🌹❤️
صفط السيارة قدام المحل واستراح من المشوار رغم انو الكهربا بتقطع كتير بس بيتهن والمحل مركبين طاقة شمسية ولا يمكن تفصل الكهربا عندهم لو ثواني نزل وشاف بريق ومنى عم يتسايرو وفي كم زبونة بالمحل
طارق : مرحبا
منى : اهلين اخي طولت اليوم
طارق : غصب عني شو ما خلصتو
بريق : بس لنمشي هالزبونات
طارق : اي وين الغلة
بريق : بالخزنة
طارق : لكن اجتماعنا ببيتي اليوم
بريق : ماشي
فات للخزنة اخد المصاري وطلع للسيارة وبطريقو للبيت مع انو المسافة قصيرة بس مشان المصاري الي معو.
❤️🌹🌹❤️
وعند شهد البيت مرتب ونظيف شكلها عاملة تعسيفة للبيت وهي عاملة دوش
انتبهتلو ودغري نزلت فستانها
طارق : الي بيشوفك بيسدء بتخجلي ع اساس
شهد : طولت
طارق : اي شو نعمل نيمي لولاد مو فرحان فيكي بس اليوم بدنا تتوزع غلة الشهر ونتقاسمها انا واخواتي واهلي
شهد : متل مابدك
طارق : ...
هز راسو بغيض منها وحط المصاري بغرفتتو
يمكن ماحدا متوقع انو هالكرتونة مليانة مصاري فات للمطبخ وفتح البراد وبلش ينقرش
طارق : يحرق اخت النسوان
انا حارق دمي شهد عم تجدبها ودلع عم تصيرني ع نار هادية والله عبالي اتجوز وحدة من بنات هالحارة ويلااا انقلعي منك الها ليش كل هالتقل لعمى صار معي منها ولدين ولساها عقلها صعب يا ترى ليش عم تعمل معي هيك

❤️❤️🌹🌹
الجزء الثالث
سكرنا الغلق وارجعنا تمشاية للبيت
منى : مبين هلكان طارق
بريق : الله يكون بعونو سفر للمحافظات يعني منيح منو عم يرجع بهيك وقت
منى : ولا تنسي بيطلع مع اذان الفجر
بريق: واكيد عندو سفرة لحلب هاليومين مشان لبضاعة
منى : ايه الله يرزقنا جميع
بريق : امين
كنت عم فكر ب تقي اتخيلتوا وهو ناطر بس ما اتخيلت حالي قاعدة معو وهون الكل بيعرفنا بكرى ليقولو بنت ابو طارق عم تطبق ابن الخطيب لا يوه انا مو بس كرامة لاهلي كرامة لنفسي مارح اقبل التقي فيه وبدو يزعل يزعل ياترى عنجد قصدو شريف ازا هيك يبعت اهلو طارق مش فرقانة معو وبالعكس تقي غالي عليه لدرجة وما بجيب سيرتو الا بالخير
اتحممت واللبست بيجامة شرعية وسبقت منى لبيت اخي دقيت الباب وفتحلي طارق
بريق : عوافي خيي
طارق : يعافي قلبكك شو وين منى
بريق : هلا جاية بس ماما ما بدها تيجي عم تحكي مع خالتي ازهار
طارق : هو خرب بيتها غير خالتك فوتي لشوف
فتت اتأمل الرتابة والنظافة
بريق : يا عيني شو عاملين تعسيف
سمعت صوت نفخو قعدت اتسلى على موبايلي وننطر منى
بريق : وينها شهد
طارق : بتنيم لولاد بتعرفي فضايح لولاد
بقلبي : ومرتك كمان فضيحة بتحكي لاهلها
بريق : اي منيح ما ريحت
طارق : لاحق ع النوم بكرى الجمعة واكيد رح انام للظهر
بريق : اي بس هلا بتطبشها بتسهر مع الشباب
طارق : زكرتيني
شكلو عم يبعتلهن
بريق : وين السهرة عندك
طارق : اي احسن واشرح بريق
بريق : اي اخي
طارق : والله خجلان احكيلك
بريق : احكيلي ولوو
طارق : خلص خلص انسي
اتطلعت فيه وحسيتو ملبك كتير
بدقة الباب وطلعة شهد من الغرفة رحت فتحت ل منى وطارق جاب المصاري من جميع فئات العملة وبلشنا عد ومتل ما بقولو يا عم تلعبوا بالمصاري لعب
ساعة ونحن نعد ونفرز بالعملة لحتى كتب طارق الارباح واخد حق لبضاعة الجديدة وبعدها اتوزعنا المصاري لطارق النص والنا النص وحصة اهلي من طارق بياخدوها
بريق : الحمد الله هالشهر وفت معنا
طارق : اي والله الحمد الله
بريق : طارق في شوية بضاعة ما عم تمشي وراحت موضتها شو رايك نوزعها لناس محتاجة

طارق : لا تساليني بريق الك حرية التصرف ولا ترجعيلي بهيك أمور
منى : قلتلها مارح يعارض بس الا تسألك
طارق : اعملي شو مابدك انا ما بنسى انو انتي الي حركتي المحل بشطارتك وذكائك
بريق : ازا هيك بكرى بشوف لمين رح يتوزعوا
طارق : ما تنسي الخالة ام تقي
بريق : ولا يهمك خلص
شهد : وانا بريق خليني اختار كم قطعة لولاد اخي ومرت اخي وماما
طارق : كمان
بريق : اي اخي شو عليه بتفرحهن بهدايا مو تفكرو لبضاعة خزين بالعكس كتير ماشي حالها بس موديلها راح
شهد : يكتر خيرك يا بريق ويجبر بخاطرك
طارق : قومي اعملي القهوة
منى : ازا مشانا انا ما بدي
بريق : وانا كمان ما جاي عبالي شي ورايحة انام
سمعتهن مشان لا يطلبوا مننا متة وشاي
طارق : ماشي لكن جهزي شهد الشاي الشباب جايين ع الطريق
انسحبنا واطلعنا للبيت
منى بهمس : يا ويلي منك شو قوية
بريق : لكن بدها نخدم رفقات جوزها
منى : بس اسلوبك عبقري قال طالعين انام وهلا رح تبلش سهرتنا
بريق : وناوية بكرى نروح نتفسح مع ماما حرام لازم تغير جو
منى : اي جبتيها
التزمنا الغرفة بس ما قعدت بمكاني الزقت بالشباك وشفت تقي وريان جايين وعم يتشاكسوا ويضحكوا وطارق هجم عليهن ابتسمت تلقائيا للحركات وقعدو مكان سهرة كل مرة وصوت ضحكة تقي بقلبي ومتأكدة رح يغني ناطرة بحماس
🌹❤️❤️🌹
كان مطفي سيكارة وشغل وحدة دغري
ريان : بربك تقي شو رح يهرب الباكيت
تقي : هلا بالبيت رح تعن ع بالي ومارح استرجي ادخن
طارق : وفكرت
تقي : كل ما اقرر افاتحو بالموضوع عم يحكي شي بخصوص الحرام والحلال يا جماعة انا بلعت الموس ع الحدين
ريان : الاحسن تغني بدون ما تشاورو وساعة الي بيدرى بدو يقلعك من البيت يقلعك
تقي : معي وقت بس شكلي بدي افكر من ورا المجلى
عليت صوت الضحكات
طارق : مابتقصر وبكرى جمعة واكيد رح يكون المطعم فل
ريان : حول طارق
طارق : لشوف عن العيلة بكرى عطلتي
ريان : بتشرفنا وغمز تقي ريان :تقي ومنو منغلي الفاتورة منعرفوا عظاموا دهب
تقي : هههه جبتها والله
طارق : لكن شو رايكن تعطلو واعزمكن
تقي : اوووه فكرة كمان
ريان : هو بعطلة بس غيرو لا
تقي : ههههه
طارق : استحي ع دمك بقى وغني
تقي : الليلة جمعة مابصير
ريان : غني ولاه الليلة خميس طارق
غمزو وطارق اكتئب من وضع شهد
تقي : هلا بالخميس طارق
فرطوا ضحك
طارق بقلبو : الي بيعرف بيعرف والي ما بيعرف بيقول كف عدس
طارق : غني خلصنا
اخد نفس واتنهد واتنحنح يزبط صوتو
بقلبو : يارب تسمع بريق
وبلش يدندن والشباب انسجموا دغري
انت منت انسان اكثر .. قلبي مو من قلبك اصغر..
