قصيدة للنزول بعنوان (طبوا كربله)
تقرأ بطور (ظل بكربله محتار) و بأطوار أخرى

طبوا كربله هليوم حسين وكل اهاليته
نصبوها الخيام وغاد يحترگن بأهل بيته
•———•———•———•
يحترگن خيام حسين وزينب تجذب الونه
وأطفاله تصيح عليه بويه النار لاحتنه
والنسوان محتارات ها يحسين ألحگنه
مايكدر يكوم حسين وزادت حيل آهاته
•———•———•———•
زاد هواي هم حسين وطاحن منه دمعاته
مثل طيحة جبل ع الگاع محد حمل وناته
ينظر ساعة عل الأخوان وساعة على ابنياته
يشوف السوط على النسوان ويتعثرن احجاياته
•———•———•———•
زينب تصعد اعله التل تنادي خويه اسمعني
اذا عايش جنت ياخوي گوم ابساع ادركني
واذا ميت جنت يحسين اللهي فدوه صبرني
من بعيد و آنه هنا وصلن ليه وناته
•———•———•———•
وبعد هواي يجري عليه من احداث هالغالي
تشوف الحره هلأحداث والراس برمح عالي
وتمشي من دِيار الآه لديار السبي تالي
هي وكل البنيات و يه باقي زوجاته
•———•———•———•
زينب تنسبي يا حيف والنسوان وياها
ما عدها ولي ولا حَيد فوگ الغبره ولياها
راس حسين فوگ نشال كل الحرم بچاها
ولو وحده تصيح حسين يذكروها بلچماته
•———•———•———•
لخادمات العليلة وأبيها
ضُحى سالم و زينب الفياض.
#النزول
#حصرياً
#زينب_الفياض

https://www.tg-me.com/zainab_alfayaad

فزاعية لمسلم بن عقيل بعنوان (ما واحد حضر يمه)

مسلم من وگع ع الگاع
ما واحد حضر يمه
•———•———•———•
ما واحد وگف وياه
ظل وحيد بين اعداه
محتار الزمن خلاه
باله يم ابن عمه
•———•———•———•
يريد يروح يم حسين
غريب وظل يدير العين
ياروحي ابد لتهمين
ظعن الغالي كل همه
•———•———•———•
يهم بحسين واطفاله
ومحد من وگع شاله
ضلت عينه هماله
ورادت بالبچي تعمه
•———•———•———•
ما واحد برز دونه
وضلت حايره عيونه
يا وسفة يكتلونه
ومحد يفزع بهمه
•———•———•———•
حميده ظلت وحيده
و ديرتهم ترى بعيده
گلي الگلب شيهيده
كلساع انلچم لجمه
•———•———•———•
لخادمات العليلة وأبيها
ضُحى سالم و زينب الفياض.
#مسلم
#حصرياً
#زينب_الفياض

https://www.tg-me.com/zainab_alfayaad

قصيدة لمسلم بن عقيل بعنوان (مثل النجم)

مسلم صفه مثل الجرح ... كل الكلام يلجمه
و جرح الگلب ما يلتئم....جيت الضعن كل همه
•———•———•———•
مسلم تضل لوحدك والديره ديره غربه
وال أمنت بيهم فلا واحد يحب من گلبه
بس بالحچي و وكت الصدگ كلمن يروح بدربه
والكوفة صحبتهم دغش تنعاف وكت النقمه
•———•———•———•
تدخل الكوفة وتنغدر وكل الخلگ تتبره
والناس تتسابگ لچن كلمن يجيك بشره
وانت تضل لوحدك والگوم الك متوزره
التمت عليك اهل الكفر والشر اجت بمهمه
•———•———•———•
يا حيف تبقى الوحدك والله والف يا وسفه
وجر دليلك والعطش ما عنده رحمة ورئفه
تمنيت ابو فاضل يجي ويگلب الكوفة بچفه
تدري بأبن عمك شهم كل الزلم متهمه
•———•———•———•
مسلم اصيل وما عرف فد يوم معنى الذله
والموت ويه حسين اله مرهم يطيب العله
ينشمر من فوگ القصر هالوگعه ابد مو سهله
مسلم هوى مثل النجم والكوفة صارت ظلمة

