#الجزء الحادي عشر

طلعت من بيتها ورايحة على شغلا
ماشية هية ومرام وعم تحكي عالموبايل بيجي شخص بيسحب الموبايل من ايدها وبيهرب
هو وراكض بيضرب بشخص بيرفع راسو بلاقي شب
بيضربو كف بيوقع عالارض
تيم : هات الموبايل ياحيوان
_ عطا الموبايل ...
تيم مسكو من كنزتو : ياويلك تعيدها مرة تانية ...روح من وشي بسرعة قبل مايصير شي مايعجبك
يارا شافتو من بعيد وتوترت كتير
مشي باتجاه يارا وعطاها الموبايل
تيم : تفضلي وتاني مرة نتبهي
يارا : شكرا الك
مدت ايدا هية وعم ترجف لتاخد الموبايل ...مسكا من ايدها
تيم : ماخلصتي تمثيل يارا
يارا : عفوا
تيم : انا بعترف اني ماعرفتك اول ماشفتلك ...بس صوتك حركتك..حتى برودة اديكي ماتغيرو
يارا صارت تبكي : ليش اجيت لهون
تيم : شتقتلك
يارا : بترجاك روح من هون
تيم رفع راسها بايدو حتى تلاقو عيونن ببعض : من قلبك هالحكي؟
يارا بعدت عنو : انا لازم روح عندي شغل
تيم : يارا لازم نحكي
يارا : مافي شي ينحكى
تيم : انا قلت رح نحكي يعني رح نحكي

شالها ومشي باتجاه السيارة
يارا : لا تيم شو عم تعمل خلص نزلني
تيم لتفت على مرام : لو سمحتي خديلا اجازة اليوم
مرام : اوك

حطها بالسيارة وقفل الابواب ومشي
يارا: تيم فتاح..هالاسلوب مو حلو على فكرة بركي حدا شافني من اهل الحارة
تيم : قلتلك امشي لحالك مارضيتي لهيك لا تعاندي حبابة
يارا : اذا سمحت نزلني عندي شغل
تيم : بددنااا نحكككي ونزلة من السيارة مافي قبل مانحكي بكتير امور
يارا : شوووو بدنااا نحكي ماااعااد في شي ينحكي صفحة وطويناها ليش عم ترجع تفتحها
تيم : انا لسه ماطويتا
يارا : اها شو لسه عندك بهدلة مابهدلتني ياها
تيم وقف السيارة ومسك ايدها : انا بعتذر
بعتذر عالكلام.يلي قلتلك ياه بس من صدمتي ماكنت حاسس شو عم احكي ....لك انا حبيتك بقلبي وروحي وتفكيري
كنتي عيوني يلي عم شوف فيهم
كنت متلهف اعمل العملية بس كرمال شوفك
كنت بتمنى تكوني انتي اول شخص شفتو
وفجأة بيطلع كلو كذب بكذب
يارا : مااااكاااان كذب فهام .....والله ماكذبت عليك ...بكل لحظة قضيناها سوا كنت صادقة فيها بمشاعري
انا ماكنت اعطي لكمال معلومات صحيحة عنك وكنت كذب بكتير شغلات وهوة كان يكشفني مرات ويهددني باهلي
انا كنت مجبورة على كلشي
بس واللللله حبيتكم من كل قلبي
بس شو اعمل اذا القدر جمعنا بطريقة غلط
تيم : خلص حاج تبكي ....انا هاد الحكي كلو بعرفو مافي داعي تشرحي شي
يارا : كيف
تيم : كمال حكالنا كلشي من وقت شافك اول مرة لوقت رحتي
يارا : كمال بيك
تيم : ممممم صهري اصدك
يارا : شووووو
تيم : صارت كتير شغلات بغيابك منبقى منحكي بعدين هلا خلينا بالمهم
يارا : انو مهم
تيم : شتقتلك يارا شتقتلك كتير ....خلينا نعطي بعض فرصة
يارا : انا اسفة تيم بس مستحيل ....انا ماعاد اقدر حط عيني بعين حدا من عيلتك
بعدين اهلي وقت عرفو بيلي صار زعلو مني كتير ولاول مرة امي بتضربني
وضلو فترة مايحكو معي
هلا انا ماصدقت انو رجعت حياتي لطبيعتها وماعاد بدي ايا علاقة انا مبسوطة هيك بحياتي
انت مافي منك وبتستاهل احسن مني بكتير ...بتمنالك حياة سعيدة

فتحت باب السيارة ونزلت ودموعها ع خدها
______

اعدة بغرفتها وعم تحكي عالموبايل
كمال : قلتلك اديش بحبك
لميس : تؤ
كمال : ممممم اد السما مافيها نجوم
لميس : هههههههه اوووف ضحكتني مع انو مالي نفس
كمال : ليش شبك
لميس : انا ماحكيتلك شو صار
كمال : لا
لميس : تيم شافا ليارا
كمال : كيييف وين وشلون ...وين كانت مختفية
انا دورت عليها بس قالولي انو تركو البيت ونتقلو
لميس : ممم صح هوة شافها بالصدفة يوم عيد ميلادي
ومن يومها وهو مكركب حاول يحكي معها كذا مرة بس ماعم تقبل
كمال : وكيف بدا تقبل واخر مرة سمعها كلام غير شكل
لميس : زعلانة عليه
كمال : لسه بحبها
لميس : بحبها وبدو ياها ترجع ....اوووف انا كيف بدي ساعدو
كنت عم فكر روح حكيا بس خايفة تيم يتدايق
كمال : سمعي لقلك ...قلتيلي انو لسه بحبها وبدو ياه عنجد
لميس : جانن عليها مو بس بحبها
كمال : معناها منروح ومنطلبا رسمي
لميس : كييف
كمال : متل معم قلك
لميس : بركي رفضت
كمال : مارح ترفض
انتي رتبي الامور مع اهلك ومع تيم وانا رح دس نبض يارا من بعيد
لميس : تمام
________

ماشية الصبح رايحة على شغلها
وقفت سيارة جنبها ونادالا
_ كمااال بيك ؟؟
كمال : كيفك مرام
مرام : اهلين كمال بيك
كمال : ممكن تطلعي بدي احكي معك بموضوع
مرام : بس لازم لحق ...
كمال : صدقيني مابأخرك

طلعت معه
مرام : تفضل كمال بيك
كمال : مارح اسألك ليش تركتي الشركة هالامور منحكي فيها بعدين

انا جاية كرمال نحكي بخصوص يارا
مرام : ياااارااا
كمال : بعرف انكم عم تشتغلو سوا
اكيد هية حكتلك كلشي عن يلي صار معها صح
مرام هزت براسها: صح كمال بيك
كمال : حلو وفرتي علي حكي كتير
معناها رح اسألك سؤال وبتجاوبيني بصراحة
مرام : تفضل
كمال : يارا لسه بتحبه لتيم ؟؟؟؟
مرام : اااننننااا ماابعرف يابيك
كمال : مرررراااام نحنا تفقنا عالصراحة ...صدقيني انا بدي مصلحتها
مرام : اي يابيك لسه بتحبو وهو عم يتقرب منها كتير صرلو فترة كل يوم بكون ناطرها بالشارع كرمال يشوفها بس هية عم تصدو
بس عم تكذب وتكابر على حالها
انا بعرفها منيح
كمال : يعني اذا اجا وطلبها بتضمنيلي انها توافق
مرام : يطلبببهااا ...مابعرف يابيك
كمال : معناها انتي رح تساعدينا
مرام : كيف ؟؟؟؟
كمال : بدك تقنعيها توافق بس بدووون مااتحسسيا بشي
الشب رايدها وهنن سامحوها وبدو يجي يطلبها وانتي رح تحاولي تقنعيها
لهيك هلا بتحاولي تدسي نبضها وخبريني
بس بتمنى يارا ماتعرف بشي
مرام : تفقنا ...انا بشوف شو بصير معي وبخبرك
كمال : تمام ..شكرا الك
بتحبي وصلك على شغلك ؟؟؟؟
مرام : لاا لان يارا بتكون ناطرتني هلا وانا تأخرت عليها اساسا
كمال : تمام ناطر خبر منك
مرام : اوك ...سلام كمال بيك
كمال : سلام
______
______
شافتها من بعيد عم تمشي بسرعة
يارا : مرااام تكسرو رجلي انا وناطرتك وينك ومعم تردي عالموبايل
مرام : لك انا وطالعة مابعرف مين كب علي مي رجعت بدلت تيابي
يارا : يلا خلينا نمشي بلا مانسمع كم كلمة
مرام : اوك هي ليكنا ماشيين
ياراا شبهن عيونك مرضانة شي
يارا : لا بس ماعم نام
مرام : ممممممم نيالو يلي عم يسهرك الليل
يارا : من يوم شفت تيم وكياني مكركب
مرام : انتي لساكي بتحبي مو
يارا : بحبو ...وماغاب عن بالي ولا لحظة
مرام : طيب هي الشب لحالو اجا لعندك وماعم يخلي وسيلة كرمال يتقرب منك لييش عم تصدي...لييش عم تعذبي حالك وتعذبي معك
يارا : مراارم نسييتي شو صار لك اذا هوة نسي انا مستحيل انسى الطريقة يلي فتت فيها على بيتن
لك اذا هنن سامحوني انا مارح.اقدر سامح حالي
مرام : اي حااااج ولووو انتي حاملة السلم بالعرض وماشية خلص صفحة واطويها وفتحي صفحة جديدة
يعني مثلا هلا لنفرض اجا وطلبك بتوافقي ولا لاء
يارا : مارح يعملها لفكر اذا رح وافق او لاء
مرام : شو عرفك انو مارح يعملها
يارا : خلصنا مرام حبابة غيري الموضوع
_____
اعد ورا المكتب مشغول برن موبايله
كمال : الو
مرام : مرحبا كمال بيك انا مرام
اسفة اذا عم عطلك
كمال : لا ولا يهمك خبريني شو صار معك
مرام : استاذ يارا خجلامة منهم وحاسة بتأنيب الضمير ...
كمال : يعني نالها موافقة
مرام : مابعرف استاذ حتى هية مشتتة
كمال : على خير ...شكرا الك على كل حال
مرام : بالاذن كمال بيك
كمال : سلام اذنك معك
________
لميس : شو يعني هلا
كمال : بدنا نجرب نخطي هالخطوة وندعي الامور تمشي بسلام
اهلك شو رأيهم
لميس : انا وتيم حكينا معهم وماكان عندهم اعتراض
كمال : معناها خلص انا رح اخد موعد بس مارح خبرهم انو انتو
لميس : بتمنى يصير كلشي متل مابدنا
كمال : ان شاء الله
______

عم تتمشى مع بنات الحارة
ميادة : دريتو يابنات الست يارا جاييها عريس اليوم
حنان : اييي لكن ياعمي العز للرز عقبااالنا
طيب يارا حكيلنا مين هو
يارا : حاجتكن بقا ...انا بالاساس مابعرفو ناس تصلو اخدو موعد واني الله يسامحها قبلت بدون ماتخبرني

هنن وعم يحكو بيمشي جنبهم بالسيارة وبعلي صوت المسجلة

((( قولي لأمك يابنت
جاية الليلة اطلب ايدك
ولا بعمري عاقل كنت
وحياة الاله بريدك ))))
قرب منهم نزل الشباك وغمزها ليارا وكمل طريقو

حنان : واااااو
مرام قربت لعند.يارا : لك يارا هاد مو تيم
يارا : هوة مبلا
مرام : شو اصدو بهالحركة
يارا : مابعرف...مابعرف
____
المسا اعدة بغرفتها عم تجهز حالها ومعها مرام
يارا : مرام متوترة مابعرف ليش
مرام : لا لا هدي وخليكي ريلاكس
طالعة حلوة كتير رح يطير عقلو فيكي
يارا : مين هاد
مرام : ههههههه العريس
هه سمعي عم يدق الباب شكلهم وصلو

فتحلهم الباب ابو زياد ونصدم
عصام : مسا الخير
ابو زياد : يا اهلا وسهلا مسا النور
عصام : بتسمحلنا ندخل
ابو زياد نزل راسو لتحت : تفضل عصام بيك.اهلا وسهلا فيكم