مثل ماتشعر تأكد اني اشعر
فيني منك فيك مني
غصب عنك غصب عني
التقينا والقى قسمه مقدر
هان طعن السيف ولا طعن الكلام..
من الحبيب اللي وسط حضني ينام
~
مالي غيرك ومالك إلا انا حبايب
يكرهك نصفي ونصفي فيك ذايب
الهوى غلاب وامر الله غالب
الزمك طول العمر لا اجي ولا اروح
كني مقيد وقيدي مو سلاسل
قيدي اخلاص ووفا والا انت قايل
لو يقوم الكون وتخسف بي زلازل
ما احرك ساكنٍ بك مير مسموح
~~~~
هان طعن السيف ولا طعن الكلام..
من الحبيب اللي وسط حضني ينام
....
سفقولو بحرارة بس هو لمح الشباك مفتوح وفي حدا واقف ورا البرداي بس ما استرجى يتطلع ع اساس كان يحك دقنو
تقي : ياريت تكون بريق وتكون سمعت الغنية بلكي تحرك مشاعرها تجاهي
طارق : لو منو عليي هلا بشحطك للمطعم وتبدا مسيرتك الفنية
تقي : ازا الي نصيب شي يوم اوقف ع المسرح واغني رح اغني
ريان : بس مو تنسانا وقت تنشهر
تقي : شو بتحكي يا زلمة ما بنساكن
طارق : خوفي بس يصير فنان يبعينا ويتعيب فينا
ريان : بالاخص ازا اشترى سيارة من الي ببالي وببالك
تقي : حاجتكم انتو ما انعستوا قوم قوم ريان الليلة خميس وعم نعطل ع صاحبنا نحن مبينين عزابية
طارق : الليل باولو
تقي : هههه قول هيك من اول
ريان : وطارق ما بيحكيلنا اي ولا لأ بخاف
تقي : هههه تخيل نصيبو عين
فرطو ضحك
طارق : عنجد انكن قليلين ادب وفهمان عليكن
فرطوا ضحك بزيادة وبلش فيهن طارق ضرب وبوكسات
ريان : انت فوت لبيتك شو بدك فينا
طارق : صباحي هون جكارة فيكن
تقي : احب على قلبنا
طارق : ندل مو بأيدك
ريان : اي لكن حضرتك متجوز غيرك عزابي
تقي : في احتمال نربطك تحت البيت منو بتحرس ومنو بتنحرم فوتة البيت .

❤️❤️🌹🌹
ما اقدرت امل من مشهد المزح والضحك بقلبي ضحكتوا هو وبس تركت الشباك والتزمت مكاني واتخليت لو وافقت والتقيت فيه لا بعيدة عن عيونو التنتين مش بريق الي بتلتقي بشباب غريبة وبتتعارف ع الرايح والجاي
اصلا لو بدي اتعارف اغلب الموزعين شباب وعطول بيلاطفوني بفكروني خفيفة وياما متصلين فيني ع اساس خربطة ويكونو بيتحججو ليحكوا معي

غمضت ونبضات قلبي زادت لانو اتزكرت صوتو والاغنية اخ منك تقي والاحلى من هيك اسمو تقي الدين اسم ع مسمى ع اساس
مابعرف كيف اغفيت واصحيت على هدوء كالعادة اليوم الجمعة عنا تعزيل للبيت وطارق بعتلنا خبر انو طالعين نتغدا كلنا برى وهي اجانا مشوار ع البارد المستريح
🌹❤️🌹❤️
كان عم يجهز حالو للصلاة لابس قميص اسود وبنطلون جينز رش من العطر وطلع يلبس البوط ومشي بحد ابوه الي عم يذكر رب العالمين بكثرة اسغفار وتسبيح وحمد
وتقي تلقائياً بلش يسبح ويستغفر
وصلو توافد كل رجال الحي شلح البوط وفات للجامع مع ابوه طبعاً ابوه خطيب الجامع
صلى ركعتين تحية مسجد واخد قرآن واتربع وقرأ سورة الكهف وابوه وقت شافوا ابتسم وافتخر فيه حس على حدا قعد جنبو من الصوبين وكل واحد منهم ماسك مصحف بعد تلاوة سورة الكهف سكر القرآن واتطلع عليهن ريان وطارق كل واحد من جهة
كانت خطبة الجمعة عن مواقع التواصل الاجتماعي وكيفية حماية شباب هالايام من السم الي الأجانب عم يقدموه على طبق من ذهب لشبابنا وبناتنا
ابو تقي : يا اخوة الايمان اولادنا وشبابنا أمانة في اعناقنا من منكم يسأل زوجته او ابنته او اخته ماذا تتابع او من تشاهد انتم محاسبون يوم القيامة ستسألون والله لتسألون عن تهاونكم مع بناتكم الآن وصلنا الى اخر الزمان وها قد كثر الهرج وكثرت المعازف والاغاني ماذا ننتظر بعد ان تطلع علينا الشمس من الغرب ستغلق أبواب التوبة ولا ينفع الندم بعد ذلك
احبائي في الله توبوا قبل فوات الاوان
قشعريرة سرت بجسموا ومسح حبات العرق المتصببة على جبينو بقلمي مايا الحجازي
بقلبو : يارب سامحني يارب اغفرلي انا مقصر تجاه ديني وصلاتي وعبادتي
اتطلع فيه طارق
طارق : شبك تقي
تقي : ولاشي
دق قلبوا لطارق بقوة وشد على ايدو اتزكر انو عم يمشي ورا الحرام وبموضوع حساس اسمو الزنا
طارق : يارب اهديني والله مو بأيدي الشيطان استحوذ على تفكيري
ريان بقلبو : الحمد الله الله كرمنا بالاسلام
خلصت خطبة الجمعة صلوا وبعد الصلاة وانصرفوا من المسجد حاليا كل اهل الحي مجهزين لسيرانات وطلعات والي مارح يطلع بيكون الغدا دسم

❤️🌹❤️🌹❤️
بالمطعم ذاتو الي بيشتغلو فيه ريان وتقي كانت لمة العيلة
طارق وشهد الي بيمثلو قدام العالم انهن منسجمين وبريق ومنى بحد بعض عم يضحكن ويمزحن وام طارق مهتمة بولاد طارق
وخطوة منو ليشوف شو متابعات اخواتو البنات على مواقع التواصل
طارق : بريق بدي موبايلك شوي
بدون تردد اعطتو اياه
منى : شو بدك منو اخي
طارق : لساتو عندك رقم شهم موزع الاحذية