•———•———•———•
لخادمات العليلة وأبيها
ضُحى سالم و زينب الفياض.
#مسلم
#حصرياً
#زينب_الفياض

https://www.tg-me.com/zainab_alfayaad

قصيدة لمسلم بن عقيل



وصلوا هلخبر لحسين..مسلم طاح بالكوفه
من أعلى القصر ذبوه... والايدين مچتوفه
———————— .
طاح من القصر ويلاه ... ومحد حارب بسده
لا يمه اخو وياه ... وكل هاي الزلم ضده
ما بيهم رحم هلناس ... وظل يحارب الوحده
اه اعلى مسلم اهات ... كلش طيحته كلفه
———————— .
ظل يبجي على المظلوم ... موش الحاله وجروحه
يوصيمن على الحسين ... الفاگد تنسبي روحه
يبقى مثل ابن عمه ... جثه فقط مطروحه
يواسي بموتته الحسين ... مذبوح هم من الگفه
———————— .
من فوك القصر يرموه ... وكعت جثته بلكاع
وسفه ماحضرله حسين ... لاعباس اجاه ابساع
يشوفوا مسلم المهيوب ... خانت بيهم الاتباع
ابن عمك يبو السجاد ... بلكوفه نغدر وسفه
———————— .
بلكوفه انغدر مسلم ... ولعدوان حاطته
حار وحيرة حيرة ... وطوعه الحره حيته
كلتله هلا ونعمين ... و بالماي هي ضيفته
حيته بكرم واخلاص ... طوعه اتخدمه ابلهفه
———————— .
تمت بعون الله وبركات الزهراء
بقلم خادمات الحُسين (ع)
#زينب_الفياض والعلوية ام عباس البطاط
تحت أشراف تجمع خادمات الذبيح
#مسلم_بن عقيل
https://www.tg-me.com/huusin_313

قصيدة لسان حال الامام الحسين (ع) عن مسلم بن عقيل


وصل يا هوى لمسلم سلامي
حيل اشتاگ اله گلبي وهيامي
—————————-
انه حنيت لأبن عمي الصعب فرگاه
اريدنك تشمه بنحره من تلگاه
تره روحي جزت كلشي فقط طرواه
تالي ينذبح مثلي ويظل ظامي
—————————-
عطشان السبع بالكوفه متـعيني
هذا اليوم كلش حزني سابيني
بنيته گبالي تنشد حيل تاذيني
آه يا مسلم عليكم كبر همي
—————————-
كبر همي من اشوف اطفالك گبالي
انظر للسمه وانخه العلي العالي
حته الطير ظل ينعه على حالي
ياريتك تمر بيه لو بحلمي
—————————-
ياريتك تمر بيه وتشوف الحال
علخدين تجري دمعات الدلال
و على حالك يبن عمي انشده البال
ومن اشوف ايتامك تزيد الآمي
—————————-
يتباجون ظلو اولاد الحنين
فكدك ياخويه عماها العين
غدروك الكوم و مالك معين
حميده تنوح وتكول ظلمة ايامي
—————————-
حميده تنوح يا مسلم تعال ليها
بعد منهو ابنيتك يباريها
تعال ومر طيف وسير اعليها
شوفتك دوانه يا ابن عمي
—————————-

تمت بعونه تعالى
بقلم خادمات الحسين
#زينب_الفياض و #حوراء_الكناني
تحت إشراف تجمع خادمات الذبيح
#مسلم_بن عقيل
https://www.tg-me.com/huusin_313

قصيدة لأولاد مسلم على طور الميمر
بعنوان (ما من خبر)
فرفحت بالهيمه فگدت ويلادي
ما من خبر منهم يبرد افادي
•———•———•———•
مامن خبر يلفي وتهود روحي
اثنيناتهم من مشوا زيدوا نوحي
وليداتي صاروا سبب كل جروحي
ضاعوا و ما ظل هم عليّ ما سادي
•———•———•———•
ضيعت طفلين وبقيت اتعذب
مامش خبر يطفي دليلي اليلهب
و الخوف يلتم من يچل المغرب
و ما ادري وين بهيمه لو بالوادي
•———•———•———•
جابوا خبر منكم واجيت اتعثر
من سمعت طاريكم شلون اتصبر
گالولي مكتولين بديار الشر
ارض المسيب وين ها يالحادي
•———•———•———•
سل سيفه ما رفن برحمة عيونه
محمد و اخيه بقوا يتوّسلونه
كلمن يگله اذبحني آنه بدونه
وخليني اروح بگرب جدنا الهادي
•———•———•———•
لخادمات العليلة وأبيها
ضُحى سالم و زينب الفياض.
#اولاد_مسلم
#حصرياً
#زينب_الفياض