فاتو على غرفة الضيوف
وابو زياد وام زياد تحت تأثير الصدمة مستغربين من جيتهم
ابو زياد : يا اهلا وسهلا فيكم
عصام : اي اخي ابو زياد بدون مقدمات نحنا جايينك بطلب بتمنى ماتردنا خايبين

ابو زياد : تفضل عصام بيك ماعاش يلي يخيبك
عصام : نحنا طالبين بنتك يارا اذا ماعندك مانع
ابو زياد : والله مابعرف شو قلك بس نحنا وجهنا اسود.منكم من عملة بنتنا وصدقني لو كنت بعرف بيلي عم تعملو كنت موتت حالي ولا خليتا تتصرف هالتصرف
عصام بيك : نحنا بشر والبشر مالهم معصومين عن الغلط ويارا صغيرة كان كل تفكيرها انو اهلا يكونو بخير لو شو ماكان السبب
ابو زياد : خجلتونا بلطفكم الحقيقة
تيم : ياعمي انا رايد بنتك من كل قلبي وبتمنى ماتردوني
ابو الزياد : يا ابني هالقرار قرار يارا وشو بدها انا معها
كمال : الله يبارك فيك ياعم
لميس : عمو من بعد اذنك ممكن احكي مع لميس انا
ابو زياد : طبعا يابنتي هية بغرفتها تفضلي

طلعت لعندها هية ولمى وليلى

____
يارا : مررااام شو قدرتي تعرفي مين هنن
مرام : لا مابين معي شي بس شفت ناس كتار دخلو شكلو جايب جاهة كتير هه
يارا : ولي الله يعيني على هالموقف
.....الله يسامحك يا امي انا مابحب هالمواقف

هنن وعم يحكو بدق الباب
راحت مرام فتحت
لميس : مرحبا ...يارا موجودة
مرام : اهلين ...ليكا جوا

فاتو لعندها....شافتهم يارا وقفت ووقعت كاسة المي من ايدها
يارا : لميييييس.....لمى !!!!
لميس : اي لميس يارفيقتي
يارا ::شو عم تعملو هون
لميس : زعلانين منك واجينا نحكي معك ....
يارا : كيف !!!!
لمى : ليش عم تعذبيلي اخي ....مو حرام عليكي هلك وراكي من مكان لمكان
يارا : لمى كرمال الله ماتفتحي نفس الموضوع

لتفتت على ليلى
يارا : انا شايفتك من قبل.......مو انتي يلي اجيتي مع تيم هالمحل
ليلى : صح
لميس : ليلى صديقة تيم من ايام الدراسة وكمان اختنا بالرضاعة
يارا : اهااا
لميس : خلينا بالمهم يارا....
يارا : لميس انتي بالذات بحياتي ماممكن سامح حالي عالشي يلي عملتو فيكي وحتى مالي قادرة حط عيني بعينك
لميس : واذا قلتلك انا مسامحتك ونسيت كلشي صار
يارا : بس انا مو مسامحة حالي ....لميس سمعي اذا سامحتيني عنجد خلوني بعيدة عنكم ....
انا وتيم خلص ماعاد رح نقدر نكون لبعض
بعدين انا في شب ليكو تحت مع ابي جاية يطلبني وانا رح وافق مين ماكان يكون
وتيم بيستاهل وحدة احسن مني
لميس : هههههههههه سمعتو قالت رح توافق
يارا : ليش عم تضحكي !!!؟؟؟؟
لميس : فرحانة لان اخي ناطر موافقتك على احر من الجمر يلا انا نازلة خبرو انك موافقة
يارا مسكتها من ايدا: لميس شو عم تحكي ...تخبري مين ؟؟؟
لميس : تيم ناطرك تحت يارا
سمعيني منيح كلشي عملو فيني كمال انا سامحتو عليه وحبيتو وعطيت حالنا فرصة وليكنا خطبنا
بتمنى تعطي حالكم.فرصة تانية انتي وتيم كمان
يارا : شوووووو انتي وكمال خطبتو
لميس: اي وبحبو كتير هو صار انسان تاني
المهم يارا انا هلا نازلة لعند اهلي وانتي فكري
لمى : نحنا ناطرين تحت يا بتجي وبايدك القهوة يا مابتجي
ليلى : القرار الك بس بتمنى تفكري منيح.....تيم بحبك كتير
_____
طلعو من عندها ورجعو لعند العيلة..... وقف تيم فورا وطلع فيهم
تيم : شو قالت؟؟؟؟
لميس : خلونا ننطر شوي اذا ماعندك مانع عم ابو زياد
ابو زياد : ولو يابنتي البيت بيتكم

الكل ساكت ومتوتر ومستنيين
بيندق الباب ...والكل بيطلع عالباب
بتفتح الباب وبتدخل
لابسة فستان زهر طويل وبايدها صينية القهوة
وقت شافتها لميس بتسمت وتنهدت
فاتت وبلشت تضيفهم القهوة واحد واحد حتى وصلت لعند تيم قربت تضيفو القهوة واديها عم يرجفو
يارا : تفضل
تيم : فيها ملح ولا سكر
يارا بتسمت بخجل وكملت ضيافة
واجت بدها تطلع
ابو زياد : يارا بنتي خليكي شوي
كمال وقف وقرب لعند يارا : يارا انا بدي اعتذر منك قدام الكل
كلشي صار معك بسببي بس هلا بدنا نفتح صفحة جديدة وننسي الماضي
عصام : شتقنالك يا يارا البيت فضي بغيابك بدنا ترجع الفرحة للبيت
يارا : جيتك غالية ياعمو بس

تيم وقف وقرب منها : انا ماجاية اسمع اعتذارات ولا مبررات

قرب منها ومسكها من ايديها : انا جاية لهون اسمع كلمة وحدة بس
قوليلي بتقبلي تكوني شريكة حياتي كل العمر

_ خجلت ودارت وجها وصارت تطلع بالكل
تيم : ماتطلعي بحدا تطلعي بعيوني انا وجابوبيني
يارا تطلعت بعيونو ونزلت دمعة على خدها : "" بقبل""

الكل فرح وعليت الزغاريد
قرب عليها وهمسلا : ( هلا رجعولي عيوني )

(((((( حطي كفك بكفي
ومشي هالعمر نكفي
مابدي كنوز ولا مال
والله ضفرك بكفي ))))))

#انتهت

بداية القصة 🤍🌸
@Stories_3

رأيكن بالقصة🧚‍♀👇
@Stories_3_bot
لاتنسو التفاعل 🔥❤️‍🔥
@Stories_3

قصة جديدة: #احببتك_في_خداعك

قراءة ممتعة🌸
@Stories_3

المقدمة
_خدعة وحدة رح تهوي بحياة ابطالنا وتحولها من جنة الي نار
_بيتفرقوا ليواجهوا الحياة بدون بعض وكل واحد بظروف معينة
_ياترى كيف قلبين اتعلقوا ببعض ممكن يتخلو ... ومعقول ينسوا
قصة درامية بحت بدون اكشن وقتال ودم ورعب
موعدنا الليلة مع قصة #أحببتك_في_خداعك
ومع ابطالنا ❤️❤️
تفاعلوا بحيلا رمز❤️ لنشوف مين رح يقرا ويقترح ويشارك

أحببتك في خداعك
بقلمي:مايا الحجازي
الحلقة الأولى ❤️
بشقة مفروشة من احلى الفرش ريحة المعكرونة مغطية على المكان كان تميم نازل بجاط المعكرونة وكانو بعمرو مو دايق الاكل بدقة الباب ترك من ايدو واخد منديل وراح ليشوف مين وهو عم يمسح تمو من الاكل وببالو اكتر من حدا اطلع بالعين الساحرة اتأفف وقت شاف وسيم.
فتحلو الباب كانو بنفس الطول تقريباً
وسيم:اجيت بوقت مو مناسب
تميم:فوت اخي كل الوقت الك
سبقوا تميم ليكمل اكلوا حكاه وهو ماشي
تميم:جيب شوكة من المطبخ
وسيم: سبقتك كانو مافي غيرك بالبيت
ما اهتم لسؤالو ابدا وكمل اكلو رجع وسيم من المطبخ معو صحن سكاير
وسيم:شو اخي من سنة مو دايق الاكل بعدين ليش المطبخ مكركب ووين أسيل؟
طنشوا بكل سهولة وقف واخد معو الجاط
وسيم:تميم ليش ما بترد
تميم:بغسل وبرجعلك
تركوا وفات للمطبخ نفخ كل نفسو اسم اسيل كركبوا كتير غسل وحط الركوة على النار ليشوف طيفها بكل مكان ابتسم وقت اتزكر كيف كان عايش معها حياة هادئة مليانة حب ودفا وشوية مشاكل بسبب غيرتها الجنونية عليه انتبه اول ما سمع صوت غليان المي جهز القهوة اخدها ورجع لعند اخوه الي قاعد رجل ع رجل ومو عاجبو حدا
تميم:كنت بالبيت
ضيفوا القهوة بس وسيم مركز على حال اخوه
وسيم:شو بدك وين كنت
قعد واتنفس تميم براحة
وسيم:شو صاير تميم....ليش هيك دقنك ووين اسيل بيتك مكركب كتير
تميم:اجو اهلها اخدوها
وسيم:هيك ببساطة
.......
كنت عم اتزكر لحظة وصول بابا لبيتنا اول ما اندق الباب كنت بالمطبخ وتميم صحي على صوت دقات الباب ولانو شفت مين دغري فتحت وكان جاي والشر بين عيونو
تميم:اهلين عمي
بابا:قلتلك مو عمك وانتي يلا جهزي حالك
اسيل:لشو بابا
بابا:بغضب عليكي ازا ما بتطاوعيني
تميم:طيب فوت لنتفاهم
بابا: نتفاهم ....ليك ازا انت اقنعت بنتي انا مستحيل اقتنع
تميم:طيب طول بالك ما بتنحل هيك الامور
بابا:صرلي ساكت مدة وكلو كوم وخداعك الها كوم تاني
تميم:احكي اسيل ليش ساكتة
بابا:فوتي ضبي تيابك اسيل
اسيل:ليش ...بابا انا بحبو ل تميم ومستحيل اعيش بدونو
وقبل يمسكني من شعري بعدو عني تميم
تميم:اوعك تقرب صوبها
بابا: والله عال هاد الي كان ناقص خايف على بنتي اكتر مني يلا اسيل مامعنا وقت بسرعة
اسيل:مابدي اتركوا
بابا:لك عم تتحديني انتي امشي معي لقلك
سالو دموعي اول ما استوعبت اني بغرفتي القديمة ببيت اهلي وانو تميم بمكان بعيد عني حتى ماا بعرف شو ظروفوا او شو صاير معو
وقت انفتح الباب مسحت دموعي واتمددت بدي انام بقلمي مايا الحجازي
رهف:مابدك تتغدي
اسيل:مابدي شي
رهف: صرلك اسبوع ما اكلتي
اسيل:اتركوني بحالي
رهف:..
طلعت دغري واول ما انفتح الباب خفت
بابا:ليكي وليه ازا مابدك تطلعي من هالحالة يا ويلك
اسيل:انو حالة
بابا: حبك ابو ملعون الحق مو عليكي على يلي امن فيكي وخلاكي تدرسي وتفوتي وتطلعي الي عملتو لصالحك عم تفهمي
اسيل:...
كان قلبي يضرب ضرب جواتي الي ناوي عليه بابا رح يجيب اخرتي
بابا:يلا لشوف تعالي اتغدي
جريت حالي جر بس بدي اخلص من عصبيتوا
.........
الدخنة بكل المكان كان وسيم عم يسمع قصة شبه خيالية من اخوه
وسيم: بتحكي جد تميم
تميم:بدي امزح معك وتاني يوم اجت امها واخدت اغلب تيابها
وسيم: يعني كانت موافقة اسيل تروح مع ابوها
تميم:لا لا قلتلك اخدها غصب
وسيم:ليش ما منعتوا انت
تميم:صرنا فرجة بالبناية سايرت الوضع
وسيم:بدي قلك هي اسيل وحدة
تميم:اوعك تكمل وسيم ما دخلها ما علاقتها
وسيم:بتكون شكت وبكت من حالو اتحرك متفقة مع اهلها بس كيف بدها تبين انها الها يد بالموضوع
تميم:مستحيل
وسيم:وهيك بدك تضل
تميم:شو اعمل
وسيم:شو تعمل يعني طلقها واخلص منها
تميم:طلاق مين شو بتحكي رح ارجعها اكيد
وسيم:بتكون بلا كرامة
تميم:حل عني يااا
وسيم:وامي دريت
تميم:اوعك وسيم تحكيلا لا ما بتعرف وماحدا بيعرف غيرك بدي احاول ارجعها قبل حدا يدرى
وسيم:كان لازم
تميم:وسيم خلص بترجاك
وسيم:طيب قوم بدل تيابك
تميم:مالي نفس شوف حدا
وسيم:نتمشى مو لمكان انت مو شايف حالك كيف متغير
طاوعوا بملل
وسيم بقلبو:ايه يا ابو عابد لكن انا تعمل بأخي هيك وانتي يا زمكة متفقة مع اهلك على اخي انا بفرجيكن.
نطر اخوه عند الباب واجى تميم مبدل تيابو ونزلو سوى
.....
كان اول مشوار بعد رجعة اسيل لاهلها موبايلها مسكر حتى مو قدران يتواصل معها
وسيم:اي وشو مشان المحل شكلك مسكر
تميم:لا فتحت اليوم
وسيم:انت
تميم: لا خليت جلال يفتح
وسيم:ولايمتى بدك تخبي الموضوع
تميم:مابعرف
وسيم: وليش مستسلم للقدر
تميم:مو استسلام بدي اعرف اسيل بدها تكمل معي ولا
وسيم: وكيف بدك تعرف
تميم: المشكلة روان فسادة هي واسيل صحبة بس اكيد رح تخبر اخوك والكل يدرى

