وسيم:بتركك اكيد اي اخي مو ناوي تروح للمحل
تميم:لا والله
وسيم:هات لكن الفواتير خليني ادير الشغل عنك هاليومين
بابتسامة مكر:انت عاقل اخي انسيت انو انت ووائل منافسين الي بالسوق
وسيم بتلبك:اه...لك افهمت انت انو بدي اخرب شغلك
تميم:اسمهن فواتيري مو فواتيركن روح اللعب غيرها انت و وائل واحلموا بزبوناتي بقلمي مايا الحجازي
وسيم:انت مين بيقدرلك يا زلمة بالع السوق
تميم:...
افطرو وبعد لفطور تركوا وسيم وتميم نطر ساعة ورجع للبيت واول ما حط رجلو نفسيتو اتغيرت ريحة النظافة واصلة لاخر الدنيا
تميم:احم احم
كانت ع البلكون تنشر تيابو ومخلصة شغل البيت
ام مطيع:انا خلصت يا ابني
تميم:شو بتأمرينا
ام مطيع:ما يأمر عليك ظالم بس السيد وسيم حاسبني قبل اشتغل
تميم:طيب لكن يعطيكي العافية
ام مطيع:يعافي قلبك يارب
اخدت اغراضها ابتسم بإعجاب النظافة زكرتو ب أسيل شلح الجاكيت وفات للغرفة رمى حالو بتيابو على التخت النعس متغلب عليه وبجدارة.
.........
الحلقة العاشرة
بقلمي:مايا الحجازي
من الصبح كان استنفار ما خليت رهف تشتغل دوبها تجهز حالها لروحة المطار كنت حابة اغير جو بس خايفة من بابا طلع من غرفتو متشيك على الاخير ورايح لمكتب العقارات
بابا:وصوني
عابد:متأخر اليوم
بابا:في عقار بمكان بعيد ولازم اروح بنفسي واشرف على الصفقة
ماما:مابدك تستقبل نجاح معنا
بابا:ع العشى بكون اكيد وانت عابد ايمتى طالع
عابد:نحن رايحين بالاول سياحة وع الموعد رح اجيب عمتي
ماما: على مهلك عابد
عابد:لا توصي حريص
بابا:وانتي اسيل
اسيل: شبني
بابا:ليش واقفة عندك روحي كملي شغلك
حسيتوا قلعني تقليع فتت للمطبخ بس ادانيي شغالين
بابا:اوعك تغافلك وتطلع
ماما:يوه شو عم تحكي انت
بابا:مابعرف ما ارتحت من وقت رجعتلها الموبايل مابدي تتواصل معو نهائي
عابد:مانها صغيرة وهي ماما هون
رهف:انا جاهزة حبيبي
اسمعت ماما عم تودع لولاد وتبوس فيهن وطلعو كلهن بس بقيت ماما على البلكون تتفرج عليهن رحت لعندها
اسيل:انا كمان بنتكن
ماما:ليش مين حكى غير هيك
اسيل:بحس رهف بنتكن مو انا
ماما:كنتي مدللة ببيت حماكي
اسيل:بس يا فرحة ما تمت
ماما:ليكي اسيل الي فيني مكفيني
اسيل:شو احكي انا فوق الطلاق حبس كمان
ماما:ها ليكون ناوية تروحي لمكان
اسيل:مو لمكان بس بدي اشتري كم رواية الملل دبحني
ماما:من وين اطلعتي بشغلة الرواية اه ولمين المكتبة الي بغرفتك
اسيل:خاتمة كل الروايات يا ماما ما بطول والله واسمعتي بابا بدو يرجع ع العشى وعابد طلع سياحة بالاول
ماما:موبايلك معك
اسيل: اي
راحت جابتلي خط جديد من غرفتها
ماما:هاد مبارح سحبو ابوكي على اسمو اول ما اتصل فيكي بتردي
اسيل:يعني وافقتي
ماما:ما بهون عليي فيكي بس لا تتاخري اوعك اسيل
اسيل:ولايهمك
بسرعة فتت للغرفة كنت طايرة من الفرح متأكدة تميم زعلان من مبارح ولازم اروح والاحسن نلاقي حل سوى انا وياه
اللبست بنطلون اسود وقميص جينز فردت شعري واللبست البوط ودعت ماما وانزلت بمشي سريع للبيت وكل شوي اتفقد المفتاح وانو معي بالشنتة
..........
اول ما حطيت المفتاح بالباب حسيت براحة نفسية وقت كنت ارجع من دوامي واحيانا يكون تميم لساتو نايم اوووف بس واول ما فتحت ردتلي روحي كملت فتح الباب وفتت بهدوء والبيت مرتب معقول تميم رتبو اتفقدت الصالون والمطبخ البلكون منشور عليه تيابو معقول تميم صاير يغسل تيابو اي شعرو بالزور يمشطو بالبيت كملت ل الغرفة كنت حاسة انو جوى فتحت بهدوء وقلبي غرف اول ما شفتو متمدد بتياب الطلعة وكانو غرقان بالاحلام
........
مع انو مغمض حس على انفاسها قريبة منو كان عم يحاول ما يصحى متأكد انو حلم عم يحلم بأسيل واول ما حس انو مسحت على شعرو قشعريرة سرت بكل جسمو فتح عيونو ودغري اتجلس
تميم:اسيل ...انتي هون
اسيل:قوم يلا بدنا نحكي
ودغري انقض عليها خلاها تصير بين أيديه بكل سهولة
اسيل:تميم انا جيت نحكي ولازم نحكي
تميم: مستحيل اشوفك واضل عاقل مستحيل
لحظات صغيرة كانت اسيل عم تتجاوب معو حس انها بدها تستسلم وكانها صحيت على حالها ودغري سحبت حالها من بين ايديه
اسيل: تميم هي الحركات مو عليي ناطرتك بالصالون ما معي وقت بنوب
سبقتوا بس كان مبسوط بقمة السعادة ولا كانو مبارح انتهت المحادثة وهو زعلان واخد على خاطرو طلع للصالون كانت قاعدة ومبين عليها التوتر
.......
كان لازم ترسي علاقتنا على بر بس شو صعبة المواجهة
قعد بجنبي كنت عم رتب الحديث اتنفسنا سوى
تميم:احكي شو ناطرة
اسيل:بدك تطلقني
تميم: انتي بدك تطلقي
اسيل: بسألك بدك تطلقني
تميم:ازا كانت رغبتك الطلاق
اسيل:اي كمل ليش سكتت
تميم:هالكلمة بتقهرني اسيل
اسيل:انت وصلتنا لهون

تميم:ليكني عم ادفع ثمن خداعي
اسيل:انا حبيتك تميم
تميم:وانتي كلشي بالنسبة الي
اسيل: منيح وصلتنا لهون
تميم:اكيد مو منيح عاطفتي غلبتني انا بكل الاحوال كنت رح اخسرك بس على الاقل عشت معك سنتين
اسيل:بيكفي
تميم:...
اسيل:يعني اشبعت مني
تميم:لا ما تحكي هيك.... مستحيل الي عم تفكري فيه
اسيل:امبلا انت اخترت هالطريق لانو مسكر واسيل رح تدور وتدور وترجعلك ليش لانو مابدها تصير مطلقة بس هيك
تميم:...
قرب كتير مني قربوا بيأسرني انا سجينة جوات هالشخص
حط ايدو على كتفي وشدني الو
تميم:انتي قرري وانا تحت امرك
كنت ضعيفة هو بيعرف انو مسايرتو الي نقطة ضعف عم يمسكني من ايدي الي بتوجعني بقلمي مايا الحجازي
اسيل:وجاي تحكيلي قرري بعد شو تميم بعد ما علقتني بعد ما ولعتني فيك انا تعبانة تميم انا مكسورة وانت السبب
غمرتو اي مابقى اتحمل البعد مابدي يكون بعيد عني ياريت يكون كابوس واصحى ويكون تميم لساتو تميم الي بعرفوا
بعد مدة بعدت عنو كنت عم امسح دموعي
تميم:خليكي عندي وينفلقو بيت أهلك
اسيل:طبعا سهل الحكي متل ما كان سهل الخداع
تميم:انا ماني رجال منيح

اسيل: ليش عم تحكي هيك
اسا
تمیم لانو بستاهل بس صدقا ما فكرت نوصل لهون
اسیل لوین فکرت نوصل
تميم انتي بدك ولاد
اسیل هههه لا تضحكني شو هالسؤال .... انا بدي اياك وبس
هي قبل اعرف بلي عملتو لك كيف اجي من قلبك تسوق
بالخدعة اه وكنت اطلب منك تاخدني للدكتورة وتاخدني لك
كنت تكمل التمثيلية
تمیم لحتى ما تتغير نظرتك فيني
اسیل لیکها اتغيرت
تميم: يعني كيف بتشوفيني
اسیل مخادع
تمیم: كان صعب احكيلك
اسيل: وكلو كوم ومسايرة اهلك وحبهن المزيف كوم كانو
ساكتين ويعاملوني بلطف يعني يداروني
تميم شو فائدة الحكي والبكي الي صار صار
اسيل: والقرار قراري
تميم شو ما بدك بصير
اسيل : رح تطلع من تمك كلمة طالق
:تمیم: اذا كانت هي رغبتك
اسیل بدك تكسرني مرتين
تميم ما كان عندي خيار تاني انتي عم تلومي لحالي ليش ما
بتلومي ابوكي
اسيل مين حكالك ما حطيت اللوم عليه
تميم انا سكتتلوع الاهانة كرمال عيونك والا واحد مثلو اجى
بالصوت العالي يبهدل ويسب والله غير محمل ما بيطلع من
البناية
اسيل: بدك تقتل بابا
تميم ومستعد اقتل اي حدا بيقلل من قيمتي
اسيل: تميم انا بحاجتك انت وبس

