-٢٠٠٠-
خادم وخادمة 😭😍♥️
اسأل الله ان يوفقنا جميعاً لخدمة آل محمد، واكدر اساعدكم واقدملكم كل الي اگدر عليه..

فزاعية 🔥
لشجاعة علي الأكبر عليه السلام
من ديوان المغسل بدم الجراح الجزء الثاني

#متوفر_في_الاسواق.

لا تفوتون الفررررصة

وحده منهم قريباً اعلن عنها…
بس ادعولي تتسهل الأمور

يجرجي اويا دواي انته
يل امطشر افكاري اولامها ابسكته

راسمتك انه ابدمعات العيون
نهر حبك على الخدين حافرته

انه اول ابنية اتسولف ابلا خوف
تزامط بالتحبه وتحجي سالفته

اسمع بالاسم يندار بيه الكون
صح ابعيد لكن روحي حاضنته

يا اول بشر يمشي وي ادماي
ومثل هذا الهوى هيج انه شاهگته

حدر فيك عشت كل هاي الايام
طير بلا وطن و اوطاني انته

عيونك لملمتني من ضياع الروح
ومثل عينك رسم ابد ما شفته

يتعبي وذكرياتي وحزن دنياي
ويا حلمي الحقيقي المن صدك عشته

*يجرحي ويا دواي انته*

ياخذني الخيال هناك يم دخان
ويم خيمة وظلام وطفلة فاگدته

ويم حزن وضياع وفرگة الخوان
وضوه ابنحره سهم اهناك صادفته

وشفت الي اعشگه موذر وعطشان
شلون نور الله هيجي صاير بشفته

صدره من السحگ اطشر اعله الگاع
يعين الله اخيته بيا حالة شافته

اكيد بلا محال عرفتوا منو المقصود
محبوبي الحسين واسمي خادمته

شرف هذا يعالم كلش چبير
ابوي وامي هو وأغلى حاسبته

#زينب_الفياض

نعي لسان حال السيدة زينب (عليها السلام) يوم عاشر:

اجاني الصوت يبن امي للخيام
غريبه أصوات اجت تروع الأيتام
و زاد الرعب بينه والآلام
•———•———•———•
اصوات الغرب گربت لينه
واخيول الكفر فازعه علينه
كلها محضره خويه لسبينه
•———•———•———•
صوتك همس خويه وصلي
واتذكيرتك من تكلي
ظّلي بعباتج ليه ظّلي

•———•———•———•
محركه ذيال العبايه
وفوك الترب كلكم عرايه
ونمشي يبعد اختك سبايه

•———•———•———•

تمت بعون الزهراء عليها السلام
بقلم خادمة العليلة وابيها
#زينب_الفياض
#العاشر
https://www.tg-me.com/zainab_alfayaad

#ديوان_المغسل_بدمِ_الجراح الجزء الثاني متوفر حالياً في:

محافظة الناصرية:

مكتبة نور الزهراء الحبوبي - مقابل بيت سيد راضي
07808201784
.
محافظة البصرة
مكتبة دار الزهراء بصره العشار استاذ احمد 07735651077 توجد خدمة توصيل
.
مكتبة الحكمه ابو عقيل 07709076591
.
مكتبة الدعاء العشار
استاذ حيدر
07709003077
.
الگرنه مكتبة الغدير الشيخ ابو احمد جبار لفته جامع الامام الرضا
07712668559
.
الزبير مكتبة ابو تيسير
07711719920

مكتبة احمد المدينة

.
محافظة بغداد:

مدينة الصدر سوق الگياره مكتبة الغدير 07711395580

#ساروعوااا بالحجز

اللهم صلِّ على محمد وآل محمد

كل التوفيق إن شاءالله

حبيبتي زهوره التوفيق للجميع إن شاء الله

{‌‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ}

على حب الحُسين عليه السلام

https://masba7a.com/s/55999184

يا صاحب الماء
اروي عطش قلبي
فقد طغى عليه الظمأ..

-زينب الفياض.