وسيم:ما عم سدء الي صاير
تميم:وين كنت
وسيم:مع الشلة
تميم:اخي شلتك عاطلة
وسيم:فكرك بحبهن لانهن ادميين بحبهن لانهن صايعين وعاطلين وانا بنتمي الهن عجبكن او لا
تميم:لنشوف مين بدها تقبل فيك
وسيم:بالناقص ولوو العب وحدك ترجع راضي مع انو نصحتك من البداية
تميم:خلص وسيم مشان الله اطلاع من راسي انا غلطت انا كنت اناني بس ما فكرت هيك يعمل ابوها
وسيم:خلص خلص روق بتخوفني بس تعصب
كانوا ساكتين وكل واحد منهن ببالو شي
وسيم عم يفكر كيف بدو يلاقي حل لاخوه
تميم عم يتخيل انو اسيل بجنبو وطالعين يغيرو جو البيت
......
وببيت اهلهن كانت ام سليم و روان سلفة اسيل وكنانة بنت حماها بفوتت وسيم للبيت
ام سليم:اوف جاي بلا موعد
وسيم:متعودة شو بتغشمي حالك
سلم عليهن لساتو واقف
ام سليم:ليش واقف عندك
وسيم:جمعة نسوان ما الي فيها تصبحوا على خير
ام سليم:لك وين كنت
وسيم:كنت...كنت مع رفقاتي
ام سليم:لكن جهز حالك بكرى بدي اعزم تميم ومرتو مدامك هون
وسيم:اه ..اي اعزميهن منتغدا يلا تصبحوا على خير
تركهن يتطلعن فيه
بقلبو:لكن ما بتعرف بالمصايب
ام سليم:اي روان ما حكيتي مع اسيل
روان:لا والله يا مرت عمي مسكرة ومغلق موبايلها
كنانة: بتكون ملتهية بحبيب القلب
ام سليم:ايه الله يهنيهن يارب
بقلبها: المهم ما تترك ابني
كنانة:حلو الواحد يتجوز عن حب
روان:ومو حيلا حب حب تميم واسيل كل البلد دريوا فيه
ام سليم:الله يخليهن لبعض
بجية سليم الي دغري زمر برى حملت بنتها النايمة وطلعت روان لترجع مع جوزها لبيتهن
#يتبع أحببتك في خداعك
بقلمي:مايا الحجازي
الحلقة الثانية
ببيت ابو عابد كانوا سهرانين عم يشربوا قهوة بالصالون الاب والام وعابد وزوجتو رهف
.........
كنت قاعدة على طرف التخت اول ما اندق الباب وفات بابا حسيت بخوف من مواجهة الله اعلم شو مصيرها
اسيل:اتفضل بابا
قعد جنبي على التخت كنت ناطرة ينطق لو حرف واحد
بابا:انتي بتفكريني ظلمتك وقت جبتك من عندو
اسيل:في غير انك ظلمتني
بابا:طبعا رح تحكي هيك لانو الي ما بتعرفيه تميم خدعك بزواجو منك وكان لمصلحتو وبس
اسيل: مستحيل تميم بحبني ومستحيل يخدعني
بابا:انا سكتت على قصة هالحب كلها وعلى زواج بالنسبة الي فاشل وبالاخير شو بيطلع لمصلحتو
اسيل: كيف يعني لمصلحتو
بابا:هو ايمتى خبرك انو ما بجيب ولاد
اسيل:بعد ما بلشت اطلب منو اشوف دكتورة وبعدها عملو للتحليل
بابا:وانتي سدءتيه
اسيل:اي سدءتتو اكيد
بابا:لكن اتمالكي اعصابك لانو الي رح اخبرك فيه رح يصدمك متل ما صدمني بالاول
اسيل:شوفي بابا خوفتني
بابا:من فترة اجى لعندي زبون وبعد اخد وعطا عرف مين مناسب واول ما سمع باسم تميم استغرب وحكالي واعطيتوه
اسيل:وشو يعني
بابا:تميم متعرض لحادث ومن وقتها الكل بيعرف انو مستحيل يكون عندو ولد والي صار حبك وخدعك وانتي سدءتيه
اسيل:لا لا تميم ما بيكزب عليي تميم اصلا ما بيعرف شو يعني خداع
بابا:حاجتك تبكي واحد متل هاد لازم ما تنزلك دمعة عليه مخادع وكزاب
اسيل:لا بابا احكي غير هالحكي تميم بعد زواجنا عرف مستحيل يكون عم يمثل عليي كل هالفترة
بابا:تميم وأحد كزاب والي بدي تفهميه رح تطلقي منو يعني رح تطلقي وهو عمل الي عملو لحتى تقبلي تعيشي معو بدون ولاد ولا يصير اسمك مطلقة لانو بيعرف مجتمعنا وبيعرف كيف منفكر
اسيل:😭احكي غير هالحكي لا لا ما عم استوعب شو اسمعت بابا بترجاك قول انك عم تمزح
تركني شبه منهارة كلمة طلاق كانت اكبر مني اكبر من كلشي صار بيني وبين تميم اااخ تميم انا صرلي اسبوع نايمة بعيد عنك وانت كنت بتعرف انو نهاية الخداع فراق انت السبب تميم
.........
رجع للبيت وحيد حكي وسيم ما اثر فيه غياب اسيل وحدة الي مأثر فيه البيت مليانة فوضى مابظو يفوت ل غرفتو كل مكان بزكرو ب اسيل طيفها بكل زاوية بالبيت بس الصالون كان اهون مكان غرفة النوم مليانة تفاصيل بتحرك كل مشاعرو الي صرلها اسبوع خامدة والسبب بعد اسيل عنو
بقلبو:كان لازم منعتوا يأخدها كان لازم وقفت بوجهو بس انا بفرجيه ازا الشغلة تحدي انا للتحدي بس انتي نقطة ضعفي اسيل ما ممكن اتخلى عنك بسهولة اي خدعك مثلت عليكي وكزبت بس كل هاد من حبي الك نيران بقلبي اسيل شاعلة بس لاني من اسبوع بعيد عن دفاكي
اتزكر الليل وكيف كان يقضوه
اسيل:تميم ليش شلت ايدك
تميم:مشانك ريحي راسك ع لمخدة
بوقتها رجعت ايدو لمكانها وحطت راسها على كتفو واتنعمت بالدلال
تميم:بلكي اخدرت
اسيل:اي اخدر ما بهمني
استنشقت كمية من ريحتو
تميم:عشقانة وليه
اسيل:عشقانة احلى شب بالعالم دخيل ريحتك دخيل لمساتك
تميم:😂هلا بتفقس النومة ها
اسيل:لا لا خلص نام بكرى عندك دوام
صحي لحالو كان شبه مبتسم اتنفس ب قهر رمى الجاكيت شغل التلفزيون ليتونس بصوتو حضن لمخدة وحاول ينام بس كيف رح ينام قلبو عم يخبرو انو القادم فضيع ومليان قهر والم

......
بغرفة وسيم اول ما خطر ببالو تميم نقزو قلبو
تميم:كان لازم ما تركتوا والله هو كتير تعبان
بس صرلو اسبوع على هالحال ليش مابدو حدا يعرف بالاخص ماما متأمل يرجعها لانو بس شو عليه يا ابو عابد يا جار الرضا ازا بتحاول تقلل من قيمة اخي لالعب معك لعبة تخليك تندم ع الساعة الي شفتنا فيها
وانتي اسيل ازا بصير لاخي شي وانتي سببو لا تلومي الا حالك
اوووف شي بيقهر اصلا ولا مرآة بتستاهل الرجل يضحي كرمالها كلهن هيك عند اول مطب بيتركوا ناقصات عقل ودين
اتزكر كيف كانوا مرة بالسهرة مستخف بعقل اخوه كيف مدلللها بوقتها كانو جنب بعض وعلى همس وضحك ويشوف كيف تميم متيم فيها وعشقان ادق تفاصيلها وكيف يهتم باكلها وشربها وراحتها كمان مو بس هو حتى سلفتها روان وامو كانت شايفيتها وميزيتها عند كنتها روان يمكن لانو بدها تامن ل تميم حياة خالية من المشاكل
وسيم:وليكهن كل واحد راح بطريق
الله يصلحك تميم مع انو نصحناك كتير تخبرها بس انت كنت عنيد
بعتلو:جهز حالك اخي بكرى امي عازميتك دبرلك حجة مقنعة خبرتك لتكون بالصورة
رمى الموبايل على الكومدينة وحط راسو ونام نومة عميقة احببتك في خداعك
الحلقة الثالثة
بقلمي:مايا الحجازي
اول ما صحي هبط قلبوا من يوم الي فارقتوا اسيل بنام بالصالون ريحتها معششة بكل البيت بس الصالون أهون مكان الغرفة مليانة زكريات الو والها شي ما بينوصف شي بخلي عاطفتو تزيد ومشاعرو تتحرك بس بدو اسيل ومابدو غيرها مسك موبايلو ليشوف رسالة من وسيم بخصوص العزيمة
بقلبو:مابدي حدا يعرف ولازم اليوم احكي مع اسيل لو على حساب كرامتي
بتعب راح للحمام وجهز القهوة بدون نفس البيت مكركب لدرجة كبيرة وهو متخيل ترجع معو اليوم شرب القهوة ولبس تيابو وطلع من البيت صفط تحت شجرة كبيرة مقابل بيتهن ليراقبوا بعد انتظار شاف عابد وابوها نازلين للداوم هاد وقت روحتهن للشغل ويمكن انتبهوا لوجودو بالحارة شافهن يأشرو عليه اتشجع ونزل من السيارة واتقدم ابوها ووراه اخوها ليجهز حالو تميم للمواجهة
ابو عابد:ليكون جاي لعنا
تميم:حزرت اكيد
عابد:يعني فوق حقو دقو
تميم:انا حكيي مو معكن مع مرتي
ابو عابد:انسى انو الك مراة روح دور على وحدة تانية تقبلك متل ما انت مو بعيوبك بصفاتك يا مخادع
تميم:ليك مو مشان شيبتك محترمك بس لانو بيناتنا خبز وملح وازا بستعمد بتعرف شو ممكن اعمل لهيك اوعك تغلط
عابد:الغلط بلش من عندك تميم
تميم: انا اغلطت ما بنكر بس انتو عم تزيدو الغلط بغلط اكبر منو اسيل لسى بدها اياني
ابو عابد ب أستهزاء:بس بعد ما خبرتها عن الخدعة اكيد اتغير رأيها فيك
حس بقهر بقلبو:يعني اسيل صار عندها خبر
تميم:انت حابب تخرب بيت بنتك
ابو عابد:وما حاببها تكمل معك مو مشان شغلة لولاد لا...لانو الي بيكزب مرة بيكزب الف مرة وبيخدع كمان
عابد:ومتل ما فتت لهالعيلة بأدب اطلاع بادب وليكنا محترمينك رغم انك خدعت بنتنا
تميم:وهاد قرار اسيل
ابو عابد: انا ابوها وبعرف بمصلحتها اكتر منها
تميم:طيب خليني احكي معها
ابو عابد: الحكي ما رح يجيب نتيجة ومابدي تستعطف بنتي ابدا وتستغل طيبة قلبها من جديد
تميم: قرار نهائي
عابد:وياريت يكون لقاءنا الاخير بالمحكمة وننهي هالمهزلة
تميم:ومين خبركن بدي أطلق
ابو عابد:مو بكيفك غصب عنك
تميم:ليكون انت الي بدك تجبرني ع الطلاق وحياة الي خلقك غير بكيفي ما بصير طلاق ومو توكل محاكي تحرك الرأي العام كمان
عابد:ايواا هيك صار الحكي
تميم:وافهموه متل ما بدكن
لبس النظارات وركب بالسيارة وطلع من الحارة تارك ابوها وأخوها بحالة من عدم الاستيعاب من حرب اقامها تميم بس لانو عشقان مرتو عشق .
..........
لساتهن واقفين برى وعم يتأملوا كيف طالع بسرعة جنونية من الحارة متعدي بيت اهلو كمان
عابد:افهمت عليه
ابو عابد:الي افهمتوا انو عم يتحدانا هالمخادع
عابد:بس كان واثق بابا
ابو عابد:وانا خفت من تهديدو بس مابدنا نحسسوا انو ممكن يتغلب علينا رح يطلق ورجلو فوق راسو
عابد:واسيل بتوافق
ابو عابد:انا ابوها وادرى بمصلحتها وليدفع ثمن خداعو وتهديدو كمان
عابد:رح اخبر رهف تدير بالها على اسيل
ابو عابد: المهم تضل بالبيت ممنوع تطلع وتوواجه هالمنحط
طلعو كل واحد بسيارتو
عابد بقلبو:عم يهددنا....والله شكلنا اعلقنا معو اووف بابا شو بدك فيهن يسطفلو واسيل مع الوقت رح تتركوا اكيد بدون مواجهات ازا الطلب كان من اسيل مارح يردوا لو هالشي ع حساب كرامتوا بس الغصب مع واحد متل تميم رح تكون عواقبوا وخيمة و كتير كمان
اتصل ب رهف
عابد:كيفك حبيبتي
رهف: لحقت تشتاق
عابد:عطول مشتاق يا روحي بس متصل مشان اسيل
رهف:شبها
عابد:ضلي مرافقيتها اوعك تخليها لحالها