الحلقة الحادية عشر
بقلمي:مايا الحجازي
هالكلمة ريحتو يعني اسيل ما بدها تتركو
غمرها من جديد الندم سيد الموقف
بقلبو:انت سبب عزاب حبيبتك وانت لازم تصلح غلطك بعد مدة من العناق انتبهوا على صوت موبايلها كانت عم تتتمالك اعصابها مسحت دموعها وفتحت الخط
اسيل:اي ماما.....لساتني بالمكتبة....قرأت من الرواية شوي وسرقني الوقت طيب مارح طول....خلص بجيب وانا جاية ماشي باي ماما
تميم:هي ما بتعرف انك عندي
اسيل:وبابا مانعني الطلعة من البيت اتحججت بروحة المكتبة وليكها استفقدتني صار لازم امشي
رجع غمرها وبلش يبوس فيها
اسيل:خلص تميم
تميم:خليكي عندي
اسيل:لتلاقي حل يرضيني
تميم:شو بيرضيكي انا حاليا مشلول تفكيري
اسيل:اعمل اي شي رجعني تميم الك وبس
تميم: ومشان موضوع لولاد
اسيل:انت متخيل بعد سنتين من الحب اختار لولاد اي انا بحب اكون ام بس ما بحب ابعد عنك
تميم:ولو هالحكي من ايام الخطبة
اسيل:يمكن لو ما عشنا سوى يختلف القرار انت حطيت خطة محكمة وفكرت منيح
تميم:بس انا ما خدعتك لازم تعرفي حبيتك حب لاهلي ما حبيتوا ولو خيروني بينك وبين كل العالم بختارك الك وباقي العالم يفنى
كانت لحظة الوداع الاخير رجعو غمرو بعض
اسيل:انا ناطرة تيجي وترجعني
تميم:بس ازا الموضوع طول بدك تزوريني هون واللقاء التاني مابدي نحكي ابدا
اسيل:صار لازم امشي
تميم: رح اوصلك
اسيل:بس
تميم:بدون بسببه
.......
نطرتو كنت مراقبيتو راح للحمام وغسل ورجع للغرفة يلبس طلع متشيك بس وين الغريب هو زوقوا بجنن بكلشي التقيت فيه عند باب البيت والا يشدني لحضنو من جديد
تميم:مع انو ما بدي تمشي من عندي
اسيل:الحل عندك
استنشقت من عطرو الي بيسحرني
اسيل:وين رايح هلأ
تميم:بوصلك وبروح للمحل
اسيل:هيك بكامل اناقتك
تميم:مع انك بتعرفي مستحيل التفت لغيرك
اسيل:مطمنة من ناحيتك بس من الطرف التاني
تميم:لا كوني مطمنة من كل النواحي بس كانو امك طلبت منك شي
اسيل:اي شوية مكسرات اليوم عمتي جاية من بيروت
تميم:...
طبعتلو بوسة اخيرة على خدو واطلعنا سوى والمفتاح بقي معي
تميم:معك خط جديد كأنو
اسيل:شو عرفك
تميم:لانو رقم امك مو مسجل
اسيل:بدك اياه
تميم:بدي اياكي كلك
اسيل:هسس تميم نحن على درج البناية
تميم:اي اي ماحدا بيعرف انو عشقانين بعض الا كل الحارة
فتحلي باب السيارة
اسيل:لك تميم بلكي حدا شافنا
تميم:ع اساس عشيقك انا شبكي اسولتي نحن متزوجين
اسيل:بس بتوصلني لقبل بيت اهلي
تميم:بامر عيونك حاضر بس بالاول بدنا نشتري مكسرات مشان اهلك يت...يتغدو
اسيل بحقد:كأنو المعنى شي تاني
تميم:😂انسيت انك معهن لو لحالهن بجيبلهن مكسرات مسممة
قعدت حردانة بس ضحكتو ردتلي روحي حرام هالملامح ما تضحك يارب تتصلح العلاقات ونرجع لبعض بكفي فراق
........
بعد ما اشترى المكسرات هو ودفع طبعا على اد ما بيستاهلو اهلها منو وصلها لاول الحارة طفى السيارة واطلعوا ببعض
تميم:بدي احكي معك كل الوقت
اسيل:ماشي وانت شاركني كل يومك
تميم:وانتي كمان بس لا تصوري ابوكي مو متصور شكلو
اسيل:هاد بابا تميم
تميم:شو رأيك ابعتو ع الامازون سياحة ومنو بيتغدو عليه التماسيح
اسيل:لاااا هيك زودتها
تميم:ببعت اهلي معو بس الصراحة ابوكي ادسم😂
اسيل:تميم عم تزودها ها
تميم:اي ساعة بتنامي
اسيل:مو قبل التنتين بليل
تميم:اليوم سهرتنا صباحي
اسيل:متل مابدك تميم شو رح تعمل
تميم:رح اصلح كلشي ولايهمك انا المهم اعرفت انو بدك اياني يمكن اخطفك😂
اسيل:بس خبرني قبل بوقت مشان اجهز الشنته😂
تميم:دخيل هالضحكة وصيني يا روحي
اسيل: سلامتك حبيبي
طالع مصاري من جزدانو
اسيل:لشو هدول
تميم:مشان لا تعتازي حدا
اسيل:شو بدي اعتاز
تميم:رواية رصيد هيك شغلات انا حبيبتي ممنوع تعتاز غيري
اسيل:اخ منك صعبان عليي اتركك
تميم:قدر الله شو بدنا نعمل المهم بتتغذي منيح بتهتمي بحالك لانو حاسس انك متغيرة
اسيل: وانت اهتم بحالك
باس أيدها
تميم:حاضر
نزلت وسكرت الباب وبقي يتفرج عليها لحتى فاتت لبناية اهلها
بقلبو:كيف بدي اصلح العلاقات هاد ابو عابد لو بشوفو مسطوح ما بقرب صوبوا وعابد ما بمون ع حالو والحل يعني اسيل متأملة اصلح علاقتي بأهلها يا حبيبي حلها يا تميم ازا بتقدر تحلها
..........
كنت بالمطبخ لابسة مريول الجلي وعم اجهز مع ماما لفريكة واللحمة وكافة انواع المقبلات عقلي وقلبي مع تميم ريحتو معششة فيني مابدي اشلح القميص بدي ضل متزكرة اللحظات الحلوة مع انو الفراق بشع بس متأملة تتصلح ومتأكدة تميم رح يتنازل ويرجعني اي كتير بحبني وانا بحبو هيك متل ما هو اصلا مو مقتنعه انو مخادع ولو خدعني المهم عشت معو ايام بتجنن هو امي وابي واهلي وكل ناسي معقول حدا يشوفك تميم وما يحبك.

.......
إن أصعب شيء على المرء أن يربط ذكرياته بإنسان ما فيصبح الفراق حالة من فقدان الذاكرة. #مقتبس
.....
وعند تميم كان مبين عليه اخر رواق بس اول ما شاف وسيم حس انو في من وراه شي
عم يشغل سيكارة واتقدم لناح اخوه وقعد على طرف الطاولة
وسيم:تحياتي لحب حياتي
تميم:اهلين وشك ولا ضو القمر
وسيم:سطوع الشمس اي كيفو
تميم: منيح شو مبكر
وسيم:يا حبيبي انا مداوم قبلك اي بالمناسبة ابن حماك منزل تشكيلة
تميم:شو بدي فيه الله يباركلو
وسيم:لا ولوو شو هي الله يباركلو الله لا يباركلو
تميم:ع شو ناوي لك وسيم
وسيم:لا بس حابب اللعب معو لعبة الحرامي والشرطة
تميم:واكيد انت مو الشرطة
وسيم:😂 يسلملي الي بيلقطها ع الطاير
تميم:ليك وسيم ازا مشاني بدك تعمل مشاكل بحب ابشرك مارح تزبط معك انا ناوي ارجع اسيل
وسيم:بس انا بالخدمة وتطوع مارح تطلب مني شي
تركوا قبل ينطق تميم بحرف
وسيم:ويا طير غروبي ويا طير غروبي
طلع يغني وتميم طلع لبرى وشاف محل عابد وغمض لانو الي براس وسيم بصير لو كل الدنيا رفضت
... ...
وعلى طريق المطار عمتو معو وكانو عم يتبادلو الحديث
نجاح:اي عابد طمني عن العيلة
عابد:مناح الحمد الله
اجاه اتصل ودغري رد
عابد:اهلين حكمت
حكمت:بدي احطك بالصورة اليوم وسيم اجى وتمايز كل المحل وتجاهل وجودي
عابد:عنجد عم تحكي
حكمت:انا اطمنت شوي انكن نسايب لانو ما بفوت لمحل وبيضل بيخرو يا بينسرق يا بينحرق
عابد:خلص ولوو مو ناقصك أنا
حكمت:ليكون في مشاكل
عابد:في هيك شي ليك لا ينترك المحل ووين راح بطيخ
حكمت:شفتو فات لمحل تميم
عابد:تميم بالمحل
حكمت:اي ليكو عم يتمشى قدامو
عابد:طيب حكمت خليك مفتح عيونك وخبرني بكلشي انا اليوم بدي اسكر المحل
سكر الخط وكان متوتر لانو جايب بضاعة بأسعار خيالية وازا الشغلة سرقة او حريق انخرب بيتو
رهف:في شي حبيبي
عابد:لا مافي شي
نجاح: شكلو في شي انت متوتر كتير
عابد:كلو من اخوكي وعمايلو نحن مو قد هالجماعة الله يسترنا من اخرتها عمتي اقنعيه يرجع اسيل لجوزها
شهقت بصدمة
نجاح:اسيل حردانة
..........
الحلقة الثانية عشر
بقلمي:مايا الحجازي
وقت وصلت عمتي رحنا نستقبلها بوسات واحضان بس كان عابد مو على بعضو ومابعرف كيف اطلع فيني بس انا خفت ليكون بيعرف اني شفت تميم تجاهلتو بس قلبي ما اتجاهل الخوف ابدا الله يسامحهن جوزي هاد مو حدا غريب قعدنا بالصالون كلنا
عمتي: اي كيفكن طمنوني عنكن
ماما:بشوفتك صرنا مناح
عمتي:هي اسيل زايرة عندكن
ماما:رح اتصل ب ابو عابد استعجلو
هربت من سؤال عمتي
عمتي:شو عمتي زيارة ولا اقامة
اسيل:والله مابعرف
عابد: خربان بيوت برعاية اخوكي
رهف:عابد
عابد:خليني احكي عمتي اقنعيه
عمتي:بس والله حقها اسيل يصير عندا ولاد
اسيل:يا جماعة ياريت تسكرو ع السيرة
برجعة ماما وشوي اجى بابا والتمينا على طاولة السفرة عابد ما اكل وشبع اول واحد
بابا:هاد مو اكلك
عابد:بدي احكي معك ضروري انا تحت ناطرك
كنت حاسة انو عابد بلش يتراجع عن موضوع طلاقي وهالشي ريحني كتير
.........
تحت بالسيارة كان بقمة التوتر والقهر اجى ابوه وفتح السيارة وقعد جنبو
ابو عابد:شو القصة
عابد: انا قلتلك نحن مو قد الجماعة وانت عملت هالشي تحدي
ابو عابد:ومارح اتراجع ابدا
عابد:اسيل رايدة تميم وبوضعو الحالي انت ليش لحتى تعارض
ابو عابد:مو نحن الي بينضحك علينا لو من اول صارحها منقول
عابد:وبنتك رضيانة فيه وبخداعو انت رح تفوتنا بمواجهة نحن مو قدها وازا وسيم اتدخل اعتبرنا بح صرنا ع الحديدة
ابو عابد:قلتلي وسيم هاد الهامل الازعر
عابد: لكن ليش خايف منو مو لانو ازعر وماحدا قدران يوقفو عند حدو
ابو عابد:انا بوقفو عند حدو
عابد:انت مستهين ب تميم كمان شفت كيف حكى معنا وهددنا وانت بتعرف عمو مستلم المنطقة واي محامي رح يستلم قضية الطلاق باتصال واحد من عمو رح يترك القضية
ابو عابد:انت لا تدخل اطلاع من هالحكاية عابد وانا بدي اربيهن
عابد: اليوم وسيم اجى وتمايز المحل عندي وبتعرفوا ما بفوت لمكان وبيضل بخيرو
ابو عابد:ما عليك أنا رح انهي الموضوع
......
وعند تميم لابس بيجامة ومتل المراهقين ناطر يحكي مع اسيل بغرفتو على ضو خافت مرتكي على التخت وحاطت ايدو ورى راسو وعم يبعتلا
تميم:نايم الحلو
لترد عليه بصورة فنجان قهوة
تميم:لكن عمرانة السهرة
اسيل:بخلص الفنجان ومنحكي
تميم:لا تتأخري ناطرك
اتسلى على الفيس بوك وشوي وصلو اشعار
تميم:طولتي كنت رح انام
اسيل:لحتى خلصو شو لحالك
تميم:لا عندي وحدة
اتصلت فيديو فرط من الضحك بس دغري فتح الخط شوفتها ردت روحو
اسيل:صور كل المكان
تميم:من كل عقلك بلا
اسيل:اي بسدء ليش لحتى ما سدء لحالك بالبيت
تميم:والله لحالي ها

