سلمى: بتقرب منها وبتغمرها بقوة يخليلي ياكي
فاطمة: ويخليلي ياكي ياروحي
سلمى: سامحيني اني بيوم زعلتك
فاطمة: مسامحتك وليه انتي اختي جدبة
سلمى: بتشد عليها وبينزلو دموعها ماانحرم منك يارب
فاطمة: وماانحرم منك ياعيوني بتطلع فيها وبتضحك امشي يلا حاج عواطف مشلخة
سلمى: بتضحك بخفة امشي
عند مجد بالشركة
زين: هيك منكون اتفقنا على يلي حكيته استاذ مجد
مجد: بيبتسم باذن الله
محمد: والله يلي شايفه انك حبيت مجد يازين أنا بعرفك مافي حدا بغيرلك افكارك وبتاخد منه افكار بس مجد قدر يقنعك
زين: لو ماشفت بعيونه إصرار انو يقنعني وبكل ذكاء ماكنت سمعت كلامه بس إصراره وكلامه الواثق منه خلاني ارضى ووافق على كلامه غير انو كلامه مزبوط
مجد: بيبتسم شكرا الك هي شهادة بفتخر فيها
زين: بيبتسم بتستحق النجاح والحب والرضا يامجد وبيتطلع فيه
مجد: بيبتسم بخفة تسلم
زين: بوقف انت صار لازم امشي تشرفت بمعرفتك استاذ مجد
مجد: الي الشرف استاذ زين
محمد: نورتنا استاذ زين
زين: بانتظار زيارتكن الي بالشركة
محمد: بأقرب فرصة مجد طلاع مع الاستاذ زين
مجد: حاضر تفضل استاذ زين
زين: بيبتسم وبيمشي وبيطلع وراه مجد
بيمشو وبوقفو برا الشركة
زين: بوقف وبحط ايديه بجيابه وبيحكي تشرفت بمعرفتك يامجد
مجد: بيبتسم الي الشرف استاذ زين
زين: بس حابب احكيلك كلمتين حتى لو رح تعتبرهن تدخل
مجد: تفضل ولو
زين: بيبتسم وبحط أيده على قلبه بخفة بهالقلب في ونيس ساكن يمكن جارح أو مجروح بس الحب يلي بهالقلب عم يحاول ينسى أو ينسي وبهالعيون شايف حب كبير عم يتخبى بين نظرات التحدي
مجد: بنزل رأسه ببسمة وبيتطلع بزين وبيحكي بتعب في ونيس جارح القلب وفي انسان مكسور كبريائه وكرامته وماعم يقدر ينسى أو مايحن
زين: بيضحك بخفة وبيمسح على دقنه بخفة وبيتطلع فيه بالحب مافي كرامة يامجد ولافي كبرياء بالحب في انت وهي وبس بدك تسامح وبدك تضحي وبدك تنجرح وتجرح بس اذا هالحب حقيقي رح يبقى ويحارب مع كلشي بصير مارح تقدر تهرب منه رح تلاقيه بكل مرة حاولت تهرب وتنسى قبالك
مجد: بس الجرح كبير يااستاذ زين جرح الكرامة غالي
زين: وانا رح قلك الحب هو أن اعاتبك وتعاتبني على أصغر الأخطاء وأن اسامحك وتسامحني على اكبر الأخطاء وبيبتسم
مجد: بيضحك بخفة انت شاعر ولا رجل اعمال
زين: بيغمزه بخفة أنا لتنين بالتوفيق يامجد الله يريح قلبك ويسعدك
مجد: تسلم يارب وانت كمان
برن موبايل زين
زين: بيمسك موبايله بكون جوري بيبتسم لمجد بالاذن وبرد على الموبايل اي جوري
جوري: بصريخ لك زين ولادك هلكونيي زينة عم تبكي و عم تسأل عنك وجمال كرهني عيشتي من خناقه هو وماجد وانا رح طق منهن ومشتيهة الفريز ومافي بدي ابكي والله
زين: بيضحك جاية حبيبتي جاية لعندك يارب احمل معي عندي تلت ولاد مو تنين وبيركب سيارته وبيمشي
مجد: بكون عم يراقبه ويضحك بخفة بيتنهد بحزن وبيتذكر سلمى
مجد: بيفرك عيونه وجبينه وبيعد على الدرج تبع ممر الشركة بيتنهد وبغمض عيونه وبيدفن رأسه بأيديه وبيتذكر لحظاته مع سلمى بتدمع عيونه بحزن وشوق بيرفع رأسه وبيمسح عيونه وبوقف وبيدخل على الشركة ليكفي شغله
عند سلمى وفاطمة بوصلو لقبل الحارة وبينزلو من التكسي عم يتمشو بقرب منهن خالد
خالد: مراحب
فاطمة: بتبتسم بس تشوفه اهلا اهلا
سلمى: بتطلع فيه بخجل اهلين خالد
خالد: بيتطلع بسلمى كيفك سمسم
سلمى: بتبتسم منيحة انت كيفك
خالد: بالف خير كيف صرتي
سلمى: تمام ماشي الحال
خالد: أن شاء الله دايما
سلمى: بتطلع بخالد خالد أنا بدي اعتذر منك اذا
خالد: ليه لتعتذري مني انتي ماعملتيلي شي سلمى أنا يلي بدي اعتذر منك اني قصرت بحقك باخر فترة بس انتي اختي والله بيشهد صحيح مجد رفيقي وأخي وانتي كمان اختي ومابفرط فيكي
سلمى: بتبتسم تسلم يارب
خالد: اي وين كنتو
فاطمة: بتبتسم كنا عم نربي كم قطة
خالد: مافهمت!
فاطمة: يعني رحنا انا واختي لعند يلي بدهن ترباية وعلمنا عليهن بكل كف بيعجبوك
خالد: بيتطلع فيها بأستغراب لوين رحتي فاطمة! مافهمت
سلمى: رحنا لعند شيرين وقمنا بالواجب معها بس
خالد: شو عملتو وشو اخدكن لهنيك
فاطمة: رحنا نفرجيها قيمتها واكلت نصيبها مني ومن سمسمة وبعدين للصدفة الله وقع البطيخ وجابه برجليه على الفيلة
خالد: بعصبية ليكون حاكاكن شي هالكلب بطلع بروحه والله
فاطمة: بتضحك يي يقبرني الرجال لا تخاف حبيبي بتغمزه قمت بالواجب مع وزيادة
سلمى: بتضحك كل مابتذكر كيف ضربتيه بضحك غصب عني
خالد: بيتطلع فيها ضربتيه
فاطمة: يعني تعرفت عليه بطريقتي كف خفيف بس
خالد: بايد ايد ضربتيه
فاطمة: بترفعله أيدها هي ليه
خالد: بيمسكها وببوسها اي ريتو يسلم ايديكي

فاطمة: بتضحك بخجل بس خالد
سلمى: بتطلع فيهن وبتبتسم
خالد: يعني طلعتي الكونفو حبيبتي عليه
سلمى: بس بتعرف وقت يطلع عليك أحلى صدقني
خالد: يستر عرضك أنا مسامحك فيهن
سلمى: اي كونفو
فاطمة: بحكيلك بعدين وبتضحك
سلمى: بتطلع فيه خالد
خالد: نعم
سلمى: فيني اطلب منك طلب
خالد: اكيد تفضلي
سلمى: بدي ياك تاخدني على بيت مجد
خالد: بيتطلع فيها بأستغراب انتي متأكدة!
سلمى: بتهز برأسها اي متأكدة
خالد: سلمى بلالك هالروحة يمكن مجد
سلمى: بعرف يمكن مايستقبلني بس بدي روح إذا بتريد
خالد: انا مابدي زعلك اكتر
سلمى: خالد أنا ماعاد يهمني بدي روح بتاخدني ولا روح دور عليه لحالي
خالد: خلص متل مابدك باخدك هلق ؟
سلمى: اي إذا بتريد
خالد: ماشي وانتي طمطم
فاطمة: أنا رح ارجع على البيت
خالد: تمام انتبهي على حالك
بوصلو خالد وسلمى لعند بيت مجد بوقف خالد
خالد: هي البناية الطابق التاني
سلمى: بتطلع بالبناية كيف اعد هون الحياة غربة بهالحارة مافي صوت ولا ضجة ولا حياة
خالد: حارة أكابر بيبتسم مجد اختار هيك مابده يسمع صوت حدا
سلمى: بتطلع فيه مجد هرب كرمال ما يشوفني
خالد: مابعرف شو قلك أو جاوبك سلمى مابدك تواخذي مجد على شي مجد مجروح كتير
سلمى: بتتنهد بعرف بعرف انو مجروح مني وبعرف اني اذيته كتير وبعرف انو بتسكت وبتحكي بغصة يمكن ما يسامحني ابدا
خالد: بحط أيدها على كتفها وبربت عليه الله بيفرجها اكيد رح يجي اليوم يلي يتصلح كلشي بدك تكفي ولا نرجع
سلمى: بدي شوفه خالد
خالد: بيتطلع بالساعة هلق بكون بشغله يمكن بس بالوقت بيرجع بدك تنتظريه
سلمى: اي بدي انتظره
خالد:طيب متل مابدك بوقف هو وياها بالشارع
بتوصل سيارة مجد عند بنايته وبوقف
خالد: بيتطلع من بعيد ليكه وصل
سلمى: بينبض قلبها وبيرتعش بتطلع على البناية بتشوفه كيف عم يصف السيارة هي سيارته!
خالد: اي الشركة يلي عم يشتغل فيها طلعتله ياها
بينزل مجد من سيارته وبوقف لما يشوفهن واقفين
خالد: يلا هي فرصتك امشي يلا روحي
سلمى: بتطلع فيه وبتهز برأسها وبتمشي لعند مجد
مجد: بسكر باب سيارته وبيجي ليطلع على البناية بدون مايتطلع فيها
سلمى: بتوقف وبتندهله مجدد
مجد: بوقف وما بيلتفت عليها
سلمى: مابدك تطلع فيني مجد
مجد: بيلتفت عليها وبحط ايديها بجيابه وبيتطلع فيها كيف خطرنا على بالك آنسة سلمى
سلمى: بتغص وقت تسمع صوته وبيتجمعو دموعها بعيونها أنا
مجد: بيتطلع فيها وعم يكابر على حاله ويتصنع القوة شو ليه أجيتي أنا بقلك ليه اجيتي كرمال تلوميني على يلي صار معك وتقولي مجد السبب بكلشي أجيتي تقوليلي حبك كذبة يامجد انت مابتحبني اجيتي لتقوليلي أنا مابحب انسان فاضي و
سلمى: بتطلع فيه وبينزلو دموعها وبتقرب منه لاارادياً وبتغمره بقوة وبتتمسك فيه
مجد: بوقف بصدمة وبيتجمد الدم بعروقه ماعاد يعرف يعمل شي
سلمى: بتشهق بقوة وبتتمسك فيه وبتهمس سامحنيي
مجد:بحس بشهقاتها عم تصدا جواته وتقطعله قلبه بس مو قدران يغمرها لقلبه عقله عم يمنعه بشد على قبضة ايده
سلمى: بتبعد عنه وبتطلع فيه بعيون مليانة دموع مابدك تحكي شي
مجد: بهز براسه بالنفي وبيحكي غصب عنه لا يلي عندي حكيته ارجعي على بيتك سلمى ولاترجعي لهون وبيمشي
سلمى: بتطلع فيه بصدمة وبتبلش تشهق وتاخد نفسها بصعوبة بتلتفت وبتطلع فيه وبتصرخ عليه انت كذااب
مجد: بوقف وهو كاتم دموع وعم يكابر على حاله
سلمى: مجد انت بتحبنيي ولسا بتحبنيي ومارح تبطل تحبنيي
مجد: بيلتفت عليها وبينزلو دموعه بقهر وبيلفظ حروفه أناا مابحبككك سلمى
#يتبع
#نبض_القصص
#شو_بيشبهك_تشرين

