- النص المستخرج من الصورة: 📝
٢:٤٨ ص
ايدي
بريق : واكيد مابدو تكفي شغلك معنا
منى : حكالي ممنوع لسى فوت المحل
بريق : يلا الربح الي لحالي
منى : هههه لك خلص وليه عم تجاكري
بريق : هو لو يعرف اديش معك دهب
منی : بس المحظوظ عنجد خطيبك المستقبلي لانو عندك
أضعاف الي عندي
بريق : يخزي العين صلي ع النبي
منی : هههه اللهم صل على النبي
بريق : بس بتعرفي هيك رح اشتري شقة آخر السنة
منى : ييييي صرعتنا بتعرفي مستعدة اسكن مع ريان بخيمة
بريق : عال منيح كتير يعني مابدك تساعدي ريان
منى : انا مابدي اعمل شي بدون علم طارق
بريق : والله اطلعتي واعيه ومكترة بس يا جدبة هدول
حصتك وانتي حرة فيهن
منى : بس انا ما بدي حدا يعرف بلي عندي مشان لا يطمعوا
فيني
بریق : هههه بتخليهن لولادك
منی : هلا صار عندي ولاد
بريق : الافندي مستعجل يعني يمكن السنة الجاي متل هيك
نشوف ع ايدك ولد
منی : خليني بالخطبة معزومة بكرى ببيت حماي
بريق : ههههه تتهني يااااا كنة ام همام
اصنع نفسك بنفسك ولا تستند على احدهم ف كل منهم
سوف يتخلى عنك عندما يغلبهم كبريائهم ومصالحهم ف تعلم
ان مرارة العيش اجمل بكثير من الاختالط ومصاحبة اناس
منافقون ،
170
۳۲ تعليقا

الجزء السادس
بالجامع
كان ابو تقي مستغرب عن مين بيحكوا
-:اي والله بكون ابنو للمؤذن
-: والمشكلة عطول النصيحة بتكون منو
-: هو على ابنو ما بمون
-: وين صارت الاب شيخ والولد مطرب
فهم شو الموضوع بس ما بيمنع رفع اذان المغرب واقام الصلاة ورجع للبيت يحاول يهدي حالو واول ما شاف تقي طالع من البيت عصب
ابو تقي : لوين رايح
تقي : لعند طارق
ابو تقي : فوت بدي احكي معك كلمتين
مع انو جاهز بدو يمشي رجع وفات مع ابوه للبيت وترك الباب شوي مفتوح
ابو تقي : انت شو عامل أثناء غيابي
تقي : شو عملت
ابو تقي : انت غنيت بحفلة كلها فجور معازف اغضبت رب العالمين لترضي البشر
تقي : تسلاية مو اكتر
ابو تقي : حسبي الله ونعم الوكيل ابني عم يتسلى ويحجز مكان بجهنم انت شو فهمني
تقي : الحياة مو متل مانك مفكر ولا حتى متل مو راسمها ببالك رب العالمين عفو غفور رحيم انت كل حياتك تهديد وجنة ونار الله ارحم الله اللطف الله أغنى مني ومنك انا ما فيني اتحمل اكتر من هيك حملتني فوق طاقتي حرام وحلال
فجور وتقوى غلط وصح اتركني اعيش بالجو الي بحبو بتعرف رب العالمين بالصلاة والصيام والقيام بس وقت ابنك يطلب منك يكمل نص دينوو شو بتعمل بتروح تحكيلو دبر حالك امن مستقبلك انت شايف الدين من عين وحدة
«صوت الكف دوى بكل ارجاء البيت»
شهقت امو وسالو دموعها
حط ايدو على خدو
ابو تقي : الله يغضب عل
ام تقي : لا لا تكملها ابوس ايدك لا تغضب عليه
تقي : انت ما تركتلي مجال لاحب النصيحة الي عم توجهلي اياها كرهتني عيشتي ابن مؤذن وخطيب الجامع ناوي ينتحر والسبب تشدد ابوه لك ما تغضب عليي اغضب بتريحني بتوفر عليي كتير
بلحظات فقد فيها صوابو هالكف كان كفيل ليخلي تقي يخرج عن صمتوا ويطلع عن طورو
وكفر خلا ابوه يتزلزل كفر اكتر من مرة
ابو تقي : انقلع من بيتي الله لا يوجهلك الخير
تقي : بالناقص منك ومن بيتك
طلع يركض من البيت متل المجانين ودموعو عم تتطاير مسكرة كل الدنيا بوجهو
💔💔💔💔
طارق شافوا عم يركض وركض وراه بدون ما يعرف تقي شو صاير معو فات للحديقة ووراه طارق «ندهلوا»
طارق : تقي استنى
ما رد عليه بس طارق مسكوا ولفوا لناحو وانصدم كان تقي عم يبكي
غمض عينو طارق بعدم تصديق ل يلي عم يشوفوا
تقي : اتركني طارق اتركني
طارق : ليش عم تبكي تقي شو صاير
تقي : حرقوني..طفوني...طالعوني عن ديني لك بأي حق بيمد ايدو عليي
طارق : هسس وطي صوتك الناس عم تطلع علينا
مسحلو دموعو طارق لانو ماعم يستوعب انو تقي عم يبكي وهو بهالعمر
تقي : انا ياا ناس مقهور...محروق قلبي....اتعبت والله اتعبت يارب اموت
طارق : لككك فضحتنا حاجتك تبكي مشان الله
تقي : يا رب ارحم ضعفي يارب الطف بلي جواتي يارب سامحني والله كفرت غصب عني والله
حضنو طارق وخباه عن عيون الناس
طارق: بترجاك خلص تقي لا تبكي الي عم تعملوا غلط هلا رح تصحى على حالك وتندم
تقي : طارق انا كفرت بتعرف شو يعني
طارق : الله غفور رحيم خلص بس انت روق وبس لا تبكي على حب النبي
تقي : ماني قدران والله غصب عني
اتجددوا دموعو الدنيا ليل ومن غير شي شايف الدنيا سودا
بعد عنو طارق ومسحلو دموعو بأيديه
طارق : خلص خلص بكفي تعال معي
خلاه يقعد على المقعد وما اكتفي تقي كان عم يبكي بشكل هستري
اتأثر عليه طارق ودمعوا عيونو
لانو تقي واصل لمرحلة كبيرة من القهر والا ما بكي
بعد ما خمس دقايق من الصمت صوت نفس تقي وهو عم يستنشق هوى نظيف ليتماسك مسح اخر دمعوا معلن انتهاء موجة البكي
طارق : خلصت
تقي :....
طارق : شوف الناس كيف عم تطلع فيك
تقي :....
كان عم يتطلع قدامو وكأنو شايف شي وعم يتأملوا
طارق : روقت
تقي : اي شوي مو كتير
طارق : كيف بتبكي تقي
تقي : ما اقدرت اسيطر ع نفسي هي مو اول مرة ببكي
طارق : عنجد
تقي : بس ببكي بغرفتي على العتم اليوم اتغير كلشي وكأنو لازم العالم كلو يشوف ضعفي بس بتعرف مارح يحسوا بقهري
طارق : شو صار
تقي : غضب عليي قلعني دعى عليي
طارق : ليش
تقي : الظاهر وصلو خبر اني غنيت بحفل خطوبة ريان
طارق : يا لطيف لهدرجة انت اغلطت
تقي : بنظرو كأني زنيت
طارق : وعنجد قلعك وين بدك تروح
تقي : ع الهفا
طارق : تعال نام عندي
تقي : والله لو بدو يطول عمري مية سنة ما بنام عندك
طالع من جبيتو مصاري طارق
طارق : خود هدول نام الليلة بالفندق
تقي : ولايمكن اقبل اخد منك شي
طارق : شو بدك تضل بالحديقة
تقي : محتاج هالهوى لو الدنيا سواد بسواد بعيوني
طارق : الله يريح قلبك ويهدي بالك
تقي : انسى شو صار بترجاك
طارق : انسيت لا تحط ببالك انت وانا مو بس رفقات واخوة
تقي : ضب المصاري بجيبتك انا وقت اعتاز بخبرك
طارق : متل ما بدك سدءني مافي شي مستاهل
بقلبو تقي : تعال عيش يوم عني اتحملت كتير وصبرت كتير بس شكلو انفجرت اليوم

💔💔💔💔
كنت عم احاول اعرف ليش تقي كان عم يركض وطارق وراه يا ترى شو الي صاير
وهلا الست منى بعالم تاني شو عم يصير معك لك بريق ليكون غيرانة انو اختك لصغيرة رح تتجوز وانتي لساتك حتى ما حدا دق بابك لليوم ليش يا ترى معقول ماني حلوة او يمكن لانو بشتغل بالمحل وهلا كل الشباب تفكيرهن شرقي بدهن الزوجة للبيت ولولاد وبس .
🌹❤️🌹🌹
وعند ام تقي كانو دموعها شلال وعم تمسحهن ليرجعوا يتجددوا وابو تقي عم يستغفر ويهدي نفسو بس مو قدران ينسى الكفر الي اتلفظ فيه ابنو تقي وجواتو براكين ثايرة
ام تقي : شو الي صار ابو تقي
ابو تقي : انا ماعندي ولد اسمو تقي وسيرتو بالبيت مابدي اسمعها
ام تقي : بترجاك سامحوا
ابو تقي : يستغفر ربو بدل هالكفر الي اتلفظ فيه مفكرها مرجلة يتطاول على رب العالمين الله قادر على انو يشلو بنفس اللحظة بس الله ارحم والطف فينا من كل الكون
اخ ما بعرف شو قول
ام تقي : الله يهديه
ابو تقي : ازا بفوت لهالبيت لا تلموا الا حالكن
ام تقي : بترجاك يا رجال بتكون ساعة غضب
ابو تقي : يعني مابتعرفي انو ابنك مغني بحفلة رفيقو فضحني ابنك خجلني قدام العالم عم يحكوا ابن المؤذن بيهوى المعازف والمحرمات عم يتطاول على رب العالمين هالولد مو ابني عم تفهمي
ام تقي : والله نصحتو قبل يروح للحفل
ابو تقي : مرافق شلة لا بحرموا ولا بحللوا بالاخص ابن ابو طارق ابوه والعياذ بالله بيتردد لبيوت مشبوهة
ام تقي : استغفر الله العظيم الله يعفي عننا ويسترنا
ابو تقي : هالموضوع انتهى وسيرة تقي ممنوع اسمعها بالبيت عم تفهمي
كملت بكي كانت مقهورة من الي سمعتوا من ابنها ومن الي عم تسمعوا من جوزها ومن ضربوا لابنو وهو بهالعمر
بقلبها : الله يهديك يا تقي ليش عم تعمل فينا هيك ليش.