اسيل:ليش مطفي الضو
تميم: مشان دغري انام شو هالاصفر الحلو دخيل شعراتك
اسيل:ليكون كنت نايم
تميم:بتعرفيني بحب السهر بس طبعا السهرة لحالي مو حلوة وين السهرة معك كانت تسلب عقلي
اسيل:معقول كنت اسلب عقلك
تميم:لدرجة وقت اتزكرك وانا بالمحل دغري ارجعلك
اسيل:وبالعلامة ما تخليني اطبخ
تميم:شو بدنا بالطبخ في شي اهم
اسيل:لايمتى رح نضل كل واحد بمكان
تميم:بلكي الله بيفرجها وبموت ابوكي
اسيل:تميم شو هالحكي
تميم:لا تخافي الله بيمد بعمر الي متل ابوكي
كان فرطان من الضحك هي مو اول مرة بتمنى لابوها الموت من زمان هيك
اسيل:ومبسوط كمان
تميم:والله عنجد بحكي
اسيل:يعني ما في حل عندك
تميم:اكيد في بس بدي وقت
اسيل:شو اتغديت انت
تميم: العزابي شو بدو يتغدا
اسيل:يعني ما كان دسم الاكل
تميم:لا
اسيل:عنجد تميم
تميم:ليش شايلة همي انا اسبوع كامل ما دقت الاكل
اسيل:ولا انا بس نحن اتفقنا نهتم بحالنا
تميم:المهم انتي عندي
اسيل:رح ازعل منك
تميم:يعني رضيانة كنتي
اسيل:كتير بحبك تميم ما بزعل منك بسهولة
تميم:وانا ليش بحبك لانو قلبك ابيض متل التلج حتى ملامحك بريئة وطيبة قلبك من عيونك مبينة
اسيل:بتعرف شو جاي عبالي
تميم:شو
اسيل:عيب احكيلك
تميم:ايواا حركي مشاعري يلا
اسيل:😂بمزح معك بعرفك منحرف
تميم:يلا اتحملي لكن
اسيل:حليانة دقنك كتير
تميم: مدامك مشتاقة ليش ما بادرتي اليوم
اسيل:كنت زعلانة منك
تميم:لكن ايمتى اللقاء التاني
اسيل:رح اخبرك اكيد
تميم:موافق بس بتيجي بكير بدنا نقضي يومنا سوى
اسيل:موافقة عروضك ما بتتفوت
فجأة انقطع الاتصال وعرف انو حدا فات لعندها لهيك ما بعتلا شي وحاول ينام
...........
وبغرفة عابد ما نام كان عم يتقلب ومشغول بالو من مواجهة وسيم
بقلبو: بابا عم يغلط تسطفل بدها تميم ما بدها اولاد انت ليش لتدخل بابا مقهور من كل العيلة وعم يتحداهن تحدي ومفكر انهن رح يسكتو وهو بيعرف انو تميم بحب اسيل
ليتزكر موقف صار وقت اجى تميم ياخدها كانت سهرانة عندهن زمرلها تحت وانقهر ابوها
ابو عابد:شو نحن مو من مقام جوزك
اسيل:كان بالمحل ونزل بضاعة بكون تعبان
ابو عابد:وعم تبرريلو ازا فات خمس دقايق بتخرب الدنيا
اسيل:..
بوقتها اتصلت اسيل ب تميم ويمكن اترجتوا لحتى طلع ودغري شرب القهوة واعتذر
بيتزكر بعد ما راحو ابوه جن جنونو
ام عابد:طول بالك يا زلمة
ابو عابد:واحد متلو بيترجى اهل مرتو وبيتوددلهن ما شفتي كيف بالزور لحتى طلع شو عاملين فيه نحن
ام عابد:المهم بنتك مرتاحة معو
ابو عابد: ايه انا بفررجيه لهالمنحط فوق ما العيب منو كمان شايف حالو علينا
اتجلس عابد ومو قدران يرتاح ابدا
عابد:والله رح ندفع ثمن عنادك يا بابا وشكلنا اعلقنا علقة ماكنة مع هالجماعة
.......
بغرفة ابو عابد كان واقف عند الشباك ويتزكر كلام عابد
ابو عابد:مين مفكرين حالهن ازا بالواسطة هي مو مرجلة وازا بالقوة والتحدي انا بفرجيك يا تميم شوفة حالك علينا لتدفع ثمنها غالي مو انا الي بجوزك بنتي الوحيدة وبتصير تشوف حالك علينا وياريتك رجال متل باقي لرجال يا مخادع
اتزكر وقت حكالو ابو نسرين
ابو نسرين:وانت مناسب تميم
ابو عابد:اي معقول ما بتعرف
ابو نسرين:وكيف وافقتو يعني حكيتوا بالموضوع
ابو عابد:انو موضوع
ابو نسرين:تميم اتعرض لحادث
ابو عابد: حادث شو
ابو نسرين:صارت خناقة بالحارة وضربوه شلة زعران ومن بعدها الكل دريو انو تميم مابقى يقدر يجيب اولاد
بوقتها الصدمة اكتسحت ملامح ابو عابد
ابو عابد:لا مامعنا خبر هو بعد الزواج
ابو نسرين:لااا انت لكن اكلت منهن كم مرتب والله لو صايرة معي لافرجيهن قيمتهن وكيف مخلي بنتك عندو اي اكيد بدك تخاف عمهن مسؤول كبير
بقمة العصبية حكى:والله لانتقم منكن انا بفرجيكن ومو خايف من حدا
.......
الحلقة الثالثة عشر
بقلمي مايا الحجازي
تاني يوم
عند وسيم فات بكل زعرنة لمحل عابد للالبسة الجاهزة واول ما شافوا عابد ترك من ايدو واهتم
عابد:اتفضل
وسيم:متفضل شو مستنيك تفضلني😘
عابد:خير شوفي
وسيم:كل ما طل الصبح عليي بفكر فيك امممم
كان عم يتمايز كل المحل وعابد خاف منو لانو بيعمل كل مشكلة اكبر من التانية وعطول بتنحل لانو عندهن واسطة كبيرة
عابد:خير شوفي وسيم
وسيم:كل ما طال الليل عليي بفكر فيك
رمى السيكارة بالارض ودعس عليها وقرب من عابد ب تحدي
وسيم: نحن نسايب ولا كنا نسايب
عابد:والمعنى
وسيم:مادام مافي طلاق لا تخاف محلك بالحفظ والصون وبس صار طلاق اعتبر هالمحل حطبة
عابد:انت جاي تهددني
وسيم:ويمكن اشتري كل المحلات هون بصير منافس اخي😉
عابد:ليك مشكلتنا مع اخوك مو معك
مدلو ايدو وفرجاه عرق من ايدو بارز
وسيم: شايف هالعرق هاد دمي و دم اخي هون عم يسري وازا بشوف اخي منضام لا تلوم الا حالك يا دلوع بابا انت