بريق : اي بتلااقيه بالمحادثات المؤرشفة
بكل حماس فتح الواتس وشاف اغلبو ارقام عادية وفتح الارشيف ليشوف اكتر من محادثة مع موزعين وبكل هدوء فتش بكل الارقام طبعا بريق ولا هامها ابدا لهيك اطمئن انو ماعندها شي مخبى ع الواتس وفتح الفيس بوك كلو اشعارات لصفحة الالبسة ودور بالمسنجر كلو طلبات زباين واتنفس براحة بريق مو مهتمة الا بالشغل ومو فاضية للحب والغرام اخد رقم شهم مشان التمويه ورجعلا اياه
❤️🌹❤️🌹
همستلي منى : بيتفش موبايلك سدءيني
بريق : شو بدو يكون فيه بعدين اغلبهن موزعين ومافي بيني وبينهن شي الا الاسعار والموديلات
منى : انا بخبرك ما بحذرك والا معقول مامعو رقم شهم
بريق : براحتوا يعمل الي بدو ياه
طارق : هاتي موبايلك منى
استغربت بس مافيها ترفض
شهد : شوبدك بموبايل منى
طارق : بدي اشوف شغلة
اخدو وعنجد شكلو عم يفتش فيه وبعدها رجعوا وحسيتو كتير ارتاح بعد الي عملو
❤️🌹🌹🌹❤️
كان مبتسم من قدام باب غرفة الجراسين لانو شايف بريق مع العيلة ومبتسم
ريان : لنروح نشوف صاحبنا شو بدو يطلب
تقي : بلا تشوفلي منسجم مع مدامتو
ريان : ههههه وهو هيك اصلا احب ع قلبي امسك عليه شي مستمسك
كان تقي منسجم ب بريق لابعد الحدود مراقب كل تحركاتها حتى لو رفعت ايدها
تقي : صدفة بدربكم مريت شفتك يا حلوة من شفتك اني غنيت يما الحب يما غمازة وعيون كبار والكحلة بلوة
ضربو منير على كتفوا
منير : على مين بتبصبص انت
تقي : مو بصبصة بس هاد رفيقي
وفات لجوى يكمل اغاني ومبسوط كتير
❤️🌹❤️🌹
انسحر ب منى وخجل لانو شافها عن قريب كان ماسك دفتر ويسجل الطلب ابتسم ل طارق بعفوية
ريان : شو بتحبو تطلبوا
طارق : مشاوي لحمة وشيش وبدي من كافة المقبلات
ريان : تكرم بتحبوا تطلبوا شي تاني
طارق : بعد الغدا بشوف
ريان : اهلا وسهلا
راح ليعطي الموظف الطلب
بقلبو : ليش هيك صابني ما كل مرة بشوفها يعني شو اتغير اليوم
غريب شو بصير معك لك ريان
تقي : شو طمن عن وضع حبيبنا
ريان : مبسوط ولا عبالو
تقي : شو طلب دخلك
ريان : بدو مشاوي
تقي : والله أمورو طيبة اليوم

رجع التفت ليشوف منى وتقي شرد ب بريق وابتسم
تقي : هيك لكن لك بريق بستناكي نص ساعة بقلمي مايا الحجازي وما بتشرفي يعني بدك خطبة اهل والله ما بينعز بس كمان مو وقت الخطبة ازا الوضع بيضل هيك لاشحد اخر السنة وبلش يغني
تقي : يا احلى منهم ....يا فرقة عنهم
انسجم ريان وباقي الجراسين وتقي حاسس حالو خلقان من جديد .
❤️❤️🌹❤️🌹
بعد الغدا طلب فواكه كان داعمنا السيد طارق
منى : ليش ما عزمت بابا
طارق : عزمتوا بس ما بدو يجي
ام طارق : اتجوز يعني
طارق : مابعرف والله اصلا منيح رد عليي
ام طارق : يكتر خيرو والله بس ليك طارق ازا بتكون دريان بجوازتو ومو مخبرني لاغضب عليك
طارق : بدك تتركي البيت
ام طارق : بدك اعيش معو يعني
طارق : ماما البيت بأسمك وهو لازم يتركوا
ام طارق : صحيح كيف ما خطرت ببالي هالشغلة المهم بس تدرى بزاوجو دغري بتخبرني
طارق : شو رايكن نمشي
منى : نحن حابات نرجع تمشاية
طارق : لا حبيبتي مافي عم اسمع بلاوي بأمنكن بتكسي وبدي اضل عند تقي وريان
بريق

- النص المستخرج من الصورة: 📝
٢:٤٦ ص
بريق : هههه فوت اجلي كمان
طارق : المهم مع اصحابي كلو بيهون
منی : مبینین انکن اصحاب
طارق : منشبه بعض يعني
Kis O
شهد : لا واضح انكن بتفهموا ع بعض من نظرة
جهزنا حالنا واطلعنا من المطعم مع اني ما شفت تقي بس
اتخيلتوا بالشغل
بطريقهن للبيت الشباب عم يدخنوا
تقي : كيف شفت اكل المطعم
طارق : مبين الشيف معلم
تقي : والاطباق
طارق : كلشي بالمطعم راقي وحتى انتو
ریان: بس كمان انت دفيع
طارق : لكن الاكرامية بس
الكن
تقي : مع انو مافي داعي
ريان : يخرب بيتك ضاببها بجيبك وبتحكي
تقي : انت التاني مشان اطلع كلاس
طارق : شو وين السهرة
تقي : انا الغوني من القائمة منيح بسهر معكن
طارق : عندي
ريان : لا عندي مبارح كنا عندك
طارق : يا سيدي منتشرف

الجزء الرابع
بغرفتنا كانت منى مبتسمة ع غير العادة
بريق : شو القصة ست منى
منى : لا ولاشي
بريق : في شي بس انتي مابدك تحكيلي
منى : بحكيلك بس اصلا مو متأكدة
بريق :ريان معجب فيكي
منى : لاحظتي
بريق : اي وخجل بس لمحك
منى : شو رأيك انتي
بريق : رأيي ازا نيتوا صافية يدق بابنا حسب الأصول
منى : معقول لا ما بقبل
بريق : ليش بدك اياه متعلم
منى : لككك لااا بس انو انتي لكبيرة
بريق : بدك تربطي مستقبلك ب مستقبلي
منى : هلا صار متقدملي هههههه
بريق : مابتعرفي طارق راح يسهر عندو يمكن يخبرو
منى : معقول لك بريق
بريق : وانتي عجبك
منى : متل مو تقي عاجبك
بريق : هس وليه لا يسمعك حدا
