مشاهدة "الرادود علي الصغير الخلصوا اهله ذبح" على YouTube
https://youtu.be/gduuvVceiwQ

مشاهدة "ياحبيبي | الرادود مؤيد الكليبي - عزاء هيئة السبي 19صفر" على YouTube
https://youtu.be/8lzd1EXJTIk

دولة الخدام تظهر بالظهور المهدوي
وشيخ هالدوله العظيمه هاشميٌ علوي

الاسم ارض السواد
كلها خدام العباد


ابد لا مو بعيده تجي الطلعه الرشيده
ويجي المهدي بضوه وجهه ويقيم الدوله بيده

علم هالدوله رايه اصلها من السبايه
مهمتها بضعن زينب غِطه ارقيه الشهيده

ومن جربة گمر هاشم ماي اعله الخَدَم ينرش
اليشرب گطره من عدها بعد للموت ما يعطش

على البوابات تنخط هالعباره للولي
لا ولي الا ابو صالح، لا فتى الا علي

بلا جرح كلشي ضماد
كلها خدام العباد
.
.
.
.
ملك هالدوله عادل فرح بعيونه شايل
يوزع عالخدم بيده بخت، غيره، حَميه

البچه يهديله ورده واكو بس هيئه وحده
اسم هالهيئة يا مهدي وبسم دمعة رقيه

اتخيل حاضر وتلطم والملا ابو صالح
بطور البدوي يقرالك ويختار الحچي المالح


بمجلسه لا ماكو اناره الاناره بجبهته
منبر اجداده يصعده وراية الله رايته

والسمه تعلن حداد
كلها خدام العباد

.
.
.
.
قبل عشرة محرم اهل هالدوله تلتم
بدمع تستقبل العشره بلطم يشفي المناحر

الولي للقامه ينظر يحدها لليطبر
واكو مجموعة شوريه لطمها اعله النواطر

واطفال البلاد اتهب كلمن بيده زنجيله
والشايب الحب حسين بعده الشايب بحيله

رقم واحد بالخِدامه دوله ما الها نظير
دمعه وحده اليبچي بيها بحر عد الله تصير

ماكو صعبه بهل البلاد
كلها خدام العباد
.
.
.
.
بفخر افراد اهلها تهب مشايه كلها
وتجي بالاربعينه على هيئة ضَعِينا

وتِرد تنصب جوادر بلد بس للشعائر
وعلى كل جادر انخطت (يزاير مر علينا)

ومَلَك من السمه ينزل اوياهم يخدم الزاير
فراغه بالدرب ماكو جادر لازگ بجادر

الزاير العدهم امدلل افراشه من فضه وذهب
واليمر لو لحظه وحده بدفتر المهدي نكتب

وتنحل بجاله الشداد
كلها خدام العباد
.
.
.
.
الخدم كلها عوابس بفخر تحيّ المجالس
بوسط غرقدهم الضاوي بهلا وخمست مناير

وتسوي بكل مسيه زياره فاطميه
ويروح المهدي وياهم يزور وهو حاضر

باجر تنبني گبه بجف المهدي للزهره
بكبر الكوفه بل اكبر يسوي الجدته الحضره


موبعيده صحن فاطم يوصل لحد كربله
مثل حضن الزهره احسه يلم شملها العايله

هالصحن اسمه الرماد
كلها خدام العباد

الشاعر عبدالله الشويلي

مشاهدة "بوابة الشام || محمد الماجدي || الشاعر عبدالله الشويلي مجالس مشاية موكب جروح الغائب 1444" على YouTube
https://youtu.be/BSNpTxC0RFM

مشاهدة "حوطت كلبي || علي سلمان الخيكاني || هيئة شباب ام شويج || البصرة || محرم الحرام - 1444" على YouTube
https://youtu.be/R3NwIPPPibc

مشاهدة "انا الشاعر والملا l الرادود احمد الموالي . 2022" على YouTube
https://youtu.be/HVir-eoedZg