عابد: اطلاع لبرى احسنلك
وسيم:بكيفي بطلع مو انت الي بتقلعني
غمزو وطلع بعد ما خوف عابد وهددو بشكل مباشر وكل هاد وتميم مو دريان وناوي يصلح العلاقات
طبعا وسيم طلع ومع هيك مشي عكس ظهرو للشارع ووجهو للمحل ليتمايز كل لبضاعة ويجنن عابد بزيادة ورماه بتحية خاصة للمشاكل اصبعتين من ايدو على جبينو وصوبهن تجاه عابد الي واقف ومصدوم وخايف على البضاعة.
........
كنت انا وعمتي عم نشرب القهوة على البلكون مبتسمة اي هاد بيت حمايي ورح ارجع لتميم
عمتي:يعني انتي ضد قرار ابوكي
اسيل:انا بحبو لتميم
عمتي: والله جوزك محترم لو متل جوزي بحكيلك اتركيه
اسيل: وكان مدللني كتير
عمتي: الزوج لمنيح رزق من رب العالمين ليكو ابوكي عندو ولد وبنت جوز بنتو وابنو وما صفيلو الا مرتو العبرة بالعشرة مو بلولاد
اسيل:بدك تحاكيه عمتي
عمتي:انا بحاكيه صحيح أنتي صابك متلي العيب من جوزي وبعد ما اكبرت راح اتجوز صبية صغيرة بس بفترة احردت عشت ببيت جدك تحت رحمة مرت عمك ما سدءت ايمتى ارجعتلو ويوم عندي ويوم عندها وليكني ما احلاني
اسيل:يعني معقول تميم يتجوز عليي
عمتي:هو بيقدر يتعالج ولا
اسيل:لا مافي امل
عمتي:خلص يا روحي اعتبري مشكلتك انحلت ورح ترجعي ل تميم صارحيني مبارح وقت فتت لعندك ع الغرفة كنتي تحكي معو
اتفقدت المكان بخوف
اسيل:ليش بتسالي
عمتي:ما بحكي لحدا لا تخافي يوه بعدين مو غريب هاد جوزك
اسيل:اي حكينا
عمتي:واكيد الحكي برات الطريق
اسيل:لا والله عادي
عنتي:😂يبعتلك الهنا يا اسيل هاد جوزك مو غريب ليش اخجلتي
اسيل:والله مابعرف
عمتي:شكلو رومنسي جوزك مابدك تحكيلي
اسيل:عيب عمتي شو هالحكي
عمتي:مابتحبي حدا يعرف الي بصير بينك وبينو
تركتها فرطانة ضحك ورحت لغرفتي مكتسحيتني حالة خجل اتزكرت تميم ورومنسيتو معي.
........
وعند وسيم فات تميم للمحل بعد ما شافوا طالع من محل عابد
وسيم: اهلين بنور العين
تميم:شو كنت تعمل عند عابد بالمحل
وسيم:كركرتو شوي
تميم: وضحك ولا ما ضحك
وسيم:غشي من الضحك
تميم:ليك وسيم اتبرا من هالحكاية
وسيم:وحياة الي خلقك عندي جوز عيونك بعيلة هالبطيخ
تميم: ماني معبي عينك ولاه
وسيم:معبي عيني بس انت طرق تهديدك محترمة وهالجماعة بدهن واحد متلي مو شامم ريحة الاحترام
تميم:والنهاية
وسيم:لا رعد لا برق نحن منحرق حرق
تميم:بلا هاد حكي
وسيم:😂حبيت مو
تميم: وسيم ازا الي خاطر عندك اتركو بحالو وشغلي وانا بشتغلو
وسيم:ليك انا هون ومراقب الوضع وماني ناطر تحكيلي اتدخل
تميم:انت مو معقول وسيم
وسيم:لا هني معقولين ااااخ يا ريتني كنت على بهدلتو يااا امييي شو رح اعمل والله لاشرب من دمو ختيار النحس
تميم:خلص شو بدك انت رح يدفع الثمن غالي بس مو بأساليبك اتركها عليي يا حب
وسيم:خلص كرامة لعيونك بس ما بلتزم بالتعليمات شوف ايدي زمان ما سفقت كفوف
طلع تميم يضرب كفوفو ببعض
تميم:مافي خواص جاي بالحرب العالمية مو طبيعي اخي
واول ما فات المحل قعد ورا مكتبو واتفاجئ ابو عابد نازل من سيارتو ارتاح اكتر ع الكرسي ولا حتى احترموا ولا احترم النسب
رنت بادنو هالكلمة:ليش مفكر حالك رجال انت
لساتو مو معبرو وصل وصار قدام مكتبو لصغير
ابو عابد:انت باعت اخوك يهدد ابني
رماه نظرات كلها استحقار
تميم: اصبحنا واصبح الملك لله
ابو عابد:انت بتعرف الله انت
تميم:انت جاي يتشكك بإيماني
ابو عابد: ليك ولاه واعتبرو تهديد ازا بصير على محل ابني شي لا تلوم الا حالك
وقف بعصبية تميم وضرب على المكتب
تميم:ليك يا شايب ازا مفكرني ساكت خوف بحب اطمنك مو خايف منك وازا انت للتحدي من كم يوم انا للتحدي من وقت اخلقت وبدعس مو بس على النسب انت بتعرف وين رح ادعس
ابو عابد:انت عم تتحداني يعني
تميم:وغير الي براسي مابصير وازا اخي استلم ابنك انا رح استلم مكتب عقاراتك ورح اخرب عليك صفقات ونصب واحتيال والله لخليك تبيع كلاويك كمان
ابو عابد:عنجد انت واحد قليل زوق واحلم بظفر اسيل
تميم:هسسس اوعك تجيب سيرة مرتي لاسحبها من نص بيتك وازا مو بكيفك غصب عنك واستنى اي دورية تجي تداهم بيتك مو لسبب لعدة اسباب
اتدايق كتير كان نفسو صعب والخيبة اكتسحت ملامحو والظاهر تهديد تميم سببلو رعب بس ما استسلم
ابو عابد:والله لتندم والله
تميم:يلا لبرى احسن ما اخلي الامن يعملو اللازم طلع مو شايف بعيونو وتميم بقي واقف يهدي حالو لانو كان ناوي يقتلو اول ما جاب سيرة اسيل.
.........
اول ما فات بابا للبيت ارتعبنا كان مبين معصب
بابا:انتي هون اسيل
اسيل:شوفي بابا
بابا: انتي بدك تميم
اسيل:...
بابا:احكي بدك اياه
اسيل: ليش شو صاير بابا
بابا:رحت لاتفاهم معو هددني واحد متلو منحط يهددني هالجماعة مو مصليين على النبي وازا بتلتقي فيه يا اسيل لا تلومي الا حالك شغلة كم يوم والله لخليه يطلق ورجلو فوق راسو

عمتي:ابو عابد طول بالك ما بتنحل الأمور هيك
بابا:من بعد اليوم هيك رح تنحل وهني الي بلشوا
فات ل غرفتو وانا ضليت مصدومة وحسيت رح ادفع ثمن تحدي الطرفين
عمتي:لا تخافي لانو معصب بس هلا بيروق
تركتها وفتت لغرفتي ارتاح وبدي افهم من تميم ليش مهدد بابا اتصلت فيه ودغري رد
اسيل: تميم شو صاير
تميم:الامور عم تخرج عن السيطرة انا حاولت ابوكي عم يقطع كل سبل الوصل
اسيل:ليش هددتو
تميم:واحد فات للمحل حاط الشر بين عيونو بدك اخدو بالاحضان
اسيل:وانا تميم
تميم:خلص اسيل بحكي معك بعدين مشغول شوي
كنت عم ارجف انا باخر مراحل التوتر 🥺
............
الحلقة الرابعة عشر
بقلمي مايا الحجازي
بعد ما سكر المحل رجع لبيت اهلو كان الاجتماع هنيك والكل كانو ناطرين وصولو
ام سليم:صحيح الي حكاه وسيم
تميم:وداير تحكي ولاه
وسيم: لحتى يكونوا بالصورة
سليم:عنجد هددك
تميم:انتو خايفين عليي ولا حابين المشكلة تكبر وانت عاملي فيها اخ كبير يلا اتدخل احكي لوسيم لا يقرب صوب عابد
سليم:كتير اخدلي قيمة واخوك لكبير لا وسيم اعمل الي بريحك مو نحن الي منحطها واطية لحدا
ام سليم:انتو لا تدخلوا ابدا تميم بيعرف يتصرف معهن يعني اسيل مابقى بدها اياك
تميم:ليش ابنك مخليني اعرف ارجعها
وسيم: مين كاينة لتترجاها لك اشر ع حيلا بنت هلا بتصير مرتك ليش متهاون بالموضوع
تميم: تعال اتحكم بمشاعري كمان
وسيم:انت زودتها كتير بحياتي ما شفت حدا متلك
تميم:لانك عديم احساس وسيم عن عابد بتبعد وازا بصير للمحل شي يا ويلك
وسيم:بس يمكن منزل بضاعة بهديك الحسبة وشرطك ازا سرقتوا اعرضهن بالواجهة
لتعلى ضحكات كنانة وسليم ما عجبو
سليم:انت ناوي تفضحنا بالبلد عندهن ولد حرامي
وسيم:حبيبي العيلة الي مافيها صايع حقها ضايع
صار تميم يهدي حالو وسيم ماحدا بيقدرلو وعنيد كتير
تميم:حاجتك امثال وحكم متل رجلي افهمت شو حكيت
وسيم:اما شو يا كنانة شفتلك بمحلو تشكيلة قمصان على زوقك
كنانة:اي انا بحب السرقة كتير اخي اسرقهن حلال سرقتهن
ام سليم:حاجتك وليه بعدين بيجي مين يسرق جوزك
كنانة:وسيم خطرلك متل ما خطرلي
وسيم:ايمتى بدك
كنانة:ايمتى ما بتحب بس ليك ع النص بدي اشتري جنزير دهب صرت مترجيتو كزا مرة
تميم:يا حبيبي كملت معنا
سليم:اتفضلو ع العشى يا جماعة
التمو على الطاولة كان مستفقد ل اسيل اطلع لجنبو كانت عطول على يسارو تقعد ويلقمها ويدللها تحت انظار الجميع
اسيل بهمس: خلص حبيبي
تميم:ليش بتخجلي عطول بلقمك بالبيت
اسيل:بس هون الكل موجود
تميم:ماحدا مهتملنا بعرفك ما بتاخدي راحتك هون
اسيل:اي كتير لهيك مابدي نشرب الشاي هون
تميم:بامرك يا روحي طيب لقميني
بالزور لحتى لقمتوا واخر شي باس أيدها لينتبه وسيم ويبتسم مستقل بعقل اخوه
وسيم:العقل زينة
تميم:التهي بصحنك
كنانة:اخي ملتهيين بس انتو بتخلو الي ما انتبه ينتبه اي راعي شعورنا اخوك عزابي اختك معها تصحر وامي أرملة
تميم:التهي بصحنك حاجتك لعي
وسيم:بووووس
ليصحى على صوت امو
ام سليم:مابدك تتغدا حبيبي
تميم:مو كتير جوعان
كنانة:بيكون اتزكر حبيبتو
وسيم:قصدك التبويس
سليم:خلص انت وياها
روان:ليش ما بتحكي معها
وسيم:حشورة خانم
زورتو وما اهتملا
تميم:ليش بتسالي
وسيم:لانها اذاعة
روان:مرت عمي حاكي وسيم
سليم:خلص ولاه اتضبضب
وسيم:والى اولى نشراتنا الاخبارية
كنانة:😂كتير حلوة
تركهن تميم وفات ل غرفتو لمناقرة مستحيل تخلص بين روان ووسيم وسليم مستمع ومتابع كمان وكنانة بتشمت من تحت ل تحت
...........
وقت اتصل رحت قفلت الغرفة وارجعت فتحت الخط وبصوت خافت رديت
اسيل:الو
تميم:كيفك حبيبتي
اسيل:مشتقتلك شو صاير تميم بابا كتير معصب
تميم:ابوكي اجى وهددني
اسيل:هو بيحكيلي انت هددتو وهلا انت بتحكيلي هو هددك شو اعمل تميم انا واقعة بين نارين
تميم:اسيل لازم ترجعيلي
اسيل:هيك ببساطة مو قلت بدك ترجع العلاقات
تميم: ابوكي مو ناوي ع الخير
اسيل:شو بدك فيه انت بدك اياني بوقت كانت الامور منيحة كنت ما تخليني ازورهن الا بالمناسبة
تميم:اسيل الموضوع مو متل ما بتفكري ابوكي ناوي ينهي العلاقة بشتى الطرق
اسيل: والعمل
تميم:لازم اشوفك ونحكي
اسيل:بس
تميم:عادي اي يوم مو بكرى
اسيل:طيب متل مابدك رح اتركك ترتاح
تميم:اعطيني خبر ازا اقدرتي تيجي
اسيل:خلص ولايهمك لا تفكر كتير
تميم:تصبحي على خير
اسيل: وانت من اهلو
حسيتو بارد كتير هالشي خوفني وقهرني كتير
معقول نحن على مشارف النهاية
مابعرف كيف خطرلي اتزكر اول مرة طلبت فيها اشوف دكتورة
.....
#بوقتها
كان تميم قاعد كالعادة يتصفح صفحات الموضة على الفيس بوك كنت مجهزة القهوة وقعدت جنبو اتأملت ملامحو وكيف مركز بالموبايل
اسيل:تميم