رهف:بخلص جلي وبروح بقعد معها ولا يهمك حبيبي
عابد:وخلي لولاد يلعبوا بغرفتها منو بتبطل تفكر بمصيبتها
رهف: حتى انت بتعرف
عابد:ما اقدرت اعمل شي انا بين نارين رهف
رهف:خلص خلص حبيبي متل مابدك رح خلص جلي واروح اسليها
عابد:باي حبيبتي
كمل بطريقو للسوق وتحديداً للمحل الي بيشتغل فيه ..ويعتبر منافس ل تميم بالسوق
.........
كنت مقهورة تيابي لساتهن بمكانهن من وقت جابتهن ماما مابدي احطهن بالخزانة بس شكلو رح اتطلق بابا معند وتميم طلع واحد مخادع
اسيل:لا لا ما بدي اتزكر كيف كنت عايشة معو حياة اشبه بالخيالية الحب والمشاعر الي منحني اياهن من حنية واهتمام وحب وخوف عليي تفوق فيهن على اهلي هو كلشي كان بالنسبة الي تميم ما ممكن تكون شي عابر بحياتي حبي الك تجاوز لحدود
اول ما انفتح الباب جلست حالي منيح
كانت رهف وحاملة معها صينية وفيها فنجانين قهوة بقلمي مايا الحجازي
رهف:نشرب القهوة ع البلكون
اسيل بملل:يلا جاية
سبقتني والحقتها للبلكونة الي مقابل بيت حمايي اتأملت البيت عطول هدوء وكانو وسيم بالبيت هي سيارتو وينك يا تميم اشتقتلك اهلك دريو عرفوا انو بعيدة عنك بس انت السبب تميم انت ورى هالمصيبة ياريتك خبرتني من الاول
بقلبي:ليش شو كنتي رح تعملي اتخيلي بايام الخطبة حكالك ما بجيب اولاد...اخ تميم اطلع من راسي بترجاك انت كسرتني وقهرتني والله
..........
ببيت اهلو كانت روان هلا واصلة وعم تجهز مع حماتها الاكل ليصحى وسيم بعد الظهر مكسر وتعبان طل عليهن واتأفف من صوت الطرق بالمطبخ
وسيم:ما بتخلو حدا يعرف ينام
ام سليم: حاجتك نوم بعدين من الصبح بتصل ب تميم روح شق عليه والله قلبي غليان
وسيم: عطول قلبك غليان بكون ملتهي
ام سليم:اي بعرف روح اعزموا ع موبايلو ما برد لانو
وسيم:شو رايك بالاول تعملي فنجان قهوة
روان:انا بجهزلك القهوة بس جهز حالك بالاول لانو انا كتير قلقانة اسيل كمان ما بترد.
ام سليم: شايف يلا جهز حالك بتكون مرت اخوك جهزت القهوة
طلع مو عاجبو بنوب بطريقو قرص بنت اخوه وهرب للحمام بعد ما خلا صوت البنت عم يدوي بالمكان
سكر الحمام دغري وفرط من الضحك لانو سمع صوت روان
روان:مرت عمييي تعي شوفي ابنك قرص البنت بخدها تعي شوفي كيف خدها محمر
ام سليم بشهقة:لك شو عامل بالبنت ياا الله منك يا وسيم بحياتي ما شفت متل هيك عم
روان:تعال سكتها يلا
من جوى الحمام وسيم:خليها تصغر خدودها مابقى اقرصها المرة الجاي عضة كمان
طلع من الحمام ل غرفتو لبس وجهز حالو
بقلبو:يا ترى تميم شو عامل معقول رجعت اسيل ايه لروح شق عليه
طلع مجهز حالو تزاورتو روان بس ما اهتم قعد وحط رجل ع رجل بعد ما استناول فنجان القهوة
روان:خفف غيرة ولا بخبر سليم
وسيم:صحيح هو لكبير بس انا الكل بالكل
ام سليم:لا بقى تقرب على حفيدتي
روان:والله لارد الصاع صاعين مع اولادك
وسيم:ليش مين بدو يتجوز انا شطبوا عليي من قائمة المقترحات والاحسن تجوزي سليم انا ولا حتى مفكر
بقلبو:يقرفهن جنس حوى
روان:ما حزرت تجوز جوزي
وسيم:ولا تحلموا اتجوز يلا بونوي ست الحبايب
......

الحلقة الرابعة
بقلمي:مايا الحجازي
هي وصلتوا للبيت كان مقهور من مواجهة عمو
بقلبو:انا بفرجيك يا ابو عابد مو ناوي ع الخير وفكرو خليتو ياخد اسيل معناتو اسكت ع الاهانة فشرت وتكون مين ما تكون والله ازا ما بترجعلي اسيل لاعمل فيكن فصول لتندموا ع الساعة الي اجيتو واخدو مرتي مني لاحرمك نوم عيونك يا ابو عابد
بدقات الباب متأكد انو وسيم فتحلو بملل طبعاً متل مااتوقع
تميم:شو بدك
وسيم: هون بدك نحكي
تميم:فوت
كان مو عاجبو الفوضى ابدا
وسيم:كيف طايق البيت انت
تميم: مابعرف ارتب
وسيم:جيب لفاية بعدين جاي اعزمك
تميم:تعبان وسيم
وسيم:لايمتى بدك تخبي الموضوع
تميم:كنت متأمل ترجعلي
وسيم:ليش حاولت
تميم:هي رجعتي من هنيك ما كنت بدي اوجه غير اسيل
وسيم:وشو صار
تميم:كأنو الموضوع رح يكبر
وسيم:طلقها اخي
تميم:لككك مين انت لتحكيلي طلقها ما بطلق لا بكيفك ولا بكيف حدا
وسيم:شو يعني بدك تتمسك فيها
تميم:ومجهز حالي حتى للمحاكم
وسيم:لك شو بدك بهالعلقة لك تميم خلص طلق
تميم:بحبها مو بايدي والله
وسيم:ورح تحب غيرها بتلاقي وحدة وضعها من وضعك
بغضب:واسيل
وسيم:تسطفل بتروح تتجوز بتضل ببيت اهلها
تميم:شووو والله لارتكب فيهن جريمة اسيل الي ومستحيل تكون لغيري انا جوزها وطلاق ما بطلق عم تفهم
وسيم: انت شو بصير معك
تميم:...
وسيم:ليش سكتت تميم احكيلي انا اغلطت ومابدي اعترف بغلطي
تميم:اي اغلطت ومابدي اعترف بغلطي ولو رجع فيني الزمان رح ارجع واحبها واعشقها واتجوزها
وسيم:اي خلصت؟
تميم:..
وسيم: تعال معي بدنا نطلع مشوار ونروح نتغدا ببيت اهلي.
......
كنت ناطرة بابا لاطلب موبايلي اول ما اسمعت طقة المفتاح رحت فورا استقبلوا
ودغري ابتسملي
بابا:شمعة بيتي اليوم منورة
اسيل:طولت بابا
بابا:كنتي تستنيني
اسيل:اي
بابا:في شي ضروري
اسيل:بس خايفة ترفضو
بابا:شو القصة
اسيل: بدي موبايلي
بابا:بعطيكي اياه بس لحتى اريح شوي
اطمنت نوعا ما
لازم اسمع صوت تميم اشتقتلوا والله
يا ترى شو عامل بغيابي اكيد اشتاقلي هو كمان
المشكلة بيت حمايي هدوء تام
رحت للمطبخ لعند رهف كانت عم تجهز لتسكب الاكل
اسيل:بدك مساعدة
رهف:لا ابدا خلصت
اسيل:خليني اساعدك
ماما:لمنيحة مابدها سؤال
اخدت لصحون ورتبتهن على الطاولة
بقلبي:خوفي تقهروني اكتر ما قهرني تميم كان لازم حرقت قلبك اول يوم اجيت فيه للبيت مكسورة كانت بس عم تهدي بابا متناسية مشاعري
#بوقتها
فوتني بابا شبه غصب ودموعي عرض خدودي
ماما:ليش عم تبكي اسيل
بابا:بنتك وقحة بدها تضل عندو
اسيل: انا بحبو جابني غصب عني
ماما:هو مشانك
اسيل:لا تقولي انك معو
ماما:اي معو لكن بدك يحترق قلبي عليكي وشوفك مشتهية لولاد وتتحسري على شبابك
اسيل:بس مو بالطريقة هي بابا بهدلو بكل البناية مابصير شو رح يحكوا الجيران تميم ما بيستاهل هالمعاملة
بابا:اخرسي وليه بدك تعلميني كيف اعامل واحد متلو
ماما:فوتي ع غرفتك يلا
بابا:بكرى روحي جيبي تيابها من عند هالمنحط
نقزت بس أسمعت صوت عابد شكلي غرقانة بالذكريات
عابد:يلا اسيل الاكل رح يبرد
كانو ملمتين على طاولة الاكل
قعدت وشاركتهن
عابد: يسلم ايديكي ام رواد الاكل بشهي
بلشت بالاكل كنت شايفة اهتماموا بمرتو واهتمام ماما باكل بابا ورهف عم تطعمي لولاد رواد ونوار فجأة حسيت حالي وحيدة
اهتمام عابد ب رهف زكرني ب تميم ما اقدرت ما اكمل الاكل رغم انو ما الي نفس ابدا بس خفت يشنو هجوم ضدي اشبعت وجهزت ابريق شاي وكان لازم اساعد رهف بالجلي كانوا اقامتي هون رح تكون طويلة التمينا بالصالون
بابا:اي اسيل شو بدك بموبايلك
اسيل: اتسلى فيه
بابا:بتوعديني ما تحكي مع حدا
اسيل:بوعدك بس مليت وعم افكر كتير وهالشي مخوفني
ماما:على كلا ابوكي لغى الخط القديم وبكرى بطالعلك خط جديد ما بدنا شي من الي اسمو تميم
عابد:اسيل بعد ما اعرفتي انو خدعك بدك ترجعيلوا
اسيل:مابعرف
ابو عابد:شو هالسؤال انت التاني اكيد ما بدها اياه مو ترجعلو
ماما:الا الخداع لو بشغلة عادية ما منتدخل بس شغلة لولاد مصيرية يعني لو منك العيب كان اتجوز عليكي
غص قلبي لا شو يتجوز عليي بغار عليه من حالو
عابد:ولو كان مخبر قبل يمكن يتغير كلشي مو اتجوزك وراح عمل قدامك شوية إجراءات كزابية لتقبليه بعيوبو
حسيت دموعي متل النار عم يحرقوا خدودي مسحتهن دغري
هالزكرى بتوجع قلبي والله بالاخص انو غمرني ااه قلبي عم يدق متل وقت غمرني
ماما:لا تبكي ولا عبالك الي خلقوا خلق غيرو
عابد:ونحن ناويين ازا ما طلق بالرواق نرفع قضية عليه وينخلع خلع
اسيل:طلاق
ابو عابد:شو مفكرة بدي اخليكي ع زمتو بابا كلشي عم نعملوا مشانك والله
اسيل:😭ليش ضحك عليي ليش
ابو عابد:لا تبكي الله كشفوا على حقيقتو ومفكرنا من عيلة قليلة بكرى ليندم بس لانو ضحك علينا كلنا