#الجزء_١٢
بقلم#سدرة_عزالدين
سلمى: بتطلع فيه بقهر وعم ترتجف وبتهز برأسها بالنفي انت كذاب بتحبني بتحبنييي مجدد
مجد: بيتطلع فيها وبيتركها وبيطلع بسرعة على بيته
سلمى: بتصرخ وبتضرب برجلها بالأرض كذاااب كذااب بتحبنيي بتحبنيي وبتوقع بالأرض هي وعم تبكي ومنهارة
خالد: بقرب منها وبيركد وبينحني وبيمسكها من كتافها سلمى اهدي اهدي
سلمى: عم ترجف وتحكي عم يكذب عم يكذب
خالد: بعرف بعرف قومي تعي يلا بيسندها وبقومها
سلمى: ماسامحني بتشهق ماسامحني
خالد: بيتطلع فيها وبحالتها بيزعل عليها طولي بالك واهدي تعي يلا
عند مجد
بيدخل على بيته وبسكر الباب بقوة وبيشلح جاكيته بقهر وبزته بقوة وعم يمشي بسرعة بالبيت وماله عرفان يكتم يلي جواته ولا يطلعه بوقف بالنص هو وعم يلهث وانفاسه عم تتخابط ببعضها وعم يحكي بصوت خافت أنا مالي كذاب أنا مالي كذاب وعم يعيد الجملة ويتحرك بحركات عشوائية بالبيت بحط أيده على رأسه بقوة وبصرخ أنا مالي كذاااب ولكك ااااااااخخخخ وببلش يزت لمخدات بقوة على الأرض وبيرمي الطاولة بقوة وهو عم يصرخ ودموعه عم تنزل وينهمرو بقهر بيعد بالأرض لك انا بحبك بحبك وماعم بقدر شيلك من جواتييي وبيضرب على قلبه ورأسه طلعي مني تركينيي تركينيي بيضعف وبيبكي متل الولد لصغير وبيهمس لاتتركيني لا تتركينيي
عند سلمى بوصلها خالد على بيتها وبتدخل هي وساكتة على غرفتها
هناء: شبها سلمى خالد ووين كنتو
خالد: رحنا لعند مجد قلتلها بلاها بس ماقبلت
ناهد: بتطلع فيه وشو صار مجد شو عمل
خالد: خالتي ابنك وبتعرفيه بس ينجرح ما بيرجع بسهولة يعني بدل ما يتصلح شي خرب اكتر
ناهد: لاحول ولا قوة الا بالله
هناء: بتطلع بناهد وين كنا يااختي ووين صرنا
ناهد: اخخ يازمان اخخ
خالد: بدكن شي انا بدي شوف مجد
ناهد: الله ييسرلك ياابني طمني عليه برضاي عليك
خالد: بتامري خالتي يلا بالاذن وبيمشي
عند سلمى
سلمى: بتدخل هي و ساكتة وبترمي حالها على تختها وبينزلو دموعها بصمت وعم تطلع بالسقف بسكون
بوصل خالد عند مجد وبيطلع وبدق عليه الباب
مجد: بيرفع رأسه من على أيديهه وبوقف بتعب وبيمشي وبيفتح الباب
خالد: ساعة لتفتح استاذ
مجد: بلف ضهره وبيمشي بدون مايحكي
بيدخل خالد وبسكر الباب وبيتطلع بحالة البيت
خالد: شو كان في حرب الزير هون ولا شو
مجد: دخول بلا هضامتك مال ناقصك
خالد: تمام فهمنا انو مزاجك مضروب أو كلك مضروب ايمن جاية وراي ها
مجد: دخول عميل فنجانين قهوة لكن وبيعد على الكنباية
خالد: اي بتأمر سيد راسي أستغفر الله وبيمشي
بيوصل ايمن لعند مجد وبيطلعو كلهن على البرندا اعدين عاملين قهوة وساكتين
مجد: بيتطلع بأيمن معك سيجارة ؟!
ايمن: بيضحك بخفة اي معي
مجد: هات وحدة
ايمن: اي تكرم
خالد: شو اي تكرم انت وياه بدك تدخن مجد
مجد: لا بدي اكلها مستوى الفهم عندك متدني هالايام هات خلصني
ايمن: تفضل شعلك ياها
مجد: بتعمل معروف
بشعلو ياها وبيعطيه ياها
مجد: بيمسكها وبيسحب منها وبيزفر بقوة وبيسعل
خالد: بيتطلع فيه يلي بدو ياكل هوا بيحمل معلقة حجي وحمار تدخين وعم تنضرب تتزهرمه
مجد: بيتطلع فيه بضيق خالد مالي ناقصك حل عن كتفي
خالد: لا مابدي حل عنك شو عم تعمل بحالك انت ليه هيك ساويت مع سلمى وليه مضروب عم تعيش اكتئابك بعيد هون وليه عم تكابر وليه
مجد: بصرخ عليه اييي ضروب فراام شبك نبحتت
خالد: لانك ماعم تعرف مصلحتك وين ماشي بغباء وبس
ايمن: اهدو ياشباب مو هيك القصص بتنحل
خالد: بعصب عليه من يوم ورايح هيك بدها تنحل مالك شايف حالته وين صار لك من ايمتى مجد بدخن مرقت عليك مصايب اكبر من هيك ولا مسكتها ياحمار ليه عم تعذب حالك وتعذبها معك ليه اجت لعندك لهوون وانت ضليتك عم تكابر ممكن تفهمني ليه
مجد: بصرخ عليه وبزت السيجارة من أيده بقوة لأنها انانيةةة مااجتت لتخبرنيي شي غير أنها تتأكد اني لسا بحبهاا اني لسا حمار وبحبهاا اي اي أنا حمار وحيوان بتعرف ليه لاني لهلق بحبهاا ماسمعت منها كلمة وحدة تخليني اغفرلها يلي حكته بهداك اليوم ماحكتليي كلمةةة تجبر يلي كسرتهه بيتطلع فيه بعيون حمرة وعروق رقبته بتبرز بقوة من ضغطه على حاله بينزلو دموعه وبأشر على قلبه قلبيي يلي نكسرر قلبيي ومع هيك بحط أيده على عيونه ليخفي دموعه بيحكي بكسرة بحبهاا لسا بحبهاا وبيبكي بحرقة وكسرة خاطر
ايمن: بيتطلع فيه بحزن وبيتطلع بخالد
خالد: بيزفر بضيق وبيتنهد وبقرب وبيعد جنب مجد ابو الجود ماقصدي أنا والله عم بحكي من زعلي عليك بس ولاه روق شو صرلك تطلع فيني ابو الجوود بيرفعله رأسه بايديه لا تزعل يازلمة
مجد: موجوع يااخي والله موجوع
خالد: بيحضنه بقوة بعرف والله بعرف بس بدك تكون اقوى من هيك يلي بحب ما بيقسى وانت حنون

مجد: بشد عليه وبيمسح دموعه وبكابر على حاله وبيتطلع فيه صح يلي بحب مابيقسى بس يلي بينكسر بيقسى وبيجرح لا تلوموني اكتر لا توجوعني اكتر فكرك يعني قلبي مانحرق وقت بغص غمرتني وماقدرت اغمرها لقلبي بس دعست على قلبي مابدي انكسر مرة تانية منها مابدي بدي خلي صورتها الحلوة بقلبي مابدي شوها اكتر ماهي شوهت حالها بنظري
ايمن: بس سلمى بتحبك هيك مبين عليها
مجد: بهز براسه بالنفي سلمى بتحب حالها وبس بيتطلع فيه سلمى لما حست بقيمتي بحياتها رجعت بدها ياني بس لما كنت جنبها ماكانت عاطية لحبي اي أهمية وهي بتعرف اني بحبها وهلق بعد ماخسرت كلشي رجعت بحسابها وعرفت انو حياتها بدون وجودنا ولاشي سلمى طلعت من توبها وماعاد قدرت ترجع
ايمن: أنا برأيي انكن انتو لتنين تضلكن بعاد عن بعض لحتى تقدرو قيمة بعضكن لان مارح تعرفو قيمة بعض غير لما تبعدو عن بعض انت عم تكابر وهي عم تكابر بس يلي شفته أنكن بتموتو على بعضكن وبيبتسم
خالد: وانا هيك رايي خليكن بعاد وريحونا
مجد: هو هيك حيصير
ايمن: خسارة فيك الدخان انت لك كبيت السيجارة ولسا باولها
خالد: بيضربه على ضهره وانت بطله ياحمار حاجتك اكل هوا
ايمن: بيضحك وعد مني بس لاقي شريكة حياتي لبطله
خالد: بيضحك عيش ياكديش
مجد: لينبت الحشيش وبيضحكو كلهن
ايمن: لك تضربو اي اصلا شو بدي بجنس حوا قال ما متت بس شفت مين مات قبلي واحد مجروح والتاني بياكل كفوف خليني هيك عصفور طيار شوفكن عم تتقلو قدامي وانا مبسوووط
خالد: بيضربه على رقبته معناها قوم كالعصفور وعميل عشا قوم بدي احكي مع مجد بشي خاص
ايمن: ما بينحكى قدامي ابن عمي
خالد: لا كلام رجل الحريم مالازم يسمعوه وبيضحك
ايمن: وضريب اي تضرب منك اله قايم بيمشي هو وعم يحكي ااخ لو بتعرفو قيمتي بسس اخخ
خالد: بيضحك شوف كيف عم يحكي مع حاله
مجد: جننته انت
خالد: بيضحك وبيحكي بصوت عالي شو صار بالعشا يامراا
ايمن: برد عليه من جوا تكة ابن عمي وبكون جاهز
مجد: بيضحك تضرب انت وياه اي كرمال تكمل محاسنكن يعني
خالد: بيضحك لك ضحاك ماحدا اخد معه شي
بيمرق الوقت وبنامو خالد وأيمن عند مجد ومجد ما بيغفى بقوم من تخته وبيتطلع فيهن كيف نايمين بيبتسم وبوقف وبيطلع على البرندا وبوقف وبحط ايديه بجيابه وبيسرح بخياله ليهب طيف سلمى على باله وبيتذكر أيامهن سوا
#فلاش_باك
سلمى: وانا شايفة بعيونك
مجد: شو شايفة
سلمى: شايفة حالي ليه هيك منكوشة ويعليك كيف خليتني اطلع منظري بيخزي وقف شوي خليني أتطلع بشكلي بتطلع بعيونه بتركيز وعم تشوف شكلها بعيونه العسلية
مجد: بيبتسم بخفة وبيتطلع بعيونها وبشكلها بثبات وما بيرضى يرمش كرمال ما يخرب عليها نظرتها لنفسها
سلمى: بترتب شعرها وبتبتسم والله شكلي حلو بعيونك ها
مجد: بيرمش بخفة من تعبه وبتنرسم بسمة على طرف شفافه شفتي حالك بعيوني كيف طالعة
سلمى: طالعة احلى من لمرايا رح صير استخدمهن بدل لمرايا افضل
....
سلمى: بتلتفت بصدمة وبتضحك لك هاد انت تعال دخول
مجد: بيفتح الباب وبطلع الزبدية ترااررا
سلمى: ييي مجدد بوشار وبتركد عليه وبتمسك الزبدية وبتبلش تبوسها لك يسلم ايديك يا ماردي السحري يلي بتحققلي كل احلامي
.....
مجد: بيسند أيده على شباكها وبيتطلع فيها وبغني هو وعم يتأملها بحب وعيونه عم تبرق ورموشه مبللة بالمطر صوتك وجهك عطرك شعرك لمسة ايدك عم تندهلي شايف فيكي ام ولادي شامم ريحة ارضي واهلي عارف خلف البحر الازرق لما الشمس تموت بتخلق عارف انك عمري الجاية لما الماضي ببحرك يغرك بقول بحبك قلبي بيكبر وسع الكون ويرجع أصغر
#باك
مجد: بيبتسم بشوق وبحط أيده على قلبه وبيتنهد
عند سلمى
بتكون اعدة على مكتبها وماسكة دفتر مجد وعم تكتب ودموعها عم تشرح يلي جواتها وعم تتذكر كلشي مر بينها وبين مجد
بتكتب وعم تحاول تمسح دموعها
كان تواجدي بجانبك يشعرني بالأمان والطمأنينة كنت أشعر إن دفىء العالم بقلبي كانت تسعدني لحظاتنا البسيطة مثلاً ارتدائي لجواربك لاأشعر بالدفىء وجلوسنا بأستمرار في مكاننا المعتاد وهو المفضل لكَ وضحكاتنا اللامتناهية ونحن جالسين ونتحدث على أحداث برنامجنا المفضل .. وتضحياتك الدائما التي لا تنتهي .. تضحيتك بمعطفك لتدفئتي وتضحيتك لااخر بضعة نقود كانت بمحفظتك لتشعرني بالسعادة بأكلتي المفضلة وسهرك الليالي لتحقيق ذاتك لأجلي ولن أنسى صوتك الحنون ونظرات عينيك التي كانت تفيض بالحب الحب الذي لم ادرك قيمته في حياتي
ولكن كل هذه الأمور لم أكن أدركها عندما كنت متواجد بجانبي أدركتها حين خسرتك
لم أكن أعلم إني سأسميك الحنين لأيام مضت ولم تعد كنت اريد تحقيق احلامي وانت بجانبي ولكن خسرت أحلامي وخسرتك
كنت اريد تزويجك بفتاة أنا اختارها لكِ ابقى بجانبك وانا ادرك تماماً انكَ انت مغرم بي لااعلم ماذا كنت اريد في ذاك الوقت كنت اريدك ولااريدك أحبك ولااحبك ولكن الآن فهمت نعم أنا أنانية بكَ

أنا اشتاق اليكَ اريدك بجانبي اريد أن أرجع بزمني لكِ ابقى بجانبك واحتضنك بين ذراعي وأقسم اني لن افلت يدي عن يدك مرة أخرى
بتسكر الدفتر بقهر وبتشهق هي وعم تحاول تسمح دموعها بتوقف وبتطلع من شباكها على السما وبتطلع على صورته يلي رسمتها وبتغمض عيونها ودموعها عم تنهمر بتحط أيدها على قلبها بتعب يارب رجعه الي يارب والله اشتقتله والله تعبت بدونه والله
بعد مرور شهر
الصبح اعدة سارة بمكتب مجد
بيفتح الباب مجد وبيدخل على مكتبه بشوفها
مجد: بيبتسم اهلا وسهلا آنسة سارة
سارة: بتوقف رجعنا للانسة استاذ مجد
مجد: بيضحك مارح اقدر اتعود فورا قلك سارة
سارة: هي قلتلها يامجد
مجد: بيبتسم تمام رح جرب شو بتحبي تشربي
سارة: كالعادة الي كل هالمدة عم اجي وروح لعندك لازم تكون حفظت شو بشرب
مجد: بيبتسم طيب احلى فنجان نسكافيه
سارة: اي هيك ها
( طبعا بهالايام سارة تعرفت على مجد من خلال تواجدها بالشركة وصارت تجي على الشركة وطلبت من ابوها انها تشتغل مع مجد ولسبب انها تعد مع مجد وتاخد من أفكاره وكلامه وتسمعه وتشوفه كيف بيشتغل وسلمى رجعت تداوم بجامعتها بس عم تروح اوقات قليلة وترجع وفاطمة وخالد عم يجهزو لطلب أيدها رسمي وأيمن على الله حكايته مارح نقدر نحكم على ابطالنا وين صارت مشاعرهن وشوقهن لان هالشي مابيتحدد)
سارة: مجد
مجد: بيرفع رأسه من اللابتوب نعم
سارة: شو صار بجامعتك مارح تتخرج هالسنة
مجد: لا أنا من وقت ما بديت شغل اجلت السنة للسنة الجاية كرمال اقدر وفق بينهن أن شاء الله السنة الجاية رح قدمها
سارة: يلا بالتوفيق يارب
مجد: بيتطلع فيها وبيبتسم تسلمي
سارة: بتعرف شو
مجد: شو
بقاطعهن صوت رنين موبايل مجد
مجد: بالاذن ثواني برد على موبايله الو
ايمن: كيفك شريك
مجد: منيح انت كيفك
ايمن: تمام قوم بسرعة تروك كلشي من ايدك وتعال على الحارة
مجد: خير شوفي ليه اهلي فيهن شي!
ايمن : لا لا تخاف مافي شي بس بدنا نزين بيت فاطمة مو اليوم بدهن يجو أهل خالد يطلبوها
مجد: وضريب قطعت قلبي وليه الزينة في حفلة يعني
ايمن: اي عم يفكرو يكتبو لكتاب بما انو الطرفين موافقين بالمرة يعني
مجد: اي الله يوفقهن يارب بس لازم وجودي أنا
ايمن: لازم لازم يلا معك عشر دقائق وبشوفك بالحارة والا بجي بجيبك أنا
مجد: خلص تمام رح اجي باي وبسكر
سارة: بتطلع فيه لو سؤال فضولي شوفي وبتضحك
مجد: بيبتسم لا عادي رفقاتي خطبتهن اليوم يعني رفيقي على الصبية يلي بحبها وبدهن ياني اجي هلق بتعرفي يعني
سارة: اي يلا روح شو عم تنتظر ووين الحفلة
مجد: بالحارة عنا ببيت العروس إذا بتحبي فيكي تجي ومنو بتشوفي الحارة يلي تربيت فيها وحكيتلك عنها
سارة: بتبتسم بفرحة اكيد بحب اجي بس مافيها غلاظة يعني
مجد : بيضحك لا وين الغلاظة بالعكس رفقاتي ظراف واكيد رح تحبيهن
سارة: بتبتسم إذا على محبتك اكيد
مجد: بيتطلع فيها وبيخجل وبداري الوضع يلا خلينا نطلع معناها
سارة: بتبتسم يلا
بالحارة واقفين خالد وأيمن
ايمن: هلق فيك تفهمني شو بدي اعمل أنا
خالد: بدك تنتظر لتجي سيارة تبع الديكور كرمال ننزل منها لغراض لان كونفوة قلبي قررت تعملي ديكورات كرمال اعد اكل هوا واتقدم وشغلات مالي فهمانة من امها لأزمة بس بقدر قول لا اكيد مابقدر كرمال ما ينزل علي شي بوكس يطيرني أنا والخطبة وبتبتسم ببرود
ايمن: بيكتم ضحكته خالد تطلع وراك
خالد: بغمض عيونه وبيلتفت وبيتطلع فيها بابتسامة فلة قلبي
فاطمة: بتكون واقفة وحاطة أيدها على خصرها شو روحي مو عاجبك التحضيرات
خالد: له عيب أنا قلت مو عاجبني لك يسلملي عقلك يلي بفكر بكلشي ياعيوني
سلمى: بتطلع فيه وبتضحك بخفة واضح انك ما بتتراجع عن كلامك
خالد: بيضحك بنوب بقدر أنا ليه
بتدخل السيارة على الحارة وبتوقف
خالد: ها اجت دخلو انتو يلا خلونا نشيل لغراض
فاطمة: بتأمر ابن عمي وبتضحك
خالد: اي دخيل قلبك بنت عمي
ببلشو تنزيل الديكورات وبيدخلو على البيت ليركبوها
ايمن: نزل هون هون عطيني بيحمل لغراض وبنزلهن
بتطلع ناهد وهناء عم يتمشو وبقربو منهن
هناء: يعطيكن العافية ياشباب
ايمن: الله يعافيكي خالتي
ناهد: الف مبروك ياخالد والله بتستاهل انت مبروك عليك طمطم يازين مين اخترت
خالد: بيبتسم يخليلنا ياكي ياخالتي عقبال ماتفرحي بمجد
سلمى: بتسمع اسمه وبتطلع بناهد بعيون دبلانة
ناهد: بتطلع بسلمى بحزن امين يارب يفرحني فيكن كلكن شو وين العروس خلينا ندخل اختي تعي يلا وببلشو يزغرطو
ايمن: بقرب من خالد أنا حاكيت مجد ليجي
خالد: بيمسكه وبيطلعو لبرا لك ليه حاكيته خلص بجي المسا ليه يترك شغله
ايمن: خطبة رفيقه ومابده يجي بلا اكل هوا بعدين بركي برق قلبهن على بعض مليت منهن