تميم:اي يا روحي
اسيل:ما مليت
تميم:لا
اسيل:هي القهوة
تميم:بتعرفيني بحب القهوة بدون دخان
اسيل: ومع هيك ممنوع تشرب دخان
تميم:براحتك
اسيل:نحن صرلنا اكتر من ست شهور متجوزين
تميم:ليش عم تعدي الايام
اسيل:هلاا مرة روان حكتلي انو حماتي من اول ما اتجوزت اصرت تاخدها للدكتورة ليش انا ما حكتلي هيك
تميم:استني شوي...
كان عم يقرأ رسالة وصلتو ومو عاطيني اي اهمية
تميم:اي كملي
اسيل: انا حابة اروح للدكتورة ومنو بطمن
تميم:بس هيك
اسيل:اي بس...عندك مانع انت
تميم:اكيد لا ازا اطمئنان بس شو خطرلك لولاد
اسيل:ما حابب يكون عنا ولد صغير يملي علينا كل الدنيا
تميم:اكيد بحب انتي بتحبي لولاد
اسيل:اي بحبهن بس سبحان الله بحس انو اولادي رح يكونوا اغلى من كل اولاد العالم
تميم: جهزي حالك بكرى
اسيل:عنجد ما عم سدء تخيل تحكيلي اني حامل
تميم:معقول يعني
اسيل:اي معقول ويكون احلى خبر منسمعوا ليكون ما بدك
تميم:شو هالحكي
اسيل: كأنك مو مهتم
تميم:ش

- النص المستخرج من الصورة: 📝
١:٤٠ م
تميم شو بدك اقوم انط وارقص
اسيل: اكيد لا بس بحسك ما بتحب لولاد
تميم بحبهن ليش لحتى ما احبهن
اسيل انت حاطت ببالك اسماء اولاد
اسا
تمیم: حبيبتي مو وقت هالحكي ليصير في حمل
اسیل اقتراح مو اکثر
تميم ما يحب الالقاب بحب اسمي لحالو تميم وبس
اسيل مو تعزبني وانا اصحيك
تميم: لا ما بعزبك
K/
وتاني يوم كان ابرد من التلج جهزنا حالنا وانزلنا وطول
الطريق ساكت مع اني اصريت يفوت معي بس رفض
تميم ما بحب الانتظار اسيل
اسيل: ازا زحمة بخبرك
تميم بكون احسن
لحسن الحظ ما كان زحمة وعشر دقايق كنت مخلصة وطالعة
قعدت بحنبو مبسوطة
تميم مبين مبسوطة
اسيل: اي الحمد الله وضعي منيح وحكتلي في احتمال يصير
عندي حمل بهي الفترة
وما بعرف كيف عصب وسب صاحب التكسي اول ما تعدا
سيارتو طفاها ونزل يقاتل فيه
تميم لك مو شايف الطريق الي
الشب: لا مو شايف
تميم: أنا بدي اخليك تشوف غصب عنك
بوقتها التمو عليهن كم شب وبالزور لبعدو تميم عنو وما بقى
سألني شي بقي معصب ويسب ويشتم
تتطاير صفحات عمره واحدة تلو الأخرى في فضاء هذا الزمن
صفحة مرت قبل عام وأخرى قبل شهر وهذه صفحة قد
مزقتها البارحة، ودفتر أيامه قد شارف على الانتهاء دون أن
يشعر أو ينجز شيئا. #مقتبس

- النص المستخرج من الصورة: 📝
١:٤٠ م
الحلقة الخامسة عشر
بقلمي مايا الحجازي
اسا
K/
كانت الغرفة مليانة دخنة خلص باكيت وفتح واحد جديد
ليستوعب انو بسبب كم از عر وصل الحال فيه لهون
تميم وانت يا ختيار جاي تعيرني بلي صار
اي اسيل انا بحبك بس ابوكي عم يقطع كل سبل الوصل والله
لانتقم منك بدل هالكم يوم الي حرمتني فيهن من مرتي ....انا
كتير اناني وغيرك مابدي وانتي لازم تتركي اهلك وغصب عنو
لها لكلب.
بالسهرة عمتي
دقت الباب ورحت فتحتلا
عمتي:
صايرة تقفلي الباب
اسيل: بدلت تيابي
عمتي: جاية احكي معك
اسيل:اتفصلي عمتي
قعدت بالاول تمايزت كل الغرفة ع اساس اول مرة بتفوت
عليها
عمتي اكيد كنت تحكي مع تميم
اسيل: لا يوه
عمتي انا جربت فترة بعدت عن جوزي مع انو كنت عايشة
معو بس ما كنت افكر فيه ليل نهار كيف انتي وعلى هوى ما
اسمعت انكن مثل العاشق والمعشوق
اسيل: يعني مابدي افكر فيه
عمتي مو انتي بدك يرجعلك
اسيل: اكيد وبدي ارجع واهلي رضيانين وترجع العلاقات مثل
اول بس الموضوع عم يكبر ولهجة تميم متغيرة
عمتي: انت بتزوريه صح
اسیل : لا يوه وين بدي اطلع
عمتي الاحسن تشوفيه وتحكوو وترسو على بر وانا رح
اساعدك ومتأكدة ازا تفاهمتوا بالحكي رح يرجعك
اسيل ياريت يا عمتي

- النص المستخرج من الصورة: 📝
١:٤٠ م
اسا
B
عمتي انا حاسة فيكي بفترة حردت وهيك صابني كل تنين
يفوتو لغرفتهن وابقى وحيدة
اسیل مو بس مشان هيك هنيك كنت بعرف اني ملكة البيت
هون ما بعرف انا ضيفة ولا مقيمة وعم احسب حساب لكلشي
وكأنو ما كنت عايشة كل حياتي معهن
عمتي بكرى انا وابوكي بدنا نروح للهجرة والجوزات ورح
تروح امك معنا لهيك انتي اتفقي مع تميم وشوفيه واحكوا
حكي الموبايلات ما بجيب نتيجة
اسيل: والله خايفة ما شفتي بابا كيف رجع
عمتي لا تخافي ومدامني هون رح تنحل المشكلة
بقلبي خوفي تزيديها للمشكلة
بعد ما طلعت ما اقدرت انام وكل ذكرياتي مع تميم عم
تهاجمني صرت افسر عصبيتو بعد ما نرجع من عند الدكتورة
وكيف كان مو مهتم لموضوع لولاد كيف ما خطرلي انو هو
مخبي عليي شي مو بس هو حتى اهلو ووقت رجع ومعو
التحاليل هي الي ما عم تروح من بالي
اسيل: انت كيف خطرلك تعمل التحليل
تمیم افهمت عليكي باخر زيارة الك للدكتورة
اسیل بس انا ما حكيت
تمیم ما دام انتي ما عندك مشاكل اكيد العيب مني
اسيل..
تميم اسيل انا مابدي اكون اناني القرار قرارك
اسيل: مافي علاج يعني
تميم لو في علاج كنت ما خيرتك وكنت تعالجت وكفينا بدون
ها لعقبات انتي بدك اولاد
اسيل بدي اولاد بس منك تميم انا مستعدة اعيش معك ونضل
بدون اولاد
تميم انا ما بدي
اظلمك معي
اسيل: لا حبيبي
ليش تظلمني انا مستحيل اعيش بدونك
بوقتها غمرني وحسيت على شوي بدي اخرق أضلاعوا
اسيل انت متخيل اختار اتركك

- النص المستخرج من الصورة: 📝
١:٤٠ م
اسا
K/
تميم من وقت اعرفت النتيجة وضليت خايف يكون قرارك
ننفصل
اسيل: لا مستحيل بس معقول بدون سبب
تمیم حتى انا ما بعرف
بقلبي كيف ما كان بيعرف وشو الحادث المتعرضلو وليش
خبى عليي وليش بعد سنتين زواج حكى ياريت حكى
الحقيقة جاب تحليل وكمل التمثيلية ولاااا انا هلا راكضة
ارجعلو وخايفة عليه كمان لازم ما اسامحوا ابدا عيشني
ليالي على اعصابي وكل شهر اتأمل اطلع حامل وهو ولا عبالو
وانا احكي منيح بيت حمايي ما بيدققو وبيسألو لو كان العيب
مني كانو جوزوه من تاني يوم وهو كان طاوعهن ليش في
رجال بيقبل لو العيب من مرتو رح يطقها جوازة وازا ما
عجبها بيطلقها انت اللعبت عليي تميم بحجة الحب والغرام
وانا من كل عقلي مسدءتك .
تاني يوم جهز حالو وطلع للمحل كان شبه محطم لانو مافي
حل بين ايديه ويلو اسيل وويلو كرامتو فتح هو المحل وبلش
يرتب شوية شغلات وقعد وشريط ذكريات مر قدامو ليالي
قضاها عايش بوجع ضمير وبين نارين طلبات اسيل المراجعة
دكتورة وهو بيعرف الحقيقة ومو عرفان كيف بدو يخبرها
خوف من انو تتركوا لانو خدعها كان بيعرف وساق بالكزب
والتمثيل انتبه على صوت طقطقة الكعب رفع عيونو ليشوف
مريم بكامل اناقتها
وفايتة للمحل بقميص وبنطلون وشعر طويل ومفرود
:مریم صباح الخير سيد تميم
تميم: صباح النور
مريم: غريب اليوم مبكر ع غير العادة
تميم ما اجاني نوم
مريم بتكون ما اشربت قهوتك
تمیم: ای

- النص المستخرج من الصورة: 📝
K/
...
١:٤٠
ميم اي
:مریم: ثواني وبتكون جاهزة
رجع بذاكرتو صباحو الحلو مع اسيل وقت كانت تتشاقى عليه
وهو بموت على شي اسمو نوم وما تخلي مجاكرة ما تمارسها
معو مرة تسحب لحرام او تنفخ بادنو او تضل تبوس فيه
ليصحى
غمض بقهر
تميم: لازم كلشي يزكرني فيكي اوف اسيل وصلنا لطريق
مسكر وكأنو لا اهلك ولا حتى اخواتي ناويين تنحل كل واحد
عم يشلف كلمة او يعمل عقبة لحتى ما نرجع بس انتي لازم
تكوني واعية وتتركي كلشي وتجي تعيشي معي بس على شو
ناوي ابوها يا ترى
رجعت مريم وحاملة القهوة ومبتسمة حطتلو الفنجان
والكاسة وبقيت ماسكة الصينية
مريم بتريد شي سيد تميم
تميم: سلامتك
:مريم في تعليمات اليوم
تميم: في شوية فوضى بس تخلصي قهوتك بلشي رتبي
مریم: حاضر
هو ما اطلع فيها بس هي ما شالت عيونها عنو ابدا