رهف:خلص يا جماعة مو شايفين حالتها كيف
رحت للغرفة اكمل بكي وحسرة وندم وقهر ......قهرني تميم هو سبب دموعي وبس
اتزكرت بوقتها الحدث بحذافيرو
كنت واقفة ارتب الجلي وحسيت انو تميم واقف عند الباب وطلع عنجد واقف
اسيل:انت هون ما طولت
تميم:تعالي اسيل لازم نحكي
بوقتها شفت بايدو اوراق وخفت كتير ملامحو ابدا ما بتطمن مسحت ايديي ورحت للصالون قعدت جنبو ومسكت طرف الورقة واعرفت انو تقرير طبي
اسيل: لمين هدول
تميم تنهد ب تعب: الي
اسيل:لشو هدول
تميم:تحليل خصوبة
اسيل:انت حللت
تميم:اي...وللاسف التحاليل سلبية
اسيل:..
تميم:يعني مني العيب انا مارح اكون اناني معك
اسيل:شو قصدك
تميم:الخيار الك حقك يكون عندك ولد
بلشت ابكي بصوت مسموع تميم خدعني ومثل عليي 😭
...........
اول ما فاتوا للمحل وقف جلال وانبسط فيه
جلال: اهلين والله بالمعلم تميم
سلم عليه بدون نفس ووسيم اشرلو انو استلمو انت
وسيم: شوي وراجعلكن تميم جهز حالك
هز راسو بدون اهتمام
قعد قبال جلال كان المحل مليان زبونات وفي اكتر من موظفة
جلال:اي وينك يا زلمة بتعرف انك كنت رح تخسر زباينك
تميم:مو مهم
جلال:شبك ولوو شو صاير معك
تميم:لا ما صاير شي كيف الشغل
جلال:مو متل وقت تكون موجود
تميم:شو اعمل يعني
جلال:احكيلي ولوو
تميم:مو وقتو والله خلص بحكيلك بس بعدين
تركوا وراح يشيك على لبضاعة الجديدة
تميم:مريم تعالي
دغري اجت لعندو
تميم:بدي تجددي كل الواجهة وتختاري تشكيلة جديدة ونزلي صف لتياب الي بالصدر خلي حدا ينزلو للمستودع بدي كلشي جديد ينعرض
كان تميم
بكل زاوية يرجع للورا ويتفقد كلشي معروض من جميع الاصناف ومن كل صنف جميع الالوان بكل الدرجات
و جلال مراقبو كيف بيهتم بالمحل وكيف الموظفين بوجودو بزيد اهتمامهن بالشغل
........
الحلقة الخامسة
بقلمي:مايا الحجازي
رجع لعند تميم طبعاً تبدل المحل مية درجة والكل عم يرتبوا ويعلقوا
تميم: وين كنت
وسيم:ليكني اجيت
تميم: مع مين حكيت
وسيم: امي ناطريتنا مطول عندك
تميم:...
سبقوا لانو بدو يوصي جلال بالمحل بالسيارة ناطر اخوه واتأملوا اي الشغل غير نفسيتو شوي
ركب جنبو اخوه
وسيم: يعني شو رح تحكي لامي
تميم: الي صار
كملوا طريقهن ساكتين
......
وقت وصلو الكل وقف واستغربوا انو لحالو
ام سليم: طولتو الاكل جاهز....شو وين اسيل
روان:ليش مسكرة موبايلها
وسيم:مو وقت الاسئلة يا جماعة
ام سليم:تميم شو وين مرتك
تميم:ببيت اهلها
ام سليم:اي قول هيك والله وقعت قلبي
وسيم:ع شو خايفة انتي
ام سليم:شو الموضوع تميم
تميم:اهلها بدهن يطلقوها
انصدمت وبين عليها
روان:لااا عم تمزح
وسيم:شو مشان الاكل يا جماعة
تميم:...
اللتموا بس كان مبين الصدمة على روان وحماتها وحتى كنانة
كنانة:اتفضلوا بعدين ماما بتزعلي
بلشو بالاكل
ليرجع بذاكرتو للعزايم الي تصير على شرفهن وتكون اسيل بجنبو ويدعم صحنها ويدللها ويلقمها بايدو وكانو مافي ع السفرة غيرهن غمض ب تعب دقات قلبوا استنفرو
وسيم:مد ايدك تميم شو بدك اسكبلك
دغري وقف
تميم:دايمة يا جماعة لو جوعان كنت اكلت
انسحب ل غرفتوا القديمة قعد على طرف التخت ليغوض بذكراه ب أسيل
.......
ام سليم:بس ما اسمعت انو اسيل ببيت اهلها اليوم هالحكي
وسيم: من اسبوع
روان:من هيك مسكرة
كنانة:ع اساس بتحبوا وما بتتركوا
وسيم:حبها ضريب
روان:يعني مابدها ترجعلو
كنانة:انتي خوفك ع اسيل بعرفك
روان:لا والله ع لتنين
سليم: حقها
هالكلمة خلت الكل ينتبه
سليم:اي يا جماعة حقها تصير ام حطوا حالكن مكانها وياريت من اول معها خبر بالحادث
ام سليم:هاد حكي ولا كأنو اخوك
سليم:اخي وعلى عيني وراسي بس ماما انتي والكل نصحتوه يخبرها بدو يتحمل نتيجة خد
وسيم:خلصص لا تقول هالحكي اخي ونحن معو وساعة الجد لاهججهن من الحارة وقولوا وسيم حكى
كنانة:اي اخي وانا معك
روان:يا جماعة ما بتنحل هيك الامور
كنانة: واكتر من هيك بعدين صحلها الي ما صح لغيرها
سليم:خلصنا بقى وانت وسيم يا ويلك وتعمل مشاكل هو صاحب العلاقة وهو بيحل مشكلتو نحن منتفرج متل وقت كنا نتفرج على عشقهن وحبهن
ام سليم:...
تركت الاكل وراحت ل غرفة ابنها المكسور خاطرها عليه من وقت الحادثة
قعدت جنبو
ام سليم:ليش ما خبرتني من الاول
تميم:كنت مفكر رح ارجعها
ام سليم:شو الي صار
تميم:مع انو كلشي خططتلو صار بس الي ما توقعتو ابوها يعرف بالحادث ويخبرها
ام سليم:يعني اسيل ما بدها اياك
تميم:بدو يكون هيك وازا كانت مقتنعة فيني شوي هلا ولا يمكن تقتنع ماما انا اغلطت وبعترف بغلطي بس حبي الها ما كان كزب ولا كان خداع
ام سليم:طيب لا تزعل حالك صحتك بالدنيا الحادث ما صار بكيفك
تميم:بس وقت خبيت عليها كان بكيفي

ام سليم:حاجتك تلوم حالك هاد كلو قسمة ونصيب
تميم:انتي مو زعلانة من اسيل
ام سليم:انا زعلانة عليك
غمرتو مو بس لانو تركتوا اسيل لانو امنية حياتها يكون عندو لو ولد واحد وما يضل يتحسر على حالو
. . ............
وقت فات بابا للغرفة جلست حالي ورتبت شعري
بابا:هاد الموبايل بكرى بسحبلك خط جديد
اسيل: يسلموا بابا
بابا:اجى اليوم تميم
متل شعور الفرح هيك حسيت اسمو بسببلي فرحة بدون سبب
اسيل:لهون
بابا: التقيت فيه قبل اروح للشغل لتكوني بالصورة هددنا وكانو مو ناوي ع الخير
اسيل:معقول
بابا:معقول ونص من هلا بحكيلك اوعك تصغرينا طلاقك رح يتم لهيك مابدي اي اعتراض
اسيل:بس والله كلمة مطلقة رح تحرق قلبي
بابا:لحتى تعرفي لشو عمل فيكي هيك لترضي تعيشي بدون اولاد ولا تصيري مطلقة
اسيل:انتو هيك بدكن
بابا:ورح تعرفي انو لمصلحتك
انفعلت من كلشي صاير معي
اسيل: مصلحة شووو بتحكيلي طلاق ولمصلحة انتو مين اتحكم فيكن مين فرق بينك وبين الي بتحبها
بابا:ها وكمان معترضة
اسيل:مو بأيدي والله انتو عم تقهروني اكتر ما قهرني تميم انا ولايمكن اتقبل الي عم تعملوه
بابا:مع الوقت رح تعرفي انو لمصلحتك الي صار
طلع وسكر الباب فتحت الموبايل دغري هالاسبوع كان كافي يخليني احترق بنار الشوق مابدي اتواصل مع حدا فتحت على اخر محادثة وقت بعتتلو صورة الغدا وكان الرد ب فويس
تميم:يسلمولي ايديكي جهزيهن للبوس اليوم بدي اكلك مشان لا تقولي ما خبرتني
غمضت صوتو نبرتو بعشق كلشي منو وفيه
ومسكر من اسبوع افتح الواتس بدي اشوف انك متصل الان مابدي شي تاني يا ترى وينك تميم شو عامل غيابي اثر فيك متل مو ماثر فيني غيابك بس هون مافي شي يزكرني فيك ..
......
كان مغمض عم يمثل النوم بعد ما كان ناوي يرجع للبيت بس كلهن اعترضوا خوف من انو يصيرلو شي وهو لحالو
ليتزكر وقت الي ناموا بغرفتو ابتسم غصب عنو لجنان اسيل
بوقتها كانت الدنيا كابسة مطر غزير وامو اصرت ينامو عندها وبغرفتو القديمة فاتو سوى ودغري استنكرت
اسيل:تميم بدك تنام هون
تميم:اي شوفيها غرفتي هي مو غرفة امي
اسيل:اي انا ما بأخد راحتي الا ببيتنا
تميم:😂
طق قفل الغرفة
تميم:وهي قفلت تحسباً خدي راحتك فيني.
اسيل:ياااا واثق انو يصير شي
تميم: من اول بوسة بتروحي فيها وبتستسلمي
اسيل:انا بفرجيك
رمت الجاكيت على التخت وقعدت بس هو كان فرطان ضحك على جنانها صوت المطر بغزارة عم ينزل وهو شلح جاكيتو وقعد جنبها ودغري نيمها على التخت الي كان مفرد لشخص واحد
اسيل: تميم شو عم تعمل
تميم:اشتقتلك انتي عم تحكي وانا صفنان بحركاتك وبالاخص بشفافك
اسيل:هسسس وطي صوتك تميم ليروح حدا يسمعك
تميم:مين بدو يتسمع علينا وسيم مو بالبيت وامي مستحيل تعملها
اسيل:ولو كان نحن مو ببيتنا
تميم:ههه وطيت صوتي ولا يهمك شو هالحلاوة معقول لاننا مو بالبيت
اسيل:بالبيت بتشوفني بشعة يا ابن امنة
تميم:هههه لا بس هون حليانة كتير
اسيل:طبعا اخد راحتك بيت أهلك
تميم:وهي غرفتي الي شاهدة على مكالماتنا الغرامية .
اسيل: تميم كان لازم ارجعنا بدك انام هيك
تميم: لا والله ما بهون عليي هلا بحكيلك كيف رح تنامي
ليصحى من هالزكرى ودغري وقف عند الشباك بلكي يتناسى الي صاير معو.
.......
الحلقة السادسة
اول ما شفتو متصل الآن ارتحت بس دغري سكرت كل المحادثة صار لازم اواجه تميم وافهم منو ليش خدعني ليش ما خبرني
بقلبي:معقول لو خبرني كنت وافقت بس ما كنت متعلقة فيه هيك بشكل جنوني وهو حسب حساب ازا اتجوزنا رح اتعلق فيه كتير ومن الصعب نترك بعض بالاخص انو علاقتنا ما كانت عادية وحتى اهلو كان يحبوني كلهن بالاخص حماتي كانت تميزني عن روان اي انا كنت مرتاحة بيناتهن كتير ومابعرف ليش عمل فيني هيك تميم وازا حبني كان لازم صارحني بموضوع الحادث واهلو كيف سكتوا ليش ما حدا غلط لو بالحكي قدامي يعني الكل كان عم يغطي وبدهن تميم يكون مرتاح لك كيف اجى من قلبك تميم تخدعني وتجيب تحاليل وتمثل انو ما كنت بتعرف لك ليش عيشتني بكل هالعزاب
اتزكرت ليلتها ما نمت بس هو نام وارتاح وضليت اتأملوا ومحروق قلبي عليه وعلى حالي وعلى نصيبنا بس ما كنت بعرف انو هو كان اناني وما خبرني🥺
.........
الصبح حس على حدا عم يمسح على شعرو دق قلبو ومو ببالو الا اسيل فتح عيونو ليشوف امو انزعج كتير اول ما استوعب انو محروم منها وهو السبب اتجلس ب تعب
تميم:صباح الخير
ام سليم:صباح النور حبيبي ازعجتك
بملل شاف الساعة تمانية
تميم: لا منيح صحيتيني لازم اروح للمحل
ام سليم:يعني رايح للمحل
تميم: اي
ام سليم:طيب رح اجهز القهوة بتكون جهزت حالك
بعد ربع ساعة طلع لبرى جاهز وعلى اخر طراز واول ما لف على يمينو شاف بيت اهلها اتنهد ب تعب وراح قعد مع امو قبال بيت اهلها

