#رقية_عليها_السلام

عمه عمه اتمنيت اني الراهب
عمه عمه واشبگ ابوي الغايب

آه بيه حسره
آه وينه نحره


جنت الحبيبه وهسه الغريبه
الداسته الخيل من وين اجيبه
ميت والاسهام كلسا تصيبه
شعظم المصيبه

المات بموت عباسه
ذبحوا كل هَلَه وناسه
وحطو عالرمح راسه

ثوبه ثوبه متشگگ أمن الحافر
ثوبه ثوبه انسلب يوم العاشر

صار كلشي عثره
آه وينه نحره
.
.
.
.

عطشان أبويه يا عمه صعبه
جا يمتى اشوفه ماي ارد اشَربه
مشتاقه اخلي راسي اعله گلبه
گلبي واحبه

لساه ما خلص ذبحه
الوادم تضحك لجرحه
الشاله يهوس برمحه

ذابل ذابل وجهه المتعب الزهره
ذابل ذابل وعيونه كلش حمره

بي الله ادره
آه وينه نحره
.
.
.
.

عمه المسيحي مات اعله رسمه
كون بمكانه واسهر واشمه
وبدموع العيون اغسل له دمه
لا ما الجمه

ما اگله اني عطشانه
ارسمه يمشي ويانه
موش اشفافه ذبلانه

ارسم ارسم رأسه مع كل جسمه
ارسم ارسم من شعره عمه لجدمه

ماي واعله صدره
آه وينه نحره


.
.
.
.
بالملگه أصبن دمعي اعله دمعه
ترفعيلي رأسه مو انه ارفعه
مچويه اديه خافن اوگعه
ياذيني وضعه

مثل بچيه اعله اخوه عباس
هيج ارد ابچي فوك الراس
حريمه ذبحوا الاحساس

ميته ميته حسبيني لو شفته اني
ميته ميته من القهر واحزاني

نوح گلبي جمره
آه وينه نحره

.
.
.
.

عالوالد أسأل جند ال اميه
يگلولي عفناه للاعوجيه
يا عمه مطحون چبد الزجيه
بالغاضريه

خنصر أيده ما هوه
يجر هذا الهوى كوه
بلا اولاد لا خوه

وحده وحده والشمس تصهر جسمه
وحده وحده جامد بعينه دمه

صار ساحه ضهره
آه وينه نحره
.
.
.
.
يا عمه بالشام يكثر تعبنا
الرايح الراد الواگف يسبنا
ومن نظرت الناس يوگف گلبنا
محد يحبنا

احجار من السطح يوگع
علينا ولا فرد يفزع
ودمنا من الوجه يطلع



يوگع يوگع الماي حار اعلينا
يوگع يوگع ومثل الخيم يجوينا


اوجوه كلها حمره
آه وينه نحره

عبدالله الشويلي

#للحسن_ص

يمتى التقي وياك....... ميته اعله ملگاك
شلي بعمر مابي عطر منك يخوي الهيبه
ها يالذخر فكلي الگبر وادفني يمك شيبه


يا ابو محمد مشتاگه ... يمتى وياكم اتلاگه.... منتظره موتي
ما ابقوا اهلي وناسي...... شلي بعد بنفاسي .... عافوني اخوتي
يالحسن اختك اني......الغير الشام الواني..... وذبلي صوتي
عافيتي ماهي بروحي...... الينشاف بيه اجروحي..... اخيالي تچوتي

ابوكتك ام عون...... وهسه ام المتون
المسها الزجر بجف الشمر واتلاشت التعذيبه
ها يالذخر فكلي الكبر وادفني يمك شيبه
.
.
.
.
عالموت صرت اتحسر.....عفت الحسين امطشر...... يم ال اميه
دارت اعليه العسكر........ وانصبغ شيبه احمر.... ابن الزجيه
انه الشفت يالغالي........ينداس صدره اگبالي..... بالاعوجيه
وشالوا برمح العالي.....راسه ومرد دلالي.....ومجتوفه اديه

واجروحه الاوساع...... بيهن رمل ضاع
ضاع الصدر من كل كتر كامت سهام اتصيبه
هايالذخر فكلي الكبر وادفني يمك شيبه
.
.
.
.
هجمت الخيل اعلينا.....وشبعت ركض رجلينا.....وحرگوها الخيام
النار لاحت كلشي..... ابيا علي صرت امشي..... ما بين الازلام
وحده تصيِّح اليه..... يا عمه الحگي اعليه.... طفيلي الاجدام
شگدر اطفي واني...... سوط الشمر لاواني..... وهيجلي الآلام