خالد: حلم ابليس بالجنة بتعرفه
ايمن: انننن لا مابعرفه
فاطمة: بتطلع هي وسلمى لبرا خالد ايمتى بخلصو شغل هدول
خالد: مارح يطولو عمري شوي ليركبو يلي طلبتيه وبعدها منروح منجهز حالنا ومنرجع وبيتنهد لااقطف احلى فلة فيكي يادنيا
فاطمة: بتضحك يخليلي ياك
ايمن: بيتطلع بسلمى وفيهن احم احم نحن هنا قولو في عذابية
خالد: في قرباطي قدامي بس وبيضحك
بتوصل سيارة مجد لنص الحارة وبينزلو منها مجد وسارة
وبوقفو ومجد عم يشرحلها بايديه لسارة عن الحارة
ايمن :بيلتفت ها اجا مجد بيتطلع عليه هو وسارة وبينصدم
بيلتفتو كلهن عليهن وبيتطلعو بصدمة
ايمن: بيهمس لعما هلق عرفت مين ابليس
سلمى: بتطلع فيهن وبتحس بكهربا بتسري بعروقها ودمها يبلش يغلي بتحس بالنار بتشعل جواتها هي وعم تطلع فيهن بتشد على قبضة ايديها بقهر ووجها بعبق باللون الاحمر
أدركت الآن معنى الخسارة ... أولاً خسارة نفسي والان خسارتك انت" 💔🫀
#يتبع
#نبض_القصص
#شو_بيشبهك_تشرين

#الجزء_١٣
بقلم#سدرة_عزالدين
ايمن: بيتطلع بسلمى وفيهن وبيهمس اوبااا هلق عرفت حلم ابليس شو معناه
فاطمة: بتطلع بسلمى وبتمسك أيدها سلمى فيكي شي
سلمى: بتهز برأسها بالنفي وهي عيونها معلقة عليهن
بقرب مجد وسارة منهن
مجد: بيتطلع فيهن ببسمة مراحب
الكل ماعدا سلمى بردو عليه
ايمن: بيتطلع بسارة من فوق لتحت وبيتطلع بمجد وبيبتسم وبقرب منه وببلش يبوسه كيفك ابو الجود
مجد: بيضحك باستغراب اهلين مشتقلك
ايمن: بيهمسله بأدنه مين هي الله لا يوفقك ولسا عم يبوسه وحاضنه
مجد: بيهمسله هي بنت الاستاذ محمد وعم تشتغل معي بالشركة اهلين شريك وبيضحك
ايمن: ايوا الله لا يوفقك في عيون عم تقدح شرار عليكن
مجد: بيتطلع بسلمى بطرف عينه وبشوفها كيف واقفة وعم تتطلع بسارة بنظرات لئم وغل
مجد: بيبعد عن ايمن وبيتطلع فيهن بعرفكن الآنسة سارة بتكون بنت الاستاذ محمد صاحب الشركة
سارة: بتبتسم باللطف مسا الخير وبتقرب بتبلش تصافحهن بتصافح خالد
مجد: هاد بكون رفيقي خالد العريس وبيضحك
سارة: بتبتسم تشرفنا استاذ خالد والف مبروك
خالد: بيبتسم شكرا الك الي الشرف الله يبارك فيكي
مجد: بيتطلع على فاطمة وهي طمطم بتكون عروستنا ورفيقتي كمان
سارة: بتبتسم وبتصافحها تشرفت بمعرفتك والف مبروك
فاطمة: بتطلع فيها وبتبتسم بخفة الله يبارك فيكي نورتينا
سارة: بتطلع بسلمى بأبتسامة وبتطلع بمجد ومين هالحلوة اختك!؟
سلمى: بتطلع فيها بنظرة حادة وبترفع حاجبها وبتحكي بسرعة وبنبرة منفعلة لا
سارة: بتطلع فيها بأستغراب من ردة فعلها
مجد: بيبلع ريقه هي بتكون بنت جيراني وبنت خالتي فيكي تقولي بيلفظ اسمها بصعوبة سلمى
سارة: بتمد أيدها وبتبتسم بعتذر آنسة سلمى تشرفت بمعرفتك بس فكرتك أخت مجد لان فيكي شبه منه
سلمى: بتمد أيدها غصب وبتمسك ايد سارة وبتشد عليها تشرفت بمعرفتك آنسة سارة وولايهمك العتب على النظر ما بتتواخذي وبتبتسم ببرود وبتلتفت وبتمشي
الكل بيتطلع بسلمى بصدمة من ردها
سارة: بتداري خجلها بضحكة وبتطلع فيهن
ايمن: بقرب وبيبتسم كرمال يداري الوضع أنا بعرف عن حالي ايمن عبد السلام
سارة: بتبتسم وبتمسك أيده وبتصافحه وبتطلع فيه بأعجاب انت بتقرب رجل الاعمال زهير عبد السلام!؟
ايمن: بيبتسم أنا بكون ابنه
سارة: بتبتسم تشرفت بمعرفتك استاذ ايمن
ايمن: الي الشرف آنسة سارة نورتي الحارة
مجد: بكون عم يتطلع فيهن وعم يبتسم بخبث الحقيقة الآنسة سارة سمعت عن الحارة كتير بس حبيت تشوفها
ايمن: نورت والله رح تعجبك الحارة كتير أنا مقيم هون وخصوصي لما تتعرفي على خالتي ام امجد وخالتي ام ملهم وتحضري شي جمعة جنب الصوبيا اووو ايام
سارة: بتضحك شوقتني شوفهن والله بس مين بكونو
مجد: ام امجد والدتي ناهد وام ملهم خالتي هناء والدة سلمى يلي شفتيها من شوي
سارة: بتقصد العصبية وبتضحك شكلها ما حبتني من البداية الحمدلله
فاطمة: بتبتسم لتداري الوضع لا مو هيك اكيد بس سلمى هيك طبعها حادة شوي لاتواخذيني شرفتي ونورتينا بس انا لازم روح جهز حالي بتعرفي اليوم خطبتي
سارة: ولو اكيد الف مبروك إذا بدك اي مساعدة أنا جاهزة
فاطمة: شكرا الك ونورتيني وبتشرف فيكي المسا بالخطبة اكيد إذا بتحبي تشاركينا فرحتنا
سارة: تسلميلي اكيد بحب وان شاء الله رح كون موجودة
خالد: بتنوري وانا بالاذن بدي شوف وش عم يعملو العمال
مجد: رح نجي معك خالد تفضلي سارة لعرفك على امي
سارة: بتبتسم يلا
بيدخلو لجوا
بتكون سلمى واقفة مع امها وناهد وام فاطمة وعم يحكو
بتقرب فاطمة
فاطمة: سلمى يلا خلينا نروح على البيت عندك جاية الكوافيرا
سلمى: يلا جاية
بتدخل سارة ومجد وخالد وايمن وراها
سلمى: بتطلع فيهن وبتوقف وبتقلب وجها
مجد: السلام عليكم
ناهد: بتطلع فيه وبتبتسم ياروح امك يقبرني هالصوت يلي اشتقتله وبتركد عليه وبتغمره
مجد: بيضحك وبيغمرها اهلين بست الكل يخليلي ياكي
ناهد: بتبوسه من خدوده وبتغمره لقلبها لك اشتقتلك
مجد: وانا اكتر ياعيوني
هناء: بتقرب منه وبتغمره تعا ولاه لك اشتقتلك يلي نسيت امك
مجد: بيضحك له ياخالتي انتي بالقلب مابنساكي
هناء: بتضحك والله الك وحشة يامجدي
مجد: وانا اشتقتلكن والله كيفك خالتي
ام فاطمة: الحمدلله ياروحي بالف خير
ناهد: بتطلع على سارة وبتنكش مجد مين هالحلوة
مجد: بيبتسم وبيتطلع بسارة هي الآنسة سارة بنت الاستاذ محمد صاحب الشركة
سارة: بتضحك لك يامجد كم مرة بدي قلك لا تقلي آنسة ندهلي باسمي بتقرب من ناهد وبتمد أيدها مرحبا خالة
ناهد: بتبتسم ما شاء الله عليكي ياروحي اهلين حبيبتي نورتينا
سلمى: بتطلع فيهن وبتشد على أيدها بقهر وبتهمس جواتها هيك لكن مجد وسارة وبدون تكلفة