مشاهدة "مولاي مولاي / ملا محمد الحسيني / الذكر حسين الخادم /الشاعر عبدالله الشويلي جديد 2022" على YouTube
https://youtu.be/dA3ciy8daio

مشاهدة "عذرآ للماي / الرادود الميرزا احمد الزيادي كلمات الشاعر عبدالله الشويلي/ مجالس محرم الحرام" على YouTube
https://youtu.be/Zw0zJKm1nbM

مشاهدة "يايمه يازهراء|| السيد علي الجابري||الشاعر عبدالله الشويلي||عزاء حسينية فاطمه المعصومة ع -البصرة" على YouTube
https://youtu.be/jsu0xtYVeV4

مشاهدة "محد كلي خويه اسم الله ||بصوت مؤيدالكليبي" على YouTube
https://youtu.be/Ub2Lw_AUCqI

بعد مقتل الزهراء (ع )جاءت أم سلمى للإمام علي (ع)وقالت له لا استطيع العيش في هذه الدار وإني لا اطيق فراق الزهراء (ع )وسأذهب للصحراء وفعلت ذلك




يا ام سلمى تشوغ الروح لو عصر الجمعه يعدي
مثل افراگ الزهره وياج فت گلبي اغياب المهدي

اليا صحراء امشي احتاريت
هم مثلج خانگني البيت


ركض بيه العمر والشيب ' الصفنه باگت ارسومي
يمرني المغرب واشتاگ لحد ما تنگع اهدومي

تعبانه روحي وحيلي مسلوب
الفاگد المهدي يعيش متعوب
بالصبح طير وجنحي مكسور
وتلگيني دمعه بوكت الغروب

يالشفتي الزهراء اهواي ماشفت اني الحبيته
لو اندل بيت المحبوب والله ما افارگ بيته

ما شفته وحيل اشتاكيت
هم مثلج خانگني البيت


.
.
.
.
يالتعودتي عالزهراء وبلااها همتي بالصحره
شضل بحالي والمهدي ما شفته ولا مره

بالماي شمعه ودمعه وديت
وبفراگه مثل الخيم وجيت
المالح اغيابه ياكل الحيل
بكد ما احبه الوجه حنيت

مو بس وكت الجمعه انعاه كل يوم الندبه اقراله
هنياله الحباله انسان ويدري شصاير بحواله

لملگه عيونه شكد صليت
هم مثلج خانگني البيت

.
.
.
.
بزوايا السهله ادور اعليه ام واعله الضنه ادور
بكثر ما دمعي ضل ايطيح كالوا دمعك ايشور

يطلابت العين اويه الدموع
طلابت الطاحت فوگ الضلوع
حلم العمر بس اكعد وياه
موجوع وييگاابُلّه موجوع


كون اتموت الغربه الحين واجروحي تبطل تحدي
ونترك كلشي بهذا الكون ونسافر ويه المهدي

تفز جروحي لو حنيت
هم مثلج خانگني البيت
.

.
.
.
.
ضعت بس ما لكيت انسان بالمهدي يدليني
وكلش خنگه صار البيت ونار الفرگه تجويني

ما شفت بعيوني الاحبه
تثگل اجدامي شما اندبه
الغوث من البعد والنوح
صعبه الحياة بدونه صعبه

جم ذكرى وذكرى تمر بيج لمن تشتاكين الها
وأي ذكرى ماعندي اوياه بس اهمومي الشايلها

بطعم افراگه شكد غصيت
هم مثلج خانگني البيت

.
.
.
.