https://www.tg-me.com/zainab_alfayaad

نعي لأولاد مسلم

اولاد اثنين بالطف ضيعتهم
بكل خيام اهلنا دورتهم
من هجمت الخيل آنه افگدتهم
•———•———•———•
من ضاعوا طفت شمعة زماني
وفگدهم حيل والله عذباني
ضلت عيني تربيهم واتاني
•———•———•———•
اتنطر اولادي عليه يلفون
اذا چل الظلام تحير العيون
مدري بيا خرابة وبيت يغفون
•———•———•———•
اخاف من العدة بيهم يغدرون
هلبت من يجوني الهم يشيلون
بشوفتهم الحلوه نكحل العيون
•———•———•———•
اخافن عليهم و بس لا نسوني
افگدت فكري ترى بيوم السبوني
من راحوا بروحتهم عموني
•———•———•———•
ادعيك ياربي لحضني ردهم
حته لو خبر يوصلني منهم
اخذ من عمري وطول عمرهم
•———•———•———•
لخادمات العليلة وأبيها
ضُحى سالم و زينب الفياض.
#اولاد_مسلم
#حصرياً
#زينب_الفياض

https://www.tg-me.com/zainab_alfayaad

قصيدة للأمام العباس (ع) لسان حال ابا عبدالله الحسين (ع) بعنوان (مسافاتي)

حينما سمع الإمام الحسين(ع) صوت أخيه ابا الفضل العباس(ع) وهو ينادي ادركني اخي يا حسين
فذهب الحسين مسرعاً الى مصرع العباس(ع) فيقول:

مدري الزمان الطال مدري مسافاتي
عيني على اخوي الطاح وعيني على اخياتي
•———•———•———•
كل خطوة حسبة عام نحو الشريعة
مو هو احس يا ناس روحي الصريعة
وسفة سهمهم صاب عينه الوسيعة
ومن طفه عينه وياه طفة حياتي
•———•———•———•
طال الدرب والحيل باد وگصدته
وعيونه من بعيد تربيلي شفته
صاحالي خويه وجيت اركض شبگته
كال العطش يا خوي نشف لهاتي
•———•———•———•
للمشرعة من امشيت صعبة عليه
وشفت الكفيل يلوج بأيد المنيه
مديت اديه وصاح مگطوعه اديه
اگعد ترى فرگاك ساعة مماتي
•———•———•———•
يا خويه رد وياي واحمل علمنه
فگدك يبعد الروح كلش هضمنه
ترضاها ارد وتشوف دمك حرمنه
وترضه العده يضربون عگبك بناتي
•———•———•———•
بدونك اذا رديت زينب شگلها
كلش كلف يا خوي فگد الكفلها
تدري بسكتك هاي يثگل حملها
ياذي فگد عباس وياذنها لجماتي
•———•———•———•
موتك صعب يا خوي يكسرلي ظهري
و متنطرة هاي الناس يعذبني دهري
حيلي خلص بجفاك يا روحي اصبري
ترضه العده يسمعون تتعاله وناتي
•———•———•———•
لخادمات العليلة وأبيها
ضُحى سالم و زينب الفياض.
#الامام_العباس
#حصرياً
#زينب_الفياض

https://www.tg-me.com/zainab_alfayaad

#من_ديوان_المغسل_بدم_الجراح_الجزء_الاول

قصيدة نزال حماسية ومفاخرة بحق أبا الفضل العباس (ع)

من نزل عباس كالوله علي
هذا ابن الحيد ابن اعظم ولي
•———•———•———•
هذا سبع الگنطره ونعم الاصل
تراجفو كل المجامع من نزل
مايخلي اي بشر منهم يضل
خلهم يظنون حاربهم علي
•———•———•———•
سيفه يكطع لا تظن يبقى امل
ولا تفكر بالحصل والما حصل
بصوت منه يروح من عدهم نسل
راسه مثل الغيم كلش عالي
•———•———•———•
من يمر اسمه يمر بيهم رعد
يعاين على الجيش شو بعضه شرد
والبعض منه بمكانه شو جمد
اباوع من ابعيد ينظر حالي
•———•———•———•
واحد من الجيش بالقتله يعد
عافه نصه وكال هواي العدد
لابو فاضل الحرب هيه بعد
كاتب بعينه الحسين الغالي
•———•———•———•
من لگو لحسين بعين السبع
ضربو العين بسهم وسط الدمع
وضلن عيون الشهم اكثرر تشع
ظنوا يقتلون ابن الوالي
•———•———•———•
لخادمات العليلة وأبيها
ضُحى سالم و زينب الفياض.
#العباس
#حصرياً
#زينب_الفياض