من ضحكت الناس..... شكد صحت عباس
يا أبا الفضل جابو حبل وينك يشيخ النِيبه
هايالذخر فكلي الگبر وادفني يمك شيبه
.
.
.
.
فوگ الهزيله اخذوني...... بحرگة گلب يسبوني..... بالسوگ والبر
سبي العبيد القاسي...... سابيني اني وناسي..... وتحرسني عسكر
يا خويا كلش صعبه...... لطولي تباوع غربه..... ضهموني اكثر
الدنيا گلي شخلت..... بديوان اخيتك دخلت..... بنص غربه تفتر

شكرا للايام...... الودتني للشام
بت الأصل بت الفصل تدخل مجالس ريبه
هايالذخر فكلي الگبر وادفني يمك شيبه
.
.
.
.
الكسره الجبيره ارقيه..... ما حجت بالترچيه..... بس اب ابوها
كلساه تگلي وينه.......مشتاگه والله لعينه...... خو ما محوها
صاحت بكسرة خاطر..... ياناس الا من ناصر..... من جتفوها
اتصيح بابا اخذني...... يا أبا الفضل الحگني...... شما عذبوها

وتگلي ام عون...... ماضلت اعيون

گلبي طلع شو ما رجع طالت يعمه الغيبه
ها يالذخر فكلي الگبر وادفني يمك شيبه
.
.
.
.
ما انسه ذيج ايامك..... واسهام العدو كدامك.... بنص نعشك اطيح
بيّن خضار بخدك....... بالسم تفتت جبدك......واختلفت الريح
لسه اعله فگدك انحب...... الله يرحمج زينب..... الوادم اتصيح
طلعت لسنها الوادم.... بقتلك يهيبة هاشم..... قتلو التسبيح

بدفنك يمصباح...... كلشي هوى وطاح

جرحك بحر هاك الخبر ماتت وياك الطيبه
ها يالذخر فكلي الگبر وادفني يمك شيبه

عبدالله الشويلي

مشاهدة "دنيه وأسرت زينب | الملا كرار الكربلائي" على YouTube
https://youtu.be/fmaJu2hWAzA

مشاهدة "على الوعد ومحضر الرايه (مشايه) - الرادود مهدي العبادي" على YouTube
https://youtu.be/KO7nJcVUnKo

مشاهدة "#جاهز_لولا / الرادود كميل الذبحاوي/ استديوهات رياحين العترة للإنتاج والتوزيع الفني ١٤٤٤هج" على YouTube
https://youtu.be/l_au1a3nMcg

مشاهدة "(مشايه اجت وادم فدائيه) الرادود سجاد الساعدي كلمات عبدلله الشويلي" على YouTube
https://youtu.be/LBxSR_Ny6WA

القتال القتال
لقدْ جاءَ الكافلُ كالصاعقاتْ
لهُ ريشاتُ توازي الشاهقاتْ
عازمٌ في الطفِ لا يبقِ الفراتْ

بسم الله وذرعانه طباها الشهم
بالماكو خلاها الوادم تنصدم
ابن القالع خيبر قتال العرب
بس شال ايده اعليها طشرها الزلم


اسد الحومه تسطر رايته الخضره
الهوى يضل صافن لَمَن يصعد المهره
ابن داحيها لاذ العلگمي بسده
ينشمر راسه الواحد لمن ايسطره
.
.
.
النزال النزال
قالَها في الطفِ والكلُ انحنى
لا رجلَ في الساحةِ الا انا
احترقَ العسكرُ عندَما دَنى

يا جيش اليگربله حيل الله وطلع
ركضهم عطشهم طشرهم جمع
گبور بحافر مهره سوه للزلم
فزعت غيره ونخوه عباس وفزع

نزل من مهره وسوه بالأرض خسفه
كَفَت اردانه الحومه انكفه بجفه
اشرس ابنادم داست كربله رجله
ضاوي ابو فاضل كدامه الشمس تطفه
.
.
.
.
الفرار الفرار
اهربوا ايُّها الناسُ مسرعين
اتركوا الحربَ لقدْ جاءَ اليقين
ستكونوا قتلى ليسَ قاتلين

شد عصابه براسه وضاعت بالشعر
كال اعبركم كلكم وبلحظه عبر
بس حط ايده التچوي فوگ المشرعه
ومن الگاع الجوده مد روحه النهر