سرت روحي اعله عطر الشوگ ويوسف گلبي ما هوه
بهت كلشي وكبر جرحي ودونه ي عنالدنيا مو حلوه

كل جمعة اناطر والوقت سيف
وعادة اليحبونه يجي بطيف
ما شفته حتى بطاري الاحلام
انه المخلص ايامي يا حيف

صحره الشوگ بروحي تفور جا يمتى اسگيها بشوفه
غركان ابير الهجران يا يوم ايمدلي اجفوفه

ومن هالبير شكد ونيت
هم مثلج خانگني البيت



الشاعر عبدالله الشويلي

مشاهدة "عليك الزهره حاجيني ملا عباس المحمداوي // كلمات الشاعر // عبدالله الشويلي" على YouTube
https://youtu.be/pZEWF_xdXLg

نار وي نار التقت
اوحده للاخرى روت
محكمه والكل حچت
من الحرگ حد ما طفت


اعترافات وحكم ....يرد حگه المنظلم ....محكمه والدم شهد
النار متهمه بقتل .....فاطمه وذاك الطفل....والمهد والبلمهد

نِسه احترگت ....خيم وجت .......وحراير خافت وركضت
ومره شتكدر .....وجهه احمر...... ....النار بفاطمه شسوت


النار من تلسع تشل
بالوجع چنها الهزل

بالاجدام توسطت
من الحرگ حد ما طفت
.
.
.
.
حجت نار ام الضلع .....وكالت بحسره اندفِع ....شما يدفعون الجذع
لِحِت وجه ام الحسن ......أطراف أصابعها انچون.......ما يطفيني الدمع

طلع دمها .......كبر همها .......والشاعلني يشتمها
ولمن تبعد.... اليه اترد .....وإني بحسره اجي يمها

كام يعصرها الجذع
واسمعت طگ الضلع

والله والله تعذبت
من الحرگ حد ما طفت

.
.
.
.
من حجت نار الخيم .....انترست الدنيا الم ......المحكمها كلها بچت
گالت اجدام الحرم .......ا سحگت اعليه بألم ......ومره بنصي توسطت

واكو واحد .....بقى كاعد .....احترگت خيمته وساجد
اشتعل هدمه .....العليل اسمه .....وجفه المنجوي شاهد

لحت اطفال اشكثر
ارقيه ركضت عالجمر

البقت كلها اتوهدنت
من الحرگ حد ما طفت
.
.
.
.
نار من الشام اجت ......مع النارين التقت .....وحچت بالصار وجره
من السطح كالت طحت ....على النسوان وشفت .....اتطفي بيه شجم مره

وابو ارقيه ......يصد ليه ......لَمَن اچويلي علويه
وبذب رأسه ... على ناسه .... دمع وعيونه مدميه


انشمرت وي الحجر
ولامسِت وجه الكمر

وروس الاضعينه انحنت
من الحرگ حد ما طفت
.
.
.
.
التحقت بهل المحكمه .....نار ما بيها دمه .....ما جوت ذاك النبي
بصحبت ابراهيم اجت...تزهي وبحبه انجوت...رغم ما وجهه اجنبي

حضن صارت ....لمن دارت.....الوادم عالنبي وجارت
شكثر حلوه ......هلا ونخوه ......عطر وبروده من فارت


ريت هيه بكربله
وما تچَوي العائله

تفتخر من سولفت
من الحرگ حد ما طفت


الشاعر عبدالله الشويلي

#ميمر

كلمن بغض حامي الجار
ملعون هو ودينه

درع النبي والأول اب إسلامه
قبل الحرب حيدر يشد احزامه
وغيره كضاها يرتب ابهندامه

بسيفه علي شال ارگاب
وغيره ماشايل عينه
.
.
.
.
شايل السبعه جف علي شنهي الباب
ما طاح ابد والميليته اطيح ارگاب
البيده يوگع ينترك صم تراب

لگطع المناحر يا ناس
من الله اجه تعينه
.
.
.
.
(ما ميت الخَلّف) ابد مو مقياس
المفروض يداول مَثل بين الناس
ما ميت العنده ولد كالعباس

الگاضيها بس بالزينات
خلفته تطلع زينه
.
.
.
.
بوجه الجمال اليوسفي يتأمل
ياهوه مثله عد إلٰهه امدلل
بجفه الحجر قطعة ذهب يتحول

من طين مخلوقه الناس
بس حيدره يا طينه؟
.
.
.
.
يندار وياه الفلك من يندار
اجناح الأمين اترفرف بيا كرار
ابراهيم ناده ياعلي وطب للنار