ام سليم:ارتحت عنا
تميم:اي كتير
ام سليم:احكيلي الي صار
تميم:ماما مابدي اتزكر شي
ام سليم:لا بدك تحكيلي ورح الاقي الحل المناسب يلا
تميم:حل شو امي خلص ما الي صار صار
ام سليم:شو الي صار
حكالها رؤس اقلام بدون ما يحكيلا كيف اهانو ابو عابد كان عم يحسب حساب ل خط الرجعة
ام سليم:طيب ازا اسيل لساها بتحبك انا اليوم رح اروح واحكي معها من راسي لراسها
تميم:اوعك ماما اوعك
ام سليم:ليش حبيبي انا مو هاين عليي فيك
تميم:رجاءً ماما لهجة الشفقة مارسيها على غيري وعلى بيت اهلها ممنوع تروحي ومتل ما وقعت حالي بمصيبة وحطيت حالي بهالموقف انا بعرف ازبط الي خربتو انا ما بدي تنهاني بسببي
ام سليم:واتركك وحيد
تميم:المهم انك حاسة فيني وهاد بيكفيني ويمكن كلشي عم يصير خير...
شرب القهوة ودغري وقف
ام سليم:الله يحميك يارب دير بالك على حالك
تميم:ماشي
ودعها وراح للمحل تمشاية متعمد يمر من جنب بيت اهلها عينو على طابق شقتهن اتنهد ب تعب وكمل طريقو
...........
بعد لفطور كنت مخنوقة ورح اموت من قعدة البيت
كانت رهف عم تخلص جلي وانا ساعدتها بترتيب الجلي
رهف:ليش عم تشتغلي بلا
اسيل:مالة كتير رهف
رهف:والله حاسة فيكي
اسيل:ياريت نروح لشي مكان للحديقة مثلا
رهف: والله جبتيها بس ما خبرت عابد
اسيل:ما منطول ساعة بس مو اكتر
رهف:اي والله حتى لولاد زمان ما طلعو رايحة اشاورو
اسيل:انا بكمل عنك روحي احكيه
كنت ناطرة على نار وبس بدي اطلع من البيت
وقت شافتني ماما انبسطت اني عم اشتغل
ماما:شو اسيل صحصحتي
اسيل:اي والله بس مخنوقة كتير يا ماما
ماما:من شو ليكك بيناتنا
اسيل:حابة اطلع واغير جو بس كمان بابا هددني ما اطلع من البيت
ماما:لهيك اقعدي وكني لنشوف اخرة هالمصيبة
تنفست بملل وتابعت شغلي
.......
عابد:واسيل بدها تروح
رهف: حرام والله قالبة على نصها ولازم تغير جو
عابد:رهف اسيل على وش طلاق شو مطلعها من البيت اه
رهف:انت قلتها وحدة على وش طلاق ومحبوسة كيف بدها تكون نفسيتها بترجاك يا عابد
عابد:وبلكي التقت بلي اسمو تميم
رهف:وانا وين رحت مستحيل تغافلني لا تخاف وانت بتعرفني
عابد:ازا هيك موافق بس احسبوا حسابكن بابا ع الساعة اربعة بيرجع لهيك بتكونو مزروعين بالبيت اوعك رهف تتاخرو ولا حتى تغافلك اسيل
رهف:خلص ولايهمك يخليلي اياك يا ابو رواد
سكرت وراحت لتخبر اسيل تجهز حالها
رهف:اسيل وافق عابد نروح
ام عابد:وين رايحين
رهف:للحديقة لولاد ضجرانين وسالت عابد وحكالي خلي اسيل تروح معي
ام عابد:يوه والله ابوها ليعمل مصيبة
رهف:والله عابد وافق يلا مرت عمي وافقي
ام عابد:اسيل انتي بدك تروحي
اسيل: كتير مخنوقة بالبيت
ام عابد:ليكون رايحة لعند تميم
اسيل:لا يوه مستحيل
رهف:انا معها ونحن رايحين نغير جو مو اكتر
.....
وافقت بس حسيتها غصب عنها
فتت بسرعة للغرفة واللبست بنطلون جينز وقميص لفوق الركبة بشوي اسود اللبست البوط وربطت شعري واطلعت دغري انطر رهف والا توصيني
ماما:اوعك اسيل تكوني مواعدة تميم
اسيل:تميم مين ماما انا رايحة اغير جو تاخدي تفتشي الرسائل والاتصالات
ماما: لا تتأخرو قبل الأربعة كونن هون
اتنفست براحة اجت رهف ومعها لولاد مسكت نوار من ايدو وهي رواد وانزلنا سوى واخيرا افراج
...........
هالحديقة مليانة زكريات الي ولتميم لانها مقابل بنايتنا كانت رهف عم تلاعب لولاد ع المراجيح ورحت لعندها
اسيل:رهف معك مصاري
رهف:معي ليش بدك
اسيل:هون في مكتبة قريبة وحابة اجيب رواية بتسلى ومنو بنسى شو صاير معي
رهف:انت رايحة لحالك
اسيل:كمان انتي خايفة اروح لعند تميم
رهف:لك لااا مو هيك بس انو عابد وصاني ومرت عمي
اسيل: معقول يعني انت فكري فيها منيح
رهف:منروح سوى
اسيل:خلي لولاد مبسوطين والله ما بطول
رهف: اديش بدك
اسيل: حيلا ما بتفرق
كانت مترددة شو انا غشيم عنها بس طاوعتني ضلت مراقبيتني وانا طالعة من الحديقة وبعدها استعجلت للبيت كنت رايحة وحاطة الشر بين عيوني
........
بالبيت كان عم يتأكد من الفواتير ويدقق بالارقام منيح وعم يحسب وقبل يفتح الخزنة استغرب صوت تخبيط على الباب ترك من أيديه وراح ليفتح واول ما لمح اسيل ابتسم ولمعة فرح بعيونو بس الظاهر اسيل مو الشوق الي جايبها
تميم: اهلين اسيل
اسيل:والك عين ترحب فيني
تميم:اتفضلي ليش واقفة عندك
فاتت وبقيت عند العتبة واقفة
تميم:اتفضلي
اسيل: ومين خبرك جاية اتفضل لك انت شوووو لك ليش عملت فيني هيك ليش
ولانو مشتاق جذبها الو وحضنها
اسيل:بعد عني تميم انت خدعتني كتير
تميم:..
ما رد ابدا عليها حملها وفات فيها للغرفة نسيان التاجر الي عم ينطرو ونسيان كلشي صاير ومركز بشوقوا ل اسيل وبس
حطها على التخت وبلش يبوس فيها

اسيل:انت مو معقول تميم انت واحد مخادع
تميم:ومنحط كمان بس بعشقككك وبحبك كتير هسسس لابقى تحكي محروم منك من اسبوع واجيتي على رجليكي لعندي
اسيل:يا الله منك تميم بعد عني ..لك انا ما أجيت الا لانو بدي اعرف كيف خدعتني
تميم:لاني حبيتك وعشقتك فوق ما بتتصوري خلص اسيل اهدي انتي مشتاقة متلي خلينا بالشوق العتاب خليه لبعدين
ودغري استسلمت.
........