💔💔💔💔
الساعة ١٢ بعد منتصف الليل كان ماشي وجنبوا طارق لتنين حاطين ايديهم بجيابهم وماشيين على الرصيف
طارق : روقت صح
تقي : استغفر الله العظيم احسن شي
طارق : وين بدك تروح بهالوقت
تقي : مابعرف مسكرة الدنيا بخلقتي ياريت يكون المطعم فاتح
طارق : وينك ووين المطعم
تقي : بفترش الطريق لكن
طارق : بيتي كبير
تقي : اوعك تكمل
طارق : بخلي مرتي تطلع لبيت اهلي
تقي : وحلوة الشنططة برأيك انت
طارق : عادي يا زلمة الناس لبعضها
تقي : انسى الموضوع
طارق : طيب شو رايك تنام بالمحل في غرفة مجهزة
تقي : فيها وجهة نظر
طارق : يلا لكن احسن ما نضل نتجول بالشوارع
رجعوا للحي
كان خدو خدران وحاسس النار عم تطلع منو ولانو بشرتو فاتحة معلم فيه وجفونو باللون الاحمر وكل شوي عم ياخد نفس لينسى ويطرد الافكار السودة من راسو قدام المحل واقفين لتنين
تقي : بلكي فيها ازعاج يا زلمة
طارق : لا ازعاج ولا شي
فتح نصف الغلق المحل مشغل فيه اضوية فاتو وسكرو باب البلور الخاص بالمحل
كان تقي يتأمل الفخامة والرتابة والنظافة فتحلو الغرفة وشغل الضو فيها
طارق اخد الشال الخاص ب بريق وعلقوا
طارق : ليك هاد غاز سفري جهز فيه الي بدك اياه بس سكرو منيح
فتحلو شباك قريب من سقف الغرفة وشغلو مروحة
ابتسم تقي لهالاهتمام واتفحص المكان كلو
تقي : اي ساعة بتفتحوا المحل
طارق : لا تشيل هم الدوام ع ال١١ ببلش بتكون نمت واشبعت نوم انا الساعة ١٠ بفتحلك
تقي : حاسس حالي بشي معقتل
طارق : هههه اتحمل شو بدك تعمل
تقي : مو تنساني بكرى
طارق : ههه كلو وارد ها
تقي : عندي شغل بكرى بالمطعم
طارق : ولا يهمك يا زلمة بدك شي قبل امشي
تقي : لا سلامتك وشكراً سلفاً
طارق : اهلا وسهلا كليوم تعال
نطر لحتى طلع طارق وسكر المحل عليه ونزل الغلق
تلقائيا اختنق اتفحص موبايلو والتغطية واتنفس براحة وراح وقف قدام لمرايا ليشوف ملامحوا بعد الخيبة
تقي : كان لازمني هالكف من زمان
شلح الجاكيت وفك حزام البطلون واتفقد المحل كلو دور ع الحمام وفات غسل منيح ورجع للغرفة فك زرار القميص
تقي : معقول مابقى ارجع للبيت....وتيابي وكل اغراضي يعني بكرى عندي شغل ولازمني بلوزة عادية هالقميص رح يعطل عليي الشغل
طالع باكيت الدخان من جيبة الجاكيت وشغل وحدة وابتسم لانو هي الغرفة بتخص بريق التفت ليشوف الشال الي بتلفوا على رقبتها فوق الشالة
تقي : كلك على بعضك حلوة وبتجنني
وقف ومشى باتجاه الشال سحبو بأيدو واستنشق منو بعمق ورجعوا لمكانو
تقي : شكلو الجفاف باخر مراحلو لك تقي اتزكر كل تفاصيلها ورجع لمكانو يكمل سهرتو وحيد
ما نام كان عم يحاول ينام يتمدد ويضل يتقلب ويرجع يتجلس ويشرب دخان هيك لحتى إذن الفجر بصوت ابوه غص قلبو اتزكر كلشي صار معو وليش هو بالمحل ومسكر عليه راح للحمام اتوضى واخد سجادة الصلاة ومد بالارض وصلى الفجر وبعد الصلاة رجع لنفس الوضعية لحتى غفي اول ما جهجه الضو وراحت فيه نومة

🌹❤️🌹❤️
كان طارق تحت تأثير الصدمة ما كان متوقع تقي يكون عندو كل هالحزن ومخبيه
طارق : معو حق لكن وقت يحكيلنا ما بتعرفوا ظروفي ما نسدء ونحكيلو انت مكبر الموضوع و هالكف كرمال حفلة ريان لكن ازا عنجد بصير مطرب شو بيعمل ابوه ليتبرى منو والله
مو جاييني نوم بالي عندك تقي منيح اقترحت عليه ينام بالمحل والا عنجد كان قضاها بالحديقة الله يكون بعونك معقول يضل مقلع
زبط نومتو وشاف شهد لابسة مستر ومبردة ع قلبها من المكيف
طارق : انا بفرجيكي يا شهد حاليا قحطت ل دلع بس وقت يجد الجد رح اتجوزها وهون اسكنها انا بفرجيكي
غمض ليستغرق بالنوم بعد ما جهجه الضو
❤️🌹❤️🌹
اصحيت من النوم بكير شفت كيف الست منى نايمة وحاضنة الموبايل الظاهر ريان سهران لوجه الصبح معها اتنشطت وورحت غسلت واطلعت للبلكون اغير جو واتسلى بموبايلي
وصلني مسج على صفحة الالبسة
-:صباح الخير ممكن تبعتيلي عنوان المحل لانو انا اليوم بالشام وحابة اتبضع من عندكم
افرحت كتير وبعتلا العنوان
-:شكرا الك اي ساعة الدوام لانو الساعة ١١موعدي عند الدكتور ومافيني اتاخر على الموعد
رديت: دوامنا الساعة ١١ بس تكرم عينك رح افتح الساعة ٩ كرمالك
-: شكرا الك
لسى معي وقت جهزت القهوة وع غير العادة ماما صاحية بكير وكان لازم افهم منها ليش بابا تارك البيت
بريق : صباحك مامي
ام طارق : صباح الورد حبيبتي
بريق : حماتك بتحبك
ام طارق : لا تزكريني فيها ابدا
بريق : هههه روقي يا ست الكل
قعدنا نشرب القهوة
بريق : اي ماما ليش بابا تارك البيت
ام طارق : هو بدو فترة يراجع حساباتوا تخيلي
بريق : بدو يفكر
ام طارق : يا انا يا هي
بريق : وين بابا لكن
ام طارق : عند عمتك مناهل
بريق : لا هيك اتوفقنا كان ضروري هالفضايح
ام طارق : هو الي بدا
بريق : بس بمتل هيك امور لازم تتناقشوا بين بعض
ام طارق : من السنة الماضية وانا اتجاهل فصولو وحركاتو ولمحتلو انا ما بنهان ابدا بس وقت شفتوا جهلان من اول وجديد قلت لازم تعرفوا
بريق : ان شاء الله المي ترجع لمجاريها
ام طارق : اي بريق احكيلي انتي
بريق : عن شو
ام طارق : ليكون غيرانة من خطبة منى
بريق : معقول بدي اغار من اختي
ام طارق : اي بتغاري انا وقت اتجوزت اختي مريم لصغيرة قبل اتجوز انقهرت وعلى حكي الناس بكرى بيوقف سوقها
بريق : وطلع معك اني غيرانة
ام طارق : اي بنت بالعالم بتغار بس وحدة تنخطب وتتجوز وهي لأ
«غص قلبي من كلامها وحسيتها قاصدة تحكيني هالحكي »
بريق : يمكن اكون غيرانة بس مو لهدرجة الي حكيتي عنها
ام طارق : كمان انتي التانية ما بتعطي مجال لحدا
بريق : ومابدي اعطي مجال لحدا
تركتها ووقفت
ام طارق : ليكون ازعلتي مني
بريق : ما بخون حالي وبعطي ريق حلو للرايح والجاي مشان يتطلع فيني انا معجبة بحالي هيك كتير انا رايحة اجهز حالي عندي دوام بكير
تركتها ورحت للغرفة كنت مقهورة عنجد والي زاد قهري منى وانها نايمة لانو سهرانة مع ريان لوجه الصبح والهدية الي بجنبها من خطيبها
اللبست وجهزت حالي واخدت مفاتيح المحل واطلعت تمشاية للمحل
~~•
الجزء السابع
كانت شهد عم تحاول تصحي طارق
طارق : هلا نمت
شهد : دوبك تلحق قلتلي سبعة صحيني الساعة صارت تمانية ونص
طارق : بلا يوم شغل
شهد : ليكها بريق اشطر منك هلا راحت للمحل
غمض من جديد واول ما استوعب انو بريق رايحة للمحل بكير فز بأربعتو حكى وهو شبه مغمض
طارق : مين بريق اختي
شهد : ليش مصدوم اي اختك في بريق بالحارة غيرها
طارق : انتي شفتيها رايحة تفتح
شهد : بتكون فتحت وخلصت
ومتل المجنون طلع يركض من الغرفة غسل ع الماشي وحتى ما بدل تيابو راح ييركض واول ما شاف الغلق والمحل مفتوح غمض بقهر كان مابدو بريق تشوف تقي نايم بالمحل فات بهدوء عكس السرعة الي اجى فيها
🌹🦋🌹🦋
قلبي وقع من مطرحوا وقت شفت تقي نايم بالغرفة غمضت بسرعة وسكرت الباب بهدوء وانصدمت بطارق جاي شبه نايم
بريق : طارق
طارق : ليش جاية بكير
بريق : في زبونة جاية من مكان بعيد ...تقي شو عم يعمل هون
طارق : تعالي لقلك
قعدت عند المكتب وقعد قبالي واول ما استوعبت كيف جاي فرطت من الضحك وصار يتمايز حالو
طارق : لا بقى تضحكي من وراكي اجيت مو شايف
بريق : ههههه والله بيضحك شكلك رتب شعرك فصحتنا بالحارة
طارق : شفتيه يعني!
بريق : اي ليش نايم بالمحل
طارق : تأخر ع بيت اهلو وابوه شوي متعصب ومشان لا يتمشكل معو اقترحت عليه ينام بالمحل
بريق : من هيك شفتك لاحقو وهو يركض المغرب
ضرب على جبينو واتطلع فيني
طارق : انتي ما بتفوتك فايتة
بريق : قول انو خناقة
طارق : ما معي صلاحية افتش اسرار صاحبي
بريق : انا عندي شغل وبدي اطالع المصاري من الغرفة جاي موزع

طاؤق : انتي متركة مصاري هون
بريق : خمسة بس
طارق : يا عفو الله بدها تجنني اختي
بريق : هههه روح شوف ليكون تقي لطش منهن
طارق : اخ منك بس
راح لعندو وانا لساتني خجلانة من منظر نومتو ولا مرة اتوقعت اشوفو نايم عنا بالمحل .
🦋🌹🦋🌹
كان متجلس وعم يحاول يصحصح بفوتت طارق واستغرب انو صحي
طارق : انت صاحي
كان لابس القميص بس بدون ما يسكر ازرارو
تقي : حسيت على حكي واصحيت بلاقي عندك بلوزة امشي حالي فيها
طارق : المحل كلو ع حسابك يا زلمة
وقف وراح للحمام كان حاسس بغصة ومتأكد بريق الي فتحت الغرفة عليه اتطلع بحالو بالمرايا وشاف اديشو دبلان من مبارح لليوم
غسل وطلع اخد لبلوزة من طارق ولبسها ومشط شعرو ريحة قهوة وهلا طلة بريق انعشت فؤادو دقت بخجل
بريق : ممكن
طارق : اتفضلي
بريق : اسفة ع الازعاج
طارق : المحل محلك يا بنت الحلال
بريق : بدي فواتير اجى الموزع
هو ما اتطلع بشكل مباشر بس كان مراقب كل حركاتها اخدت وراق من الدرج وطلعت وطلع وراها طارق
تقي : حلوة الفضيحة بحقك لك تقي يااا صوتها ما انعموا وخجلانة والغرفة الها وانت محتلها يا سيد تقي شغل سيكارة وقعد يشرب القهوة وسامع مناقشة طارق والموزع ومداخلات بريق
بريق : لا هيك ما اتفقنا حكيتلي رح تجيبلي سيري كامل
الموزع : والله بالغلط انسيت شو طلبتي مني
طارق : يعني ما بيتأمن معك
الموزع : بيتأمن بس الاسبوع الجاي
بريق : رجع هالاربع قطع ما بيلزموني
الموزع : خديهن لا تحاسبيني عليهن لحتى ينباعوا
بريق : مو زوقي هالالولان
الموزع : طيب متل مابدك بعتذر منك
بريق : في كمان موديلات جديدة
الموزع : ما نازل شي حالياً بس اول ما اجيب بضاعة راسا لمحلك
طارق : شو بدك احسن من هيك
الموزع : ما بهون عليي والله انتو من اهم المحلات الي بتعامل معها
بريق : لكن احسب المجموع بالكامل
الموزع : عادي ازا بدك بتحاسبيني الاسبوع الجاي
بريق : لا مابحب وهاد مو أسلوبنا
شوي واندق الباب وراقبها جاية تاخد مصاري وغصب عنو ما بعد عيونو عنها كان واضح عليها انها متوترة كتير ووقت ابتسمتلو دق قلبو بقوة
بقلبو : بيلبقلك والله تكوني صاحبة مسؤولية ومتأكد طارق واقف هيك رؤيا معك انتي الكل بالكل
استنشق بعمق من ريحتها الخاصة وهي طالعة من الغرفة
🌹🦋🌹🦋
حاسب طارق الموزع ووصى على فطور مشان تقي بيعرف انو دوامو بيبلش الظهر
اجت رشا وبلشو الزباين يتوافدو للمحل وتقي محبوس جوى ومفكر الليلة يرجع يعتذر من ابوه وامو مشان يسامحوه وما تزيد المشاكل والفضايح
بعد لفطور جهز حالو وطلع من المحل ومعو طارق تاركين بريق تكمل شغلها
🌹🦋🌹🦋
كنت ملبكة بوجودو وهلا ارتحت كتير
رشا : مو هاد تقي
بريق : اي
رشا : ليش كان هون
بريق : اجى مع طارق