مجد: سارة هي بتكون خالتي هناء ومتل امي
هناء: بتبتسم اهلين بنتي نورتينا وبتبوسها
سارة: تسلمولي الله يحميكن ما مبين عليكن عندك ولاد شباب صبايا واحلى من الصبايا
ناهد وهناء: بيضحكو مع بعضهن
هناء: هاد من ذوقك ياروحي
سلمى: بتطلع بأمها بغيظ وبتقرب منهن امي امشي يلا كرمال الكوافيرة جاية خالتي ناهد يلا خلونا نمشي
سارة: بتطلع فيها وبتكتم ضحكتها
ناهد: بتطلع بسلمى وبتحس كيف وجها مابيتفسر ومتدايقة يلا بنتي يلا بالاذن ياروحي لاتواخذينا بس شفتي معجوقين
سارة: ولايهمك خالة روحي على اشغالك الايام جاية ومنتعرف على بعض
سلمى: بتطلع فيها بغيظ وبتحكي جواتها هي وعم تبعد عيونها عنها تتعرفي على عزرائيل بجاه الحبيب بتطلع بناهد يلا خالتيي
ناهد: بتكتم ضحكتها يلا بنتي يلا تعي امشي
سلمى: بتمشي وبتقرب من مجد وبتخبط بايده قصداً وبتمشي
مجد: بيبعد بخطوات لورا من ضربتها وبيتطلع فيها بأستغراب وبيضحك بخفة
سارة: بتبتسم أنا رح روح مجد وبرجع بالليل على الخطبة
مجد: خليني وصلك !
سارة: مافي داعي رح حاكي الشوفير بيجي بياخدني
مجد: متل مابدك بشوفك المسا
سارة: فيك تجي تاخدني ومنروح سوا
مجد: اي تمام مافي مشكلة
سارة: معناها بشوفك بالليل سلام
مجد: سلام
ايمن: بقرب منه شو حجي وبيغمزه
مجد: شو حجي شبك
ايمن: كيف تعرفت على هالصاروخ هاد
مجد: نضب ايمن البنت متل اختي مارح خليك تحكي عليها بهالطريقة السوقية والمتخلفة تبعك
ايمن: بيضحك اي هدي هدي مافي داعي لكل هالكلام بس يعني في ناس ماحبو سارة مبين
مجد: بيحكي ببرود شفتهن بس مابهمني
ايمن: بيضحك اي واضح مابهمك لك سلمى غيرانة عليك وبتقلي مابهمك
مجد: بحط أيديه بجيابه اي مابهمني لان لما كنت عم بحترق أنا من غيرتي ماشفتها عملت شي وهلق رايح على بيتي أنا جهز حالي
ايمن: لك تضرب اي جبتك لتروح بدنا نروح مع خالد نجهزه
خالد: بقرب منهن يلا خلونا نمشي لركز اموري
مجد: بيتطلع فيه وبيضحك والله وصرت عريس ياابو الخل
خالد: بيضحك حبيبي عقبالك
مجد: بيضحك خلونا نمشي تفضلو يلا
بيطلعو كلهن على الحلاق وبجهزو خالد وبيطلعو على بيت خالد ليلبس بدلته بكون مختار بدلة باللون البيج الفاتح وقميص أبيض سكري تحتها وأيمن بيلبس بنطلون جينز وفوق قميص ابيض وجاكيت بدلة اسود ومجد بيلبس بدلة سودة سبور وبجهزو حالهن الشباب
أما الصبايا بتلبس فاطمة فستان باللون الدهبي الفاتح ونازل على طولها وواسع شوي بس بدون نفشة ومزين باللؤلؤ الدهبي من على كتافه واكمامه وخلت شعرها ليس على طوله وزينته بعرق الماس دهبي وسلمى لبست فستان اسود على طولها ومفتوح من ضهره سبعة وعلى الصدر منتور بالالماس الخفيف ونزلت شعرها الكيرلي على ضهرها وحطت شكلة الماس من على جنب رأسها
بيجتمعو الجميع ببيت فاطمة وبانتظار يجي خالد وأهله والشباب
عند الشباب
خالد: شو جاهزين
مجد: اي بس رح اسبقكن روح جيب سارة من بيتها
ايمن: بروح معك وبيغمزه
مجد: بيضحك خليك مع خالد أنا بجي وراكن
خالد: بس مجد بدك تدخل معي مابدي تتأخر روح وبس تطلع من بيت سارة خبرني منطلع ومنلتقي هنيك
مجد: تمام يلا مارح طول
بيطلع مجد بسيارته وبيمشي على بيت سارة
بتوصل سيارته قبال بيتها أو بالأحرى الفيلة تبعهن
بتطلع سارة من بيتها لابسة افرول فضي جاكيت جلد فوقه طويل وعاملة شعرها سشوار وشاكلته بعرق الماس وبتقرب من مجد وبتبتسم
مجد: بيتطلع فيها وبيبتسم تفضلي
سارة: يلا بتقرب من السيارة وبتفتح الباب وبتعد وبتمشي السيارة
سارة: بتطلع بمجد اوو شو هالشياكة هي
مجد: بيبتسم تسلمي وانتي ماشاء الله عليكي شيك وأنيقة
سارة: بتبتسم هاد من ذوقك
بتطلع سيارة ايمن وخالد هو وأهله وبوصلو كلهن على الحارة ورا سيارة مجد وببلشو زمامير بالسيارات والاغاني طالعة من السيارات
بيطلعو أهل فاطمة والقرايبين ليستقبلوهن والكل
بينزل خالد من السيارة هو وأهله وفرحان الاخ🥺
بتعلى صوت الزراغيط
بتوقف سيارة مجد وبينزل منها وبتنزل من جنبه سارة وبيمشو هنن لتنين وفي عيون عم تراقبهن ورح تطق وتفرقع 😂
بوقف ايمن ومجد جنب بعضهن وسارة معهن وببلشو يحكو ويعيدو بصوت عالي
مجد وأيمن: صلو على محمد محكول العين والعالية وهيي
بتقرب ناهد وهناء وام خالد وببلشو يزغرطو
ناهد: اوهااا ببيتنا رمانة اوهااا حلفنا مانقطفها اوهاا لنكتب كتاب فاطمة وخالد بالسلامة وللللليششششش
بقرب خالد هو وحامل باقة الورد الجوري وبقرب من فاطمة
فاطمة: بتطلع فيه وبتبتسم وعيونها مدمعة وعم ترجف
خالد: بمدلها الباقة وبيهمسلها هي احلى باقة ورد لااحلى فلة بحياتي
فاطمة: بتضحك وبتهمسله يخليلي ياك
خالد: ويخليلي ياكي
بيدخلو كلهن لجوا وبكون الشيخ بانتظارهن

بيعدو كلهن
وببلش الشيخ بكتب لكتاب وبيسألهن وبيسأل مين الوكيل وبحط خالد أيده بايده ابو خالد وبيحكي ابو خالد العبارات المعروفة بكتب لكتاب مارح قلكن بتعرفوها😂😂
وصار دور خالد يرد عليه برد بالاقوال المعروفة وبيتطلع بفاطمة وعيونه بتدمع وبيحكي أنا قبلت بها ورضيت بها واخترتها من بعد الله ملجأ دائماً وملاذ ثابتاً وحضناً يحتويني بعد المكدة والتعب وركنا آمنا انزوي إليه من صخب الحياة ومن الشغب انيسة للروح ورفيقة للقلب وحبيبة للفؤاد
فاطمة: بتكون عم تطلع فيه وعم ترتجف ودموعها عم تنهمر على خدودها وسلمى واقفة جنبها وماسكة بايدها لتدعمها وعم تبتسم
خالد: بكمل كلامه وبينزلو دموعه وهي قدام الكل والله بيشهد علي اني من هاللحظة ولاخر عمري مكانتك يافاطمة بقلبي وكرامتك من كرامتي وتاج على راسي ولضل حبك لآخر عمري
الشيخ: بيبتسم وبربت على كتف خالد مبارك عليكم بالرفاه والبنين باذن الله وبوقف
بتعلى صوت الزراغيط
ابو فاطمة: بيتطلع فيه لخالد وبسلم عليه وبيهمسله أنا ماعطيت فاطمة يلي بتستاهله من هالدنيا ياابني بس انا هلق تطمنت انك رح تعوضها عن كلشي بحياتها
خالد: بيبتسم فاطمة جوا عيوني وبقلبي صدقني ورح عوضها عن كلشي
ابو فاطمة: بيبتسم الف مبروك يارب
خالد: الله يبارك فيك بيضحك وبيمسح دموعه وبيتطلع بالجميع بظن هلق فيني احضن مرتي مو هيك
ايمن: فرجيهن اخي فرجيهن فوت فوتك وبيضحك
خالد: بيضحك وبيركد على فاطمة وبيغمرها بقوة
فاطمة: بتضحك وبتغمره بقوة وبتخبي وجها بقلبه وعم ترتجف
خالد: بيهمسلها بحبك يافلة قلبي بحبك ياأم نظرة دباحة
فاطمة: بتضحك وبتطلع فيه وانا بموت فيك ياعوضي عن الدنيا كلها
بقربو الكل منهن وبباركولهن وبتشتغل الاغاني بصوتها العالي
ايمن: اللهه ولعتتت وببلش يهز بيمسك ايد مجد وببلش يرقصه
مجد: بيضحك لك فضحتنا شو صرلك
ايمن: خطبة اخي مالي جاية لااعد وبيضحك
خالد: بيمسك ايد فاطمة وببلشو يرقصو على غنية تم النصيب ويتمايلو
فاطمة: بتكون عم تتمايل على خالد بدلع وعم تضحك
خالد: بكون عم يتمايل معها بايديه ويغنيلنا بحب تم النصيب ودام الفرح عنا ليالي واحلى عروس بهالدني صارت حلالي ريتو يسلم هالقد صرتي مرتي عنجد أنا مش عم صدق حاليي
سارة: بتكون واقفة وعم تزقف وعم تبتسم على شوفتهن
سلمى: بتطلع فيها بطرف عينها وبتطلع بمجد بنظرات شوق هي وعم تتأمله بلبسه بتبتسم
مجد: بوقف وبيتطلع بسلمى وبقلبه الشوق مليان بيهمس جواته يقبرني جمالك شو حلوة طالعة بتجنني ياروحي انتي
ناهد بتقرب وبتبلش ترقص مع ايمن ويضحكو بتطلع بسارة وبتمسك أيدها يلا روحي تعي شاركينا
سارة: بتضحك بخجل ياخالتي
ناهد: مافي خجل يلا
ناهد: بتقرب من مجد وبتسحبه تعال يلا
مجد: بيضحك وبقرب من أمه وببلش يرقص معها
سارة: بتكون عم تقلد ناهد بالرقص وبتضحك بايديها
سلمى: بتوقف بغيظ وعم تهز برجلها بقهر هي وعم تشوفهن سوا عم يرقصو
ايمن: بقرب من سلمى يلا سمسم على الرقص
سلمى: مابدي ايمن حل عني
ايمن: لك شو هي حل عني تعي لشوف يلا بيسحبها وبقربها للنص قصداً وبوقفو جنب سارة ومجد
فاطمة: بتطلع فيهن وبتقرب من سارة وبتسحبها لعندها لترقصها هي لتبعدها عن الساحة😂
مجد: بكون عم يرقص مع خالد وجانين على الاخر
بيرجع لورا وبيخبط ضهره بسلمى
سلمى: بتطلع فيه بعيون مليانة شوق وحب
مجد: بيتطلع بعيونها بهيام وشوقه فاضحه من عيونه
بوقف خالد بالنص ليقطع أفكارهن بصوته
خالد: وهلق ياجماعة بدي لبس حبيبة قلبي خاتم العمر
فاطمة: بتضحك وبتوقف عم تطلع فيه
خالد: بيمسك أيدها وبينزل على ركبته وبيفتح العلبة وبمدلها ياها وعم يضحك حكيتي بدك خاتم ابو حجرة كبيرة
فاطمة: بتطلع بالخاتم وبتضحك بخجل وبتحط أيدها على وجها
خالد: وماقدرت مانفذ كلامك وبيضحك
ببلشو يزقفولهن بفرحة
فاطمة: بتمسك ايد خالد وبتوقف وبتضحك انا مابدي شي من هالدنيا غيرك صدقني
خالد: وانا بدي ياكي انتي بكل حياتي وبيمسك الخاتم وبلبسها ياه وببوس أيدها بحنية بحبك
فاطمة: بتطلع فيه وبتبتسم بموت فيك وبتغمره
وببلشو الكل يزقفولهن ويزرغطو وبكفو رقصهن الكل بفرحة
بتقرب ناهد وبتمسك ايد مجد وايد سلمى وبتبلش ترقصهن بايديها وبتقرب هناء بتمسك ايد ناهد
هناء: قربو ومسكو ايديكن لنعمل دويرة على خالد وفاطمة يلا ايمن يلا تعال خالتي
ايمن: اجيتك بيتطلع بسارة تعي آنسة سارة
سارة: بتبتسم وبتقرب منهن وبتمسك بايد ايمن وايد ناهد وبقربو من خالد وفاطمة
مجد: بيرفع أيده وبيتطلع بسلمى وبمدلها أيده لتمسك فيها
سلمى: بتكون مترددة ترفع أيدها بتطلع عليه وعيونها مدمعة وكاتمة دموعها جواتهن بترفع أيدها وبتمسك بايده برجفة وبتشد عليها بقوة

مجد: بحس بقوة لمستها وبيتجاهل نظراتها وعم يكابر على حاله وببلشو يدورو وعم يتمايلو بأيديهن وخالد وفاطمة عم يرقصو بالنص
ايمن: هيك مابيمشي معي أنا تحمست بتطلع غنية دبكة وبقرب للنص مع خالد وبيمسك أيدها بعدي بعدي طمطم مو دورك هلق يلا ابو الخل على الدبكةة
خالد: بيضحك وبيمسك أيده وببلش يدبك هو وياه ويهزو مع بعضهن
ايمن: مقوص مجد تعال لهون يلاااع
مجد: بيبعد أيده عن ايد سلمى وعم يضحك وبقرب من ايمن وبيمسك أيده وببلش يدبك معهن وبقربو الشباب وبيمسكو دبكة وببلشو يدبكو كلهن سوا
ايمن: بوقف بالنص وبينزل على رجليه وببلش يهز بكتافه وتتتتت تييي رشرششش
مجد: بيضحك وبيمسك بايده وبقومه وببلش يهز بخصره
ايمن: هز يا وز ولك ليه ماعم تهز ولا مواهبك يلي كنت تفرجيني ياها اختفت
مجد: لك عيب استحي في بنات
ايمن: لك مرحبا بنات خلينا مبسوطين يلا فرجيني المواهببب
خالد: عطونا زغروطة لعيون مرتي وبيضحك
بتعلى صوت الزراغيط
(كان بدهن فتون معهن بهالدبكة😂)
بوقفو كلهن عن الرقص بتعب وكل واحد بياخدله قطعة كيك وكاسة عصير يبل قلبه فيها بتعرفو تعبو يعني
بكونو واقفين سارة ومجد وأيمن
سارة: ماشاء الله عليك ماخيت رقصة مارقصتها
ايمن: بيضحك هواياتي متعددة
سارة: بس بتعرف حلو الشب الفرفوش يلي بيرقص هيك بدون قيود أنا مابحب يلي بوقفو بس بصفقو ومابيتحركو
ايمن: بيضحك بيغمزها بخفة أنا مابهدي صدقيني وبيضحك
مجد: بينكشه بايده
ايمن: اخخخ بيتطلع فيه
سارة: شبك في شي
ايمن: بيحكي بوجع مكبوت لا مافي شي نشكلت رجلي
مجد: بيكتم ضحكته
سارة: بتطلع على سلمى بطرف عينها بتشوفها كيف عم تطلع فيهن
مجد: أنا رح شوف خالد وبرجع وبيمشي لعند خالد
ايمن: الله معك حجي
سارة: بتطلع بأيمن وبتبتسم استاذ ايمن
ايمن: بيضحك وبكون حيتشردق شو قلتي
سارة: استاذ ايمن
ايمن: حكيلي ايمن بس ماضروري استاذ
سارة: بتبتسم تمام متل مابدك بس بدي اسالك سؤال
ايمن: تفضلي
سارة: الصبية يلي اسمها سلمى
ايمن: اي شبها
سارة: ليه عم تطلع فيني هيك دايقتها بشي انا ولاهي هيك مع الكل
ايمن: بيشرب شفة عصير وبيتطلع فيها بدك الصراحة ولا بنت عمها
سارة : بتضحك الصراحة اكيد
ايمن: سلمى بتكون حبيبة مجد
سارة: بتطلع فيه بصدمة حبيبته!
ايمن: اي ليه استغربتي
سارة: استغربت لان ولامرة حكالي عنها ولا حتى شفته عم يحاكينا على الموبايل حتى لما شافها كان بارد تجاها
ايمن: اي ماهون مركب الفرس منفصلين يعني فيني تقولي حبيبته القديمة أو السابقة بس يعني صارت مشاكل بينهن وبعدو عم بعضهن بس هنن لسا بحبو بعض وكتير
سارة: بتطلع بمجد وبتطلع بسلمى وبتبتسم حرام يبعدو عن بعضهن هيك كتير لابقين لبعض حتى فيهن شبه من بعضهن
ايمن: بيبتسم اي صح بس هيك النصيب والقدر يعني صارت كتير بينهن مشاكل وبعدتهن عن بعض لهيك نظرات سلمى الك نظرات غيرة وبيضحك هي قلتلك بصراحة
سارة: بتضحك غيرة! مني انا
ايمن: اينعم منك انتي ليه مستغربة
سارة: انو أنا ماعملت شي لتغار مني
ايمن: تخيلي بالمنطق حبيبك او الإنسان يلي بتحبيه واقف مع بنت متلك حلوة وأنيقة وفيها كل المواصفات يلي بيحلم فيها اي شب شو بدو يصير فيكي
سارة: بتخجل من كلامه وبتبتسم مو لهالدرجة أنا هيك
ايمن: والله انا يلي شايفه عم بحكيه وبيضحك
سارة: بتطلع فيه وبتبتسم شكرا على كلامك معناها عيونك الحلوة
ايمن: بيتطلع فيها وبيبتسم تسلمي بس هي القصة يا ام السوس
سارة: بتضحك ام السوس!
ايمن: بيبتسم بدك ماتواخذيني أنا مابعرف انده اسم حدا من غير دلع
سارة: بتضحك ماشي مقبولة منك
ايمن: بيبتسم وبكفي اكل
بتخلص الحفلة بخير وسلامة والكل فرحان واسم الله عليهن
بتطلع سارة ومجد وناهد وهناء وسلمى وأيمن وخالد ضل عند بيت حماه😂و بدهن يمشو
ناهد: مجد خليك ابني نام هون اليوم والله اشتقت لوجودك جنبي وبكرا عطلة مافي شغل الله يرضى عليك
مجد: بس بدي وصل سارة امي على بيتها
سارة: مافي داعي مجد أنا برن للشوفير وبخليه يجي
مجد: لا أنا اخدت وانا لازم رجعك مابصير
سلمى: بتكون ماشية وعم تسمع كلامهم بتحط أيدها على وجها بغيظ
ناهد: بتوصلها وبترجع برضايا عليك
مجد: خلص امي متل مابدك برجع يلا سارة خلينا نمشي
ناهد: رح انتظرك ها
مجد: بيبتسم حاضر ناهد خانم
ايمن: خدوني معكن وأنا بدي روح
ناهد: خليك عندي اليوم بتنام مع مجد
ايمن: عزيمة مكركة خالتي
ناهد: بتضحك مكركة وثابتة
ايمن: معناها خلص مجد روح وبتلاقيني منظرك بالقهوة منطلع سوا
ناهد: لك طلاع بتسهر مع عمك ابو امجد لبين مايجي يلا
مجد: بيضحك الله باليني بدبيقة وين مابروح بشوفه يلا راجع وبيركب بالسيارة هو وسارة وعيون سلمى عليهن ورح تموت من قهرها وبتمشي السيارة من قبالها وبيطلعو ناهد وأيمن لفوق وامها بتوقف