الحلقة السابعة
بقلمي مايا الحجازي
وبالحديقة كانت على نار لا قادرة تروح تشوف اسيل ولا قادرة تترك لولاد واسيل بدون خط يعني ولا يمكن تتواصل معها
رهف:مافي غير استنى هي ازا كان فى مكتبة من الاساس لك اسيل ليش اضحكتي عليي وانا سدءتك غبية لك رهف غبية
..........
كان قلبي عم يرجف ومتخبية منو وفيه بخوف وامان ودموعي بلا حدود
تميم:خلص حبيبتي روقي لا بقى تبكي والله بحبك والله
اسيل:ليش هيك عملت تميم
تميم:لانو بحبك
اسيل:وخدعتني لانك بتحبني
تميم:في غير هيك
اسيل:كيف اجى من قلبك تعمل فيني هيك
تميم:ليش عم تبكي
اسيل:انا بحبك وبحبك كتير بس ما اتوقعتها منك تميم سدءتك انا شايفيتك ملاك مستحيل يغلط ويكزب واطلعت كزاب ومخادع
تميم: مشاعري اتغلبت عليي فكرك انا كنت مرتاح انا كنت عايش بندم ووجع ضمير بس انا متعطش الك بكل وقت انا بحضنك بكون بأمان بحياتي ما حسيتو غير معك
اسيل:😭وهيك شو عملت انت فهمني
تميم:شو عملت يعني معقول ما كنت مشتاقلك وقربت منك لاشبع غريزتي
اسيل:بدو يكون هيك الي ما فرقت معو الا مصلحتوا مو غريبة عنو يتقرب بس لمصلحتوا
تميم:انا حسيت فيكي انتي مشتاقة الي متل مو مشتاق الك
اسيل:لا لا انا جيت لافهم ليش عملت فيني هيك بس
تميم:وما اشبعت منك
اتجلست دغري
تميم:وين اسيل خليكي عندي لابقى ترجعي
اسيل: هالمرة صارت تميم انا اتاخرت على رهف بس الي معك حديث تاني
تركتوا رحت لاغسل كنت شبه منهارة اي انا مشتاقة بس الو ومابدي افارقوا هاد بيتنا هاد مكان بكل زاوية الي والو زكريات وحب وعشق انتبهت انو واقف عند الباب
تميم:خلص روقي لابقى تبكي
مسحت وشي ورتبت شعري
تميم:وين بدك تروحي
اسيل: تركت رهف بالحديقة
تميم:خليني اوصلك
اسيل:مابدي
تميم:استني
اعطاني مفتاح البيت
اسيل: شو بدي فيه
تميم:خليه معك اسيل.....وانتي كمان خليكي معي
اسيل:لازم نحكي
بقلبي: واعرف كيف رح ترجعلي
اطلعت من البيت ومستعجلة بدي اوصل للحديقة بسرعة
.......
وبغرفتو اتنفس براحة بس مقهور لانها عم تبكي وما هديت ابدا
بقلبو:لازم ترجعيلي اسيل لازم كان لازمني جرعة دفا وامان انحرمتها من يوم غبتي عن البيت
اتزكر ليش رجع للبيت ودغري اخد المصاري والفواتير وطلع من البيت مستعجل شغل السيارة ليشوف اسيل فايتة للحديقة
وكمل طريقو بس غصب عنو مفارقها اول ما وصل المحل كان جلال ناطرو ومرتكي ع الباب ومبتسم
تميم: ليش واقف متل المسطول هون
جلال:لك وين رحت انت التاجر مل وفل😂
تميم: طولت
جلال:😂لحقت تتجوز وترجع
اتزكر اسيل لهيك انبسط
تميم: تضرب ما اوقحك
جلال:يا عمري وعم تبتسم يعني رحت لتجيب مصاري وما خلتك ترجع
تميم:لك ااااخ انت وين وانا وين
فات وأخفى ابتسامتوا عن جلال الي مابيعرف انو اسيل تاركيتو
جلال:اتصل بالتاجر لانو عصب كتير واستنى كتير
تميم: هلا بتصل فيه
جلال:بلا وين كنت شكيت بالموضوع
تميم:صاحبك واقع عليه مصايب مو مصيبة
جلال:وراجع مزهزه😉
تميم: انو مزهزه والله يأسان
جلال:بس مبسوط😂
تميم:اهووو علينا
جلال:مبين كان في وصلة رومنسية
صار يتفقد حالو لهيك جلال فرط من الضحك
جلال:لا مو مبين عليك شي بس مغير قميصك واكيد ما شلحتو وانت عم تطالع وتحسب
تميم: بلكي انكب عليه قهوة
جلال:ليش عم تبررلي ما انت متجوز وبالحلال
تميم:اسكت بقى بدي احكي مع التاجر
بس ما سكت جلال كان عم يعضلو على شفافو ويغمزو ويأشرلو على فتحة القميص لهيك طنشوا ليعرف يحكي
.....
كان مو عاجبني اسألتها بس مجبورة ابررلها
رهف:وين رحتي ما ارجعتي ووين الرواية يا أنسة
اسيل:المكتبة مسكرة
رهف:وليش طولتي
اسيل:اتمشيت شوي
رهف:شفتي تميم
اسيل:لا
رهف:بس سيارتو الي طلعت من الشارع من شوي وقت فتي للحديقة
اسيل:لا مو صحيح
رهف:لك ليش عم تخبي عليي قولي اكيد شفتيه وحكيتو
اسيل: خلينا نمشي
رهف: رح نمشي بس مابقى نروح لمكان
كنت يأسانة لدرجة اي مابدي اترك تميم وكيف بقررو عني اهلي اطلعنا من الحديقة مجرد شفت الشقة غص قلبي
بقلبي:اخ منك تميم انا اجيت افهم منك مو لحتى يصير هيك لا تنكري اسيل كنت مشتاقة كتير لحضنو وحسيتي بالدفا والحنان اااخ كيف بدي اتحمل غيابك لحتى ارجعلك ياريت يصير شي يغير مجرى الي صار بس كان لازم تميم سمعني فهمني ليش ما خبرني قبل الزواج انا بفرجيه هالمرة صارت غيرها يحلم وبدو يحكي وبدو يقنعني ساعتها لاسامحوا واكون بس معو حرام تميم يكون لحالو البيت مقلوب قلب وهو اصلا ما بيعرف يعمل شي وصلنا للبيت دغري فتت للغرفة واتمددت ب تعب وقلبي عم يدق بسرعة كل ما اتزكرت شو الي صار بيني وبين تميم
.....
وببيت اهلو كان وسيم مستفقدو ومفكرو بغرفتو
وسيم:وين تميم
ام سليم:من بكير راح للمحل
وسيم:يعني كان منيح

ام سليم:هو هيك عم يبين بس جواتو الله وحدو بيعلم شو مخبي
وسيم:بدي اسألك انتي بدك ترجعلو مرتو
إم سليم: اكيد
وسيم:لانك بتحبيها ولا
ام سليم:لانو ما وحدة رح تقبل بوضعو هيك
وسيم:وين عايشة انتي مية وحدة بتقبل فيه مصاري وعز وتميم شخصية بقلمي مايا الحجازي
ام سليم:بس مافي وحدة بترضى تضل بدون اولاد معو
وسيم:شو بدك انتي مندبرلو وحدة وضعها من وضعو لانو حتى لو رجعتلو اسيل رح يضل مو مرتاح
ام سليم:وانت ع شو ناوي
وسيم:اقنعوا يطلق وانتي بدك تشدي ع ايدي وكنانة وهالمرة بدو يرد علينا مو بكيفو
ام سليم:...
وسيم:بعدين هاد ابو عابد متحلفلو على هالفصل الي عملو ب تميم
ام سليم باستغراب:انو فصل
وسيم:اتاريه دريان ورايح بالصوت العالي ياخد بنتو وملتمين الجيران ومو مخلي مسبة عليه وابنك ساكت مو راد عليه
ام سليم:ما خبرني تميم
وسيم:مارح يخبرك طبعاً حاسب حساب ل خط الرجعة ومستحيل اقبل اخي يرجعها وويطلع بلا كرامة
ام سليم:والله صدمتني لك وسيم
تركها وهيك ريح بالو لانو في موال براسو وبدو يغنيه مع جيرانو ونسايبهن بالاخص اهلها
........
بالمحل متل ايام المراهقة كان ماسك الموبايل وعلى محادثة اسيل يتأمل اخر الكلام الي صار بينو وبينها
بعتلها:يا زهرة فؤادي انعشتيني اليوم وجددتي الامل جواتي رح استنى اللقاء التاني لو على حساب نيران بقلبي ثايرة والسبب حضنك وريحتك وعشقي الك متيمك ❤️
اول ما استلمت انبسط وبعتتلو قلب مكسور💔
بقلبو:رح ينجبر قلبك يا قلبي اسف ياروحي
......
الحلقة الثامنة
بقلمي مايا الحجازي
كنت خايفة من دقات قلبي لكتيرة كنت خايفة ما تزبط الامور
بقلبي:يعني اسيل أنتي موافقة تعيشي مع تميم بهاد الوضع وبدون اولاد
اسيل:طيب ليش كزب عليي ليش خدعني ليش ما كان صريح معي
اتزكرت بعد ما جاب تحاليل وواسيتو تاني يوم اسهرت عند روان وهو راح لعند جلال
روان:اي اسولة ليش ما بتزوريني
اسيل:في شي لازم احكيلك اياه
روان: احكيلي ولوو
اسيل:مبارح تميم عمل تحليل خصوبة وطلعت النتيجة سلبية
بوقتها شفتها اتلبكت وبس
روان:عنجد
اسيل:تخيلي ما راح يكون عنا اولاد
روان:يعني ما حكالك شو السبب
اسيل:لا.. سبب شو
روان:انو يعني كيف اكتشف او انو شو خطرلو يعمل تحليل
اسيل:صرت رايحة للدكتورة مرتين وكانت كل مرة تحكيلي مافي داعي للمراجعات انتي ماعندك اي مشاكل وازا مستعجلين ع لولاد خلي جوزك يعمل تحليل
روان: وعملوا دغري
اسيل:انا اخجلت احكيلو يعملو بس يمكن هو فهم عليي وقت ارجعت من عندها وحكيتلو اموري منيحة ومافي يومين كان عامل التحليل وللاسف النتيجة سلبية 😭
روان: لا تبكي يا روحي ليش عم تبكي
اسيل:انا بحبو كتير ومكسور خاطري عليه
روان:وهو انكسر خاطرو عليكي
اسيل باستغراب:ليش بقى
روان:انو بدك تنحرمي لولاد وهو السبب
اسيل:مابعرف روان انا مابدي اتركوا
روان:لا تتركيه يا روحي حبكن مميز بشكل
اسيل:خايفة اهلي بس يعرفوا يعارضو انتي بتعرفي البير وغطاه
روان:شو علاقتهن القرار قرارك وهني ما دخلهن
اسيل:اي اي انا وبس الي دخلني تميم جوزي وحبيبي ومستحيل اتركوا
اوعيت على حالي منهارة من البكي كانو بيعرفوا كلهن وخدعوني
.......
بغرفتوا لساتو بتيابو متمدد حتى بالبوط ومتل الحلم جية اسيل لعندو والي مخليه مسدء قميصو الي شلحوه على التخت
بقلبو:معقول تتركني مارح استسلم اسيل اي خدعتك بس كنت مجبور اي حبي الك كبير ما عم اتحمل فكرة انو هلا انتي مو بجنبي
اتزكر وقت كان يرجع من شغلو وتستقبلو بكل رومنسية ومرة غمرها ودغري بعدت عنو لانو انصدم انو امو موجودة وخجلت من هالموقف بس امو كانت مبسوطة فيهن كتير
ام سليم:الله يهنيكن يارب
تميم:صرلنا سنتين متجوزين ولسى بتخجل
اسيل: مابصير قدام مرت عمي
ام سليم:اي انتو مشالله جيل مفتح عيونو ع الحب والغرام اتهنوا ببعض
اتجلس كان عم يسمع صوت الباب متأكد انو وسيم راح بسرعة يفتحلو
وسيم:شو معلم تميم ساعة لتفتح
تميم:اهلين
وسيم:وينك مابترد ع موبايلك
تميم:ما انتبهت اتفضل
وسيم:ازا جاهز تعال بدي اخدك تسهر معي
تميم:مافي مجال ارتاح ببيتي شوي
وسيم:على هالمزبلة دخيلك بعدين ابعت ورا ام مطيع تجي ترتبوا
تميم:اسبقني للقهوة
وسيم:لا تتأخر
سكر ونفخ نفسو
بقلبو:اتركوني ارتاح منكن لو شوي
.....
بالقهوة كان وسيم وجلال ووائل رفيق وسيم
جلال:انت متأكد انك خبرتو
وسيم:شو مفكرني معي زهايمر
جلال:بيكون مابدو يفارق
وسيم:ليش ما حكالك
جلال:في شي
وسيم: ليكو اجى خلص اوعك تحكي شي
شلح الجاكيت وحطو على ظهر الكرسي وقعد معهن
وائل:بدك جاها يا زلمة
نزلو اراكيل للكل نظرات وسيم كانت مليانة شر ومبتسم لاخوه اشرلو تميم شبك
وسيم:لا ولاشي
انتبهوا وائل وجلال