رشا : واستغربت وجود طارق
بريق : يسطفلو
كان تقي ناطر طارق لحتى اجى مجهز حالو وطلعوا بسيارة التوزيع واكيد بدو يوصل تقي للمطعم
ابتسمت غصب عني اتزكرت انو تقي ناوي يفاتحني بموضوع بجهلو بس يا ترى ايمتى
🦋🌹🦋🌹
نزل من السيارة سكر الباب وطل ع طارق من الشباك
طارق : ايمتى بيخلص دوامك
تقي : بدي اعتذر من اهلي ما حلوة الشنططة يا زلمة
طارق : طيب ماشي خبرني شو بصير معك
تقي : انت ملاحظ معي
طارق : اي ريان باعنا
تقي : وكمان ما حدا خطب غيرو يعني انت المتجوز مو متلو
طارق : ااووووف يلا بشوفك
تقي : الله معك
فات للمطعم ودغري للمطبخ ليشوف كوام الجلي واجى ريان وضربو على كتفو اتطلع فيه تقي بنفسية
تقي : هاد انت الله لا كان جابك
ريان : هههه غيران مو
تقي : مو
ريان : بلا شبك
اتزكر الكف الي اكلو مشان حفلة حضرت جنابو ورجع للجلي
تقي : غريب ليش اجيت للدوام
ريان : يلا هانت شهر زمان وبترك كل المطعم
تقي : خير
ريان : اخي همام بدو نفتح مشروع راس المال منو والشغل والادارة عليي لا تخاف بدي اشغلك عندي
تقي : ما بتقصر
بقلبو : بلكي اكون مسلمها برتاح وبريح بقبري
وهيك قضى يومو جلي واستراحات دخان لوقت اجى المسا وقبل لغروب راح لمكتب مطاوع دق الباب وسمحلو يفوت
مطاوع : اتفضل تقي
فات ووقف قدام الطاولة
تقي : بدي إجازة ساعية
مطاوع : والله افرحت قلت تقي بدو يصير يغني
تقي : والله ما خرج
مطاوع : فيك تاخد اجازة
تقي : شكرا الك
طلع وبطريقو لبيت اهلو قبل يروح ابوه للجامع مستعجل كتير واول ما وصل دغري انفتح الباب وكان ابوه اتردد بالبداية بس اتشجع وقرب منو
تقي : انا اسف بابا
ابو تقي : لا تعتذر مني استغفر ربك
تقي بغصة : بترجاك بابا سامحني
ابو تقي : انقلع مابدي المحك ببيتي
تقي : بس انا
ابو تقي : مانك ابني الي بيطاول على رب العالمين مو ابني عم تفهم
تقي : الله غفور رحيم
ابو تقي : استغفر ربك ولهون لا بقى ترجع يلا

تقي : طيب خليني اشوف امي
ابو تقي : روح من هون اخرتني ع الجامع
تقي : بترجاك بابا خلص مابقى اعيدها بترجاك سامحني
ابو تقي : يلا من هون مابدي اشوفك ولا المحك انا ابني عماد وبس
كان بدو يبوس ايدو تقي بس دغري رفض وطبش باب البيت وكمل للجامع تارك تقي واقف وقلبو معلن حرب جواتو استنى لحتى اختفى ابوه وبلش يدق على الباب متل لولاد لصغار وبدو يبكي بعد شوي
تقي : ماما افتحيلي انا تقي ..ماما افتحي قبل يرجع بابا ......اشتقتلك والله .....ماما سامعيتني انتي جوى مابدك تحكي معي ماما .... ماما افتحيلي بترجاكي
سند راسو على الباب والندم سيد الموقف ودموعو بعيونو متجمعين وغمض بيأس
🦋🌹🦋🌹

وببيت تبارك طوت كل وحدة فيهن سجادة الصلاة وقعدوا
تبارك : الله يقبل ماما
ام تقي : منا ومنك صالح الاعمال
تبارك : شو القصة ماما ليش بابا كان معصب
ام تقي : تقي ترك البيت
تبارك : ما بصير وين بدو يروح هيك ازا تقي التجأ لمكان والعياذ بالله بيكون السبب والخطيئة على بابا
ام تقي : مابعرف والله طلع تارك كل تيابو وهو حالتو المادية ما بتسمحلو حتى يستأجر
تبارك : الله يسامحك يا بابا طيب اتصلي ب تقي خليه يجي ينام عنا
ام تقي : ما بعرف والله قلبي مو معي من ساعة الي ترك تقي البيت
تبارك : خلص انا بخلي جوزي يروحلو للمطعم ويحكي معو ويرجعوا
🦋🌹🦋🌹
وبعد صلاة العشاء رجع ابو تقي لبيت بنتوا لياخد مرتو والتقى بجوز تبارك
عبد الرحيم : اهلين عمي تقبل الله
ابو تقي : منا و منك صالح الاعمال يا ابني ليش ما بشوفك بالمسجد
عبد الرحيم : بتعرف انت طبيعة شغلي
ابو تقي : الله يرزقك
عبد الرحيم : عمي خليني ارجع تقي للبيت مو حلوة بحقنا صح وبكرى ازا تقي بيلجأ لشغل مو منيح الخطيئة برقبتك بتكون
ابو تقي : رجعوا بس مني لا يقرب
عبد الرحيم : ماشي انا رايح ارجعوا ومنلتقى بالبيت
راح تمشاية للمطعم عبد الرحيم مو اقل التزام من مرتو وعمو ومتشدد كتير وهالشي بيرجع للبيئة المحافظة الي عاش فيها واول ما وصل للمطعم استاء من صوت الموسيقى واول ما فات وشاف تقي عم يغني والحضور منطربين معو على انغام الاغاني والكلمات .
عبد الرحيم : استغفر الله العظيم شو عم شوف معقول تقي عم يغني اغاني كفر
طلع مستعجل من المطعم ويحاكي حالو وبس فات للبيت الكل انصدموا راجع بدون تقي
تبارك : شو وين تقي
عبد الرحيم : عندو حفل بالمطعم
ابو تقي بقمة العصبية : يلا مشينا ام تقي
ام تقي : خلينا نفهم منو
ابو تقي : امشي عم قلك
تبارك : لا حول ولا قوه الا بالله الله يهديك يا تقي
رجع ابو تقي يستغفر ومقهور من عمايل ابنو وبتهديد واضح وصريح
ابو تقي : ازا بسمع باسم تقي بالبيت رح اغضب عليه عم قلك وحذرتك
اكتفت بالدموع هزات راسها وكملو للبيت
🌹🦋🌹🦋
عيونو مدمعين وعم يغني من قهرو ورغم هيك عم يطرب الجمهور كانو مطاوع وريان واقفين يتفرجوا عليه وهو عم يتنقل من جهة لجهة ويبوح بكلمات الأغنية الي عم تجرحوا
دمعي نشف راح الوجع منّي
عم اكتشف جرحك شو خادمني
رجّعلي قلبي لا إلي
حسسني شو دمعي غلي
كنت بحياتي مرحلي
وكتير في بعدها
علمتني داوي الجرح بالجرح
خلّيتني فكر بحالي صح
ربّيتني، بكّيتني
ع سنين عمري الآخدها
كلو كذب، ما حدا بيعشق حدا
ما بينعتب، علّي المشاعر فاقدها
كلو كذب، ما حدا بيعشق حدا
ما بينعتب، علّي المشاعر فاقدها
~~√
الساعة ١٢ كان واقف بمكتب مطاوع
مطاوع : يعطيك الف عافية يا تقي اتفضل
اعطاه ميتين دولار
اتأملهن وهني بأيدو مد ايدو واخدهن فتح الجزدان الفاضي لمصفر الي مافيه لو الف ليرة
تقي : يسلموا معلمي
حطهن بالجزدان وحطو بجيبو الخلفية
مطاوع : بس كيف اجيت مقتنع تغني
تقي : كنت مخنوق وماصار شي هلا زادت الخنقة بدي اطلب منك طلب
مطاوع : اتفضل
تقي : عادي انام بالمطعم بس هاليومين لاشوفلي غرفة
مطاوع : لا ابدا ممنوع المطعم فيه اكتر من ١٥ جرة غاز وخطر على حياتك ازا بتكون شي جرة عم تنفس
تقي : انا مقلع من بيت اهلي ومافي مكان اروحلو
مطاوع : في اوتيل قريب رح احكي مع صاحبو واشوف ازا في غرفة فاضية
تقي : ياريت والله
مطاوع :...
كان عم يحكي مع الرجال وشوي اجاه الرد
مطاوع : بس الغرفة فيها شب
تقي : يعني مافي غيرها
مطاوع : والله هاد الموجود
تقي : خلص اليوم بدبر حالي بدك شي قبل امشي
مطاوع : بدي يومياً تغني بالمطعم
تقي : ان شاء الله
طلع يأسان وضجران الي عملو ما خفف عنو بالعكس زاد الغصة والحرقة
تقي : اكيد مارح اتصل ب طارق بكون نايم
شو اعمل وين اروح لعند تبارك لا شو بدك فيها رح تلومني رح تحسسني انو عملت جريمة يارب ساعة فرج من عندك انا رح اقضي الليلة بالشوارع
عند الحديقة بقي واقف ولأنها مسكرة اتطلع حواليه واتاكد مافي حدا وطلع على سور الحديد بالسرقة وراح اختار مقعد مريح حط الجزدان بقلب الجاكيت ولفها وحطها تحت راسو واتمدد وغمض عيونو لابس نص كم والبرد عم ينخر عظامو وبدنو عم يرجف رجف

من احساس التشتت والضياع من عدم وجود ملجأ يحميه من برد الصيف بقلمي مايا الحجازي
~~•
رغم أن لدي كل المؤهلات لاكون في غير هذا المكان لكنني ايقنت اليوم أنني وحيد بما تعنيه كلمة «وحيد» من معنى لدي أهل وأقارب وأصدقاء لكنني وحيد 💔وحيد لأبعد الحدود
#اقتباسي
{احتاج عناق وانا الصبار المكروه للجميع} 🖤
#مقتبس من قناة « آثر 🦋»
❤️🦋🌹🦋
كنت واقفة استنى طارق جاي من بيت اهلو ل تقي
بريق : بالبيت مو
طارق : لا وابوه قلعني تقليع
بريق : يا لطيف شو عامل لحتى يقلعك
طارق : وين بدو يكون يا ترى
بريق : اتصل فيه
طارق : مغلق من العصر
بريق : والله شي بحير معقول عند اختو
طارق : والله مقهور عليه لشوف ريان اكيد بكون بيعرف وينو اطلعي للبيت بريق
بري

- النص المستخرج من الصورة: 📝
Ks O
بريق : بس خبرني شو بصير
طارق : انشغل بالك عليه
معك
بريق : لك مو هيك بس فضول لاعرف وينو
طارق : فوتي يلا
فتت وهو كمل لبيت ريان
رمى حجر عند الشباك وشوي طل ريان
ریان : اهلين ابن حمايي
طارق : شو ایمتیى ارجعت من الشغل
ریان: قبل تخلص الحفلة
طارق : ومين الي غنى
ريان : تقي واطربلك الحضور بس منع التصوير الافندي والا
شفتوا ع مواقع التواصل
طارق : ووين تقي هلا
ریان : ببيتو اكيد مو بجيبتي
طارق : فوت اندفس ما بتنفع ولا منك فايدة
فات وسكر الشباك
بقلبو : معقول تقي بشي حديقة ولا بالمطعم وين بدي ادور
عليك اخ منك تقي شو صاير معك والله انك ما بتستاهل الا
كل خير من وقت شفتك تبكي اعرفت انو الي جواتك قلب
ابيض مثل التلج .
١

الجزء الثامن
وقت جهجه الضو فتح عيونو غصب عنو مكسر تكسير من هالنومة ووقت لمح عامل النظافة دغري حمل جاكيتو وطلع يركض من الحديقة قبل حتى يلمحوا ومابيعرف لوين بدو يروح غسل من برادة مي قريبة من الحديقة وكمل تمشاية وكل انواع الخيبة مكتسحة ملامحوا وما لقى حالو الا قدام محل بريق لانو بيعرف طارق بيجي ياخد السيارة من بكير مافي شوي ولمح طارق لهيك ارتاح نفسيا
طارق : صباح الخير
تقي ؛ صباح النور
طارق : وينك انت اه
تقي : ليلة ومضت
طارق : فوت لقلك
تقي : بدي منك مصاري سوري
طارق : أديش بدك
تقي : جوى منتفاهم
فتح القبو ونزلو سوى
تقي : ليك خود هي مية
طارق : ليش
تقي : صرفلي اياها بس مابدي كل المصاري خليهن معك انا بسجل اول باول شو اخدت منك
طارق : خليهن معك يا زلمة وخود هي مصاري سوري
تقي : لك ما بحب هيك
طارق : مو حسنة والله بعدين بتعطيني بس تزبط امورك
تقي : يكتر خيرك
طارق : شو صار ع اساس تستسمح اهلك
تقي بغصة : ما......ما رضي بابا
طارق : وامك كمان
تقي بقهر : الظاهر ماحدا بدو اياني
طارق : انا عندي شقة فاضية روح ريح فيها
تقي : انت عم تحرجني طارق
طارق : انت مو بس رفيقي انت اخي صحيح انا وحيد بس ولا مرة حسيت اني وحيد انت وريان اخواتي
تقي : بس بتروح معي
طارق : يلا لكن خلينا نروح هلا بتشوف موقعها بجنن
تقي : وهي الك ولا
طارق : للعيلة بس مفاتيحها معي ورافض بابا نأجرها لانو مجهزة جديد
ارتاحت نفسيتو وحس انو الله عم يعوضو بدل الليلة الباردة الي مرت عليه.
🦋🌹🦋🌹
طلع مع طارق بسيارة التوزيع وبطريقهن للشقة الي عنجد بتجنن وبمنطقة راقية نزلو سوى وطلعو ع الدرج وهني يتناقشوا
تقي : انتو مخبيين كل هالارزاق
طارق : مو قصة تخباية بس مشان لا ينطمع فينا
تقي : اي الحق معك
فتح الباب وفاتو كانت بتجنن دغري شرع البرادي طارق وبينت اديشها شرحة
تقي : يا سلام شو هاد...