هناء: يلا سلمى امشي
سلمى: امي روحي بدي اطلع لعند خالتي ناهد شوي
هناء: بس
سلمى: امي بترجاكي روحي
هناء: طيب لاتطولي
سلمى: ماشي
بقلم#سدرة_عزالدين
بتوقف سيارة مجد قبال الفيلة
مجد: بيتطلع بسارة وبيبتسم تفضلي
سارة: بتبتسم شكرا مجد
مجد: ولو العفو واجبنا هاد
سارة: فيني احكي كلمتين قبل ماانزل
مجد: بيبتسم اكيد تفضلي
سارة: انت لسا بتحب سلمى
مجد: بيتطلع فيها بصدمة انتي شو عرفك بموضوع سلمى
سارة: بتبتسم جاوبني بدون ماتسأل
مجد: وجوابي شو رح يفيدك
سارة: رح يفيدني اني انصحك من اختك لااخوها أو من صديقة لصديقها
مجد: بيبتسم بخفة وبيتنهد وبيحكي اي لسا بحبها
سارة: بتبتسم واضح جوابك بدون ما تقوله بس كان بدي اسمعه منك
مجد: بيبتسم كل هالقد مفضوح حبي
سارة: يعني شوي وعفكرة هي كمان بتحبك ومفضوحة متلك
مجد: بيضحك هي ماحسيت بيوم أنها حبتني متل ماحبيتها
سارة: ليك مجد مارح اقدر احكم إذا هي بتحبك متلك أو اكتر أو اقل بس يلي بعرفه ويلي شفته انو هي بتحبك وحتى كانت غيرانة عليك ويلي بغار بحب يامجد هي نقهرت مني لهيك ماحبتني فكرتني جاية اخدك منها شفت بعيونها الغيرة عليك ونظراتها الك يلي كلها شوق حرام يلي عم يصير بينكن حرام يامجد
مجد: يلي صار بايدها مو من ايدي
سارة: بس بأيدك انت ترجع كلشي احسن من قبل
مجد: بيتنهد أن شاء الله
سارة: أنا رح امشي هلق بس كلامنا لسا ماخلص وشكرا على هالليلة الحلوة يارفيقي وبتضحك
مجد: عفوا يارفيقتي وبيضحك معها
سارة: بتنزل من السيارة وبتمشي على بيتها
مجد: بيتنهد وبيمشي بالسيارة ليرجع على الحارة
بتوقف سيارة مجد بالحارة جنب بنايته
بينزل منها بشوف سلمى اعدة على الدرج وايديها على كتافها عم تدفيهن بيمشي لعندها وبوقف قبالها
سلمى: بترفع رأسها وبتطلع فيه بعيون عم تغزل بالشوق
مجد: بيتطلع عليها كيف بردانة بيشلح جاكيته بدون مايحكي وبقرب منها وبحطه على كتافها وبيعد جنبها على الدرج
سلمى : بتطلع فيه وبتبتسم ابتسامة خفيفة وبتتجمع بعيونها لدموع وبتحكي كيفك مجد
مجد: برد بدون مايتطلع فيها أنا منيح وانتي
سلمى: بتنهمر دمعاتها أنا مالي منيحة مجد
مجد: بيتطلع فيها بظن هالشي من ايدك مو هيك وبيتطلع فيها
سلمى: بتهز برأسها بالايجابية بعرف مافي داعي تذكرني انو من ايدي كلشي بتطلع فيه بقهر ووجع بس انت كمان عم تزيدها علي وعم تخلي الوضع اسوء يامجد
مجد: عنجد بيحكي بعصبية مكبوتة سلمى ليه بكل هالقصص بتلفي وبتلفي وبترجعي تلوميني بكلشي ساويتيه ليه
سلمى: بتحكي بقهر وبصوت خافت ومخنوق من دموعها أنا ماعم لومك أنا عم خبرك بيلي عم يصير أنا تعبت من برودك تجاهي ليه كل هالقد ماكفرت لما قلتلك بيوم اني مابحبك يامجد ماكفرت الاغلاط بتنغفر وانت مابتغفر ليهه
مجد: بيتطلع فيها بتعرفي ليه مارح اغفر لان انا إنسان مالي ملاك من يلي عم تحكي عنهن لاني أنا الإنسان يلي دعستي على قلبه ورميتيه وهو كان بيوم بموت على الأرض يلي بتمشي عليها
سلمى: بتطلع فيه بقهر وبتحكي من قهرها يلي بحب مابيقسى هيك الإنسان يلي عم تقول كان يحبني هيك ماشفت من محتبه شي هلق كلها اختفت
مجد: بتستفزه بكلامها لانك أنانية ومابتفكري غير بحالك سلمى أنانية وين كان عقلك وقلبك لما كنت ارجع بعز البرد مشي لاني مامعي أجرة باص يوصلني ومصروفي يلي يطلع اقطعه عن تمي سلمى عم تمي واعطيكي ياه وين كان احساسك وقت كنت اشتغل واتبهدل من واحد حشرة كرمال هلق تدخلي جامعتك يلي هي حلمك وينن كنتيي وقت كنت حبك وينن
سلمى: بيزداد بكاها بس انا
مجد: انتي كنتي بتعرفي بحبي الك وساكتة ساكتة سلمى بس انا مابلومك لاني انا يلي رخصت بكرامتي كرمالك وكرمال حبك يلي ماشفته ولا حسيت فيه بيوم
سلمى: ماعاد تقدر تجاوبه بشي وبتبلش تبكي وتشهق
مجد: بيسمع صوت بكاها بشد على قبضة أيده وبوقف وبيحكي انسيني انسيني بيمسكها من كتافها بعصبية وبيحكي بقهر وعم يهزها من كتافها أو أعطينيي سبب واحد سبب واحد يخليني اغفرلك كل هاد احكيي
سلمى: بتبقى ساكتة وعم تشهق وتبكي بس
مجد: بيحكي بعصبية مكبوتة وعم يرجف والغصة بقلبه ودموعه رح تنهمر على خدوده لك عطينيي احكيي شي احكيي
سلمى: بتصرخ عليه خلص خلصص تركني تركني مابدي شي مابدي شيي
مجد: بينترهاا بقوة من قهره منها وبيمشي وبيطلع على بيته
سلمى: بتدفن وجها بين أيديها وبتبكي بقهر وجاكيته على كتافها وبين ايديها ماسكته وعم تنهمر دموعها عليه
بيطلع مجد على بيته وبحاول مايحسسهن بشي
وبيسهرو مع بعضهن وبيمشي على غرفته هو وايمن وبنام ايمن وهو بضل صاحي بوقف على الشباك وبيفتحه وعم يراقب السما ولنجوم
عند سلمى بتكون واقفة على شباكها وحاطة جاكيت مجد على كتافها وساندة رأسها على الشباك

مجد: بيسند رأسه على الشباك وبيهمس بحنية ودموعه بعيونه ناطر بعتم الليل وناطر حبيبك ناطر على بابك ناطر نرحل سوا بهاليل نسافر على الغيم نسافر بالحلم نسافر
سلمى: بتسمع صوته وبيرجف قلبها وبينهمرو دموعها بشوق
مجد: بكفي بصوته الحنون والغصبة بقلبه ودموعه على لحيته أنا الشط يلي ضايع أنا البحر الغريب لاقيني ياحياتي بهالطريق واقف أنا عطراف الغابة حامل رحيلي وشنتة غيابي وشوك الغدر علق على تيابي وجهك دليلي يهون عذابي شفتك أنا حلم بمنامي كنتي قدامي وخلفك ضبابي لاتكوني هالدنيا واحلامها توعدنا وياما تطلع كذابة
كوني العشق الي والع كوني الحب الصديق لاقيني ياحياتي بهالطريق حبيبك ناطرر على بابك ناطر
سلمى: بتشهق وبتهمس جواتها بحبك والله بحبك
#يتبع
#نبض_القصص
#شو_بيشبهك_تشرين
#كاتبة_بانامل_صغيرة

#الجزء_١٤
بقلم#سدرة_عزالدين
بعد مرور أسبوعين
الساعة ٨الصبح
واقفة سلمى هي وهناء وناهد بقلب البناية وعم يوزعو المهام
هناء: أنا باقيلي من تعزيلة مبارح الصالون بس رح اعمله أنا وحيساعدني ملهم
ناهد: أنا باقيلي الغرف والصالون
سلمى: يعني أنا شو اعمل الكن اسبوع عم تطلعوني وتنزلوني اليوم الدور مع مين كون
هناء: اليوم الدور مع خالتك ناهد بتطلعي بتساعديها كرمال تخلص
سلمى: يلا خالتي خلينا نطلع معناها إذا في شغل كتير
ناهد: كانت راما بدها تجي تساعدني بس بدها تجيب ولادها معها وانا مابحب لولاد تشتغل وتعجق الدنيا
سلمى: لك خالتي شو بدك هلق براما خليها ببيتها امشي أنا موجودة لديكم لاخوف عليكم وبتضحك
ناهد: اي الله يرضى عليكي ياسلمى اخخ بس لو بيكمل النصيب
سلمى: بتختفي ضحكتها وبتغير الحديث خلينا نطلع خالتي يلا
ناهد: يلا بنتي امشي هناء أنا بساعد سلمى وبنزل بشوف اذا بدك شي
هناء: ماشي اختي يعطيكي العافية
بتطلع ناهد وسلمى وببلشو شغل وتعزيل وتنظيف وسلمى عم تعزل وتشغل حالها بالشغل وعم تفش قهرها فيه يعني الغرض عم يطلع من تحت ايديها فرجة😂
ناهد: بتكون واقفة بغرفتها عم تشتغل سلمى روحي على غرفة مجد بلشي فيها كرمال اجي ساعدك يلا هون حنخلص لان
سلمى: حاضر خالتي بتمسك سطل المي والنشافة وغراض التنظيف وبتدخل على غرفته بتفتح الباب وبتدخل وبتسكر الباب وراها وبتمشي بالغرفة وعم تشم ريحته بالغرفة بتبتسم بشوق وبتقرب من التخت تبعه وبتقرب من مخدته وبتلمسها وبتبتسم وبتهمس بقلبها ياظالم أسبوعين مابتطل علينا ولا بشوفك ليه كل هالقسوة يامجد ليه والله اشتقتلك كتير اااه ياسلمى شو عملتي بحالك وفيه بتطلع على صورته يلي معلقها بالغرفة فوق المكتب بتقرب منها وبتطلع فيها وبتتأملها أنا كيف ضوعتك مني يامجد كيف خسرتك هيك اييه خليني بلش نظفلك الغرفة بركي بنتقم من عذابك الي شوي بتبتسم وبتحكي وعم تخاطب صورته بتعرف انك جحش وقت تقلب علي وين الحنية يلي عودتني عليها وين روحك وحبك يامجد وين بتفتح الدرج لتبلش تنظيف بتلاقي صورها هي ومجد بقلب الدرج بتمسكهن بايديها وبتتأملهن هي وعم تقلب فيهن وتشوفهن بتبتسم بحزن وغصة انت لسا بتحبني يامجد لسا بتحبني بتبتسم بفرحة وبترجع الصور على الدرج وبتبلش شغل وتنظيف هي وناهد هيك للساعة ١٠ المسا بتفرط سلمى من التعب
ناهد: سمسمة باقي ارض الصالون مسحيها وانا رح انزل شوف امك وبطلعلك بركي منتعشى سوا
سلمى: بتكون فاصل مخها من تعبها اي خالتي رح امسح الصالون روحي انتي
ناهد: يلا مابطول وبتنزل
بتمسك سلمى النشافة وبتحط لقماشة عليها وبترش معطر للأرض وبتبلش تمسحه كله هيك لتفرط من تعبها بتحط الممسحة من أيدها وبتقرب من الكنباية هي وعم تحاكي حالها
سلمى: يلا هلق لتنشف بعملها مرة تانية للنهاية بس رح اتسطح شوي ضهري وجعني بتتسطح على الكنباية
بتوقف سيارة مجد المسا جنب بيت أهله بالحارة وبينزل منها وشايل غراض بايده وأكياس وبيطلع على البيت بحط لكياس بالأرض وبيفتح بالمفتاح وبشيل لغراض وبيدخل بلاقي البيت شاعل وريحة النظافة عم تفوح منه
وكلشي مرتب وأمه مو موجودة بيلتفت على الصالون بلاقي سلمى نايمة على الكنباية بتعب
مجد: بنزل لكياس من أيده وبقرب منها ببطء وبينزل على رجليه ليوصل لمستواها بشوفها رابطة على شعراتها شال صغير باللون الاحمر على رأسها من فوق وشعراتها الكيرلي مفرودين على خدودها ونايمة على أيدها وواضح عليها التعب وانو مشتغلة بالبيت من شكل تيابها ووجها التعبان بيبتسم بخفة وبقرب أيده من خدها وبمرر أصابعه على شعراتها وبيرفعهن بخفة من على وجها بحط أيده على خده وبيتأملها بهدوء وبقلبه شوق كبير الها ولتفاصيلها يلي بتشبه الاطفال بشوفها كيف نايمة وضامة رجليها برعشة من بردها بوقف وبدو يصحيها بس ماله سخيان فيها واضح عليها انها غرقانة بالنوم بقرب منها بهدوء وبقرب أيده من تحت رأسها وخصرها وبيحملها بين أيديه بحنية
سلمى: بتحس عليه انو حملها بس مالها وعيانة من تعبها مفكرة بالحلم بتقرب رأسها من قلبه وبتسنده عليه لاارادياً
مجد: بيتطلع فيها وبيبتسم وبيمشي على غرفته وبدفش الباب برجله بخفة وبقرب من تخته وبنزلها عليه بهدوء وبيرفع الغطا وبغطيها فيه بحنية وبيتأملها كيف نايمة بيتنهد وبيلتفت على الغرفة بشوفها كيف مرتبة ونظيفة بيهمس جواته وبيتطلع على سلمى هي ونايمة صايرة ست بيت ومنظفتيلي الغرفة شكلو البعد اثر فيكي وعلمك بيطفي الضو وبيطلع من غرفته بشوف أمه بتفتح الباب وبتدخل
ناهد: بتطلع عليه بابتسامة مجد ياروحي أيمتى أجيت
مجد: بقرب من أمه وببوس أيدها اشتقتلك ياست الكل
ناهد: وانا ياروحي اشتقتلك وين سلمى بتطلع حوليها