وصاح النبي بالطوفان
يا با الحسن نجينه
.
.
.
.
سلمٌ لمن سالم علي وولاده
ما نحب وادم ما تحب الساده
واللي يعاند ما يفيده اعناده

يوم السراط احنه نشوف
يا جف يجي يعدينا


الشاعر عبدالله الشويلي

(ام البنين ع)

الليله بالطيف يا حيف شفت خيل وزلم
دارت على حسين ميتين اهله بهل الحلم

وبس النساوين
مد للحسين

بالحلم سافرت ورحت يم الحسين وبيته
مهموم شفته عالمهر لازم بحرگه الحيته
للخيم من طب و طلع تنگط دمع خاجيته
عطشان واتراب الحرب لا ما يچلب ابريته

ما فكرت غاد بولاد فدوه الاربعه
لحسين وام عون مِن كون اطيح امگطعه


من فدوه لبنين
محد للحسين

.
.
.
.
بحرگه يقاتل بالزلم يطلب بثار إخوانه
كل ما يشد المعركه ما يثبت ابميدانه
يترك الساحه ومن بُعِد يتباوع النسوانه
وصلت الحاله أمنِ التعب مابي يحرك السانه

يفرك بالايدين ميتين اهله وصحبته
شما صد للخيام واحتام تِبيِّض لحيته

كسره اهله ميتين
. محد للحسين
.
.
.
التمت اعليه الخلگ شفته ينازع وحده
يا ناس بثناء الحرب وطاحت احجاره بخده
بس رفع وجه للسمه صاب المثلث جبده
وليه انوله بطف كربله ومحد يجي ويسنده

فوگ المهر نام وازلام ترميه بحجر
ضل يضعف الصوت ويموت بحسين النظر

كال الگمر وين
محد للحسين
.
.
.
.
خضب بحرگه لحيته يا ناس من دم گلبه
طايح يدور اعله الخيم وكل اليفوت ايضربه
ومن خَرَب اجبينه الحجر اتمدد وتيهه دربه
ماكو مجال ايشم هوى ملتمه كلها بگربه

ايدور الهوى ادوار چن نار بعروگ الگلب
مابي يشيل ايد ويريد يندل الدرب

وسفه على الزين
محد للحسين


.
.
.
.
فجأه واجت حرمه أتعدي صعدت على التل گوه
صاحت يخوي الحگ الي وصار الاخو يتلوه
كام وعلى اسهامه وكع مو سهل صوت الخوه
الما يرمي برماحه عدل بجسم الحسين اتقوه


يجَر النَفس حيل والخيل اجت تركض اله
يحاول ولا گام بسهام يرميه حرمله

ضل شابح العين
محد للحسين
.
.
.
.
باوعِت زينب حايره عين اله وعين البيته
ودرت الوجه لحسين انه وجوه الخيول الگيته
من راحن اتقدم شمر گضه وعلي من الحيته
اتربع بصدره وحَضرِتي درت الوجه خليته

فجأه وشفت راس ياناس مرفوع برمح
ما ركزت بيه ادريه حسين المنذبح

ضل ينزف الدين
محد للحسين
الشاعر عبدالله الشويلي

#شور_لام_البنين

شيخ الأنساب اجاها وطلبها لحيدر
وعلي الملگاها حضر قبائه الأخضر
شِيخة الحب وأهلها شيوخ وأكثر
فهيّ امُ البنين

مره تمطر وفه
كرم وي معرفه
فلا يوجد سواها

نعم كلها ويحيدر مابيها لاء
زلمه كالت وأريده ماكو سواء
ام للحسين اصيرن حظي جبير
وصارت ام وحنينه لوجه السماء

بأمر من فاطمه...... مره لحامي الحمه
.
.
.
.