طارق : ريح فيها وخلي المفتاح معك وانا كليوم بزورك قبل اطلع للتوزيع
تقي : ع راسي والله بس متأكد ماحدا بيترددلها
طارق : لا طمن بالك بابا بزيارة اختو وبتعرف اخواتي لا طلعة ولا فوتة
تقي : بس بدي احاسبك واعطيك اجار
طارق : هلا انت اشتغل وبعدين منتفق
تقي : من اولها بدك تاخد اجار وغصب عنك
طارق : مارح نختلف طمنلي بالك
ريح بكون ساويت القهوة
ما ريح صار يتنقل بكل الشقة
تقي : والله المصاري بتعمل كلشي والي بيقول وسخ الدنيا بكون هو وسخ الدنيا مو المصاري
وتلقائيا اجت عبالو بريق
تقي : تتجوزيني بريق وتسكنيني عندك
واطلق ضحكة قهر
من المطبخ صوت طارق
طارق : شو جنيت حبيب
تقي : بدك تقول هيك شي
بقلبو : بدي احكي معك بريق والي بدو يصير يصير
🦋🌹🦋🌹
فتحت المحل كنت مالة لدرجة او بالأحرى شاغلة بالي ب تقي زيادة عن اللزوم يا ترى وين كان وليش اصلا مطرود من بيت اهلو وليش طارق مابدو يحكيلي ايه يسطفلو هني رفقات من زمان من وقت مونديال الحي بتزكر كان حارس المرمى تقي وطارق وريان المهاجمين وبوقتها صارو صحبة من الروح للروح
صبحت عليي رشا وبلشنا بالدوام وبس يخطر ع بالي خطبة هالمقوصة اضوج هي كل الوقت مستمتعة وغيرها كل الوقت تفكير وشغل ولا حدا حاسس فيني ايه لارتب كم شغلة احسن من هالقعدة
🦋🌹🦋🌹
عند باب البيت كان مرتاح كتير تقي وبنفس الوقت عليه حرارة بس مو حاسس ع حالو
تقي : بدك تتأخر بشغلك
طارق : بيني وبينك مسافر اجيب بضاعة بس مابدي حدا يدرى مشان العيلة
تقي : اي افهمت عليك ماحدا رح يدرى
طارق : يلا بخاطرك
تقي : الله معك ميسرة يارب
بس سكر الباب اتحمس
تقي : هي الاخبار النايس يعني اقل شي بدو تلت ايام ما بيرجع وخلاااااص بريق جاي احكي معك بس لأمن انو طارق مسك طريق السفر عنجد
رتب مكان القعدة وفات يشوف الغرفة الي رح ينام فيها وشعور بالراحة جواتو كبير
🌹🦋🌹🦋
بطريق السفر ماشي على مستوى موزع تاني لحتى يونسوا بعض ويستريحوا سوى الطريق مو كلو امان وليتسلى اتصل ب شهد وردت وصوت الاركيلة واضح جدا
طارق : بالهنا ريتو
شهد : وصلت انت
طارق : لبعد المغرب ما بوصل وازا استرحنا رح نتأخر كمان
شهد : شو رأيك ازور عند اهلي
طارق : عادي امني ع البيت وروحي وقبل ارجع بخبرك
شهد : لكن لاتصل أخبر حسام
طارق : قبل حسام ما اشتقتيلي
شهد : يوه شو هالحكي طارق صار عنا ولاد وعم تحكيني هيك
طارق : ما عم تشبعي رغباتي شهد بدي اهتمام جاي عبالي ارجع تستقبليني بالحكي الحلو يا ستي اضحكي عليي نحن لرجال ريالتنا شاطة اساليني تعبان جوعان موجوع احكيلي سلامتك اشتقتلك بدي اياك لو بتكوني عم تكزبي بس رح تحسسيني بقيمة حالي شهد انا مو ختيار لسى ما طبقت التلاتين وطفيتي ومن جواتي حماس الرجل
شهد : هيك الله خلقني

طارق : لا هاد مجهود شخصي انا بتفهمك شهد وبعرف انك اربيتي ببيئة محافظة لابعد الحدود ولا شايفة تلفزيون بحياتك ومو واصلة للصف الرابع بس خلص لازم تفتحتي النا خمس سنين متجوزين ولليوم بحس انك مجبورة عليي
شهد تبكي : قلتلك مافيني انت بتعرف ليش عم تغشم حالك
طارق : هاد مو ذنبي شهد
شهد : ما عم اتقبل هالموضوع والله
طارق : ترى جوازتي مو مطولة
شهد : بدك تكسر خاطري بدك تشمت بريق ومنى فيني
طارق :....
فصل الخط وزاد بالسرعة
🦋🌹🦋🌹
اتصلت بامها وهي تبكي
ام حسام : يوه شبكي حبيبتي
شهد : طارق بدو يتجوز عليي
ام حسام : هي امو واخواتو حرضنو عليكي
شهد : مرت عمي منيحة بس بريق ومنى متأكدة
ام حسام : انا بفرجيهن لا تبكي ولا تقهري حالك
شهد : بدي ازور عندك ليرجع طارق من حلب
ام حسام : اهلا وسهلا تعي وبتغيري جو
جهزت لولاد وراحت أعطت المفتاح لمرت عمها واجى حسام واخدها هي ولولاد
🦋🦋🌹🌹
كان بالمطعم وبغرفة تبديل الملابس مشتري قميص زيتي وبنطلون اسود بيجنن لانو الشقة بعيدة عن المطعم والحي
ريان : شو للحفل اليوم
تقي : ما افهمت
ريان : لشو لتياب
تقي : ازا بضل بنفس تيابي يومين بحس حالي اجرب
ريان : لا تحكيلي بعرفك مهفهف وعطول ريحة بارفانك سابقيتك بس ليش مشتري تياب ما عم افهم
استوعب انو ريان مو دريان بلي صاير معو
تقي : حبيت اغير موديل
ريان : بدك تشتغل فيهن
تقي : اكيد لا بالاول بدي احكي مع معلمي
تركوا وفات لعند مطاوع الي بمكالمة اكيد غرامية حسب خبرة تقي خجل مطاوع من وراه مرأة
مطاوع : لحظة شوي مدام....اي تقي
تقي : اسف ...بس بدي اخد اجازة ساعية
مطاوع : لا بقى تجلي بدي اشوفك المسا جاهز للحفل من هلا بتعتبر حالك مطرب خاص بالمطعم وكل خميس الك سكرة
تقي : يعني تغير دوامي
مطاوع : بتيجي تمانية وتمانية ونص بتبلش الحفلة
تقي : طيب شكراً الك
وهيك راح وهو مطمن فات للغرفة ولبس البنطلون ولحزام ولبس القميص هالمرة بدون قميص داخلي وراح لعند ريان كان ضابب قسم من القميص وقسم مخليه
تقي : شو رايك ريان هيك احلى لا هيك
ريان : والله هيك وهيك او قلك انت بيلبقلك كلشي
تقي : بالمناسبة صار دوامي بالليل
ريان : بدي اعزم خطيبتي ع المطعم مشان تنطرب معي
تقي : وصيني
ريان : بأمان الله ناطرك ها
تقي : ولايهمك
نزل القميص وحط الجزدان بجيبتو وانطلق للحي وتحديداً لمحل بريق
🌹🦋🌹🦋

كانت رشا عم ترتب الغرفة واجت حاملة قميص ابيض
رشا : بريق لمين هالقميص
بريق : والله مابعرف يمكن ل طارق
رشا : معقول...شو بيعمل بغرفتك
بريق : شو قصدك
رشا : انا حاسستو ل تقي
بريق : شبعرفني لمين حطيه بشي شنتة وبعدها بعطيه ل طارق
رشا : احم...اي يعني شو الو داعي يشلحو بغرفتك
بريق : لا عنجد زودتيها
رشا : هههه خلص خلص لا تعصبي
نفخت كل نفسي ولتكمل معي فات تقي للمحل وصار نفسي صعب كتير شوفة هالزلمة بتوترني
تقي : سلام
بريق : وعليكم السلام
تقي : كيفك بريق
بريق : الحمد لله
تقي : كأنو لازم نحكي
بريق : عفوا ليش لازم
تقي : اقل من عشر دقايق
بريق : اتفضل عم بسمعك
تقي : مارح اخد راحتي سدءيني بدي احكي معك بدون حدا يقاطعني
بريق : سدءني
تقي : ولو بدي اترجاكي يعني ما عجبك الموضوع دغري انسحبي
بريق : شو رايك بيوم تاني
تقي : لا ابدا وما رح أخطي خطوة بدونك
شفت رشا مبتسمة وقبل انطق
تقي : ديري بالك ع المحل بغيابها اي
رشا : هههه اي ماشي
غصب عني اوقفت اخدت بس موبايلي هو سبقني واتحلفتلها واطلعت وراه سكرت الباب وامشينا بنفس المستوى اللبست نظارات على عيوني
بريق : مابعرف شو الغاية
تقي : المهم نحكي بعدها اعترضي اد ما بدك
كان جواتي ضجيج غير طبيعي وحسيت اني معجبة فيه غصب عني اليوم مبين كلو هيبة وجاذبية فوقها بعدنا عن الحي كتير
بريق : لوين اخدني
تقي : مارح اخطفك بس مشان تاخدي راحتك بالمكان
فتنا للمحل اي مليان عالم ما بعرفها ومع هيك ما ارتحت بعدلي الكرسي وزاد خجلي شو هالحركات هي قعدت وهو قعد قبالي وخفق قلبي وقت استوعبت اني انا وتقي لحالنا هون بلشت التفت حواليي
🌹🦋🌹🦋
بقلبو : يا ارض احفظي ما عليكي شو هالجاذبية لك بريق والله اسمك لحالو بيلمع
تقي : ليش خايفة بريق
بريق : متوترة كمان
تقي : اوف شو عم نغلط
بريق : شو برأيك انت
تقي : عم نتعرف
بريق : بتسمي قعدتنا هون تعارف
تقي : لا تخافي طارق مسافر
بريق : لك مو بس من طارق حتى من حالي بخجل شبك انت
تقي : طيب بتسمحيلي اعبرلك عن اعجابي الشديد بشخصيتك باسمك وفيكي
فجأة حس على توترها وصارت تتطلع حواليها
تقي : بريق ما بدها كل هالخجل والتوتر انا رايدك بالحلال ورح اطلبك بشكل رسمي بس لوقتها بدي نحكي لو كليوم كم كلمة

بريق : يعني مافي مجال تنطر ليصير شي رسمي
تقي : اقل شي اامن حالي يعني شهر زمان بالكتير بكون بأيدك وايدي محبس يشهد على ارتباطنا
بريق : يعني مادياتك
تقي : سيئة لابعد الحدود انا كتير من جوى حزين ومقهور وحتى وحيد
بريق : ...
تقي : انا محتاج بس حدا يحن عليي بس
بريق : ...
تقي : انا مقدر خجلك وزاد اعجابي فيكي
طلب تنين عصير فرش وبقي يتأمل كل شقفة فيها
بريق : ما حكيتلي ليش كنت نايم بالمحل
تقي : رح احكيلك اكيد بالوقت المناسب
{‏كلما ضَحِكتي لي
تتسِع مسامات قلبي
تتنفَس رئتاي
بطريقة مُغايرة
تُصبح روحي خفيفة
كنسمَة بارِدة
في أيامٍ صيفية }
#مقتبس من قناة «آثر 🦋»
🦋🌹🦋🌹
وعند طارق وصل هلكان وخدران نزل مع وسيم
طارق : مشوار يا زلمة
وسيم : وين ناوي تنزل بأوتيل ورد
طارق : لا اخر مرة طلعلي صرصور اقرفت
وسيم : ههههه متل البنات انت
طارق : حبيبي لقيتو بشعراتي مستقر
وسيم : هههه انا مواعد صاحبيتي
طارق باهتمام : صاحبيتك صاحبيتك
وسيم : جوزها مسافر وبدي ابات الليلة عندها
طارق : يا ابن الحرام مدبر حالك
وسيم : هديك المرة كان لهيك ما زرتها
طارق : لك ما بتخاف
وسيم : اديش بتتوقع عمرها
طارق : تلاتين
وسيم : هههه قصدك ٤٤
طارق : ريتو ام٤٤ تقرصك لك مالها أهل
وسيم : هههه مقبورين وولادها متجوزين
طارق : كش بدني منك ومنها الله يفضحها ويفضحك
وسيم : هههه بعدين ادعي بس ارجع للشام
طارق : دوبك تلحق
وسيم : ناطر منها مسج
طارق : رايح ارتاح الله يغضب عليك
تركوا فرطان من الضحك دبر غرفة بالزور بس فكرو وعقلو عند وسيم والي حكاه شي ما بيتصدق
طارق : يا حبيبي بعد منسمع شو بينقصك طارق ما يكون عندك صاحبة استغفر الله العظيم شيل الفكرة من راسك طارق انت عندك اخوات بنات الله يلعن ابو الشيطان
🌹🦋🌹🦋
كانت منى عم تتجهز رغم اني التقيت ب تقي بس طبيعة علاقتها ب ريان خلتني اغار وكيف هو قاعد مع ماما ناطر حضرتها تتجهز
منى : حلو بريق
بريق : اي لابقلك الخمري
منى : كان بدي اعزمك
بريق : لا يوه شو علاقتي انتو مخطوبين وما حلوة اخرب عليكن
منى : عقبالك اي وتنعزمي واتفرج عليكي وانتي تتجهزي
بريق : ايمتى دخلك
منى : هانت ولووو الا ما تنخطبي
بريق : يعني في امل
منى : ورح تكوني احلى عروس
اطلعت سلمت على ريان الي عم يتساير مع ماما وكأنها امو وماما لو طارق ما بتضحكلو هيك طنشت كل المشاعر واول ما طلت منى صفرلها باعجاب وهي دابت من خجلها وماما فرحت فيهن كتير
ريان : جاهزة حبيبتي
منى : اي جاهزة
ام طارق : ع العشرة بتكون هون ماشي
ريان : ولايهمك مرت عمي
اجت عيني على ايدو الي شبكها بايدها وشد عليها واتطلعوا ببعض وعيونهم عم يحكوا هيك حسيت
ريان : يلا بخاطركن
منى : باي
ودعونا واطلعت للبلكون اتفرج عليهن وهني رايحين وبسيارة طارق كمان ايه العز للزر وبريق شنقت حالها كانت نار جواتي بس مابعرف شو سببها او مابدي اعترف اني غيرانة ومكترة ليش ما انخطبت قبلها والله ولا مرة غرت من اختي بس بس انا محتاجة هيك اهتمام وتحديداً هيك مسكة ايد ونظرات اعجاب
من قهري فتت لانام ودموعي كرجوا اول ما اتأكدت اني وحيدة .