مجد: أجيت لقيتها نايمة على الكنباية شكلها مبين انو تعبانة ماسخيت فيها انو صحيها فحملتها ودخلتها على غرفتي ونايمة على تختي
ناهد: بتبتسم بخفة وبتطلع بمجد ماسخيت فيها!؟
مجد: اي ماسخيت حرام يعني ليه عم تطلعي فيني هالنظرات بعرفها
ناهد: لاايمتى بدكن تضلو هيك ايمتى بدي افرح فيكن واتطمن اه لاايمتى
مجد: اوف اوف كل هاد بدك يصير أنا شي يوم خبرتكن اني بدي اتزوج سلمى شي! لا ليه بنيتو هالاحلام هي مابعرف
ناهد: مجد يامجد انت ابني وانا بعرفك انت بتحبها لسلمى وطلبتها من ابوها وبعدين صارت هالقصص يلي بعدتكن عن بعض والله يصلحها هي السبب بس رب العالمين بيغفر مين نحن لحتى مانغفر
مجد: بيتكتف امي انا صح كنت حبها لسلمى كنت هلق مافي شي بقلبي تجاها غير أنها متل اختي وبس ويلي عملته معي وسكوتها لحد الان ولافكرت تبرر شي او تطيب خاطري وكرامتي يلي كسرتهن بكلمة هاد مابدل أنها بتحبني وبدها ياني وانا اني رخص بكرامتي مرة تانية تؤ مارح تصير
ناهد: بتحكي بعصبية اييه روح من وجهي سديت نفسي بهالكلام بقلك ثور بتقلي حلبه شو هالخلفة هي
مجد: بيضحك بخفة أنا جبت عشا معي قلت مناكل أنا وياكي وبابا النا زمان ماتعشينا
ناهد: كله لحالك ياتيس أنا مارح اكل من غير سلمى ويعلي نامت بدون ماتحط لقمة بتمها من الصبح عم تشتغل معي
مجد: مااكلت شي!؟
ناهد: لا مافضينا لناكل
مجد: بشيل لكياس وبدخلهن على المطبخ وعم يحكي طيب امي تركيلها اكل جايب شاورما خبيلها سندويشة هي بتحبها اي وبتحب معها البيبسي مابتحب نوع تاني جايب وحدة الي ببسي خليها الها أنا مابدي وبكرا بس تصحى بتاكل لان هلق نايمة ومرتاحة
ناهد: بتضحك على مجد وقلتلي مابتحبها مو والله صدقتك ها وبتاخد باقي لكياس وبتدخل على المطبخ هي وعم تضحك
مجد: بوقف وبيتطلع بأمه اميي
ناهد: بتكتم ضحكتها ماحكيت شي انت يلي حكيت
مجد: وينه ابي
ناهد: شبعرفني ابوك صاير بغط بهالنهار بالقهوة شي مع عمك ابو ملهم بهالمكتبة عم يتسلى هلق بيجي
مجد: معناها خليني روح أنا على البيت
ناهد: لا والله مارح خليك تطلع اليوم من ايمتى ماشفتك
مجد : بس امي سلمى نايمة بغرفتي وخلص ماخرج ضل
ناهد: اي شو سلمى غريبة ياما نايمة عندي هي وصغيرة بنت خالتك هي
مجد: مااختلفنا امي بس هلق غير زمان
ناهد: ليك ها بستعير الشحاطة من هناء وبنزلها عليك حاجتك دلال اخدت وجه اليوم بتنام هون وخلص هي الكنباية بتوسعك هلق منتعشى مع بعض ومنسهر وبعدين بتنام مافي روحة لمكان
مجد: مصرة يعني
ناهد: مجدد بالشحاطة ها
مجد: بيزفر بضيق خلص متل مابدك رح اعد
ناهد: ايوا هيك تفهم رح خبر هناء انو سلمى نايمة كرمال ماتسأل عليها وبرجع حط العشا يلا
مجد: اي بتامري
تاني يوم على طلوع الشمس الساعة ٧ الصبح بتصحى سلمى هي وعم تتقلب بتفتح عيونها بدون وعي ومالها مستوعبة هي وين وشو كانت عم تعمل
سلمى: بتحط أيدها على عيونها وبتفركهن بتعب وبتطلع على الغرفة حوليها وبتشوف صورة مجد قبالها بتنئز وبتستوعب هي وين وبتتجلس بسرعة أنا شو جابني لهون بتذكر اني تسطحت على الكنباية بتحط أيدها على رأسها وبتتذكر انو حدا حملها وأنها شافت طيف مجد بس رؤويتها مغبشة ومو واضحة بتبتسم مجد حملني اي اي متذكرة مجد كان هون بتنزل من التخت وبتفتح باب الغرفة هي وماشية بهدوء وبتطلع على الصالون بكون عتمة لانه مسكرين البرادي بتطلع حوليها بتشوف مجد نايم على الكنباية وغرقان بالنوم بتبتسم أنها ماكانت عم تحلم هو موجود بتقرب منه وبتنزل على ركبها قباله وبتطلع فيه بعيون مشتاقة
سلمى: بتطلع على تفاصيله كيف نايم وشعره مبعثر بطريقة عشوائية على جبينه ورموشه لطوال مزينة وجه ومرسومين رسم ونايم على أيده وأيده التانية راميها على الكنباية ونصها برا الكنباية ومافي شي ساندها بتقرب أيدها من أيده وبتلمس أطراف أصابعها بأطراف أصابعه بتحس بالقشعريرة سرت بعروقها بتحس بالأمان بهاللحظة الها زمان ماحست فيه بتتنهد بشوق وبتوقف وبتقرب منه بحب وبتطبع بوسه على جبينه بحنية
مجد: بيصحى وبحس بقربها منه بس مابيتحرك كرمال ما يشوفها ويضعف أو بالأحرى مابده يضيع اللحظة وقربها منه
سلمى: بتبعد عنه وبتسحب الغطا وبتغطيه منيح وبتلتفت وبتمشي وبتنزل على بيتها
مجد: بيسمع صوت تسكير الباب بفتح عيونه وبيتجلس بيبتسم وبحط أيده على جبينه وما بيقدر ما يفرح من قربها بحس بدفا بقلبه كانو لامست قلبه بهالبوسة الخفيفة وداوته من كل جروحه يلي بايديها عملتهن وكأنها الداء والدواء بنفس اللحظة بيتنهد اووف ياسلمى اووف شو عم تعملي فيني بس عقلي رافض فكرة قلبي رافض وماعم بقدر غير أرضخ لعقلي بقوم على غرفته وببدل تيابه وبينزل من البيت وبكون بده يطلع برا البناية بصادف ابو ملهم طالع من بيته

مجد: بوقف عمي ابو ملهم صباح الخير
ابو ملهم: الله يصبحك بأنوار النبي
مجد: يسعد صباحك كيفك كيف صحتك
ابو ملهم: بالف خير وانت كيف صحتك وشغلك
مجد: الحمدلله الله عم يرزقني
ابو ملهم: الله يرزقك من اوسع بوابه
مجد: بدك شي عمي بتوصيني بشي
ابو ملهم: مجد
مجد: اي عمي
ابو ملهم: بدي حاكيك بموضوع حتى لو مو وقته
مجد: اكيد عمي تفضل
بتقرب سلمى من باب بيتها وقت تسمع صوت مجد مع ابوها وبتوقف لتسمع من جوا حديثهن
ابو ملهم: انت سبق واجيت لعندي وطلبت سلمى مني رسمي صح ولا لا
مجد: بيتطلع فيه بارتباك صح عمي
ابو ملهم: وعلى أساسها قبلت اني خليك تدفع مصاريف جامعتها صح
مجد: صحيح
ابو ملهم: وبعد فترة انت غيرت رايك وبطلت بدك سلمى
مجد: لا عمي مو هيك القصة
ابو ملهم: لكن شو القصة يامجد انا لما عطيت كلمة كانت كلمتي كلمة رجال وعطيتك بنتي مو اي حدا يامجد وانت ما كنت قد كلامك
مجد: عمي ابو ملهم القصة فهمانها غلط أنا كنت قد كلمتي بس بنتك وبيسكت
سلمى: بتتوسع حدقة عيونها بخوف وصدمة وخايفة مجد يحكي لاابوها
ابو ملهم: شبها سلمى؟ أنا مارضيت أتدخل لهلق وقلت هناء بتحلها وقالتلي انو انت بطلت بدك تخطبها وهالحكي مو حكي رجال يامجد ولا حكي ابنا يلي ربيناه ويلي هو انت
مجد: ياعمي سلمى مابتحبني مابدها ياني وانا ماعاد بدي ياها مو كره فيها بس انا بعمري ماباخد وحدة قلبها مو الي
ابو ملهم: شو هالحكي يامجد من وين جبت هالكلام سلمى هيك حكتلك
سلمى: بتبلش ترتجف والخوف عم يسري بعروقها بكل كلمة عم يقولها
مجد: عمي أنا حكيت مع سلمى واتفقنا على هالشي خلينا اخوات رفقات ولاد عم اي شي بس انو نكون تحت سقف واحد مو زابطة وعمي سلمى هيك رغبتها بتشوفني اخوها
ابو ملهم: هالحكي يامجد مالي مصدقه اصرارك وقت أجيت لعندي وطلبتها وعيونك ماكانت بتقول هالكلام كان بقول سلمى رايدتك وانت لو مالك متأكد ماكنت حاكيتني بهالموضوع بس شكله انا لازم شوف بنتي وافهم منها بطريقتي بكاها واكتئابها بهالساعات والايام مو سببه مجهول سببه عندك وعندها وانتو عم تكذبو علي واولهن انت بس انا بعرف اتصرف معها ومعك
مجد: بيحكي لاارادياً ليبعد عن سلمى الشكوك انا حبيت بنت تاني
سلمى: بتتجمد من الكلام يلي رن بقلبها وبكل كيانها وبيتجمعو لدموع بعيونها
ابو ملهم: بيحكي بصدمة شو !
مجد: اي عمي أنا حبيت وحدة تانية وخنت سلمى بمشاعرها وهي نجرحت مني انا ولهيك ماحكت شي لاالكن أنا ما بستاهلها واحد خاين مامعه حق كلمته شو بدها فيني
ابو ملهم: بيتطلع فيه ولسا بتحبها لهلق !
مجد: بهز براسه ببرود اي لسا ورح اطلبها عن قريب أنا شفت فيها البنت المناسبة مو متل سلمى هي و
ابو ملهم: اخس عليك وعلى تربايتك هيك ربيناك يامجد هيك لك حتى لو مو سلمى بنتي مو هيك بيتعامل ابن لأصول المتربي بتخون يامجد بتخون
مجد: بيسكت ومابيحكي شي
ابو ملهم: اخس على الرجال يلي حملته مسؤولية بنتي أنا ماعاد اعرفك يامجد ماعاد اعرفك
مجد: قلتلك أنا انسان مامعه حق كلامه وبيبتسم بغصة وبيلتفت بالاذن عمي ولاتواخذني على كلشي عملته مع سلمى سلمى مالها ذنب بشي وبيتركه وبيمشي
سلمى: بتحط أيدها على قلبها بقهر وعم تتنفس بصعوبة بتحس بروحها عم تطلع ودموعها عم تنهمر على خدودها بقهر ووجع بتمشي على غرفتها هي ومو شايفة دربها وعم ترتجف وتمسح دموعها بايديها بتدخل على غرفتها وبتسكر الباب بضهرها وبتنزل على ركبها وبتحط أيدها على تمها لتكتم شهقاتها وبكاها وعم تكرر جواتها كذاب انت كذاب يامجد كذابب بتصرخ هي وكاتمة صوتها وبتحس بأحبالها الصوتية عم تتلاشى من وجعها
عند مجد بوصل على الشركة وهو متدايق بوقف بسيارته وبغمض عيونه بتعب بفتح عيونه وبقرب من تابلو السيارة وبيفتحه بكون فيه علبة بيمسكها وبيفتحها بكون فيها خاتم زواج وخاتم تاني رجالي فضة سادة بيبتسم وبيمسكه بايديه وبيهمس جواته وهي الخاتم يلي بتحلمي فيه ياسلمى جبته وانتي بعيدة ومالي قدران اعطيكي ياه بس مستحيل حدا تاني يلبسه غيرك انتي وبس صاحبته والآخر هالعمر بيلمس رقبته بخفة وبتخطرله فكرة بيسحب السنسال يلي برقبته بكون فضة وبحط الخواتم جواته وبيلبسهن برقبته وبخبيهن جوا بلوزته بيتنهد وبسكر العلبة انتي مو جنبي بس الخاتم رح يبقى بجنب قلبي لااخر عمري وبينزل من سيارته وبيدخل على الشركة بوصل على مكتبه وبيفتحه وبيدخل بينفتح الباب وراه وبتدخل سارة
سارة: مراحب كيفك اليوم
مجد: اهلين سارة تمام منيح
سارة: بتطلع فيه وبتعد على الكرسي بس مالي شايفة انك منيح
مجد: بقرب من مكتبه وبيعد وراه مافي شي متدايق شوي
سارة: امم صار بدها فنجان قهوة معناها لنعرف شبك
مجد: إذا بدك تعملي قهوة منفكر بالموضوع وبيبتسم بخفة