منى : من مين خايفة
بريق : مابدي حدا يعرف ابدا
منى: بشو يعرف انتي معجبة عنجد
بريق : لك ما حكيتلك اجى للمحل وطلب نحكي بالكافيه
منى : وشو صار
بريق : هههه بتفكريني قابلتو
منى : اي
بريق : لا حبيبتي مستحيل يصير هيك شي
منى : لك انا اتحمست كتير
ابتسمت اتزكرت يومها كيف كان حلو وملفت
🌹❤️🌹❤️🌹
كانو بس ريان وطارق
طارق : طول تقي
ريان : هلا بيجي
طارق : ملل مو
ريان : اي ملل طارق في موضوع حابب احكيه معك
طارق : احكي
ريان : بس والله خجلان منك
طارق: شه من شو خجلان
ريان : والله ما بعرف شو احكيلك
بقلبو طارق : اكيد بدو يخطب بريق وعاجبيتو واليوم سمحتلو الفرصة يشوفها
طارق : احكي ولووو
ريان : بس خجلان منك
طارق : خلصني احكي
ريان : انا رايد القرب منكن
طارق : ولشو خجلان ازا جاي من الباب ما عم تنط من فوق الاساطيح
ريان : انو يعني
طارق : احكي الي بقلبك والله طالعت قلبي
ريان : انا رايد اختك لصغيرة على سنة الله ورسولو
طارق بصدمة : منى قصدك
ريان : اي هي
طارق : والله مابعرف شو بدي قلك
ريان : يعني رح ترفضوا
طارق : مو قصة نرفض او نوافق يعني الشور شور اهلي والرأي رأيها
بقلبو : فكرت ل بريق وبلكي اهلي ما وافقوا تنخطب لصغيرة قبل لكبيرة والله مصيبة
بكرى بريق رح تتحسس من هالموضوع
بجية تقي يدندن ويغني بصوت خافت
ريان : شرف ساعة كمان خليك
تقي : لك مو قلتلي اتاخر بدي احكي طارق بيني وبينو
ريان : انا
طارق : هههه خلص حكاني
تقي : عال احكيلي
ريان : لا تحكيلو يا زلمة ليصير جد
تقي بخوف : عن شو حكيتوا
طارق : خطبة وزواج
وغمزو ل تقي وانفلج بلع ريقو بصعوبة وقعد متردد يتطلع بالتنين
تقي : انت ريان بدك تخطب
ريان : عندك مانع
تقي : اجلها بلم حق المحبس منخطب سوى
طارق : يا عمري انا بعطيك
تقي : ما حكى مين خطب
طارق : ليصير جد منحكيلك
ريان : مو مستعجلين
تقي : يعني سر
ريان : يعني هيك شي
تقي : ترا انا ازعلت اتاريني غير مرغوب فيني
طارق : ليصير جد يا زلمة خلص هو سألني وانا بشاور اهلي وخلص بتنعزم لا تخاف
وانقباضات قلبو كتيرة
بقلبو : يا ريتني اتشجعت وحكيت معو بس يا تقي ماحدا ناوي يجوزك بيعرفوا الدين بكلشي بس انو ابنهن طالب يتجوز بيغضو النظر عن الموضوع
شغل سيكارة وصغر عيونو واتطلع ببيت ابو طارق متخيل حفل الخطوبة وحس انو بريق طارت من بين ايديه .
❤️🌹❤️🌹
رجع للبيت وحيد مكتئب يتزكر مزح طارق وريان وحس بالغيرة انو رح يكونوا عيلة وحدة فتح الباب وفات واستغرب ابوه ناطرو
تقي : مسالخير
ابو تقي : وين كنت لهلأ
تقي : هون عند الشباب
ابو تقي : انا كم مرة بدي احكيلك مارح ينفعوك لو قراتلك جزء قرآن مو احسن الك ولاخرتك
تقي : بقرأ اكيد بس انا ما بعمل شي غلط مزح وضحك يعني مافي شي
ابو تقي : يعني الدخان صار حلال
تقي : مين بيدخن
ابو تقي : وبدك تكزب عينك عينك
تقي : تنفيخ
ابو تقي : مافي شي اسموا تنفيخ في شي اسمو لهو ولعب واحسن مانك عم تطق حنك صلي قيام الليل واختم جزء من القرآن
تقي : ان شاء الله
ابو تقي : عم تسايرني
تقي : انا بدي اتجوز بابا
ابو تقي : بدك تتجوز ليش انت أهل للزواج
تقي : بالدين والشريعة بس الشب يطلب الزواج مو لازم يتزوج
ابو تقي : شو مؤهلاتك للزواج
تقي : بتدين باخد سلفة من مطاوع
ابو تقي : شيل الفكرة من راسك وازا ما كنت أهل للزواج مارح اخلي بنت الناس تبتلي فيك
تقي : بدي اتجوز بابا طارق اصغر مني بسنة وعندو عيلة وريان بدو يخطب يعني شو بينقصني عنهن
ابو تقي : بدك تتجوز اسعى لحالك امن دهب ومهر واجار شقة انا مابدي تسكن عندي بعد زواجك
تقي : وصلت الرسالة
قلبو انقبض للحظات حس انو من سابع المستحيلات يكون عندو عيلة
فات للحمام وتلقائيا وقف قبال لمرايا اتأمل ملامحوا
تقي : وبيحكي بالشريعة الاسلامية معقول ما حاسس فيني يعني هو ما مر بمرحلة يطلب من اهلو يزوجوه ايمتى لك تقي ايمتى دهب ومهر وبيت
غمض كانو عيونو مدمعين
تقي : يعني تعجيز ما بخاف الله فيني انا بدي يكون عندي عيلة ارجع من عند رفقاتي الاقي مرتي تنطرني ويصير عندي ولد ولدين احس بقيمة حالي

غسل وجهو وطلع من الحمام وراسا ل غرفتوا الي مهرهرة من وقت كبر وهو ينطر تتبدل هالغرفة وتصير غرفة نوم كاملة مو خزانة محطمة ومرايا مكسورة ومفرش رايح لونو
سكر بهدوء عكس الي جواتو اتمدد وحاول ينام بس بريق ع بالو وميت غيرة عليها
تقي : معقول تصير زوجة رفيقي اخ كلو منك تقي لازم حكيت فيها
اتزكر انها لابسة خواتم دهب وسلسال وفيه اونصة غالية كتير
تقي : اناقتك بوحدة بيكفي الزوق باللبس والرتابة والحركات والهدوء من الاخر دخلتي قلبي وقت طنشتي عزيمتي .