وائل:اي وسيم مابدك تقنع تميم
تميم:بشو بدو يقنعني
وسيم: باللعب مع التاجر
تميم:انتو ما بتملو
وائل:ليك انت وقت ينزلك لبضاعة لا تقبل تاخدها وبخس بثمنها اد ما فيك ونحن رح ناخدها بالسعر الي هو بدو اياه
تميم:وشو رح تستفيدو
وائل:تخيل نحكيلك سر المهنة
تميم:اي اتخيل اطاوعكن بعدين مو هاد اخي بس بخاف من نظراتو
وسيم:😂بريء والله بس انت مطيب قلبك زيادة ولا شو
وائل:مو بلا نحن مافي مننا يا جماعة اي جلال كيف بتلاقي شغلك مع تميم
ليفرطوا من الضحك على جلال
جلال:اصلا لو ما فتحت المحل كان خسر واصلا المحل والزبونات بطيرو العقل
وائل: اديش بدك تعطيه بالشهر
وسيم:مش اقل من عشرين الف
جلال:انا قعدت بدالو خدمة مو متلك شفت محل اخوك مسكر وراكض تضحك على التجار
وسيم:😂شفت وائل كيف خورفناه وضل يومين يحسب ويفكر
تميم:انت كيف بتفكر يا زلمة
وائل:لا ترد عليه وسيم اطلعنا من خرجوا لانو عم يوزع لغيرنا باسعار مقبولة ولا بيحكيلي بدكن تغلو غلوا الاسعار العملة مو ثابتة
وسيم:😂اجينا طعميناه كم مرتب
جلال: اللعب مع التجار مو سهل
وسيم:متل شربة المي شو بدها فواتير مشابهة لفواتيرو😂
غرقوا بضحكهن بس تميم مو مصدوم بيعرف مردود اخوه وكيف بيلعب على مية حبل
جلال:ليش طولت
تميم:تعشيت واجيت
جلال:عشى معنوي ولا عشى عشى
وائل:😂حلوة قوية كتير
تميم:لا يا حبيبي عشى عشى
وسيم:بالمزبلة اتعشيت
تميم:ما دخلك وازا متدايق لا تزورني
وسيم:😂
جلال:شو القصة تميم
تميم:خلص بعدين بحكيلك
وائل:على كلا انا ووسيم ملينا
تميم:لا لا خليكن نحن طالعين نتمشى
طلعو سوى كان تميم محتاج حدا يفضفضلو ما يكون متهور وتفكيرو سيء متل اخوه
جلال:هات لشوف احكيلي في ببالي شي بدي اتاكد منو
تميم:اي تركتني
.......
بالسهرة قلبي مو معي وعقلي بمكان تاني بس مجبورة ما اصفن
عابد: بكرى عمتي جاية من بيروت
ماما:اي ادريت
بابا:ورح تفرح مشان اسيل
اسيل:شو جاب سيرتي
بابا:عمتك صار فيها متلك صبرت عليه سنين وبعدها اتجوز وليكها متحملة وساكتة
اسيل:بابا رح يطلقني تميم
بابا:مو بكيفو اليوم اتصلت بمحامي وبدي استشيرو مشان موضوع الطلاق ازا ما تم بالتراضي بقلمي مايا الحجازي
رهف:ورح تكون اسيل موافقة
بابا:غصب عنها مو بكيفها هي بس تستوعب كيف خدعها
ماما: وبالنهاية اي مراة بتحلم تصير ام
عابد:وتميم كان اناني كتير وما فكر غير بحالو
بابا: ومشان هيك رح تصيري انانية وتفكري بس بحالك
عابد:وان شاء الله يتم الطلاق بدون شوشرة
ماما:رح تزعلي اكيد بس بعدها رح تتأكدي انو رايدين مصلحتك
بابا:باطلة ومحولة سكنتنا بهالحارة ياريتني سكنت بالخرابة ولا سكنت هون واتعرفنا عليهن
عابد: وكلو كوم وحب وما حب كوم تاني
رهف: اي ساعة بتوصل يعني
عابد:انا العصر رايح اجيبها من المطار
رهف: خدنا معك
عابد:جهزي حالك انتي ولولاد
رهف:واسيل
بابا:اسيل ممنوع تطلع من البيت
اتلبكنا كلنا حتى ماما وعابد
ماما:اي اي متل مابدك
انسحبت بهدوء ما بيكفي عايشة وحيدة بيناتهن كمان بدي انحبس
.........
الحلقة التاسعة
بقلمي مايا الحجازي
جلال:وانت استسلمت تميم
تميم:مو استسلام بس انا كنت اناني وهي نتيجة خداعي ولازم اتحملها
جلال: وهي
تميم:شو ما قررت رح اوافق بالنهاية حقها يكون عندها اولاد بس اسلوب ابوها كتير مستفز وناويين يرفعو دعوة بتعرف شو يعني دعوة
جلال:يعني بهدلة
تميم:وانا ما ممكن اسمح يصير هيك شي
جلال:والنتيجة
تميم: رح اوصللها من خلال تواصلي معها جلال انا بستاهل الي صاير معي
جلال:كان لازم صارحتها
تميم:بس الي صار صار مو وقت تلومني انت كمان
جلال:ازا الكن نصيب ببعض رح تكفو سوى
تميم:هاد حكي بس لو تشوف وتسمع اهلها رح تتأكد اننا على مشارف النهاية
سكتوا لتنين
بقلبو جلال:لو كان العيب منها ما كنت رح تسكت ولو انو خبت عليك تفصيل متل هاد ولا يمكن تغفر و تسامح وتتهاون كمان
بقلبو تميم:بدي احكي معك بدي نتواصل وعادي ضلي بعيدة المهم أتأكد انك لساتك بتحبيني اسيل كل شوارع المدينة شاهدة على حبنا معقول تنتهي علاقتنا هيك
......
بالقهوة
وسيم:بدك اتلاعب بفواتير اخي
وائل:مو تلاعب بدي تعمل كشف على كلشي بيتسجل لبضاعة الي بنزلها اخوك عم تصير موضة وتكتسح السوق
وسيم:عندو زوق بهي معك حق انت ناوي تنافس اخي
وائل:مو منافسة لازم تتغلى تسعيرة لتياب عندو لانو قاشش السوق كلو ولاحظ كل الزباين عم يروحو لعندو وعم يجو لعنا اخر شي يعني نحن فضلة
وسيم:انا وقت شاركتك عجبتني شغلة النصب والاحتيال مو منافسة اخي
وائل: انت عقلك حجر يا زلمة مو منافسة لازم تتغلى تسعيرة اخوك
وسيم:😂اخي ولا بضاعة اخي
وائل:نيالها الي رح تبتلى فيك يا تقيل الدم
وسيم:من عقلك وسيم يحب وحدة ناقصة عقل ودين

وائل:نهايتك زواج شو مفكر حالك بيبي المهم شو قلت
وسيم:خلص رح اشوف طريقة بكشف ع الفواتير ورح يغلي التسعيرة ولا يهمك طمن بالك يا حب
بقلبو:بلعب ع الدنيا كلها الا على تميم
............
ببيت روان كانت عم تبعت ل اسيل بس ما عم ترد
روان:معقول محاربيتني
سليم:شو جنيتي
روان:لا ببعت لاسيل بتشوف مابترد
سليم:بتكون كبتلك مي باردة كنت تعرفي وتركتيها سنتين تجي تشكيلك وما تحكيلا
روان: عم تلومني سليم ليش ما تلوم تميم هو جوزها وكان عايش معها وانا سلفتها
سليم:ما بلومك بس كنت اتفاجئ فيكي كيف تمثلي انك ما بتعرفي
روان:شو كان بيطلع بأيدي غير اسمع واواسيها بعدين مو بس انا سايرت وسكتت انت وكنانة ومرت عمي وحتى وسيم وصاحب العلاقة بحالو كان يوصلها للدكتورة وما رفلو جفن
سليم:لو الامر الي كنت خبرتها بس وقت شفت كيف بحبو بعض سكتت بس شو الي صار وكيف دريو اهلها
روان:لازم تسأل تميم
سليم:هو متحاكي لساتو حاقد عليي من وقت قلتلو لازم تعرف وشفتي بوقتها كيف بهدلني ولا كأني اخوه لكبير بس لاني حكيت كلمة حق
روان:بس ماحدا عايش ظروفو وكمان هو بشر وعندو مشاعر
سليم:وانا عندي مشاعر كمان واسيل كمان عندها مشاعر واكيد ولا واحد مننا عايش ظروف التاني بس لازم كل واحد فينا يدفع نتيجة اغلاطو ويتحملها
روان:انسيت انك مدير مدرسة😂
سليم:تعالي وليه عم تتمسخري كمان.
........
كنت على وشك النوم وقت وصل اشعار هبط قلبي احساسي خبرني انو هاد تميم طنشت رسائل روان كلها
وفتحت على محادثتو
تميم:الحلو نايم ولا عم يفكر فيني
استفزني كلامو
بعتلو:الصراحة عم افكر بخادعك الي
تميم: حقك يا روحي تزعلي وتاخدي موقف مني بس حبي الك عمى على قلبي
اسيل:كان لازم تناقشنا بوقتها احسن من هلا كل واحد بمكان
تميم:مكانك قلبي وبس
اسيل:ما اشبعت حكي تميم انت هويت فيني من الجنة ونزلتني للنار بس مشان الحب والخداع الي بتتمتع فيه
تميم:مو بأيدي والله كمان انا بشر متلي متلك شايفة الي مريتي فيه انا مريت بأصعب منو انتي كنتي تنامي انا ما كنت انام احاول اخبرك بس ما تطلع مني والله
اسيل:ليش
تميم:خفت تبدلي نظرتك فيني
اسيل:ليكها اتغيرت شو استفدت
تميم: شايفة انو انا ماني رجال
اسيل:حبيبي شغلة لولاد ما دخلها ازا كنت رجال ولا لأ بس الخداع هو ببين اصلك
تميم:هيك طلع معك انا بلا اصل
خفت يزعل مع انو عامل فيني فصل بيقهر
اسيل:مو هيك تميم
تميم:طيب وصلت على كلاً شكراً
اسيل:لا تزعل تميم
تميم:ما بهم مشاعري بس اليوم اتاكدت و انتي اثبتيلي اننا على مشارف النهاية تصبحي على خير
سكر وكانو مابقى بدو يرد عليي غمضت بيأس مخنوقة لابعد الحدود ولمعة فرح وقت اتزكرت انو التقيت فيه وشميت ريحتو وحسيت بدفاه
.......
وقع الموبايل من ايدو من تعبوا من قلة نوموا بالايام الي مضت غمض مستسلم ليتحمل نتيجة غلطة غلطها ما حسب حسابها ابدا الصبح صوت طرق على الباب متل الحلم فكر اسيل ساكنة معو اتجلس واتاكد من الفوضى انو اسيل مو عندو كان لسى شبه مغمض ودغري للباب وقت شاف وسيم اتنفس بتعب وفتحلو والاحسن ما يكون لحالو معو ام مطيع جاية تنظف البيت
وسيم: صح النوم صحيتك مو... فوتي ام مطيع بلشي بالشغل وانت فوت اللبس عازمك على فطور ولازم نحكي
تميم: وحدة وحدة خليني استوعب
ام مطيع:من وين ابدا سيد وسيم
وسيم:معك حق البيت مزبلة الاحسن تبلشي من المطبخ
فات بملل تميم للغرفة اخد تيابو وراح يتحمم جهز حالو بعد ما قفل غرفتو ونزل مع وسيم لتحت
تميم:بلكي سرقتني يا زلمة
وسيم:احسن منك هي😂
تميم:والله جد بحكي
وسيم:لا تخاف ام مطيع عطول بتساعد ماما بالتعزيل
فاتو لمطعم بالحارة قعد تميم واتكتف اتزكر اخر المحادثة كان وسيم عم يطلب فطور وانتبه انو اخوه بعالم تاني
وسيم:اي تميم وين صرت
تميم:بمكاني فوق الندم لوم العالم كلها حتى اسيل
وسيم باهتمام:حكيتوا
تميم:ياريتنا ما احكينا يا وسيم
وسيم:شو هلا لايمتى رح تضل ناطر
تميم:عندي امل ترجعلي
وسيم:امل توفت العمر الك اخي التفت ل شغلك الف بنت بتتمناك
تميم:انت مو معقول شو مفكرني يا زلمة مين ما كان بحبها اسيل غير عن كل الدنيا
وسيم:حل عني بلا حبك المجنون الكرامة يا تميم فوق كلشي ولازم تنتقم لكرامتك مو انت الي بيجي واحد متل ابو عابد وبيعملك فضيحة بالبناية وبتسكتلو لازم تنتقم منو
تميم:انا جاهز لتحدي اهلها بس مابدي اخسرها عم تفهم
وسيم:واخر اخر شي
تميم: مستحيل اتخلى عنها
وسيم:وبدك تضل مستسلم للقدر
تميم:اكيد لا اخي بس كمان تاركها للايام بتسدء اوقات كنت اقرر احكيلا ويصير شي وما تزبط إنا متأكد انو يمكن خير
وسيم:خير شو امك رايحة تجن مشانك
تميم:احكيلها خليه يقلع شوكو بايدو وانت وسيم التفت لشغلك اتركوني ارقع مصايبي