( انجبتها الفحوله) وكفو من عدها
عدها شيله ثچيله لعلي تعگدها
ومحد ايحلها غيره لمن اتشدها
فهي امُ البنين

وجود ابلا عدم
تضل مثل خيم
اساس الخدمه هيه

الخدمه گمره وضواها ام البنين
علمتنه الوفاء ومعنى الآنين
التوكل عليها يعادل حياة
مدد من عدها هَمنا البسم الحسين

بشهود اهل السمه...... مره لحامي الحمه
.
.
.
.
البدو كلها تدنگ لَوَن نذكرها
سر عظيم وعلينا فهَم كل سرها
الف معنى يلاگي لَمَن ينظرها
فهي امُ البنين

قبل حل الفرض
تتانيها الأرض
وتناطرها الثريه

افتراضا علينا بعد البتول
ماله نية زواج وفرضا نكول
تبقى هي نفسها ام البنين
يحب الحسين گلبها حد الذهول


بزهدها عالِمه...... مره لحامي الحمه
.
.
.
.
بالموقف عظيمه بِچتها الساده
زلمه عدها بحضوره تفر القاده
شاره تسطر ببنها دخيل عيونه
لامت الحرب هديته بسنة ميلاده
فهي امُ البنين

الدرع كاروك اله
لعِبته كربله
ضحكته بالمعارك

من علي وابنه لسه الوادم تهاب
بيمنت ابنه الگناطر بجفوفه باب
الأسد محد يجيبه غير الأسود
ابو فاضل رعيده بوكت السحاب

لخوه اتقدِمه....... مره لحامي الحمه
.
.
.
.
عدها اربع كواكب عظميه المنظر
لَوَن حضروا معاره الزلم تتبخر
وابو فاضل نظرته شرحها الاشتر
فهي امُ البنين

ولِدها بالشدد
ينادوها مدد
الصعاب اليمها سهله

اليجبل الها تكرمه ابلا ما يكول
وبكرمها السوالف كلش تطول
شنهي حاتم كرمها يخجله جيل
ما نقيس العطايا فوگ الذهول

العطايا قائمه..... مره لحامي الحمه

الشاعر عبدالله الشويلي

#شور

الشيخه عالتاريخ بس ام البنين


مثلج ولاكو مره جابت زلم كلفه
لو شرقوا اعله الأرض حتى الشمس تطفه
جابج ابو حسين اله وجبتيله ابو فاضل
الحد هسه ذاك النهر من أيده بي رجفه

محتاره بيج البشر
جبتي كمر لو نهر
لوجه الله والساده

تگولين يا فاطمه
وتوگفلج ارض وسمه
وبسمج علي ناده

الماعدها مثل العباس ....لا تفتخر بين الناس ...بالبزره
شسويتي لله وسواج......وبيت فاطم خلاج ...ياحره
.
.
.
.
عندج ولد چن علي يبس رياگ الشط
بالثوب الاخضر حلو واجمل بالمرقط
اربع جهات الأرض تهتز لَمَن يمشي
ومن يحضر بمعركه خيل وزلم تفحط

والنعم منج كفو
تاج اعله راس البدو
والجابتج حره

شيعيه گبل الخلق
واسمج بقى ينِطِق
من صارت الزهره

وگفت الج انس وجان ....تهبط الروس العربان .....يم بابج
عندج اسرار الكرار .... يالما تچويج النار ....وتهابج
.
.
.
.
بدويه عد البدو وعد علي علويه
مذهوله بيج السمه والكره الارضيه
نحترگ مثل الخيم چي انتي ويانا
خطينا اسمج حرز يم كل حسينية

اترسين ضيفج هله
ويتباهه بين الملا
كلمن وصل يمج

بابج امخجل العرب
من عنده طلعت رگب
الكربله بسمج

مبخوته يم الاولاد ....نطلب وتنطينه امراد...للخدمه
تنطين بسم ام حسين .....وبس انتي تملين العين...يا حرمه
.
.
.
.
بيدج عطاء الخدم يمج الحل والشد
يحترگ بيج وعلي الخادم اليبرد
حلقت وصل للبچي يا دمعة الساده
واول جرح بالعرب جرحج اليتخلد