https://www.tg-me.com/zainab_alfayaad

#من_ديوان_المغسل_بدم_الجراح_الجزء_الاول


قصيدة بعنوان (من چلچل الليل) لسان حال مولاتنا زينب (عليها السلام ) بعد يوم العاشر حينما ذهبت لأبا الفضل العباس(عليه السلام ) تقول:

من چلچل الليل و گصدت المصرع
وشفت اخوي اوصال جسمه مگطع
من چلچل الليل
•———•———•———•
وصلت المشرعة لعباس اشوفنه
وعثر جدمي بجفه و خابت الظنه
ما ممكن عدل وياي اردنه
ما اظن بعد وياي اخيي يرجع
•———•———•———•
شفت عباس دمه على الوجن سايل
ومن حر الشمس وجه الحلو ذابل
وبعينه السهم متربع ومايل
والراس مطبور ودليلي تصدع
•———•———•———•
حاچيته وگلتله يا ضوه عيوني
من غمضت عينك خابت ظنوني
الگوم اگصد لعندك ما يخلوني
وضليت انا بطرگ البچي والمدمع
•———•———•———•
شاغت روحي لمن شفت چفينك
وراسك دمه يصب والنبله الي بعينك
ليش على الشريعة ناذر اسنينك
مو وكت هالنومه صحت خويه اسمع
•———•———•———•
اصيح و ما ترد لي ليش يالغالي
صوابك صوبالي وياك دلالي
بفراگك صفه كلش صعب حالي
يا بعد گلب اختك الي گوم افزع
•———•———•———•
لخادمات العليلة وأبيها
ضُحى سالم و زينب الفياض.
#العباس
#حصرياً
#ضحى_سالم
#زينب_الفياض

https://www.tg-me.com/zainab_alfayaad

فزاعية للقاسم (ع) بعنوان (انه امك)

انه امك يالولد وارباي اريدنه
•———•———•———•
يا جسام يوليدي يالمچنه
خاف الموت يمه عليك يتدنه
جرحك يالولد صعبه من اشوفنه
گلي منين ياذيك ارد اضمدنه
•———•———•———•
حاجيني ييمه وسكت جروحي
والله عليك ابد ما بطلت نوحي
لو تندار جان افديلك بروحي
وكتي على الاوحيد ليش لاحگنه
•———•———•———•
اكعد يا وليدي ولا تخليني
دمعي عليك يا جسام يعميني
موتك يالشباب هواي ياذيني
ومصابك يبعد الحيل يوجعنه
•———•———•———•
ما اكدر على افراگك يضي عيني
يا تعب العمر يا لهفة اسنيني
يمه كلمة وحده اكعد و حاجيني
يمه بموتتك گلبي يحرگونه
•———•———•———•
بنار الخيم يوليدي يحرگونه
وتسبينه العده والگوم يولونه
نغفه بالخرايب لمن يسبونه
بنص السوگ ترضاها يمشونه
وبالسياط العده يبني يضربونه

لخادمات العليلة وأبيها
ضُحى سالم و زينب الفياض.
#القاسم
#حصرياً
#ضحى_سالم
#زينب_الفياض

https://www.tg-me.com/zainab_alfayaad

نعي للقاسم (ع)

يجسام روح مودع الله وياك
ادري الموت گام يحوم يبني احذاك
روحي والعمر كلهن ييمه فداك
بس كونك سالم تلفيني
يوليدي انت ويا ضي عيني
•———•———•———•
يمه روح واقراها الوصيه
و انطي عمرك لعمك هديه
وحتى لو بدمك تلفي ليه
لا تترك عمك لوحيده
مكسور و مذبوح عضيدة
•———•———•———•
انه الوالده الأنطت أبنها
والمصايب چثيرة و دولبنها
من راح الابن زيد حزنها
ردت بأيده يهيل ترابي
يبني صوابك ريته صوابي
•———•———•———•
رف الجفن يمه وحزنت الروح
لن الولد ردالي مذبوح
منين احضنه وكله اجروح
مجروح ومصيوبه الهامه
وزادت وناته من آلامه

