مشاهدة "مليت أيامي | محمد مردان التركماني | محرم 1444هـ" على YouTube
https://youtu.be/kPds639MmsQ

مشاهدة "عافوني | حسن المجتبى | مجالس محرم 1444هـ2022مـ" على YouTube
https://youtu.be/KzLdQkB2hXE

مشايه اجت وادم فدائيه
من كل جهات الكره الارضيه



جاهز لو لا.......بانت خطوات المشايه
جاهز لو لا ...كلمن حضر دمعه ورايه

الخدم فتحت مواكبها ورجع كلشي بمكانه
وبده يصيّح ابو الموكب هلا بكلمن اجانه
إتِعبه بدرب ابو اليمه ترا جدمك امانه
يباوعلك ابو فاضل وعليك يرش حنانه


غيره يوزع بسم ابو ارقيه
من كل جهات الكره الارضيه
.
.
.
.
بس يرضه حسين....... وخلي الوادم تزعل كلها
بس يرضه حسين .... وختميل الدنيا بمحملها

بده سيل البشر يجري إلى سيد الوسامه
المجالس بالدرب ضجت على حسين وخيامه
اكو يدك الصدر جفه وتِرس دمعه لثامه
واكو محضر زناجيله واكو محضرله قامه

فزعه والفزعه تجي بروحيه
من كل جهات الكره الارضيه
.
.
.
.
قل بسم الله.....قبل أول خطوه تمشيها
قل بسم الله.....وخطواتك للمهدي اهديها

بمدد من فاطمة الزهره قضيتك لا تملها
التراب البلدرب يسوه الذهب والدنيا كلها
الوصل نص الطريق ورد ابد مو من أهلها
ترا زينب لحد هسه بقى مايل حملها

تخيلها فوگ الناگه محنيه
من كل جهات الكره الارضيه
.
.
.
.
بسم العباس .....شيل الرايه بهاي جفوفك
بسم العباس....طوف حسين وكلشي يطوفك

ولَمَن توصل ابو فاضل أخذ للجف تحيه
الهوى التشتمه يم بابه هوى ضد ال اميه
وتجي الزهره بضهر محني ترا للغاضريه
وِجب من تلزم اعتابه تسلم عالزجيه

وگلها يزهره عيدي هالجيه
من كل جهات الكره الارضيه
.
.
.
.
سبحان حسين ......فارش اجمل واكبر سفره
سبحان حسين .....يرده بشاطي المنطيه قطره


فلا رَجَع بشر سائل دخيل الكله شاره
اذا تطلبها من عنده وعلي ينطي المناره
ترا علويه حاسبها وتشور هالزياره
شعائرنا الحسينيه تضل اقدم حضاره

ما تنمحي ومتروسه قدسيه
من كل جهات الكره الارضيه


الشاعر عبدالله الشويلي

ما ميت ومر بيه هالليله
نفسيته ابوي بكل تفاصيله
جايب تراچي وما رضه ابچيله


من غمضت عيوني الحمره
رحت العالم مابي حسره
لا هزله ولا سوط وعثره
كله اخيام

شفت حسين شمحله ارسومه
احله من العاشر واهمومه
لا ما مسلوبات اهدومه
شكد محتام

ما مفطوره اشفافه... ما متغيره وصافه....لا عطشان
اوشاح خضر لابس ... جاي بهيئة فارس ....لا حيران

بوضح النهار الملتقى بحسره
اتشابكنا حد ما طلعت الگمره
والنا يزينب نزلت الزهره
.
.
.
.
منْ شفت المحبس والخنصر
وسالم رأسه وما مطبُر
عيوني النحره كامت تنظر
ما مذبوح

فرحت روحي ودِمعت عيني
گتله افتح صدرك خليني
اشتم بي ..مخنوگه حسيني
بيه جروح

يالعايفني ألياالي......وجهك راحت بالي..... وشوف العين
شكد گلت العمتي أنه .....مشتاكه ولهفانه..... لحضن حسين


شكد ردت رأسك والرمح عالي
ولو أصيحك ايهزونك اگبالي
وكمت اشتكيله اشعملوا بحالي


.
.
.
.
گتله شلَمَك يالمطشر
شرده لايدك هذا الخنصر
وصدرك سالم ما مدمر
من الخيل

مو عفتك منحور وضامي
وشفت الحافر منك دامي
ضل يسحگ صدرك گدامي
بكل الحيل

واهدومك مبيوگه..... واخيامك محروگه.....يا محبوب
تركض علوياتك.....بلون احمر شيباتك ..... يالمسلوب

من كتله صارت ركضه بالحومه
كض بيده ضهره ونگعت اهدومه
بيِّنت روحه كبالي ملجومه



.
.
.
.
كتله الخيمه احترگت بينا
نركض والسوط يطفينا
تراب الصحراء إيجوينا
نبرده بيش


عاده اليركض لَمَن يتعب
يوگف ينطوه ماي ويشرب
وبالطف حين النوگف ننسب
يسبنا الجيش

عمتي اتجمع بينا......والناس مطشرينا .....تعبت حيل
انضيع وجابتنا ...... لمتنه وضمتنا...... من الخيل