الحلقة السادسة عشر
بقلمي:مايا الحجازي
الصبح ما اقدرت اتجلس من التخت مو مرضانة بس بدي اجننهن ليرجعوني لعند جوزي غصب عنهن سامعة اصواتهن شي عم يحكي شي بالمطبخ يا محلى هدوء بيتي لا لا مو بيتي بيت تميم اندق الباب ودغري فاتت ماما
ماما:ليكك صاحية ليش ما عم تساعدي مرت اخوكي
اسيل:ما دخلني بشغل البيت انا بس اكل بجلي الي اكلت فيهن
ماما: اوف شو صايرلك اليوم
اسيل:هيك جاي عبالي اتحوين الكن عندي
عابد:شوفي ماما
ماما: راكبها عقل لجنان اليوم
عابد:شوفي اسيل
اسيل:ولاشي اخي بس ما جاي عبالي لا اشتغل ولا اكل ولا اي شي
عابد:اتركيها على راحتها
عمتي:تعالي افطري
اسيل:سكرو هالباب صرعتوني
طنشتهن ومسكت موبايلي اتسلى شفت تميم مسكر ودغري راسلتوا
اسيل:صباح الخير
شوي ورد
تميم: صباح النور شو صاحية
اسيل:اي اكيد هلا صاحي انت
تميم:ما اجاني نوم بالمحل انا
اسيل:مابدي اعطلك
تميم:كيف خطرت على بالك
اسيل:طول الليل افكر اديشك شاطر بالتمثيل
ودغري اتصل رحت اوقفت عند الشباك ورديت
تميم:شو الحكي الاخير الي كتبتيه
اسيل:ازعلت
تميم:لا بس ما افهمت
اسيل:ما اشطرك بالتمثيل بس حلو مشوار الدكتورة بالاخص وقت ما تحرك ساكن وتعصب على الرايح والجاي
تميم:بشو بتفكري بالزبط
اسيل:بخداعك الي
تميم:شو خطرلك
اسيل:لا ولاشي بس انا مجبورة اكون عالة على اهلي وانت السبب بس هيك مضطرة اصحى على ضجتهن وعلى اوامرهن وعلى نظرات مو مجبورة اتحملها هلا طمني عنك مبسوط
تميم:بس تروقي منحكي
اسيل:😂ماني معصبة ولووو بس عنجد منيح الفصل الي عملتو فيني هلأ ازا بينك وبين حدا تار واجيت اخدتو مني بيختلف الحكي
تميم:شو بتخبصي انتي روحي صحصحي بعدين ارجعي احكي
اسيل:😭لا مابدي ارجع احكي معك شو مفكر حالك بتمون عليي والله يا تميم ازا ما بتيجي اليوم وبترجعني لا تلوم الا حالك انت خططت وانت بدك تتحمل
تميم:بدك ارجعك وانتي بهالنفسية
اسيل:😭كتير تعبانة تميم
تميم:طيب لا تبكي خلص فيني اشوفك اليوم
اسيل:تعال لبيت اهلي منحكي
تميم:مستحيل شو بتحكي انتي
اسيل:😭لكن كيف بدك ترجعني
تميم:انتي تعالي لعندي
اسيل:بدك تتنازل وتجي
تميم:..
اسيل:غير هيك احلم تشوفني
تميم:شو انا مجنون لاجي لك اسيل
اسيل:هيك صار الحكي ما بدك تجي
تميم: خلص انا بحلها ولايهمك
اسيل:انا اليوم مابنام ببيت اهلي عم تفهم
تميم:شو كبسة زر هي
اسيل:ليش كزبت عليي من الاساس وبدك اياني انا اتحمل نتيجة خداعك
تميم:حاجتك وليه انا مو متحمل حالي جاية تحكيني هالحكي
اسيل:...
فصلت الخط وانهرت من البكي
.............
كان ناطر عابد برى المحل وشافوا وقت وصل وصفط سيارتو نطرو لحتى فات للمحل وراح يحكيه واول ما شافو عابد طنشو
تميم:صباح الخير
عابد:اهلين والله
تميم:شو مافي تفضل
عابد:اتفضل اكيد بس ليكون جاي تهددني
تميم:لا ما اجيت اهدد حدا واصلا كل الي عم يعملو وسيم ما دخلني فيه شو مشان رجعة اسيل
عابد:هلا انت اجيت طلبتها مني ولا من اهلي
تميم:لا تعملي فيها ما دخلك
عابد:ما دخلني وبعدين انت مانك صغير لنقول انضحك عليك في حال حدا اقنعك تخبي على اسيل وانا مو مع انو بابا يروح يجيبها انا مع انو اسيل يكون عندها عيلة لانها حدا بيستاهل
تميم: هاد اللعي الفاضي كلو ما بهمني انا بدي ارجع اسيل
عابد:مكتب عمك وبتعرفوا
تميم:كيف بدي اروح لعندو وهو فايت طالع يهددني وحتى ما عم يحترم حدا
عابد:متل ما اخوك اجى وهددني
تميم: لسى بيحكيلي اخوك ما بعتت حدا والله
عابد:يا تميم انا شو بيطلع بأيدي اعمل
تميم: ازا مشان وسيم انا رح احكي معو وبدي منك تحكي مع ابوك وتقنعو
عابد:يعني مو عمك وانت ما بدك تتنازل وتيجي وتعتذر
تميم:اعتذر على شو
عابد:على خداعك لبنتنا
تميم:ليك والله مالي خلق عند هالصبح شو طلباتكن انتوو
عابد:ماعنا طلبات اتفاهم مع ابوها على قولتك
تميم:بس هيك
عابد:اي وياريت تخلي وسيم يحل عني بلكي عنجد صار ورجعتلك مو حلوة العداوة نحن جيران
تميم:ومو نسايب
عابد: امبلا نسايب
طلع مقهور من عابد ولايمكن يروح يجابه ابوها بس صار لازم يتحرك لانو اسيل الي عم تدفع ثمن الخداع
.......
عابد:هو مو شايف انو كل لهجتو تهديد شو بصير ازا اجى وحكى مع بابا بادب واحترام مابعرف شو النهاية بس اسيل الي عم تدفع الثمن مو هو
.......
كنت سامعة حكيهن عم يوصوا رهف بالبيت
بابا:نحن رح نطول ومارح نتغدا هون
ماما:متل ما وصيتك
عمتي:شو صغيرة اسيل يعني
بابا:اوعك رهف
رهف:خلص ولايهمكن
تسكر الباب وارتحت كتير كنت محتاجة هالهدوء من زمان وقت كنت ارجع من دوامي واخد دوش بارد واتمدد بالصالون واتنعم بالهدوء والراحة
ووقت يرجع تميم يستمر الهدوء واوقات يطلب اكل جاهز ونقضي يومنا نايمين بالغرفة ماكان في ملل ولا روتين وباخر الليل نطلع نتمشى وعلى مناقرة ومزح وضحك وقت وصلني مسج دغري اخدت الموبايل

تميم:روقتي
ما رديت عليه اتصلت ب روان مع انو اخدت منها موقف بس دغري ردت
روان:لااا في غلط بالاعدادات او الاسم
اسيل:كيفك روان
روان:مشتقتلك يا دبة
اسيل: وانا كمان شو كيف الوضع عندكن
روان:من انو ناحية
اسيل:اكيد ماحدا طايقني
روان:بالعكس كلهن معك
اسيل:ووسيم؟
روان:شو بدك فيه هاد غاوي مشاكل
اسيل:وكنانة
روان:كنانة مبسوطة لانو خلصت قصة حبكن ومابقى تتحسر على روتين حياتها مع جوزها
اسيل:وتميم
روان:تميم مبين عليه التعب
اسيل:ما كنت رفيقتك لهيك خبيتي عليي
روان:شو احكيلك انتي بتريدي يكون الي يد بخربان بيتك
اسيل:بس كان لازم خبرتيني كنت ما وصلت لهون
روان:هاد يا روحي الحكي ل تميم مو الي مو هو زوجك ولا بس زوجك لشغلات وشغلات
اسيل:هيك صار الحكي
روان: بعرف انك رح تزعلي بس انتي عم تحاولي تنسي مين السبب الاساسي وتبلشي تلومي غيرو لانك بتحبيه
اسيل:معك حق كيفها رنومتي
روان:اشتقتيلا
اسيل:كتيرر اشتقت لخدودها زوريني انتي وياها
روان: دخيلك والله مافيني وسيم متحطت عليي بدون سبب كيف ازا زرتك انت تعالي لعندي
اسيل:اي بالاحلام لكن ليكون عطلتك
روان:لا ابدا بدي ابلش اطبق الطبخة
اسيل:لكن بحكي معك بعدين
روان:ماشي ديري بالك على حالك
اسيل:ولايهمك
......
الحلقة السابعة عشر
بقلمي:مايا الحجازي
سكرت لشوف شو باعتلي تميم
تميم:ليش مطنشة رسالتي كيف بدك نرجع وانتي مو متحاكيه ردي اسيل
اسيل:تعال لعنا هلأ
تميم:مابدي
اسيل:بحكيلك تعال
تميم:لا تحلمي افوت بيت اهلك
اسيل:اي لكن انسى اني مرتك
تميم:لا تجننيني اسيل
اسيل: بتجنن بلد بس افهمت منك ولايمكن تجي لبيت اهلي
تميم:انتي بدك المشكلة تزيد
اسيل:لا اكيد انت تميم خلص معاد بدك اياني
تميم:كيف خطرلك انا اصلا مابدي غيرك
اسيل:حب ولا تمسك
تميم:...شو رأيك انتي او قلك مافي وحدة رح تقبل فيني هيك منيح لهيك مابدي غيرك قبلانة فيني بعيبي
اسيل:لا مو هيك قصدت
تميم:انا بشوف انو مافي داعي نضل نحكي لانو ما عم نتفاهم من بعيد
اسيل:انت مابدك تيجي
تميم:تعالي انتي
اسيل:انسى
تميم:متل مابدك
اسيل:بدك تحل المشكلة صح
تميم:اعطيني حل بيرضي الطرفين
اسيل:تجي وتحكي مع بابا
تميم:اي لكن اوصلتي
اسيل:ليش مابدك
تميم:مابدي احكي مع ابوكي وفشر احكي واترجاه
اسيل:لكن انت عم تنهي العلاقة
تميم: انتي وحدة غبية اسيل
هالكلمة خلت كل جسمي يرجف نفسي ضاق كنت عم اخد نفس وعيوني عم يذرفوا دموع
اتصلت لانو مابقى شفت بعيوني
اسيل:معك حق غبية لاني علقت حالي بواحد متلك اناني فوق ما انت الغلطان عم تحكي اني غبية .... غبية لاني حبيتك واوثقت فيك وعم اعمل المستحيل لنرجع يلا روح اتعرفلك على وحدة ذكية متلك انانية وراسها يابس وكملو بعض
فصلت وضليت عم ابكي
.........
ما لقى حالو غير قدام بيت جلال اتصل فيه
تميم:كيفك جلال
جلال:تمام كيف خطرت عبالك
تميم:بدي احكي معك ضروري
جلال:انا بالبيت
تميم:انا تحت ناطرك
جلال:ثواني بس
شغل الراديو ليتسلى لينسى كيف غلط على اسيل بس كان منفعل لانو مو متخيل يدوس بيت اهلها بعد الإهانات الي توجهتلو من ابوها
ابو عابد:مفكر حالك رجال ... مو مشان عيوبك صفاتك يا مخادع لا تحلم بظفر اسيل
تميم:بلا هاد رجال بدو الواحد يتناقش معو
والصدفة يسمع اغنية والله كتير اشتقتلك وما عم اعرف اوصلك عليي بعدك ضاق الكون حلك ترجعلي حلك
نصوص للصوت ع الاخير
تميم:كان ناقصني بس هالاغنية
وقت شاف جلال حس براحة نفسية فتح السيارة وقعد بجنبو
تميم:كنت نايم
جلال:لا عم نشرب قهوة
تميم:بالهنا
جلال:شبك ولوو افردها بقى
تميم:انا بدي احكي اسمعني وبس
بلش يسرد عليه وجلال متعاطف معو ومتعاطف مع اسيل اكتر
تميم:بس انا ما قصدت انها غبية بالمعنى الحقيقي للكلمة طلعت معي لانو قهرتني انا بحكيلا لبيت اهلك مارح اجي وهي تحكيلي بدك تجي ماعم تفهمني مابدي اواجه ابوها واحد اهاني ومسح بكرامتي الارض بالبناية انت ماشفت كل الجيران التموا والشاطر الي بدو يبتسم او يتفرج ومتأكد سيرتي على كل لسان وما عدا نظراتهن كل ما التقي بواحد منهم على باب البناية عم تفهمني جلال
جلال:اي بفهمك بس لا تحط الجيران حجة يتطلعوا ويشمتوا انت الك ب اسيل ولو يا تميم هي عم تعمل المستحيل وبيكفي انها بدها اياك وما اختارت تطلق مشان مو قلة الضنا مشان خداعك وانت جاي تحكيلي كرامة وإهانة لازم كرمال عيونها تروح لعند ابوها وتستسمح منو وتفتح صفحة جديدة
تميم:شو يعني
جلال:ترجع تدق باب الجماعة من اول وجديد وتفتحو صفحة جديدة
تميم:انت شو عم تحكي جلال
جلال:انت اجيت تستشيرني لانك مشتت وانا مرتاح نفسياً ولقيتلك حل مناسب وبيرضيكن
تميم:هاد الحل بيرضي اهلها
جلال:ساعة الي بترجعلك احبسها عندك وخلص الحل بين ايديك تميم