🌹❤️🌹❤️
الصبح اصحيت من بكير مع انو نعسانة بس حبيت اجواء الصباح غسلت واللبست يانس للصلاة واطلعت للبلكون اشم هوى
نسمات الصباح منعشة ياااا بدها فنجان قهوة والله
جهزت الركوة واطلعت للبلكون اشربها على رواق واتسلى بصفحة الالبسة وارد على لزبونات انتبهت ل طارق طالع من بيتو
بريق : بسبس
دغري انتبه
طارق : نشيطة والله
بريق : حول ع القهوة
طارق : مستحيل ارفض افتحيلي الباب
رحت دغري فتحتلو نطرتو لوصل
بريق : يا كسلان
طارق : صباحك وليه
بريق : صباح الورد اتفضل
حسيتو مبسوط من الجو جبتلو فنجان قهوة وصبيتلو
طارق : من ايدين ما بعدمهن
بريق : كانت شهودة عملتلك فنجان قهوة
طارق : نايمة
بريق : بس متأخر اليوم انت
طارق : اي راحت فيني نومة انتي ليش مبكرة
بريق : اجى عبالي هالجو الحلو بزكرني بايام امتحانات التاسع
طارق : ههه متزكرة
بريق : شفت كيف قدمنا التاسع لتلات سوى
طارق : ههههه اي ونجحنا سوى ... بالمناسبة منى جاييها عريس
بريق : عنجد مين
طارق : ريان
بريق : حسيت والله
طارق : يعني ما ازعلتي
بريق : ازعل بالعكس ريان ادمي وجارنا يعني شو بدها احسن من هيك
طارق : وانو هي لصغيرة
بريق : لا ابدا النصيب من رب العالمين معقول اوقف بوجه زواج اختي لا ابدا مبسوطة كتير
طارق : ومنى
بريق : مارح تعترض
طارق : عقبال ما نفرح فيكي
بريق : مو مهم الزواج المهم راحة البال
اتنهد ب تعب
طارق : والله درر يسلم هالتم
بريق : اخي انت مو مرتاح مع شهد
طارق : شي يوم رح احكيلك بس مو اليوم
دغري استعد للمشوار
بريق : طيب حددو موعد وهيك
طارق : لا ببعتلو انو يتفضلو ويسطفلو اهلي
بريق : اي الله يوفقها يارب
خليك والله بكير
طارق : دوبني اوصل
طلع من البيت وابتسمت للموضوع
منى رح تصير عروس قريبا جدا
❤️🌹❤️🌹
رسالة طارق خلتو يبتسم وهو شبه مغمض
رجع ريح راسو على المخدة
ريان : يعني في قبول واخيرا لك ريان رح تصير عريس يلا عقبال عند تقي مشان لا يضل لحالو عزابي بس منى عالم تاني اديشها حلووة وناعمة لاحكي مع اهلي مشان اليوم يتقدمولا وخلص يصير الموضوع رسمي والتقي فيها وامسك أيدها وتكون حلالي والي وبس
اتنشط وغسل ونطر لصحيت امو وخبرها وكتير انبسطت واتصلت ب ام طارق وحكتلهن بتشرفونا
🌹❤️🌹❤️
كنت عم جهز حالي لروحة المحل
ام طارق : لك بلا ما تفتحي اليوم رح يجو خطابين ل منى
بريق : اي لمنى مو الي ليش لاكون حاضرة
منى : يعني حكيتيلهن اتفضلو ما عم افهم ايمتى لحقو
بريق : ريان مبارح مفاتح طارق بالموضوع والصبح ردلو خبر وها ليكهن جاهزين الجماعة هلا دورك جهزي حالك وقدمي القهوة منيح
ام طارق : هههه عقبالك يارب
بريق : تسلميلي
انزلت وبطريقي للمحل حسيت بوحشة يعني معقول منى تبعد عني مشان الخطبة واصير وحيدة لا تحطي ببالك بريق ابدا فتحت المحل وبلشت ترتيب واجت رشا
رشا : صباحو بريق
بريق : اهلا رشروش
رشا : اختك الكسلانة خلص لازمها فصل من الشغل
بريق : رح اقلعها
رشا: هههه عنجد
بريق : اليوم جاييها عريس
رشا : معقول وانتي
بريق : شبني
رشا : بقصد يعني تتزوج وهي لصغيرة وانتي
بريق : الشب اعجب فيها مو فيني بعدين ماني مستعجلة ع الزواج
رشا : بس هيك رح تخرب عليكي الناس بتقول ليش ليجوزو لصغيرة اكيد في شي.
بريق : هلا بدنا نسدء حكي الناس
رشا : مابعرف طيب مو غيرانة انتي
بريق : بالعكس كتير فرحانة والله
رشا : مابعرف الله يتمم ع خير وعقبالك
بريق : تسلميلي
ما كنت فهمانة شو قصدها منيح
بس انا عنجد مبسوطة لمنى ولصدق ريان طلع عنجد رجال وما لف ودار متل شباب هالايام
❤️🌹❤️🌹❤️
وعند تقي ورا المجلى بالمطعم كل الدنيا مسكرة بوجهو غياب ريان خلاه يكون وحيد لدرجة خلص ومسح أيديه وقعد على كرسي وقداموا طاولة
شغل سيكارة وأيديه يرجفوا كان متوتر لابعد الحدود
تقي : شبك تقي معقول لساك عم تفكر بكلام ابوك .. ولا خايف عنجد بريق تكون العروس ولا ريان كان معودك ع حالو.....او انت مقهور من وضعك الحالي جاوب ليش خجلان انا بعرف انو جواتي هش ضعيف بس مو لدرجه ابكي اي اي نمت ودموعي ما هديو على شو لك تقي مين مستاهل تكون مهموم كرمالو انت رجال وعيب لرجال تبكي معقول بس انا بكيت معناها انا خروق وتشتوش

نفخ نفسو وانتبه ل منور اجى قعد قبالو
منور : خلصت
تقي : حاليا اي
منور : استنى شوي وجاييك دفعة جديدة
تقي : امري لله
منور : شبك ولوو فضفضلي
تقي : من الاخر
منور : اي
تقي : شايف هالكون كلو
منور : اي
تقي : حاسو مطبق على صدري
منور : من شو
تقي : من كل شي تخيل شب من جيلي ابسط احلاموا يكون عندو عيلة بس شكلو رح يموت عزابي
منور : لا ولووو لا تحكي هيك الله يطول بعمرك ونفرح فيك
تقي : ما بظن هلا قبل المطر مو بتغيم
منور : اي
تقي : انا عندي لساها ما غيمت ايمتى بدها تمطر
انقهر عليه منور لانو شاف دموع بعينو
منور : خلص ولووو بربك ما حليان الا وانت عم تمزح وتضحك
وقف على حيلو واستلم دفعة الجلي
تقي : شغلة طويلة بدها عمرين ما بتخلص انا مو مكاني هون ورا المجلى وسائل الجلي
ما كان بيعرف كيف بدو يخلص هاليوم متمني يموت على انو يضل وضعو هيك
❤️🌹❤️🌹
المسا ارجعت للبيت واخجلت انو الخطابين عنا طليت بالصالون واتخبيت من جديد
ابتسمت لمنظر منى وهي بفستان بيسحر وقاعدة بجنب ماما بس ليش مو العصر اجو ايه الله يتمم ع خير مع انو مشاعري مخربطة وحاسة بدي ابكي ازا هالشرنة تركتني لحالي بالغرفة
بدلت تيابي وغسلت وارجعت للغرفة وكل شوي اسرقلي نظرة واخر لزيارة وقفو عند باب البيت يحكو
ام طارق : رح نردلكن الخبر الاكيد
ام همام : ونحن ناطرين الجواب وريان كتير مستعجل
ام طارق : ولايهمك
سكرت الباب ودغري اطلعت وشفت منى خجلانة
بريق : خلص صرتي عروس
منى : ليش وافقوا اهلي
ام طارق : وافقنا اكيد بس يعني خلينا نتدلل عليهن شوي