كفو دنگله من اتعده ابو فاضل
اخو ابو الاكبر غيره ومرجله شايل
صفنت الحومه وچنه بالخيم يمشي
ويلا خل نشرد عايل يحچي وي عايل
.
.
.
.
الرجال الرجال
لا تقفْ في وجهِهِ هوَ الاسد
انه واحدٌ في الحربِ احد
فارسٌ قتالٌ لا يخشى عدد

مشهود الصولاته سبع الگنطره
ياما ارجال السيفه لزمهم سره
ما لايح گطرت دم بتاره ابد
چي من خوفه الشافه يببس منحره

دم اليخزره يجمد في شراينه
غير اذا يزعل يوگف يذبح بعينه
تهلهل الطوله لامات الحرب كلها
قمر الساده ومُرآت الاخو حسينه
.
.
.
.
الثگال الثگال
لها العباسُ العظيمُ المقتدرْ
إنما الساقي مفتاحُ النصرْ
كثرةُ الجيشِ عليه لا تضرْ

كل اثگيله كباله تخف وما تضل
عالي ومن طباها دنگله النخل
بس يخزر غيم يوگعله مطر
ولو يخزر عسكرهم يوگعله وصل

بالجمال اول واول بالحرب هوه
رعب بس اسمه الله اليستر اشسوه
مو بعيده ابداََ الخيل اعله الزلم ذبها
يشبه الجابه من الله ماخذ القوه


الشاعر عبدالله الشويلي

لسان حال الرسول ص


اني الشاعر والمله
وراح اقرا المقتل كله

اخر مجلس عالغالي
كعدولي حسين كبالي


ما شاغلني هالبين ....شاغل كلبي الحسين ....حلوه دمعة العين ....بفراش المنيه
هسا اني مرتاح ....لكن هو لو طاح .....يوكع فوك الارماح....تخنگه الغاضريه

ضمه دمه سهم حجر على جبهته
قهر نهر وعطش ضرب مخيم أخته

جده ومن حقي انعه
باجر وحده بلا فزعه

ولو شفتو تغير حالي
كعدولي حسين كبالي
.
.
.
.
سافرت اعله الجروح......للطف شفته مذبوح....اسهام العسكر تلوح ...كل جسمه المقطع
وادم شالت احجار .....وادم فزعت بنار....ثله بس عالاصغار ....السوط العدها يلسع

حرگ سحگ العدو بفرح بقى يشاهد
سلب نهب الشمر على رسومه صاعد

طايح حيل أعله اسهامه
عينه ادور اعله اخيامه

ومهد ابنه يهتز خالي
كعدولي حسين كبالي
.
.
.
.
التمت فوگه الاثكال ....يدور عالنفس ضال ....صبره هد الاجبال..... وهد حيله المخيم

بكل جرت نفس آه .....شيبه مغطه بدماه.....يباوع محد وياه....كلشي بعينه اضلم

نِظر عثر التفت بجت عطش عيونه
اختنگ شهگ على الاخو الكسرله لونه

والتكتل هاي النظره
يقاتل بس لازم ضهره

هالمنظر باقي أبالي
كعدولي حسين كبالي
.
.
.
.
متوزع عالطفوف.....شبعت منه السيوف.....بحسره زينب اتشوف ....حافرهم يكلبه
صاير خشبه الالسان....يحلف بيه عطشان.....خلوو جسمه ميدان ....لازم بيده كلبه

صعب ترب تطب تسد جروحه كلها
حرم الم غرب سبي منو اليحلها

دمه اعله الكاع تبده
وبروده يدور خده

جم اه واه ودالي
كعدولي حسين كبالي
.
.
.
.
رأسه اعله الرمح صار....كلسا لخته يندار ....تمنيت الهزل غار
...ويشيل السبايه
عالي رمحه وجبير....فتحت نحره جن بير.....بعيونه بقى يدير ..يحرس عالعبايه

بشغف نزف ودمه بجه على نسائه
بغرب صعب الجسد بقى بلا ردائه

ضل يفتر وي نسوانه
تبجي اشفافه الذبلانه

بحسره تصد رأسه العالي
كعدولي حسين كبالي



الشاعر عبدالله الشويلي

مشاهدة "ساقي الضماية || ملا حسين النصراوي" على YouTube
https://youtu.be/ltDcGuPqAd4

مشاهدة "شعدها الخيل وياك / احمد الزيادي /1444" على YouTube
https://youtu.be/MnvU92Soey0

مشاهدة "عوجيته رمح | الرادود حسين الفتلاوي | عزاء هيئة ويبقى الحسين ( ع )" على YouTube
https://youtu.be/iZEe1mFq86E