تميم:مو طايق ابوها يا زلمة
جلال:اجبر حالك لو نص ساعة وبعدها بترجع المياه لمجاريها
تميم:بس لازم افكر
جلال:فكر اد ما بدك بس لازم اليوم تراضيها مو قلت اتأثرت من كلمتك الي ما حكيتها بقصدك
تميم:..
اطلع ب جلال بحقد
جلال:شبك ولووو
تميم:بحسكن مبسوطين بلي صاير معي وبالدليل كل ما شكيت لحدا عم يزكرني بأخطائي وعيوبي ما واحد عرف بزعل اسيل والا حكالي انا نصحتك انت كان لازم صارحتها انت اهنتها انت واحد منحط ومخادع
جلال:طول بالك مو هيك قصدي مو منيح تنام اسيل وزعلانة منك واصلا لازم هلا تروح وتراضيها الواحد بلحظة غضب بيحكي شي مو قاصدو وانت اتهور وروح لبيت اهلها وحل الموضوع
تميم:شكرا جلال
جلال:هههه خلص ولووو يا امي شو لئيم
تميم:كملت قهوتك
جلال:😂وعم تقلعني يا ابن ال..
تميم:مشانك انا
جلال:على كلا جاهز بالخدمة كل الوقت😂
ودعوا ونزل بس تميم رجع للبيت مو شايف الطريق وعم يحاول يزبط موعد لزيارة اهلها.
........
بالمطعم كانوا عم يتغدو
نجاح:اي ابو عابد شو مشان اسيل
ابو عابد:هالزلمة مالو عنا شي ويروح ينطح راسو بالحيط
ام عابد:بس شفت اسيل حابسة حالها بالغرفة
ابو عابد:ازا مات حدا بعز علينا منزعل شهر بالكتير رح تزعل وترضى
نجاح:بس مو حلوة تطلق بنتك لساها ما طبقت ال٢٥
ابو عابد:اي ومابدي يفوتها القطار وتطلق كبيرة وتاخد ختيار
ام عابد:انت ناوي تجوزها
ابو عابد:الا ما يندق بابنا وبكرى اسيل اول ما يصير عندها اولاد رح تعرف انو عملنا كلشي لمصلحتها
نجاح:اي والله الضنى غالي بس كمان جوزها منيح
ابو عابد:انتي لمنيحة من وقت ناسبناه تخيلي ما بفوت بيتنا الا بالزور سكتنا وما حكينا وبكشف انو ما بجيب اولاد وكان بيعرف يعني خطبها وتزوجها ولا عبالو يحكيلا ولا وقت حكالها راح عمل اجراء عادي وع اساس ماكان بيعرف بلا عليكي نجاح هاد المخادع فيه الواحد يأمنلو
ام عابد:وفوق كل هاد بتحبو
نجاح:والله عملتو ناقصة مع انو الي بشوفوا بقول عنو اكابر وابن عالم وناس
ابو عابد:وازا مفكر نفوذ عمو فيه يخوفنا بكون غلطان
نجاح:بدك بنتك تطلق
ابو عابد:وغير بطلاقها ما بقبل
نجاح:واتخيل فتح معكن صفحة جديدة
ابو عابد:هو يسترجي يعتب باب بيتي لكن انا مو شامم ريحة الاخلاق والاحترام وبروح لعندو بيهددني وبيضرب على الطاولة وما احترم اني ابو مرتو موضوعو انتهى والله لخليه يحلم بظفر اسيل
نجاح: مابعرف كيف الناس جانة ع الاخير
ام عابد:وين كان مخبي كل هالحقد
ابو عابد:يلعنوا من بين لرجال
ام عابد: ومشان اسيل اقنعيها نجاح احكيلا انو لولاد اهم من الزوج
نجاح:بس والله زوجها منيح معها
ابو عابد:لا منيح ولا بطيخ بدو وحدة تقبل فيه بعيوبو وملاقي اسيل على كيفو قلبها طيب مو متلو حقود ولئيم واناني.
ام عابد:الله يهديها وتعرف الصح من الغلط
ابو عابد: ويحل عننا هالمنحط ونخلص منو
نجاح:لا حول ولا قوه الا بالله احسن شي
.........
الحلقة الثامنة عشر
بقلمي مايا الحجازي
وعند وسيم كان مع شلتو ومبسوط لابعد الحدود
وائل: اي وسيم كنت تقول في مفاجأة بالسوق
وسيم:بدي نبلش نرمي عابد بحجارنا وهيك بيصفالنا الجو وبدي همتكن شباب
مؤيد:اي قول من وين بدك من اول المحل ولا من نصو ولا ع الاخر
وسيم:لا بدي اياه يتلقى الصدمات اول باول بدي تنكسر واجه المحل بالاول وخليه يزبطها وبعدين بدي اسرقلو اكتر من نص لبضاعة واحكي مع التاجر مابقى يتعامل معو
مؤيد:😂من وين خطرتلك ولووو
وسيم:لحتى تعرفوا وممنوع حدا ينافسنا
مؤيد:طيب شو وضع اخوك
عبود:اخوه ولوو
وسيم:نحن مشكلتنا مع عابد
وائل:هيك بتصير الواجهة النا
وسيم: يا عيني عليك وبدي اضل وراه ليترك هالمصلحة
وائل:اي زوقوا بلدي نازع اسم السوق😂
مؤيد:ايمتى بدك
وسيم: بكرى اليوم خليه مروق حرام
.......
ليلة مضت على اسيل وتميم متل الكابوس لتنين عايشين على الذكرى تميم بالندم غرقان واسيل بالبكي والاهانة الي ما قاصدها تميم
......
اول ما فتحت عيوني نقزت لانو عمتي عندي اتجلست اريح حالي متكسرة
عمتي:صباح الخير
اسيل:صباح النور
عمتي:شبكي ليش مختفية من مبارح
اسيل:مابعرف مو جاي عبالي اعمل شي
عمتي: هلا شيلي كلشي على جنب جاوبيني اسيل بصراحة
اسيل:عند بكرة الصبح
عمتي: الموضوع مهم
اسيل:هاتي لشوف
عمتي:انتي بدك ترجعي لتميم وقبلانة فيه
اسيل: بلشت اغير رأيي
عمتي:ازا بتحبيه اوعك تخسريه
اسيل:اروح اترجاه
عمتي:لا انا رح اغطي عليكي بتروحي لعندو وبتفهميه ازا بدو اياكي يجي ويراضي ابوكي
اسيل:😂انا غبية لاحكيلو هيك
عمتي:ليش عم تضحكي
اسيل:انا بدي اروح بس مو مشان يرجعني بدي افهم منو شو نهاية هالمشكلة واكيد رح تنتهي يا اما طلاق يا اما تفاهم
عمتي:اوعك تخلي حدا يقرر عنك انتي شايفة ابوكي وامك متفاهمين واخوكي ومرتو ولا عبالهن هلا لساتك ضيفة عندهن بعد فترة رح تصيري تطلبي رضا العيلة حتى رضا اولاد اخوكي بينما ازا ارجعتي ل تميم رح تضلي مدللة وضيفة والك قيمتك

اسيل:هيك قولتك عمتي
عمتي:اي هيك وانا جربت هالشعور كنت اموت من قهري واسمع اخي يتغزل بمرتو ونازل يدللها مع اني ما أظهر الغيرة بس الكل يتحايدني خافوا احسدهن ابوكي طلع للمكتب واخوكي راح للمحل وانا وامك عندنا صبحية عند جارتكن
اسيل:ماشي
تركتني اجهز حالي كنت مشتته ومتأكدة روحتي لعند تميم مارح تجيب نتيجة بس على الاقل اليوم رح ارسي على بر
.........
كانت امو وكنانة عم يجهزن حالهن لزيارتو
.......
تميم كان بالمحل وعم ينزل بضاعة جديدة
......
ام عابد ونجاح بزيارة جارتهن ورهف ببيت اهلها زايرة
......
وقت فتت للبيت حسيت براحة نفسية مابعرف شو سببها ريحة تميم الي معششة بالبيت ولا اقامتي هون كانت من احلى ايام حياتي
كان البيت فيو كركبة شكلو تميم سهران على الدخان شي مو طبيعي الكمية الي شاربها والمطبخ كلو فنجانين قهوة منثورة على الرف رحت للغرفة لاشوف لتياب منثورة هون وهون مسكت قميصو واستنشقت من ريحتو اوووف تميم ساحرني اكيد وعشرة هالسنتين ما بيهونوا عليي
بعتتلو صورة ل غرفة النوم وكانو مداوم على الموبايل
تميم:وينك انتي
اسيل:ناطرتك تعال
سكرت وبلشت اغوص بالذكريات حرام ينكب كل هالحب ويروح بغمضة عين بس الي طلع معو انا غبية انا بفرجيه
اسمعت طقات المفتاح وضليت بمكاني اول ما فات للغرفة سدء اني عندو
تميم:اسيل عنجد انتي هون
اسيل:معك حق تستغرب وحدة حكالها جوزها غبية وبتيجي لعندو
سكر الباب واجى قعد جنبي
تميم:اكيد ارجعتيلي
اسيل: لا يا روحي بالاول بدك تيجي لبيت اهلي وتراضي بابا
تميم: انتي عم تعقدي الموضوع
اسيل:لكن طلقني
دغري اوقفت رجعني وخلاني اقعد
تميم:طيب اطلبي طلب تاني
اسيل:انا مو غبية عم تفهم
تميم:والله طلعت بدون قصد ما لحقت أعدل الرسالة
اسيل:معك حق تشوفني غبية
تميم:والله اذكى منك مافي بس كمان طلباتك تعجيزية بس خلص حاضر بامرك اليوم جاي ورح اتناسى كل الاهانة وبدي اعتزر من ابوكي ولا يهمك حبيبتي
اسيل:عنجد تميم
تميم:والله ما بصير غير الي بدك اياه انتي مو مشتاقة الي
اسيل:انت طفيت الشوق بكلامك العصبي
تميم:انا متهور شوي بس والله ما عندي اغلى منك بعدين انا بعرف التسامح لازم بين كل تنين بحبو بعض
اسيل:بس هي اول واخر مرة بتغلط فيها عليي انا ما نمت من هالكلمة
قرب من خدي وباسني
تميم:انا ما بتحمل اكون سبب زعلك
اسيل:يعني اليوم رح ترجعني
تميم:ما رح تنامي الا بحضني
اسيل:شفت اديشني منيحة
تميم:واحسن مني كمان شو رايك بفنجان قهوة
اسيل:بالصالون
تميم:وين ما بتحبي .
راح للمطبخ وانا رحت للصالون استناه رجع لعندي مبين مبسوط .
اسيل:شو تميم كأنك مبارح متغدي ومتعشي دخان
تميم:من الملل والله بتعرفيني بنفخ تنفيخ
اتأملت الكومة الي منفخها
اسيل:ما شاء الله هيك تنفيخ منيح ما اشربت بعمق
تميم:شو بدك انتي الك عليي ما تشمي ريحة الدخان ابدا عليي
اسيل:اي بعرف كنت ملتزم الله يرضى عليك بس انا مو متدايقة من ريحتها انا مابدي تدمنوا هاد كلو بلاوي وأمراض
تميم:بيحمي من الجلطات اسأليني الي
اشربنا القهوة
تميم: مبارح ضليت على نفس الوضعية وكتير ظهري مكسر تعالي اتمددي جنبي
اسيل:بس بدي نتفاهم
تميم:وانا بدي نتفاهم ونحن بحضن بعض
......