بريق : حركات التقل
منى : وبابا
ام طارق : لا حدا يجيب سيرتو قدامي
بريق : اي شو حكت عندو ريان
ام طارق : هو بيشتغل بمطعم بس اخوه ناوي ينزل ع البلد ويفتحوا مشروع سوى
بريق : الله يتمم على خير مبروك منوووش
منى : الله يبارك فيكي عقبالك
بريق : ييييي والله انصرعت بهالكلمة
اجو سهرة شهد وطارق لحالهن والكل مبسوط ومنى عنجد خجلانة واخدت دور العروس بس كأني بلشت استوحش والله هي رفيقتي واختي وكلشي
🌹❤️🌹❤️
وعند تقي لساتو بمكانو يأسان وعم يحاول ينام وقت انفتح الباب دغري اتجلس وكانت امو
ام تقي : ليش مانك سهران عند رفقاتك
تقي : شكلو ماحدا فاضيلي ريان خطب وحدة من بنات ابو طارق وطارق بتعرفي عندو عيلة
ام تقي : وانت ليش زعلان
تقي : بدك افرح
ام تقي : لازم تفرح لرفقاتك
تقي : بس المفروض افرح لحالي اول
ام تقي : اشتغل دوام اضافي
تقي : والله ما ضل الا انام بالمطعم
ام تقي : طيب شو فيني اعملك انت قول
تقي : معقول ماما ما عندك شي قطعة دهب مخبيتيها لجوازتي
ام تقي : اعطيتها ل تبارك بوقت انخطبت
تقي : وانا مو ابنك
ام تقي : امبلا بس والله بتعرف كيف بعت كل دهبي بحادث ابوك والله سلموا
تقي : اي بعرف بس انا فكرت مخبية شي على جنب
ام تقي : بكرى بروح لعند خالتك وبتدين منها
تقي : لا اوعك شو تديني منها
ام تقي : والله محروق قلبي مشانك
تقي : بيعوا الارض
ام تقي : يوه ابوك كل اعتمادو ع الموسم
تقي : طيب ليش رافض اسكن معكن انا حمل استأجر
إم تقي : هو كرمالك مشان تاخد راحتك
تقي : لا تضحكيني انا بقبل اكون مقيد هون ومستعد اعيش مع مرتي ونتهامس همس بس مو تصعبوا زواجي
ام تقي : انا بقنعوا تسكن عنا بس ارجعنالها لسى بدك كتير شغلات
تقي : يعني انتي مع انو اشتغل واتجوز ليش ما ع الموسم تجوزوني
ام تقي : واخوك ودراستو
تقي : يعني عماد ابدا مني
ام تقي : ابدا مو هيك بس انت بتعرف صحتو على قدو نظرو من السكري متراجع انت مشالله صحتك معك وقادر تشتغل هو ازا بينجرح مصيبة
تقي : معك حق
بقلبو : خلص قولي مابدي اجوزك وتبارك وعماد ابدا منك
ام تقي : نام لا تفكر بشي حبيبي
هز راسو بس بدو يخلص من هالنقاش
طلعت من الغرفة وسكرت وراها أتأمل غرفتو واثاثها المهترية ليش حتى ماعندو مروحة يتهوى وهي من ابسط حقوقو ورجع ليحاول ينام
تقي : شو يعني لك تقي حكموا عليك بالاعدام يعني لا برحمك ولا بخلي رحمة الله تنزل عليك
عماد معو سكري وتلقائيا حصتو محفوظة ليدرس اما انا عمريني ما ارتاح والاحسن تكون العروس بريق والله لاموت بحسرتي مع انو شوب كتير بس هو متأقلم عادي عم يتصبب عرق وشاغل فكرو وتفكيرو بالزواج
❤️🌹❤️🌹❤️🌹
الجزء الخامس
بعد مرور عدة أيام كان الخبر بالحارة مطبول ريان بكرى حفل خطوبتو على منى بنت أبو طارق
~~~
طلبت من رشا تفتح المحل لانو لازم اكون مع منى بدها تختار فستان لحفل الخطبة وكل العيلة مستنفرة مشان الحدث دقات على الباب ورحت لاشوف مين وقت شفت بابا افرحت كتير
بريق : اهلين بابا
ابو طارق : كيفك حبيبتي
بريق : مشتقتلك ليش موبايلك مغلق
ابو طارق : مافي اتفضل

بريق : اتفضل البيت بيتك
فات بهدوء راقبت نظرات ماما الو وحسيت لازم يكونو لحالهم لهيك فتت للغرفة كانت منى مبسوطة لدرجة
بريق : اجى بابا
منى : اي اسمعت
بريق : ع شو مبتسمة
منى : هاد ريان باعتلي كلام معسول
بريق : بس بدو كلمة يعني
منى : خايفة طارق يعرف
بريق : بكون اخد رقمك من طارق
منى : لا متزكرة وقت اجى شافني طلب رقمي
بريق : ههههه استغلال للوضع يعني وليش خايفة بكرى حفل الخطبة
منى : بريق دقات قلبي عم تخوفني
قعدت جنبها وكتير افرحتلا
بريق : يا عمري بتكوني فرحانة
منى : الصراحة ما توقعت انخطب بهالسرعة
بريق : ولابقين لبعض كتير الله يكتبلك السعادة يا روحي
منى : وعقبالك يارب دغري تنخطبي مشان نصير تنتين مخطوبات
ما خطر ع بالي الا تقي
بريق : ما مهم الخطبة المهم انتي مبسوطة وهاد احلى شي بالنسبة الي يلا طارق طالع السيارة الي مخبيها عن عيون الناس كرمالك
منى : عادي رح يفكرو لخوالي
بريق : يلا جهزي حالك يومنا طويل ورح نحضر حفلة ريان اليوم من البلكون
منى : لك لا تقولي ريان عم يدق قلبي بسرعة
غمرتها وكتير فرحانة كرمالا
وبلشنا بتجهيز حالنا
❤️🌹❤️🌹
كان تقي عم يسكر باب البيت واستغرب من طارق نازل من سيارة فخمة قدام محلهن ودغري راح لعندو وهو يتمايز العاروس ما اتطلع بطارق كان عم يتفحص السيارة منيح
تقي : كيفو ابو طريق
طارق : اهلا تقي
طبطب على السيارة وصفرلا باعجاب
تقي : الك مو
طارق : تمويه لخوالي
تقي : مبروكة يا سيدي لك وين عريسنا
طارق : مابعرف بكون مدفوس
تقي : ينام ؟؟؟ريان ينام وهو فرحان متزكر وقت نجح بالتاسع ما غمضتلو عين ليلتها
طارق : هههه اي اي معك حق وانت وين رايح
تقي : حاجز دور بدي احلق الليلة حفل خطوبة رفيق العمر
طارق : احجزلي وراك بكون وصلت البنات للكوافيرة
تقي : لا تتأخر اي
طارق : لا ما بتأخر
اتصل باخواتو وبقي تقي بفضول ناطر يعرف شو بدو يحكي طارق
طارق : انا تحت بريق خلصو وانزلو....لا لا عند المحل ناطركن مابدي تشوفني شهد
ابتسم تقي وراح يكركر ضحك على رفيقو
وما بيمنع يضل عينو على بيت ابو طارق لشاف بريق نازلة وما شال عينو عنها رغم انها ما اتطلعت فيه بس هو اتمايز حتى شو لابسة وكمل للحلاق
تقي : عوافي سمورة
سمير : طولت
تقي : لحتى صحصت احجز لطارق دور
سمير : اليوم ارباحي بترجع لحفل خطبة ريان
تقي : لكن اعمللنا خصم لانو نحن اقنعناه يخطب
سمير : ههه تكرم كم تقي عنا
تقي : واحد والله يجعلو تقي
ضحكوا وبلش شغلو سمير وتقي بعالم تاني اسمو بريق عم تلمع وكلها جمال واناقة وما بيمنع يتخيل انو عم يحلق لحفل خطبتو الشبه مستحيلة .