🦋🌹🦋🌹
الجزء التاسع
بالمطعم لساتو تقي بكامل اناقتو وماسك الميكرفون وصوتو عم يطرب الجميع الي عم يتمايل والي عم يرقص ومنى وريان من ضمن الجمهور « ما وعدتك بنجوم الليل»
كان مبسوط وكانو شايف بريق بكل الموجودين عم يغنيلا وبس وبرى المطعم غصب عنو اتقدم ابو تقي لانو ما عم يسدء كلام صهرو فات من المدخل رغم انو بس موسيقي اتنقل بنظرو ع كل الموجودين البنات « كاسيات عاريات » متل ما وصفهن الاسلام ولمح تقي عم يعطي التعليمات للفرقة الموسيقية
الجرسون : اتفضل في طاولات كمان
ما رد عليه القى اخر نظرة وطلع من المطعم وشايف ابنو كانو بين شياطين مو بشر وكأنو رمى حالو بالتهلكة بسبب طريق الفن والغناء
وصل للبيت تعبان والخيبة مكتسحة ملامحوا
ام تقي : وين كنت طولت كتير
ابو تقي : رحت اشوف الي ما بيتسمى الولد ضاع غرتو الحياة الدنيا
ام تقي : شفتو
ابو تقي : وياريتني ما شفتو نساء عاريات وكاسات الخمر بكل مكان الولد ضاع
ام تقي تبكي : الله يهديه يارب
ابو تقي : حسبي الله ونعم الوكيل ب طارق وريان هني سبب ضلال الولد
تقي لا ابني ولا بعرفوا حط راسي بالارض صرت اخجل افوت الجامع بسبب الي عم يعملوا
ما قدرت تواسيه لو ب كلمة بس دموعها عم يكرجوا
🌹🦋🌹🦋
ريان اصر يوصل تقي معو للحارة ومنى قاعدة بالمقعد الخلفي وخجلانة كتير
بس تقي مابدو يرجع للحارة و اضطر يطلع اغلب الوقت حكي واعجاب بالحفل الي اقاموا تقي وصل للحارة ومشى بطريق بيت اهلو وقف تكسي وراح للشقة مل من حكي الشوفير عن الغلا والبينزين وبلش يحس بقيمة النعمة الي رح يعيشها بسبب جمال صوتوا حاسب الشوفير وطلع للشقة فتح بالمفتاح سكر وفات للحمام عمل دوش ولبس شورت النار عم تنفذ من جسموا ومن نفسو بالتحديد وارتمى على الكنباية ب تعب وراحت فيه نومة متجاهل المرض الي هاجموا بسبب نومة الحديقة .

🦋🦋🦋🌹
بعد مرور أسبوع ع سفر طارق وغناء تقي بالمطعم ورغم انو مطاوع ما حابب تقي يجلي صحون بس اصر يكمل بدوامو النهاري لانو الملل مسيطر ع حياتو بأثناء الجلي اتزكر امو وفكرة انو ما بقى يشوفها او يفوت البيت سببتلو انزعاج راقب ريان كيف ارتكى جنبو وشغل سيكارة اتطلع فيه بملل
تقي : بشوفك ارجعت
ريان : في غيري استلم الطلب ليش عم تشتغل على حد علمي الغنى بكفي وبوفي
تقي : اي مكفي وموفي بس بضجر ودوامي بعد الظهر دخلك شو بدي اعمل كل لنهار نوم او اكل
ريان : حيلا شي بس مو تضل تجلي
تقي : هالايد اتعودت على هالليفة
ريان : خدلك استراحة ولوو
تقي : خلصت ما ضل شي جيب شي بارد نشربو
ريان : تكرم
خلص من ايدو ونشف ايديه وقعد ينطر لحد ما اجى ريان ومعو عصير
ريان : اي ما حكيت مع طارق
تقي : امبلا و حكالي انو جاي بتسدء ما سألتو ايمتى
ريان بهمس : بدي احكيك شي
تقي اهتمام : اي احكي
ريان : اسمعتلك من منير انو مطاوع عم يستغلك استغلال
تقي : عادي المهم انو يتحسن وضعي
ريان : لك عم يحكي عم تاخد من الجمل ادنو
تقي : ادنو عينو المهم ارتاح مادياً
ريان : لك ليش اخد الشغلة بعدم مبالاة
تقي : هلا ك بداية الي ممتاز انا مابدي شي الا ارتاح من لهموم انا ما حابب اصعد كل درجتين سوى درجة درجة بتكفي لنفرض اوصلت لفوق ووقعت ما رح اتكسر
ريان : شو بفهم من كلامك
تقي : جاييك بالحكي وقت اصعد درجة درجة وصار شي ووقعت بتيجي الضربة اخف ولهيك انا ما بدي استعجل وهالميتين الحمد لله مكفيين وموفيين
ريان : ازا هي قناعتك تسطفل انا ما حبيت تمشي المي من تحتك
تقي : يكتر خيرك على كلا حابب اغير جو تيجي معي
ريان : لا مافيني محجوزين كم طاولة ومطاوع بدو اهتم بالزباين
تقي : انا برجع المسا يلا بخاطرك
شلح المريول ورتب شعراتو وطلع تمشاية للحي على امل يشوف امو
🌹🦋🌹🦋
كنت مراقبة منى وهي عم تختار فستان جديد لعزيمة بيت حماها
بريق : بشوفك فرحانة معقول لشوفة حماتك
منى : اول عزيمة الي وهيك حاسة بحالي
بريق : وليش ريان مو هو الي ياخدك
منى : ضغط شغل على كلا بيرجع اول ما اوصل لسى بكير عزيمة عشى ليكي المرة الجاي رح يعزموا الكل
رشا : وانا كمان
منى : ههه يحرق حريشك ما اقواكي
رشا : كتير متحمسة بس اوعك تظهري هالشي قدامهن
بريق : بتعجبك رح تمثل انها خجلانة
منى : بلااا شو انا اصلا من طبعي الخجل
بريق : ايه منشوف لكن
تركتها تختار شالة وارجعت اشوف لزبونة
~~~
بطريقو للشام معو بضاعة وشارد بهموم حياتو
طارق : ليكني صرلي اسبوع مضروب ع قلبي ومسافر وحابب ارجع واشوف شهد متحسنة لو نتفة كل حجتها الطبخ والنفخ والبيت ولولاد متناسية انو انا اهم من كل هدول وبكرى عندي شغل كثيف وتوزيع
قطع شرودو اتصال ابوه
طارق : اهلين بابا
ابو طارق : اهلين فيك وين صرت انت
طارق : يعني قريب اوصل في شي
ابو طارق : اي بدي اخبرك انا قررت اكتب كتابي
طارق : مبروك ان شاء الله يعني بدك مني شي
ابو طارق : غير سلامتك بس حبيت اخبرك
طارق : انت بتعرف رأيي بالموضوع
ابو طارق : بس اوعك البنات وامك يدرو
طارق : ولايهمك بابا
سكر الخط وما سدء ايمتى ركن السيارة بقبو المحلات وطلع ليشوف بريق عم تتساير مع رشا وفي كم زبونة رأساً اجى لعندها والا تغمرو
بريق : الحمد لله على سلامتك طولت الغيبة
طارق : منيح بتعدي ايام
بريق : والله ضعنا بدونك
طارق : هلكان من السفر ازا ما سحبتها نومة بخبرك
بريق : ارتاح لبكرى بيفرجها الله
طارق : يلا ماشي بشوفك
تركها وراح للبيت تمشاية
🦋🌹🦋🌹
وعند تقي كان حاسس انو وضع بيت اهلو مختلف بس فسرها انو عند اهلو ضيوف شاف شباب تنين طالعين من البيت وكان ابوه واقف يودعهن
تقي : مين هدول معقول يعني ماما مريضة بس اكيد مارح يجيبلا دكتور معقول بابا بدو يبيع البيت وجايين يشوفوه يا ترى شو القصة رجع تمشاية ومو عارف لوين الدرب موديه
🌹🦋🌹🦋
وعند منى كانت خجلانة من الترحيب فيها
ام همام : والله ونور البيت
منى : تسلمي مرت عمي
ام همام : سبحان الله اديش الكن جيرانة واخوكي رفيق ريان بس ولا مرة فكرت تكوني كنتي
بيلسان : اي امبلا وحليانة عن اول كتير
سيدرا : ما بتشيلي المكياج
منى : حاطة بس خفيف
سيدرا : كتير مبين
منى : لا انا بشرتي فاتحة
بيلسان : نزلت بريق شالات جديدة
منى : ما بعرف
سيدرا : بريق شاطرة كتير هون الكل بالحارة بيمدحوا فيها
منى : ليش
بيلسان : لانها موقفة المحل على رجليه قبل وقت طارق اشتغل فيه ما اتحرك هيك
منى : يمكن لانها بنات ولزبونات اكترهن صبايا
ام همام : لا شخصيتها قوية ماشالله عنها اتمنيت ريان يحكي فيها
منى بصدمة : ليش
ام همام : هههه بمزح معك لشوفك بتغاري ع ابني

اول ما انفتح الباب ارتاحت نوعا ما وبس شافت ريان ارتاحت كتير وهو كتير انبسط بشوفتها
ريان : مسالخير يا جماعة
ردوا الكل
ريان : تكه وبرجع
ما سدءت ايمتى هالتكه تخلص كانت بحدود النص ساعة واجى مبدل تيابو متحمم ولابس تياب نظيفة ومرتبة للبيت قعد بجنبها وابتسملها
ريان : كيفك
مع غمزة خجلتها
منى : الحمد الله...يعطيك العافية
ريان : الله يعافيكي يارب
ام همام : ما ضحكت الا لأجيت
ريان : كتير منيح رح يطول الاكل
ام همام : لتوصل خالتك وعماتك
ريان : لكن نحن رح نقعد على البلكون
وقف ووقفت وراه ولحقتو اتطلعن لتلات ببعض وتنهدن سوى
🦋🌹🦋🌹
وعند طارق حس على صوت فتح الباب مع انو حاول ينام ما اجاه نوم راقبها كيف اجت لجنبو وبعدت لحرام واتمددت واستغربت انو مفتح عيونو
شهد : فكرتك نايم والله
طارق : وين لولاد
شهد : عم يتفرجوا ع الشاشة ليش ما نمت
طارق : كتير تعبان
شهد : سلامتك
كان مترجي منها حنية تحسسو بقيمة حالو وبقيمة هالتعب بس عبس
طارق : القعدة ورا الدركسيون خدرتني
شهد : صير وصي انت على البضاعة مو احسن
طارق : ...