الحلقة التاسعة عشر
بقلمي مايا الحجازي
اتمددو سوى وغمرو بعض كان عم يبوس جبينها
تميم:سامحيني حبيبتي
اسيل:سامحتك يا روحي تميم ليش انا ما بعرف كيف اتعرضت للحادث
تميم:لانو انا ماني رجال
اسيل:بلا هاد حكي
تميم: بكره الي صار لانو
اسيل:بس من حقي اعرف
تميم:هالحكي بفترة مراهقتي كنت مدلل عمي لانو اسمي على اسمو اول شي ولاني بشبهوا كتير وانتي بتعرفي مكانتوو مافي داعي اشرحلك
اسيل:اي
تميم:وعطول عمي يجيه تهديدات بدون ما يعرف مين الي عم يهدد ويمكن الي عم يهددو مقرب منو لدرجة بيعرف انو انا اغلى ولد من اولاد اخوه عليه واجت الشغلة براسي كيف بدهن يحرقوا قلبوا غير عن طريقي كنت راجع من المحل بفترة الظهر واتجمعوا عليي تقريبا خمس رجال باعمار مختلفة وما استوعبت الا وانا عم اتلقى ضربات على كل جسمي واخر شي حكوه(سلملي على عمك)حكو هالحكي واختفوا من المكان بعد ما التمو الجيران عليي واهلي فزعوا كمان بس الصدمة يكون ابنهن المرتمي اسعفوني وصار الي صار
اسيل:وعمك عرف
تميم: يلعنوا من بين لعمام
اسيل:انت لهيك ما بتواجهوا ابدا
تميم:انا بعرف انو مو ذنبوا بس كمان بكرهوا لانو هو السبب وما اجاني من محبتو الا حرقة القلب والوجع
اسيل:انت ليش خبيت عليي
تميم:كان بدك احكيلك انا اتعرضت لحادث وصرت مو رجال
اسيل: بنظرك بس الرجال بجيب اولاد
تميم:وبنظر كل العالم ما كنت بدي تشوفي فيني نقص
اسيل:انت كامل مكمل مقياس الرجولة تميم مو بالخلفة بالمواقف بالصدق والامانة يعني بدك تقنعني كل حدا بجيب ولاد رجال

تميم:كان صعب احكيلك انتي ما عم تفهميني
اسيل:طيب ليش ما خبرتني بعد ما بلشت اطلب منك مراجعة دكتورة
تميم:اول مرة حكيتيلي هالحكي قلبي فز من مكانو وقلت بلشت اسيل توتر علاقتي فيها
اسيل:بس كان اختصرت علينا الي صار
تميم:كنت عايش بندم واخر شي توقعتوا يدرى ابوكي
اسيل:وبتجيبلي تحاليل ؟؟؟انت حللت ولا
تميم:بفترة الخطبة حللت كان بالنسبة الي بارقة امل رحت على امل اطلع غلطان وانو يكون تشخيص الدكاترة فيه غلط بس للاسف دغري اتلاشت احلامي وعشت بصراع احكيلك او ما احكيلك انا كتير مولدن
اسيل:لا حبيبي انت مو هيك انا بفهمك ومتأكدة انك كنت عم تعيش شعور سيء فكرت رح ارفض
تميم:كنتي رح تفكري الف مرة قبل توافقي
اسيل:انت حسبتها صح ودللتني لتكسب محبتي
تميم:دللتك مو لاحتفظ فيكي دللتك لاني بحبك لقيت فيكي مواصفات شريكة حياتي ابدا مو لغاية بنفسي وحققتها انا اي اناني بس حبيتك حب ما حبيتوا لحدا بس هيك حقك تزعلي وتشوفيني مخادع انا كمان ما عشت ظروفك وكنت احترق وقت اشوف رنيم بحضنك تلاعبيها وتبوسيها وتحني عليها اول مرة رحتي اشتريتلا فستان ليلتها من نمت انا ليلتها بكيت ردة فعلك وقت حضنتي الفستان كسرتني
دموعها انهمروا تميم اغلى من حالها وعم يسيلو دموعوا مسحتلو دموعو
اسيل:لا تبكي تميم اوعك تكسرني انا ما قصدت افتح جروحاتك أسفة حبيبي
تميم: انا ما ببكي على حالي انا بكيت لاني ظلمتك معي قربتك مني لانو بحضنك بحس بأمان انتي منحتيني حنية فوق الوصف بحبك بحب غيرتك المجنونة بحب اطباعك المرحة وقلبك الطيب حتى لو ما كملنا يحرم على قلبي يحب غيرك
كانو منفصلين عن العالم ولا حتى سامعين دقات الباب
.....
كنانة:ماما مو معك مفتاح البيت
ام سليم:اي
كنانة:شو ناطرة افتحي ليكون تميم صرلو شي
فتحت الباب وفاتت بالاول كنانة لتنصدم انو اسيل و تميم بوضع حميمي وشهقت بصدمة اجت امها وكمان نفس الصدمة بس لتنين اتجلسوا واسيل اتخبت وراه
تميم: انتو شو عم تعملو هون
ام سليم:والله مابعرف انو عندك حدا
كنانة:هااا البعد ما تحملتو اسيل
ام سليم:منرجع بوقت تاني
كنانة:خليكي متخبية اسيل 😂ومفكرين حالهم قد المشاكل بيت ابو عابد يجو يشوفو بنتهن ميتة على اخي
تميم:حاجتك لعي وليه
ام سليم:امشي نطلع
كنانة بضحكات بتشبه القهر:عوضها اخي انحرمت اسبوع وشوي
طلعت هي وامها كانت ام سليم مبسوطة انو اسيل عند ابنها ومو وحيد متل ما بتفكر
ام سليم:عيب عليكي وليه
كنانة:انت ما شفتي الي شفتو 😂
ام سليم:جوزها شوفيها
كنانة:لعمى وانا احكي اخي سايح ودايخ فيها يا امييي هالمنظر
ام سليم:اخرسي وليه
كنانة:اها لرجال بحبو المراة الجريئة😂وانا اقول جوزي مو متعمشق فيني بس كأنو الله جابني لحتى اعرف كيف اسوح جوزي
هربت قبل تدفشها امها وماعم يروح المنظر من بالها
..........
تميم:شبكي اسيل ليش خايفة انا جوزك
اسيل:لككك تميم كيف فاتوا للبيت
تميم:خلص ليش خايفة انتي نحن متجوزين شبكي
اسيل:يا خجلتي لك على هالموقف ياربي اموت وارتاح
تميم:خلص مو حرزانة تدعي على حالك اليوم جاي اصلح كلشي ولايهمك
اسيل:لك يا الله على هالموقف تميم انا ما توقعت هيك يصير
تميم:عم تزوديها
اسيل: انت عندك عادي يشوفونا هيك
تميم:الحق عليهن اسيل مو علينا نحن ببيتنا وهني الغلطانين ولازم يخجلن
اسيل:لازم ارجع للبيت انا حاجتي بهادل هالاسبوع
تميم:استني شوي انا بوصلك
اسيل:ياريت لانو مابدي اشوف اختك
تميم:...
تركني والخجل مكتسحني بس هو ولا هاموا ابدا رتبت حالي ونطرتو عند الباب
تميم:روقي مابدها كل هالخجل
اسيل:بحاول تميم بس ازا ارجعنا مابدي اشوف حدا
تميم: انتي مكبرة الموضوع خلص انسي
انزلنا بالمصعد واول ما طلعنا من الحارة شفت كنانة ومرت عمي حاولت اتجاهل كلشي وصلني لقبل البيت
تميم: لا تفكري كتير اليوم رح تنتهي كل المشكلة
اسيل:الله يسمع منك
انزلت بسرعة ودغري فتت للبيت واتخبيت بغرفتي متمنة اختفي من كل الحياة..
.....
وبالسوق ضجة وشرطة واجهة محل عابد محطمة والبلور على قد المكان وسيم بتحدي قدام محلهن والشرطة ما اخدتو شحطو وائل ودغري وسيم وعدو خلال خمس دقايق بكون برى السجن عابد معصب واجى ابوه بعد ما اتصل وخبرو انو الحرب بلشت بين العيلتين
.....
وعند تميم كان لابس وجاهز اشترى بوكيه ورد وبطريقو لبيت حماه متجاهل اتصال جلال واتصالات وسيم ومريم ولا هاموا الا يرجع اسيل
....
قل وداعاً حين تشعر ان المكان لم يعد مكانك
...
الحلقة عشرون
بقلمي مايا الحجازي
كان عابد مو على بعضو وبابا يرميني نظرات لا تفسر
بابا:شو بلاقيكي سهرانة معنا اليوم
اسيل:وين اروح
بابا:لغرفتك يلا
انسحبت ياريت تميم ما يجي شكلها مولعة مع بابا فتت للغرفة وضليت اتسمع