🌹❤️🌹❤️
ساحة الحارة اتجهزت انارة ع حساب طارق وفرقة موسيقية ومطرب شعبي كان واقف طارق ويشرف على الاجواء كلها
وببيت تقي اتنفس براحة من هالكلمة بالتحديد
ام تقي : ابوك عند عمتك جميلة تعبانة شوي
تبارك : ليش بتسأل وين بابا
تقي : اكيد ما اشتقتلو بس اليوم حفل ريان
تبارك : استغفر الله العظيم بدك تحضر
تقي : شو هي بدي احضر وبدي اشارك اليوم يومنا نحن رفقات العريس
تبارك : يا حرام عم تغضبوا رب العالمين لترضوا البشر
تقي : شو شايفتها حفل نسوان اختي رجال ولا مراة
تبارك : المعازف والاغاني الموسيقي حرام وبرعاية الشيطان بتكون
تقي : اوووف يعني بابا عاطيكي الدرس قبل يروح
تبارك : لا ابدا بس روح اسأل كل لشيوخ
تقي : يا عمي مابدي اسأل حدا حرموا الفرحة بإسم الدين
ام تقي : الله يهديك يا ابني والحقيقة واضحة متل عين الشمس هاد كلو من عمل الشيطان عم يزين بعيونكن هالحفلات
الشيطان وعد انو يحرف الانسان عن طريق الحق وقال « وعزتك وجلالك لأغوينهم مادامت أرواحهم في أجسادهم
تقي : فيقول الله تعالى وعزتي وجلالي لأغفرن لهم ماداموا يستغفرونني
تقي : الله غفور رحيم وانتو متشددين كتير وبدي اروح وبدي ارقص وادبك
تبارك : استغفر الله العظيم و اتوب اليه
ام تقي : الله يهديك يا ابني مافيني احكي غير هيك
تركهن وفات للغرفة يلبس طالع بنطلون اسود كتان وبلوزة سودة وجاكيت رسمي رمادي وكندرة جديدة وبلش يجهز حالو
وطلع من البيت وهو يسمع دعاوي اختو وامو الله يهديه
وقت وصل كان الحضور مكتمل والفرقة عم تعزف الحان للموال وقف بجنب رفقاتو وبلش يستمتع بوقتو وشايف بريق من البلكون طبعا مو بس هي
كلشي في نسوان على الاساطيح والبرندات
❤️🌹❤️🌹❤️

كان مميز حتى بلبسوا واناقتوا الست منى غرقانة بتفاصيل السيد ريان لانو هالحفل كلو ل ريان افندي وماما مبتسمة
بريق : واخيرا صار حفل بالحارة
ام طارق : اي والله الله يديم الفرح على الحي واهلو
شهد : شفتو ما احلى طارق يقبر قلبي
منى : ان شاء الله يارب يقبر قلبك

شهد : شو قصدك وليه اموت
بريق : يارب يغني المطرب اموت وينشرح صدري
فرطنا من الضحك بس شهد انطمزت
شهد : لو بعرف في هزات بدن كنت حضرت من الشباك
بريق : لا ولووو خليكي مدايقيتنا
شهد : هففف
منى : ههههه عنجد مدايقيتنا شهودي
شهد : هلا بفل
منى : روحي
ام طارق : قبل تنزلي اعملينا شي يبرد قلبنا
شهد : حاضر مرت عمي
واتحلفتلنا وبس اختفت كملنا ضحكتنا
بريق : وليييي اعلقنا لك منوش
منى : ولي خوفي توقعني بكرى قدام العالم
ام طارق : ما بتسترجي
ركزت بالحفلة او بالاحرى بابو جاكيت رمادي هيك من بعيد كيف من قريب يلا عم يتصور هو وطارق هلا بعمل لفة بحساب طارق ع الفيس وبشوف جمالو ل تقي افندي
الحفل ولعان والشباب كلها مشاركة واخر شي توقعتوا يمسك الميكرفون تقي ليغني اتطلعت فيني منى وكأنو تقي من املاكي دفشتها
بريق : لك ليش اتطلعتي فيني
منى : اكيد بدو يغنيلك
بريق : مافي شي بيني وبينوا خلص وليه
❤️🌹❤️🌹
كان اغلب الشباب مصدومين لانو ابن الخطيب ناوي يغني
صوت همس : مو هاد ابن مؤذن الجامع
-: اي هو لا حول ولا قوة الا بالله
-: وين الخطيب يشوفوا شاطرو يحكيلنا ديرو بالكم ع اولادكم يجي يشوف ابنو
-: لك ليش حرام الغنى
-: لو مو حرام بيجي يحكيلنا ما يفهم ابنو هالحكي
همس لل يلي مستلم الاورغ
تقى : بلش بأغنية ناصيف زيتون هيي الغمزتني بعينا
الشب : تكرم
وبلشت الالحان وهلا صوتو بالموال صدح بكل الحارة وطارق وريان فرحانين فيه لدرجة
تقي :ميلي على صوت القصب ما اجملو ميلك
لو كان شغلي بالذهب لترك وغنيلك وغنيلك

هي اللي غمزتني بعينا بايدا صارت توميلي
بقيت السهرة كلا رقص وغنج مقابيلي

بدي روح وحاكيها حاكيها قدام الكل
هيدي قلبي ناطرها وانا قلبي دليلي

هي الاولى بحلاها مافي حلوة بتسبقها
سبحان الي سواها كل من شافا بيعشقها

وبدي امسك بايدا ورقصها قدام الكل
هيدي حبيبة قلبي ويلي ان راحت يا ويلي

ضحكتها عالم تاني عالم شيبلي راسي
كلشي بهالدنيا غناني ما تعبر عن احساسي
~~~~
كان مبسوط لدرجة لانو بريق سامعة وعم تحضر
بقلبو : يارب تعرف انو هالاغنية الها وبس
ما كانت الاغنية الوحيدة بس الشباب انصدموا بخامة صوتوا الغنائية وكيف عم يمشي ع المقامات وكأنو من سنين بمجال الطرب وبعد الساعة ١٢ خلصت الحفلة ورجع للبيت بعد ما بارك ل طارق وريان
ماشي بهدوء : يارب هلا الدور عندي لازم اخطب بس لك مابدي اتزوج مع انو ريان ناوي يتزوج خلال شهرين يلا ازا ما كانت خطيبتي بريق بصحلي كم نظرة بيني وبينها ورح تسمع من اختها اخباري او انا رح احكي لريان اني معجب فيها مع انو معي رقمك بريق بس مابدي احكي معك لنشوف اخرة التقل
فرح لانو امو نايمة ودغري فات يبدل تيابو وينام بالجو الحراقي .
