የዘንድሮው የፊቼ ጨምበላላ የዋዜማ በዓል በሀዋሳ ዩኒቨርስቲ አፍሪካ ህብረት አዳራሽ ተከበረ***

መጋቢት 27/07/16...

ትናንት ከሰዓት በኋላ በተካሄደው ክብረ በዓል ላይ የሀዋሳ ዩኒቨርሲቲ ከፍተኛ አመራሮች ፣ተጋባዥ እንግዶች እንዲሁም በርከት ያሉ ተማሪዎች ታድመዋል።

በዓሉ የሲዳማ ህዝብ ማንነቱን ከተረዳበት ጊዜ አንስቶ በድምቀት ሲከበር ቆይቷል፤አሁንም እየተከበረ ይገኛል።

ፕሮግራሙም በአያንቶዎች እና የሀገር ሽማግሌዎች የእንኳን ደህና መጣችው መልዕክት ተጀምሯል ።

የፍቼ ጨምበላላ ከአመት አመት መሸጋገሪያ በመሆኑ በዓሉ የፍቅር፣የደስታ ጥላቻ የሌለበትና ብዙ እሴቶች ያሉበትም ነው ብለዋል።

በሌላ በኩል የሀዋሳ ዩኒቨርሲቲ የተማሪዎች  ዲን እና የባህል ተመራማሪ የሆኑት ዶ/ር  አመሎ ሶጌ ስለ ጨምበላላ ቀን አቆጣጠር  ጥናታዊ ፅሁፍ ያቀረቡ ሲሆን በፊቼ ጨምበላላ ዙሪያ ሰፊ ገለፃን አርገዋል።

አክለውም "ፍቼ" የአዲስ አመት በዓል ዋዜማ ፤ ጨምበላላ ደግሞ የአዲስ አመት የመጀመሪያ ቀን ሲሆን አቆጣጠሩም ከጨረቃና ክዋክብት ጋር እንደሚቆራኝ አብራርተዋል።

አስከትለውም የሲዳማ ህዝብ የራሱ የሆነ ጊዜን ፣ ወቅትንና ዘመንን የሚቀምርበት ጥበብ ያለው ሲሆን ይህንን ባህላዊ እውቀት እና ጥበብ ከትውልድ ትውልድ ልናሻግርም ይገባል ብለዋል።

ኘሮግራሙም በሲዳማ ባህላዊ ሙዚቃዎች ታጅቦ ቆይቶ አመሻሽ ላይ በቡርሳሜና በሻፌታ ስነ ስርዓት መዝጊያውን አርጓል።

Ayide chamballalla🤲 ille ille🤲🤲🟢🟡🔴

ዘጋቢ:ዳንኤል አንተነህ(4ተኛ አመት የጋዜጠኝነትና ስነ ተግባቦት ተማሪ)