سارة: اي معناها رح اطلبها وبتضحك بتطلب القهوة وبتعد صحيح قبل القهوة بابا عامل اجتماع اليوم وخبرني خبرك ورح يحضروه رجال الأعمال كلهن وبدو منك تحضر كلامك واوراقك لتبهرهن وبتضحك
مجد: اوف كلو اليوم علي
سارة: حياة الشاطر صعبة مو
مجد: كتير بدرس تجارة وعم بشتغل مساعد رجل اعمال وبدي داري اهلي وبدي اضحك مع رفقاتي وبدي اتحمل اسمع كلام واتوجع بصمت ويلوموني ويكرهوني وكل هاد
ومجد لازم يكون صامد بدون حركة ويقول امركن مطاع هي غير التعب الجسدي والنفسي والخ
سارة: اوف اوف كل هاد صاير معك
مجد: اووف إذا مو اكتر من هيك هي بجهة بس ماكفيتلك من جهتي العاطفية يلي بالأرض
سارة: شكلك رح تحكي قبل القهوة وشبها جهتك العاطفية
مجد: صفر انسان قلبه بمكان وعقله بمكان تاني لازم اشتاق وماروح لازم حن ومااحكي أتوجع ودوس على قلبي وكلو بالاخير بيطلع الحق علي فيه وكلشي صار معي أنا المذنب وانا يلي بنلام وكل هاد ذنبي اني حبيت بصدق بس هي ذنبي واكبر جرم بحق نفسي اني حبيت ياريت ماخلقت ولا عشت ولا حبيت والله ياريت
سارة: بتطلع فيه بزعل بعيد الشر عنك مافي داعي لهالكلام شبك انت مالك هيك مجد انت بتسوعب الكل وعندك حل لكلشي بدك تتعب وتتراجع
مجد: لاني تعبت سارة تعبت اني كون أنا المضحي بالحكاية وانا لكبير والواعي ويلي بيتحمل الكل وبحط الذنب على حاله كرمالهن كرمال ما ينوجعو متل مانوجعت لك حتى وهي كاسرة قلبي وحارقته من جوا مابقدر اسخى فيها سارة مابقدر ارميها بوردة تأذيها بقول أنا بتحمل بس هي لا بقول أنا بقدر وهي لا بس الحقيقة انا مابقدر أنا عم اتحمل فوق طاقتي ورح انفجر رح اختنق سارة حاسس حالي بدي اترك كلشي وامشي بدي هج لمكان مافيه حدا غيري حتى ماعاد اتحمل هم حدا غير نفسي عبالي عيش لنفسي لاارضي حالي لك أنا حتى حالي مو رضيان عليه ماعم بعمل شي نفسي فيه كلو كرمال يلي حولي ما يزعلو بس انا ازعل أو اختنق اخر همهن
سارة: بتقرب منه وبتمسك أيده بقوة انت بتقدر مجد انت بتقدر ورب العالمين عم يمتحن صبرك ولازم تقول الحمدلله وتوقف من جديد انت بأيدك حل كلشي حوليك بس بدك تكون اقوى من هيك
مجد: بيتنهد اووف على مجد وعيشته بيضحك ماعاد في حيل اني اقوى اكتر من هيك ماضل عندي القدرة اني اتحمل كل هالبشر عبالي سافر لمكان ماارجع منه
سارة: بتبتسم مابتقدر تترك وتمشي قلبك وعقلك هون
مجد: بيبتسم عبالي اقتل قلبي ووقف عقلي وامشي
سارة: بتضحك وبتبعد أيدها عن ايده إذا بتقدر لا تقصر
مجد: اخخ اخخ خليني شوف شغلي احسن ماصفي يلا عقل ولا قلب ولا شغل وبيضحك
سارة: بتضحك وانا هيك برأيي يلا قوم
ببلش شغل مجد وعم يخلص الوراق يلي طالبها محمد وبيطلع هو وسارة على غرفة الاجتماعات وببلشو يرتبو الاجتماع وببلشو يجو رجال الأعمال كلهن ومنهن أبوه لسامي وأبو ايمن زهير وأيمن معه وطبعا مابصير بدون زين جمال الدين وهادي عبد الرحمن😂🫣
بيوصلو كلهن وبيتسقبلهن مجد وسارة ومحمد
بقرب سامي وابوه من مجد
سامي: بيتطلع بمجد بغيظ
مجد: بيتطلع فيه وبيرفع حاجبه ومابمد أيده تفضلو
سارة: بتطلع فيهن وبتبتسم تفضلو نورتو
سامي: بيتطلع بسارة وبيبتسم وبقرب أيده من أيدها ليسلم عليها
مجد: بقرب أيده وبيبعد ايد سارة فورا وبيمسك بايد سامي وبشد عليها
سارة: بتطلع بمجد بأستغراب
مجد: بقرب من سامي وبيهمس عادتك هي بطلها احسن ما اكسرلك ايدك
سامي: بيتطلع بمجد بغيظ تروك ايدي
مجد: بينتر أيده وبيدفشه بخفة تفضل دخول تفضل
سامي: بيتركهن وبيدخل
بيدخلو ايمن وابوه
زهير: بيبتسم مرحبا
مجد: بيبتسم وبصافحه اهلا استاذ زهير تفضل
زهير: بيبتسم كيفك يامجد
مجد: الحمدلله بالف خير
زهير: الله يقويك يارب وبيدخل
بقرب ايمن
ايمن: بيبتسم وبمد أيده بأكابرية مرحبا
مجد: بيضحك وبيمسك ايد ايمن وبقربه منه شو هالاكابرية يلي نزلت عليك
ايمن: وزن وزن نحن بمكان عمل مو رفقة ايوا
مجد: تضرب مااغلظك بيبتسمله أهلا استاذ ايمن تفضل
ايمن: احم شكرا الك بقرب من سارة وبمد أيده مرحبا آنسة سارة
سارة: بتبتسم وبتصافحه اهلين استاذ ايمن نورت
ايمن: منور المكان بوجودك وبيبتسم وبيدخل
سارة: بتضحك
بيدخل الكاريزما كلها زين جمال الدين 🥹
زين: بقرب من مجد
مجد: بيبتسم وبصافحه نورت استاذ زين
زين: بيبتسم منور بوجود صحابها كيفك يامجد
مجد: الحمدلله تمام
زين: بيغمزه بخفة حديثنا لسا اله كمالة شكله
مجد: بيضحك بخفة اكيد بشرفني هالشي
زين: قريبا رح نلتقي ونحكي بيتطلع بهادي الأستاذ هادي عبد الرحمن بكون شريكي بالشغل لجديد وعم زوجتي
مجد: بصافح هادي تشرفنا استاذ هادي
هادي: بيبتسم الي الشرف
زين: الاستاذ مجد ايده اليمين للاستاذ محمد واشطر انسان شفته بحياتي

هادي: اوف عشنا و شفنا زين جمال الدين عم يعترف انو في حدا اشطر منه وبيضحك
زين: بيضحك الشاطر مابخبي حاله
مجد: بيضحك هاد شرف الي انو الاستاذ زين يقول عني هيك
زين: بربت على كتفه بتستاهل اكتر من هيك يامجد ولو مابدي ضارب على استاذ محمد كنت سرقتك منه وبيضحك
محمد: بقرب منهن مجد ما بروح من عندي ولا بيتركني وبيضحك
مجد: بيبتسم اكيد مابترك الاستاذ محمد ابدا ولا ببدله زين: عامله سحر شكلك وبيضحك
محمد: ومارح قلك شو الوصفة وبيضحك
زين: بيبتسم حقك وبربت على كتفه
محمد: خلينا نبدأ الاجتماع تفضلو
مجد: يلا تفضلو
بيعدو كلهن حول الطاولة وببلشو باالاجتماع
وكل واحد عم يحكي ويقترح شي معين
مجد: أنا برأيي انو نخلي الاستيراد من شركة الاستاذ زين والاستاذ هادي للخامات لأنهن الهن علاقاتهن برا البلد أما التوزيع المحلي نخليه لشركة زهير بيك وفينا ندخل شركة رؤوف بيك للتوزيع و
سامي: بيحكي باستفزاز وانت مين وكلك لتوزيع المهام على الشركات مالك ملاحظ انك اخد اكتر من حجمك بهالشركة وانت مجرد شغيل هون
مجد: بيتطلع فيه بعصبية وبشد على أيده انت مين وجهلك كلام حتى عم تدخل بكلامي
سامي: أنا شريك والي كلمة مو متلك ياحيوان
محمد: بيضرب أيده على الطاولة بعصبية وبوقف هاد اسمه قلة ادب واحترام يامحترم
بوقفو كلهن وبيتطلعو بسامي بعدم رضا
رؤوف: طول بالك استاذ محمد سامي ما بيقصد شي وبيتطلع بابنه
سامي: أنا ما حكيت شي بخصك استاذ محمد أنا مارح كفي الاجتماع ومجد هون لا أنا لامجد
سارة: بتطلع فيه وبمجد كيف كبرت القصة
مجد: مين قلك أنا يلي بدي كفي اجتماع فيه انت واحد بلا ادب ولااحترام وبوقف مجد
زين: إذا مجد رح يطلع من الاجتماع كلنا رح نطلع قلة الاحترام طلعت من حضرتك يااستاذ سامي مو من مجد فإذا مابدك تكفي باالاجتماع تفضل بلا مطرود
سامي: بوقف بعصبية وبقرب من زين وانت مين لتقلعني بدل هالحشرة
زين:بيتطلع عليه بعصبية وبيمسكه من قميصه انت يلي مين ياولد حتى تحكي بهالطريقة معي
بقرب منه مجد وهادي
مجد: استاذ زين اتركه مامحرزة القصة
هادي: زين اهدا وتركه ولد تركه
رؤوف: استاذ زين بترجاك تركه ابني غلط ومابيعرف بالأصول تركه
زين: بيتطلع بالموجودين وبشد سامي وبيحكي هو ومعصب لولا مابدهن يقولو زين جمال الدين ضرب ولد كنت قبرتك بارضك
سامي: بيتطلع فيه بعيون مرتعشة
زين: بيتركه وبينتره بالنسبة إلي خلص الاجتماع ويلي حكاه مجد رح يتنفذ وبيمسك جاكيته وبيطلع متل الصقر دخيل قلبه😂
محمد: باشر لمجد ليلحق زين
بيطلع مجد ورا زين
بوقف زين على صوت مجد برا الشركة
مجد: استاذ زين
زين: بيلتفت على مجد
مجد: بتشكرك على وقفتك معي ماكان في داعي تخلق عداوة بينكن كرمالي
زين: هالولد قليل ادب وبلا فهم ومابشرفني كمل اجتماع فيه ولاد صغار لسا بدهن ترباية
مجد: هو من جهة قليل ادب قليل ادب وكتير بس اوقات بالدنيا بدنا نتحمل هيك مساطر
زين: بيبتسم شكله مابحبك زيادة أو غيران
مجد: بيبتسم في هيك شي في بينا قصة ووصلت للشرطة
زين: امم الايام جاية وبسمعها وهلق انتبه على حالك
مجد : تسلم وانت كمان
بمشي زين وبيلحقه هادي وبيطلعو
بتكون سارة طالعة عم تدور على مجد وبيلحقها سامي
سامي: انسة سارة
سارة: بتلتفت عليه وبترفع حاجبها خير
سامي: بوقف شبك هيك عم تحاكيني أنا ماتفكري اني حابب كنت قلل احترامك انتي وابوكي بالعكس أنا بس هاد يلي اسمه مجد مابحبه ولا بطيقه لانه انسان مغرور وشايف حاله و وقح
سارة: مجد ماله هيك بالعكس مجد انسان محترم وشاطر ومجتهد ومافي متله ومتل تواضعه وهو يلي حامل هالشركة ومشغلها واذا عندك غير هالكلام خليه الك وبتلافت بدها تمشي
سامي: بيمسكها من ايدها وبشدها لعنده
سارة: بتطلع فيه بعصبية وبتنتر أيدها من أيده اوعك تلمسني مرة تانية عم تفهم
سامي: أنا بس بدي نكون قراب بس مابدي هالمشاكل بينا
سارة: شوفو هالواثق من حاله عيني أنا مابحب كون قريبة من حدا وخصوصي يلي متل اشكالك امشي بطريقك دادا ولاتخليني ابتلى فيك وكمل يلي عمله مجد
سامي: اوف ليه هيك شرسة انتي بيضحك بس بتعرفي بحب البنات يلي متلك
سارة: لعما اديه وقح نقلع برا الشركة يلا
سامي: بقرب منها وبيبتسم وإذا ماطلعت
ايمن: بقرب منهن شكلك مخك سميك كتير ومابتسمع اطرش يعني قالتلك الآنسة نقلع لبرا يعني بتنقلع ولا لازم تتمسح فيك الاراضي قبل ماتنقبر لان انت متعود على هيك شي مو هيك وبيغمزه بخفة
سامي: شو انت التاني جاية تعمل عنترية متل رفيقك ولا كل ماشفتو صبية بتنفشو حالكن انو انتو الجنتل المدافعين
ايمن: بقرب منه بعصبية وبيبعد سارة من بيناتهن بايده التانية وبيتطلع فيه شوف لقلك لا بتمشي من هون لا رح خلي الحجة يلي تركتها بالبيت تدعيلك بالرحمة والمغفرة ماشي ياشاطر