لخادمات العليلة وأبيها
ضُحى سالم و زينب الفياض.
#القاسم
#حصرياً
#ضحى_سالم
#زينب_الفياض

https://www.tg-me.com/zainab_alfayaad

هوسات للقاسم (ع)

جاسم من نزل للمعركه يقاتل
خله الگوم ترجف والسبع خاتل
صاحوا صوت يمكن رد ابو فاضل
(يهابونه /// وجيوش الگوم)
•———•———•———•
هذا ابن الحسن كلهم يهابونه
نص الجيش مات بخزرة عيونه
گال لعمي اريد افدي العمر دونه
( من دونه /// ماريد الدنيه)
•———•———•———•

گال افدي الحُسين بروحي وعمري
بدون ابن الزچية ما ردت دهري
لمن بگه لوحده خلص كل صبري
(وماريده /// هلعمر بدونه)
•———•———•———•
ماريد حياتي بدون عمي حسين
يستاهل مثل عباس انطي العين
واكل لعمتي زينب ابد لا تبجين
( والقاسم // يفديج بروحه)


لخادمات العليلة وأبيها
ضُحى سالم و زينب الفياض.
#القاسم
#حصرياً
#ضحى_سالم
#زينب_الفياض

https://www.tg-me.com/zainab_alfayaad

..💔

كتاب " تُريدكَ أنتَ "احد إصدارات فريق المُشتَبك
قريباً في #معرض_بغداد_الدولي_لكتاب عند دار العصر

▪️من تاريخ
١٢/٩/٢٠٢٤ الى ٩-٢٢


🔹Instagram

فؤادُ العسكريِّ شكَا السُّموما
فكانَ مصابُهُ الريحَ السَّمومَا

عجيبٌ! هلْ تنامُ لنا عيونٌ
وصاحبُ عصرِنا أمسى يتيما !


-علي عسيلي العاملي

يعني معقوله قنوات الفسق والفجور اعداد اعضائها بالملايين... وقناة القرآن ما تجاوز ال 12K
هذا اكبر دليل على ان اهل الدنيا اضعاف اضعاف اهل الاخرة
على العموم ان ادعوا اهل الاخرة فقط للانضمام الى قناتي على الرابط التالي👇🏽👇🏽
https://www.tg-me.com/Tdper/7644

عندما يكون القائد خادما للناس مضحيا لاجلهم، متواضعا بينهم، حكيما، مخلصا، شجاعا،مسؤولا، مطلقا للدنيا وزخارفها، محاسبا لنفسه... فتفتديه الناس بعيونها وبانفسها وباولادها وبكل ما تملك

https://www.tg-me.com/Tdper/6873

🙏🏻 فضلاً ؛ ساهم بالنشر 👍🏻🌷

*نرجو قراءة هذا الدعاء وإرساله لكل الأسماء الموجودة لديكم فهو مؤثر جدا لهلاك العدو وهو لمرة واحدة فقط ...*

*بسم الله الرحمن الرحيم*
*أللهمَّ شتِّت شمل اليهود وفرِّق جمعهم واقذف الرُّعب في قلوبهم والهلع والخوف في نفوسهم واضربهم ببعض وحيّرهم وغيّرهم وضلِّلهم واجعل نيرانهم ترتدَّ إليهم وفرِّط تدبيرهم وخرِّب بنيانهم ودكَّ حصونهم وبدِّل أحوالهم وقرِّب آجالهم واقطع أعمارهم واشغلهم بأبدانهم وخذهم أخذَ عزيزٍ مُقتدِر وأرسل عليهم طيراً أبابيل وارمهم بحجارةِ من سجّيل واجعلهم كعصفٍ مأكول ياقهّار يا قهًار يا قهّار يا جبّار يا جبّار يا جبّار إنتقم منهم أشد إنتقام بحق محمد وآل محمد*
*اللهم صل على محمد وآل محمد*

⚠️الرجاء إرسالها إلى جميع من عندك وﻻ تجعلها تتوقف عندك ً. ً. ً *شبابنا بأمانة موسى ابن جعفر*