اتطلع فيها لاخر مرة وشاف لبسها وغمض ب تعب
بقلبو : ليش ما ابادر انا بالاول شهد عقلها صعب كتير
فجأة قرب منها
شهد : شبك طارق
طارق : معقول ما اشتقتيلي
شهد : هلا بيجو لولاد
طارق : شو بدنا بلولاد طيب خلينا بلي نحن فيه
شهد : شوي وباذن المغرب
طارق : شهد افهميني ليش عم تعملي فيني هيك شوفي كل حركاتك بربك انتي عاقلة وواعية
شهد : بترجاك طارق مو هلا
طارق : ايمتى لكن انا اتعبت مليت ليش عم تعامليني ببرود عطول بتتحججي بلولاد خلص قولي مابدك
شهد : انا فكرتك نايم
طارق : انتي شووو فهميني
كان معصب منها لابعد الحدود وما كان منتبه لحالو على شو ناويلها
🌹🦋🌹🦋
ببيت ابو تقي كانت تبارك بجنب عماد وكتير مبسوطة فيه
تبارك : احسبوا حسابكن بكرى معزومين عندي
عماد : لا تتعبي حالك اختي
ابو تقي : بكرى بدي تروحي مع امك وتشوفوا لعماد عروس
هالكلام صدم الام وبنتها
ام تقي : لعماد
ابو تقي : اي ليش مستغربين
تبارك : اه...لا مو مستغربين يعني وين رح يسكن
ابو تقي : بعت غرفة تقي اليوم اجى سامر شافها
عماد : ليكون مابدك ماما
ام تقي : امبلا حابة افرح...افرح فيكن كلكن
ابو تقي بعصبية : فرحتنا بس فيه
عماد : صحيح وينو تقي
ابو تقي : لا تجيب سيرتو لهالمغضوب وازا مشتقلو روح شوفو بكون عم يغني استغفر الله العظيم من كل ذنب عظيم
عماد : وين بيغني
ام تقي : الله يهديه يارب
ابو تقي : انا حكيت مع الشيخ موسى بخصوص بنتو الله يحفظها وحكالي بتشرفوا انتو بكرى اعملوا زيارة للنسوان والله يقدم الي فيه الخير
تبارك : ان شاء الله
ام تقي : وانت موافق يا عماد
عماد : انا بشوف انو الابدا تقي و
ابو تقي : يتجوز مين ماسكو
تبارك : بس
ابو تقي : خلص انتهى الجدال
تركهن وراح للجامع وسرعان ما مسحت دموعها ام تقي وراحت ل غرفة ابنها
عماد : شوفي تبارك
تبارك : رفقاتو ضيعوه وبابا غضبان عليه
عماد : ليش ماما عم تبكي
تبارك بقهر : لانو تقي من زمان بيترجاها تقنع بابا يجوزو
--.
وبغرفة تقي كانت حاطة راسها على مخدتو وتبكي
ام تقي : وين اراضيك يا ابني بكرى بيعرف بموضوع خطبة اخوه ورح ينقهر كتير
رفعت راسها وشافت الغرفة المهترية وكيف صرلو من لما طبق ال ٢٥ ويوميا بيلمحلها عن موضوع الزواج وكانت الحجة انو مافي مصاري ورجعت انهارت من البكي لانو كتير حكالها باخر فترة بدي اتجوز كل رفقاتي اتجوزوا وخطبوا
🦋🌹🦋🌹
وبالمطعم اجواء تقي غير عن كل الاجواء غنا وموسيقى شي عكس الفراغ الي جواتو تسفيق ورقص وضحك وهو مستمتع بلي عم يقدمو
لحتى اجى بعد نص ليل اخد اجرتو ورجع للبيت ب تكسي عم يحاول يتجاهل كل مشاعر الحزن او بالاحرى الضياع بدون بيت اهلو اول ما طق المفتاح بالقفل استغرب صوت حكي قرب شوي واتأكد انو في حدا كانت سكربينة بيضا وكندرة رجالية عند المدخل وتلقائيا اتراجع للورى وسكر بهدوء ونزل شبه هريبة متأكد من انو الي جوى ابو طارق واكيد الي معو وحدة من صاحباتو لانو سمعتو بالحارة مو زيادة
واقف تحت البناية
تقي : لوين لك تقي لعمى ما بتكمل مع حدا الاحسن انام بشي فندق مصاري ومعي
بتكسي على اقرب فندق كان حابب يدلل حالو بشي مكان فخم لو بدو يصرف كلشي معو
🦋🦋🦋🦋
حسيت منى مزعوجة كتير لهيك ما جاييها نوم عم تنفخ وتتصفح بموبايلها
بريق : نامي حاجتك سهر
منى : نامي انتي
بريق : ليش مانك على بعضك يعني لازم تكوني مروقة
منى : شبني
بريق : مو مبين انك مبسوطة
منى : ليش شاغلة حالك فيني
بريق : شبكي وليه
منى : متجاكرة من اهل ريان
فرطت من الضحك عليها
منى : ليش عم تضحكي
بريق : من اولها بربك لسى ما صرلك مخطوبة كتير

منى : لك شمتانة فيني
بريق : لا والله بس مو معقول يزعلوكي بيوم الخطبة رقصوا ورقصوكي من فرحتهن
منى : حرام هني ما زعلوني بس هزولي بدني ويمكن مو قاصدين
بريق : روقي شو بدك فيهن الك بريان وبس
منى : هيك قولتك
بريق : اي ولا تهتمي الا فيه
ارتاحت بنفس اللحظة بتضحك منى بس ع الاكيد مسمعاتها حكي
منى : ليش سهرانة انتي
بريق : لانو عم تنفخي وحالتك حالة
منى : اجى طارق
بريق : اي زمان وصل وريحة اليبرق والمحاشي من عند شهد غير شكل
منى : مو طيب اكلها
بريق : هههه المهم يعجب طارق دخيلك
منى : اي حظها قوي وكتير بحبها
بريق : عقبالك ما تزبطي ريان ويصير متل طارق يشوفك وما يسدء
منى : يارب الله يسمع منك
🦋🌹🦋🌹
جوا القلب . .
في سردات وحكايات ما حدا بشوفها . . ما حدا بيحكي

في سردات وحكايات ما حدا بشوفها . . ما حدا بيحكي
عنها
...
وما حدا بيحس فيها غير صاحب هالقلب
جوا القلب
في شوية حرب . . وفي شوية حب . . في شوية حزن.
وفي شوية حكي
جوا كل قلب
في رواية وفي حكاية .. في قصة وفي غصة . في ضحكة
وفي دمعة
..
في اخبار وفي اسرار ...
في شغلات مخباية كتير .. بتوجع....
#مقتبس «آثر»

الجزء العاشر
فتح عيونو وابتسم لنعومة الفرشة وحتى طبقة الديباج الي متغطي فيها كل هالشي كان جديد عليه الجو النعومة والاهتمام شاف جاط الفواكه ومشروب الطاقة وصحن السكاير مليان وهلا اوشكت الساعة تصير ١٢
تقي : اي هاد الي بقولو عنو صباح الخير الله يوجهلك الخير يا أبو طارق بس ان شاء الله يكون متجوز مو صاحبتو لانو هالزلمة نسونجي لدرجة والاحسن بريق دخيل الي بدعها كيف خجولة وواعية وبتخاف ع سمعتها اتطلع بالمكان الي جنبو
تقي : ايمتى بدي اتصبح بوجهك لك بريق اسمك لحالو حكاية وملامحك دهوروني والله وغير بفندق مارح اقضي شهر العسل يلا هانت عم يتحسن وضعي الحمد الله ولازم أستعد لكلشي عمل دوش مدلل ولبس تيابو بنطلون جينز اسود وبلوزة سودة نص كم وقميص ازرق بدون ما يسكر ازرارو لبس البوط وحط الجزدان بجيبتو وموبايلو بايدو ونزل لعند موظفة الريسبشن سلمها بطاقة الغرفة وطلع من الفندق وبطريقو للحي لانو بيعرف انو ريان بإجازة اليوم ومنو بشوف طارق وبريق نزل باول الحي وكمل تمشاية وحاسس بالذنب وانو كل العالم بتعرف انو مقلع مع انو حتى ريان ما بيعرف بس هو متحسس لدرجة عينو على محل بريق وابتسم وقت شافها عم تأشر ل رشا ويرتبوا فتح موبايلو واتصل على طارق
طارق ب تعب : الو
تقي : نايم عيني
طارق : هلكان يا زلمة
تقي : انت مين مسلطك عليي اه
طارق : شوفي ولاه
تقي : هل تعلم انو ما نمت بالبيت
طارق بخوف : شو صاير ولووو
تقي : مابعرف كان في حدا بالشقة لهيك هربت
طارق : انت شو عم تحكي تقي
تقي : والله هاد الي صار والمشكلة في الي كم قطعة تياب بالغرفة
طارق : خلص انا بشوف شو القصة..تقي لا تحكي لحدا
تقي : اديش بتدفعلي
طارق: هلا هيك
تقي : ههههه جيب تيابي وبعدين منتفق اعزمني يا حقير ع قهوة
طارق : حول
تقي : بس تجهزها اطلاع انا برى
طارق : خمس دقايق بكون عندك
بجية ريان مشخص
ريان :صباحك مطربنا
تقي : اهلين صباحك تزبيط وين
ريان : عازم الخطيبة ع فتلة سوق
تقي : ياااا مين قدك انت
ريان : حسد ولا ديقة عين
تقي : التنين
ريان : وين ابن حمايي
تقي : ها شرف كان جاي وحامل القهوة
ريان : ما احلاك وانت حاسب حسابي
طارق : هههه ولو طالبين رضاك صهري
قعدو لتلات وما بيمنع تقي يتمايز كل الحارة ليشوف محل بريق ومنسجمين مع سكايرهم
استغرب تقي وقت وقفت سيارة عند بيت اهلو
🦋🌹🦋🌹
كانو تيابو على جنب مرميين والشباب فاتوا يحملو الغرفة ودموعها عم تكرج قاعدة بالمطبخ وتمسح دموعها وعماد واقف واحطت ايديه بجيابو
عماد : ليش هيك عم يصير ماما
ام تقي : انا مابعرف شي
عماد : ليش باع الغرفة
ام تقي : مو زعلانة ع الغرفة بس ليش رمى تيابو هيك
عماد : تيابو كلها جديدة
ام تقي : ايمتى لبس منهم كل وقتو ببلوزة قديمة ولونها رايح وبنطلون مهتري هدول كان يشتريهن كل عيد ويخبيهن
عماد : ليش ما اخد تيابو
ام تقي : والله مابعرف يا عماد احكي مع ابوك بترجاك خليه يرجع ابني
عماد : بشوف هلا ماما ليش عم تبكي هيك انتي منهارة
ام تقي : حاسة كل الكون مطبق على صدري غياب تقي هدلي حيلي
عماد : في شي تاني هيك عم يخطرلي
ام تقي : موضوع زواجك رح يحطم تقي وهو الي حلم يكون عندو عيلة
عماد : والله مو ببالي
ام تقي : بعرف ما دخلك يا عمري بس ابوك عم يعاقبو
طلع عماد ومن القهر على امو صار يرجف لانو ارتفع السكري معو وشايف كيف غرفة تقي صارت ع الارض مافيها الا شقفة برداية من اول ما سكنوا هالبيت وهي معلقة
اتطلع بتياب اخوه وكتبو الي بالشنتة مسك الرواية وقرأ عنوانها ( مئة عام من العزلة)
بفوتت ابوه ومعو حق الغرفة كاش وخلاه يرميها
ابو تقي : حط من ايدك
عماد : وين بدك تروح بغراضو
ابو تقي : انا بلاقي لهالكفر تصريفة امك لساها عم تبكي
عماد : بابا تقي بيكون ندم خليه يرجع للبيت سدءني
ابو تقي : انت لا تدخل وساوي الي بقلك عليه
🦋🌹🦋🌹
كان منزل راسو ب حزن وقت شاف غرفتو تحملت بالسيارة وخجلان من هالموقف قدام رفقاتو
ريان : شو ناوي تجدد غرفتك
اتطلع ب طارق وابتسم ابتسامة جانبية لهيك اتنهد طارق
تقي : اي هيك شي
ريان : مبروك تخرج عماد
تقي : الله يبارك فيك
ريان : شبك تقي
تقي : لا بس هالغرفة بتعز عليي ذكرياتي كلها فيها
ريان : مكسرة يا زلمة
تقي : بعرف بس...