💔💔💔
تاني يوم من الصبح مجهزين للروحة الكوافيرة استنفار كامل متكامل ومنى مو على بعضها وصلنا طارق للكوافيرة ومن هنيك بلشت التحضيرات للعروس وانا اتمكيجت كنت لابسة فستان بدرجات الزهر الفاتح وشالة فضية وفل ميكاج وسكربينة فضية مليانة قصب بعد ساعات تجهيز اجى طارق لياخدنا للصالة ومن هنيك بلشت الحفل رقص ودبكة واجواء الفرح ولعانة وبعد ما انكتب لكتاب فات طارق وبابا والعريس وابوه وولعت الحفلة من جديد والا اتخيل حفل خطبتي ووقت خطر ع بالي تقي قلبي صار يقرع متل طبول الحرب وقت تبدأ وحسيت حالي غرقانة فيه اكتر من اللازم اتزكرت صوتو اغنية مبارح ااااوف بريق شو صايرلك لك مجنونة مافي شي بينك وبينو ليش هيك معلقة حالك بوهم بس يا ترى لو التقيت فيه هداك اليوم شو كنا رح نحكي
معقول يعترفلي
شهد : بريق وين شاردة
انتبهت
شهد : تعالي طلع ابو همام مشان ترقصي مع طارق ومنى
بريق : ضروري بقلمي مايا الحجازي
شهد : يوه ضروري ونص يلا تعالي
حاولت ابعد تفكيري عن تقي وركزت بالجو والرقص والاغاني
💔🌹💔🌹💔
وبالمطعم كان وحيد بدون ريان
منور : شو مبارح الحفل ولع بصوتك
تقي : مالي خبر
منور : انا خطرلي عشقان بنت الجيران وكانت ع البلكون وغنيتلا ميلي على صوت القصب
تقي : مبين عليي عشقان
منور : وكانو الحبيبة كانت على بلكون بطابق تاني
تقي : يخرب بيتك شو عرفك
منور : انا لاحظت عليك تخجل وقت تلمح البلكون القريب من بيت ريان
تقي : يعني حلو صوتي
منور : بجنن صوتك تقي ليش ما تغني
تقي : بدي فت خبز كتير
منور : رح تتعزب اول كم سنة بس بعدها رح تصير مشهور
تقي : خليني تقي اريحلي ههههه.
منور : يعني رح يترك الشغل ريان
تقي : اسألني عن حالي وبس تعال شغلي سيكارة ايديي مي
شغلو السيكارة وكمل جلي ومتأمل يصير بينو وبين بريق لو تبادل اعجاب على الاقل
~~~
نتألم ..؟؟عندما نرى من.
. نعشقهم ليسو معنا،
نتألم ...في لحظات اشتياقنا

لهم... ولا نستطيع ولو النطق
بكلمة انا مشتاق،....لا ادري
... انحن الذين نعجز ...عن الكلام
او الكلام هو الذى يعجز عنا؟؟..
يقولون أن...لغة الصمــــــــــــــت
أفضل لغة لتعبير،، فماذا لو عجز
الصمت!!!!فبأي لغة يجب التعبير
#مقتبس
🌹❤️🌹❤️🌹
كان طارق واقف قدام المطعم نزل وطبش الباب وتوجه لعند الكاشير
طارق : تقي هون
الكاشير : بالمطبخ بتلاقيه
فات مستعجل لجوى وشاف تقي عم يمسح ايديه من المي واتفاجئ بشوفتو شلح مريول الجلي وراح سلم عليه
تقي ؛ اهلا طارق شو جابك
طارق : خلصت مو
تقي : مستني ليجي المحاسب بدي اخد راتبي
طارق : اديش بدك يعني
تقي : تعال نشرب شي وبكون اجى حضرتو
قعدو على طاولة بالمطعم وشبك ايديه تقي وشرد من البلور شايف زحمة السيارات وضيفهن منور القهوة
تقي : بس ما قلتلي شو بدك مني
طارق : رحت لبيتكن بالعادة بتسهر معنا بس ريان سهران عند الخطيبة وانا استوحشت وقت اعرفت انك بالمطعم

- النص المستخرج من الصورة: 📝
٢:٤٨ ص
الخطيبة وانا استوحشت وقت اعرفت انك بالمطعم قلت
اخدك احسن ما ترجع مشي بقلمي مايا الحجازي
لاجي
تقي : يكتر خيرك أي مبروك خطبة المحروسة
طارق : الله يبارك فيك شد حيلك الدور عندك
بقلبو : يا ترى افاتحوا بالموضوع ولا خليني اعرف رأي بريق
فيني بتقبل تاخد جلاي صحون ههههه
ضحك ضحكة مسموعة واستغرب طارق
طارق : ع شو بتضحك
تقي : انت بتحكيلي عقبالك اتخيلت احكي لصاحبة النصيب
بشتغل و را مجلی جلاي صحون
طارق : الشغل عيب يعني
تقي : لا ابدا انا
بس شوي مكبر الموضوع
ودغري انتبه لجية المحاسب
تقي : انطرني هون راجعلك
راح لغرفة المحاسب وطارق نطرو لحتى رجع طبعا العمال عم
يشطفوا ويمسحوا الطاولات ودغري طلعوا من المطعم وللبيت
دغري
كانت عم تشلح الشالة وابتسامتها ما فارقت وجهها
بريق : حاجتك حلقة وليه
منى : مو بأيدي والله
بريق : شو حكيتو يلا اكرجيلي
منى : عن مشروعوا الجديد مع اخوه
بريق : ومن هون لهون
منى : اي حكالي اني حلوة كتير وانو صوتي ناعم ع الموبايل
بريق : هههه اي شو الغريب
منى : حكى ما اتوقعني هيك ناعمة
بريق : قولي انو مسكلك ايدك
منى : بس دغري سحبتها اخجلت كثير
بريق : لا خفتي حدا يشوفك
منى : لا والله خجل مو اكثر ما متعودة ابدا حدا يمسكلي