سارة: بتكون عم تطلع فيهن وكاتمة ضحكتها على كلام ايمن
سامي: اي هدي هدي مافي داعي رايح
ايمن: دربك اخضر يلا
بيمشي سامي وبيتركهن
سارة: بتضحك وبتطلع بأيمن
ايمن: بيلتفت عليها ليه عم تضحكي
سارة: حتى وانت معصب بتضحك حسك الفكاهي مابتقدر بدونه
ايمن: بيبتسم صعب يابنت الناس صعبة
سارة: بنت الناس!؟
ايمن: بيضحك اي بنت الناس ليه انتي مو بنت الناس والعالم
سارة: بتضحك بهي معك حق
ايمن: ابعدي عن هالشكيلات لان بوسخو المكان يلي بوقفو فيه
سارة:معك حق أنا أول مرة بشوفه
ايمن: وان شاء الله الأخيرة مابدك هالشوفة بتزلع النفس كيف أمه مستحملة هضامته وزناخته مابعرف وحتفة تاخده
سارة: بتطلع فيه وعلى ألفاظه وبتضحك من قلبها وضحكتها بترن رن
ايمن: بيتطلع فيها وبضحكتها وبيضحك معها على صوت ضحكتها ليه كل مابحكي كلمة بتضحكي موزع على جبيني نكت
سارة: لا لا هههههه بس انت موسوعتك وقاموسك بضحك هههههه

#الجزء_١٥
بقلم#سدرة_عزالدين
المسا اعدين مجد وأيمن وخالد ببيت مجد ايمن رأسه بقلب البراد وخالد اعد عم يفتش بالخزاين تبع المطبخ ليلاقي شي ينقرشه ومجد اعد بالصالون
ايمن: بطلع رأسه من البراد لقيت شي تأكله
خالد: لقيت برطمان مكدوس وانت
ايمن: لقيت خبز وبندورة بيضحك شكلنا رجعنا للأيام المكدوس
خالد: بيضحك هيك شكله ليك تعال عميل شاي وانا رح لف السندويشات
ايمن: حلو الكلام يلا
بلفو السندويشات وبيعملو شاي وبيطلعو لعند مجد
مجد: بيضحك شو مكدوس
ايمن: يامأنشح هاد يلي لقيناه عندك اخخ ايام وقت كنت روح لعند خالتي ناهد لاقي اشكال الوان لك تقوم تعملي البيض يلي بحبه ولعندي يجي ايي يازمن
خالد: اي والله ايه على هديك الايام
مجد: بيضحك اي خلصتو ندب هاتو لناكل
ايمن: لك صحيح مجد وين لفلاشة تبع الشغل يلي اتفقتو عليه بابا خبرني جبله ياها منك
مجد: هو وعم ياكل بيحكي بقلب المحفظة تبعي
ايمن: رح قوم جيبه وين حاطه
مجد: بجيبة جاكيتي
ايمن: بوقف وبيدخل على غرفته بجيبه وبيطلع لعنده هاد
مجد: في غيره يافالح
ايمن: بيضحك لا بيفتحه وبيتطلع بمجد اوو
مجد: شبك بيبلع اللقمة وبيتطلع فيه
ايمن: بقرب منهن وبيعد انت متاكد مجد انو ماعاد تحبها لسلمى
مجد: بنزل السندويشة من أيده شو لزومه هالسؤال
ايمن: بيضحك يعني لزومه صورتها يلي بمحفظتك وبدورها عليهن وبيبتسم
مجد: بيمسك المحفظة من أيده بسرعة وبسكرها وليه لتفتش بغراضي انت
ايمن: شبك مو انت خبرتني انو قوم جيبها
مجد: بيتنهد اوفف
خالد: بيتطلع فيه وبيبتسم لسا بتحبها مو هيك
مجد: بيتطلع فيه وبيبتسم بخفة أنا مابعرف يمكن بحبها ويمكن بيفتح المحفظة وبطلع الصورة منها وبيمسكها بايده ويمكن بعشقها بتعرف شو هو اسوء شعور انك بتعرف انو مارح تقدر تكون مع هالشخص بس لحد الان ماعم تقدر تمنع حالك انو توقع بحبه وتغرق
ايمن: بيبتسم هاد اسمه الحب الاعمى أو ماقتل مابعرف يعني
مجد: بيتطلع فيه تضرب اي وبحط الصورة مكانها وبطلع لفلاشة وبزتها خود هي الضرابة
ايمن: كتر خيرها يلي كشفتك على حقيقتك قال يعني نحن مامنعرف انك بتحبها لسلمى ولهلق
مجد: الحب يلي عم تحكي عليه بقلبي لسا بس بعقلي مافي شي غير البعد يلي بينا وكل ماله عم يزيد
ايمن: بأيدك هالشي
مجد: بتعرف انك سديت نفسي
ايمن: بيضحك رح اكل سندويشتك معناها
خالد: لا ولو ماحزرت أنا رح اكلها
مجد: لك تضرب منك اله هاتو من ايدكن رح اكلها غيرت رأي
ايمن: بيتطلع فيهن وبيضحك وبضحكهن معه
بالليل نايم مجد بتخته وماسك موبايله بايده بيفتح على صورة سلمى وبيتأملها بحب وعم يكبر الصورة ويصغرها ويغرق بتفاصيلها اكتر واكتر بيدخل على محادثته معها على الواتس اب وبشوف آخر مرة كان حاكي معها بشوف تسجيل لصوتها بيفتحه بتكون عم تغني فيه وعم تضحك
مجد: بيسمع صوتها وبيبتسم بغمض عيونه وبضم الموبايل لقلبه بتعب ليغفى هو وعم يسمع صوت ضحكتها
بتشرق شمس لنهار لتعلن بداية يوم جديد بس يوم بعيد وهالمرة مر اكتر من شهر على لقاء سلمى ومجد يلي كان بدون مايحسو على بعضهن فيه البعد بينهن عم يكبر ويطول بطل يوم ولايومين صار شهر وشهرين واجا الصيف وراح الصيف و رجعت الجامعات ورجعو الكل لمشاغل حياتهن يلي مابتخلص خالد وفاطمة اتفقو يعملو عرسهن على بداية الشتا ولما يخلصو جامعة هالسنة وعم يكفو جامعاتهن وشغلهن ليأسسو بيت المستقبل ومجد رجع يكفي آخر سنة باقيتله من جامعته وبالشغل يلي بالشركة يلي مابيخلص علاقته بنفسه كل مالها عم تسوء وعم يتعب اكتر بطل الشب المتفائل صارت حياته الشغل والدراسة بس والحب بقلبه مخبة متل مو مخبي ذكرياته ويمكن هالشي الغلط فيه أنه كتوم حتى بمشاعره وسلمى من بعد ماسمعت مجد هو وعم يقول إنه بحب وحدة تانية ضلت بصراع بين الصدق والكذب بس قررت تكفي حلمها بس بتحفيز وجود مجد ببالها وبقلبها وكل يوم بتنطر على شباكها ليمر طيفه شي ليلة وتحس بوجوده جنبها وعم تنطر اليوم يلي يرجع ويغنيلها ويرجع كلشي متل قبل أما ايمن لساته متل ماهو عم يكفي جامعته بس صار قريب من ابوه اكتر وعم يشتغل معه وسارة بطلت تروح على الشركة كتير بسبب دراستها الجامعية لأنها بتدرس إدارة أعمال كرمال توقف مع ابوها بس لسا بتطل كل فترة لتعد مع مجد ويحكو وطبعا لا مانع للمصادفات يلي ايمن عم يخلقها كرمال يجتمع فيها وهيك ماشية ايامنا "
المسا والدنيا معتمة والشوارع منورة بالانوار الخافتة عم تمشي سلمى هي وتايهة ومخنوقة كتير بتطلع على الرصيف وبتعد عليه وبتطلع على السما وبتشرد
بتقرب منها فاطمة وبتطلع فيها كيف نحفانة ووجها شاحب مو متل قبل وعيونها مطفية والسواد تحت عيونها بيشهد عن كمية الصراعات يلي عايشتها ولابسة جاكيت مجد وحاطة طاقيته على رأسها ونسمات الليل عم تبرد وتغلغل بشعراتها بتقرب منها وبتعد جنبها

فاطمة: بتمسك أيدها بخفة وبتشد عليها ليه اعدة هون سمسمة
سلمى: بتطلع فيها وبعيونها متجمعة دموعها بتحكي بصوت خافت عم بنتظره يمر
فاطمة: بتطلع فيها بأستغراب مين !؟
سلمى: بتهمس بصوتها والغصة مرافقة كلماتها وعم تمنع دموعها أنها تنهزم وتنهمر اشتقتله قلت يمكن إذا أجيت على المكان يلي منعد فيه كنا بلاقيه بس مالقيته
فاطمة: بتزعل عليها بس الدنيا بلشت تبرد خلينا نقوم مجد مارح يجي سلمى هلق ببيته خلينا نقوم يلا
سلمى: تركيني فاطمة تركيني بينزلو دموعها وبتطلع فيها أنا ليه هيك عملت بحالي ليه على شو قلبي شاف حاله عليه كان كلشي حلو بحياتي كلشي رغم الشكوى يلي كنت ضل اشكيها ومو عاجبني شي بس انا حياتي كانت مثالية ام حنونة واب مكافح وبحبوني عيلة دافية رفقتنا ولمتنا كنا مبسوطين كتير بتشهق حتى الشب يلي بحبني خسرته بايدي بكلامي الحقير خسرته كرمال ولاشي كرمال احلام سطحية تافهة احلام خسرت نفسي والشب يلي بحبني كرمالها وماتحققت أنا كنت صغيرة وتافهة كتير وحقيرة على شو على شو كبر قلبي وتكبر على مين على مجد على مجد يلي كان يموت كرمالي كان يضحي بسعادته كرمال سعادتي يضحي بتعبه كرمال فرحتي وانانيتي وانا بالاخير بكافئه بكرهي وحقدي وانانيتي والله انا ما بستاهله لا والله بيزداد بكاها وبتحط ايديها على وجها وبتبكي بقهر
فاطمة: بتقرب منها وبتضمها لقلبها بس ياروحي لاتبكي لاتبكي اهدي
سلمى: أنا عم موت يااختي عم مووت اشتقتله وقلبي عم يحترق من جوا بس خجلانة قابله خجلانة احكي شي من بعد يلي عملته كرهانة حالي كرهانة حياتي بدونه هو كان كلشي كلشي وانا خسرته وخسرت كلشي
فاطمة: رح يرجع كلشي احسن صدقيني بس لازم تقوي وتواجهي الهروب يلي عم تعملوه انتو لتنين مابفيد بشي غير البعد اكتر واكتر حاربو وواجهو حالكن حتى لو انتو غلط لو لمرة وحدة ورح تشوفي كيف رح ترجعو لبعض مجد نجرح منك بس انتي كمان ماعطيتيه كلمة تجبر وتطيب جرحه السكوت ماله حل يااختي ابدا ماله حل
سلمى: بس هو ضل ساكت سنين وماحكالي عن حبه الي ضل ساكت
فاطمة: بس انتي كنتي بتعرفي وماحسستيه بحبك اله انتي كنتي بتحبيه وقت كان يحبك !؟
سلمى: ماكنت بعرف شو يعني حب كان وجوده بجنبي دائما يفرحني ماكنت اتخيل يومي بدونه هو جنبي كان يمكن ماكنت بعرف انو تعلقي فيه هو حب كنت اقنع حالي دائما انو هو جنبي لانه اخي وبحبه حب الاخ بس بس لما خسرته حسيت بمعنى الحب انك تخسر حبيب وصديق واخ وكلشي بدنيتك مجد كان كلشي بس أنا ماكنت بعرف ولاحاسة بأهمية وجوده بحياتي
فاطمة: بتبتسم وهلق
سلمى: هلق مشتاقة لوجوده مشتاقتله كتير بتطلع فيها أنا بحبه فاطمة وكتير أنا بعشقه
فاطمة: ادعي انو الله يجمعكن من جديد وأن شاء الله رح يرجع لو انتي مخلوقة من ضلعه مارح تكوني الا اله صدقيني
سلمى: بتتنهد يارب
تاني يوم بفيلة زين جمال الدين واقفين كلهن بنص الفيلة
مجد ومحمد وسارة ومرته وأيمن وابوه وامه وأغلب رجال الأعمال وعائلاتهن
بطل زين هو وزوجته جوري ليستقبلوهن بسلمو على الكل وبقربو من طاولات الموجودين
زين: اهلا وسهلا فيكن كلكن نورتوني وبتشكركن انكن قبلتو بعزيمتي المتواضعة لااحتفل بذكرة تأسيس شركتي يلي بديت فيها من الصفر لوصلت لهالمرحلة يلي شايفني فيها
ببلشو الكل يزقفوله
مجد: بيتطلع بأيمن هلق انت هيك بتضلك تحضر حفلات اكابرية
ايمن: بيبتسم يلي بدو يشتغل مع رجال الأعمال هيك بدو يكون وبيضحك بس خلينا ساكتين النا حارة تلمنا بعفشنا يلي منعمله نحن
مجد: بيضحك قولتك قال يلي بيطلع من داره بقل مقداره
ايمن: خراس بس خلينا أكابر
بتبلش الحفلة والناس عم تلف بين الطاولات ويلي عم يحكي ويلي عم يشرب عصير حفلات اكابرلية مادخلنا فيها
بقرب زين هو وجوري من مجد و الموجودين
زين: نورتوني ياجماعة
الكل: منور بوجودك
زين: بحب عرفكن بيبتسم وبحط أيده على ضهر جوري وبقربها منه مدامتي وزوجتي جوري ماجد السالم
جوري: بتبتسم نورتونا ياجماعة وبتسلم عليهن كلهن
زين: بيتطلع بمجد جوري هاد الاستاذ مجد يلي حكيتلك عنه
جوري: بتبتسم وبتصافحه اهلا استاذ مجد تشرفت بمعرفتك
مجد: بيبتسم الي الشرف مدام جوري
زين: بيغمز مجد هي الحب يلي خبرتك عنه وبيضحك
مجد: بيبتسم الله يخليكن لبعض ما شاء الله قصتكن كانت على اللسان كل العالم
جوري: بتضحك خبرته عني زين
زين: بيبتسم خبرته انو يسامحك وينسى كرمال يكفي بحياته
جوري: بتبتسم وبتطلع بمجد شكله في صبية شاغلة الفكر والقلب
مجد: بيبتسم بخفة وبيتنهد
جوري: لا تقلي انو زين نصحك
زين: في هيك شي وبيضحك
جوري: معناها ياحرام شو رح يصير فيها للمخلوقة
زين : هلق هيك بيضحك الله يسامحك
جوري: لانك حبيبي انت بالحب متل بالشغل العصبية ما بتفارقك اكيد خربتله حياته للزلمة وبتضحك