بقلبو : وين راحو بتيابي وكتبي
ريان : يلا مبروك سلف قبل تشتري غرفة جديدة
تقي : الله يبارك فيك
ريان : اودعناكم
كمل لبيت طارق لانو منى واقفة وناطريتو وطلعوا تمشاية
طارق : شو القصة تقي
تقي : متلي متلك اتفرجت معكن
طارق : تقي ليكون بدك تبكي
تقي : لا مو لهدرجة بس ما اتوقعت انو عم ينظف البيت من وراي
طارق : لا تزعل الله يصلحو ابوك

تقي : ازا عندك شي روح انا ما وراي شي
طارق : تعال معي
تقي : مافي نفس لشي
طارق : بدي اجهز حالي وغصب عنك بدك تقتنع وتروح معي
تركو عم يتفرج على بيت اهلو بحسرة وقهر
🌹🦋🌹🦋
وعند ام تقي شطفت الغرفة وخلصت
ابو تقي : روحي لعند تبارك واحكو بالعروس
ام تقي : اجلها ليوم تاني
ابو تقي : لا تكسري كلمتي
ام تقي : يلا هلا بروح
جهزت حالها واخدها عماد يوصلها
🦋🦋🦋
وعند طارق كان يتفرج على لولاد جاهزين وشهد لابسة
طارق : لا تجننيني وين رايحة
شهد : حسام جاي ياخدني
طارق : بربك انتي عاقلة
شهد : عاقل؟؟ لا مجنونة
طارق : خلص ولووو لا تطالعي جناني عليكي وين رايحة
شهد : ما ببقى معك وانت هيك معك مرض نفسي
طارق : انا مريض
شهد : شو بتسمي الي عملتو معي
طارق : بس تهدي رح نحكي
شهد : اي استنى لكن
بدقة الباب راح يفتح وشاف حسام
حسام : هي صهري هون كيفك
طارق : الحمد الله
حسام : جاهزة شهد
شهد بتحدي : اي جاهزة
حسام : حول صهري ع الغدا
اتطلع ب شهد ب قلة حيلة ولولاد لحقوها
حسام : زورنا
طارق : ان شاء الله
وبقي مراقبها وهي رايحة ومعها شنتة معناها الإقامة شبه طويلة
🦋🌹🦋🌹
من جنب البيت لمح ابوه عم يرمي منديل مولع نار وفجأة هبت النار وبلشت تلتهم تيابو كتبو ورواياتو للحظات فكر انو بحلم بس استوعب انو واقع ! فتح عيونو بصدمة وراح يركض وبلش يطفي النار بقميصو وما عم يصرخ الا بكلمة
تقي : للااااا لااااا
سحبو ابوه من كتفو لانو النار قوية وبتخوف
ابو تقي: شو جابك انت لهون
تقي : ليش حرقتهن ليش
ابو تقي : ما اقدرت اعطيهن لحدا مشان لا يصير كافر متلك
تقي : بشو كفرت ما كفرت ليش حرقتهن ليش
ابو تقي : بعد عن النار
مارد صار يطفي بالتراب
- الناس من البلكون عم تتفرج والي ماشي بسيارة خفف ليشوف شو عم يصير وحتى الي ماشيين وقفوا يتفرجوا على صراخ تقي الهستيري بدون وعي عم يطفي بتيابو ما لحق منهن شي قعد بالارض بضعف وقلة حيلة عيونو متل الجمر وقلبو عم يرف جواتو وكأنو فقد اعز شي بيملكو
الدخنة عم تنخفض سحب شقفة من الجاكيت الي نصو بقي شبه سليم ورواية نصها محروق بقي يتأملهن بحسرة وابوه واقف وراه ومو عرفان انو ابنو انحرق متل هالشنتة
🌹🦋🌹🦋
كنت مصدومة من كلشي صار الحارة كلها عم تتفرج شي من البلكون وشي من باب بيتو واكيد من الشبابيك اجى طارق يركض
طارق : بريق شو صاير
بريق : اسمعت صوت تقي ومابعرف كانو حريق بجنب بيتهن
راح يركض
رشا : شو حرقوا يا ترى
بريق : مابعرف
رشا : بس كأنو شي بيخص تقي والا ما كان عم يصرخ
بريق : بدو يكون هيك
حكيت هالكلام وقلبي غاصص عليه على صوتو المليان قهر رغم اني ما بعرف شو صاير كانت ماما واقفة تتفرج واشرتلي اتصلت لاخبرها شو صاير
🦋🌹🦋🌹
فات ابو تقي بس وصل طارق قرب من رفيقو وشاف الشنتة شبه رماد ومافيها شي
طارق : تقي شبك شو بصير معك قوم معي
تقي : لوين يا زلمة مانك شايف
طارق : بعوض الله يا زلمة
تقي : الي بعرفو هون بقايا تقي واليوم حرقهن الي زكريات مع كل قطعة جوات هالشنتة حتى شهادتي صوري روايات كانت تونسني بعزلتي عن العالم لدرجة كنت عايش بهديك الفترة كنت عطول بطل شي رواية
طارق : خلص قوم
تقي : بلكي باقي شي يزكرني بحالي
طارق : كلشي بيتعوض الا الصحة ما بتتعوض
تقي : انت بتحكي هيك لانك ما عشت مع محتويات هالشنتة بتعرف هالجاكيت اشتريتو وما اللبستو تركتو قلت ليوم خطبتي انا محروق من جوى طارق
طارق : طيب اترك من ايدك
سحبو وخلاه يوقف ولساتو عم يتطلع
كان جبينو مليان عرق والسواد من رماد الشنتة معلم على أيديه وجبينو وخدو
طارق : صرت فرجة بالحارة
تقي بأعلى صوتوا : في حدا ما شاف ابي حرق كلشي بخصني
طارق : هسس فضحتنا خلص بكفي
تقي : اسمعوووني خلي الكل يسمع احكو لبعض انحرق كلشي جواتي مع هالشنتة
صار يشحط فيه وهو لساه يصرخ بكل صوتو وكانو واحد مجنون وفقد عقلو لهيك صار يضحك هستر ع الاخر مسك طارق من قميصو بلغة التهديد
تقي : لك احكيلي انو الي صار كابوس
طارق : لا مو كابوس
تقي : لا تحكيلي انو واقع بترجاك يا طارق
طارق : فهمني ليش جنيت
تقي : يمكن لانو كنت اوفرهن بالليرة ويمكن لاني ما اللبستهن ويمكن لانو الروايات الهن مكانة جواتي
طارق : انا بدي اشتريلك بدالهن
تقي : صعب طارق الشنتة بما فيها عبارة عن حالي انا احترقت يا زلمة بتحكيلي بدك تشتريليي بدالهن
طارق : مارح يغير شي من الي صار
تقي : الله ما بيرضى بالظلم
طارق : وكل الله كلشي بيتصلح وبيتعوض
وقت لمح بريق واقفة عند الباب دفش طارق ومو عرفان لوين بدو يروح بس مشى ودغري طارق لحقو
طارق : وين رايح
تقي : والله مابعرف حتى مو مستوعب الي صار

طارق : فوت معي ما حلوة تضلك هون
تقي : يا طارق بترجاك كيف بدي انسى الي صار .
طارق : انا هون انا معك فوت لقلك
كان مستعجل بدو يتخبى عن كل الناس ومجرد ما استوعب انو ببيت رفيقو اتسكر الباب وقعد بأرضو وكأنو كان بمعركة وانهمرو دموعو بغزارة
قعد بجنبو طارق وقربو منو
طارق : سدءني مو مستاهلة
تقي : شو يعني مو مستاهلة اتخيل احرقلك بيتك
طارق : بفهم انو صعب بس بعد ما تستوعب رح تندم ع الي صار
تقي : والله من اول بحس اني مو ابنو بعد كلشي عملو فيني بلشت اتأكد
طارق : شو بتفرق معك
تقي : بتفرق بدي امي اشتقتلا هي بتعرف اني اتحملت منو بما فيه الكفاية هي حاسة فيني امي بتحس فيني عم تفهم
طارق : بفهم والله طيب ليش عم تبكي
تقي : بدي امي بقلك
طارق : رح تشوفها طمن بالك
تقي : هلا بدي اياها ليش ما عم تفهمني طارق
طارق : طيب فوت غسل لنشوف شو رح تعمل
تقي : ما ارتحت لسى
طارق : فوت غسل وأبكي جوى يلا
جر حالو جر للحمام سكر الباب وغمض ب تعب عيونو عم يحرقوه للحظات وقف قدام لمرايا بضعف وشاف حالو كيف منهار وزاد القهر
~~•
࿙‌࿙‌֒࿚࿙‌֒࿚࿙‌֒࿚࿙‌֒࿚࿙‌֒࿚࿙֒‌࿚࿙֒‌࿚࿙‌֒࿚࿙֒‌࿚࿙୨୧࿚࿙֒‌࿚࿙‌֒࿚࿙‌֒࿚࿙‌֒࿚࿙‌֒࿙‌֒࿚࿚࿙‌֒࿚࿙‌֒࿚࿙‌֒࿚࿙‌
*‏_أحتاج الى الهُدوء التام، من ضجيج عقلي وشتات تفكيره الهروب الى مدينة بعيدة لا تحمل على ارضِها سِوى السلام من ضوضاء الحياة•
࿙‌࿙‌֒࿚࿙‌֒࿚࿙‌֒࿚࿙֒‌࿚࿙‌֒࿚࿙‌֒࿚࿙֒‌࿚࿙‌֒࿚࿙֒‌࿚࿙୨୧࿚࿙֒‌࿚࿙‌֒࿚࿙‌֒࿚࿙‌֒࿚࿙‌֒࿚࿙‌֒࿙‌֒࿚࿚࿙‌֒࿚࿙‌֒࿚࿙‌
🌹🦋🌹🦋
ع الباب كنت واقفة افهم منو
طارق : لساتو بالحمام
بريق : ليش هيك صاير معو
طارق : يحرق اخت الحفلة والخطبة كمان
بريق : بس مشان هيك
طارق : ابوه مقلعو من البيت واليوم حرقلو كلشي بيخصو
بريق : ليش
طارق : اسأليه
بريق : يعني هدي
طارق : والله مابعرف ليكي خلي امي تحسب حسابو بالغدا
بريق : ماشي... ابقى طمني
طارق : ماشي
رحت بس كنت مقهورة صوتو ما عم يطلع من راسي ولا حتى منظرو وهو مع طارق فايتين للبيت يا حرام كل الحارة اتفرجت عليه شاطرين بس بالفضايح.
فتت للبيت ودغري لعند امي
ام طارق : شو صاير افهمتي
بريق : يمكن متخانق مع اهلو
ام طارق : وشو هالحريق الي صار
بريق : مابعرف ماما احسبي حسابو بالغدا
ام طارق : ماشي سكرتي انتي
بريق : اي بكفي اليوم
فتت للغرفة مقهورة وتعبانة وحاسة بغصة كبيرة جواتي والسبب تقي وكيف كان حالتو بالويل كان عم يطفي الحريق بتراب وبقميصو ونزلو دموعي غصب عني اتزكرت وقت حكينا واديشو رايق واليوم ما كان تقي الي بعرفو
كيف بدي انسى الي صار وشو بدو ينسي اهل الحي لك انو حي العالم كلها شافتو مهستر جانن يا حرام ليش ليحرق تيابو ليش
نيالك يا منى مانك بالحارة لتشوفي الي صار بس ع الاكيد رح تسمع.

"ستنجو, ولكنك لن تعود كما كنت."🖤
#مقتبس «آثر»
🌹🦋🌹🦋
طلع من الحمام كان طارق ناطرو ومعو بلوزة وشورت من تيابو
تقي : انت عطول معزب حالك
طارق : مو بيناتنا ولو انا واقع بديق ما بتتركني
تقي : يمكن اي ويمكن لا
طارق : خود بدل تيابك .