التاريخ بيج احتفل
چن علي خير العمل
يا بيت المروه

وبالمعرفه ماتمر
مثلج ابد يا شذر
گلتي لعلي تگوه

مجروح ذكرج مجروح ....بس وعلي ايرد الروح .....للخادم
وياج نبقى وياج ....بحماج كلها بحماج ....هالوادم
.
.
.
.
باجر بيوم الحشر بس جفج اليشفع
وللنور كل الخدم وي حضرتج تطلع
جادر حزن منًْصب بالجنه للخدمه
تشفي جرح فاطمه الدمعه من توكع


وأهل اللطم تفتخر
عالنوح طول العمر
للبي اثر حافر

وكل جرح يحضن جرح
ويه الذي منذبح
انشاهد العاشر

وبأمر رب الأكوان.....ننصب عزه اعله العطشان ....وي فاطم
حيل وعذب كله احساس ....توزع اجفوف العباس .....لالخادم


الشاعر عبدالله الشويلي

شور للامام المهدي عج

فوگ الجروح وعبرتك وغربتك باقي على اذنوبي
عذرا كلت بس ما تبت ولا عفت ياسيدي عيوبي
جا كلش اترك لو صدگ يالعشگ ثوب الخَدَم ثوبي


من أقصى حزني ....جيتك كأني .....غريب
رتبني بيدك ......مولاي اريدك ......حبيب
هذا اني نادم .....سويني خادم ....مجيب

يا حناني الما شفت مثله حنان
انه لو ما ذنبي شفتك من زمان
نفسي أماره وصراعي بنكسار
أخذ بيدي الدنيا مابيها امان
.
.
.
.
نادم على ايامي الجزن يا وطن بلا ذكرك الدائم
ويسوه العمر لو بس الك والهلك ياسيدي القائم
ارزقني احضر مجلسك اتنفسك يخنگ حجي الوادم

مالك شعوري ....وتعرف قصوري..... جبير
بس الله شاهد....بنص گلبي گاعد ....أمير
شما ابعد ارجع ....ولعطفك اركع .....اسير

اني واحد رامي جرحك بالذنب
باع عمره للعطش مو للعذب
هاي مو جرة إذن جرة كلب
وراح اكون وياك صادق يالمحب
.
.
.
.
أعمالي كلها تنعرض يا فرض كل جمعه گدامك
حين التعاين ياعمل بي خجل ويهيج آلامك
رزقي دمعتي لكربله والملا تسميني خَدامك

كل لحظه احيرن... ما اريد اصيرن....بعيد
لازم ردائك .....والكربلائك .....اريد
خل دمعي يجري ....بلا خدمه عمري ...شفيد


خاف تسبدلني وي غيري واروح
الدنيا مابيها مجالس لا جروح
اني روحي معلگه بمجلس حسين
گلي بويا شلون اعيش بلايه روح

.
.
.
.
عييشني آلام السحگ والحرگ والركضه بالهيمه
ارد افتهم شنهي الضمه والدمه وهم گلبك وضيمه
شوفني الحسين العثر عالنهر ومن وگع الخيمه

تعِب عيوني ....غيرلي لوني .....بجروح
مو حلوه بارد .....كل عمري رايد.....انوح
.للماله خنصر ....خل وقتي يعبر ....يروح

ميت الما يبچي عالذبحوله أخوه
على ذاك القبل ذبحه عذبوه
الشال اديه وبتسع اصابع ضل يلوج
ومنعو الجاري عليه وعطشوه
.
.
.
يالعايش ابلايه هلك وجد الك اضلوعه ممروده
العنده مكسورت ضلع ينفجع وعوجيته الدگوده
التنسبي عمته بهزل يضل يهل دمه على خدوده

شيخ العشره ....تلمه حصيره ....غريب
عندك حرايم .....تسبيها وادم....عجيب
طول الليالي ....ماعدها والي.....قريب

الغربه تاكل صفنتك يالما تطيب
لا أهل عندك ولا عندك حبيب
ألف واربعميت عام من الجروح
شلون گاضيها يبو صالح غريب



الشاعر عبدالله الشويلي