قصيدة لسان حال مولاتنا العقيلة زينب (سلام الله عليها) تتحدث مع صاحب الزمان(عجل الله فرجه):


يا عمه يمهدي الغربه اذتني
وجارحني السبي والشام تعبني
............. ............…
عمه مهدي گلي منين ابديلك
ومن ياهي يعمه انا اشكيلك
كل اليوجعني يهدمّن حيلك
ومالك حيل يبني يابعد متني
............. ............…
يا عمه يزينب آه يا عمه
عشتي بالحزن والآه والغمه
عن حسين انشدج غارگ بدمه
وحزني ما يفض وآهاتي و وني
............. ............…
شسولف عن اخوي الغربته غربه
وكلنه مثله عشنه ومتنه ابدربه
لو عن ابو فاضل صاحب الجربه
لو باقي المصايب كلها جرحتني
............. ............…
اخذ روحي يعمه العاشر ويومه
وفرهدني وكسرني وعشت ملچومه
المن باقيه بلا حسين وارسومه
عشت بس بجسد والدنيا كسرتني
............. ............…
كسرتني يعمه الدنيا ما نصفت
من وحده بقه الحسين والتمت
عليه كل الكفر وكلها تتشمت
وهذا الموقف اهوايه امعذبني
............. ............…
شگلك عمه من هجموا على اخيمنه
حرگوها الخيم وابكربلا ضعنه
ومن ذبحوا حسين ابضمينه عشنه
وبنيته رقيه حيل هدتني
............. ............…
واحجيلك يعمه عن جرح گلبي
مشيت انه بدرب لا والله مو دربي
وكعدونا بخرايب والزلم تربي
مو سهلة عليه هاي يا يبني
............. ............…
تره جروحي چبيره هواي هدتني
واكبرهن يعمه غربتي ومتني
بموتي حسين ما مرني وسئل عني
ولا عباس شيّع هاي هضمتني
............. ............…
عجّل يابو صالح غيبتك طالت
وفراگك صعب والدنيا هم مالت
كلها بشيعتك يالمهدي هل عالت
عجل عمه واخذ بثارنه يبني
............. ............…

تمت بعون الزهراء (عليها السلام)
بقلم زينب الفياض
#ماجورين

https://www.tg-me.com/zainab_alfayaad

#العليلة
نعي يوم رابع مولاتي العليلة تتكلم مع مهد أخيها الرضيع
تقول:
وينه الغالي بيك الجان يغفه
ابو رسم الحلو وخدوده ترفه
وبشوفة عيونه روحي تشفه
•———•———•———•
اضل الوحدي اهنانه صعبه
موحش وبعيد هواي دربـــــه
يضل عطشان ماواحد يشربه
•———•———•———•
اضل اني اشم تالي بالهدوم
بفراگ اخيي زادت الهموم
حنيت اله كلــــــش الـــيــــوووم
•———•———•———•
حنيت ولا واحد لفاني
خويه تره فراك الاحبهم عماني
بعدكم ياهلي دمعي سبــــانــــي
•———•———•———•
سباني الدمع بفراگ الأحباب
يحن گلبي تره على الغياب
مايبرد حنيني وجرحي ما طاب
•———•———•———•
تمت بعون الزهراء عليها السلام
#زينب_الفياض

https://www.tg-me.com/zainab_alfayaad

بسم سيدة الصبر والعفاف مولاتي زينب..
لله الحمد سيصدر لي قريباً كتاب تُريدك أنتَ.






بعد صبرر 😭🥺

موفقة حبيبتي زينب خادمة الحوراء
دام الله ابداعكِ لـ ال محمد 🤍

ممتنه زهورتي

مبروك زنوبه من تفوق إلى تفوق ان شاء الله

الله يبارك بيكم عمري شمس

روح زينبٌ أنتَ
وماء عينها
ونبضٌ أصبحت
للحياةِ في قلبها
أتظمأُ الحوراء..؟
والعباسُ كافلها.!

-زينب الفياض.

#ديوان_المغسل_بدمِ_الجراح الجزء الثاني متوفر حالياً في:

محافظة الناصرية:

مكتبة نور الزهراء الحبوبي - مقابل بيت سيد راضي
07808201784
.
محافظة البصرة
مكتبة دار الزهراء بصره العشار استاذ احمد 07735651077 توجد خدمة توصيل
.
مكتبة الحكمه ابو عقيل 07709076591
.
مكتبة الدعاء العشار
استاذ حيدر
07709003077
.
الگرنه مكتبة الغدير الشيخ ابو احمد جبار لفته جامع الامام الرضا
07712668559
.
الزبير مكتبة ابو تيسير
07711719920

مكتبة احمد المدينة

.
محافظة بغداد:

مدينة الصدر سوق الگياره مكتبة الغدير 07711395580

#ساروعوااا بالحجز