اتجيب وحده اتضيِّع الإخره
تعبت وتجوي رملت الصحره
صارت عباية عَمِتِي حمره


.
.
.
.
من گتله اخذوني مسبيه
رد اب لا انتي العلويه
ولبسني بجفه الترچيه
وضل ينوح

رِت ابچي وراواني منظر
كال التفتي وشوفي الاكبر
وعمج جاي بثوبه الاخضر
يرد الروح

الاكبر شافت عيني ....وصديت اعله حسيني ....وللعباس
ساقي وجاي بجوده .....ما متگطعه زنوده .... كله احساس


بعينه الوسيعه ماكو اثر نبله
العباس من يزعل يصير احله
عالي ابو فاضل ياهو يوصله



الشاعر عبدالله الشويلي

مشاهدة "شيخ العشيره حسين || الرادود محمد السلماني || 1444ه" على YouTube
https://youtu.be/tgoQyahmXck

مشاهدة "يا اهل اللطم و النوح || ملا محمد الماجدي || مجالس موكب جروح الغائب #محرم_1444" على YouTube
https://youtu.be/y0K7_Szroi8

مشاهدة "لو انه عليله | حسن المجتبى" على YouTube
https://youtu.be/dAFlgpPGMCk

مشاهدة "مولاي اقبلني ||محمد الحسيني||" على YouTube
https://youtu.be/wLyB6ERJioc

#للحسن_ص

اول  آيات  الكرار
بفضل احسانه كل الصار

اكرم واحد
واشجع زاهد



بعض الشواهد مؤلمه وو طبع الحقائق تنمل
عدنا الحسن بس بالكرم ونحجيها لا ما نخجل
الكرم شي عادي ترا وعن العرب ماينحل
اخذ الحسن منطي ضعن وهالشي لازم يعقل


بفضل فكره شكو دمعه انبچت لحسين اخيه
اذا مو هَوَ ما نلطم ولا ننصب عزيه
  السهام النامت ابنعشه ترا من الغاضريه

فشله انذكره بس بالزاد
وهو مقَدِم اخوه اولاد

شيخ وقائد
واشجع زاهد
.
.
.
.
حكام عصره من طغو جان الحسن ناصحهم
هُدنه  ِعقد لا مو صلح المثله ميصالحهم
ناس استباحو دم علي وغامض صفه واضحهم
اعله حسين اخوه جفه لطم هل يعقل ايصافحهم؟


سياسي اول على العالم اطاح  بحكم اميه
اذا شال الثرى بيده يصير من الثريه
اخذ هجي شخص عارف يقدم الغاضريه

لسه افكاره مدوخه الناس
وعالسيف امعلم عباس

نفس الوالد
واشجع زاهد
.
.
.
.
هذا ابن قتال العرب فذ بالشجاعه امعتبر
الما تنگدر الها بزمن عليها ابو محمد يگدر
ما ضارب بسيفه ابد الا كِبار العسكر
تلميذه عباس الشهم  الطَلََع كلب للاشتر

علي الاكبر اخذ منه الشجاعه الهاشميه
واجه القاسم تعلمها وكسر ضهر الوطيه
زلم حتى الوگف ضدهم اخذ الهم تحيه

كامل وبكلشي اول صار
يغفى بنظراته المختار

وحيدر شاهد
واشجع واحد
.
.
.
.
عالم تقي زاهد ورع وبالحِسن محد مثله
اسمه لَوَن مر ابحر البحر يسكن كله
معنى الحياة بنظرته الماي ابحروفه اتعله
يم ضحكته يلين الصعب والكلفه تصبح سهله

ضحكته وعين ابو فاضل نسق واحد سويه
صِدر  من شيب البراسه شعاع الجوهريه
ترا من عين ابو محمد  اكتشفنا الجاذبيه


من شعره استخلاص الليل
ومن فييض احروفه التهليل

هو العابد
واشجع زاهد


.
.
.
.
لو نفترض شحص الحسن هالمعركه حاضرها
جا شال بيده الميمنه وعالميسره يشمرها
جا جَمََع. السبعين الف وعصر الهدم يعصرها
ومَطرت الغيم اعله الأرض روس الزلم مَطرها

الجهات الاربعه كلها تصير اكباله وحده
وشرط يلمع وجه سيفه بركبهم من يحده
اليسطره بهيده بجفوفه وره الحومه يرده


كف اردانه يكف الماي
برايه والضده بلا رأي

ساقي وصامد
واشجع زاهد

الشاعر عبدالله الشويلي

مشاهدة "بلكي نموت :: زيد الجياشي :: محرم الحرام ١٤٤٤هــ :: موكب أنصار المهدي عج :: تنفيذ شركة نور الخيام" على YouTube
https://youtu.be/_n0X3g0Y7ic

مشاهدة "قمر الحسن ||محمد الحسيني||" على YouTube
https://youtu.be/dRFbyt6KgnM

مشاهدة "مشايه اجت :: عباس الطوكي :: محرم 1444" على YouTube
https://youtu.be/sijZmHzBxkk