اخدهن منو بدون نفس فتحلو الغرفة طارق واستحى
تقي : هي غرفة نومك يا زلمة
طارق : شو بدك تاكلها للغرفة بدل تيابك بكون الاكل جهز
تقي : كمان اكل
طارق : هفففف جلطتي ع ايدك
بعت ل بريق :استعجلوا بالاكل
بريق : تكه وبكون جاهز
طلع مبدل تيابو قعد وحضن لمخدة وعينو عم يتلألأ فيهن لدموع
طارق : قلتلي الشقة فيها حدا
تقي : اي
طارق : بابا اتزوج
تقي ببرود : وانت عادي عندك
طارق : عادي او لا شو بتفرق يعني
تقي : كيف بتهون عليك امك
طارق : مابعرف مو قصة بتهون بس ازا هي رغبتو ماحدا رح يمنعو
تقي : انت مع انو يتزوج
طارق : سدءني مابعرف بس انا بحس انو حقو يتزوج ولو انو هالشي بيضر رب العالمين ما شرعو
تقي : لا بقى حدا يدخل الدين بقناعاتو الشخصية بدك تتزوج اتزوج لا تيجي تقول الشرع حلل وبتبلشو احاديث وآيات لانو بشوفلك كل واحد بيحفظ حديث بيجي ع كيفو
طارق : شو بفهم من كلامك تقي؟الجزء الحادي عشر
تقي : اننا عم نسبح بالذنوب ووقت يصير معنا اقل شي منبلش صف حكي
طارق : نحن البشر هيك
تقي : اي هيك بعرف بس وقت تعمل الي بدك تعملو لا تجيب حديث او اية وتبلش تقنع نفسك وتقنع الي حواليك خلص قول انا جاي عبالي اتزوج لا تقول الشرع حلل
طارق : ليش معصب
تقي : لانو المفروض واحد متلي ما يكون هون وما كان لازم يعمل الي عملو هو ما أعطاني فرصة طيب شو بدو يقنعني انو رجل دين وبيعرف الصح من الغلط بعد الي عملو اقنعني بخطبة الجمعة الي عم يخطب فيها لمئات من الناس وهو عند اقرب موقف صار معو ما استوعب ابنو ما اجاني باسلوب محبب او نصيحة كل الي بعرفو انو الغلط متغلغل فينا ومنحب نطالع الطرف التاني غلطان ومنبين اننا معصومين من الخطأ منلوم ومنلوم ومنلوم ومنخلي الي قبالنا كرهان حالو وبيحس انو احقر وانذل البشر

طارق : هو فعلاً نحن هيك
تقي : انا اليوم حدا بيختلف عن مبارح تقي اليوم انسان تاني هلا استوعبت الفكرة
كلشي حفظتو واتأسست عليه كان مجرد صف حكي التطبيق شي مختلف تماماً انا كتير مصدوم من الحقيقة متمني يرجع الزمن لحتى ما اشوف المثالية بناس ابدا مو مثالية
نحن بيغرنا الشكل الخارجي وحتى الكلام المليان حكم وعبر
طارق : العبرة بالجوهر
تقي : وللأسف عم نكتشفوا بعد ما يكون فات الفوت فينا متل ما صار معي يعني
طارق : انت رح تقوى من بعد الي صار
تقي : بتعرف طارق بزعل على حالي وهالشي بيولد جواتي شعور سيء لمجرد اني عم اشفق على حالي و بسأل بيني وبين حالي معقول انا بستاهل انا سيء لهدرجة وصار فيني هيك عقوبة او جزاء...معقول أتجاوز الي صار بسهولة
طارق : مو بسهولةبس رح يكون مجرد يوم ويعدي كون واثق من هالشي حتى الموت اكتر شي بيخوفنا مع الايام منتعود اي منزعل بس بصير مجرد يوم ومضى
تقي : مضى بطلوع الروح...مضى بعد ما عشت ستين الف شعور بشع مضى بعد ما حرق بقايا روحي
قاطع حديثهن دقة الباب راح طارق ليفتح صوتها زرع جواتو شي بيشبه الضو لصغير بوسط عتمة
بريق : طولت عليك
طارق : اجيتي بوقتك
بريق : اتهنوا بكون جهزت الشاي
طارق : لا تعزبي حالك انا بجهزو بس ليكي ازا اجى ريان لا تخبريه بشي واحكي لماما هيك
بريق : معقول عم توصيني لا تشيل هم ابدا صحتين وهنا سلفا
طارق : على قلبك
كان مالو نفس لشي بس ريحة الطبخ خلتو يتأكد انو من الصبح ما اكل شي
حط قدامو الاكل ملوخية بالجاج ورز بالشعيرية
طارق : يلا اتفضل مابدي اعزم عليك
تقي : ازا بحكيلك مافي نفس
طارق : مين الو نفس بالاكل بس لازم تتغدا
ساير هالشي مسايرة اتزكر طعم مذاق طبخ امو لهيك انقهر كان مشتاق لكلشي بيزكرو بايام قبل البعد والفراق وبلش شريط زكرياتو هالحدث المؤلم تسببلو وجع بقي بس ماسك الملعقة بأيدو وصافن باللحظة الي بلشت فيها المشاكل ولحد هاللحظة وانو هو ببيت طارق وبعد ما صار الي صار بالحارة
حط من ايدو بهدوء
طارق : ليش ما عم تتغدا
تقي : ماني جوعان
طارق : بدك تقنعني اكلت اليوم
تقي : اكلت هوى ما بكفي
طارق : انت كتير حساس تقي ولازم تكون مستعد لكل الصدمات بالحياة
تقي : تقي اليوم غير تقي مبارح
طارق : ازا تعبان نام
تقي : وعيلتك
طارق : زايرة اهلها
تقي : مو كانك مبارح ارجعت من السفر
طارق : قصتي طويلة خود راحتك بالبيت
تقي : متخانقين
طارق : بتعرف اوقات بحس انو لازم اشكي لحدا وبعدها بقول مستحيل احكي
تقي : بتصير المشاكل مع كل المتزوجين
طارق : بس مشكلتي معها مالها حل ابدا
تقي : ازا ما بينحكى لا تحكي
طارق : لو المشاكل مع اهلي يمكن احكيلك
تقي : بعرفك ما بتأمن لحدا
طارق : مو قصة أمان بس بتصور مافيني اشتكي لحدا ابدا
تقي : معك حق بس تطلع اسرار الزوجين بتحس ما بيعود اسمها اسرار
طارق : بالفعل هيك
كمل اكلو طارق وتقي اتمدد وكأنو اوشك على النوم لانو كان يوم متعب بالنسبة الو استنزف كل طاقتو بلي صار
🌹🦋🌹🦋
كنت قاعدة مع ماما وبالي عند تقي بس يمكن اتحسن بعد الي صار
ام طارق : وين شهد لكن
بريق : اجى اخوها اخدها
ام طارق : معقول صاير عند امها شي
بريق : مابعرف ليكي ماما لا تجيبي سيرة تقي والي صار
ام طارق : لمين بدي احكي الحارة كلها شافت
بريق : بقصد ل ريان ومنى
ام طارق : وبيلسان وسيدرا معقول ما شافوا
بريق : المهم ما يطلع مننا الحكي هي تعليمات ابنك
ام طارق : عيلة بدها حلم الله لتصير متل الخلق
بريق : قاصدة بابا بعرف
ام طارق : مغلق موبايلو
بريق : بس قلبك مو غليان عليه بعرف
ام طارق : شاكة بشي
بريق : ياريت تنتهي مشاكلكم والشك
ام طارق : بتعرفي اني اتحملت منو بما فيه الكفاية وبتعرفي كل اهل الحارة وحكيهن عليه
بريق : لا تهتمي لحكي الناس الك فيه
ام طارق : خليني ساكتة بريق مشان الله
بريق : مابقى ازعجك بس طولت بنتك
ام طارق : اخوها موجود
بريق : لا اتوفقنا ازا طارق المسؤول
ام طارق : انتي ما هاين عليكي تتأخر
بريق : اي صارت تسعة وما عبالو يرجعها
ام طارق : غيرانة مو
بريق : مارح رد عليكي انا بعرف حالي شووو
ام طارق : ههههه امبلا غيرانة
بريق : اصلا الحق عليي لاني سهرانة معك
بدقة الباب ومن قهري رحت لاشوف اتاريه ريان ومنى ومعها شنتة تياب
بريق : ولي عليكن لمين فاتحين المحل نحن لتروحو تنفعوا الغريب
ريان : منى استحلتهن مافي مسا الخير اتفضلوا
ام طارق : فوت ريان
ريان : بعدي عمتي بريق
بريق : عمتك موو انت اكبر مني
ريان : ولو كان بمقام حماتي
بريق : عاجبك منى اضحكي علي صوتك
منى : ههههههه
ام طارق : فوتوا ليش واقفين ع الباب
فاتو سوى سكرت بهدوء عكس الضجيج واجت عيني على ايديهن المشبوكين والا يقعدو حد بعض ويبقى ماسك ايدها

ام طارق : شو ان شاء الله انبسطوا
ريان : تناقرنا شوي
منى : هلا هيك
ريان : هههه بتغار عليي بنتك
ام طارق : لازم تفرح لانها بتحبك
ريان : هههه وانا بحبها بس شكلو غيرتها قاتلة
ام طارق : ليش واقفة عندك ساوي قهوة
بريق : معقول ما اشربتوا قهوة
ريان : امبلا بس ما منقول لا
بريق : ....
رحت مقهورة لدرجة
بريق : لساويها بدون نفس انا بفرجيكن
🦋🌹🦋🌹
كان طارق بالمطبخ عم يرتبوا بهدوء لحتى ما ينزعج تقي لانو غفيان عم ينفخ من كلشي عم يصير ومو لاقي حل ل شهد ولمين بدو يشتكي منها امو باردة لابعد الحدود ومارح تشيل الموضوع من ارضو اخوها شو بيقدر يعمل ولا حتى فيه يحكي لاخواتو البنات خلص المطبخ وفات ل غرفتو تعبان ومخنوق قعد على طرف التخت يتأمل كلشي بالغرفة الي مافيها شي تفصيل بيدل على انو متزوج البيرو عليه كم علبة بارفان الو والها وغيرو لا
رمى حالو على التخت بالعرض وغمض عيونو
🌹🦋🌹🦋
صحي بنص الليل العرق عم يتصبب منو وما اهتم للحرارة الي عم تطلع من نفسو غمض من جديد ليشوف قدامو الشنتة المحروقة ورجعتلو نفس الغصة أتجلس بتعب وشاف انو الصالون مافيه حدا شرب كاسة المي ايديه عم يرجفوا واتأكد انو مو منيح وراسو رح يتفجر من الوجع جر حالو للمطبخ جر كان عم يدور على طارق وعند باب الغرفة وقف متردد دق الباب ع الخفيف وفتحو شوي شوي ليشوف طارق نايم كمل لعندو وهزو من كتفو
تقي : طارق اصحى انا كتير تعبان
رجع هزو ونقز طارق صار يتلفت حواليه
طارق : شوفي تقي
تقي : ماني منيح حاسس حالي رح موت اتجلس وحاول يستوعب شو عم يحكيلو تقي
طارق : اجيبلك دكتور
تقي : اي شي
طارق : طيب بشو حاسس
تقي : مهدود حيلي وراسي رح يتفجر وكأنو عليي حرارة
حط ايدو على جبينو وانصدم طارق
طارق : لك حرارتك مو طبيعية فوت اتحمم بتخف بكون جبتلك الدكتور
تقي : ماني قدران اعطيني حيلا شي مسكن خافض اي شي
طارق : ارتاح ليش واقف لشوف وين الدوا
قعد وكان مو طايق حالو من الحرارة
طلع طارق من الغرفة ومن تعبو غمض واستلقى على التخت
🦋🌹🦋🌹
دقات على باب البيت اكيد طارق
رحت لشوف شو بدو كان مبين انو صاحي من نومو
بريق : خير طارق شوفي
طارق : بدي سيتامول
بريق : استنى لجيبلك
طارق : بسرعة
رحت دغري جبتلو الدوا
بريق : انت تعبان
طارق : تقي حرارتو مو طبيعية
بريق : جيبلو دكتور
طارق : ازا ما اتحسن ع الدوا بجيبلو
نزل دغري لعندو وتركني مشغول بالي على تقي ونقزتني ماما
ام طارق : مين كان هون
بريق : طارق
ام طارق : شو صاير
بريق : تقي تعبان
ام طارق : لانزل اشوف
بريق : جاية معك
اللبست اليانس وانزلت مع ماما كان بس بدي اتطمن عليه فتح طارق بقلة حيلة
ام طارق : شو صاير لك ابني
طارق : مو طبيعية حرارتو
ام طارق : شو بتستنى جيبلو دكتور
طارق : اتصلت فيه حكالي شغلة نص ساعة
ام طارق : ووينو هو
طارق : بغرفتي
بريق : ليش هيك صاير معو
طارق : والله مابعرف شو احكيلكن فوتوا
ام طارق : اجينا بس نطمن
طارق : بخبركن شو بصير
ام طارق : وين مرتك انت
طارق : ببيت اهلا
ام طارق : شو صاير ليكون حردانة
طارق : بعدين بحكيلك
ام طارق : متل مابدك
اطلعنا للبيت
بريق : مسدءة يحكيلك
ام طارق : لا بعرف مارح يحكي
بريق : ع الاغلب حردانة
ام طارق : لنشوف اخرتها مع هالعيلة الفاشلة
كتمت ضحكتي المهم ماما تجيب سيرتنا كلنا عند حيلا مشكلة
🌹🦋🌹🦋

كان واقف طارق على جنب والدكتور عم يفحصو
الدكتور : من زمان عليك حرارة
بقي ساكت تقي
طارق : تقي جاوب
تقي : مابعرف اصحيت هيك
الدكتور : خلال نص ساعة ما نزلت حرارتو لازمو مستشفى
ضربو ابرة وكتب الراشيته واعطاها ل طارق وطلع يسأل طارق
طارق : دكتور شو بدو يكون معو
الدكتور : ع الاغلب فيروس او جرثومة لازمو تحاليل ضروري
طارق : بس شو علاقة الفيروس
الدكتور : خليه يحلل مو خسران شي وجيبلي التحاليل ع العيادة هو متزوج
طارق : ليش بتسأل دكتور
الدكتور : في حال كان متزوج لازمها تحاليل مرتو
طارق : لا دكتور عزابي هو
الدكتور : عليه العافية
طارق : الله يعافيك دكتور
حاسبو عند الباب ورجع فات ليتطمن على تقي
طارق : شو تقي اتحسنت
تقي : مابعرف ماني حاسس بشي
طارق : طيب نام ريح حالك انا هون مراقب حرارتك
تقي : بدي امي
طارق : لو مو الوقت متأخر كنت بعتت امي لعندها بس انت امرضت بنص الليل
تقي : شكرا الك طارق
طارق : بعدين بتتشكرني هلا نام وريح حالك
كان عم يحاول ينام وطارق سهر على راحتو وكل شوي يحط ايدو على جبينو لحتى اختفت الحرارة كلياً
🦋🌹🦋🌹
الصبح جهزت حالي اللبست قميص ابيض طويل لعند ركبتي وبنطلون اسود وشالة بيضا وعليها ورد باللون الخمري ولفيت على رقبتي فولار خمري لابق للشالة اطلعت من البيت بهدوء وانزلت فوراً لبيت طارق لاطمن على تقي دقيت بهدوء في حال كان تقي نايم مارح يسمع كنت عم اتفقد الوقت من ساعتي ونفخت بملل وارجعت دقيت الباب وانفتح وكانت الصدمة تقي اخجلت كتير واتلبكت